Kagawaran ng Edukasyon

Arts 5 Pagpipinta : Kagandahan ng

Hiyas ng Bayan

Ikalawang Markahan-Ika-3 Linggo

Schools Division Office – Muntinlupa City Student Center for Life Skills Bldg., Centennial Ave., Brgy. Tunasan, Muntinlupa City (02) 8805-9935 / (02) 8805-9940

Lorena E.Estigoy Manunulat

Eden G Cado

Ma. Cristina G. Bagas

Tagasuri

Wilson F. Pascual

Edison C. Enerlas

Pangdibisyong Katiyakan sa Kalidad

g

1

Inaasahan Aralin 1: Mga Likas at Makasaysayang Lugar sa Pilipinas nakabilang sa Pandaigdig na Pamanang Sining. Layunin: Natatalakay ang mga likas at makasaysayang lugar sa isang komunidad bilang pandaigdig na pamanang pook. Aralin 2 : Mga Tanyag na Pintor at Istilo ng kanilang Pagpipinta . Layunin: Nakikilala ang mga tanyag na Pilipinong Pintor at estilo ng kanilang likhang sining. Aralin 3: Harmonya sa paglikha ng Landscape Painting gamit ang Complimentary Colors Layunin: Nakapapipinta ng isang landscape painting gamit ang sariling istilo sa pagpipinta at naipapakita ang harmonya gamit ang complimentary colors .

Unang Pagsubok

Panuto: Punan ang puwang upang mabuo ang diwa ng pangungusap. Piliin at bilugan ang letra ng tamang sagot. 1. Isa sa mga pambihirang tanawin na makikita sa bulubundukin ng Cordillera ay ang______. A. Rice Terraces C. Paoay Church B. Batad D. Landscape ng Batanes 2. Ang Cordillera ay matatagpuan sa ______na bahagi ng Pilipinas. A. Hilaga C. Kanluran B. Timog D. Silangan 3. Ang Rice Terraces ay kabilang sa pinarangalan bilang Pandaigdig na Pamanang Pook o World Heritage Site ng_____ A. UNESCO C. Gawad Parangal B. National Library D. Pangulo ng Pilipinas

4. Ang Rice Terraces ay madalas paksa sa mga likhang sining. Ang tawag sa mga likhang –sining na nagpapakita ng likas na tanawin ay_______ A. Landscape painting C. Abstract painting B. Mural painting D. Sketching 5. Ang ______ o pagkakaisang diwa ay ang maayos at kaakit-akit na pagkakaayos ng mga kulay at iba pang elemento ng sining tulad ng nga linya at hugis upang makalikha ng magandang kabuuan. A. Harmonya C. Abstrak B. Tekstura D. Color wheel 6. Kilala siya bilang unang Alagad ng Sining ng Pilipinas. Ang mga likhang-sining niya ay tungkol sa magagandang tanawin sa bansa. A. Fernando Amorsolo C. Carlos Francisco B. Hernando R. Ocampo D. Benedicto Cabrera

2

7. Ang estilo ng pagguhit niya ay mga abstrak o likhang-sining na ipinahahayag sa pamamagitan ng mga hugis, linya o walang kahugis. Sino ang kilalang Pilipinong pintor na ito? A. Fernando Amorsolo C. Carlos Francisco

B. Hernando R. Ocampo D. Benedicto Cabrera 8. Si Carlos V. Francisco ay kilala bilang modernistang pintor. Alin sa mga sumusunod ang kaniyang obra? A. Rice Planting C. Harana B. Three Women D. Mother and Child 9. Ang estilong ito ng pagpipinta na tumutukoy sa mga likhang-sining na makatotohanan. Halimbawa rito ay ang “Rice Planting” ni Fernando Amorsolo. A. Konserbatibo C. Abstract B. Moderno D. Semi-abstract 10. Ang estilo ng pagpipinta na kung saan ang paglalarawan ay hindi nilalagyan ng detalye. A. Konserbatibo C. Mural B. Moderno o Abstract D. Semi-abstract

Balik-Tanaw

Panuto: Tukuyin ang tamang salita o mga salitang inilalarawan sa pangungusap.

Piliin sa kahon ang tamang sagot at isulat sa patlang.

Asymmetrical balance Symmetrical balance

Contour shading Contour Line Cross-hatching

1. Sa desinyong ito ipinapakita ang mga bagay na makikita sa kaliwang bahagi ay katulad din ng mga bagay na makikita sa kanang bahagi. Tinatawag itong pormal na uri ng balanse. ______________________________ 2. Ang mga bagay sa magkabilang bahagi ay hindi magkatulad ngunit parehas mahalaga upang mapanatili ang pagkapantay ng bagay. Tinatawag itong di- pormal na balanse.

______________________________ 3. Isa itong paraan ng shading kung saan paulit ulit ang pagguhit ng pinag-krus na linya. ______________________________ 4. Ang paraan ng shading na ito ay nagagawa sa pamamagitan ng patagilid na pagkiskis ng lapis o iba pang gamit pangguhit. Ginagamit ito sa gilid upang maipakita ang hugis nito. ______________________________ 5. Ito ang tawag sa linya na sumusunod sa hugis ng bagay na iginuguhit. Karaniwang ginagamit ng mga baguhan sa sining ng pagguhit. ______________________________

3

Pagpapakilala ng Aralin

Aralin

1

Ang Mga Likas at Makasaysayang Lugar

sa Pilipinas na Kabilang sa Pandaigdig na Pamanang Pook

Rice Terraces ng Cordillera Isa sa mga pambihirang tanawin na makikita sa mga bulubundukin ng Cordillera, sa hilagang bahagi ng Pilipinas, ay ang mga RiceTerraces. Ang Banawe Rice Terraces ay may 2000 taong gulang na. Ito ay nililok sa mga bulubundukin ng mga Ifugao sa Pilipinas ng mga ninuno ng mga katutubong mamamayang Batad. Karaniwang tinatawag ito ng mga Pilipino bilang“Ikawalong

Kahangahangang Pook sa Mundo. Tinatawag itong payew sa katutubong pananalita sa Ifugao. Pinarangalan ito bilang Pandaigdig na Pamanang Pook o World Heritage Site na United Nations Educational, Scientific and Cultural Organization ( UNESCO)

Paoay Church

Kilala rin bilang Simbahan ng San Agustin, ang

Simbahang Paoay. Ito ay matatagpuan sa bayan

ng Paoay, Ilocos Norte. Isa ito sa apat na simbahang

Baroque ng Pilipinas na napabilang sa talaan ng

Pamanang Pandaigdig ng UNESCO noong 1993

dahil sa pambihirang estilong pang –arkitektura.

Miag-ao Church

Ang Simbahang Miag-ao (miyág-aw) ay isa sa apat

na simbahang Baroque ng Filipinas na naitala sa

Talaan ng Pamanang Pandaigdig ng UNESCO

noong 1993.

Tanawin ng Batanes

Ang Batanes ay isang kakaibang lugar dahil sa kultura at kalikasang tanging kanila lamang. Ang Batanes ay grupo ng mga isla na tinatawag na Mga Isla ng Batanes(Batanes Islands) at ang mga ito ay nasa dulong hilagang bahagi ng Pilipinas. Ang mga isla ay nasa pagitan ng (nasasakop ng Probinsiya ng Cagayan) at Taiwan. Ang mga islang ito ay may kaunting naninirahan at madalas na daanan ng mga bagyo. Ang tatlong malalaking isla ay ang Itbayat, Batan, at Sabtang. Ang nasa pinakadulong hilaga naman ay ang Isla ng Mavudis

Callao Cave ng Cagayan

Ang Callao Cave ay matatagpuan sa Barangay Magdalo at Quibal ng Peñablanca, sa layong 24 kilometro mula sa capital city ng Tuguegarao, Cagayan. Ang Callao Cave ay may pitong chamber na ang bawat isa ay may butas

4

sa itaas na nagbibigay liwanag sa madilim na bahagi ng kuweba. Isa sa highlights ng chamber ay ang malawak na entrance ng kuweba at bubungad ang cathedral-like room na ginawang chapel.

Lumang Bahay sa Vigan Ang Calle Crisologo o Kalye Mena Crisologo sa Meztizo District ay isa pinakamahalaga at pinaka pangunahing lugar sa Vigan. Ito ay dinarayo ng maraming Turista. Ang kabuuan ng pamanang pamayanan ng Vigan ay bahagi ng iniingatang mahalagang lugar ng kultura at kasaysayan sa buong mundo ng UNESCO bilang isang Pandaigdig na Pamanang Pook.

Torogan ng Marawi Ang Torogan ay isang tradisyunal na bahay na

itinayo ng mga Maranao sa Lalawigan ng Lanao sa Mindanao. Ang Torogan ay isang tanda ng mataas na katayuan sa lipunan.

Aralin

2

Mga Tanyag na Pintor at Istilo ng kanilang Pagpipinta

Fernando C. Amorsolo “Planting Rice” Si Fernando Cuero Amorsolo ay isa sa pinakakilalang Pilipinong Pintor at ang unang Pambansang Alagad ng sining ng Pilipinas. Kilala siya para sa kanyang dibuho na ipinapakita ang kagandahan ng Pilipinas, lalo na ng nga babaeng

Pilipina. Rice Planting scene at Making of the Philippine Flag ang ilan sa mga sikat niyang paintings na nagpapakita ng society portraits at Philippine history. .

Carlos “Botong” Francisco “ HARANA”

5

Si Carlos “Botong” Francisco ay kabilang sa unang hanay ng mga guro sa UST School of Architecture and Fine Arts. Isa siya sa mga modernistang pintor na lumihis sa itinakdang kumbensiyon ng pagpipinta ni Amorsolo, at nagpasok ng sariwang imahe, sagisag, at idyoma sa pagpipinta. Ang “Harana” ay isa sa mga

likhang-sining nya. Kilala si Carlos Francisco sa pagpipinta ng mga “murals”. Benedicto Reyes Cabrera “Three Women”

Si Benedicto Reyes Cabrera o kilala bilang si Bencab ay isang pintor at kabilang

sa Pambansang Alagad ng Sining. Kilala sya sa sining biswal hindi lamang sa Pilipinas maging sa ibang bansa. Makikita sa kanyang mga likhang-sining ang masining na pagsasalarawan ng mga panlipunang isyu, lalong- lalo na tungkol sa mga Pilipino, saan mang panig ng mundo. Hernando R. Ocampo “Mother and Child”

Kinilalang Pambansang alagad ng Sining noong 1991 si Hernando R. Ocampo. Isa sa mga naunang modernong pintor sa Pilipinas. Tanyag siya sa mga gawang abstrak. Ang “Mother and Child” ay isa sa kanyang mga likhang-sining. May tatlong pamamaraan o estilo ng paghahatid ng mensahe ang mga pintor :

konserbatibo, moderno o abstract at semi-abstract.

Ang konserbatibo ay tumutukoy sa mga likhang-sining na makatotohanan. Ang mga bagay na nakikita sa tao, bagay, hayop o halaman, sa anyo, ayos at proporsyon. Ang likhang –sining ni Fernando Amorsolo na “Rice Planting” ay isang halimbawa ng estilong konserbatibo. Ang moderno o abstract ay paglalarawan na hindi nilalagyan ng detalye. Maaring ang likhang-sining ay ipinahahayag sa pamamagitan ng mga hugis, linya o walang kahugis (abstract). Si Hernando R. Ocampo ay tanyag sa paglikha ng mga abstract painting. Ang semi-abstract ay hindi lubos na makatotohanan subalit ang mga bagay na ipininta ay kahawig pa rin ng tunay na bagay o tao bagaman may kaunting pagbabago ay may bahagi na hindi matatagpuan sa tunay na bagay.

6

Aralin

3

Harmony sa Paglikha ng Landscape Painting

Ang harmony o pagkakaisang diwa ay maayos at kaakit-akit na pagkakaayos ng mga kulay at iba pang elemento tulad ng linya at hugis upang makalikha ng magandang kabuuan. Alam mo ba na sa paggamit ng wastong kumbinasyon ng kulay ay maipakikita ang harmony sa pagpipinta ng landscape. Landscape ang tawag sa pagpipinta ng magagandang tanawin. Sa pagguhit at pagpinta ng magagandang tanawin kinakailangan ng sapat na kaalaman sa paggamit ng guhit at kulay. Nabibigyan ng mga ito ng buhay ang ating likhang –sining kung gagamitan ng complimentary colors Pag-aralan ang color wheel Ang complimentary colors ay ang mga kulay na magkasalungat sa color wheel. Ito ay dalawang

kulay na kung saan makalilikha ng vibrant color o matingkad na kulay kapag pinaghalo ang mga ito, makabubuo ng kulay abo, puti at itim. Pero kung gagamitin ito na kumbinasyon sa pagkukulay, ito ay nakapagbibigay ng kakaibang ganda sa gawaing sining lalo na at ilalapat ang iba pang elemento at prinsipyo sa paggawa ng likhang-sining.

Batay sa color wheel tukuyin ang complementary color ng mga sumusunod:

1. red – green 2. yellow-

3. Blue-

4. Yellow orange 5. Red violet-

Gawain

A. Panuto: Sagutan ang mga katanungan sa ibaba. Isulat ang iyong sagot sa

sagutang papel

1. Anu-anong likas at makasaysayang pook ang napag-aralan mo? 2. Sinu-sino ang mga kilalang pintor sa bansa at ano ang estilo nila sa pagpipinta? 4. Nais mo bang maipinta ang kahanga -hangang Rice Terraces ng mga Ifugao? 5. Paano mo maipapakita ang harmonya sa pagpipinta ng landscape?

7

B. Panuto: Tukuyin kung anong estilo ng pagpipinta ang ginamit ng pintor A. B. C.

Tandaan

Aralin1: Maraming mga likas at makasaysayang lugar sa Pilipinas na dapat nating ingatan at pahalagahan. Sa pamamagitan ng likhang-sining, naipagmamalaki

natin at nabibigyang halaga ang mga likas na pamana, maging ang ating mayamang kasaysayan. Aralin 2: Ang mga tanyag na pintor ay may kanya-kanyang istilo sa pagpipinta. Ipinapahayag ng mga pintor ang kanilang damdamin o saloobin sa pamamagitan ng pagpipinta Ang katangi-tangi nilang estilo ay nagiging tatak nila o pagkakakilanlan ng kanilang obra. Aralin 3: Nagagamit ang wastong kumbinasyon ng mga kulay, hugis at linya, upang mapakita ang harmony sa isang landscape painting.

Pag-alam sa Natutuhan

Paggawa ng Bookmark

Kagamitan: cardboard, lapis, gunting, ribbon o yarn, pintura ( acrylic) o water color, tubig, brush sa pagpipinta at protetive mask Mga Hakbang sa Paggawa

1. Maghanda ng 4x8 pulgadang cardboard para gawing bookmark. 2. Magsaliksik ng mga makasaysayang lugar na naitalagang world heritage site o pandaigdig na pamanang pook at pumili ng dalawa mula sa mga ito. 3. Gumamit ng protective mask upang hindi malanghap ang pintura. 4. Ipinta ang napiling pandaigdig na pamanang pook sa cardboard . Siguraduhing may harmony ang kumbinasyon ng mga kulay na gagamitin at patuyuin ito. Ipakita ang sariling estilo sa pagpipinta. 5. Butasan ang gawing itaas ng cardboard at lagyan ng ribbon o yarn. 6. Iligpit ang mga kalat at itago ang mga gamit pagkatapos ng gawain. 7. Suriin ang inyong likhang-sining at lapatan ng kaakibat na puntos gamit ang Rubric sa susunod na pahina.

8

Lagyan ng tsek (/) ang kahon batay sa antas ng iyong naisagawa sa buong aralin. Rubriks para sa Paggawa ng Bookmark

Mga Sukatan

Nakasusunod sa

pamantayan nang higit sa inaasahan

Nakasusunod

sa pamantayan subalit may ilang pagkukulang

Hindi

nakasunod sa pamantayan

5 3 2

1. Nakapagpinta ng mga iba’t ibang likas at makasaysayang pook na itinalagang Pandaigdig na Pamanang Pook.

2. Nakakikitaan ng harmony ang likhang-sining sa tamang pagkakaayos ng mga

kulay,linya at hugis.

3. Nakasunod nang tama sa mga hakbang sa paggawa ng likhang- sining

4. Naipagmamalaki ang larawang ipininta gamit ang sariling estilo.

Pangwakas na Pagsusulit

Panuto: Pagtambalin ang hanay A at hanay B. Isulat ang letra ng tamang sagot sa

patlang bago ang bilang.

Hanay A Hanay B ___1.Pula (Red ) A. Asul (Blue) ___2.Lila (Violet) B. Luntian (Green) ___3.Dalandan(Orange) C. Dilaw ( Yellow) ___4.Konserbatibo D. Likhang-sining na makatotohanan ___5.Moderno o abstract E. Tanyag siya sa mga gawang abstrak ___6.Fernando Amorsolo F. Paglalarawan na hindi nilalagyan ng detalye ___7.Hernando R.Ocampo G. Kilala sya sa Sining Biswal hindi lamang sa ___8.Benedicto R. Cabrera Pilipinas maging sa ibang bansa. ___9.Rice terraces H. Kilala siya para sa kanyang dibuho na

___10.Torogan ipinapakita ang kagandahan ng Pilipinas.

I. Mahalagang yaman ng Pilipinas na

ginawaran ng UNESCO bilang World

Heritage Site

J. Tradisyunal na bahay na itinayo ng mga Maranao sa Lalawigan ng Lanao sa Mindanao

9

Sanggunian Halinang Umawit at Gumuhit ph.120-123

Internet/Google

Rice Terraces of Cordillera https://tl.wikipedia.org/wiki/Hagdan-hagdang_Palayan_ng_Banawe

9-16-20 Batanes,Ph https://images.app.goo.gl/ZWnoCU9vz24oSq41A

9-16-20 Torogan Lang-Torogan

https://images.app.goo.gl/ZpHi18diMBDnHBqz -9-16-20

Proyektong Pangturismo: Kagandahan ng Lungsod ng Vigan https://images.app.goo.gl/gcTRRgWujBbSYinNA 9-17-20

Bantog na Pilipinong Pintor

https://www.slideshare.net/youihate/mga-bantog-na-pilipinong pintor https://www.youtube.com/watch?v=rwwbfOLLFFA

https://in.pinterest.com/pin/507640189222696631/ Pinterest

Color Wheel-

https://images.app.goo.gl/xTxjmVMHFonaksvL7-10-4-20

Susi sa Pagwawasto

Unang

Pagsubok

1.A 2.A 3.A 4.A 5.A 6.A 7.B 8.C 9.A

10.B

Balik-tanaw

1.Symmetrical balance

2.Asymmetrical balance

3.Cross-hatching

4.Contour shading

5.Contour line

Pang wakas

na

pagsusulit

1.B 2.C 3.A 4.D 5.F 6.H 7.E 8.G 9.I 10.J