ANG EPEKTO NG UNLIMITED TEXTING SA STUDY HABITS NG MGA MAG-AARAL SA UNANG TAON NG PAG-IINHINYERO SA ELEKTRONIKO AT KOMUNIKASYON

SA POLITEKNIKONG UNIBERSIDAD NG PILIPINAS- MAYNILA

Iniharap saKAGAWARAN NG FILIPINOHIYA

KOLEHIYO NG WIKA AT MGA LINGGWISTIKAPOLITEKNIKONG UNIBERSIDAD NG PILIPINAS- MAYNILAIKALAWANG SEMESTRE, TAONG PANURUAN 2009-2010

BILANG KATUPARAN SA KAHINGIAN SAKURSONG PAGBASA AT PAGSULAT TUNGO SA PANANALIKSIK

SA ILALIM NIG. WILBERT M. LAMARCA

NINA:

BERNARDO, JENALYN R.DE LOS REYES, MARK ANDREW T.

DELA CRUZ, RAMONITO L.LACASANDILE JR., ROMEO S.

MENDOZA, CHARLES DAVID C.PEREZ, GABRIEL S.

SILVANO, CHRISTIAN JAY O.TAPEL, ADRIANE MAE G.

VILLALOBOS, CRYSTAL R.YAP, BERNARD F.

(BS ECE I-3)

MARSO, 2010

NILALAMAN

PASASALAMAT

KABANATA I

PANIMULA

KAPALIGIRANG KASAYSAYAN

TEORETIKAL NA BALANGKAS

KONSEPTWAL NA BALANGKAS

PAGLALAHAD NG SULIRANIN

HAYPOTESIS

KAHALAGAHAN NG PAG-AARAL

SAKLAW AT LIMITASYON

KATUTURAN O KAHULUGAN NG MGA SALITANG GINAMIT

KABANATA II

BANYAGANG LITERATURA

BANYAGANG PAG-AARAL

LOKAL NA LITERATURA

LOKAL NA PAG-AARAL

KABANATA III

PAMAMARAANG GINAMIT

RESPONDENTE NG PAG-AARAL

PANGANGALAP NG DATOS

URI NG ESTADISTIKA

Panimula

Naging bahagi na ng tipikal na araw-araw na pamumuhay ng isang Pilipino ang

paggamit ng mobile o cellular phone. Hindi man lahat, ngunit masasabi na sa bawat

pamilyang Pilipino ay mayroon nito. Mula kay bunso, kay ate at kuya, kay ina at ama,

maging sina lolo at lola, may dunong sa paggamit ng cellphone. Kung iisipin, maari

nang isama ang pagkakaroon ng cellphone bilang isang pangangailangan.

Ayon sa pag-aaral, nakakapag-“send” ang isang Pilipino ng 12-15 text messages

sa isang araw. Kung susumahin, 400 milyon kada araw ang naipapadala ng lahat ng

Pilipino. Kung piso ang bayad sa bawat mensaheng ipinapadala, aabot sa P15 kada

araw ang ilalaan ng mga Pilipino para sa load at P450 naman para sa isang buwan.

Ipinakilala ng mga “Telecommunication Companies” ang tinatawag nilang

“Unlimited Promos,” walang hanggang pagpapadala “Short Message Receive” o “SMS”

sa loob ng itinakdang oras, upang bawasan ang bigat na dinadala ng mga Pilipino. Sa

kakaunting halaga ay maari ng magpadala ng text message sa isang minamahal na

walang inaala ukol sa pagkaubos ng load. Sa Unlimited Offers na ito, hindi natin

maipagkakaila na lumago ang maraming “TelComs” at napadali ang komunikasyon sa

bansa. Ngunit, tunay bang nakinabang ang Unlimited Offers kay Juan?

Sa paglabas ng mga Unlimited Offers, hindi natin napansin ang masamang mga

bunga nito. Hindi natin namamalayan na pati pala tayo ay nabiktima na nito. Hindi

mabilang ang patuloy na tumataas na bilang ng mga “Text Maniac” o “Text Addict”

particular na sa ating mga mag-aaral.

Sa pananaliksik na ito ay bibigyang-diin ang mga Unlimited Offers. Susuriin kung

paano nakabubuti at nakasasama ang lubhang pagtetext sa mga mag-aaral. Hahanap

ng mga kasagutan ukol sa pagkalulong ng mga mag-aaral sa unlimited offers. Ipapakita

ang mga di kanais-nais na dulot ng mga promos na ito. Susubukang lutasin ang patuloy

na pagbaba ng marka at kalidad ng edukasyon ng mga mag-aaral.

Kaligirang Kasaysayan

On onset of SMS services in the Philippines, GSM networks Islacom and

Globe Telecom gave unlimited SMS services for 150 pesos a month until 2001.

Because the service is affordable, and GSM service is starting to pick up on other

countries, the Philippines became known as the ‘text capital of the world’. SMS traffic

has fast become a burden on these networks thus, they sought to charge subscribers 1

pesos per SMS. Public outrage soon followed leading to establishment of activist

groups, nevertheless, the public are able to cope up with the costs. ‘Presently each

mobile phone user in the Philippines is sending out at least 10 text messages a day

compared to about 3 text messages per user in the United Kingdom. About one Filipino

in two is a subscriber to a mobile phone services.

At the end of 2007 four of the top mobile phone service providers in the country

stated there are 42.78 million mobile phone subscribers in the Philippines.

Ang positibong epekto ng cellphone sa lipunang Filipino ay makikita bilang

isang pangangailangan. Sinasabing ito ay isang pangangailangan ng mga Filipino dahil

ito ay nagsisilbing tulay sa pagkakalapit-lapit ng mga magkakapamilya, magkakaibigan,

magkakakilala at sa mga taong hindi magkakilala dati at ngayon ay magkakilala na dahil

sa pagiging textmates lamang. Isang tawag o text lamang ay napapalapit ang isang

taong nasa malayong lugar

    Ang cellphone din ay madalas gamitin sa texting. Kung paanong sa

texting mas nagiging malaya ang isang tao sa paggamit ng wika at pagbaybay ng mga

salita. Ngunit may mga pananaw ang ilan sa mga negatibong epekto ng pagtetext gaya

ng pagkakalat ng mga hindi totoong balita, mga tsismis at iba pa. Subalit, kung

gagamitin sa mabuti at sa tamang paraan ang paggamit ng cellphone, hindi

magkakaroon ng masamang epekto ito. Dapat isipin ng mga taong may cellphone kung

ang ginagawa ba nila ay nakatutulong sa kanila at kung hindi naman ay huwag na

gumamit ng cellphone. 

         Hindi maipagkakaila na malaki na ang ginagampanang papel ng

cellphone ngayon sa lipunang Filipino. Sa katanuyan, ito na rin ay isang

pangangailangan ng tao. Pinabibilis ng cellphone ang komunikasyon at dahil sa mga

"features" nito mas pinadadali nito ang ibang gawain.

‘Onli in da Pilipins’.Ang Pilipinas ang sinasabing "Text Capital" ng mundo

ngayon. Walang duda sapagkat lahat ng buhay ng mga mamamayan nito ay

naimpluwensyahan na ng makamandag na impluwensya ng cellphone: ang text

messaging. Halos lahat ay may cellphone. Mula sa mga bata pati na rin sa mga

matatanda. Walang imposible sapagkat lahat ay may kakayahang magkaroon ng

cellphone; mapa-mayaman man o kahit ang mga taga-squatters ay mayroon nito. At

dahil na rin sa sobrang pagka-indemand ng cellphone nauso ang kaliwa't kanang pa-

promo ng mga networking companies tungkol sa mga abo't kayang load na pasado

naman sa panlasa ng mga masa. Sino ba naman ang ayaw ng unlimited load na

napakamura? Kaysa naman noon na napakamahal ng prepaid card, ngayon ay tingi na

lamang ang pagbili ng load. Napakagaling talagang rumaket ng mga Pilipino.

Napakalawak na ng sakop na kaisipang dulot ng texting sa ating mga

Pilipino.Malayo na ang narating ng ating mga mensahe sa pamamagitan ng text. Halos

lahat ay nagtetext sa loob ng isang araw. Napakalakas ng loob nating mag-aksaya ng

load kaya tayo ang tinanghal na may pinakamaraming nakokonsumong load sa

pagtetext sa loob lamang ng isang araw.Kahit magdamang pakikipagtext sa mga taong

kasa-kasama lang natin kanina, pati na rin sa mga taong hindi man lang natin kakilala

ay kaya nating pagtiyagaan.

Balangkas Teoretikal

Higit na mas malaki ang bilang ng naipadadalang mensahe ng isang indibidwal

na naka-register sa Unlimited Promo kaysa sa hindi. Sukat at nakaayon kasi sa badyet

ang ginagawang pagtetext ng isang indibidwal na hindi nakaregister sa Unlimited

Promo, samantalang walang pag-aalala sa load ang naka-register sa Unlimited Promo.

Napakalaki rin ng pagkakaiba sa oras na inilalaan ng naka-register sa Unlimited

Promo kumpara dun sa hindi. Malaki ang oras na iginugugol ng naka-register sa

Unlimited Promo sa pagtetext kaysa sa pag-aaral. Kabaligtaran naman sa hindi naka-

register sa Unlimited Promo, mas pinagtutuonan niya ng pansin ang pag-aaral kaysa sa

pagtetext. Hindi makapagpokus sa mga aralin ang indibidwal na naka-register sa

Unlimited Promo, dahil lagi itong may hinihintay na mensahe.

Kitang-kita rin ang pagkakalayo ng mag-aaral na nakapaghanda isang araw

bago ang exam kung ihahambing sa isang mag-aaral na pagtetext ang ginawang

preparasyon. Higit na nakalalamang ang mag-aaral na nakapaghanda sa exam kaysa

sa isang naka-register sa Unlimited Promo. Aktibo at mahusay ang ipinapakita ng isang

mag-aaral na naglalaan ng oras sa mga aralin. Matamlay at di kanais-nais naman ang

makikita sa indibidwal na walang paghahanda dahil naka-register sa Unlimited Promo.

Balangkas Konseptwal

Dami ng mensaheng naipadadala sa isang araw

Oras na inilalaan sa pagtetext

Oras na inilalaan sa pagaaral

Marka sa Pagsusulit

Mag – aaral na hindi naka-register sa Unlimited Promo.

30 pababa 1 oras 4 oras 1.0

Mag – aaral na naka-register sa Unlimited Promo. 300 pataas 4 oras 1 oras 3.0

Paglalahad ng Suliranin

Kasabay ng pag-aaral at paggawa ng mga aralin ay hindi talaga mawawala sa

mga estudyante ang pagkahilig sa mga Unlimited promos. Sa palagay nila ay mas

makakatipid sila ng malaki sa promo na ito. Hindi nila napapansin na dahil sa pagkahilig

nila sa ganitong mga promo ay maaring mawala ang interes nila sa kanilang pag-aaral.

Mas uunahin nilang atupagin ang pagtetext kaysa gumawa ng takdang-aralin. Isang

tunog lang ng kanilang cellphone, nawawala agad ang pokus nila sa paggawa ng

proyekto.

Aktibo at mahusay ang “performance” na ipinapakita ng mga mag-aaral na may

konsentrasyon sa pag-aaral. Hindi naman kasiya-siya ang ipinapamalas ng mga mag-

aaral na sa pagtetext nahuhumaling. Patuloy na bababa ang kanilang interes kung hindi

mapuputol ang kanilang bisyo sa pagtetext. Makikita sa isang mag – aaral na laging

naka-register sa Unlimited Promo ang nakakaalarmang pagbaba ng kaniyang marka.

Hindi nakakapaglaan ng sapat na oras sa pag-aaral ang mag – aaral na naka-register

sa Unlimited Promo dahil hindi niya mabitiwan ang hawak na cellphone.

Nagiging daan din ang masidhing hangarin sa pagpaparegister sa Unlimited

Promos upang magsinungaling ang mga mag-aaral. Minsan ay higit sa kinakaiangan

ang hinihingi sa magulang upang may ipang-register sa Unlimited Promo.

Haypotesis

Napadali man ang komunikasyon sa bansa, hindi maitatanggi na maramai rin

ang napasama dahil sa mga Unlimited Offers. Sa halip na makinabang ay maraming

mga hindi kanais-nais na bagay ang sa atin ay bumulaga.

Kahalagahan ng Pag-aaral

Mahalagang pag-aralan ang epekto ng mga Unlimited promos sa study habits

ng mga estudyante upang maibalik ang interes ng mga estudyante sa pag-aaral. Sa

pamamagitan ng pananaliksik na ito, malalaman natin kung bakit nahuhumaling ang

mga mag-aaral sa Unlimited texting. Magkakaroon tayo ng ideya kung paano tutuldukan

ang pagkalulong sa pagtetext.

Ipapaalam ng pananaliksik na ito ang hindi magandang dulot ng “Unlmited

promos” pag inabuso. Maaring makaiwas sa pagbagsak o sa pagbaba ng marka ang

mga mag-aaral na makakabasa nito. Maaring makatulong sa pagpapaunlad ng

konsentrasyon at ng Study habits ang reiserts na ito.

Maipapakita rin ng pag-aaral na ito ang atityud ng mga mag-aaral sa pag-aaral.

Ipapakita nito ang determinasyon ng mag-aaral, kung gugustuhin ba niya ang mag-aral,

gumawa ng takdang-aralin at proyekto o humiga na lang maghapon sa kama,

magrehistro ng load at magtext na lamang maghapon. Maari din nating malaman kung

gaano kadami ang mga kumukunsumo ng mga ganitong promo at kung gaano kalaki

ang nagagastos nila dahil lang sa pagpapaload.

Saklaw at Limitasyon

Nakapokus ang pananaliksik na ito sa Mga Epekto ng Unlimited Promos sa

Study Habits ng mga Mag-aaral ng Unang Taon ng BSECE sa Politeknikong

Unibersidad ng Pilipinas-- Sta. Mesa, Maynila.

Tutukuyin ng pag-aaral ang mga mabubuti at masasamang dulot nito sa mga

mag-aaral. Aalamin kung bakit nagparegister sa Promo ang mag-aaral at kung paano

nahuhumaling ang mga mag-aaral sa pagtetext. Bibigyang- linaw kung ano ang

nilalaman ng kanilang mensahe at kung kanino ito ipapadala.

Ilalahad din kung magkano ang inilalaang badyet ng mga mag-aaral para sa

kanilang load. Ipapakita ang masamang epekto ng pagkalulong dito sa pamamagitan ng

pagbabasa at t riserts at sa tulong ng resulta ng sarbey.

Katuturan o Kahulugan ng Salitang Ginamit

Mobile phone o Cellular Phone – elektroniko at karaniwang gamit upang

mapadali ang komunikasyon sa pamamagitan ng mga cell sites.

Unlimited Promos – nangangahulugan ang “Unlimited” na walang hanggan. ito

ay maaaring walang hanngang pagtext o pagtawag. Maraming Unlimited Promos ang

maaaring pagpilian, depende sa iyong Network. Naka-depende rin ang itatagal ng

Unlimited service sa halaga na iyong ini-register.

Register – ang prosesong kinakailangan upang makapasimula sa paggamit ng

Unlimited promo. Ito ay ginagamitan ng “special keyword” na ipinapadala sa Network.

Short Message Received (SMS) - is a communication service component of

the GSM mobile communication system, using standardized communications protocols.

Ito ang nagpapahintulot ng palitan ng mga mensahe sa pagitan ng dalawang

mobile phone.

TeleCommunication – pagpadala ng “signals” upang magkaroon ng

komunikaksyon kahit na sa malayo.

Study Habits – pagbibigay ng konsentrasyon at pokus sa pag-aaral. Ito ay

nangangahulugang paglalaan ng sarili sa pag-aaral upang matuto.

KABANATA II – MGA KAUGNAY NA LITERATURA AT PAG-AARAL

BANYAGANG LITERATURA

Maniniwala ka ba kung sasabihing text ang lahat ng nakikita mo ngayon at pati na rin

ang hindi mo nakikita? Text ang nanay mo, mga kaibigan at kaaway mo, text ang lahat

ng taong may koneksiyon man o walang koneksiyon sa iyo. Lahat ng edipisyong nakita

mo sa tanang buhay mo, mga artistang pinanonood mo, mga kantang pinakikinggan o

kinakanta mo mismo, mga kuwento at tsismis na naririnig at ipinapasa mo, text pa rin.

Pati ikaw text. Text din ako na kasalukuyan mong binabasa. Text ang lipunan.

Samakatwid, text ang buong mundo at lahat ng nasa ibabaw nito. Paanong nangyari

ito?

Nagmula ang salitang text sa wikang Pranses na texte at sa wikang Latin na textus na

tumutukoy sa tissue, estruktura at konteksto ng isang bagay. Habang ang pormang

pandiwa nito na textere ay nangangahulugang maghabi, maghubog o magbuo. Sa

teknikal namang paggamit ng salitang textus at texte, tumutukoy ito sa nilalaman ng

anumang nailimbag at naisulat at ang porma ng anumang sinusulat o binibigkas.

Samakatwid, hindi lang tumutukoy ang salitang text sa lahat ng kahulugang bitbit ng

mga salita, senyas at simbolo kundi pati rin sa proseso ng pagbubuo at paghahabi ng

kahulugan para sa mga ito. Paano nga ba nagiging makabuluhan ang iyong

engkuwentro sa mga bagay, lugar at tao? Hindi ba’t sa proseso rin ng paghahabi at

pagbubuo ng mga kahulugan ukol sa mga ito? Kung gayon, bumubuo ka ng

pagkakaunawa sa pamamagitan ng text.

Kumakatawan sa interbensiyon ng tao na lumikha ng saysay sa pangaraw-araw na

buhay ang salitang text.

Sapagkat angkin natin ang kakanyahang maghabi ng kahulugan sa pamamagitan ng

pakikisangkot sa buhay ng ibang tao sa lipunan, nagagawa nating makabuluhan ang

ating karanasan. Nangangahulugan na sa ating pagdanas sa buhay, lagi’t lagi tayong

nagbabasa ng sitwasyon, upang matantiya kung paano poposisyon. Sa pamamagitan

ng interaksiyon, paulit-ulit na naisusulat sa aklat ng kasaysayan ng kolektibong

memorya ang istorya ng text na walang iba kundi ang kuwento natin.

Kasabay ng pagkakatayo ng pormal na edukasyon ang paggamit sa salitang text.

Ginagamit ito sa konteksto ng mga babasahin sa iba’t ibang asignatura. Ito ang

katawan ng mga tinipong akda na pumopokus sa partikular na kaalaman. Noong unang

bahagi naman ng dekada ’80, naging sikat na laro ang tex sa mga bata. Modernong

bersiyon ito ng kara-krus. Sa halip na barya, maliliit na baraha ang gamit dito.

Kadalasan, nakaguhit dito ang mga banyagang super hero at action star gaya nina

Superman, Wonderwoman at Mr. T. May kaakibat na text na nagpapakita ng thought

bubble o dialogue na hango sa ilang eksena sa kanilang mga pelikula. Inihahagis ang

mga ito at ang maging kapareho ng master card ay magkakaroon ng takdang puntos.

Ang interesante dito’y pati ang kahihinatnan ng master card ay hindi matitiyak dahil

depende pa rin sa trajectory ng pagkakahagis.

Hindi ba’t ang praktikal ng paggagap sa karanasan bilang resulta ng pamumuhay sa

lipunan ay maiuugat sa kahulugan ng salitang text? Tulad ng larong tex, walang

absolutong konstruksiyon o paghahabi ng kahulugan. Nasa proseso ng paghahabi ang

lahat, nakikipagtunggalian ang lahat para sa kahulugan. Wala itong ipinagkaiba sa

pagbabasa ng akademya sa mga nakalimbag na texto. Ang pagturing sa mga ito bilang

text ay nangangahulugang pagkilala sa pagiging madulas ng kahulugan. Sa salitang

text, nagsasanib ang pagbabasa at pagsusulat. sa parehong pagkakataon, naghahabi

at lumilikha ng kahulugan ang tao ayon sa limitasyon at posibilidad na itinatakda ng

lipunang kinapapalooban niya.

Mas matingkad ang ganitong kahulugan ng text sa kasalukuyan at pinakasikat na

paggamit sa salitang text. Ang modernong teknolohiya na ito ay napapabalitang

matagal nang ginagamit ng military. Samantala, sinimulan namang ikalakal ito sa

merkado at kinonsumo ng mga may-kayang Filipino noong huling bahagi ng dekada

’90. Sa ngayon, hindi lamang ang mga mayayaman o mga propesyonal ang nagtetext.

Maging ang kanilang mga anak at yaya nagtetext na rin. Sa kasalukuyan, maaari nang

magkaroon ng load ang isang texter sa halagang limang piso. Sa katunayan maaari na

siyang makakuha ng libreng load kung papasahan siya ng isa pang texter. Ang text ay

pangngalan at pandiwa na nagsisignify ng komunikasyon at connectivity. Texter naman

ang tawag sa taong gumagamit ng cellphone para magtext. Hinahamon nito ang

nakagawiang porma ng interaksiyon. Kaiba ang text sa sulat o telegrama dahil mas

mabilis ang sagutan dito. Iba rin ang text sa tawag dahil bukod sa mas mura at hindi

kailangang sagutin agad, dumadaan ito sa proseso ng pagsusulat na may kaibang

moda sa pormal na pagsusulat dahil pinapaikli at kung minsan, hindi na kailangan ang

salita, puwede na ang smiley.. Sa pagtetext, nawawala na ang mga katawan, bagaman

sila’y nandiyan pa rin sa larangan ng realidad na virtual. Ano ang epekto ng ganitong

fusion ng modernong teknolohiya sa pampublikong larangan at ang pribadong

pagkokonstrak ng identidad at realidad sa pamamagitan ng paggamit ng sariling

cellphone?

Maraming nagsasabi na napapabilis ng text ang pagpapakilos para iba’t ibang porma

ng pamumuhay at pakikibaka. Mula sa pakikibaka laban sa korupsiyon, imperyalismo,

pagtaas ng presyo ng langis, pakikibaka para sa mataas na budget, para sa pag-ibig at

para sa sariling career. Kapag napapabilis ang karanasan at nalalampasan nito ang

espasyo, nagiging matindi ang posiblidad ng meaning-making at life-altering moment sa

buhay ng tao.

Ang kapangyarihan ng salitang text ay nakasalalay sa kahulugan nito bilang paghahabi

o pagbubuo ng tao ng mga kategorya upang maging posible ang buhay sa lipunan. Ang

pagbubuo nating ito ay kinokondisyon din naman ng lipunan. Sa prosesong ito,

maraming kalahok na nagtutunggalian upang tanghalin bilang tumpak na kahulugan.

Mababatid na kinakatawan ng salitang text hindi lamang paghahabi ng kahulugan kundi

ang pagiging madulas ng mga ito.

BANYAGANG PAG-AARAL

Ayon sa Internasyonal na pag-aaral, dumarami sa mga kabataan ang

ipinagpapaliban ang ang mas mahahalagang gawain dahil sa promo sa pagpapadala n

mga mensahe. Nagkakaroon ng kalayaan ang bawat indibidwal na gumagamit ng

nasabing promo na magteks kahit ilang beses na gustuhin niya. Natutulak siya na

gamitin ito kahit hindi masyadong makabuluhan 0 walang saysay ang pinag-uusapan.

Nagiging dahilan ito ng pagbuo ng malalaswang konbersasyon, hindi pagkakaunawaan

at paligoy ligoy na usapan. Lumalabas din sa isang pananaliksik na dumarami din sa

kabataan ang nagpapalipas ng kanilang pagtulog tuwing gabi upang makasulit sa

pagagmit ng benipisyong natatanggap sa promong ito.Ayon naman sa Istatistika ng

Amerika, dumarami ang aksidente sa kalsada sankot ang kabataan dahil ayaw nilang

maputol ang koneksyon sa pagpapadala ng mensahe sa pamilya at mga kibigan kahit

alam nila ang maaring ibunga nito. Sa bansang Hapon naman lumalaki din ang

aksidente ng pagpapadala ng mensahe tuwing pagsusulit upang makapangdaya na

naging dahilan ng pagbabawal sa pagdadala ng Cellular phone sa loob ng paaralan.

Sa kabilang banda, nagdudulot din ito ng magandang epekto dahil nagkakaroon

ng pagkakataon na makipagkomunikasyon sa mababang halaga.

LOKAL NA LITERATURA

Dahil naging parte na ng buhay ng mga Pilipino ang pagpapadala ng mga

mensahe sa pamamagitan ng cellular phones unti-unti ding binabago nito ang

literaturang tagalog. Nagkakaraon ng pagpapalit ng mga ispeling ng mga salita upang

mapaikli at mapabilis ang gustong ipabatid sa kausap ( pnta, Mnla, dhl atbp), ang

pagsasama ng mga titik at numero upang makabuo ng salita (220, bk8, ba4 atbp),

paggamit mismo ng mga numero na may sariling kahulugan ( 143 ibig sabihin I love you

) at mga abbreviation at pagsasama ng ingles at tagalog ( @ ibig sabihin "at";WRU ibig

sabihin "Where na u?") ang ilan sa mga pagpapabagong literatura na epekto ng

pagteteks. Nadadala din ugaling ito sa pagteteks sa pagbuo ng pormal o inpormal na

pagsulat. Dumarami din ang mga balbal o gay linggo ang ginagamit ng kabataan sa

kasalakuyan.

LOKAL NA PAG-AARAL

Marami sa mga kabataan ngayon ang may mabababang marka. Hindi ito dahil

sa hindi nila maintindihan ang mga itinuturo sa klase. Ito ay dahil marami silang

pinagkakaabalahan bukod sa pag-aaral. Talagang napakalayo na ng narating ng

teknolohiya sa paggawa ng mga makabagong kagamitan. Ang mga makabagong

kagamitang ito ay ang mga kinalolokohan ngayon ng marami sa mga mag-aaral ng

Pilipinas. Isa sa mga patok na gamit teknolohiya ngayon ay ang cellphone. Ito ang isa

sa mga maraming bagay na napapabilis ang mga gawain kapag ginagamit. Marami rin

itong modelo na mas lalong naghihikayat sa mga kabataan upang bilhin at tangkilikin.

Isa sa mga features ng cellphone ay ang usong-usong text messaging. Sa ngayon kasi

ito na ang pinaka-mabilis na komunikasyon. Naipapadala sapamamagitan nito ang lahat

ng gusto mong sabihin sa iyong kausap kahit saan at kahit kailan. Ang cellphone din ay

mayroon na ngayong multimedia. Na kung saan pati litrato ng mga tao ay pwede na rin

maipadala sa kausap nito. Talagang marami nang magagawa ngayon kapag mayroon

kang cellphone. Lalo na ngayon na kung anu-ano ang mga nauuso na features ng mga

lumalabas na mga bagong modelo nito. Nandyan na ang tv phone na kung saan live

mong mapapanood ang bawat palabas sa telebisyon. Ang I-Phone na kung saan all in

one cellphone na ang gamit. Mayroong i-pod, internet, at telepono sa iisang modelo. At

video phone na kung saan magagamit mo ito na parang video camera. Ito ang mga

ilang positibong bagay na naidudulot ng pagkakaroon ng cellphone. Pero mayroon din

naming negatibo itong dala sa bawat isa sa atin. Dahil sa hirap ng buhay ngayon,

nagiging dahilan o mitsa na ng buhay natin ang cellphone. Marami na kasi ang

mandurukot na gagawin ang lahat makuha lang ang kagamitan na ito. Madali kasing

mabenta. Isa pa sa mga negatibong bagay ay ang pagkasira ng kinabukasan ng mga

kabataan. Sa cellphone kasi lagi napupunta ang halos lahat ng oras nila na sana’y sa

pag-aaral na lang. ginagamit kasi ang cellphone sa hindi mabuting paraan kagaya na

lamang ng panliligaw. Madali kasi na paraan ang naidudulot nang paggamit ng

cellphone. May mga promo din ang mga “networks” ngayon, ito ang “Unlimited Texting”

kung saan ay makapagpapadala ng maraming mensahe sa kokonting halaga. Ngayon

pinipiling pagtuunan ng pansin ng kabataan ang paggamit ng mga “promo” na ito kaysa

ang mga libro sa eskwela.

Napakahalaga ng pag-aaral na ito sapagkat marami sa kabataan ngayon ay

may mababang marka at isa sa mga pangunahing dahil ay nababaling ang kanilang

atensyon at oras sa pagtetext imbis sa pag-aaral. Dati ay sinasabing ang edukasyon

lamang ang hindi mananakaw sa isang tao. Ngunit sa pagsulpot ng mga ganitong

“promos”, hindi ba’t ninanakaw na nito ang oras na dapat sana’y sa edukasyon

nakalaan?

KABATANA III – PAMAMARAANG GINAMIT

Ipinakikita sa kabanatang ito ang pamamaraang ginamit sa pananaliksik, populasyon at bilang ng

mga respondent, paraan ng pagpili at deskripsyon ng mga kalahok, pangangalap ng mga datos at ang

estadiktikang ginamit bilang tugon sa maturing pag-aaral.

PAMAMARAANG GINAMIT

Ginamit ng mga mananaliksik ang paraang deskriptibo kung saan inilarawan ang mga nakalap na

datos hinggil sa mga positibo at negatibong epekto ng Unlimited Texting promos sa study habits ng mga

mag-aaral ng BSECE sa Unang taon sa Politeknikong Unibersidad ng Pilipinas.

RESPONDENTE NG PAG-AARAL

Isandaan sa dalawang daan at dalawampu’t limang mag-aaral ng kursong BSECE sa unang taon

ang masusing pinili ng mga mananaliksik bilang respondent ng kanilang isinagawang pag-aaral. Ang mga

ito ay itinatayang nasa labing-anim hanggang labing-walong taong gulang at nasa taong panuruan 2009-

2010 sa Politeknikong Unibersidad ng Pilipinas. Sa pagpili ng mga kalahok, binigyang-halaga ng mga

mananaliksik ang mga posibleng oras at panahon na maaari silang makipagkomyunikeyt sa kanilang mga

napiling respondent. Napili ng mga mananaliksik ang “random sampling method” bilang paraan ng

pagpili dahil naniniwala ang mga ito na mas magiging madali at simple ang ganitong proseso sa pagkalap

ng mga impormasyon at kasagutan sa mga katanungang kanilang inihanda.

PANGANGALAP NG DATOS

Ang pag-aaral na ito ay ginawa sa Politeknikong Unibersidad ng Pilipinas sa Sta. Mesa, Maynila sa

kadahilanang narito ang mga napiling respondent ng pananaliksik. Pinili ng mga mananaliksik ang

nasabing lugar upang magkaroon ng kasagutan sa kanilang mga katanungan at makakalap ng mga

impormasyon na may kinalaman sa mga epekto ng Unlimited Texting sa study habits ng mga mag-aaral.

Sa pangangalap ng impormasyon, naghanda ang mga mananaliksik ng mga talatanungan o

“survey questionnaires” na kanilang ipinamahagi sa mga respondent.

URI NG ESTADISTIKA

Bilang pagbibigay interpretasyon sa mga kasagutang ibinigay ng mga respondent, narito ang

pormula sa pagkuha ng total percentage na ginamit ng mga mananaliksik sa pagpapahalaga sa mga

nakalap na datos:

P=f/N x 100

Kung saan: P= bahagdan(%)

f=frikwensi

N= kabuuang bilang ng mga respondente