Upload
others
View
10
Download
0
Embed Size (px)
Citation preview
Ma’ruza 1
1-Mavzu. Materiallar qarshiligi va qurilish mexanikasi faniga kirish
Reja:
1.Materiallar qarshiligi va qurilish mexanikasi fanining mohiyati,
maqsadi va uning vazifalari.
2.Materiallar qarshiligi va qurilish mexanikasi fanining masalalari.
3.Materiallar qarshiligi va qurilish mexanikasi fanining qisqacha
rivojlanish tarixi.
Tayanch iboralar: inshootlar va konstruksiyalarning mustahkamligi,
bikrligi va ustuvorligi, inshootlar statikasi va dinamikasi, tashqi
yuklar, ichki zo‘riqish kuchlari, qurilish mexanikasining asosiy
vazifalari, qurilish mexanikasi fanining masalalari, qurilish
mexanikasi fanining qisqacha rivojlanish tarixi.
1. Qurilish mexanikasi fanining mohiyati, maqsadi va uning vazifalari.
Qurilish mexanikasi muhandislik fanlarining asosi bo‘lib, u quruvchi
muhandislarga inshoot va uning elementlarini tejamli, mustahkam, chidamli va
muqobil shakllarini topib loyihalash va qurishni o‘rgatadigan fandir.
Demak, qurilish mexanikasi inshootlar va konstruksiyalarning
mustahkamligi, bikrligi va ustuvorligini hisoblash usullari to‘g‘risidagi fandir.
Yangi loyihalanayotgan inshootlarni mustahkamlikka hisoblashdan maqsad,
ularni tashqi kuchlarga chidamli bo‘lishini ta’minlashdan iboratdir.
Inshootlarning tashqi yuklar ta’siridan hosil bo‘ladigan katta ko‘chishlarining
oldini olish va har xil tebranishlar ta’siriga chidamliligini oshirish hamda ulardan
mo‘‘tadil foydalanishini ta’minlash maqsadida bikrlikka hisoblanadi.
Ustuvorlikka hisoblash deganda, inshootlarni tashqi yuklar ta’sirida
deformatsiyalangandan keyingi muvozanat holatini saqlash tushuniladi.
Inshootlarni tashqi yuklarga hisoblashda qurilish mexanikasi fani matematika,
fizika, nazariy mexanika, materiallar qarshiligi va elastiklik nazariyasi fanlariga
tayangan holda ish qo‘radi. Qurilish mexanikasini puxta o‘zlashtirishni o‘z oldiga
maqsad qilib qo‘ygan talaba yuqoridagi fanlarni chuqur o‘zlashtirishi lozim.
Demak, qurilish mexanikasining asosiy vazifalaridan
biri – inshootlarda tashqi yuklardan hosil bo‘ladigan ichki
zo‘riqish kuch-lari(MX, QX, NX)ni aniqlashdan iboratdir.
Inshoot va uning elementla-rida tashqi yuklar ta’siridan
hosil bo‘ladigan salqilik, ko‘chish, chekli kuch miqdorini
aniqlash, tebranish amplitudalari va vaqtini aniqlash kabi
masalalar ham qurilish mexanikasining vazifalariga kiradi.
mехаnikаsi
mаtеmаtikа
qurilish
kоnstruksiyalаri
qurilish mаshinаlаri
binоlаr vа injеnеrlik kоnstruksiyalаri
mutахаssis
mоdеli
Qurilish mехаnikаsi fаnining mаsаlаlаri vа uning bоshqа umuminjеnеlik fаnlаri bilаn bоg'liqligi
fizikа nаzаriy
mехаnikа
sistеmаlаr
tаhlili
infоrmаtikа
vа hisоblаsh
tехnikаsi
mаtеriаllаr
qаrshiligi
elаstiklik vа
plаstiklik nаzаriyasi
2. Qurilish mexanikasi fanining masalalari.
Keng ma’noda qurilish mexanikasi quyidagi fanlarni o‘z ichiga oladi:
nazariy mexanika, materiallar qarshiligi, elastiklik nazariyasi, plastiklik
nazariyasi, polzuchest (sirg‘alish) nazariyasi. Tor ma’noda qurilish
mexanikasi, sterjenli sistemalarning qurilish mexanikasi, plastina va
qobiqlar qurilish mexanikasi kabi fanlarni o‘z ichiga oladi.
Materiallar qarshiligi asosan inshoot qismlari yoki elementlari-ning
taqribiy hisoblari bilan shug‘ullanadi. Qurilish mexanikasi (tor ma’noda)
materiallar qarshiligidan farqli ravishda inshootlarning (qismlar va
elementlar majmuasi) taqribiy hisoblari bilan shug‘ullanadi. Elastiklik
nazariyasida esa yuqoridagidan farqli o‘laroq, masalalar qat’iy va aniq
echilishi talab etiladi.
3. Qurilish mexanikasi fanining qisqacha rivojlanish tarixi.
Qurilish mexanikasi fanining dastlabki rivojlanish davrida
mustaqil fan bo‘lmay, umumiy mexanikaning tarkibiy qismlaridan
biri sifatida rivojlangan. Mexanika fanining nazariy asoslari
dastlab qadimgi Yunoniston va Misrda paydo bo‘lgan. Mexanika
so‘zini ilmiy atama sifatida fanga birinchi bo‘lib kiritgan olim,
eramizdan 384-322 yillar ilgari yashab o‘tgan Yunonistonlik
mashhur faylasuf Aristotel (Arastu) hisoblanadi. Mexanikaning
xilma-xil masalalarini hal ztishda qadimgi zamon olimlaridan
Arximed, Geron, Platon, Ptolomey va boshqalarning xizmatlari
benihoya kattadir.
Sharq mamlakatlarida mexanika fani IX asrdan boshlab
rivojlana boshladi. Qadimgi Yunon olimlarining asarlarini ijodiy
o‘rganib, mashhur vatandoshimiz Abu Ali ibn Sino o‘zining
«Donishnoma» asarida yuklarni ko‘taradigan uskunalar haqida
fikrlarni aytadi. Al Xorazmiy «Fanlar kaliti» asarida mexanika
fani to‘g‘risida g‘oyalarni ilgari suradi. SHarqning mashhur
olimlaridan Abu Rayhon Beruniy, Abu Abdulloh al Xorazmiy,
Umar Xayyom, Forobiy va boshqalar mexanika fanining
rivojlanishida munosib hissa qo‘shganlar.
Qurilish mexanikasi fanini rivojlanishiga o‘zbekistonlik olimlardan
akademiklar M. T. O‘rozboev, X. A. Rahmatullin, V. Q. Qobulov, T. R. Rashidov, T.
SH. SHirinqulov va boshqalar o‘zlarining munosib hissalarini qo‘shdilar. Akademik
M. T. O‘rozboev o‘zbek mexaniklarining otasi hisoblanib, inshootlar seysmik
mustahkamligi nazariyasini yaratilishida munosib hissa qo‘shgan va birinchi bo‘lib
o‘zbek tilida nazariy mexanika va materiallar qarshiligi kurslaridan o‘zbek tilida
darslik yaratgan. Akademik X. A. Rahmatullin elastik va elastik-plastik muhitlarda
to‘lqin tarqalishini dinamik nazariyalarini yaratib, Moskva Davlat Universiteti
talabalariga dars bergan. O‘zbekistonda kibernitikaning taraqqiyotiga munosib hissa
qo‘shgan akademik olim V. Q. Qobulov, yaxlit muhitlar mexanikasini algoritmlash,
avtomatik boshqaruv sistemasini yaratishda, inshootlarni hisoblashda EHMdan
foydalanish sohasida samarali ishlar olib borgan. Akademik T. R. Rashidov er osti
inshootlari seysmik mustahkamligi nazariyasini yaratishda ulkan ishlarni amalga
oshirgan. Akademik T. SH. SHirinqulovning zamin va poydevorlar sohasida olib
borgan ilmiy tadqiqot ishlari ko‘p davlatlarda tan olingan.
Ma’ruzani mustaxkamlash uchun savollar.
1. Qurilish mexanikasi fani nimani o‘rganadi?
2. Inshootlarni mustahkamlikka hisoblashdan maqsad nima?
3. Inshootlarni bikrlikka hisoblashdan maqsad nima?
4. Inshootlarni ustuvorlikka hisoblashdan maqsad nima?
5. Inshootlar statikasi va inshootlar dinamikasi deganda nimani tushunasiz?
6. Qanday tashqi yuklarni va ichki zo‘riqish kuchlarini bilasiz?
7. Qurilish mexanikasining fanining asosiy vazifalari nimalardan iborat?
8. Qurilish mexanikasi fani qanday masalalarni o‘rganadi?
9. Qurilish mexanikasi fanini qisqacha rivojlanish tarixini ayting?
10. Qurilish mexanikasi fanini rivojlanishida hissa qo‘shgan o‘zbek
olimlarini ayting?