Divine Voice November 2016DECEMBER 2019 Volume: VII Issue: 11 Printer & Publisher Rev. Dr Philip Nedumthuruthil VC Chief Editor Rev. Fr Mathew Thadathil VC Chairman Rev. Dr Augustine

Divine Voice November 2016

DECEMBER 2019Volume: VII Issue: 11

Printer & PublisherRev. Dr Philip Nedumthuruthil VC

Chief EditorRev. Fr Mathew Thadathil VC

ChairmanRev. Dr Augustine Vallooran VC

General ManagerY. Ousepachan

AddressDivine Voice, Divine Retreat Centre, Muringoor P.O., Chalakudy - 680 309, Kerala, India, Ph: 0480 2708413, 2708513

EditorThomas Jacob

Section EditorsVincy QuadrosMaria Viency CardozoSr Savio CSADinesh MathiasManeesha MathiasHyacinth D’Souza

Cover DesignMejo

LayoutSijo Sunny

PrintingDivine Printers & Publishers

0705

13Devachie mayek man ani bhouman

Jezu aila, Gottheant vo kallzant?

“khontibhorit ani khala poDDloleam mon’xam sovem hanv asam” (iz. 57:15)

bhaG. thomas aQuinas ( 1225 – 1274 )

Bhagevont Bap Francis

Rev Dr Augustine Vallooran VC

Rev Dr Joseph Thondiparambil

2719

33

12,26

34to batmi

Goviakeo

Faraoh-achie Dharunnayecho porinnam’

December 2019 Divine Voice 3

All translations by John Rocha, Joyce Fernandes, Nety Gomes, Gaurish Naik, Velany, fr J. Benjamin De Souza, Antonette Fernandes, Sheba Cardoza & Saviona Rodrigues.

Vincy Quadros

Make all payments - Demand Drafts or Money Orders or electronic fund transfer payable to :DIVINE VOICE (KONKANI)Details for electronic fund transferAccount Name : Divine VoiceBank A/c No: 0349-00421780-195001Bank Name: Catholic Syrian Bank, MuringoorIFC Code: CSB K0000349

Account Name : Divine VoiceBank A/c No: 37965227885Bank Name: S.B.IIFC Code: SBIN0008646

e-mail: [email protected]

Change of AddressIn the event of a change in your postal address, please ensure that you send us your Old Address along with the New Mailing Address.

Address for CorrespondenceThe Chief Editor, Divine Voice (KONKANI)Divine Retreat Centre, Muringoor P.O.Chalakudy - 680 309, Kerala - INDIA

4 Divine Voice December 2019

Natalancho mousom’ suru zalo ani amchie khuxalkayechi anik ek vatt meklli zali. Amchea tornatteamni Jezuk yeukar diunk gottho

korpacho vaur suru kelo. Thoddeamni aplim ghoram nettovpak suru kelem. Thoddeamni khavpak ‘order’ dili ani thoddeamni nove kopdde xinvpak dile. Punn khorim Natalam kitem, hem sodun kaddunk yotn kele nant. Tacher thoddo niyall korum-ia.

Ti eka putak zolm ditoli ani tum taka ‘Jezu’ mhonn nanv ditolo.

Jezu Kristachea zolmachi khobor amkam khobor asa punn tie khobrent Mariechea kallzak pill ghalpi ani Juzek bhuchkollavpi ghoddnni asa ticher ami bhor dinant. Boddvo Gabriel Mariek ankvarponnich avoi zavpachi dhoko bospachi vanni sangta zalear Juzek logn zainastanam bapui zavpachi adnea dita. Boddvo Juzek sangta, “Ti (Maria) eka putak zolm ditoli ani tum taka ‘Jezu’ mhonn nanv ditolo. (Mt.1:21) Sorvesporan Provadia vorvim oxem sanglolem, “Polleyat, ek ankvar cheddum gorbhest zatolem ani tem eka putak zolm ditolem ani taka Immanuel mhonnge ‘Amche modem Dev’ oxem nanv ghaltolim. Hem utor pallon yeunche khatir hem sogllem ghoddlem. (Mt. 1:22-23) Devachean zainam mhunnlolem kitem asa? Devachie podviecho ho ek nomuno ami amchea jivitachi dixa tharavpa khatir Natalam amkam yad korun dita.

Devan Aplea ekleach Putak dilo.

Konn ho Devacho Put? Devan konnak dilo? Kiteak dilo? Moniskullak patkantli soddvonn diunche khatir, mon’xachea taronna khatir Devan Jezuk dilo. Dekhunuch hi Natalanchi somorombhnni. Dekhunuch hi anondachi somorombhnni. Moniskull zoxem zoxem vaddot gelem, monis denvcharachie bhokik poddot gelo. Tankam nittayer ghalunk Devan Moizesak sorop ubharunk lailo, tori monis denvcharponnachea kornniam pasun nitoll ravlo nam. He khatir Aplea Putacher bhavarth dovortolea somestank sasnnik jivit mellche khatir Tannem yeuzonn ankhli. Khorench Tacher bhavarth dovortat tea dor eka mon’xacho nas zainam zaunk punn taka sasnnik jivit mellche khatir Devan Aplea ekleach Putak dilo. (Zu. 3:16) Apnnem rochlolea sonvsaracho Apunn

EDITORIAL.....


Jezu Aila, Gottheant vo Kallzant?


khorench mog korta hem dakhounk Tannem hem paul marlem. Amkam Devan kiteak rochleant hem vollkhopa khatir Natalam amkam yad korun ditat.

Oslea dennea khatir Devak din’vasum-ia.

Bhag. Paulu sangta, jim konn thoddem vomptat, tim thoddem lunvtat ani jim konn chodd omptat tim chodd lunvtat (2 Rom. 9:6) Him utram khosak lailim zalear ek gozal amkam jerul thavi zatoli, ti mhollear Devan amkam jivitachem funkott dennem dilam ani ami mortat tednam kainch ghenastanam vetat. Hem somzonk naslolean ghoddye ami Devak din’vaschie suvater, sonvsari vostunk din’vastat. Povitr pustok spoxttponnim sangta, sodoll hatamni diyat. “Dadoxi kalliz, hem khub borem vokhod” (Mhonn.17:22) hanga just lagu zata. Ami kednam dhadoxi zatat? Amkam anik zai-zai-xem dista. He khatir Devak din’vasunk amcher koxtt-dukh ye pasun ami ravchim nhoi, tor amchi dor ek ghoddi, vost, vangddi, ixtt, girestkai Devachinch dennim mhonn vollkhun, mandun gheum-ia. Ani oslea dennea khatir Devak din’vasum-ia (2Kor. 9:15) Jezu vorvim amkam sasnnik jivit melltta hachi Natalam amkam yad korun ditat.

Sobd Monis zaun dixtti poddlo (Zu. 1:14)

Natalancho kall suru zalo ani ami khuxalkayeche soglle marog sodun kaddle punn otmik toyari keli nam. Magnnem suru kelem nam, Misak vochpachem mon apnnailem nam. Aitarachem Mis legit chukoilem. Amchea oslea kornniank lagun Devacho Put monis zalo. Sobd Monis zaun dixtti poddlo (Zu. 1:14) oxem Bhag. Zuanv xiddkaita. Dubhav nam Natalam mhollear khuxalkai punn tech borabor Natalam mhollear amchea ontoskornnachi choukoxi korpacho vell. Gottho korun vo nove kopdde xinvon, khanna-jevnnam korun ami Natalanchea nanvan sonvsari dennim sodchim nhoi tor amchea Sorginchea Bapan dhaddlolea denneak sodum-ia. Hem dennem mhollear Jezu, zo moniskullak patkantlean soddounche khatir khursar melo. Ho Jezu atam aila punn khuim? Gottheant vo kallzant?

EditorVincy Quadros

“Ani gonvlliamni tankam sangloli khobor aikun sogllim ojap zalim.”(Lk2:18) Ojap

zavpak hench ki amche-i koddsun maglolem asa, Natalanchea somorombha uprant legit amche khatir zolmank ailolea bhurgeacher ami niyall korit astat ani her sogllem visron anondant ravtat. Ojap zavpachi sond ami bhogunk zai dor eka vorsachie survatek, kiteak jivit hem ek dennem jem amkam sond dita amchea jivitant axechem kirnn disonam zalear legit, eke novie toren survat korunk.

Aicho dis Devachi maim Mariek ojapit korta toslo dis. Dev eka dhakttulea bhurgea rupan eke ostoriechie khankent yeta, ji bho-roita apleach rochnnarak. Hi imaz amkam kunnaita avoi ani bhurgeacho lagxil’lo sombondh polleunk dista ekuch imaz koxi, ani hench ojap ami aiz somborombhtat, zhoim thaun upzotat

Bhagevont Bap Francis



zaitim ojapam. Devacho sombondh amam mon’xam sovem ekvottacho zaun asa. Dev ani monis, sodanch ekvottan astat ani hi zaun asa bori khobor hea novea vorsant. Dev amche koddsun pois nam, zoxem ki ami chin’tat ki Dev eke eksurie borie suvater voir sorgar aplem thikann korun asa, punn nam, to mon’xa rupan, amchech porim eke avoik zolmolo, amcho bhav koso amche modem ravunk, amkam lagim yeunk: ekvottavpi Dev, To dista nhidla koso aplie avoichie manddier, ji zaun asa amchi-i avoi, ani thoim thaun to moniskullacher apli movallai novie toren varoit

asa ani hakach lagun ami Devacho mog borie toren somzonk pavtat. Tacho mog zaun asa eke avoi porim, kiteak ti aplea bhurgeacher aplo bhavarth dovrunk kednanch soddinam ani toxench tankam ked-nanch sanddun dinam. Amche modem Dev, Emmanuel, amcho mog korta, amchio chuki, amchim patkam, ani koxie porim ami hea somazant vagtat hem sogllem zanna zaunui Devacho bhavarth mon’xacher sodanch asa, kiteak tachi poili ani modekot vangddi zaun asa Tachi avoi.

Vorsachie survatek, ami Marieche kurpa magum-ia Devachim vizmitam polleunk. Ami novean onnbhovum-ia tem ojap jem ami bho-glem, zo bhorvanso amchea kallzant ami poiliech pautt bhoglo to. Maria, Devachi maim amkam adhar dita. Avoi, jinnem amchea Somia Devak zolm dilo,


amche mukhar dovorta novem jivit. Deva udexim, ti avoi aplea bhurgeank zagoita bhor-vanxachem dennem bhogunk. Kiteak bhorvanso mhonnge ochkit ek bhett ani dhorm nhoi. Ojap amchea jivitant nam, zalear amchem jivit bavlolem koxem, sodanche porim cholta punn amkam ek bhavarth sodanch asta. Igorz-matenui aplim ojapam korchem kar’ya novean porthun suru korunk zai, kiteak tem zaun asa Devachem ghor, vhokol Deva-chi, ek avoi ji aplea bhurgeank zolm dita, nam zalear to zatolo sobit monument. Maria amchi maim amkam soyeg dita Igorz-matek amchea ghora porim mandun gheunk. Ghor zhoim Devan novean apli boska ghet-loli asa. Epheusia porim ami-i bhagevont Mariek Devachi maim mhonn porgottum-ia.

Ami amkanch polleum-xem korum-ia. Chodd korun gorje-chea vellar, jednam ami jivi-tant ghuspololim astat tednam, ami amche dolle sorginchie mayek lavum-ia. Tache poilim ami amkanch Devachie Mayen polleum-xem korunk zai, ani jednam ti amkam pol-leta, ti amkam patkim koxim

nhoi punn aplim bhurgim koxim polleta. Oxem mhunn-lolem asa ki dolle zaun asat otmeacho harso, Marieche dolle, kurpen bhorlole, amkam Devachi sobitai dakhoun dita. Sorginchem raj porzollit korta. Jezun dolleam vixim oxem mhunnlam, “Kuddicho divo zaun asa dollo.”(Mt.6:22). Saib-inn-mainche dolle haddttat uzvadd sogllea kon’xamni, sogl-leank ek bhorvanso upzota. Ani zoxi ti amkam polleta ti amkam oxem mhunntta “tumchem kalliz ghott dhorat, mhojea bhurgeamno, hanv hanga asa, tumchi maim.”

Maria amchie mainchea dolle-ant pollelear amkam dhir ani boll melltta, vaddonk Deva-chea bhavarthant. Bhavarth ho ek sombondh Deva koddem sogllea mon’xank ekvottan sambhallun dovorpacho, ani hangasor Devachie mainchi amkam goroz. Tie mainchi sauli amkam adhar dita som-zonk ki ami Devachim bhou mogall bhurgim vhodda bha-varthachim, ani tech porim eka-mekacho mog korpi, soddun amchio zonn ekleachio gorzo ani unneponnam. Maria amchi maim amcho sombondh


Igorjmate sovem ghott korta. Ti amkam uksaita eka-meka sovem aplo husko dakhounk. Mariechi nodor amkam ugddas korta ki bhavarth amche koddsun magta movallai. Mov-allai : Movallayen bhorlloli Igrozmata. Movallai hem utor zaite zonn kaddun uddounk sodtat. Punn jednam bhavarth Devachie mayek ek zago dita, tednam tache modem asloli amchi nodor halonam: ani ti mhollear amchea Somiacher tharloli nodor kiteak Maria kednanch apnnak aplem bott dakhoinam punn Jezuk dak-hoita ani amchea bhavam-bhoinnink, kiteak Maria zaun asa amchi maim.

Mariechi nodor zaun asa dor eke avoichi nodor. Eke avoi-chie nodre vinnem zo son-vsar aplo fuddar polleunk sodta taka sodach aplea jivi-tant unneponn dista. Han-tunt tacho bhorpur faido asot, punn tachean dusreank bhur-gim koxim polleunk zainant. To poixe zoddttolo punn sogl-leam khatir nhoi, ami sogllim ekach ghorant ravtolim punn bhav-bhoinn koxim nhoi. Monisponnachi famil bandun yeta eke avoi vorvim. Son-

vsar, zhoim avoichi movallai kaddun uddoilia, to gorvan bhorlolo sonvsar zala, thoim vostunk mol ditat. Bariksan-nen tancho fuddar pollelear tim khubuch gorib. Devachi maim amkam jivit polleunk xikoita. Tor tuji nodor amcher

ghal, amchea unneponnacher, goribsannicher, tuji doyall nodor amcher ghal.

Ami amkanch vengoum-xem korum-ia. Mariechea doyall-ponnak ami amchem kalliz tika ditat, zhoim xubhvorto-


man oxem sangta “Maria hio sogllio ghoddnnio aplea kal-lzant gholloun sambhallttali.” (Lk2:19) mhonnge saibinn main sogllem aplea kallzant ballgun dovorlem, ani borio toxio vaitt ghoddnnio mogan vengoilio. Ti tancher niyall kori ani sogllem Deva mukhar dovortali. Ani hech porim ti amchea zonn ekleachem jivit aplea kallzant golloun samb-halltta. Tika zai amkam mogan vengounk dor eke ghoddient ani amche huske Devak ubha-runk.

Aichea futt poddlolea soma-zant, Mariechi mogall veng amkam gorjechi. Sonvsarant pollelear kitlo duspott asa ani eksurem jivit jiyelolim dixtti poddttat. Sonvsarant pollelear sogllim eka-meka sovem ekvottlolim distat, punn bariksannen pollelear sogllim zollim-mollim ximp-ddleant. Oslie poristhitint Mariecher ami bhavarth dov-orchi goroz. Povitr pustokant amkam melltta, koxie porim Maria dusreak apli goroz pod-dtta tednam ti kosliei poris-thitint dusreank pavta. Poilie suvater aplie mauxe-bhoinnik bhett kortanam dista, Cana

gavant, logna vosreant vhokol-nhovreak adhar dilolo amkam dison yeta, Jezu melea uprant, xisank buzvonn ditanam-i amkam dista. Zo konn eksur-ponnant jiyeta, Maria tanchea sangata sodanch asta. Ti bhou zanna ki utram gorjechim nhoi buzvonn favo korunk, punn hajirponn bhouch gorjechem ani ti sodanch hajir asta amchi maim koxi.

Devak khud ek avoichi goroz asli. Tor amkam tie avoi-chi kitli goroz aschi nam! Amchi goroz vollkhun Jezun tika amkam dili, khursar humkholl’llolo astanam legit. ”Hi tuji avoi”(Zu. 19:27) oxem Tannem aplea xisank mhunn-lem. Tor tika ami amchea jivi-tant yeukar dium-ia. Ti zaun asa ranni sukhachi, ji sogl-lea vaittancher, patkancher zoit vhorta ani amkam borea margar choloita. Ti amam sogllea bhurgeam modem mogacho sombondh zoddtta ani xikoita eka-mekachea huskean ravunk.

Maria, amchi maim, tum amchea hatak dhorun vhor ani amkam tujea asrea khala dovor.


LEANDRA RODRIGUES, MUMBAI

IDA MENDONCA, MANGALORE

“ AVOIBAPUI GHODDIE MHAKA SANDDUN VOCHOT, PUNN SORVESPOR MHAKA VENGENT GHETOLO” (ST 27: 10)

“ KITEM-I AMI DEVACHE KHUXE PORMONNEM, TACHE LAGIM MAGUM, TO AMKAM AIKOTA: TACHER HO AMCHO PURNN VISVAS ASA.” ( 1JU 5:14)

Mhak 25vis vorsam. Hanvem bhurgench astana DRC-int ek retir kelo. Hanvem 2016 vorsa Mhojem Post Graduation – Finance-ant (MBA)

kelem punn maka sirvis na zali. Hanv interviewak vetalem punn mhaka sirvis mellonasli dekhun hanv khub dukhi aslem. Mhaka hanv sandlolem koxem disunk laglem. Mhojo nimanno retir kortana hanvem mhojem sogl-lem niraxiponn Devachea hatant ghatlem. Mhoji kudd tea velar lhou zali, Devacho mog hanv onbhovunk laglem, tachi xokti hanvem onbhovli. Dev mhoje lagim uloita tem hanvem aikolem, “ Mhaka sirvis melltoli mhunn mhaka khatri zali. Ghora pavtoch ek mhoin-nea bhitor mhaka ek bori sirvis favo zali. Devachea sogllea dennea ani axir-vadam passot hanv Devak argham ani dhinvas ditam.“ MHOJEA MAGNNEACHI DEVAN BEPORVA KORUNK NA, APLO MAIEMOG MHOJEVELO POIS KADDUNK NA! TACHEM NANV VHODD ZAUM!” ( ST 66:20)

Hanv ek ghorkarnn, hanvem mhojo poilo retir Junachea 2018 vorsa DRC-int kel’lo ani tea fattlean dhor vorsa hanvem to retir kelo. Tea mere than

hanvem vis retir keleat. Setembrachea 2017 vorsa mhojea ghorkarak kidnint fator zala ani to Urethrant addun assa mhunn sanglem. Taka Lithotripsy test korche poddlem ani tea uprant tachea uzvea paiancher khub dukh yevunk lagli. Tachean uttun bosunk ani nidunk zaina zalem to dukhin vollvolltalo. Sogllim test kelint punn kainch vaitt mellunk na. Tachea zangllache mas barik barik zait vetalem. Otumbarachea 2017 vorsa hanvem DRC-int retir kelo, Fr Augustine Valloran aplem provochonn kortana tannem mhunnlem “ Konnui dhuvent asa, piddent asa tednam tuje hat tacher dovor ani magnnem kor. (cf Jas 5:14). Hanvem heo vostu monant dovorleo ani toxench kelem. Devan mhaka mhojea ghorkarak ek hatiar koxem vappudlem, rokddoch boro zalo. Atam to boro asa. Devan mahaka hi pekovnni haddunk kurpa, bolll ani ghottai favo keli. Hanv Devak argham ani dhinvas ditam.“ PUBILUSACHO BAPUI ZORAN FODDFODDTALO ANI TAKA ROGTACHIM BHAIRAM ZATALIM. PAULUN TAKA BHETT KELI ANI MAGNNEM KORUN TACHER HAT DOVORLE ANI TAKA BORO KELO…………………( DI 28:8-9)

Bhag. Thomas Aquinas ek Domini-can padri ani tachi porob ami

Janerachie 28vier somorombhtat. To ek yadnik aslo ani Katholik Povitr Sobhecho ek ut’tom zannar mhonn taka man asa. To Katholik Povitr Sob-hecho ek probhavi totvgineani, Dev-xastri ani Kaide borovpi. Tannem vis vorsamni sumar cheallis pustokanche khonnd boroun dovorleat. Ostomte-chea kaim mud’deancho tacher prob-hav zal’lo dixtti poddtta ani hea pasot adhunik totvgineanacho ani zaitea mud’deancher tannem virodh dak-hoilo kheritponnim, rit ani rovix-echer, soimbache kaide, atmvidya ani rajkharbarik totvancher tannem nixedh marlo.

Bhag. Thomas Aquinas ek xrextth zannar mhonn vollkhotat ani taka Bhag. Augustinak favo zal’lo man favo zata. Tachea probhavi totvgin-eanak lagun Katholik Povitr Sobha tachea gineanak “ Philosophia Peren-nis” (Perennial Philosophy) mhonn ul’lekhta, mhonnge Aquinas dita ti xikvonn okhondd ani uncha molachi. Dursrie Vaticani Vixv Sobhe meren


Rev. Dr Joseph Thondiparambil


tachi xikvonn Seminarimni Totvginean ani Devxastr xik-ounk vaportale. To Aristot-lachem Totvginean ani Kristi dhormachie xikvonne modem ekmon dakhounk sodtalo. Tachim famad borpam mhol-lear “The Disputed Questions of Truth”, “ The Summa Contra Gentiles”, ani “The Summa Theologiae”. Tannem Aristo-tle ani Dhormik xikvonnecher kelolem vivronn tachea vau-racho ek mohotvacho bhag. Tannem boroilolim dhormik gayonam aiz meren Kristi Sevadhormant vaportat. Povitr Sobha Thomas Aqui-nasak ek dekhivont xikxok mhonn udgarta ani tachea

borovpamni amkam soim-bachea vixoyancher bhas-abhas ani chintpachea Dev-xastracher bhor ghalta. Taka lagun Katholik Povitr Sobha taka ek xrextth Dev-xastri ani Totvgineani mhonn pacharta. Inglez Totvgineani- Antony Kenny, Thomasak “Ostomtecho bara nogatlo ek xrextth Totvgineani” mhonn ul’lekh korta. Amchea Angli-can Firgozo tachea nanvan bandlolio asat.

Bhag. Thomas Aquinasak fokot xikxokank ul’lekh kori-nant punn taka goddgodd ani zoglavnneacho patron sant mhonn pachartat. To pus-tokam viktoleancho, Katho-lik zannarancho, xalla ani Mha-dhormpitthancho, pus-tokam porzolloitoleancho, zannarancho ani xikpiancho patron mhonn pachartat. Ek ollin to sogllea zannaran-cho tosoch zannarachea zan-narancho bhagevont mhonn porgott’ttat. Tachea jivitachi topasnni kelear kollun yeta ki taka Jezucho ani dhormik pus-tokancho khub mog aslo; to ek borie kulliechea ghoranne-antlo, to sodanch lhan’vikayen ani khaltikayen jiyelo, aplea

Pap Saib taka ek Bisp korunk chint’talo punn tannem lhan’vikayen sogllio podvio nakarlio ani ek sado,

motthacho padri koso jiyelo.


vhoddilank tannem sodanch man dilo, zaitie pautti aplea sombondhim ghetlole nirnoi taka dukhoitale punn to sodanch khalto ravlo.

XIKXONN ANI TACHO VAUR

Thomas 1225 vorsa eka unch kulliechea ghorabeant zol-molo. Panch vorsanchie pirayek pavlo tednam Monte Casino hea Benedictine Mot-thant tannem aplem xikxonn suru kelem. Thoim tacho titiv ek Abbot aslo. Tachim ghor-chim Thomasak ek Abbot zauncho mhonn magnnim kortalim; karonn tea kallar ek Abbot zavop mhunnlear ek nanv vostem kar’ya. Punn Devachi yeuzonn veglli asli. Portench zalear Thomas ek Dominican Ordichea sadea jivitacher akorxit zalo. Tachea avoi-bapaik to hea motthant bhitor sorlolo naka aslem karonn to motth novo aslo ani titlo fanki asunk nam. Taka lagun tannim Thoma-sak ghora vhelo ani ghora bhitoruch dovorlo. Tachea bhavamni tachem hem pad-riponnachem apovnnem kaddun uddounk eke xindoll ostoriek ghora haddli ani

tache sorxim dhaddli. Thoma-san tika uzo dakhoilo ani tea ghorantli dhanvddaili. Tannem magir aplea kullachea vonnt-ticher ek khuris kaddlo, don anz boddveamni yeun tachea benddak ek tuvalo bandlo. Tea disa uprant tachea jivitant ked-nanch tachea nirmollponnachi choukoxi korpachi tallnni kon-nakuch yeunk nam.

Aquinas mhunnttalo Mon’xak Devak zannun gheunchi xokti asa. Tachem

mon Devachi vollokh gheun ani taka sodunk toxench tachie khuxe

pormannem tacho mog korunk makhlolem asa. Deva koddem

mon’xak bandun haddchi kolpona zaun asa tie xikvonnecho mukhel

bhag tori to mhunntta patka vorvim monis Devak vollkhunk pavonam.


Tannem Naples xarant Bene-dictine Motthant poll kaddlo ani aplem fuddlem xikop kelem. Naples thaun to Pari-sak gelo ani uprant Cologne gelo thoim to Bhag. Albert the Great haka bhettlo. Hea bha-gevontachea jivitacho probhav Thomas Aquinasacher poddlo. Taka Paris ani uprant Naple-sacho Dev-xastracho Prosor mhonn nivrut’t kelo. Thoinsor tannem aplea borovpachea kamachi survat keli. Tacho vaur korunk taka tin chittnis asle ani tinui chittnisank ekech borabor borovpachem viv-ronn diunk tachean zatalem. Pap Saib taka Bism korunk chint’tale punn tannem sogllio podvio nakarlio ani ek sado padri koso aplem jivit to jiyelo.Parisak xikoitanam kaim dhormik vhoddilamni tachi xikvonn nakarli ani dhorma add uloita mhonn tacher add boddai keli. Thoddo kall tachi xikvonn sarki nam mhonn bovall zalo ani uprant sogl-lem vevosthitponnim sarkem zalem. Aplea mornnachea khatticher porian Thomas Aquinasan Povitr Sobhecher purnnponnim khalteponn ani lhan’vikai dakhoili. Tannem aplim borpam chou-

koxi korunk vhoddilam lagim somorpilim ani tanchea nirn-noyank khalto ravlo. Ani mohotvachi gozal mhollear aiz tachim borpam seminar-ichim obheas pustokam koxim vaportat.

TACHIM SOPNAM ANI BOR-PACHO XEVOTT

Janerachie 6vier, 1273 vorsa, Thomasak khursar khilailolea Jezuchem ek dorxonn zalem. Hea vellar to aplea borpachie tengxier pavlolo. Okosmat tannem borovop thamboilem. Tachea vhoddilamni ani chittnisamni taka aplem borovp chalu dovrunk vinonti keli. Apnnak Sorvesporan jem kitem ugtem kelam tem mohotvachem ani jem kitem hanvem boroilam tem sogl-lem sukem tonn koxem dista mhonn tannem tankam spoxtt utramni somzailem. Deva-chea gutta fuddem aplim boro-vpam kainch nhoi mhonn taka somzun ailolem. Hea tachea mon bodlavak lagun tachem “The Summa Theologiae” hem pustok purnn zaunk pavunk nam.

Pap Saib apnnak koslea pros-


nacher bhasabhas korunk zai zalear Bhag. Thomas Aquinasak apoun vhor-talo ani tache koddem bud’dh ghetalo. Bhag. Thomas Aquinasan 1274 vorsa Council of Lyons hea boskent ek zannar mhonn vantto ghetlo. To sodanch mhunnttalo dor ek vostucho orombh Dev ani xevottak ti vost Deva kodde-nuch veta. Ek chintpi monis Devachi vollokh gheucho proyotn korta oxem to mhunnttalo. Gineana vorvim Devak sodun kaddunk amkam makhleant dekhun Devacho mog korunk tachi khuxi zali. Ho mud’do zaun asa tachea xikovpacho mukhel bhag ani tori patok amkam Devachi niz vollokh gheunk pois korta mhonn to khorayen sotmandtalo. Jezu mhunntta, “Kallzan bholim tim subhagi, tim Devak polletolim” (Mt5:8). Sompurnn sot sodpachem ginean Devan mon’xak dilam ani hem sot, Dev

apunnuch ugdda-pem korta. Ginnean-cho sod suru zata to Devachea gineana koddem vhorta ani heach karnnak lagun tachea totvgineanak chakranchem Dev-xastr oxem mhunnt-tat.

MON’XACHEA JIVI-TACHO UD’DEX

Thomas Aqui-nas mhunntta, zor monis aiz jivo asa zalear tannem Deva koddem apli ixttagot bandun haddunk zai. Devachi khori vol-

To korezmachea kallant ek fanki provocheon korpi. Tachim provocheonam Sotmandtam, Dha Updes, Amchea Bapa, Noman Morie hea mud’deancher

astalim ani khub probhav kortalim.


lokh favo zatoch ani tachem disnnem amkam dixtti poddt-toch amkam Devacho sar favo zata. Koxttam vorvim son-vsarant astanam zanchi sod-dvonn zata tankam mortoch Devachea mukhamollacho porzoll bhogchem dennem favo zata.Devachea ekvottant ami jivit bandun haddttat tednam amchea jivitacho orth vegl-loch asta. Thomas mhunntta ki dor eka mon’xan aplem jivit sotacher bandun haddunk zai. Zo konn Devak khore-ponnim somzota ani tachea mogan vaddtta to tachi khuxi korta ani sodanch sota votten cholta. Oslea mogak zaito atmvisvas zai ani dor disa-chea vevharant osli vagnnuk borim follam dita.

Bhag. Thomas mhunntta, patok mhollear ek utor, kornni vo vagnnuk ji sasn-nik kaideancher add veta. Aristotlan Ostomtechie xikvonnecher bhor ghaloli. Thomas Aquinasan Kristi dakhleanchie xikvonnecher ani Aristotlan dil’lea ostomte-chie xikvonnecher mixronn korunk Dev-xastrachi vidya korun xikvonn dili. Zori Aqui-

nasan Totvgineanchea vegllea vixoyancher borpam kelim, Povitr Sobhechie xikvon-necher spoxttponnim mon ugtem korchem ho tacho ud’dex zalo. To korezmachea kallacho ek fanki provocheon korpi. Tachim provocheo-nam Sotmantam, Dha Updes, Amchea Bapa, Noman Morie hea mud’deancher astalim ani khub probhav kortalim. To Marsachie 7vier, 1274 vorsa Gitantlem Git hea pus-tokacher vivornn kortanam somplo.

Trentache Council-ant, Bhag. Thomas Aquinasachea “Summa Theologiae” hea pustokak altaracho man dilo ani Povitr Pustoka lagim her Dakhle asle thoim hem pustok dovorlem. Ho vhodd man hea mahan mon’xak favo zalo.

Tachea xikxonnik vaurak lagun to ek gutt zaun urlo. Tachem jivit sadem aslem titli sadi tachi xikvonn asli. Tachem mhunn’nnem aslem, jitlo monis odik ani odik gin-eanan vaddunk sodta titloch tannem sasnnik gineanan vaddunk zai.

Rev Dr Augustine Vallooran VC

Natalam zaun asat amkam ek somo-rombh zantunt amcho Dev adhar

ani bhavarth nasloleank kitlo lagim asa tem amkam dison yeta. Bhagevont Paulu bes-borie bhoxen hie kaklu-tichem vornnon korta. “Ho bhorvanso amkam fottoinam, kiteak, amkam

dilolea Povitr Otmea udexim, Devan amchea kallzamni

Aplo mog otla. Kitench korunk amkam sokot nasli tednam, Kristan, Tacho nemlolo vell pav-toch, khotteam pasot

Aplo jiv dilo.” (Rom. 5:5,6).



Jezucho zolm, Tachem jivit ani Tachem moronn zaun asa amkam Devachie upott kaklu-tichi thirai!

“Zanchem kalliz dukhovlam khontovlam, tanche sorxem Sorvespor asach!” (Stotr. 34:18)Ephraim nanvachea eka mend-dhrachi khobor hie bhoxen asa. To apli avoi, kaim her mend-dhram ani rakhnnea sangata eke vhodd dholint ravtalo. Hi dhol ganvak laginch asli. Tachi avoi taka mogan ‘Eph’ mhun-non ulo kortali. Tachem ang dhovem aslem ani hea dhovea

angar kallim khotam aslim. Dusrea menddhrank polleun to khontin bhortalo ani eksur-ponnachim bhavna tachem bhitor rigtalim kiteak dusrim sogllim menddhram dhovim ful’l aslim. Taka odikuch khont bhogtali jednam dusrim mend-dhram uddun uddun dhan-vtalim ani tachean sarkem cholonk zainaslem. Eka disak rakhnneamni tankam eke dongurlier vhorcho nirnnoi ghetlo. Hem zanna zaun Eph khubuch umedin bhorlo. Punn her menddhram tachim fokan-nam korunk laglim. Tednam hea rakhnnean tacher hat


oddlo ani taka kolloilem ki vatt lambdik asa ani tache lagim itli vatt kaddunk zaunchi nam. Eph ani tachi avoi fattim ravlim. Tachie avoin taka buz-vonnechea utramni, “niraxi zainaka. Jim konn fattim urtat tanche sovem Devachi vegl-lich yeuzonn asta” mhonn san-glem. Eph vollon thoinsorlo gelo. Pois pois taka he rakhnne ani menddhram distalim jim khuxalkaeyn uddnam marit vetalim. Tachea dolleantlean dukam denvlim. Dis dharer poddot ailo ani tachie avoin taka dholit ubek ani toxench ratchem jevonn jevunk apoilo. Jevonn zatoch tachie avoin taka nhidonk ghalo ani apun-nui tachea sangata ravli.

Modianir ratint, Eph utthlo ani soglloch bhiyel’lo koso zalo. Tannem aplie avoik ulo kelo ani thoinsor gottheant taka konn tori halta tem dista mhonn sanglem. Tannim bariksan-nen, mou uzvaddant pollelear tankam ek dhakttulem bhur-gem tonnachea guddeant asa tem dislem. Ek torni ostori tea bhurgea lagim asli. Hem pol-leun, Eph ani tachi avoi thot-taklim. Khub thonddi aslolean hem bhurgem roddonk laglem. Eph aple bhonvton-nim gormi diunchem koslem-i tori vostr asa zalear polleunk laglo. Gormi diunchim sogl-lim vostram rakhnneamni vhelolim. Tednam Eph-ak


aplie lhonven ub diunchi monant yeuzonn aili. To tea bhurgea lagim gelo ani taka chikttun nhidlo. Ho bhurgo roddcho bond zalo ani xantin nhidlo. “Thank you tuka” oxi tea bhurgeachi avoi udgarli. Kaim vellan ek dadlo pinzlo-lim vostram gheun bhitor sorlo ani oso udgarlo, “Mhaka maf kor Marie, sodun sodun mhaka itlench mell’llem.” Marien zobab diun mhunn-lem, “Kaim porva nam, hea dhakttulea menddhran, Ballok Razak aplie ubent dovorla.” Raza eka gottheant koso pavlo, vo tim kitem uloitat tem Eph-ak somzunk nam. Kaim vellan rakhnne dhanvim dhanvim dholint aile. Te oxem ucharunk lagle, “ami mollbant ek loklokit nokhetr pollelam ani devdu-tancho sondex aikola.” Eph-ak polleun tannim mhunnlem, “Eph tum zanna, Ho zaun asa sonvsaracho Raza.” Tea balla-chie avoin Eph-ak lagim ghetlo ani mhunnlem, “Devan tujem magnnem aikolem ani Toch atam tuje sorxim aila.” Eph-ak somzun ailem ki hem ball zaun aslo ek khas bhurgo ani hi zaun asli tachea jivitachi khas ghoddi. Atam taka somzun ailem ki kiteak tacho ek paim

sarko naslo to. Dusream porim zor tache lagim cholonk ani uddonk zatalem zalear, to Jezuk hea sonvsarant yeukar diunk thoim hajir ascho naslo. Tannem aplie avoicher nodor ghalun mhunnlem, “tunvem sarkench sanglem, Devachea kallzant mhaka khas suvat asa.”

“Mon’xacho Put sanddlole-ank sodun kaddunk ani taronn diunk aila” (Lk. 19:10)Ezekiel bhaknnara vorvim Dev Aplea menddhram sovem huske khonti kad-dtta. Rakhnneacho guneanv To korta, rakhnne mhonnge Israel Porjeche fuddari. Dev oxem udgarlo “Osokt mend-dhrank tumi ghott korunk nant, ghayel’leank tumi vokhod lavunk nam, tanchem ghaye bandunk nant. Vatt chukloleank tumi portun had-dunk nant ani sanddloleank tumi sodun kaddunk nant. Portench zalear tumi tankam zuluman ani zobordostien vagoileant. Gonvlli nam zaun tim zollim-mollim ximpddon gelim ani ximpoddlolim asta-nam tim sogllea savzanchem khann zaunk pavlim. Mhozo hindd sogllea dongrancher


ani porvotancher ximpod-dlolo asa; akhkhie prithumer-cher ximpddon gelo, konnuch tanchi porva korinam, kon-nunch tankam sodunk vocho-nam.” (Ezekiel 34:5-6). Fuddem Dev Aplea hinddak konn porim Apunn ektthaim kortolo tem sangta. “Polleyat, Hanv khaxea Mhojea hindda-cho sambhall korunk vetam, ani dekhun tankam sodun kaddttolom…. Sanddloleank Hanv sodunk vetolom, vatt chukloleank Hanv porthun haddunk vetolom, dukhov-loleanche ghai Hanv bandto-lom ani osokt zaleant tankam ghott kortolom.” (Ezekiel 34: 11-16) Ezekiel proviadiachem hem bhakit amkam Natalan-cho orth kolloun dita. Dev Apunnunch hea sonvsarachi sod gheunk ani jem kitem sanddlam tem porthun mel-loum-ieta. Nikodem-ak Jezu, porot yennea vixim oxem sangta, “Devan Aplea ekleach Putak dilo, itlo Tannem son-vsaracho mog kelo.” (Ju. 3:16) Devak mon’xacho itlo husko aslo, ki Sorgar Aplem bhiradd soddun To sonvsarant amchie soddvonne khatir devun ailo. Tacho haves ekuch aslo. Kon-nachoch ibadd zauncho nhoi.

Dukhovlolim ani bhairailolim zaun aslim Tachea kallzacho husko ani tankach lagun To ailo. Ani dekhunch Tachem poilem dorxonn zalem rakhnneank, somazantlea soglleam von lhan zatik. Tem Devachie nodrent itlem khas zalem ki tankam soddvon-nechem poilem amontronn favo zalem.

“Hoch to xubh vell, Taron-nacho dis to hoch” (2 Kor. 6:2)Jerikechea bazarant, k u d d ’ d d e p o n n a c h e a kallkhant, bhik magun ani mon’xachea khenn’nneamni tis ani atth vorsam, pangllea Bartimeu-an sarlim. Devachie kaklutik axeun ravlo. Bara vorsam rogtpat zal’li ostori, Devachie kaklutik dolle ubha-run ravli. Pordvarak sampod-dlolie ostoriek fatranchem moronn bhogsolem kiteak Devachie nodrent ti mola-dik asli. Somazantlea sogllea bhagantlea lokank kollchem aslem ki tancho Dev doyall ani mogall mhonn. Ani haka lagun Devakuch hea sonvsa-rant denvun yeunk poddlem: Emmanuel, mhonnge Amche modem Dev!


Jezun ucharloli khas oll zaun asa, “Hanv Boro Gonvlli” (Ju. 10). Hie ollintlean Jezu amkam dakholl korta ki To kiteak hea sonvsarant ailo ani Tachea jivitacho hetu kitem aslo to. “Hanv ailam to tankam jivit mellche khatir, poripurnn jivit mellche khatir ailam. Hanv Boro Gonvlli. Boro Gonv-lli menddhram pasot aplo jiv dita.” (Ju. 10:10,11)

Natalam zaun asat amkam hie bhasavn-niecho ugddas. Odik korun khontivont zal’leank ani bharailoleank. Ami jim konn Jezucher bhavarth dovortat, hi bhasavnni zaun asa amchea jivi-tachea tufanancho zobab. Emmanuel mhonnge Dev sodanch amchea san-

gata asa odik korun jednam amkam konna-choch adhar nam, ani amchea eksurponnant. Oslea ghodditamni Dev amche jivit ek somo-rombh korunk yeta.

“Dev tanchea san-gata ravtolo; Tanchea dolleantlim sogllim dukam to pusun kad-dttolo” (Prok. 21:3,4)Mhaka ugddas yeta tea Natalanchea vel-lacho jednam hanv Italia-chea ganvant Roma desant aslom ani mhojem xikop korta-lom. Lokanchim kum-saram aikunk mhaka Itali-achea eka khed-dea ganvant, natalan-chea somorombhachea adlea disak dhaddlo. Dev bhirantiche lok te asle. Zaiteamni yeun borem kumsar kelem ani modianir rati nat-alancho somorombh borie bhoxen tannim monoilo. Tea ganvcho padri Mis somptoch aplea kuttumba san-gata vell sarunk gelo. Tea ganvantlo port-


hun Roma-k yeunchi mhojii gaddi sanzchi asli. Veche adim padrin, aplea fridjent jevonn asa mhonn mhaka kolloilem. Sokallim jednam mhaka zag aili, tednam sogllem ogeponn ani eksurponn koxem mhaka bhoglem. Pois thaun gayonam ani hanso aikunk yetalo, punn mhojea sangata konnunch naslo. Eksuro hanv aslom. Mhojea ganv ghoracho ani koxie toren ami thoim nata-lam manoitale tacho mhaka ugddas yeunk laglo. Tea disak mhaka anik korchem kainch naslem bharaun mhojie gaddi-echi vatt polleunchem. Bhair cholunkui veche kotthinn aslem karonn khub thonddi thoim asli. Igorjent bhitor vochun gotthea fuddem ubo ravun hanvem tacher barik nodor firaili ani hea natalan-chea guttacher hanv niyall kortanam, auchituch mhaka dislem ki Jezu mhaka aple hat haloun apoita koso. Hanv dimbier poddlom ani mhojea Devak hanvem nomoskar kelo. Mhoje akhkhem jivit hanvem Taka bhettoilem ani Tachea mogachi ub mhojea kallzant mhaka bhogtali. Mhoje bhi-torli soglli khont nanch zali ani khuxalkayechea umalleamni

hanv bhorlom. Zoso firgojen-tlo have bhair sortalo, tednam ek dadlo mhaka natalanchim porbim diunk ailo ani tannem mhaka apnnager jevnnak amontronn dilem. Tachea san-gata hanv gelom. Taka tegam bhurgim aslim. Mhaka polleun tim khub khuxal zalim ani umedin bhorlim. Hem zaun aslem mhojea jivitantlem sogl-leam von borem ani ugddas uro sarkem natal. Zaitie pautti ami niraxiponnak amchea jivitant ghor korunk ditat ani amchim kallzam kallkhant ghaltat. Oslea ghoddiamni ami amchi nodor Devacher ghalchi vhodd goroz. Kiteak To sodanch aito amkam Aplea mogan amchim kallzam bho-runk. Ho Devacho mog onn-bhovun, amchean jivitachea addkhollincher zoit vhorun, dusreanchea jivitant sontos haddunk zata.

Natalam zaun asa amkam ek sond ani amontronn Jezuk amchem jivit bhettounk. Kosliei poristhitint hanv asum, vo koslii khont mhaka asum, zaum ti kuddichi, monachi vo otmeachi, fokot Jezucheanuch mhaka khoro sontos dium-ieta.


DALTON ROSARIO, TAMILNADU “DEV TUMCHO MOG KORTA TACHO PURNN ONNBHOV ANI KRIST DITA TEM THIRPONN SOMI TUMKAM FAVO KORUM.” (2TES 3:5)

Logn zaun mhaka don bhurgim assat. Hanv ek free lancer lan-guage xikxokh. 1996 vorsa mhojea soiream vorvim DRC reti-

rachi mhaka khobor mell’loli. Tednam thaun hanvem DRC-int retir korit ailam ani Devachea Mogacho onbhov hanvem ghetla ani tachea deivik kurpe vorvim mhojo kuttumb sodanch surokxit asa. Hanvem Devachea adharan zaitea addkholink ani poristhi-tink fuddo kela. Dezembrachea 2018 vorsa retirak veche poilim mhaka ani mhojea ghorkarnnik ek obsoeg zalo. Mhaka mhojea lhan bottacher mar laglo. Pekovnnechea velar mhoji dukh unni zali ani mhaka matxe borem disunk laglem. Mhojea dolleanchi ixtt sarki nasli, atam mhaka nivoll disunk yeta. Oxe toren mhojea kuddichea sandheachi mhaka zaiti pekovnni mellot asa. Hanvem ek borem kumsar kelem ani mhaka dukh ditoleank hanvem bhogxilim. Mhojeo vaitt sonvoio soddun diunk nichev kelo tednam mhojea jivitant zaitem borem ghoddunk laglem. Mhojem jivit sarkem bodol’lam ani atam hanv Devachem Utor aikotam ani jivitant palltam. Jezuchea “ Chor yeta fokot chorunk, nagoun uddounk ani jivit kaddunk, hanv ailam tuca jivit diunk, subhapon-nim tem mellun diunk aila” (Jn10:10) him utram mhojea mona-cher zaito probhav kelo. DRC-int mellollem jivitachem utor hanv kallzant bhallgitam ani tem mhojea jivitant vevharant ghalunk proitn kortam. Hanv Devak argham ani dhinvas ditam.

“ SORVESPOR MHOZO GONVLLI, KAINCH MHAKA UNNEM NA! PACHVO CHOROV MELLTA THOINSOR MAHAKA SUST ADD POD-DUNK DITA; XITOLL UDKAM SORIM MHAKA VHORTA, MHOJEA JIVAK NOVEAN GHOTTAI DITA. APLEA NANVA KHATIR TO MHAKA NITT MARGAN CHOLOITA.” ( PS 233:1-3)

Tednam Sorvesporan Moizesak mhunnlem, Faraohchem kalliz

dharunn zalam, ani to porjek vochunk diunk sodinam. Tor sokallim to Nil nodi-xim vetolo tednam tum nodichie dhodder voch ani sorop kel’lo to danddo hatant gheun taka mellonk ubo rav. Ani taka mhunn, “Sorvespora, Hebrevanchea Devan, tuka sangonk mhaka tuje-xim dhaddla, oronneant mhaka bhozche khatir, mhojie porjek bhair soron vochum di. Sorvespor oxem uloita, he vorvim hanv Sorvespor mhonn

tuka kollon yetolem. Polle, mhojea hatant asa to danddo, hanv udkacher martolom ani Nil nodichem udok rogtant bodoltolem. Ani nodintlem sogllem nustem mortolem, ani nodichea udkachi ghann yetoli, ani Ejiptkaranchean hie nodichem udok piyeunk zaunchem nam.”

Moizesan Faraoh ani tachea opxalam mukhar aplo danddo ubharlo ani to nodichea udkacher marlo, tednam Nil nodintlem sogllem udok rogot zaun gelem. Nodintlem sogllem nustem



melem, ani udkak itli ghann yeunk lagli ki Ejiptkaranchean tem udok anik piyeunk zalem nam. Tednam Ejiptant sogllem rogotuch zalem ani Sorvesporan Moizesak mhunnlem, Chol Faraoh–xim voch ani taka sang, ‘Sorvespor oxem mhunntta, Mhaka bhozche khatir mhojie porjek vochum di. Tum tika vochunk dinam zalear, tujea akhkhea desant bebe dhaddun khast laitolom. Nil nodint te chikkar astole, ani thoinche te yeun tujea rajmahalant bhitor sortole, tum nhidta thoim, tuje khattir tujea opxalancher ani lokancher uddio martole.” Sorvesporan Moizesak mhunnlem, Aaronak sang, to danddo sogllea nodincher, kholliam – tolliancher vistarun dhor, ani Ejiptachea desant soglleak bebe udkacher vistarun

dhorle ani bebe yeun sogllea ganvant bhorle.

Tednam Faraohan Moizesak ani Aaronak apoun m h u n n l e m , ‘Mhoje ani mhojie porje sorxil’le he bebe kaddun uddoi mhonn S o r v e s p o r a koddem magat, ani magir hanv porjek, S o r v e s p o r a k b o l i d a n b h e t t o u n c h e khatir soddun

ditolom.’ Moizesan zobab dilo, ‘Vhodde khoxen fokot, tuje khatir, tujea opxalam ani tuje porje khatir, hanvem kednam magchem tem tum tharai. Tednam soglle bebe koddsoron vetole ani Nil noditunch te rigun ravtole.’ Faraohan mhunnlem, ‘Faleam tujem magnnem kor.’ Moizesan mhunnlem, “Tum sangtai toxem zatolem, ani tednam tuka kollun yetolem, ki Sorvespora, amchea Deva sarko anik Dev nam. Tum, tuje opxal, ani tuji porza bebeam mekllim zatolim, fokot te Nil nodint rig ghetole.’ Moizes ani Aaron thoinche bhair sorun gele, Sorvesporan te bebe kaddun uddounk Moizesan Sorvespora koddem maglem. Moizesan maglole porim Sorvesporan kelem, ani xetantle, ghorantle, ani raj-


angnnantle punzaun tanchio raxi kelio, ani sogllea desant ghann – ghutt’ttan poddli.

Punn jednam Faraohak matxi dilai disli, to dharunn zalo ani Sorvesporan sanglolea porim, Moizesak ani Aaronak to aikonam zalo. Tednam Sorvesporan Moizesak mhunnlem, Aaronak sang, ‘To danddo gheun zom’nichea dhul’lacher mar ani akhkhea Ejiptant zom’nicho dhul’l asa tachio zollari zatolio’. Aaronan aplo danddo zom’nicher marlo, ani Ejiptantlea sogllea dhul’lachio zollari zalio ani tio mon’xank toxem zonavorank laglio. Soglleak zollari polleun, tea ghaddiamni Faraohak mhunnlem, ‘Hem Devachem bott! Tori astanam Faraoh dharunnuch ravlo, ani Sorvesporan sanglolem toxem, Faraoh Moizesak ani Aaronak aikonam zalo.Sorvesporan Moizesak mhunnlem, Faleam bhou sokallim to nodi-xim veta tednam Faraohak vochun mell ani taka sang, ‘Sorvespor Dev oxem mhunntta, Mhaka bhozche khatir, mhojie porjek vochum–di. Punn tankam vochunk dinam zaxi zalear hanv tujer, tujea opxalancher, tujie porjecher ani tanchea ghorancher musanchem bhirem dhaddttolom. Ejiptkaranchea ghoramni ani tim ubim ravtat to Goshen ganv hanv kuxin kaddttolom, thoim mus asche nant ani hanv Sorvespor hea desa

modem asam mhonn tumkam kollon yetolem.’

Sorvesporan oxem kelem, Faraohachea mahalant ani tachea opxalanchea ghoramni ani Ejiptachea akhkhea desant vhoddlim musanchim bhirim zomun ailim. Hea musamni akhkhea desachem nisontton kelem.

Tednam Faraohan Moizesak ani Aaronak apoun haddle ani tankam mhunnlem, ‘Vochat, ani heach desant tumchea Devak bolidanam bhettoyat.’ Punn Moizesan taka zobab dilo, Hem sarkem nhoi, kiteak Sorvesporan amchea Devak ani zonavoranchio bhetto kortat tem polleunk Ejiptkarank ek konttallo haddpa sarkem dista. Moizes Faraoh sorxil’lo gelo ani tannem Sorvesporak magnnem kelem. Ani Sorvesporan tachem magnnem aikolem. Ani Faraoh thaun tachea opxalam ani tachie porje


sorxil’le soglle mus gele. Punn he–i pautt Faraohan aplem kalliz dharunn kelem, ani porjek vochunk dilem nam.Sorvesporan Moizesak mhunnlem, ‘Chol, Faraoha-xim vochun taka sang, Sorvespor Hebrevancho Dev oxem mhunntta, “Mhaka bhozche khatir, mhojie porjek vochum–di. Tankam vochunk dinastanam tika addaixi zalear polle Sorvesporacho hat tumchea sorv zonavorancher ghoddiancher, gaddvancher, hunttacher, gorvancher, menddhrancher ani bokddiancher, ek mornnadik pidda dhaddun tumkam kheast laitolom. Ani Hanv Israel – porjechea ani Ejipt porjechea zonavoram modem ontor kortolom. Israelachem ek legun zonavor morchem nam.’

Sorvesporan vell tharailo mhonn falea Sorvespor hea desant oxem kortolo. Dusrea disa Sorvesporan sanglolem toxem kelem ani Ejiptkaranchi sogllim zonnvoram morun gelim, punn Israelachem ekui morunk nam. Kitem ghoddlem tachi Faraohan choukoxi keli ani Isrealachem ek legun zonavor morunk nam mhonn taka gomlem. Tori astanam Faraoh dharunnuch ravlo ani porjek vochunk dilem nam.Magir Sorvesporan Moizesak mhunnlem, ‘Sokalli fuddem utth ani Faraoh–xim voch ani taka sang, “Hebrevancho Dev Sorvespor oxem mhunntta, ‘Mhojie porjek nomoskar korunk vochum–di. Borem tor faleam, ek khor korveancho paus votoitolom, Ejiptant kednanch adim aplie

sthaphnne disa meren dekhonk nam toslo paus.

Sorvesporan bhirankull korve zom’nir otoile, ani vizachio lamb–lamb koltio zom’nik adollttalio. Ejiptan toslem adim, kednanch dekhlem nam. Ugtear aslem titlem-i Ejiptant moddon poddlem, lok toxim zonavoram melim. Xetamni vaddtta titleachoi bhosm zalo ani zhaddam sogllim moddon poddlim. Israel porza ravtali to prant Goshen hea ekleach ganvant korveancho paus poddonk nam.

Tednam Faraohan Moizesak ani Aaronak apoun haddle, ani mhunnlem, ‘Hie pautt hanvem pap adharlem! Sorvesporan kelam tem sarkem. Mhoji porza ani hanv chuklim. Sorvespora lagim mag, ho goddgoddo ani korveancho paus amchean anik sonsunk zainam. Bhas diun, tumkam vochunk ditam. Tumi atam hanga ravchi goroz nam. Moizesan taka mhunnlem, xarantlo bhair soronam fuddem, Sorvesporak mhoje hat ubhartolom. Goddgoddo bond zatolo ani korve anik poddche nant, he vorvim, soglli prithum’ Sorvesporachi mhonn tuka thavem zatolem. Punn tujea, zanv tujea opxalanchea kallzant ozun Devachi bhirant rigunk nam.’

Moizes Faraoha fuddeantlo koddsorun, xara bhair gelo ani Sorvesporak aple hat ubharle. Rokhddoch goddgoddo, paus ani korve poddpache bond zale. Hem polleun, Faraohan porot pap


adhralem. To ani tanche opxal adlech porim dharunn zale.

Tor Moizes ani Aaron Faraoh–xim gele ani taka mhunnlem, ‘Hebrevancho Dev, Sorvespor oxem mhunntta, anik kitlo kall mhaka khalto zaunk tum nakartolo? Mhaka bhozche khatir, mhojie porjek vochum-di. Zor tum mhojie porjek vochunk dinam zalear faleam hanv tujea desant toll dhaddttolom. He vorvim zomin disonam–xi zatoli. Soglli zomin tollamni bhortoli. Korveachea pausantlean jem urlam tem legun te khaun uddoitole, xetamni vaddttolim sogllim tujim zhaddam te girastole.

Tednam Sorvesporan Moizesak mhunnlem, ‘Ejiptachea ganvacher tuzo hat ubhar, ani tollank apoun hadd. Ejiptacher tannim ghuri ghalum-di ani desant vaddtta titem-i tannim girasun ani korveanchea pausantli urloli vonospoti tannim khaun uddoum. Tednam Moizesan Ejiptacher aplo danddo ubharlo ani Sorvesporan desacher udentek thaun varem dhaddlem ani dis–rat hem varem vhanvot aslem. Sokall mhonnosor, udentechea varean toll vaddle. Tollamni akhkhea Ejiptacher ghuri ghali ani akhkhea Ejiptak vhodd bhireamni ximpddon bosle.

Faraohan taktin Moizesak ani Aaronak apoun haddle ani mhunnlem, ‘Hanvem Sorvespora tumchea Devacher ani tumcher pap adharlem. Hie ekuch

pautt mhojem patok bhogsat ani hanv tumche lagim magtam hea mornnadik vaittantle amkam vattai mhonn Sorvespora tumchea Deva lagim magat. Moizes Faraoha sorxilo bhair sorlo ani Sorvesporak tannem magnnem kelem. Ani Sorvporan ostomtecher khor varem dhaddlem ani hea varea borabor te soglle toll tambddea doryant lotton gele ani nanch zale. Akhkhea Ejiptant ek punn toll urlo nam. Punn Sorvesporan Faraohak odikuch dharunn kelo ani tannem Israel–porjek vochunk dilem nam.

Sorvesporan Moizesak mhunnlem, ‘Molba velean tuzo hat ubhar, ani soglleamni bhogunk zata titlo dhatt kallokh Ejipta-voir posrom di. Mhonnttoch Moizesan mollba velean aplo hat ubharlo ani tin dis akhkhea Ejiptant dhatt kallokh poddlo. Ejiptkar lokam modem monis mon’xak disonaslo ani he tinui dis konnuch aplea zagea velo hal’lo nam. Punn Israel porza jiyetali thoim tankam uzvadd aslo.

Faraohan Moizesak apoun haddlo ani taka mhunnlem, ‘tumchea bailam–bhurgeank gheun tumchea Sorvesporak bhozunk vochat. Punn tumchim menddhram–bokddam ani gorvam hanga asum di. Moizesan mhunnlem tor bhetto korunk ani Sorvesporak amchea Devak hom’ somorpunk tunvem amkam zonavoram vhorunk diunchim


poddttolim. Ani amchim zonavoram-i borabor vochunk zai ekui fattlean dovorchem nhoi. Sorvesporak amchea Devak bhoztat tednam amich tim zonavoram vinchun kaddunk zai. Ani thoim pavosor Sorvesporak bhozche khatir koslim zonavoram ami bhettounk zai tem atam amich nokllo.’Sorvesporan Faraohak odhikuch dharunn kelo, ani to porjek vochunk dinam zalo. Tannem Moizesak mhunnlem, Mhojea fuddeantlo koddsor! Khobordar anik kednanch mhojea fuddeant yeum naka! Dusre pautt tunvem mhaka anik pollet zalear, tum mortolo.

Moizesan uprant mhunnlem, ‘Tunvench mhunnlam toxem hanv tuka anik kedinch porthun polleuncho nam. Sorvesporan Moizesak mhollem, Ejiptacher ani Faraohacher anik ek kheast dhaddttolom. Tea uprant to tumkam vochunk ditolo. Khorench

mhollear, to tumkam hangachim dhanvddaitolo. Dor eka dadlean ani bailen ap-aplea xezaria lagim bhangarache ani rupeanche nog magche mhonn, Israel porje thaim dulob zai-xem kelem. Khoreponnim te Faraohache opxal ani soglle lok Moizesak Ejiptant ek vhodd manacho monis koso lekhtale.

Moizesan mhunnlem, ‘Sorvespor oxem mhunntta, “Sumar modian ratint, hanv

Ejiptantlean vetolom ani Ejiptantlo dor ek mhalgoddo put mortolo, Faraohacho put sodrer choddcho asa to daiji zaum, vo dantear dolltta tie nimannie chakornicho to put zaum. Toxench gorvam vasrantlim sogllim poilim poram morun vetolim. Kednanch poddunk nam ani fuddarak poddchem nam toslem mottem vilap-roddnnem akhkhea Ejiptant poddttolem. Punn Israel porje modem zaum eka mon’xa zaum eka zonavora add ek sunnem legun bhonkchem nam. Tednam Sorvespor Ejiptkaram ani Israelitam modem ontor korta mhonn tuka kollit zatolem. Magir soglle he tuje opxal mhoje-xim yeun apli man bagoitole ani mhunnttole, bhair sor tum ani tuzo pattlav korta ti soglli porza. Ani tednanch hanv hangacho bhair soron vetolom. Ani mottie tiddken Moizes Faraoha fuddeantlo koddsorlo.


“Khori girestkai poixeant nhoi punn Jezu Kristant melltta,” oxem Pap Saib mhunntta.Vatican Xar: Sonskar vo dusre-ank khori girestkai Jezu Kristant ek soirigot sodun kaddcho adhar diunche bodlek, duddvank chodd man ditat tanchi Pap Saib Francis-an ttika keli. “Kitlie pautti mhonn hanv chint’tam jednam thoddio firgozo chint’tat ki sonskara poros duddu chodd gorjeche! Upkar korun, Ek gorib firgoz: ami hem Somia koddem vicharum-ia.” Pap Saib Francis-an mhunnlem, xubhvortoman amkam xikoita ki poixe yetat tea upayancher visvas ghalcho nhoi, “ punn tie khorie girest-kayecher,” tich ti, Jezu Kristant soirigot tannem mhunnlem. “Khorench ami Bhag. Paulu mhunntta toxe gorib, punn zaiteank girest korunk xoktat, zoxem zaitea lokam thaim kainch nam, tori punn sogllem asa.” “Ani ami zonn eklo amche thaim, amchem mhonn kitem asa? Amchi girestkai kitem, amchem bhanddar? Dusreank ami kitea udexim girest korunk

xoktat? Tannem vicharlem. Xub-hvortoman amchem sogllench, zantunt Jezuchea nanvanchi ani tachim ojapam korpachi podvi porgott zata. “Hangasor Povitr Sobhechem rup dista, je udexim ti sonkoxttant asloleank polleta, aple dolle dhampinam, ti zanna moniskullak konn porim pol-leunk zai tem ani orthabhorit soirigot konn porim rochun had-dchi ti ani durgam nhoi punn vhaun vochonam toslie ixt-tagotichem pul bandchi khobar asa,” tannem mukhar mhunn-lem.

Ek pautt koidi asloli ostori dusreank Katholk bhavartha-chi dixa dakhoita.Sydney, Australia: Bhavarthi Katholk asloleam khatir Chin desant bondkhonn bhoglolie eke ostorien xembhoramni Chi-nachea nirvaxitank Australiant katholk bhavarthant konveter korunk adhar kelo. Chinachea Communist sorkaran Sydney hangasor ravtolie 86 vorsam pirayechie Teresa Liu hika Guangzhou hangasor 1957 te

BATMIBATMI


1977 vorsam meren koidi keloli. Tichi zhoddtti kednanch korunk nam, tori tinnem aplem formonn eksurponnan sarlem – tem-i zalear sat mhoine ti bondkhon-nit astanam tika sonskar ani Povitr Pustok diunk naslem. Itlem asunui Liu-n aplo bha-varth bondkhonnichie kottrient magnnea udexim jivo dovorlo. “Atanchean ters fokot apunn nhidonk vetokoch khatticher guptim korunk zatolo.” Oxem tinnem Catholic News Service-ak sanglem. Tednam mhaka dis-talem ki apunn Devak khub lagim asam koxim, oxem mhojea kall-zant thaun hanv mhunnttalim “Jezu atam mhoje thaim kainch nam, fokot Tum. Tuka soddunk mhaka nirminaka.” Chinachea vhoddilamni, Legion of Mary hie Katholk songhottnnechi tika ‘anti revolutionary’ mhonn tharailoli, ani hie songhottnne-chi Lui ek vangddi aslea karn-nan tika guneankari tharaun Chinese Patriotic Catholic Asso-ciation-achem sorkari vangddi-ponn tika nakarlem. Ti Pap Saibak visvaxi ravloli, ho ticho dusro guneanv tharailolo. Tika bondkhonnintli suttka melltto-koch ti 22 vorsam bondkhonnint aslolea aplea poti sangata 1980 vorsak Australiak stholantorit zaloli. Dokxinn Sydney, Hurst-

ville hangasorlie St. Michael Fir-gojent Liu atam ek bhoktivont ani bollan vaurpi firgozkarn ani Chinachea nirvaxitank katholk korunk kitlinch vorsam vaurit asa. Sydney-chea dhormpran-tant ti zaitea Kristanvank pavlia ani konvertera khatir ti “bha-varthak thir ravlia” he khatir tika Equestrian Order of St Greg-ory the Great hantunt halinch ‘dame’ mhonn nhesoilia. Oxie toren dobajean asonar bosovop mhollear Povitr Sobha dita to ek vhoddantlo vhodd man zaun asa, zo favo zata Povitr Sobhe khatir osadharonn vaur kortole-ank. Liu hinnem aplem thod-dem formonn aplea poti sangata ekech bondkhonnint sarlem, punn hea zoddpeak him, uddt-tim chintnam zalim. Ulovop vo eka-meka thaim mog dakhovop oxem kelolem zalear tankam dogainkui khor sojea favo zatoli asli. Apleak suttka mellttanch tinnem aplea poti thaim aslolo mog boroun taka kolloilem. John Bosco Liu bondkhonnintlo suttle uprant, tim 1979 vorsa logn zalim. Tanchem logn fokot 10 vorsam toglem. Misant Krist Prosad xevtanch John Bosco Liu ek heart attack-a udexim somplo. Tea somoyar Liu tachie kuxik asli.

April 2018 Divine Voice 35

Documents

Divine Voice November 2016DECEMBER 2019 Volume: VII Issue: 11 Printer & Publisher Rev. Dr Philip Nedumthuruthil VC Chief Editor Rev. Fr Mathew Thadathil VC Chairman Rev. Dr Augustine