ANG DANTAON AY OBRANG SINING NI DELOTAVO SA PAGDIRIWANG NG DANTAONG NAUDLOT NA HIMAGSIKAN. ANG NAGPAPATULOY NA TUNGGALI-AN AY MALUPIT NA LUMALAMON NG MGA WALANG MALAY. SADYANG INIWAN NI DELOTAVO ANG LUKOT NA KANVAS NA WALANG LARAWAN...ISANG LIHIM NA MABUBUNYAG SA HINAHARAP.

AYON SA KASAYSAYAN, HINDI SUMAMA SA MGA KATIPUNERO SI GAT RIZAL SA TANGKANG PAGTAKAS SA KANYA SA BILANGGUAN. SA HALIP, MISTULANG TUPA NA INALAY ANG SARILI UPANG BARILIN NG WALANG AWA NG MGA KASTILANG MANANAKOP. ANO ANG KANYANG PANININDIGAN? ANG TUGON AY NASA HULING YUGTO NG EL FILIBUSTERISMO:

...ang kalayaan ay hindi matamo sa pamamagitan

ng tabak...

sa halip maging karapat-dapat tayo,itaas ang antas ng kaalaman,

ang dangal ng bawat nilalang, mahalin ang katarungan, katapatan at

kadakilaan,

kahit mamatay ng dahil sa adhikain.

At kung ito ay nakamit ng bayan,ipagkakaloob ng Panginoon ang sandata,

mawawasak and dios-diosan, babagsak ang kaapihan tulad ng barahang tahanan

at

kalayaan ay bubusilaktulad ng kauna-unahang bukang-liwayway.

AYON KAY GAT RIZAL, ANG PANGINOON AY MAY MAHIWAGANG SANDATANG NAKALAAN NA IPAGKAKALOOB SA PANAHON NA KARAPAT-DAPAT NA ANG MAMAMAYAN. KAILAN MAGING KARAPAT-DAPAT ANG BANSA?

KUNG ATING SURIIN, MALAYO PA TAYO SA TOTOONG KAMALAYANG KRISTIYANO. MALUNGKOT ISIPIN NA TINAGURIAN TAYONG KRISTIYANONG BANSA, SUBALIT MAPAGLAMANG ANG ASAL NG NAKARARAMI. DI KATAKA-TAKA MISTULANG IMPIYERNO ANG KAPALIGIRAN. MAAMONG TUPA ANG NAKARARAMI HABANG NASA SIMBAHAN, SUBALIT ITIM NA LOBO ANG KILOS PAG NASA KALAKALAN.

ANG NAKA LUK-LOK SA KAPANGYARIHAN AY PATULOY NA YUMAYAMAN 'BY SERBING D POR' AT IISA ANG KATANGI-AN NG TANYAG AT MAKAPANGYARIHAN: ANG WALANG SAWANG KUMAIN AT MABUSOG, KAHIT MAY KABABAYANG NANGANGATOG SA HAPDI NG TIYAN. 1

MAS MABIGAT ANG SALOT KAYSA BIYAYA NA DULOT NG MGA NAMUMUNO NG BAYAN. MANALANGIN TAYO NA BIYAYA NAMAN SANA ANG HATID NG BAGONG HALAL NG TAONG 2010.

SA KABILANG DAKO, MAILAP ANG KAPAYAPAAN SAPAGKAT PATINDI ANG AKLAS BAYAN SANHI NG KIROT NG TIYAN NG NAKARARAMI.

ANO ANG NARARAPAT NA TUGON NG ISANG KRISTIYANO?UNA,MAGSUOT NG BALUTING PANDIGMA. PANGALAWA, KUMAPITSA PATALIM NA SALITA NG DIYOS. PANGATLO, MANINDIGAN.

KAPAYAPAAN ANG BISA NG NAGBAGONG-ANYO NA PAGIISIP NG TAPAT NA KRISTIYANO. TUNAY NA LUPIG NG PAG-IBIG ANG LAHAT.

SA PANAHON NA IYON, KALAYAAN AY BUBUSILAKTULAD NG KAUNA-UNAHANG BUKANG-LIWAYWAY.

HALINA. BUMANGON AT PUKAWIN ANG DAMDAMIN. SA DAMBANA NG PANGINOON AY MAALAB NA IALAY ANG ATING MGA SARILI. TAYO NA. KILOS NA.

DANTAON- Obrang sining tungkol sa dantaong himagsikan ni Antipas Delotavo

Katha ni Fred A. Liongoren - Hunyo 2006, bundok Antipolo - Bagong limbag, Pebrero 2008. Septiyembre 2009

ANG SULAT-KAMAY NI GAT RIZAL SA KATHANG ISIP AY ISANG TANGLAW NA NAGING PATNUBAY NIYA SA TUNAY NA BUHAY.

1 awit ni Gary Granada 2 John Fitzjerald Kennedy

Isang pagbubulay ni Fred Liongoren batay sa sining ni Antipas Delotavo. Tangkang sagutin ang katanungang 'Kristiyanong bayan ba ang Pilipinas?“ Isa sa serye ng panulat sining pinamagatang Mga Pangarap at Pangitain na nagtataguyod sa Bayan.

PANGITAIN ni Antipas Delotavo

ANG HULING TUNGGALIAN AY PALIGSAHAN SA PAGHIMOK NG PUSO AT DIWA NG BATANG ITO.

KANINO SIYA PASASAKOP AY BABADYA NG ALING URING PAGBABAGO SA HINAHARAP:MADUGO O MAPAYAPA.

ALALAHANIN NATIN ...ANG SINUMANG SAGABAL SA REPORMA AY KABAHAGI SA PAGSULONG NG MADUGONG AKLAS BAYAN. 2