A’OGA MUSIKA KEDGLEY

(KEDGLEY MUSIC CENTRE)

FA’AMATALAGA LAUTELE (Taua mo lou silafia)

• Vasega musika uma e faia i potu a le A’oga Musika Kedgley (Kedgley Music Centre) i le lotoā a Kedgley Intermediate School – (A’oga Musika e soso’o ma le Ofisa Autu a Kedgley Intermediate).

• Faia vasega i afiafi o aso a’oga o le vaiaso (i le tu’ua o a’oga o le aso) mo le tausaga a’oga atoa.

• O lesona musika ua vaevaeina ma a’oa’oina i fa’apotopotoga laiti (small groups), afa-itula i le lesona.

• Aso ma taimi o lesona taitasi, ua ma’ea faapolokalameina mo le tausaga a’oga atoa. E le mafai ona suia aso ma taimi fa’atulagaina o lesona ona o ta’aloga o le tau malūlū (winter sports) – fa’amolemole filifili lelei le aso ma le taimi talafeagai mo lou alo.

• Fa’amalosia le auai o lou alo i lesona uma ma fa’ata’ita’iga fa’atulagaina i vaiaso ta’itasi, ma auai i koneseti mo lena vasega.

• Fa’amolemole fa’afeso’ota’i mai le Ofisa o le A’oga Musika (Kedgley Music Centre) e ala i telefoni po’o imeli (email)pe a lē auai mai lou alo i ana lesona.

• Afai ae silia ma le 3 (tolu) vaiaso e lē o auai lou alo i ana lesona e aunoa ma se mafua’aga tatau e fa’ailoa mai, o le a fa’alēaogaina loa ma ave’esea le resitala a lou alo i le A’oga Musika.

• E matuā taua lava le ausia o le faitauaofa’i fa’atapula’aina o tamaiti auai i vasega ta’itasi – o le tia’i a’oga la o lou alo e fa’aono tapunia ma ave’esea ai lena vasega mai le polokalame atoa.

RESITALAINA MA LE FA’AULUFALEINA (ENROLMENT)

• Talia mo le fa’aulufaleina tamaiti a’oga (primary/intermediate school),naatoa le 6 (ono) tausaga (po’o luga atu) le matua i le aso muamua (1st) Fepuari o le tausaga fia-fa’aulufaleina ai.

• Mo tamaiti 6-tausaga, e na o le vasega “Musika Tauamata” (Introduction to Music) e mafai ona resitala ai (fa’aaoga ai le ukulele po’o le recorder).

• Mo tamaiti 7-tausaga (po’o tausaga i luga atu), e tatau ona fa’amae’a muamua le vasega “Musika Tauamata” (Introduction to Music), ona fa’atoa mafai lea ona resitala i isi vasega o masini musika (musical instruments).

• O le vasega “Musika Tauamata” ua tu’ufaatasia ma tapenaina mo le a’oa’oina o mataupu fa’avae o le musika, e atina’e ai le fa’atinoina lelei o galuega fa’agasolo tau-musika, ae maise le fausia ai o se fa’avae mautu e lima ta’ita’iina ai lou alo auā le a’oa’oina o se masini musika (instrument) o le a ia filifilia mo le tausaga soso’o.

• E tatau ona 8½ - 9 tausaga le matua o lou alo e mafai ai ona resitala i vasega nei: - kalarineta (clarinet), falute (flute), pu ili saxophone.

LA’AU/MASINI MUSIKA E MANA’OMIA ONA IAI

• Vasega Piano Feavea’i (Keyboard) :- E tatau ona iai se piano feavea’i (keyboard) a lou alo i le fale e a’oa’o ma koleni ai – e le mana’omia na aumai i le a’oga.

• Vasega Selo (Cello) :- E tatau ona iai se selo (cello) a lou alo e fa’aaoga – e mafai ona haeaina (hire) sea la’au mai i faleoloa musika e pei o le “Music Works” po’o isi faleoloa musika.

• Vasega Temipalau (Drums) :- Ø E tatau ona iai mo lou alo ni la’au-ta temipalau (drumsticks) e

fa’aaoga - (e mafai ona fa’atauina mai la’au-ta temipalau i le Kedgley Music Centre i le taimi o le resitala (enrolment)).

Ø E tatau fo’i ona iai se temipalau i le fale e a’oa’o ai lou alo – a lē o iai, e mana’omia ona fa’atau se Pa’u-temipalau koleni (Drum practice pad) mai se faleoloa musika.

• Vasega Kitara Classical (Classical guitar) ; Vasega Kitara Contemporary (Contemporary guitar) :- E tatau ona iai mo lou alo sea kitara (o le ituaiga ua filifilia) e fa’aaoga ma a’oa’o ai i le a’oga ma le fale.

• Vasega Recorder ; Vasega Ukulele:- E tatau ona iai sea la’au musika a lou alo (o le ituaiga ua filifilia) - e mafai ona fa’atauina mai i le Kedgley Music Centre i le taimi o le resitala (enrolment).

• Vasega Kitara Bass (Bass guitar) E tatau ona iai sea kitara, ma se masini fa’aleotele (amp) a lou alo – e mafai ona haeaina (hire) masini musika nei mai i le Kedgley Music Centre.

TOTOGI O PILI A’OGA (FEES)

Mo le Tausaga A’oga Atoa:

$30 – Resitala a le Aiga,Fa’aopoopo iai: $50 – tamaititi to’atasi, ile vasega musika e tasi

Taua: E lē o aofia atu i Pili (fees) nei le totogi o tusi musika ma le haeaina o masini musika (instrument hire) – (taga’i ane i palakalafa soso’o).

TUSI MUSIKA • Vasega amata (tausaga muamua): – E tatau ona fa’atau ma totogi tusi

musika i le taimi e resitala (enrol) ai lou alo. • Vasega tausaga 2 (ma vasega luga atu): - E fa’atau ma totogi tusi i le taimi

e mana’omia ai – fa’afeso’ota’i le faia’oga (tutor).

HAEAINA O MASINI MUSIKA (INSTRUMENT HIRE)

• Masini musika (musical instruments) nei e mafai ona haeaina (hire) mai i le Kedgley Music Centre: kalarineta (clarinet), kitara bass & masini fa’aleotele (bass guitar & amplifier), falute (flute), pu ili saxophone, pu ili trumpet, ma le vaiolini (violin).

• Masini Musika nei e le o mafai ona haeaina (hire) mai i le Kedgley Music Centre: selo (cello), kitara classical, kitara contemporary, piano feavea’i (keyboards), recorders, ma ukulele.

• TOTOGI O LE HAEAINA O MASINI MUSIKA(HIRE FEES):Kalarineta (Clarinet); Falute (Flute) $70.00 Pu ili Saxophone $100.00 Pu ili Trumpet $100.00 Kitara Bass (Bass guitar) $50.00 Masini Fa’aleotele (Amp) $50.00 Vaiolini (Violin) $70.00

• O masini haea (instruments for hire) uma ua mae’a siaki’ina lelei a’o le’i tu’uina atu mo le fa’aaogaina – E tatau ona lipotia se fa’aletonu o se masini i le Ofisa; e matua fa’asaina le taumafai o lou alo e fa’aleleia se fa’aletonu e tula’i mai i se masini musika.

• Mo i latou e fa’aaogaina le pu ili saxophone ma le kalarineta (clarinet), e tu’uina atu fa’atasi le masini ma le Reed (le vaega lea e fa’amau i le gutu o le masini e ili ai). Afai e mana’omia le suia o le reed, pe mana’omia fo’i ni manoa o se vaiolini (violin strings), e mafai ona fa’atau mai i le faia’oga (tutor).

• O masini musika haea (instruments for hire) e tu’uina atu i le lesona muamua lava, ae tatau ona toe fa’afo’i mai (returned) i le po o le koneseti, po’o le taimi o le lesona mulimuli a lou alo mo le tausaga, pe a fai e le auai lou alo i le koneseti.

• Mo tamaiti ua mae’a resitala e fa’aauau mo le tausaga fou (re-enrolling students) - E mafai i le po o le koneseti ona fa’afo’i mai i totonu masini haea mo le siakiina, ae fa’afesuia’i ma se isi masini ua mae’a siakiina lelei (pe a fai o iai ni masini avanoa).

• Fa’atoa mafai ona faia lea fesuia’iga pe a ua mae’a faatumuina muamua o pepa resitala (enrolment forms) ma pepa e haea ai masini fa’aaoga (instrument hire forms), ma ua mae’a totogi uma fo’i Pili (fees) mo le tausaga fou i totonu o le tasi le vaiaso a o lumanai le po o le koneseti. E mafai lea ona fa’aaoga e lou alo le masini i le tu’uaga atoa seia toe amata le tausaga fou.

TUPE TOE FA’AFO’I ATU (REFUNDS)

• Afai ae ona o ni mafuaaga le ma’alofia ua ave’eseina ai se vasega a’o le’i amataina le polokalame i le amataga o le tausaga, e toe fa’afo’i atu atoa le tupe resitala (full refund) a lou alo na totogi mo lea vasega.

• Afai ae fa’ama’amulu ese lou alo mai i se vasega i se aso e i luma mai o le 5 aso faigaluega mai le aso amata o vasega, e toe fa’afo’i atu na o le afa o le tupe resitala na totogi (half refund); faatasi ma le tau atoa (full refund) o tusi musika ma le totogi o masini haea (instrument hire fees) na mae’a totogi a e le’i tuuina atu (not issued), pe e le’i fa’aaogaina* fo’i masini i malologa o le fa’ai’uga o le tausaga [*faapitoa lea nā o tamaiti fa’aauau (returning students only)].

• E le toe maua atu se tupe resitala na totogi (no refunds) pe afai ae fa’ama’amulu le resitala a lou alo i totonu o le 5 aso faigaluega mai i le aso amata o vasega, po’o le fa’ama’amulu foi ae ua amata vasega (no exceptions).

• E ono mafai ona fesuia’i se vasega, pe a iai ni nofoaga avanoa – i se totogi e $5.00 i le suiga e tasi.

LOTOĀ A’OGA MUSIKA (MUSIC CENTRE & SCHOOL GROUNDS)

• Faamolemole faamautinoa muamua o lo’o iai le faia’oga (tutor) i le a’oga, ma e taunuu ona faia le vasega a lou alo, a o le’i tuuina mai lou alo i le a’oga.

• Afai ae lē fa’ataunu’uina se vasega, e taumafai lava e logo atu matua i se auala talafeagai ma le vave; ma e iai se fa’asilasilaga e fa’apipi’i i le faitoto’a o le a’oga.

• Mana’omia le fa’atali filemu i fafo o potu a’oga o tamaiti se’ia mae’a lelei ma ta’ape isi vasega o lo’o fa’agasolo. E le fa’atagaina ona ulufale i potu a’oga e fa’atali ai taimi o vasega, se’i vagana ua fa’atagaina e le faia’oga.

• Mo le saogalemu o fanau, fa’amolemole matua se’i utagia lelei mai: E TATAU ONA PIKI’INA LOU ALO I LE TAIMI LAVA E MAE’A AI LANA VASEGA MO LEA ASO.

TULAFONO A LE AOGA KEDGLEY INTERMEDIATE…

• E fa’asaina mea taumafa ma vai inu i potu o le A’oga Musika (Music Centre).

• E fa’asaina le paka o ta’avale i totonu o le lotoā o le a’oga.

• E fa’asaina matua/fanau ona feoa’i solo i totonu o le lotoā, a o fa’atalitali se vasega a lou alo.

• E matua fa’asaina lava le taumafa tapa’a (ulaula) i totonu o le lotoā a le a’oga.

Recorder Piano Feavea’i (Keyboard) keyboard)

Nisi o La’au/Masini Musika Fa’aaoga Kedgley Music Centre

Pu ili Saxophone

Pu ili Trumpet Vaiolini (Violin) Selo (Cello)

Kalarineta (Clarinet)

Falute (Flute)

Kitara Bass (Bass guitar) &

Masini Fa’aleotele (Amp)

Pa’u-temipalau koleni (Drum practice pad)