Upload
others
View
17
Download
0
Embed Size (px)
Citation preview
SONDIKA Hiri-Antolaketako Plan Orokorra
SONDIKAKO UDALA
4. INGURUMEN INPAKTUAREN BATERAKO EBALUAZIOAREN AZTERKETAREN TXOSTEN OSAGARRI
2012 ko urtarrila
AURKIBIDEA
1. TXOSTENAREN HELBURUA ETA JUSTIFIKAZIOA ......................................................... 1
2. BESTE PLAN ETA PROGRAMEKIKO ELKARREKINTZA. ................................................ 2
2.1 Lurraldearen Antolamendurako Artezpideak... ............................................................. 2
2.2. Artxandako Parkearen Antolamendurako Plan Berezia.. ............................................. 2
2.3 Bilboko Aireportuko Plan Zuzentzailea………………………………………………………5
3. KUTSADURA ATMOSFERIKOKO URTEKO SAIOAK…………………………………………7
4. INGURUMEN ARRISKUAK ............................................................................................. 11
5. LANDA-NUKLEOEN INGURUMEN BALORAZIOA .......................................................... 12
6. AURREIKUSITAKO AZPIEGITUREN BALORAZIOA ....................................................... 17
6.1. Asua-Sangroniz bide berria.. .................................................................................... 17
6.2. Enekuri-Larrondo zatian Hirugarren bidea eraikitzeko proiektua .. ............................. 18
6.3. EuskoTren linea berria.............................................................................................. 19
6.4. Asua ibaia bideratzeko proiektua.. ............................................................................ 20
7. SAPUR 3 SEKTOREAN KUTSATUTA EGON DAITEZKEEN LURZORUAK .................... 21
8. LURZORU URBANIZAGARRIEN INGURUMEN BALORAZIOA. ...................................... 23
9. UDALEZ GAINDIKO PROIEKTUEN NEURRI ZUZENTZAILE, BABESLE
ETA KONPENTSATZAILEAK ........................................................................................... 26
10. INGURUMENA ZAINTZEKO PROGRAMA.. .................................................................. 27
1
1. TXOSTENAREN HELBURUA ETA JUSTIFIKAZIOA
Sondikako udalerriko Hiri Antolamendurako Plan Nagusiaren Berrikuspenaren Ingurumen
Inpaktuaren Baterako Ebaluazioaren Azterketaren txosten osagarri honen helburua da aipatu
Berrikuspenari buruzko Ingurumen Inpaktuaren Aurretiko Txostenean eskatzen diren
ingurumen-alderdiak betetzea. Txosten hori, 2006ko apirilaren 16an eman zuen Bizkaiko Foru
Aldundiaren Ingurumen Sailak.
Aipatutako txostenak ondorengo puntuak gehitzea edo sakontzea eskatzen du:
- Beste Plan edo Programekin, hala nola, Bilboko Aireportuko Plan zuzentzailearekin eta
Artxandako Antolamendurako Plan Bereziarekin duen elkarrekintzari buruzko informazioa
barne hartzea.
- Sondikako egoera atmosferikoaren balorazio orokorra, urteroko sailen arabera.
- Landa-nukleoen mugaketaren ingurumen-balorazioa, eta horietan eraikuntza berriak
garatzeko aukera.
- Aurreikusitako azpiegituren eraginen balorazioa, hala nola, Asua-Sangroniz bide berria,
Asua ibaiaren bideratzea, eta Eusko Tren-en linea berria.
- SAPUR 3 sektorean egindako kalifikazioaren aldaketaren (industriala izatetik bizitegietarako
izatea) ingurumen azterketa; baita ere, kutsagarriak izan daitezkeen industri jardueren
aurretiko informazioa gehitzea.
- Lurzoru Urbanizagarrien ingurumen-balorazioa, bereziki barnealdetik joaten den errekaren
gaineko SAPUR 1 lurzoruaren garapena, eta ondoko Eusko Trenen lineak egindako zaratak
izan dezakeen eragina.
- Artxandako Plan Bereziaren Ingurumen Inpaktuaren Baterako Ebaluazio prozeduratik
sortzen diren neurri babesle, zuzentzaile eta konpentsatzaileak, zein aurreikusitako
berariazko antolamendua barne hartzea. Halaber, HAPNn argiaren kutsadura eta herriko
argien gastu energetikoa txikiagotzeko bideratutako neurriak azalduko dira.
- Errepide azpiegiturak gauzatzeko proiektuen berritze eta ingurumen integrazio
aurreikuspenak aintzat hartzea.
- Planaren eraginak gainbegiratzeko programaren barruan eraman beharreko kontrolak
barne hartzea.
Jarraian azaldutako atalek ingurumen arloko alderdiei erantzuten diete, eta era berean,
Hasierako Onespenerako dokumentuan azaltzen diren aldaketa urrien azterketa egiten dute,
batez ere, landa-gune eta ingurumen arriskuen inguruan, azken ikuspegi hau, 2006/02 Legean
agertzen delarik.
2
2. BESTE PLAN ETA PROGRAMEKIKO ELKARREKINTZA
2.1. Lurraldearen Antolamendurako Artezpideak
Ingurumen Inpaktuko Aurretiko Txostenean uholde-arriskuko eremuen definizioaren inguruan
akatsa dagoela onartzen da. Lurralde Antolamendurako Artezpideetan honela jasotzen da
hitzez hitz: uholde-arriskuko eremuak "bere kokapenarengatik, gehienezko ur-etorri
arruntetan, erliebea eta ezaugarri topografikoak, eta uholde-arriskuak dituzten eremuak dira,
Uholdeak Prebenitzeko Plan Integralak ezarritako birgertatze-aldien arabera”.
2.2. Artxandako Parkearen Antolamendurako Plan Berezia
Bizkaiko Foru Aldundiak eremu hori osorik antolatzeko helburuarekin eskatu zuen Artxandako
Plan Berezia idaztea. Dokumentua, 1997an idatzi zen, baina azkenean ez zen garatu, plan
horren kudeaketa-arazoengatik.
Geroago, 2005eko urrian, EstudioK erredaktore-taldeak, Bizkaiko Foru Aldundiak eskatuta,
dokumentua idatzi zuen, Artxandako Parkearen Plan Bereziaren hasiera batean onesteko.
Helburua, Bilbao Metropolitanoko LZPn zehaztutako Artxandako Eskualde Parkearen esparrua
garatzea izan zen, ordenazio zehaztu baten bidez.
Artxandako Plan Bereziaren garapenarekin espazio bat bukatuko da, eta espazio hori ez da
izango bakarrik Bilboko eta Sondikako udalerrien gozamenerako eta aisialdirako; baizik eta
Bilbao Metropolitano osorako ere.
Artxandako Parkea hiri-inguruko parkea da, eta udalez gaineko eremu batekin lotutako eskala
metropolitanoko espazio libreen sistemak ditu. Bere kokapenarengatik, ez da beharrezkoa
hiriguneetatik hurbil egotea, eta bere eragin-eremuaren garrantziarengatik, bere sarbideak
garraio-sistemen azpiegituretan barne hartzea eskatzen dute. Bilbo eta Sondika artean dagoen
Artxandako Parkea, Bilbao Metropolitanoko Lurralde Zati Planean jasota dago (27. Eragiketa
Estrategikoa).
3
Bilbao Metropolitanoko LZPren 27. Eragiketa Estrategikoaren jarduketa-eremua
Hirigintza-dokumentuak espazioaren antolamendurako bilatzen dituen helburuak, eta bere
erabilerek, hierarkikoki maila altuago batean dagoen lurraldearen beste antolamendu planetan
dauden helburu estrategikoekin sartuta daudenek, ondorengo helburuak dituzte:
1. Parkeari irisgarritasun osagarria ematea garraio publikoaren bidez.
2. Aurreikusitako erabilera ezberdinak antolatzen dituen bide-sarea ezartzea.
3. Hegoaldeko hegala Espazio Libreen Sistema Orokorreko eremu gisa zehaztea eta
formalizatzea.
4. Gailurraren ardatz ordenatzailean zerbitzu gune bat definitzea, jolas- eta aisialdi
erabilerekin.
5. Parkean lurraldearen erabilera eta Kontsumo Arduratsuaren erakusgarri diren eremuak
hornitzea.
6. Ingurumen balioen kontserbazioa eta herritarren gozamen eta aisialdirako bokazioa
bateragarri egitea.
7. Funtzio Arlorako garrantzi estrategikoa duten eskualde ekipamendu handiak finkatzen
laguntzea.
8. Dauden ekipamenduak beste motatako jolas hornidurekin osatzea.
9. Plan Bereziaren proposamena gauzatzea.
Helburu horietan eta ingurunearen gaitasun naturaletan oinarrituta, eta metropoliko parke batek
izan behar dituen ezaugarriak kontuan hartuz, Plan Bereziak zenbait proposamen egiten ditu
mugikortasunaren eta azpiegituren, espazio libreen sistemaren eta ekipamendu nahi hirugarren
mailako erabileren inguruan.
4
Jarraian, Artxandako eremuko ordenazio kategorien inguruko dokumentazio kartografikoa
erantsiko da. Eremu hori, LAAetan zehaztutako kategorien arabera banatu da eremutan:
Artxandako lurzoruaren kategorien mapak ondorengo kategorizazioa jasotzen du:
Lurzoruaren Antolamendu kategoriak:
- Gainazaleko Ibilguen babesa
- Basoko Baso Babeslea (natura)
- Basoko Baso Babeslea (Paisaia)
- Larre menditarrak
- Nekazaritza eta abelazkuntza landazabala
- Lorategi urbanizatu bizia
Baldintzatzaile gainjarriak:
- Akuiferoen urrakortasuna
- Higatzeko arriskuak/Hegalen ezegonkortasuna
- Uholde-arriskuak
- Babestutako Natura Espazioak
Plan Berezia egitearekin batera, Artxandako Plan Bereziaren Ingurumen Inpaktuaren Baterako
Ebaluazioa idatzi zen, non Plan Bereziaren eta helburu eta jardueren ingurumen-eragina
posibleak identifikatu eta baloratzen baitira. Halaber, Ingurunea Kontserbatzeko eta Jarraitzeko
Programetan kontu hartu behar diren neurri babesle, zuzentzaile eta konpentsatzaile orokorrak
ezartzen dira. Bukatzeko, ECIA Gainbegiratze Programarekin osatzen da, Plan Bereziaren
Dokumentuan proposatutako jardueren inguruan, eta jarduera horiek eragin dezaketen
ingurumen kalitatea mantenduko dela ziurtatzen da.
5
Artxandako zortasun aeronautikoak
Ekainaren 20ko 1647/1980 Errege Dekretuaren bidez, Bilboko Aireporturako ezarritako
Zortasun Aeronautikoak aldatzen dira (BOE 193, 1980ko abuztuaren 12koa). Bilboko
Aireportuko Plan Zuzentzailean jasotzen diren zortasunak 2001eko uztailaren 17ko Sustapen
Ministerioko Aginduaren bidez onartu ziren (BOE 188, 2001eko abuztuaren 7koa), Zortasun
Aeronautikoen Dekretuaren eta Hegazkintza Zibileko Nazioarteko Erakundearen indarreko
irizpideen arabera.
Zortasun Aeronautikoei dagokienez, Hegazkintza Zibileko Zuzendaritza Zentroak kontrako
iritzia eman dio Artxandako Antolamendurako Plan Bereziari. Plan Bereziaren eremu osoa
Bilboko Aireportuko Legezko Zortasun Aeronautikoko Eremuen barruan dago; hortaz,
Sondikako udalerriko azalera ere hartzen du.
Plan Bereziaren eremuan Barneko Azalera Horizontalak eta Azalera Konikoak eragina dute
nagusiki, eta horiek, lurrak berak urratsen ditu ia osorik.
2.3. Bilboko Aireportuko Plan Zuzentzailea
Bilboko Aireportuko Plan Zuzentzailea agindu bidez onartu zen 2001eko uztailaren 17an.
Horren bidez, aireportuaren antolamendurako eta garapenerako zuzentarau handiak zehazten
dira, aurreikus daitekeen gehienezko hedadura izan arte, eta bere zerbitzu eremua nahiz
aireportua garatzea eta zabaltzea bermatzen duten erreserba-espazioak mugatzen dira.
2007ko maiatzean, Sondikako arau subsidiarioen Berrikuspenaren ECIA dagoeneko idatzita
zegoenean, AENAk (Aeropuertos Españoles y Navegación Aérea) Bilboko Aireportuko
Zarataren Mapa Estrategikoa jakinarazi zion jendeari. Zaratari buruzko azaroaren 17ko 37/2003
Legearen 14. artikulua, eta ingurumen ebaluazioari eta ingurumen kudeaketari dagokienez,
37/2003 Legeak garatzen duen abenduaren 16ko 1513/2005 Errege Dekretuaren 8. artikulua
betetzea da azterketa horren xedea. Azterketa honen bidez, Sondikako udalerriak, eta
zehazkiago, Landako landa-nukleoak, jasan behar duen zarata ebaluatzen da.
Landako landa-nukleoa Sondikako udalerriaren ipar-ekialdean dago, eta hego-ekialdetik
aireportuaren azpiegiturarekin du muga. Nukleo hori, hiru baserrik eta familia bakarreko hiru
etxebizitzak osatzen dute, eta lurrak, gehienbat, lorategi gisa erabiltzen dira. Hala ere, ortu
txikiak eta larreak ere badaude, non ardiek bazkatzen baitute.
6
Landako landa-nukleoaz gain, aireportuko hegoaldean, industrialdeen artean sortzen diren hiri-
nukleoak biltzen dira. Basozabalgo (Sondika) biztanle-entitatearen egoitza-erabilera duten
eraikuntzek, egunez, 60 dB(A)-ko soinu maila bakarrik izan dezakete. Soinuaren ikuspegitik ez
da egin bereziki sentikorrak diren horniduren inbentarioa.
Zarataren mapa estrategikoan azaldutako balorazioak aintzat harturik, non soinu mailen eta
aireportutik hurbil bizi diren biztanleek jasan behar duten soinuen mailaren emaitzak aztertzen
baitira, Landako landa-nukleoa eta Basozabalgo auzoa 55-60 dB(A) arteko soinu-mailara aurre
egin behar diote egunez; hortaz, ez dute soinu-eragin handirik.
Bestalde, Bilboko Aireportuak 2004 zuen hots-hatza oinarri harturik, Landako landa-nukleoa 60
eta 65 arteko dB dezibelio tartearen barruan dago egunez. Gauez, aldiz, zarata mailak 50 eta
55 dB artean daude.
Bilboko aireportuak ez du Soinu Isolamendu Planik, baina, gaur egun, zaratak arintzeko zenbait
prozedura ezarrita ditu, Bilboko aireportuari buruzko “Informazio Aeronautikoari buruzko
argitalpena”ren atalean jasotzen direnak. Hartutako neurrien artean, nabarmendu behar da
motorren probak ezin direla egin erralenti baino handiagoak diren erregimenetan, aurretik
aireportuaren baimenik ez badago, ezta 00:00ak eta 06:00ak artean ere.
Kontuan hartu behar da Bilboko Aireportuko zarataren Mapa Estrategikoa ez dagoela behin
betiko onartuta, eta jendaurrean erakusgai dagoela. Gaur egun, Ingurumen Inpaktuko Azterketa
idazten ari da, eta ziurrenik horren ondorioz Ingurumen Inpaktuko deklarazioa egingo da, non
Soinu Isolamendu Plan bat gauzatzea barne hartuko baita.
Nolanahi ere, Bilbao Metropolitanoko Lurralde Planak zenbait irizpide ezartzen ditu betetzeko
aukerarik ez duten lurzoruak definitzeko. Horien arabera, finkatzeen proposamen berrietatik
kanpo geratuko dira "aireportuaren kutsadura akustikoak eragindako eremuak, non zarata
maila ezin izango baita izan 60dB baino handiagoa. Bestalde, egoitza-eremu berriak kanpo
uzten dira".
7
3. KUTSADURA ATMOSFERIKOKO URTEKO SAIOAK
Jarraian, Sondikako kutsadura atmosferikoaren azterketa aurkezten da, urteko sainen arabera;
izan ere, Sondikako Arau Subsidiarioen Berrikuspenaren Ingurumen Inpaktuko Baterako
Ebaluazioak jasotzen duen Ingurune Fisikoaren Azterketan, ekaineko egun eta aste bati
buruzko datuak bakarrik ematen baitira.
Urriaren 18ko 1073/2002 Errege Dekretuaren bidez ”mugako balioak” eta “alerta atariak”
ezartzen dira, ondorengo kontzentrazioen aldean: sufre dioxidoa (SO2), nitrogeno dioxidoa
(NO2), partikulak (PM10), beruna (Pb), bentzeno eta karbono monoxidoa (CO) giro-airean.
Bestalde, substantzia horren aurrean airearen kalitatearen ebaluazioa, mantentzea eta
hobekuntza erregulatzen dira. Halaber, biztanleei eta Europako Batzordeari airearen kalitateari
buruzko informazioa eman behar zaio, giza osasunean eta ingurumenean araututako
substantzien eragin kaltegarriak saihesteko, prebenitzeko eta murrizteko helburuarekin.
Derioko estazio meteorologikoan jasotako datuen arabera, haizeen norabide nagusia azken
bost urtetan ekialdekoa izan da, eta batez besteko abiadura 6,38 Km./h-koa izan da.
Eusko Jaurlaritzako Lurralde Antolamendu eta Ingurumen Sailak, airearen kalitatea Zaintzeko
Sarea du 11 eremutan. Sondika, kontrolatzen eta zaintzen duten 24 estazio funtzionatzen ari
diren Behe Nerbioiko eremuan dago. Sondikako udalerriak Sangronizen du estazio bat
(Iturrikosolo z.g.), eta bere koordenatuak hauek dira:
ESTAZIOA LATITUDEA (Iparraldea)
LONGITUDEA (Mendebaldea)
(Balio
negatiboa)
ESTAZIOAREN OINARRIAREN
ALTITUDEA
DORRE METEOROLOGIKOAREN
ALTITUDEA UTM-ZONA Easting(X) Northing(Y)
Sangroniz 43º17'54'' 2º55'50´´ 21 31 30N 505655,6 4794034,2
Iturria: Eusko Jaurlaritza
Ingurune Fisikoaren Azterketan islatzen zen moduan, airearen kalitatearen indizea baloratzeko,
sei balio tarte biltzen dira, eta bakoitzari kolore bereizgarria egokitu zaio. 2007. urterako, taula
honen araberakoa izango da:
8
KOLOREA Airearen
kalitatearen deskribapena
NO2 PM10 SO2 CO O3
Ona 0-115 0-25 0.62.5 0-5000 0-90
Onargarria 115-230 25.1-50 62.6-125 5001-10000 90.1-160
Oso ona 230.1-276 50.1-65 125.5-146 10001-14000 160.1-180
Txarra 276.1-360 65.1-82.5 146.1-187.5 14001-18000 180.1-270
Oso txarra 360.1-699 82.6-138 187.6-250 18001-24000 270.1-360
Arriskutsua >700 >138 >250 >24000 >360
Iturria: Eusko Jaurlaritza
SONDIKAREN EGOERAREN AZTERKETA ETA JOERAK
Eusko Jaurlaritzak jasotako kutsadura atmosferikoaren eguneroko datuen arabera, Sangronizko
estazioan 2002, 2003, 2004, 2005 eta 2006. urteetan erregistratutako NO2, SO2, CO, O3 eta
PM10 kutsatzaileak aztertu dira. Kontuan hartu behar da aipatu urteetako kutsadura
atmosferikoaren urteko sainen azterketa egiteko aurretik erakutsitako taula hartu dela
oinarritzat. Halaber, aintzat hartu behar da ez dela egon PM10 kutsatzailearen neurketarik 2004.
urtera arte; hortaz, ez dago aurreko urtetako daturik.
Eusko Jaurlaritzan dagoen datu-baseak ordu oro ematen du kutsatzaileen balioei buruzko
informazioa, urte osoan. Balio horien guztien azterketa egin da, eta egunean behin gutxienez
airearen kalitate txarraren ataria gainditu den bakoitzean seinalatu da.
Jarraian, eta behin osagai guztien azterketa zehaztua eginda, Sangronizko (Sondika)
estazioaren daturik adierazgarrienak erakutsiko dira.
Airearen kalitatea PM10 kutsatzailearengatik xarra, oso txarra eta arriskutsua izan den egun
kopurua
PM10 2004 2005 2006
Txarra (65.1-82.5) 36 32 60
Oso txarra (82.6-138) 28 20 35
Arriskutsua (>138) 8 3 7
Egunak guztira 72 55 102
Iturria: Eusko Jaurlaritzaren Zaintza Sarea. Norberak egindakoa.
9
PM 10
0
20
40
60
80
100
120
2004 2005 2006
urtea
nº
día
s Peligrosa (>138)
Muy mala (82.6-138)
Mala (65.1-82.5)
Iturria: Eusko Jaurlaritzaren Zaintza Sarea. Norberak egindakoa.
Azken hiru urtetan jasotako datuek erakusten dute materia partikulatua airearen kalitate oso
onaren tartea aldirik gehien gainditzen duen konposatua dela. 2004. urtean, bi urte igaro eta
gero mugak gainditu gabe agertzen da, eta balioak airearen kalitate txarra, oso txarra eta
arriskutsuaren tartean daude. Aurten, PM10 –en gehienezko balioa 298 g/m3
arte heldu da,
martxoaren 12an.
2005. urtean, balioek behera egin zuten, eta airearen kalitatea txarra, oso txarra eta arriskutsua
artean egon zen. hala ere, hirutan, 150 eta 151 g/m3
mailara heldu zen (ekainaren 22an,
azaroaren 21ean eta abenduaren 21ean), airearen kalitate arriskutsuarekin.
2006an, nabarmen handitu zen PM10 kutsatzailearengatik airearen kalitate txarra egon zen egun
kopurua, izan ere, ia bikoiztu zen (60 egun).
Ozono igorpenengatik airearen kalitatea txarra izan zen egun kopurua
Sangronizko estazioan azken 5 urtetako Ozonoa aztertzen badugu, konposatu hau bakarrik
bitan heldu da airearen kalitate txarraren atarira, 2004. urtean (ekainaren 21ean eta abuztuaren
4an).
O3 2003
Txarra (180,1-270) 2
Iturria: Norberak egindakoa.
10
ONDORIOAK
o Sufre dioxido (SO2), nitrogeno dioxido (NO2) karbono monoxido (CO)
kontzentrazioek ez dituzte gainditu azken bost urtetan airearen kalitatea
deskribatzeko alerta atariak.
o O3 kontzentrazioak bi aldiz heldu dira airearen kalitate txarreko atarira 2003.
urtean.
o Materia partikulatuaren datuei dagokienez, azken hiru urtetan egun ugaritan
egon da airearen kalitate txarra, oso txarra eta arriskutsua.
Kutsadura atmosferikoaren problematikak garrantzi handia du Sondika bezalako udalerrietan;
izan ere, jarduera kutsagarriak egiten dituzten industria ugari biltzen baitira. Gainera, biztanleen
kontzentrazioaren ondorioz isurpen garrantzitsuak egiten dira, berokuntzarengatik eta ibilgailu
motordunen trafikoarengatik.
Egoera horren aurrean, Sondikako Hiri Antolamendurako Plan Nagusiaren Berrikuspenean
industri jarduera gehiagotarako lurzorua ez handitzeko proposamenari oso egokia deritzogu.
Udalerriaren arazo atmosferikoari aurre egiteko, eta 1073/2002 Errege Dekretua betez,
Ingurumen Saila jarduera-planak garatzen ari da airearen kalitatea hobetzeko. Sondika, Behe
Nerbioiko eremu geografikorako egindako Ekintza Planaren barruan dago,
11
4. INGURUMEN ARRISKUAK
105/2008 Dekretuaren arabera, ekainaren 3koa, Lurzoruari eta Hirigintzari buruzko ekainaren
30eko 2/2006 Legea garatzen duten premiazko neurriei buruzkoa, antolatua izango den
eremuan aurkez daitezkeen ingurumen arriskuei buruzko informazioa eransten da. Informazio
hau ez zen aurretiaz idatzitako Ingurumenaren Gaineko Eraginaren Baterako Ebaluazio
Prozeduran agertzen (2006).
Sute arriskua baxua da, hirigueneetan batez ere baina baita udalerriaren azalera gehienean
ere. Aldiz, Artxandako magalaren gehiengoan arriskua altua da bertan aurkitzen den landaredia
oparoa dela eta, batez ere baso landaketak.
Arrisku sismikoari dagokionez, EAE-a IV eta VI intentsitate mailen arteko eremuan aurkitzen da.
Sondikako eremua konkretuki V intentsitateko gunean dago kokatuta. Arrisku sismiko baxua
izanagatik ere, eraikuntza berrietan Eraikuntzen Sismoerresistentzia Arautegia kontuan hartzea
askatzen da. Arautegi hau irailaren 27ko, 997/2002 Errege Dekretuaren bidez onartu zen.
12
5. LANDA-NUKLEOEN INGURUMEN BALORAZIOA
Lurzoruari eta Hirigintzari buruzko ekainaren 30eko 2/2006 Legeko 29. artikuluaren arabera eta
lege honetan ezarritakoetarako, landa-gunea hau izango da: “6tik 25era arteko baserri-multzoa,
izaera ematen dion eremu publiko baten inguruan bildua.
Hasierako Onespenerako dokumentuan adierazitakoaren arabera, Sondikako udalerriko landa-
guneak seitik laura pasatu dira. 84.665 m2-ko azalera osoa dute, ondorengo nukleoak
mantendu direlarik:
NR – Landa 17.240 m2
NR – Enekone 19.818 m2
NR – Ola 13.675 m2
NR – Aresti 33.932 m2
Aurrerakin dakumentuan proposatutako Sagurti landa-gune berria desagertu egin da
proposamen berrian. Berdin gertatzen da Goronda eta Berreteaga landa-guneekin, hiri
lurzoruaren parte bilakatzen direlarik.
Ingurumenaren ikuspegitik, birkalifikazio honek ez dauka aipatzeko moduko eraginik, izan ere,
eremu hauek egun hiri lurzoruaren ezaugarri berberak bait dituzte.
Bestalde, landa-gune moduan hasieran proposatutako azaleraren murrizpenak ingurumenaren
gainean eragin positibo batzuk izan ditzazke, hala nola, biodibertsitatearen mantenuan,
paisaian eta nekazal lurzoruaren kontserbazioan, batik bat, lurraldearen okupazioa mugatu
egingo delako.
Jarraian, Sondikan mantendutako lau landa-nukleoen azaleko ingurumen-balorazioa egingo
da. Hartarako, kokatuta dauden ingurua eta eraikuntza berriek izan ditzaketen eragina
aztertuko da.
13
NR LANDA
Landako landa-nukleoa Sondikako udalerriaren ipar-ekialdean dago, Loiuko udalerriaren
mugan, eta hego-ekialdetik aireportuaren azpiegiturekin du muga. Landa-nukleo honen
azalera 17.240 m2-koa da, eta erabilera partikularretarako entitate txikiagoko 7 egoitza-eraikin
daude.
Geologikoki landa-nukleoa marga, lutita eta margokareharrien isolatutako mailez beteriko
lurraren gainean daude. Iragazkortasun baxua du figurazioarengatik; hortaz, akuiferoak
kutsatze arriskua oso baxua da. Lurzoru alubial eutriko baten gainean kokatuta dago, eta
erabilera-gaitasun oso handia du. Horren ondorioz, nekazaritzako paisaia du landa-nukleo
honek, non larreak eta laborantza atlantikoak nagusitzen baitira.
Landa-nukleoa kota nabarmenera dago hirigunetik, eta horri esker Loiu, Erandio eta
Artxandako udalerrien ikuspegi zabala du. Bestalde, udalerri honetan dagoen ingurumen
problematikaren arrazoia da aireportuko azpiegiturak hurbil dituela; hortaz, paisaia kalitate
baxua du, antenak, kableak, argitarako dorreak eta bestelakoak dituelako.
Nukleoaren aireportuko zortasun aeronautikoen barruko kokapena alde batera utzita,
lasaitasuna dagoen ingurua da, ez dago trafiko handiko errepiderik, korridoretik hurbil dauden
beste landa-nukleotan gertatzen den moduan.
Eraikuntza berria izan lezaketen partzelen lehen hurbilketa honetan, horietako batzuk Balio
Estrategiko Handiko Nekazaritza eta Abeltzaintzako lurzoruaren gainean kokatuta daude
Nekazaritza eta Basozaintzako Lurralde Arloko Planaren arabera, oraindik behin betiko onartu
gabe dagoena. 2004ko hots-hatzaren maparen bereizmen mailak ez du uzten ikustea zein
eremu dagoen barruan eta zein ez; hortaz, geroago zehaztasunez definitu beharko da.
Halaber, AENAk 2004. urtean Bilboko Aireporturako egindako hots-hatza kontuan hartuko da,
non Landako landa-nukleoa egunez 60 - 65 dB (A) dezibelio tartean, eta gauez, 50 - 55 dB (A)
dezibelio tartean kokatuta baitago.
14
NR ENEKONE
Sondikako landa-nukleorik txikiena da (19.818 m2), eta Sangroniz industrialdearen hego-
ekialdean dago kokatuta. Sarbide nagusia “Sangroniz bidean" dago.
Landa-nukleo honen paisaiak ez du berez landatarra den itxurarik; izan ere, Sangroniz
industrialdearen ondoan dago, eta etxebizitzek eraikuntza-tipologia ezberdina dute. Hala, 8
egoitza-eraikin daude guztira.
Landa-nukleo hau, non egoitza-eraikin berririk proposatzen ez baita, famili baratze txikiez
inguratuta dago, fruta-arbolekin eta zelaiekin.
Landa-nukleoa %5 eta %20 arteko malda aldakorrak dituzten lurzoruetan dago. Bereizi
gabeko harri bolkanikoez osatuta daude, eta Asua ibaia hurbil duenez, alubioi-metaketak eta
kolubialak ere ugariak dira. Malda handiaz gain, nukleo honen ezaugarri aipagarrienetako bat
da ibaia hurbil duela, eta bere azaleraren zati bat EAEko Ibaien eta Erreken Ertzen
Antolamendurako LAPek ezarritako 500 urteko uholde-orbanaren barruan dago.
Asua ibaia, Sangroniz industrialdetik eta Enekone Landa Nukleotik igarotzean
15
NR OLA
Olako landa-nukleoa Julio Artetxe urbanizazioaren iparraldean kokatuta dago, eta 13.675 m2-
ko azalera du.
Landa-nukleo honen ezaugarri nagusiena da Asua ibaitik eta Errota errekatik hurbil dagoela.
Ingurune fisikoaren ezaugarriak, eta izan dezakeen hirigintza-garapena mugatuta daude,
alubioi-metaketez eta kolubialez osatutako lurzoruen gainean daudela, iragazkortasun
ertainarekin, porositatearengatik. EAEko Ibaien eta Ertzen Antolamendurako LAPen arabera,
landa-nukleoaren azalera osoa uholde-orbainetako baten barruan dago.
Landa-nukleoa osatzen duen etxebizitza multzoa lur pribatuez inguratuta dago, eta gehienak
lorategiak edo baratzeak dituzte, non etxebizitza tipologia ezberdina baitago: bi familiako
etxebizitzak, hiru solairukoak, etab.
Landa-nukleo honetan ez da proposatzeko lurzoru berririk etxebizitzak garatzeko, urez
betetzeko eta uholde arriskua duen lurzorua delako.
Asua ibaia
16
NR ARESTI
Sondikako azalerarik handiena duen bigarren landa-nukleoa da (33.932 m2), eta udalerriaren
hego-mendebaldean dago. Hegoaldetik Asua ibaiak mugatzen du.
Dauden 15 etxebizitzak %10 eta %20 arteko malda duten lurzoruetan kokatu daude, eta
geologikoki, bereizi gabeko harri bolkanikoez osatuta dago: hareharri silizioak eta lutita
karedun beltzak. Lurzoru mota kanbisol eutrikoa da, eta erabilera handiko ahalmena du.
Proposatutako lurzoru berriak eraikitzeko baldintzak aldekoak dira, eta ez dago arazo
geoteknikorik.
Eraikuntza berriak eraiki daitezkeen lursailak nekazaritza-paisaia batean kokatuta daude, eta
larreak eta belardiak nagusi dira. Hala ere, lorategi pribatu gisa eta nekazaritza-ustiategi gisa
erabilitako lurrak ere badaude.
Baserria, Arestiko landa-nukleoan
17
6. AURREIKUSITAKO AZPIEGITUREN BALORAZIOA
6.1. Asua-Sangroniz bide berria
Sangroniz-Asua errepidea eraikitzeko proiektuaren helburua da BI-3704 (Asua-Bilbo)
errepidean trafikoa arintzea; izan ere, industri eremutatik eta aireportutik hurbil dagoenez trafiko
ugari duelako. Eraikiko den errepidearen ibilbideak Sondika, Erandio, Loiu eta Bilboko
udalerriak zeharkatzen ditu; hala ere, Sondikatik igarotzen da biderik luzeena.
Proiektuarekin batera, dagokion Ingurumen Inpaktuko Azterketa (EIA) idatzi zen. Azterketa
horretan adierazten zen proiektu honen eragin-eremua erabat antropizatua dagoela, eta
erriberak industriarako eraikuntzez beterik zeudela. Azterketan ingurumen-eraginak ere
identifikatzen ziren, eta neurri zuzentzaileen programa nahiz eraginak txikiagotzeko zaintza
programa ezartzen ziren.
Errepidearen paisaia berreskuratzeko eta integratzeko, antolamendu ekologiko, estetiko eta
paisajistikoko proiektua idatzi zen (berriz landatzeko eta berritzeko), EIAren ekologia eta paisaia
aztertzetik sortutako zuzentarauen arabera. Azkenik, neurri zuzentzaile eta babesleen inguruan
xedatutakoa osatu zen.
2001eko urtarrilaren 9ko 99. Foru Aginduaren bidez (029 Bizkaiko Aldizkari Ofizialean), “Asua-
Sangroniz errepidea eraikitzeko proiektua”ren Ingurumen Inpaktuko Deklarazioa egitea ebatzi
zen; hortaz, dokumentu horretan deskribatutako neurriak hartu beharko dira.
18
6.2. Enekuri-Larrondo zatian Hirugarren bidea eraikitzeko proiektua
Proiektuaren xedea da Txorierriko autobidean hirugarren bidea eraikitzea, Enekuri eta Larrondo
loturen artean. Irtenbide honekin, asmoa da bide horren ahalmena handitzea, eta A-8ren
ordezko aukera izatea Kantabria eta Gipuzkoa artean ibiltzen den trafikorako; baita ere, Bilboko
ingurabideko iparraldeko bidea izatea.
Txorierriko autopista uniformea da: bi bide ditu noranzko bakoitzeko; kanpoko bazterbideak bi
metro eta erdikoak dira eta barrukoak metro batekoak; bi metro eta lau metro arteko zabalera
aldakorreko erdibitzailea du. Ibilgailu motelentzako bide gehigarria dagoen tarteetan, hiru
metroko zabalera du. Proiektu horrekin, xedea da noranzko bakoitzean hiru bide egotea,
barrutik metro bateko zabalera eta kanpotik metro eta erdikoa duten bazterbideekin.
Dagoen galtzadaren egokitzapena eta zabaltzea denez, eta proiektua idatzi zenean indarrean
zegoen legeriaren arabera, proiektu horrek ez zuen izan Ingurumen Inpaktuko Banakako
Ebaluaziorik, ezta Ebaluazio Sinplifikaturik ere.
Nahiz eta proiektuak Ingurumen Inpaktuko Azterketarik ez izan, normalean Ingurumen
Inpaktuko Azterketetan erabilitako metodologiari jarraiki egin den Azterketa batean jasotako
ingurune fisikoaren zenbait alderdi kontuan hartu ziren. Azterketak definitzen du inpaktu
negatiboen izaera oro har obren burutze arduratsuaren bidez kontrola daitekeela, bidearen
funtzionamenduak egon daitezkeen inpaktuen intentsitatea gaindituz. Azterketa neurri
zuzentzaile egokiekin eta dagokion Ingurumen Jarraipen Programarekin, inguruan sor
daitekeen ingurumen eragina kontrolatuko duena.
Bukatzeko, ingurumen justifikazioaren barruan nabarmendu behar da obrak egiteko ez zela
egin behar izan desjabetzerik; izan ere, jabari publikoaren zatiak nahiko zabalera baitu obra
guztiak bere barruan sartzeko, behin-behinean edo betiko beste lekurik bete behar izan gabe.
19
6.3. EuskoTren linea berria
ECIAren “Epe ertain eta laburrera aurreikusitako jardueren" 10. planoan irudikatutako
Euskotren-en linea berriaren kasuan, udalez gaindiko EAEko Trenbide Sarearen Lurraldearen
Arloko Planak, proposatutako garapen berrien prozedura jasotzen duela ulertzen da, dagokion
jarduera eta obren jarraipena egiteko planarekin.
Trenbidearen LAP 2001eko otsailean onartu zuten. Otsailaren 22ko 34/2005 Dekretu bidez,
Bilbao Metropolitanoko trenbidearen antolamenduaren aldaketa behin betiko onartu zuten. Udal
antolamenduari dagokionez, EuskoTrenek proposatutako etorkizuneko linea berriarekin
mugakide diren Sondikako hirigintza-garapen berriek eskatutako gutxieneko zortasun
distantziak errespetatzen dituzte.
Halaber, Eusko Trenen etorkizuneko linea berriarekin zenbait neurri zuzentzaile eta babesle
ezarri behar dira, soinu-inpaktua txikiagotzeko. Trenbide-azpiegitura berriko proiektuak
Ingurumen Inpaktuko Ebaluazio prozeduran barne hartzen dira; hortaz, trenbide berria
eraikitzearen eta abian jartzearen ondorioz sor daitezkeen soinu egoera gatazkatsuak
antzemango dira.
Soinu inpaktuaren eragozpenaren aurrean, prebentzio-neurriak linea berriaren Eraikuntza
Proiektuan diseinatu, baloratu eta barne hartu behar dira. Zarataren aurkako prozedura eta
neurri batzuk honakoak izan daitezke:
- Linea berriaren ibilbidearen korridorearen plangintza egokia egitea
- Trenbidearen plataformaren azpian elementu xurgatzaileak erabiltzea
- Pantaila akustikoak jartzea
- Ibilbide berritik hurbil dauden eraikuntzetan kristal bikoitza jartzea
- Ibilbidearen zehar zuhaitzak landatzea soinu-eragozpena arintzeko
- Espazio arazoa ez dagoen lekuetan, bidearen ertzetan lur-kabailoiak erabiltzea
(soinu eragozpena txikiagotzen du eta soberan dagoen materiala kudeatzen da)
- Bestalde, soinu-inpaktua txikiagotu dezakeen ezponda bat dago.
20
6.4. Asua ibaia bideratzeko proiektua
Asua ibaia bideratzeko proiektuaren bidez asmoa da funtzio hidraulikoa eta Asua ibaiaren
beheko tarteen eta Lauros eta Aransotegi erreken (Erandio, Sondika eta Loiu udalerrietan),
husteko gaitasuna hobetzea Asua ibaiaren beheko tarteetan eta Lauros eta Aransotegi
erreketan, Erandio, Sondika eta Loiuko udalerrietan. Proiektuaren xedea da uholdeek
eragindako kalte posibleak saihestea. Hala, bide eta saneamendu azpiegitura garrantzitsuak
ezartzeari mesede egingo zaio zeharka.
Asua ibaiaren beheko tartean proposatutako bideratzeak 3.740 metroko luzera osoa du, eta,
horietatik, 2.387 metro Asua ibaiaren bideratzeari dagozkio, eta gainerako 1.353 metroak,
Lauros ibaiaren eta Aransotegi ibaiadarraren bideratzeari.
Sondikako udalerria Asua ibaiak zeharkatzen du, eta bere bideratzea Pryca-ko zubian hasi eta
Lavanderías Jaso eraikinean bukatzen da, Sangroniz presatik gora. Sondikako hirigintza-
arautegian, Asua ibaia bideratzeko beharrezkoak diren lurrak aurreikusita daude, ibilguaren bi
aldeetan jarritako bi banden bidez.
Asua ibaia bideratzeko proiektuaren Ingurumen Inpaktuko Azterketaren arabera, Proiektua
gauzatu aurretik, sedimentuen eta kutsatutako lurzoruen karakterizazioa eta kudeaketa
konponduta geratu behar da. Hala, indarrean dagoen legean betetzeko proiektu osagarri bat
egingo da. Aintzat hartu den beste alderdi bat izan da Sangronizko Harrizko Zubia
kontserbatzea (Sondikan). Katalogatu gabeko zubi hori, aurreikusitako bideratzera egokitzen
da, ibilguaren portaera hidraulikoan eragin kaltegarririk izan gabe.
Halaber, nabarmendu behar da aurretik aipatutako Asua-Sangroniz errepidea eraikitzeko
proiektuak, Asua ibaiaren gainean zubi bat eraikitzea barne hartzen duela. Zubi hori ez bada
eraikitzen, ibaiaren ezkerraldean kokatuta dauden enpresetarako sarbiderik ez da egongo, eta
EIAn adierazitako inpaktuen kalifikazioa ez da baliozkoa izango.
EIA, Proiektuaren Dokumentuetan obra-unitate gisa nahiz ingurunea babesteko eta baldintzak
hobetzeko agindu orokor gisa, zein horiek ezartzeko edo obra-unitate zehatzak definitzeko eta
gauzatzeko agindu berezi gisa barne hartu behar diren prebentzio neurriei eta aldaketen
zuzenketari buruzko kapitulu batekin osatzen da. Nabarmendu behar da ertzak egokitzeko eta
berriz landatzeko neurrien diseinua, proiektua bere ingurunean sartzeko, eta baita Ingurumena
Zaintzeko Programa ere. Halaber, Proiektua gauzatu aurretik edo obretan zehar bete
beharreko ingurumen baldintzen zerrenda bat barne hartzen da.
21
7. SAPUR 3 SEKTOREAN KUTSATUTA EGON DAITEZKEEN LURZORUAK
SAPUR-3 sektoreak IHOBEk egindako “EAEko lurzorua kutsa dezaketen jarduerak dituzten
lekuen inbentarioan” jasotako partzela du, industri lurzoruan barruan baitago. Partzela hori,
lurzoruaren kutsadura prebenitzeko eta zuzentzeko otsailaren 4ko 1/2005 Legean xedatutako
prozeduran barne hartu beharko da, eta egoitza-erabilerako kalifikaziora aldatzea aurreikusita
dagoen partzela da.
EAEko lurzorua kutsa dezaketen jarduerak dituzten lekuen inbentarioaren arabera, sektore
horretan garatzen diren jarduerak, ondorengo taulan agertzen direnak dira:
Lekuaren kodea Lekuaren izena Leku mota Azalera
(m2) Jardueraren izena EJSN
48904-00034 Hierros Vizcaya-Rosmil Industrial Ind. 2883 Hierros Vizcaya 28.753
48904-00034 Hierros Vizcaya-Rosmil Industrial Ind. 2883 Rosmil Industrial S.A. 28.740
48904-00034 Hierros Vizcaya-Rosmil Industrial Ind. 2883 Areman, S.A. 28.520
EAEko lurzorua kutsa dezaketen jarduerak dituzten lekuen inbentarioa.
SA^PUR-3 sektorean, jarduerarik ezeko lekuak nagusi dira, kutsa dezakeen jardueraren bat
izan duten, eta une honetan jarduerarik ez duten hiru industria baitaude. Jarduerarik gabeko
industri horietan, jarduera bukatu duten arren, eraikuntzak mantentzen dira, eta beren egoera
ikusita berriz erabil daitezke.
Ekonomia Jardueren Sailkapen Nazionaleko kodearen bidez (EJSN-93), sozietate ezberdinak
identifikatu eta sailka daitezke, egiten duten ekonomia-jardueraren arabera, eta jarduera
bakoitzaren maila zehatzago bat deszifra daiteke.
Hierros Vizcaya (EJSN 28.753), produktu metaliko ezberdinak fabrikatzen dituzten
manufaktura-industriak:
- bulegorako gai metaliko txikien fabrikazioa (klipak, bulegoko grapak, etab.)
- itsasontzien helize eta ainguren fabrikazioa.
- arma zurien fabrikazioa: Labanak, matxeteak, ezpatak, baionetak, etab.
- ohiko metalezko gai ezberdinen fabrikazioa: segurtasun-arnes metalikoak, itxigailuak,
belarriak, krisketak, plaka adierazleak, estatuatxoak, kirol arloko garaikurrak, markoak,
etab.
22
Rosmil Industrial, S.A. (EJSN 28.740), honako hauek fabrikatzen adituak diren manufaktura-
industriak:
- hariztatu gabeko produktuak: Zirrindolak, errematxeak, iltzeak eta antzekoak
- Torlojuak: Bernoak, torlojuak, azkoinak (hariztatutako iltzeak barne)
- Malgukiak: Baleztak, malguki helikoidalak, bihurdura-barrak, malguki orriak
- Kateak, transmisio metalikoko kateak izan ezik
Rosmil Industrial 1976an sortu zen, Arrigorriaga, 300 m2-ko lokal txiki batean. 1984an, handik
hurbil zegoen 600 m2ko lokal batera aldatu zen. Eta 1992an Sondikan kokatu zen 1000 m
2-ko
nabe batean.
Areman, S.A. (EJSN 28.520), hirugarrenen konturako ingeniaritza mekaniko orokorreko
manufaktura-industriakoa da. Besteak beste, honakoak barne hartzen ditu landutako pieza
metalikoetan: zulatzea, torneatzea, fresatzea, korrosioa, erraustea, leuntzea, ziztatzea, lautzea,
zerratzea, esmerilatzea, zorroztea, soldatzea, lotzea, eta abar.
Ingurumen Inpaktuko Baterako Ebaluazio Azterketan egoera horren berri badute; hortaz,
honakoa xedatzen da:
“Kutsatutako lurzoruei dagokienez, S3 Sektoreko hirigintza-fitxan barne hartuko dira "Lurzorua
Kutsa dezaketen Jarduerak dituzten Lekuen Inbentarioaren" berariazko datuak, eta lurzoruaren
kalitatea ikertzeko beharra zehaztuko da, lurzoruaren kutsadura prebenitzeko eta zuzentzeko
otsailaren 4ko 1/2005 Legeak ezartzen duen arabera".
23
8. LURZORU URBANIZAGARRIEN INGURUMEN BALORAZIOA
Uragentziak erraztutako uholde arriskuen kartografia aintzat hartuta, hurrengo irudian ikus
daiteke garapen berrirako proposatutako lurzoruen artean bat ere ez dela sartzen Asuako
uholde-arriskuko eremuan (itzulera-aldi ezberdinetan).
Iturria: Norberak egindakoa.
Informazio horretatik abiatuta, ondorioztatu daiteke Hiri Antolamendurako Plan Nagusiaren
Aurrerapen dokumentuan garapen berrietarako proposatutako lurzoruak (gorriz eta gurutzatuak
agertzen direnak) ez direla kokatzen uholde-arriskuko eremuetan; S1 eta S7 mugakide dira,
baina ez dute arriskurik.
S5 eta S6ri dagokienez, S4rekin batera indarrean dauden arau subsidiarioetatik datorren
Lurzoru Urbanizagarriko sektoreak direnak (batzuk dagoeneko onartuta, eta beste batzuk
gauzatzen ari direnak), Hiri Antolamendurako Plan Nagusiaren Berrikuspenaren ECIA
azterketak gaur egungo Berrikuspenaren Aurrerapen dokumentuan proposatutako hirigintza
zehazpenak besterik ez ditu baloratzen.
24
Arau Subsidiarioen Berrikuspenak Lurzoru Urbanizagarri gisa aurreikusitako SAPUR 1
lurzoruari dagokionez, erreka bat igarotzen da, baina haren eragina ez da kontuan hartu
Ingurumen Inpaktuko Baterako Ebaluazio Azterketan. 1. mailako erreka da, eta Ingurune
Fisikoaren Azterketaren 10. mapan adierazita agertzen da. Erreka hori SAPUR 1 sektorearen
mendebaldeko zatitik igarotzen da, hurrengo irudian ikus daitekeen moduan (gorriz):
SAPUR 1
SAPUR 1 izango litzatekeen lurzorutik igarotzen den errekak, ertzetan bertako landaretzaren
hondar gutxi ditu, eta horiek kontserbatu beharko dira (haltzak eta zumeak), leku horretan
etorkizunean egiten diren obrek errespetatu beharko dituzte, nahiz eta errekan landaretza
nagusia sasitza izan. Gainerako sektorean, funtsean, espezie aloktonoak dira nagusi, hala nola,
Cortaderia selloana eta kanaberadiak.
Etorkizunean egon daitezkeen obren aurrean errekarako har daitekeen neurri zuzentzaile gisa,
egokia izango litzateke errekaren ertzetan dauden espezie inbaditzaileak kentzea ezartzea,
kanaberak oso hedatuak daudelako. Gainera, SAPUR 1 lurzoruan, indarrean dagoen Uren
Legean aipatutako 5 metroko zortasuna errespetatuko da.
Bestalde, nabarmendu behar da sektore honetako etorkizuneko hirigintza-garapena ezin dela
sartu EuskoTren lineak mugatutako soinu zortasunaren tartea, eta garraio-azpiegituratik
ezarritako gutxieneko distantziak errespetatu beharko dira.
25
SAPUR 7 lurzorura atxikitako aurreikusitako erabilerei dagokienez, Espazio Libreen Sistema
Orokorreko proposamen bat da, non horren azalera gehienean haritz eta urkien zuhaizti bat
baitago, eta etorkizunean kontserbatuko dela ziurtatu beharko da.
SAPUR 7 lurzorura atxikitako Sistema Orokorra
26
9. UDALEZ GAINDIKO PROIEKTUEN NEURRI ZUZENTZAILE, BABESLE ETA
KONPENTSATZAILEAK
Sondikako udalerrian eragina izan dezaketen proiektu ezberdinak, dagoeneko Ingurumen
Inpaktuko Ebaluazio prozeduran barne hartu dira, eta sortutako inpaktuak identifikatu ez ezik,
ezarri beharreko neurri zuzentzaile eta babesleak ezarri ere egin dira.
“Txorierriko Korridorea, Enekuri-Derio zatia, Eraikitzeko Proiektuaren” Ingurumen Inpaktuko
adierazpenak, aldekoa izan denak (1991ko abenduaren 17ko EHAAn argitaratutakoa),
proiektua egiteko baldintzak ezartzen ditu. Proiektua Ingurumen Inpaktuko Azterketak
proposatutako eta Eraginen Neurri Zuzentzaileen dokumentuan proposatutako neurri
zuzentzaileetara egokitu behar da. Halaber, geroagoko egindako proiektuak, hala nola, aurretik
aipatutako Sangroniz-Asua bidea, Ingurumen Inpaktuko Deklarazioa dagoeneko badute, non
proiektu horretan eta proiektua gauzatzean erabiliko diren neurri babesle eta zuzentzaileak
finkatzen baitira.
Artxandako inguruan identifikatutako zabortegiari dagokionez, azpiegituren obren soberakinak
direnak, Ingurumen Inpaktuko Ebaluazioek dagoeneko soberakinak botatzeko eta eragindako
espazioak berritzeko plana jasotzen dute. Gainera, proiektu bakoitzaren garapena eta
gauzatzea gainbegiratu beharko dira. Bestalde, ingurumen arloko gaietan, eta berriz landatzeko
prozeduretan aditua den aholkularitza zerbitzua izan beharko da, idatzitako Ingurumen
Inpaktuko Ebaluazio bakoitzean ezarritako jarraipen planak burutuz.
Bukatzeko, ECIA dokumentuan, dagoeneko, babes neurriak hartuko beharko dira azaltzen da,
egoitza-area berrien inguruan farolak instalatzeak ekar dezakeen argi kutsadura txikiagotzeko
helburuarekin. Hartarako, kontsumo baxuko luminariak eta bestelakoak erabiliko dira. Hauek
eta beste batzuk kontuan hartu beharko dira Hiri Antolamendurako Plan Nagusiaren
garapenaren fase aurreratuagoetan.
27
10. INGURUMENA ZAINTZEKO PROGRAMA
Ingurumen Inpaktuko Baterako Ebaluazioaren Ikerketaren 10. kapituluan barne hartutako
Ingurumena Zaintzeko Programaren helburua da planak ezarritako ingurumen eta
iraunkortasun arloko helburuak eta irizpideak betetzen direla ziurtatzen duen sistema bat
diseinatzea, eta baita prebentzio neurriak eta neurri zuzentzaileak ere betetzea. Hala,
Ingurumena Zaintzeko Programa garatzen dela ziurtatzeko, zenbait kontrol gehitu dira.
Planaren helburu eta estrategiei dagokienez, ondorengoen gaineko kontrolak egiaztatu beharko
dira:
- Plana eta garatuko duten proiektuak faseka burutzea
- Zenbait plan eta proiektuk Ingurumen Inpaktuko Ebaluazio Prozedura garatzea,
Ingurumena Babestear buruzko otsailaren 27ko 3/1998 Legearen arabera.
- Planaren ingurumen arloko helburuak beste plan batzuekin betetzea.
- Planaren aurreikuspenetan barne hartutako edo barne hartu gabeko jarduerak sartzea,
aurreikusitakoak ez diren inpaktuak geratzen diren egiaztatuz.
Gainera, Gainbegiratze Programak ingurumena zaintzeko bestelako sareak ere kontuan hartu
beharko ditu, hala nola, EAEko Ibaien Egoera Ekologikoaren Jarraipena egiteko Sarea, eta
Eusko Jaurlaritzako Ingurumen eta Lurralde Antolamendu Sailaren Airearen Kalitatea Zaintzeko
Sarea.
Erredaktore-taldearen izenean,
Pilar Barraqueta
Zornotzan, 2012ko otsailaren 21an