Upload
zur-eta-lur
View
213
Download
0
Embed Size (px)
DESCRIPTION
Erreformak
Citation preview
Erreformak: Ikerketa Zer ideologia helburu dago hezkuntza dekretuen barruan? Malen Bellido, Oihane Arruti, Ainhoa Agirrebeña eta Nerea Armero.
Zer ideologia helburu dago hezkuntza dekretuen barruan?
LEY MOYANO (1857)
Gobernu moderatuak bultzaturikoa da, hain zuzen ere Claudio Moyanok. Lege hau ez da
ezaugarritzen berritu nahi izanaz, baizik eta ikaskuntzaren erregulazioan egiten ari zirena
laburbiltzeaz. Bertan liberal progresisten eta moderatuen ideiak nagusitu ziren, hauek
hezkuntza egonkortu nahi zutelako. Hala ere, Legearen ezaugarri nagusiak liberal moderatuen
ideologiarekin lotzen dira, Moyano bera delarik bertako ordezkaria.
Lehen Hezkuntzan doakotasuna erlatiboa da: Ikasleak guztiz pobrea izan behar zuen
hezkuntza ez ordaindu ahal izateko eta soilik oinarrizko lehen hezkuntzan izango zuten doan.
Beraz, hezkuntza unibertsalaren konpromisoa baztertzen dute.
Finantziazio eta konfigurazio ezberdina: Lehen Hezkuntza herrietako udaletxeen menpe
zegoen bitartean, Bigarren Hezkuntza Diputazio eta estatuko unibertsitateen esku zegoen.
Horrek adierazten digu bi etapen artean zegoen ezberdintasuna Gainera, udaletxeak momentu
horretan baliabiderik gabe aurkitzen ziren.
Zentralizazioa: Dena Gobernu zentralaren menpe zegoen. Berak izendatuko zituen
ikastetxeetako zuzendariak, errektoreak… eta Madrilen zentro bat zegoen, beste guztien
erreferente izango zena.
Irakaskuntza mugatuaren berdintasuna eta askatasuna: Askatasun eta aukera falta zegoen
hezkuntza. Gobernuak argitaratzen zituen programa orokorrak, irakaskuntza ezberdinei
zegozkien irakasgai guztienak. Horrez gain, hiru urtean behin testuliburuak zehazten zituen eta
baita irakurketarako jarduerak ere.
Sekularizazio mugatua: Elizaren kontrolpean zegoen irakaskuntza eta baita testuliburuak ere,
hauek autoritate zibilen eta akademikoen eskuetan jarriz.
Lehen esan bezala, ezberdintasun handia zegoen lehen eta bigarren hezkuntzaren artean.
Lehenengoa herritar guztiei zuzendurik zegoen, baina bigarrena klase ertain eta altuek
burutzen zuten, helburua unibertsitatera joatea zelarik. Beraz, Moyaren Legeak Bigarren
Hezkuntza elitista eskaintzen du, aukeraketara eta unibertsitateetara helduko zen
biztanleriaren gutxiengoaren formaziora bideraturik.
Irakasleriarengan ere ikusten da ezberdintasuna. LH-koak probintzia bakoitzeko hiriburuan
eskola batean ikasirikoak ziren eta Madrilen ere beste bat zegoen; bigarrenekoak, aldiz,
unibertsitateetan ikasiak ziren, izan ere helburua ezagutzak transmititzea eta ikasleak
unibertsitaterako prestatzea izango zen.
Gobernuaren helburua ez zen Lege honekin hezkuntza hobetzea, honen bidez euren boterea
mantentzea baizik. Talde sozial dominatzaileen interesak islatzen ziren bertan eta ez zen
ikusten hezkuntza hobea lortzeko kezka handirik errealitatean.
1970EKO DEKRETUA
Garain honetan, Euskal Herria Francoren diktadurapean zegoen. Franco garaiko partidu
politiko bakarraren lider zen, Falangearena hain zuzen. Franco boterea, Marruekosetik hasi zen
eta herriak konkistatuz joan zen, bere burua agintari nagusi izendatuz. Guzti hau, 1936-1939ko
gerra zibilaren ondoren gertatu zen.
Edozein kasutan, irakaskuntzaren egoera oso larria zen gerra bukatu zenetik, Gipuzkoak maisu
eta andereino asko galdu zituelako eta ez zegoelako irakasle nahikorik probintziako gela
guztiez arduratzeko. Egoera horrek bazeukan errudunik: «Batzorde araztaileak». Gerra Zibila
hasi zenetik Batzorde Araztaile horiek ondo bete zuten beren egitekoa, alegia, irakasle guztien
curriculumak arretaz begiratu, eta Batzordearen iritziaren araberako zigorra ezartzea. Irakasle
batzuk hil egin zituzten, beste batzuk erbestera joan ziren, beste hainbatek lana galdu zuten
edo atzerrira ihes egin behar izan zuten, gutxienek Gipuzkoan jarraitu zuten lan egiten.
Ondorioz, gure probintziak maisu eta andereñoak galdu zituen eta Gipuzkoako eskolak hutsik
geratu ziren. Arazo horri irtenbidea emateko neurriak hartu zituzten agintari frankistek, esate
baterako, apaizek klase eman zezaketen hierarkiako maila goreneko baimen bakar batekin,
nahiz eta titulurik ez eduki, baita militar zaurituek ere —elbarri— batxilergoko titulurik
bazuten, baina, hala eta guztiz ere, irakasleen kopurua ez zen gela guztiak betetzeko adina.
Hezkuntza arduradunek arazoak konponbiderik ez zeukala ikusita, beste probintzia
batzuetako irakasleak ekarri zituzten, batez ere Errioxa, Valladolid, Zaragoza eta Burgosetik,
baina baita Nafarroatik ere. Alabaina, irakasle berri horien etorrera txatal hutsa izan zen, gero
ikusiko dugunez, euskaraz ez zekitelako (Murua, Hilario 2009).
Bere politikak zioen, hezkuntzarako eskubidea gizarte guztiari eman behar zitzaiola, laguntzak
emanez eta gizarte modernorako beharrezkoak diren profesionalak prestatuz.Kultura
nazionalaren kontserbazioa, aurrerapen zientifiko eta teknikoa eta gizarte justu bat lortzea
ziren helburu nagusi.Frankoren diktadura pean espainiar nazionalismoa( gaztelaniaren eta
espainiar kulturaren ikaskuntza nahi eta nahiazkoa), katolizismoa (erlijioa ikasi behar zen nahi
eta nahiez, elizarekin lotura handia zuen) eta antikomunismoa( ez zegoen beste ideologiarik,
sozialismoaren kontrakoa).
LOGSE 1990 DEKRETUA
Garain honetan dagoeneko, gaur egungo errege bera zegon buru, Espainiako Juan Carlos I.
1975. urteko azaroaren 22an izan zen errege izendatua, Francisco Francoren heriotzaren
ondoren. Urte batzuk beranduago Francok utzitako hezkuntza dekretua aldatzea erabaki zuen,
1990 LOGSE dekretua izango zenera.
Dekretu hau, 1978ko Espainiar konstituzioko 27. artikulua kontuan hartuz hasi zen lanean.
Honako artikulu honek honako ezaugarriak zituen kontuan, antzinako Francoren diktadurako
ezaugarriak aldatuz:
Denek dute hezkuntzarako eskubidea.
Pertsonalitatearen garapena izango du helburutzat.
Erlijioa izango dute irakasgai, baina gurasoek aukeratu ahal izango dute beren
sinesmenen arabera.
Oinarrizko hezkuntza nahi eta nahiazkoa eta doakoa izango da.
Konstituzioaren printzipioak jarraituz, hezkuntzarako ikastolak sortu ahal izango
dituzte.
Inspekzioak egongo dira, arauak betetzen direna ikusteko, zentro publikoek arauak
bete beharko dituzte.
Printzipio konstituzionaletan oinarritutako sistema bat zen, demokrazia batean.
LOE (LEY ORGÁNICA 2/2006 de Educación)
2004an PSOE gobernura heldu zen eta hezkuntza erreforma bat proposatu zuen 2006an
parlamentuan. Bozketan gehiengoa alde agertu zenez, onartu egin zen gaur egun dagoen
eredua.
Legearen alde agertu zirenak: PSOE Partido Socialista Obrero Español, CiU
Convergència i Unió, ERC Esquerra Republicana de Catalunya, PNV-EAJ Euzko Alderdi
Jeltzalea, ICV Iniciativa per Catalunya Verds, CC Coalición Canaria y EA Eusko
Alkartasuna.
Aurka agertu zen alderdia: PP Partido Popular.
Abstentioa: IU Izquierda Unida, BNG Bloque Nacionalista Galego, ChA Chunta
Aragonesista y NB Nafarroa Bai.
Legea azken hamarkadetan hezkuntza sisteman egindako garapenetatik abiatzen da. Horrela,
bere eraginkortasuna erakutsi duten estruktura eta ezaugarriak mantentzen ditu eta aldi
berean, aldaketak egiten ditu beharrezko ikusten zuen alderdietan. Erreforma planteatu
zutenen arabera, hezkuntza erreformak jarraiak izan behar dira, ez da beharrezkoa sistema
guztiz aldatzea eta hasieratik berriro hastea. Kontuan hartu behar dira lortutako esperientzia
eta aurrerapenak.
Hezkuntzaren helburuetako bat ikasleen nortasun eta gaitasunak garatzea da, giza
eskubideetan eta berdintasunean oinarritutako heziketa eskainiz. Gizonek eta
emakumeek aukera berdina izan behar dituzte, aniztasun sexuala onartu behar da eta
kritikoki baloratu jokabide sexistak ekiditeko.
Eskoletan demokrazia, tolerantzia eta askatasuna bultzatu behar da
elkarbizitzarako eta arazoak konpondu edo ekiditeko.
Gainera, erreforma honen arabera, ikasleak prestatu behar dira hiritar gisa joka
dezaten eta bizitza ekonomiko, sozial eta kulturalean arduraz parte hartzeko.
Hezkuntza derrigorrezkoa da 16 urte arte. Ikasgai berri bat sartzen da:
Hiritartasuna.
Erreforma honen beste helburu bat eskola porrotari aurre egitea eta kohesio
soziala lortzea da. Curriculumean lantzen diren atalei erreparatuz, ikusi daiteke,
aniztasunaren trataerari garrantzi handia ematen zaiola. Modu honetan, guztien
garapena eta inklusioa nahitaezkoa da hezkuntzako etapa ezberdinetan.
Moyano Legean ez bezala, nolabaiteko autonomia ematen zaie hezkuntza zentroei
(pedagogia zein gestio ekonomikoari dagokionez). Legeak protagonismoa eskaintzan
diete eskoletako organoei: eskola kontseilua, irakasleen klaustroa...
Erlijioari dagokionez, erlijio ikasgaia aukeratu daiteke baina baita bertsio
akonfesional bat. Horrez gain, guraso edo tutoreek erlijioarekin zerikusia ez duen
ikasgairik nahi ez badituzte euren seme-alabentzat eskolak ordu horiek eta atentzioa
eman behar dizkie ikasleei. Beraz, lehen hezkuntzan erlijioaren arloa nolabait kentzen
da. Hala ere, doktrina katolikoak eragina izaten jarraitzen du hezkuntzan.
LOMCE
2011ko azaroak 20ko hauteskundeak geroztik PP ezarri zen gobernuan eta Wert-ek, hezkuntza
ministroak, curriculumean aldaketa batzuk gauzatu nahi ditu. LOE-n ez bezala curriculum hau
PP-k antolatu eta sortu du bere osotasunean, gainontzeko partiduen iritziak entzunda baina
hauek erabakietan parte hartzerik ez dutelarik.
Erreforma honen helburua pertsona autonomo, kritiko eta pentsamendu kritikodunak eratzea
da. Hezkuntzak gure gizarte eta ekonomiaren zentroa izan behar du, eta hezkuntzak lan
munduari begira prestatu behar gaitu.
Ikasleen artean dibertsitatea dagoela da onartu behar den lehena, dibertsitatea
beren gaitasun eta espektatibei dagokienez. Guztiei aukera berdinak eman behar
zaizkie baina aldi berean bakoitzaren gaitasunen arabera hauek landu. Gainera,
zailtasunak dauzkaten ikasleentzako programa bereziak egon behar dira hauek
sisteman parte hartzeko aukera izan dezaten. Gizartearen aldaketa hezkuntzaren
menpean egon behar da eta ikasketen arabera lortuko dira lanpostu gorenak. Baina
hau lortzeko gizarte osoak bat egin behar du, oso garrantzitsua delarik guraso, gizarte
eta irakasleen arteko harremana.
Hezkuntza maila igo beharra dago, Europar Batasuneko beste herrialdeen aldean
Espainiaren errendimendua eta eskola uzten duten ikasle kopurua mediaren azpitik
dagoelako. Erreforma honen helburu nagusietako bat eskola uzten duten ikasleen tasa
jaistea da.
Lehen esan bezala ikasle bakoitzaren gaitasunak landu behar dira, bakoitzarenak
ezberdinak direlarik. LOEn, lehen eta bigarren hezkuntzak osatzen zuten derrigorrezko
hezkuntza, oraingoan hauei oinarrizko lanbide formazioa ere gehituko zaie. Etapa
honetan zehar, azterketa ezberdinak gauzatuko lirateke; proba hauen helburua
hezkuntza prozesuaren barruan aukera eta ate ezberdinak irekitzea da. Hiru errebalida
ekarriko ditu: bata DBH 4. Mailan, bestea 2.batxilergoan eta ondoren unibertsitatera
sartzeko.
Plurilinguismoari dagokionez, erreforma hau honen aldekoa da, baina beti ere
lehen mailako hizkuntza bakarra egongo delarik, gaztelania. Lege berriak hizkuntzak
hiru kategoriatan bereizten ditu: enborrekoak (gaztelera eta atzerriko hizkuntza bat),
espezifikoak (bigarren atzerriko hizkuntza) eta espezialitatea (euskara, galegoa eta
katalana). Lehenek ordutegiaren erdia beteko dute gutxienez, bigarrenek erdia
gehienez eta espezialitateek ez dute oraindik denbora zehazturik.
Honez gain, curriculum hau onartzearekin batera dator hezkuntzan erlijioa
derrigorrezko izatea hau ebaluatuko delarik eta balore akademikoa izango duelarik.
Informazio iturriak:
LEY ORGÁNICA 2/2006, de 3 de mayo, de Educación.
(http://moodle4.ehu.es/file.php/7016/LOE_2006.pdf)
Anteproyecto de ley orgánica para la mejora de la calidad educativa. LOMCE (2012)
(http://moodle4.ehu.es/file.php/7016/LOMCE_03_12_2012.pdf)
LEY ORGÁNICA 1/1990, de 3 de octubre, de Ordenación General del Sistema educativo.
(http://moodle4.ehu.es/file.php/7016/LOGSE_1990.pdf)
http://es.wikipedia.org/wiki/Dictadura_de_Francisco_Franco
http://www.biografiasyvidas.com/biografia/f/franco.htm
Ley de Instrucción Pública de 9 de septiembre de 1857, promovida por Claudio
Moyano, cuando era Ministro de Fomento.
(http://moodle4.ehu.es/mod/resource/view.php?id=436766)
http://personal.us.es/alporu/historia/ley_moyano.htm