Cyhoeddwyd gan Undeb yr Annibynwyr Cymraeg ac argraffwyd gan Wasg Morgannwg, 27 Ystad Ddiwyd. Mynachlog Nedd, Castell-nedd, SA10 7DR. Cofrestrwyd yn y Swyddfa Bost.

Erthyglau, llythyrau at y Prif Olygydd:

Y Parchg Ddr Alun Tudur

39 Dorchester Avenue, Pen-y-lan,

Caerdydd, CF23 9BS

Ffôn: 02920 490582

E-bost: aluntudur@btinternet.com

Archebion a thaliadau i’r Llyfrfa:

Tŷ John Penri, 5 Axis Court, Parc

Busnes Glanyrafon, Bro Abertawe

ABERTAWE SA7 0AJ

Ffôn: 01792 795888

E-bost: undeb@annibynwyr.org

tudalen 8 Y Pedair Tudalen Gydenwadol Ionawr 19, 2017Y TYsT

Golygydd

Y Parchg Iwan Llewelyn Jones

Fronheulog, 12 Tan-y-Foel,

Borth-y-gest, Porthmadog, Gwynedd,

LL49 9UE

Ffôn: 01766 513138

E-bost: IwanLlew@aol.com

Golygydd

Alun Lenny

Porth Angel, 26 Teras Picton

Caerfyrddin, Sir Gâr, SA31 3BX

Ffôn: 01267 232577 /

0781 751 9039

E-bost: alunlenny@hotmail.co.uk

Dalier Sylw!Cyhoeddir y Pedair Tudalen

Gydenwadol gan Bwyllgor Llywio’rPedair Tudalen ac nid gan Undeb yr

Annibynwyr Cymraeg. Nid oes awnelo Golygyddion Y Tyst ddim â

chynnwys y Pedair Tudalen.

Golygyddion

y

y

Nadolig yn yr Hendy-gwyn

Cynhaliwyd dwy oedfa arbennig i ddathlu’r Nadolig yn y Tabernacl, Hendy-gwyn. Ar y

Sul cyn y Nadolig adroddwyd stori’r geni gan y plant a’r bobl ifanc. Cafwyd parti mawr i

ddilyn ac ymweliad gan Siôn Corn.

Yna ar noswyl Nadolig cafwyd Gwylnos yng ngofal yr oedolion ifanc. Y thema oedd

geiriau Martin Luther mai crud yw’r Beibl a’r gyfrinach yw darganfod yr Iesu yn y crud.

Roedd naws arbennig i’w deimlo wrth i 14 o oedolion ifanc yr eglwys gynnal  y

gwasanaeth yng ngholau cannwyll.

Capel y Tabernacl, Hendy-gwyn

Dydd Sul, Ionawr 29ain am 11.00“...wrth fy ngwendid, trugarha, paid â’m gwrthod, Iesu da.”

Carol Hardy yn son  am waith y Stafell Fyw

ac am ei phrofiad personol.

Casgliad at y ‘Stafell Fyw. Paned i ddilyn. Croeso cynnes i bawb.

sefydlwyd 1867 Cyfrol 150 Rhif 3 Ionawr 19, 2017 50c.

Y TYsT

Mae’r Parchg Ken Williams, gweinidogPeniel a Bwlch-y-corn ger Caerfyrddiners 2003, wedi ymddeol. Dyma grynodebo’r deyrnged iddo gan Arthur Morgan,Ysgrifennydd Peniel a hanes y cydnabodym Mwlch-y-corn.

Daeth y Parchg Ken Williams atom ym mis

Hydref 2003 yn llawn brwdfrydedd ac

egni. Yn berson ffit a heini, byddai’n

codi’n gynnar i fynd ar ei feic o amgylch

Cwm Gwendraeth, ac yn ei eiriau ef, yn

cael amser i feddwl. Cafodd aml i bregeth

ei llunio ar y beic, rwy’n siŵr! Nid

cenadwri o dân a brwmstan oedd ganddo,

ond esboniadau bendithiol a chyfoes o’r

efengyl. Pwysleisiau’r bygythiadau i

ddynoliaeth oherwydd rhyfeloedd, casineb,

trais a thlodi’r newynog, ond yn bennaf

bod cariad Iesu Grist i bawb, a bod angen i

ni arddel, ar goedd, y cariad nad yw byth

yn pylu.

Pan ddathlwyd Dauganmlwyddiant yr

achos yn 2009 aeth ati i grynhoi’r holl

wybodaeth ar gyfer cyfrol am fywyd yr

eglwys. Mae “Peniel Ddoe, Heddiw ac

Yfory” yn gyfrol sy’n haeddu pob

canmoliaeth ac yn deilwng o gyfrol 1938 y

Parchg S. B. Jones. Rwy’n siŵr mae un o’r

breintiau mwyaf gafodd Mr Williams yn

ystod ei weinidogaeth, oedd estyn

deheulaw gymdeithas i gyflawn aelodau

–11 o ieuenctid yn 2011, ac 13 eto eleni.

Cyfeiriodd atynt fel ffrwyth yr Ysgol Sul, y

feithrinfa sy’n gosod sylfeini newydd i’r

eglwys.

Mae’n amhosib bod yn bopeth i bawb

ond heb amheuaeth, buom ni, yn

ddiwahân, yn bopeth i’r Parchg Ken

Williams. Os cofiwn dim ond un peth

amdano, ei “Weinidogaeth Fugeiliol” fydd

hynny. Ymhob sefyllfa, adfyd neu wynfyd,

iach neu’n glaf, buodd yn ein cynnal ni fel

ymwelydd cyson. Mae cyfnodau anodd

wedi wynebu llawer ohonom, ambell

deulu’n fwy na’i gilydd. Roedd ei gonsyrn

didwyll amdanom fel ymgeleddwr tyner a

chysurlon, wedi ein hatgyfnerthu i symud

ymlaen i wynebu’r dyfodol gyda gobaith.

Diolch i Gwyneth hefyd am ei dycnwch

a’i dyfalbarhad fel ‘PA’ i Ken. Hi oedd yn

cadw trefn ar ei ddyddiadur. Mae adnod yn

y Diarhebion yn addas iawn; “Gwraig

rymus sydd goron i’w gŵr.” Dymunwn

ymddeoliad hir a hapus i’r ddau ohonoch –

nid na fyddwch yn segur! Byddwn yn

gweld Mr Williams ar Suliau achlysurol yn

2017, ac fe fydd drws a chalon yr eglwys

ar agor ichi eich dau bob amser. Dyma

englyn sy’n addas i ddisgrifio’r Parchg

Ken Williams.

Mewn eisiau’n gymwynaswr – mewn heulwen

mae’n hael gynorthwywr,

Mewn gwaeledd, ymgeleddwr;

A chadarn diragfarn dŵr.

Cofio’r Cyfnod ym Mwlch-y-corn

Nid araith ffarwel a gafwyd ym Mwlch-y-

corn ar ddiwedd Oedfa Nadolig y Teulu,

ond cipolwg yn ôl dros gyfnod y Parchg

Ken Williams fel gweinidog trwy gyfrwng

lluniau ar y sgrin fawr a sylwebaeth gan

Alun Lenny, Arweinydd yr eglwys.

Agorwyd gyda llun o’r Oedfa Ordeinio a

Sefydlu yn 2003, gyda’r Parchg Ddr Edwin

C. Lewis yn trosglwyddo’r awenau i Mr

Williams. Ymlaen wedyn trwy’r

blynyddoedd, gyda lluniau’n dwyn i gof

priodasau, bedyddio a derbyn aelodau. Saif

Bwlch-y-corn fry yn y bryniau, ac

edmygwyd llun o’n gweinidog yn ei lycra

coch ar gefn ei feic ar ôl pedlo’r bymtheg

milltir o’i gartref yng Ngorslas! Gwelwyd

sawl pererindod, oedfaon Nadolig a llun

nodedig o Mr Williams yn paratoi i weini’r

Cymun - am un o’r troeon olaf.

Wrth gyflwyno rhodd i’r Parchg Ken

Williams ar ran yr eglwys, dywedodd Alun

na allai unrhyw gydnabyddiaeth fod yn

deilwng o’r cyfan wnaethom dderbyn

ganddo dros y blynyddoedd. Prin fod yr un

eglwys wedi cael gwell bugail erioed.

Bydd y bwlch ar ei ôl yn fawr.

Cafodd cyfraniad amhrisiadwy Mrs

Gwyneth Williams ei gydnabod hefyd,

trwy rodd a gyflwynwyd gan un o’r

diaconiaid, Delyth John (yn y llun). Ac fe

aeth Megan Lenny “babi’r eglwys” ymlaen

i gyflwyno blodau iddi.

Gyda chyfnod yn hanes yr ofalaeth yn

prysur dynnu at ei derfyn, fe aeth pawb i’r

festri i gymdeithasu a mwynhau te

bendigedig.

Bu’r Parchg Ken Williams hefyd yn

aelod ffyddlon a gweithgar o Gyfundeb

Gorllewin Caerfyrddin- yn Gadeirydd ac

Ysgrifennydd yn ei dro. Bydd y Cyfundeb

yn gweld eisiau ei ddoethineb a’i gyfraniad

yn fawr iawn.

CYDNABOD YMDDEOLIAD BUGAIL HEB EI AIL

Cyflwynwyd baddon adar i’r Parchg Ken Williams gan Mr D. J. Evans, aelod hynaf yr

eglwys, a rhodd i Mrs Gwyneth Williams gan Mrs Mary Evans.

PaPur wythnosol yr annibynwyr Cymraeg

tudalen 2 Y Pedair Tudalen Gydenwadol Ionawr 19, 2017Y TYsT

Y Forwyn FairDyma’r rhan olaf o’r ail

Astudiaeth Feiblaidd a

draddodwyd gan y Parchg

Kenneth Lintern yng

Nghyfarfodydd Blynyddol

Undeb yr Annibynwyr yn

Llanuwchllyn.

Yr unig wyrth gyffredin i’r pedair efengyl

yw Porthi’r Pum Mil, eto yn ymyl y Pasg.Yn y sgwrs hir sy’n dilyn yn Ioan, eto mae

Iesu’n rhoi bara’r bywyd yn wir fanna, yn

fanna newydd yn disgyn o’r nef, gyda’r

pwyslais ar y Tad fel y gwir roddwr, nid

Moses (atgof o 1.17: “trwy Moses y

rhoddwyd y Gyfraith, ond gras a

gwirionedd, trwy Iesu Grist y daethant”,

h.y. wedi eu hymgorffori ynddo ef). A’r

manna newydd yw ei gnawd (a’i waed) a

roddir dros fywyd y byd (digon ar gael i

bawb). Dyna’r porthi “ysbrydol”! Ymateb

yr Iddewon yw “Onid hwn yw Iesu fab

Joseff? Sut y gall ddweud yn awr, ‘Yr wyf

wedi disgyn o’r nef’?” Maent yn ddall i’r

gwirionedd mai dyma’r nefol yn torri

trwodd yn y person dihafal hwn. Dyma’r

trobwynt yn Ioan lle mae llawer o’r

dilynwyr yn troi cefn a Simon Pedr yn

dweud “Y mae geiriau bywyd tragwyddol

gennyt ti.” Ac yn y sgwrs hon cawn yn

Ioan yr hyn sy’n cymryd lle manylu ar y

bara a’r gwin yn y Swper Olaf.

Ochr yn ochr ag ymateb anghrediniaeth,

ceir yr ymateb yn 6.15, sydd yr un mor

beryglus: y bobl am ei wneud yn frenin.

Camddeall: “Nid yw fy nheyrnas i o’r byd

hwn.” Ai’r un camddeall oedd y tu ôl i frad

Jwdas? Talu gwrogaeth i Satan?

Arwydd Olaf

Ac yna deuwn at yr arwydd olaf oll, yr

arwydd sydd hefyd yn realiti eithaf, a’r

eneinio ym Methania ar gyfer ei

gladdedigaeth, fel ar y dechrau, 6 diwrnod

cyn y Pasg. Wrth y groes deuwn oll wynebyn wyneb â dechrau a diwedd, tarddiad a

nod, ein bodolaeth. Yn yr ymwacâu

terfynol, llythrennol hwn y gwelwn “yn

llawn gras a gwirionedd” ar ei eithaf trwy

lygaid ffydd. Ac medd Ioan: “Yn ymyl

croes Iesu (nid “o bellter”, fel yn yr

efengylau eraill), yr oedd ei fam ef yn

sefyll” – Dim sôn amdani wrth y groes yn

y lleill! – gyda thair gwraig arall. “Wraig,

dyma dy fab di” – “dyma dy fam di” wrth

“y disgybl yr oedd yn ei garu” (ni

ddywedir pwy oedd, er bod llawer yn

meddwl mai Ioan ei hun ydoedd). Nid yw

hyn yn golygu nad oedd yn caru’r lleill,

ond bod agosrwydd neilltuol o ran

sensitifrwydd a chrebwyll yn perthyn i

hwn.

Isop a Surwin

Dyma’r “Wraig” eto, fel yn y dechrau, a

chwlwm yr agosrwydd corfforol a

daearyddol yn cael ei dorri. Nid Iesu fydd

ei mab hi yn y byd hwn bellach, ond mae

ganddo ofal arbennig drosti, y wraig hollol

arbennig hon. Ac nid oes sôn am loes na

dagrau ar ei rhan hi. Ac wedyn rhoddwr y

dŵr bywiol yn sychedig, “er mwyn i’r

Ysgrythur gael ei chyflawni” (yn ôl gyda

Mathew!). Noder yr “isop” yn dal yr

ysbwng (coesyn y planhigyn), hussopo =

“isop”; ond dywed un fersiwn husso –

“gwaywffon”, sydd i bob golwg yn

gwneud mwy o synnwyr. Ond pwysig yw

gofyn pwy yw’r “hwy” a roddodd y gwin,

gan gofio defnyddid isop i daenellu

(gwaed)! Ac yfed nid y gwin gorau ond y

gwin sur, ond er hynny yn gweiddi’n

fuddugoliaethus Tetelestai: “Gorffennwyd”.

Yn Actau 1.14 fe’i gwelwn – a’r brodyr, yn

rhinwedd yr atgyfodiad – gyda’r lleill “yn

dyfalbarhau yn unfryd mewn gweddi”.

Dywed y Catholigion mai Mair yw’r wraig

wedi ei gwisgo â’r haul yn Datguddiad

12.1, ond dengys Caird eto mai Israel yw

hi.

Gwaredwr Pechodau

Disgynnodd Iesu “o’r nef” (y deimensiwn

arall), a rhaid iddo ddychwelyd. Ac fe

ddringodd yn ôl trwy ysgol y Groes. Ac

amlygwyd ei ogoniant – a’n hachubiaeth

ni. Dywed Luc fod yr ymddiddan ar

Fynydd y Gweddnewidiad am ymadawiad

(exodus) Iesu, ar y Groes. Gwelodd Mair,

yn ôl Ioan, ei genesis a’i exodus. Ac fe

welodd. Cafodd fenthyg ei mab am lai na

40 mlynedd. Ac ar y trydydd dydd

gwelodd y realiti terfynol, y dechrau

newydd yn cyrraedd ei uchafbwynt, wedi

ei ddyrchafu oddi ar y ddaear. Ac os cawn

broblem gyda dehongli’r genesis, beth a

wnawn o’r exodus hwn? – y

dirgelwch/”dirgelion na all eu datrys, Ond

Duwdod mawr ei hun”. Dywedodd rhywun

fod Iesu ei hun yn ymddiddori’n fwy yn

exodus pobl nag yn eu genesis – nid o ble

y daethom, ein llinach, ond i ble yr ydym

yn mynd, nod ein bywyd. Ac ar hyd y daith

o’i genesis daeth yn gynyddol ymwybodol

o bris ei exodus i fod yn Josua’r Ganaan

newydd, ein Gwaredwr “oddi wrth ein

pechodau”, yn ein harwain i’r Ganaan

newydd.

Kenneth Lintern

Cyflwyno CenhadaethYn ystod 2016 yr oedd gan

C.W.M (Cyngor y Genhadaeth

Fyd-eang) brosiect fideo.

Bwriad y prosiect hwn oedd

gwneud 10 fideo byr yn rhoi

darlun o weithgareddau

cenhadol eglwysi o fewn i

deulu C.W.M. Y mae gan 3 o’r

ffilmiau gysylltiad cryf gydag

Undeb yr Annibynwyr.

Y cyntaf yw’r gwaith rhagorol a wneir dan nawdd Eglwys

Bresbyteraidd Cymru yng Nghanolfan Noddfa,

Caernarfon, o dan arweiniad y Parchg Mererid Mair,

Salem, Caernarfon. Yr ail yw prosiect gyda’r henoed o

dan arweiniad Y Parchg Carwyn Siddal yn Eglwys yr

Annibynwyr, Llanuwchllyn. Y trydydd yw

gweithgareddau a gynhelir gan eglwys Ebeneser,

Caerdydd.

Os am wylio’r fideos, rhuthrwch draw i wefan C.W.M. a

dilynwch y dolennau cwmeurope.org/resources/growing-

missional-churches/

Pedwerydd Dathliad 2017Ar glawr y Tyst yr wythnos diwethaf fe nodwyd tri

dathliad arbennig sydd i ddigwydd yn 2017. Ond

tynnwyd sylw’r prif olygydd, gan Gareth Richards,

Gwasg Morgannwg, at y ffaith bod o leiaf un dathliad arall y dylid ei

nodi yn y cyhoeddiad hwn.

Y dathliad hwnnw yw pen-blwydd y Tyst yn 150 oed. Os craffwch

ar y clawr fe welwch yr ymddangosodd y Tyst am y tro cyntaf ym

1867. Edrychwn ymlaen felly i ddathlu’r pen-blwydd ac i gynnwys

peth erthyglau difyr o ôl-rifynnau a ymddangosodd tros y

blynyddoedd. Gol.

Undeb yr Annibynwyr Cymraeg

DALIER SYLW!Cywiriad

Yr ydym yn falch o fedru dweud nad yw y Parchg Rosan Saunders,

gweinidog y Tabernacl, Porthcawl, wedi ymddeol yn ystod 2016 fel yr

awgrymir ar dudalennau 88 ac 111 Blwyddiadur 2017.

Mae Rosan yn parhau yn weinidog yn y Tabernacl, ac ymddiheurwn

yn ddiffuant iddi hi ac i aelodau’r eglwys am unrhyw anghyfleustra a

gyfyd o ganlyniad i’r gamddealltwriaeth a fu.

Ionawr 19, 2017 Y Pedair Tudalen Gydenwadol tudalen 7Y TYsT

Barn AnnibynnolGeiriau o’r Gair

Wel, dyma ni - diwrnod defod urddoArlywydd etholedig Unol DaleithiauAmerica. O hynymlaen dros ypedair blyneddnesaf DonaldTrump fydd ynarwain UDA ar eithir ei hun ac ynei chynrychiolimewn byd sydd wedi ei rwygo. Er iwahanol draddodiadau gael euhychwanegu at restr y digwyddiadau ar ydiwrnod mawr, yr unig ddefod orfodol ersdyddiau George Washington, yr arlywyddcyntaf yw cymryd y llw arlywyddol.

Dewisodd y mwyafrif o’r 44 arlywyddgymryd eu Llw Arlywyddol ar y Beibl – aBeibl y teulu wedi ei ddefnyddio’n aml;defnyddiodd Barack Obama FeiblAbraham Lincoln y tro cyntaf a BeiblMartin Luther King yr eildro. Dewisoddgymryd y llw dros Feibl wedi ei gau.

Adnod Arbennig

Ond mae’r mwyafrif a ddewisodd dyngullw ar y Beibl, wedi ei agor ar adnod

arbennig. Dewisodd Abraham LincolnMathew 7.1 – “Na fernwch fel na’chbarner” ac mae llawer wedi dewis o lyfr yDiarhebion. Dewisodd Ulysses S Grant,Eseia 11 – “Ac ysbryd yr Arglwydd aorffwys arno ef, ysbryd doethineb adeall…”. Bu Franklin D Roosevelt ynArlywydd deirgwaith yn olynol a’i ddewisbob tro oedd 1 Corinthiaid 13, 13 – “Ac ynawr erys ffydd, gobaith a chariad a’rmwyaf o’r tri hyn yw cariad”. Ganrif unionyn ôl dewisodd Woodrow Wilson –“Duwsydd noddfa nerth i ni, cymorth hawdd eigael mewn cyfyngder”. Roedd dewisTheodore Roosevelt ar ddechrau’r ganrifddiwethaf yn feddylgar: Iago 1.22 – “Abyddwch wneuthurwyr y gair ac nidgwrandawyr yn unig, gan eich twyllo eichhunain.”

Eironig

Mae rhai o’r dewisiadauyn eironig o edrych ynôl drwy delesgophanes; Mathew 5 – YBregeth ar y Mynydd -oedd dewis GeorgeBush (y tad) a dewis eifab, George W. arddechrau ei ail dymor(pan oedd rhyfel yn Iracar ei hanterth) oeddEseia 40. 31 - Eithr y rhai a obeithiant ynyr Arglwydd a adnewyddant eu nerth;ehedant fel eryrod; rhedant, ac ni flinant;rhodiant ac ni ddiffygiant.”

Eseia oedd ysbrydoliaeth Bill Clintonhefyd ar ddechrau ei ail dymor; pennod58.12 - “ A’r rhai a fyddant ohonot ti aadeiladant yr hen ddiffeithleoedd; ti agyfodi sylfeini llawer cenhedlaeth; a thi aelwir yn gaewr yr adwy, yn gyweirwyrllwybrau i gyfanheddu ynddynt.”

Y Llw Arlywyddol

Dim ond ychydig o eiriau, yng nghanol yr

holl sbloets, sy’n troi darpar arlywydd yn

Arlywydd llawn ers Ebrill 30ain 1789:

“Rwyf yn ddifrifol yn tyngu llw (neu yncadarnhau) y byddaf yn cyflawniSwyddogaeth Arlywydd yr Unol Daleithiauyn ffyddlon, ac y byddaf hyd eithaf fyngallu, yn cadw, yn diogelu ac ynamddiffyn Cyfansoddiad yr UnolDaleithiau.”

Yn aml gall geiriau roi awdurdod a

chyfrifoldeb rhyfeddol ar ysgwyddau

unigolion digon diffygiol. Gobaith y bobl

yw y bydd yr unigolyn yn dehongli ei

awdurdod er lles y gymdeithas ac y bydd

ei gyfnod yn y swydd yn ychwanegu at

werth bywyd y mwyafrif ac nid yr unigolyn

sydd yn y swydd. Nid yw’n gweithio bob

tro, wrth gwrs. Dewis adnod Richard

Nixon ar gyfer ei ddwy seremoni oedd

Eseia 2.4 – “Ac efe a farna rhwng ycenhedloedd, ac a gerydda bobloeddlawer: a hwy a gurant eu cleddyfau ynsychau, a’u gwaywffyn yn bladuriau: Nichyfyd cenedl gleddyf yn erbyn cenedl, acni ddysgant ryfel mwyach.” Gwnes addunedau fil…

Euryn Ogwen(Nid yw cynnwys y Barn Annibynnol o

reidrwydd yn adlewyrchu safbwynt Undeb yr

Annibynwyr na’r tîm golygyddol.)

Euryn Ogwen

Williams

Undeb yr Annibynwyr Cymraeg

SWYDDOG

CYHOEDDIADAU

A CHYNORTHWY-YDD

Mae Undeb yr Annibynwyr Cymraeg

yn chwilio am unigolyn brwdfrydig ac

egnïol i weithio yn

Nhŷ John Penri, Abertawe.

Gwahoddir ceisiadau gan rai sydd o

argyhoeddiad Cristnogol, ac sy’n

drwyadl ddwyieithog

mewn Cymraeg a Saesneg.

Ceir disgrifiad llawnach o’r swydd,

amodau gwaith a chyflog,

a ffurflen gais gan:

Yr Ysgrifennydd Gweinyddol,

Tŷ John Penri, 5 Axis Court,

Parc Busnes Glanyrafon,

Bro Abertawe, ABERTAWE. SA7 0AJ

Ffôn: 01792-795888

e-bost: ann@annibynwyr.cymru

Dyddiad cau:

17 Chwefror 2017

Cynhelir y cyfweliadau ar

2 Mawrth 2017

Rhyng FfyddWrth deithio o gwmpas fe sylweddolwn y

dyddiau hyn fel mae ardaloedd a

chymdogaethau yn newid. Mae hynny yn

wir am ein dinasoedd a’n trefi yn ogystal

â chefn gwlad. Sylwaf ar hynny yn

arbennig yma yn Harrow. Rwyf yma

bellach ers deunaw mlynedd ar hugain, a

sylwaf ar y newid enbyd wrth gerdded y

strydoedd.

Yn y llyfrgell leol yr wythnos diweddaf

roedd yna arddangosfa ddiddorol iawn am

Rhyng Ffydd/Inter Faith. Nodwyd

amlinelliad o bob ffydd ond yr hyn a’m

trawodd oedd y canran o bob ffydd

ynglŷn â thrigolion Harrow. Dyma’r

ffeithiau:

Cristnogaeth 37%

Hindwaeth 25%

Islam 12.5%

Iddewiaeth 4%

Siciaeth 1.2%

Bwdaeth 1.1%

Cynnydd Mawr

Yn gymdogion i mi yn ein stryd o fewn

deg tŷ y mae yna un ar ddeg o

genhedloedd yn byw. Mynychaf o bryd

i’w gilydd yr Harrow International

Christian Centre i addoli. Yno y mae yna

ddeugain o genhedloedd yn addoli’r

Arglwydd Iesu. Mae’r gynulleidfa yn

enfawr, y llawr a’r galeri yn orlawn. Y Sul

diwethaf yma wrth groesawu pymtheg o

oedolion yn aelodau am y tro cyntaf

mewn Eglwys dywedwyd fod aelodaeth yr

Evangelical Alliance yn cynyddu 12% bob

blwyddyn.

Er yr holl newid yn y dyddiau hyn yn ein

hardaloedd mae rhaid cofio:

“Newid mae gwybodaeth a dysgeidiaeth dyn,

Aros mae Efengyl Iesu byth yr un”

Oes, mae yna newid mewn llawer ardal.

Y mae’r Iesu yr un o hyd.

D. Gwylfa Evans