Embed Size (px)
Citation preview
Page 1 of 72
zikr-e-shab-e-firaaq se vahashat use bhii thii
zikr-e-shab-e-firaaq se vahashat use bhii thii
merii tarah kisii se muhabbat use bhii thii
mujh ko bhii shauq thaa naye cheharo.n kii diid kaa
rastaa badal ke chalane kii aadat use bhii thii
us raat der tak vo rahaa mahv-e-guftaguu
masruuf mai.n bhii kam thaa faraaGat use bhii thii
sunataa thaa vo bhii sab se puraanii kahaaniyaa.N
taazaa rafaaqato.n kii zaruurat use bhii thii
mujh se bichha.D ke shahar me.n ghul mil gayaa vo shaKhs
haalaa.Nke shahar bhar se raqabat use bhii thii
vo mujh se ba.Dh ke zabt kaa aadii thaa jii gayaa
varnaa har ek saa.Ns qayaamat use bhii thii
Page 2 of 72
Maghror hi sahi magar acha bohat laga
Page 3 of 72
Maghror hi sahi magar acha bohat laga
Wo ajnabi to tha per apna laga
Rotha hua tha hans to para muj ko dekh kar
muj ko is qadar dilasa boht laga
Wo jis k dam qadam se theem basti ki ronakain
Basti ujar gai to akela bohat laga
Kohar main jaisay khazan ka chand
Mailay libas mai wo pyara bohat laga
Resham pehn k bhi mery qeemat barh na saki
Khaddar bhi us k jisam per mehnga bohat laga
Mohsin jab aainey pe meri sans jam gai
Mujh ko khud apna aks be dundhla bohat laga
Itni muddat baad mile ho!
Itni muddat baad mile ho!
Kin sochon main gum rehte ho?
Itne khayef kyon rehte ho?
Her aahat se darr jaate ho
Taiz hawa ne mujh se poocha
Rait pe kya likhte rehte ho?
Kaash koi humse bhi pooche
Raat gaye tuk kyon jaage ho?
Page 4 of 72
Main darya se bhi darta hoon
Tum darya se bhi gehre ho!
Koun si baat hai tum main aisi
Itne ache kyon lagte ho?
Peeche mur ker kyon dekha tha
Patthar ban ker kya takte ho?
Reet par likh k mera naam mitaya na karo
Reet par likh k mera naam mitaya na karo
Ankhain sach bolti hain pyar chupaya na karo
Log har baat ka afsana baana lete hain
Sab ko halaat kii rudaad sunaya na karo
Yeh zaroori nahi har shakhs masiiha hie ho
Pyar k zakhm amaanat hain dikhayaa na karo
Shahar-e-ehsaas main patharaav buhat hain 'Mohsin'
Dil ko sheeshe kai jharonkhon main sajaya na karo
Jaao jeet ka jashan manaao!
Page 5 of 72
Jaao jeet ka jashan manaao!
Main jhoota hoon, tum suche ho
Apne sheher ke sub logon se
Meri khatir kyon uljhe ho?
kehne ko rehte ho dil main!
Phir bhi kitne door khare ho
Raat humain kuch yaad nahin tha
Raat bohot hi yaad aaye ho
Humse na poocho hijr ke qisse
Apni kaho ab tum kaise ho?
Mohsin tum badnaam bohot ho
Jaise ho, phir bhi ache ho
Aaj Saqi Sharaab Rehnay Do
Aaj Saqi Sharaab Rehnay Do
Tishnagi K Azaab Rehnay Do
Ponch Dalo Na Aankh Se Kaajal
Kuch Tou Khanjar Pe Aab Rehnay Do
Tum Sanwaro Apni In Zulfon Ko
Page 6 of 72
Meri Halat Kharab Rehnay Do
Chaand Badal Main Acha Lagta Hai
Adhay Rukh Pe Naqab Rehnay Do
Un K Chehry Ki Baat Ho Jaye
Aaj Zikr-e-Gulab Rehnay Do
Un Ki Chokhat Ko Choom Lo “Mohsin”
Baki Saray Sawaab Rehnay Do….!!
Maqrooz Ke Bigray Howay Khayaalaat Ki Maanind
Maqrooz Ke Bigray Howay Khayaalaat Ki Maanind
Majboor Ke Honton Pe Sawaalaat Ki Maanind
Dil Ka Teri Chaahat Mein Ajab Haal Howa Hai
Sailaab Se Barbaad Makaanaat Ki Maanind
Mein Un Mein Bhatkay Howay Jugnu Ki Tarah Hun
Os Shakhs Ki Aankhain Hain Kisi Raat Ki Maanind
Dil Roz Sajaata Hun Mein Dulhan Ki Tarah
Gham Roz Chalay Aatay Hain Baaraat Ki Maanind
Ab Ye Bhi Nahi Yaad Ke Kia Naam Tha Os Ka
Page 7 of 72
Jis Shakhs Ko Maanga Tha Manaajaat Ki Maanind
Kis Darja Muqaddas Hai Tere Qurb Ki Khwaahish
Maasoom Se Bachay Ke Khayaalaat Ki Maanind
Os Shakhs Se Milna “Mohsin” Mera Mumkin Hee Nahi
Mein Pyaas Ka Sehra Hun Wo Barsaat Ki Maanind
Mere Qaatil Ko Pukaro Kay Main Zinda Hoon Abhi
Mere Qaatil Ko Pukaro Kay Main Zinda Hoon Abhi
Phir Say Maqtal Ko Sanwaro Kay Main Zinda Hoon Abhi
Yeh Shab-e-Hijar To Sathi Hai Meri Barson Say
Jao So Jao Sitaro Kay Main Zinda Hoon Abhi
Yeh Pareshaan Say Gaisu Daikhay Nahi Jatay
Apni Zulfun Ko Sanwaro Kay Main Zinda Hoon Abhi
Laakh Moujon Main Ghira Hun, Abi Dooba Tou Nahi
Mujh Ko Sahil Say Pukaro Kay Main Zinda Hoon Abhi
Qabr Say Aaj Bhi “Mohsin” Ki Aati Hai Sadaa
Tum Kahan Ho Meray Yaroo Kay Main Zinda Hoon Abhi
Page 8 of 72
Sambhala Hai Hosh Jab Se Muqaddar “Sakht Tar ” Nikla
Sambhala Hai Hosh Jab Se Muqaddar “Sakht Tar ” Nikla
Para Hai Vaasta Jis Se Wohi “Teer-o-Tabar” Nikla
Sabaq Deta Raha Umr Bhar Jo Roshan Khayali Ka
Usay Bhi Jab Paas Se Dekha Tou “Tang Nazar” Nikla
Samajh Kar Zindagi Jis Se Mohabbat Kar Rahay Thay Hum
Usay Jab Chhuu Kar Dekha Tou Faqat “Khaaki Bashar” Nikla
Mohabbat Ka Khumaar Utraa Tou Saabit Howa “Mohsin”
Jisay Hum Umr Samajh Rhay Thay Faqat “Be Maqsad” Safar Nikla
Ashk Aankhon Mein Chhupatay Howay Thak Jata Hun
Ashk Aankhon Mein Chhupatay Howay Thak Jata Hun
Bojh Paani Ka Uthaatay Howay Thak Jaata Hun
Paon Rakhtay Hain Jo Mujh Per Unhain Ehsaas Nahi
Mein Nishaanaat Mitaatay Howay Thak Jaata Hun
Barf Aisi Ke Pighalti Nahi Paani Ban Kar
Page 9 of 72
Pyaas Aisi Ke Bujhaatay Howay Thak Jaata Hun
Achi Lagti Nahi Is Darja Shanasaayi
Haath Haathon Se Milaatay Howay Thak Jaata Hun
Gham Gusaari Bhi Ajab Kaar-e-Mohabbat Hai Ke Mein
Ronay Waalon Ko Hansaatay Howay Thak Jaata Hun
Itni Qabrain Na Banao Mere Andar “Mohsin”
Mein Charaaghon Ko Jalaatay Howay Thak Jaata Hun
Dasht-e-Wafa Mein Pyaas Ka Aalam Ajeeb Tha
Dasht-e-Wafa Mein Pyaas Ka Aalam Ajeeb Tha
Dekha To Aik Dard Ka Dariya Qareeb Tha
Guzrey Jidhar Jidhar Se Tamanna K Qaafley
Her Her Qadam Pe Aik Nishaan-e-Saleeb Tha
Kuch Aysi Meherbaan Tou Na Thi Ham Pe Zindagi
Kyun Her Koi Jahaan Mein Hamara Raqeeb Tha
Apna Pata To Us Ne Diya Tha Mujhy “MOHSIN”
Main Khud Hi Kho Gaya Tou Ye Mera Naseeb Tha
Page 10 of 72
Sakoot-e-Shaam Main Goonji Sadaa Udaasi Ki
Sakoot-e-Shaam Main Goonji Sadaa Udaasi Ki
Ke Hai Mazeed Udaasi Dawa Udaasi Ki
Amoor-e-Dil Main, Kisi Teesre Ka Dakhal Nahi
Yahan Faqat Teri Chalti Hai Ya Udaasi Ki
Bohat Shareer Tha Main Aur Hansta Phirta Tha
Phir Ek Faqeer Ne De Di Dua Udaasi Ki
Charaagh-e-Dil Ko Zara Ehtiyaat Se Rakhna
Ke Aaj Raat Chale Gi Hawa Udaasi Ki
Bohat Dinon Se Mulakaat Hi Nahi “Mohsin”
Kahin Se Khair Khabar Le Ke Aa Udaasi Ki
Woh shakhs jis ko samajhney mein mujh ko umar lagi,Woh shakhs jis ko samajhney mein mujh ko umar lagi,
Bicharr ke mujh se kissi kaa ho na saka hoga..
Wo Jo Khud Pairvi-E-Ehd-E-Wafa Karta Tha
Page 11 of 72
Wo Jo Khud Pairvi-E-Ehd-E-Wafa Karta Tha
Mujhse Milta Tha Tou Talqeen-E-Wafa Karta Tha
Uske Daman Main Koi Phool Nahi Meray Liye
Jo Meri Tangi-e-Damaa.n Ka Gila Karta Tha
Aaj Jo Usko Bulaya Tou Wo Gumsum Hee Raha
Dil Dhadaknay Ki Jo Awaz Suna Karta Tha
Aaj Wo Meri Har Ek Baat Ke Maayni Poochay
Jo Meri Soch Ki Tafseer Likha Karta Tha
Uski Dehleez Par Sadiyon Se Khada Hoon “Mohsin”
Mujhsay Milnay Ko Jo Lamhaat Gina Karta Tha…!!!
Har ek zakhm ka chehra gulaab jesa hai..
Har ek zakhm ka chehra gulaab jesa hai,
Magar yeh jaagta manzar bhi khawb jesa hai,
Yeh talkh talkhh sa lehja, yeh tez tez si baat,
Mizaaj-e-yaar ka aalam sharaab jesa hai,
Bara taveel, neyhayet haseen, bohat mubhim,
Page 12 of 72
Mera sawaal tumhare jawaab jesa hai,
Tu zindagi ke haqaayeq ki teh main yun na utar,
Ke iss nadi ka bahaao chanaab jesa hai,
Teri nazar hi nahin harf ashnaa warnaa,
Har ek chehra yahan kitaab jesa hai,
Chamak uthey to samandar, bujhey to rait ke leher,
Mere khayal ka daryaa saraab jesa hai,
Tere qareeb bhi reh kar na paa sakoon tujh ko,
Tere khayal ka jalwaa hubaab jesa hai..
Apne aap se phirtey hain beganey kyon..Apne aap se phirtey hain beganey kyon,
Sheher mein aakar log huye deewaney kyon,
Hum ne kab maani thi baat zamaney ki,
Aaj hamari baat zamana maaney kyon,
Woh jungle ke phoolon per kyon marta hai,
Us ko achey lagte hain veeraney kyon,
Sachi baat se ghabraney ki aadat kya,
Jhootey logon se apne yaraaney kyon,
Page 13 of 72
Halwat* mein jo aankh milatey darta ho,
Mailey mein woh shakhss humain pehchaney kyon,
Mohsin jab bhi chott neyi kha leta hoon,
Dil ko yaad atey hain yaar puraney kyon…
Gum’sum si raahguzar thi, kinara nadi ka tha..Gum’sum si raahguzar thi, kinara nadi ka tha,
Paani main chaand, chaand main chehra kisi ka tha..
Shayed mera wajood hi suraj tha sheher mein..Shayed mera wajood hi suraj tha sheher mein,
Main bujh geya to kitne gharon mein chiraag jaley..
Tanhayi Mein Ajeeb Zamanay Ki Wafaa Dekhta Raha
Tanhayi Mein Ajeeb Zamanay Ki Wafaa Dekhta Raha
Umer Bhar Apna Ghar Tanha Dekhta Raha
Kaheen Na Kaheen Tou Badal Hee Jaatay Hain Silsilay
Page 14 of 72
Magar Mein Jahan Gaya Sehra Dekhta Raha
Jaanay Kiun Katraatay Hain Loog Mujhe Milne Se
Kal Shab Dair Talak Aaina Dekhta Raha
Paani Maangtay Maangtay Mere Hont Pathar Ho Gaye
Wo Shakhs Mashkeezah Lye Khada Dekhta Raha
Be-Gunaah Tha Phir Bhi Sir Jhukaaye Howay
Sitamgar Ki Sitam Ki Intehaa Dekhta Raha
Umer Bhar Mohabbat Ka Kuch Yun Sila Raha
Mein Ose Aur Wo Duniya Dekhta Raha
Kahuunga Khuda Se Yom-e-Hisaab Ko “Mohsin”
Ke Zamaana Meri Barbaadi Ka Tamaasha Dekhta Raha
Fasl-e-Khirad Hai Rung-e-Chaman Dekhtay Chalo
Fasl-e-Khirad Hai Rung-e-Chaman Dekhtay Chalo
Phir Ehtmaam-e-Daar-O-Rasan Dekhtay Chalo
Dilchasp Waqea Hai Ke Sehra Ki Dhoop Mein
Zarro’n Ka Jal Raha Hai Badan Dekhtay Chalo
Tanqeed Mat Karo Ke Zamana Kharab Hai
Page 15 of 72
Chup Chaap Dosto’n Ka Chalan Dekhtay Chalo
“Mohsin” Shab-e-Siyaah Bhi Orhay Huay Hain Aaj
Shaffaaf Chandni Ka Kafan Dekhtay Chalo
Jnoon Main, Shauq Ki Gehraiyon Se Darta Raha
Junoon Main, Shauq Ki Gehraiyon Se Darta Raha,
Main Apni ZaaT Ki Sachaiyon Se Darta Raha…
Mohabton Se Shanasa Huwa Main Jis Din Se,,
Phir Us K Baad Shanasaiyon Se Darta Raha..
Wo Chahta Tha K Tanha Miloon To Baat Kre,,
Main Kya Krun K Main Tanhaiyon Se Darta Raha..
Mein Regzaar Tha Mujh Main Basay Thay Sanaatay,,
Isi Liye To Main Shehnaiyon Se Darta Raha..
Main Apne Baap Ka Yousuf Tha is Liye Mohsin..!!
Sakoon Se, So Na Saka Bhaiyon Se Darta Raha…!!
Phira Hun Saaray Zamanay Mein Darbadar Kaisay
Page 16 of 72
Phira Hun Saaray Zamanay Mein Darbadar Kaisay
Mein Tere Baad Bhi Zinda Raha Magar Kaisay ?
Wo Jaanta Hai Ke Kuch Roz Wo Nahi Tha Tou Mein
Pukaarta Raha Os Ko Idhar Udhar Kaisay
Mein Jis Ke Hijr Mein Roya Hun Paaglon Ki Tarah
Wo Kal Mila Tou Hansa Mere Haal Per Kaisay
Azeez-Tar Thi Jisay Neend Shaam-e-Vasl Mein Bhi
Wo Tere Hijr Mein Jaaga Hai Umer Bhar Kaisay
Kahan Ki Dosti , Kaisa Firaaq , Kon “Mohsin” ?
Mein Khud Ko Bhool Gaya Tujh Ko Bhool Kar Kaisay
Nazar Mein Zakham-e-Tabassum Chhupa Chhupa Ke Mila
Nazar Mein Zakham-e-Tabassum Chhupa Chhupa Ke Mila
Khafa Tou Tha Wo Magar Mujh Se Muskura Ke Mila
Wo Hamsafar Ke Mere Tanz Pe Hansa Tha Bohat
Sitam Zareef Mujhe Aaina Dikha Ke Mila
Mere Mizaaj Pe Hairaa.n Hai Zindagi Ka Shaoor
Mein Apni Mout Ko Aksar Galay Laga Ke Mila
Page 17 of 72
Mein Os Se Maangta Kia Khoon Bahaa Jawaani Ka
Ke Wo Bhi Aaj Mujhe Apna Ghar Luta Ke Mila
Mein Jis Ko Dhoond Raha Tha Nazar Ke Rastay Mein
Mujhe Mila Bhi Tou Zaalim Nazar Jhuka Ke Mila
Mein Zakham Zakham Badan Le Ke Chal Dya “Mohsin”
Wo Jub Bhi Apni Qabaa Per Kanwal Sajaa Ke Mila
Chaman Mein Jab Bhi Sabaa Ko Gulaab Poochtay Hain
Chaman Mein Jab Bhi Sabaa Ko Gulaab Poochtay Hain
Tumhaari Aankh Ka Ehwaal, Khwaab Poochtay Hain
Kahan Kahan Howay Roshan Hamaray Baad Charaagh ?
Sitaaray Deeda-e-Tar Se Hisaab Poochtay Hain
Wo Tashna Lab Bhi Ajab Hain Jo Mouj-e-Sehra Se
Suraagh-e-Habs, Mizaaj-e-Saraab Poochtay Hain
Kahan Basi Hain Wo Yaadain, Ujaarna Hai Jinhain ?
Dilon Ki Baanjh Zamee.n Se Azaab Poochtay Hain
Baras Padi Teri Aankhain Tou Phir Ye Bhaid Khula
Sawaal Khud Se Bhi Apna Jawaab Poochtay Hain
Page 18 of 72
Hawa Ki Hamsafri Se Ab Aur Kia Haasil ?
Bas Apne Sheher Ko Khaana Kharaab Poochtay Hain
Jo Be-Niaaz Hain Khud Apne Husn Se “Mohsin”
Kahan Wo Mujh Se Mera Intekhaab Poochtay Hain
Zara Si Dair Mein Ham Kaisay Kholtay Osko
Zara Si Dair Mein Ham Kaisay Kholtay Osko
Tamaam Umer Lagi Jhoot Boltay Osko
Jisay Kasheed Kia Tha Khumaar-e-Khushbuu Se
Misaal-e-Rang Hawaaon Mein Gholtay Osko
Wo Khwaab Mein Hee Utarta Shuaa-e-Subah Ke Saath
Ham Apnay Aap Hee Palkon Pe Toultay Osko
Wo Ashk Tha Ose Aankhon Mein Dafan Hona Tha
Gohar Na Tha Ke Sitaaron Mein Roltay Osko
Wo Be-Wafa Tha Tou Iqraar Lazmi Karta
Kuch Aur Dair Meri Jaan Tatoltay Osko
Kisi Ki Aankh Se “Mohsin” Zaroor Peeta Hai
Tamaam Sheher Ne Dekha Hai Doultay Osko
Page 19 of 72
Aankhon Mein Koi Khawab Utarne Nahi Deta
Aankhon Mein Koi Khawab Utarne Nahi Deta
Ye Dil K Mujhe Chain Se Marne Nahi Deta
Bicharay Tou Ajab Pyaar Jatata Hai Khaton Mein
Mil Jaye Tou Phir Had Se Guzarne Nahi Deta
Wo Shaks Khizan Rut Mein Bhi Mohtaat Rahay Kitna
Sokhay Hoye Phoolon Ko Bikharne Nahi Deta
Ik Roz Teri Pyaas Khariday Ga Wo Ghabro !
Pani Tujhe Panghat Se Jo Bharne Nahi Deta
Wo Dil Mein Tabassam Ki Kiran Gholne Wala
Roothay Tou Ruton Ko Bhi Sanwarne Nahi Deta
Mein Us Ko Manaon K Gham-e-Dehar Se Uljhon ?
“Mohsin” Wo Koi Kaam Bhi Karne Nahi Deta
Sabeel-e-Dard Tham Jaye,Kharosh-e-Dil Thehar Jaaye
Sabeel-e-Dard Tham Jaye,Kharosh-e-Dil Thehar Jaaye
Page 20 of 72
Zara Siii Dair Ko Hangama-e-Mahfel Tehar Jaaye
Shab-e-Maqtal Ka Sanaata Gawahi Dey Na Dey Apni
Laho Ki Mouj May Aks-e-Rukh-e-Qaatil Tehar Jaaye
Tabiyat Toot Kar Chahye Talaatum Ashiana Hona
Mager Tashna Labi Ki Zid Ser – e – Saahil Tehar Jaaye
Muheet-e-Roz o Shab Say Aaj Tak Hum Per Nahi Utra
Woh Ek Lamha k Apni Umr Ka Haasil Tehar Jaaye
Kahin To Saans Lay Thak Kar Hajoom-e-Abla Paa’yiii
Kabhi To Halqa-e-Gard-e-Safer , Manzil Tehar Jaaye
Koi Hurf-e-Malamat Hoo Kar Zanjeer-e-Dua Chankaye
Kisi Awaz Per To Be Sada Saayel Tehar Jaaye
Kahaa K QAIS Tay Hum Bhi Mager Itna Ghanimat Hai
K Dasht-e-Khawab May Akser Tera Mahmal Tehar Jaaye
Bichar Kar Bhi Woh Chehra Aankh Say Hat’ta Nahi MOHSIN
K Jaisay Jheel Main Aks-e-Meh-e-Kaamil Tehar Jaaye
Rait Par Likh Kar Mera Naam Mitaya Na KaroRait Par Likh Kar Mera Naam Mitaya Na Karo
Aankhen Sach Bolti Hain Piyar Chupaya Na Karo,
Page 21 of 72
Log Har Baat Ka Afsaana Banaa Lete Hain
Sab Ko Rudaad-e-Gham-e-Ishq Sunaaya Na Karo,
Yeh Zaroori Nahi Har SHaks Maseeha Hi Ho
Piyar Kay Zakhm Amaanat Hain Dikhaya Na Karo,
Shaher-e-Ehsaas Mein Pathraao Boht Hai “Mohsin”
Dil Ko Sheeshe Kay Jharokon Mein Sajaaya Na Karo.
Tujhay Udaas Bhi Karna Tha Khud Bhi Rona Tha
Tujhay Udaas Bhi Karna Tha Khud Bhi Rona Tha..!!
Ye Haadsa Bhi Meri Jaan Kabhi Tou Hona Tha..!!
Namuu Ka Runj Na Abar Guraiz-pa Say Malaal..!!
Ke Mujhko Baanjh Zameenon Mein Beej Bona Tha ..!!
Ye Kia K Gard-e-Raah-e-Raf’tagaan Ko Oar Liya..!!
Kafan Ka Daagh Badan Kay Lahoo Say Dhona Tha..!!
Jo Dastaan Usey Kehna Thi Phir Na Guftaa Rahi ..!!
Ke Main Bhi Thak Sa Gaya Tha,, Usey Bhi Sona Tha..!!
Mein Takht-e-Abar Par Soya Tha Raat Bhar Mohsin..!!
Khuli Jo Aankh Tou Sehra Mera Bichhona Tha..!!!
Page 22 of 72
Jaane Ab Kis Dais Milain Ge Unchi Zaaton Waalay Loog
Jaane Ab Kis Dais Milain Ge Unchi Zaaton Waalay Loog?
Naik Nigahon, Sache Jazbon Ki Saugaaton Waalay Loog
Pyaas Ke Sehraaon Mein Dhoop Pehen Kar Paltay Banjaaro…!
Palkon Oat Talaash Karo, Bojhal Barsaaton Waalay Loog
Waqt Ki Urrti Dhool Mein Apne Naqsh Ganwae Phirte Hain,
Rim Jhim Subhon, Roshan Shaamon,Resham Raaton Waalay Loog
Aik Bhikaarun Dhoond Rahi Thi Raat Ko Jhoote Chehron Mein,
Ujle Lafzon, Sachi Baaton Ki Khairaaton Waalay Loog
Aane Waali Rog Ruton Ka Pursa Dain Har Larki Ko…!
Shehnaai Ka Dard Samajh Lein Gar Baaraton Waalay Loog
Pathar Kootne Waalon Ko Bhi Sheeshe Jaisi Saans Milay !!
“Mohsin” Roz Duaaen Maangain Zakhmi Haathon Waalay Loog
Ghulabon Se Mehki Lari Ho Gayi Hoon
Ghulabon Se Mehki Lari Ho Gayi Hoon
Mohabbat ki Pehli Kari Ho Gayi Hoon,
Page 23 of 72
Mujhe Tune Aisi Nighaah se Dekha
K Mai Ek Pal Mein Bari Ho Gayi Hoon,
Sar-e-Shaam Aane ka Hai Us ka Wada
Mai Subah Se Darr Par Khari Ho Gayi Hoon,
Na Churwa sakoge kabi Haath Apna
Mohabbat Bhari Hath-Kari Ho Gayi Hoon,
Boht Door hai Mujh se Khushyon ka Mosam
Musalsal Ghamon ki Jhari Ho Gayi Hoon,
Juda kar Na Payega Ab koi “MOHSIN”
Wo Khushbu hai, Mai Pankhri Ho Gayi Hoon
Zamaney Bhar Ki Nigahon Mai Jo Khuda Saa Lagey
Zamaney Bhar Ki Nigahon Mai Jo Khuda Saa Lagey,
Wo Ajnabi Hai Magar Mujh Ko Aashna Sa Lagey,
Na Janey Kab Meri Dunya Mai Muskuraaye Ga,
Wo Aik Shakhs,,, Jo Khawabon Mai Bhi Khafaa Sa Lagey,
Ajab Cheez Hai Yaaron Ye Manzilon Ki Hawas,
Ke Raahzan Bhi Musafir Ko Raahnuma Sa Lagey,
Page 24 of 72
Dil-e-Tabah! Tera Mashwara Hai Kya Ke Mujhe,
Wo Phool Rung Sitaara Bhi Bewafa Sa Lagey,
Hoi Hai Jis Se Munnawar,, Her Ek Aankh Ki Jheel,
Wo Chaand Aaj Bhi ,,Mohsin Ko Kam Numa Sa Lagey
Itna khali tou ghar nahi, hum hainItna khali tou ghar nahi, hum hain!
Hum nahi hain magar nahi, hum hain!!
Chasm-e-dushman ke khauf se pocho
Nok-e-naiza pe sir nahi, hum hain
Sham-e-tanhai gham na kar k tera
Koi bhi humsafar nahi, hum hain
Chand se keh do, be dharak utre
Ghar mein dewar-o-dar nahi, hum hain
Woh jo sab se hain be khaber, tum ho
Jin ko apni khaber nahi, hum hain
Kyun jalate ho jhonpri apni?
Is mein lal-o-gohar nahi, hum hain
Hum hain humzaad, raat ke Mohsin
Page 25 of 72
Jin ki qismat Sehr nahi, hum hain
Wohi Raaton Ki Bedaari Hai Ab Tak
Wohi Raaton Ki Bedaari Hai Ab Tak,
Tamanna Ka Safar Jaari Hai Ab Tak,
Khayal-e-Zabt Aur Tark-e-Talluq,
Yehi Pathar Bohat Bhari Hai Ab Tak,
Akeli Chandni Raaton Main Dil Ko,
Sulag Uthney Ki Beemari Hai Ab Tak,
Abhi Pichley Dinon Jo Ham Pe Guzri,
Usi Rut Ka Nasha Taari Hai Ab Tak,
Main Hijrat Kar Tou Loon Chaman Se “Mohsin”
Par Parindon Se Meri Yaari Hai Ab Tak…….!!
Ek Chehra Jo Mere Khwaab Sajaa Deta Hai
Ek Chehra Jo Mere Khwaab Sajaa Deta Hai
Mujh Ko Mere Hee Khayaalon Mein Sadaa Deta Hai
Wo Mera Kon Hai Maloom Nahi Hai Laikin
Page 26 of 72
Jub Bhi Milta Hai Tou Pehluu Mein Jagaa Deta Hai
Mein Jo Andar Se Kubhi Toot Ke Bikhruun
Wo Mujh Ko Thaamnay Ke Lye Haath Barha Deta Hai
Mein Jo Tanha Kubhi Chupkay Se Bhi Rona Chaahun
Tou Dil Ke Darwaazay Ki Zanjeer Hila Deta Hai
Os Ki Qurbat Mein Hai Kia Baat Na Jaanay “Mohsin”
Ek Lamhay Ke Lye Sadyon Ko Bhula Deta Hai
Jese Jese Waqat Guzarta Jata Hai
Jese Jese Waqat Guzarta Jata Hai
Zakham Tumhare Hijar Ka Bharta Jata Hai
Kankar Pehnkne Walon Ko Kuch Ilm Nhi
Pani Main Ik Aks Bikharta Jata Hai
Dil Ki Gurbat Saray Ghar Main Phel Gai
Tasveeron Se Rang Utarta Jata Hai
Bujhti Ankh K Sa’aye Phalty Jaty Hain
Sham Ka Manzar Or Nikharta Jata Hai”Mohsin”
Is Ne Dil Ka Shaher Ujar Diya
Main Smjhta Tha Bakht Sawanarta Jata Hai……!!
Page 27 of 72
Ye Ronaqaein Ye Loog Ye Ghar chor Jaon Ga
Ye Ronaqaein Ye Loog Ye Ghar chor Jaon Ga
Ik din Mein roshni ka Nagar chor jaon Ga
Marnay Say Payshtar Meri Awaz Mut Chura
Mein Apni Jaidaad Idhar Chor Jaon Ga
Qatil Mera Nishaan Mitaanay pay Hay Baazidd….
Mein Bhi Sinaa’n Ki Nooq Pay Sir Chor Jaoon Ga
Tu Nay Mujhay Chiragh Samajh kar Bujha diya
Laykin Tery Liyay Mein Sehar Chor Jaoon Ga
Aa’inda Nasal Mujh Ko Parhay gi Ghazal Ghazal
Mein Harf Harf Apna Hunar Chor Jaoon Ga..
Tum Apnay Aabloo’n Ko Bachatay Ho Kis LIyay ?
Mein to Safar Mein Rakht-e-Safar Chor Jaoon Ga
Mein Apnay Doobnay Ki Alaamat Kay toor par!
Darya Mein Aik Aadh Bhanwar Chor Jaoon Ga
Lashkar Karain Gay Meri Dalayri Pay Tabsaray
Mar Kar Bhi Zindagi Ki Khabar Chor Jaoon Ga
Page 28 of 72
“Mohsin” Mein Us Kay Zakhm Khareedoon Ga Aik Din
Aur Us K Paas La’al-o-Gohar Chor Jaoon Ga
Jaag utha hai dil mein puraney dinon ka dard
Phir jaag utha hai dil mein puraney dinon ka dard,
Jee chahta hai ke phir koi taaaza ghazal likhoon..
Jab Teri Dhunn Mein Jiya Kartey Thay
Jab Teri Dhunn Mein Jiya Kartey Thay..!!
Hum Bhi Chup Chaap Phira Kartey Thay..!!
Aankh Mein Piyaas Howa Karti Thi..!!
Dil Mein Tofaan Utha Kartey Thay…!!
Logg Aatey Thay Ghazal Sunney Ko..!!
Hum Terii Baat Kiya Kartey Thay ..!!
Sach Samajhtey Thay Teray Wadoon Ko..!!
Raat Din Ghar Mein Raha Kartey Thay…!!
Kisi Veeranay Mein Tujsey Milkar..!!
Dil Mein Kiaa Phool Khila Kartey Thay..!!
Page 29 of 72
Ghar Ki Dewaar Sajanay Kay Leye..!!
Hum Teraa Naam Likha Kartey Thay..!!
Woh Bhi Kia Din Thay Bhulaa Kar Tujhko..!!
Hum Tujhey Yaad Kiya Kartey Thay..!!
Jab Teray Dard mein Dil Dukhta Tha…!!
Hum Teray Haq Mein Dua Kartey Thay…!!
Bujhnay Lagta Jo Chehra Tera..!!
Daagh Seenay Mein Jala Kartey Thay..!!
Apnay Jazboon Ki Kamandon Say Tujey..!!
Hum Bhi Taskheer Kiya Kartey Thay..!!
Apnay Aansoo Bhi Sitaroon Ki Tarah..!!
Teray Hontoon Pay Saja Kartey Thay..!!
Chairta Tha Ghum-e-Duniya Jab Bhi..!!
Hum Teray Ghum Say Gilla Kartey Thay..!!
Kal Tujey Dekh kay Yaad Aya Hay..!!
Hum Sukh’noor Bhi Howa Kartey Thay…!!
So Baar Ujar Kay Phir Basaa HoonSo Baar Ujar Kay Phir Basaa Hoon
Page 30 of 72
Jangal Hoon Magar Hara Bhara Hoon,
Har Shaks Mein DHoondta Hoon Khud Ko
Shayad Mein Kisi Mein Kho Giya Hoon,
Ab Teraa Wisaal Raiegaan Hai
Main Kab Ka Udaas Ho Chuka Hoon,
Andha Hoon Pkar Le Haath Mera
Ay Hijar Ki Shab Mein Be Asaa Hoon,
Khush Ho Ay Bulandiyon Ki Khawahish
Main Nok-e-Sinaa Pe Saj Giya Hoon,
Dariya Ko Shikast Di Hai Maine
Mashkeeze Mein Piyas Bhar Raha Hoon,
Karta Hai Qabool Kon Mujh Ko
Kat`te Howe Haath Ki Dua Hoon,
Sach Yeh Hai Kay Ajnabi Hoon Khud Se
Kehne Ko Main Sab Se Ashnaa Hoon,
Uljha Hoo Yeh Soch Kar Hawaa Se
Main Shaher Ka Akhri Diya Hoon,
Din Bhar Ki Tapish Mein Kon Jhulse
Main Shab Ko Badan Pe Aurhta Hoon,
Page 31 of 72
“Mohsin” Mujhe Khud Pe Naz Tha Kaisa ?
Main Yoon Bhi Misaal-e-Naqash-e-Paa Hoon.
Itna na yaad aa ke tujhe bhool jayen hum..
Is zindagi mein itni faraghat kisey naseeb,
Itna na yaad aa ke tujhe bhool jayen hum..
Shamil Mera Dushman Saf-e-Yaraan Mein Rahega
Shamil Mera Dushman Saf-e-Yaraan Mein Rahega
Yeh Teer Bhi Paywast-e-Rag-e-Jaan Mein Rahega,
Ek Rasm-e-Januu Apne Muqaddar Mein Rahegi
Ek Chaak Sadaa Apne Girebaan Mein Rahega,
Ek Ashk Hai Aankhon Mein So Chamkega Kahaan Tak?
Yeh Chaand Zad-e-Shaam-e-Ghareebaan Mein Rahega,
Main TUjh Se Bechar kar Bhi Kahaan Tujh Se Juda Hoon
Tu Khawaab Sifat Deeda-e-Giryaan Mein Rahega,
Rangon Ki Koi Rut Teri Khushbu Nahi Laaie
Page 32 of 72
Yeh Daagh Bhi Damaan-e-Baharaan Mein Rahega,
Ab Kay Bhi Guzar Jaaenge Sab Wasl Kay Lamhe
Masroof Koi Wada-o-Paymaan Mein Rahega,
Main Harf-e-Januu Keh Na Sakoonga, Jo Kahoon Bhi
Ek Raaz Ki Soorart Dil Imkaan Mein Rahega,
“Mohsin” Main Hawadis Ki Hawaaon Mein Ghera Hoon
Kiya Naqsh-e-Qadam Dasht-o-Bayabaan Mein Rahega ?
Aahat Si Howi Thi, Naa Koi Barg Hilaa Tha..
Aahat Si Howi Thi, Naa Koi Barg Hilaa Tha
Main Khud Hi Sar-e-Manzil-e-Shab Cheekh Para Tha,
Lamhon Ki Faseelein Bhi Mere Gird Khari Thien
Main Phir Bhi Tujhe Shaher Mein Awaara Laga Tha,
Tune Jo Pukaara Hai Tou Bol Uthaa Hoon, Warna
Main Fikar Ki Dehleez Pe Chup Chaap Khara Tha,
Phaili Thi Bhare Shaher Mein Tanhai Ki Baaten
Shayad Koi Deewar Kay Peeche Bhi Khara Tha,
Ab Is Kay Siwaa Yaad Nahi Jashn-e-Mulaqaat
Page 33 of 72
Ek Maatmi Jugnu Meri Palkon Pe Sajaa Tha,
Ya Barish-e-Sang Ab Kay Musalsal Na Howi Thi
Ya Phir Main Tere Shaher Ki Raah Bhool Gaya Tha,
Ek Jalwa-e-Mehboob Se Roshan Tha Mera Zehn
Wajdaan Yeh Kehta Hai Wohi Mera Khuda Tha,
Weraan Na Ho Is Darja Koi Mosam-e-Gul Bhi
Kehte Hain Kisi Shakh Pe Ek Phool Khila Tha,
Ek Tu Kay Gurezaan Hi Raha Mujh Se Beher Tor
Ek Main Kay Tere Naqsh-e-Qadam Choom Raha Tha,
Dekha Na Kisi Ne Bhi Meri Simt Palat Kar
“Mohsin” Main Bikharte Howe Sheeshon Ki Sadaa Tha
Karray Safar Mein Agar Raasta Badalna Tha
Karray Safar Mein Agar Raasta Badalna Tha
Tou Ibtedaa Mein Mere Saath Hee Na Chalna Tha
Kuch Is Lye Bhee Tou Sooraj Zameen Pe Utraa Hai
Pahaarion Per Jami Barf Ko Pighalna Tha
Utar Ke Dil Mein Lahuu Zeher Kar Gaya Aakhir
Wo Saanp Jis Ko Meri Aastee.n Mein Palnaa Tha
Page 34 of 72
Ye Kia Ke Tohmatain Aatish-Fishaan Ke Sar Aayein
Zameen Ko Yun Bhee Khazaana Kubhi Ugalna Tha
Mein Lagzishon Se Atay Raaston Pe Chal Nikla
Tujhe Ganwa Ke Mujhe Phir Kahan Sambhalna Tha ?
Ajab Naseeb Tha “Mohsin” Ke Baad-e-Marg Mujhe
Charaagh Ban Ke Khud Apni Lehad Pe Jalna Tha
Mere Ander Ka Hai Insaan Faqeeron Jaisa
Goya Andaaz-e-Taazeem Hai Ameeron Jaisa
Mere Ander Ka Hai Insaan Faqeeron Jaisa
Ham Ne Chehray Pe Sajaa Rakhi Hai Sheher Ki Ronaq
Dil Ka Aalam Hai Veeraan Jazeeron Jaisa
Os Ke Ausaaf-o-Khasaail Ne Mujhe Jeet Lia
Meray Mureedon Mein Tha Shakhs Wo Peeron Jaisa
Is Se Pehlay Thi Aseeri Bhi Rehaayi Jaisi
Ab Ke Aazaadi Mein Hai Haal Aseeron Jaisa
Os Ko Ganwa Ke Hain Khasaaray Ab Tak “Mohsin”
Wo Jo Ik Shakhs Mere Saath Tha Heeron Jaisa
Page 35 of 72
Ek Diya Dil Mein Jalaana Bhee, Bujhaa Bhee Dena
Ek Diya Dil Mein Jalaana Bhee, Bujhaa Bhee Dena
Yaad Karna Bhee Ose Roz Bhula Bhee Dena
Kia Kahoon Ye Meri Chaahat Hai Ke Nafrat Oski ?
Naam Likhna Bhee Mera, Likh Ke Mitaa Bhee Dena
Phir Na Milnay Ko Bicharta Hun Tujh Se Laikin
Murr Ke Dekhuun Tou Palatnay Ki Duaa Bhee Dena
Khat Bhee Likhna Mayoos Bhee Rehna Os Se
Jurm Karna Bhee Magar Khud Ko Sazaa Bhee Dena
Mujh Ko Rasmon Ka Takalluf Bhee Ganwaara Laikin
Jee Mein Aaye Tou Ye Deewaar Gira Bhee Dena
Os Se Mansoob Bhee Karlaina Puraanay Qissay
Os Ke Baalon Mein Naya Phool Sajaa Bhee Dena
Soorat-e-Naqsh-e-Qadam, Dasht Mein Rehna “Mohsin”
Apnay Honay Se Na Honay Ka Pataa Bhee Dena
Qadar-e-Johar Hai Jo Pindaar Samait
Page 36 of 72
Qadar-e-Johar Hai Jo Pindaar Samait
Mujhko Parkho Mere Mayaar Samait
Roz Maangain Ye Dua Khaana-Badosh
Ghar Na Ujray Dar-o-Deewaar Samait
Kitni Banjar Howi Fasl-e-Aawaaz
Sheher Chup Chaap Hai Baazaar Samait
Kaash Loogon Ki Tarah Soye Chaman
Hum Bhee Jaayein Kubhi Dildaar Samait
Kon Karta Qad-o-Qaamat Ka Hisaab ?
Ik Qayaamat Tha Wo Raftaar Samait
Jin Ki Haibat Se Hiraasan Lashkar
Be-Nishaan Ab Hain Wo Talwaar Samait
Bujh Jaayein Kaheen Aankhain Meri
Yaad Aa , Mashal-e-Rukhsaar Samait
Khaak Urti Howi Sadyon Se Udhar
Qaaflay Guum Howay Saalaar Samait
Hawas-e-Darham-Dinaar Ki Khair
Loog Biknay Lagay Kirdaar Samait
Page 37 of 72
Mein Ke “Mohsin” Hun Shaheed-e-Naamoos
Dafan Karna Mujhe Dastaar Samait
Habs-e-Duniya Se Guzar Jaatay Hain
Habs-e-Duniya Se Guzar Jaatay Hain
Aisa Kartay Hain Ke Mar Jaatay Hain
Kaisay Hotay Hain Bicharnay Waalay ?
Hum Ye Sochain Bhee Tou Dar Jaatay Hain
Dil Jo Tootay Tou Sar-e-Mehfil Bhi
Baal Be-Wajaa Bikhar Jaatay Hain
Ab Na Dekho Meri Banjar Aankhain
Charhtay Darya Tou Utar Jaatay Hain
Dhoop Ka Roop Rachaanay Waalay
Shaam Ko Aur Nikhar Jaatay Hain
Tum Kahaan Jao Ge Socho Mohsin ?
Log Thak Haar Ke Ghar Jaatay Hain
Khwaab Aankhon Mein Chubho Ker Dekhoon
Page 38 of 72
Khwaab Aankhon Mein Chubho Ker Dekhoon
Kaash Main Bhe Kubhi So Ker Dekhoon
Shayed Ubhray Teri Tasveer Kaheen
Main Teri Yaad Mein Ro Ker Dekhoon
Issi Khwahish Mein Mitta Jaata Hun
Tere Paon, Teri ThoKer Dekhoon
Ashk Hain , Vehm Ki Shabnam , K Lahoo??
Apni Palkain Tou Bhigo Ker Dekhoon
Kesa Lagta Hai Bichhar Ker Milna ?
Main Achanak Tujhe Kho Ker Dekhoon
Ab Kahaan Apne Girebaan Ki Bahaar ?
Taar Mein Zakhm Pirro Ker Dekhoon
Mere Hony Se Na Hona Behtar
Tu Jo Chahay , Tera Ho Ker dekhoon ?
Rooh ki Gardd Se Pehlay MOHSIN . .
Daagh-e-Daman Ko Tou Dho Ker Dekhoon..!!
Maangay Hai Mujhse Dil Teri Saari Nishaanian
Maangay Hai Mujhse Dil Teri Saari Nishaanian
Page 39 of 72
Baatain Puraanian Wohi Raatain Suhaanian
Un Per Tou Farz Hain Mere Harfon Ke Zaaiqay
Ab Jin Ko Aagayein Badi Baatain Bananian
Ay Ishq Aa Phir Se Koi Tajurba Karain
Mein Bhoolnay Laga Hun Puraani Kahanian
Wo Tere Qehqahay Thay Ke Jaisay Hujoom Mein
Tootain Kalaion Mein Khanakti Kamaanian
Ye Mere Ashq Hain Ke Paharon Mein Jis Tarah
Royein Basant Rut Mein Nadi Ki Rawaanian
Maango Dua Ke Khelti Khilti Rahain Sadaa
Sheheron Ki Dulhanain Meri Basti Ki Raanian
Mohsin Ko Kuch Tou Had-e-Sitam Ka Suraagh De ?
Kab Tak Raqam Karuun Mein Teri Meherbaanian
Aainay Per Kubhi Kitaab Mein Hain
Aainay Per Kubhi Kitaab Mein Hain
Oski Aankhain Ajeeb Azaab Mein Hain
Thaktay Phirtay Hain Dhoop Mein Bachay !
Titliaan Saaya-e-Gulaab Mein Hain
Page 40 of 72
Ek Kachay Gharay Ki Jurrat Per
Kitni Tugyaaniaan Chanaab Mein Hain
Wo Abhi Tak Hai Ru-Baruu Apnay,
Hum Abhi Tak Hisaar-e-Khwaab Mein Hain…!
Oski Aadat Hai Roothna Mohsin
Loog Be-Waja Iztaraab Mein Hain
Loogon Ke Lye Saahib-e-Kirdaar Bhi Mein Tha
Loogon Ke Lye Saahib-e-Kirdaar Bhi Mein Tha
Khud Apni Nigaahon Mein Gunaahgaar Bhi Mein Tha
Kiun Ab Mere Mansab Ki Salaami Ko Kharay Ho ?
Yaaro Kubhi Ruswa Sar-e-Baazaar Bhi Mein Tha
Mein Khud Hee Chhupa Tha Qaf-e-Qaatil Ki Shikan Mein
Maqtool Ki Tooti Howi Talwaar Bhi Mein Tha
Chheentay Hain Jahan Ab Mere Maasoom Lahoo Ke
Os Farq-e-Falak-Naaz Ki Dastaar Bhi Mein Tha
Meri Hee Sadaa Lout Ke Aayi Hai Mujhi Tak
Shayad Had-e-Aflaak Ke Os Paar Bhi Mein Tha
Manzil Pe Jo Pohancha Hun Tou Maaloom Howa Hai !
Page 41 of 72
Khud Apnay Lye Raah Ki Deewaar Bhi Mein Tha
Ab Mere Taaruf Se Guraiza Hai TU Laikin
Kal Tak Teri Pehchaan Ki Mayaar Bhi Mein Tha
Dekha Tou Mein Afshaa Tha Har Ik Zehen Pe Mohsin
Socha Tou Pas-e-Parda Israar Bhi Mein Tha
Saltanat Dil Mein Hee Nahi Oski
Saltanat Dil Mein Hee Nahi Oski
Aasmaan Tak Hai Sar-Zameen Oski
Phir Paharon Pe Barf Pighli Hai
Phir Damaknay Lagi Jabeen Oski
Dehaan Rakhna Har Ik Aahat Per
Shaayad Ubhray Sadaa Kaheen Oski
Ab Bhi Roshan Hai Zindagi Os Se
Ab Bhi Soorat Hai Dil-Nasheen Oski
Hijr Ki Rut Azaab Hai Mohsin
Aadatain Sab Badal Gayin Oski
Chaak Daamanian Nahi Jateen
Page 42 of 72
Chaak Daamanian Nahi Jateen
Dil Ki Nadaanian Nahi Jateen
Baam-o-Dar Jal Uthay Charaaghon Se
Ghar Ki Weraanian Nahi Jateen
Orh Li Hai Zameen Khud Pe Magar
Tan Ki Uryaanian Nahi Jateen
Hum Tou Chup Hain Magar Zamaanay Ki
Hahsar Saamaanian Nahi Jateen
Dekh Kar Aainay Mein Aks Apna
Oski Hairaanian Nahi jateen
Laakh Ujray Howay Hon Shahzaaday
Sar Se Sultaanian Nahi Jateen
Lashkar-e-Zulm Thak Gaya Mohsin
Apni Qurbaanian Nahi Jateen
Nazar Ka Husn Bhi Husn-e-Butaan Se Kam To Na Tha
Nazar Ka Husn Bhi Husn-e-Butaan Se Kam To Na Tha
Mera Yaqeen Bhi Tumhaare Gumaan Se Kam To Na Tha,
Page 43 of 72
Mizaaj-e-Azmat-e-Adam Ki Baat Hai, Warna
Zameen ka Zulm Tere Asmaan Se Kam To Na Tha,
Guzar Raha Tha Jahaan Se Main Sang Dil Ban Kar
Woh Mor Sheesha Garon Ki Dukaan Se Kam To Na Tha,
Na Jaane Kiyoon Teri Aankhen Khamosh Thien, Warna
Dil-e-Ghareeb Ka Naghmaa Faghaan Se Kam To Na Tha,
Rah-e-Januu Kay Nasheb-o-Faraaz Mein “Mohsin”
Khird Ka Phool Bhi Sang-e-Giraan Se Kam To Na Tha.
Dasht Mein Piyas Bujhaty Howe Mar Jaate Hain
Dasht Mein Piyas Bujhaty Howe Mar Jaate Hain
Hum Parinde kahein Jatay Howe Mar Jaate Hain,
Hum Hain Sookhay Howy Talaab Pe Baithe Howe Hans
Jo Taaluq ko Nibhaatae Howe Mar Jaate Hain,
Un Kay Bhi Qatal Ka Elzam Hamare sar Hai
Jo Hamain Zaher Pilatay Howe Mar Jaate Hain,
Yeh Mohabat ki kahani Nahi Marti Lekin
Log kirdar Nibhate Howe Mar Jaate Hain,
Hum Hain Woh Tooti Howi kashtiyon Waale “Mohsin”
Page 44 of 72
Jo kinaaron ko Milaatay Howe Mar Jaate Hain.
Muu’n chupaaye huye guzra haiMuu’n chupaaye huye guzra hai idhar se jo woh aaj,
Us ki aankhon mein koi zakham neya lagtaa hai….
Aaj Gum Sum Hai Jo Barbaad Jazeeron Jaisi
Aaj Gum Sum Hai Jo Barbaad Jazeeron Jaisi,
Us Ki Aankhon Mein Chamak Thi Kabhi Heeron Jaisi
Kitne Maghroor Pahaaron Ke Badan Chaak Huey,
Taiz Kirnon Ki Jo Baarish Hui Teeron Jaisi
Jis Ki Yaadon Se Khayaalon Ke Khazaanay Dekhay,
Uski Soorat Bhi Lagi Aaj Faqeeron Jaisi
Chahatain Lub Pe Machalti Hui Larki Ki Tarah,
Hasratain Aankh Mein Zindaan Ke Aseeron Jaisi
Hum Anaa Mast, Tahi Dast Bohat Hain MOHSIN,
Ye Alag Baat Ke Aadat Hai Ameeron Jaisi……..!
Page 45 of 72
Marhalay Shoq Ke Dushwar Howa Kartay Hain
Marhalay Shoq Ke Dushwar Howa Kartay Hain
Saaye Bhi Raah ki Dewaar Howa Kartay Hain
Wo Jo Sach Boltay Rehnay Ki Kasam Khaatay Hain
Wo Adalat Mein Gunaah-gaar Howa Kartay Hain
Sirf Haathon Ko Na Dekho Kabi Aakhen Bhi Parho
Kuch Sawaali Barray Khud-daar Howa Kartay Hain
Wo Jo Pathar Yunhi Rastay Mein Paray Rehtay Hain
Un Ke Seenay Mein Bhi Shaah-kaar Howa Kartay Hain
Subaah Ki Pehli Kiran Jin Ko Rula Deti Hai
Wo Sitaaron Ke Azadaar Howa Kartay Hain
Jin Ki Aankhon Mein Sadaa Pyaar Ke Sehra Chamkain
Dar Haqiqat Wohi Fankaar Howa Kartay Hain
Sharam Aati Hai Dushman Kisay Samjhain Mohsin
Dushmani Ke Bhi Kuch Mayaar Howa Kartay Hain
Basaa Howa Tha Jo Seenay Mein Aarzoo Ki Tarah
Page 46 of 72
Basaa Howa Tha Jo Seenay Mein Aarzoo Ki Tarah
Ragon Mein Goonj Raha Hai Wo Ab Lahoo Ki Tarah
Mein Oske Dil Mein Chhupi Khwaahishain Bhi Jaan Gaya
Khula Wo Mujh Se Girebaan-e-Be-Raffuu Ki Tarah
Koi Nazar Bhi Uthay Os Pe Dil Dhadak Jaaye
Mein Osse Pyaar Karuun Apni Aabroo Ki Tarah
Bohat Dinon Mein Jo Dekha Ose Tou Kia Kehiye !
Lagi Hai Oski Khamooshi Bhi Guftaguu Ki Tarah
Mujhe Judaa Na Samajhna Chaman Se Ehl-e-Chaman !
Mein Raaigaan Hee Sahi, Shaakh-e-Be-Namuu Ki Tarah
Gham-e-Jahan Tha Ke Mohsin Ujaar Mausam Tha ?
Simat Gaya Wo Samandar Bhi Aabujuu Ki Tarah
Aaj phir chand ufaq par nahin ubhra
Aaj phir chand ufaq par nahin ubhra mohsin,
Aaj phir raat na guzrey gi suhaani apni…
Kahaan Tha Itna Azaab Ashna Maira Chehra
Page 47 of 72
Kahaan Tha Itna Azaab Ashna Maira Chehra
Jallay Chiraagh tu Bujhnay Laga, Maira Chehra
Woh Tairay Hijar Kay Din woh Safeer Sadiyon Kay
Tu Un Dinoon mein Kabhi Daikhta Maira Chehra
Judaiyoon Kay Safar Mein Rahay Hain Saath
SadaTairi Talaash,Zamanay, Hawa, Maira Chehra
Mairay Siwa Koi Itna udaas Bhi Tu Na Tha
Khizaan Kay Chand Ko Achaa Laga Maira Chehra
Kitaab Khool Raha Tha Woh Apnay Maazi Ke
Warq Warq Pay Bikharta Gaya Maira Chehra
Sehar Kay Noor Say Dhulti Hoe Tairi Ankhain
Safar Ke Gard Mein Lipta Howa Maira Chehra
Hawa Ka Akhri Boosa Tha Ya Qayamat Thi ?
Badan Ke Shaakh Say Phir Gir Para Maira Chehra
Jissay Bujha Kay Hawa Soogwar Phirti Hai
Woh Shama e Shaam e Safar Thi Keh Maira Chehra
Yeah Loug Kiyon Mujhay Pehchantay Nahi “Mohsin”
Mein Sochta Hoon Kahaan Reh Gaya Maira Chehra ?
Dekhi hai berukhi ki aj hum ne inteha
Dekhi hai berukhi ki aj hum ny inteha Mohsin,
Hum py nazar pari to “wo mahfil sy uth gay…..
Kahan itni saza’en thi bhala is zindgani mein
Page 48 of 72
Kahan itni saza’en thi bhala is zindgani mein,
Hazaron ghar huwe roshan jab mera dil jala MOHSIN.
Faqat ik lafz “MOHABBAT” ki hum ne bheek mangi thi,
Taras gaye khushi ko hum mili hai ye saza MOHSIN.
Sukoon e zindagi chora ik teri zaat ki khatir,
Magar phir bhi meri chahat se tum ko hai gila MOHSIN.
Toota huwa ye dil le kar main kis k paas jaonga,
Hai kaun wo karay ga jo mere dil ki dawa MOHSIN.
Teri ankhain teri sansain tera chehra teri dharkan,
Main kaise bhool paön ga teri har ik adaa MOHSIN.
Kisi ko kya khabar mujh par har pal kya guzarti hai,
Meri saari kahani ka hai tu hi aashna MOHSIN.
Nahi qaabil tere lekin munasib jo agar samjho,
Yaad rakhna duaon mein yehi hai ilteja MOHSIN.
Na jago raat bhar
Na jago raat bhar ‘MOHSIN’ meri mano to soo jao
Ye ‘Khawabidah Nazr’ phir kal kisi ko maar Daly ge
Page 49 of 72
Meri Udaasi
MeRi AaNkHooN MaIn ChUpI UdAsI Ko MeHsOs To KaR
“~*MoHSiN*~”
MaIn SaB Ko HaNsA KaR KhUd RaaT BhAr NaHi SoTi…..!!
Ro Parogy
Bahar Rutt me ujar Rasty,
Tak’ka kro gy to Ro paro gy…
Kisi se milny ko jab bhi Mohsin,
Sajja karo gy to Ro paro gy….
Tumhare wadon ne yar muj ko,
Tabah kiya hy kuch is trha se…
K zindgi me jo phir kisi se,
Dagha karo gy to Ro paro gy…
Main janta hon meri muhabbt,
Ujar dy gi tumhe bhi aise…
K chand raton me ab kisi se,
Mila kro gy to Ro paro gy…
Page 50 of 72
Barasti barish me yad rakhna,
Tumhe stayein gi meri ankhen…
Kisi Wali k mazar par jab
Dua karo gy to Ro paro gy…!!!
Gham e Tanhai
’Kuch to Ae yaar elaj-e-ghum-e-tanhai ho
Baat itni b na brr jaye k ruswai ho
Jis ne b mujhko tamasha sa bana rakha hy
Ab zarori hy wohi aankh tamashai ho
Dobne wale to aankho se b kub nikle hain
Dobne k liye lazim nahi,gehrai ho
Main tujhe jeet b tohfey me nahi de sakta
Chahta ye b nahi hon teri paspai ho
Koi anjan na ho shehr-e-mohabat ka makeen
KASH har dil ki har ik dil se shanasai ho
Yon guzar jata hai MOHsin tere koche se woh
Tera wakif na ho jese koi SODAI ho..!
Page 51 of 72
Rasm E Duniya
Bhool jana to rasm e duniya hai Mohsin
Tmne bhool ker konsa kamaal ker diya
Tery Bahd
Mumkin hai tery baad bhi aati hon gi baharen Mohsin
Gulshan main tery baad kabhi ja kr nahi dekha…
Wo Ranjishen …
wo humsafar tha magar us se hum nawayi na thi
k dhoop chaon ka aalam raha judai na thi
Adawatein thi
Taghaful tha
Ranjishen thi
Magar
Bicharne wale main sab kuch tha magar be wafai na thi
Bicharte waqt un aankhon main thi hamari ghazal
Ghazal bhi wo jo kabhi kisi ko sunayi na thi
kisay pukaar raha tha wo doobte huey din
Page 52 of 72
sada to ayi thi lakin koi duhaayi na thi
kabhi ye haal k dono main yak-dili thi Mohsin
kabhi ye marhala jaise k aashnayi na thi
Saari Wafayen
‘Yun Wafa Kay Silsilay Musalsal Na Rakh Kisi Say….! Mohsin
Log ik Khata Ky Badly,Saari Wafaein Bhool Jaaty Hain.!!
Pyar ki jageer
Hon gay juda hum es tarah, imkan tu na tha…..
Ye dil kabhi bhi es tarah, weraan tu na tha.
~~Jesay howa hai ab k wo, halaat say mray…..
Pehlay kabhi wo es tarah, anjaan tu na tha.
~~Wo shehr se gia hai tu, ronaq bhi lay gia…..
ye shehr es tarah kabhi, sunsaan tu na tha.
~~Ek Pyar ki jageer ka, maalik tha mein kabhi……
Pehlay se yonhi be-sar-o-samaan tu na tha.
~~Mohsin hum ne Ishq mein,paya naffa bahut…..
Es kaarobaar mein koi, nuqsan tu na tha.
Page 53 of 72
Zoq-e-Deed
Zoq-e-Deed Mein Hy Takleef hr Roz Sara’sar
“Mohsin”
Achy rehte Hn Wahi Log Jo Mohabbat Nahi Karte…
Wo Rootha Hai
Wo rootha rootha sa lgta hai
koi tarkeeb btao pass aane ki ?Mohsin?
Main zindgi girvi rkh skta hoom
tum qeemat btao usey manane ki. .
kya kehna
junon e ishq ki rasmen ajeeb kya kehna
main un se duur wo mere qareeb kya kehna
ye teergi musalsal mein aik waqfa noor
ye zindagi ka tilsam ajeeb kya kehna
jo tum ho barq nasheman to main nasheman barq
ulajh pare hein hamare naseeb kya kehna
Page 54 of 72
laraz gayee teri lau mere dagmagane se
charag gosha koye habib kya kehna
JAHAN TUM HO
RUK HI JAATI HAI NAZAR HAD_E_NAZAR TAK “MOHSIN”.
DIL TO KEHTA HAI JAHAN TUM HO WAHAN TAK DEHKOON.!
Ishq Hai
Usay Paana, Usay Khona, Ussi Ke Hijr Mein Rona
Yehi Gar Ishq Hai Mohsin, To Hum Tanha Hi Achay Hain !
Tmhara Mohsin
Usne jab jab bhi mujhe dil se pukara mohsin.
Me ne tab tab yeh bataya ke tumhara mohsin.
Log sadyon ki khataon pe bhi khush baste hain.
Humko lamhon ki wafaon ne ujara mohsin.
Jab agiya ho ye yaqin ab woh nahin aega.
Gham aur anso ne diya dil ko sahara mohsin.
Woh tha jab pas to jeene ko bhi dil karta tha.
Page 55 of 72
Ab to pal bhar bhi nahin hota guzara mohsin.
Usko pana to muqadar ki lakeron men nahin.
Uska khona bhi karen kaisa gavara mohsin………
Bhais badal kar
Aankhain khuli rahain gi toh manzar bih ayengai
Zinda hai dil toh aur sitamgarr bhi ayengai
Pehchaan lo tamaam faqeeron kay khadd-o-khaal
Kuch log shab ko bhais badal kar bhi ayengai
Gehri khamosh jheel kay paani ko yun na chaidh
Cheenthay uday toh teri qaba par bhi ayengai
Khud ko chhupa na sheesha garon ki dukhaan mai
Sheeshay chamak rahey hain toh pathar bhi ayengai
Aye shehr yaar dasht say fursat nahi ? magar!!
Niklay safar pay hum toh teray ghar bhi ayengai
*Mohsin* abhi saba ki sakhawat pay khush na ho
Jhonkay yehi basoorat-e-sarr sarr bhi ayengai?
Bichar jana
Page 56 of 72
Usay kehna bicharne se muhabat to nahi marti..
Bichar jana muhabat ki sadaqt ki alamat hai ..
Muhabat aik fitrat hai , Han fitrat kab badaltai hai ..
So, jab hum door ho jaein, Naye rishton mein kho jaein..
Tu yeh mat soch lena tum, Keh muhabat mar gai ho gi..
Nahi aise nahi hoga ..
Mere bare mein gar tumhari ankhein bhar ayein..
Chalak kar aik bhi ansu palak pe jo utar aye..
To bas itna samaj lena ,
Jo mere nam se itni tere DIL ko aqeedat hai..
Tere dil mein bichar kar bhi abhi meri muhabat hai ..
Muhabat tu bichar kar bhi sada abad rehti hai ..
Muhabat ho kisi se tu hamesha yaad rehti hai ..
Muhabat waqt ke Be-Reham tufaan se nahi darti..
Usay kehna bicharne se Muhabat to nahi marti?.!!!
kho diya
Ankhain khuli to jag uthi hasratain Mohsin…
Page 57 of 72
usko bhi kho diya jisey paya tha khwab main.
Payaar karna hai
Wafa mein Ab yeh hunar Ikhtiyaar karna hai..
Woh sach kahay na kahay aaitbaar karna hai..
Yeah tujh ko jaagtay rehnay ka shouq kab say hua ?
Mujhay tu khair tera intazar karna hai
Hawa ki zad mein jalanay hain ansoon k chiraagh
Kabhi yeah jashan sar e rah?guzaar karna hai
woh muskura kay naey waswasoon mein daal gaya
Khayaal tha k ussay sharamsaar karna hai
Misaal e shaakh e barhana khizan ki rut mein kabhi
Khud apnay jisam ko bey barg o baar karna hai
terey firaaq mein din kis tarha kattain apnay
Keh shughal e shab tu sitaray shumaar karna hai
Chalo ye ashak hi moti samajh kay baich aein
Kisi tarha tu humain rooz?gaar karna hai
Kabhi tu dil mein chupay zakham bhi numayaan hoon
Qaba samajh kay badan taar taar karna hai
Page 58 of 72
Khda janey ye koi zid, k shouq hai mohsin
Khud Apni jaan kay dushman say payaar karna hai
Chahny waly
Usko fursat hi nahi
waqt nikaly Mohsin
Aisy hoty hain bhala
Chahny waly Mohsin
Yaad k dasht me phirta hon
Main nangy paon
Dekh to aa k kabi
Paon k chhaly Mohsin
Kho gai subho ki umeed
or ab lgta hai
Hum nahi hon gay
K jb hon gy ujaly Mohsin
Wo jo ik shakhs
Mtaa-e-dil-o-jan tha
Na raha
Ab bhala kon mery
Dard sambhaly Mohsin
Kaash Aa Jaye Vo
Page 59 of 72
Kaash Aa Jaye Vo Mujhy Jaan Se Guzarty Dekhy
Us Ki Khawahish Thi Kabhi Mujh Ko Bikharty Dekhy
Wo Saleeqy Se Hua Hum Se Gurezan Warna
Log To Saaf Mohabat Se Mukarty Dekhy
Waqat Hota Hai Her Ek Zakham Ka Marham Mohsin
Phir Bhi Kuch Zakham Thy Asy Jo Na Bharty Dekhy.
La-hasil
Zindagi thak k girti hai to khayal aata hai…
Jan-Lewa hai La-hasil ki tammna karna…
Ye sOch kar
Ye sOch kar shayd w0h Khuli khirki say jhaankay ga,,,,
Gali main Kheltay Bachay Larra diye main ne….
Hasrat_e_Deedar
Ae Hasrat_e_Deedar Ye Kya Raaz Hai Akhir,,,
Wo Samnay Aatay Hain To Dekha Nhi Jata
Page 60 of 72
Yaad-e-Mazi
Yaad-Mazi Mai Jo Ankhon Ko Saza Di Jaye,
Is Say Behtar Hai K? Har Baat Bhula Di Jaye..
Ne Apno K? Rawayon Say Ye Mehsoos Kiya,
Dil K? Angan Mai B? Dewaar Utha Di Jaye..
Mai Ne Yaroon K? Bhicharne Say Ye Seekha ?MOHSIN?
Apne Dushman Ko B? Jeene Ke Dua Di Jaye
Hanstay hanstay
ronay waloon k tou hamdard bohat hain Mohsin
hanstay hanstay kabhi duniya ko rula ker daikhein
Ajeeb Log
“Kaisay Ajeeb Log Bastay Hain Tere Shehar Main Mohsin,
Shoq e Dosti Bhi Rakhtay Hain Aur Yad Bhi Nahi Krtay”
Muskurata Hai
Page 61 of 72
Wo Mohabbaton K Sauday Bhi Ajeeb Kerta Hai Mohsin…
Bas Muskurata Hai Aur Dil Khareed Leta Hai..!!!
Mohabat tark ki
Mohabat tark ki may nay garaiban si liya may nay?.!
Zamanay ab to khush ho zehr ye bhi pi liya may nay..!
Abhi zinda hoon lekn sochta rehta hoon khilvat may?!
K ab tak kis tamana kay saharay jee liya may nay?.!
Tumhainy apna nahi skta mager itna bhi kiya kam hai..!
K kuch mudat haseen khaobon k saharay jee liya may nay..!
Bus ab to daman-e-dil chor do bekaar umeedo?.!
Bahot dukh saih liye may nay bahot din jee liya may nay?!
Aik dard bhari cheekh hoon, nakaam dua hoon?.!
Ujray huay maazi ki preshan sada hoon?..!
Geeton may samoya hai lahu apnay jigar ka?.!
Naghmon kay saharay ye lahoo thook raha hoo?!
TUM OR MAI’
Barish,badal,
Page 62 of 72
Tm or Main.
Khushbu, mosam,
Tm or Main
Kaley badal, rim jhim barish,
Neela anchal
Tm or Main
Behti nadiyan, girta pani,
Aankhein, aansu
Tm or Main
Pass kisi dariya k koi
Bheega jhonpar
Tm or Main
Door kahin koyal ki ku ku,
Gehra jangal
Tm or Main
Barkha rim jhim geet sunaein,
Jhurmat dalein,
Tum or Main
Door kahin per chota sa ik,
Kach’cha sa ghar
Tum or Main
Page 63 of 72
Kandha tera or sar mera,
Pagal si chup
TUM OR MAI’……..
Chalo abb lot aao
suno tum ne kaha tha na!!
mjhy jazb-e-muhbt say kabhi jo tum pukaro gi
main uss din lot aaon ga!!
to daikho na!!
kai lamhon
kai salon
kai sadiyon
se tera rasta takti
yeh meri muntzar ankhain
mere dil ki ye dharkan aur sansain
bus tumhara naam laiti hain
wohi ik wird karti hain
meri ankhon k sahil par
teri khwahish ki mojoan ne
bari halchal mchai hai
teri tasveer,sookhay phool aur tohfay!
teri chahat ki khushbu main
abhi takk sans laitay hain
woh sabb rastay k jin par tum hmaray sath chaltay thay
woh sabb rastay jahan teri hansi k phool khiltay thay
jahan pairhon ki shakhon par
Page 64 of 72
hum apna naam likhtay thay
udasi say bharay manzar
tumharay lot kar anay ki umeedain dilatay hain
suno kuch bhi nahi badla
tumharay paaun ki awaz sun’nay ki
mere kamray ki bai tarteeb chezain muntazir hain
suno!!!
takmeel paati chahton ko yun adhoora to nahi choro
mujhay matt azmao tum
chalo abb lot aao tum!!!!
Hijr ki raat
Dil ne tanha jhaili raat
Hijr ki raat, sahaili raat
Din waale kab boojh sake
Mushkil shaam pahaili raat
Ik safe ki tashreehein
Chand, chakor,chanbaili, raat
Din apne har dard ka dost
Is ki aik sahaili raat
Ik sunsaan nagar har saans
Ik weeraan hawaili raat
Page 65 of 72
Is ka roop har kie dhoop
Meri sard hathaili raat
Is ki aankh se chalke shaam
Us ki zulf se khaili raat
Mohsin ke anjaam ke naam
Hijr ki naii nawaili raat……..!!
Dil-e-gareeb
Mohsin dil-e-gareeb ki wairaniya’n to daikh
kaisa nagar tha jo tere hatho’n ujar gaya..
wo zakhm
uss ko ghilaaf-e-rooh mein rakha, sambhal ker
MOHSIN wo zakhm bhi to kisi aashna ka tha…
Itni muddat baad
Itni muddat baad mile ho!
Kin sochon main gum rehte ho?
Page 66 of 72
Itne khayef kyon rehte ho?
Her aahat se darr jaate ho
Taiz hawa ne mujh se poocha
Rait pe kya likhte rehte ho?
Kaash koi humse bhi pooche
Raat gaye tuk kyon jaage ho?
Main darya se bhi darta hoon
Tum darya se bhi gehre ho!
Koun si baat hai tum main aisi
Itne ache kyon lagte ho?
Peeche mur ker kyon dekha tha
Patthar ban ker kya takte ho?
Jaao jeet ka jashan manaao!
Main jhoota hoon, tum suche ho
Apne sheher ke sub logon se
Meri khatir kyon uljhe ho?
kehne ko rehte ho dil main!
Phir bhi kitne door khare ho
Raat humain kuch yaad nahin tha
Page 67 of 72
Raat bohot hi yaad aaye ho
Humse na poocho hijr ke qisse
Apni kaho ab tum kaise ho?
Mohsin tum badnaam bohot ho
Jaise ho, phir bhi ache ho
Tujhey chaha
Main ne is tor se tujhey chaha aksar
jaisey mehtab ko be ant samandar chahey
jaisey sooraj ki kiran seap k dil main utrey
jaisey khoshbo ko hawa rang se hat kar chahay
jaisey pathar k kalejy se kiran photti hay
jaisey ghunchay khiley mousam se hina mangtey hain
jaisey khoabon main khayalon ki kaman totti hay
jaisey barish ki doa aabla pa mangtey hain
mera har khoab merey sach ki gawahi de ga
wosat_e_deed ne tujh se teri khahish ki hay
meri soochoon main kabhi dekh sarapa apna
main ne dunya se alag teri parasthis ki hay
Kaash Aa Jaye
Kaash Aa Jaye Vo Mujhy Jaan Se Guzarty Dekhy
Page 68 of 72
Us Ki Khawahish Thi Kabhi Mujh Ko Bikharty Dekhy
Vo Saleeqy Se Hua Hum Se Gurezan Warna
Log To Saaf Mohabat Se Mukarty Dekhy
Waqat Hota Hai Her Ek Zakham Ka Marham Mohsin
Phir Bhi Kuch Zakham Thy Asy Jo Na Bharty Dekhy……!!
Bicharty Waqat Se
Bicharty Waqat Se Ab Tak Main Youn Nhi Roya
Vo Keh Gaya Tha,Yehi Waqat Imtehan Ka Hai
Ye Or Bat, K Adalat Hai Be-Khabar Warna
Tamam Sheher Main Charcha Mere Beyan Ka Hai
Asar Dikha Na Saka Us K Dil Main Ashk Mera
Ye Teer Bhi Kisi Tooti Hoi Kaman Ka Hai
Bichar Bhi Jaye Magar Mujh Se Be-Khabar bhi Rahy
Ye Hosla Hi Kahan Mere Bad-Guman Ka Hai
Qafas To Khair Muqadar Main Tha Magar Mohsin
Hawa Main Shor Abhi Tak Meri Uran Ka Hai…….!!
Misal e rang wo jhonka
Page 69 of 72
tere badan se jo chhoo kr idhar bhi ata hai
misal e rang wo jhonka nazar bhi ata hai
tamam shab jahan jalta hai ik udaas diya
hawa ki raah me ik aisa ghar bhi ata hai
wo mujhko toot k chahay ga , chhor jaye ga
…mujhe khabar thi usse ye hunar bhi ata hai
ujaar bann me utarta hai ik jugnoo bhi
hawaa k sath koi hamsafar bhi ata hai
wafa ki kon c manzil pe usne chora tha
k wo to yad humain bhul kar bhi ata hai
jahan lahu k samandar ki hadd theherti hai
waheen jazeera lal o guhar bbhi ata hai
chalay jo zikar farishto ki parsaayi ka
to zer e behes maqaam e bashar b ata haii
abhi sinaan ko sambhalay rahain adoo mere
k in safon me kaheen mera sarrr b ata hai
kabhi kabhi mujhe milnay bulandiyo se koi
shuwaa e subh ki soorat utar b ataa hai
esi liye me kisi shab na so saka mohsin
wo maahtaab kabhi baaam per b ataa hai
Mere Lafzon Main
Mere Huroofon Mere Lafzon Main Hai Chehra Mera
Mera Fun Ab Mera Mazhab Mera Emaan Bhi Hai
Page 70 of 72
Meer O Ghalib Na Sahi’ Phir Bhi Ghanimat Jano
Mere Yaaron K Sarhany Mera Diwaan Bhi Hai…..!!
Abhi Kamsin ho
Abhi Kamsin ho, Rehne do, Kahien kho do gi Dill mera
Tumhare he liye rakha ha, Ley jaana Jawaan ho kar…..!!!
…Na Kamsin hon, na Naadan hon, Muhobbat ko samajhti hon
Tumhara kya Bharosa ha, Mukar jaao Jawaan ho kar…..!!!
Yaad Aye
ub Bhi Hunsnay Kay Zamanay Aaye….!!!
Zakhum Phir Yaad Puranay Aaye….!!!
Baar’ha Unko Manaya To Humain….!!!
Roth Janay Kay Bahanay Aaye….!!!
Dil Bhuja Hai Na Kheamay Julay Hain….!!!
Aap Kiyon Jashan Mananay Aaye….!!
Tujhe bhula dun ga
Page 71 of 72
Main dil pe jabar karun ga, tujhe bhula dun ga,
marrun ga khud bhi tujhe bhi karri saza dunga…
yeh tergi mere ghar ka hi kyun muqaddar ho,
main tere shehr ke saare diye bhuja dun ga…
hawa ka hath bataon ga har tabahi main,
haray shajar se parinday main khud urra dun ga…
waffa karun ga kisi sogwaar chehre se,
purani qabar pe katbah naya saja dun ga…
issi khayal mein guzri hai shaam-e-gham aksar,
ke dard hadh se barrhe ga to muskura dun ga…
barrha rahi hain mere dukh, nishaniyan teri,
main tere khat, teri tasveer tak jala dun ga…
bohat dino se mera dil udaas hai ‘Mohsin’
iss aaiine ko koi aks ab naya dunga…
Apna Ghar
Apna Ghar Kitna Hi Viraan Ho,Phir Apna Ghar Hai
Bistar-e-Khaak Lagy Takht-e-Sulemani Mujh Ko
Jaanta Hon Main Khad-o-Khaal Ki Kimat MOHSIN
Page 72 of 72
Aaina Kr Na Saky Ga Kabhi Heeran Mujh Ko………..!!
Rishton K Bandhan
Kis Kis Se Rakhiye Dosti, Kis Kis Ko Dushman Janiye
Chehron Mian Ghir Kr Reh Gaen, Nadaniyan, Danaiyan
Rishton K Bandhan Tor Kr Hum Tum Youn Hi Milty Rahen
Roka Krain Ghar Waliyan, Pocha Krain Humsaiyan……..!!
Nayi bunyaad
chalo mohsin mohabat ki nayi bunyaad rakhte hai,
khud paband rehtay hai usay azaad rakhtay hai,
hamare khoon main rab ne yahi taseer rakhi hai,
burai bhool jaty hai achai yaad rakhtay hai,
mohabat main kahien hum se gustakhi na ho jaye,
hum apna har qadam us k qadam k baad rakhte hai…
