Upload
others
View
0
Download
0
Embed Size (px)
Citation preview
1
MOSIES
Me. Astrid van Oostveen verjaar Donderdag, 22 Augustus en Mev. Marie Boshoff
verjaar Saterdag, 24 Augustus. Baie geluk!
BERGFIETS
Daar het sowat 600 ryers deelgeneem by H/S Wonderboom waarvan 45 van HTS John
Vorster was.
Twee van ons ryers was onder die top 5 in hulle kategorie nl. Johan Bunk by die Sub-
Juniors (o/14) en Xander Dreyer by die o/17 – o/19.
So het ons dan ook 10 ander ryers wat onder die top 20 was in elkeen van hulle
kategorieë.
Kevin Scholtz het in rondte 1 van 4 baie hard geval en nogtans 15de geëindig uit 125
ryers.
Baie dankie aan al die seuns en dogter wat deelgeneem het.
Kevin Scholtz (middel)
Charlize du Rand
JV-NUUS
Meyerstraat 1072 Tel : 012 332 1760/1/2
Rietfontein
Webblad: www.htsjv.co.za
No 27/2019
/2017
2
Johan Bunk (regs)
Xander Dreyer (regs)
GROEPFOTO’S
Groepfoto's is teen k111, 112 en 113 se vensters opgeplak. Indien jy wil bestel, kry asb by
daardie klas se onderwyser 'n koevert, volg die instruksies op die koevert en handig dit
voor 4 September 2019 by die finansiële kantoor in. Gebruik asb die name soos op die
vasgekramde papier, A5=R50 en A4=R70.
VAKANTE POS DISSIPLINE KANTOOR
Daar is ‘n assistentpos in die Dissipline kantoor beskikbaar. Vereistes:
• 100% tweetalig en taalvaardig (skryf en praat)
• Rekenaarvaardig (Word, Excel) en bereid om ander stelsels te leer
• Moet administratief baie sterk wees
Dissipline met kinders kan toepas (‘n Regsagtergrond sal ‘n aanwins wees)
• Salaris: R 9 000p/m
• Begindatum: 1 Oktober 2019
Sluitingsdatum vir aansoeke is 30 Augustus 2019. Stuur CV na [email protected]
3
WARRIOR RACE
Ons het op 6 September die Warrior Race en dit beloof, om soos in die verlede, groot pret te
wees. Daar gaan ekstra hindernisse wees hierdie jaar om dit nog meer uitdagend te maak!
Leerders betaal R20 in by hul klasvoogde.
Een van die jaarlikse hoogtepunte van baie JV’s is die brugboukompetisie wat tradisioneel
gedurende Augustus plaasvind. Die kompetisie word al vir meer as 20 jaar onder die
leerlinge gehou. Elke jaar moet die leerlinge ‘n brug uit ongeveer 20 vierkantige stokkies
van 3 mm by 3 mm, in drie ure bou. Daar word in twee afdelings meegeding nl. die mees
estetiese brug en die hoof kompetisie, die brug wat die grootste las tot sy eie massa kan
dra.
Nog ‘n eerste vir HTS John Vorster is dat twee laerskoolspanne vir die eerste keer ook aan
die brugboukompetisie deelgeneem het.
Die kompitisie word verdeel in ‘n junior (gr 8 en 9) en senior (gr 10, 11 en 12) afdeling.
Hierdie jaar het ons vir ‘n derde keer in ‘n ry ‘n rekord getal inskrywings gehad. 70 spanne
het ingeskryf wat aan ongeveer 250 leerlinge ‘n geleentheid gebied het om brûe te ontwerp,
saam baie pret te hê, leierskap te ontwikkel en onder druk te leer om saam te werk.
BRUGBOU
4
Die spesifikasies waaraan die brûe moet voldoen, wissel jaarliks wat tot gevolg het dat
langer brûe ‘n kleiner las kan dra. Brûe word aan breektoetse onderwerp om te bepaal wat
die maksimum las is wat ‘n brug kan dra. Die rekord is ‘n brug wat 100 kg kon dra sonder
om te breek.
Ons wil graag ons borg, Pratley, bedank vir hulle ondersteuning van ons skool se
brugboukompitisie. Dit is sulke volgehoue venootskappe en ondersteuning van die
gemeenskap wat kwaliteit opvoeding volhoubaar maak.
Die uitslae van die kompetisie was soos volg:
Juniors Sterkste Brug:
Eerste Plek: Prysgeld R2000
Johan Steyn, Naletta Nagel, Alyssa Vieira en Phebe Venter. (v.l.n.r)
Tweede plek: Prysgeld R1000
Hanro de Bruin, Xander Bredenkamp, Johan Norman en Josua van Rensburg
Derde plek: Prysgeld: R800
Zanika Venter en Dané van Staden
Juniors Mees Estetiese brug en beste vakmanskap: Prysgeld: R300
Bendré Wiese, Sean van der Westhuizen en Michael van Heerden
Seniors Sterkste Brug:
Eerste Plek: Prysgeld R2000
Daniël Truter, Tiaan van der Merwe, Lané Smit en Inge Vosloo. (v.l.n.r)
5
Tweede plek: Prysgeld R1000
Ben Bunk, Tiaan Britz en Johan Bunk
Derde plek: Prysgeld: R800
Darius Beneke, Erik de Jong, Braham Brown en Duan Filmalter
Seniors Mees Estetiese brug en beste vakmanskap: Prysgeld: R300
Ivan Kruger, Corné Legemaat, Wian Potgieter en Jaco Groenewald
Dankie aan die graad 7-leerders wat ook deelgeneem het aan ons brugbou!
LANDLOOP
KRIEKET
Johann Walker
Hanro vd Byl
6
Die Lentesokkie vind plaas op 30 Augustus, hou hierdie spasie dop!.
LENTESOKKIE
7
PLC-KURSUS
Daar is nog net 8 plekke oop vir die PLC-kursus van 23-27 September. Stuur so
gou as moontlik die inskryfvorm na [email protected] om teleurstelling te
voorkom.
FURY MOTORKOMPETISIE
Ons jaarlikse motorkompetisie het weer begin. Vir slegs R10 - dis minder as
die prys van ‘n brood - staan u die kans om ‘n splinternuwe Mazda 2 te wen!
Ons wil ‘n ernstige versoek tot al die lede van die skoolgemeenskap rig om weereens
hierdie geleentheid saam met ons te benut en ons te help om soveel moontlike
hoeveelheid kaartjies vir die skool te verkoop. Ons mikpunt is dat elke leerder ten
minste 2 boekies (20 kaartjies) sal verkoop.
Enige ouer/voog wat die verantwoordelikheid op hulself wil neem om ekstra kaartjies te
verkoop, kan skriftelik by mnr. Botha daarvoor aansoek doen. Om seker te maak almal trek
voordeel uit die kompetisie, hoef leerders slegs agt van die tien kaartjies te verkoop. ‘n
Leerder hoef dus net R80 per boekie in te betaal, alhoewel enkelkaartjies steeds R10 per
kaartjie bly.
Ondersteun ons asseblief in hierdie veldtog.
GEDAGTE VIR DIE WEEK
Dankbaarheid is ‘n aangekweekte eienskap. As ons dankbare kinders wil hê, moet ons
hulle leer om dankbaar te wees. - Dale Carnegie
SAAMRYGELEENTHEID GESOEK
Enige iemand wat kan help met ‘n saamrygeleentheid vanaf Mayville/Eloffsdal
omgewing, kontak asseblief vir Reon van Sittert by 081 401 7715.
Enige iemand wat kan help met ‘n saamrygeleentheid vanaf Braam Pretorius-
straat, kontak Elmarie Ludik by [email protected].
GRAPJAS
Piet: “Waarom lyk jy so treurig, Koos?”
Koos: “Ek kom nou net van die begraafplaas af.”
Piet: “Is iemand dood?”
“Ja, sug Koos bedruk, almal!”
8
FONDSINSAMELINGS
Total
Ondersteun asseblief vir Total wanneer u brandstof ingooi. By Total Hertzog-straat
gooi u die strokie in die houer gemerk HTS John Vorster. Die skool kry ‘n gedeelte
terug.
My School
Gebruik u MySchool-kaart wanneer u aankope doen, die skool kry ‘n persentasie
en u kry ook afslag op u aankope. Vir meer inligting gaan na www.myschool.co.za
of skakel hulle op 0860 100 445. U kan ook ‘n aansoekvorm by die algemene
kantoor kom afhaal.
Makro
Daar is twee opsies:
• Indien u nie ‘n Makrokaart het nie, kan u aansoek doen om ‘n kaart te bekom.
U kaart word dan aan HTS John Vorster se rekening gekoppel en die skool
ontvang ‘n persentasie van die wins van die aankope in die vorm van ‘n rabat.
• Indien u wel ‘n Makrokaart besit, kan u ook die vorm voltooi en versoek dat die kaart
aan HTS John Vorster gekoppel word, sodat die skool vir alle aankope wat u by
Makro maak, die rabat ontvang.
Blits Elektries
Wanneer u enige aankope by Blits doen, noem die skool se naam sodat hulle dit
kan aanteken, die skool ontvang krediet.
9
SKRYWE ONTVANG INSAKE TUT-KOMPETISIE
HTS JV maak skoonskip by TUT-kompetisie
10
ADVERTENSIES
11
12
STRESONTLAAIER