Gid pratik pou Elèv Lekòl Segondè yo - Understanding FAFSA · 2020. 12. 7. · yo. Genyen tou yon bon asistans telefonik pou rele pou jwenn èd. Pandan w ap ranpli fòmilè a,

(Ak Granmoun ki ede yo)

Pa Kim NauerKarikati pa R.J. Matson.Desinen pa Stone Soup Creative

Dat Piblikasyon: Oktòb 2020 Aktyalize ak resous pou COVID-19

Gid pratik pou Elèv Lekòl Segondè yoGid pratik pou Elèv Lekòl Segondè yo

(Ak Granmoun ki ede yo)

JWENN $$$ POU KOLÈJ Sa Ou Bezwen Konnen pou Ranpli FAFSA a

Ranpli FAFSA a: Jis eseye li .........................................................paj 1

KesyonakRepons: Konprann sa ki bazik yo ....................paj 2

Èske FAFSA a se pou ou? Prèske pou tout bon ....................paj 4

KesyonakRepons: Kesyon sou Elèv ki gen sitwayèntepaj 5

Prepare w! Enfòmasyon ke ou bezwen ...................................paj 6

Rasanble Dokiman yo ................................................................... paj 7

Se a Pwopo de ou: Kòmanse fòmilè FAFSA a ......................paj 8

Se a Pwopo de Fanmi w: Twa Kesyon yo ............................. paj 10

Kiyès ki Paran ou? Depandans Legal ................................... paj 12

KesyonakRepons: Kesyon a pwopo de paran ak fanmi yo ....................................................................paj 13

Kiyès ki lakay ou? ...........................................................................paj 14

KesyonakRepons: Elèv ki pa gen kontak paran yo ..... paj 15

Kisa Fanmi ou te Ganye? Rapòte revni ................................. paj 16

KesyonakRepons: Kesyon sou enfòmasyon finansyè yo .......................................................................................paj 17

Soumèt aplikasyon FAFSA w la: Yon lis verifikasyon .... paj 18

Montre mwen Lajan an! Etap final yo ................................... paj 19

KesyonakRepons: Pwouve ke enfòmasyon an se verite ...................................................................................... paj 20

Kijan pou Li yon Lèt Èd Finansyè ............................................ paj 21

An premye, Verifye Etikèt Pri a .............................................. paj 22

Apresa, Chèche Lajan Gratis la .............................................. paj 23

Alafen, Panse ak Prè yo ............................................................ paj 24

KesyonakRepons: Kesyon a pwopo de prè ak dèt ..... paj 25

Konpare Òf Èd Finansyè pou Kolèj yo ................................. paj 26

Plis Kesyon? Atache paj sa a ................................................... paj 29

FAFSA: Gid pratik pou Elèv Lekòl Segondè yo 1

Èske ou bezwen lajan pou ale nan kolèj? Petèt ke ou bezwen ranpli Aplikasyon Gratis gouvènman federal la pou Èd Federal Etidyan, ke tout moun konnen sou non FAFSA. Sa se premye pa si ou vle èd finansyè nan men gouvènman federal ak leta oubyen majorite kolèj yo. Ranpli FAFSA a kapab boulvèsan. Pa enkyete w. Gen anpil èd!

PREMYE PA POU KOLÈJ

Ranpli FAFSA a

FAFSA a se yon fòmilè an liy ki fèt pou akonpanye ou pazapa nan kesyon oubezwen reponn yo. Genyen tou yon bon asistans telefonik pou rele pou jwenn èd. Pandan w ap ranpli fòmilè a, ou ka pale ak yon ekspè nan 1-800-433-3243 ki ka ba ou bon konsèy sou nenpòt kesyon ou genyen. Ou kapab itilize tchat oubyen imèl tou.

Mande yon granmoun ede w: Paran ou yo, konseye lekòl, oubyen pwofesè favori yo la pou ou. Kapab genyen ekspè nan èd finansyè yo tou nan kominote w la oubyen nan lekòl ou a. Epi anpil kolèj gen moun nan depatman admisyon yo a ki ka ede.

Kòmanse travay sou sa jodi a. Efò a ap vo lapèn.

FAFSA: Gid pratik pou Elèv Lekòl Segondè yo2

Ou tap fè rechèch epi aplike nan kolèj ki se yon bon chwa pou ou. Men kijan ou pral peye lekòl la? Anpil etidyan konte sou yon konbinezon bous ak prè. Pou aplike pou èd finansyè, ou dwe ranpli Aplikasyon Gratis Èd federal pou Etidyan (Free Application for Federal Student Aid-FAFSA) Gouvènman Federal la.

K: Kisa FAFSA a ye ekzakteman?R: Li vle di Aplikasyon Gratis Èd Federal pou Etidyan. Aplikasyon an obligatwa pou etidyan

kap chache èd gouvènman yo pou kolèj. Depatman Edikasyon Ameriken itilize fòmilè a pou eseye kalkile konbyen ou ka peye pou kolèj. Kolèj yo itilize sa kòm yon pwen pou kòmanse pou detèmine konbyen sipò finansyè yon etidyan ap bezwen pou li ka patisipe.

K: Poukisa FAFSA a enpòtan?R: Fòmilè a obligatwa pou tout jan de èd finansyè. Kolèj yo itilize FAFSA a pou detèmine si ou elijib

pou èd federal pou etidyan, sa enkli Pell Grants, prè pou etidyan, ak etid travay. Se pòt antre finansman leta, sipò kolèj, ak anpil bous etid prive tou.

K: Kòman sa fonksyone?R: Tape FAFSA.gov nan motè rechèch ou pi renmen an. Yap dirije ou nan nouvo sit

entènèt gouvènman federal la nan https://studentaid.gov/h/apply-for-aid/fafsa. (Yap refòme aplikasyon mobil FAFSA a, myStudentAid, e yap genyen fòmilè a disponib an Desanm 2020.) Zouti an liy sa yo ap akonpanye ou atravè yon seri de kesyon a pwopo de manm fanmi ou yo ak finans fanmi ou. FAFSA a itilize enfòmasyon sa a pou li kalkile konbyen oumenm ak fanmi ou ka kontribye nan pri kolèj ou. Nimewo sa a rele "Kontribisyon Familyal ke yo Atann," oubyen EFC (Expected Family Contribution). Kolèj yo itilize EFC ou pou detèmine pou ki kantite èd finansyè ou elijib.

Konprann sa ki Bazik nan FAFSA a

Kesyon akRepons:

https://studentaid.gov/h/apply-for-aid/fafsa




K: Ki jan de kesyon FAFSA A poze?R: Fòmilè FAFSA a mande kèk detay pèsonèl a pwopo de ou epi li mande nan ki kolèj ou ta

renmen ale. Apresa, fòmilè a poze kesyon sou paran ou yo epi ak kiyès ou ap viv. Fòmilè a ap poze kesyon pou wè si ou "depandan" de youn oubyen toulede paran ou yo. (Li pwobab pou ou depandan—men genyen eksepsyon.) FAFSA a poze kesyon tou sou konbyen lajan oumenm ak paran ou yo te fè ane pase. Si paran ou se pwopriyetè kay oubyen genyen lajan labank, fòmilè FAFSA a poze kesyon sou sa tou.

K: Men mwen pa konn anyen de finans paran mwen yo!R: Paran ou yo petèt ka bezwen edew oubyen (pou pi bon) ranpli fòmilè FAFSA a avèk ou si ou

depann de yo. An dènye nèt, yo dwe ba ou enfòmasyon ki obligatwa a. Dokiman ki pi enpòtan an se deklarasyon enpo federal yo a. Gen lòt enfòmasyon ki ka obligatwa tou.

K: Ki dat limit FAFSA a?R: FAFSA a disponib 1 Oktòb e li ta dwe konplete pi rapid posib. Anpil èd finansyè se "Sak rive

avan, jwenn avan"—alò ou ta dwe soumèt FAFSA ou a pi vit ke ou kapab. Dat limit kolèj yo pou ranpli FAFSA epi soumèt lòt enfòmasyon èd finansyè yo varye. Asire ke ou ranpli a tan!

K: Kou mwen fin ranpli fòmilè FAFSA mwen, èske mwen ka kalme mwen?

R: Pa vrèman. Ou dwe kontwole imèl ou avèk swen. Sit entènèt FAFSA a ap voye yon dokiman enpòtan ki rele Student Aid Report (Rapò Èd Etidyan). Chèche li avèk swen. Asire ke fòmilè FAFSA w la te trete byen epi enfòmasyon an te ale nan kolèj kote ou te aplike yo. Si ou pa wè ankenn imèl, antre nan FAFSA a epi chèche Student Aid Report ou a la.

K: Kijan pou m asire ke mwen jwenn tout èd ke mwen elijib pou yo?

R: An premye, asire ke ou aplike pou bous eta ou a. Fòmilè FAFSA an liy la ta dwe bay yon lyen pou al nan fòmilè leta a nan fen aplikasyon an. Eseye konplete aplikasyon sa a imedyatman apre FAFSA a. Li pi fasil pou fè toulède fòmilè yo an menm tan. Kou kolèj yo resevwa enfòmasyon FAFSA ou a, yo ka genyen plis fòmilè pou ou ranpli oubyen kesyon a pwopo de aplikasyon ou an. Sa a komen. Asire ke ou bay enfòmasyon an pi rapid posib.


Prèske Sètènman! Si ou bezwen lajan pou kolèj, ou ta dwe aplike. Ranpli FAFSA a kapab ouvri pòt pou prèske tout èd finansyè —sa enkli nan gouvènman federal la, gouvènman leta, kolèj yo ak anpil bous etid prive.

Se vre fòmilè FAFSA a ka sanble ontijan konplike pou kèk etidyan ak fanmi. Fòmilè a te fèt sa gen plizyè lane pou fanmi tradisyonèl de-paran. Etidyan jodi a souvan viv nan sikonstans ki vrèman diferan, nan fanmi melanje ak yon latriye sitiyasyon fwaye. Gen kèk fanmi ki fenk vini Etazini e yo ka gen manm ki manke tout sitwayènte.

Men sa pa pwoblèm. FAFSA an liy la va gide w atravè kesyon ou bezwen reponn yo. Kounya ou ka itilizeyon òdinatè, tablèt oubyen telefòn entelijan pou aplike pou èd. Jis pran tan ou–epi mande èd si ou bezwen.

Èske FAFSA a se pou ou?

Si ou tonbe sou kesyon ki konplike Pa enkyete. Sa rive pifò moun.

Pale ak yon granmoun, tankou yon paran oubyen konseye, ki kapab ede ou.

Rele asistans telefonik FAFSA a nan 1-800-433-3243. Ekip asistans telefonik la amikal epi li ka ede ou reponn nenpòt kesyon ou ka genyen.

K: Èske chak etidyan elijib pou èd finansyè?

R: Si sensèman, ou bezwen lajan pou kolèj, sa ka rive ou elijib pou yon èd finansyè kèlkonk. Etidyan imigran ki pa gen papye pa elijib pou èd finansyè. Men kolèj yo ka aksepte yon vèsyon papye FAFSA a pou kalkile bezwen finansyè ou–epi ede ou jwenn aksè a lajan an. Kontakte kolèj kote ou ap aplike yo epi mande. E menm si ou panse ou ka pa jwenn èd akoz oumenm oubyen paran ou ganye twòp, ou ta dwe ranpli FAFSA a pou gen aksè a bous etid ki baze sou merit ak prè federal yo.


Pou Etidyan ki gen Kesyon Sitwayènte yo

K: E si paran mwen yo pa gen papye?R: Sa pa pwoblèm, depi oumenm ou gen papye. Paran ou yo

pwoteje paske, daprè lalwa, lòt ajans federal yo paka wè aplikasyon FAFSA ou a. Men, ou dwe pase pa lòt etap lè ou ap ranpli fòmilè a. Rele asistans telefonik FAFSA pou aprann plis. Oubyen chèche èd nan men konseye yo ki gen eksperyans ede paran ak etidyan ki pa gen papye.

K: E si paran mwen avèk mwen pa sitwayen Ameriken? R: Ou ka aplike si oumenm oubyen paran ou yo se rezidan pèmanan (genyen yon

“green card”) oubyen genyen yon sèten tip viza. Pou pi bon enfòmasyon, gade lyen sa a: https://studentaid.gov/understand-aid/eligibility/requirements/non-us-citizens. Oubyen, rele asistans telefonik FAFSA a nan 1-800-433-3243.

K: E si mwen pa gen papye?

R: Ou paka resevwa lajan federal. Sa a se verite pou tout etidyan ki pa gen papye yo, sa enkli sila yo ki te resevwa stati Aksyon Retade Pou Arive nan laj Anfans (DACA-Diferred Action for Childhood Arrival.) Men ou ka kalifye pou bous leta oubyen lokal ak lajan prive. Lwa Rèv New York State la pami yon kantite opòtinite kap grandi pou etidyan yo. Tcheke sa www.thedream.us oubyen pale ak kolèj kote ou ta renmen ale yo pou plis enfòmasyon.

Èske paran ou yo pa gen papye? Ou kapab ranpli FAFSA a an liy an tout sekirite. Lalwa federal pwoteje privasite etidyan ak paran kap ranpli FAFSA a. Lè yo mande nimewo sekirite sosyal yo, paran ou ta dwe

antre 000-00-0000. (Anpil paran fè sa pou diferan rezon. Se yon bagay ki komen.) Si yo jwenn yon mesaj erè, kontinye eseye. Lap mache. Finalman, paran ou yo ap bezwen

solisite epi voye pa lapòs yon "paj siyati" pou trete fòmilè a. Rele asistans telefonik FAFSA a nan 1-800-433-3243 pou aprann plis.

Kesyon akRepons:

%20https://studentaid.gov/understand-aid/eligibility/requirements/non-us-citizens

%20http://www.thedream.us


Avan ou atake fòmilè FAFSA a, wap bezwen aparèy elektwonik ou pi renmen an ak yon adrès imèl. Asire ke se yon adrès imèl ke ou verifye souvan. Li enpòtan pou ou siveye imèl ou anpil aprè jou ak semèn ou fin soumèt aplikasyon ou lan.

Prepare w!

Wap bezwen rasanble enfòmasyon pèsonèl ak enfòmasyon finansyè fanmilyal:

Idantifikasyon pèsonèl:

Nimewo sekirite sosyal ou

Nimewo Sekirite Sosyal pou youn oubyen toulede paran ou yo

Enfòmasyon finansyè

Dosye taks paran ou yo, si ou depandan de youn oubyen toulede

Yon kopi deklarasyon taks etranje paran ou yo, si yap viv an deyò Etazini

Nimewo lisans chofè w, si w gen yonn

Kat anrejistreman etranje oubyen kat rezidans yo, si oumenm oubyen paran ou yo pa sitwayen ameriken

Pwòp dosye taks ou, si ou te ranpli deklarasyon nan tan pase

Dosye revni ki pa gen taks nan fanmi ou tankou Sekirite Sosyal, benefis byennèt, oubyen benefis veteran yo

Deklarasyon Taks Ou ak COVID-19 Etidyan ak fanmi yo itilize deklarasyon taks ki deja nan dosye ak IRS pou ranpli fòmilè FAFSA a. (W ap planifye pou kòmanse kolèj an Septanm 2021 oubyen pita? Wap itilize deklarasyon taks 2019 fanmi ou pou FAFSA a.) Sa fè li pi fasil pou ranpli FAFSA a, men COVID-19 gen yon gwo enpak sou finans fanmi yo. Ou ka merite plis èd. Si sikonstans yo chanje, kontakte kolèj yo epi ba yo enfòmasyon ki pi resan an.


K: Dosye taks kiyès mwen ap bezwen? R: Si wap viv ak toulède paran ou yo, wap itilize fòmilè taks fanmi

ou yo. Si ou ap viv ak yon sèl paran, itilize fòmilè taks paran sa a.

Kapab gen etap spesyal si wap viv ak fanmi oubyen endepandan

de paran ou yo. (Fòmilè FAFSA a ka mande enfòmasyon revni

paran byolojik oubyen adoptif ou yo, menm si wap viv oubyen

konte sou lòt moun. Gade nan paj 14 ak 15 gid sa a pou aprann

plis.) Si ou gen nenpòt kesyon, li enpòtan ke ou rele asistans

telefonik FAFSA a oubyen pale ak yon konseye.

Rasanble Dokiman pou Fòmilè FAFSA yo

Kisa Mwen Bezwen

Prepare?

RELE ASISTANS TELEFONIK FAFSA A:

https://studentaid.gov/apply-for-aid/fafsa/

filling-out

K: Èske mwen bezwen kat Sekirite Sosyal yo? R: Pa vrèman, men li enpòtan ke non ak nimewo ki nan fòmilè FAFSA w la

se menm ak dosye taks gouvènman ameriken yo. Si ou pa genyen kat yo, gade non ak nimewo ki antre nan deklarasyon taks paran ou yo. Mete yo jan yo ye a epi ou ta dwe anfòm. Eksepsyon: Si paran ou pa yon sitwayen ameriken, yo ka genyen yon Nimewo Idantifikasyon Taks Endividyèl (ki kòmanse tipikman pa 9). Kontakte FAFSA pou enstriksyon yo.

K: Kisa dosye taks yo ye? R: Sa yo enkli deklarasyon taks anyèl (IRS 1040) ak fòmilè

anplwayè W-2 yo. Ou ta dwe itilize fòmilè taks paran ou te ranpli ak IRS yo. Etidyan kap antre oubyen retounen nan kolèj an Septanm 2021 ap itilize dosye taks 2019 fanmi yo.

Kesyon akRepons:

%20https://studentaid.gov/apply-for-aid/fafsa/filling-out

%20https://studentaid.gov/apply-for-aid/fafsa/filling-out


Lè a rive pou ranpli fòmilè FAFSA a. Chwazi yon òdinatè, tablèt oubyen telefòn entelijan. Monte an liy epi enstale w. Si ou prepare, fòmilè a ka pran sèlman 45 minit pou ranpli!

Men pa enkyete si bagay yo pi konplike. Ou ka pran tan ou epi ou ka anrejistre travay ou. Pou fini ak fòmilè a, kontinye retounen nan FAFSA a osi sou van ke w ta renmen.

POU KÒMANSE

Se a Pwopo de ou:

Chwazi ekran ou! Epi tape FAFSA.gov nan motè rechèch ou pi renmen an. Yap dirije ou nan https://studentaid.gov/h/apply-for-aid/fafsa. Sa se bonjan plas ak travay pou ni desktop ak aparèy mobil yo.

Apresa, oumenm ak youn nan paran ou yo ap bezwen enskri pou yon Idantifikasyon Èd Federal pou Etidyan, ke yo rele Idantifikasyon FSA tou. Sa ap kite ou travay sou fòmilè FAFSA ou a epi siyen li de fason elektwonik. Tape FSA ID nan yon motè rechèch. Lap mennen ou nan https://fsaid.ed.gov/npas/index.htm. Enskripsyon an senp.

Sonje pou mete non ou ak nimewo Sekirite Sosyal ou byen.Reponn tout

kesyon ke fòmilè FAFSA a mande de ou. Genyen ki ka sanble pèsonèl oubyen etranj. Pa enkyete w. Kesyon yo la pou detèmine si ou elijib pou èd federal epi si ou depandan de paran ou yo. Jis reponn kesyon yo onètman.

APRESA, fòmilè FAFSA a ap mande ou pou lis kolèj ou yo. Kolèj sa yo ap itilize FAFSA ou pou detèmine pou ki kantite èd finansyè ou elijib. Ou ka gen jiska 10 lekòl nan lis la. Si ou ap aplike pou plis ke 10 oubyen ou vle chanje lis ou a, ou ka fè sa aprè. Si ou toujou ap fè aranjman nan aplikasyon ou lan, ou ka ajoute lekòl yo nenpòt lè.

Li pi bon pou fè fòmilè FAFSA a ak yon paran, pwofesè, konseye lekòl oubyen yon granmoun ki ka ede ou. Etidyan yo ka ranpli fòmilè a, men li toujou pi bon pou genyen yon granmoun pou ede.

%20http://FAFSA.gov


%20https://fsaid.ed.gov/npas/index.htm


Èske gen yon èd memwa pou Itilize Alavans?

Sit entènèt FAFSA a bay yon fèy

travay pou enprime epi ranpli avan

ou kòmanse fòmilè an liy la. Fèy

travay la gide ou atravè kesyon

nan fòmilè yo ak enfòmasyon ke ou

bezwen rasanble yo. Jwenn FAFSA

2021-22 a nan Fèy travay sit entènèt la

sou https://studentaid.gov.

Lo papye mwen an:

Enfòmasyon

pèsonèlEnfòmasyon

Pèsonèl

Lis kolèj yo

Dokiman taks fanmi

Enfòmasyon sou lòt

revni ak byen yo

Asire ke ou tape FAFSA.gov pou ale sou sit entènèt sa a: .https://studentaid.gov/h/apply-for-aid/fafsa. Lap mache pou desktop ak aparèy mobil yo. FAFSA a ap disponib sou aplikasyon mobil la tou myStudentAid aprè Desanm 2020. Asire ke ou sou sit entènèt ki kòrèk la. Zouti entènèt gouvènman yo gratis epi sekiritè.

%20https://studentaid.gov

%20http://FAFSA.gov



Fòmilè FAFSA a poze anpil kesyon sou fanmi epi konbyen lajan paran ou yo fè. Li ka itil pou konprann poukisa yo poze w kesyon sa yo. Men esplikasyon an:

Gen yon kantite lajan limite ki disponib pou ede etidyan yo ak pri kolèj yo. Gouvènman an ak kolèj yo bezwen dekouvri si ou elijib pou èd finansyè. Si ou elijib, yo dwe estime ki kantite lajan ou bezwen.

An rezime: Èske paran ou yo gen ase lajan pou ede ou ale nan kolèj? Si yo genyen, konbyen li posib pou yo kontribye? Sa rele“Kontribisyon familyal ke yo Atann.” Kolèj yo ka itilize "EFC" pou fè referans a li. Se yon nimewo ki enpòtan.

KONPRANN FAFSA A

Se a Pwopo de Fanmi w...

K: si paran mwen yo ede mwen ranpli fòmilè FAFSA a, èske yo oblije ede mwen peye kolèj?

R: Non. Paran ou yo pa oblije ede ou peye kolèj, kèlkeswa kantite yo

ganye. Sa se chwa yo. Sa ka fasilite

lespri yo si yo enkyete paske yap baou

enfòmasyon revni yo pou FAFSA a. Jis

enfòme yo ke ou oblije ranpli fòmilè a

pou ka jwenn èd finansyè.

Kiyès ki Paran ou? Èske ou depandan de yo?

Kiyès ki Lakay Ou? Kiyès ke paran ou ap bay sipò finansyè?

Konbyen Oumenm ak Paran ou yo ap Ganye? E ki epay ki ka disponib pou kolèj?

Pou kalkile Kontribisyon Familyal ke yo Atann nan, FAFSA bezwen dekouvri twa bagay:



K: E si youn nan kategori yo pa koresponn?R: Ou kapab yon kandida pou "Anilasyon Depandans." Sa se pou etidyan

ki teknikman “depandan” de paran yo men yo pa genyen ankenn kontak ak yo, oubyen yo ka jistifye ke yo pè kontakte yo. Itilize opsyon sa a kòm dènye rekou. Li difisil pou jwenn yon anilasyon depandans. Gade paj 15 nan gid sa a pou plis detay.

KONPRANN FAFSA A

Kiyès ki Paran ou?

Pou FAFSA a ou "depandan" siWap viv ak youn oubyen toulede paran yo.

Pou FAFSA a, yon paran se:

• • Manman oubyen papa ou,

• • Yon paran ki te adopte ou, oubyen

• • Yon boparan ki marye ak paran de nesans oubyen paran adoptif ou.

OUBYEN

Ou an kontak ak youn oubyen toulede paran ou yo, jan sa defini anwo a. Oukapab ap viv ak yon gran paran, matant, frè ak sè, oubyen zanmi pwòch. Pou FAFSA a, ou toujou "depandan" de paran ou si ou gen kontak ak yo pa okazyon.

Pou FAFSA a ou "endepandan" si

•• Ou gen 24 an oubyen ou pi gran, marye, sipòte pwòp timoun paw.

•• Ou òfelen, nan fanmi dakèy, nan gadyen legal, nan yon depatman nan tribinal la.

•• Si ou pa gen kay pou rete e ou sou kont tèt ou, oubyen wap viv poukont ou, e ou riske pouw pa gen kay pou rete.

Fòmilè FAFSA a ap poze oukesyon sou sitiyasyon sa yo. Ranpli li de fason ekzat apresa travay ak konseye lekòl ou a ak biwo èd finansyè pou kolèj ou a pou jwenn èd ou bezwen.

Èske ou depandan de omwen yon paran? Pou majorite etidyan lekòl segondè, repons la se "wi."


Kesyon A pwopo de Paran ou yo ak Fanmi

K: E si paran mwen yo divòse oubyen separe? R: Ou dwe bay enfòmasyon sou yon paran sèlman. Souvan, se paran ke

ou viv ak li plis la. Si ou pataje tan ant paran ou yo yon fason egal, itilize paran ki ba ou plis sipò finansyè a. Si paran nan fòmilè FAFSA ou a te remarye, ou dwe enkli enfòmasyon boparan ou lan tou.

Ou gen Konfizyon sou Stati Depandans ou RELE ASISTANS TELEFONIK FAFSA A:

https://studentaid.gov/apply-for-aid/fafsa/

filling-out/dependency

Q: E si paran mwen yo ap viv ansanm men yo pa marye? R: Si yo se paran ou, pa nesans oubyen adopsyon, ou bezwen bay enfòmasyon

sou toulede. Piga ou mete granmoun ki pa gen lyen familyal avèk ou, menm si yo se manm fanmi pwòch oubyen yap sipòte ou.

K: E si map viv ak yon fanmi oubyen yon zanmi fanmi? R: Sa depan si moun wap viv ak li a, tankou grann oubyen matant, gen yon

relasyon legal ak ou. Si fanmi ou an te adopte ou, ou ka rapòte enfòmasyon yo nan FAFSA a. Si moun sa a se gadyen legal ou, ou endepandan e ou pa bezwen rapòte ankenn enfòmasyon parantal. Wap bezwen dekouvri sa avan ou ranpli fòmilè FAFSA a. Fòmilè an liy la ap poze on seri de kesyon pou ede ou. Si on nan konfizyon pou nenpòt rezon, ou ta dwe pale ak yon konseye oubyen rele asistans telefonik FAFSA a.

K: Mwen panse ke mwen se yon etidyan endepandan nan FAFSA. E kounye a?

R: Fòmilè FAFSA an liy la ap poze on seri de kesyon pou detèmine sa. Pa enkyete, ou toujou elijib konplètman pou èd finansyè pou kolèj. Fòmilè FAFSA a ap poze diferan kesyon si ou endepandan. Yap poze ou kesyon sou revni ou ak fwaye ou. Ou pa bezwen bay enfòmasyon sou paran ou yo.

K: Èske map jwenn plis lajan si mwen endepandan de paran mwen yo?

A: Petèt non. Li ka parèt etranj, men ou plis sanble ka jwenn plis èd finansyè si ou depann de paran ou yo. Reponn kesyon sou paran ou yo pi onètman posib nan fòmilè a.

Kesyon akRepons:

%20https://studentaid.gov/apply-for-aid/fafsa/filling-out/dependency

%20https://studentaid.gov/apply-for-aid/fafsa/filling-out/dependency


Fòmilè FAFSA a ap poze kèk kesyon sou ak kiyès oumenm ak paran yo ou ap viv. FAFSA a ap eseye detèmine kiyès ankò paran ou ap bay sipò finansyè anplis de oumenm.

Si ou depandan de paran ou yo, "lakay" ou enkli:

Youn oubyen toulede paran yo:

•• Si ou ap viv ak toulede paran yo, sa konte kòm 2.

•• Si ou ap viv ak yon paran epi yon bopran, sa konte kòm 2.

•• Si ou ap viv ak yon paran, sa konte kòm 1.

• • Si ou divize tan ou ant kay paran ou yo, wap konte sèl paran ou pase plis tan ak li a. Sa konte kòm 1. (E si yo te remarye, sa konte kòm 2.)

Nenpòt moun paran ke wap viv ak li a ap sipòte:

•• Frè ak sè (sa enkli menm manman menm papa, demi, oubyen pa alyans) ki nan kay la oubyen nan kolèj.

• • Nenpòt lòt moun lakay ou (kouzen, matant, granparan) si paran ou yo bay plis ke mwatye sipò yo.

Ou menm! Pa bliye konte tèt ou. Anpil etidyan fè sa.

Ou gen Kesyon Sou

Lakay ou?


https://studentaid.gov/h/apply-for-aid/

fafsa/filling-out

KONPRANN FAFSA A

Kiyès ki Lakay Ou?

K: E si mwen legalman depandan de paran mwen yo men map viv ak lòt moun? Kiyès nan kay yo pou mwen itilize?

R: Menmsi wap viv ak lòt moun, "Lakay ou" se kay paran ou oubyen paran ke ou depann de li a. Pa egzanp, si wap viv ak grann ou, men manman ou toujou gen gad legal ou, fòmilè FAFSA a vle konnen de lakay manman ou. Rele asistans telefonik FAFSA a ak kesyon ou yo.

%20https://studentaid.gov/h/apply-for-aid/fafsa/filling-out




K: E si mwen pa "depandan" de paran mwen yo, men mwen pa "endepandan" nonplis?

R: Genyen anpil etidyan ki tonbe nan kategori sa a. Ou ka pa gen anyen ditou pou wè ak paran ou yo. Petèt, youn oubyen toulede vivan e yo toujou lye ak ou legalman, men yo te abandone ou oubyen yo enstitisyonalize. Ou bezwen pwouve ke ou pa lye ak yo ankò: Ou bezwen yon "anilasyon depandans."

E si mwen pa gen Ankenn kontak ak Paran mwen yo?

K: Kouman mwen jwenn yon anilasyon depandans? R: Si posib, rekrite èd yon pwofesyonèl ki konprann FAFSA, tankou konseye lekòl,

konseye èd finansyè pou kolèj oubyen yon ekspè kolèj lokal. Oubyen rele asistans telefonik FAFSA a:

An premye, fòmilè FAFSA an liy la ap poze kesyon ki itil. Lè yo poze w kesyon sou enfòmasyon paran ou nan FAFSA a, klike sou bwat ki di: "Mwen paka bay enfòmasyon parantal." Apresa ranpli rès fòmilè a epi soumèt li. Men ou dwe fè plis...

An dezyèm, ou bezwen pale ak ofisye èd finansyè nan kolèj ou ta renmen ale yo. Ou dwe konvenk youn nan ofisye sa yo ke ou elijib pou yon anilasyon depandans. (Ofisye a ap fèw konnen kisa li bezwen kòm prèv.) Ofisye sa a se sèl moun ki ka kontakte ekip FAFSA a epi anile stati depandans ou a alamen pou yo ka trete fòmilè ou a.

Twazyèm, fè ka ou a pou nenpòt kolèj ke ou ta renmen ale. Rive jwenn epi travay ak ofisye èd yo pou jwenn yon pakè èd finansyè. Kòmanse pwosesis sa a pi rapid posib.

K: Ki jan de prèv map bezwen? R: Men kèk dokiman ki ka ede ou jwenn anilasyon depandans. Konseye lekòl ou a,

travayè sosyal, oubyen travayè kominotè ka ede ou rasanble pi bon dokiman pou ka ou a.

Yon lèt konseye lekòl segondè ou a, oubyen travayè sosyal ki temwaye le fèt ke ou endepandan de paran ou yo.

rapò polis yo oubyen dokiman tribinal yo, tankou yon òdonans pwoteksyon kont youn oubyen toulede paran yo.

Yon rapò ki konfime ke youn oubyen toulede paran yo nan prizon oubyen yo te enstitisyonalize.

Si ou pa gen kay pou rete epi ou lage poukont ou, ou kalifye kòm etidyan "endepandan". Ou pa bezwen yon "anilasyon depandans." Men wap bezwen travay ak "lyezon moun ki pa gen kay pou rete" nan distri lekòl ou a pou jwenn prèv ke kolèj yo ap mande a.

Kesyon akRepons:


FAFSA a egzije enfòmasyon revni fanmi pou detèmine konbyen oumenm ak paran ou kapab kontribye nan pri kolèj ou yo. De preferans, pifò enfòmasyon sa a ap soti nan dosye taks IRS yo, kap rann li pi senp pou ranpli. Men, COVID-19 la ka te chanje estrikti finansyè fanmi ou. Si se sa, suiv etap sa yo pou ranpli FAFSA ou a. Apresa, kontakte kolèj ou yo epi aktyalize yo.

KONPRANN FAFSA A

Konbyen Oumenm ak Paran ou yo te Ganye Ane Pase?

Asire ke ou itilize sit entènèt FAFSA a oubyen aplikasyon telefòn entelijan an. Zouti an liy yo ap gide ou atravè chak kesyon ke ou dwe reponn.

Si fanmi ou ranpli deklarasyon taks Etazini, yo ka mande ou si ou vle itilize "Zouti pou Rekipere Done IRS." Ou ta dwe itilize sa si ou kapab. Zouti a ap ranpli majorite enfòmasyon finansyè fanmi ou pou ou! Epi kolèj yo ap konnen ke enfòmasyon revni ou yo ekzat.

Zouti pou rekipere Done IRS la ap ranpli enfòmasyon taks fanmi ou yo otomatikman, lap itilize enfòmasyon ke Sèvis Revni Entèn Ameriken ap bay, ajans federal ki responsab koleksyon taks yo. Pa egzanp, si ou planifye pou kòmanse kolèj an Septanm 2021, FAFSA ap itilize deklarasyon taks 2019 fanmi ou.

Yon nòt sou itilizasyon Zouti pou Rekipere Done IRS: Pou kenbe enfòmasyon taks ou yo prive, done IRS ou transfere a pap vizib. Ou pap kapab re verifye oubyen chanje enfòmasyon ki te enpòte al nan FAFSA ou a. Si ou enkyete, pa itilize zouti a. Jis tape enfòmasyon taks poukont ou.

Si ou pa wè yon lyen pou Zouti pou rekipere Done IRS la, tousenpleman mande paran ou yo pou deklarasyon taks yo a pou reponn kesyon ke FAFSA poze ou.

Èske COVID-19 la te gen gwo enpak sou fanmi ou oubyen finans ou? Ou toujou bezwen itilize fòmilè taks IRS la ke ou deja gen nan dosye, sa ki ka pa reflete reyalite. (Sa a se va deklarasyon taks 2019 pou ane lekòl ki pral vini an.) Men kolèj yo vle konnen kisa ki te chanje pou ou. Aprè ou fin soumèt FAFSA ou a, kontakte kolèj kote ou vle ale yo-epi ba yo yon aktyalizasyon.

Asire ke ou li kesyon yo avèk swen! FAFSA a, poze kèk kesyon sou lavi ou ak fanmi ou "a pati de jodi a." Reponn kesyon sa yo ak enfòmasyon ki resan enfòmasyon sou fanmi ak fwaye ou.


K: E si paran mwen yo pa vle pataje enfòmasyon finansyè yo?

R: Anpil parab santi ke enfòmasyon revni yo prive. Gen lòt ki enkyete ke si yo ranpli fòmilè a, gouvènman an pral oblije yo peye kolèj la. Asire yo ke enfòmasyon yo an sekirite epi prive, pa genyen ankenn kòd ladan. Ou ka mande yon granmoun ke yo respekte pou konvenk yo ke FAFSA a enpòtan anpil pou avni kolèj ou.

Kesyon Komen a Pwopo de Enfòmasyon Finansyè FAFSA

Ou Bezwen Èd ak

Kesyon Lajan?


https://studentaid.gov/h/apply-for-aid/

fafsa/filling-out

K: E si mwen pa wè yon lyen pou Zouti pou Rekipere Done IRS la?

R: Ou ka pakapab itilize Zouti pou Rekipere Done IRS la. Yo pral poze ou kèk kesyon nan kòmansman FAFSA a pou detèmine si zouti IRS la ap bon pou ou. Nan kèk ka li pap bon. Si FAFSA pa ofri ou yon lyen Zouti pou Rekipere Done IRS la, tousenpleman reponn kesyon li poze yo, itilize enfòmasyon ke paran ou te bay.

K: Kisa pou mwen fè lè lavi mwen kounya a pa sanble ak ansyen deklarasyon taks map itilize a?

R: Sa se yon gwo kesyon pou anpil etidyan–espesyalman pou sa yo ki gen fanmi kap batay ak

efè pandemi COVID-19 la. FAFSA a mande enfòmasyon taks ki gen dezan ak enfòmasyon

aktyèl fanmi an. Anpil bagay kapab te chanje depi taks sa yo te ranpli a. Itilize deklarasyon

taks ou pou reponn kesyon ke FAFSA poze yo. Apresa pale ak yon ofisye èd finansyè nan

kolèj kote ou vle ale a. Yo ka ajiste èd ou a si nesesè.

K: E si paran mwen yo pa genyen deklarasyon taks Etazini?

R: Anpil moun pa pran dokiman taks nan men patwon yo oubyen ranpli deklarasyon taks Etazini. Sa kapab vrè ke gen paran kap travay nan lòt peyi, oubyen paran kap travay yon jan enfòmèl. FAFSA a toujou bezwen enfòmasyon revni paran yo. Swuiv sijesyon ki an liy yo. Si ou bezwen plis konsèy, rele asistans telefonik FAFSA.

Kesyon akRepons:




Ou fin ranpli fòmilè FAFSA an liy la. Verifye enfòmasyon ou te tape a de fwa oubyen twa fwa. Swuiv enstriksyon ki pèmèt oumenm ak paran ou "siyen" fòmilè a de fason elektwonik. Apresa, si tout bagay parèt byen, peze bouton an epi soumèt!

OU PRÈ

Soumèt aplikasyon FAFSA w la

Men pako repoze! Apre ou fin soumèt FAFSA ou a, ou ta dwe wè yon lyen pou aplike pou èd leta. Fè sa kounya! FAFSA ka ranpli majorite enfòmasyon an pou ou. Apresa ou bezwen asire ke FAFSA ou an ka trete yon fason ekzat. swiv etap sa yo:

Verifye imèl ou chak jou. (Ou pap resevwa yon mesaj tèks; sa se imèl sèlman.)

Nan kèlke jou, ou ta dwe jwenn yon "Rapò Èd Etidyan," ke yo rele SAR tou. Lap genyen yon rezime enfòmasyon finansyè ak yon kalkil de "Kontribisyon Fanmi ke yo Atann" pou ou. Se yon chif ki enpòtan pou ou. Li pral detèmine pou ki kantite èd finansyè ou elijib.

Chèche nan Rapò Èd Etidyan an pou si gen erè. Si ou wè youn, retounen an liy epi korije yo nan aplikasyon ou lan.

Asire ke ou li seksyon "kòmantè" yo nan SAR la pou asire ke pa gen ankenn lòt pwoblèm pou jere. (FAFSA ou a pap trete si gen enfòmasyon ki manke oubyen gen lòt pwoblèm)

Si w ap resevwa yon imèl, verifye an liy. SAR ou a ta dwe disponib sou sit entènèt FAFSA a apre ou fin konekte. Si ou pa resevwa yon rapò oubyen ou gen pwoblèm, rele asistans telefonik FAFSA a nan 1-800-433-3243.

Ou gen Kesyon a Pwopo

de COVID-19?

Gouvènman federal la ap kontinye

aktyalize repons li a pandemi COVID-19

la. Jwenn dènye nouvèl yo nan FAFSA,

prè pou etidyan ak èd pou kolèj yo:

https://studentaid.gov/announcements-

events/coronavirus

%20https://studentaid.gov/announcements-events/coronavirus



SWUIVI

Montre Mwen Lajan an!

K: FAFSA mwen an fini. Kisa kap rive apre sa? R: Rete tann lèt akseptasyon kolèj ou yo! Nan kèk ka, lèt akseptans yo ap diw tou

konbyen èd ou ka jwenn nan men gouvènman an ak pwòp fon bous etid kolèj yo. Souvan, sepandan, yon kolèj ap voye lèt èd finansyè li a aprè. Diferan kolèj ap ofri diferan kantite èd finansyè.

K: Ki jan de èd finansyè mwen ka atann? R: Chak kolèj ki aksepte ou ap bay yon lèt oubyen imèl ki dekri konbyen kolèl la

ap koute—e kisa kolèj la ka ofri pou ede ou peye pou ale ladan. Sa a se va petèt yon melanj sibvansyon ak bous etid (lajan ke yo ba ou), prè (ke ou dwe peye) ak travay-etid (lajan ou ka ganye). Sa rele yon pakè "èd finansyè." Li enpòtant ke ou gade chak pakè ak swen, pou ou ka seleksyone yon kolèj ke ou ka vrèman peye.

Kan aplikasyon ou lan fin ranpli, kolèj ki nan lis ou yo ta dwe jwenn enfòmasyon FAFSA ou yo otomatikman. A nenpòt ki nivo, ou ka ajoute kolèj nan li ou oubyen retire yo.

Kounya a ou bezwen travay ak kolèj yo pou jwenn èd finansyè ou bezwen...

Verifye Rapò Èd pou Etidyan FAFSA ou a, oubyen SAR yon fwa ankò pou asire ke pa gen ankenn konplikasyon dènye minit.

Si ou wè yon etwal (*) oubyen C nan Rapò Èd pou Etidyan ou lan,kolèj yo ap bezwen verifye enfòmasyon ou yo. Veye enstriksyon ke kolèj ou yo voye– epi gade paj 20 pou plis enfòmasyon.

Èske revni fanmi ou oubyen fwaye ou te chanje akoz COVID-19 oubyen lòt sikonstans? Kounya a se lè pou pale ak yon ofisye èd finansye nan kolèj sa yo ki koresponn avèw. Fè yo konnen sa ki te rive epi kijan finans fanmi an te chanje. Petèt yo ka ofri plis èd.


E si yo mande mwen poum pwouve ke Enfòmasyon ki nan FAFSA mwen yo se laverite?

K: Poukisa yo mande mwen poum pwouve ke enfòmasyon FAFSA mwen an egzat?

R: Sa se yon pwosesis ki rele "verifikasyon" e li komen —jiska 30 pousan nan fòmilè FAFSA yo pase nan verifikasyon chak ane. Depatman Edikasyon Ameriken ak kolèj yo seleksyone yon seri de etidyan pou yo verifye enfòmasyon ke yo bay nan FAFSA yo. Pafwa yo chwazi aplikan yo pa aza. Pafwa s epaske enfòmasyon nan fòmilè FAFSA a pa kontradiktwa oubyen enkonplè. kolèj yo responsab pou fè verifikasyon.

K: Kisa verifikasyon an enplike?R: Biwo èd finansyè kolèj la va kontakte ou. Dabitid se yon demand pou plis enfòmasyon pa woutin,

souvan se sou revni fanmi ou. Ou ta dwe anfòm si ou te itilize Zouti pou Rekipere Done IRS la. Si ou pat fè sa, petèt ou ka bezwen bay yon kopi deklarasyon taks IRS fanmi ou, ke anplwayè ou yo ap ba ou. Biwo èd finansyè kolèj la ap konpare fòmilè FAFSA ou ak enfòmasyon ou bay la. Si gen diferans, wap bezwen korije fòmilè FAFSA ou a.

K: Ki lòt kesyon yo ka poze?R: Biwo èd finansyè a ka vle konfime kantite moun ki nan fanmi ou, epi konbyen lòt ki

nan kolèj. Yo ka mande ou revni lòt manm fanmi (tankou sipò pou timoun) oubyen èd gouvènman (tankou food stamps). Yo ka mande ou pou w bay idantifikasyon legal oubyen prèv ke ou gradye nan lekòl segondè tou.

K: Èske mwen ka voye menm enfòmasyon an nan tout kolèj yo?

R: Wap oblije reponn chak kolèj yon fason separe. Chak ap voye yon fòmilè pa imèl oubyen lapòs pou endike sa yo bezwen. Asire ke ou respekte delè chak kolèj yo. Si pa gen delè, bay enfòmasyon an pi rapid posib.

K: Si mwen jwenn yon fòmilè verifikasyon, sa vle di ke kolèj la aksepte mwen, pa vre?

R: Pa nesèseman. Gen kèk kolèj ki mande pou verifye enfòmasyon finansyè ou avan ke yo pran desizyon pou ou admi. Se pou sa ou dwe fè sa byen rapid. Rete an kontak sere avèk kolèj kote ou swete ale yo—epi ba yo tout sa ke yo mande.

Kesyon akRepons:


Sa se jou ke ou tap tann lan. Premye lèt akseptasyon nan kolèj ou a rive! Wap resevwa yon lòt lèt tou kap di ou konbyen kolèj la ap koute ak kèk mwayen pou peye li. Sa se pakè "èd finansyè" ou a. Li enpòtan pou li l ak swen epi konpare li ak tout lòt òf ke ou resevwa yo.

Paj sa yo di ou kijan pou li epi konpare lèt sa yo. Men nouvo tèm ke ou ka wè:

YO AKSEPTE OU NAN KOLÈJ!

Kijan pou Li yon Lèt Èd Finansyè

Pri pou Asiste: Pri total pou ale nan kolèj. Sa ap enkli

pri dirèk yo peye kolèj yo (tankou frè skolarite) epi souvan pri

endirèk yo (tankou liv ak transpò).

Sa yo atann pou fanmi kontribye: Montan yo atann

ke oumenm ak fanmi ou ap kontribye pou kolèj la chak ane, baze

sou fòmilè FAFSA.

Bous etid oubyen Sibvansyon yo: Lajan gratis pou kolèj

ke gouvènman an bay, kolèj oubyen òganizasyon prive yo. Yon

egzanp se Pell Grant federal pou etidyan ki gen nesesite finansyè.

Travay pandan etid (Work-study) lajan federal ke ou

ka ganye si ou pran yon travay demi jounen sou campus la.

Prè Dirèk Gouvènman Federal: Prè sa yo vini sou

de fòm: ki gen sibvansyon epi ki pa gen sibvansyon. Prè ki gen

sibvansyon yo se pou etidyan ki nan bezwen epi ki gen tèm

pèman ki pi fasil.

Prè PLUS pou Paran yo: Sa yo se prè federal ke paran

yo ka itilize pou kouvri depans edikasyon yo. To enterè yo varye.

Prè Prive yo: Se bayè prive tankou bank yo ki ofri sa yo.

Yo souvan chaje frè ak to enterè ki pi wo pase prè federal pou

etidyan yo, epi tèm ranbousman yo ka pa fleksib menm jan.


KONPAREZON PRI KOLÈJ YO

An premye, Verifye Etikèt Pri aLi lè pou serye. Ou dwe detèmine konbyen kolèj ap koute ou. Sa ap diferan pou chak lekòl.

Pou kòmanse, gade lèt èd finansyè ou la de prè. Chèche yon seksyon ki rele "estimasyon pri yo." Lèt ou a ta dwe gen lis pri ke li posib pou ou jwenn. Men gen kèk kolèj ki fè yon pi bon travay nan sa ke kèk lòt. Ou ka bezwen chèche enfòmasyon sa oubyen, pou pri pèsonèl, fè pwòp estimasyon ou.

Frè skolarite ak depans

Chanm ak tablo, si ou ap viv nan dòtwa

Liv ak founiti

Lojman, si wap viv lwen lakay ou men pa nan yon dòtwa

Manje, goute ak anpil kafe

Transpò, swa chak jou oubyen lè wap vizite lakay ou

Amizman ak divètisman

Rad ak lenjri

Depans kolèjSa yo se pri ke kolèj yo chaje ou dirèkteman. Sa yo se kèlke sèlman, men yo se bagay ki chè:

Depans pèsonèl Sa yo se depans ou fè ak lajan nan pòch ou. Bon nouvèl la se ke ou ka kontwole yo nan fè pridans. Move nouvèl la se ke depans sa yo ka adisyone. Eseye fè bidjè pou lavi reyèl.

Konpare Depans yo ByenAnpil kolèj fè lis sibvansyon, prè ak lòt sipò pa semès, men pri kolèj yo ak Kontribisyon ke yo Atann de Fanmi an la pou tout ane a. Asire ke ou konpare pri ak èd pou menm peryòd tan an. Epi fè tout sa w kapab pou sonje tout bagay. Chèche sou entènèt Kalkilatris bidjè kolèj pou jwenn èd ak sa.


Majorite kolèj ap ofri yon tip de èd pou ede peye lekòl. Sa se pati ki pi enpòtan—enteresan!—nan lèd èd finansyè a. Petèt wap wè yon lis tou kout ki gen sibvansyon yo, travay pandan etid ak prè yo. Gade chak liy yo avèk swen. Tout lajan kapab itil pou kolèj, men gen kèk fòmilè ak èd finansyè ki pi bon pase lòt.

An jeneral, ou vle kòmanse pa chèche lajan ke ou pap gen pou remèt, tankou sibvansyon ak bous detid. Apresa konsidere opsyon ki koute plis yo, tankou prè, sèlman jan li nesesè. Anba a, gen yon ti lis mwayen "lajan gratis" ki plis komen yo ansanm ak opòtinite federal pou travay pandan etid.

Sibvansyon Federal De sa ki plis komen yo se Pell Grant ak Sibvansyon Opòtinite Edikasyon Siplemantè (chèche “SEOG” nan lèt ou a). Toulede baze sou èd finansyè.

Sibvansyon Eta a Anpil eta ofri èd a etidyan ki rete eta kote yo fèt la pou yal nan kolèj. New York, pa egzanp, genyen Pwogram Asistans Frè skolarite ki popilè (chèche “TAP”). An prensip, ou mete aplikasyon pou sibvansyon leta lè ou tap ranpli fòmilè FAFSA ou a. Pwogram leta yo souvan an konpetisyon epi yo bay yo sou yon baz "rive avan, jwenn avan".

Sibvansyon Kolèj ak Bous etid prive yo Anpil kolèj ofri sibvansyon baze sou merit (tankou yon mwayèn ki wo oubyen nòt tès ki wo) bezwen finansyè ak abilite atletik. Gwoup prive yo ofri lajan gratis pou kolèj tou, men fòk ou jwenn li epi aplike pou li. Yo pap bay li nan lèt èd ou a. Gade an liy oubyen pale ak yon konseye kolèj pou plis enfòmasyon.

Djòb/Etid Federal Yo ka ofri etidyan ki gen bezwen finansyè opòtinite pou travay sou campus la. Menm jan nan nenpòt travay, ou touche pou kantite lè ou travay. Ou ka itilize lajan an jan ouvle. Lèt èd finansyè ou la ap diw konbyen lajan ou ka ganye nan pwogram sa a, men sa depann de ou pouw jwenn yon travay epi travay kantite lè ki nesesè pou jwenn lajan sa a.


Apresa, Chèche Lajan Gratis la



Alafen, Panse ak Prè yoPri kolèj yo ap monte san rete, anpil etidyan bezwen pran omwen yon ti prè pou yo ka kenbe. Pèsòn pa renmen dèt. Men li posib pou fè plis lajan ak yon diplòm inivèsite ke san youn, alò prè a se kapab yon envestisman nan avni ou.

Prekosyon: Prè pou etidyan yo dwe ranbouse. Ak kèk eksepsyon ki ra, yo paka padone yo atravè fayit. Li relativman fasil pou redwui oubyen retade pèman si

ou gen yon prè pou etidyan ke gouvènman sipòte, men sa kapab ogmante pèman enterè yo ak montan total dèt la.

Prè Federal Perkins: To enterè a ba, epi ou pa oblije kòmanse ranbouse prè a toutotan w pa gen nèf mwa depi w kite kolèj. Malerezman, pwogram nan te elimine. Majorite kolèj pa ofri prè sa yo ankò.

Prè Federal Dirèk "ki gen sibvansyon": Yo bay prè ki gen sibvansyon yo a etidyan kolèj selon bezwen. Pri enterè a ka pi ba ke lòt prè gouvènman yo epi ou gen plis tan avan ou bezwen kòmanse ranbouse.

Prè Federal Dirèk "ki pa gen sibvansyon": Prè ki pa gen sibvansyon yo disponib pou tout moun, men total ranbousman an yo pi wo pase prè ki gen sibvansyon sof si ou kòmanse ranbouse pandan ou lekòl.

Prè PLUS pou Paran yo: Sa yo se prè ki gen sipò gouvènman ke paran yo ka itilize pou ede ou peye kolèj. Men paran ou yo bezwen genyen yon bon kredi epi to enterè yo ka wo. Nan teori, paran yo ka prete otan ke ou bezwen. Men menm jan ak ou, yo ta dwe pridan nan pran twòp dèt.

Prè Prive yo: Ou ka prete lajan nan men bank yo oubyen lòt enstitisyon finansyè, men fè sa ak swen. Frè ak to enterè yo ka wo anpil epi souvan ou bezwen kòmanse ranbouse prè a pandan ou lekòl toujou.

Bon règ pou kenbe nan lespri ou: Si oumenm oubyen paran ou bezwen prete, prete pi piti ke posib. Asire ke ou itilize prè ki gen sipò gouvènman an an premye. Yo meyè mache pou ranbouse epi yo plis ka padone si ou bezwen plis tan. Prè prive ak kat kredi yo ta dwe dènye resous. Men opsyon ou ka wè nan lèt èd finansyè w la, kòmanse ak pi bon opsyon yo an premye.


K: Kisa mwen bezwen konnen sou prè pou etidyan epi ranbouse yo?

R: Gen tout kalite prè. Gen kèk pretè ki mande pou kòmanse ranbouse yo imedyatman. Gen lòt kap voye yon resi ba ou jis prèske yon lane apre ou fin gradye. Lè wap gade posibilite pou yon prè, mande de bagay:

To “enterè a.” Sa detèmine montan lajan ou dwe ranbouse a anplis de montan ou te prete a. Montan sa a dwe pi ba posib. Prè ki gen sipò gouvènman an ofri to enterè ki pi ba yo.

Kondisyon “ranbousman yo.” Sa se ki pi bonè ke ou dwe kòmanse fè pèman sou prè a, pandan konbyen tan ou dwe peye prè a epi konbyen wap bezwen peye chak mwa. Prè ki gen sipò gouvènan an pèmèt ou redwui pèman ou yo oubyen sispann peye pou yon ti moman tou si sa nesesè. Epi gouvènman ka redwui dèt ou si ou ale nan yon seri de karyè, tankou anseye nan zòn revni an ba.

Kesyon komen Sou Prè pou Etidyan ak Dèt Kolèj

K: Konbyen lajan mwen ka prete nan prè federal pou etidyan?

R: Montan ki disponib nan pwogram prè gouvènman an ki gen sibvansyon an chanje chak ane ki pase. Pran prè sa yo avan. Si ou bezwen plis lajan, ou ka jwenn sa ou bezwen an atravè prè ki pa gen sibvansyon. Men fè atansyon. Prete sèlman sa ou bezwen.

K: Konbyen ou ka prete?R: Sa depann de yon pakèt bagay. Kòm yon preye pa, gade lèt èd finansyè kolèj ou pi renmen

an. Èske wap bezwen lajan pou ou fè premye ane a? E pou rès ane yo? Ki tip de prè ki disponib pou ou? E konbyen montan total la ap ye apre katran?

Kan ou fin rasanble enfòmasyon sa a, li pi bon pou ou chèche yon kalkilatè èd finansyè pou detaye nimewo yo pou ou. Majorite sit entènèt kolèj yo genyen sa kounya a. Sit entènèt www.finaid.org la genyen yon kalkilatè terib ki pèmèt ou antre gwosè prè ou pral ranbouse a, to enterè a ak lòt kondisyon. Yon egzanp: Si ou genyen $37,000 dèt (Se sa ki an mwayèn a nivo nasyonal) yap atann ke w ap ranbouse anviwon $425 pa mwa pandan 10 an nan to enterè aktyèl la,

Èske wap ka peye sa apre ou fin gradye? Fòk ou reyalis. Panse seryezman ak ki tip travay ou swete jwenn. Konbyen jèn anplwaye nan domèn sa a ganye? Èske wap kapab fè pèman prè w la ansanm ak lòt depans ou yo?

Kesyon akRepons:

%20http://www.finaid.org


FÈ KALKIL

Konparezon Òf Kolèj yoAtant la fini. Ou gen lèt akseptans ou a ak òf èd finansyè. Kounya ou bezwen deside ki lekòl ou prale. Kesyon lajan. Ou ta dwe chwazi yon lekòl ke ou ka peye.

Nap konpare de lekòl imajinè: BigBucks University ak LowerCost College. Ann asime ke Kontribisyon yo Atann ke Fanmi ou ap fè a ap koute $2,000. Kounya a nou bezwen gade pri ak diferan tip èd yo pou wè ki lekòl ki pi bon.

Sa ki vin apre a se yon leson sou konparezon de pakè èd finansyè. Lap ba ou yon sans sou kisa ou dwe chèche. Men sonje, chak pakè yo ap parèt diferan. Pafwa, yon pote konfizyon epi yo enkonplè. Rele yon ofisye èd finansyè pou kolèj oubyen pale ak yon granmoun ke ou fè konfyans si ou bezwen èd.

Pri pou Asiste: Bucks plis, LoweCost la mwens. (Enpòtan: Fè pwòp bidjè ou pou ka gen yon vrè sans de depans ou yo. Kolèj yo pa fè yon bon travay nan jan yo estime depans lavi pèsonèl nan chema yo.)

Toulede lekòl yo ofri anpil Bous etid ak Sipò Sibvansyon. Kolèj yo gade ni bezwen finansyè ak dosye lekòl yo pou detèmine konbyen pou yo ofri-e ou te byen travay! Men rele epi mande detay yo. Èske lajan gratis la disponib sèlman pou premye ane a oubyen plis? Èske lekòl la egzije pou gen bon nòt? Konnen règleman yo.

Frè eskolè

Frè eskolè


BigBucks University.Pri pou patisipe (1myè Ane) .........................$62000

Don ak Bousdetid

Bousdetid BigBucks University ...................... 38 000

Pell Grant .................................................................3 500

Sibvansyon Eta a ...................................................3 000

Pri Nèt ............................................................$17500

Prè ak Travay pandan Etid

Prè Federal Dirèk ki gen sibvansyon ................1 500

Prè Federal Dirèk ki pa gen sibvansyon .........4 000

Djòb/Etid Federal ..................................................3 000

Kalkil Final

Pri Total pou Patisipe .....................................$62000 Pri Total È Finansyè ke yo Ofri a ............ – $53000 Kontribisyon ke yo Atann de Fanmi an .......–2000

Eka ou dwe ranpli ane sa a .............................$7,000

(Total dèt prè a pandan katran = $30,000)

LowerCost CollegePri pou patisipe (1myè Ane) ....................... $22,000

Don ak Bousdetid

Bousdetid LowerCost College ............................5000

Pell Grant .................................................................3 500

Sibvansyon Eta a ...................................................3 000

Pri Nèt .........................................................$10500

Prè ak Travay pandan Etid

Prè Federal Dirèk ki gen sibvansyon ..................1500

Prè Federal Dirèk ki pa gen sibvansyon ...........4000

Djòb/Etid Federal ...................................................2000

Kalkil Final

Pri Total pou Patisipe .....................................$22000 Total Èd Finansyè ki Ofri ............................– $19000 Kontribisyon ki Atann de Fanmi ....................–2000

Eka ou dwe ranpli ane sa a .............................. $1000

(Total dèt prè a pandan katran = $22000)

Apresa, gade Pri Nèt la, pri kolèj ki rete aprè sibvansyon sa yo. Sa se montan ke ou pral bezwen kolekte—atravè prè,djòb/etid oubyen lòt mwayen.

Kounya a gade Prè yo. Sonje, gen kèk prè ki mwen chè epi ki pi fasil pou jere ke lòt. Ou bezwen prè ki koute pi piti posib. Montan ou ka jwenn atravè Prè Federal Dirèk yo ap menm jan, men lekòl yo ka itilize jijman yo pou Prè Perkins ak lòt sibvansyon gouvènman yo. (Epitou, konsidere total dèt prè a. Adisyone prè ke yo ofri yo epi miltipliye yo pa ane lap pran pou gen diplòm nan. Nan LowerCost, se $5500 nan prè X 4 ane = $22000.) Epi gade lajan Djòb/etid ofri. Sa se lajan ou ka ganye pou depans pèsonèl yo ak yon travay nan campus la. Men ou dwe jwenn travay la ak lè pou travay la.

Finalman, gade finalite a. Ki eka wap bezwen ranpli pou premye ane a? Wap bezwen jwenn lajan sa a yon kote: Epay pou kolèj, prè nan men fanmi—oubyen yon lòt travay (eek!) sou tèt lè travay Djòb/etid yo.

Asire ke ou adisyone montan total ou ka bezwen prete a pou ka gen diplòm nan. Nan ka saa, BigBucks University mande plis prè...e li gen yon eka ki pi laj pou ranpli. Si pri sa yo twòp pou ou—epi ou vrèman vle ale nan lekòl sa a—rele biwo kolèj la. Ou ka rive fè apèl a pakè a e jwenn plis èd. Pri Kolèj yo vrèman enpòtan pou konsidere nan chwa lekòl. Men tou, asire ke se yon lekòl bon kalite ke wap renmen. Pran pwa tout faktè avan ou di "wi" a yon kolèj.


Konpliman!Ou ranpli fòmilè FAFSA w la ak siksè. Ou gen sipò finansyè. Ou nan wout pou antre nan kolèj. Pase yon bon ane. Asire ke ou kenbe tout enfòmasyon ke ou te kolekte yo—wpi kenbe gid sa a. Wap bezwen ranpli yon fòmilè FAFSA ankò lòt ane!

ASIRE KE OU KÒMANSE SOU SIT ENTÈNÈT FAFSA A: Tape FAFSA.gov nan motè rechèch ou pi renmen an. Yap dirije ou nan nouvo sit entènèt gouvènman federal la nan https://studentaid.gov/h/apply-for-aid/fafsa.

SI OU GEN KESYON SOU FAFSA: Rele asistans telefonik FAFSA a 1-800-433-3243. Jwenn konsèy Lendi-Vandredi depi 8 a.m. pou 11 p.m. oubyen nan wikenn depi 11 a.m. pou 5 p.m. (Tan Lès). Expè yo disponib tou pa imèl oubyen tchat. Enfòmasyon kontak nan: https://studentaid.gov/help-center/contact. Oubyen verifye Sant sipò Èd Federal pou Etidyan: https://studentaid.gov/help-center/answers/landing.

Epitou, asire ke ou verifye rès sit entènèt Èd Federal pou Etidyan la: https://studentaid.gov. Ale la a pou konsèy nan:

Ranpli fòmilè FAFSA a

Dekouvri ki Èd ki disponib

Gade ki Èd Ou kapab Kalifye pou Li

Jwenn epi Jere Prè pou Etidyan

PREPARE POU KOLÈJ

OU PRÈ POU RANPLI FÒMILÈ FAFSA W LA ANLIY? Oumenm ak youn nan paran ou yo ap bezwen gen yon ID FSA ou ka siyen fòmilè a elektwonikman. Ale nan https://fsaid.ed.gov pou ka enskri pou gen yon ID FSA.

WAP APLIKE POU KOLÈJ KI BEZWEN ANPIL ENFÒMASYON FINANSYÈ? Ou ka bezwen ranpli College Board’s CSS Financial Aid PROFILE. Anpil lekòl prive mande yon gwo kantite enfòmasyon finansyè epi egzije ke etidyan yo ranpli fòmilè anliy la. Verifye ak lekòl ou a pou wè si yo bezwen sa nan men ou. Pou plis enfòmasyon, ale nan https://cssprofile.collegeboard.org/.

JWENN DÈNYE ENFÒMASYON SOU FINANSMAN KOLÈJ AK COVID-19:https://studentaid.gov/announcements-events/coronavirus

EPI PA BLIYE PALE AK GRANMOUN KE OU FÈ KONFYANS:Paran ou yo, konseye lekòl yo ak pwofesè yo ka parèt okipe, men yo vle sa ki pi bon pou ou. Èd kapab disponib nan biwo admisyon kolèj yo, òganizasyon san pwofi lokal yo ak ansyen nan pwòp lekòl segondè ou yo. Si ou gen nepòt kesyon, jwenn yon moun ki pou ede ou.

Ou gen PLis kesyon Sou Jwenn Lajan pou Kolèj?

%20http://FAFSA.gov


%20https://studentaid.gov/help-center/contact

%20https://studentaid.gov/help-center/answers/landing

%20https://studentaid.gov

%20https://fsaid.ed.gov

%20https://cssprofile.collegeboard.org/


A PWOPO DE GID SA AGid sa a te pibliye pa Sant pou Afè New York City, yon enstiti règleman ki baze nan The New School. Sit entènèt la ofri PDF gid la nan dis lang epi li bay yon vèsyon laj ki fasilite ansèyman ak prezantasyon. Nou espere ke sa a itil pou tout fanmi yo, ansanm ak konseye lekòl yo, pwofesè yo, ak anpil granmoun ki sousye kap ede etidyan yo ak pwosesis èd finansyè. Yon remèsiman espesyal pou konsèy kolèj la ak ekip antrenman an nan Goddard Riverside Community Center’s Options Institute—ak tout pil ekspè FAFSA yo ki te ede nou nan wout la.

Edikasyon ekitab sipòte chak etidyan, K-12 ak apre lekòl segondè, pou reyalize epi kontribye tout potansyèl yo kòm lidè, manm mendèv la, manm kominote yo, ak manm fanmi yo. Nou te toujou bezwen tout kontribisyon sa yo pou kreye yon New York ki vibre, epi nap bezwen yo plis toujou nan mwa ak ane kap vini yo, pou nou ka rekipere devastasyon COVID-19 la. Kòm yon pati nan angajman nou pou egalite, United Way of NYC fyè pou fè patenarya ak Center of New York City Affairs pou pwodui gid sa a. Zouti sa aap senplifye pwosesis èd finansyè a pou asire TOUT etidyan gen aksè a sipò finansyè ki disponibpou pouswuiv diplòm kolèj.

PATAJE GID SA A JODI A!

POU TELECHAJE OUBYEN LYE a yon kopi, ale nan understandingFAFSA.org. Sit entènèt la ofri PDF gid la nan dis lang epi li bay yon vèsyon laj ki fasilite ansèyman ak prezantasyon. Pou plis resous edikasyon, verifye sit entènèt Center for New York City Affairs la nan centernyc.org oubyen sit entènèt Insideschools la nan insideschools.org.

TANPRI GADE nan NOUVO sit entènèt la nan understandingFAFSA.org ki ekspoze gid la ak nouvo zouti pou fanmi yo, konseye ak pwofesè aksè kolèj yo. Kontakte Kim Nauer nan [email protected] pou aprann plis.

72 Fifth Avenue, 6th Floor New York, NY 10011

Moun ki fë ilistrasyon an: R.J. Matson

Moun ki fè konsepsyon an: Stone Soup Creative

Moun ki fè koreksyon an: Kim Nauer

© Center for NYC Affairs 2020

http://understandingFAFSA.org.

http://centernyc.org.

http://insideschools.org.

http://understandingFAFSA.org.

mailto:%20nauerk%40newschool.edu

mailto:%20nauerk%40newschool.edu

Documents

Gid pratik pou Elèv Lekòl Segondè yo - Understanding FAFSA · 2020. 12. 7. · yo. Genyen tou yon bon asistans telefonik pou rele pou jwenn èd. Pandan w ap ranpli fòmilè a,