4
TUIG 41, Ispesyal nga Isyu HILIGAYNON EDISYON MARSO 29, 2018 LABI NGA PAIGTINGON ANG TAKTIKAL NGA OPENSIBA KAG BUNALAN ANG REHIMENG US-DUTERTE! Pahayag sang Komiteng Rehiyon Partido Komunista ng Pilipinas-Rehiyon Panay Sa okasyon sang ika-49 nga anibersaryo sang pagkatukod sang New People’s Army Marso 29, 2018 ng Komiteng Rehiyon sang Partido Komunista ng Pilipinas (PKP) sa Panay lubos nga nagakalipay kag hugot nga nagapakig-isa sa tanan sang mga Pulang kumander kag hangaway, mga katapu kag kadre sang PKP, sa bug-os nga rebolusyonaryong pwersa kag pumuluyong Pilipino sa pagsaulog sang ika-49 nga anibersaryo sang pagkatukod sang Bagong Hukbong Bayan (BHB), ang tunay nga hukbo sang pumuluyo. Kadungan sang pagsaulog nga ini, ginahalad namon ang pinakamataas nga pagpasidungog sa tanan nga mga kaupod nga nagbuhis sang ila kabuhi sa pagsulong sang inaway banwa kag sa pag-agum sang tunay nga pungsodnon nga kahilwayan halin sa paghimulos kag pagpamigos sang imperya-listang Estados Unidos kag mga lokal nga kahim-bon nga nagahari nga sahi sang A

LABI NGA PAIGTINGON ANG TAKTIKAL NGA OPENSIBA KAG … · mamumugon sa industriya kag agrikultura, malaparan nga kontraktwalisasyon, kag ang nagahana nga jeepney phase-out. DABA-DABA,

  • Upload
    others

  • View
    11

  • Download
    0

Embed Size (px)

Citation preview

Page 1: LABI NGA PAIGTINGON ANG TAKTIKAL NGA OPENSIBA KAG … · mamumugon sa industriya kag agrikultura, malaparan nga kontraktwalisasyon, kag ang nagahana nga jeepney phase-out. DABA-DABA,

TUIG 41, Ispesyal nga Isyu HILIGAYNON EDISYON MARSO 29, 2018

LABI NGA PAIGTINGON ANG TAKTIKAL NGA OPENSIBA KAG

BUNALAN ANG REHIMENG US-DUTERTE! !Pahayag sang Komiteng Rehiyon Partido Komunista ng Pilipinas-Rehiyon Panay Sa okasyon sang ika-49 nga anibersaryo sang pagkatukod sang New People’s Army Marso 29, 2018

! !ng Komiteng Rehiyon sang Partido Komunista ng Pilipinas (PKP) sa Panay lubos nga nagakalipay kag hugot nga nagapakig-isa sa tanan sang mga Pulang kumander kag hangaway,

mga katapu kag kadre sang PKP, sa bug-os nga rebolusyonaryong pwersa kag pumuluyong Pilipino sa pagsaulog sang ika-49 nga anibersaryo sang pagkatukod sang Bagong Hukbong Bayan

!(BHB), ang tunay nga hukbo sang pumuluyo. Kadungan sang pagsaulog nga ini, ginahalad namon ang pinakamataas nga pagpasidungog sa tanan nga mga kaupod nga nagbuhis sang ila kabuhi sa pagsulong sang inaway banwa kag sa pag-agum sang tunay nga pungsodnon nga kahilwayan halin sa paghimulos kag pagpamigos sang imperya-listang Estados Unidos kag mga lokal nga kahim-bon nga nagahari nga sahi sang

!1DABA-DABA, ISPESYAL NGA ISYU, MARSO 29, 2018

A

Page 2: LABI NGA PAIGTINGON ANG TAKTIKAL NGA OPENSIBA KAG … · mamumugon sa industriya kag agrikultura, malaparan nga kontraktwalisasyon, kag ang nagahana nga jeepney phase-out. DABA-DABA,

mga agalon nga mayduta kag dalagku nga burgesya komprador. Isa sa mga talalupangdon nga bahin sang pagsaulog naton subong amo ang pagtipon sang aton mga kinaalam kag inagihan sa paglunsar sang inaway banwa sa nagliligad nga tuig kag liwat nga pagpalig-unon sang komitment para sa mas mapisan nga pagtinguha sa mga masunod nga tinuig agud mas labi nga magsulong pa ang armadong paghimakas. Mangin kabahin naman ini sang aton paghanda sa pagsaulog sang makasaysayan nga ika-50 ka tuig sang PKP kag BHB. Nagakadapat nga tumuron naton ang mga mabaskog kag mahuyang nga bahin kag magkuha sang dugang nga mga liksyon agud mas mapauswag ang tanan naton nga hilikuton sa armadong paghimakas. Hugot nga katungdanan sang PKP-Panay nga siguruhon ang husto kag absoluto nga pagpamuno sa BHB, buyukon ang malapad nga suporta sang masa kag panginpuslan ang mas nagapaborable nga obhetibong sitwasyon para sa pagsulong sang armadong paghimakas kag determinado nga mag-amot sang mas labaw pa sangsa nagligad para sa kabilugan nga pagsulong sang inaway banwa sa bug-os nga pungsod. Nagaabanse ang aton armadong paghima-kas sa Panay sining nagligad nga tuig sa tunga sang mas ginpasingki nga pagpanghimulos kag pagpamigos sang rehimeng US-Duterte sa rehiyon kag sa bug-os nga pungsod. Labi nga nagtingkad ang pagkamatarung sang aton

armadong paghimakas sang arbitraryo nga gin-utas ni Duterte ang sugilanon pangkalinungan sa tunga sang NDFP kag GRP, labi nga ginmilitarisa ang sibilyan nga burukrasya paagi sa pag-asignar sang mga kilala nga pasistang heneral, kag ginlarga ang iya kontra-pumuluyo nga gyera sa bug-os nga pungsod. Walay huya nga gindeklara ni Duterte nga terorista ang CPP-NPA-NDF bisan nga siya ang nagatampisaw sa dugo sang linibo-libo ka mga imol nga biktima sang iya kabuangan nga mga gyera "kontra-druga", "kontra-terorismo" kag kontra-Moro. Bisan ang mga sibilyan nga progresibo nga indibidwal kag organisasyon ang gintarget sang pasismo sang estado paagi sa extra-hudisyal nga pagpamatay, mga patu-pato nga kaso kag paglaragway bilang mga demonyo. Katulad sang naeksperyensyahan sa iban nga bahin sang pungsod, pagbukas sang tuig 2018 gilayon nga nabatyagan sang mga pumuluyo sa Panay ang mas naglubha nga kaimulon bangud sa madasig nga pagtaas sa presyo sang mga basehan nga balaklon bunga sang pagpatuman sang rehimen sang dugang nga mabug-at nga buhis (TRAIN). Mas ginpalubha pa sini ang pag-antus sang mga pumuluyo dulot sang iban pa nga kontra-pumuluyo nga programa katulad sang paltik nga reporma sa duta, agresibo nga pagkambyo-gamit sang duta sa malagpad nga palayan, tuman kanubo nga suhol sang mga mamumugon sa industriya kag agrikultura, malaparan nga kontraktwalisasyon, kag ang nagahana nga jeepney phase-out.

!2DABA-DABA, ISPESYAL NGA ISYU, MARSO 29, 2018

Page 3: LABI NGA PAIGTINGON ANG TAKTIKAL NGA OPENSIBA KAG … · mamumugon sa industriya kag agrikultura, malaparan nga kontraktwalisasyon, kag ang nagahana nga jeepney phase-out. DABA-DABA,

Mga Talalupangdon nga Kadalag-an sa Armadong Paghimakas sa Panay Ang mga pangkugmat sang pag-

hari sang US-Duterte nga rehimen sa kabuhi sang mga pumuluyo sa isa ka bahin kag ang hugot nga pagsakdag sang BHB sa interes sang masang anakbalhas sa pihak nga bahin sa pagsulong sang armadong paghimakas ang nag-ani sang suporta kag pagsalig sang malapad nga masa, kag nagabuyok sa madamo nga pamatan-on nga mag-entra sa BHB. Kadam-an sa ila halin sa sahing mangunguma nga pangunahon nagaeksperyensya sang pag-antus. Sa sulod sang isa ka tuig, nagdugang ang aton hukbo sa rehiyon sang isa ka daku nga platun. Mas napadamo man ang numero sang mga mangunguma nga nag-entra sa mga lokal nga yunit sang milisya sang banwa nga pangunahon para sa pagpangapin, kalinungan kag order sa ila mga lokalidad, kag nagahatag sang direkta nga suporta sa mga pultaym nga yunit sang hukbo. Sa sulod sang mga yunit sang hukbo, mas napauswag ang sistema sang mga hilikuton pang-ideolohiya, pangpulitika kag pang-organisasyon sang mga Pulang hanga-way kag kumander kag napabilin ang mataas nga lebel sang kamuklatan sa pag-alagad sa masa kag malig-on nga disiplina. Mas napauswag man ang ikasarang sa pagtungod sang mga nagapanguna nga hilikuton nga pagsulong sang taktikal nga opensiba, pag-tukod sang base kag pagbulig sa rebolusyong agraryo sang mga masang mangunguma. Sa bug-os nga tuig, nakalunsar ang BHB-Panay sang masobra 20 ka mga taktikal nga opensina (TO) kag nakaagaw sang masobra 20 ka nagkalain-lain nga kalibre sang mga armas halin sa kaaway kag nagdulot sang indi magnubo sa 10 patay kag 20 ang pilason sa mga pasistang tropa sang AFP, PNP kag CAFGU. Ang aton mga aksyon militar pangunahon gintuon sa

pagsilot sang mga armado nga tropa sang kaaway nga imbolbado sa mga kalautan batuk sa pumuluyo kag nagasabwag sang terorismo sa kaumhan, kag depensahan ang kaayuhan kag mga kadalag-an sang masa sa ila rebolusyonaryong paghimakas. Sa pihak nga bahin, tatlo sa aton mga kaupdanan nga Pulang hangaway ang maisog nga nagbuhis sang ila kabuhi sa pagpakig-away sa mga mersenaryo nga tropa sang AFP. Ang BHB nagaserbi nga pangunahon nga organisasyon sang Partido sa pagpalapad sang mga sona kag baseng gerilya kag pagkonsolida sang solido nga pundasyon sang baseng masa sa kaumhan sang Panay. Nangin maisog ang masang mangunguma sa pagduso sang ila kinamatarung nga magbungkal sang ila kadutaan labi na sa kabukiran nga ginaagaw sang Philippine Army, sang Department of Environment and Natural Resources, sang National Irrigation Adminis-tration, Department of Tourism kag iban pa nga ahensya sang reaksyunaryong gubyerno. Bangud pag-antus ukon kamatayon kag indi kabuhian ang gina-imponer sang rehimen sa masang mangu-

!3DABA-DABA, ISPESYAL NGA ISYU, MARSO 29, 2018

TAKTIKAL NGA OPENSIBA (TO) SANG NPA-PANAY SA TUIG 2017 —— 20 + ___________________________________________ NAAGAW NGA ARMAS SA KAAWAY —— 20 + ___________________________________________ KASWALIDAD SA AFP, PNP, CAFGU PATAY ——- 10 PILASON ———20

Page 4: LABI NGA PAIGTINGON ANG TAKTIKAL NGA OPENSIBA KAG … · mamumugon sa industriya kag agrikultura, malaparan nga kontraktwalisasyon, kag ang nagahana nga jeepney phase-out. DABA-DABA,

nguma, maisog nga ginapangapinan sang huk-bong bayan ang mga kinamatarung sang mangu-nguma lakip na ang ila demanda sa nagakadapat nga presyo sang ila mga produkto, pagpanubo sa usura, pagpataas sang suhol kag pagpamatuk sa mga makahalalit nga dam. !

Mga Nagapanguna nga mga Hangkat para sa Masunod nga mga Tinuig Kinahanglan naton nga duga-

ngan ang kapisan kag pagtinguha agud pukawon, organisahon kag pahulagon ang malapad nga kubay sang pamatan-on labi na ang halin sa sahing mamumugon kag petiburgesya sa mga banwa kag kasyudaran para sa armadong paghi-makas. Tuman kadamo sa ila ang gindingutan sang reaksyunaryong estado sang kinamatarung sa libre nga edukasyon, desente nga trabaho kag masanag nga palaabuton. Dapat naton buyukon ang mga pamatan-on nga lubos-panahon nga mag-alagad sa pumuluyo labi na sa pagsulong sang inaway banwa sa kaumhan. Ang BHB-Panay dapat nga magpursige agud mas padamuon kag palaparon ang mga taktikal nga opensiba sa rehiyon nga pangunahon magtum-ok sa pag-agaw sang mga armas halin sa kaaway, pagpangsilot sa mga terorista nga tropa sang AFP kag PNP kag mga gaway sini, kag mag-amot sa pungsodnon nga pagbato kag pagpaslaw sang all-out war sang rehimeng US-Duterte, kag pagsulong sang inaway banwa pakadto sa mas mataas nga halintang. Sa pagpabaskog sang aton armadong paghimakas, hugot nga kaptan ang linya sang malapad kag dasok nga pagpakig-away gerilya sandig sa nagalapad kag nagadalom nga baseng masa. Kadungan sang pagbaskog sang aton mga taktikal nga opensiba, madasig nga padamuon man ang mga rebolusyonaryong organisasyon kag lokal nga organo sang gahum pangpulitika sang masa, kag ilunsar ang malapad kag mapagsik nga rebolusyong agraryo sa kaumhan.

Labi nga palaparon ang nagahiliugyon nga kubay batuk sa pasismo kag tiraniya ni Duterte. Adlaw-adlaw nagaigting ang kaakig kag pag-kangil-ad sang pumuluyo sa berdugo kag papet nga pangulo kag nagalala ang pagkabuyagyag kag pagkahamulag sini sa pumuluyo nga nagaantus bangud sa dugang nga buhis kag mataas nga presyo sang mga balaklunon, gutom, walay pa-ngabuhian kag paglapak sang mga kinamatarung. Dapat bugkuson ang kusog sang mga pumuluyo nga nagahimakas kag naga-pangapin sa ila

kinamatarung, pagpaluntad sang tunay nga demokrasya, hustisya sosyal kag kalinungan. Pukawon kag pahulagon ang pinaka-madamo nga numero nga masarangan agud batu-an ang mga pagtinguha nga diktadurya sang rehi-meng Duterte tubtub sa lubos nga pagbagsak sini. Dugang nga hangkat para sa BHB-Panay ang pagpabugal ni Duterte kag sang AFP nga papason kita sini nga tuig. Dapat sabton ini sang mas madamo nga mga taktikal nga opensiba nga nagabunal sa ulo, indi lang para ipakita sa ila ang walay unod nila nga ambisyon. Kag labaw pa diri, amo nga hatagan sang hustisya ang tuman kadamo nga mga biktima sang nagasingki nga pasismo sang reaksyunaryo nga rehimen. !!-- Julian Paisano

Tagpamaba Komiteng Rehiyon - Panay Partido Komunista ng Pilipinas

!4DABA-DABA, ISPESYAL NGA ISYU, MARSO 29, 2018

DD