Cancionero Quechua

KANMI DIOS KANKI

1. Ccanmi Dios canqui, yuracc Hostia Santa,Cconccor sayaspan, chunca muchaicuiqui,Uyarillahuai, Apu Jesucristo, Dios, huac-cha cuyacc.2. Checcap Dios caspam, Runa turcurccanqui,Virgen Mariapa Huahuan caspataccmi,Huañusacc nispa, cai Sacramentopi, cceparirccanqui.3. Cai yuracc Hostia, tantam ñaupacc carcca:Cunancca manam tanta caipi canchu,Cristo Jesuspa causacc cuerponmanmi, tanta tucupun.4. Calizpi caccri, vino ñaupacc carcca:Cunancca manam vino caipi canchu,Cristo Jesuspa causacc yahuarninman, vino tucupun.5. Jesús nacircca Navidad tutapi,Juchanchic raicu cruzpipas huañurcca,Causarimpuspam gloriaman cutircca, Paipunim caipi.6. Chai, arí, runa, tucui soncconchic-huan,Dios yayanchicta, chunca muchaicusun:Cristo Jesusmi cai Sacramentopi, quiquin Dios tiyan.7. Muchaicusccaiqui, Apu Jesucristo,Chai Hostiamanta, ccahuarimullahuai,Rurahuasccaiqui huac-cha runaiquita, ccespichihuaitacc.

YURAQ HOSTIA SANTAHostia Santa BlancaAutor AnónimoQanmi dios kanki yuraj hostia santa,qonqorsayaspa chunkamuchaykuyki,uyarillaway apu Jesucristo,Dios waqchakhuyaq.Chepaq dios kaspan runa tukurqanki,virgen mariaq wawan kaspataqmi,wañusaq nispa kay sacramentopi,qheparirqanki.Kay yuraq hostia t’antan ñaupaq karqan,kunanqa manan t’antan chaypi kanchu,Dios yayanchispaq kausaq ukhunmanmi,t’anta tukupun..Calispe kaqri vinon ñaupaq karqan,kunanqa manan vino chaypi kanchu,cristo jesuspa kausaq yawar ninanmi,

vino tukupun.Navidad tuta Jesús paqarirqan,huchanchis raykun cruspipas wañurqan,kausaripuspan cloriaman kutirqan, (2)paypunin chaypi.Cristianokuna maskhawanqa nispanJesús yayanchis hostiapin pakakun,maskhasun ari cristo diosninchista,muchaykusuntaq.

Hostia Santa Blanca

Autor AnónimoTu eres dios, hostia santa blancade rodillas diez veces te adoroescúchame padre Jesucristo (2)Dios que perdona los pecadosSiendo dios en humano te convertistesiendo hijo de la virgen Mariadecidiste sacrificarte (2)tomaste el tiempo necesarioLa hostia blanca antes era panahora ya no existe el panen el espíritu se ha convertido (2)se ha convertido en panEn el cáliz antes había vinoahora ya no hay vinoesa sangre de cristo (2)Se ha convertido en vinoEn la noche de navidad Jesús naciópor nuestros pecados en la cruz muriócuando resucito se fue a la gloria (2)el mismo esta resucitadoLos cristianos me buscaranJesús en hostia se ha convertidobusquemos a cristo nuestro dios (2)para adorarle

"Hamuy, Jesusllay"

1 . Hamuy, Jesusllay sonqoy ukhuman,

Qan munakuypi rawrarinanaq,

2. Mesan churasqa runakunapaq,

Angelpa t'antan kamarisqañan.

3. Llapallanchismi mikhuykusunchis,

Dios Yayanchispa t'anta ruasqanta.

4. Cordero t'antan chay aychaykiqa,

yarqasqan kani mikhuykachiway.

5. Kusi takiwan payta yupaychaspa,

achuykusaqmi Diospa mesanman.

6. Wiñay kausachiq chay unuykita,

ch'akisqan kani uqyarichiway.

7. Llapallaykichis ukyaykukuychis

kaymi yawarniy nispan nirqanki

8. Ukyaykachiway yawarniykita

ch'akiyniyta thasnuykunaypaq

9. Manan kausayta tarinkichischu

Diospa aychanta mana mikhuqqa

10.Noqaq aychayta mikhuq runaqa

kusi samintan tarinqa ninkin

11.Yachachiyniykiq kallpanchasqanmi

achuykamuyki Qollanan Diosniy

12. Qorpachaykukuy waqcha sonqoypi

kamachisqaykiq hunt'akunanpaq.

1. ALMAYKUMAN HAMUY

1. Almaykuman hamuy,

Espiritu Santo,

Qhapaq graciaykita,

K'ancharimuwayku.

1. Waqchakunaq Yayan,

Qhapaq qokuyniyoq,

Sonqoyku kallpanchaq,

Llumpaqlla kawsachiq.

1. Almakunaq qorpan,

Llakikuqpa samin,

Nukñu qhapaq Apu,

Pisipaqpa kallpan.

1. Rumi sonqo kaqta,

Llampuyachipunki,

Chiri sonqotapas,

Qanmi rawrachinki,

1. Yupaychasqa k'anchay,

Soyqoykuta kamay,

Qhasqoykuta hunt'ay,

Munakuyniykiwan.

2. Wiñay samiykita,

Kusi samakuyta

Allin kawsakuyta,

Rakirimuwayku, Amén.

2. APU JESUCRISTO

1 . Apu Jesucristo, Khuyaq sonqo Tayta,

uyarillawayku mañakusqaykuta.

2. Chay khuyaq sonqoyki kicharayashanmi;

Waqyamuwashanmi hampuy waway nispa.

3. Kaypin kani Tayta, Awqa wawallayki

Sonqoyki ukhupi chaskiykapullaway.

4. Sonqoyki k'iriqta Pampachaykullaway;

manañan kunanqa phiñachisqaykichu.

5. Ñukñu sonqo, Tayta, Khuyapayaykuway;

K'umuykukuspaymi anchhuykakampuyki.

3. DIOSNILLAY PAMPACHAY

1 . Diosnillay pampachay, Pampachay Diosnillay,

Khuyakuyniykita Sut'inchaykamuway

2. Huchaypi qospasqay, ñak'arichiwanmi,

Millayta waqllisqan, mancharichiwanmi.

3. Maytataq purisaq, hinalla kawsaspa

Imatan rurasaq hinalla muchuspa

4. Uyariy Diosnillay, waqyarikusqayta,

Pampachay Apullay, huchallikusqayta.

5. Reqsinin kunanqa, huchallikusqayta,

Yachanin kunanqa pantaq purisqayta.

6. Huchapi wañuqta, kawsarichimuway,

Sonqo pisipaqta, kallpanchaykullaway.

7. Chaymi kutinpuni, Qhapaq Diosnillayman,

Hinan chayamuni, Cheqaq Yayallayman.

4. HUCHAYMI, DIOSNIY, HUCHAYMI

1 . Huchaymi, Diosniy, Huchaymi,

hamuy, khuyapayallaway,

Reqsikuniñan huchayta,

kunanqa wanakusaqmi,

Jesusllay, khuyapayaway,

Cruspi wañusqaykirayku.

2. Kaypin huchasapakuna

Jesusta sentensiaykunku

Wañuchun ninkun llapanku

qanpa kausanaykirayku;

Perdontaya mañaykukuy

munaqniyki Jesusmanta.

3. Crustan Jesus riqrarikun

huchayki ch'uyanchananpaq

Paypa Cruspi wañusqanwan,

huchayki chinqarinanpaq

Qatiyá munaqniykita,

Paywan kuska ñak'arispa,

4. Ñuqñu Jesus pisipaspa

mana puriyta ateqtin,

Cireneota pusanku,

Crusninta yanapananpaq;

mana khuyapayaspachu

mana wañunan-raykullan.

5. Jerusalen warmikunan

Jesusta khuyapayaspa,

ñak'arisqanta rikuspa

waqaspa achhuykurqanku;

chayta rikuspa Apunchis

huchamanta waqaychis nerqan.

6. Calvarioman chayaqtinmi

ch'ustirqanku tunicanta,

k'irinchasqa ukhuntapas

q'alallata kacharispa,

Tukuy sonqowan much'aykuy

Jesucristoq yawarninta.

7. Chakin, makin thunkusqata

cruspi chaqataykusqata

Cruspatapi huqarinku

Crusmanta warkuykuspanku;

chaypin wañun Jesusninchis

teqsimuyuq runarayku.

8. Pero sonqo runakunan cruspataman chutaykunku,

Jesucristo Taytanchista

Crusman t'ipaykunankupaq;

Maman chaypi qhawashaqtin

mana khuyapayaspanku.

5. TAYTAY KHUYAPAYALLAWAY

1. Taytay khuyapayallaway

waqcha runa wawaykita

huchaykunaq millpusqanmi

tutayaqpi rikukuni.

2. Sapallayqa manapunin

allin kayta atinichuauqaykunaq chaqnasqanmi

pisi kallpa rikukuni.

3. Chaymi noqa waqyakuyki,

tukuy sonqon mañakuyki,

Qollanan crusniykirayku

rampariway kausanaypaq.

4. Manan pipas millasqachu

sonqoykipin kausachinki

MiIlay huchasapapaqpas

Sumaq Taytan, qanqa kanki.

5. Yanapaway, kallpanchaway,

Ñanllaykita purinaypaq

allin cristiano kaspaqa

Qan Taytayman riqch'akusaq.

6. TAYTAY KAYPIÑAN KANI

1. Taytay, Kaypiñan Kani,

Auqa churiyki karqani;

Waqaykuspaymi kunanqa

Ña kutikanpuykiña.

1. Ama kaymanchu karqan,

Qan saqerinaypaqqa

Qanta waqaykachispa,

Ñak'arichinaypaqqa.

2. Pitaq yanapawanqa,

Aychaq sayk'uchisqanta

Huchaq onqochisqanta,

Piñas aysariwanman.

3. lmaraqmi kasqani,

Pero sonqo wawayki,

huchaq sisan runayki,

Taytay, waqachinaypaq.

4. Huchaymi, Taytay, arí,

Huchaymi, munakuqllay,

Huchaymi, Qespicheqllay,

Saqerirqaykin, arí.

5. Kaypin Kani, wawayki,

Ñan kutikanpuniña,

Ñan Kausarinpuniña,

Waqyariwasqaykiwan.

7.- PISI SONQO KAYNILLAYPIN

1. Pisi sonqo kaynillaypin,

Taytayta, phiñachirqayki;

Qanmanta karunchaspataq,

Astawan sentecherqayki;

Pampachaway huchaymanta

Munakuwasqaykirayku.

2. Huchaypi rikukuspayri,

Pimanñataq achhuykuyman,

Qanllan Tayta kapuwanki,

Qespicheqniy, munakuqniy;

Jesusllay, llakipayallaway,

Runa tukusqaykirayku.

3. Yawarniykiq chanin kaspan,

Qanta, Apuy, maskhamuyki,

Paskakullaway huchayta

Qanman sonqo kawsanaypaq;

Mana paskawaqtiykiri,

Pitaq, Yayay, paskawanman?

4. Munaysapa kaqtillaymi,

Hucha, Taytay, k'iriwarqan,

Qanmanta t'aqariwarqan

Pantay ñanpi purinaypaq;

Reqsikunin pantasqayta

Chaskipuway wawaykita.

5. Jesusllay, wanakuniñan,

Qanllatan munakusqayki;

huchayta saqeriniñan,

Qanllatan suyakusayki;

Qespichiway wawaykita

Weqeykiq chaninmi-kani.

8. QAN TAYTAYTA

Qan Taytayta servinayta, Apu Jesusllay,

Awqaykita servirqani, ñukñu Jesusllay.

Qan Diosniyta munanayta, Apu Jesusllay,

Awqaykita munarqani, ñukñu Jesusllay.

Huchaymanta pampachaway, Apu Jesusllay.

Sonqollayta thasnuykuway, ñukñu Jesusllay.

Orqon q'asan purisqaypi, Apu Jesusllay,

Qantan wiñay waqyakuyki, ñukñu Jesusllay.

Awqaykunaq makinmanta, Apu Jesusllay,

Sutiykiwan qespichiway, ñukñu Jesusllay.

Puñuytapas wataspaymi, Apu Jesusllay,

Qayllaykiman chayamuni, ñukñu Jesusllay.

Qayna wata kunan hina, Apu Jesusllay,

Maytaq kunan kaypi kanchu, ñukñu Jesusllay.

Maychikacha k'ayamanqa, Apu Jesusllay,

Wiñayllapaq chinkarinqa, ñukñu Jesusllay.

Kayqa Yayay, ripusaqña, Apu Jesusllay,

Waqanallay ch'ukllallaman, ñukñu Jesusllay.

Bendicionta churaykuway, Apu Jesusllay,

Llaqtallayta ripunaypaq, ñukñu Jesusllay.

Onqonallay kamapiqa, Apu Jesusllay,

Saunallaypi sayaykunki, ñukñu Jesusllay.

Wañuy pacha chayamuqtin, Apu Jesusllay,

Almallayta chaskiykunki, ñukñu Jesusllay.

9. UNANCHAYKUY HUCHASAPA

1. Unanchaykuy huchasapa

Jesucristo Apuykita

Cruspi chakataqkusqata

Huchasapaq huchanrayku.

2. Callen callentan purimun

Jesucristo kamaqniyki,

riqranta mast'arispataq

hampuy waway nisqasunki.

3. Pampachayta munaspanmin

Diosniyki waqyasqasunki,

usqhayllata asuykukuy

amaraq phiñakusqaqtin.

4. Diosniykiman kutikapuy,

huchasapa phutikuspa;

amaña llakichiyñachu

Jesus Apuq sonqollanta.

5. Munakuspan waqyasunki

Diosninchis santa misaman

uyariyña Apuykita

kay santo p'unchaykunapi.

6. Mamaykita waqyarikuy

pisi-sonqo huchasapa,

Diospa mamanmi mamayki

yanapaykusunaykipaq.

7. Llakikuspa phutikuspa

huchaykita confesakuy

wanakuyta yuyaykuspa

Diosniykiman kutikapuy.

8. Munakuynin sut'inchaqmi

Jesus Yaya hamusunki,

phaway, phaway chaskikamuy

almaykiq kusi saminta.

10. ÑUQÑU JESUS YAYAY

1 . Ñuqñu Jesús Yayay

Waqcha khuyaq Apu,

Khuyapayallaway

Huchasapaykita.

2. Kunanmi Diosnillay

Huchayta reqsini,

Kunanraqtaq Qanta

Chika allin Yayayta.

3. Mana yuyayniyoq

Noqa kawsasqani,

Qanta mana munaq,

Simiykita saroq.

4. Huchayta yachanki

Suyaykurkullaway;

Sonqoyta rikunki

Pampachaykullaway.

5. Hanaq-pachamanta

Uraykamurqanki;

Runa chinkariqta

maskamusaq ninki.

6. Qanman kutimpuqta

Pampachallawayku;

Bendicionniykita

Churaykamuwayku!

11.12.JERUSALEN, LLAQTA RUNA

1. Jerusalen, llaqta runa

Diosniykiman kutirikuy;

Sipiwaspa, sipiwaspa,

Manan saqerikimanchu.

2. Runakunaq sonqonmanmi

Ñukñu siminta tarpurqan;

Chay simita yachaykuspa

Diosniyta reqsikunanpaq.

3. Chaqnaykusqan rikukusqa,

Carcelpitaq tiyaykurqan;

Munakuq sumaq sonqonta

Llapaman sutinchananpaq.

4. Asut'isqa Jesucristo

Nanaq yawarta hich'arispa,

Huchamanta, huchasapa,

Pampachayta tarinanpaq.

5. Kiska pilluwan pilluykusqa,

Crusninta riqrarikuspa,

Calvario patata wichan,

chaypi qanpaq wañunanpaq.

1. Chaykiykachiy sonqoykita

Ukhuykita, almaykita;

Wañuypipas, kausaypipas,

Payllapaqña kanaykipaq.

11.HIJO PRODIGO

1. Hijo pródigo, Maytataq rinki,

Taytallaykita, Saqeriwaspa

2. Orqokunamanta, Qhawaykachayki

Musphaq churillay, Maytataq rinki

3. Musphaq churillay, Maytataq rinki

Kutirimuspa, Reqsiykukuway.

4. Huchallaykichu, Manchachisunki,

Taytay niwaspa, Hamunaykita.

5. Kiska pilluwanpas, Yawar hunp'iwanpas,

Pillurikusqa, Qatiykachayki.

6. Kutirimuspa, Reqsikuykuway,Taytaykin kani, Ama manchaspa.

13. PISI SONQO OVEJA

1 . Pisi sonqo oveja,

Yawar hump'iwan rantisqay:

¡Ay! oveja wayllusqay

Yawar weqeywan maskhasqay.

2. lma samitan tarinki

Noqallamanta ayqespa;

lma ñak'ariypin kanki

Taytaykimanta chinkaspa.

3. Orqon q'asanta purinki,

Hucha kiskata maskhaspa;

Salqayaspataq chinkanki;

Qhelli unuta ukyaspa.

4. Maytan ayqenki, oveja,

Munaqllaykita cheqnispa,

Cheqnillaykita waylluspa;

Wañuyllaykita maskhaspa.

5. Wañuyniyki hamuqtin

Manan tariwankichu;

Taripayniyki p'unchaupi,

Reqsisqaykichu manañan.

14. WAÑUY PACHA CHAYAMUNQA

1 . Wañuy pacha chayamunqa

Qonqay-qonqay tarisunki,

Qantapunin maskhasunki, Ah,

kawasayniykin tukukunqa.

2. Aswan munakusqaykita

lma hayk'a kaqniykita,

Llapallantan saqepunki, Ah,

Tukuytaqmi sonqasunki.

3. lmaraykun qonqapunki

Wañoq runa kasqaykita,

Manachu qan manchakunki, Ah,

Wiñay ñak'arinaykita

4. Huchallapi kawsakuqpaq

Manan kanchu kusikuypas,

Hinan purin, hinan musphan, Ah,

Anchapunin ñak'ariynin.

5. Pantaq runa, uyarikuy,

Wañuyniyki chayamunqan,

Sonqoykita kamarikuy, Ah,

Ñapuniñan chayamushan.

6. Qhapaq kaqpas, waqchallapas;

Ñaraq machu, ñaraq paya,

Kaypi wayna, chaypi sipas, Ah,

Tukusunchis chiri aya.

15. HINANTIN RUNA HINANTIN

1 . Hinantin runa hinantin

Kawsarisun, hatarisun;

Chika hatun mancharina

LIaki p'unchay chayamunqa.

2. Kay pachapas chapchikuspa

Manchayta kunununuspa

Chayamunqan llapanchispaq

Taripasqa kananchispaq.3. Mana pantaq Apunchispa,

Kawsaq Diospa taripaynin,

Chaninpuni kuskachaynin

Sut'illanmi k'ancharinqa.

4. Hatun taripay p'unchaymi

Sut'inchasqa rikhurinqa;

lmaymana rurasqaymi

Cheqaq chaninchasqa kanqa.

5. Chay pachan noqa rikusaq

Chika millay pantasqayta;

Mana allin rurasqayta

Utikayaq uyarisaq.

6. Chaqay manchana pachapi

¿lmataq kutichisaq?

Ima hinataq rikhurisaq

Qhapaq Apuq ñawk'illampi.

7. Sapallaymi chaypi kasaq

Mana peqpa amachasqan;

P'enqaychasqa rikukusaq

K'anchayniykiq surumpisqan.

16. APU YAYA, JESUCRISTO

1 . Apu Yaya, Jesucristo,

Qespicheqniy, Diosnillay,

Rikraykita mast'arispan,

Hampuy waway niwashanki.

2. lmaraqmi munakuyllayki,

Jesusllay, wawallaykipaq:

Cruspataman churasunki,

Noqa awqa runarayku.

3. Aqo t'io huchaywanmi,

Diosnillay phiñachirqayki,

Khuyapayakuqmi kanki,

Pampachawav huchaymanta.

4. Orqon q'asan purisqaypi,

Kallpanchaway wawaykita;

Qan, Yayayta, munakuspa,

Munayllayki ruranaypaq.

5. Apu, Yaya, phiñakuqtin,

Qanllan kanki noqamanta,

Taytay, phiñakunki chayqa,

Pimanñataq kutirisaq.

17. CHAKATASQA K'IRINCHASQA

1. Chakatasqa k'irinchasqa,

Apu Jesús hamusunki;

Huchasapa wawallanta

Tapupayakamusunki.

2. Khuyapayaq Yayallayki

Llaqtaykita purimushan;

Wawallansi chinkaripun

Sonqoykitan takamushan.

3. Dios khuyakuq suyasunki,

Paymi kunan waqyasunki,

Uyarillay kunkallanta,

Qhawarillay riqch'ayninta.4. Huchaykiwan yapa-yapa

Amapuni, huchasapa,

Diosninchista phiñachiychu

Chika nanaq qesachaychu.

5. Thampi-thampi phawamuni,

Ñawykiman chayamuni;

Qollpay weqe ñawiymanta

Lloqllarichun kunanmanta.

6. Manan runa qespiwaqchu,

Manataqmi kawsawaqchu,

Kusi sonqo kay pachapi

huchakunaq chawpillanpi.

18. CRISTON RANTINCHISTA MUCHUN

1 . Criston rantinchista muchun,

wañuyninwan kawsarinchi;Paymi chaskin manunchista,

Paymi pichan huchanchista.

2. Yawarninwan maylliwanchis

Qespikachikapuwarqanchis,

Cruspi nanaq ñak'arispa

Auqanchista atipaspa.

3. Hanaq-pacha kusi punku

Llapanchispaq kicharikun;

Noqanchis waqcha runapaq,

Noqanchis huchasapapaq.

4. Dios khuyakuq suyasunki;

Paymi kunan waqyasunki,

Tukuy sonqo k'umuykukuy,

Achuykamuy mañaykukuq.

5. Huchasapa kaqtiykichu

Millawanqa nispa ninki

Amapuni ayqekuychu,

Paymi kawsayta qosunki.

6. Qonqor chaki much'aykuyki

Jesucristo Dios Apullay!

Sonqokaman mañakuyki,

Waqchaykita uyarillay.

19. NACHU TAYTAY NIWANKIÑA

Ñachu Taytay niwankiña

ripullayña waway nispa

maytan risaq qan taytaytay

qan Taytaytay saqerispa.

May punkutan ullpuykusaq

qanmantaña t'aqakuspa

pimanñataq anchuykusaq

qanman hina kusikuspa.

Sumaq Ñust'a Diosllawanña

chaskiwayña sonqollayta

llakikunan kunan p'unchau

kamallachus hampuy waway.

Qan munakuq sonqoywanmi

kayllaykiman hamurqani

chay sut'i munakuywanmi

puñuyniytapas watarqani.

Uyariway llumpaq Taytay

huchasapa wawaykita

haywariway makiykita

kutimunay p'unchaukama.

Diosllawanña Taytallay

ripusaqñan muspha muspha

ichas k'ayamanqa urpillay

tukupusaq chiri uspha.

Bendisionta churaykuway

wasillayta ripunaypaq

qan taytaytay yuyarispa

Diosniyta yupaychanaypaq.

Bendisionta churaykumuway

kutimunay p'unchaukama

Diosllawanña, Diosllawanña

Qanllas Taytay kapuwanki.

20. MILLAY QAQAQ

Millay qaqaq huq'illanpi

oracionta ruarqani

tukuy runaq allinninpaq

Dios Yayayta wuaqyarqani.

Noqatan apawarqanku

Getsemani muyamanta

mana khuyapayawaspa

Auqa Judas vendiwarqan.

Noqatan pusawarqanku

Manchay mayu urayllanta

mana khuyapayawaspa

nanaqta q'irinchawanku.

Noqatan chaqnaykuwarqanku

hoq millay saywa rumiman,

mana khuyapayawaspa

nanaqta waqtawarqanku.

Noqatan pusawarqanku

Monte Calvario orqota

mana khuyapayawaspa

Cruswanpas ñitichiwanku.

Calvarioman purisqaspay

ñataq-ñataq urmarqani

mana khuyapayawaspa

yapa-yapa q'irinchawanku.

21. JESUSQA NOQANCHISTA MICHEQ

Jesusqa ñoqanchista Micheq

Jesusqa ñoqanchista Micheq (2)

Q’omer pampallapitaq michiwayku

sumaq q’achullamantaq pusawayku

Allin mayullamantaq qatiwayku

Q’oyllur unullamantaq apawayku

Llumpaq riqraykipitaq q’epiwayku

munay makiykiwantaq rampariwayku

Misk’i mikhunatataq ruwapuwayku

auqaykunaq chaupinpi mikhuchiwayku

Tukuy wataykunapi yanapawayku

hatun sutiykiwantaq kausachiwayku

Wasiypi qanwan kuska kausasaqku

wasiy munay wasiyki wiñaypaqmi

22. MUCH'AYKUSQAYKI, SANTA CRUS

Much'aykusqayki, Santa Crus,

Apu Diosniypa sirinan, Santa Crus

Qanpin Jesus wañuykorqan, Santa Crus

Teqsimuyoq qespinanpaq, Santa Crus.

Sot'ototoylla sayakuy, Santa Crus

Llapaq munanan, sumaq Crus;

Makiykipin hap'erqanki , Santa Crus

Teqsimuyu qespicheqta, Santa Crus

Yupaychaykikun Santa Crus,

Jesus Apuypa pukaran, Santa Crus

Qanpin Jesus yachacherqan , Santa Crus

Teqsimuyuntin runata, Santa Crus.

Paqarisqay pachamantan, Santa Crus

Qanwan Diosmi maskhawarqan, Santa Crus

Kawsaypipas, wañuypipas, Santa Crus

Ñawkiykipi kawsanaypaq, Santa Crus

Pacha illarimuytaqa, Santa Crus

Qanwanmi hatarimuni, Santa Crus

P'unchay ch'isiyaykuqtinpas, Santa Crus

Qanwantaqmi siriykuni, Santa Crus

Altarpipas, orqopipas, Santa Crus

Dioswan kuskan sayaykunki, Santa Crus

k'umuykuspa, ullpuykuspa, Santa Crus

Wiñay yupaychanaykupaq, Santa Crus

23. ÑUQÑU JESUSLLAY

1 . Ñuqñu Jesusllay

hampullawayña

tiyakullayña

sonqoy ukhupi.

2 Waqcha almaymi 5 Auqa kaspaymi

Munakusunki Saqererqayki,

Qanwan tiyaytan Pantasqaywantaq

Yuyaykukunña. Waqacherqayki.

3 Ama suyaychu 6 Hueqeykikunan

Apu Jesusllay Rantikuwarqan

Haykuykullayña Pantasqaymanta

Waqcha sonqoyman.

Kutimpunaypaq.

4 Munakusqayki 7 Kutimpuykiñan

Wawaykin kani, Waqcha wawayki,

Waqaykukuspa Chaskipullaway

Maskhawasqayki. Usuriykita.

24. JESUS YAYANCHISTA

1 . Jesus Yayanchista

Chunka much'aykusun,

Qhasqonchispi kaqta

Chunka yupaychasun.

1. Waqcha almanchista

Chaskichikunanchis,

Payman qopunanchis

Tukuy sonqonchista.

2. Khuyaq Yayan kanki

Uyariykullaway

Qhapaq kayniykita

Rakirimullaway

3. Noqa waqchaykita

Khuyapayallaway,

Haywarimullaway

Qhapaq makiykita.

4. Ñawray qhasqollaykin

Noqaq maskhanayqa,

Noqaq samanayqa

Sumaq sonqollaykin.

5. Ñukñu Jesusniyta

Tarikapuninan;

Cheqaq munaqkeyta

Chaskikapuniñan.

25. YUPAYCHASUN TUKUY SONQO

1. Yupaychasun tukuy sonqo

Hostiapi Diosninchista;

Ch'uyay, ch'uyay paqarimuq

Maria Mamanchistawan.

2. Unanchaykuy cristiano,

Jesucristoq rurasqanta,

Qan munakuq sonqonwanmi

Hostiapi qhepakurqan.

3. Dios Yayaq sapay Churinmi

Runa tukun, runarayku,

Yawarninta hich'arispa

Huchanta ch'uyanchananpaq.

1. Waqcha kaypi ñak'arispan

Kay pachapi Jesusninchis,

Unuy parata waqaspa

Huchasapata maskharqan.

2. Kawsaypipas, wañuypipas,

Yanapaway, Jesusllay,

Qanllataña munakuspa,

Qanllawanña kawsanaypaq.

3. Aychaykita mikhukuqtiy

Sonqoy qanpaq raurarichun

Yuyayniytaq k'ancharichun,

Qanman k'asqaykukunaypaq.

4. Hanaqpacha gloriaykipi,

Qanwan kuska q'ochuchiway,

Qan Diosniyta wiñayllapaq

Chay kuska yupaychanaypaq.

26. QOSQO LLAQTA

1 . Qosqo llaqta, rikch'ariyña,

Nawiykita kichariyña, (bis)

Jesús T'antata qhawariy: (bis)

lntikunaq illallanta,

K'anchaykunaq kawsayllanta.

2. Qosqo llaqta, q'ochurikuy,

Diosniykiman kutirikuy,

Raimi P'unhau qanpaq illan,

Qhapaq lnti k'ancharillan,

Tukuy sonqo kawsarillan.

1. Tawantin suyu runakuna

Q'ochuntillan sayarispa,

Qonqor moqo ullpuykuspa

Misk'i simita takispa

Yupaychasun Dios T'antata.

2. Angelkuna takiychisña

Hanaq-pacha q'ochukuywan

Llapan suyu kawsayninta,

Waranqata añaychaychis,

Yupaychasun rawrarispa.

3. Kaymi qanpaq kausay p'unchau

Kay sapallay cheqaq uhun,

Kausayninchispa kawsaynin,

Chaymi t'antaqa cheqaq uhun.

27. HAKU MAMAY PURIRISUN

Haku, Mamay, puririsun,

Wawaykita maskhamusun,

Awqankunaq makinpiñas

Wawallayki ñak'arishan.

Manas pipas ialaw! ninchu

Kusi lnti Wawaykita.

Maypin kasqanki, Yayallay,

Sonqollaypa ñuqñu samin.

Hanaq-pacha qoyllorkuna,

Maypin kasqan Wawallayqa.

Teqsimuyuq k'anchaq Inti

lnti Killa, rikunkichu.

Rit'i ñawch'i orqokuna

Qankunachu pakankichis.

Mamallaykin maskhasunki

Yawar weqe qhaparispa.

Maypin urpillay, kasqanki,

Mamaykita waqachispa.

Hinantinta maskhamuni

Muspha muspha, sonqollantin.

Millay qaqaq sonqonpiña

Wawaykiqa p'anpasqaña.

28. QOLLANAN MARIA

1. Qollanan Maria,

Tuta k'anchaq qoyllur,

Ñanta chinkachispa ¡Ay!

Qhawapayanayku.

1. Huchasapaq Maman

Llapa maskhanayku,

Qhawarimuwayku ¡Ay!

Llakeq wawaykita.

2. Kaytan unanchaspan

Tutapas p'unchaupas

Khuyaq Mamallaytan ¡Ay!

Waqyapayakuyki.

3. Qanpin suyakuni

Huchasapa hina

Diosniypa qanllanpi ¡Ay!

panpachay tarinaypaq.

4. Wañuyniy pachapi

khuyapayawaspa

Auqaykunamanta ¡Ay!

Hark'aykukuwanki.

5. Diosniy phiñakuqtin,

Mamay kayniykiwan

Sumaq mantoykiwan ¡Ay!

Pakaykukuwanki.

29. MUCH'AYKUYKIN QOCHA QOYLLOR

1. Much'aykuykin qocha qoyllor

qanmi Diospa sapay Maman,

Santa wiñay Virgen kanki

hanaq pacha kusi punku.

1. Runaq huchanta pakaspa

ñausaymanaqta k'anchariy,

mana allin kaqta qarqospa

tukuy allinta mast'ariy.

2. Mama kasqaykita sut'inchay

mañasqaykuta chaskichiy

Pin qanmanta noqarayku

paqarimuq wawaykiman.

3. Llumpaq kausayta qowayku

ñanta kamaripuwayku

qhapaq Jesusta rikuspa

wiñay kusi kausanaypaq.

30. NACHU MAMAY HAMUNKINA

1 . Ñachu mamay hamunkiña

hanaqpacha gloriaykimanta

angelkunaq pusarisqan

wawallayki waturikuq

2. Tiyanayki patallapin

qoripalma sayaykunki

chika hatun kusikuywan

chakiykiman chayamuni3. Wakin wawaykikunaqa

maytaq kaypi rikhurinchu

allpapicha kuru suqsin

llapallanpa qonqasqanña

2. Wakin muru wawaykikunaqa

may runaq waqan purillasqan

chika hatun llakikuywan

mamallanta chinkachispa.

31. iOH MARIA! NOQAQ MAMAY

1 . Oh María, noqaq Mamay,

Llapa runa kusi samin,

Yanapaway, pusapuway,

Hanaq-pacha wasinchista.

2. Hanaq-pacha llunpaq Ñust'a

Angelkunaq yupaychanan;

Santokunaq lirpuykunan,

Apu Diospa cheqaq Maman.

3. Huchasapaq suyakunan,

Teqsimuyuq munay Maman;

Wawaykita llanthuykuway,

Weqe-pacha purisqaypi.

4. Wiñay k'anchaq, phancheq qoyllor

Llapa runaq qhawanayku

Ñanniykuta k'ancharispa,

Llaqtaykuman pusawayku.

5. Tukuy sonqo waqyakuyki,

Mushpan, mushpan purisqaypi;

Uyariway, ñuqñu Mamay,

Pisi kallpa wawaykita.

32. CH'UYAY - CH'UYAYLLAN

1 . Ch'uyay - ch'uyayllan paqarirqanki,

Ave María, Diosniypa Maman.

2. Mañapuwayku Dios Apuykuta;

Mañasqaykiwan qespinaykupaq.

3. Doncella Mama yanapaqniyku,

Waqyakuspayku suyakunayku.

4. Dios phiñakuqtin rimarispayki

Phiñakuyninta thasnuykapuway.

5. Hanaq pachapi Diospa qayllanpi

Mañapuwayku llapallaykupaq.

6. Mamayku hina kallpanchawayku,

Wañuy pachapi qespinaykupaq.

7. Jesús Wawayki taqyachiwachun,

Pay munakuypi wañunaykama.

33. HANAQ-PACHA SUMAQ NUSTA

1 . Hanaq-pacha sumaq Nust'a

Angelkunaq ullpuykunan.

Qanmi Diospa Maman kanki ¡Ay!

Huchasapaq waylluykunan.

2. Kay pachata qhawarimuy

Chay umiña ñawiykiwan;

Huchasapakunatachus, ¡Ay!

Dios phiñachiq kasqaymanta.

3. Pitan maskhaspa, Mamallay,

Kay pachaman hamurqanki;

Huchaymanta waqaniñan, ¡Ay!

lcha maskhaq purimunki.

4. Imanasqataq, Mamallay,

Munakuyniyki tukukunmi;

lcha pi maskhasqaykichu, ¡Ay!

Qanmanta ayqespa purin.

34. VIRGEN SANTA DIOSPA MAMAN

1 . Virgen Santa, Diospa Maman,

Huchasapaq suyanayku,

iMaypis, Mama, yawar weqe,

Qanwan kuska waqanaypaq!

2. Diospa aqllan, sumaq urpi,

Huchasapaq sapay Maman,

Tukuy pacha runas yachan,

Noqarayku wañusqanta.

3. Qhapaq Jesus wawaykita

Nak'ariqtaña rikuspa,

Qanchis awqa wach'ikuna

Sonqoykita t'urpuykurqan.

4. Sapaykipi rikukuspa,

Piñiykimanmi asuykunki,

¡Nuqñu Jesus Wawaykita

Wañusqata qhawarispa!

5. Kunan p'unchaumi tukukun,

Mamay, Qanpaqqa kusikuy.

Llakillañas qallarimun

Mana p'uchukayniyoqta

35. REINA CONCEBIDA (Tono Reina del Carmen)

1 Reina Concebida 4 Almaykuq sonqon

Qosqo suyupis Sonqoykuq rurun

Wawaykikuna Ñaupaqllaykipi

Waqyakuykiku. Purichiwanku.

2 Llakiyniykupi 5 Auqaykunallan

Mamay qanmanmi Saruykachawan

Kutirimuyku Qan mamaymanta

Yanapawayku Chinkarinaypaq.

3 Sonqollaykipi 6 Maypi kaqtiypas

Kausachiwayku Yuyariwanki

Dios munakuyta Ima llakipas

Yachachiwayku Musphachiwaqtin

36. HANAQ PACHAPI QORI AZUCENA

1 . Hanaq pachapi qori azucena

Dios Yayaq munaspa mallkikusqan,

Gracia phoqcheq kaynikimanta

Llapaykumanyari rakirimuy.

2. Tukuy mañakuqniykikunari

Yachansi qosqayki chaskikuyta:

Hucha ruruq, kiska sach'aqa

Imatas yachayman mañakuyta.

3. Noqari, manachu wawayki kani,

Cruspa chakinpi chaskisqayki;

Huchaypichus qhepakapuyman,

Mana kaynikiri maypis kanman.

4. Tukuy llakiniypa chaupinpipas,

Qanllan kapuwanki sayakunay,

Huchakunaq wañuchisqanta

Makillaymanta aysariway.

5. lmaynas wañuyniy chayamunman

Wawaykiq phiñasqa kayninpiqa

Kunanyari panpachachiway,

Tukuy millay huchaymanta.

6. Tukuy mana allin kayniypipas

Mañakusqaypiqa suyakunin:

lmaynan Qan kashaqtiykichu

Awqaypa makinpi wañuykuyman.

37. ÑACHU, MAMAY, NIWANKIÑA

1 . Nachu, Mamay, niwankiña

Ripullayña waway nispa

Maytan risaq, sumaq Umiña

Qan Mamayta saqerispa.

2. May punkutan ullpuykusaq,

Qanmantaña t'aqakuspa

Pimanñataq anchuykusaq,

Qanman hina kusikuspa.3. Sumaq Nust'a DiosIlawanña,

Chaskiwayña sonqollayta;

Llakikunaq mukisqanta,

Ancha phutiq qhasqollayta.4. Uyariway, llumpaq Mamay,

Huchasapa wawaykita

Haywariway makiykita

kutimunay p'unchaukarna.

5. Bendicionta churaykuway

wasillayta ripunaypaq

qan Mamayta yuyarispa

Diosniyta yupaychanaypaq.

6, Qanmi Mamay sayaykunki

kay pachapi kusi mallki

huchasapa llanthukunan

tukuy runaq kusi markan.

7. Qanwanmi Dios Jesucristo

K'ancharillan yuyayniyta

sonqoytataq munakuypi

raurarichin kusikuypi.

8. Pitan Urpi waqyakusaq

pantay ñanpi rikukuspa

manañachu napaykusaq

sutiykita kusikuspa.

38. REINA DEL CARMEN

1 . Reina del Carmen

Kasqaykirayku

Ñukñu María,

Qhawarimuwayku.

2 Tukuy runallan 5 Chaymi noqapas

Milagroykita Rampariwanqa

Willakushanku Nispa suyaspa

Sumaq Señora Anchukamuyki

3 Ñoqallapaqchus 6 Manan pi maypas

Mana kanmanchu Kutipurqanchu

Khuyakuyniyki Llakisqallaqa

Waqcha kayniypi Ñawiykimanta

4 Askha wawayoq 7 ¡Ay! Mamallay

Maytas purinqa Allin kawsaywan

Pitas mañanqa Sumaq wañuywan

Kausarinanpaq Taripachiway

39. A LA SANTISIMA VIRGEN PURIFICADA

1 . Nachu Mamay hamunkiña (ese tono)

Hanaq-pacha gloriaykimanta.

Angelkunaq pusarisqan

Wawaykikuna tapurikuq.

Purificada Mamallay Pastorayku.

Khuyapayaway, Mamallaymi

Pisi sonqo wawaykita,

Mamallayqa Pastorayku.

2. Tiyanayki patallapi

Qori palma tiyaykunki;

Chika hatun kusikuywan

Chakiykiman chayamuni.



Pisi sonqo wawaykita,


3. Khuyapayaq Maman kanki

Llakillaytan willasqayki

Manan kanchu tayta mamay

Sapallaymi rikukuni.



Pisi sonqo wawaykita


40. CANCION QOLLA AL SEÑOR DE QOYLLUR-RIT'I- Qollan Qollan niwashanki

Maymantañas qollapis kayman

hatun mamaypa wawan kashaspa

hatun taytaypa churin kashaspa

Pitaq qanta nishasunki

maytaq qanta nishasunki

maki llaqwa qolla nispa

t'oqsina moqo qanchi nispa.

Pauccar qolla llaqtaymanta

imillachayta pusakamuni

paraqay mamawan chalarikuspa.

lcha Señores challariwaqchu

alamanopaq cosineranpaq.

Imataraqsi challarisawaq

Hayk'ataraqsi challarisayman

uchuchapaqpis faltashaqtin.

Noqaraqcha chalarisayman

tutaq tukusqan sibadachayman

pisloq tukusqan maiz mamaywan.

lman nispa haykumusaq

hayk'a nispa haykumusaq

Santo Templo wasiykita

sin pecado concebida

Qolla qaspapas

llamero qaspapas.

Ñakay taytay tarimuyki

orqon q'asanta wasapaspa

hayay pillinta yakuykuspa

ichuq chullunta tomaykuspa

Qolla kaspapas

Llamero kaspapas.

Almallayta aysamuyki

huchallaywan chaqnasqata

paskarillay almallayta

pisqa rosas makiykiwan

sumaq t'ika makiykiwan

Qolla kaspapas

Llamero kaspapas.

Bendicionta churaykuway

wañuqpaspas kasaqpaspas

Ay Taytallay, Ay mamallay.

Qayna wata kaypi kaqri

maytaq kunan kaypi kanchu


Maychikatachá qhawaykunki

wañuqpaspas kausaqpaspas


Hayk'a taytay ripusaqtaq

waqanallay llaqtallayman


Wakin kaqchá allpaq sonqonpi

khuyay khuyayta waqashan


Kausaspachá chayamusaq

wañuspaqa Diusllawanña


Adios, Adios Señor Qoyllur-rit'i

hasta qallas watas kama


Warak'achallay k'aq k'aq chayay

espijochallay lliph lliph chayay

amaña wauqellay mancharinkichu

yawar mayupiña rikurukuspapas

cuchilla chayay shiuq shiuq chayay

warak'achallay k'aq k'aq chayay

amaña wauqellay mancharinkichu

yawar mayupiña rikurukuspapas.

Anchaylla mansi urayarimunchis

hatun qollaqa llaqtanchismanta

llapa huchanchis puririnanpaq.

Yachallari wauqey sabiari wauqey

huch'uyta hatunta respetakuyta

huch'uyta hatunta Ave Maria qoyta.

Cuatro esquinas Santa Misa

kheyna chhatana tusunaqa

kasqa chayanpi dale nispa

kasqa chayanpi golpe nispa.

Q'achucha q'omer castillachay

chaynataraqchus tusunaqa

kaynachataman dale nispa

kasqa chayanpi golpe nispa.

Haku haku niwashaspa

achinga achingas chay

imas noqas ripushayman


hanq'ara uya imillawan


aswansi noqa ripukusaq


Andahuayllllas niñachawan


haku haku niwashasqa


imas noqa ripushayman


uma sapa pauluchawan


aswansi noqa ripukusaqachinga achingas chay

mayunpanpa niñachawan


Haku Tayta wauqellay puririkamusun

Sasa Tayta wauqellay wañukusunmanpas

Ripunanchis q'asata qhawaratasunchis

cheqaq tapuni churi rit'i laqashasqa

cheqaq tapuni churi para parashanman.

41. NOVENA AL SEÑOR DE QOYLLUR-RIT'I

1 . lsqon p'unchay novenayki

Señor Qoyllur-rit'i

ñan kunanqas tukukapunña (qallarenqa)

ñuqñu Jesusllay.

2. lma sonqoyki atinqataq


ripuy churi niwanaykipaq

ñuqñu Jesusllay.

3. Amayari qonqawankichu


huchasapaq mañakusqanta

ñuqñu Jesusllay.

4. Kayqa Taytay ripusaqñan


waqanallay llaqtaymanqa

ñuqñu Jesusllay.

5. Kausaspachá kutimusaq


wañuspaqa manañachá

ñuqñu Jesusllay.

6. Bendicionta qoykuwayku


llaqtayku ripunaykupaq

ñuqñu Jesusllay.

7. Ripunay k'asakama


samiykiwan saminchaway

ñuqñu Jesusllay.

8. lma samikoq runachá


q'aya wataman qhawaykusunki

ñuqñu Jesusllay.

9. Noqa mana samiyoqqa


ichas mana chayamusaqñachu

ñuqñu Jesusllay.

10.Novenayki tukukuqtin


ripuy churi niwankiñachá

ñuqñu Jesusllay.

11. lma ripuy atisaqtaq


kusi kausanay patamanta

ñuqñu Jesusllay.

12. lma sonqoy atinqataq


maymi hamusqay ñan ripunaypaq

ñuqñu Jesusllay.

13.Qayna wata qhawakuqniyki


maytaq kunan kaypiñachu

ñuqñu Jesusllay.

14. Wakin kaqchá runaq llaqtanpi


wakintaqchá allpaq sonqonpi

ñuqñu Jesusllay.

15.Ñachu Taytay qhawaykuwankiña


Wañoqpaqpas kausaqpaqpas

ñuqñu Jesusllay.

16.Kausaspachá kutimusaq


wañuspaqa Diosllawanña

ñuqñu Jesusllay.

17.Riqraykita mast'arispa

Señor Qoyllur-rlt'i

bendicionta qowaykuwayku

ñuqñu Jesusllay.

18.Diosllawanña Diosllawanña


Diosllawanña Diosllawanña

ñuqñu Jesusllay.

42. DESPEDIDA QOLLA ALSEÑOR

DE QOYLLUR-RIT'I

Kaychus kaychus Santo Templo

iskay kunan kutimusaq

iskay llaqwa kutimusaq

qollas qaspapas

llamero qaspapas.

Sonqollapi napaykuyki

tukuy mañana wasiykipi

qolla qaspapas

llamero qaspapas.

Uyariway chaskillaway

huchasapa wawaykita

qolla qaspapas

llamero qaspapas.

Novenaykita yuyarispa

kuska kuska purimusun

nispa nispa puriymuni

qolla qaspapas

llamero qaspapas.

Qhapaq sutiyki yuyarikun

kaqtuy llapa llaqtamanraq

Ccatca runa llaqtamanraq

Qolla qaspapas

llamero qaspapas.

Almaykuta pusamuyku

noqaykuwan chaqllananpaq

qolla qaspapas

llamero qaspapas.

Qan llaqtayta paqarinmi

iskay rosas makiykiwan

iskay qollor ñawiykiwan

qolla qaspapas

llamero qaspapas.

lskon p'unchay novenayki

kunan p'unchay tususayki

Ay Taytallay, Ay Taytallay.

Novenayki tukukoqtin

ripuy waway niwankikuchá

pasay waway nlwankikuchá


Rimarisun llapichakuspa

hayk'aq risun llapichakuspa

problemallay llaqtaykupaq

llakinallay llaqtaykupaq


Keyqa Taytay ripusaykuña

keyqa Taytay pasasaykuna

Yglesiamun haykullantaq


Ripunallay qasapatakamá

pasanallay qasapatakamá

chakiykiwan fomentaywayku

Ay Taytallay, Ay Taytallay

Chaywan chaywan chanin chaykukuspa

waqaspapas phawaysallayku


Qayna wata hamuq masiyku

manas kunan kaypi kanchu

Ay Taytallay, Ay Taytallay

Wakintaqchá runa llaqtanpi

wakintaqchá hayk'aq tukunki


Kausaspachá kutimusaqku

wañuspaqa Diusllawanñachá


Adios, Adios compañeros mios

hasta qallas wataskamá

Ay Taytallay, Ay Taytallay,

43. HAKU ANGEL PURlRISUN

1 . Haku Angel puririsun

Dios Yayanchisman

Cuentatan qomusunchis

Kawsasqanchismanta:

Hatariy ari, sayariy ari

Qanpas asnaq aycha.

2. Kay pachapas chaskikuqtin

Tukuy lloqllarinqa;

Chayamunqan llapanchispaq

P'unchaw manchananchis:

Llakikuspataq, Diosta waqyari,

Sinchi huchasapa.

3. Wañuy taripay p'unchawmi

Qonqay chayamunqa,

lmaymana rurasqaykin,

Kanqa chaninchasqa:

Mañakuyari Diosniykimanta

Pampachakuyninta.

4. Kunanqa qhawariniñan

Supay wasitapas;

Millay runa kasqaymantan

Pesachikuniña

Taytay Jesusllay, crusniyki-rayku,

Khuyapayallaway.

5. Chaqay manchana p'unchaupi,

Nisaq imatataq,

lmaynataq rikhurisaq

Diospa qayllanpiri?

Apu Jesusllay, munakuq Diosllay,

Ama qarqowaychu.

44. OVEJALLAYTAN APAMUYKI

1. Ovejallaytan apamuni,

chitachantintan haywamuyki

rikuchikuyniy chanillanmi

qan Mamaypaqmi uywarqani.

2. Qollana Mamay kapuwanki

wachakiy mamay willawarqan

hanaqpachapin cheqaq Mama

chaypin k'anchasqan wiñaypacha

3. Hanaq pachapin Mamanchisqa

nispa niwaqtin kusikuspa

sutiykitaqa yachachiwarqan

kayta unanchaspan kausakuni.

45. ANGELLAY

Angelllay maytas rinki

chika usqhay phawaspayki

Jesusllaywan tinkuspaqa

wawallaykin waqan ninki.

Sumaq uyanta chinqachispan

muspha muspha purisqani

hucha khuyaq sonqollaywan

tutayaqpi rikukuni.

Sonqollanqa llakisqansi

maycha wawallay niwaspa

huchaykunan karunchachiwan

pay khuyapayawananmanta.

lskay puqioq weqey qanman

huchaymanta waqanaypaq

chakiykiman ullpuykuspa

unuy parata waqanaypaq,

Ñam, Yaya, reqsikuniña

sumaq munawasqaykita

qan phiñachiqniykita

wasiykipiña wawallawanki.

46 NIÑO JESUSMI

1 Niño Jesusmi 8 lm'allatapas

Paqarimunña Aparikusun

Huchasapata Kamaqninchisman

Yanapananpaq Qoykunanchispaq

2 Haku rispanchis 9 Maki hunt'ata

Much'aykamusun Sapa p'unchaypas

Angelkunapas Paypa kaqninta

Yupaychasqankus Chaskishaspaqa

3 Belen portalpis 10 Teqsimuyuntin

Jesus paqarin Kusirikuchun

Huchasapata Weqe pachapi

Maskhaq hamuspa Kausaq runaqa

4 Waqchay, waqchayllas

11 Ñan paqarinña

Paqarimunpas Qespicheqninchis

Waqcha kayninta Wawankunata

Qatinanchispaq Qespichinanpaq

5 Sonqonchistapas 12 Sumaq niñucha

Saqeykampusun Ama waqaychu

Niño jesuspa Noqan waqani

Llumpaq makinman Huchaymantaqa

6 Paymi kamaspa 13 Noqan Diosniyta

Qoykuwarqanchis Phiñachirqani

Pay munakuyta qan munakuqniy

Yachananchispaq Waqanaykipaq.

7 Sonqoytan qoyki 14 Qanman kasqasqa

Qanpa kananpaq Wiñay wiñaypaq

Ama hayk’aqpas qan munakuypi

Kacharinkichu Raurarinanpaq

47. BELEM PORTALPIS

1. Belen portalpis - Niñucha waqashan

Huchasapata - maskhawaspanchis

2. Kirauchallanpis - Niñucha waqashan

waylla ichupa - chaupichallanpi

3. Pastoreskuna - asuykamuychis

Niños Jesusmi - waqyamuwasqanchis

4. Pastoreskuna - rimayqaysiway

Niño Jesusta - kusichinaypaq

5. Haku risunyá - llullu wawaman

sonqollanchista - apaykamusun

6. Chakichaykiman - Sumaq wawacha

churaykamuni - chay sonqollayta

48. PURUN UKHUPI

1. Purun ukhupi, yuraq Pastorcha,

lchhu k'irawpi, rit'i sawnayoq,

Siriq wawacha.

2. Ari Niñollay, chayamunkiña

Ovejaykita michinaykipaq

Reqsiykariyña.

3. lma sumaqmi chukuchaykiwan

Kusmachatawan Mamayki rurasqa

Sumaq makiwan

4. Waraqachata noqa qosqayki

Llapa suwata, pumakunatapas,

Qarqonaykipaq.

5. lcharaq manchachisqan chukchallayki

Rit'ipi ratasqa, intiq k'anchanqan

Sumaqmi kanki.

6. Qowanaypaqmi puriykachanki,

¡Ay! Wiraqocha, sumaq Niñocha

Wawaq qepanki.

7. Tinyachallata waqtarikuspa

Pastor kikiña puririqtiyki

Uyarisunki.

8. Millay runata qaqakunatapas

Aswan maskhanki: qawariwaytaq

Millay churiykita.

49. MUCH'AYKUSQAYKI QOLLANAN ÑUST'A

Much'aykusqayki qollanan Ñust'a (bis)

kay waqcha wasipi sumaq chiwanwan

purun-purunpi oveja michikoq

ñawillaykiwansi qhawarimuwanki

angelniykikuna willariwaqtinsi

hatun kusikuwan maskhamuykiku.

50. SEÑOR MANUELITO

Señorito Manuelito

imallamantan waqanki (bis)

Calvario orqo wichaypi

hatun crusta qhawaykuspa (bis)

puka chaki wallatita

imallamantan waqanki (bis).

51. HAKU WAWQELLAY PURIRISUN

Haku wawqellay puririsun BELENTA

Kusi sonqoyoq chayaykusun PORTALTA

killaq qayllanpi rikuykusun INTITA

chaupi tutata kay pachapi K'ANCHAYTA

52. HANAQ PACHA GLORIAMANTA

Hanaq pacha gloriamanta

qhapaq Diospa churin hamun (bis)

runa munaq sonqollanwan

kay pachaman uraykamun (bis)

achachallaú sumaq Niño

ima sumaqta k'anchanki (bis)

Llama micheq samiyoq runa

hakuchun Belen portalman (bis)

Belen portalman chayaykuspa kamaqnenchispa kusichisun (bis)

achachallaú sumaq niño

ima sumaqta k'anchanki (bis).

Salqa chaki wisk'achapas

paruy-paruy ninrichantin (bis)

rikranchanta kuyuchispa

kamaqninta muyupayan (bis)

achachalaú sumaq niño

ima sumaqta k'anchanki (bis)

52. BENDICIONTA CHURAYKUWAYKU.

Bendicionta churaykuwayku (bis)

Llactallayman purinaypaq

Wasillayta ripunaypaq

AY TAYTALLAY, AY DIOSNILLAY

Qanwan kuska ripuspaqa (bis)

Sumallaqta kausasaqku

Wauqeykuta munakuspa

AY TAYTALLAY AY DIOSNILLAY

Kay domingo p’unchaypiqa (bis)

Fiestaykita yuyariyku

Quñukuspayku llapallayku


Santa Misa tukukuqtin (bis)

Ruwanaykuman qutisaqku

Thaq kayniykiwan sonqoykupi


Documents

Cancionero Quechua