View
381
Download
36
Category
Preview:
Citation preview
PELASAR PENGELANDIK MENDING ENGGAU BEJAKU
RABAN 1:THERESA BADIK
MAGDALINA PUNAIJOSEPHINE JATA
PENGELANDIK BEJAKU
PENGELANDIK BEJAKU
• Definisyen pengelandik bejaku:
Pengelandik bejaku nya siti aktiviti ngasilka
munyi jaku ngena rengka artikulasyen
Bejaku nya siti pengelandik beinteraksyen
dalam pengidup besehari-sehari ti bekenaka
jaku ti bepun ari tikas produksyen jaku.
KONSEP BEJAKU• Bejaku tu selampur munyi jaku ti diasilka.
• Jaku nyadi ba tikas produksyen. Proses bejaku tu nyadi maya pemejaku nya ulih ninga sereta meretika enggau lenak utai ti didinga iya.
• Aspek fizikal, pengerai, rampa pendiau enggau penempa meri biuh ngagai pengelandik bejaku.
KONSEP BEJAKU
• Siku-siku orang ti bisi peneleba lalu ngembuan
untak ti pintar ulih belajar mayuh agi aspek
pengelandik bejaku.
• Pengelandik bejaku ulih dikemekuhka enti
belematika aspek fonologi, struktur, intonasyen
sereta penemu ti entap dalam sistem munyi.
• Dalam Turai Pelajar Bahasa Iban, pengelandik lisan
maut pengelandik ti besangkut paut enggau aktiviti:
a. Nyebut sereta ngelulu munyi enggau sura.
b. Jaku perintah sereta peminta.
c. Sebut jaku ti ngembuan leman sosial enggau
moral.
d. Tanya saut.
e. Becherita
f. Berita
g. Ripot
h. Licha
i. Ngelulu enggau leka main
j. Jurai enggau debat
Aspek bejaku1. Chara nyebut
- Dalam aspek chara nyebut, nembiak diajar ngelala
enggau nyebut tiap urup, patah sebut, leka jaku,
frasa jaku enggau ayat.
- Nembiak diajar chara nyebut patah sebut enggau
leka jaku enggau terang sereta engkeman nitihka
ripih jalai munyi sebut enggau reti.
- Dikena midaka leka jaku ti sepil ti sebaka tang
chara sebut ti bebida.
- Chunto:
- Mata(rengka tubuh) enggau mata(empai mansau).
2. Penekan
- Iya nya chara tauka baka ni pemejaku nyebut
enggau meri tekan ngagai siti-siti patah sebut,
leka jaku, enggau jaku ti berentayan dikena
mandangka pengeras tauka pengelembut siti-
siti sepis.
3.Mora (pemanjai enggau pemandak)
- Siti chara kena ngitung pemanjai enggau
pemandak serengut jaku ti dikena midaka reti
dalam jaku.4. Ketu (Jeda)
- Dikena dalam ayat ti bisi ngetu enda lama kena
midaka reti.
-Chunto: Anang pulai.
5. Intonasyen
- Diasilka sechara nurun tauka tiun ti sebaka
(mendatar) nitihka bida siti-siti ayat.
- Chunto: Ayat tanya ngembuan intonasyen ti
tinggi tang ayat penerang ngembuan intonasyen
ti baruh ba pengujung ayat.
6. Tiun
- Nerangka munyi jaku sekalika niki tauka nurun
maya ngasilka leka jaku.
- Chunto: Ayat tanya ngembuan intonasyen niki
tang ayat penerang ngembuan intonasyen nurun
ba ujung ayat.
“Kini nuan tadi Awi?”
7. Jalai jaku
- Aspek jalai jaku tu iya nya atur, rumus, ripih jalai
enggau jalai jaku ti nentuka atur dalam bejaku
nyengkaum bidang fonologi, sintaksis enggau
semantik.
8. Pengelanchar
- Aspek pengelanchar tu ngemeratka penau
nembiak bejaku enggau manah sereta beripih.
9. Terus
- Aspek tu ukai semina nembiak ulih bejaku
enggau manah sereta meri empas tang iya
mega ngasilka jaku tauka leka jaku dalam ayat
enggau terang.
10. Lebas Jaku
- Lebas jaku nerangka gaya enggau chara ngena
sesebengkah jaku.
- Ure & Ellis (1977), madahka lebas nya tukuh jaku ti
dikena nitihka siti-siti situasyen ti enda sama.
- Halliday (1968) nerangka lebas jaku nya variasyen
jaku ti bebida bepelasarka fungsyen iya. Iya
madahka lebas jaku berubah-ubah nitihka
situasyen.
Tuju bejaku
• Pengelandik bejaku tu diajar ngambika nembiak
ulih bejaku sereta mansutka runding ngena jaku
ti seriran maya ti berandau enggau bala bakih,
apai indai sereta dalam aktiviti debat enggau
licha.
Tuju pengawa Ngajar enggau Belajar pengelandik bejaku:
- Nyebut enggau terang.
- Mansutka buah runding.
- Madahka tunga endur.
- Intebiu.
- Meri penerang enggau kebuah.
- Betanya kena ngulihka informasyen.
- Betukar penemu enggau informasyen.
- Ngeripot peristiwa enggau meri jurai enggau
nemban.
- Bejaku enggau penuh basa.
- Bejaku ngena jaku ti nemban sereta seriran
ngagai peninga.
Proses Bejaku
• Proses bejaku bekaul enggau proses mental
baka meretika, nisih, bekaulka sereta meri
respon ke seriran enggau situasyen
komunikasyen.
TUKUH PENGELANDIK BEJAKU
• Nyelampur aksyen enggau bejaku
• Betanya saut antara pengajar enggau nembiak
• Ngaga tanya bepelasarka kereban
• Nerangka gambar enggau grafik
• Becheritaka peneleba diri
• Meri ripot sechara lisan bepelasarka topik ti diberi.
• Ngaga sesyen debat
• Bejuraika siti-siti topik dalam raban
• Meri aum pandak
• Main kelulu nitihka situasyen ti diberi
• Simulasyen
• Drama
TIKAS PENGELANDIK BEJAKUTikas Puna. Nyebut jaku ti beradat.b. Nunda leka jaku enggau ayat ke didinga.c. Nanya dikena ngulihka penerang.d. Ngerara tauka ngaga penerang senentang siti-siti
situasyen.e. Nanya ngena tanya ti mudah bepelasarka situasyen.f. Meri respons ngagai tanya ti mudah.g. Ngaga ayat senentang diri empu, bakih, apai enggau
indai.h. Ngaga ayat bepelasarka gambar.
Tikas Tengah
- Bejuraika objek tauka gambar.
- Becherita bepelasarka gambar tauka gambar ti betusun.
- Bejuraika peneleba tauka siti-siti pekara ke nyadi.
- Meri perintah ngagai siti-siti pekara.
- Besaut tanya senentang pekara ke besangkut paut
enggau orang bukai, maya besekula, rampa menua
enggau di rumah.
- Macha atur enggau jaku tesau.
- Meri licha pandak sereta mudah.
- Enggau berandau dalam randau ke mudah.
- Meri runding ke mudah.
- Ngaga kedut enggau meri runding ke mudah.
Tikas Maju
a. Bejuraika pekara ti nyadi, peneleba, objek, main
enggau ti bukai.
b. Becherita ngna malin tauka enda ngena malin
c. Bejurai, berandau tauka bedialog
d. Betanya dikena ngulihka penerang
e. Nerangka proses, pekara ripih pengawa enggau atur
f. Madahka tunga endur
g. Meri licha
h. Enggau ba pengawa bejuraika penemu, bekelikuhka
penemu
i. Enggau ba pengawa drama tauka belakun
j. Bepelandai
k. Madahka ripot tauka kedut
l. Bekelikuhka cherpan, penemu, pelandai enggau ti
bukai.
PENGELANDIK MENDING
DEFINISYEN PENGELANDIK MENDING
Nitihka Chuah(1987) bisi bida ke besai antara
proses mending enggau mending.
Barker (1971) nyimpulka mending iya nya siti
proses ke aktif lalu leka jaku mending iya nya siti
proses ke pasif. Mending ke aktif nyengkaum
proses mending enggau tuju dikena mereti,
ngingat, nisih enggau mejah seruri.
Nitihka Turai Pelajar Bahasa Iban Sekula Sekondari (2001),
pengelandik mending dikena ngansah pemintar nembiak
mending enggau silik. Kelimpah ari nya, sida mega mereti
lalu landik nyerenih tauka milih sereta mida isi pekara ti
beguna.
Pengelandik mending beguna lebuh ti belajarka jaku.
Nengah proses mending, kitai deka bulih penerang ke
beguna dikena meretika pekara baru sereta ulih
ngenataika komunikasyen ti semitan.
Pengelandik mending iya nya pugu pengelandik dikena
ngulihka sereta belajarka pengelandik-pengelandik ke
bukai.
Udah nya, meretika munyi-munyi jaku ti ngembuan reti
baka leka jaku, frasa, klausa enggau ayat.
Pemereti tentang munyi jaku nya tepulai ngagai penemu,
peneleba tentang daya idup enggau ulah peninga nya.
KONSEP MENDING Selampur munyi jaku ti didinga, depratika sereta
dikingat.
Pengelandik mending nyadi enti udah bisi latih ti
digaga nitihka tikas-tikas iya.
Bisi biuh aspek fizikal, psikologi enggau
neurologi.
Idea nyadi ke pugu jurai.
TUJU PENGELANDIK MENDINGUlih meretika
sangkut-paut ba siti-siti pekara ti
dipending
Ngulihka pugu idea
Ngereja pengawa ti diasuh
Dikena meretika munyi-munyi jaku ngambika ulih meri respons ke engkeman enggau
munyi jaku ke diterima.
Dikena ngelala konteks, pengasai ati enggau pendiau
maya mending
PROSES PENGELANDIK
MENDING
Mendingka rurun munyi-munyi jaku
Meretika munyi-munyi jaku
Nisih munyi-munyi jaku ti didingaMeri respons
ngagai munyi-munyi jaku ti
didinga
TUKUH PENGELANDIK MENDING
Mending sechara kritikal
Mending sechara pasif
Mending lalu nadai meri
respons
Mending enggau bejimat
Mending sambil belemati
Mending enggau pengasai ati (gaga,
pedis ati etb)
TIKAS PENGELANDIK MENDING
Tikas Pun Pengelandik Mending:
a. Nembiak deka ngelala, nunda enggau nisih
munyi.
b. Nembiak diajar mending enggau ngelala reti
leka jaku, rambai jaku / genteran jaku enggau
ayat.
c. Chunto: nunda munyi jelu
Tikas Tengah Pengelandik Mending:
a. Nembiak deka ngelala lalu ngingatka batang
penemu enggau engkeman.
b. Nembiak dipatih ngelala kebuah enggau
penyadi siti-siti pengawa, ngelala kaul enggau
orang, etb.
c. Chunto: nemu chara baka ni deka nyeliahka diri
bebadi ba jalai alun.
Tikas Maju Pengelandik Mending:
a. Nembiak deka dipatih ngelala batang penemu
ke beguna.
b. Nembiak ulih midaka penekan enggau
intonasyen ba siti-siti komunikasyen.
c. Chunto: nembiak ulih bejuraika topik ti diberi,
ngiga isi ba pugu karang, enggau ti bukai.
Recommended