Embed Size (px)
Citation preview
PLAN TIC
CEIP MOSTEIRO DE CAAVEIRO – A CAPELA
CURSO 2014/2015
XUSTIFICACIÓN DO PROXECTO
As tecnoloxías da Información e a Comunicación (TICs) tiveron, en
pouco tempo, un enorme impacto social e ninguén discute que estamos xa na
chamada sociedade da información e do coñecemento.
Esta revolución social, causada polas TICs, obriga necesariamente aos
centros educativos a non manternos alleos a un cambio tan profundo en todos
os ámbitos da vida cotiá que, ademais, afecta tan de cheo ao obxectivo central
do sistema educativo, a creación e a transmisión de información e
coñecemento.
As TICs deben estar ao servizo dunha transformación e innovación no
currículo ordinario do centro e deben ter como obxectivo final, favorecer o paso
dende un xeito tradicional de traballar a un innovador.
Naturalmente, esta transformación non pode producirse da noite á mañá,
o cambio debe partir do convencemento de que os métodos tradicionais deben
evolucionar para formar adecuadamente as xeracións que vivirán nunha
sociedade que xa comeza a dislumbrarse, dominada polas TICs. Ademais, son
precisamente estas tecnoloxías, as que nos poden axudar a levar á práctica
este cambio de mentalidade en relación coa ensinanza e a aprendizaxe.
As Neves - A Capela
15613 - A Coruña
Tlfno e fax: 981 459022 E-Mail: [email protected]
ESTUDO INICIAL
O CEIP Mosteiro de Caaveiro está situado nunha zona rural que na
actualidade ten, maioritariamente, nas súas casas acceso a un ordenador e, en
menor medida, conexión a Internet.
Os nenos e nenas poden disfrutar de todo tipo de máquinas multimedia
para entretemento nos seus fogares.
Mencionar tamén, que dende que se escolarizan, os rapaces entran en
contacto coas TICs en horario escolar.
O centro dispón dun cableado integral e conexión wifi que permite o uso
de Internet nas aulas para así poder incorporar os novos recursos á practica
educativa do profesorado.
Está en funcionamento a páxina web do centro a través do sistema de
webs dinámicas da Consellería.
O colexio dispón dunha aula de informática que conta con 11
ordenadores e un telecentro, con cinco ordenadores, que durante o horario
escolar, funciona tamén como aula de informática.
Secretaría e dirección dispoñen de cadanseu ordenador así como, as
aulas de infantil, primaria, aula de PT, de AL, a de relixión, música e o
equipamento ABALAR nas dúas aulas do terceiro ciclo. Tamén hai catro
ordenadores portátiles, catro proxectores e un EDI.
O CEIP Mosteiro de Caaveiro consolida este curso, un novo reto no seu
labor educativo, o PROXECTO EDIXGAL, neste segundo ano de implantación
en 5º e 6º de primaria.
EQUIPO DE DINAMIZACIÓN TIC
O equipo de dinamización TIC do CEIP MOSTEIRO DE CAAVEIRO para
este curso 2014/2015 está formado polos seguintes mestres:
- Marina González Martínez, titora de 1º de primaria.
- Aida Vila Sabín, titora de 5º de primaria e coordinadora ENDL
- María del Carmen González Pardo, especialista en Pedagoxía
Terapéutica e coordinadora ABALAR.
- María del Mar Ares Travieso, titora do 6º de primaria, Coordinadora do
E_DIXGAL e Coordinadora do equipo TIC.
HORARIO E ORGANIZACIÓN DOS ESPAZOS DO CENTRO
Cada grupo de infantil e primaria ten asignada unha sesión semanal
para ir á aula de informática co seu titor@. Ademais cada titor ou especialista
poderá facer un uso opcional dentro do horario de libre disposición co fin de
aproveitar os recursos TIC, cando o precisen para a súa práctica docente
habitual.
HORARIO DE INFORMÁTICA POR CURSOS
LUNS
MARTES
MÉRCORES
XOVES
VENRES
EI 4/5 anos
2º/3º I
EI 3 anos
EI 4/5 (alt)
2º
(matemáticas)
3º (cs)
4º
4º I
1º (cs)
Tamén dispón o colexio dun Telecentro, que comparte espazo coa
biblioteca de 2º e 3º ciclo dende o curso pasado, que funciona como aula de
informática durante o horario lectivo e como actividade de lecer e entretemento,
permitindo un uso autónomo e responsable por parte dos alumnos de segundo
e terceiro ciclo, durante os recreos do comedor. A asignación de días para
cada grupo é a seguinte.
HORARIO DO TELECENTRO
DÍAS DA SEMANA
CURSO
3º PRIMARIA
LUNS
4º PRIMARIA
MARTES
5º PRIMARIA
XOVES
6º PRIMARIA
VENRES
As áreas do centro con espazos TIC son as seguintes:
- Administración, 4 ordenadores e 2 impresoras (color e láser b/n e unha
multifunción)
- Aula de informática, (11 ordenadores, dúas impresoras, un escáner,
portátil con videoproxector e PDI).
- Telecentro ( 5 ordenadores e unha impresora color e un ordenador de
administración de biblioteca)
- Biblioteca (Ordenador, impresora láser color, impresora color, DVD).
- Aulas de EI, ( 2 ordenadores , unha impresora, un videoproxector e unha
pantalla plegable).
- Aulas de E. Primaria, (dúas aulas con equipamento ABALAR)
- Aula de Inglés, (DVD, video VHS e televisión).
- Aula de PT, (portátil, impresora tinta, pizarra de proxección e
videoproxector).
- A disposición do resto do claustro hai dous portátiles e tres video-
proxectores).
- Aula de Relixión: Ordenador e impresoras
- Aula de AL: ordenador
- Aula de Música: Ordenador portátil, proxector, pantalla.
EQUIPAMENTO
A aula de informática conta cunha boa cantidade de programas orixinais
e software educativo de diferentes empresas e casas comerciais, todos eles
adaptados ao currículo de infantil e primaria. Tamén dispoñemos de material
audiovisual (CDs,. DVDs., VHS…).
No que se refire a equipos contamos con:
6 Ordenadores portátiles
28 ordenadores
9 impresoras
1 multifuncións
6 proxectores
4 pantallas de proxeción
1 EDI
2 televisións analóxicas
Cámara de video
Cámara de fotos dixital
Cámara de fotos analóxica
Vídeo
DVD
Megafonía con dous altavoces
Máis dous equipamentos ABALAR
OBXECTIVOS
Obxectivos xerais
- Familiarizarse coas ferramentas básicas para utilizar o ordenador como
medio de aprendizaxe, de acceso a novas informacións e de
comunicación.
- Traballar as áreas e os contidos do currículo mediante o uso de
programas informáticos, en coordinación co traballo desenvolvido nas
respectivas aulas.
- Utilización do ordenador como medio de presentación de traballos e
realización de investigacións.
- Utilización de Internet como medio de información nas diferentes áreas.
- Utilización de Internet como medio de comunicación con outras persoas
e alumnos de Galicia, España e o resto do mundo.
- Utilización de Internet como instrumento para traballar e propoñer
actividades das diferentes áreas e materias do currículo.
- Traballar especialmente nos aspectos da creatividade, razoamento,
lóxica, comprensión lingüística, por dispoñer de programas que traballan
dunha forma atractiva estas áreas.
Obxectivos específicos para o curso 2015-2016
- Seguir avanzando co Proxecto ABALAR e EDIXGAL.
- Traballar a mecanografía como parte da formación para desenvolverse
mellor cos netbooks.
- Participar en actividades de formación externas, co fin de coñecer as
novas tecnoloxías para facer máis doada a incorporación dos Proxectos
E_DIXGAL e ABALAR no centro.
- Dar un novo pulo á elaboración, mantemento e actualización da páxina
web do centro.
- Manter os blogs xa existentes no centro para promocionar a
participación de mestres, alumnos e pais nas actividades do colexio.
- Continuar co banco de fotos para a elaboración dun vídeo de fin de
curso e actividades varias.
- Confeccionar un arquivo de páxinas webs, páxinas de xogos, blogs… de
interese educativo que estivesen a disposición dos integrantes do
centro.
- Desenvolver o uso dos medios audiovisuais do centro para levar a cabo
un correcto uso por parte de alumnos e mestres.
- Finalizar o inventario do material informático.
- Actualización de IPs.
- Contratación dun servizo de mantemento informático para o centro co fin
de solventar, o máis axiña posible, as incidencias que van aparecendo
ao longo do curso.
- Adquisición dun novo equipo para conservar as copias de seguridade
con documentación audiovisual do centro.
- Informatizar a aula de inglés cunha dotación de ordenador do mestre,
PDI e proxector.
- Consolidar o protocolo TIC para rexistrar posibles incidencias co
equipamento informático.
- Introducir, por primeira vez, o proxecto ABALARMÓBIL no centro, que
foi posto en funcionamento e comunicado ás familias no mes de
setembro.
Obxectivos para o profesorado
En canto ao profesorado teranse en conta os seguintes obxectivos:
- Acoller e participar do proxecto ABALAR no noso centro.
- Participar en cursos fóra do centro para mellorar a formación
tecnolóxica.
- Incorporar progresivamente o uso das TIC na práctica docente diaria.
- Favorecer o perfeccionamento do profesorado e a utilización das TIC
nas tarefas habituais do Centro: programacións, memoria, plans…
- Fomentar o emprego da P.D.I.
- Empregar as TIC como un recurso cotiá de aula.
- Utilizar as TIC como medio de información co fin de mellorar a práctica
docente.
- Intercambiar experiencias a través de foros, chats…
Obxectivos para o alumnado
- Recoñecer os recursos TIC do centro e o seu aproveitamento.
- Acadar un manexo autónomo e básico dos recursos acorde a súa idade
e nivel.
- Coñecer o funcionamento de determinados programas seleccionados
para o seu nivel e idade.
- Aplicar ao uso diario a información adquirida a través das TIC.
- Potenciar no alumnado a súa capacidade de razoamento, comprensión,
motivación…
- Potenciar a comunicación co resto da comunidade educativa e o
contorno que os rodea.
- Utilizar o ordenador como medio de creación, de integración, de
cooperación e de expresión das propias ideas.
- Potenciar o uso da mecanografía nos alumnos para ter un nivel
aceptable cando cheguen ás aula ABALAR.
- Familiarizar ao alumnado de 5º de primaria co equipamento ABALAR,
CONTIDOS XERAIS
Como contidos xerais a traballar nas aulas con respecto ás TIC destacamos
os seguintes:
- Partes fundamentais do ordenador.
- O sistema operativo WINDOWS e LINUX
- Traballo co procesador de textos.
- Traballo con programas de debuxo e imaxes.
- Internet. Acceso a páxinas web.
- Internet. Utilización de buscadores e portais.
- Internet. Utilización de blogs
- Utilización do correo electrónico.
- Traballos co EDI.
- Recursos educativos e formativos en Internet.
- Traballo co diferente software educativo do centro e das aulas.
- Internet e as redes sociais. Navegar con seguridade.
- Facilitar a comunicación coas familias a través do ABALAR MÓBIL.
METODOLOXÍA
As actividades a realizar deben ser sistemáticas, é dicir, que o alumnado
debe acostumarse a utilizar recursos TIC como unha tarefa diaria, como unha
ferramente máis de traballo. Esto favorecerá a autoaprendizaxe, a aprendizaxe
significativa, que permitirá a cada alumno investigar, buscar solucións aos
seus problemas, é dicir, APRENDER A APRENDER.
Paralelamente, propiciaremos unha aprendizaxe como proceso
interactivo, fomentando a aprendizaxe cooperativa.
ACTIVIDADES QUE SE INTEGRAN DENTRO DAS TIC
Ao longo deste proxecto estase a diseñar una estratexia a longo prazo
posto que, a introducción das TIC no currículo non se pode facer nun só curso
nin como resultado dunha moda pasaxeira. Somos conscientes de que
debemos comezar por obxectivos e actividades concretas que fagan realidade,
a curto prazo, o uso das TIC nas aulas, ao mesmo tempo que os mestres se
preparan para acadar obxectivos máis ambiciosos. Polo tanto debemos adaptar
a utilización das TIC a cada ciclo ao longo do curso.
As TICs en Educación Infantil e 1º e 2º de Primaria
Os alumnos deste ciclo deben familiarizarse cos conceptos máis
elementais da informática, dun xeito lúdico e divertido, á vez que traballan
contidos e obxectivos curriculares.
Poder utilizar software educativo, por exemplo, colorear, facer puzles,
aprender letras, numeración, etc.
Tamén poden iniciarse na navegación pola web utilizando páxinas
adaptadas ás súas capacidades e dun uso sinxelo.
O manexo dun procesador de datos é tamén aconsellable a estas
idades. No 1º ciclo, iníciase aos nenos ao manexo sinxelo dun procesador de
texto, no que sexan quen de facer ditados, pequenos textos utilizando a misma
letra que en lecto-escritura. Pouco a pouco o mestre axudará a realizar outras
tarefas necesarias como gardar e recuperar un traballo.
Na educación infantil, a metodoloxía máis axeitada consiste en utilizar o
rincón do ordenador, o que permitirá ao mestre traballar individualmente con
cada rapaz dende os tres anos axudándolles no manexo do rato, e o uso de
xogos sinxelos adaptados ao seu nivel.
As TICs 3º e 4º de primaria
Continuarase co uso das TIC na práctica diaria, de xeito que se integre
na aprendizaxe dos fundamentos informáticos imprescindible no currículo. Así
comezaremos dende o máis sinxelo ata o máis complicado. O traballo xirará en
torno aos seguintes eixes: utilización do software adaptado á etapa, ulización
de Internet e a navegación de xeito seguro, utilizando enlaces e páxinas
atractivas para os alumnos e educativas. Tamén se iniciarán en tarefas básica
como buscar una foto, localizar imaxes que posteriormente poderán incluir no
seu traballo.
As TICs e 5º e 6º de primaria
Continuarán utilizándose os recursos TIC pero dada a experiencia
acumulada e a idade dos alumnos abordaranse tarefas máis complicadas que
xirarán en torno a catro eixes:
- Uso do software axeitado ao seu nivel e relacionado coas materias do
curso.
- Utilización de Internet tendo en conta a súa iniciación no ciclo anterior.
- Ulización de diversos recursos TIC, (escáner, impresora, fotografía…).
- Elaboración de traballos, informes, dossier utilizando os medios TIC ao
seu alcance.
Para facer un visionado das actividades máis concretas a realizar podemos
destacar as seguintes:
- Manexo autónomo dos equipos.
- Coñecer as posibilidades dos recursos TIC (escáner, cámara de fotos,
de vídeo, PDI, Internet…).
- Coñecemento dos periféricos.
- Búsqueda de información en Internet.
- Búsqueda dirixida en Enciclopedias Multimedia.
- Uso de servizos e aplicacións interactivas que serven de apoio á
aprendizaxe (calculadora, buscadores, traductores, atlas virtuais…).
- Webquest
- Consulta de diarios dixitais.
- Manexo de distintos xeitos de almacenamento (lapis dixital, CD, DVD…).
- Iniciación ao uso da cámara dixital.
- Manexo de imaxes (baixar, gardar, inserir…).
- Realizar produccións propias de xeito indiviual ou colectivo: horarios,
táboas, pegatinas, rotulacións, calendarios, presentación en PowerPoint,
textos ilustrados…
PROXECTO E_DIXGAL
O proxecto EDIXGAL saíu a convocatoría o pasado mes de maio de
2014 coa fin de levar a cabo un proceso de ensinanza-aprendizaxe
exclusivamente dixital. Despois de adquirir o compromiso deste equipo TIC e
dos docentes do centro, os pais ratificaron o seu interese por este novedoso
método.
Actualmente, o proxecto EDIXGAL se aplica dentro do 5º e 6º curso de
EP, tendo o compromiso de manter o proxecto ao longo de 3 anos académicos,
dos que este é o segundo, sendo utilizado por 18 alumnos e alumnas.
Ao comezo do curso, nunha reunión coas familias pertencentes a ambas
aulas, os pais asinaron un contrato co centro para facerse responsables do uso
dos netbooks Abalar no domicilio particular. Todas as familias, sen excepcións,
firmaron o contrato e se comprometeron ao bo uso dos ordenadores portátiles
(anexo I).Actualmente, son 7os alumnos de 6º e 9 en 5º que están levando os
computadores ás súas casas.
Elaborouse tamén un protocolo de utilización dos computadores que se
adxunta a este proxecto e que quedará integrado no NOF do centro coas
sancións pertinentes relativas a conservación do material escolar e respecto
polo material do centro, que xa figuran no mesmo.(anexo II)
- Obxectivos
Con este proxecto pretendemos dar un novo pulo para:
- Utilizar a contorna dixital na incorporación de materiais dixitais coma
unha nova linguaxe educativa e un modelo de ensino-aprendizaxe .
- Potenciar a aprendizaxe dixital do alumnado e así aumentar a súa
participación, motivación e a súa creatividade.
- Impartir clases máis atractivas e documentadas a través de mateirais
dixitais.
- Evitar fracturas dixitais excluíntes.
- Promover o desenvolvemento da iniciativa, autonomía e autorregulación
progresiva do alumnado… así como das súas habilidades en todos os
ámbitos.
- Potenciar a responsabilidade do alumnado ante as súas aprendizaxes e
a capacidade de superación de dificultades.
- Promover actividades contextualizadas e significativas.
Pretendemos que sexa unha nova aposta:
- Pola calidade e a igualdade da educación.
- Por atender á diversidade e á interculturalidade adecuando as
aprendizaxes ás características dos alumnos, ás súas dificultades
individuais, necesidades e intereses.
Se queremos un sistema educativo moderno, a educación dixital pasa a
ser parte fundamental no proceso de ensino-aprendizaxe, asumindo a
necesidade de orientalo cara á innovación e o coñecemento.
- Profesorado
O traballo do profesorado para levar a cabo este proxecto será un traballo
en equipo, que contará coa cooperación e coordinación entre todos nós.
As nosas liñas básicas de actuación serán as seguintes:
- Utilización dos contidos dixitais exclusivamente.
- Saber obter información, interpretala e transformala en coñecemento
significativo dentro dunha contorna de contidos dixitais.
- Educar para que os alumnos desenvolvan os coñecementos, destrezas
e aptitudes dentro dunha contorna dixital.
- Crear un coñecemento crítico, no que a autoaprendizaxe vai xogar un
papel moi importante.
- O alumnado convértense nun usuario intelixente que desenvolve
capacidades para aprender a buscar, procesar e comunicar.
- Facer que os alumnos sexan creativos e responsables con iniciativa
propia, motivación e perseverancia no traballo, froito do labor
colaborativo de familias e escola.
- Realizar un bo control e seguimento do alumnado a través da plataforma
dixital.
- Utlizar os recursos dixitais para traballar colaborativamente.
- Avaliación
A avaliación estará presente durante todo o proxecto e será fundamental
retroalimentar e facer as modificacións pertinentes cando a propia marcha do
proxecto o vai aconsellando.
CRITERIOS DE AVALIACIÓN - Manexo do software do equipamento Abalar, plataforma dixital do proxecto
e outros presentes en aulas virtuais, na rede, etc….
- Emprego de contidos educativos dixitais do espazo Abalar.
- Manexo de ferramentas básicas: Buscadores, procesador de textos,
programas de imaxe, son, ...
- Grao de difusión das actividades realizadas dentro e fóra do centro.
- Presenza das TIC na vida diaria do centro a través de exposicións,
publicación de traballos, resolución de exercicios e xogos on line…
- Grao de contribución das novas tecnoloxías á adquisición das
Competencias Básicas.
- Nivel de contribución das TIC á consecución de obxectivos na atención á
diversidade.
INDICADORES PARA EVALUAR. - Enquisas aos alumn@s e ao profesorado e familias.
- Contadores de visitas nos Blogs.
- Observación directa sobre traballos cotiás relacionados coas TIC.
- Probas escritas e orais.
- Grao de manexo da plataforma E-dixgal.
- Elaboración de actividades facendo uso das ferramentas educativas da
WEB 2.0.
- Atención, motivación e participación do alumnado.
- Presenza de recusos dixitais na programación.
AS TIC NO TRATAMENTO DA DIVERSIDADE E NA ATENCIÓN A
ALUMNOS CON NEAE.
As TIC están plenamente integradas dentro da dinámica de traballo co
alumnado de NEAE , tanto na aula de PT como na de AL., traballando con
equipos informáticos e coa PDI.
ACCESO ÁS TIC EN CONDICIÓN DE IGUALDADE POR SEXOS E
CONDICIÓN SOCIAL
Todo o alumnado do centro ten as mesmas posibilidades de acceso aos
recursos TIC sen ningún tipo de discriminacón.
PLAN DE AVALIACIÓN INICIAL
A avaliación será contínua, por observación directa de cada actividade
realizada ou material empregado, servindo así de revisión sobre o traballo feito
e permitindo a corrección e o reprantexamento, se fose necesario, sobre
calquera aspecto que resultase pouco axeitado ou non permitise alcanzar os
resultados.
Para valorar as actividades teranse en conta os seguintes aspectos:
- Grao de interese, do alumnado e da comunidade educativa.
- Grao de participación, por parte de toda a comunicade educativa.
- Grao de aceptación, interiorización e aplicación.
En canto á competencia dixital, valoraranse aspectos como:
- Nivel de dominio acadado por parte do alumnado e do profesorado.
- Dificultades atopadas, de calquera índole (software, medio, espaxos…).
- Medidas correctoras, se fose necesario, para reconducir calquera
aspecto.
O gran reto ao que nos enfrentamos neste curso, ademáis de todo o exposto
anteriormente, é o Proxecto ABALAR MÓBIL. Implantado no centro no mes de
setembro, xa foi comunicado ás familias e explicado á smesmas, nas titorías de
principio de curso. Tamén se incluiu un post na páxina web do centro para
apoio ás familias que enlaza co que xa ten publicada a Consellería na súa
páxina. Só nos queda botar a andar e fomentar día a día este novo proxecto
innovador que facilitará a comunicación familia_escola.
A Capela, 1 de outubro de 2015
Marina González Martínez
María del Carmen González Pardo
Aida Vila Sabín
Mar Ares Travieso (Coordinadora)
ANEXO I
Acordo de cesión de uso de netbook do alumnado do equipamento Abalar para
proxecto E-DIXGAL
D./Dña _______________________, con DNI Nª ___________, pai/nai/titor legal de
________________________________________________, alumno/a do curso 5º de
Educación Primaria do centro
______________________________________________________________
É INFORMADO:
1. Que o centro participa no proxecto E-DIXGAL para o uso das novas tecnoloxías da
información e da comunicación, o cal require a posta a disposición do alumnado do
centro de ordenadores para a realización das súas tarefas escolares.
2. Que o centro ten a súa disposición o netbook marca Inves, modelo
____________________ con número de serie ___________________________
ACEPTA AS SEGUINTES CLÁUSULAS DE PRÉSTAMO DO EQUIPO:
PRIMEIRA. OBXECTO.
Mediante este acordo o centro cede o uso do ordenador descrito ao alumno/a cunha finalidade
educativa para a realización de tarefas escolares coas condicións e normas recollidas neste
documento.
SEGUNDA. CONDICIÓNS DE USO
1. O/a alumno/a levará o ordenador ao seu domicilio para estudar e realizar as tarefas
encargadas polo seu profesorado. Non se poderá utilizar o citado equipo para ningún
outro uso persoal ou profesional sen a expresa autorización do centro. Ademais non
poderá cederse a terceiras persoas. A utilización non permitida do equipo será recollida
como falta no Regulamento de Réxime Interno do centro.
2. O/a alumno/a e a súa familia non poderán realizar manipulacións no ordenador nin no
software nel instalado. Deberá informarse ao titor do curso de calquera desperfecto
observado no equipo no menor prazo posible.
3. O/a alumno/a comprométese a levar todos os días o ordenador ao centro coa batería
completamente cargada.
4. O ordenador deberá devolverse ao rematar o curso e cando o centro o solicite para
realizar actualizacións, tarefas de mantemento, etc.
5. O profesorado e o coordinador E-DIXGAL do centro poderán inspeccionar o ordenador
cando o estimen oportuno coa fin de constatar o seu estado.
TERCEIRA. RESPONSABILIDADE
Responsabilízome do correcto coidado e uso do equipo, respondendo da perda do ordenador
ou do seu mal uso. Isto non inclúe as avarías que podan producirse na utilización diaria do
equipo e estean recollidas na súa garantía.
Segundo a Consellería, cada centro acordará a cuantía correspondente á baixa ou perda dun
equipo. Este centro decidiu que o importe desta cuantía ascenda a un total de 300€.
En ____________________________________a ____ de_________________ de 2014
Asdo.: pai/nai/titor legal
ANEXO II
ANEXO II
PROTOCOLO DE USO DOS RECURSOS TIC DAS AULAS
ABALAR/EDIXGAL
Unha vez foi aprobado o Proxecto de fomento das Tecnoloxías da Información e
Comunicación que solicitamos á Consellería de Educación dirixido a 5º e 6º de
Educación Primaria, ponse en marcha o proxecto EDIXGAL nas aulas ABALAR que
xa ten funcionando o centro.
Cada aula conta con
As Neves - A Capela
15613 - A Coruña
Tlfno e fax: 981 459022 E-Mail: [email protected]
C.E.I.P. "Mosteiro de Caaveiro"
Un proxector EPSON co seu mando.
Unha pantalla dixital interactiva
Un carro de carga.
Un portátil para o mestre
Ultraportátiles para cada alumno, co seu cargador correspondente
Estes equipos son parte dos recursos informáticos do CEIP Mosteiro de Caaveiro. Son,
polo tanto, un instrumento de traballo escolar ao que se ten aceso pola participación do
centro no proxecto ABALAR e agora no proxecto EDIXGAL.
Deberase cumprir e respectar en todo momento esta normativa de uso, incorporada no
NOF, tendo en conta que o non facelo levará consigo sancións se chegase o caso.
O correcto emprego e axeitada conservación do material de aula é responsabilidade do
grupo que ten asignado dita aula polo que, ademais das habituais normas de
funcionamento do grupo, este material está suxeito a unha normativa propia e
complementaria que pasamos a detallar:
NORMATIVA DE USO
1. Antes de coller o portátil dos carriños establecidos para gardalos os alumnos
Deixarán na súas mesas o material que o mestre considere oportuno para o
adecuado desenvolvemento da clase e así evitar ter que colocalo en situacións de
equilibrio precario.
Cada alumno/a irá ao armario por orde para evitar posibles caídas dos equipos.
Sempre se collerá ó portátil con dúas mans, de xeito que ó levalo non lles tape a
visión do camiño e tropecen.
Cada ordenador portátil ten unha etiqueta co número que lle corresponde a cada
alumno e sempre se collerá o portátil que se corresponda co seu número para que
exista unha responsabilidade persoal no coidado do mesmo.
O alumno non acenderá o portátil ata recibir a orde expresa do profesor, unha
vez rematada a exposición do traballo que van realizar.
É responsabilidade do alumn@ o coidado do equipo asignado e o seu
mantemento en bo estado, evitando golpes, humidades e temperaturas extremas.
Non se colocarán obxectos de ningunha clase sobre o portátil nin cando estea
aberta nin pechada a tapa.
A pantalla é moi delicada. Non se debe tocar nunca cos dedos, só co punteiro do
portátil ou un stylus.
Ante calquera incidencia no equipo o alumn@ debe avisar ao mestre que lle
transmitirá a información ao Coordinador ABALAR
Cando o profesor teña que interromper o traballo do alumnado para dar unha
explicación baixaranse as tapas dos portátiles sen chegar a pechalos de xeito que
estes non entren en estado de suspensión.
Cada alumno/a será responsable do correcto mantemento do escritorio, carpetas
e arquivos da súa conta, velando pola súa orde e conservación.
Cando o alumno/a teña que ausentarse temporalmente da aula, baixará
totalmente a tapa do portátil para evitar posibles golpes e aforrar batería.
Os alumnos devolverán o portátil ao lugar que lle corresponde no carriño,
asegurándose de que queda conectado ao cargador. Irán por orde evitando
aglomeracións..
Os equipos son propiedade do centro, polo que queda prohibida a instalación de
calquera programa, aplicación ou ferramenta.
Dentro do contexto do Proxecto Edixgal, os Netbooks poderán sacarse da aula a
aquelas outras onde o proxecto se desenvolve; ou aos domicilios dos alumnos
que forman parte do proxecto.
Aqueles alumnos que desexen levar o netbook aos seus domicilios terán que
proverse da funda para tal fin que aporta o centro. Só levanrán o ultraportátil ao
domicilio aquelas familias que o demandaran previamente.
Non utilizarán obxectos ou instrumentos puntiagudos (bolígrafos, lapis ou
rotuladores) que poden danar a superficie analóxica-resistiva da EDI
Non pegar cinta adhesiva sobre a superficie de escritura da EDI (posible
desprendemento do recubrimento exterior da mesma)
Os alumnos non deben usar o EDI sen permiso
O feito de non aceptar estas normas ou de non as respetalas traerá consigo a
restricción dos privilexios de acceso ao mesmo aos alumnos ABALAR
ASIGNACIÓN DE PORTÁTILES
Cada alumno do centro recibirá ao incorporarse a 5º E.Primaria un ultraportátil do que
será responsable mentres estea matriculado no mesmo con independencia do momento
no que fai a matrícula e ata que remate a súa permanencia no centro.
Coidados básicos do portátil.
a) Cando se estea a traballar co equipo, deberá colocarse nun lugar estable, a salvo de
posibles incidencias: caídas, golpes, evitando posibles caídas de obxectos sobre el e de
calquera outra circunstancia na que perigue a integridade física do aparello.
b) Non se pode comer nin beber cando se está a utilizar o portátil.
c) Non se pode coller o portátil pola pantalla, sempre debe transportarse collendoo pola
base.
d) Evitar a exposición do portátil ao sol, á chuvia e ás fontes de calor; por exemplo, non
colocalo a carón dun radiador.
e) Está prohibido para os alumnos Abalar (6º Curso) sacar o equipo do Centro.
f) O portátil terá que estar no carriño de transporte cando non se estea a utilizar e
procurando que estea a cargar a batería.
Avarías do portátil
Comúns
a) Cando o portátil estea avariado, deberá seguirse a clase con outro compañeiro.
b) Cando ocorra unha incidencia co portátil o mestre deberá tramitar un parte de
incidencias (ANEXO I) que se entregará ao coordinador ABALAR o cal, se procede,
deberá entregar o documento ao Equipo Directivo para a súa tramitación disciplinaria e
ao asesor ABALAR para a reparación do equipo
Debidas ao uso indebido
a)Cando se detecte que a avaría do portátil ten a súa orixe nun uso indebido do mesmo
arbitraranse as medidas correctoras recollidas nesta normativa e no NOF do centro.
b)Cando se detecte que un alumno está a ter avarías graves debidas ao uso indebido ou
ao coidado pouco esmerado, procederase a poner en marcha o protocolo neste tipo de
situación onde as sancións poden chegar a ser económicas recollidas no ANEXO II.
Responsabilidades derivadas do uso
Cada alumn@ é responsable do que faga co seu portátil. Terán consideración de faltas
graves ou moi graves, en función das circunstancias nas que se producen os feitos e das
súas consecuencias, as seguintes:
Calquera intento de danar equipos, materiais, datos ou programas, será sancionado polo
NOF do centro. O vandalismo levará consigo a obriga de reposición dos custos
orixinados pola reparación, compromiso que as familias asinarán a principio de curso.
(ANEXO II)
Están prohibidos:
os intentos de ver, copiar, modificar ou interferir o correo ou os ficheiros doutros
usuarios. O incumprimento desta norma será obxecto das sancións disciplinarias
que se contemplan no RRI do centro
Ver ou transmitir material ilegal ou obsceno
Revelar información persoal
Trasladar o portátil ao recreo ou fóra do centro para os alumnos ABALAR e no
caso dos alumnos EDIXGAL, sempre debe quedar debidamente rexistrada a súa
saída do centro
PROFESORADO. ELEMENTOS DA AULA ABALAR
. Durante o tempo do recreo o videoproxector permanecerá apagado
. O profesorado non permitirá que o alumnado colla/deixe os portátiles pola súa conta.
. O profesorado que imparta a última clase do día debe asegurarse de que os equipos
quedan no carro pechado dispostos para cargarse e que este está enchufado ao
dispositivo electrónico previsto a tal efecto. Deberá asimesmo asegurarse de que aqueles
alumnos que leven os Netbooks á casa o rexistren debidamente.
. O profesorado disporá dun documento no cal se relacionará cada alumno co número do
equipo portátil que ten asignado.
. As conexións de internet están destinadas exclusivamente á busca de información
educativa e á realización de actividades didácticas. En ningún caso se lle permitirá a
navegación libre por internet
. O alumnado non debe usar o EDI sen permiso
DIRECTRICES E PROCEDEMENTOS ADMINISTRATIVO
O usuario/a ABALAR que viole as directrices e os procedementos administrativos,
estará suxeito/a á suspensión temporal ou definitiva dos seus dereitos de utilización do
portátil e da rede/sistema, e estará suxeito/a ás correspondentes sancións disciplinarias,
recollidas no Regulamento de Réxime
Interno ou nos procedementos legais oportunos.
O PORTÁTIL É UN INSTRUMENTO DE TRABALLO ESCOLAR Ó QUE SE TEN ACCESO POLO
FEITO DE PARTICIPAR NO PROXECTO EDIXGAL/ABALAR. O ALUMNADO E OS SEUS PAIS
OU TITORES LEGAIS ADMITEN DENDE UN PRINCIPIO AS NORMAS ESTABLECIDAS PARA
O SEU USO E, QUE O INCUMPRIMENTO DAS MESMAS, PODE SER OBXECTO DALGÚN TIPO
DE SANCIÓN.
AS SANCIÓNS QUE SE PODERÁN CONTEMPLAR, EN FUNCIÓN DA GRAVIDADE DO
INCLUMPRIMENTO SON:
- As que figuran no NOF do centro relativas á conservación e bo uso do material escolar e do
centro.
- Condutas contrarias ás nomas de convivencia.
- Aboamento de 300€ acordados ao principio de curso coas familas. (ANEXOII).
- CALQUERA OUTRA APROBADA POLO CONSELLO ESCOLAR E QUE SE INCLÚA NO
REGULAMENTO DE RÉXIME INTERNO DO CENTRO.
A Capela, 1 de outubro de 2014
ANEXO III
ANEXO III
PARTE DE INCIDENCIAS ABALAR
NOME______________________________________________________
DATA
TIPO INCIDENCIA
RESOLUCIÓN
Técnica Mal uso Olvido Outras
As Neves - A Capela
15613 - A Coruña
Tlfno e fax: 981 459022 E-Mail: [email protected]
29 PROXECTO TIC – CURSO 2014/2015
CEIP MOSTEIRO DE CAAVEIRO – A CAPELA
