Tinig Hulyo 2015 (Unang Edisyon)

HULYO 2015UNANG EDISYON

PH

OTO

CR

EDIT

S: D

ARIO

US

GAL

ANG

, PIN

OY

WEE

KLY

Mga protesta sa kampus, inilunsad; mga mag-aaral ng PUP,nagkamit ng mga tagumpay

Tagumpay ang mga manggagawa ng GMA-7 para sa regularisasyon

Mga manggagawa ng SUMIFRU, nagtagumpay matapos ang 9 na araw na welga

Pagtalikod ni Binay kay Aquino at pagtaas ng ratings ni Poe: tanda ng lalong pagkakahiwalay ni Aquino

Kabataan, Tayo ang Pag-asa: Kilusan para sa bagong pulitika inilunsad

Risa Hontiveros sa PhilHealth: Kabayaran sa pagkatuta ng Akbayan kay Aquino

Labanan ang tumitinding militarisasyon sa Mindanao!

Ka Parago: Mandirigma ng masang anakpawis, martir ng sambayanan

3

4

4

5

6

6

7

8

>>>Ituloy sa p2

Tama na! Tapusin na! Yanigin ng protesta ang SONA! Patalsikin ang rehimeng US-Aquino!

Sukdulan na ang pagkamuhi ng mamamayan sa rehimeng US-Aquino at mga patakaran nitong pahirap, kurap at taksil sa bayan. Di na maitatago ng mga pagsisinungaling, pagtatakip sa midya at mga gimik ang katotohanan na higit na sumahol ang kalagayan ng bayan sa mga nagdaang taon.

pamamaslang at paglabag sa karapatang pantao, at bulok at tutang gubyerno, muli na namang ipagmamalaki ni Aquino ang pag-unlad at tuwid na gubyerno sa mga nakaraang taon.

Ang panawagan ng sambayanan ay managot si Aquino at kanyang rehimen sa kanyang pahirap na mga patakaran, pandarambong sa kabang bayan, higit

na pagsuko sa soberanya ng bayan, duguang kamay sa Mamasapano at mga pasistang pamamaslang. Hangad ng mamamayan ang pagbabago at pagbaliktad ng mga patakaran ng rehimen na pabor sa dayuhan at kroni na nagpapahirap sa bayan.

Sa desperasyong makatakas sa pananagutan, inaasahang lalo pang patitindihin ni Aquino ang pagpapatupad ng mga patakarang kontra-mamamayan sa mga susunod na buwan patungong halalang 2016. Niraratsada ng rehimen ang mga kontrata para sa pribatisasyon

Higit na insulto pa sa mamamayang hirap, hikahos at dinadahas ng rehimen ang tiyak na gagawin ni Aquino sa kanyang parating na State of the Nation Address (SONA).

Sa gitna ng tumitinding kahirapan, pagtaas ng presyo ng bilihin at bulok na serbisyo, atake sa sahod at paggawa, laganap na kawalan ng lupa, mga

2 HULYO 2015 | TINIG NG KABATAANG MAKABAYAN

WALKOUT! Labanan ang tuition hike! Ibasura ang other school fees! Itigil ang K12!July 16 at July 27 (SONA)

at mga proyekto ng mga kroni at alyado ng Liberal Party para makalikom ng pondo para sa kampanya. Ang pondo ng gubyerno sa nagdaang taon at sa susunod na taon ay ginagasta na at gagastusin sa mga proyektong pangurakot gaya ng ginawa sa Disbursement Acceleration Program (DAP).

Kulelat ang kandidato ni Aquino sa halalan na si Mar Roxas, na tanda rin ng pagkamuhi ng bayan sa rehimen. Ang pagbibitiw ni Vice President Jojo Binay sa gabinete at pagbira kay Aquino ay tanda ng tumitinding bangayan sa pagitan ng naghaharing uri at maging ng naghaharing paksyon. Alam ni Binay na patitindihin ng kampo ng LP ang atake sa kanya at tinutungtungan ang lumalawak na galit kay Aquino para sa sariling kampanya. Samantala, tumataas ang ratings ni Senator Grace Poe na bagamat malapit din sa administrasyon ay pumoposturang independiente sa LP, kay Roxas at kay Aquino.

Inihahanda na ni Aquino ang makinarya ng panloloko at malawakang pandaraya sa halalan sa desperasyong maipanalo ang kandidato nito sa takot na makulong oras na bumaba sa poder. Inilalatag na ng rehimen ang mga porma ng pandaraya sa pamamagitan ng automated elections katambal ng mga bayarang survey na nagpanalo rin kay Aquino noong 2010. Nagbabanta rin si Aquino ng pagpapalawig ng termino o di pagtutuloy ng halalan. Nakabitin pa ang charter change sa Kongreso na maaari ring gamitin ni Aquino bilang pabor sa pagpasok ng dayuhang kapital, at bilang kapalit, suportahan ang kanyang diktaturyal na mga hakbang.

Samantala, pinatitindi ng rehimen ang atake sa karapatan at panunupil sa mga aktibista, oposisyon at mamamayan. Dumarami ang mga pinapaslang na mga aktibista at mga hakbangin ng pananakot, militarisasyon terorismo at pandarahas sa buong bansa. Dapat itong matatag na ilantad at labanan.

Dapat yanigin ng dambuhalang protesta ang SONA ni Aquino at palakasin ang panawagan para patalsikin at panagutin ang rehimen. Dapat palakasin ang mga lokal at mga sektoral ma kampanyang masa para maging tungtungan ng maraming protesta at sa paghungos sa lansangan sa SONA. Dapat kumilos laban sa pagtaas ng matrikula at K-12, para sa pagtataas ng sahod ng manggagawa

at pagtigil sa kontraktwalisasyon, laban sa pribatisasyon at kapalpakan sa MRT at serbisyo, kawalan ng lupa at hustisya sa kanayunan, at tumitinding militarisasyon. Dapat patuloy na palakasin ang kilusan para patalsikin si Aquino at harapin ng protesta ang mas masahol na kontra-mamamayang patakaran ng rehimen sa mga susunod na buwan.

3TINIG NG KABATAANG MAKABAYAN | HULYO 2015

Sa Polytechnic University of the Philippines (PUP), nagwalk-out ang mahigit 1000 mga mag-aaral kasabay ng Board of Regents (BOR) meeting. Nagresulta ng mga tagumpay ang pagkilos. Naitulak nila ang BOR sa pagbabasura ng P1,200 memorabilia fee at P500 alumni fee. Tagumpay din ang panawagang ibalik sa estudyante ang siningil na memorabilia fee at ang labis sa medical examination fee.

Ang memorabilia fee at alumni fee na parehong kinokolekta bilang mga rekisito para sa graduation ay hindi naman kapaki-pakinabang sa mga mag-aaral. Sa kabila ng taunang pagkolekta ng bayarin mula sa taong 2007, hindi pa nakapaglabas ng kahit isang memorabilia ang administrasyon ng PUP. Samantala, ang alumni fee ay para magkaroon lamang ng RCBC card na may laman na P10.

Nailantad din ang maanomalya at overpriced na paniningil ng P150 medical examination fee gayong napag-alaman na P65 lamang ang aktuwal na

halaga nito. Parehong halaga din ang ipinapataw maging sa mga estudyanteng hindi sa PUP nagpa-check up.

Bahagi ang nasabing mga bayarin ng sangkatutak na other school fees (OSF) ng PUP na nagkakahalaga ng P3,646 sa pangkabuuan.

Bukod dito, may plano ang administrasyon ng PUP na pataasan hanggang P16,000 ang bayarin ng mga senior high school na papasok sa susunod na school year, bagay na nilabanan din ng mga mag-aaral.

Nananatiling P12 kada yunit ang matrikula sa mga estudyante ng kolehiyo ng PUP sa kabila ng maraming pagtangka ng administrasyon na palakihin ang halaga ng edukasyon sa pamantasan dahil sa patuloy na sama-samang pagkilos.

Ayon kay Jess Ferrera, Student Regent at Pangulo ng Sentral na Konseho ng mga Mag-aaral ng PUP, ang tagumpay sa pagpapabasura ng mga bayarin ay

Mga protesta sa kampus, inilunsad; mga mag-aaral ng PUP, nagkamit ng mga tagumpay

patunay sa bisa ng kolektibong pagkilos sa pagtatanggol sa karapatan ng mga mag-aaral at mamamayan.

Samantala, lumahok din sa Araw ng Protesta ang daan-daang estudyante mula sa Manila HS, Manila Science HS, Araullo HS, Ramon Magsaysay HS, Caloocan HS, at Batasan HS upang manawagan sa pagbabasura ng programang K-12. Inumpisahan din ang petisyon para ipanawagan na makatapos na ng hayskul ang kasalukuyang mga estudyante ng Grade 10 at ang pagbubuo ng alyansang STOP K-12 kasama ang mga magulang.

Ilang araw bago nito, nagprotesta naman ang isandaang magsisipagtapos na estudyante ng University of the Philippines (UP) Diliman sa harap ni Department of Education (DepEd) Secretary Armin Luistro upang manawagan din ng pagbabasura sa pahirap, anti-mamamayan at maka-dayuhang programang K-12 ni Aquino.

Nananawagan ang mga organisasyon ng kabataan at estudyante na maglunsad ng mas malalaking protesta sa Hulyo 16 at sa Hulyo 27 kasabay ng State of the Nation Address (SONA) ni Aquino.

Bilang tugon sa tumitinding pagkakait ng rehimeng Aquino ng karapatan sa edukasyon, inilunsad ng ibat ibang organisasyon ang Araw ng Protesta laban sa pagtataas ng matrikula, iba pang bayarin at K-12 noong Hunyo 30. Kabilang sa mga panawagan ang pagbabasura sa mga mapanupil na mga patakaran at paglabag sa mga karapatang pang-akademiko sa mga paaralan.


Tagumpay ang mga manggagawa ng GMA-7 para sa regularisasyon

Sa sama-samang pagkilos, may tagumpay!

Dahil sa sama-samang pagkilos at protesta, nagtagumpay ang Talent Association of GMA-7 (TAG) sa kanilang laban kontra-kontraktwalisasyon. Ipinahayag ng National Labor Relations Commission (NLRC) ang kanilang pagkapanalo sa regularization case na isinampa laban sa istasyong GMA-7.

Sa isang resolusyon noong Hunyo 22, idineklarang regular employees ang 107 miyembro ng TAG. Bahagi nito

ang pagbibigay sa kanila ng karapatan sa seguridad sa trabaho at iba pang benepisyo. Kasabay nito, iniutos din ng NLRC sa GMA-7 na ibalik ang mga empleyadong tinanggal nila sa trabaho.

Ang kasong ito ay isinampa ng TAG noong 2014 sa kabila ng pagbabanta at panunupil ng pamunuan ng GMA-7. Talent ang tawag ng GMA-7 sa mga kawani at manggagawa nito na hindi itinuturing na regular sa kabila ng haba ng panahon ng kanilang pagtatrabaho at pagbibigay-serbisyo sa istasyon. Wala silang

natatamasang mga benepisyo kahit na ang mga nakasaad sa batas tulad ng 13th month pay.

Ayon sa desisyon, dapat na itinuturing na regular na empleyado ang mga talent ng GMA-7 ayon sa nakasaad sa Artikulo 280 ng Labor Code. Nasasaad din sa resolusyon na ang katayuan sa estado ng isang manggagawa ay nakabatay sa pinapahayag ng batas at hindi sa kung ano ang gusto ng mga kasangkot na partido.

Bago nailabas ang desisyon ng NLRC, nagsagawa ang TAG ng isang kilos protesta bilang mariing pagkundena sa panggigipit sa kanila ng pamunuan ng GMA-7. Ito ay sinuportahan at dinaluhan din ng mga kasapi ng College Editors Guild of the Philippines, mga estudyante ng University of the Philippines, at iba pang mamamayan.

Ayon sa TAG, ang tagumpay na ito ay simula pa lamang ng tuloy-tuloy na pakikipaglaban para sa karapatan, hindi lamang ng mga manggagawa sa GMA-7, kundi ng lahat ng nagtatrabaho sa midya at sa lahat ng mga manggagawang kontraktwal.

Mga manggagawa ng SUMIFRU, nagtagumpay matapos ang 9 na araw na welgaMatagumpay na naibalik sa trabaho ang 147 manggagawa sa packing plant 90 ng Sumitomo Fruit Corp. (SUMIFRU), isang higanteng kumpanyang Hapones na may plantasyon at planta sa Compostela Valley, Mindanao, matapos ang 9 na araw na welga.

Nagdeklara ng welga ang unyong Nagkahiusang Mamumuo sa Suyapa Farm (NAMASUFA) noong Hunyo 10, dalawang araw matapos tinanggal sa trabaho ang 147 regular na manggagawa ng SUMIFRU. Napilitan ang SUMIFRU na ibalik ang mga manggagawa sa kanilang pwesto noong Hunyo 19. Kabilang din sa mga naangkin nilang tagumpay ang pagpirma ng SUMIFRU ng isang kasunduan sa unyon na hindi gagawa

ang management ng anumang klaseng paghihiganti dahil sa welga.

Pinalalabas ng SUMIFRU na may kaugnayan ang pagpapatalsik sa pagtatalo ng management at may-ari sa plantasyon ng saging tungkol sa upa. Ngunit sa katunayan, ito ay paghihiganti ng management sa pagtutol ng mga manggagawa sa tangkang pagbabawas sa kanilang sahod.

Malaki ang naitulong sa matagumpay na pagkilos ang isinagawang welga, sympathy protests, at work slowdowns ng mga manggagawa sa ibang packing plant ng SUMIFRU. Malaki rin ang papel sa babala ng pagkasa ng mas malawakang welga na ipinahayag ng alyansa ng mga unyon ng mga manggagawa.

Ayon sa NAMASUFA, muling napatunayan sa matagumpay na welga ang kapangyarihan ng kolektibong pagkilos sa pagtatanggol sa mga unyon, pagsusulong ng mas mabuting kondisyon sa trabaho, at paglaban sa pagyurak ng karapatan ng mga manggagawa.

Libu-libong manggagawa ng SUMIFRU ay mga kontraktwal hanggang ngayon. Bagamat isang makabuluhang tagumpay ang naangkin ng sama-samang pagkilos ng mga manggagawa sa SUMIFRU, nagpapatuloy ang pakikibaka ng mga manggagawa laban sa iba pang mga mapanupil at kontra-manggagawang patakaran ng SUMIFRU.

PH

OTO

CR

EDIT

S: D

ARIO

US

GAL

ANG

, PIN

OY

WEE

KLY


ang mga kabataan kay Poe na lubusang lumayo na kay Aquino at sa LP at tumindig para sa mamamayan at para sa pananagot ng naghaharing rehimen.

Hindi malayo na sasandig sa malawakang pandaraya at maruming taktika ang Liberal Party sa susunod na eleksyon para lamang sagipin si Aquino mula sa pananagot. Ang kandidato ng LP si Mar Roxas ay kulelat at mananalo lamang gamit ang mga gawa-gawang sarbey at pandaraya gamit ang Hocus-PCOS. Hinahabol ngayon ng LP ang mga kurakot na kontrata at ginagamit ang mga pondong mala-DAP para sa kampanya at operasyong elektoral. Samantala, nananatiling posibilidad ang pagpapalawig ng termino ni Aquino o no-elections sa pamamagitan ng charter change.

Pagtalikod ni Binay kay Aquino at pagtaas ng ratings ni Grace Poe: tanda ng lalong pagkakahiwalay ni AquinoAng kamakailang pagtalikod ni Bise Presidente Jejomar Binay sa administrasyon ni Aquino ay tanda ng lalong pagkakalantad ni Aquino sa taumbayan at lumalakas na panawagan para sa pananagot ng kanyang pahirap na rehimen. Para isalba ang sarili at salagin ang napipintong pag-atake sa kanya ng Liberal Party (LP) winakasan ni Binay ang pakikipag-alyado sa naghaharing rehimen. Alam ni Binay na higit pang bababa ang kanyang ratings kung patuloy na kakapit kay Aquino at hindi poposturang oposisyon.

Samantala, ang pangunguna ni Grace Poe sa karamihan ng mga sarbey ay nagpapakita rin sa matinding pagkamuhi ng mamamayan sa gobyernong Aquino. Ang pagtaas ng ratings ni Poe, bagamat kilala ring malapit kay Aquino, ay maaaring sanhi ng independent na tindig at paglayo kay Aquino at LP. Matatandaang itinuro ni Poe si Aquino bilang ultimong responsable sa madugong opensiba sa Mamasapano.

Una nang inilutang ni Poe ang ideya ng pagkuha ng endorsement ng Pangulo at pagtakbo bilang Bise-Presidente sa ilalim ng LP ngunit napaso siya at umani batikos. Sa kabila ng lahat ng mga gimik at papogi, hindi na matatakpan ng Palasyo na sa puntong ito, kiss of death ang pag-endorso ni Aquino sa sinumang kakandidato ng pagkapangulo sa eleksyon ngayong 2016.

Nanawagan ang Anakbayan kay Binay na maging tapat at ilantad ang lahat ng mga korapsyon at anomalya sa ilalim ng administrasyon Aquino. Nanawagan din

HULYO 1, 2015: IPINAGTANGGOL NG MGA RESIDENTE NG STA. MESA, MANILA ANG KANILANG MGA TAHANAN LABAN SA DEMOLISYON. PHOTO CREDITS: MANILATODAY.NET

Habang papalapit ang eleksyon, mas lalong mahihiwalay ng gobyernong Aquino at higit na titindi ang mga bangayan ng ibat ibang pangkatin ng mga naghaharing uri.

Dapat tiyakin na ang kampanyatungong halalang 2016 ay maging pagkakataon para patindihin ang panawagan para sa pagpapanagot kay Aquino at sa kanyang dilawang pamumuno para sa pandarambong gamit ang DAP at PDAF, kriminal na pananagutan para sa bigong relief at rehabilitasyon sa Yolanda, madugong kamay nito sa operasyong pinamunuan ng US sa Mamasapano, pagkatuta at pagbenta ng soberanya sa EDCA, at ang mala-trahedyang kalagayan ng MRT at mga serbisyong pampubliko.

PUNONG PATNUGOTOrion Yoshida

MGA KAWANIAlexia Fuentes, Andrea Lim, Bethany Pascua, Richard James Mendoza,

Ina Nacario, Issa Baguisi, James Relativo, Jaque Eroles, Karlo Mongaya, Reeza Rosalada, Shelly Dalmacio, Vencer Crisostomo

PAGLALAPATEdward Pastor

Para sa mga suhestyon, komento at kontribusyon, makokontak kami sa mga sumusunod:

[email protected]

facebook | Anakbayan Philstwitter | @anakbayan_ph


Ang paghirang kay dating Akbayan Rep. Risa Hontiveros bilang bagong direktor ng Philippine Health Insurance Corporation (PhilHealth) ang pinakahuling patunay ng oportunismo at sagad-sagaring pagkatuta ng pseudo-progresibong pangkating Akbayan sa rehimeng Aquino.

Katulad sa paghirang noon sa mga midnight appointees ni dating pangulo Gloria Macapagal-Arroyo, ang paglagay kay Hontiveros sa PhilHealth ay isang hakbang ng pangkating Aquino at Akbayan para sa pagpapalakas ng kapit nito sa gobyerno lampas sa termino ni Aquino.

Ang pagbigay ng posisyon kay Hontiveros ay kabayaran ni Aquino sa Akbayan kapalit sa aktibo nitong pagdedepensa sa rehimeng Aquino.

Maaalalang kahit mismo ang pangunahing kinatawan ng Akbayan na si Walden Bello

Risa Hontiveros sa PhilHealth: Kabayaran sa pagkatuta ng Akbayan kay Aquino

ay nagbitiw sa pwesto dahil sa pagtanggi ng pamunuan ng grupo sa pagbatikos kay Aquino para sa papel nito sa madugong labanan sa Mamasapano.

Sa kabilang banda, bahagi rin ang pagbigay ng pwesto kay Hontiveros sa PhilHealth sa preparasyon ng Akbayan at pangkating Aquino para sa eleksyong 2016.

Naging kontrobersyal ang PhilHealth nitong nakaraang mga taon bilang isa sa mga korporasyong pag-aari ng gobyerno na nagbigay ng labis-labis na mga bonus sa mga opisyal nito. Tiyak na isasawsaw ng pangkating Aquino ang kamay nito sa pondo ng ahensya para sa darating na eleksyon.

Maraming posisyon sa loob ng gobyerno ang ibinigay ni Aquino sa mga opisyal ng Akbayan, kabilang na si Presidential Political Affairs Adviser Ronald Llamas, National Anti-Poverty Commission head

Joel Rocamora, at dating Commission on Human Rights chief Etta Rosales.

Hindi maitanggi ang benepisyong nakamal ng Akbayan sa ilalim ni Aquino kung kayat todo suporta naman ang grupo sa mga programang neoliberal ng gobyernong Aquino.

Sa pag-upo ni Hontiveros sa PhilHealth, inaasahang tutugon ang ahensya sa patakaran ng todo-largang pribatisasyon ng mga serbisyong pangkalusugan.

Sa pamamagitan ng PhilHealth, mas maraming mamamayan ang magbabayad para sa kanilang pangangailangang pangkalusugan gamit ang sariling perang kontribusyon sa ahensya imbes na ipagkaloob ng libre bilang bahagi karapatan ng mamamayan at tungkulin ng estado.

University of the Philippines, Sta. Mesa noong Hunyo 19, kaarawan ni Gat Jose Rizal.

Bahagi rin ng aktibidad ang pagdiriwang ng ika-14 anibersaryo ng Kabataan Partylist, ang una at tanging kinatawan ng kabataan sa kongreso. Isa ang Anakbayan sa mga organisasyong nagtatag ng partido noong taong 2001.

Sa ika-154 anibersaryo ng pagkasilang ni Gat Jose Rizal noong Hunyo 19, 2015, inilunsad ng mga grupo ng kabataan at estudyante ang isang kilusan na magsusulong ng bagong pulitika at magsisilbing tinig ng kabataan para sa halalang 2016.

Sa ilalim ng temang Kabataan, Tayo ang Pag-asa, layon ng kilusan na pangunahan ang kampanya para sa voters registration at education, kasabay ng pagpapalaganap sa adyenda ng sektor ng kabataan para sa nalalapit na eleksyon.

Ayon kay Kabataan Partylist Rep. Terry Ridon, hangad ng kampanya ang pagtutulak ng bagong pulitika na lalaban sa tradisyunal na pulitika na naglilingkod lamang sa makasariling interes ng iilang mga naghaharing uri sa kapinsalaan ng nakararaming mamamayan.

Nanawagan ang mga lider-estudyantet kabataan sa mga

pulitikong tatakbo sa halalang 2016 na bigyan ng atensyon ang mga isyu ng kabataan kasama ang libreng edukasyon sa lahat ng antas, mas malaking pondo para sa serbisyong panlipunan, tunay na reporma sa lupa, mas mataas na sahod, paglikha ng disenteng trabaho, atbp.

Inilunsad ang kilusang ito sa pagtitipon na nilahukan ng mahigit 1000 mga kabataan at mag-aaral sa Polytechnic

Kabataan, Tayo ang Pag-asa: kilusan para sa bagong pulitika inilunsad


Labanan ang tumitinding militarisasyon sa Mindanao

Pwersahang pagbakwit

Mula Abril hanggang Hunyo 2015, mahigit isang libong Hinaonon, Blaan at Ata Manobo ang nagbakwit sa mga probinsya ng Bukidnon, Sarangani at Davao del Norte upang maghanap ng kaligtasan sa mga bayan at lungsod dahil sa matinding militarisasyon sa kanilang mga komunidad. Napilitan silang magsilikas dahil sa pagkampo ng militar sa kanilang mga komunidad, pagpataw ng blokeyo sa pagkain at ekonomya, walang pinipiling pagpapaputok at pambobomba, at pagsira ng kanilang mga pananim, alagang hayop, at balon ng tubig. Pagsara ng mga paaralan ng Lumad

Kahit ang mga paaralan ng mga Lumad sa ilalim ng Salugpungan Ta Tanu Igkanugon Community Learning Center (STTICLC) ay hindi nakaligtas sa atake ng militar. Inakusahan ng mga elemento ng 68th Infantry Battalion ang STTICLC na paaralan diumano ng mga rebeldeng NPA.

Nagkampo ang mga militar sa mga paaralan, binantaan na sunugin ang mga ito at patayin ang mga guro, at hiniling ang Department of Education regional office na ipasara ang mga paaralan. Aabot sa 3,000 kabataang Lumad ang apektado sa pagsara ng nasabing mga paaralan. Ayon sa Karapatan, mahigit kalahati ng 170,000 naitalang biktima ng paggamit ng AFP ng mga paaralan, istrukturang pangkalusugan at panrelihiyon ay naganap sa Mindanao. Pagmasaker at extrajudicial killing

Isang linggo matapos ang pagmasaker sa Paquibato noong Hunyo 14, isa na namang lider-magsasaka ang tinangkang patayin ng militar. Ayon sa ulat ng Karapatan, pinaulanan ng bala ng mga elemento ng 66th Infantry Battalion ang bahay ni Sabello Tatay Bello Tindasan, 60, Tagapangulo ng Compostela ng Compostela Farmers Association (CFA) noong Hunyo 21.

Ang Armed Forces of the Philippines (AFP) ay naghahasik ng lagim sa Mindanao. Nakapakat ngayon ang 55 batalyong pangkombat o mahigit 60 porsyento ng pangkabuuang pwersa ng AFP sa isla. Nagdudulot ito ng samut saring paglabag ng karapatang pantao katulad ng pagmamasaker, pandurukot, pwersahang pagbakwit, pagpapasara ng mga paaralan, iligal na pag-aresto, atbp.

Nasa pulong ng CFA si Tindasan sa panahong ito ngunit nasa bahay ang kanyang asawa, 3 taong gulang na apo, 14 na taong gulang na anak at dalawang kaibigan. Nagtamo ng sugat sa paa ang apo ni Tindasan. Kaugnay ang insidente sa pagtutol ng komunidad sa pagpasok ng Agusan Petroleum and Mineral Corporation, isang kumpanyang pag-aari ng mga Cojuangco. Nais ng kumpanyang mag-apply ng mining permit para sa 12,444 ektarya ng lupa sa Compostela. Maaalalang tatlong lider ng mga lumad kasama si Datu Ruben Enlog, Randy Carnasa, at Oligario Quimbo ang pinatay ng militar sa Paquibato masaker noong Hunyo 14. Isang 12-anyos na bata ang sugatan habang patuloy pa ring nawawala ang lider-magsasaka na si Aida Seisa at ang kanyang banang si Henry. Bukod dito, naitala ng grupong Karapatan ang 92 biktima ng extrajudicial killings sa Mindanao mula Hulyo 2010 hanggang Marso 2015. Nakikiisa ang Anakbayan sa panawagang i-pull out ang mga pwersa ng militar at ibasura ang kontra-insurhensyang programa ng rehimeng Aquino, ang Oplan Bayanihan. Nakikiisa ang Anakbayan sa laban ng mamamayan ng Mindanao para sa pagtatanggol sa kanilang lupa at buhay.


Ka Parago: hukbo ng masang anakpawis, martir ng sambayanan

Sumapi si Ka Leoncio Pitao, mas kilala sa buong rehiyon ng Katimugang Mindanao sa pangalang Ka Parago, sa BHB noong 1978, matapos patayin ng mga militar ang kanyang ama sa Loreto, Agusan Del sur.

Nakilala siya at iginalang sa buong rehiyon bilang tagapagtanggol ng mga inaapit pinagsasamantalahan. Ibinuhos niya ang kanyang oras para tulungan ang mga magsasaka sa pagtatanim, pag-aani sa produksyon at nakipamuhay sa mas malawak pang anakpawis. Bunga ng kanyang buong pusong paglilingkod, labis na pagmamahal din ang isinukli ng masang kanyang pinaglingkuran kaya kinagiliwan siyang tawaging Tatay o Ka Ago.

Naging bantog siya sa kanyang kahusayan bilang mandirigmang gerilya at kumander ng mga matatagumpay na taktikal na opensiba laban sa militar. Kabilang sa mga pinangunahan niyang opensiba ang malaking reyd ng armas sa Davao noong 2007 kung saan wala ni isang gwardya ang nasaktan sa opensiba.

Taong pebrero 1999, pinangunahan ni Ka Parago ang pag-aresto kila Army General Victor Obillo at Captain Alex Montealto dahil sa mabangis na mapaminsalang pagragasa ng tropang militar sa rehiyon. Nakipagtulungan si Ka Parago sa Negotiating Panel ng National Democratic Front of the Philippines (NDFP) para maisaayos ang pagpapalaya sa mga bihag ng digma sa International Committee of the Red Cross at mga opisyales ng gobyerno na sina Senador Loren Legarda at miyembro ng GRP negotiating panel na si Silvestre H. Bello III.

Sa kanyang paglaya, pinapurihan ni General Victor Obillo ang makataong pagtrato sa kanila ni Ka Parago. Isang halimbawa nito ay ang pagkakataong kahit na mahigpit na ipinagbabawal ang pag-inom ng alak sa mga kasapi ng BHB ay binigyan siya ng alak ni Ka Parago para matanggal ang kanyang panginginig dulot ng matinding ginaw sa kabundukan. Bukod pa rito, pinuri din niya ang kadalubhasaan ni Ka Parago sa kalupaan.

Inaresto si Ka Parago noong Nobyembre 1999. Sa isang press conference na isinagawa sa loob ng Camp Aguinaldo, ipinahayag niya ang marubdob na pagnanais na makalayat makabalik sa masang mahal sa Mindanao. Siya ay pinalaya on recognizance kay Supreme Bishop of Philippine Independent Church na si Thomas A. Millamena noong Setyembre 2001. Ang kanyang paglaya ay simbolo ng katapatan sa pagsusulong ng usapang pangkapayapaan sa pagitan ng gobyerno at NDFP.

Sa kanyang paglaya, muli niyang nakasama ang masang kanyang mahal sa Mindanao at mahigpit na tinanganan ang rebolusyonaryong gawain. Pinangunahan muli ni Ka Parago ang mga matatagumpay na pakikibakang gerilya laban sa pasistang atake ng militar sa kanayunan.

Taong 2009, dinukot, ginahasa at pinatay ng mga militar ang kanyang anak na si Rebelyn. Ngunit sa kabila ng kagalit-galit na ginawa sa kanyang anak, kahanga-hanga ang ipinakitang matibay na paninindigan ni Ka Parago

sa patakaran ng BHB sa makataong pagtrato sa mga bihag ng digma at maging sa pagtitiyak ng maayos at ligtas na pagpapalaya sa mga bihag na walang mabigat na pananagutang kriminal sa mamamayan.

Matagal nang iniinda ni Ka Parago ang ibat-ibang klase ng karamdaman gaya ng diabetes, hypothyroidism, hepatitis, at altapresyon at hirap na rin siyang makalakad. Ngunit sa kabila ng mga karamdaman at mga alok ng mga kasama na magpagamot at magpahinga siya sa labas ng erya, pinili pa rin ni Ka Parago na manatili at makipamuhay sa masa.

Ginagamot siya ni Vanessa Limpag o Ka Kyle, na kanyang medik, nang paulanan sila ng bala ng mga militar sa ilalim ni General Ano. Nagawa ni Limpag na itaas ang kanyang mga kamay at sumigaw na isa siyang medik ngunit walang habas pa rin silang pinagbabaril ng mga militar.

Sa kabila ng maayos na pagtrato ni Ka Parago sa mga bihag gaya nila General Obillo at Captain Montealto, hindi iginalang nila General Ano ang karapatang pantao nina Ka Parago at Ka Kyle. Dapat igiit na maimbestigahan ang naging paglabag nila General Ano sa International Humanitarian Law, Comprehensive Agreement on Respect for Human Rights and International Humanitarian Law (CARHRIHL) at International Covenant on Civil and Political Rights (ICCPR).

Bukod dito, dapat ding maimbestigahan ang pangunguna ng mga yunit ni General Ano sa mga extrajudicial na pagpatay sa mga lider-katutubo, pagsasara sa mga paaralan ng mga Lumad, at maging ang pagkakampo sa mga paaralan at iba pang pampublikong lugar.

Nakikidalamhati ang Anakbayan kasama ng ibat ibang organisasyon at ng masang anakpawis sa pagkawala ng isang dakilang rebolusyonaryo ng mamamayan, katangi-tanging kumander ng BHB, martir at bayani ng masang anakpawis, si Ka Leoncio Ka Parago Pitao.

Patuloy na magiging inspirasyon ng rebolusyonaryong kabataan ang buhay at pakikibaka ni Ka Parago. Mananatiling buhay ang kanyang alaala sa patuloy na pakikibaka ng kabataan kasama ang malawak na mamamayan upang wakasan ang isang malakolonyal at malapyudal na sistema tungo sa isang tunay na malayang lipunan.

Mabuhay ang rebolusyonaryong diwa ni Ka Parago!Mabuhay ang masa at rebolusyong Pilipino!Mabuhay ang sambayanang lumalaban!

Pinakamataas na pagpupugay ang ipinapaabot ng Anakbayan kay Leoncio Ka Parago Pitao, isang mandirigmang gerilya ng Bagong Hukbong Bayan (BHB), sa kanyang pagpanaw at pagkamartir noong Hunyo 28.

Documents

Tinig Hulyo 2015 (Unang Edisyon)