Hikajat Malem Diwa

TEUNGKU ABDULLAH

H I K A J A T

M A L E E M D I W A

DJILEED

NJANG KEUDUWA

Geupeuteubiet lee MAKTAB A H ATJEH RAYA

Djalan Perdagangan 55, K U T A R A D J A

S A L E U E M P E N E R B I T

Deungon du'a-du'a dum na peuminat Hikajat MALEEM DIWA njo, uro njo ka leungka lom kamo peuteubiet djileed njang keuduwa.

Dalam djileed njang keu duwa njo djeut neutupeue pakri ban laku ngon useu-ha Teungku Maleem njang ka geumeusa-peue deungon po Ni, hingga PUTROE BUNG SU djatooh tjinta keu Maleem Diwa.

Silandjootdjih pakrikeuh hay Teungku ngon Putro, djeuet neutala'ah dalam djileed duwa njo.

Ateueh useuha rakan geutanjo, dalam djileed njo geusiseeb saboh lagu njang djeuet keu Putro Bungsu djatooh hatee meutjinta. sin!ah-n'ah PUTROE BAE geu-penteubiet sugenh non geu-ireeng irama bangsi njang gwlub lee Teungku.

Mudah-mudahan dmn^on n'o. keuseunl nian genti-r'^ At'*ih nlang leubh indah, bkkenh taboh-feoh, hak tateora pubeudoh teuma, bk fiat djipumabook lee atra ureueng nanggro gob.

Saleuem Penerbit,

KUTARADJA, 15 Desember 1959.-

"NARIT SEUNAMBOOT"

Assalamu'alaykum tangloong peungaro, Samboot rakan dro saleuem sjedara. Bak treeb-treeb sibleet peuneu-eet kamo Saleuem loon sino keu rakan dum na.

Ganto loon mumat duwa blah djaro, Adoeen ngon ado keumoeen ngon apa. Samboot saleuem loon tangloong meukato, Le that disino tatoeeng keu laba.

Adak loon brl meuh duwa Ihe kato, Slat sit sampo habeeh seureupha. Leubh that tjakab mangat chaba njo, Hana habeeh ro siumu doonja,

Le that djeuet ubat amanat sino, Meung na tapako wahee sjedara. Djileed keuduwa gura han bago, Tjuba teungku dro djino neubatja.

Djino loon samboong hudjoong saboh ro, Tjut Bungsu Putro nibak Ni tuha. Djandji loon dile djino ka sampo, Batja teungku dro djileed keuduwa.

Wassalam,

TEUNGKU ABDULLAH.

"BISMILLAHIRRAHMANIRRAHIM"

PUDJOE NGON SALEUEM

Deungon BISMILLAH loon puphoon surat, Deungon nama zat Tuhan njang Asa. Teulheueh loon pudjo Allahu Ahad, Akan MUHAMMAD seulaweuet loon ba.

Laeen nibak njan teuman keu sahbat, Loon toeeng beureukat njang sampoereuna. Loon lake tuloong nibak hadlarat Beu sampo hadjat loon karang chaba.

Neubri hatee loon peungeuh ngon teupat Loon keumeung surat djileed keuduwa. Loon peutrooh djandji ngon rakan sahbat, Dlle loon ikat nibak djileed sa.

Tjit ka djandji loon langsoong ka meuhat, Djino loon sambat wahee sjedara. Mangat tabatja chaba 'ibarat, Pakri ban mangat inong sadjan ma.

Pakrikeuh matjam reusam ngon 'adat, Putro tjut ubat deungon tuwantha. Padum na sakeet padum na mangat, Bee ook meusungkab ka djuet keu raja.

Hana geupikee sjawee lam djasad, Chaba tan sihat Putro Sah Bawa. Neukheun keu Bungsu hantu djeen sisat, Puntja bak Ahmad djiseukok maha.

II QISAH TEUNGKU MALEEM

NGON PUTROE BUNGSU.

Ajee dilaoot muboot geulumbang, Kapay ka rab lham laootan Hindi. Anunaba'adu po meulu keumang, Muwo karangan Teungku Djuhari.

Po Maleem Diwa chaba loon ulang, Neungieng Putro nam ka djikeumbali. Bandum ka djiwo nunanggro manjang, Tanggay disinan Bungsu nibak Ni.

Uro pih djiloob sepoot ka malam, Dl Teungku jooh njan meuhon'bak Rabbi. E ja Ilahoon Malikoon Manan, Po uloon Tuhan njang mahasutji.

5

E Po neutuloong keu loon beu reudjang, Teuka seupoot klam Po uloon tabri. Beu teuka udjeuen supheuen beu sadjan, Djino sikarang tuloong ja Rabbi.

'Oh lheueh meulake kumbe meukarang, Reudook ka hitam bandum ka meuri. Udjueuen pih djitooh gurooh geumeuntam, Langt seupoot klam sama sikali.

Teungku Maleem ploeeng ladju lee tjuram, Tamong udalam nibak rumoh Ni. Ka sampo uleuen neukheun meuno ban, Po meuda saudang Banta djuhari.

E hay Ni pajoong tanglo'w; dW'nulang, Sino loon numpang beu izin tabri. So meuhey kamo bunj ;ensan, Meunan lakuwan uloon deungo kri.

Njokeuh bu kamo e po ma badan, Diloon beurdjalan keuno peureugi. Loon pawang rusa po ma djeunulang, Bak seutt rakan ka trooh bak po Ni.

Timu ngon Barat han mupat djalan, Udjeuen seupoo klam hana beuranti. Badje ngon idja rata basahan, Tabri loon numpang sino rumoh Ni.

Han djeuet aneuk dro sino tanumpang, Ureueng didalam peunoh meuriti. Inong sinaro sidro tan agam. Baroo trooh datasig keuno peureugi.

Adak njan han djeuet e ma njan keunan, Sino loontuwan pijooh bak djeungki. Disinan oih bk niiooh hay intan, Wen keudeeh reudjang ladju peureugi.

Djiseuoot Putro teumo njo ban, Djikheun lee teuman nibak po ma Ni. Tabri hay po ma geupijooh sinan, Sajang that pawang malam ka sunji.

Sajang diloon han beuntji diloon tan, Kadang tjit djih njan salh pantjuri. Po Ni meututoo leupah le matjam, Le that lekuwan chaba meut'aqwi.

Mangat bk leumah nibak Putro pham, Bateen didalam hana leumah ri. Le that meureunq po nk lakuwan, 'Akay dum matjam nibak po ma Ni.

6

Leupah that utooh geubajooh kalam, Siribe matjam nibak teumaki. Po Maleem Diwa chaba meuno ban, E hay ma badan apuy njan tabri.

Apuy situngo djino bri reudjang, Sidjoeek that badan meutoo-too bibi. Po Ni sunjoeeng lee apuy njan reudjang, Neukheun meuno ban han that leumah ri .

E hay samlako pudo meukarang, Bak teungoh malam tajub lee bangsi. Tabooh ngon lage meuribe matjam. Beu gt taragam e Banta Saydi.

Meunan meuchaba po ma keubajan, Neu-eek lee jooh njan sadjan Putro Ti. Po Ni neudjak eeh keudeeh udalam, Peungon tjut intan Bungsu djuhari.

Bak kira-kira poh duwa malam, Neujub lee teuman di Teungku bangsi. Phoon-phoon Teungku jub lagu neuragam, Neubooh lakuwan Sijam ngon Hindi.

Putro ka lajooh tubooh neulajang, Meunankeuk njum sang man joh beureuhi. Bule djibeudoh ban saboh badan, Hatee tjut intan bago geulili.

Guha djikuwak pirak teuhupam, Ka djipeureunggang punjoeeng djisundi. Putro djimeusu ladju meuno ban, Tanjong lee jooh njan nibak po ma Ni.

E ma peue su djeeh seudeeh kon wajang, H&ritom loon ngoran njang ka-ka lawi. Po Ni meuchaba landja lee jooh njan, Neudjaweueb kalam Bungsu djuhari.

Keu peu katanjong bungong lam karang, Suwara pawang wahee e njak Ti. Pawang meunadjat meuhat tjit meunan, Keupeue hay intan njan kadjak sudi.

Njang djeuet e ma dro kamo tanjong ban, Uloon deungoran mangat han sakri. Neujoee eek keuno djino njan gob njong, Bek lee disinan lam seupoot sunji.

Meuan meuchaba tjahja buleuen trang Neuhey lee jooh njan Banta djuhari. Taeek aneuk dro tceuno beu reudjang, E bungong peukan keuno tatiti.

\

Irama daerah IDA-112-195 1 = C (A minor) Lagu dan sjalr :

2/4 Sedang A N Z I B

PUTRO BUNGSU BA ( Seutt irama bangsi Maleem Diwa )

mf = == = = ! / / 0 3 6 6 7 / 1 . 7 2- 1 7 / 1. Tjut-da ka leu - pah ( Tjut- da ka leu-2. Di - tjut - da ka trooh ( di - tjut - da ka 3. Sam - pee that hatee ( sam - pee that ha-4. E ja Tu- han ku (e ja Tu- han-

/ 6 . 6 6 6 7 / I / 0 3 6 6 7 / 1. pah ) tu- wah ka neuwo, Geu-tinggay ka-2. trooh ) pi-jooh di-nanggro, Ting-gay loon si-3. tee) meutjree ngon a-do, Di - gob njan geu-4. ku ) neu-ban- tu kamo, Neu - pu - lang dji-

1 / 1* . 7 2 1 7 / 6 5 6 7 1 7 / 6 . / / 1. mo ( geuting-gay ka-mo ) ni - bak Ni tuha 2. no (tinggay loon sino) hatee loon rugha.-3. wo ( di-gob njan geuwo ) ting-gay sje-da ra.-4. no ( neu-pulang dji-no ( badje ngon i-dja.-

/ / 0 3 3 3 3 / 4 3 2 2 3 / 1. Ba- tjut hana weueh ( ba-tjut hana 2. Bak a- jah bunda ( bak a- jah bu 3. Tan ga-seeh sa-jang ( tan ga-seeh sa-4. Ma- ngat loon-tu-wan ( ma-ngat loon-tu-

= = = mf _ 1 . 7 6 6 6 / 7 . / 0 7 6 6 6 / 1. weueh ) inseueh keu ka-mo, geu-tinggay si-2. nda ) tjut-da ka neu-wo, Ting-gay di- ka-3. jang ) ba-tjut tan bu-dho, Geu-tinggay a-4. wan ) reudjang teu-me wo, Meu-tjheen that ka-

/ 7 . 7 1 2 3 / 1 . 6 7 1 5 / 6 . / / 1. no ( geu-tinggay si-no ) lam rimba raja.-2. mo (tinggay di - ka-mo ) da-lam seungsa- ra.-3. do ( geu-tinggay a- do ) lam rim-ba ra- Ja.-4. mo (meutjheen that kamo) keu a-jah bunda.-

: No. 112/4c 1956 :

Po Maleem Diwa ngo chaba meunan, Neu- eek lee jooh njan dalam rumoh Ni. Neudoeek diramo sidro disinan, Neujub lee jooh njan teuman loom bangsi.

Neubooh njon lage siribe matjam, Bungsu ka sawan nibak deungo kri. Jooh njan teukeunong tjut bungong keumang, Aruwah meulajang bangon djinari.

Hana lee teutab hatee lam badan, Tjut bungong peukan ngilu ngon ngeuri. Tjut Bungsu djimo rango hana ban, UI6e ka mumang intan djuhari.

Tjinta ka djatooh leusooh geumilang, Keu Banta intan hatee beureuhi. Seudang dum dile lage sidum nan, Djino hay rakan han eek tatukri.

Djino le taeu lagu dum trang-trang, Surat kireeman bagah lee djibri. Asay ka hatee han lee dipantang, Siribe matjam djalan djitjari.

Peugt lee surat leugat djikarang, Djibooh didalam pantoon njon njanji. Nibak masa njo djino ka meunan, Dalam kireeman puputooh djandji.

Le that mupalo djino meudjantang, Nibak deungoran pantoon ngon njanji. Astagfirullah leupah that keudjam, Inong ngon agam tjinta ka djadi.

Le that meupalo sampo djeuet meunan, Gadoh maluwan iblih peunari. Dalam djiguda daja lee sjetan, Uro ngon malam hana beuranti.

Beu ingat-ingat hay bungong peukan, Bk rooh salahan njang 'ajeeb keudji. Bk djeuet meupalo bino ngon agam, Uro koomdijan salah bak Rabbi.

III.

LEUSOGNG BAK DJAMBEE.

Leusoong bak djambe ale bak bugeeng, Sinjak teumeuteeng teupoong haluwa. Ajat loon baleek titeek meulaeen, Uram matee eeng udjoong matee a.

9

Tadjak tjah rimba pula u gadeeng, Aneuk tjitjak kheem lam puteeng para. Uloon peuriwang intan meuleeng-leeng,

Tjut puteeh leutjeen Bungsu Antara.

Hateedjih susah leupah mupuseeng, Ingat Teungku leem keu pawang rusa. Di po Ni tuha bitjara laeen, 'Akay that sureeng datook tjeulaka.

Pura teungeut dro rahgo that leutjeen, Gob njan peu laeen hatee lam dada. Neukalon Bungsu tunu ngon ngeureen, Ule ka puseeng keu Maleem Diwa.

Djidoeek pih susah reubah meutunggeeng, Tjut Putro leunteeng tidjoh i mata. Malam ngon uro Putro ka gigeeng, Mupuseeng-puseeng hatee lam dada.

Teuka hatee weueh inseueh ngon ngeureen, Tjut Putro leunteeng tidjoh ie mata. Nibak simalam keumang oon lapeeng, Leumah mubareeng hatee lam dada.

Djipeugo po Ni po Ti tjut leunteeng, Chaba meulaeen tjut Putro muda. E ma toot panjot mt-mot ban leubeeng, Pidieet ka djitreen le that bak tika.

Po Ni nestbeudoh mh-moh reutuaggeeng, Panjot njang ka leen peuhu lee sigra. Djikheun lee Putro sambino tjandeen, Tabri uloon treen bak pawang rusa.

Ngon puwan tabri po Ni loon peutreen, Ranub loon sireeng ngon pineung muda. Loon meung pareexa idia seunaleen, Nibak Teungku leem njan pawang rusa.

Po Ni neuseuoot iroot sang teukheem, Meuno neubareeng buka suwara. Pakri rooh takheun buleuen mubreeng-breeng, Nibak Teungku leem na djitjok idja.

Padjan 'an djitjok meung baroo djitreen, Keuno tan lazeem didjih djiteuka ? Seuoot si Bungsu meusu sang teukheem, Tjut Putro leunteeng djibajooh chaba.

Baukitkeuh meunan kamnn bah loon treen, Didalam bateen uloon pareexa. Kadang ngongeuh na geuba njang laeen, Narit mupuseeng dudo tjit njata.

10

Putro tjok puwan reugam geunireeng, Tjut puteeh leutjeen ranub djiputa. Ranub djipeutroon susoon mupuseeng, Tjut Putro gileeng dalam tjeurana.

Ngon bungong lawang sadjan djipateeng, Bago geurubeeng ban papeuen beehtra. 'Oh teulheueh hasee batee djipeutreen, Tjut puteeh leutjeen djidjak seumapa,

'Oh ban djikalon bangon Teungku leem, Tjut Putro tjandeen sang ngilu mata. Djikheun lee meuno tjut Putro leunteeng, Narit meusureeng buka suwara.

Salam'alykoom tangloong meuleeng-leeng, Padjan hay daleem keuno neuteuka. Djeeh eutnpung tijoong ditjoong bak makeen, Aneuk peureuleeng njang hitam sukla.

Pueu boeet lam uteuen taploeeng Teungku leem, Pakon e po Been tadjak lam rimba. Uloon deungo su ngilu ngon ngeureen, Na sang-sang bandeeng bago bijula.

'Oh te loon deungo pungo ka puseeng, Meusu Teungku leem mangat lagona. Ditioong tuwalang meukawan tjitjeem, Djidong meudjandreeng bak tjabeueng raja.

Peue tadjak mita gata Teungku leem, Keuno djeuet tatreen udalam rimba. Dilekon han torn keuno tan kajeem, Hana tom lazeem loon kalon rupa.

Peukeuh bn nabsu Teungku keuno treen, f-> ka nwn M o o n di

N J u m - n j u m m e u l i n t a h b a k hatee kamotf, P u l a n g da leem d r o id j a adeeknda . H a n a u l o o n t jok hay t u w a n P u t r o , B a k r a k a n k a m o s a l h t j i t n jang na .

R a k a n d i u l o o n n a d u w a l h e d r o , H a n meuho n a n g g r o slsat l a m r i m b a . T j u b a pa reexa id ja d i k a m o , N e u n g i e n g k e u a d o m e u n g s ib l ah ma ta .

M e u n j o m e u t e u m e t e u a t e n e u p u w o , U p a h b a k k a m o dura-dum njang h a w a . H a n seeb s i bungkay l o o n b r i s i k a t o , T e u n g k u n e u p u w o b a d j e ngon id ja .

D l Teuns 'ka M a l e e m t eukheem njan sang r o , N e u n g o tjut P u t r o d ' i roeusuwara . D j a w e u o ^ l i T e u n g k u ' a d i u lee m e u n o , Tadeungo k a : hay P u t r o m u d a .

Diloon t an k u t j o k r a m p o k h a y PutroS, G a d o o h d i k a r ' o i a. Ewntah na dj i t jok lee r a k a n k a m o , T a p r h e P u t r o u loon pareexa .

J o o h masa udjeuen kup loeeng l o o n k e u n o , R a k a n s i n a r o han lee meuho k a . K a saboh saho k a t -a e n g o n k a m o , S a l h s i t na n j o d t j o k n jan id ja .

T a p r h l o o n tan jong e bungong p a n d ' o , N j a n g t jabak d j a r o k u w a t meuseunda . M e u n j o m e u t e u m e t e u n t e l o o n p u w o , Peuna jah a d o n jum-n jum han h a w a .

H a n peue peu-upah pajah d igob n j o , L e that a t ra d r o hay P u t r o m u d a . ' O h b a n P u t r o ngo m e u n a n h a r e u t o , T u t o o s a m l a k o ud joong m u p u t a .

Sang-sang k a t e u k h e e m tjandeen s a m b i n o , U d a l a m s a g o d j ipa leeng m u k a . T e u m a meuchaba meu t i j a p u d o , D j i k h e u n lee m e u n o t jut B u n g s u m u d a .

E da leem pajoong t ang loong p e u n g a r o , N e u p u l a n g k e u n o id ja adeeknda , Seuoot d i T e u n g k u l ad ju lee m e u n o , H a n a b a k k a m o b a d j e n g o n id ja .

T e u m a d j i kheun l o m bu l euen s i u r o , B u n g s u tjut P u t r o k a djineutj*i*'ic. B a k k a j e r euhung e u m p u n g b e u r a g o , D i t j o o n g b a k g e u t o aneuk leuek k u w a .

12

Meung na neusajang tjutbang keu ado, Neupulang keuno badje ngon idja. Seuoot lom Teungku ladju lom meuno, Tadeungo kamo hay Putro muda.

Aneuk meuruwa djigisa lam kroeeng, Djeeh aneuk rapeueng tamong kuwala. Loon boh ngon gampoong loon tiek cheuradjeuen,

Kon loon djak ba ploeeng idja adeeknda.

Seuoot tjut Putro meuno lom djikheun, Tjeempala uteuen djlmeusuwara. Meutulak qisah kipah tjut buleuen, Bungong sijoeeng-joeeng djldjaweueb chaba.

Djeeh aneuk buja ka kureeng reukoeeng, Djeeh aneuk rimoeeng ka kureeng muka. Daleem pih useueng ado pih useueng, Dak Ieubh kureueng siuro duwa.

Dilangt pih na bintang sikureueng, Rt barooh buleuen na bintang kala. Neuboh ngon nanggro neutiek cheuradjeuen,

Peue daleem djak toeeng udalam rimba ?

Teungku meuchaba landja lom neukheun, Hay bungong seupeueng tadeungo hamba. Tadeungo kamo tjut Putro meugleueng, Bubee uloon kheun hana meutuka.

Buleuen dilangt singt umideuen, Djeeh aneuk limpeuen djiloob lam idja. Hay ado pajoong bukon loon kuploeeng, Loon djak lam uteuen kutjari bunga.

Meung goh meuteume kumbe sijoeeng-joeeng, Hay ado buleuen han lee kugisa. Loon troon digampoong loon ludah reunjeun, Hana duwa seun kupandang doonja.

Hana lee ubah ka sah ban loon kheun, Gt puteeh tuleueng bak puteeh mata. 'Oh ban Putro ngo leungo ka meunjum, Teureunjum-reunjum Tjut Baagsu muda.

Gunong Seulawah gadjah muploeeng-ploeeng, Dalam Iinggong kroeeng buja meuseunda. Pakon keukanda seunda le that dum, Djino peue tatoeeng seuneubooh idja ?

Idja neupulang badan loon keu jum, E daleem tatoeeng keu hamba gata. Uloon teumeuniet keu namlet tatoeeng, Tajoee koh naleueng keu umpeuen gua.

13

Keuruseumangat rachmat sit bandum, Uloon tjut buleuen saban ngon gata. Uloon pih hamba bago gata kheun, Tan leubh kureueng nibak Rabbana.

Teungku ngon Putro bago leuek useueng, 'Oh meuno djikheun meudeeh neuputa. Po Ni didapu meung bu neutagoeen, Neumasak bandara meung peue-peue njang na

Meung ba pih masak eungkoot pih seuoeem, Po Ni teumagoeen pantah lagona. Neubooh lam daloong mangkoong neukaleueng, Keudeeh neusunjoeeng ukeue tjut Banta.

Po Ni ncumeusu ladju lee neukheun, Aneuk tamakeuen meung bu ngon sira. Eungkoot dilaoot han torn muuajeueng, Padum na djanieun loon doeek lam rimba.

Meunankeuh ehaba po Ni ka neukheun, Seuoot lee mupeung po Maleem Diwa. Suwara mangat meunan rasa njum, Teureunjum-reunjum sang-sang teutawa.

Keuruseumangat rachmat meukato, Diule kar.io suwara di po ma. Teungku neumakeuen ladju lee djino, Sinan ngon Putro meumeudoeek duwa.

Teulheueh padjooh bu Teungku samlako, Beungoh lee uro djiteubiet padja. Lake lee izin bak tuwan Putro Di Teungku sidro neudjak lam rimba.

Di Teungku Maleem lazeem tieb uro, Tjiijeem neupuwo keu Putro muda. Beungoh neugeutah saupoot neupuwo, Neudjook keu Putro neubooh lam tjintra.

Tjut Putro Bungsu Teungku peulalo, Geunab-nab uro meunan keunira. Badje ngon idja hana djipako, Ka tuwo Putro meuteuoh hana.

Na padum laweet njang meunan bago, Tjut Bungsu Putro meuhey Ni tuha, Tadjak hay po ma njan siat keuno, Na peue dikamo pakat ngon gata.

Po Ni neupeurab leugat keunan to, Nibak tjut Putro bungong seulanga. Teuma neutanjorig keunong han bago, Keu peue aneuk dro tameuhey po ma.

14

hay ma pajoong tangloong peungaro, Neu-eu boeet kamo ngon pawang rusa. Lhe buleuen suntook dawook lam lalo, Idja dikamo mupat pih hana.

Beungoh ngon seupoet kaloot tob tumpo, , Hana sapeue ro njang djeuet keu laba. Bu uloon tagoeen magoeen tieb uro, Ke gadoh lalo beungoh ngon sindja.

Han gt lee lage dike njo meuno, Peukaween kamo ngon pawang rusa. Hana peue salah kipah meusudjo, Njang peutrooh sampo Tuhan njang Asa.

Tjit njang gt meunan keumang oon geuto, Pakon taiem dro han peugah bak ma. Adak barokon meunan hay Putro, Ka lheueh boeet kamo fari lako gata.

Po Ni tagoeen bu ladju lee djino, Patah han bago tadjam pih raja. Udalam hidang teuman geupaso, Neuleueng ngon djaro Po Ni mupinta.

E ja Ilahi neubri beu sampo, Sijah duwa dro keuno beu teuka. Narit pih teulheuehpo Ni meunan ro, Sijah trooh sampo keunan banduwa.

Teuma djitroon lee tangloong peungaro, Sijah duwa dro djak pumulija. Putro djak seumah duwa blah djaro, Tjut Bungsu Putro meuno meuchaba.

Teungku peunikah uloon njan djino, Deungon Teungku njo leem pawang rusa. Meunankeuh chaba meutija pudo, Neudjooh udjaro ngon ie lee sigra.

Neusrah lee babah Sijah duwa dro, Seureuta sampo neubatja du'a. Teungku peunikah Banta ngon Putro, 'Oh lheueh seuleuso Teungku neugisa.

Ka tinggay Bungsu ngon Teungku djino, Hadjat ka sampo gob njan banduwa. Malam pih seupoot ka djiloob uro, Neu-eeh samlako ngon Putro muda.

Ka teungeut pangsan gob njan duwa dro, Banta ngon Putro hana lee djaga. Na tudjooh malam na tudjooh uro. Teungku lam lalo ka teungeut indra.

15

Bak uro siplooh djaga teuma ro, Beudoh tjut Putro boot hidang raja, 'Oh teulheueh makeuen buleuen siuro, Sinjak tjut Putro buka lee chaba.

f E Teungku pajoong tangloong peungaro, Neudeungo kamo e po meukuta. Meung na neugaseeh Teungku keu kamo, Neupulang djino badje ngon idja.

Teuma neuseuoot muda samlako, Tadeungo kamo hay Putro muda. Badje ngon idja na jum sikato, Uloon hay Putro padum hareuga?

Lom pih rakan diloon hana wo, ;'. Han pat hay Putro kamo perexa.

Taprh djiriwang rakan sinaro, Kadang trooh djiwo singoh ngon lusa.

Meunankeuh chaba muda samlako, Tanggooh lhe uro sampo kutika Teuma lom sudi pi Ti sambino, Tanjong lom djino badje ngon idja.

Lhe buleuen sabee njang meunan bago, Teupikee djino po Maleem Diwa. Neumeuhey po Ni lee useuramo, Neukheun lee meuno Teungku meuchaba.

Pakrikeuh laku e ma loon sidro, Diloon ka wah-wo hatee lam dada. Hana loon tuban e intan pudo, Ban-ban hadjat dro e po Beentara.

Beukit bak meunan kaman e ma dro, Bah sadjan kamo gata uloon ba. Gata uloon ba keudeeh ngon Putro, Bak nanggro kamo bah lee tabungka.

Nanggro Pijadah langkah e ma dro, Teumpat dikamo ajah ngon bunda. Neudong disideeh duwa lhe uro, 'Oh dudo tawo e ma tagisa.

Po Ni neudjaweueb neukheun lee meuno, Han dieuet aneuk dro loon sadian taba, Loon takoot teuka teuma lom Putro, Djikheun keu kamo djeuet djuru bahsa.

Beukit njang djidjak Bungsu tjut Putro, Djiseutot lako uloon peuchaba. Teungku neudeungo njan meunan bago, Neuploh lee djino baloeem njang raja.

16

Teungku neutjok meun jooh njan sikatoe, Ka neupeudjaro keu po Ni tuha. Meung njokeuh njang na ma bungong djaro, Djeuname Putro bahlee keu gata.

Ngon tablo kaphan djan-djan matee ro, Djan-djan e ma dro tatinggay doonja. Neubrikeuh izin e ma keu kamo, Meu'ah e ma dro sibarang desja.

Po Ni neuseoot ladju lee meuno, Izin keu kamo e bidjh mata. Du'a seulamat aneuk bak kamo, Allah bri sampo beu trooh tagisa.

Meunankeuh chaba po Ni hareuto, Ie mata meutalo ilee bak dada. Kuk'oeeq ngon manok suboh lee uro, Po Maleem djino beudoh neubungka.

Neuba lee sadjan intan meukato, Tjut Bungsu Putro sadjan neubawa. Umu lhe buleuen neudjak ngon Putro, Ka trooh unanggro keudeeh ni bak ma.

Ka trooh jub asan bintang peungaro, Neupijooh djino ngon Putro muda. Sinan neukeubah kipah meusudjo, Teangku Maleem wo udalam kuta.

'Oh ban saree trooh uleuen meuligo, Teungku hey ma dro Putro Sah Bawa. Putik pisang klat djantong pisang nu, So na dileupu lam rumoh raja ?

So bu meuhey loon tangloong tjahja hu, Sang-sang bunjo su njan Maleem Diwa. Njokeuh bu kamo e po ma Teungku, Ka trooh loon laki keuno loon gisa;

Taeek aneuk dro keuno bea ladju, E bungong meulu tjahja mata ma. Han djeuet lom loon eek e ma uleupu, Djeeh pat tjut Bungsu meulinte gata.

Djak toeeng hay bunda landja beu ladju, Po bungong meulu jub asan raja, 'Oh ban Putro ngo beudoh lee mupru, Teuma neupalu ngon goong lee sigra.

Raqjat dum djitroon meuroon meutabu, Keunan dam la>u udalam kuta. Djiba haluwan ban-ban njang laku, Teube deungon u han eek takra.

17

Raqjat meureutooh ka trooh dum lalu, Beuoeet lee ladju ngon djaro duwa. E po tjut ampoon tangloong tjahja hu. Peue keuh bu nabsu kamo ka teuka ?

Putro Sah Bawa landja neumeusu, Tadeungo aku Meuntro Pangllma. Tadjak toeeng ado sambino meulu, Matauro hu jub asan raja.

'Oh ban djideungo raqjat dum seu-u, Beudoh lee mupru ublang djiteuka. Iiong ngon agam ublang djilalu, Djak toeeng tjut Bungsu puwo lam kuta.

'Oh ban saree deuh peungeuh ka dji-eu, Tjut bungong meulu djikalon rupa; Bandum ka tahe tutoo han lee su, Bak dji-eu Bungsu ka teusoeet mata.

Allah ja Rabbi han meukri laku, Raqjat meutabu teudong teupula. Han torn djipandang meunan na dji-eu, Tjut bungong meulu tjeudah lagona.

Tjahja mublee-blee kandee tjahja hu, Bago keululu lam seupoot buta. Kuleet peureuseeh puteeh meululu, Muka limpah hu meutjahja-tjahja.

Hana so teuntang bintang meutabu, Meunjo treeb taeu silala mata. Taeuebak hidoon.g rantjoong djroh budju, Ngon be meuharu ban minjeuk 'ata.

Dum nanketfi tjeudah pajah bak taeu, Njang meunan laku hana sapat sa. Putro kahjangan ruman djroh laku, Hana sikuphu ngon ureueng doonja.

Sabab nanggro njan manjang meululu, Bak teumpat diju ureueng Antara. Leupie lage mboon tutoong tan djampu, Nanggro tjut meulu sidjoeek lagona.

Meunan riwajat meuhat hay teungku, Geupeugah laku lee ureueng tuha. Beuna ngon salah euntah tan loon eu, Pakri ban laku loon tukri hana.

Bk djeuet sjedara chaba meutipu, Riwajat Bungsu nanggro Antara. Meung seebkeuh dilee lage matee u, Loon baleek buhu duwa lhe bandja.

18

Udjeuen ka djitooh pijooh han meudjan, Padee dalam blang han seeb peunula. Ajat loon tuka chaba meuriwang, Uloon peugah ban raqjat sidum na.

'Oh teulheueh djieu Bungsu andalan, Peurab lee keunan jub asan raja. Mumat lee djaro ngon Putro intan, Djidjook halwan peue-peue njang djiba.

Meung njokeuh njang na e po tjut badan, Beudoh hay intan tadjak gampoong ma. Keuruseumangat rachmat meukarang, Nibak loontuwan ateueh djeumala.

Meunankeuh chaba tjahja buleuen trang Tjut bungong peukan mamh suwara. Peu-eek tjoong gadjah kipah meukarang,

Tjut Putro intan puwo lam kuta.

Raqjat dum sampeeng ireeng Putro phang, Seutt tjut intan puwo nibak ma. Uleuen meuligo sampo ka datang, Neutroon lee jooh njan tjut Putro muda.

Putro Sah Bawa geumbira han ban, Neu-eu lakuwan Bungsu Antara. Teuma neupeurab leugat lee keunan, Tjut bungong keumang teuma neusapa.

E aneuk pajoong tangloong geumilang, a Meutuwah intan ka trooh nibak ma. Padum treeb sabee hatee meulajang, Loon prh buleuen trang keuno tateuka.

Meutuwah tubooh ka trooh bri Tuhan, Gata tjut intan gt that bahgija. Neutjok neubuho bako hana ban, Ka meutang-ilang meugisa-gisa.

Reubooh ngon reubah pajah hana ban . Galak kon wajang Putro Sah Bawa. Neuwa ngon neutjoom tangloong buleuen trang, Bukon lee sajang galak lagona.

Dalam meuligo peu-eek lee jooh njan, Tjut bungong keumang peudoeek bak tachta. Tjut Putro tuha landja beur djalan, Neutjok lee eumpang ladju neuraba.

Ngon breueh lam kant paso lee jooh njan, Mata neupandang bak aneuk dara. Meung breueh lam guha ka roo meugram-gram, Gadooh digob njan geupublo mata.

19

Hateegeuh mt-mot meukeunjot badan, Meung breueh lama eumpang habeeh lam guha. Hana lee geuthe lage sidum nan, Hatee meulajang bak Putro muda.

Teudjak ngon teudong muwo meu-ulang, Beudoh deendajang teuma lee sigra. Meung bu pih masak eungkoot djireundanrg, Paso lam hidang peu-eek lee po ma.

Geutoob ngon sang geum lee jooh njan, Beuoot hidangan ukeue Tjut Banta. Putro Sah Bawa chaba meuno ban, Makeuen hay intan meung bu ngon sira.

Bk male-male kumbe oon rihan, Peue na mudahhan makeuen bak po ma. Keuruseumangat rachmat meurumphan, E po ma badan ateueh djeumala.

Banta ngon Putro makeuen lee sadjan, Buka hidangan teuma lee sigra. 1 'Oh teulheueh makeuen pinah lee hidang, Wate pih datang ka leupah Insja.

Beudoh geudjak eeh puteeh tjahja trang, Tjut bungong peukan ngon Maleem Diwa. 'Oh nokeuh dile lage matee ang, Udjoong ngon uram uloon peutuka.

Ajat loon baleek titeek keunarang, Ubah lakuwan duwa lhe bandja. Meung konkeuh meunan hana gt reumbang, Buhu batjaan pajah lagona.

IV. " A W A N MEUSAGOOB"

Awan meusagoob meutoob uro hu, Manjam ditjoong u keumang meukeuprak. Batjut loon ubah qisah ngon buhu, Chaba loon djampu sikrak duwa krak.

Pat-pat na salah harah njang neu-eu, Batjaan buhu njang djeuet keu pipak. Pat njang han keunong bungong e teungku. Ubah lee ladju bubee njang rusak.

Bk djeuet keu tjupa chabaran buhu, Diloon hay teungku hana that rantjak. Ka teutab 'oh no rampo oon paku, Muwo keu Teungku ngon puwan pirak.

Kilat mublee-blee sabee tjahja hu, Hana djan taeu geulanteue meutak. Chaba loon puwo keu Putro Bungsu, Duwa ngon Teungku teungeut sang ka phak.

20

Na tudjooh malam dalam beuradu, P u t r o ngong Teungku njan hana meagrak. Teuqeudi Allah Tuhan njang satu, K a djaga Teungku ngon bungong meurak.

'Oh ban teukeudjoot nibak beuradu, Teuma m e s j e u h u lee djeueb-djeueb sawak. Rarjiat dum diitroon meuroon meu'u-'u, Barat ngon Timu keunan dum djidjak.

D j i m haluwan ban-ban niang laku, T e u b e deungon u na meun ngon pirak. Ladoom meuseukat bu leukat djampu, Ban-ban njang laku reusam bubee hak.

Ladoom keukarah kulah deungon bu, Ngort t ^ n ^ i n uln djarmu nisang wak. Ladoom m pejeeh meutjeeh bak taeu, L h e s a g o tintiu djibooh lam tabak.

Njang m beureuteeh kuweeh ruti u, Le that ban laku kQw>an d b a w a k . Chaba makanan 'oh nan e Teungku, Peugah seugitu b k djeuet keu pipak.

Umu l h e u r o s a m p o meu'u-'u. Hareuta T e u n k u ka meulak-libak. Han lee s o kira laxa ngon ribu, Barat ngon Timu Ie that ureueng djak.

N'ang hana leupah susah dieuet karu, Djikheun tjeumuru inong b k diarak. Han djeuet meung djeiiooh hungkooh seugitu, Sang-sang ka ladju s a l h tjit pipak.

D

Di Teungku Maleem ureueng mesjeuhu, Barat ngon Timu hana so tulak. Atjh ngon Padang ka trang djitau, Djimale Teungku ka djeueb-djeueb sawak.

Sireutooh rakan njang santeut umu, Keu ngon di Teungku barangho neudjak. Kajeem djak meu-en ingn di Teungku, Galak seugitu tarooh meuh pirak.

Djak meu-en pasita tan reuda taeu, Njan boeet di Teungku njang leupah galak. 'Oh beungoh neudjak seupoot wo ladju, Puwo keu Bungsu na meuh saboh tjak.

Dalam meuligo ka sampo Teungku, Beudoh lee Bungsu seumah ditapak. Putro djibeuoot ngon djaro br.dju, Hooreumat Teungku tjut bungong meurak.

Didalam hidang intan djibooh bu, Beuoot keu Teungku 'oh wo nibak djak. Teungku neumakeuen siseun lee ladju, Njon Putro Bungsu hana torn djarak.

Rt no ngon rt deeh gaseeh meurindu, Hana seugitu hatee njang rusak. Uro nih seupoot djiloob lee ladju, Djak eeh di Teungku ngon Putro rantjak.

V.

"STASJIOON MEDAN"

Stasijoon Mdan geuritan diak wo, Geur.ab-nab uro ule djituka. Teungku Ma'eem eeh da 'a^ neulfoo, Duwa ngon Putro tjut Bungsu muda.

Na. tudi^oh r*alam na tndiooh uro, Teukeudjoot djino sigo ban duwa. 'Oh ban teukeudjoot ka beungoh uro, Neutroon djak mano Putro ngon Banta.

'Oh lheueh meusutji njan banduwa dro, Makeuen lee djino sapat banduwa. Hatee that rindu Teungku ngon Putro, Tadengo djino uloon tjalitra.

Na padum Iaweet ka treeb njan sampo, Tjut bungong uro ka Tuhan qada. Tuhan bri mum teuma tjut Putro, Di Teungku lalo djak meu-n panta.

22

Meunan tjit kajeem lazeem tieb uro, Dawook neudjak wo po Maleem Diwa. Bungsu meuchaba teuma lee djino, Peugah tjut Putro nibak djudoonja.

E Teungku ampoon tangloong peungaro, Keu loon njan neublo malo ngon sutra. 'Oh ban neudeungo chaba Tjut Putro, Neukheun lee meuno lee Maleem Diwa.

Meung bk puboeet-boeet hay tiut njak Putro, Tameu-n keudro e djudoo Radja. Meung deuek tapadjooh reuooh tamano, Le that lam peuto dum rukoon idja.

Peue njang galak kheundak hay Putro, Tatjok lee keudro dum-dum njang hawa. Tiut Putro Bungsu marit lom meuno, Njang ka lam peuto atra ka lheueh na.

Njang ka loon hadjat meuhat djaro dro, Teungku neudjak blo bk lee meudarwa. Kadang tjit matee diloon 'oh dudo, Bk apoon djaro e po meukuta.

'Oh ban Teungku ngo chaba tjut Putro, Ladju neudjak blo malo ngon sutra. Sutra sinaleeh Teungku neupuwo, Neudjook keu Putro tjut Bungsu muda.

Malo nson tawah pih na Teiwku blo, Ban surooh Putro hana lee daqwa. Putro lee keubah keudeeh usago, Beuoot lee djino hidang njang raja.

Teungku neumakeuen siseun ngon Putro, Geunab-nab uro meusapat duwa. Bungsu meuchaba teuma lom meuno, Izin Teungku dro siat adeeknda.

Di Teungku dile neudoeek disino, Loon useuramo izin meukuta. 'Oh ban neudeungo meunan hareuto, Neutroon lee djino po Maleem Diwa.

Teungku ka neudjak keudeeh ka sampo, Peudeueng didjaro bubee bleuet mata. Neutroon ka neudjak hana njan neuwo, Teungku ka lalo bak meu-n panta.

Peuoot ngon manok geunab-nab uro, Manok neupuwo nibak Ni tuha. Boh manok lhe boh dile neupuwo, Peukarom dudo nibak gampoong ma.

23

Madjih matee ka musang eumpo, Tinggay tjit boh njo njang lhe boh sahdja. Teungku peukarom teuma gampoong dro, 'Oh tjh njan sampo ka neupculahra.

Duwa njang ka kom saboh djeuet pako, Aneuk manok njo hitam ngon sukla. Po Mj'sam Diwa sangka ka i/ah-wo, Neukalon bago meung sang-sang dara.

'Oh trooh urumoh teuma neupuwo, Djiku'oeek keudro budjang djuwara. Teungku pih leumah didalam lumpo, Neu-eu manok njo ban siwah radja.

Habeeh dum reubah djiplah sinaro, Manok laeen ro habeeh seureupha. Meunan geupeugah qisah asay pro, Teungku neupuwo nibak Ni tuha.

Ubak geu'anggang neum lee sampo, Teungku booh talo budjang djuwara. Teungku neutaronfa reufooh meukato, Habeeh djicumpo manok dum njang na.

Chaba keu manok 'oh nan teungku dro, Chaba loon paso naniang lagona. Teungku ka meunang geunab-nab uro, Tarooh neupuwo meulaxin-laxa.

'Oh ka teungku djak mit na niang neuwo, Dawook lam lalo bak meu-n muda. Bungsu latn gadooh reuooh djimano, Malam ngon uro djigampooy sutra.

Sunggooh that hatee lesidee sambino, Habeeh sinaro sutra djikeumba. Hanakeuh djieeh malam ngon uro, Disinjak Putro pajah lagona.

Sutra pih habeeh puteeh sinaro, Diilhab 'oh dudo ngon malo sigra. Djibooh bak teupeuen buleuen siuro, Djieunsjook djino tjut Putro muda.

Na meung lhe paleet baroo meuaso, Sakeet tjut Putro budak keuluwa. Teupeuen ka teudoeek sinan lee keudro, Djikheun lee Putro nibak tuwantha.

Keubah hay po ma landja lee djino Teupeuen dikamo keudeh upara. Han djeuet lee loon mat meukab sinaro, Soitra bandum njo habeeh meukeumba.

24

Meunan keuh chaba tjahja oon geuto, Bungsu wasiet ro nibak Sah Bawa. Putro djimadeueng seuoeem ngon aso, Peuet plooh peuet uro sampo keutika.

'Oh lheueh nibak njan teuman seumano, Sinjak tjut Putro beudoh bak tapa. . Mano pih hasee kandee sambino, Dalam meuligo djieek lee sigra.

Ditjok peulajan intan meukato, Buka lee peuto saboh njang raja. Djitjok ngon idja meutija pudo, Djingeuy diaso Bungsu Antara.

'Oh lheueh meusaleen tjandeen han bago, Rupa sang uro geumilang tjahja. Rupa meutamah kipah meusudjo, Kuleet tjut Putro meukatja-katja.

Llpat meuganda rupa di Putro, Sang-sang na bago buleuen purnama. Teutabkeuh dile kumbe oon geuto, Buhu loon ganto ajat loon tuka.

L, vi. "TJAHJA GEUMILANG"

Tjahja geumilang bintang ateueh glee, Peungeuh mublee-blee ban saboh rimba. Po Maleem Diwa suka bukon lee, Neu-eu boh hatee manjak baroo na.

Neu-eu aneuknda tjahja ban kandee, Galak bukon lee Putro ngon Banta. Teuma neubooh nan intan mublee-blee, Tjut bungong padee neurasi nama.

Nama ka meuhat AHMAD neubooh lee, Bungsu tjut kandee hatee that suka. Neubooh lam ajoon tangloong mublee-blee, Putro djirawee doodi ngon dooda.

Meung djak loon timang keumang boh awee, Timoh ateueh glee meutjula-tjula. Beu rajek reudjang intan meutangkee, Aneuk boh hatee tjahja mata ma.

Chaba tumimang panjang hana lee, Ka maqlum saree 'oh nan mumada. Geunab-nab uro ka meuno sabee, Ladju rajek lee po Ahmad muda.

25

Seupoot ngon beungoh satoh boh hatee, Po bungong padee po ma peulahra. Meunjo ka teungeut teubleut hana lee, Tjut Putro kandee djitroon lee sigra.

Djitroon seuramo Putro ka sampee, Teupeuen djimat lee tjut Putro muda. Aso lhe paleet baroo djirawee, Ahmad djitroon lee lam ajoon idja.

Dalam meuligo djino meurabee, Ahmad teume lee busu ajahnda. Aneuk pineung roeek Ahmad djitjok lee, Po bungong padee tjabak lagona.

Busu ka djiinat Ahmad tareek lee, Ngon aneuk saree djipeulheueh sigra. Keunong bak maha mata ka mublee, Sakeet bukon lee seungko lagona.

Ka rooh neutjaroot neudhoot jooh njan lee, Chaba njang slugkee Putro Sah Bawa. Hay aneuk paleeh keudeeh djak hilee, Hana gt peu-ee aneuk djeen rimba.

Keubit meung aneuk djeunh bak sihee, Lage sidadee aneuk tjeulaka. Meung biet djeen uteuen hiweuen dalam glee, Hana meusampee tadjak peulahra.

Bit Maleem Diwa buta lam hatee, Puwo djeen sihee didalam rimba. Bungsu djideungo leun^o lam hatee, Ia mata hilee mei-lumba-lumba.

Tidjoh ie mata rata meugulee, Sang-sang ka reu se dia.am dada. Djikheun lee meuno Putro tjut kandee, Pakon neuruhee uloon e po ma ?

Salah tjutjo dro kamo neutjungkee, Po bungong padee meunan mechaba. Neutjok si Ahmad leugat peu-eeh lee, Po bintang mublee ka teungeut indra.

Putro ka djitroon peureuloong hatee, Ie mata hilee diateueh sutra. Sutra pih keumang jooh njan han gt lee, Meutuka-takee ngon ubit raja.

'Oh uro lait tja ideen boh hatee, Ka lom djigulee lam ajoon idja. Keuno ngon keudeeh binteeh djitjungkee, Ahmad teume lee parang brook mata.

26

bimuka maha land ja djitak lee, Sang-sang ka reulee njawong keuluwa. Muka pih sakeet kuleet sang reulee, Teuma neuruhee lom Ahmad muda.

Meung bit aneuk njo bago djeen kaphee, Hana gt peuntjee deunh nibak ma. Meung aneuk badjeueng kureueng gt peu-e Beudoh djak hilee beu ie raja ba.

Bungsu ngo chaba po ma meuruhee, Teuma djieek lee djitjok aneuknda. Peu-eeh lam ajoon tangloong boh hatee, Ahmad teungeut lee ngon sikleeb mata.

Teuma lom djitroon tjut putro kandee, Ie mata hilee basah bak muka. Djingieng bak sutra hana leumah lee, Ka do lam hatee tjut Putro muda.

Uro pih malam jooh njan ka sampee, Tjut bungong padee djitjok aneuknda. Ie mata djitroon meuroon-roon sabee, Teuph that hatee rusak lam dada.

Ahmad djibri bu susu pih njan lee, Peu-eeh boh hatee lam ajoon idja. Di Teungku keudro lam lalo sabee, Neu wo meuseukee udalam kuta.

Tjut Putro dji-eeh seudeeh bukon lee, Sulooh nja-ig achee teuma ka diaga. Teuingat chaba DO ma meuruhee, Rusak that hatee tjut Putro muda.

Tjut Putro Bungsu meulu meutangkee, Jooh njan diirawee oon kaiee rimba. Meung bidjoo-hidjoo ka bungong kaje, Njang that mangat be nilam ngon 'ata.

Adak loon teumeung idja ngon badje, Beu Allah boh ke ngon sikleep mata. Bungsu ka djimo bago ka rate, Tjut bungong kumbe sajang lagona.

Badan pih awooh tubooh sang laje, Bungsu that male deungon tuwantha. Putro lom djikheun meuno lom lage, Sira meure-re tidjoh ie mata.

Bukon lee sajang bintang iku lhe, Ka sroot lam pangke muda bahlija. 'Oh uloon ingat nqmat meuteume, Sidum no lage narit dipo ma.

Pihak dikamo hana so maie, Dum no meuteume diloon kurasa. Geumeuniet kamo bago sang ase, Hana uloon the njang meuno rupa.

Meusampee neuba djudoo panghule, Uloon boh djure gampoong deungon ma. E po loon neutoeeng njawong loon dile, Bah lee bu pade e ja Rabbana.

Nibak njang meuno kamo theun maie, Ka seeb geuade uleeh tuwantha. Meunan djibae kundoo mangat be, Sakeet lam ule keumong lam mata.

Ie mata runtooh leusooh meure-re, Na bago lage udjeuen keunong sa. Jooh njan keuh pidjoeet tjut bungong teube, Han meukri lage 'oh ta-eu rupa.

Djipadjooh hatee sabee meuteume, Tjut bungong kombe ban tangkay lasa. Rasa makanan han meukri lage, Han lee meuteume beungoh ngon sindja.

Tjut Putro Bungsu tunu ngon maie, lagat keu badje mupat pih hana. Meunjo djiteumeung idja ngon badje, Bk mupat eunte Putro djigisa.

Teutabkeuh djidoeek djimo meure-re, Ingat toh lage ngon ilah daja. Han eek lee saba djeumpa mangat be, Ka seeb geuade uleeh tuwantha.

Ajat loon baleek titeek ngon lage, Uram matee e 'oh no mumada. Uram ngon udjoong loon tuka dile, Loon baleek lage harah matee ja.

VII :

"LAOOT MEUHAJAK"

Laoot meuhajak umbak pih raja, Sabab meuleua gunong Meurapi. Djino loon peugah harah udeeb a, Diudjoong chaba harah matee i .

Meung pat njang salah ubah lee sigra, Wahee sjedara bk rooh meutjatji. Uloon seumurat han that bijasa, Loon karang chaba baroo uloon tji.

Meung njo baroo phoon loon tjuba-tjuba, Salah ngon beuna hana loon tukri. Meung pat han keunong bungong ngon rika, Keunarang chaba njang han gt rawi.

Tatamah keudro bago njang hawa, Kri-kri njang suka wahee ja achi. 'Oh nan hay qawoon uloon meuchaba, Meung panjang raja sang-sang han meukri

Meugah gunong Gooh leusooh lagona, Njang manjang raja gunong Keurintji. Uloon peuriwang intan meutija, Tjut Bungsu muda uloon peugah kri.

Sabee lam djimo uro ngon si idja, Tidjoh ie mata hana beuranti. Teuingat keudro Putro djroh rupa, Sjedara hana po bungong giri.

Ngon gampoong djeuooh han trooh neugisa, Rusak lagona hatee sinjak Ti. Bukon lee sajang pisang geupula, Reubah meutimpa habeeh meuungki.

Sajang di Putro djimo han reuda, Keunong seurapa hana beuranti. Keunong tjeunaroot seupoot ngon sindja, Sokeuh eek saba hatee beu sutji?

Hatee peureuloong tutoong lagona, Didalam dada meurawi-rawi. Teuma ka djieeh puteeh meutjahja, Malam pih djula teungeut sinjak Ti.

'Oh beungoh uro Putro ka djaga, Laeen keunira Bungsu djuhari.

- Djitroon uandjoong teupoong djiraba, Tjut Putro muda peugt lee ruti.

Peugt peunadjooh djitrooh keu Banta, Lam hidang raja keubah Putro Ti, Lheueh njan ka djitroon langsoong lee sigra, Djidjak pok idja sinjak puteeh di.

Baroo lhe paleet Putro djimula, Po Ahmad muda ka lom djisundi. Ahmad ka djitroon lam ajoon idja, Djidjak meuraba po bintang pari.

Keudeeh bak dapu ladju djiteuka, Hana so sangka keunan peureugi. Djitjok lee tungo jooh njan djiraba, Po Ahmad muda tjabak han sakri.

29

Teuma djiriwang ulang bak maha, Djipoh lee sigra keunong bak bibi. Meutum dibahoo meutoo dimuka, Djilantuy maha Ahmad djuhari.

Teuma neutjaroot neudhoot neurapa, Putro Sah Bawa ka keunong gusi. Hay matee geutjang sirimoeeng puta, Aneuk tjeulaka meung biek djeen pari.

Po nk tjeumaroot ka sroot keu po ma, Uidjoons; muputa chaba pih keudji. Bungsu djideungo tidjoh ie mata, Djitjok aneuknda djidooda idi.

Diibooh lam ajoon tangloong keumala, Touneut lee sigra po Banta Saydi. Tjut Putro d'itroon jooh njan lee teuma, Djidjak pok idja sinjak Putro Ti.

Ti-vt Putro kandee hatee that luka, Po Male- r>r*n "'^ an peugah krl. Hingea ka r^a"'"18 sampo !a kuta, Merfn'-in. - T a sn'ak Putro Ti.

JVTT . o., (akitwan masam dltwuka,

Men-^' meuchaba teuma djikheun k r i .

p pa lOOK* t-inorloa-T' k"'"*",1a, ^VT^'Iiakei ^!'t~'> n '>^ *^ '>^ i dnl. rj? TeHrwku i'>->t> nian h'dan n^-^'ika, Neumeuhey 'andja tjut Bungsu Siti.

p,,tro knn" ban

'Oh lheueh Teungku poh Putro djroh rupa, Neudjak lee landja Teungku peureugi. Meunjo ka leupah pajah neugisa, Hana neukira keu tjut Putro Ti.

Beu ingat-ingat sahbat sjedara, Ngon tan kareuna tanoh isteuri. Wadjeeb tatanjon deungon pareexa, Bak asay puntja dile tasudi.

Bk rooh tapateeh chaba peusuna, Tadeungo chaba njang tan bukeutl. Sinan djeuet palo rugo teuh raja, Disinan beu na ingat e achi.

Miseue tjut Bungsu ngon Ma'-e: :'.i.:s Haaa pareexa neupoh Putro Ti. Meunankeuh njang bk wahee sjedara Salah ngon beuna mita bukeutl.

'Oh na^keuh dile wahee sjedara, Loon ulang chaba Bungsu Dinhari. Bungsu dbae ka roo ie mata. Meuganda-ganda nqmat Tuhan bri.

Putro ka djimo ran^n lam rlada, Ahmad dj'U'a lom ul ili.

La'a di po ma tetmgoh mey'i-'i.

Ka t'aa'i bak dan'! meulu djroh ruia, Pa Anivsad muda k^na^n peureugi. Dapu djireuloh tidjoh uluwa, Djiteurae teuma keuneubah abi.

Djitenme bulooh niarsg genboah idja Tia + ""tro muda uloon peugah kri. Djikalon Ahmad hana meuho ka, Putro djak mita pulang peureugi.

Ka trooh bak dapu Bungsu djiteuka, Kalon aneuknda teungoh meuungki. Bulooh dldjaro Putro eu rupa, Djitjok lee teuma uleeh Putro Ti.

Leumah djikalon bangon sang idja, Tjut Putro muda teuka beureuhi. Teuma djitareek seuteek uluwa. Ka leumah rupa idja dro Siti. ,

Mangat that hatee kandee meutija, Djieek lee sigra keudeeh peureugi. Djidjak tagoeen bu Bungsu le sigra, Keu Maleem Diwa 'oh te keumbali.

31

Meung bu lam hidang intan seudija, Keubah keu Banta uleeh Putro Ti. Ahmad lam ajoon peu-eh lee landja, Tjut Putro muda meudooda-idi.

Meung hidjoo-hidjoo tawoo bak gatja, Pula mubandja beukit meuriti. Ka eeh samlako uro ka djula, Hadjat dipo ma meung wo unanggrl.

Allah e hay doo meung djak loon dooda, Djeeh tjanggoeek sira ka geunteeng gaki, Uloon hay aneuk bah lee kugisa, Nanggro Antara uloon keumbali.

Djeh aneuk djampook ditjoong keupula, Djeeh aneuk buja mudeek upasi. Ka tinggay e njak po bidjh mata, Po nk digata bk djeuet keu beuntji.

Chaba teumimang 'oh nan mumada, Tjut Bungsu muda uloon peugah kri. Djisook lee badje kumbe oon 'ata, Jooh njan djitjuba djipo Putro Ti.

Teuma djipo lee kandee meutija, Keudeeh upara tjuba tji udji. Uluwa tingkab teubiet lee sigra, Ateueh astana djidong beudiri.

Djipih thoo badje kumbe djroh kurupa, Ka trooh ban pinta Tuhank uneubri. Di Teungku sampo neuwo neugisa, Uleuen astana ka trooh peureugi.

Ka leumah neu-eu tjut Bungsu muda, Ateueh astana sinan berdiri. Jooh njankeuh tahe hana lee chaba, Mublk-blk mata teukab ngon bibi.

'Oh nokeu tamat djileed keuduwa, Dile mumada qisah Putro Ti, Djileed njang keu-lhe teuntee lom pih na, Loon samboong chaba Bungsu djuhari.

Teungku ngon Bungsu pakrikeuh rupa, Samboongan teuma dudo uloon bri. Njang djino habeeh 'oh no mumada, Loon pijooh chaba dilee beuranti.

Meung na umu loon wahee sjedara, Njang keulhe pih na loon peutrooh djandji. Nibak djileed lhe teunte lom gura, Meulipat ganda chaba sinjak Ti.

Wassalam,

TEUNGKU ABDULLAH.

32

Darah peungarang peunufang bak dja dinanggro ISKAN-DAR M U D A lee Peumuda-Peumuda djino ka geupeu-teubiet :

ABDULLAH ARIF : Seumangat Atjh, XII a Rp. 15, Seumangat Atjeh, XIII Rp. 12,50 Nasib Atjh, IIIIII , 7,50 Pantoon Muda-mudi 10, Pantoon Nasihat, 7,50 Pantoon Aneuk miet, , 7,50

Z. ABIDIN MAQAM : Assa'ah 7,50 Desja dan Seexa, Rp. 8,

ARABIE AHMAD : Tanda Mata, Rp. 12,50 Miskin, Rp. 10,

SJEH RIH : Putooh Harapan, IIIUI Rp. 7,50 Peunoh Harapan, Rp. 15, Dara Daroohaka, IIIm Rp. 7,50 Banun Seutia, IIIIIIIV , Rp. 7,50 Kekasih Seutia, IIImIV Rp. 7,50 Ie mata darah (Qamaruzzaman) . . . Rp. 7,50 Siti Islam, InUIIV Rp. 7,50 Abu Nawah, 6 djileed Rp. 7,50 Pahlawan Seutia, 5 djileed , Rp. 7,50 Si Rhang Manjang, Rp. 7,50 Hasan Husi i 4 djileed Rp. 7,50 Aneuk ma uy 5 djileed Rp. 7,50 Si Daraa Laknat Rp. 7,50

NJANG LAEEN-LAEEN : Mundjitul Anam, (huruf Arab) . . . . Rp. 12,50 Tjahja Peurmata, (huruf Arab) Rp. 20, Hikajat Darussalam, (huruf Arab) . . . Rp. 15. Miftahul Ibadah 2 djileed Rp 15, Geuseudija tjit buku bahsa Indonesia keu Sikula Raqjat hingga Sikula Landjootan. Tieb-tieb psuneusan ngon pos, geukireem biaja mit that Rp. 2,

Neublo atawa neupeusan bak,

MAKTAB AH ATJEH RAJA, Dj'alan Perdagangan No. 55

K U T A R A D J A .

Pertj: Deparpen Kutaradj'a 2194-12-59.

Documents

Hikajat Malem Diwa