A Pag-ampo ni Daniel:
· Pagtuon sa Kasulatan. Daniel 9:1-2.
· Si Daniel nagtuon sa Kasulatan, ug nakaplagan niya nga ang
Jerusalem magpabilin nga gun-ob sulod sa 70 ka mga tuig samtang
sila nagpuyo sa Babilonia (Jeremiah 25:11-12; 29:10). Mao kini ang
usa ka sangpotanan sa kasal-anan sa katawhan sa Dios (Levitico
26:31-35; tan-awa ang 2 Cronicas 36:17-21).
· Niadtong panahona (538 BC), si Daniel nag-alagad sa Babiloni
sulod sa hapit 70 ka tuig (605 BC), ug ang bug-os nga pagkagun-ob
sa Jerusalem ug sa Templo nahitabo hapit 50 ka tuig adisir niana
(586 BC).
· Nasabtan niya ang panahon nga iyang gikinabuhian, ug miliso
siya ngadto sa Dios sa pagpangayo sa Iyang mga saad.
· Pag-ila sa ilang sala. Daniel 9:3-14.
· Ang pag-ampo ni Daniel maoy usa ka
nagapataliwala-alang-sa-uban nga pag-ampo, sama sa kang Moises
(Exo. 32:11-13) ug sa kang Elias (1K. 18:41-46).
· Gihimo ni Daniel ang kasal-anan sa katawhan nga iyang
kaugalingon, miduol sa Dios sa tanan nilang sala ug
pagkadili-takus.
· Wala siya misulay sa pagpangulipay sa sala ni nagbaliwala
niini. Gilapas nila ang balaod. Wala sila mamati sa mga pahimatngon
sa Dios. Takus sila sa ilang silot. Pero, si Daniel nagpataliwala
alang sa katawhan ug nangayo sa kalooy sa Dios.
· Kung mag-ampo kita alang sa uban o alang sa katawhan sa Dios,
ang Dios mamati sa atong mga pag-ampo ug makalihok nga pabor alang
kanila.
· Pagpangayo sa grasya. Daniel 9:15-19.
· Si Daniel nag-ampo alang sa dili-mapalit nga grasaya ug
kapasayloan sa Dios. Ingon ani unta ang atong pag-ampo ngadto sa
Dios.
· Unsa nga mga argumento ang gigamit ni Daniel sa iyang
pangalyupo alang sa pasaylo sa Dios?
(1) Hustisya sa Dios (b. 16).
(2) Gugma sa Dios (b. 17).
(3) Kalooy sa Dios (b. 18).
(4) Alang-alang sa Dios (b. 19a).
(5) Alang-alang sa ngalan sa Dios (b. 19b).
B Tubag sa Dios:
· Pagsaysay sa panan-awon. Daniel 9:20-24.
· Nabalaka si Daniel mahitungod sa panan-awon, tungod kay iyang
nasabtan nga ang sala sa iyang katawhan makapadugay-dugay pa sa
pagkagun-ob sa Jerusalem (b. 16).
· Gisugdan ni Gabriel ang iyang pagsaysay pinaagi sa pagsulti
kang Daniel nga 70 ka semana ang gikutlo (gitino, gigahin) “alang
sa imong katawhan ug alang sa imong balaang ciudad.” (b. 24)
· Atol niana nga panahon, ang katawhan sa Dios mangandam na unta
alang sa buhat sa Mesias nga pagahimoon alang kanila (ug alang
kanato).
· Unsay buhat nga pagahimoon ni Jesus human niadtong 70 ka
semana? Daniel 9:24.
(1) Sa paghuman sa kalapasan: Sa pagtapos sa rebelyon batok sa
Dios.
(2) Sa pagtapus sa mga sala: Sa pagpasaylo sa sala.
(3) Sa paghimo sa pagpasig-uli alang sa kasal-anan: Sa pagbayad
sa bili nga gibungat sa Balaod.
(4) Sa pagpasulod sa walay-katapusang pagkamatarung: Sa pahimo
kanatong matarung sa walay kataposan.
(5) Sa pagmatuod sa panan-awon ug sa panagna: Sa pagtuman sa mga
tagna mahitungod sa Mesias.
(6) Sa pagdihog sa Labing Balaan: Sa pag-abli sa Langitnong
Sanctuaryo, sa pagsugod sa pagpataliwala nga bulohaton.
· Ang panagna nga kalendaryo. Daniel 9:25-27.
· Ang 70 ka semana gikutlo gikan sa mas taas nga 2,300-ka-adlaw
nga panahon, ug adunay susama nga sinugdanan.
