Upload
heights-ateneo
View
238
Download
5
Embed Size (px)
DESCRIPTION
Kuwentong Pambata 2009–2010. Heights is the official literary and artistic publication and organization of the Ateneo de Manila University.
Citation preview
HEIGHTS
Kuwentong Pambata
2009-2010
Kuwento ni
Fr. Jason Dy, S.J.
Guhit ni
Jessica Amanda Bauza
Biglang tinangay ng malakas
na hangin si Butong Munti!
Napadpad siya sa mundong
hindi pa niya napupuntahan.
Ano kaya ang mangyayari
sa kanya? Halina’t samahan
ang ating bida sa kanyang
pakikipagsapalaran!
Rekomendado sa mga batang
edad 8-10.
TUNGKOL SA MANUNULAT
Si Fr. Jason Dy ay Paring Heswita na naglilingkod bilang katuwang ng
kura paroko sa Sacred Heart Parish, Cebu City at gumagabay sa mga
kabataang Chinoy at Pinoy ng parokya. Naging bahagi sa unang Barlaya
Writing for Children Workshop sa Unibersidad ng Pilipinas at Adarna.
Ilustrador ng mga librong “Once Upon a Time in Asia,” Eastern Wisdom
for Western Minds,” at “Gospel According to Mary” na inilimbag ng
Orbis Books, New York. Kasapi ng Tutok: Karapatan at Asian Christian
Art Association.
Ito ay aklat ni
Butong MuntiAkda ni Fr. Jason Dy, SJIginuhit ni Jessica Amanda BauzaLapat ni Denise Yap
Karapatang-ari © 2009 ng Heights at ni Fr. Jason Dy, S.J.
Reserbado ang lahat ng karapatan, kasama ang karapatan sa reproduksiyonat paggamit sa anumang anyo at paraan, maliban kung may nakasulat na pahintulot mula sa may hawak ng karapatang-ari.
Hindi maaaring ibenta sa kahit anong paraan at pagkakataon ang kopyang ito.
Maaaring makipag-ugnayan sa:Heights, Publication Room, MVP 202Ateneo de Manila University, P.O. Box 154, ManilaTelepono: 426-6001 lokal 5448www.heights-ateneo.org
Heights, ang Opisyal na Pampanitikan at Pansining na Publikasyon ng Pamantasang Ateneo de Manila
Inilimbag ng Sprintec Printing Press, Inc. sa Pilipinas
STAFF:
Character Design and Story Illustration: Jessica Amanda Bauza
Initial Layouts: Patrick Padla
Master Layouts: Denise Yap
Digital Editing: John Alexis Balaguer, Monica Esquivel, at Miguel Mercado
Cover Design: Alyza Taguilaso, Miguel Mercado, at Jin Joson
Operations: EJ Bagacina at Alyza Taguilaso
PASASALAMAT
Kay Bb. Christine Bellen
Ateneo Catechetical Instruction League
MUSMOS
HEIGHTS
Kuwento ni Fr. Jason Dy, S.J.
Guhit ni Jessica Amanda Bauza
Tulog pa si Butong Munti nang bumugso
ang malamig na hangin mula sa Silangan.
Pilit siyang kumapit nang mahigpit sa
dahon ng kogon, ngunit natangay pa rin ng
hangin ang maliit, manipis, at magaan na
katawan ni Butong Munti.
2
3
Lumutang si Butong Munti sa hangin.
Nilipad siya palayo sa kanyang mu
nting tahanan sa dahon ng kogon.
4
Pakiramdam niya’y ipinaghehele siya sa duyan.
Nak
atulo
g siya nang mahimbing.
Nilipad siya palayo sa kanyang mu
nting tahanan sa dahon ng kogon.
5
Napanaginipan niya ang isang bulaklak na may
munting butong parang bulak, at isang buto ang
biglang nahulog sa lupa at nabalatan.
6
7
8
Nagising si Butong Munti na nanginginig.
Matindi na ang sikat ng araw noon. “Ano kaya
ang ibig sabihin ng aking panaginip? Mababalatan
din kaya ako?” takot na sabi ni Butong Munti
sa sarili habang patuloy na lumulutang sa hangin.
9
Ngunit naisip din niya na
baka panaginip lang iyon at
walang kahulugan sa kanya.
Kaya patuloy na lumutang si Butong Munti
kapiling ang mga ibong lumilipad.
10
Napapaligiran siya ng maninipis at malalambot na ulap.
Natanaw niya ang M A L A W A K na karagatan,
at ang mataas na kabundukan.
11
Sa kanyang paglalakbay sa kalangitan, nakita niyang
naghahabulan ang mga ulap na kulay abo. Papalapit
ito sa kanya at may dala itong ulan! Natakot si
Butong Munti. Naramdaman niya na malakas ang
hanging tumutulak sa mga ulap. Nabundol si Butong
Munti ng nagpapaligsahang mga ulap.
12
Nabasa siya at ang kanyang buhok.
Basang-basa ito at nagkabuhul-buhol.
Nagpabigat ito sa kanya
hanggang sa unti-unti na siyang nahila pababa.
Hindi nagtagal,
tuluyan na siyang
bumagsak sa lupa.
13
Nabalot ng putik ang buong katawan ni
Butong Munti. Bumigat ang kanyang
katawan at natangay siya ng agos-baha.
14
Pinilit ni Butong Munti na itaas ang
kanyang sarili upang makakita ng
anumang mahahawakan.
“Hayun, may ugat!” nasambit niya.
15
Ilang oras ang nagdaan bago tumigil ang ulan.
Si Butong Munti ay pagod na pagod na
nakakapit sa munting ugat hanggang sa
mawalan na siya ng lakas.
16
Tuloooong!
17
18
Nagising si Butong Munti mula sa kanyang malalim
na pagkakahimbing.
“Nasa ilalim ako ng lupa!” Pinilit niyang itaas ang
kanyang katawan ngunit hindi na niya ito maigalaw.
Nakabaon na ito sa putik. “Ano ang nangyari sa akin?
Hindi ko na makikita ang karagatan at mga ulap.
Hindi na ako makalilipad.” malungkot na sabi ni
Butong Munti.
19
Hindi na namalayan ni Butong Munti kung ilang
buwan na siyang nakatira sa ilalim ng lupa.
20
Alaala na lang ang mga panahong
nagpapahinga siya sa dahon ng kogon,
lumulutang at sumasayaw sa hangin,
may manipis at makinis na balat, at
may mala-bulak na buhok.
21
Isang araw, nakadama ng takot si Butong Munti
dahil napansin niyang magaspang na ang
kanyang balat. Tinubuan siya ng mga ugat at
nagkasugat siya sa kanyang dibdib. “Matanda
na yata ako.” Kaya’t sa paglipas ng mga araw,
lalong kumukupas ang kanyang pag-asang
muling makita ang mundo sa itaas ng lupa.
22
23
24
Habang ang buong paligid ay nalulunod sa
dilim, tinatanaw na lamang ni Butong
Munti mula sa bitak ng lupa ang kinang ng
mga munting bituing nagniningning.
25
26
Isang araw, nagulat na lamang si Butong Munti.
Tumagos ang unang sikat ng araw mula sa Silangan
at hinalikan ang kanyang sugatang dibdib. Nadama
niya ang init ng sinag ng araw. Tumulo ang isang
butil ng luha mula sa mata ni Butong Munti at
dumaloy ito sa kanyang dibdib. Tumingala siya sa
langit at hinayaan ang sariling mabalot ng liwanag. 27
28
May lumitaw na dahong munti sa kanyang
sugatang dibdib. Buong galak niyang niyakap
ang liwanag at nilanghap ang sariwang hangin.
“Malapit ko na muling makita ang daigdig.”
Abot-langit ang ngiti ni Butong Munti.
29