Ishiwi Pa Mulu Wa Menshi - Kingdom Faith Ministries

1 Kingdom Faith Ministries International, Inc. PO Box 725 * Charlemont, MA 01339 * USA

Web: www.KingdomFaithMinistries.Org © 2003, 2007 Paul D. Norcross. All rights reserved. Permission freely granted to copy if copied in the entirety.

Ishiwi Pa Mulu

Wa Menshi

Ishiwi lya Mfumu

Lili pa mulu wa menshi: Amalumbo 29:3a

Paul D. Norcross

2 Kingdom Faith Ministries International, Inc. PO Box 725 * Charlemont, MA 01339 * USA


Ishiwi

Pa Mulu

Wa Menshi

Ishiwi lya Mfumu Lili pa mulu Wa menshi:

Lesa wa bukata abuluma:

Imfumu ili Pa Menshi ayengi.

Amalumbo 29:3

Rev. Dr. Paul D. Norcross

3

Kingdom Faith Ministries International, Inc. PO Box 725 * Charlemont, MA 01339 * USA


© Copyright 2003, 2007- Paul D. Norcross.

Insambu shonse shasungwa. Uku bomfya ifyaba umu munkama nangu mumakwebo ya bukumu nangu uku nonkelamo kwabindwa kanofye ngacakutila ukusuminishiwa ukwalembwa kwafuma ku walemba. Ukubulamo kwa mashiwi yamo yamo aya nono mukubomfya kwa munkama, ukwabula ukubomfya amakwebo nangu mukusambilishiwa kwebumba nangu ukupitulukamo kwafyalemba muli ili buku kwena

kwasuminishiwa ukwabula nokulemba.

Yonse amalembo yafuma muli King James Translation kanofye ngacatila fimbi fyaishibishiwa. Fimbi ifya lembwa nefya landwa fya fuma kuwalemba pa mulandu wa kukonkomesha. Uku bomfya kwa ku cefya satana mukulemba; kwaba efyo, pantu aba panshi ya makasa ya abo abatungululwa no mupashi wakwa Lesa wa mweo.

Uwa pangile icikope cakunkupo ni David A. Norcross.

ISBN : 0-9671353-5-4

Palwa kumfwilapo ifingi pakukwata iyi matilio elyo no kutantamikwa kwa kusambilishiwa kwa muli ba semina, kuti mwatumina ku:

Kingdom Faith Ministries International, Inc.

P.O. BOX 725

Charlemont, MA 01339

U.S.A

Website: htt: www.KingdomFaithMinistries.Org

4



Ishiwi Pa mulu Wa Menshi

Ifyabamo

1. Ukulila Kwa Mutima Wesu…………………….6 2. Umumana Wa Mweo………….……….……….9 3. Ishiwi Lyakwe Lili Pa Mulu Wa Menshi….…..14 4. Mwilaba Akamfukwemfukwe……...………….19 5. Mu Ng’anda Yakwa Tata……………………...26 6. Inkumbu Sha Mutima Wakwe………………...36 7. Umwana Wa mpanga Akabalisha…….……….40

5



1 Icipandwa Ca Cimo

Ukulila Kwa Mutima Wesu Kabili anangile umumana uwapwililika uwa menshi ya mweo,ayalengama nga cristo, yalefuma kucipuna cakwa Lesa elyo na kuca Mwana wampanga.

Ubusokololo 22:1

Mu cebo cakwa Lesa conse icalembwa, amenshi yalangisha ukulondola ubukulu bwacishinka cacine icabu Mupashi. Umweo wakwa Lesa uwa muyayaya upongoloka nga menshi ukufuma kucipuna cakwe ukuya ku bantu bakwe. Umweo wa uyo uwaliko, kabili ukabako, upela umweo wakwe lyonse lyonse kuli abo abomfwa icilaka ca menshi yakwe, kabili abesa kuli wena mukunwa. Caumfika icikaya? Aya amashiwi yapalana nayo Yesu alandile pampela ya kusefya ukukalamba mu Yerusalemu mupepi ne myaka amakana yabili iyapita: Yoani 7:37-39 Mubushiku bwakushalikishako, bulya ubushiku bukalamba ubwakusefya, Yesu aliminine nokubilikisha, ati, umo umuntu ngaali necilaka, lekeni ese kuli ine no kunwa. Uyo ucetekela muli ine, nefyo amalembo yalanda, ukufuma munda yakwe mukaba utumana twa menshi ya mweo. (Lelo ifi wena alandile palwa mupashi, uo aba cetekela bafwile ukupokelela. Pantu mupashi wa mushilo ali ninshi talapelwa. Pantu Yesu ali ninshi talati akatamikwe.) Bushe menshi nshi aya, bushe yasangwa shani,elyo kabili cinshi cabela icikankala? Cinshi ico Yesu aebela abale mumfwa ukuti banwe ukufuma mu menshi yakwe fye ayo wena alepela, finshi alandila ifi fishinka1 fimo fine ku mwanakashi pa cishima muli Yoani capita cine elyo no

6



kubwekeshapo imikwibili panuma ya citika wa century ku mutumwa Yoani elyo alelemba icitabo ca Busokololo?1 Finshi ifyo fine ifili pali aya menshi ya mweo ifya kuti ifisende umutima wakwa na mayo pa cishima? Yoani 4: 9-15 Elyo atile umwanakashi wa ku Samaria kuli wena, cinshi icakutila iwe uli mu Yuda, uleipusha icakunwa kuli, ine ndi mwanakashi umwina Samaria? Pantu aba Yuda tabampana na bena Samaria. Yesu alyaswike no kutila kuli wena, nga cakutila walishibe icabupe cakwa Lesa, elyo noyo ukwipwishe, ati mpelako inwe; naiwe nga naumwipusha kabili nga na kupela amenshi ya mweo. Umwanakashi atile kuli wena, mwe Mfumu, tamukwete icakutapilako amenshi, elyo ne cishima calishika: nikwisa kanshi uko mulefumya amenshi ya mweo? Bushe imwe na mucila umufyashi wesu Yakobo uwatupele icishima, elyo no kunwamo umwine, nabana bakwe pamo ne Ng’ombe shakwe? Yesu alimwaswike no kutila kuli wena, uyo onse ulenwa kuli aya menshi akomfwa icilaka na kabili: Lelo ulenwa amenshi ayo ine indemupela takomfwe icilaka; amenshi ayo ndemupela yakala fukawila ku mweo wa muyayaya. Umwanakashi atile kuli wena, mwe Mfumu, mpeleni aya menshi, pakuti nikomfwa icilaka na kabili, no kwisa na kabili mukutapa. Bushe ukulila kwa mutima obe kuli ngefi? Bushe umutima obe ulakabila ukunwa ukufuma mukamfukwemfukwe ka menshi ya mweo, pakutila wikomfwa icilaka na kabili? Bushe wali sondapo aya menshi yabu mupashi mulwendo lobe ulwa bwina Kristu? Ube uwashininkishiwa ukuti Yesu Kristu aishile mukupela amenshi yabu mupashi apabula umutengo kuli bonse aba lekabila ukupokelela. Elyo ukabafye no kwishiba pafya landwa pa menshi ya mweo mu malembo tafilingile kupokelela, ngefyo ukwishiba palwa menshi tacingalinga umulendo wa muciswebebe ukwata icakunwa. Tufwile ukunwa ukufuma mukamfukwemfukwe ka Mfumu tekwishibafye ati eko kaba iyoo. Limbi kuti kwaba icimfulunganya – akamfukwemfukwe ka menshi ya mweo tecitabo iyo, nangu amenshi tebotolo ilisungile amenshi. 1 Ubusokolo 7:17 pantu umwana wa mpanga uuli pakati ka cipuna akabalisha, kabili akabatungulula kuntuntuko ya

menshi ya mweo: Elyo na Lesa aka kumuna ifilamba ukufuma ku menso yabo. Ubusokololo 22:17 Elyo Umupashi na na bwinga batila, isa. Kabili leka uyo uleumfwa atile, Isa. Elyo noyo uli necilaka na ese.

7



Amalembo ya fumine ku kamfukwemfukwe, nangu tekamfukwemfukwe muyene yeka iyo. Amalembo ya fumine ku kamfukwemfukwe, nangu tekamfukwemfukwe muyene yeka iyo. Yesu Kristu ekamfukwemfukwe. Kabili abasumina abasambilila ukunwa ukufuma mu kamfukwemfukwe kakwe tabakomfwe cilaka na kabili. Ici citabo cibelepo umulandu wakulondololaubupilibulo bwa kunwa ukufuma mukamfukwemfukwe ka menshi ya mweo, Yesu Kristu. Cingaba ukuti ifwe bonse abali nga na mayo pa cishima, ukuipelesha ukusha umutondo wakwe uwawamisha uwa menshi ya mipepele iya sankanishiwa na masambilisho ayengi, elyo no kusambilila ukulanwa ukufuma ku cishima cakwa Yesu Kristu. Shikulu umwine engatupela elyo no kufusha icilaka cesu munshiku shonse isha mweo yesu. Awe natulongane pa menshi ya ceni cakwe elyo no kunwa ku kamfukwemfukwe kakwe cila bushiku. Na cibe kuli ifwe icishima ca menshi aya lefukaukila ku mweo wa muyayaya.

8



2 Icipandwa Ca Bubili

Umumana Wa Mweo

Kabili ikafika inshita,elyo conse ica mweo,icenda, uko conse uko imimana yi kaya, fikaba no mweo:

Ezekeli 47:9a

Amalumbo 1:1-3 Alishuka ni uyo muntu ushendela mu mano aya panda aba bifi,nangu kwi minina mu nshila ya ba bembu, nangu ukwi kala mufipuna fya ba pumya. Kabili akaba nge cimuti icalimbwa mululamba lwa mu mana wa menshi, uutwala icisabo cauko munshita ya ciko; ibula lyaliko na lyo talyakome; na fyonse ifyo acita fikashuka. Bonse twalimona imiti mu lulamba lwa mu mana. Yaba iikalamba, iya maka, kabili ii twalisha pa mulandu wa cikomo cimo ica ya nguka ica kuti taibulisha enshi aya ba aya kankala ku bumi bwa buntunse, ifyo fine efyo caba na ku bumi bwa mupashi wa muntu. Uku bulisha amenshi kulalenga ukutusa mu mikulile. Uku bulisha amenshi ya bu mupashi uku fuma ku kamfukwemfukwe ka menshi ya mweo kulalenga amafya yamo yene na mukukula kwa bu mupashi mu myeo yaba sumina. Amafunde yakwa Lesa aya lembwa: yafumina kucishima cimo cine na mashiwi ya busesemo: mu busokololo ayo abantu ba mushilo aba kwa Lesa balandile (elyo no kulemba) ngefyo batungulwilwe na Mupashi wa mushilo.2 Aba bali abume elyo na

2 II Petero 1:20-21 ukwishiba ici mukubalilapo,icakuti takuli ubusesemo bwa malembo ebwakwata ubulondoloshi

ubwine bweka. Pantu ubusesemo tabwaishile munshiku shakale pa mulandu wakufwaya kwa muntu:elyo abantu abashila bakwa Lesa balandile ngefyo batungulwilwe na mupashi wa mushilo.

9



banakashi abo imishila yabo lyonse lyonse yalefumya amenshi ya bu Lesa, akamfukwemfukwe ka menshi ya mweo, umu mana wa mweo. Uyu mumana taukama. Uyu emumana wa cine. Eko waba. Lesa ali mukati ka uyu mumana ( ubusokololo 22:1; Ezekeli 47:9). Elyo abasumina ba usanga elyo nokunwa ukufuma muli uyu mumana wantuntuko ya menshi yabu Lesa, imyeo yabo ila funguluka ku maka yakwa Lesa. Abengi aba sumina bali monapo ukupela kwa kwa Lesa ukwa pulamo kunuma limbi mu fya lembwa. Lelo tulefwaya ukuti twikale muli iyi incende lyonse fye kabili tukonkanyepo uku lanwa mukupelwa ukushipwa. Imitima yesu ilekala nokwishiwa muceni cakwe muli uyu oasis wushaishibikwa ifyo engalondololwa, elyo asonsomba Amalumbo yesu, elyo no kusunguka kwesu ukwalinga mukupapa kwesu pa mulandu wa bucindami bwakwe elyo no kutemwa kwakwe kuli ifwe. Muli ii incende, muli uyu mumana wa busuma bwakwe elyo no kusemaminwa, amaka no mutende, isubilo elyo nesenge na kabumba wesu wena uukabila ukwikala pakati ka bantu bakwe. Amalumbo 46:1-5 Lesa cubo cesu kabili maka, icakwafwa kwesu ici bapo munshita ya bwafya. Eico ifwe tatwakatine, nangu Isonde lingafumishiwapo, elyo nangu impili shinga twalishiwa no kuya pakati kabemba; Nangula amenshi ye ngabuluma no kushupiwa, nangu impili shinga sunkanishiwa no kusunkanishiwa kwa shiko. Selah. Kuliko umumana, uyo utumilonga twuko tukalenga umusumba wakwa Lesa ukusangalala, incende ya mushilo iyehema lya wapulamo. Lesa ali pakati kakwe; takasunkanishiwe: Lesa aka mwafwa, kabili mukwan gufyanya. Umumana wa kwa Lesa, encende iyo umwina Kristu onse afwaisha ukulimbwamo. Tencende fye ya bunonshi elyo no kupuputulwa, lelo no kupola kwine. Lesa akatutungululako kuli uyu mumana, incende uko abwesheshamo imyeo yesu. Amalumbo 36:8 Bakekushiwa ukufikapo kufya kuilemena fya mu Ng’anda yenu; elyo imwe mukabalenga ukunwa Mu mumana wakusangalala kwenu.

Amalumbo 23: 1-3 Lesa ekacema wandi; inshakabulwe. Anenga uku yolola mumulemfwe uwalelema: antwala na ku menshi aya tambalala. Abwekeshamo umweo wandi: antungulula munshila shabulungami pa mulandu weshina lyakwe. Amenshi ya bumi ayo yalelondolola apa twafika nga ( amenshi aya pela ngefi umumana wakwa Lesa , amenshi ayali tondolo, elyo akamfukwemfukwe ka menshi ya mweo). Yonse ya lefuma

10



ku cipuna ca muputule wakwa Lesa. Lolesha muli Ezekeli ukuti aya menshi yalefuma mwiyehema lya cipuna ca muputule wakwa Lesa.

Ezekeli 47:1-12 Panuma yaifi andetele ine na kabili ku mwinshi wa ng’anda; elyo, moneni, amenshi yalefuma mwisamba lya cipailo ca ng’anda lwaku kabanga: pantu umulola wa ng’anda lubali ku kabanga,na menshi aya lefuma panshi ukufuma panshi ku lubali lwa kulyo kwa nga’nda, pa lubali lwa ku masamba ya cipailo kabili amfumishe kunse ya nshila ya mpongolo munshila iya moneke ku kapinda ka kukuso; awe moneni, kulya kwali amenshi aya lefuma lubali ku kulyo.

Elyo umuntu uwakwete insalu mukuboko kwa kwe aile ku kapinda ka kukuso apimine ikana limo, elyo andeta mu menshi; amenshi ya fikile munkolokoso.

Na kabili apimine ikana limo; elyo andeta mu menshi; amenshi ya fikile mu makufi. Na kabili apimine ikana limo, no kupisha mu menshi aya fikile mu musana;

Panuma ya ifyo apimine ikana limo; awe wali mumana uyo nshinga buka: pantu amenshi yali ima, amenshi aya kowam, umumana ushingabukwa.

Elyo atile kuli ine, we mwana wa muntu, bushe naumona ifi? Kabili andetele, elyo no kunenga ukubwelela ku lulamba lwa mumana.

Nomba panuma elyo nalebweluluka, moneni ku mbali ya mumana kwali imiti iyi ngi kulubali lumo elyo no kubiye.

Elyo wena atile kuli ine,aye amenshi yaleya ku calo ca ku kabanga, elyo no kuya muciswebebe, elyo no kuya muli bemba: ayo aya leletwa muli beemba, amenshi yalepola.

Kabili ikafika inshita, elyo conse ica mweo, ici kulika, uko konse uko umumana ukaya, ci kaba no mweo: kabili ku kaba isabi ilingi, pantu aya amenshi eko ya kesa: pantu ya kapola; na fyonse fikaba no mweo konse uko umumana ukaya.

Kabili cikafikilishiwa, ukuti abalondo bakemininapo uku fuma ku Engedi elyo na ku Eneglaim; ukuba incende ya kuposelako amasumbu ; isabi lyabo likaba umwabela imibele, nge sabi lya muli beemba mukalamba ilingi sana.

Lelo incende sha miry ishauko elyo nesha marishe nasho tashakapole;shikapelwa ku mucele.

Elyo na pa mumana pamulu wa uko, kuli ulubali elyo na kulubiye, ku ka kula imiti ya fya kulya iyo ama bula yaiko tayakale bonsa, nangu fisabo fya yako uknauka: ikaleta icisabo icipya.

11



Ukulingana ne myeshi ya uko, pantu amenshi yauko yalefuma mwi tempele:necisabo cauko ciba cakulya, elyo nebula lya uko likaba muti.

Mona ukuti aya menshi ya kuposha, ukusanga ya lefuma mwi tempele mu ng’anda yak wa Lesa. Muba hebere 8:2, Yesu Kristu,apyungila lyonse lyonse mu ncende . Yesu Kristu eka pyunga muli iyi ng’anda umo umweo wa menshi ya busunge bwa mweo wa kwe ya fumina. Na kabili twa mona ukushika kwa kulila kwa kwe pa bushiku bwa ku lekeleshako ubwa kusefya ku bacilaka ukutila bese banwe amenshi ukufuma muli iyi incende. Yoani 7: 37-39 Mubushiku bwa ku shalikishako ubushiku bu kalamba ubwa ku sefya, Yesu aliminine no kubilikisha, ati, umo nga ali ne cilaka, lekeni ese kuli ine, no kunwa. Uyo ulesumina muli ine, ngefyo amalembo yalanda, uku fuma munda yakwe mukalafuma utumfukwemfukwe twa menshi ya mweo. (elyo ifi alandile palwa mupashi, uyo aba lecetekela muli wena bali no kupokelela: pantu mupashi wa mushilo ali ninshi talapelwa; pantu Yesu tali tala katamikwa). Kanshi bushe menshi nshi aya yene? Kuti twa mona ifyo ya cita mu mweo wabasumina. Kuti twamona inkumbu shakwa Shikulu ilyo aletukoselesha ifwe uku ya nwa. Ukuti twacimona ici ukuti fyonse fili kubomba kwa kwa Mupashi Wa Mushilo. Nomba bushe kuti ya bomfishiwa shani? Bushe kuti twa ya kwata shani ifwe bene?

12



3 Icipandwa Ca Butatu

Ishiwi Lyakwe Lili Pa Mulu

Wa menshi

Ishiwi lya Mfumu lili pa mulu wa menshi: Lesa wabukata abuluma: Imfumu ili pa mulu ya menshi ayengi.

Amalumbo 29:3

Ukupongoloka kwa menshi ukufuma kucipuna camuputule wesano lyakwa Lesa cikope ceshiwi lya Mfumu. Tulebelenga mu malembo ayafumako mu malumbo 46:5 ukuti Lesa ali pakati ka menshi. Ishiwi Lyakwe lyenda pamulu wa aya menshi. ( Amalumbo 29:3). Ukusenda ku mupashi wa mushilo, walelolela Ishiwi Lyakwe ukulanda ukuti Isonde libeko mu kutendeka capita wacimo. Ishiwi Lyakwe lyalengele kabili licili lilesunga Isonde.3

Naleloline , limo line Ishiwi lyakwa Lesa rhema, amenshi ya mweo rhema aya lepongolwa ukufuma kucipuna camuputule wakwa Lesa, eyo abasumina bafwile ukumfwa nokwikalilamo.4

3 Aba Hebere 11:3 kupitila mu citekelo twalishiba ukti ifyonse fyalengele necebo. ( i.e. Ishiwi ilya landilwe- rhema)

ilya kwa Lesa, mukutila ifintu ifi moneka tafyalengelwe nefintu ifi moneka. Aba Hebere 1:3 uyo uwaba icipasho cakubengeshima kwa bukata bwakwe, kabili ukumoneka kwacata ca buntu bwakwe elyo nokwikatilila ( i.e ukusunga) ifintu fyonse ku cebo ( muci greek Ishiwi lyakutila rhema, cipilibula ukutila Ishiwi ilya landwa, i.e ukumfwika) kumaka yakwe, ilyo umwine eka apashile imembu shesu, aikele ku kuboko kwa kulyo kubukata bwapulamo; 4 Mateo 4:4 Blyo ayaswike nokutila, calilembwa aciti, umutnu tekuti abe nomweo kumukate weka iyo,kano kucebo

conse [rhema, icebo icalandwa] icafuma panwa kakwa Lesa. Mona namu Malango 8:3 umo aya malembo yafuma ngecikankala icakushinguluka kwa muciswebebe!

13



Ukupongoloka kwa uyu mumana wa mweo uwa mashiwi ukufuma kucipuna ca Mfumu ukuya mu mupashi wawasumina onse euleya ukupekanishiwa kwa Lukuta, nabwinga wakwa Kristu.

Efeso 5:25-27 Mwebalume, temweni abakashi benu, ngefyo kristu atemenwe icilonganino, elyo nokuipele umwine palwa cilonganino. Pakutila engacishisha elyo no kucisangulula mukusamfya kwa menshi, ukupitila mucebo, Pakutila acipele ku mwine ngolukuta lwabukata, ukwabula akalema, nangu iminkoni nangu icily conse icamusango uyo; lelo ukuti lube ulwa mushilo kabili ukwabula akalema. Kuti cabashani icikankala elyo aya amalembo yaba ayaishibikwa ifyo nabwinga wakwa Yesu asanguluka, apekanishiwa elyo nokupangwa uwa mushilo ukwabula akalema ukupitila mukusambwa kwa menshi mu busokololo bwacebo ca rhema.

“ Pacebo” cabena Efeso 5:26 cakutilafye en rhema, icilepilibula ukti “ mukutusha nangu mukukonkanya kwa kulandwa.”

Ifi ifya kulandwa, amashiwi ayalefuma kuli Yesu, yafuma kuli wena munshita yakwa Mupashi Wa Mushilo, ngayo ayo Yoani apokelele pakulemba icitabo ca busokololo. Yalefuma mukamana kamo kene aka menshi ya mweo ayo Paulo apokelele ilyo alelemba amalembo, ya mucipangano cipya, apo alandile ukuti: lelo indetila kuli imwe mwe babwananina, ukuti imbilansuma iya bililew kuli imwe ukufuma kuli ine teyamuntu . Pantu inshaipokelele ukufuma kumuntu, nangu kuti nalimo nafundililwefye, lelo kupitila mubusokololo bwakwa Yesu kristu.5

“Ubusokololo bwakwa Yesu Kristu” bufuma mu menshi yamweo aya mashiwi ayalepongolokela kuli Paulo ukufuma mwisano lyakwa Kristu. Paulo alembelefye, ngefyo Yaoni nao afilembele nefyo aletungululwa mu busokololo capita wacimo. Naifwe bene pamo tufwile ukutusha elyo nokunkonyapo mu kunkanyapo kwa kupongoloka kwa mumana kwa mashiwi ayo Yesu alelanda kuli ifwe ukufuma ku mutima wakwe, ukwisa mu mupashi wawasumina. Aya emashiwi ayo tufwile ukwikalilamo – aya rhema amenshi yamuli Mateo 4:4 ayafuma pa kanwa kakwa Lesa.

Ilingi tuleshiwa nokuitontonkanya ukuti abatumwa Yoani elyo na Paulo baliba abapusanako nangu abalinga sana ukucila ifwe mukuba impanga ishumfwa Ishiwi lya Mfumu ( Yoani 10:27).

Lelo ifitefyo ifyo amasambilisho ya mumalembo yaba. Tufwile ukunwa ukufuma mucishima cimo cine, elyo neyi rhema Ishiwi ukufuma mukamfukwemfukwe – ka menshi yamweo, amenshi ayatusamba elyo nokutulenga ukuba ababula akalema nangu iminkoninkoni nangu ukukowela

5 Galatia 1:11-12

14



pacinso cakwe, efyo tuba abaipekanya ku bwinga bwakwa Shibwinga elyo nana bwinga. Onse ulinecine ali nokumfwa Ishiwi lyakwe,6 elyo uyo uwakwa Lesa, omfwa Ishiwi lyakwa Lesa [rhema].7

Aya yali amashiwi yakwa Yesu kuli Pilato elyo naku ba Yuda aba mukene panuma yakulanda kuli bena.

Beni abashininkisha, mwe batemwikwa, tatu mukene ilyo twalumbula wena nga shikulu kabili kapususha.

Abeba Roma 10:8-11,17 Bushe catila shani? Icebo ( rhema) cili mupepi naiwe, na mukanwa kobe, elyo na mutima obe: ekutila icebo (rhema) cacitetekelo, ico tubila; Ukutila ukapusuka ngawalumbula nakanwa kobe ukutila Yesu ni Mfumu, elyo nokusumina mu mutima obe ukuti Lesa amubushishe kubafwa, awe ukapusuka. Pantu kumutima umuntu asumina no kulungamikwa; elyo kukanwa alumbula nokupusuka. Pantu amalembo yatila, onse ulesumina muli wenatalengwe insoni. Eico kanshi icitetekelo cisa mukumfwa, nokumfwa icebo (rhema) cakwa Lesa. Ifyo fine ilyo twingashininkisha ipusukilo lyesu, tatuwfilefye ukwikalafye iyo. Tufwile ukulabomba umulimo wakwa tata, ukukonkanyapo mufintu fyakwa Mupashi wa mushilo:

Ukusambilila ukuwila mukutemwa nowa kutemwa kwa kubalilapo, Yesu Kristu. (Ubusokololo 2:1-7),

Ukupekanya imitima yesu mukumfwa ukutotosha kwakwe. (Inyimbo shakwa Solomoni 2: 14;8:13-14; aba hebere 4:1-16; 12:25-29),

Ukusambilila ukwikala pa busokololo bwacebo rhema umukate uufuma mukanwa kakwe (Mateo 4:4; Amalango 8:3)

Ukusuminisha ilya rhema ubusokololo ukutusamba ifwe kumupashi bwino ( Efeso 5:26) elyo nokukula icitetekelo (Abena Roma 10:17)

Elyo nokutulama ukufuma kuli bucisanguka ulubembu ubuloshi, ukutalama, amampulu, ukupepa utulubi (1 Samweli 15:22-23)

6 Yaoni 18: 37

7 Yaoni 8:47a

15



Kabili nokutusunga ukufuma mukutalama,ulubembu,ubuloshi, ukupondama, amampulu Ukupepa utulubi (1 Samweli 15 : 22-23).

Uku ekupekanishiwa kwesu ukupitila mukutusamba mu mumana wakwe wa cebo ca rhema ica mweo, nga na bwinga uwabula akalema, iminkoni, nangu ububi. Bushe umutemwika wesu wesu engopa nabwinga uyo tengalanda nankwe, umo uyu shasambilila ukumfwa Ishiwi Lyakwe ica kubalilapo, nge mpanga (Yoani 10), kabili ngakatemwa uwa ikushiwa neceni cakwe (ulwimbo lwakwa Solomoni 2: 14; elyo na capita 1 elyo na capita 2)?

Tulakwata icilaka caceni cakwe kabili tulakabila ukunwa ukufuma mu cishiba cakwe, akamfukwemfukwe kamweo, ukupitila mukumfwa Ishiwi lya Mfumu Ishiwi ilyenda pali ayo amenshi aya lowa, (Amalumbo 46:4-5; 29:3-4; 36:8-12). Ubukata bwa ceni cakwe bulasokoloka mwishiwi Lyakwe. (ukutendeka 2: 8; ukufuma 33:12-23; 1 Samweli 3:21). Elyo kwawama ukutemwa kwakwe elyo nenkumbu shakwe kuli ifwe, ukutusuminisha ukupalama kuli wene, nawena ukupalamina kuli ifwe!

16



4 Icipandwa Ca Bune

Mwilaba

Akamfukwemfukwe

Pantu abantu bandi nabacita ifibi fibili; nabandekelelsha ine ne kamfukwemfukwe ka menshi ya mweo, nokwimba abene ifishiba,ifishiba ifyakutobeka, Ifishingasunga amenshi.

Jeremiya 2:13

Tukosha isenge lyesu nawena elyo tulepalama mupepi kabili nokulaposa inshita fweka pacipailo ico twasalapo ukupekanya mumitima yesu. Ngefyo Mose akumene na Lesa pa Njende ya mutabanako, kanshi kuliko incende tupekanya mwi yehema, lya mupashi wesu. Iyi encende umo tusambililamo ukunwa ukufuma mukamfukwemfukwe kamenshi ya mweo.

Ulubembu ulu kalamba elulacitwa elyo abantu bakwa Lesa bafilwa ukunwa ukufuma muli aka kamfukwemfukwe, incende ya kusambililamo ukumfwa Ishiwi Lyakwe. Icakubalipo tabapokelela amenshi ya mweo ayalingile aya pela umweo, wa muyayaya yalingile ukusunga umweo wabo uwabu mupashi muli Shikulu. Icabubili, ukukwata uku kabili kwa menshi yamweo, balaipangila abenebeka amenshi yabo. Ici ecalenga ukuti kwaba na masambilisho ayengi mufilonganino, mwi sonde,nafimbi ifya kwata ifintu ifisuma, umwaba ukutemwa mumibele. Lelo bala bulisha icintu cimo: Amenshi ya mweo.

17



Amenshi ya ifi yafumafye mukamfukwemfukwe kakwa Yesu kristu. Ecalenga ukuti ifilonganino ifi kalamba ifya muli lino isonde tekuti ficite ifisungusho ifya kwa kristu mubushiku bwalelo. Icabulanda, tebena Kristu abengi abengacita ifisungusho cinshi cabela ifi?

Ifisabo ifisuma fifuma mu miti iyisuma iya tapililwa. Amenshi ya mweo yaleta icisabo cabu mupashi ica maka. Icisabo camenshi ya mweo nacilinga. Abasumina abanwa ukufuma mukamfukwemfukwe ka menshi ya mweo balikwata icisabo cabu mupashi icalinga mu myeo shabo.

Ici cisabo calundwapo ukushinunkisha kwa kwa Lesa mubumpyungishi bwabo mufyakumwenako, ifisungusho elyo nefipapwa.8 Cine cine ifi fyalundwapo nokuwina abaluba. Elyo amenshi ya mweo aya cine aya kufuma kuli Yesu kristu kabili yalundwapo ifisungusho, ukundapa, ukutamfya imipashi yakowela, ifya kwishibilapo fya butumwa elyo nefya kwishibilako fya mupashi ifili ngokulandila mundimi shimbi.

Calenga ukucefya mukwishiba ukuti nine Lesa kabili inshipilibuka,9 tekuti tucinje inshila iyo Lesa aslapo ukubombelamo naifwe. Twalikoseleshiwa ukunwa mucishiba cakwe, necisabo cakufwailisha ifya ifi fikafumina mu mapalo yakwe aya kushininkisha ico.

Ngacakutila twafwaya inshila shesu fwebene, inshakupyungilamo, ukutungula imyeo shesu elyo ne milimo yesu ukwabula ubusokololo ukufuma kumukalamba wamilimo, tuli nokuba nga Kaino uwa bombeleko Icipandwa lubali ica mulimo wakwe kuli Lesa, elyo abombele ukulingana ngefyo atontonkenye umwine ukuti efyo cifwile ukuba,ukwabula ukukonka ifyo Lesa amusokolwele mubusokololo. Ifya fuminemo? Lesa tapokelele ilambo Lyakwe. Kaino alifulilwa Lesa. Ukupitila mukalumwa abulile ubukali bwakwe no kububika pali munina elyo no kumwipaya. Tufwile ukubomba imilimo yesu iya bukapepa ukupitila mukumfwa Ishiwi lyakwa Lesa elyo nokulyumfwila bwino bwino.

8 Imilimo Yabatumwa 2:22 Mwebantu ba mu Israel, umfweni aya amashiwi; Yesu umwina Nazareti,umuntu uwashininkishiwa na Lesa pakati

kenu mu fisungusho elyo nefipapwa nefya kumwenako, ifyo Lesa alecita pakati kenu, ngefyo imwe bonse mwaishiba:

Mariko 16:17-20 Nefyakumwenako ifi fikakonka abo aba kacetekela; mwishina lyandi, bakatamfishamo ifiwa; bakalandila mundimi shimbi; Bakekata insoka; kabili nangu banwa icibwanga, tacakacite kantu; bakabika indupi shabo pabalwele, kabili bakaba bwino. Panuma shikulu alandile kuli bena, alisendelwe mu mulu, no kwikala kukuboko kwa kulyo kwakaw Lesa. Elyo baile, no kushimikila konse konse, Shikulu alebomba nabo, elyo no kushininkisha icebo nefya kumwenako ifyalekonkamo. Nacibe ifyo ifine. Yoani 14:12 Icine cine indetila kuli imwe, uyo uwacetekela muli ine, imilimo iyo ncita nao akacita elyo no kucilapo pantu indeya kuli Tata.

9 Malakai 3:6

18



Bushe niyanga amabumba ya maminisitili aya lecita ifintu ifisuma (umwabela amino yabo elyo namano ya abo ababakonka) lelo Lesa talanga ukushininkisha kwakwe ukupitila mufya kumwenako, ifisungusho, elyo nefipapwa?

Mwe batemwikwa bandi, ukwabula ubusokololo ukufuma mucishima cakwa Yesu Kristu, utushiba twamasambilisho ya bwina Kristu tulema, elyo nokwisusha ifya kutantika ifya lukuta mukupimpa ukukalamba. Lelo ifilabulisha ifya kumwenako ukushininkisha kwakaw Lesa. Bshe finshi fya citika?

Ngafilya fine abantu bakwa Lesa abafwile muciswebebe ukupitila mukufilwa ukumfwa Ishiwi lya Mfumu, 10 ifyo fine Lesa akasuminisha abantu bakwe ukufwila muciswebebe kanofye bakasambilile ukumfwa kwishiwi lyakwa Lesa abene elyo nokubela, ekunwa ukufuma mukamfukwemfukwe ka menshi ya mweo, Yesu Kristu. Panuma, yaifyo elyo Lesa akabasuminisha ukwabuka ba Jordan babo nokuya mucalo. Cabulayo cacipangano cipya ica mapalo. Mpaka fye nelyo ulukuta luleikala ukwabula amaka ululwele, ulwa cimfulunganya, kabili, ulwabula ifisabo elyo lwa palanishiwa mukwenda kwa maka mukukonka muli Kristu ngefyo lufwile ukuba pa mulandu wakumfwa Ishiwi elyo nokubela Ishiwi Lyakwe. Nili Ishiwi ilepongoloka nga menshi ya mweo ukufuma mwi yehema.

Ukukabila mu menso yakwa Yesu kwali konkanyapo ukuba ulukuta lwakwe. Efyo abekelwa mwisenge banana bwinga wakwe uwatemwikwa! Elyo wena amufwaisha, ukutemwa kwakubalilapo!

Uyu emutima wauyo uyo Yesu alepekanya, ukupitila mukusamba kwa cebo cakukonkanyapo kwa busokololo bwa menshi. Ukufuma mundashabo balisambilila ukumfwa ukupongoloka (rheo- ukwafuma Ishiwi lya rhema) kweshiwi Lyakwe mumipashi yabo (Yoani 7:37-39). Iyi enshila iyo alemupekanishishamo kubushiku bwa bwinga ne Mfumu; uku musangulula na menshi yakwa mupashi wa mushilo, ukumupanga ukwabula akalema, ukwabula nangu umunkoni nangu ukukowela.

Ubusokololo 3: 20-22 Mona ninjimina pamwinshi, elyo nokukonkonsha: ngo muntu aumfwa Ishiwi lyandi, elyo nokwisulako icibi, indeingila kuli wena, nokulya pamo nankwe, elyo nao alelya pamo naine. Kuli uyo ukacimfya inkamupela ukwikala naine pacipuna cabu Mfumu, ngefyo naine nacimfishe, kabili nalikala pamo na Tata mucipuna cakwe.

10

Yoshua 5:6 Pantu abana bakwa Israel baendele imyaka amakumi yane muciswebebe mpaka abantu bonse abali ifita fyankondo, abafumine

mu Egypto bali onauwilwe, pantu tabaumfwile ( Heb “ shama icilepilibula ukuti ukumfwa, ukukutika, elyo nokubela, ukumona). Ishiwi lya Mfumu: kuli bena Imfumu yalapile ukuti tayakabalangishe icalo, ico Lesa alapile kuli bashibo ukuti akatupela, icalo icifumfumukamo umukaka elyo nobuci.

19



Uyo uli nokutwi lekeni omfwe ifyo umupashi ulesosa kunkuta.

Ifyo fine ngefyo imfumu yatambika umutambu waiko kuli na Mfumu Esita, pakutila uyo uwapekanishiwe engengila muceni caiko,ifyo fine nana bwinga wakwa Kristu mubushiku bwalelo alepelwa insambu shakwingila muceni ca Mfumu. Tulekata umutima wakwe ngefyo na Esita aikete mutima wamwina mwakwe. Umwina mwakwe alilanda mukubalilapo, elyo nao asambilile ukumfwa. Alicimfya kabili aliitwa mukwikala pamo ne Mfumu pacipuna cabufumu. Ifyo fine na bonse abasumina abaishiba ukumfwa elyo nokubela Ishiwi ukufuma mukamfukwemfukwe ka menshi ya mweo.

Bushe ukupekanishiwa kwa ifi kutemwa kwashani? Mwaba ifya kumwenako ifingi mu malembo. Umutumwa Paulo, icakumwenako, aile ku Arabia pa myaka itatu, lelo temukusambilila icipingo. Alicishibe bwino, ifyo fine efyo tufwile ukuba. Cine cine, ubusokololo ubo tutonkanya ukuti tulepokelela tekuti bushninkishiwe ukwabula ukwishiba amalembo bwino. Lelo Paulo taile ku Arabia mukusambilila nafimbi ifya mu malembo, lelo musambilila ifya kumfwa Ishiwi lya Mfumu. Aile mukusambilila ifya kwikala no kwenda elyo nokukwata ubuntu bwakwe muli wena, kupitila mu maka yakwa mupashi wa mushilo. Camusendele imyaka itatu.

Bushe cili nokutusendela inshita yalepa ifi? Ico kuti cabafye. Bushe kuti waipelesha ukuposa imyaka itatu iya inshita yobe ngacakutila efyo imfumu ikwebele ukucita? Bushe nauipelesha ukushitisha fyonse elyo nokushita ilibala umuli icipao cakwa mpana nankwe, nangu bushe uli ngo mwaice umukankala uwatemwishishe ubunonshi bwakwe ubwa muli cino calo ukucila imfumu, icakutila tekuti afibike panshi panshita iyalinga mukukonka imfumu? Umone ngacakutila bali kulaile imyanda ikumi mu ma dollars panuma ya kupwisha imyaka itatu iya masambililo yobe. Bushe kuti waleka incite yobe iyo ulecita pali nomba elyo nokuipelesha ukubika imyaka itatu ilekonkapo mubumi bobe? Bushe cinshi absumina tabamwena ukubika fyonse mukwishiba iciunda ceshiwi icakwa Kristu ilya menshi munshila, imo ine?

Bushe icipao cakwe tacacilishamo ubukankala? Imfumu yalikwata amasambilisho aya pekanishiwa kalibela kuwasumina onse. Capekanishiwa mukubafwa ukufikilisha ubuyo bwabo ubwapelwa na Lesa panuma basambilila ukunwa ukufuma mukamfukwemfukwe kakwe aka menshi ya mweo. Imyeo yesu ukuipelesha, elyo nokuikobanya ilingi efipao ifyo twakwata. Lelo ilyo twafikatilila mu maboko, kuti twba ngo mulumendo umukankala uwafumine nokukana ukunwa ukufuma mutumilonga twa menshi ya mweo pa mulandu wa mutengo wakukonka ifya tantamikwa mu masambilisho ya Mfumu ifyali ifya mufinine ukusenda.

Yesu tatala atwipusha ifwe ukuti tukope ubupyungishi bwa muntu umbi. Ili itontonkanyo lyaba limo mufishiba fya mumipangile ya mipepele Yesu. Tutontonkanya ukuti limbi akatwipusha

20



ukuti tuye kulubali lumba ulwe sonde, nangu limbi ukwikala mucipowe. Imfumu itwipushafye ukuti tumfwe Ishiwi lyaiko elyo nokubela. Kanshi ifyo alekweba ukuti ucite kuti fya pusanako nefyo alenjebaine.

Aebele Petero uku kana posako amano kubupyungishi buntu apele Yoani. Bambi abasumina balatina ifishaishibikwa sana, elyo nokwikatilila kufyo babelesha sana, icakuti tekuti bacetekele Lesa ukuti abatungulule mubufwayo bwakwe pa myeo yabo. Necifumamo, imyeo yabo ilapanya ifisuma ifya bulesa, amapange, ubufwayo impela elyo nefilongwe fya ku mulu ifyo Lesa asunga ukuti bakapokelele! Fyonse ifi napa mulandu wa kuti balekana, nangu limbi ni pa mulandu wakuti bale bofya imitima yabo lubali muku bomfya inshita mukusambilila mukushipa ukumfwa elyo nokupimpa ukubela Ishiwi lya Mfumu.

Abengi abatemwikwa bandume elyo nabankanshi muli Kristu balapepa ukuti beshibe ubufwayo bwa Mfumu (ipepo ilya shabamo na mucipingo), bushe umwana alingile ukupepa ukuti eshibe ubufwayo Bwa bafyashi bakwe bantu akwata isenge nabo? Bushe tababa lyonse mupepi mukufunda, ukutungulula, elyo nokulanga mukutemwa? Efyo umo alebomfya mukusambilila ukumfwa elyo no kubela Ishiwi lyakwa kacema fikaleta ifilambu ifikankala muli uno mweo elyo na muli uyo uleisa. Abantu bakwa Mose balikana ukuya pa lupili mukumfwa Ishiwi lya Mfumu, lelo basalile ukuti Mose abaileko bushe imfumu kuti ya kulashani pa lukuta ululeipusha11 Shimapepo wabo ukuti abeeshiwi lyakwa Lesa kuli bena?

“nkonkeni ine” Yesu aita Petero panuma yakumukalipila pa mulandu wa mutima wakwe uwakukana muli Yoani 19: 15-22. Amashiwi yakuti “Nkonka ine” yalepilibula ukukonka umo uletangilila, ukushindika, ukuilundako ngo uleafwilisha.12 Yesu aletwipusha ukuti tumushindike. Alapekanya amenshi ya mweo kuli abo, bonse ababula inshita tabo mufintu ifingi ifyo bacita nokumupela mukuti babe nankwe. Alakanya umutima wakwe mukutemwa- bushe cinshi cingakanya ukuti tuponene mukutemwa kwakwe elyo alelanda naifwe elyo tuleya nankwe munshila? Bushe kuti atupela shani amenshi ayatalala aya mweo kabili ayakupuputula,elyo tatulesambilila ukwisa kuli wena elyo no kunwa?

Ipepo lya kubafye weka lipepo lya kwampana na umo uwaiikele ubumi bwakwe mu kupapatila abashila. Kuti twasambilila ukumulekela ukuti atutantamikile ifyo twalabomba mubushiku ubwacha. Intuntuko kabili kapwisha wa citetekelo cesu alelolela ukwita kwa mweo wa uli nensala ulekabila ukulya ubusokololo ubupya ubwa mukate. Alasenda amenshi yamweo kuli bonse abali necilaka, kabili icicine ceka cikaba akamfukwemfukwe ka menshi, alefukawila ku mweo wa muyayaya. Yangu ifyo ukutemwa kwakwe kutusonsomba ukututwala kuli wena ilyo

11

Aba Hebere 12:18-29 12

strong’s concordance, akoloutheo # 190

21



tuli aba nenuka kabili ifyo mukwanyufyanya atukoselesha elyo twasambilila ukuba tondolo muceni cakwe, ngefyo Elaija asambilile ukucita! 13 Tulasambilila ukubatondolo kuli wena, ukwingila mukutusha kwakwe ukufuma ku milimo yesu,14 ukuleka ukuti abombe ilimo yakwe. Tatufwile ukulekelesha intuntuko, imofye iya kulandilamo na kasambilisha mukalamba wesu, Yesu Kristu.

13

1 ishamfumu 19:12 14

Aba here 4:9-11

22



5 Icipandwa Cakulenga Busano

Mu Ng’anda Yakwa Tata

Mu ng’anda yakwa Tata mwaba apakwikala apengi: ngatacali ifyo, Nga nail mweba. Naya mukumupekanishisha incende yenu. Kabili nganaya nokumupekanishishisha incende yenu, inkabwela nakabili, nokumupokelela kuli nemwine; Pakutila uko nkaba, naimwe ekomukabe

Yoani 14: 2-3

Yangu icongwe ifyo caba icakwikala mwibala nomutemwikwa wesu, shikulu Yesu kristu, uo ukukabila kwakwe uku kalamba kufunda ifwe bonse ifya kwingila elyo no kutusha mu muputule wa cipuna caceni cakwa Lesa. “Ukuti babe umo, ngefyo naifwe twaba umo” efyo apepele Yesu mwibala muli Yoani 17: 22.

Indecetekela uku kabila mu mweo onse kuba umo capamo na Lesa. Uku ku kabila ukufwile ukupangwa.Yesu Kristu aishile mukupanga “Buumo“ ukuba ica cine kuli abo abalekabila ukuya kulya!

Muli Yoani 14, Imfumu yapangile icikomo icikankala pa mulandu nobuyo bwesu:

Yoani 14: 1-2 Mwileka imitima yenu isakamane: Cetekeleni muli Lesa, Kabili cetekeleni na muli ine. Mu ng’anda Yakwa tata mwaba apakwikala apengi: ngatacali ifyo, nganshimwebele. Naya mukumupekanishisha incende yenu.

Bushe miku inga nabelenga aya mashiwi Kabili nokukoleleshiwa mukutontonkanya ukuti kuli ing’anda yandi kuntanshi ilepekanishiwa ku mulu. Cili icayanguka ukumona ifintu fyonse ifya emba ifyo twingafwaisha uku kwata kulya. Limbi ici cine ecikope cesu icakuntanshi palwa ku

23



mulu. Lelo bushiku bumo ilyo nalebelenga aya amalembo, Imfumu yatampile ukunanga ifishinka fimo ifya njikete.

Ishiwi “lya Ng’anda“ lya lilondololwa bwino “ukuba injende yakwikalamo” nangu “apakwikala”. Elyo naleshetulula aya amalembo, Mupashi Wa mushilo atampile ukunanga ukuti aya amalembo tayalelanda fye palwa mulandu wa ncende yakuntanshi. Mona mu verse 3:

Yoani 14:3 Kabili nganaya no kupekanya incende yenu, nkabwela na Kabili, elyo nokumupokelela kuli ne mwine; ukuti ukondi, eko naimwe mukabe.

Imfumungulo mukwishiba aya amalembo ili mukwishiba ukuti Yesu alelandila mu mupashi palwa ncende mu mupashi ukondi. Taletila “uko nail”, nangu “ uko nkaba,” lelo “ ukondi.” Mu mashiwi yambi uko Yesu ali nomba line, naiwe kuti wabako. Iyi nincende mu mupashi, tecende ya buntunse.

Yesu alingile ukufumapo mukuti asuminishe kafwa, mupashi wa mushilo, ukuti eese (Yoani 16:7). icintu cimo icalengele ukuti Yesu aleya kupekanya incende mu mupashi Pakutila iwe ukekalemo, Pakutila wingaba uko Yesu ali.

Limbi kuti uletontonkanya, “awee, ndetontonkanya ukulingana na Colosse 1:26-27 ukuti ni Kristu muli ine, isubilo lya bukata,” ee naulungika. Kristu cine cine aba muli onse uwasumina Kabili uwa fyalwa cipya cipya. Lelo ishiba ici- incende umo tukumanisha Yesu n incende yabu mupashi, Kabili incende yakwampana elyo nesenge pamo na tata elyo na Yesu Kristu encende mu mupashi. Yesu aile mukupekanya iyi incende yobe Pakutila wingayako kulya panshita ili onse ilyo ulefwaya.

David aitile iyi ncende ukuti “muncende umwafisama umwa wa pulamo” mu malumbo 91:1, Yoani aipashenye ku ncende ya kulilapo petebulo capamo na Shikulu (ubusokololo 3:20). Takwaba nangu umo uwasonda ukwampana, ukwenda na Shikulu elyo no kufikilisha ukucita ifya fipapwa fya mubufumu uwafilwa ukwishiba elyo nokubomfya ici cine cabumupashi: icakutila iwe naine twapangilwe pa mulandu wakukwata ukwampana mwisenge ilyashika na Yesu Kristu, elyo no kupitila muli wena, ukwampana na tata. Ici eco Yesu aishile elyo no kukufwila. Ukwendela mu mupashi, Kwaiminina pakusambilila ukwingila muli iyi ncende Yakwa mpana na Yesu Kristu.

24



Ishiwi Ukufuma Kufya Kunuma

Leka injakane naiwe ukufuma mucitabo Ukupashanya Kristu . Calembelwe na Monk ishina Lyakwe ni Thomas a’ Kempis, uwalembele mukutampa kwa muma 1400. Mucalembelwe ukuti, “Mufya kulanda fya fya mukati ifya kwa Kristu ku mweo wawa cishinka”

Atile:

Indinokumfwila, efyasosa Umweo uwaipelesha, Kabili indi nokumfwa ifyo shikulu Yesu alinokulanda Kuli ine. Alipalwa nuyo Umuntu umfwa Yesu Alelanda mu mweo Wakwe, Kabili ubula ukufuma ku kanwa kakwe Amenshi ya cikoselesho.15

Yalipalwa Ayo amatwi ayomfwa ifya nkama Ifya kutotosha fyakwa Yesu, Kabili ukwabula ukumfwila ifyabufi fya Kutotosha ifya ili sonde, Kabili Yalipalwa amatwi aya shumfwa ifya kulanda fyakunse Lelo kano ifyo lesa alanda elyo nokufunda mukati ka mweo. 16 Yalipalwa amenso aya isalikwa kufya kumona ifya fye ifya kunse Elyo nokumfwa kufya kwenda fya mukati ifyakwa Lesa. Kabili balipalwa abo, Aba nonka amaka elyo nokuipekanya abene kubusuma Bwamubili elyo na kumilimo ya bumupashi mukupokelela Cilabushiku ifyafula Kabili, Ifingi ifya nkama Kabili ifyakwa Lesa. Kabili balipalwa abo, Abaipatululako abene nokuipela onse mukubombela Lesa Kabili abo pa mulandu no mulimo wakwe bafumyapo fyonse, Ifya kucilinganya fya mwisonde. Yangu we mweo wandi, umfwa kufya landwapo kale Kabili isala ifibi fya myumfwile yobe, iyo emyumfwile yobe isano, pakuti umfwe ifya mukati ifyo shikulu Yesu alelanda mu mweo obe. Ifi efya landa umutemwikwa obe. Indibumibobe, indi mutende obe, indi bumi bobe. Isunge muli ine elyo ukasanga umutende muli ine. Sula ukutemwa kwa fintu ifipita elyo ufwaye ifintu ifya muyayaya. Bushe ifintu fya pakashita akanono nifinshi lelo fyabufifye? Kabili bushe finshi fili ifibumbwa fyonse kuli iwe ngacakuti Shikulu Yesu akulekelesha? Eico, ukusha elyo nokusula fyonse ifya bumbwa nefya mwi sonde, cita ifili muli iwe ukulenga ukuba, ulesekesha kuli wena, Pakutila panuma yabubumi ukase ku mweo wa muyayaya mubufumu bwa bwakwa Lesa.17

15

Meteo 4:4 - umuntu tengekalila ku mukate weka lelo kano kucebo conse ( rhema- e.i . ubusokololo manna) icifuma pakanwa kakwa Lesa.

16 Yoani 2:27 – Lelo isubo ilyo mwapokelela ukufuma kuli wena likalila muli imwe, Kabili tamulekabila umuntu

nangu umo ukumufunda: lelo ngefyo isubo limo line, limufunda fyonse Kabili cine, Kabili tamulibufi, Kabili ngefyo lya mufunda mukekalilila muli wena.

17 a’ Kempis, Thomas; ukupashanya Kristu,; doubl eday, 1955.

25



Yesu aile mukupekanya iyi incende ya kumfwa Ishiwi Lyakwe, incende umo twingasambilila ukwi kalila peshiwi lyonse ilifuma pakanwa kakwa Lesa. Impanga shakwe shumfwa Ishiwi Lyakwe, Kabili shilamukonka. Tashikonka Ishiwi lya umbi. Ukutungululwa no mupashi kutumgululwa nefyakulanda fyakwa Yesu ukwampana nolukuta, lwakwe umwine. “Nga mwa ikalila muli ine, elyo namushiwi yandi muli imwe…..” Efya landa Yoani 15:7. Bushe isenge lya muntu uyo mwatemwana nankwe kuti lya iminina shani pafya lembwa pali bena, ukucila ukula lashanya nabena lyonse? Yangu insansa ishabamo mukumfwa Ishiwi lyakwa Shibwinga! Bushiku bonse bupya capamo naumo wuntu watemwisha, Yesu Kristu.

Ubufumu Bwakwa Lesa Ceni Cakwe

Ubufumu bwakwa Lesa tekulya elyo nokunwa, lelo bulungami, elyo no mutende, elyo nensansa mu mupashi wa mushilo.18 Ubufumu bwakwa Lesa tabwaba fye mu mashiwi, lelo mumaka,19 ubufumu bwakwa Lesa tabwisa mu mimonekele (i.e kumano yasano)….. buli muli imwe.20

Ubufumu bwakwa Lesa tecende Kabili tenshita iya bikwa. Lelo ceni cakwa Lesa. Ceni cakwa Lesa eco tufwile ukufwaya mukubalilapo, elyo nobulungami bwakwe, elyo na fyonse ifi fintu ( cine cine muli uno mweo) fikalundwako, kuli imwe.21 Ceni cakwa Lesa ecisa elyo tulekula ukwampana mwisenge na Yesu Kristuecifikulisha ukukabila kwa mutima. Eufwile ukuba ukupema kwesu! Ngo ku kabila kwa mwana-kashi umwina Shulamite ukwakuba no mutemwikwa wakwe kacema mu lwimbo lwakwa Solomoni, efyo naifwe bene tukakula mukufwaisha. Umo uyo twatemwisha, Yesu Kristu. Ukwikala abansala palwa eena, pakuposa inshita muku mufwaya kuli bonse abo aba mufwaya.

Uku Mwishiba Wena

Nalelilila kuli Lesa lyonse ilyo nalebelenga Amapinda 3: 5-6. Nalepepa “Lesa, ngacakuti nangu mukumofya mu mweo ukuti ningacita aya malembo, awe kuti naba uwa kutotela lyonse.” Elyo nakumenye Yesu, elyo natampile ukwishiba efyo caba icayanguka ukucita aya amalembo. Kuti yaba aya yanguka kwati fye kupepa.

Amapinda 3 : 5-6 Cetekela muli Lesa no mutima obe onse: Kabili wishintilila mukwishiba kobe. Munshila shobe shonse umwishibe, elyo akatungulula inshila shobe.

18

Abena Roma 14: 17 19

1 Korinto 4 :20 20

Luke 17: 20-21 21

Mateo 6:33

26



Imfumu ya bomfyeshe icakulondolwelako um kumfunda aya amalembo. Anangishe icikope cabulalo ubwakwete impela shitatu. Icakumwenako mu musumba wa New York, mwaba amabulalo aya kwata imisebo ibili umo pa mulu wa bubiye. Ukufuma ku musebo wapesamba, kuti walolesha pamulu mukumona icilemoneka ngomutenge, pa mulu obe, Kabili tektuti wishibe ukuti kuliko naumbi umusebo pa mulu ngacakutila tawaishibe. Imfumu yalenangisha ukuti abaume elyo nabanakashi ukuti baenda pa musebo wapanshi elyo nokusendwa ku mibili yabo mufya kufwailisha elyonolunkumbwa, nangu kuti baenda mu musebo wapakati uwa myeo yabo (umo umwaba ubuntu, amatontonkanyo yabuntu, imyumfwile elyo nemitontonkanishishe); lelo mukubomba ukwa cilishapo, kuti baenda pa musebo wapamulu ubusebo wa mupashi. Umusebo wa pa mulu uwa mupashi wali cila pa mweo elyo no mubili, Kabili nokufuma ku misebo yonse ibili iya panshi, cili icashupa ukwishiba ukuti kuliko naumbi umusebo wa pa mulu uwa mupashi ukucila pali iwe.

Elyo Imfumu yanangishe, ukuti inshila ya kusangilamo inshila ya pa mulu iya bumupashi ku mwishiba wena, munshila shobe shonse mubushiku bonse. Elyo twatusha mufyakupimpa fyesu elyo nokumwishiba wena tulatolokela mu musebo wapa mulu elyo no kwenda muli wena. Kabili ukwenda mu kwi kalila mu mupashi caliba icansansa ukucila ukwendela muli bubuntunse bwesu! Ukwishiba Imfumu cilatwafwa ukukwata ifintu fya bu mupashi. Ifi efyo Lesa apekenye ukuti wikalile mu ncende yafisungusho, umwishibe munshila shobe shonse, Kabili usambilile ukumfwa kwishiwi Lyakwe ili nono ilili noku kutungulula, inshila shobe.

Lekeni injakanye naimwe icakumwenako icacitike nomba line fye ilyo nalefuma mukumpyunga ku Romania. Capamo namunina Carl Fox elyo nebumba lyabakapyunga, twapwile imilungu itatu ukufunda mufilonganino elyo nokusabankanya imbila nsuma mu misebo elyo na mumishi capamo nabashila abauma.

Mulwendo lwandi ulwakuya ku ng’anda naiminine mu London, nalempempula umutemwikwa uwasumina uwaumfwile bwino icitabo candi ukulya petebulo lya Mfumu: ukusambilila ukumfwa ishii lya Mfumu, ifyo fine necitabo cakwa Shimapepo Carl Fox ukucinja ifitipu ukufitwala mwipalo.22 Panuma yanshita isuma iyesenge uwasumina ailenyikisha pa cibansa candeke Pa mulandu wakuya kwandi Ku Boston.

Naendele ukuya mu zoo pa cibansa candeke ica hearthrow pa cibansa candeke pali amakana ya bantu abengi abali abafulwa abo ukwenda kwabo kwali ukwa cingishiwa. Camoneke ukuti pali ubu bushiku ifibansa, fikalamba ifya mu Europe fya lisalilepo ukucinja ifya kukontolola imyendele pa fibansa muli ba komputa. Imyendele iingi yali cinjishiwa pntu ifya kubomfya fyali filwa ukubomba. Nomba, kanshi nalingile ukwikala ku London inshiku shimo, elyo nokumona

22

fyonse ifi fitabo filafwa ukusambilila imfungulo ishakubomfya ukulunda isubilo mukumfwa Ishiwi lya Mfumu. Nga ulefwaya ukumfwilapo ifingi pali ifi kuti watumina ku Kingdom Faith Ministries, ilyashi lyonse lili kunuma ya citabo ici.

27



ifyo ningapalwa! Lelo ici kuti cingacitwafye ngacakuti abene ba ndeke, ukuti balipila pantu ninshi ine nail ninshi nimpela indalama shandi shonse mukwafwa abasumina ku Romania. Pa mulandu wakuti ubu ubwafya bwalengelwe no buteko, tapali nangu cimo akampani kandeke kaipeleshe ukucita mukwafwilisha mufyakuposa. Ubukali bwebumba bwali pa mulandu wakuti utwampani twa ndeke twatile tekuti bacinje kanofye limbi panuma ya nshiku shine nangu shisano!

Casendele insa imo ukwiminina mu mulongo wa bantu amakana namakana ukuti injiluke ukti nalingile ukucita cimo ica cilile ukwimininafye mu mulongo. Nayambile ukwendauka ukuya panshi elyo napamulu wa cibansa, naleimba mundimi. Nayambile ukutotela Lesa pakuti wena aletungulula. Na mulum Ile ukuti alishibe fyonse ilyo umufula wesonde taulati ulengwe ukuti ubu ubwafya bukabako. Elyo natumine umukashi wandi Rita nokumulomba ukuti eebe ibumba lya mapepo ukuti bapepe. Nayambile uku cetekela Lesa no mweo wandi onse, elyo nokukana shintilila mukwishiba kwandi nemwine. Kanshi ilyo nakonkenyepo ukumwishiba, atungulwile inshila yandi.

Itontonkanyo lyaliisa ilyo nalelumbanya ukuti indeya landa ku waleafwa ukushitisha amatiketi. Nalishibe mu mupashi wandi ukuti ili itontonkanyo lyafumine kuli Lesa. Monse umwakushitishisha amatiketi tamwali abantu iyoo, pantu bonse abalendo aba shaile baiminine mu milongo ya kwafwilishanyamo elyo balepatila pali bakafwa.

Uwakwafwa ukushitisha amatiketi anjebele ukuti alambika pakulolela imofye Kabili iyo bashafutile iya lingile ukuya ku Boston, lelo ukuti nalingile ukuba pa numba 30 pa cipepala cakulolelapo. Kwaliko isubilo ilya cepa pamulandu wandeke iyo abantu abengi balelolela ukuti benganinamo. Nalolele pansa shitatu ishapitile lyonse naleimbafye ishamalumbo kuli Lesa pacibansa candeke. Pali iyi nshita, shikulu alinjeba ukuti cine cine nalaya neine indeke. Hallelujah! Nomba ninkwata Ishiwi lya rhema ilyalinga ilya busokololo, ilya kuti ninga shintililapo, Kabili kuli Lesa nalisambilila, ukuti takuli Ishiwi lya rhema ilishingacitwa. (Luka 1: 37).

Awe mukulekelesha inshita yalifika iya kumonekela pa ncende iya linga ukumonekelapo mukulolela ukwitwa kwabalelolela. Napwilfye ukwasuka ilipusho ukufuma kuli namayo uwaiminine mupepi naine, uwali pa numba 28 pacipepala cakulolelapo. Naleshimikila ubunte kuli wena. Pa mulandu wakwa Yesu Kristu Kabili elyo anjipwishe, “indecetekela wacilapepelapo pali iyi indeke?” Lelo namwebele ukuti nacilapepelapo, pali ilya ine inshita kafwa atampile ukwita amashina. Pali nomba ninshi kwashalafye 15 minetis panuma yakuti indeke ime, elyo nempongolo yali itali ukufuma apakushitilapo amatiketi. Kwafwa aitile ishina lyakubalipo. Neshina ilya konkelepo ilyo aitile lyali lishina lyandi! Panuma yakuba pa numba 30, Lesa mundhila imbi ampilibwile nokumbika pa numba 2 !

28



Naendele ukuya ku ndeke, elyo nokwikala mu cipuna candi. Pakashitafye akanono akakonkelepo, naumbi umwaume alishile mu ndeke no kwi kala mupepi naine. Insa shibili ishakonkelepo shali ninshita shansansa, ukushimikila palwa kwa yesu Kristu kuli uyu mwaume, uwanjebele panuma ifyo aumwile bwino ukumfwa icebo cakwa shikulu. Elyo nefyo ilingi apata ukulanda mu ndeke Kabili pa mulandu waici talefwaya ukulanda ku muntu nangu umo ! Aiswile umweo wakwe onse ilyo alelanda naine. Alifyelwe cipya cipya lelo tatalile amona ifyo Lesa alefwaya ukuti asmbilile ifya kupalama mupepi kuli wena, pakuti engomfwa Ishiwi Lyakwe elyo no kukwata isenge nankwe.

Wamona, Lesa ali uwaipelesha ukutwafwa ukuti twendele mu mupashi. Ali uwaipelesha ukutungulula intampulo shesu ilyo twamwishiba munshila shesu shonse. Insansa shesu kuleka aya amano yaba muli ifye ayali namuli Kristu Yesu,23 elyo no kusambilila ukwendela panshila ya pa mulu iya mupashi ukucila ukwendela munshila ya buntunse bwesu mu mubili elyo no mweo. Yesu aile mukupekanya iyi incende Yesu Pakutila tuleyako elyo nokwikala. Acitile ici Pakutila twingeshiba iyi incende lelo line.

Takuli insansa ishikalamba ukucila ukwenda inshita nenshita mukwampana na yesu Kristu elyo na tata. Walitemwikwa, Kabili walitwa mukuposa inshita muceni ca Mfumu. Naupokelelwa, kuku musuminishe ukuti akutungulule kumbali ya menshi aya tekanya, uko abwekedhamo umweo obe.

Umukankala alifililwe ukubika panshi ifyali ifya bunonshi kuli wena, mubumi bwakwe, lelo afwaishe ukwikatilulako. Tapapita inshita panuma twatemwana na Yesu Kristu ukwishiba ifyo ifintu fyamuli buno bumi tafya kwata amaka pali ifwe. Cimo ngo muntu uwasambilile palwa cipao icali mwibala, elyo aipeleshe ukushtitisha fyonse pakuti engashita ibala, ifyo fine twalikwata icipao icikalamba mukukwata isenge na Yesu Kristu, icakuti natuipelesha ukucita conse icingacitwa mukupimpa kwa myeo yesu mukuleka tupose inshita ikalamba no mutemwikwa wesu. Bushe uleya ku Arabia yobe? Awe Lesa enga kwisusha ne nsansa sha ceni cakwe. Awe kuti cawama icakuti wasendwa pali ico elyo no kuipelesha ukuti wakulilako sana mukwampana nankwe, pantu icebo calilanda ukuti bonse abamufwaya bakamusanga.

23

Philipo 2:5

29



6 Icipandwa Cakulenga Munda

Inkumbu Sha Mutima

Wakwe

Yangu wenkunda yandi, wewaba mulucengo lwelibwe, mnjende iya fisama, leka mone icinso cobe Leka nteshe Ishiwi lyobe; pantu lyaliwama Ishiwi lyobe, Elyo necinso cobe cali fuka.

Ulwimbo lwakwa Solomoni 2:14

Takwabako icitabo icikalamba muccipingo conse icapa mulandu wankumbu sha Mfumu palwa kwa babwinga wakwe ukucila pa lwimbo lwa kwa solomoni. Muli ici citabo Imfumu yasokolola umutima waiko. Ukukabila kwakwe munshita shonse kukwata nabwinga uwaipelesha, ushakowela nefibi, uwasangululwa, Kabili uwashila, elyo uwasamba lyonse mukusamba kwakwe ukwa mukati fyonse ifi pa mulandu wansala yakwe palwa ena.

Shibwinga alekushiwa kuli abo bonse abesa kuli wena, mukukoseleshiwa ukufuma mukutemwa ukwayanguka ukwakanshiwa naenafye eka. Uyu enacisungu untu afwaisha- nabwinga ushakatale akwata amenso yakwe pali umbi kanofye enafye epela.

Ulwimbo lwakwa solomoni 1:2 Leka antomone ine nokutomona kwa kanwa kakwe- pantu ukutemwa kobe kwawama ukucila umwangashi. Nabwinga wakwe atendeka ubulendo bwakwe mukumukabila nokumufwaya. Alelota, ukutemwa kwakwe ukwa kubalilapo, elyo nokutontonkanya palwa kuposako amano yakwe pali wena. Amucetekela wena, elyo nokumona ukuti umwine alifye muceni cakwe. Iceni cakwefye ceka caikusha ukukabila kwakwe.

30



Lelo Kabili, munshita akabila ifingi. Nabwinga naumfwa amaboko ya Mfumu yalipali wena. Ali uwakosa elyo nabwinga ali uwanaka. Naisa mupepi nankwe, mukumukoselesha ilyo ali no mwenso, elyo nokukabila Ishiwi lya cikoselesho. Lelo talati abe uwakwe. Nabwinga amubula ilyo alemukabila, nokuti natotela, elyo nokuya inshila yakwe. Taba ukuti abe nabwinga wakwe.

Ulwimbo lwakwa Solomoni 1:3 Pantu mulandu wakununka kwa mafuta yobe, ishina lyobe mafuta ayaitilwa; Eico banacisungu balikutemwa iwe! Ubushiku bwalishele ilyo aposekeleko amano pa mulandu wa Mfumu. Amatontonkanyo yakwe fyali ampana na matontonkanyo yakwe, Kabili ilyo aleikala mu ncende muntu shibwinga ekala, efyo neciunda fye ceshina Lyakwe lileta ukusangalala uku kalamba mu mutima wakwe.

Awe nomba aliciluka ifya kunuma ifya kwitafye kuli wena, nakabili ukuifwaila umwine ifyo alefwaya, lelo alemwipusha ukuti wena eo aciteifyo, ukuti wena engaposa inshita yakwe mukwibukisha ifya kutotosha fyakwa mu mutima wakwe. Panshita imo bali pamo. Nomba nababa abalekumbwanya. Nabwinga wakwe nailuka ukuti nalinga Kabili nasendwa nokufwaya ukuba nankwe inshita yonse.

Ulwimbo lwakwa Solomoni 1:4 Insenda ine !Tulekubutukila ifwe. Imfumu naindeta mu muputule waiko. Tukaba aba nsansa elyo nokusangalala muli iwe. Tukebukisha ukutemwa kobe ukucila umwangashi. Nomba alekwata inshita ikalamba nankwe, elyo ici cine ecikomo apo uku kabila kwakwe kwaimishiwa. Pantu bushe nani enga kana ukongola kwakwa nabwinga uyo ulekula lyonse mukutemwa, ukusanguluka elyo nokubengeshima inshita yonse iyo apwa mukufwaya shibwinga?

Ulwimbo lwakwa Solomoni 1:5-6 Nalifita,lelo uwatemwikwa mwebana banakashi bakwa Yerusalemu, ngama tenti ya Kedar, ngamakakatani yakwa solomoni. Wilolesha pali ine, pantu indiwafita, pantu akasuba nakanjinja. Abana baume bakwa Mayo naba mfulilwa ine; naba mpanga ukuba kalinda webala lya myangashi, lelo ibala lyandi inshisungile.

Nabwinga wamfumu naishiba ukuti alifye uwalinga panuma yakwisbukisha ukuti tapali icingalinga ukuisusha umwine ngaumo uleumfwa ukusekwa, nangu ukukana fikapo kuli shibwinga. Awe nomba tali uwasakamana umwine eka, mukulolekusho pafyafye kufya kufilwa fyakwa. Kabili nangu ukuba uwaumfwa bwino pa mulandu wa matalatnta yakwe elyo nefyo engacita umwine. Cine cine, akwetefye lelo ubuyo bumo ebwa musenda ubushiku elyo

31



nakasuba-ukuba lyonse no mutemwikwa wakwe shibwinga. Tacili nomba icafikapo ukulalotafye ukuti bali nankwe. Nomba afwile uku mukwata- tekwikatililafye lelo ukuba pa ng’anda; tekumupilibula, lelo ukumusekesha; tekuba uwapokelelwa kuli wena, lelo ukwishiba ukuti wena aliba uwakusekesha kale mu menso yakwe.

Bengi aba mufibusa fyakwa elyo nolupwa abaleesha ukumufumyako mukufwaya ukuti afwailishe umutemwikwa wakwe. “ Tekuti eshibikwe, Kabili tekuti asangwe, “ efyo bakalanda, nangu “ Awe tekuti abe cibusa uwasakamana umwine na bapalana naiwe, pantu nakwata ifingi ifya kucita ukucila ukuposafye inshita nefya kwangala fyobe”.

Ulwimbo lwakwa solomoni 1:7 Njeba ine, iwe weo natemwa, nikwisa uko ulisha umukuni obe, nikwisa uko uulenga ukutusha pakati kakasuba. Pantu bushe cinshi ico ningabela ngaumo uuleifimba umwine necifimbo pa mukuni wakwampana kobe?

Awe, wena onse fye Kabili mukupwililika naikatwa nokubapo kwakwe, elyo Kabili alesangwa ilyo alemufwaya wena, pantu nao wine alisekelamo mukutemwa kwakwe.

Bushe uli ngayu mukashana, ulefwailisha ukutemwa kwakwe ukwabula ukutusha? Bushe ulabtutkila mukuposa inshita weka pamo nankwe? Iyi embila yakwa nabwinga uwa kwatafye amenso ya uo uwa mukobekela. Bushe ishi enkumbu sha mutima obe? Alongola nabwinga wakwe necikuku, nenkumbu shakusonsomba, Kabili alelolela mukubwekeshapo; Butukila kuli wena, Kabili wisuminisha nangu cimo ica muli buno bumi cise pakati kaiwe elyo no mutemwikwa! Bushe ninshita nshi iya wamisha ukucila panshita iyo uposa muceni cakwe ulenwa ukufuma mutumfukwemfukwe twa mweo wa muyayaya, Yesu Kristu, intuntuko ya menshi ya mweo.

32



7 Icipandwa Cakulenga Cine Lubali

Umwana Wampanga

Akabalisha

Pantu umwana wampanga uli pakati kacipuna akabalisha, Kabili akabatungulula Kuntuntuko ya menshi ya mweo; elyo na Lesa akafuta Ifilamba fyonse ukufuma ku menso yabo.

Ubusokololo 7:17

Umwana wampanga ebumi bwesu. Ukupitila mulopa uwatusumine twlisambwa, abasanguluka. Alapela imingila iyipya iya bulungami elyo tulepalama mupepi mukumupokelela. Icipailo cakushinshimwinapo ico tusuminisha ukukula mu mitima yesu cilaba icaikatililwa. Tulasuminisha imitma yesu ukupalama mu ceni cakwe ilyo lonse ilyo tuposa inshita tweak no mwana wampanga.

Ubusokololo 7: 9-10 Panuma yaifi nalimwene, Kabili, playa pene, ibumba ili kalamba, ilyo umuntu nangu umo ashingapenda, ilya fyalo fyonse, imishobo, elyo na bantu, elyo nendimi, naliminina mupepi ne cipuna, elyo nakumwana wampanga,afwele ilaya ilya buta, elyo notunandu mu muminwe yabo; Kabili nokulila neshiwi ili kalamba, ukutila, ipisukilo kuli Lesa wesu uwaikala pacipuna, elyo nakumwana wampanga.

Ubusokololo Icipandwa Cakulenga 7 catandeka ukulondolola ba 144,000 ababomfi bakwa Lesa abakakatilwa ne cikakatilo ukufuma ku bonaushi. Awe ilyashi nomba lya cinjishiwa mucikomo

33



Cakulenga pabula ukuya kubantu bambi, abashing pendwa abafumine kufyalo konse, umushobo, umuntundu, elyo nendimi ishapesonde. Baiminine ku mwana wampanga bafwele amalaya aya buta aya bulungami, elyo notuncindu twa kushinshimwinako mumaboko yabo. Mukupundisha balelanda Amalumbo yabo elyo nesubilo lye pusukilo ku mwana wampanga. Yangu ifyo cawama ici cintu!

Ubusokololo 7:11-13 Elyo naba malaika bonse baiminine nabashinguluka icipuna, elyo naba kalamba elyo nefinama fine,Kabili fyawile panshi kucipuna nokulosha ifinso panshi elyo no kupepa Lesa. Nokutila, nacibe ifyo fine:amapalo, elyo nobukata, elyo na mano,elyo na matotelo, elyo no mucinshi, elyo na maka, elyo no bulamba, fibe kuli Lesa wesu umuyayaya no muyayaya. Nacibe ifyo fine. Elyo umo uwamuba kalamba ayaswike atikuli ine, nibani aba abafwele ifyabuta? Kabili bushe bafuma kwi?

Ba malaika abaiminine elyo na fyonse ifya bu mupashi ifya mweo ifyali mupepi ifyawile panshi mu mwenso elyo no kupepa. Bushe walitala aucitapo ica ifi ilyo uli weka mu muputule obe uwepepo ku Mfumu ukulanda imibele yakwe iya kupapusha namaka yobe yonse?

Elyo nomba kwaisa ilipusho, nibani aba bonse abantu abafwele ifyabuta ukufuma kufyalo konse, umuntundu, mushobo elyo nendimi? Bushe bafumi kwi?

Ubusokololo 7: 14-17 Elyo natile kuli wena, mukwai nimwe mwebeshibe. Elyo Kabili atile kuli ine, Aba niabo abafuma mubucushi ubukalamba, Kabili bali capa amalaya yabo, nokuyabutisha mu ulopa wa mwana wampanga. Eco babela kucipuna cakwa Lesa, elyo no kumubombela ubushiku elyo na kasuba mwitempele Lyakwe: Kabili nowaikala pacipuna akekala pakati kabo. Tabakomfwe insala nakalya, nangu kumfwa icilaka nakabili; nangu kasuba ukubasanika, nangu cikabililila icily conse. Pantu umwana wampanga uli pakati kacipuna akalabalisha bena, Kabili nokubatungulula kuntuntuko ya menshi ya mweo: Kabili Lesa akabakumuna ifilamba fyonse ukufuma ku menso yabo.

Aba bantu bafumine pe sonde, panuma yakwi kalilila mucetekelo ukupita mu bucushi ubukalamba sana. Mwebatemwikwa,mwifulunganya ici no kutinafye kwa bukali ubwaitilwa pe sonde,elyo no kwishibikwa mu ncende shimo. Ukupakaswa nangu ukusushiwa nga ukupakaswa uku kalamba, emibele ya cilabushiku yafintu fya bumi buno pesonde. Yesu abomfyeshe Ishiwi limo line kubasambi bakwe muli Yoani 16: 33. Ifi fintu nefilanda kuli imwe, pakuti muli ine mwingakwata umutende. Mwi sonde mukapita mukupakaswa: lelo mube abansansa; ine

34



nincimfya isonde. Alandile ukukupakaswa nga ukukula kwa nshila, ukuba ukukalamba munshiku shakulekeleshako. Muli Mateo 24:21 umo akoseleshe bonse ukushipikisha elyo no kwikala abacishinka nangu kuli inkondo nangu amalyashi ya nkondo ukonaika kwe tempele, etc.

Ici komo abashila abemeninina ku cipuna mumalaya yabulungami, panuma ya kuyalenga ayabuta pakuyacapa mu mulopa wamwana wampanga, ebalenwa ukufuma muntuntuko ya menshi ya mweo lyonse, mu bulendo bwabo ukupitila mukupakaswa ukwe sonde. Umo umuntu ngaali necilaka, eene ese kuli ine nokunwa. 24 Lelo uyo onse ulenwa amenshi ayo ine nduemupela takomfwe icilaka nakabili; lelo amenshi ayo ine ndemupela yakaba muli wena icishima ca menshi aya kalafukaukila ukuya mu mweo wa muyayaya .25

Nomba mona mu 15 iya ubusokololo 7: Eco bebela kucipuna cakwa Lesa, noku mupyungila akasuba elyo no bushiku mwi tempele Lyakwe Kabili nao uwaikala pacipuna akekala pakati kabo.

Mwebatemwikwa, Yesu ukwikala pakati kabantu bakwe cintu icile citwa nomba line mu mupashi. Ici cacine muli lelo kuli ifye elyo twasumunisha amashiwi yakwe ukwikalilila muli ifwe. Yoani 14:7-8, iletweba ati, ngacakutila mwaikalilila muli ine elyo na mashiwi yandi [rhema] ubusokololo yaikalila muli imwe, lyena mukalomba conse ico mulefwaya, Kabili cikacitwa kuli imwe. Muli ici emo tata acindamikilwa, ukuti mutwalishe ifi fisabo; ifyo fine efyo mukaba abasambi bandi. Yesu alekala kabela pakati kayabo bonse abomfwa Ishiwi lya Mfumu! Ici caba kale ukuti Kristu muli bena, Isubilo lya bukata. Ngacakuti tukakonkanyapo ukunwa ukufuma mu cishima (amashiwi ayo alanda mu mipashi yesu) twiminina kuli wena abasamba bwino. Mu Malaya ya bulungami. Tulomfwa elyo nokumfwila Ishiwi Lyakwe, ukumubombela akasuba elyo no bushiku. Efyo yawama iyi ncende yakwampana nankwe mwi yehema Lyakwe. Yangu ifyo upela amaka umukate wakwe uwakufuma ku mulu, amashiwi aya fuma mukanwa kakwe. Efyo yapuputula amenshi ayo tunwa ukufuma muntuntuko iyi fuma ku milomo yakwe !

Ubusokololo 7: 16-17 Tabakomfwe insala nakabili, nangu kumfwa icilaka nakabili; nangu kasuba ukubasanika nakabili, nangu ici kabilila icily conse. Pantu umwana wampanga uli pakati ca cipuna akabalisha, Kabili akabatungulula kuntuntuko ya menshi yamweo: elyo na Lesa akafumya ifilamba fyonse ku menso yabo.

Umwana wampanga umwine eka eulisha icilonganino cakwe. Alacisamba namenshi ya rhema icily cebo cakwe. Ali pakati kacipuna cakwe, lubali ici ecipailo ico tupanga mu mitima yesu kuli

24

Yoani 7: 37b 25

Yoani 4: 14

35



wena, elyo cipuna cabufumu ica mu mulu kuli ico uko aketa ukuti bakekale nankwe, abo bonse abo muli bucishinka banwa ukufuma muntuntuko yakwe elyo nokulya nankwe mukumfwa Ishiwi Lyakwe .

26Ubusokololo 22:1,16-17

Kabili anangishe ine umumana uwapwililika uwa menshi ya mweo, uwalengama nga crystal, ulefuma kucipauna cakwa lesa elyo naku mwana wampanga.

Ine ne Yesu nintuma bamalaika bandi mukulanda kuli iwe ifi fintu munkuta. Nine mushila Kabili ubufyashi bwa kwa David, Kabili Kabili uwabengeshima ulutanda lwa lucelo.

Elyo umupashi na nabwinga bati, isa. Kabili lekeni uyo ulemfwa atile, isa. Kabili lekeni uyo uli necilaka ese. Naonse ulefwaya, lekeni abule amenshi ya mweo apabula umutengo.

Kubengi abana bakwa Lesa aya amashiwi ya citabo ca busokololo yabafye pa mulandu wafya kuntanshi. Lelo kuli nabwinga wakwe uyo uuli uwaipelesha ukunwa ukufuma mu mumana wa mweo, aya amashiwi yali muli nomba line namo mwine. Inshita ku mulu tayakwata bupilibulo. Kuli uyo uo ubushiku bumo bwaba nge myaka ikana limo, Kabili imyaka ikana limo ngo bushiku bumo alolekeshafye mukupekanishiwa kwa mutima uli onse.

Bushe balenwa ifilingile ifya menshi ya bumupashi elyo nokulya ifilingile ifya mukate wabu mupashi uwa mweo? Yangu ifyo cine cine umwana wampanga alekabili uli onse uleumfwa icilaka ukti ese kuli wena nokunwa, elyo nokusonda akamfunkwemfunkwe ka mweo akaleta ubukata bwesu ubwakuntanshi muli nomba line ukuti tubumone mu mupashi. Tulekala mukupapa kucipuna cakwe, abasambwa bwino, ukwabula ukukowela, umunkoni nangu akabi peshiwi Lyakwe ilyenda pa mulu wa menshi.

26

ubusokololo 7: 17 ukuti yamoneka ukuti yalebomfiwa muli Mateo 4:4; Yoani 10:27; Yoani 14:1-7; Efeso 5:25-27; Aba Hebere 12:25-29 elyo nobusokololo 3:20-21

36



Eico ne nsansa ukafumya amenshi

Amenshi mu cishima cepusukilo

Esaya 12:3

Awe, onse uli necilaka iseni imwe ku menshi, na onse ushikwete ulupiya; iseni, mushite, elyo nokulya; imwe, iseni, mushite umwangashi elyo no mukaka ukwabula ulupiya Kabili apabula umutengo.

Bushe cinshi ico muposela ulupiya pafishili mukate? Elyo namaka yenu pafishikutika? Umfweni bwino bwino kuli ine elyo nokuti mulye icli icisuma, elyo nokuleka umweo wenu usangalale uwine mukwina.

Pepekeni ukutwi kwenu, Kabili iseni kuli ine: umfweni, elyo ne myeo yenu yalaba no mweo Kabili nkapanga icipangano camuyayaya naimwe, ifyo fine nenkumbu shacine isha kwa David.

Moneni, nimupela wena ukuba kambone kubantu, intungulushi Kabili umukalamba ku bantu. Moneni, muketa uluko ulusha mwishibe ifi kabutukila kuli imwe pa mulandu wakwa SHIKULU LESA WESU elyo na pa mulandu wawashila wakwa Israeli; pantu na mukatamika imwe.

Fwayeni shikulu ilyo engasangwa, mulilileni ilyo acili mupepi:

37



IFYO WINGA PUSUKA

Panuma yakubelenga muli ici icitabo icitwa ukuti “ Ishiwi Pa mulu Wa Menshi” nensumina ukuti nomba naukwata ukukabila ukukalamba mumutima obe mukuti winga pokelela ipusukilo lyobe ngacakuti tawafyalwa cipya cipya.

Ifya bunonshi ifyaba muma bula yaici citabo fili nokupangafye ubupilibulo kuli iwe ngacakuti walipela umweo obe kuli Kristu elyo nokumupokelela ngakapususha obe Kabili Imfumu yobe. Nsuminisha ukti ningekana naiwe ifintu fimo efyo iwe naine tufwile ukucita pakuti twinge pusuka.

1. Ufwile ukwishiba ukuti bonse tuli babembu.

Abena Roma 3:23 “ pantu bonse naba bembuka, Kabili naba pelebelwa kubukata bwakwa Lesa”. Galatia 3: 22 “ Elyo amalembo ya sondwelela ukuti bonse babembu, pakuti icalaiwa mu citetekelo cingapelwa kubasumina.”

Ifwe bonse tuli babembu abalekabila kapususha.

2. Ufwile ukutumbula emembu shobe shonse ku Mfumu 1 Yoani 1: 8,9 “ ngatwatila ukuti tatwababa nalubembu, ninshi tuleibepafye fwebene, elyo ninshi necine tacili muli ifwe. Lelo ngacakuti twayebelela emembu shesu,wena wacishinka Kabili mulungami mukwelele imembu shesu shone, elyo no kutusangulula ukufuma kukulungana konse.”

Fumya mukati kobe shonse imembu ishaishibikwa kuli iwe elyo neshishaishibikwa pacinso cakwa Lesa wacinshinka, uwakutemwisha sana iwe Kabili ali kupela umwana wakwe ukwisa kufwila pamembu shobe elyo namalwele yobe. Yoani 3:16; Esaya 53:4,5

3. Ufwile ukulapila elyo nokupilibuka ukufuma kumembu shobe shonse.

Imilimo yabatumwa 3: 19 “eico lapileni elyo nokupilibuka pakuti imembu shenu shinga fumishiwapo”

4. Landa nakanwa kobe elyo nokusumina no mutima obe ukuti Yesu Krsitu ni Mfumu.

38



Abena Roma 10:9-10 5. Ufwile ukwisula icibi camutima obe elyo nokwita Yesu mu mutima obe.

Ubusokololo 3:20 ” umfwa ninjiminina pamwinshi elyo nokukonkonsha: ngomuntu umo aumfwa Ishiwi lyandi elyo nokwisulako kucibi, indeingila muli wena, elyo nokulilapamo nankwe elyo nao alelya pamo naine.”

Nincetekela ukuti mupashi wa mushilo nakushinina Kabili nalanda naiwe elyo wacilabelenga ifitantikwe palwa kupusuka. Nomba , leka nkulombe ukuti wingapepa ili ipepo Pakutila wingapokelela Yesu Kristu mu mutima obe nokulenga ukuti abe Imfumu yobe Kabili kapususha! Pepa ili ipepo.

Mweshifwe webaba mumulu, naisa kuli imwe lelo mwishina lya kwa Yesu Kristu, ninjishiba ukuti indimubembu, Kabili teti injipusushe nemwine. Lelo nayebelela elyo nokulapila imembu shandi shonse. Mbeleleni uluse kumembu shandi shonse.

Namutotela pamfwa ya mwana wenu uwaba eka Yesu Kristu uwamfwilile pacapindama. Yesu Kristu, nakwipusha ukuti unsambe nomulopa obe. Kabili leloline, nakulomba ukuti wise memweo wandi ukuti ube kapususha wandi Kabili ube Imfumu yandi. Nokutotela pakwisa muli ine !

Mwabombeni !

Ngacakuti naupepa ili ipepo nomutima obe onse, Shikulu Yesu Kristu ninshi naisa mu mweo obe. Eico, capamo nabekala mu mulu indetila kuli iwe mwaiseni mulupwa lwakwa Lesa. Yoani 1:11-12. Nomba uli cibumbwa cipya muli Yesu Kristu. 2 Korinto 5:17.

Nomba ulingile ukucita ifi ifikonkelepo:

1. Uyi kumike Ku cilonganino icasumina mu Cipingo ( Baibo). 2. Ulepepa elyo nokubelenga Cipingo cilabushiku. 3. Ebako umuntu umo palwe pusukilo lyobe.

Lesa akupale mulwendo lobe ulwabwina Kristu. Ameni

Documents

Ishiwi Pa Mulu Wa Menshi - Kingdom Faith Ministries