ДАТА:19.12.2011 г.Понеделник

ДНЕВНА ПОДГОТОВКА ВОII ОДДЕЛЕНИЕ

Наставник:Валентина Тодорова

Интегри-рани предмети

Еко стандард

Точка на акција Полиса Цел

Екологија II ЕКО СТАНДАРД Заштеда на вода

Анализа на состојбата на водоводната инсталација (цевки, славини, казанчиња и сл.)

Рационално користење на водата во училишната зграда и двор.

Намалување на потрошувачката на вода за 10% во споредба со претходната година.

ПРЕДМЕТ ТЕМА И НАСТАВНА СОДРЖИНА

Запознавање на околината

Јас истражувам: Значење на водата, 65 стр.

КОНКРЕТНИ ЦЕЛИ

Ученикот/ученичката: Да се запознае со значењето на водата; Да знае да каже зошто се користи водата; Да стекне навика за заштеда на водата во училиштето; Да стекне навика за заштеда на водата во домот;

НАСТАВНИ ФОРМИ, МЕТОДИ И СРЕДСТВА

НАСТАВНИ ФОРМИ: индивидуална, групна.НАСТАВНИ МЕТОДИ: разговорна, илустративна, метод на игра, метод на набљудување, усно изразување, објаснување, демонстрирање, пишување, практична работа.НАСТАВНИ СРЕДСТВА: учебник по запознавање на околината, илустрација.

ОЧЕКУВАНИ РЕЗУЛТАТИ

Го знае значењето на водата; Знае да каже зошто се користи водата; Има стекнато навика за заштеда на водата во училиштето;

Има стекнато навика за заштеда на водата во домот;

ТЕК НА АКТИВНОСТИТЕ

Воведни активности:

АКТИВНОСТИ НА НАСТАВНИКОТ:Создава работна атмосфера (мотивира), преку разгледување на илустрации во кои има претставено каде се користи вода. Ја чита приказната Капка воденка. Поведува разговор за неа, а потоа за тоа во кои простории во училиштето има водоводни цевки - чешми.

АКТИВНОСТИ НА УЧЕНИЦИТЕ:Внимателно го следат читањето на приказната. Поставуваат прашања и одговараат на поставени прашања. Разгледуваат илустрации. Разговараат за нив.

Ученичко поучувачка активност:

АКТИВНОСТИ НА НАСТАВНИКОТ:Ги поведува учениците во прошетка низ просториите на училиштето, поведува разговор за истите и дава помош при пронаоѓање на просториите во кои има инсталирано чешми. Поведува разговор за значењето на водата. Поттикнува на размислување со насочени прашања. Дава одредени објаснувања.Дава објаснување за илустрациите во учебникот и поведува разговор за нив.

АКТИВНОСТИ НА УЧЕНИЦИТЕ:Учествуваат во прошетката низ училиштето и во разгледувањето на просториите. Вршат анализа на водоводните јазли. Активно разгледуваат, следат и размислуваат. Поставуваат прашања за проблеми на кои наидуваат. Ги излагаат своите размислувања. Разговараат за значењето на водата.Разгледуваат слики во учебникот и разговараат за нив (на кој се му е потребна водата и што би се случило без неа).

Евалуација:

АКТИВНОСТИ НА НАСТАВНИКОТ:Поведува разговор за наученото и поставува соодветни прашања.

АКТИВНОСТИ НА УЧЕНИЦИТЕ:Одговараат на поставените прашања.

Забелешки и рефлексија од реализацијата на часот: Часот беше успешно реализиран – беа постигнати предвидените цели.

Оценување: Усна и практична повратна информација.