novas da xustiza

Número 1023 Edita: CCOO de Xustiza 8 de abr i l de 2014

Mobilizacións

8 de abril: Concentracións

contra a LOPX

O pasado venres 5 de abril o Consello de

Ministros aprobou a sentenza de morte para

miles de empregados públicos e para o

servizo público da Xustiza

Páxina 2

Paga Extra

CCOO logra en Valencia a recuperación

da extra de 2012 para os funcionarios de

xustiza

Dende o sector de xustiza de CCOO instamos á Dirección Xeral de

Xustiza a que abone de oficio á paga extraordinaria substraída

ilegalmente en decembro de 2012 e evite así os inxentes gastos que

para as arcas públicas que supón litigar e máis, cando xa hai

sentenzas noutros territorios que nos dan a razón

Páxina 7

Xustiza áxi l e ef icaz

CCOO demanda da DXX unha solución ao

transporte de expedientes en carriños de

supermercado, as quendas e os arquivos

Cando falamos do Pacto para a Xustiza do ano 2001, onde se

deu o pistoletazo de saída para a Nova oficina xudicial, da que,

13 anos despois, aínda non temos noticias en Galicia, falábase

da modernización da xustiza. Carros de supermercado para

transportar expedientes non casa moito cunha xustiza eficaz,

áxil e moderna.

2 Novas da Xustiza

Editorial

Concurso de traslado 2014.

Relación definitiva de

vacantes de Galicia

O sector de Xustiza de CCOO considera as 28 prazas unha relación paupérrima, 20 de

Xestión, 6 de tramitación e 2 de auxilio, que

nin cubre as necesidades dos Xulgados, nin

se axusta a realidade pola amortización de

prazas decretada en maio de 2012, ademais

de anular as esperanzas de decenas de

compañeiros e compañeiras

Páxina 11

Publicado na nosa páxina web

Outras novas

El Gobierno pretende aprobar una Oferta Pública de Empleo escandalosa

3 Novas da Xustiza

Mobilizacións

8 de abril: Concentracións contra o anteproxecto da

LOPX

Gallardón minte na rolda de prensa posterior ao Consello de Ministros

asegurando que non desaparecerán os Xulgados de Paz e cando asevera que os

Tribunais provinciais de Instancia non suporán a eliminación de sedes Xudiciais.

A reforma da LOPX decreta a mobilidade xeográfica e funcional forzosa, ao

establecer como centro de destino o conxunto de servizos comúns e unidades

de apoio directo que radiquen na mesma provincia.

Para CCOO non se garante o mantemento de todos os postos de traballo

e anunciamos un durísimo proceso de negociación e mobilización se o

Goberno non asegura o emprego, as retribucións e a non existencia de

procesos de mobilidade xeográfica forzosa. Esta reforma tamén atenta aos

dereitos cidadás. Principais aspectos da reforma

Desaparición das Audiencias Provinciais: As súas competencias actuais en

1ª Instancia pasarán aos Tribunais Provinciais de Instancia e os recursos aos

TSX

Creación dos Tribunais Provinciais de Instancia: Asumirán ademais todas

as competencias actuais dos Xulgados e o seu ámbito territorial será provincial,

desaparecendo os partidos xudiciais e, por tanto, decenas de órganos xudiciais

Desaparición dos Xulgados de Paz: a presión cidadá e sindical contra estas

propostas que xa estaban contidas no documento elaborado pola “comisión de

expertos” que serviu de base a este anteproxecto de lei, obrigou ao ministro

Gallardón a maquillar o texto presentado, e non tivo reparos en mentir á

cidadanía, asegurando que “desaparecerán os xuíces de paz pero non os

xulgados de paz” cando no anteproxecto se contempla non só o seu peche

definitivo, senón tamén un período transitorio para o persoal destinado nos

Xulgados de Paz ata a entrada en vigor desta Lei e o persoal ao servizo da

Administración de Xustiza que preste servizos nos Xulgados de Paz quedará

4 Novas da Xustiza

adscrito ao Servizo Común de Notificacións e Embargos con sede na que fora

ata o de agora cabeceira do partido xudicial do que dependese, ou constituirase

se non o houbera, aínda que poderán constituírse unidades desprazadas do

Servizo Común de Notificacións e Embargos naquelas localidades nas que sexa

necesario en atención á poboación e o traballo existente, previa decisión da

Administración competente”

Gallardón suprime as garantías actuáis do centro de traballo e establece como

centro de destino a provincia: a administración poderá imponer a

mobilidade xeográfica e funcional dentro da provincia, pois se accederá nas RPT

a un servizo común ou a una unidade de apoio directo de ámbito provincial.

Ninguén estará xa destinado nun centro de traballo concreto: “la idea -de los

Tribunales Provinciales de Instancia- (…) permitirá ganar flexibilidad y

maximizar los recursos existentes (…) reasignando efectivos dentro del mismo

órgano judicial -recordemos de ámbito provincial- para hacer frente a

necesidades cambiantes del servicio público de la Justicia. (…) sin necesidad de

crear o suprimir órganos judiciales ni alterar la planta existente.

Privatización dos actos de comunicación e execución.- O texto

presentado recolle literalmente que “los Procuradores podrán realizar los actos

procesales de comunicación judicial, embargos y ejecución, a excepción de los

lanzamientos, así como otras tareas de auxilio y cooperación con los

Tribunales”, o que ademáis de suponer un inaceptable coste adicional á

cidadanía, pon en perigo tamén centenares de postos de traballo do persoal de

xustiza que na actualidade realizan esas actuacións..

Nesta mesma liña e en relación coa supresión dos xulgados de fóra das capitais

de provincia derivada da implantación dos Tribunais Provinciais de Instancia, o

texto presentado polo ministro recolle:

“Asimismo, en la Ley de Demarcación y Planta Judicial podrán establecerse sedes desplazadas de

todas o alguna de las Salas de los Tribunales Provinciales de Instancia en aquellas localidades y

municipios del territorio provincial en los que, a la entrada en vigor de la presente Ley, estuvieran

radicadas sedes judiciales distintas de los Juzgados de Paz, en atención a la valoración conjunta de

las siguientes circunstancias:

1ª. Volumen y dispersión de la población en el territorio provincial.

2ª. Relevancia de la carga de trabajo de los órganos jurisdiccionales existentes, según los módulos establecidos conforme a las determinaciones de la LOPJ.

3ª. Distancia de la sede desplazada a la capital de la provincia.

4ª. Tiempo de desplazamiento en transporte público desde la sede desplazada a la capital de la provincia.

5 Novas da Xustiza

5ª. Carácter uniprovincial de la Comunidad Autónoma.

6ª.Especiales características orográficas o geográficas del territorio provincial y, singularmente, las que dificulten los desplazamientos a la capital de la provincia.

7ª. Insularidad del territorio provincial.

8ª. Existencia, estado y posibilidad de aprovechamiento de edificios e infraestructuras judiciales existentes en la sede desplazada.

9ª. Posibilidad de amortización y de recuperación de las inversiones efectuadas en los edificios e infraestructuras judiciales de la sede desplazada.”

Este texto, repetimos foi froito da presión cidadá e sindical contraria ao peche

dos xulgados de fóra das capitais de provincia, pero non garante en absoluto, o

mantemento de todas as sedes xudiciais actuáis e, moito menos, dos postos de

traballo alí existentes. Por un lado, o mantemento ou non destas sedes terá

que ser aprobado na futura Lei de Demarcación e Pranta, que tamén se

decidirá nas Cortes Generales a proposta do Goberno, da que non temos máis

novas que o acordado polo comité de expertos. Por outra parte, queda claro

que estas sedes desprazadas dos tribunais provinciais só se implantarán nas

pocas actuáis que cumpran os requisitos expresados de forma conxunta e, polo

tanto, outras moitas sedes quedarán definitivamente pechadas e os seus

traballadores despedidos (no caso do persoal interino) ou trasladados de

localidade no caso do persoal de carreira, ao igual que pasará nos xulgados de

paz.

CCOO quere denunciar que o Ministerio de Xustiza aproveita una vez máis para

intentar colar pola porta de atrás e sen previo aviso importantes modificacións

non noso estatuto profesional, por exemplo a redución da promoción interna do

cupo do 50% ao 30%.

O Sector de Xustiza de CCOO, dado que a Xunta de Galicia ten o mandado

na Disposición Transitoria Décima do anteproxecto, de implantar a Nova Oficina

Xudicial, esixe a apertura dunha negociación, e que dende a Dirección Xeral se

defendan todos os postos de traballo existentes e todas as sedes xudiciais,

dada a situación peculiar de Galicia, con dispersión poboacional e xulgados

colapsados, e que se poña freo a unha sangría que ameaza con dilapidar a

Xustiza como servizo público, deixando o campo aberto á corrupción e a xustiza

de doble vía, impune para grandes fortunas e intereses financieiros, afastada e

encarecida para o cidadán de a pé

PARTICIPA NAS MOBILIZACIÓNS!!!

6 Novas da Xustiza

Santiago

Ourense

Ferrol

A Coruña

7 Novas da Xustiza

CCOO consigue sentenzas que

obrigan á devolución íntegra de

decembro de 2012 Estas sentenzas favorables á devolución íntegra da paga extra, roubada en decembro de 2012

polo Goberno, únense ás dúas anteriores ditadas polos Xulgados do Contencioso de Sevilla e

Girona, o que permite asegurar que pouco a pouco máis sentenzas deste tipo irán lográndose

nos restantes ámbitos territoriais, o que permitirá realizar, segundo vaian ditándose, a

extensión de efectos a todos os traballadores e traballadoras da Administración de Xustiza de

toda España, se o Ministerio de Xustiza e as CCAA se negan a aboar de oficio a todo o persoal

da Administración de Xustiza a paga extra íntegra.

O Xulgado do Contencioso Administrativo nº8 de Valencia notificou as primeiras sentenzas

nesa Comunidade Autónoma, recoñecendo o dereito a percepción íntegra da paga extra

correspondente ao mes de decembro de 2012. Ademais da lograda polos servizos xurídicos de

CCII, notificouse xa outra sentenza co mesmo contenido e agárdanse máis no mesmo sentido.

Nos fundamentos xurídicos da sentenza, entre outros, recoñécese a ilegalidade da aplicación

con carácter retroactivo do recorte da extra e o dereito á percepción íntegra por parte do noso

colectivo, ao terse modificado a Lei Orgánica de Poder Xudicial para poder suprimila o 28 de

decembro de 2012, cando xa devengáramos de forma íntegra dita paga. Esta sentenza permite

que todas e todos os funcionarios de xustiza da provincia de Valencia podan solicitar a

correspondente extendión de efectos das mesmas. O prazo para solicitar a extensión de

efectos é dun ano. En Galicia, CCOO ten interpostas xa as reclamacións da paga extra, e

agardamos que consonte as sentenzas de Valencia, Girona e Sevilla, se fallen favorablemente

e podamos recuperar o que lexitimamente nos pertence.

Dende o sector de xustiza de CCOO instamos á Dirección Xeral de Xustiza a que

abone de oficio á paga extraordinaria substraída ilegalmente en decembro de 2012 e

evite así os inxentes gastos que para as arcas públicas que supón litigar e máis,

cando xa hai sentenzas noutros territorios que nos dan a razón, co que pode

considerarse que senón se paga de oficio existe mala fe procesual, dilapidación de

recursos públicos e ánimo dilatorio no que, antes ou despois, teñen que devolver por

ter roubado o que por lei nos corresponde.

Paga Extra

8 Novas da Xustiza

Xustiza moderna, áxi l ef icaz

CCOO demanda da DXX unha solución ao transporte de

expedientes en carriños de supermercado, as quendas e os

arquivos

En asemblea de traballadores, sobre os problemas do auxilio xudicial, tratouse o tema

do traslado de expedientes, cunha alta participación. A orde do día era o traslado de

expedientes, arquivos e expurgos e quendas. Pese a ampla participación as opinións

foron unánimes. Esa xustiza áxil, moderna e eficaz que nos están a vender non é máis

que unha entelequia: a realidade é ben distinta, pese aos flamantes anuncios

mediáticos, e pese aos intentos de varrer baixo a alfombra o que non se quere ver, o

certo é que os medios materiais e persoais da xustiza son precarios, o que obriga aos

funcionarios a exercer non só de axentes que notifican, fan sala, emplazan etc, senón

tamén a facer de sherpas, arquiveiros ou o que os seus superiores traten de impoñer,

nunha sorte de navalla suiza da xustiza, que corta a cochambre a forza de

voluntarismo.

Os acordos adoptados en dita asemblea foron:

Traslado de expedientes

A solución ao traslado de expedientes non pasa por un carro eléctrico ou por unhas

tarxetas magnéticas que, por certo, despois de anos de loita, tan só foron outorgadas

coa xustificación de agochar esa miseria de carriños da compra baixo o pretexto de

invisibilizarnos fronte á prensa ou o público ao evitar a entrada pola porta principal dos

xulgados.

A solución é unha reorganización do traballo, xa que o 90% dos centos de kilos de

papel que se trasladan cada día son vistos, un simple selo e unha sinatura.

A falta de vontade das institucións debe ser forzada por nós a través de dúas vías, a

institucional e as mobilizacións. En canto a vía institucional faremos chegar á Dirección

Xeral unha recollida de sinaturas opoñéndonos a calquera solución que non pase por

unha reorganización do traballo e ao cumprimento da legalidade (protección de datos,

9 Novas da Xustiza

prevención de risco, deber de custodia documental) así como recorrer á inspección de

traballo para comprobar os flagrantes incumprimentos da lexislación, todo por manter

as castas aristocráticas no mundo da xustiza. Na pasada semana mantivemos unha

reunión co Fiscal Xefe da Audiencia Provincial, quen negouse rotundamente a unha

reorganización do traballo, no sentido de que sexan os Fiscais os que se despracen aos

xulgados e non os papeis a súa mesa, o que concorda cunha concepción clasista da

Xustiza. No entanto acordamos conxuntamente solicitar un reforzo de tramitación, que

sexa quen dividir o traballo entre os meros vistos e os asuntos que merecen informe.

Non é unha solución definitiva para nós, pero aliviaría a sobrecarga física do traballo.

Arquivos e expurgo

O raquítico cadro de persoal laboral pretende ser suplantado atribuíndo as funcións de

arquivo que lle correspondería ao corpo de auxilio coa connivencia da administración.

Esiximos unha solución e negámonos rotundamente a asumir funcións que non nos

corresponden, froito dos recortes e a neglixencia da administración. Debe aumentarse a

plantilla do persoal laboral e non asumir pola vía dos feitos funcións que non nos

corresponden, demandamos unha ampliación de espazos de arquivo, ocupando as

zonas de aparcadoiro subterráneo de xuíces e secretarios que sexan precisas para

solucionar un problema inaprazable, e que están a provocar “carreiras” por baixar

expedientes ante o pírrico espazo de que dispón o arquivo. Asimesmo, negámonos de

plano a efectuar o expurgo, como está a acontecer no TSX, onde por enriba do traballo

habitual, dentro da xornada e sen remuneración, os funcionarios vense obrigados a

efectuar o expurgo, e demandamos persoal de reforzo itinerante e específico para

exercer esa labor.

Quendas

O oscurantismo, a falta de rigor e control por parte da administración, e a

indiscriminada atribución de funcións por un día, veñen a demostrar que as quendas

fracasaron. Polo tanto, nesta asemblea, acordouse por unanimidade pedir a eliminación

das mesmas e a creación de dúas prazas de auxilio xudicial no servizo común do

decanato, cos créditos das prazas amortizadas na Audiencia Provincial, adicadas en

exclusiva a cumprir esa función.

En tanto esta modificación non ocurra esiximos que as quendas sexan públicas no

OPAX, accesible a todos para saber qué funcionarios están na quincena correspondente

e que se modifique a orde de substitucións pola vía de urxencia, de xeito que non se

abonen 100 euros por quincena, senón que se retribúan polas quendas efectivamente

realizadas.

10 Novas da Xustiza

Para todas estas reivindicacións, orientadas a dignificar o noso traballo, contamos co

apoio de todos os funcionarios e funcionarias, e iniciamos unha campaña de

mobilizacións, ata que o sentido común, que é do que se trata, se impoña sobre as

medidas improvisadas ou o “tirar palante” só mudado, ao parecer, a golpe de titulares

de prensa incómodos. Demandamos un análise rigoroso, e para iso, invitamos á

Dirección Xeral, na persoa de Juan José Martín, Director Xeral, a visitar os xulgados “a

pé de obra” e participar nunha asemblea, non cos grandes xefes baixo escolta policial e

nunha neboa de flashes e sorrisos, senón con nós, os funcionarios e funcionarias, que

somos a fin de contas os que sustentan a xustiza, sabemos dos seus problemas e as

súas necesidades, máis que eses que rara vez saen das catro paredes que conforman

os seus despachos. En tanto as reivindicacións, xustas e lexítimas non sexan atendidas,

os funcionarios non cesaremos nas mobilizacións sostidas e crecentes para un mellor

servizo e unha xustiza áxil, eficaz e moderna pero real, como prometía o papel que todo

o aguanta, como a Carta de dereitos do cidadán ante a Xustiza, puro fume que se dilúe

sobre rodas en toneladas de papel entre xulgado e fiscalías.

11 Novas da Xustiza

Concurso de traslado

Concurso de traslado 2014. Relación definitiva

de vacantes de Galicia

A Dirección Xeral de Xustiza ven de remitirnos a relación definitiva de vacantes de Galicia para

o concurso de traslado de 2014, que podedes consultar premendo aquí

O sector de Xustiza de CCOO considera as 28 prazas unha relación paupérrima, 20 de Xestión,

6 de tramitación e 2 de auxilio, que nin cubre as necesidades dos Xulgados, nin se axusta a

realidade pola amortización de prazas decretada en maio de 2012, ademais de anular as

esperanzas de decenas de compañeiros e compañeiras, condenados á mobilidade exterior, ou

o que é o mesmo, a non poder conciliar a súa vida familiar e laboral como consecuencia da

redución dos cadros de persoal decretada unilateralmente pola Xunta de Galicia. Dende CCOO,

reiteramos as nosas reivindicacións:

1.- A derogación dos plans de amortizacións do 5% do cadro de persoal, que bloquea resultas

nas Audiencias, Xulgados de Contencioso, Xulgados de Paz, Xulgados de Instrución e anula de

facto o concurso de traslado

2.- A creación de prazas dos servizos de apoio coas que xa foron amortizadas dende o ano

2012

3.- A consolidación dos reforzos estruturais, é dicir, dos de máis de dous anos de duración que

xa poden ser considerados necesidades dos diferentes órganos, consolidándoos como plantilla

e ofertándo esas prazas no concurso de traslado.

4.- A negociación dunha nova orde de substitucións, que permita acceder ás mesmas aos

funcionarios que están destinados fóra da nosa Comunidade Autónoma.

12 Novas da Xustiza

Humor

Por Luis Davila

Novas da Xustiza

Edita

CCOO de Xustiza

Subscricións-Colaboracións

Se queres publicar un artigo ou un

comentario no boletín, se queres

realizar unha consulta ou unha

suxestión ou se queres recibir o

boletín remítenos un correo

electrónico a

sectorxustizaccoo@gmail.com

Síguenos en

www.ccooxustiza.com

twitter

facebook

google +