A Editorial Galaxia organiza, en colaboración coa Delega-ción do CSIC en Galicia, unha serie de conversas arredor do libro Os nenos da varíola. Os encontros contarán coa presenza de María Solar, autora da novela, escritora e xor-nalista da CRTVG, e Marta López, científica titular do grupo de Microbioloxía e Tecnoloxía de Produtos Mariños do Ins-tituto de Investigacións Mariñas do CSIC. Ambas estarán moderadas por Luisa Martinez, membro da Unidade de Cultura Científica do CSIC en Galicia.

Dende Galaxia asumimos que a ciencia é parte da vida cotiá da sociedade. As novas xeracións abordan nas aulas a través dos libros de texto, importantes temas científicos que tive-ron lugar en diferentes momentos da historia. Como com-plemento a esta formación académica nacen as “Conversas de ciencia e literatura” co obxectivo de contextualizar un dos feitos mais importantes da medicina e da historia da humanidade, e de por en valor aos protagonistas da “Real Expedición Filantrópica da Vacina”, na que está baseada Os nenos da varíola a exitosa novela de María Solar publicada na colección Costa Oeste. Deste xeito, colaboramos na crea-ción de “memoria viva” entre a xuventude.

María Solar e Marta López dialogarán nestes encontros so-bre a vida a principios do século XIX en Galicia, o descu-brimento da vacina, o seu fundamento científico e a súas repercusión na poboación. A base deste diálogo é o poder narrativo con contidos históricos de Os nenos da varíola, unha poderosa ferramenta de divulgación científica que achega a ciencia á mocidade a través da lectura.