-
TELNO: 016 341 3165
FAKSNO: 016 341 3987
DATUM: 29 April - 4 Mei 2019 UITGAWE 12 van 2019
ADRES: JACOBS STRAAT 1
HEIDELBERG
GAUTENG
POSADRES: POSBUS 215
HEIDELBERG
1438
E-POS:
[email protected]
BELANGRIKE DATUMS
29 April - 4 Mei 2019
Maandag, 29 April 2019
Gholf: A-liga te Germiston : B– en C-liga te Glen Vista
Seunshokkie: Liga-bepaling teen Birchleigh High (tuis)
Dinsdag, 30 April 2019
NWU Prestige superreeks Finaal (netbal, seunshokkie, tennis,
skaak en gholf)
Woensdag, 1 Mei 2019
NWU Prestige superreeks Finaal (rugby en hokkie)
Netbal Finale Gauteng proewe
Donderdag, 2 Mei 2019
Netbal: D7– liga-bepaling teen H/s Dr. Malan (weg)
Hokkie: Oos-Gauteng ligabepaling teen H/s Stoffberg (weg)
Vrydag, 3 Mei 2019
Toetsreeks Gr.8-12
Tennis: Oos-Gauteng liga- bepaling
Saterdag, 4 Mei 2019
Rugby: Virsekerbeker teen H/s Centurion (weg)
Skaak: D7– Finaal (individueel)
ALGEMEEN
Die herregistrasievorms vir ons huidige graad 8 tot 11 leerders
word huis toe gestuur en moet deur die ouers/
voogde voltooi en geteken word. Hierdie vorms moet voor of op 10
Mei 2019 by die skool terugbesorg word. ‘n Dringende beroep word
aan al ons ouers/voogde gedoen wie se skoolgelde agterstallig is om
hulle skoolrekening
so gou moontlik op datum te kry. Agterstallige rekeninge waar
daar geen reëlings getref is nie, sal met ingang 01
Mei 2019 vir regstappe aan Viljoen en Meek prokureurs oorhandig
word. U samewerking sal waardeer word. Leerders mag gewone klere
dra gedurende die eksamen teen R50-00. Let daarop dat skoolreëls
geld ten opsigte
van hare, juwele en grimering. Geld word by die voogonderwysers
inbetaal. Leerders moet ten alle tye die plakker
wat uitgereik word by hulle hê tydens die eksamen. Die
herdenking van Hemelvaart word van 30 Mei 2019 na Vrydag, 17 Mei
2019 vervroeg a.g.v. die Junie-eksamen
wat 20 Mei 2019 begin. Die amptelike Hemelvaartsdag is 30 Mei
2019. Daar is van ons leerders wat van die Volkie-memes gebruik
maak om in ons mede Volkie-leerders se karakter in te
klim. Ons wil vir u as ouers/voogde die versekering gee dat ons
hard werk om die skuldige(s) vas te trek. Dit is
onaanvaarbare gedrag en sal nie by Hoër Volkskool geduld word
nie. Indien die skuldiges vasgetrek word, sal dit ‘n
regsaangeleentheid word.
Die ouers/voogde moet kennis neem dat die Opedag vir
voornemende
graad 8-leerders vir 2020 op Vrydag, 3 Mei 2019 vanaf 18:00 by
Hoër Volkskool Heidelberg sal plaasvind. Die aanlynregistrasies
begin 13 Mei 2019. Die skool sal voornemende graad 8-ouers/voogde
bystaan om van die
elektroniese platform gebruik te maak. Die program vir die
Opedag is as volg:
18:00 – 18:30: Aanbieding deur skoolhoof / Tienertoneel / Koor
(skoolsaal)
18:30 – 19:45: Kermisatmosfeer (vierkant)
19:45 – 20:15: Koshuis
20:15 – 21:00: A-rugbyveld
Ouers/voogde en leerders neem kennis dat die Wintersdrag
amptelik vanaf 01 Mei 2019 gedra moet word.
Die sportopvoeding as vak vir die graad 8-en 9-leerders moet
teen 31 Mei 2019 ten volle vir die jaar betaal wees. Die kostes
beloop R750-00 vir die jaar. Ons maak staat op u as ouers/voogde om
hierdie verpligting rakende u kind
(ers) se verrykingsvak na te kom. Ons wil ouers/voogde dog
vriendelik versoek om ‘n riem papier vir die skool skenk om
afrolwerk vir akademiese
doeleindes te doen. Die Manne-aand skaapbraai se tafelverkope
verloop vlot. Daar is nog slegs 5 tafels beskikbaar. Vir enige
besprekings
of navrae kan u gerus vir Riana Cloete by [email protected] of
016-341 3165 skakel. Die Manne-aand skaapbraai
vind by Hoër Volkskool op Donderdag, 16 Mei 2019 om 18:00 plaas.
Die kostes beloop R5 500-00 per tafel wat 12
persone insluit. Dit sluit die volgende in:
GRATIS Heineken-bier en Windhoek-bier
12 gegraveerde knipmesse per tafel
Skaap-op-spit, brood en groente
Die skool gaan ‘n fondsinsamelingsprojek loods om die
hokkie-klubhuis te voltooi. Elke leerder in die skool gaan ‘n
borgvorm ontvang waarop R10-00 lootjies verkoop gaan word. Al die
lyste moet voor of op 10 Mei 2019 in wees.
Daar is drie vleis-hampers om te wen vir die leerders wat die
meeste lootjies verkoop. Die gelukkige wenner(s)
kan die volgende pryse wen:
Eerste prys is ‘n hele skaap opgesny volgens jou behoeftes
Tweede prys is ‘n halwe skaap opgesny volgens jou behoeftes
Die Nigel-busgelde moet voor of op die 7de van elke maand betaal
wees. Baie dankie aan al die ouers/voogde wat elke maand op datum
betaal is of alreeds vir die jaar vooruitbetaal het. Die
ouers/voogde wat versuim om hulle
busgelde te betaal se kind(ers) gaan nie verder toegelaat word
om van die busvervoer gebruik te maak nie.
-
AKADEMIE
Hoër Volkskool se eerste prioriteit is en bly akademie. Ons
visie is om elke dag te strewe na uitnemendheid en daarom is dit
belangrik dat elke
leerder by Volkieland volgens sy/haar potensiaal moet presteer.
Hier volg ‘n paar rede(s) hoekom van ons leerders nie volgens hulle
potensiaal
en talente kan of wil presteer nie:
Huiswerk wat daagliks nie gedoen word nie of afgeskryf word
Onvolledige werksboeke
Afwesighede van leerders
Leerders wat in klastyd uitgeteken word
Leerders wat nie bereid is om die lang ure vir toetse en
eksamens in te sit nie
Leerders beskik oor gebrekkige studiemetodes (weet nie hoe om te
leer nie)
Leerders is taalarm (lees nie genoeg nie / gebrekkige
woordeskat)
Verkeerde vakkeuses (nie realisties oor vermoëns nie)
Die toetsdatum van Donderdag, 02 Mei 2019 skuif na Vrydag, 03
Mei 2019 a.g.v. die Superreeks finale wat in Potchefstroom
plaasvind. Dit sal baie onregverdig teenoor ons leerders wees om na
so lang dag nog vir die volgende dag te studeer. Hierdie
verandering is alreeds op Vrydag,
26 April 2019 via sms met u as ouers/voogde gekommunikeer.
Indien u as ouer/voog ‘n probleem het rakende u kind se akademie is
die korrekte kanaal deur die skoolhoof se kantoor. Geen
beheerliggaamslede is van magte om klagtes oor akademie te
hanteer nie. As die klagtes nie onder die skoolhoof se aandag
gebring word nie,
sal geen oplossing vir u probleem gevind word nie. Die oueraand
is ‘n ideale platform om vakonderwysers te gaan spreek oor u kind
se
akademiese vordering. Dit is ook onvanpas om akademiese sake by
sosiale-en sportgeleenthede te bespreek.
Die graad 8-en 9-leerders gaan tydens die Junie-eksamen die
basislyn-assessering in Wiskunde aflê.
Reëlings rakende die Junie-eksamen
Die eksamenrooster sal op Maandag, 06 Mei 2019 aan die leerders
gegee word en sal ook op die webtuiste beskikbaar wees.
Die provinsiale vraestelle word in die volgende vakke en grade
geskryf:
RTT Gr.10-12
Fisiese Wetenskap Gr.10 en 11
Wiskunde Gr.10 en 11
Rekeningkunde Gr.10-12 Al die graad 8-en 9-vraestelle word vir
die Junie-eksamen intern opgestel en moet deur die
departementshoofde gemodereer word. Alle
gemodereerde vraestelle moet by die distrik ingedien word vir
eksterne moderering.
Die eksamen begin amptelik op 20 Mei 2019 vir die leerders en
die leerders se laaste akademiese skooldag is op 17 Mei 2019.
Die eksamentye is as volg:
8:30: Leerders meld aan by eksamenlokaal
9:00: Eksamensessie begin stiptelik
Indien leerders ‘n tweede sessie of vroeër skryf, word die
begintyd op die eksamenrooster aangedui.
Indien leerders afwesig is (met siekte) tydens die skryf van ‘n
vraestel, moet ‘n doktersbrief ingehandig word.
Die Departement bepaal dat geen bloktyd aan leerders toegestaan
mag word gedurende die skryf van eksamenvraestelle nie.
Indien ‘n leerder om ‘n bepaalde rede na afloop van ‘n
eksamensessie huis toe moet gaan, moet die ouer/voog sy/haar kind
persoonlik kom
uitteken.
Geen kind mag sonder ‘n geldige rede die skoolterrein verlaat
nie.
Die eksamenriglyne sal op 06 Mei 2019 op die webtuiste van die
skool beskikbaar sal wees.
TUSSENVERKIESING VAN
BEHEERLIGGAAM
Daar is huidig drie vakatures in die beheerliggaam
beskikbaar.
Ons wil u daarop wys dat die verkiesing op Dinsdag 07 Mei 2019
om 18:00 in die
skoolsaal sal plaasvind. Indien u aktief deelneem aan hierdie
proses, kan u verseker wees dat die vakature wat gevul gaan word,
volgens u
keuse saam met die reeds verkose beheerliggaam poog om die regte
besluite te neem en die beste geleenthede vir u kind(ers) te
skep.
‘n Kandidaat kan op twee (2) wyses genomineer word:
Die inhandiging van ‘n vorm by die verkiesingsbeampte (mnr. S
Nel) wat volledig voltooi moet word deur die voorsteller, sekondant
en kandidaat- nie vroeër as sewe (7) dae en nie minder as een (1)
dag (24 uur) voor die nominasievergadering nie OF deur ‘n ouer as
lid tydens
die nominasievergadering voor te stel met dien verstande dat ‘n
ander ouer wat op die vergadering teenwoordig is, die
genomineerde
sekondeer en die voorsteller, sekondant en kandidaat die vorm
volledig voltooi en by die verkiesingsbeampte inhandig binne die
tydperk wat
deur die verkiesingsbeampte tydens die vergadering vir die doel
bepaal is.
Nominasievorms sal by die algemene kantoor beskikbaar wees.
Volmagstemme (“proxy”) word nie toegelaat nie. Dit beteken dat
geen ander persoon namens jou as ouer / voog mag stem nie.
‘n Kworum van vyftien persent van ons stemgeregtigde ouers moet
teenwoordig wees alvorens ‘n verkiesing geldig verklaar kan word.
Indien die vereiste kworum nie teenwoordig is nie, moet ‘n nuwe
datum vir die verkiesing binne 14 dae belê word. By hierdie
tweede
verkiesingsdatum word geen kworum vereis nie. Ons maak staat op
u teenwoordigheid.
ID-dokumente moet tydens die verkiesing getoon word.
Ons skool se verkiesingsbeampte is mnr. S Nel van Mountain View
Secondary
-
Jandre Moll het 8 – 12 April 2019 in
Durban tydens die SA Senior Natio-
nale Kampioenskappe ʼn goue medalje verower in die 50m Vryslag
Elite
Youth ouderdomsgroep.
Jandre kwalifiseer dan volgens die tyd
wat hy geswem het om saam met
Suid-Afrika se senior mans te swem,
waar hy algeheel 9de eindig.
‘n Fenominale prestasie. Baie geluk!
Baie geluk aan Ruan Claassen wat 25-27 April
2019 aan die 10-Kamp tydens die ASA
Kampioenskappe te Germiston stadion
deelgeneem het en ‘n goue medalje verower
het.
Items waaraan Ruan deelgeneem het
100m-4de plek
Verspring-3de plek
Gewigstoot-1st plek
Hoogspring-2de plek
400m-3de plek
110m/h-4de plek
Diskus-1st plek
Paalspring-3de plek
Spiesgooi- 2de plek
1500m-2de plek
SPORTUITSLAE: 25-26 April 2019 Semi-finale NWU SUperreeks
NETBAL
* 1ste span verloor 16-26 teen HTS Witbank
* 2de span verloor 14-17 teen Oosterlig
* 17 A verloor 15- 18 teen Oosterlig
* 17 B verloor 5-29 teen Noordheuwel
* 16 A verloor 6-15 teen Poth Gimnasium
* 16 B verloor 18-20 teen Noordheuwel
* 15 A wen 16-9 teen Die Anker
* 15 B wen 19-15 teen Die Anker
* 14 A wen 42-12 teen Volkskool
Potchefstroom
* 14 B verloor 11-25 teen Noordheuwel
RUGBY
* 1ste span wen 43-13 teen Volkskool
Potchefstroom
* 2de span verloor 17-37 teen HTS Witbank
* 16 A wen 13-7 teen Die Anker
* 16 B verloor 15-21 teen Montana
* 15 A verloor 6-21 teen Potch Gimnasium
* 15 B verloor 12-60 teen Potch Gimnasium
* 14 A verloor 0-18 teen Jeugland
* 14 B wen 21-5 teen Potch Gimnasium
DOGTERSHOKKIE
* 1ste span verloor 1-2 teen Montana
* 2de span wen 2-1 teen die Anker
* 16 A wen 3-0 teen Die Anker
* 16 B wen 1-0 teen Montana
* 15 A verloor 1-2 teen Jeugland
* 14 A wen 3-0 teen Die Anker
* 14 B wen 4-3 teen die Anker
TENNIS
* Seniors wen 44-19 teen Jeugland
* Juniors wen 41-22 teen Jeugland
SKAAK
* Seniors wen 3-2 teen Noordheuwel
* Juniors verloor 2-3 teen Noordheuwe
TENNIS
* Seniors wen 44-19 teen Jeugland
* Juniors wen 41-22 teen Jeugland
Ons tema vir die week is Volkie-karakter. ‘n Ware Volkie sal ten
alle tye en in alle omstandighede die belange van ons pragtige
skool op sy/haar
hart dra. ‘n Ware Volkie se karakter word in die volgende
kenmerke weerspieël omdat hulle bereid is om verantwoordelikheid en
eienaarskap te
neem: is betrokke en presteer na vermoë
is betrokke op alle terreine
is ten alle tye volgens die gedragskode geklee
groet altyd vriendelik
gebruik geen kru taal nie
dra die skool se beeld met trots uit
is lojaal, eerlik en opreg
respekteer ander
leef Christelike waardes en karakter uit
het ‘n “groenbloed” Volkiehart
is trots op Volkieland
UIT DIE HOOF SE KANTOOR
SPORTPRESTASIES
-
OPEDAG VRYDAG 3 MEI 2019
18:00
