Is nét groenvoer of groenweiding genoeg?voermol.co.za/wp-content/uploads/2019/10/...die Ile de France-, Dorper- en Suffolk-genootskappe het op ’n streeksbasis meegeding, terwyl

1Wat die natuur kort, sal Voermol voorsien

2

Oktober 2019

Dr. Josef van Wyngaard, Voermol Voere

Tydens die lente- en somermaande is die veld oor die grootste gedeelte van Suid Afrika groen en vol voedingstowwe. Dit is die tyd van die jaar wat die boer grotendeels op die veld kan staatmaak vir die meerderheid van sy diere se voedingsbehoeftes. Alhoewel die veld in hierdie tyd goeie makronutriënte bevat, soos totale proteïen en vesel wat vir onderhoud en lae produserende diere voldoende is, is daar nogsteeds belangrike voedingstowwe wat vir hoë produserende diere ontbreek. Optimale mineraalvlakke, energie en veral deurvloeiproteïen is van die belangrikste voedingstowwe wat ontbreek. Met die korrekte aanvullende lek kan die laas genoemde ontbreekte voedingstowwe baie maklik en doeltreffend aan die dier voorsien word.

MineraleDaar is 14 essensiële minerale wat belangrik is as dit kom by herkouervoeding. Verder word hierdie minerale volgens die hoeveelheid wat deur die dier vereis word, in twee groepe verdeel, naamlik: makro- en mikrominerale, of spoorminerale. Makrominerale sluit kalsium, fosfor, natrium, chloor, kalium, magnesium en swael in. Mikrominerale sluit kobalt, koper, sink, selenium, mangaan, jodium en yster in. Oor die algemeen, is groenvoer, soos groenweiding, ‘n goeie bron van kalium en yster, gebrekkig in natrium, en bevat wisselende vlakke van die res van die 11 essensiële minerale.

Mineraalvlakke in groenweiding is baie kompleks en kan dus nie veralgemeen word nie. Dit is afhanklik van verskeie faktore soos pH en vrugbaarheid van grond,bemesting, plantspesie en -volwassenheid, seisoen en klimaat, besproeide water, en atmosferiese insette. Byvoorbeeld, grond met ‘n lae pH (< 6.0) mag die absorbsie

van fosfor, kalium, swael, kalsium, magnesium en selenium by plante beperk. Máár dit mag egter die absorpsie van yster, mangaan, koper en sink verhoog. Sanderige gronde is ‘n swak bron van minerale weens lae organiese materiaal inhoud en waterhouvermoë.

Peulgewasse is oor die algemeen ‘n beter bron van minerale, uitsluitende mangaan, as grasse. Op groen somerweiding is fosfor oor die algemeen die belangrikste tekort, maar ‘n tekort in sekere spoorminerale kan ook voorkom. Die besproeiing van groenweiding met afval- of miswater mag die vlakke van koper, mangaan en yster in grond verhoog, maar dit kan maklik opbou en toksies vir die plant en dier wat dit vreet, raak. Atmosferiese mineraal insette kan ook in sekere gevalle belangrik wees. In hoë-reënval gebiede, spesifiek naby aan die kus, kan natrium en jodium deur reën oorgedra word.

Beeste op groen somerweiding wat hul mineraalbehoeftes met behulp van 'n mineralelek, soos Voermol Superfos (V17422), aanvul.

Dit is belangrik om te weet wat die mineraal-status in jou spesifieke area is. Al die essensiële minerale is direk of indirek gekoppel aan die dier se immuniteit, reproduksie en produksie (groei, vleis- en wolproduksie). Daarom kan korrekte, strategiese mineraalaanvulling diere se algemene status, reproduksie en produksie drasties verbeter.

Voermol bied verskeie opsies vir praktiese en doeltreffende mineraalaanvulling.Daar is klaargemengde opsies soos Voermol Superfos (V17422) en Voermol Rumevite 6P (V11995), asook ‘n minerale-lekkonsentraat, Voermol Rumevite 12P (V11994), vir die opsie van tuisvermenging.

Op verskeie plase is 'n oop lekbak in die reëntyd egter 'n probleem met lekverliese

Is nét groenvoer ofgroenweiding genoeg?

Wat die natuur kort, sal Voermol voorsien2

Baiegeluk!


wat voorkom. Hierdie probleem kan grotendeels oorkom word deur van 'n Voermol Fosfaatblok (V10264) gebruik te maak. Dit is seker die gerieflikste en doeltreffendste metode om fosfaat en spoorminerale aan te vul. Die voordele van 'n fosfaatblok is dat dit dadelik gereed is om gevoer te word, dit is in 'n groot mate reënbestand en daar is baie min lekverliese, selfs in die reënseisoen. Die inname van minerale lekke is gewoonlik tussen 100 g en 200 g per bees per dag en tussen 20 g en 35 g per skaap per dag.

EnergieDie grootste beperkende faktor in groenweiding vir hoë produserende diere met ‘n hoë voedingsbehoefte is energie. Hierdie tipe diere sluit groeiende lammers, lakterende ooie en veral wolproduserende skape in. 'n Kenmerk van lente- en somerveld is dat die produksie en gehalte van die veld afhanklik is van reën. Die somerreënvalgebiede word gekenmerk deur afwisselende korter droogtetydperke waartydens veldgehalte vinnig agteruitgaan. Dit veroorsaak dat die groei van byvoorbeeld lammers afneem. Daarom vir maksimum en konstante produksie vanaf hierdie diere op groenweiding is dit uiters belangrik om hulle te voorsien met addisionele energie-aanvulling soos byvoorbeeld mielies. Let wel, wanneer optimale diereproduksie gejaag word, sal ‘n produksielek die beste werk, omdat dit energie- en mineraal-aanvulling, asook vitamien-aanvulling, kombineer.

Energie-aanvullingsprodukte soos VoermolSupermol (V7267), Voermol Energieblok (V11456) en Voermol Molovite (V7266)

is spesiaal ontwikkel om voedingstekorte op groenweidings aan te vul en dit word aanbeveel vir diere met 'n hoë voedingsbehoefte soos jongooitjies, speenkalwers of eerstekalfverse.

ProteïeneGroenweiding is gewoonlik hoog in totale proteïen-inhoud wat enige iets van 15 tot 25% kan wees. Aangeplante weiding soos raaigras en peulgewas-mengsels het gewoonlik ‘n totale proteïen-inhoud van bo 20%, waar grasmengsels wat swenkgras of kropaargras bevat, ‘n totale proteïen-inhoud van 15 tot 20% het. Daar moet wel klem gelê word op die proteïensamestelling van groenweidings. Proteïen afkomstig van groenweiding bestaan hoofsaaklik uit nieproteïenstikstof (NPN). Die dier kan nie self NPN na aminosure (die boublokke van vleis, wol en melk) omskakel nie – dit is waar die rol van mikrobes in die grootpens of rumen belangrik is. Nieproteïenstikstof is ‘n baie belangrike voedingstof vir mikrobes, wat onder andere verantwoordelik is vir die afbreek en vertering van vesel.

Die mikrobes gebruik die aminosure, wat hulle vanaf NPN gevorm het, om hul eie populasies te groei. Dié aminosure raak wel beskikbaar vir die dier wanneer van die mikrobes deur spoel vanaf die rumen na die dier se spysverteringskanaal – vandaar die naam deurvloeiproteïen. Máár hierdie hoeveelheid deurvloeiproteïen is nie alleenlik genoeg vir maksimum groei, melkproduksie en wolproduksie by hoë produserende diere nie.

Dit is dus raadsaam om ‘n strategiese deurvloeiproteïen-aanvulling aan hoë produserende diere beskikbaar te stel. Voermol Molovite is spesifiek vir hoë kwaliteit aangeplante weidings en ‘cover crops’, met ‘n totale proteïen-inhoud van bo 20%, geformuleer. Dit bevat slegs ‘n totale proteïen-inhoud van 10%, waarvan 0% afkomstig vanaf NPN is. Gevolglik voorsien Voermol Molovite die gebrekkige deurvloeiproteïen-fraksie asook die nodigespoorminerale vir optimale diereprestasie. Vir groenvoer weidings, soos hawer, is Voermol Supermol of Voermol Produksielek (V10108) meer gepas. Al drie die laas genoemde Voermol produkte bevat medikamente in die vorm van ionofore, wat energiebenutting van die weiding verder bevorder en ook die jonger diere teen koksidiose beskerm.

SamevattingDie lente- en somermaande is 'n goeie tyd vir boere om te kapitaliseer op die goeie weiding wat beskikbaar is, natuurlik of aangeplant, solank hulle besef dat daar steeds tekortkominge op hierdie weidings is. Deur hierdie tekortkominge te identifiseer en dan strategies die korrekte aanvullings vir hul diere te gee, sal help om uitstekende produksie teen 'n minimale koste te bereik.

Vir maksimum diereproduksie vanaf groenweiding met behulp van strategiese aanvulling, kontak gerus vir Dr. Josef van Wyngaard, Tegniese bestuurder by Voermol by 082 336 0626 of rig ‘n e-pos [email protected].

1

Die Suid-Afrikaanse Vereniging vir Veekundiges het vanjaar tydens hul jaarlikse kongres erkenning gegee aan onder andere Dr. Linde du Toit (links), dosent by die Universiteit van Pretoria, en Dr. Josef van Wyngaard (2de regs), tegniese bestuurder by Voermol Voere, vir 'n buitengewone bydrae in navorsing na die opwekking van kennis in veekunde en vir die veebedryf. Die promotors was Prof. Lourens Erasmus van die Universiteit van Pretoria (2de links) en Prof. Robin Meeske van die Wes-Kaap Departement Landbou (regs).

Voermol by die 2019 Royal-skou

Vanjaar se Goue Beker-interraskompetisie was nog meer uniek in die sin dat dieselfde teler beide die kampioenbul en -koei met twee verskillende rasse gewen het. Andrew Masterson van Oesterbaai in die Oos-Kaap, het hierdie uitstekende prestasie met ‘n Angus-bul en ‘n Simmentaler-koei behaal.

’n Vee-geleentheid soos minMeer as 700 beeste is in die beesarena geskou. Dit het streekskampioenskappe van die KwaZulu-Natal Angus-, Simbra- en Simmentaler-, Brahman- en Limousin-klubs ingesluit. Rasse wat uitgestal het was die Afrikaners, Bovelders, Brangusse,

Bonsmaras, Beefmasters, Nguni’s and Wagyu’s. Die Dexter-beestelersgenootskap het hul nasionale kampioenskap gedurende die skou gehou en van die beste diere was vertoon en uitgestal.

Die Voermol-geborgde skaapafdeling wat die laaste paar jaar van krag tot krag gegaan het, het meer as ‘n duisend diere uitgestal. Ook hier is streekskampioenskappe gehou:die Ile de France-, Dorper- en Suffolk-genootskappe het op ’n streeksbasis meegeding, terwyl ‘n nasionale kampioenskap van die Hampshire Downs ook plaasgevind het.

Opwindende eerstes by die Royal-skouBuiten al die jaarlikse borgskappe waarby Voermol betrokke was, het die SAUK se opvoedkundige afdeling vir die eerste keer ‘n Living Land-werkswinkel by die skou aangebied.

Dit is deur bykans 200 opkomende boere bygewoon. ‘n Ope paneelbespreking en ‘n virtuele toer van ‘n KwaZulu-Natalse plaas, het bygedra om kennis en inligting aan hierdie boere oor te dra.

CT du Plessis, Voermol Voere

Die 2019 Royal-skou het oudergewoonte by die Royal-skougronde in Pietermaritzburg plaasgevind. Vanjaar se skou is van 24 Mei tot 2 Junie aangebied. Die landbou-lewendehawegedeelte van die skou het op Woensdag, 29 Mei, met die Goue Beker-kampioenskap en glansdinee afgesluit. Nie net is hierdie byeenkoms uniek aan die Royal-skou nie – die tradisie en seremonie wat daarmee saamgaan is sekerlik die grootste en beste in Suid-Afrika!


Interraskompetisie by die Voermol-geborgde skaapafdeling.

4


Die Royal-skou hou ook jaarliks die grootste karkaskompetisie in Suid-Afrika, en vanjaar se kompetisie was weereens een van die hoogtepunte!

Met die wêreldrekord vir die duurste skaapkarkas wat reeds in 2005 behaal is, was dit dié slag die beeste se beurt.

‘n Beefmaster-karkas van Clark Rattray wat deur Weston Landboukollege gevoer is, het vir ‘n Suid-Afrikaanse rekord van R200/kg gegaan!

Die Voermol-stalletjie was soos altyd ‘n middelpunt vir boere om te ontmoet en om advies te ontvang. Dr Faffa Malan

van Landbou.com was soos altyd ook byderhand om die siektes, peste en plae te help keer.

Baie dankie aan ieder en elk wat bygedra het om hierdie jaar se skou weereens ‘n reuse sukses te maak!

3

Skaapinterras-beoordeling by die Voermol-geborgde skaapafdeling - beste groep van vyf van die verskillende skaaprasse.

Angus Williamson van Voermol bespreek basiese herkouervoeding-beginsels tydens die Living Land-werkswinkel.

Afgevaardigdes en opkomende boere van KZN woon die Living Land-werkswinkel by wat deur die SAUK tydens die Royal-skou aangebied was.

Jeremy Bosman - 076 423 4785Bodenstein, Coligny, Gerdau, Hartbeesfontein, Klerksdorp, Oberholzer, Potchefstroom, Ventersdorp

Jacques Broderick - 083 292 1244Bamboesspruit, Boschpoort, Bothaville, Leeudoringstad, Makwassie, Migdol, Ottosdal, Schweizer-Reneke, Wolmaransstad

Ampie de Jager - 078 355 3406Boons, Botswana, Brits, Derby, Dwaalboom,Groot Marico, Grootpan, Johannesburg, Koedoeskop, Koster, Krugersdorp, Magaliesburg, Northam, Pretoria, Randburg, Randfontein, Roodepoort, Ruimsig, Rustenburg, Skuinsdrif, Swartruggens, Thabazimbi, Westonaria, Wonderboom, Zeerust

DJ Malan - 076 400 4739Alldays, Alma, Baltimore, Dendron, Ellisras, Letsitele,Louis Trichardt, Marken, Messina, Naboomspruit,Nylstroom, Pienaarsrivier, Polokwane, Roedtan, Settlers, Tolwe, Tomburke, Trichardsdal, Tzaneen, Vaalwater, Venda, Vivo, Warmbad

Dev Olivier - 082 850 2700Biesiesvlei, Buhrmansdrif, Delareyville, Kameel, Lichtenburg, Louwna, Madibogo, Mafikeng, Mareetsane, Nooitgedacht, Piet Plessis, Reivilo, Rostrataville, Sannieshof, Stella, Tosca, Vergelegen, Vryburg

Jan Coetzee - 083 300 0989Bloemhof, Boshof, Bultfontein, Christiana, Dealesville, Hartsvallei, Hartswater, Hertzogville, Hoopstad, Jan Kempdorp, Theunissen, Tierfontein, Wesselsbron

Noordelike SpanMark Barlow082 456 6252

NoordelikeVerkoopsbestuurder

Sas le Roux - 082 417 1791Edenville, Koppies, Kroonstad, Odendaalsrus, Parys, Steynsrus, Ventersburg, Viljoenskroon, Vredefort, Welkom, Winburg

Dunell Pienaar - 00264 81 124 2860Namibië

Jacques Pretorius - 072 875 9726Daniëlskuil, Dibeng, Groblershoop, Hotazel, Kakamas, Kenhardt, Kuruman, Marydale, Olifantshoek, Pofadder, Postmasburg, Prieska, Upington, Van Zylsrus

Douw Steyn - 082 927 2471Barberton, Belfast, Burgersfort, Groblersdal, Hoedspruit, Komatipoort, Lydenburg, Machadodorp, Malelane, Marble Hall,Middelburg, Nelspruit, Witbank

Riaan van der Merwe - 083 401 2240Balfour, Bronkhorstspruit, Cullinan, Delmas,Grootvlei, Heidelberg, Kinross, Meyerton,Nigel, Ogies, Sasolburg, Vereeniging

Hans Burger - 071 208 7090Ceres, Citrusdal, Clanwilliam, Darling, Durbanville,Eendekuil, Garies, Graaffwater, Hermon, Klawer,Kraaifontein, Malmesbury, Moorreesburg, Op die Berg,Paarl, Philippi, Piketberg, Porterville, Riebeeck-Wes,Simondium, Springbok, Stellenbosch, Tulbagh,Vanrhynsdorp, Velddrif, Vredenburg, Vredendal, Wellington, WolseleyRobert Harris - 083 282 8110Bloemfontein, Brandfort, Dewetsdorp, Hobhouse,Ladybrand, Petrusburg, Reddersburg, Smithfield,Tweespruit, Verkeerdevlei, Wepener

Ferdie Naude - 082 934 2577Bredasdorp, Caledon, Klipdale, Krige,Napier, Ou Plaas, Protem, Rietpoel,Riviersonderend, Stanford

Riaan Oosthuizen - 082 568 6162Aliwal-Noord, Barkly-Oos, Boesmanskop,Burgersdorp, Elliot, Jamestown, Lady Grey,Maclear, Rouxville, Steynsburg, Ugie, Zastron

Nelius Rossouw - 082 297 7214Cathcart, Dordrecht, Hofmeyr,King William's Town, Komga,Molteno, Queenstown, Sterkstroom,Stutterheim, Tarkastad

Nico Klinck - 082 893 6863Albertinia, Ashton, Barrydale, Bonnievale, George, Heidelberg, Herbertsdale, Kleinberg, Knysna, Ladismith, Laingsburg, Montagu, Mosselbaai, Plettenbergbaai, Riversdal, Robertson, Swellendam, Worcester

Suidelike SpanLeon de Klerk082 901 1073

SuidelikeVerkoopsbestuurder

Eugene Nel - 072 018 0191Barkly-Wes, Bethulie, Britstown, De Aar, Douglas, Edenburg, Fauresmith, Griekwastad, Hopetown, Jacobsdal, Kimberley, Koffiefontein, Lückhoff, Modderrivier, Petrusville, Philippolis, Phillipstown, Rietrivier, Springfontein, Strydenburg, Trompsburg

Raymond Rudman - 082 571 2944Aberdeen, Adelaide, Alexandria, Bathurst, Bedford, Cookhouse, Cradock, Golden Valley, Graaff-Reinet, Grahamstad, Jansenville, Mortimer, Paterson,Pearston, Somerset-Oos

Arnold van der Merwe - 082 229 4497Beaufort-Wes, Brandvlei, Calvinia, Carnarvon, Colesberg, Fraserburg, Hanover, Loxton, Middelburg, Murraysburg, Nieuwoudtville, Richmond, Sutherland, Vanwyksvlei, Victoria-Wes, Vosburg, Williston

Paul van der Westhuizen - 082 453 0141Addo, Avontuur, Calitzdorp, De Rust, Herold, Humansdorp, Joubertina, Kareedouw, Misgund, Oudtshoorn, Port Elizabeth, Prins Albert, Steytlerville, Uitenhage, Uniondale, Willowmore

Henk Vermooten - 083 274 9024Clocolan, Excelsior, Ficksburg, Lesotho,Marquard, Rosendal, Senekal

Tegniese BestuurdersUlrich Müller 083 414 5928

NasionaleTegniese Bestuurder

Phillip Meiring083 386 8378

TegnieseBestuurder

Dr. Josef van Wyngaard082 336 0626

TegnieseBestuurder

Danie Claasen - 082 377 8849Frankfort, Heilbron, Oranjeville,Petrus Steyn, Tweeling, Villiers

Pietman Fouché - 072 407 9757Arlington, Bethlehem, Clarens,Daniëlsrus, Fouriesburg, Kransfontein,Lindley, Paul Roux, Reitz

Jacques Myburgh - 083 268 1323Bethal, Carolina, Ermelo, Hendrina

Gavin Rogers - 082 080 0280Cedarville, Harding, Kokstad, Matatiele,Port Shepstone, Swartberg

Mark Scott - 082 771 6659Creighton, Ixopo, Underberg

Klasie Klopper - 082 802 8002Bergville, Dundee, Ladysmith, Winterton

Oostelike SpanCT du Plessis072 441 5663

OostelikeVerkoopsbestuurder

Johan Potgieter - 083 290 2449Afrikaskop, Eeram, Harrismith,Verkykerskop, Warden

Koos Uys - 082 322 3423Amsterdam, Paulpietersburg,Piet Retief, Pongola, Vryheid

Neels van der Merwe - 082 893 5204Amersfoort, Memel,Newcastle, Utrecht, Volksrust

Dirk Viljoen - 082 449 2789Acsent, Cornelia, Morgenzon,Standerton, Val, Vrede, Woudtsight

Angus Williamson - 082 564 5481Empangeni, Greytown, Howick, Mooirivier, Pietermaritzburg


Voermol Verkoop- en TegniesespanKenny CramptonNasionale Verkoopsbestuurder082 888 2184





























TegnieseBestuurder


TegnieseBestuurder










































TegnieseBestuurder


TegnieseBestuurder










































TegnieseBestuurder


TegnieseBestuurder















Boeredae van die2018 Nasionale Bees- en Skaapboer

kompetisie wenners

Dr. Josef van Wyngaard, Voermol Voere

Een van die doelwitte van die Nasionale Bees- en Skaapboer van die Jaar projek is om die bestuurspraktyke van suksesvolle bees- en skaapboere prakties aan medeboere bekend te stel tydens boeredae. Twee suksesvolle boeredae was gedurende April en Mei in die wenners se onderskeie streke aangebied.

Waardetoevoeging, die optimale benutting van tegnologie en goeie bestuur van natuurlike hulpbronne het die wenners van die 2018 ‘Beste van die Beste’, Nasionale Bees- en Skaapboer van die Jaar-kompetisie, onderskei. Die 2018 Nasionale Beesboer van die Jaar was Mnr John Eustace van die plaas Moyeni in die Underberg-distrik, en die 2018 Nasionale Skaapboer van die Jaar was Mnr. Andrew Jordaan jr. van die plaas Spekboomberg in die Cradock-distrik. Beide hierdie wenners het indrukwekkende boeredae aangebied.

John Eustace se boeredagJohn se boeredag op 10 April 2019 was uitstekend ontvang, met sowat 160 besoekers wat teenwoordig was. Nadat die formaliteite afgehandel was het John sommer self die dag met sy lesing afgeskop. Hy het onderandere die geskiedenis van hulle beeskudde se voortbestaan met ons gedeel en so ook oor sy suksesvolle veldbestuur en ander bestuurspraktyke, insluitende die voerkraal, gesels.

Dawie Maree, hoof van inligting en bemarking by FNB Landbou, het oor volhoubare rooivleisproduksie en gunstige bemarkings-strategieë vir die beesbedryf in Suid-Afrika gesels. Ulrich Müller en Dr. Josef van Wyngaard, tegniese bestuurders by Voermol, het onderskeidelik oor die waardetoevoeging van die plaasvoerkraal en die geheim agter ‘n suksesvolle koei-kalf stelsel gesels. Na die lesings het John verskeie van sy top beeste in groepe vertoon.

John en sy pa Mnr. Pat Eustace boer met Braford- en Hereford-koeie in die bergagtige suurveld met ‘n gemiddelde weidingkapasiteit van 2 ha/grootvee-eenheid (GVE). Natuurlike bergagtige veld is die hoof ruvoerbron vir dié beesboerdery, gevolg deur aanvullende kontantgewas-reste. Bestuurspraktyke soos strategiese brand van veld, voervloeibeplanning en waardetoevoeging deur die afronding van kalwers in ’n voerkraal is slegs van die faktore wat tot sy sukses bydrae.

Hy wys dat dit nie net moontlik is om in bergagtige hange met beeste te boer nie, maar ook hoe om daarin te presteer.

Herefordbulle word by die Brahman-tipe koeie gebruik, terwyl die Hereford-tipe koeie deur Brahmanbulle gedek word. Die maatstaf vir die seleksie van Herefordbulle is melkeienskappe, pigmentasie en konformasie. In die geval van Brahmane is dit konformasie. Die koeie begin in Augustus vir ’n tydperk van drie maande kalf wanneer hulle na die laer geleë dele verskuif word met ’n rantsoen van hooi en mielie- en boontjiereste. Bergveld word van 15 Julie af gebrand. ’n Driekampstelsel word gebruik wat elke twee weke afgewissel word. Elke tien jaar word ’n kampstelsel vir ’n jaar lank gerus.

Die kalwers word in April gespeen en sal in Mei na die winterweiding met ’n winterlek op die veld verskuif word. John mik na ’n besettingsyfer van minstens 85%. Die uiterste toestande in die berge en die voorkoms van skadelike diere (soos luiperd en bruin hiëna) beperk die speensyfer van die kudde vanaf ’n suksesvolle dragtigheidstoets tot 90%. John rond ál sy uitskotdiere in ’n voerkraal af. Ligter kalwers word tot sowat 220 kg op raaigras wat tussen die mieliereste geplant is uitgegroei voor afronding in voerkraal.

Prominente Brahman-tipe verse afkomstig van John Eustace se Brahman en Hereford kruisteelprogram.

Top Hereford-koeie op kikoejoe-weiding van John Eustace se wen-kudde.

Die pragtige uitsig van John Eustace, 2018 Beesboer Wenner, se boeredag in die Underberg-distrik.

7


6

Andrew Jordaan jr. se boeredagAndrew jr. se boeredag op 29 Mei 2019 was ook baie goed ontvang met sowat 200 besoekers wat die dag bygewoon het. Boere en organisasies het oral oor die land gekom om die dag by te woon. Dit was ‘n baie suksesvolle dag met goeie sprekers.

Dawie Maree (FNB) het oor gunstige bemarkings-strategieë vir die skaapbedryf in Suid-Afrika gesels, gevolg deur Isak Staats, hoof van wol en bokhaar by BKB, wat oor internasionale wolnuus gesels het. André Fourie, Voermol konsultant, het oor die onderwerp van ‘Voer of nie’ gesels. Hy het uitgelig dat dit wel in ‘n skaapvertakking ekonomies vatbaar is om strategies te voer. Dr. Buks Olivier, skaapteling spesialis konsultant, het oor die betekenis van aangepaste vee gesels en hoe dit jou skaapboerdery kan bevoordeel. Andrew jr. het die lesings afgesluit deurom sy suksesvolle bestuurspraktyke met die gehoor te deel.

Andrew jr. bestuur die skaapafdeling van ‘n suksesvolle gediversifiseerde familieboerdery. Die area het ’n gemiddelde reënval van 350 mm per jaar en ‘n weidingkapasiteit van 2 ha/kleinvee-eenheid (KVE), maar die veelading van die plaas is 2.8 ha/KVE en dit neem die natuurlike bergveld weiding in ag. Merino is die kern skaapras. Aangeplante weiding is ’n sterk komponent van die voerbank en daar word gewys hoe dit optimaal bestuur en benut kan word.

Die gebruik van tegnologie is hier baie belangrik en Andrew gee die pas aan in die skaapbedryf deur onder meer al 30 jaar

lank laparoskopie te gebruik. Verder word daar streng op rekordhouding gefokus waar radiofrekwensie-identifikasiestelsels(RFID) gebruik word. Tesame met grondige voedingspraktyke en bestuursbeginsels bereik die boerdery ’n lampersentasie van tot 170%.

Die besproeide aangeplante weiding dra by tot die sukses van dié skaapboerdery. ‘n Rotasiekampstelsel met hoëdrukbeweiding word hier suksesvol toegepas. Die volwasse ooie word in die suur bergveld hoog bo seevlak gedek, waar goeie besetting op die platogedeelte bereik word. Daar is twee lamtye, asook ’n derde winterlamtyd vir ooie wat klaar gelam het en laparoskopies behandel word. Die kudde-ooie word natuurlik gedek met een ram per 30 ooie.

Dormer-ramme word gebruik in die geval van terminale-kruise. Lamhokstelsels word gebruik. Die onlangse besetting van die kudde-ooie was sowat 97% met 63% meerlinge, teenoor ’n gemiddelde langtermyn besetting van sowat 91%. Die jong ooie word al op 12 maande laparoskopies bevrug. Hulle oorwinter in die veld. Sowat ses weke voor paartyd word hulle verskuif na die weidings waar hulle teen skadelike diere beskut is.Teeldoelwitte sluit vrugbaarheid en die balans tussen wol- en vleisproduksie in.

Ons by Voermol kan sien hoe medeboere die vrugte pluk nadat hulle so 'n boeredag bygewoon het. Daarom sien ons baie uit om te sien wat 2019 se Nasionale Bees- en Skaapboer van die Jaar projek gaan oplewer.

Mnr Andrew jr. Jordaan besig met sy praatjie oor sy suksesvolle bestuurspraktyke tydens sy boeredag.

Vlnr. Wilhelm Jordaan (Broer van die wenner), Leon de Klerk (Verkoopsbestuurder, Voermol), André Fourie (Voermol Konsultant), Dawie Maree (Hoof van inligting en bemarking, FNB Landbou), Andrew Jordaan jr. (2018 Skaapboer Wenner), Andrew Jordaan snr. (Vader van die wenner), Kenny Crampton (Nasionale Verkoopsbestuurder, Voermol), Dr. Buks Olivier, (Skaapafdeling Spesialis Konsultant) en Gert Smit, (Merino Genootskap President).

Die skaapboeredag van Andrew Jordaan jr. was in ‘n groot wit tent op die aangeplanteweiding gehou.

Wat die natuur kort, sal Voermol voorsien8Terwyl Voermol alles in sy vermoë gedoen het om die juistheid te verseker van inligting in hierdie inligtingstuk vervat, is ons nie aanspreeklik vir enige foute wat moontlik onopsetlik ingesluit is nie.

Goeie weer by ’n goeie NampoMark Barlow, Voermol Voere

Meer as 81 000 besoekers kon vanjaar ongekende warm weer geniet tydens die jaarlikse Nampo-oesdag wat van 14 tot 17 Mei net buite Bothaville gehou was.

Ten spyte van die huidige pessimistiese ekonomiese klimaat wat veral in die landbousektor heers, was die sowat 800 stalletjies besig en het besoekers weereens van die geleentheid gebruik gemaak om by Voermol se uitstalling langs die beeskompleks in te loer. Hier kon besoekers hulle voerbehoeftes en -stelsels met Voermol se tegniese en verkoopspan bespreek, ’n heerlike koppie boeretroos of koeldrank geniet en die moeë bene ’n ruskans gee.

Voermol se fokus tydens Nampo 2019 was die bekendstelling van die Voermol-toepassing. Dié toep is vir beide android- en Apple-toestelle beskikbaar. Die toep bevat besonderhede oor al Voermolse produkte en agente, heersende markverwante pryse, tegniese artikels en raad, geleentheid vir gebruikers om voerverwante vrae te stel wat deur ons tegniese span beantwoord word, asook ’n handige voerkraal-sakrekenaar.

Veeboere was by Nampo aangemoedig om die toep af te laai en hul Voermolprodukbestellings, sommige teenuitstekende Nampo-afslag, te plaas. Hierdie kliënte was ook ingeskryf vir ’n gelukkige trekking wat op die laaste middag van die skou (Vrydag) plaasgevind het.

Gelukwensinge aan Piet Ferreira van Bultfontein wat die hoofprys losgeslaan het: ’n R20 000 geskenkbewys wat op Taltec-veehanteringstoerusting spandeer kanword. Ons ander wenners het elk met ’n veeldoelige Leatherman Wave weggestap, nl.:

Nampo Geluktrekking wenner,Mnr Piet Ferreira van Bultfonteinontvang sy R20 000 Taltec geskenkbewys, van Jan Coetzee, Voermol agent.

Van links na regs: Hannes van der Linde (GWK Griekwastad takbestuurder), Eugene Nel (Voermol agent), Jacques Herselman (Griekwastad boer) en Paul Marais (Boer van Pofadder-area)

Eugene Nel, Voermol Voere

Boere van die Griekwastad-omgewing in die Noord-Kaap kry hoop nadat Voermol Voere 54 ton Voermol Maxiblokke (V17424) geskenk het. Die skenking was in twee vragte op 12 en 15 Julie 2019 by die GWK Griekwastad tak afgelaai.

Die Griekwastad-omgewing het die laaste drie jaar een van hulle taaiste droogtes op rekord beleef. Die lang-termyn gemiddelde reënval vir hierdie omgewing is net oor die 200 mm per jaar. Máár volgens ‘n woordvoerder van die gemeenskap was daar plase in dié area wat die laaste jaar slegs 30 mm reën ontvang het. “Die wild en vee loop en vrek.” hartseer woorde van ‘n boer in die area. Daar is nie meer veld nie, net kaal grond tussen die bome en bosse. Die landskap lyk soos die van die strawwe Karoo, maar met ‘groter’ bossies.

Die beskikbaarheid van ruvoer is tans die grootste probleem. Metodes om die bestaande bome en bossie in ruvoer vir die vee om te skakel word nou êrenstig deur die gemeenskap ondersoek.

Hierdie Voermol skenking van 54 ton Maxiblokke is definitief nie ‘n oplossing nie en vat nie die droogte weg nie, maar

gee die boere van die Griekwastad-omgewing darem broodnodige hoop. Die Griekwastad gemeenskap het hul dank in oorvloed teenoor Voermol betuig.

Voermol wens die gemeenskap sterkte toe en bid saam met hulle vir vinnige verligting van die droogte.

Voermol gee hoop vir Griekwastad-omgewing in droogte

Gideon Oosthuizen, A McGill, PJ van Schalkwyk, Francois le Grange, Louis du Plessis, Johan Otto, Rudi Slippers en LT Oosthuizen. Baie geluk aan al die wenners in ons Nampo-trekking – ons glo en vertrou dat julle pryse handig te pas sal kom op die plaas.

Voermol wil ook hierdie geleentheid gebruik om dankie te sê aan die boere wat hulle diere aan ons geleen het. Ons kon op hierdie manier ’n heerlike plaasatmosfeer in die stalletjie skep. Dankie aan Hansie Muller van Viljoenskroon vir sy reuse Chianina-kruisosse, Paul van Niekerk van Memel vir sy Bovelder-verse, Jannie van Deventer van Klerksdorp vir sy Meatmaster-ooi en haar tweeling, en Isabel Fourie van Makwassie vir haar Boerbok-ooi en drieling.

Pen nou al Nampo 2020 in jou dagboek neer en besoek Voermol se stalletjie van 12 tot 16 Mei 2020. Ons sien daarna uit om ieder en elk weer te verwelkom.

Documents

Is nét groenvoer of groenweiding genoeg?voermol.co.za/wp-content/uploads/2019/10/...die Ile de France-, Dorper- en Suffolk-genootskappe het op ’n streeksbasis meegeding, terwyl