SE TAIALA I LE

O tausaga taitasi i le aso 25 o Aperila - le Anzac Day - e manatua ai e tagata Niu Sila i latou sa tautua i taua ma maliliu ai. O le uluai Anzac Day na faamanatuina i le 1916, a o faagasolo le Taua Muamua a le Lalolagi. Talu mai lena taimi, ua tele suiga ua faia i lenei aso, ae o loo tumau pea ona faamanatu ai taimi sili ona taua i le talafaasolopito o

Niu Sila ma ona tagata.

ANZAC DAY

Stay connected

WW100.govt.nz

WW100NZ

@WW100NZ

Anza

c Da

y i A

ukila

ni, 2

015

SĀM

OA

N |

GA

GA

NA

SĀ

MO

A

AISEA E FAAMANATU AI E NIU SILA LE ANZAC DAY?O le uluai Anzac Day na faailoga ai le aso na tulaueleele ai fitafita a Niu Sila i le Anzac Cove i le Campaign i Gallipoli, ma o le taimi muamua foi lena na faia ai sa tatou vaega tele i le Taua Muamua a le Lalolagi (1914-1918).

Mo Niu Sila lava ia, pe a ma le tasi le miliona le faitau aofai o ona tagata i le tausaga e 1914, na avea ai le Taua Muamua a le Lalolagi o se mea na sili ona matautia – e to'a 100,000 Pākehā ma tagata Māori na tautua i vaegaau i atunuu mamao, faatasi ma isi fitafita mai le Emepaea a Peretania. E silia ma le 18,000 o nei alii ma tamaitai na masoe ai, ma le fia sefulu afe na manunu'a.

Talu mai lava le Taua Muamua a le Lalolagi, ua avea ai pea le Anzac Day o se aso e faamanatuina faaletausaga – o se faatasiga e faailoa atu ai lo tatou faaaloalo mo i latou na maliliu i taimi o taua, ma manatua ai foi i latou ua afaina ona o taua.

O LE A E TUPU I LE ANZAC DAY?O le Anzac Day o se aso malolo faalemalo, ua faatulaga ese mo toe manatunatuga. E tapuni ai le tele o faleoloa i lena aso. E faaaoga e le toatele o tagata lena avanoa e potopoto faatasi ai ma uo ma aiga.

E masani lava ona amata faamanatuga o le Anzac Day i se sauniga e fai i le Vaveao (Dawn Service) i le mea o iai se maa faamanatu o le taua a le pitonuu. E fai i le vaveao e faailoga ai le taimi na muai tulaueleele ai fitafita i Gallipoli i le aso 25 o Aperila 1915. O nisi pitonuu e fai foi sa latou sauniga i se isi taimi mulimuli ane o le taeao.

Pe a faia sauniga faamanatu o le Anzac Day, o le a auina atu pale fugalaau e fola ma taina le vii o le fu'a a Niu Sila. I le faaiuga o le sauniga, e ili toatasi ai e se fitafita le pu faaiu (Last Post), ona sosoo ai lea ma le tutulai le leoa mo se minute e tasi, o le a tutulai ai tagata uma e manatua ai i latou na tautua ma masoe i le taua.

Pe a mae'a le sauniga, e mafai loa ona e agai atu e faataatia sau meaalofa i autafa o pale. E masani lava o na meaalofa e aofia ai fugalaau o poppies lanu mumu lea e faatau atu e le faalapotopotoga a fitafita na toe taliu mai le taua poo le RSA, i le Aso Faraile a o malama ai le Anzac Day.

E MAFAI FAAPEFEA ONA FAI AI SAU VAEGA?Afai e te fia auai i se sauniga o le Anzac Day e te latalata i ai, talanoa atu i le pulega a le tou pitonuu pe e te asiasi i le www.rsa.org.nz/find-an-anzac-day-service

E te silafia atili nisi mea e uiga i le Anzac Day i le www.anzac.govt.nz

Fai sau vaega i le faamanatuina o le selau tausaga poo le senetenari o le Taua Muamua a le Lalolagi faatasi ma le WW100 New Zealand www.ww100.govt.nz

Anzac Day i Aukilani, 1930