Demian - Sambahsa tarjem

7/29/2019 Demian - Sambahsa tarjem

1/98

DEMIAN

af Hermann Hesse

Sambahsa tarjem

Volim ya neid alyo quem pites gwive quo sielcskwit me per se. Ma buit to tem

difficil ?

Kay narre mien storia, dehlgo inkape dalgtos prever. Dehlgiem, sei to mi esiet

possible, lites dar dalger retro, tiel do ia quantenprest yars os mieno miegve ed

dar trans ia do id piern os mien origin.

Autors, quando scribent romans, pliehge to kamsei esient Div ed ghehdient

uperspehce ed ghabe cada menscenstoria ed represente id kamsei Div sibswo id

narriet, aun vasya kehlders, samt essential quantloc. To khako io, tem pau quem

autors to ghehdent. Mien storia est mi importanter quem qualgvonc autor id

elso ; idghi est id wi mien, ed id est id storia unios mensc ne uns exmohnen,

uns possible, uns ideal au sonst-ye ne existant, sontern uns real, unique, gwiv

mensc. Quo to est, un real-ye gwiv mensc, est woiden nundiens aundwoi minter

quem aiwo, edghi mensci bihnt menegh-ye gvohnt, ex qui ielg est un kamatih,

unique test ios Nature. Sei ne esiemos dar meis quem unique mensci, tunghehdiet druve-ye ielg ex nos bihe kastert ex id mund, narre storias neti habiet

sense. Ielg mensc est lakin-ye ne tik elswo, el est elschi unique, alnos particular,

in cada fall important ed skaun point, quer ia phenomens ios mund crucent

mutu, tik oins ed naiweti. Itak est id storia ielgs mensc important, abadic, divin,

itak est ielg mensc, tan el gwivt kamkwe ed parkwehrt id vol ios Nature,

daumost ed el stahalt cada attention. In ielg hat id ansu wardht, in ielg paytt

gohnos, in ielg biht crucificten un Redemptor.

Pauks woid nundiens quo est el mensc. Maungs kheisse id ed mehre po to meisfacil-ye, kam ego mehrsiem meis facil-ye, kun habsiem parscript tod storia.

Ne poitto me kale mualim. Eem un sokar ed som dar oin, bet neti paursko bayna

ia stars ni in buks, bikleum ia talims qua mien sehrg murmuret in me. Mien

storia ne est amat, ne est swadh ed harmonieus kam ia exmohnta storias, id

smehct non-sense ed confusion, follia ed sogno kam id gwit vasyen menscen qui

sib neti leughskwnt.

Id gwit ielgs mensc est un wegho kye seswo, id peiten uns wegh, id suggestion

uns paund. Nel mensc hat aiw esen alnos elswo; ielg trendt lakin bihe el, uter

1


2/98

kyopev-ye, alter meis facil-ye, ielgis kam el ghehdt. Ielg behrt etiloikwa sienios

gnahsa, gloiwos ed oivkiauts uns ormund, bi se tiel id fin. Maungis naiwo biht

menscis, remant batrac, remant sinsar, remant murm. Maungis est ub mensc ed

ghom pisk. Bet ielg est un kumar ios Nature kyel mensc. Nos quantims sont ia

origins commun, ias maters, wey quanti gwehmmos ex id sam guragh ; bet ielgtrendt, un test ed un kumar ex ia dubes, kye sien wi ziel. Ghehdmos prete mutu ;

bet interprete ghehdt tik ielg sibwo.

Dwo munds

Inkapo mien storia med un gwivmen ios zaman kun eem decat ed eegwahm id

latinscol os noster smulk urb.

Maung suaodet kyant me ed me emovt intos med gvol ed karime vehrsa, deuska

gatvas ed kweiter doms ed tors, horlogen frids ed leuden liges, kyals plena med

comfort ed warmo khauristat, kyals plena med rouna ed profund kabuspaur. Ter

odent warm kantun, cuincules ed slougas, woikproducts ed oschaf. Dwo munds

drahr ter per mutu, ex dwo poles gwohm dien ed noct.

Uter mund eet id paterdom, bet id eet hatta dar angher, id ghi compris tik mien

parents. Tod mundo mi eet mierdeils-ye suagnoht, ids nam eet dadmam, liubh ed

strehngia, exemplaritat ed scol. Tod mund eet bayght ab mild arg, clartat ed

kiestia, her eent mliak maedwn tolks, laven hands, kiest vesters, prabh mores

hemi. Her eet id aghyern khoral sohngven, her eet Natal celebren. In tod mundeent rect lignes ed weghs qua duxeer do future, eent dohlg ed skult, khak

conscience ed confession, indeulgen ed sell intentions, liubh ed dyinst, Bible

werds ed mensdeh. Anghen dohlg dare tod mund kay id gwit buit clar ed pur,

bell ed suart.

Alter mund yed inkiep ja medsu nies wi dom ed eet alnos alyum, odit als, bahsit

als, promiss ed kup als. In tod dwoter mund eent slougas ed kerdosgasalls,

kabusstorias ed scandal rumors, ter eet un pulpoik flutt om immense, attractive,

dekhschatic, enigmatic jects, kam mazbakh ed prison, drehnkniks ed creischendgvibhs, kyueihnd gwows, volvihn ekwi, narns om enbrehgens, nergvons,

suicides. Quant ta bell ed terrible, wild ed cruel jects wohs hol perambh, in id

niebst gatva, in id niebsto dom, police agents ed vagabonds drahr perambh.

Drehnkniks pliegel ir gvibhs, grwozdus yunen piegs surc vespers ex ia fabrics,

anuas ghohd manghane ed sieugihes leuds, brigands wik in id widu,

fwenschawers bihr kapt ab sayads quantloc surc ed suaodit tod dwoter, violent

mund, quantloc, tik ne in nies kyals, quer mater ed pater eent.

Ed to eet baygh gohd. Eet daumost, od eet bi nos pace, aurdhen ed rahat, dohlg

ed gohd conscience, indeulgen ed liubh ed daumost, odschi eet id ceter, to hol

2


3/98

honar ed spleindend, sombre ed gvaltic, quod ghohd ses oiskapen lakin med oin

skand kye mater.

Ed id stragnest eet, kam ambo munds granceer protie mutu, kam prokwem ia

comlyohg ! Mathalan-ye noster slouga Lina, quan ia sess vespers unte id

gvehden in id salon nieb ia dwers ed comsohngvit med sien clar voc id chante,sien lawt hands lyict ep sien utingglat mandile, tun bieygh ia alnos dadmam,

nos, in id clar ed id prabh. Just poskwo in id cucin au in id dreustadel, quan ia

mi narrit ia storias ios auncapios bonem, we quan ia chid con ians niebergvibhs

in id smulk dukan ios mayzelar, tu ia eet alya, bieygh alter mund, eet perambhta

med secret. Ed it eet to con quant, meist-ye con meswo. Sigwra, io bieygh id

clar ed prabh mund, eem is magv mienen parents, bet quetro io wohrt ok ed aur,

quantloc eet alter ter, ed gwivim yaschi in alter, quayque id mi eet ops tarnien ed

guway, quayque ter ops khak conscience ed paur bihr obtenen. Hatta gwivim

prist-ye miltst-ye in id banto mund, ed ops eet id gwirlay do id clar kamkwe

necessar ed sell id miegh ses quasi kam un gwirlay do id minter bell, id meis

plictic ed pusten. Yando io wois : mien ziel in gwit eet, bihe tem quem mien

pater ed mien mater, tem clar ed pur, tem superior ed suart; bet tetro eet id itner

wayt, tetro dohlg ses perikwohlen in scols ed studyen, ed examens ed imtihans

dohlg ses kamyaben, ed id itner lit semper pri alter sombrer mund, peritohr id,

ed eet hatta possible, od anghen mien in id ed se forsohnk. Eent storias lusten

sons quibs it eet wakyen, qua io hieb list passion-ye. Ter eet ielgs id gwirlay ei

pater ed ei sell tem redemptor ed grandiose, io khiss ex to od tik to eet prabh,

gohd ed desirable, yed eet id deilo ios storia quod jinkdousit bayna i khiters ed

lusens, dalgtos id attractivest, ed sei to habiet poitten ses saygen ed confetten,sayang od yando is Lusto Son pischmien ed eet retrohft. Bet sieyg i leuds to ne

ni mohn to. Tik to existit, ka presumption ed possibilitat, baygh ghom ka

khisses. Quando fikrim iom Diabel, io ghohd imagine iom niter in id strad,

desguiset au ouvert-ye, we in id yarmerc, we in un creschma, bet naiw in nies

hem.

Mien swesters bieygheer kathalika id clar mund. Eent, kam mi ops kwohk,

essence-ye prokwer dadmam, eent gohder, tamijdarer, aunfaulter quem ego. Ias

hieb defaults, ias hieb dusadets, bet mi kwohk, od to ne eet baygh profund, od tone eet kam in me, quer id contacto con khiter eet ops tem gwaur ed aziyatend,

quer id sombre mund wohs meg prokwer. Ias swesters eent, lik im parents, ad

preserve ed ad respecte, ed sei anghen hieb chiden con ians, anghen eet poskwo

ant sien wi conscience semper el khiter, el stiftor, quel dohlg budes indeulgen.

Perghi ians swesters eent les i parents, id sell ed superior. Eent secrets, qua

ghohdim diles meg anter con iens dusprabhst gatvapwarns quem con mien

swesters. Ye gohda diens, quan id conscience eet gwayder ed in aurdhen, tun

eent ops delicieus likes con ians swesters, ses sell ed latif con ians ed seswo

skaue med un brave ed noble apparence. It dohlg ses quel eet un angel ! To eetid hogsto quo gnohsam, ed ieyam swadh ed daumosto ses un angel, perambhtis

3


4/98

med un gwayder swon ed xiaunki kam Natal ed noroc. Oh kam rar-ye tyohc solg

saats ed diens ! Ops leikend-ye, unte dohbra, aunharm ed permitten leiks, eem io

uns passion ed uns vehemence, qua excess mien swesters, qua duxeer ad faydh

ed bieda, ed kunghi grassab lambhit me, eem terrible ed kwohr ed sieyg jects

quom duspriebhe, dar unte io kwohr ed sieygim ia, io khiss prufund-ye edardent-ye. Tun gwohm desamat, sombre hors om pischman ed contrition, ed

dind id kadost instant, kun io bud pardon, ed poskwo iter un bam os clartat, un

still, schakir bzam aun disunion, unte hors au instants.

Eegwahm id latinscol, is son ios burgmayster ed ios forester-chef eent in mien

classe ed eegwehment prist-ye do mien hem, wild pwarns yed bayghers ios sell,

permiss mund. Lakin io hieb angh sibias dia niebersekias, scolers ios primar

scol, quens sonst honnam. Med oin ex iens dohlg io inkape mien narn.

Ye un leur posmiddien eem lyt minter quem decat ravien io con dwo pwarns

ios jawar. Tun gwohm un ater con, uno meis kreptic ed meis rauk sekia, circa

tridemat, un primarscoler, is son uns khayat. Eys pater eet un drehnker, ed id hol

familia eet in duskleumen. Franz Kromer mi eet suagnohn, bieyim iom, ed ne

me plaisit od is nos joinit. Is hieb ja wirlik maniers ed imitit id gwayt ed id

bahmen iom yun fabrickarls. Sub eys commando stigh wey nieb id brigvo ghom

do id ouper ed perbohrg nos ud id mund sub id prest brigvarche. Id smulk ouper

inter id brigvakmen ed id adriug bogwed consistit mucho zibel, dreska ed

mergis, implohcen bindells ex berust isern viel ed alya disxubhs. Prist-ye eent

ter neudet jects trohven; wey dohlg obsoke id stet sub id neihsa os Franz Kromered ei dikes quo wey trohv. Dind auter gwup is id ject pro se we is rejexit id do

wed. Is bud nos ad an eent bayna ia sem jects ex plumbh, massing au stin, isghi

gwup ia pro se, hatta un veut pecten ex horn. Khissim baygh bfuyow in eys

hamrahsa, ne ob io wois od mien pater mi baniet tod sokwia, sei is woidiet id,

sontern ob paur dia iomswo Franz. Eem noroct ob is me admiss ed traitit kam

alters. Is wohl, ed wey obedih, to eet kamsei esiet un veut usage, quayque eem

ye id prest ker con iom.

Bad sess wey ep id swol, Franz oispiu do wed ed tengicit kam un wir; is oispiuper un dentitiontorm ed hih querlibt. Un tolk inkiep, ed ies pwarns bigvreduer ed

bihablier de vasyalg scolerexploits ed khiter agsa. Io swigh yed biey ubfalle med

chiowdeo mien taycen ed attrage kye me id grassab os Kromer. Io hieb est

inkaptos za mien dustens quoy se hieb gnopihn iom, eem un tarnien bayna iens

ed io khiss od mien vehsmen ed adab eent uper iens. Ka latinscoler ed son os

prabh familia ghohd Franz me ne kame, ed bo alters, to suakhiss io, me

renegient ed forlinkwient.

Bad inkiep io ob mer paur yaschi narre. Io exmohn uno mier brigandstoria, quosheroy io me kwohr. In un garden nieb id wagwlmolin, io lohg od noct-ye con

4


5/98

dwo dustens io hieb klohpten un hol sack pleno med apels, ed ne communa,

sontern tik reinetas ed cronapels, ia gohdsta sortes. Ob ia dangers tos momentios

mwaungsousim io do tod storia, exmehne ed lehge id mi buir familiar. Tik kay

ne iter chwoye ni maghses bihe involwto do semjecto khaker bligih io mien hol

art. Oin ex nos, io lohg, hieb semper dohlcto stahe wakht, menxu alter eet in iddru ed xubh ia apels ghom, ed id sack eet tem gwaur, quem wey dohlg iter

ghyane id ed relinkwes id dwidel, bet wey regwohm pos oin pwolhor ed vien id

reste.

Kun io hieb finiht, spehsim io sem applaus, hiebim bad biht warm ed io me hieb

medven med id affabulation. Bo lyters tieyc exspectant-ye, bet Fraz Kromer me

spohc med pwolcluden okwi achiz-ye ed me sprohg med tehrgend voc : Est to

ver ?

Weidwos, sieyg io.

Also druv ed hakike ?

Ya, druv ed hakike, sigwrim io chiaujaen-ye, menxu io pnohg inner-ye ob

paur.

Ghehds tu kassame ?

Io hieb maung dekhschat, bet io sieyg fauran ya.

Tun sayg : per Div ed furkan !

Io sieyg : Per Div ed furkan.

Gohd, ya, mieyn is tun ed is vols.

Io mohn, eet gohd, ed buim noroct, kun is mox stahsit ub ed bigwirliey. Kunbuam ep id brigv, io sieyg timid-ye od io dohlg taiper gwirlaye.

To ne tem urct, glih Franz, hams ya id sam iter.

Lent-ye naravien is, ed ne dursim sranse, men is ghieng druve-ye unte id wegho

kye nies dom. Kun buam ter, kun io vis nies domdwer ed id teug massing

kschong, id sol in ia fensters ed ia cortins in id kamer mienias mater, tun ann io

deub ex. O gwirlay ! O gohd sell reiken do hem, do kweiter, do pace !

Kun io hieb oku ghyant id dwer ed snohct unte, parat ad slahmes id apter mecluden, tun Franz Kromer se waurs in con. In id khuld, deusk flisendikhliz, quod

diek luce tik ex id ghehrd, stahsit is claus me, dier mien brakh ed sieyg ye khafi

voc : Urg ne tem, tu !

Dekhschaten spohc io iom. Eys greisp ambh mien brakh eet darm kam sider. Io

dieum quod iskwit is ed an is semkam volit dustraite me. Sei criciem nun, mohn

io, criciem honar-ye ed akster-ye, kwe esiet semanghen ex ubdrabs kay salve me

? Bet io tyohgv.

Quod est ? io sprohg, quod vols tu ?

5


6/98

Ne maung. Dehlgo just budes dar semject ud te. Alters ne wane aure to.

Tun ? Quod tehrbo io tib dar sayge ? Dehlgo ubdrabs, woidst tu.

Yed woidst, sieyg Franz khafi-ye, quom id hortghehrd nieb id wangwlmolin

baygh ?

No, io ne woid. Credeihm, iom moliner.

Franz me hieb oisbohndto med sien brakh ed me traxit taiper alnos claus se, kay

io dohlg spehce eys lige prokwemst-ye. Eys okwi eent khiter, is oismih khabis-

ye ed eys lige eet pleno med crueltat ed magh.

Ya, mien pwarn, ghehdo tib ja sayge quom id garden bayght. Io woid ja diutos,

od ia apels sont klohpten, ed io woid odschi is wir hat sayct is dahiet dwo marks

tal quel ghehdt ei sayge quel hat klohpten ia fruits.

Yallah ! exclamim io. Ne vahs tu lakin ei sayge ject ?

Io khiss, esiet inutil, antruses eyso sense os honor. Is eet ex alter mund, pro iom

eet khianat neid crime. Io druve-ye khiss to. De ta jects eent i leuds ex alter

mundo ne kam wey.

Neid sayge ? glih Kromer. Kyar prient, mayns tu som un contrafactor om

denars, od ghehdo miswo makhe piengs om dwo marks ? Som un orm karl, ne

ho un riche pater kam tu, ed sei dehlgo gaines dwo marks, io dehlgo gaines ia.

Kad is daht hatta meis.

Is me slu stayg. Nies vestibule neti odit pace ni securitat, id mund collieb ambh

me. Is me denuncyiet, eem un criminal, to esiet sayct ei pater, kad id police hatta

gwehmiet. Vasya chaos dekhschats me tohrg, quant biaur ed dangereus eet

kyuken contra me. Od io hieb nel-ye klohpt eet alnos aun importance. Eti hieb io

kassamen. Oh yallah !

Dakrus oistigh do mien okwi. Io khiss, od io dohlgim me kaupe leur, ed

obsokim desperat-ye mien hol geps. Neid apel, neid gepkniv, nischto. Tun mienfiell mien saat. Eet un veut argwrntsaat, ed id ne wohrg, io vohs id tik ob. Id

orgwohm ex nies grandmater. Oku io disking id.

Kromer, sieyg io, kleu, ne dehlcs denuncye me, to ne esiet bell ud te. Tib

schehncskwo mien saat, vid ter; way ho io neid sonst. Poitts habe id, est ex

argwrnt ed id wehrg est gohd, id hat tik oin lytil defect, id dehlct ses reparet.

Is oismihsit ed ghens id saat in sien plaut hand. Io spohc tod hand ed khiss, kam

rauk ed profund-ye hostil mi id eet, kam maung id grisp mien gwit ed pace.

6


7/98

Est ex argwrnt, sieyg io timid-ye.

Spieum ep tien argwrnt ed tien veut saat ter ! sieyg is samt profund honn.

Repare id tuswo !

Bet Franz, exclamim io, kreusend ib is abgwahiet. Skehpt just lyt ! Ghendghi id saat ! Est druve-ye ex argwrnt, druv ed hakike. Ed ho druve-ye eid als.

Is me spohc srig-ye ed honn-ye.

Woidst ghi ad quom gwahm. Weschi ghehdo sayge id ei police, suagnohm iom

wakhmayster.

Is bivols kay salge. Io protiedier eys armel. To ne poiss. Habiem anter milen

mehre quem tehle hol quo gwehmiet sei is abgwahiet.

Franz, implorim io, braungh ob erghen, mae kwehr stupid jects ! Hay, has tik

glewos ?

Weidwos, un glewos, bet pro te maght id bihe dorgv.

Sayg ghi mi, Franz, quod io tehrbo kwehre ! Siem kwehre quodkwe !

Is me scrutit med sien angh okwi ed iter glih.

Sdi ghi ne stupid ! sieyg is med flas dabronia. Woidst tem relevant-ye quem

ego. Magho gaines dwo marks, ed ne som un riche wie, ne magho rejece ia, to

woidst tu. Tu de es riche, has hatta un saat. Tehrps mi tik dahe ia dwo marks, tun

est quant gohd.

Io ghieb id logique. Bet dwo marks ! To eet pro me tem maung ed nenakim

quem dec, quem cent, quem mil marks. Io hieb nia denars. Wohs un sparcutia

nieb mienu mater, ter eent ob onclevisites ed solg waurmens oik dec- ed

penkpfennig piengs eni. Sonst hieb io neid. Gepdenars diek io ye cid oumer ne

bad.

Ho neid, sieyg io trist-ye. Ho nia denars. Bet sonst dahskwo tib quodkwe. Ho

un western buk, ed soldats, ed un compass. Dahskwo id tib.

Kromer tik-ye pnohsit med serbese, khiter stohm ed spiu kyep swol.

Stop tien gatolkos ! sieyg is amer-ye. Poitts gwupes tien khalt. Un compass !

Ne me ergh dar meis, aurs tu, ed dah ghi ia denars !

Bet ne ho sem, dako naiwo denars. Ne ghehdo jec de to !

Tun bringhs tu mi cras ia dwo marks. Skehpto pos id scol ghom in id mercat.

Eno. Sei ne bringhs ia denars, tun tu sies vide !

Naam, bet quetos tehrbiem vane ia ? Yallah, sei druve-ye ne ho sem.

7


8/98

Son kafi denars in tien dom. To est tien kaur. Also cras pos id scol. Ed tib

saygo : sei tu ne bringhs ia. Is glaz dekhschatic-ye do mien okwi, spiu ois meis

ed disparih kam un skadh.

Io khiek nehse. Mien gwit eet destrugen. Io mohn curre wayt ed naiwo rikes wekharke. Lakin ta ne eent clar images. Io sess in id temos ep id ghemsto stieupen

os nies domdrab, hudel ed me resignim ei bieda. Ter me trohv Lina plangend,

kun ia stighit ghom con un kist kay vane aydsmo.

Io prohg iam ke sayge neid her ed io stigh ub. Ep id kriuk nieb id glasdwer hieng

id hat miens pater ed id solsaan as mienu mater, hemses ed tenderesse srur mi ex

ta quant jects, mien kerd salutit ia iltijend ed schakir, kam is lusto son id vid ed

odor iom veut familiar kyals. Bet to hol neti taiper me bieygh, to hol eet

gwayder dadmamsmund, ed eem deub ed skultplen forsohncto do id tarnien

flutt, implohct in aventure ed synt, torhct ab iom peind ed exspectet ab dangers,

paur ed deshonor. Id hat ed id solsaan, id sell veut schaghian swol, id mier

kwiter uper id vestibule schkaf, ed eni ex id salon id stohm as mien veuter

swester, to hol eet kyarer, meis tender ed delicieuser quem aiwo, bet to eet neti

consolationo ni rassuren, eet just mambh. To hol eet neti mien, io khiek smyehre

ids kweitert ed stillia. Mien peds bohr sreup, quod io khiek tierge ep id hassir,

brighim skadhs con me, de qua id hemsmund wois neid. Quayt secrets hieb io ja

habt, quayt anxietat, bet to hol hieb est leik ed glewos comparen ad quo io brigh

hoyd con me do ta kyals. Fat aptercurs me, hands oistrohceer kye me, protie qua

iaschi mater khiek protege me, de qua ia ne poiss woide. Kweter mien crime eetun klehpt au un leugh (ne hieb io dreughkassamen ant Div ed furkan ?) eet

irrelevant. Mien synto ne eet to au cio, mien synt eet od io hieb dahno mien had

ei Diabel. Ma me hieb io foragen ? Ma hieb io obedihn iom Kromer, gohder

quem aiwo mien pater ? Ma mi hieb io udlughen id storia cios klehpt ?

Gvrenduen de un crime, kamsei id esiet wehrg neren ? Taiper dohrj is Diabel

mien hand, taiper eet is peindo za me.

Unte un instant io neti khiss baysa dia cras, sontern hassa id terrible yakinia, od

mien itner leitiet semper niter ed do temos. Sensim clar-ye, od ex mien agos ovagsa sollient sehkwe, od mien prehpen bayna ians swesters, mien salut ed mien

kuss im parents eent un leugh, od io bohr con me un fat ed secret quod io eni

perbohrg.

Unte oin instant blig trust ed speh in me, kun observim id hat miens pater. Ei

saygiem quant, emiem eyso judcement ed kwoin ep me ed kwehriem ex iom

mien confideit ed mien salvor. To esiet tik un pischman, kam ta qua io hieb ops

gwiwt, un difficil, bitter saat, un difficil ed pischmanplen pardon pleidoyeir.

8


9/98

Kam swadho to swohn ! Kam attractive to eet ! Bet eet neid in to. Io wois ne

kwehriem to. Io wois, od io taiper hieb un secret, un skult quod ioswo dohlg

bewaldhe mon. Kad eem io chiowdeo taiper ep id skeirwegh, kad bayghneuiem

pon tod saat pro aiw i khiters, smyehrneuiem secrets con peighers,

dependneuiem i, obedeihneuiem i, bihneuiem lik im. Io hieb acskwn kam un wired heroy, taiper dohlg io behre ia consequences os to.

Io kiem od mien pater, kun entrim, kung de miena smeu schous.

To abbud iom, is ne kieu id khakst, ed io tohrb kwehnde un mambh quod rahas-

ye rejexim ep alyo. Tun twis un stragno novo khisses in me, un peigher ed

scindend khisses plen med akwns : io khiss me superior mieni pater ! Io khiss,

unte un instant, un certain honn dia eys negnohsa, eyso cheiden de ia smeu bauts

mi kwohk khabahatic. Sei woidies ! mohn io ed me iey kam un criminal, qui

est interrogen ob un klohpt jemmel, menxu is habiet un maurdh ad confette. Tod

eet un cherkin ed aghel khisses, bet id eet akster ed hieb un profund attract, ed id

me zangirbohndit darmer-ye quem ceter bren de mien secret ed mien skult. Kad,

mohn io, hat Kromer ja gwahn id police ed denuncyen me, ed aglus age uper me

com, menxu som her ayt un lytil magv !

Ex tod hol experience, dayir quanto hat est lohct hetro, buit tod instant id

importantst ed kjiengowst. Id buit un presto tarak in id isertat ios pater, id buit

un prest tohma in id stut ep quod mieno miegve hieb kiht, ed quod cada mensc,

pre el ghehdt bihe elswo, dohlg destrugus. Ta experiences, qua nimen vidt, sont

consisten ab id inner, essentialo ligne os nies meinyun. Un talg tarak ed tohmacrohscyet, biht ilajt ed myohrst, bet gwivt ed namwanient in id secretsto

chamber.

Mi buit fauran kados id nov khisses, habiem kamen strax kunes ia peds miens

pater kay budes pardon ud iom. Bet neid essential ghehdt ses indulct, ed to

suawoid unis magv tem profund-ye quem cada sage.

Io khiss id naudh om reflecte de to hol, sehgne de itners pro cras; bet io ne

gwohm do. Eesweswohdim tik unte id hol vesper id alteren hava in noster salon.Mursaat ed table, bible ed specule, bukengjia ed murkwiters srienseer sammel

me, io dohlg samt frohsen kerd spehce, kam prev mien mund, mien sell norocto

gwit bihsit ed disbihsit ud me, ed io dohlg spruves kam ankert ed dart io eem

med nov, seugend raudhs exo in temos ed rhayir. Ye id prest ker gus io id mohrt,

ed id mohrt smehct bitter, idghi est gnahsa, est paur ed baysa dia dekhschatic

udnoven.

Buim norocto kun io bad lyohg in mien crovat ! Prever, ka senst purgatorium

hieb id vesperprehgen mi priliten, ed wey hieb sohngven pro id un chante quabieygh miena miltsta. Ah, ne sohngvim com, ed ielg swon eet ghel ed poison pro

9


10/98

me. Io ne gvohd com, kun mien pater swohr id blaghen, ed kun is ens : -sdi con

nos quantens !, tun un convulsion me forrohv ex tod circule. Divs grace eet con

vasyens, bet ne bad con me. Srig ed deub-ye strak abgwahsim io.

In crovat, menxu io hieb lyohct pon un khvil, menxu wierme ed salvtat mekhauris-ye periembh, errit mien kerdo dar oins in id paur, dwiej paur-ye ambh id

prev. Miena mater mi hieb kamadet sayct sellnoct, ayso stieup cliengh dar in id

kamer, id bleigos aysios kier luc dar in id dwerspalt. Nun, mohn io, nun vaht ia

regwehme ia hat khissen to, vaht me kunes ed sprehge, sprehge sell-ye ed

promisswent-ye, ed tun poitto io plange, tun smehldt id kyom in mie coll, tun

glabo iam ed saygo ay to, ed tun est to sell, tun est furkan ter ! Ed kun id

dwerspalt ja hiebit bihn deusk, klu io dar unte un khvil ed mieyn, to sollit ed

sollit wakye.

Tun rik io ia res ed vis do ia okwi miens peind. Io vis iom clar-ye, is hieb

anghiht uter ok, eyso stohm glih rauk, ed menxu io spohc iom ed kun id

inevitable me praess, bihsit is mierer ed biaurer, ed eys peigher ok blig diabolic-

ye. Is eet claus me hina io nierc, bet poskwo io drohm ne de iom ni de hoyd,

sontern io drohm od fanzowam in un boot, i parents ed ias swesters ed ego, ed

nos periembh tik pur pace ed id arg uns feriadien. Medsu in id noct io gohr,

khiss dar id aptergust ios felicitat, vis dar ia kwit lientvesters mienen swesters in

id diewo schimmer ed fiell ex hol paradays retro do quo eet ed stahsit is

peigherokwi peind iter face me.

Ye aghyern, kun miena mater gwohm hast-ye ed exclamit od eet ja sert ed ma io

dar lyohg in crovat, kwohk io ne lites wal, ed kun ia sprohg me an io ieu

semject, io vomih.

Semjecto kwohkit gaisst med to. Io kiem meg ses lyt sieug ed poitte nalyehge

con ramunchay unte un hol aghyern, klues kam ia mater puw in id niebkamer, ed

kam Lina in id vestibule prim iom mayzelar. Id premiddien aun scol mi eet

semject enchanten ed feelik, id sol lik do id kamer ed ne eet id sam sol protie

quod in id scol ia glend cortins eent slaht ghom. Bet toschi hieb neid gust hoyded swohn fals.

Ya, sei habiem mohrn ! Bet litim tik lyt newal, kam ja ops, ed to changit neid.

To me protexit ud id scol, bet to ne me protexit ud Kromer, qui me skohpt ye

oindem saat in id mercat. Ed id maedwnia ias mater eet ye tod ker aun tassalli;

eet gwaurod ed gvolit. Mox foigyim swehpe ed reflecte. To hol changit neid, io

dohlg ye oindem saat ses in id mercat. Itak io stahsim ub ye dec saat silent-ye ed

sieyg, od loityim wal. To mieyn, kamadet in solg falls, od io dohlg auter rikes id

crovat we gwahe scol ye posmiddien. Io sieyg od io gwahskwim scol. Io hieb mikwohrt un plan.

10


11/98

Aun denars poiss io ne gwehme ad Kromer. Io dohlg reghende id sparcutia quod

me bieygh. Ne eent kafi denars in id, to woissim, dalgtos ne kafi; lakin eent

sems, ed mieno neus mi sieyg, od sems esient gohder quem nischt ed od Kromer

dehlgiet minst-ye ses suten.

Mi buit un skultic khisses, kun io snohg in calstins do id kamer mienias mater ed

ghens ex ayso scribtable mien cutia; bet tod ne buit tem skultic quem id

ghestern. Ia kerdbats me wieurg, ed to ne buit seller, kun io trohv ghom in id

drabkhana ye id prest peiten od id cutia eet perchint. Buit baygh facil

ghyanbrehge id, eet tik un teun blechen seit ad dehre; bet id dehren gvolit, ed

tosmed hieb io committen klehpt ye id prest ker. Tuntro hieb io tik-ye kuscht

sukerschtuks ed oschaf. Quayque eent mien wi denars, ta eent taiper klohpten. Io

spruv, kam buim iter oino meiso stieupo proscher Kromer ed eys mund, kam to

lit tem jamile-ye lyt ed lyt niter, sammel quem alexim protie. Is men Diabel

vienit me, neid de iter rik tetos. Io hissieb ia denars paur-ye, ia hieb swohnto tem

plen in id cutia, taiper in id hand eent ia miskin-ye pauk. Eent sixgim penk

pfennigs. Io kohl id cutia sub id sensto stieupen, dier ia denars in mien cluden

hand ed sielg id dom, als quem io hieb aiwo gwaht unte tod dakhel. Ubdrabs kiel

me semanghen, kam kwohk mi; gwahsim oku tetos.

Eet dar maung wakt, io me urs med detours unte ia gatvas os un changen urb,

ender naiwovis nebhs, pri doms qua uperspohc me, ed pri leuds, qui hieb sem

suspecen dia me. Untitner mi enfiell od oino mienen scoldusten hieb oinstrohven oin piastre in id pekumercat. Habiem gairn gvohdt ke Div kwohr un

daumos ed miegh sines miswo kwehre un talg trohven. Bet io neti poiss gvehde.

Ed tunschi id cutia ne habiet pohldyen.

Franz Kromer vis me dalgtos, lakin trohc is baygh lent-ye kye me ed kwohk ne

kaure de me. Kun is buit prokwem me, znieyc is mi amer-ye kem io tohrb

sehkwe iom, ed abgwahsit aun ambhspehce oins, sakwn-ye, ghom id Strohgasse

ed unte id steigh, hin is oistopit engwn ia sensta doms ant un nov imara. Ne eet

orbato ter, ia murs oistahr tuich aun dwers ni fensters. Kromer ambhspohc edentrit unte id dwer, ego apter iom. Is oistiup apter id mur, znieyc mi ed exrexit

sien hand.

Has tu ia ? sprohg is srig-ye.

Io trieg mien darnd hand ex mien gep ed vohrs ia denars do eys pam. Is hieb

hissaben ia, hatta pre id senst penk-pfennigs pieng hieb udclanght.

Ta sont sixgim penk pfennigs, iey is ed spohc me.

11


12/98

Ya, ieyim io timid-ye. Son quanta ho, son pior pauk, io woid. Bet son

quanta. Ne ho meis.

Te habiem ayn meis clever , grintit is med un quasi mild mambh. Inter

honorwirs tehrp ses aurdhen. Vahm neid ghende ex te, quo ne est rect, to woidsttu. Reghend ghi tien nickel ! Alter tu woids quom ne peit enderwesnihes

me. Is payght.

Bet ego ne ho meis ! To eet mien sparcutia.

To est tien besoyn. Bet ne volo biedanihes te. Mi deulcs dar oin mark ed trigim

penk pfennigs. Quando dako io ia ?

Oh, habsies ia sigwra, Kromer ! Io woid ne nun kad ho io mox meis, cras, au

poscras. Suaghaps od khako sayge to mieni pater.

To ne me betanct. Ne eiskwo skehthe te. Ghehdiem ya habe mien denars dar

pre middien, vids tu, ed som orm. Tu vehs bell vesters, ed has meis lecker ad

meje middiens quem ego. Bet ne volo sayge ject. Per me vahm lyt skehpte.

Poscras sweihsiem ad te, in id posmiddien, ed dehsies quant in aurdhen. Gnohs

mien sweih ?

Is mi tyic un sweih quod io hieb ops aurt.

Ya, sieyg io, io woid.

Abgwahsit kamsei ne bieyghim iom. To eet un verslyn inter nos, neid meis.

Dar hoyd, credih io, me terrorisiet id sweih os Kromer, sei stayg io auriem id

iter. Io ieur id taiptos ops, mi kwohk, io ieur id semper ed semper. Neid loc, neid

leik, neid orbat, neid bren quetro tod sweih ne penetrit, quod me dependentih,

quod eet taiper mien fat. Ops eem io in noster smulk florgarden, quod io meg

liubh, unte ia mliak, colorwent osyernposmiddiens, ed un stragno pulsionpussirit me ad eme tsay pwarnleiks om prever zamans; albatta lik io kam un

pwarn, qui eet yuner quem ego, qui eet dat sell ed leur, innocent ed preserven.

Bet medsu eni, semper exspectet yed semper pamrlan-ye steurbant ed

surprindant, cliengh id kromersk sweih quetosgvonc, segit id strangh, destruxit

ia fikers. Tun dohlg io abgwahe, dohlg sehkwe mien aziyater do khiter ed biaur

locs, dohlg massoule ant iom ed denars ud me dohlg ses udtohrgen. Kad to hol

hieb duret oik hevds, bet mi kwohk to eet yars, to eet un abad. Rar-ye hieb io

denars, oin penk-pfennings pieng au oin grosch, quod io klohpt ex id cucintable,

quando Lina likw id mercatkisto stahe ter. Ielgs eem io grinten ab Kromer eduperkowpen med honn; ego eem qui drugh iom ed beghsihskwim iom eys

12


13/98

dohbro rect, ego eem qui widuv, ego eem qui biedanih iom ! Ne ops in mien

gwit hat stighto gjian tem prokwem mien kerd, naiwo ho io khissen mierer

desperation, mierer dependence.

Hiebim pleht id sparcutia med leikdenars ed redehto do ids place, nimen sprohgde. Bet quant ghohd se rumpes uper me cadadien. Dar meis quem id rauk sweih

os Kromer bieyim io ops iam mater quan ia stiup silent-ye kye me ne gwohm

ia kay sprehge me de id cutia ?

Dat hiebim prohpen pelus aun denars bi mien diabel, so inkiep aziyate ed nudes

me als. Io dohlg orbate pro iom. Is dohlg parkwehre dulals pro sien pater ed ta

dohlg io kwehre. We is me obligit tyices semjecto difficil, unte dec minutes

gvehmbe ep oiter jamb, diehnes un genpian ep id roube uns passant. In drehms

maungen nocts nagwivim io ta aziyats ed lyohg in id swoid ios coschmar.

Buim diu sieug. Vomihsim ops ed srigehsim facil-ye, bet nocts lyohg io in

swoid ed gvrens. Miena mater khiss od semject ne sualit, ed mi bevis maung

sympathia, quod me aziyiet, ob khiekim confide bi iam.

Oins brigh ia mi ye vesper, kun eem ja in crovat, un smulk schtuk chocolat. Eet

uno mehmeihsa om prever yars, kun io vespers, quan io hieb esto taat, ops pre

narcen hieb dact solga leckereits. Taiper stahsit ia ter ed rexit id smulk schtuk

chocolat kye me. Me tem gvolit quem ghohdim tik-ye scutte mien cap. Ia

sprohgit quod ieusim, ia bruk mien kays. Ghohdim tik jawabe : Ne ! Ne ! Volohabe neid. Ia lyig id chocolat ep id nocttable ed abgwahsit. Oins brigh ia mi

iom doctor, qui me endersokit ed mi prescripsit srig lavens.

Mien stand ye cid tid eet un sorte os follia. Medsu id suart pace nosters dom

gwivim io timid ed aziyaten kam un yowrleing, ne smyohr id gwit altern,

myohrs me rar-ye unte oin hor. Dia mien pater, qui ops erght me tolkihskwit,

eem cazour ed srig.

Cain

Id salven ex mien aziyats gwohm semquetos inexspectet, ed sammel gwohm con

to semject nov do mien gwit, quod hat nawohrgen hoydtro.

In nies latinscol eet admiss pautos un nov almen. Is eet is son as un sudehn vidv,

qua hieb hemchangen do nies urb, ed eys armel eet kincto med un traurreibo. Is

studyit in un hoger classe quem ego ed eet destull ater, bet meswo ubfiell ismox, kam quantens. So skaun scoler kwohk ses meg ater quem is tengicit, ad

13


14/98

nimen dahsit is id pondos uns pwarn. Inter nossmee magvisk pwarns trohc is

rhayir ed matur kam un wir, dar meis kam un swamen. Prihn eet is ne, is ne

smyohr ia leiks, dar minter kavgas, tik eyso jischinic ed gwaukan ton dia i

daskals plaisit alters. Eys nam eet Max Demian.

Sem dien wakyit, kam to tyohc ex tid do tid in nies scol, od bi quodgvonc sabab

un dwoter classe dohlg ses desplacet do nies baygh mier scolkyal. Eet id classe

Demians. Wey men yuners lis biblic storias, ies de veuters dohlg scribe un essai.

Menxu id storia om Cain ed Abel nos eet inculquen, spohc io meg kye Demian,

quos lige wi-ye me fascinit, ed io vis tod clever, argu, aunsam darm lige cliht

attentive-ye ed mentplen-ye uper eys orbat ; is nel-ye kwohkit kam un scoler qui

kwohr un wehrgin, sontern kam un paursker, qui solvskwit wi problemes. Amat

eet is mi punor ne, bilax, io hieb semjecto contra iom, is mi eet pior superior ed

srig, is mi eet meg pior chiaujaen-ye sure in sien ses, ed eys okwi hieb id

expression im balirhs yod i magvi naiwo lieubhe lyt trist con blix os

sarcasme eni. Yed dohlg io spispehce iom, is miegh me plaise we desplaise ;

payn glaz is oins kye me, itak retrieg io mien specto dekhschaten. Quando

remehno hoyd-ye de kam is kwohkit prevst ka almen, tun ghehdo io sayge : is

eet in cada aspecto different ud quantens, eet alnos seswo ed ubfiell ob to

sammel yed kwohr is quanto kay ne ubfalle ieg ed suloukit kam un desguiset

prince qui est bayna argats ed se strehnct ad kwehke kam ies.

Ep id reikwegh ex id scol apterghieng is me. Kun alters hieb abtrohcen, naviex

is me ed salutit. Todschi salut, quayque imitit nies ton om scolpwarns, eet bayghadult ed polite.

Gwahms wey lyt com ? sprohg is winlik-ye. Buim flattert ed io nuk. Tun ei

descripsim quer weiko.

Ah, ter ? sieyg is oismeihnd-ye. Gnohm ja id dom. Uper vies domdwer wehst

semject tem skaun, tod me hat fauran interessen.

Ne woisim strax-ye quo is mieyn, ed io stieun od is kwohk suagnohe nies domomeis quem ego. Yaghi wohs ka akmenspetra uper id aneta un sorte os vapwn,

lakin in id druna iom tids id se hieb fortreht ed hieb est ops upergriht med poig,

con nos ed nies familia hieb id, tant-ye io wois, neid ad kwehre.

Io wois neid de, ieyim io timid. Est un av au semquel samlik, id sollt ses

baygh veut. Id dom sollt bayghus sme id monasteir.

Possible , nuk is. Suachehx id oins ! Talg jects sont ops baygh interessant.

Credeihm tod est un dogan.

14


15/98

Naghiengam, eem meg captiven. Stayg-ye glih Demian, kamsei semjecto

glewost ei enfalliet.

Ya, ho ghi prispohct vies dars, iey is akster-ye. Id storia os Cain, qui bohr id

signe ep id chol, ne ver ? Plaist id te ?

No, me hiebit plaist rar-ye quodgvonc ex quanto dohlgam uces. Io ne durs lakin

sayge id, to eet, kamsei tolkit un adult con me. Io sieyg, id storia meg me plaisit.

Demian tip mien oms.

Ne tehrps finges ant me, kyar prient. Bet id storia est ghi baygh skaun,

credeihm, est meg skauner quem pleist alya, qua tyohc unte ia darsa. Is daskal

hat ghi ne saygen maung de, tik id adic de Div ed id synt ed yunyun. Bet

credeihm , is interrup-se, smihsit ed sprohg : Kwe id te interesset ?

Ya, credeihm ghi, nabahsit is, tod storia de Cain ghehdt ses interpretet baygh

als. Pleista jects, qua nos sont docen, sont sigwra meg ver ed correct, bet ia

ghehde ses consideret yaschi als, quem daskals kwehrnt ed daydey hant ia tun un

baygh alyo sense. Con tom Cain mathalan ed med id signe ep eys chol khact

anghen se satisface de kam to nos est tolken. Ne pehnds tuschi ? Od semquis

gvehnt sien brater, to poitt sigwra passe, ed od is hat paur pos to ed pischmant,

toschi est possible. Bet od is algvt ob sien couardice un extra signe quod iom

protect ed dekhschat ceters, est yed druve-ye stragn.

Sigwra, sieyg io interesset : id ject inkiep captive me. Bet kam tehrpt id storia

ses explien als ?

Is tip mien oms.

Baygh facil ! Quo existit ed quosmed id storia hat inkapt eet id signe. Ter eet

un wir, qui hieb semject ep id chol, quod dekhschiet alters. Ne durseer touche

iom, is impress i, is ed eys purts. Maghses au sigwra eet lakin ne druve-ye un

signe ep id chol, tem quem un postmark, to wakyit in id gwit rar-ye tem direct-ye. Meg anter eet semject payn perceptible ed guway, lyt meis menos ed deursia

in id specto quem quod i leuds oiswohd. So wir hieb magh, ant tom wir diek alyi

dekhschat. Is hieb un signe. Tod ghohd ses explien kamlibt. Ed anghen

semper volt quo ad anghen est comfortable ed daht rect. Anghen hiebit paur ant

Cains purts, i hieb un signe. Tun explicit anghen id signe ne ka quo id eet, ka

un distinction, sontern ka id contrar. Anghen sieyg, od i leuds samt tod signe

eent guway, ed toschi eent i. Od ter ieg un genos em aunpaurs ed guways eet

baygh incomfortable, ed taiper attachit anghen tei genos un donam ed un

mythos, kay kwines i, kay lyt milder dia quantens id kwohndto dekhschat Ghaps tu ?

15


16/98

Ya to maynt tun ne esiet ghi Cain esen peigher ? Ed id hol storia in id

Bible ne esiet ghi ver ?

Ya ed no. Tem veut, orveut storias sont semper ver, bet ne sont semper skwit ni

expliet kam esiet correct. Bragv-ye, mayno, is Cain eet un fameus karl, ed tik,ob anghen hieb paur dia iom, ei buit tod storia attachen. Id storia eet just un

rumor, semjec kam quo i leuds ambhbalbelnt, ed eet unte tod meid baygh ver,

od Cain ed eys purts bohr druve-ye un sorte os signe ed eent different ud pleist

leuds.

Io meg stieun.

Ed tun credeihs tu, od quodschi de id nergvon ne eet ver ? sprohg io emoven.

Yed, to est sigwra ver. Is nert hieb gvohnen un slab. Kwe is eet druve-ye eys

brater ghehdt ses dwoit. To ne est important, final-ye sont vasyi mensci braters.

Also un nert hat nergvohnt un slab. Kad eet un wehrg neren, kad ne. In cada fall

eent alter slabs taiper alnos pauric, schikieyeer meg, ed quan eent sprohgen :

Ma ne nergvehnte yu iomschi mer-ye ? tun ne sieygeer : Ob smos feigs,

sontern sieygeer : Khakmos. Is hat un signe. Div hat kwit iom ! Katha sollt id

swindel gnahvs Na, te sranso. Do reviden !

Is tour do id Altgasse ed me likwit mon, staunihter quem io hieb aiw est. Payn

hieb is abgwaht kun quantum is hieb saygen mi kwohk alnos incredible ! Cainun noble wir, Abel un feig ! Id cainsigne un distinction ! To eet absurd, to eet

blasphemator ed skeulost. Quer tar mien is sell Div ? Hieb is ne acceptet Abels

daper, kyarihsit is ne Abel ? No, stupiditat ! Ed io suppos od Demian hieb iskwt

goile ed daumihes me. Un ghi balstohmt clever karl is eet, ed is siegv tolke, bet

it no

Lakin hieb io naiwo bad-ye tant-ye namohnto de quodgvonc biblic au alyo

storia. Ed ne hiebim bad-ye tant-ye diutos tem alnos myohrsen iom Franz

Kromer, unte hol hors, unte un hol vesper. Io perilis domi id storia iter oins, kamid eet in id Bible, id eet cort ed skweitet, ed to eet baygh foll, ter paurske un

special secret maynen. Ter poiss cada nergven se declare ka Divs favorite ! No,

to ne hieb sense. Maedwn just eet id weidos quosmed Demian ghohd sayge talg

jects, tem elangver-ye ed facil-ye, kamsei quantum esiet evident, ed med ta okwi

ep id !

Semjecto ghi eni meswo ne eet in aurdhen, eet meg anter in disaurdhen. Io hieb

gwiven in un gwayder ed kiest mund, ioswo hieb est un sorte os Abel, ed taiper

glibh io tem profund-ye in alter, hieb tant fallt ed sohnct, yed ghohd io grund-ye ne tant kwehre protie ! Quod eet taiper de ? Ya, ed taiper blig ub uno

16


17/98

mehmen in me, quod lambhit mien annem unte un instant. Ye cid khiter vesper,

kun mieno nunic misere hieb inkapt, to hieb esto ter con mien pater, tun hieb io,

unte un dakika, kam transviden ed honnen oins iom ed eys gwayder mund ed

mensdeh ! Ya, ioswo hieb fikert od eem Cain ed bohrim id signe, tod signe eet

neid deshonor, id eet un distinction ed io wohs med mien peighert ed biedahoger quem mien pater, hoger quem i sells ed zakirs.

Ne gwivim prevst-ye id ject in tod forme clarios bren, bet to hol eet mathmount

eni, eet just un enflammen om khisses, stragn isnahsas, qua gvoleer yed me

plehr med myndert.

Quando resohgnim kam stragn-ye hieb Demian tolken de i aunpaurs ed feigs !

Kam rhayr adic-ye hieb is oiskwiten id signe ep id chol os Cain ! Kam daumos-

ye hieb eys ok, eyso skaun ok os balirh luct ! Ed tohrit neclar-ye per mien cap : -

ne est isswo, so Demian, un sorte os Cain ? Ma defendt is iom, sei ne se kheisst

ei samlik ? Ma hat is tod magh in id spect ? Ma tolct is tem honn-ye de alters,

dei aunpaurs, quighi lakin sont i zakirs ed Divi suaplaisants ?

Io gwohm do neid endo med ta brens. Un petra hieb fallto do id put ed id put eet

mien yun atmen. Ed unte un long, baygh long wakt buit tod jecto de Cain, de id

nergvon ed de id signe id point quetos quanti mien peitens kye recognition, dwoi

ed critique emseer ir asimat.

Io kieu odschi alter scolers eent meg besic de Demian. Id storia de Cain hieb iolohgen ad nimen, bet is kwohk interesse yaschi alyens. Bariem bikwohl maung

rumors de iom nov. Sei woidiem dar vasya, ielgo xeubhiet un luce ep iom,

ielg esiet tolctu. Woidim tik dar, od preter buit reporten od ia mater Demians eet

baygh riche. Eet yaschi saygen od naiw eegwaht kyrk, nischi is son. Eent yudi,

sigwrit oin, bet i miegh yaschi ses secret muslims. Serter buir basma narret de id

corposgwis os Max Demian. Sure eet, od is terrible-ye humilyit iom nertst os

sien classe, qui hieb chiaujaent iom ad katue ed kiel iom un feig ob eys refuse.

Toy, quoy eent present, sieyg od Demian hieb just eys neuk med oiter hand sizt

ed darm-ye presst, poskwo is pwarn hiebit bihn pall, dind hieb is absnohgen edneti hieb ghohden nudes sien brakh unte id dien. Sem vesper buit hatta baht od is

hieb mohrt. Quant buit sigwrt unte un khvil, quant crediht, quant eet excitant ed

kyudost. To eet kafi pro un khvil. Ne maung serter ubgwohmeer nov rumors

bayna nosmee scolers, sekwent qua Demian hieb intim sibias con kweils ed

woiss quant.

Entrim-ye nakwohr mien besoyn con Franz Kromer sien obligator itner. Ne

abdehsim iom, quando ghi is me likwit sakwn intermittent-ye unte oino dien,

lakin eem bohndt ad iom. In mien drehms gwivit is kam mien skadh, ed quo isne forfiecit con me in id realitat, tun mien fantasia sis iom kwehre to in ta

17


18/98

drehms, in qua bihsim alnos eyso sclav. Gwivim in ta drehms eem semper un

akster drehmer meis quem in id real, io lus gwis ed gwit ad ta skadhs. Inter

alya drohm io ops od Kromer dustraitit me, od is oispiusit ep me ed ep me

genuit, ed, quo eet meis khiter, od is me forduxit ad grave crimes ne tant-ye

forduxit, sontern just ta mi dwigh med sien staur influence. Id meist dekhschatictom drehms, quetos io hieb gohrn pwolfoll, mathmounit un maurdhattaque

contra mien pater. Kromer schliv uno kniv ed dahsit id mi do mien hand,

stahsam apter ia drus uns allee ed luuram po semanghen, io ne woiss quel; bet

kun semanghen prigwohm ed kun Kromer mi dik premend-ye mien brakh od el

eet quel io dohlg dyehgwe, tel buit mien pater. Tun io gohr.

De ta jects mohn io albatta dar dayir Cain ed Abel, bet lyt minter dayir Demian.

Kun is prosch me iter prohp, buit to stragn-ye yaschi in un drehm. Nam-ye

drohm io iter de dustraitements ed violences qua io kwohnd, bet instet Kromer

buit ye tod ker Demian qui genuit ep me. Ed to buit alnos nov ed mi dahsit un

profund pondos quanto io hieb kwohndt ab Kromer samt aziyat ed protievol

kwohnd io ab Demian gairn ed samt un khisses quod mathmounit tant wohn

quem paur. Io hieb dwis tod drehm, dind Kromer emsit tsay sien place.

Quo gwivim in ta drehms ed quo in id realitat neti ghehdo io diutos exact-ye

separe. In quant fall emsit mien khiter sibia con Kromer sien druna, ed ne druve-

ye sien fin, kun hiebim parpayghen bad ei pwarn id dulgen summ ex much lytil

klehpts. No, taiper eet is hushyar de ta klehpts, isghi me sprohg semper quetos

gwohm ia denars ed io wohs meis in eys fangho quem aiwo. Frequent-ye tohrgis med sayge quant ad mien pater, ed tun eet mien paur payn tem mier quem id

profund regreto de ne kwehrus to per meswo inkaptos. Entrim, ed tem miser

eem io, yed io ne pischmien quant, bariem ne semper, ed credihsim waurmen-ye

khisses od to hol sollit ses it. Un fat eet uper me ed eet inutil transbrehcskwe id.

Presumptible-ye kwohndeer mien parents tod stando ne lyt. Un alien ansu hieb

gwohmt uper me, io neti dohbh nies communitat quod hieb esen tant intim, ed

de id un rarzend nostalgia kam de lusen paradaysa lambhit me. Bihsim,

particular-ye ab mienu mater, traiten kam un sieug meis quem kam un vilain, betkam to tyohcit ghohd io meist-ye suavide ud id sulouk mienen bo swesters. In

tod sulouk, quod eet baygh indeulgend yed me miserihsit aunfin-ye, se

manifestit clar-ye od eem un sorte os posseddeit qui eet ob sien stando meis

rieudtu quem grinttu, in quom lakin id khitert hieb emen sien sedd. Io khiss od

eet gvohdt pro me, als quem sonst, ed khiss id futilitat om ta prehgens. Id

wehnos os tassalli, id desire uns druv confession khiss io ops ardent-ye, yed

sensim in avance od khakiem neid sayge ni declare quant exact-ye mieni pater ni

mieni mater. Io wois od to esiet maedwn-ye acceptet, od esiem ghi baygh-ye

gahapt, hatta samt regret, bet ne alnos comprehens, ed od to hol esiet ayt unsorte os derailment, menxu to eet yed fat.

18


19/98

Io woid od maungs ne credeihsient od uno ne bad oindemat magvo ghehdt

khisses it. Tim ne lehgo mien besoyn. Id lehgo tim qui meis suagnohnt de

mensc. El balirh quel hat ucto transmute un deilo siens khisses do brens misst ta

magven brens ed maynt nun od ter ne sont gwivmens. Bet ho rar-ye in miengwito tem profund-ye gwiwt ed payss quem prevst.

Unte sme un seuydien io kyuken ab mien aziyater do id Burgplatz oistahneum

ed skehptneum ed srehtneum med mien peds id smeu castander gawarakos quod

pipehdt ex ia kyehrsen gheuttend drus. Denars hieb io ne, bet hiebim brighen

con me dwo schtuks gateau kay habe minst-ye semjecto dahtu ei Kromer.

Hiebim biswohden diutos quergvonc stahe claus un kantun ed skehpte iom, ops

unte baygh long wakt, ed acceptim to kam mensci accepte id inchangeable.

Bad gwohm Kromer. Is mien hoyd ne diu. Is bir oik olancutts do mien reibers,

glih, ghens id gateau, hatta mi propos uno madho cigarette quod lakin refusim,

ed eet maedwner quem biadet.

Ya, sieyg is abgwahnd-ye, kay ne myehrse to, maghies ye niebs ker

bringhes tien swester con, iam veuter. Quod tar est ays nam ?

Io nel-ye comprehens edghi dahsit neid antwehrd. Tik io spohc iom staun-ye.

Capires tu ne ? Tien swester dehbhs tu bringhes con.

Ya, Kromer, bet to ne dehbht. To ne poitto, ed ia zowngschie ne gwehmiet

con.

Eem preparet an buit iter un schikane au un pretexte. Is kwohr to ops, demandit

quodlibt impossible, me dehsit do dekhschat, humilyit ed ee-sissint me wesnihes

con iom. Io dohlg tun me exkaupe med sem denars au alya dons.

Ye tod ker buit to alnos different. Is kheptenn quasi ne pigher de mien refuse.

Na ya , sieyg is semkam, tu sies reflecte de to. Kamiem bihe gnohn ab tien

swester. To wakyesiet tik oins. Neihs iam mer-ye uni spassere con, ed tun

gwehmo io do. Cras sweihm ad te, ed tolcsiemos iter oins de.

Kun is hieb abgwahn, regwit do me stayg semject ios sense eysios desire. Eem

dar alnos uno magv, bet rumorois wois io od pwarns ed piegs, quan eent lyt ater,

ghehdient dughes con mutu sem secret, indecent ed bant jects. Ed taiper to sollit

her mi buit stayg alnos clar, kam monstrueus to eet ! Mien gwaukania osnaiwo kwehre to buit fauran pact. Bet de quo tun wakyiet ed de kam Kromer me

19


20/98

kweiniet durs io payn-ye mehne. Inkiep un nov martyrium pro me, to eet ne bad

kafi.

Aunhusur tohr io id tuich place, mien hands in mien geps. Nov aziyats, nov

sclaverie !

Tun me kiel un fresch deub voc. Buim dekhschat ed bicurs. Semanghen

apterdrahsit me, un hand siz me mliak-ye aptos. Eet Max Demian.

Me prodahsim.

Es tu ? ieyim io insure. Tu me has tant dekhschat !

Is me spohc, ed naiwo hieb eyso spect est tod uns balirh, os un superior ed

transspector quem taiper. Diutos hieb wey neti tolcto con mutu.

Maaf, iey is med sien curtese ed sammel baygh bestohmto manier. Bet kleu,

ne tehrps te tant sines dekhschate.

Yaghi, vaht passe.

Kwehc kam. Bet vid : quan tu te foracs pri semanghen quel tib hat kwohr

neid, tun el semanghen bimehnt. To daumeiht el, curieuseiht el. El semanghen

mehnt tu es ghi skaun-ye dekhschatet, ed el namehnt : tik it est anghen quan elhat paur. Feigs hant semper paur ; bet credeihm tu es neis feig. Ne ver ? Albatta

neschi es tu un heroy. Sont jects qua tu bays ; sont semsci mensci qui tu bays.

Ed to solliet anghen naiwo habe. No, menscens solliet anghen naiwo baye. Kwe

tu ne bays me ? We ?

Oh no, nel-ye.

Exact, vids tu. Bet sont leuds qui tu bays ?

Ne woidim... Lass me, quod vols tu ud me ?

Is apterstiup me io hieb ghangen meis jaldi, samt fugbrens ed io khiss eyso

spect ex eys gon.

Accepte ghi, mlouyit is, od volo sell dia te. Nel-ye tehrps baye me. Kamiem

kwehre un experiment con te, est glewost ed ghehds uces semject tetos quod est

baygh util. Kau ghi ! Also io probe yando un ilm namen brenleisen. Est neid

vraj in id, bet quan anghen ne woid quosmed tod eet kwohrt, tun tengicit alnosaunsam. Leuds ghehde ses baygh surpris iosmed nun, smadghi probe. Teghi

20


21/98

kamo, we som interessen ab te ed eiskwo nun sbringhes kam to appareiht in te.

Pro to ho io ja kwohrt id pres stieup. Te ho dekhschaten also es tu bayasen.

Sont ghi jects ed leuds qui tu bays. Quan anghen bayt semquel, to gwehmt ex id

fact od anghen hat ijapt magh dia se ad semquel. Anghen hat mathalan kwohrn

semject khiter, ed alyis woid to tun hat el magh dia te. Tu capires ? Yed to estclar, ne ?

Io spohc zaboun eys lige quod eet serious intelligent kam aiwo, edschi dabron,

bet aun cada tenderesse, id eet anter strehng. Justice au semject samlik wohs in

id. Io ne wois quo mi wakyit; is oistahsit kam uno magicianos ant me.

Has tu fahamt ? sprohg is iter meis.

Io nuk. Io khiek sayge neid.

Io sieyg tib ya, kwehct bizarre, id brenleisen, bet tod leit alnos natural.

Ghehdiem yaschi tib sayge mathalan destull exact-ye quod tu has mohnen de

me, kun tib ho narret oins id storia om Cain ed Abel. Yed, to ne ghehldt pro

taiper. Aym yaschi possible od has oins drohmen de me. Smad bet tyehgve to !

Es un clever pwarn, pleisti sont tem cacavan ! Gairn tolko her ed ter con un

clever pwarn quom treuso. Samstehms tu ?

- Oh ya. Tik nel-ye fahamo.

Smad ghi remane con id glewost experiment ! Hams also trohft : is pwarn S

est bayasen is bayt semanghen is hat mukhtmel-ye con tel alter un secret,

quod ei est baygh desamat. Est to edvas druv ?

Kam in id drehm succubh io eys voc, eys influence. Io tik nuk. Ne bahsit ter un

voc, quod ghohd gwehme tik ex meswo ? Quod wois quant ? Quod suagnohsit

clarer-ye quem ioswo ?

Kreptic-ye tip Demian mien oms.

Also ver. Kam fikrim. Nun tik oin question : woidst tu id nam ios pwarn qui

hat just abghanct ?

Buim gvaltic-ye dekhschaten, mien schinghayn secret revrinkit gvolic-ye in me,

id ne volit ses sub id luce.

Quis pwarn ? Eet neis pwarn ter, tik ego.

Is glih. Sayg ghi ! glihsit is. Quod est eys nam ?

21


22/98

Susurim : Mayns tu iom Franz Kromer ?

Satisfact nuk is kye me.

Bravo ! Es un dohbro karl, nabihsiemos prients. Bet nun dehlgo io tib saygesemject : so Kromer, quodkwe est eys nam, est un khiter karl. Eys lige mi sayct

is est un caltak ! Quod mayns tu ?

O ya , sluct io ub, is est khiter, is est un Satan ! Bet is tehrpt gnohe neid !

Yallah, is tehrpt gnohe neid ! Gnohs tu iom ? Gnoht is te ?

Reman sakwn ! Hat abgwaht, ed ne me gnoht ne bad. Aber kamiem gairn

baygh bignohe iom. Gwaht is id primar scol ?

Ya.

In qualg classe ?

In id penkt. Bet sayg ei neid ! Plais, plais sayg ei neid !

Reman sakwn, tib neid wakye ject. Suppono ne wehns mi narre lyt meis de

tom Kromer ?

Khako ! No, lass me !

Is oiswig unte un khvil.

Sayang, sieyg is tun, habiemos ghohd dar natyices id experiment. Bet ne

volo te aziyate. Bet ne druv, yed woidst, od tien baysa dia iom ne est semject

ieust ? Un talg baysa nos gugheirt, dehlgmos abdehe id ud nos. Tu dehlcs

abdehe id ud te, sei bihskws un prabh karl. Ghaps tu ?

Sigwra, saycs alnos prabh... bet to ne leit. Tughi ne woidst...

Has vis od woidim maung, meis quem habies mohnen. Deulcs tu ei sem

denars ?

Ya, toschi, bet to ne est id principal. Khako sayge id ei, khako !

Neghi hehlpsiet, sei tib dahiem tant denars quem tu ei deulcs ? Ya ghehdiem

tib dahe ia.

No, no, ne est to. Ed ib saygo : sayg neid de ! Neid werd ! Me biedaneihs !

22


23/98

Antreus me, Sinclair. Me smyehreihsies serter voster secrets.

Naiwo ! Naiwo ! cricim io vehement-ye.

Quaytlibt. Tik mayno kad mi saycsies oins meis. Tik voluntar-ye, aweis ! Nevahs mehne od kwehrsiem kam isswo Kromer ?

Oh no bet gnohs khich de !

Khich. Tik namehno de. Ed naiwo siem io kwehre kam Kromer kwehrt, maghs

me credihes. Tughi mi deulcs neid.

Swigam diu, ed bihsim sakwner. Bet Demians weida mi eebeibiht meis

enigmatic.

Nun reiko hem, sieyg is ed is sohr in id seuyo sien lodenmantel darmer protie

se. Kamiem tib sayge dar oin iter, ob nies tolk biht ja khatem dehlgies abdehe

tom karl ud te ! Sei neid alyo wehrct, tun gvehn iom ! Mi impremiet ed plaisiet

sei tu kwehries to. Yaschi te hehlpiem.

Iter hiebim paur. Id storia os Cain renfiell mi stayg iter. To mi bihsit alien, ed io

mliak-ye biplieng. Eet pior alien perambh me.

Tun gohd, smih Max Demian. Gwirlay ghi ! Kad kwehrsiemos id ne.Quayque nergvon esiet id simplest. In talg jects est id simplest semper id gohdst.

Es in nia sell hands con tien prient Kromer.

Io gwirliey, ed mi kwohk io hieb abgwaht unte oino yar. Quanto tengicit

different. Inter me ed Kromer eet semjecto kam future, semjecto kam speh. Neti

eem mon ! Ed bad tun vis io, kam dekhschatic-ye io hieb esen mon con mien

secret unte hevds ed hevds. Ed stayg mi enfiell quo hiebim bemohnto maungs :

od un confession rehmiet me, lakin ne me redempiet alnos. Nun hieb io quasi

confetten alyi, uni tarnien, ed un prekhisses os redemption plukit kye me kam unakster profume !

Yed mien paur ne eet dalgtos bad uperwohndt, ed eem dar tayar ad long ed

dekhschatic confrontations con mien peind. Itak mi buit dar skauner od quanto

jinkdousit tem still, tem alnos secret ed sakwn.

Id sweih os Kromer ant nies dom ne udcliengh, oino dien, dwo diens, tri diens,

unte oin hevd. Nel-ye dursim credihes to, ed luurim eni me, an is ne stahiet iter

ter stayg, esdi is esiet naiweti exspecten. Bet is eet ed remien absent !Mistreusend id nov lure, io ne credih druve-ye in id. Hina bad oins incontrim

23


24/98

Franz Kromer. Is gwohm ghom id Seilergasse, seid kyant me. Kun is me vis, is

oisprud, eys lige vrink do un desolat frad ed abgir aun kunges kay ne dehlge

incontre me.

To buit pro me un ajib dakika ! Mien peind fug ud me ! Mien Satan biey me !Me peritohr noroc ed surprise.

Unte ta diens, Demian se redik oins. Is me skohpt ant id scol.

Sellamat, ieyim io.

Sell aghyern, Sinclair. Volim just aure kam leits tu. Is Kromer te linkwt nun

bad in pace, ne ?

Has tu kwohrt to ? Bet kam tar ? Kam tar ? Nel-ye ghabo to. Is hat alnos manen

apo.

To est gohd. Sei is aiwo regwehmiet mehno niet kwehre to, bet is est ya un

insolent karl tun sayg ei just is maghiet mehne de Demian.

Bet quod est id sibia ? Has tu dil con iom ed plagelt iom ?

No, ne kwehro gairn to. Ho just tolken con iom, tem quem con teschi, ed ho

fahamihn iom est eys wi interesse te linkwes in pace.

Oh, ne habsies yed daht ei denars ?

No, mien pwarn. Has ja proben tod weidos.

Is abrusch, nespekent io pit jawabe ei, ed me rewohsim con id veuto desamat

khisses dia iom, quod eet un stragno mix ex schakiria ed timiditat, daumos ed

paur, sympathia ed inner reticence.

Io revidskwim iom mox, ed tun volim io tolke meis con iom de hol, edschi dar

re Cain.

To ne tyohc it.

Schakiria est nel-ye un virtut in quod ho fid, ed kupes id ud un magv mi kwohkit

ghaw. Itak io ne dieum de mien wi complete schakiria meg, quod io bevis dia

Max Demian. Credeihm hoyd samt yakinia od habiem biht sieug ed ruinen pro

gwit sei is ne me habiet lurt ex Kromers fangh. Tod leuren khiss io yaschi tun ja

24


25/98

ka id megsto gwivmen os mien yun gwit men ablikwim iomswo leurer yant is

hiebit parkwohrn id daumos.

Curieus est id schakiria, kam sayct, mi ne. Stragn est mi tik id mank os curiositat

quod io bevis. Kam eet possible od nagwivim sakwn-ye unte oino dien aun litesproscher ia secrets con qua Demian hieb me bright ? Kam ghohd io protiedare id

curiositat os aure meis de Cain, meis de Kromer, meis de brenleisen ?

Est payn ghabim, edghi est it. Io vis me stayg displohcen ex demonic nets, revis

id mund kweiter ed joyeus ant me, neti succubhim pauradfalls ni waurgend

kerdbats. Id waldh eet brohct, neti eem un aziyaten aforiseit, eem iter un

scolpwarn kam semper. Mien buhsa iskwit tem oku quem possible retrehve sien

tula ed sien serenitat, ed itak se strohng bilhassa ad repulge ud se ed myehrse ia

multa cherkin ed tehrgend jects. Daumos-ye oku absnohg id holo long storia om

mien skult ed angst ex mieno memoria, aun apterlinkwus visible-ye quagvonc

schrams ed pondsa.

Od io pit myehrse tem jaldi mien hehlper ed salvor ghabo io nundiens dar. Ex id

riouda vallee miens azab, ex id dekhschatic sclaverie ab Kromer fug io med

quant pulsions ed forces os mien sauct atmen do quer io hieb esen prever noroct

ed vessel : do id lust paradays quod iter ghyahsit, do id kweiter dadmamsmund,

bi ians swesters, do id xiauki os purtat, do Abels pietat.

Ja ye id dien pos mien cort tolk con Demian, kun buim bad alnos convicen demien regaisst lure ed neti biey pohdye, kwohr io quo io hieb mi tem ops ed

desperat-ye vanschen io confess. Gwahsim bi mienu mater, ay dik id sparcutia

quos sayp eet sauct ed quod pohld med leikpiengs vice denars, ed ay narrim

kamdiu io me hieb attachen uni khiter aziyater per wi fault. Ia ne ghieb quant,

bet ia vis id cutia, ia vis mien changet spect, ieur un changet voc, khiss, od io

hieb nohst ed est ay redaht.

Ed taiper celebrim samt hog khisses id fest miens readmission, id koimreiko ios

lusen son. Ia mater me brigh ei pater, id storia buit repetiht, questions ed taajubswaurs mutu, bo parents bruk mien cap ed ann ob long oppression ex. Quant buit

grandiose, quant buit kam in ia basma, quant se resolvit do un daumost

harmonia.

Do tod harmonia fug io taiper samt ver passion. Io khiek satasce med io hieb iter

mien pace ed id trust im parents, bihsim un exemplar dompwarn, lik meis quem

aiwo con mien swesters ed sohngv unte ia prehgens ia kyar veut songva samt

khisses om redempen ed converten. Tod lit ex mien kerd, eet neid leugh eni.

25


26/98

Yed to eet ne alnos in aurdhen ! Ed eno point expliet druve-ye mien zahilses dia

Demian. Ei ge habiem io tohrpt confette ! Id confession habiet wohrten minter

decorative ed emovant, bet pro me brungoster. Taiper antgrip io med quant

raudhs mien prever paradaysic mund, hieb rict hem ed grace. Demian de nel-ye

bieygh tod mund, ne dohbh id. Isschi eet, als quem Kromer bet lakin isschi eetun tentator, isschi me yug ei dwoter, khiter, cherkini mund, ed de tod taiper pro

aiwo neti gnohskwim. Io khiek ni vole taiper prodahe Abel ni hehlpe ad

klewosdehe, kunkye ioswo hieb chiowdeo rebihn un Abel.

It eet id extro contexte. Id intro eet lakin tod : eem ludhert ex Kromer ed iom

Diabel sbei ghesors, bet ne per mien wi force ed moini. Hiebim piten ravane ep

ia paunds ios mund, ed ia hieb est pior sleubric pro me. Taiper, dat id waldh uns

winghesor me hieb salven, redrahsim, auneti glanzes extro, do id gremium unias

mater ed do id salvtat uns cocollt, zakir miegve. Io me kwohr yuner, meis

dependent ed magvisk quem eem. Io dohlg taye id dependence dia Kromer med

un nov, ar ne siegvim gwahe mon. Tun chus io, in mien blind kerd, id

dependence dia dadmam, dia id veut liubhen gwayder mund, de quod yed ja

gnohsim od id ne eet id saul. Sei ne habiem kwohrt to, tun habiem io dohlcto

dare Demian ed confide bei. Od io ne kwohr to mi kwohk tun ka justifieno

mistrusto dia eys bizarre brens; in druve eet neid alyo quem paur. Ar Demian

habiet kupt ud me meis quem mien parents habient, maung-ye meis, is habiet

piten swoboderihes me med persuasion ed maunen, med sarcasme ed ironia. Ah,

nundiens io woid : neid tienxia est al mensci meis kados quem kwehre id itner

quod el alswo duct !

Lakin io khiek resiste id tentation, circa oin pwolyar serter, ed sprohg unte un

spassere mien pater quod tohrb ses mohnto de ma pelu leuds declareer Cain

seller quem Abel.

Is meg stieun ed mi explicit to eet un vidpoint quod ne eet nov. Id hieb ja

prohpen unte id orchristian zaman ed esen lohrn in sects, ex qua oin se niem

Cainites . Bet naturelika eet tod foll dars neid alyo quem un peiten ios diabel

kay destruge nies fid. Ar eet crediht in Cains priebhe ed Abels nepriebhe, ar eetdeducto tetos od Div habiet rhalten, odschi is Div ios Bible ne esiet is rect ed

wahid sontern un fals. Ighi Cainites habient lohrt ed prechet semschi samlik : ob

tod heresie hieb diutos disparihn ex menscgenos, is oistieun just od un scoldust

os me hieb ghohdt manthes semjecto de. Quodkwe bih to is me mieun serieus-ye

de behrge me ud ta brens.

26


27/98

Is Latro

Esiet bell, tender ed maedwn lehctu de mieno miegve, de mien salvtat bi

dadmam, de xiau ed destull-ye leikwent gwit in mliak, khauris, gwayder

ambients. Bet me interessent tik ia stieups ho kwohrt in mien gwit kay nakemeswo. Vasya jamile rahatpoints, noroc-insules ed paradaysa, quom soitos ne

mi remienit negnohn, linkwo io lyehge in id arg os piern ed ne gheido iter trehde

ia.

Itak bahm, tando me forwehso dar in mien pwarntid, tik de quod nov mi

ubgwohm, quod me puscit perodh, me abrohv.

Semper gwohm ta stimules ex alter mund, semper ia brigh paur, dwinegh ed

khak conscience con se, semper eent ia revolutionar ed menaceer id pace in

quod habiem gairn-ye nawict.

Gwohm ia yars unte qua io iter dohlg aunstehge od in meswo gwivit un

orpulsion, quod dohlg se forrempes ed lantes in id permiss ed gwayder mund.

Kam cada mensc, itschi me attaquit id lent-ye sbeudend khisses ios sexe ka

peind ed destructor, ka interdeht, ka seduction ed synt. Quo mien curiositat

pieursk, quo mi drehms, hassadia ed paur kwohr, id megil secret ios pubertat,

nel-ye dohbh in id cocollen felicitat mienios magvpace. Io kwohr kam quanti. Io

ieg id double gwit ios magv, qui lakin est neti uno magv. Mieno menos gwivit in

id domestic ed permitten, mieno menos negit id auskend nov mund. Nieb to yedgwivim io in drehms, pulsions, vanscha os gixia buhsa, uper quo cid conscient

gwit se struxit semper paurwent brigvs, ar id miegvemund collapsit in me. Kam

quasi quant parents, hohlp ischi mieni ne id sbeudend gwitpulsion, de quod ne

eet beibahmen. I hohlp tik, med inexhaustible kaur, mien desperat peitens om

nege id real ed nawikes in uno magvmund quod eebeibiht irrealer ed

leughwenter. Io ne woid an parents herin ghehde kwehre maung, ed ne mambho

to mienims. Eent mien wi besoyn, bihe parat ed trehve mien itner, ed io

duskwohr mien besoyn, kam pleisti tamijdars.

Cada menscis gwivt tod difficultat. Pro id mutawassit est to id centre irs gwit,

kun id keup ios wi gwit gwehmt do conflicto con id ambient kaurdst-ye, kun

anghen dehlct se sehnde perodh bitterst-ye. Maungi gwive id mehren ed id

regnahsa, qua nies meinyun est, tik oins in id gwit, unte id kahisch ed lent

collapse os miegve, quando quanto hat bihn kyar nos vaht linkwes ed kheissmos

stayg id khalwa ed id katel srigos ios weru seddos ambh nos. Ed meg bayghs na-

adglehmernt pro aiwo tod behrg ed diehne ir hol gwit gvol-ye ei nerebringhim

prev, ei sohgno ios lusen paradaysios, quod est id khakst ed id katelst vasyen

sohgnen.

27


28/98

Smad volge iter kyid storia. Id khisses ed onirs, in qua se mohld mi id fin os

miegve, ne sont kafi important pro ses lohgen. Id important eet od id sombre

mund , alter mund eet iter ter. Quo hieb est Franz Kromer prevst, to eeteupt

taiper in meswo. Ed it regaiss extos alter mundo magh uper me.

Pon id storia con Kromer hiebeer plur yars dohnen. Cid dramatic ed skultwento

tid miens gwit lyohg prevst baygh dalg ud me ed kwohkit kam un cort coschmar

wakyevs in nischto. Franz Kromer hieb diutos dispariht ex mien gwit, payn

kieusim iom kun incontrim iom oins. Alter important figure miens tragedia yed,

Max Demian, disparih ne meis alnos ex mien jawar. Stahsit ghi diu dalg-ye

leizd-ye, visible, lakin-ye ne active. Tik tadrijan gwohmyit is proscher, strohlyit

force ed influence ex se.

Peito mohmye quo woidim de Demian ye cid tid. Kad unte un yar au diuter ne

ye oin ker ho tolcto con iom. Io men vergih iom, ed is de ne se impos. Edvas

oins, quan incontram mutu, nuk is mi. Kwohk mi tun ex tid do tid od eet in eys

maedwnia un subtile nuance os honn au ironic mambh, bet kad to buit fiker. Id

storia io hieb gwiven con iom, ed id stragn influence is hiebit prevst-ye tyict ep

me, eent kam myohrsen, ab iom kam ab me.

Paursko eys figure, ed nun kun io mohmye iom, vido io od is eet yed ter ed eet

kaun ab me. Iom vido gwahe scol, mon au inter alyens iom ater scolers, ed iom

vido stragn, mon ed still, kam un aster errend inter iens, perambhen ab un wi

hava, gwivend sub wi loys. Nimen liubh iom, nimen eet in trust con iom, tik eysmater, ed con iamschi kwohk is sulouke ne kam uno magv, sontern kam un

balirh. Ies daskals likweer iom possiblest-ye in rahat, is eet un gohd scoler, bet is

pit plaise niom, eekwahkwahmos wey rumor-ye quodlibt werd, un commente au

un jawab, quod is sollit dahvs uni daskal ed quod ieu nel-ye abrupto challenge,

ni ironia.

Io mohmye, samt clus okwi, ed vido eys kwiter prehpe. Quer eet to ? Ya, nun est

to iter ter. To eet ep id gatva pre nies dom. Ter vis io iom sem dien stahe, un

bukil in id hand, ed vis iom risses. Is riss id veut vapwnkwiter con el av upernies aneta. Ed stahsim claus un fenster, kulken apter id cortin, ed spohc iom, ed

visim samt profundo staun eys attentive, khuld, kweiter lige wohrt kyid vapwn,

id lige uns wir, uns paursker au artiste, superior ed pleno med vol, stragn-ye

kweiter ed khuld, samt connaisseur okwi.

Ed iter vido iom. Eet lyt serter, ep id strad; wey quanti stahsam, gwehmend ex id

scol, ambh un ekwem, quel hieb fallen. El lyohg, dar dverwt ei oyos, ant un

agrent wogh, eepipnehst implorant-ye ed schaki-ye med ghyanen neusters do id

air ed sohrg ex un invisible vurnos, tem quem ep els gon id kwito stradduilolent-ye turs. Kun io, samt un khisses os nausea, disvols ud id skau, vis io

28


29/98

Demians lige. Is hieb ne urs perodh, is oistahsit apter, yow ed destull elegant,

kam ei buit wi. Eyso specto kwohk trohpen kyid cap al ekwes ed hieb iter tod

profund, still, quasi fanatic yed aunpassion attention. Io dohlg spehce iom diu,

ed tun khiss io, dar dalg exter conscience, semject baygh particular. Io vis

Demians lige, ed io vis ne tik, od is ne hieb un pwarnlige, sontern tod uns wir ;io vis dar meis, io credih vide, we spruves, od tod neschi eet id lige uns wir,

sontern dar alyo ject. Eet kamsei eet yaschi semject uns gwenlige in id edghi

kwohk mi id lige, unte uno mic, ne wirlik ni magvlik, ne veut ni yun, sontern

semkam tusentat, semkam aunwakt, stempelt ab alya waktdrunas, quem

gwivmos ia. Animals ghohd kwehke it, au drus, au stars io ne wois to, io ne

khiss exact-ye quo nun saygo de to ka balirh, bet semject samlik. Kad is eet bell,

kad is ne me plaisit, kadschi is mi eet kados, toschi eet ne decisu. Io vis tik : is

eet alyo quem wey, is eet kam un animal, au kam un drukh, au kam un kwiter, io

ne woid kam is eet als, nemehnim-ye als quem wey quanti.

Ne meis mi sayct id mehmen, ed kad toschi est part-ye ja tyict ex serter pondsa.

Bad kun buim plurater, vigwohm io iter in prokwem contacto con iom. Demian

ne hieb esen confirmen con sien samats in id kyrk kam id swohd habiet kupt, ed

ad toschi se hieb attachen iter fauran rumors. Buit iter sayct in id scol is eet

druve-ye un iudi, au ne, un pagan, ed alyi wois od is esiet kam siena mater aun

cada religion ed bayghiet un fabuleus, khiter sect. In conjunction con to mehno

io yaschi kwahus id suspecen od is gwiviet con sienu mater kam un lieubherin.

Supposible eet is hieb est alto tuntro aun agama, nun dohlg sem sorte os nao sesbayn pro eys future. Lakin karrier siena mater, dwo yars serter quem eys samats,

smyehrihes iom id confirmation. Itak is buit unte munts mien dust os

confirmationstalim.

Unte un khvil io mien meg apo iom, ne smyohrskwim con iom, pro me eet is

pior perambhto med rumors ed secrets, yed me sturb id khisses os obligation

quod hieb etilikwen in me pon id affaire con Kromer. Edghi prevst hieb io habt

kafi diltu con mien wi secrets. Pro me coincis id confirmationstalim con id tid

iom decisive declarations de sexe jects, ed nespekent sell vol buit mien interessedia id zakir lehren baygh affecen ab to. Ia jects de qua id spiritual tolkit, lyohg

wayt dalg ud me in un still iser irrealitat, kad eent alnos bell ed kamatih, bet nel-

ye actual ni excitant, ed cia alya jects eent exact-ye it in hogst meid.

Ye meis me indifferentih dia id talim taiper tod stand, ye proscher Max Demian

lit iter mien interesse. Quodgvonc kwohk yunges nos. Dehlgo trace tod sioul

possiblest-ye precis. Tem maung-ye quem ghehdo mohmye, inkiep id ye un saat

aus in id aghyern, kun dar luce blig in id scolkyal. Nies religieus daskal hieb

gwohmto do tolke Cain ed Abel sbei storia. Io payn kieur, eem raflatic ed paynklusim. Tun bitolkit is pastor jahar insistent-ye de id signe os Cain. Ye tod

29


30/98

instant spruv io un sorte os emotion au maunen, ed io vis ub ud ia front

benkroigs id lige os Demian retrowohrten kye me, samt un kweiter bahnd ok,

quos expression ghohd ses tem goilen quem serietat. Tik unte uno moment

spohc is me, ed stayg-ye klu io tens-ye ia werds ios pastor, ieur iom tolke de

Cain ed eyso signe, ed khiss deub in me un weida, quod ne eet quem tod is lohr,od to ghohd ses consideren als, ed od critique ter eet possible !

Med tod minute buit iter inter Demian ed me un diemen ter. Ed stragn-ye payn

eet tod khisses os un certain sambayghti in id synto ter, it vis io id kam

transporten per magia do id physic space. Io ne wois kweter is ghohd provoque

to we to eet uno mer hasard io credih prevst-ye dar akster-ye in coincidences

pos pauk diens hieb Demian stayg changet sien place unte id religionsdars ed

sessit just ant me (dar woidim kam gairn medsu id air iom paupers ios uperplen

scolkyal in id aghyern io ann ud eys neuk id tenderfrescho sapunodor in !), ed

iter pos oika diens is hieb mutaplacen ed sess taiper nieb me, ed ter na-sess is,

unte id hol winter ed id hol pirmwer.

Ia aghyerndarsa se hieb alnos transformen. Eent neti raflatic ed plictic. Io

ghiewd ia. Maungs klusam wey bo samt id mierst attention iom pastor, un spect

ab mieno nieber eet kafi kay kauihes me un skaun storia, un stragno proverb. Ed

alyo spect ab me, un alnos bestohmen, eet kafi kay maune me ad isnahe critique

ed dwoi in me.

Yed baygh ops eems khaki scolers ed klusam neid ios talim. Demian eet sempertamijdar dia daskal ed conscolers, naiwo visim iom kwehre

scolpwarncacavanias, naiwo buit is aurn glihes we balbel jahar, naiw attrieg is

sib uno mambh ios daskal. Bet alnos ye khafi voc, ed meis med znaycs ed spects

quem med susurwerds sisit is fahame me smyehre eys wi activitats. Ta eent part-

ye os un skaun genos.

Is mi sieyg mathalan, quoy ex iens scolers iom interesseer, ed ye quod weidos is

oistudyit iens. Maungens gnohsit is baygh precis-ye. Is mi sieyg pre id lection :

Quando tib znaycsiem med mien pallex, tun siet is ed is ambhspehce kye nos,we graze sien neuk ed yunyun. Unte id dars tun, quan io ops payn mohn de,

wohrt Max stayg sien pallex kye me med ubfallend geste, io spohc oku kyom

kyusto scoler ed vis iom ielgs, kam tract med un viel, kwehre id iskwto geste.

Eepiprehgo Max kem is pit to oins yaschi med iom daskal, yed is ne kwohrskwit

to. Bet oins, kun io gwohm do id dars ed ei sieyg od io ne hieb ucen mien

almentaska ed baygh spehsim kem is pastor beudiet neid ud me, tun is me hohlp.

Is pastor pieursk un scoler quom is volit recitihes un schtuk os catechisme, ed

eys errant ok nahieng uper mien skultconscient lige. Lent-ye gwohm is prosch,

rexit sien fingher kye me, hieb ja mieno nam ep sien lipps tun bihsit is staygdistragen au bfuyow, protietraxit sien colnier, stiup kye Demian qui spohc darm-

30


31/98

ye eys lige, kwohk sprehcskwe iom, yed abvolsit surprindant-ye, diu kwies, ed

bud tun alyo scoler.

Io vikieu, menxu ta scherza baygh me zalisseer, od mien prient ieg frequent-ye

id sam leiko dia me. Ubgwohm od io untitner kyid scol stayg hieb id khisses odDemian apterghieng me distant-ye, ed kun io vols eet is druve-ye ter.

Ghehds tu wi-ye kwehre kem alyis dehlc mehne quo tu eiskws ? io sprohg

iom ?

Is mi dahsit khalal-ye information, sakwn-ye ed objective-ye, ye sien balirh

manier.

No, ieyit is, nimen ghehdt to. Anghen ghi hat neid leudher vol, esdi is pastor

kwehrt kamsei. Neter ghehdt alyis mehne quodlibt, ni ghehdo io mehmihes el

quo volo. Yed semanghen ghehdt ses suaobserven, ed tun ghehdt ses ops

takriban saygen quod el mehnt we kheisst, ed tun ghehdt pleistens ses yaschi

previs quod el kwehrsiet ye id niebst instant. To est baygh simple, yed leuds ne

woideer to. Naturelika est exercice naudht. Sont mathalan bayna i pelpels certain

matils bayna qui ias wedus sont meg rarer quem ies ersens. Matils se reproduce

exact-ye kam vasyi animals, is ersen behrnteiht iam wedu, qua poskwo gehnt

oivs. Quando yed est oin wedu ex ti matils naturalistes hant ops probet to tun

gwehme pleukend-ye in id noct ies ersen matils unte hors ! Unte hors fiker ghi !

Ud maung kilometers neuse quant toy ersens iam oin wedu in id gaivia ! Est pitexplie to, bet est difficil. To sollt ses un sorte os odorat, lyt kam gohd zagars

trehve ed ghehde sehkwe un nekwahim ighnos. Ghaps tu ? Nature est plen med

solg jects qua nimen ghehdt explie. Bet saygo taiper : sei bayna ti pelpels ias

wedus habient esen tem frequent quem ies ersens, toy ne hatta habient ta nafiz

nasa ! Ies hant ia tik ob se hant strohngen ad to. Quan un animal au un mensc

direct sien hol attention ed sien hol vol kyun bestohmt ject, tun el obtent id. To

est quant. Ed est lika de quo mayns. Spehc destull precis-ye un mensc, ed

woidsies de el meis quem elswo.

Swohrskwim id werd brenleisen ed mehmihskwim iom id scene con

Kromer, quod eet tem prev. Bet to eet taiper un stragno ject inter nos bo : naiwo

ed naiwiter is ni ego allus kamkwe od is hieb tem serieus-ye intervenen do mien

gwito tant yars prever. Eet kamsei neid hieb wakyen inter nos prever, we kamsei

ieter om nos antrus darm-ye od alter hieb myohrst to. Ubgwohm, oins au dwis,

od wey comghieng ep id strad ed incontram iom Franz Kromer, bet exchangeam

neid spect ni sieyg werdo de iom.

Bet quod nun de id vol ? sprohg io. Saycs od anghen hat neid leudher vol.Bet tun saycs tu iter, od anghen tehrpt tik trehpe darm-ye sien vol ep semject kay

31


32/98

nake sien ziel. To hat neid sense ! Sei ne waldho mien vol, tunschi khako trehpe

id kamlibt tetro au cetro.

Is tip mien oms. Is kwohr semper to quan ei dahsim joy.

Gohd, od sprehcs ! iey is gleihnd-ye. Anghen dehlct semper sprehge, anghen

dehlct semper dwoye. Bet id ject est baygh simple. Sei mathalan filan matil

trehpskwiet sien vol ep un star au sonstquetro, el khakiet to. Elghi nel-ye peit to.

El eiskwt tik quo hat sense ed wirt pro el, quo el tehrpt, quo el mutlak dehlct

habe. Ed hatta ter kamyapt el id incredible el antplehct un magic sixto sense,

quod neid alyis animal exter el hat ! Weysmee habmos meis leikrewos, sigwra,

ed meis interesses quem animals. Bet weyschi smos bohnden in un nisbatan

destull angh circule quod khakmos salge. Ya magho khayale de to ed to, fiker od

gwahskwo mutlak id nord pole, au semject samlik, bet ghehdo parkwehre ed

vole kafi akster-ye id tik sei id vansch lyehct alnos in meswo, sei druve-ye mien

ses pehldt alnos tosmed. Yant to est id fall, yant tu probes quo tu es wohlt ab eni,

tun ghehds tu dverwnes tien vol kam un gohd cavall. Sei mathalan nun

entreprindiem od pliehcskwiem ke nies Poti Pastor neti siet vehse bril, to ne

wehrct. To est just galeikos. Bet kun io, prevst in osyern, hieb id darm vol ke

buim mutaseddihn ex mien benk, in id front, tun id wohrg. Tun buit stayg oin

ter, qui gwohm pre me in id alphabet ed qui hieb esen sieug tuntro, ed ob neis ei

dahskwit sem place, buim naturelika so qui kwohr ob mien vol eet parat ad sizes

fauran tod waurmen.

Ya, ieyim io, io hieb pohnden to prevst baygh special. Pon id instant kun

hams nos interesset pro mutu, has tu semper wohst proscher me. Bet kam ? In-

kap has tu lakin ne gwohmt ad sedde just nieb me, tu preter sess oiks ep id benk

ant me, ne ? Quosmed tyohc to ?

To buit it : ioswo ne wois exact-ye quetro iskwim, kun io viensch linkwes mien

prest place. Io tik wois od seddskwim wayter apter. Mien vol eet gwehme

prosch me, bet io ne hieb bad consciet id. Sammel prohp tien wi vol ed me

hohlp. Bad kun io sess ant te, io vighieb od mien vansch eet bad pwolplehn iokieu odghi io hieb iskwt neid als quem sedde nieb te.

Bet prevst hat prohpen neis novgwehmer.

No, ioghi prevst kwohr mer-ye quodlibt, ed sess nieb te aun kunges. Is pwarn,

con quom io mutaplacim, jus stieun ed me sis kwehre. Ed is Pastor kieu albatt

od ter hieb est un change bilhassa, ielgs kun is hat kwehrtu con me, semject

aziyat iom rahas-ye, isghi woid od mien nam est Demian ed od ne poitto ob D

ka prest buksteiv os mien nam sedde ter baygh apter bayna S ! Bet to ne nact eysconscience, ob mien vol est contra to ed ob stistambho ei to. Is kikaut od semject

32


33/98

ne leit, me spehct ed reict id studye, is sell Poti. Ter ho io un simple zariya.

Spispehco darm-ye eys okwi. Quasi vasyi leuds dustehle to. Vasyi bihnt bfuyow.

Quando vols obtene semject ud semanghen, ed vids inexspecten-ye darm-ye els

okwi, ed el ne biht alnos bfuyow, tun tyehgv ! Obtensies naiwo ject ud el ! Bet

to est baygh rar. Gnohm ghi just oin mensc bi quam to ne me hehlpt.

Qua est ia ? sprohg io oku.

Is me spohc med midcluden okwi, kam is hieb kun is eemimehnt. Tun abglaz is

ed dahsit neid antwehrd ed io khiek, nespekent vehement curiositat, repetihes id

question.

Men credeihm od is tolkit tun de sienu mater. Con iam kwohk is gwive baygh

intim-ye, bet naiwo bahsit de iam, naiwo nih me do sien dom. Io payn wois kam

quod kwohk eys mater.

Pelus kwohr io prevst-ye peitens om imite iom ed tankes mien vol ep semjecto

quod io dohlg nake. Ter eent vanscha qua mi kwohkeer kafi urgent. Bet neid

tyohc ni wohrg. Io ne brigh to ad tolke con Demian. Quo mi vienschim habiem

io khaken itirafe ei. Ed isschi ne sprohg.

Mien credulitato de religionsquestions hieb entrim daken pelu kowngbaykus.

Lakin io me enderkwit, in mieno menos alnos influen ab Demian, baygh ud tens

mienen conscolars quoy hiebeer bevis un total non-fid. Eent oik solgs, ed ies siswaurmen-ye aure werds kam od eet joking ed menscnewirtic credihes in un Div,

ed od storias kam ta ios Trinitat au ios Immaculat Conception os Jesus eent

gleihtu, ed od eet un scham colportage dar nundiens tod mukuzay. Io nel-ye

mohn it. Querkwe io hieb dwoi, woisim io yed ex id hol experience mienios

miegve id realitat os un zakir gwit, edvas kam mien parents ieg, ed od tod neter

eet semject newirtic ni hypocrite. Bilax hieb io profundst yazgos dia id religieus.

Tik hieb me Demian swehdihn considere ed tolke ia narns ed dogmes leurer,

personaler, med meis jok ed fantasia; bariem ee-sisehkwo io ia maynens, qua is

mi suggestit, gairn ed samt plaisure. Maung, frank-ye, mi eet pior abrupt, idschire Cain. Ed oins unte id confirmationsdocen dekhschiet is me med un

conception quod eet dar bilkull serbeser. Is daskal hiebit bahn de id Golgotha. Id

biblic bayan de id passion ed nehc ios Salvor mi hieb kwohrn pon aussto tid

profund pondos, pelus hieb io ka lytil pwarn, ambh Megil Juma, pos mien pater

hieb nos lisen id passionsnarn, gwiven intim-ye ed emot in tod kwehnd-ye bell,

pall, kabuslik yed immens-ye wasahalik mund, in Gatschmanei ed ep id

Golgotha, ed unte id kleuster ios Matyahpassion ab Bach hieb me submergen id

sombre-ye staur passionsdiutis tos mysterieus mund samt quanta mystic

tremblens. Trehvo dar nundiens in tod music, ed in id actus tragicus idincarnation quants poesis ed quants artistic expression.

33


34/98

Tun mi sieyg Demian ye id endo cios dars pensive-ye : To est semject, Sinclair,

quod ne me plaist. Perileis oins id storia ed probe id ep tien dingv, est ter

semject, quod smehct fade. Nam-ye id re iom dwo latros. Kam grandiose stahnt

ia tri cruces nieb mutu ep id clin ! Bet nun tod sentimental storia os lytil tractatcon iom sell latro ! Preter eet is un criminal ed hat committen agsa, Div woid to

hol, ed nun is se confundt ed celebre un talg dakruend fest om kayjin ed

pischman ! Quod tar sense hat un solg pischman ye dwo stieups dalg ud id

tumbh, te sprehgo ? Iter est tod neid als quem un druv plebanen storia, suave ed

dreughwent, besmurn med emotion ed hogst-ye maarific aptergrund. Sei hoyd tu

dehlgies chuses ka prient we mohmye uter latro, ad quoter maghies tu anter dahe

tien trust, ne est baygh sigwra tei flehnend convers. No, alter ghi est un karl qui

hat pinseing. Is bespieut un conversion, quod ya in eys situation esiet ne meis

quem jamile gatolkos, is kwehrt sien itner tiel id fin ni reneget ye ajal iom

Diabel, qui hat iom dohlgen hehlpe tuntro. Hat pinseing, ed pinseingwent leuds

gwehme pior cort in id biblic narn. Kad est is un descendant os Cain.

Documents

Demian - Sambahsa tarjem