KATALOG I PROFESIONEVE TË SHKOLLAVE PROFESIONALEqendraekarrieres.com/wp-content/uploads/2017/10/KATALOG-I-PROFESIONVE... · HYRJE Katalogu i profesioneve është përpiluar nga Qendra

Prishtinë, 2016

KATALOG I PROFESIONEVETË SHKOLLAVE PROFESIONALE KOMUNA E PRISHTINËS

PARTNERËT: Ky publikim është mundësuar nga Ambasada britanike në Prishtinë, në kuadër të projektit “Themelimi i Qendrës për Këshillim në Karrierë”, e cila ka për qëllim t’i ndihmojë të rinjtë e shkollave profesionale të komunës së Prishtinës, për t’i arritur aspiratat dhe për të qenë sa më të suksesshëm në karrierë.

HYRJE

Katalogu i profesioneve është përpiluar nga Qendra për Këshillim në Karrierë, Komuna e Prishtinës, i cili ofron informata mbi profesionet që ofrohen nga shkollat profesionale në komunën e Prishtinës. Përpilimi i këtij katalogu është bërë duke u bazuar në programet mësimore të arsimit profesional, të miratuara nga Ministria e Arsimit, Shkencës dhe Teknologjisë.Ky katalog u dedikohet nxënësve të klasave të nënta, të cilët janë në prag të përzgjedhjes së profesioneve që dëshirojnë të studiojnë në shkollat profesionale.

Duke pasur parasysh se vendimi për të përzgjedhur një profesion të caktuar nuk është gjithmonë një vendim i lehtë, sepse ai luan rol tejet të rëndësishëm në hapat e mëtejmë të zhvillimit të karrierës, Qendra për Këshillim në Karrierë është në shërbim të nxënësve, për t’u dhënë informata më të detajuara në lidhje me profesionet ekzistuese brenda shkollave profesionale, të cilat do të mund t’i ndihmonin ata në marrjen e vendimeve të duhura për të zhvillua karrierën e tyre.

Përpos kësaj, Qendra për Këshillim në Karrierë ka për qëllim që t’i ndihmojë nxënësit e shkollave profesionale që të promovojnë vetën, për të gjetur punë praktike dhe punë të rregullt përmes shërbimeve falas, siç janë: këshillimi në karrierë, trajnime për shkathtësi të buta, si: përgatitja e CV-së , letrës motivuese, teknikat gjatë intervistës, sjelljet në vendin e punës, rrjetëzim etj. Ndërkaq, përmes posedimit të data-bazave me kontakte dhe të dhëna për kandidatët dhe bizneset, Qendra do të shërbejë si një urë lidhëse midis shkollave profesionale dhe bizneseve, të cilat janë të interesuara për plasimin dhe tërheqjen e kuadrove të profesioneve të ndryshme.

Vërejtje: Numri i profesioneve të ofruara nga shkollat profesionale mund të ndërrojë nga viti në vit. Kjo do të varet drejtpërdrejt nga vendimi i Drejtorisë së Arsimit të Komunës së Prishtinës, e cila shpall konkursin konform nevojave të shkollave dhe tregut të punës.

1. HYRJE ......................................................................................... 32. PREZANTIM I SHKURTËR I PROFILEVE TË OFRUARA

NGA SHKOLLAT PROFESIONALE............................................... 63. HORTIKULTURA .......................................................................... 84. TEKNOLOGJIA USHQIMORE ......................................................105. AGROBIZNES ............................................................................. 126. MBROJTJA E BIMËVE ................................................................ 147. VETERINARI ...............................................................................168. FERMER .....................................................................................189. ASISTENT RESTORANTI........................................................... 2010. ASISTENT TURISTIK ................................................................. 2211. ASISTENT HOTELI .................................................................... 2412. GJELLËBËRËS .......................................................................... 2613. PASTIQERI ................................................................................ 2814. TREGTI ...................................................................................... 3015. KONTABILITET .......................................................................... 3216. BANKA E SIGURIME ................................................................. 3417. SHPEDICION E LOGJISTIKË ..................................................... 3618. MARKETING .............................................................................. 3819. FINANCA ................................................................................... 4020. ADMINISTRIM I ZYRËS ............................................................. 4221. ASISTENT I ADMINISTRATËS ................................................... 4422. ASISTENT JURIDIK ................................................................... 4623. ORGANIZIM I I AKTIVITETEVE .................................................. 4824. SHOQËRORE ............................................................................ 4825. NDËRTIMTARI ........................................................................... 5026. ARKITEKTURË .......................................................................... 5227. GJEODEZI .................................................................................. 5428. POSTA DHE TELEKOMUNIKACIONI (PT) .................................. 56

PËRMBAJTJA

29. GRAFIKË E LIBËRLIDHJES ....................................................... 5830. GRAFIKË E PËRGJITHSHME .................................................... 6031. GRAFIKË E MEDIAVE ................................................................ 6232. GRAFIKË E SHTYPIT ................................................................. 6433. PIKTURË ................................................................................... 6634. TEKNIK I INFORMATIKËS .......................................................... 6835. TELEKOMUNIKACION ................................................................7036. TEKNIK I ELEKTROTEKNIKËS ...................................................7237. ENERGJETIKË ............................................................................7438. MAKINA ELEKTRIKE ..................................................................7639. KOMUNIKIM AUDIO DHE VIDEO ...............................................7840. INSTALIM ELEKTRIK ................................................................. 8041. TEKNIK I ELEKTRONIKËS INDUSTRIALE ................................. 8242. TEKNIK PËR RIPARIMIN E PAJISJEVE TË ZYRËS .................... 8443. SALDATOR ................................................................................ 8644. MEKANIK I MAKINAVE .............................................................. 8845. METALPUNUES ........................................................................ 9046. AUTOMEKANIK ......................................................................... 9247. OPERATOR I PRODHIMIT ......................................................... 9448. INSTALIM I NGROHJES DHE KLIMA ......................................... 9649. INSTALUES UJËSJELLËSI ....................................................... 9850. DHE KANALIZIMI ....................................................................... 9851. KONFEKSION ...........................................................................10052. TRANSPORT RRUGOR ............................................................10253. TEKNIK I DHËMBËVE ...............................................................10454. INFERMIER I PËRGJITHSHËM .................................................10655. TEKNIK I FARMACISË ..............................................................10856. INFERIMIER I PEDIATRISË ...................................................... 11057. MAMI-INFERIMIER I OBSTETRIKËS .........................................11258. TEKNIK LABORANT I MJEKËSISË ............................................11459. TEKNIK I FIZIOTERAPISË ......................................................... 11660. MUZIKË - DREJTIMI INSTRUMENTAL ..................................... 11861. MUZIKË - DREJTIMI INSTRUMENTAL .....................................12062. MUZIKË – SOLO-KËNGË ..........................................................12263. MUZIKË -DREJTIMI INSTRUMENTAL-

INSTRUMENTE FRYMORE .................................................... 12464. MUZIKË - DREJTIMI I PËRGJITHSHËM ...................................12665. MUZIKË – BALET ......................................................................128

PREZANTIM I SHKURTËR I PROFILEVE TË OFRUARA NGA SHKOLLAT PROFESIONALE

SHKOLLA E AGROBIZNESITDHE TEKNOLOGJISË

1. Agrobiznes2. Fermer3. Hortikulturë4. Mbrojtje të bimëve5. Teknologji ushqimore6. Veterinari

SHKOLLA EKONOMIKE DHE JURIDIKE

ADMINISTRATË1. Asistent i administratës2. Asistent Juridik3. Organizator i aktiviteteve

shoqërore

ADMINISTRIM BIZNESI4. Administrim i zyrës 5. Financa6. Marketing Ekonomi 7. Kontabilitet8. Banka e sigurime9. Shpedicion dhe logjistikë

SHKOLLA E HOTELERISË,TURIZMIT DHE TREGTISË

1. Asistent i hotelit2. Asistent i restorantit3. Gjellëbërës 4. Pastiçeri5. Asistent i turizmit 6. Shitës me shumicë dhe

pakicë

SHKOLLA E MAKINERISË DHE TEKSTILIT

MEKANIKA1. Automekanik 2. Metalpunues3. Instalues i ngrohjes dhe

klimatizimit4. Instalim të ujësjellës dhe

kanalizimit5. Mekanik i makinave6. Operator i prodhimit 7. Saldator

TEKSTIL 8. Konfeksion Transport dhe

Trafik 9. Transport Rrugor

Katalog i profesioneve të shkollave profesionale - Komuna e Prishtinës6

Katalog i profesioneve të shkollave profesionale - Komuna e Prishtinës 7

SHKOLLA E MJEKËSISË

1. Infermier i përgjithshëm2. Infermier i pediatrisë3. Mami- infermier i

obstetrikës4. Teknik i dhëmbëve5. Teknik i farmacisë6. Teknik i fizioterapisë 7. Teknik –laborant

SHKOLLA E MUZIKËS

DREJTIMI I PËRGJITHSHËM 1. Bashkëpunëtor muzikor

Drejtimi Artistik (Instrumental)

2. Interpretues – piano3. Interpretues – harqe (violinë,

violë, violonçel, kontrabas) 4. Interpretues – frymorë

(flautë, klarinet, trombon, bori)

5. Interpretues- solo këngë

SHKOLLA TEKNOLOGJISËINFORMATIVE

1. Informatikë2. Elektronikë konsumuese dhe pajisje të zyrave3. Elektronikë Industriale. Elektroteknikë 4. Instalues Elektrik 5. Energjetikë6. Komunikime audio dhe video7. Makina elektrike8. Mekatronikë 9. Telekomunikacion

SHKOLLA TEKNIKE

1. Arkitekturë2. Art Figurativ dhe Aplikativ3. Gjeodezi

GRAFIKË4. Libërlidhje5. Grafik i përgatitjes grafike6. Grafik imedieve 7. Grafik i shtypit 8. Ndërtimtari9. Postë -Telekomunikacion


HORTIKULTURA

Shkolla • Shkolla e agrobiznesit dhe teknologjisë “Abdyl Frashëri”

Kualifikimet • Niveli i parë, 2 vjet.

• Niveli i dytë, 1 vit.

Modulet • Modulet profesionale përfshijnë njohuritë dhe shkathtësitë:

• Njohurit mbi tokën, të ushqyerit e bimëve dhe teknikat bujqësore;

• Prodhimin e fidanëve, kultivimin e bimëve;

• Kujdesin dhe mbrojtjen e bimëve;

• Dekorimin e ambienteve të brendshme dhe të jashtme etj.

Punësimi • Profilizimi në hortikulturë do të ju mundësojë që të punoni në ndërmarrje të cilat merren me ofrimin e shërbimeve të Sektorit të hortikulturës.

Shkollimi i lartë • Pas përfundimit të maturës shtetërore, ju mund të vazhdoni shkollimin e lartë universitar.


TEKNOLOGJIA USHQIMORE


Kualifikimet • Niveli i parë, 2 vjet

• Pas përfundimit të nivelit të parë, duhet të zgjedhin njërin nga profilet ushqimore: përpunues i mishit, përpunues i qumështit, përpunues i frutave dhe perimeve.

• Niveli i dytë, 1 vit


• Njohuri mbi teknologjinë ushqimore, makinat dhe proceset teknike;

• Përpunimi dhe ruajtja e prodhimeve bimore dhe shtazore;

• Përpunimi dhe përgatitja e prodhimeve bimore dhe shtazore;

• Mikrobiologjia dhe higjiena.

Punësimi • Profilizimi në teknologji ushqimore ju mundëson kualifikim, që të punoni në industritë ushqimore, të cilat bëjnë përpunimin e lëndëve të para nga prodhimet bimore dhe shtazore.

Shkollimi i lartë • Pas përfundimit të maturës shtetërore, ju mund të vazhdoni shkollimin e lartë universitar


AGROBIZNES





• Njohuritë mbi tokën dhe analizën e përmbajtjeve nga toka;

• Mekanizimi bujqësor dhe përdorimi e mirëmbajtja e mjeteve agroteknike;

• Prodhimtaria bimore dhe blegtorale;

• Menaxhimi i fermës, financa dhe kontabiliteti në agrobiznes, organizimi i prodhimtarisë dhe aktiviteteve të tjera në ndërmarrje bujqësore, menaxhimi i projekteve;

• Mbrojtja e mjedisit.

Punësimi • Profilizimi në agrobiznes ju mundëson kualifikim, që të punoni në ndërmarrje bujqësore, të cilat merren me kultivimin e bimëve apo me rritjen e kafshëve të fermës.



MBROJTJA E BIMËVE





• Njohuritë mbi tokën dhe të ushqyerit e bimëve;

• Marrja e mostrave dhe analiza e bimëve, konstatimi i infektimeve, sëmundjeve të bimëve, zgjedhja e llojit dhe preparateve për trajtim dhe parandalim;

• Përdorimi dhe mirëmbajtja e mekanizmit bujqësor.

Punësimi • Profilizimi në mbrojtje të bimëve ju mundëson kualifikim, që të punoni në ndërmarrje prodhuese bujqësore, barnatore bujqësore, por edhe në ferma të vogla dhe serra.



VETERINARI





• Njohuritë mbi anatominë dhe fiziologjinë e kafshëve;

• Të ushqyerit e kafshëve.

Punësimi • Profilizimi në veterinari ju mundëson kualifikim, që të punoni në klinika veterinare, ferma blegtorale, thertore, qumështore etj.



FERMER




Modulet • Modulet profesionale përfshijnë njohurit dhe shkathtësitë:

• Bazat mbi tokën dhe të ushqyerit e bimëve;

• Teknikat bujqësore;

• Prodhimtaria bimore;

• Prodhimtari blegtorale;

• Mirëmbajtje e fermës.

Punësimi • Profilizimi për fermer ju mundëson kualifikim, që të punoni në ferma bujqësore të çdo madhësie, që merren me kultivimin e perimeve, frutave, bimëve industriale, rritjen e kafshëve të shtëpisë, përpunimin e prodhimeve bujqësore, në ndërmarrje industriale të përpunimit të prodhimeve bujqësore, në institute kërkimore të fushës së bujqësisë, si punëtor ose mund të vetëpunësohet fermer në këtë sektor të prodhimit.



ASISTENT RESTORANTI

Shkolla • Shkolla për tregti, hoteleri dhe turizëm “7 Shtatori ”




• Njohuritë mbi turizmin, gjeografinë turistike, marketingun turistik;

• Sjelljet dhe higjienën në shërbim;

• Organizim të punës në gastronomi;

• Shërbime të të gjitha llojeve, në ambiente të ndryshme;

• Psikologji e punës dhe shërbime hotelerie etj.

Punësimi • Profilizimi për asistent restoranti ju mundëson kualifikim, që të punoni në hotele apo restorante të të gjitha llojeve, në sallën e restorantit, banakut, kafenesë, pansionit, gjellëtores, picerisë, si dhe në restorante apo mensa të punëtorëve në kompani, fabrika, qendra studentore etj.



ASISTENT TURISTIK





• Njohuritë mbi turizmin, gjeografinë turistike, marketingun turistik;

• Sjellja dhe higjiena në shërbim;

• Mbajtja dhe menaxhimi i informacionit të brendshëm;

• Punët ndihmëse në hotel, agjenci turistike etj.;

• Organizimi i vizitave në monumente të trashëgimisë kulturore;

• Vizita në atraksione turistike, panaire të ndryshme etj.;

• Afarizmi hotelier dhe organizimi i ndërmarrjes hoteliere-turistike.

Punësimi • Profilizimi për asistent turistik ju mundëson kualifikim, që të punoni në hotele, agjenci turistike të të gjitha kategorive, ose mund të vetëpunësoheni si asistent turistik.



ASISTENT HOTELI





• Njohuri mbi bazat e turizmit, biologji dhe higjienë, sjellja dhe higjiena në shërbim, psikologjia e punës;

• Punët ndihmëse në sallonet e shërbimit, depo e banak;

• Shërbimi i tavolinave në restorant, pritja dhe sistemimi i klientëve nëpër tryeza;

• Gjellëtari dhe pastiçeri;

• Puna në recepsion, menaxhim i informacionit të brendshëm në hotel, kryerja e rezervimeve, e punëve ndihmëse në sektorin e marketingut.

Punësimi • Profilizimi për asistent hoteli ju mundëson kualifikim, që të punoni në hotele të të gjitha kategorive, ose mund të vetëpunësoheni si asistent hoteli.



GJELLËBËRËS





• Njohuritë mbi turizmin dhe marketingun turistik;

• Organizimi i punës në gastronomi dhe kryerja e punëve administrative në kuzhinë;

• Përgatitja e salcave bazë, antipastave të ftohta, antipastave të ngrohta, supave, gjellëve: me peshk, me mish, vegjetarian, garnitura, ëmbëlsira;

• Përgatitja e gatimeve për raste të ndryshme, si dhe përgatitja e gatimeve tradicionale.

Punësimi • Profilizimi për gjellëbërës ju mundëson kualifikim, që të punoni në kuzhinat e të gjitha llojeve në hotele, restorante, mensa të punëtorëve në kompani, fabrika, qendra studentore etj.



PASTIQERI





• Njohuri mbi bazat e turizmit, hyrje në punë praktike, sjellje dhe higjienë, punët ndihmëse në pastiçeri.

• Pastiçeri: përgatitja e prodhimeve të ndryshme nga brumi, përgatitja e tortave speciale, kremrave, frutave dhe ëmbëlsirave në flakë etj.

Punësimi • Profilizimi për pastiçeri ju mundëson kualifikim, që të punoni në repartet e prodhimit të pastiçerisë në hotele, restorante dhe industri.



TREGTI





• Njohuri në kontabilitet, financa, statistikë, bazat e së drejtës, afarizëm komercial dhe marketing;

• Klasifikim i dokumenteve dhe materialeve;

• Blerje, shitje dhe evidentimi i tyre;

• Veprimet me arkën, hartimi i ofertës dhe kërkesës;

• Zhvlerësimi i mjeteve jo qarkulluese, qarkullimi i pagesave;

• Veprimtaria e përditshme dhe skemat e financimit të një biznesi të vogël.

Punësimi • Profilizimi në tregti ju mundëson kualifikim, që të punoni në ndonjë ndërmarrje tregtare apo kompani tregtare, si asistent i profilit përkatës.



KONTABILITET

Shkolla • Shkolla ekonomike dhe juridike “Hoxhë Kadri Prishtina”



Modulet • Modulet profesionale përfshijnë njohuritë dhe shkathtësitë :

• Njohuri në kontabilitet, financa, statistikë, bazat e së drejtës;


• Blerje, shitje dhe evidentimi i tyre;

• Veprimet me TVSH dhe kontribute;

• Komunikimi me klientët e bashkëpunëtorët, bankat dhe bizneset.

Punësimi • Profilizimi në Kontabilitet ju mundëson kualifikim, që të punoni në ndonjë bankë, kompani sigurimesh, ndërmarrje apo në vende pune si asistent i profilit përkatës.



BANKA E SIGURIME




Modulet • Modulet profesionale përfshijnë njohurit dhe shkathtësitë :

• Njohuri mbi bazat e sigurimeve, financa, statistikë, bazat e së drejtës;


• Kërkimi i tregut, përgatitja e reklamave;

• Aplikimet për sigurime shëndetësore, sigurime të mjeteve motorike, dokument doganor, qarkullimi i pagesave;

• Qasja në firmat ushtrimore dhe firmat reale.

Punësimi • Profilizimi në Banka e sigurime ju mundëson kualifikim, që të punoni në banka, kompani sigurimesh, ndërmarrje apo në vende pune si punëtor i profilit përkatës.



SHPEDICION E LOGJISTIKË





• Njohuri në kontabilitet, financa, statistikë, bazat e së drejtës;


• Doganë dhe menaxhim i logjistikës;

• Bazat e transportit dhe bartjes;

• Mirëmbajtja e logjistikës në zyra;

• Procedurat në transportin rrugor dhe hekurudhor të mallrave.

Punësimi • Profilizimi në Shpedicion e logjistikë, ju mundëson kualifikim, që të punësoheni në ndonjë ndërmarrje tregtare apo kompani transporti të mallrave, si asistent i profilit përkatës.



MARKETING





• Njohuri në kontabilitet, financa, statistikë, bazat e së drejtës, afarizëm komercial dhe marketing i avancuar;

• Publicitet dhe promovim;

• Ndërmarrësi dhe inteligjencë e tregut;

• Biznes dhe ligjet në BE.

Punësimi • Me profilizim në marketing, ju kualifikon që të punësoheni në ndonjë bankë, kompani sigurimesh, ndërmarrje apo në vende pune si asistent i profilit përkatës.



FINANCA





• Njohuri në financa dhe kontabilitet, e drejta dhe vendi i tregut;

• Format e pronësisë dhe shpenzimet në afarizëm;

• Veprimet me arkën, hartimin e ofertës, zhvleftësimin e mjeteve qarkulluese dhe jo qarkulluese;

• Aspektet financiare të industrisë dhe tregti ndërkombëtare;

• Sistemi financiar dhe revizioni. Sistemi financiar dhe sigurimi bankar në Kosovë;

• Ndërmarrësi dhe menaxhimi financiar;

• Zhvillimi personal dhe profesional, mundësitë personale të financimit.

Punësimi • Profilizimi në Financa ju mundëson kualifikim, që të punësoheni në banka, kompani sigurimesh, ndërmarrje apo në vende pune si asistent i profilit përkatës.



ADMINISTRIM I ZYRËS





• Njohuri në kontabilitet, financa dhe marketing;

• Veprime me fatura, arkë dhe pasqyrim të tatimeve e kontributeve;

• Zhvillim personal e profesional;

• Mundësitë personale të financimit;

• Qarkullimi i pagesave, aranzhimet e zyrës, menaxhim i informatës dhe kualitetit.

Punësimi • Profilizimi në Administrim të zyrës, ju mundëson kualifikim, që të punoni në banka, kompani sigurimesh, ndërmarrje apo në vende pune si asistent i profilit përkatës.



ASISTENT I ADMINISTRATËS





• Njohuri mbi bazat e së drejtës së punës, sigurimit social, evidencës amë, së drejtës administrative dhe qytetare;

• Veprimtari administrative; shkrim i shkresave të thjeshta dhe zyrtare,

• Komunikim dhe prezantim i firmës;

• Punë në sekretari, organizim i udhëtimeve zyrtare, menaxhim i informacionit dhe kualitetit;

• Zgjidhja e kontesteve administrative përmes firmave ushtrimore dhe institucioneve reale.

Punësimi • Profilizimi për asistent/e të administratës, ju mundëson kualifikim, që të punoni në recepsion ose sekretarinë e ndërmarrjeve publike e private, shkrimore të ndërmarrjeve dhe institucioneve, biblioteka (AA), arkiva (AA+AJ).



ASISTENT JURIDIK





• Njohuri mbi bazat e së drejtës së punës, sigurimit social, evidencës amë, të drejtës administrative dhe qytetare, të drejtës penale, familjare dhe trashëgimore;

• Punët e qarkullimit juridik, procedurat e shqiptimit të masave disiplinore, përpilim i dokumenteve juridike të posaçme, korrespondenca në lidhje me shit-blerjen;

• Procedurat e shitjes.

Punësimi • Profilizimi për asistent juridik ju mundëson kualifikim, që të punësoheni në recepsion ose sekretarinë e ndërmarrjeve publike e private, shkrimore të ndërmarrjeve dhe institucioneve, biblioteka (AA), arkiva (AA+AJ).



ORGANIZIM I I AKTIVITETEVE SHOQËROREShkolla • Shkolla ekonomike dhe juridike

“Hoxhë Kadri Prishtina”




• Njohuri mbi veprimtarinë administrative, bazat e retorikës, e drejta e autorit;

• Organizimi i aktiviteteve shoqërore, lidhja e kontratave të ndryshme,mjetet teknike të ndriçimit, zërimit dhe ndriçimit;

• Qasje në institucionet dhe firma reale.

Punësimi • Profilizimi për organizator të aktiviteteve shoqërore ju mundëson kualifikimin, që të punoni në recepsion ose sekretarinë e ndërmarrjeve publike e private, shkrimore të ndërmarrjeve dhe institucioneve, biblioteka (AA), arkiva (AA+AJ).



NDËRTIMTARI

Shkolla • Shkolla teknike “28 Nëntori”




• Njohuri mbi vizatimin teknik dhe gjeometri deskriptove, konstruksione ndërtimore dhe mekanikë teknike, teknologji ndërtimi dhe AutoCad;

• Punët praktike në ndërtimtari: punim i themeleve, muratim, betonim, punimet suvatuese, ndërtimi i kulmeve, dyshemeve (me produkte betoni), shtrimi i pllakave, punimet izoluese etj.

Punësimi • Profilizimi në Ndërtimtari ju mundëson kualifikim, që të punoni në ndërmarrje (firma, kompani), që realizojnë ndërtimin e objekteve të ndryshme publike e private.



ARKITEKTURË





• Njohuri mbi vizatimin e lirë, gjeometrinë dhe perspektivën, kompozicionet arkitektonike, elemente të projektimit;

• Konstruksionet ndërtimore (betonit, drurit, çelikut), murosje, punim themelesh, instalim ujësjellësi dhe kanalizimi;

• Perceptim i hapësirës, vizatim i elementeve të objekteve me vlerë arkitektonike, punim i modeleve të thjeshta arkitektonike, punim me CAD 2D-3D, konstruktim i peizazheve të thjeshta arkitektonike, projektim i interierit.

Punësimi • Profilizimi në Arkitekturë ju mundëson kualifikim, që të punoni në ndërmarrje (firma, kompani) që ofrojnë shërbime, të cilat kanë të bëjnë me projektimin e objekteve, mobilieve, lulishteve dhe ndërtimin e objekteve të ndryshme.



GJEODEZI





• Njohuri në gjeodezi, gjeometri deskriptove, vizatim dhe shkrim gjeodezik, fotogrametri;

• Llogari dhe matje të rrjetit poligonal, rritje të nivelimit, trastim të rrugëve, matje nga hartat dhe ortofotot etj.;

• Gjeodezi inxhinierike, projektim inxhinerik me CAD, hartim rruge nga plani i situacionit;

• Kadastër dhe operacione agrare, ndarja dhe bashkimi i parcelave etj.

Punësimi • Profilizimi në Gjeodezi ju mundëson kualifikim, që të punoni në firmat (e licencuara për këtë veprimtari) apo institucionet të ndryshme të cilat merren me punë gjeodezike dhe aty ku gjeodezia e gjen zbatimin e saj.

Shkollimi i lartë • Pas përfundimit të maturës shtetërore, ju mund të vazhdoni shkollimin e lartë universitar


POSTA DHE TELEKOMUNIKACIONI (PT)Shkolla • Shkolla teknike “28 Nëntori”




• Njohuri në gjeografi komunikacioni të PT-së, bazat e elektroteknikës me elektronikë, komunikacion postar, elektronik, bazat e ekonomisë;

• Shërbime ekspres dhe kurier, pranimi, përpunimi, përgatitja, bartja dhe transporti i dërgesave postare, shërbimet dhe aparatet funksionale, filatelia dhe pullat postare;

• Shfrytëzimi i rrjetit IP, mirëmbajtja e GSM-së; Informatika afariste, punët bankare neutrale, bilanci dhe balancimi.

Punësimi • Profilizimi në Postë dhe telekomunikacion ju mundëson kualifikim, që të mund të punoni në të gjitha institucionet dhe kompanitë që e shfrytëzojnë telekomunikacionin dhe komunikacionin postar ose e kanë si biznes parësor apo dytësor.



GRAFIKË E LIBËRLIDHJES





• Njohuri mbi bazat e teknologjisë, formësim grafik dhe shkrim, bazat e elektronikës me automatikë, materiale dhe makina grafike, teknologji e proceseve grafike;

• Radhitje me kompjuter, me dorë, me makinë;

• Punim i modeleve për kopjim, për shtypin e lartë etj.;

• Teknikat e shtypit dhe montazhi.

Punësimi • Profilizimi në Grafikë ju mundëson kualifikim, që të punoni në shtypshkronja, në agjencitë multimediale, në shtëpitë botuese dhe në studiot grafike e të reklamave.



GRAFIKË E PËRGJITHSHME




Modulet • Radhitja me plumb-me dorë, radhitja me plumb-me makinë, korrektura, radhitja me kompjuter, punimi i modeleve për kopjim, punimi i formës për shtypin e lartë, montimi grafik, punimi i formës për shtypin e rrafshët, punimi i formës për shtypin e depërtueshëm, teknikat e shtypit të lartë, teknikat e shtypit të rrafshët, teknikat e shtypit të depërtueshëm, libërlidhja, përgatitja tabakut pozicionues e montazhi grafik, montazhi i librit njëngjyrësh, montazhi i librit dyngjyrësh, montimi i kopertinave, punimi i pllakave të ofsetit, montazhi i librit njëngjyrësh, montazhi i librit dyngjyrësh, montazhi i librit (gazetës) në një dhe katër ngjyra dhe punimi i pllakave të ofsetit.

Punësimi • Profilizimi në Grafikë ju mundëson kualifikim, që të punoni në shtypshkronja, në agjencitë multimediale, në shtëpitë botuese dhe në studiot grafike e të reklamave.



GRAFIKË E MEDIAVE




Modulet • Radhitja me plumb-me dorë, radhitja me plumb-me makinë, korrektura, radhitja me kompjuter, punimi i modeleve për kopjim, punimi i formës për shtypin e lartë, montimi grafik, punimi i formës për shtypin e rrafshët, punimi i formës për shtypin e depërtueshëm, teknikat e shtypit të lartë, teknikat e shtypit të rrafshët, teknikat e shtypit të depërtueshëm, libërlidhja, radhitja e teksteve me kompjuter, përgatitja e pasqyrës së faqes, reprodukimi i origjinaleve, montazha digjitale e faqes, montazha digjitale e pllakatit, montazha digjitale e librit, montazha digjitale e gazetës, formimi i ueb-faqeve, bazat e programimit.

Punësimi • Profilizimi në Grafikë ju mundëson kualifikim, që të punoni në shtypshkronja, agjencitë multimediale, shtëpi botuese dhe në studio grafike e të reklamave.



GRAFIKË E SHTYPIT




Modulet • Radhitja me plumb-me dorë, radhitja me plumb-me makinë,

• Korrekturë, radhitja me kompjuter, punimi i modeleve për kopjim, punimi i formës për shtypin e lartë, montimi grafik, punimi i formës për shtypin e rrafshët, punimi i formës për shtypin e depërtueshëm, teknikat e shtypit të lartë, teknikat e shtypit të rrafshët, teknikat e shtypit të depërtueshëm, libërlidhja, shtypi në tigëll makinë, pastrimi i makinës së ofsetit, shtypi në makina të Ofsetit të formatit të vogël në një ngjyrë, shtypi në makina të Ofsetit të formatit të mesëm në dy ngjyra, shtypi me sitë, shtypi në makina të Ofsetit të formatit të vogël në dy ngjyra, shtypi në makina të Ofsetit të formatit të mesëm në dy ngjyra, shtypi me rotomakinë dhe shtypi me tampon.

Punësimi • Profilizimi në Grafikë ju mundëson kualifikim, që të punoni në shtypshkronja, agjencit multimediale, shtëpi botuese dhe në studio grafike e të reklamave.



PIKTURË

(ARTI FIGURATIV APLIKATIV)





• Njohuri në histori arti, teori e formës, gjeometri deskriptive dhe perspektivë;

• Bazat e teknologjisë së konservimit;

• Vizatim, pikturë, grafikë, skulpturë, pllakat, teknika të pikturimit në mur.

Punësimi • Profilizimi në Art figurativ aplikativ ju mundëson kualifikim, që të merreni me punime që kryhen në kuadrin - teknik figurativ (realizimi i pikturave, realizimi i vitrajeve, mozaikëve, aranzhimi i shtëpive të modës mirëmbajtja dhe konservimi i veprave artistike etj.)



TEKNIK I INFORMATIKËS

Shkolla • Shkolla për teknologji informacioni dhe komunikacion “Gjin Gazulli”




• Njohuri mbi bazat e elektronikës, telekomunikacionit, elektroteknikës, elektronikës digjitale, algoritmet, gjuhët programuese, bazat e të dhënave;

• Instalim dhe konfigurim i pajisjeve hyrëse dhe dalëse të kompjuterit, sistemeve operative, ruterëve në rrjetet lokale (LAN);

• Zëvendësim i pjesëve të kompjuterit, mirëmbajtje e sistemeve;

• Krijim dhe dizajnimi i ueb-faqeve.

Punësimi • Profilizimi për teknik të informatikës ju mundëson kualifikim, që të punoni në ndërmarrje (firma, kompani) që ofrojnë shërbime apo/edhe shitje të teknologjisë së informacionit, apo të vetëpunësoheni si ofrues shërbimesh sipas kërkesave të klientëve.



TELEKOMUNIKACION




Modulet • Modulet profesionale që përfshijnë njohurit dhe shkathtësitë:

• Njohuri në bazat e elektroteknikës, eletrkoteknikës, telekomunikacionit, sistemeve transmetuese, kumtuese, operative;

• Realizimi i skemave elektrike dhe matja e madhësive elektrike, sistemeve transmetuese digjitale, mirëmbajtjes së sistemeve kumtuese pa tela;

• Instalimi dhe konfigurimi i ruterëve të rrjetave lokale, përgatitja teknike për transmetim të zërit, të dhënave etj.

Punësimi • Profilizimi në Telekomunikacion ju mundëson kualifikim, që të punoni në ndërmarrje (firma, kompani) që japin shërbime të telekomunikimeve, ose mund të vetëpunësoheni si instalues dhe mirëmbajtës ambulant (shëtitës) në këtë sektor, sipas kërkesave të klientëve.



TEKNIK I ELEKTROTEKNIKËS

(MEKATRONIKË?)





• Njohuri në bazat e elektroteknikës, mekanikës teknikë, elektronikës, sistemit të automatizimit, vizatim teknik dhe dokumentacion;

• Matje në elektronikë, realizim dhe matje të skemave elektrike, simulim i qarqeve digjitale (SQD), teknikë e rregullimit logjik që programohet. Mekanikë precize, prerje dhe sharritje, tonim, saldim;

• Pneumatikë në praktikë l, hidraulikë në praktikë etj.

Punësimi • Profilizimi në Mekatronikë ju mundëson kualifikim, që të punoni në ndërmarrje (firma, kompani) për instalim, mirëmbajtje dhe riparim të aparateve dhe pajisjeve mekatronike.



ENERGJETIKË





• Njohuri mbi bazat e elektronikës, vizatim teknik me dokumentacion, bazat e makinerisë, materiale dhe komponentë elektronike, makina dhe pajisje elektrike;

• Punime axhusterie, matje elektrike, instalime dhe ndriçime elektrike etj.

Punësimi • Profilizimi në Energjetikë ju mundëson kualifikim, që të punoni në ndërmarrje ku bëhen instalimet elektrike dhe ndriçim elektrik, në kompanitë që merren me gjenerimin dhe bartjen e energjisë elektrike, në industrinë prodhuese, në kompanitë që merren me hulumtime dhe zhvillim, në shërbime publike etj.



MAKINA ELEKTRIKE




Modulet • Punime axhusterie, kuotimi në instalime elektrike, matje elektrike, materialet dhe komponentët elektrike, mbrojtja në punë, demontimi e montimi i transformatorit njëfazor, riparimi i pështjellove të transformatorëve njëfazor, riparimi i pështjellove të motorëve asinkron, riparimi i motorëve sinkrone, punimi dhe lidhja e pështjellove të makinave sinkrone, demontimi dhe montimi i makinave të rrymës njëkahore, punimi, vendosja dhe lidhja e pështjellove të makinave për rrymë njëkahore dhe punimi dhe vendosja e tabelës instaluese për ngasje elektrike.

Punësimi • Profilizimi Makina elektrike ju mundëson kualifikim, që të punoni në ndërmarrje ku bëhen instalimet, mirëmbajtja dhe riparimi i makinave, aparateve dhe pajisjeve elektrike, njëherësh mund të punësoheni në çdo ndërmarrje ose institucion ku parashihet mirëmbajta e ngasjeve elektromotorike, në tregti etj.



KOMUNIKIM AUDIO DHE VIDEO




Modulet • Realizimi i skemave elektrike dhe matja e madhësive elektrike, veprime praktike me kompjuterët personal, mbrojtja dhe siguria në punë, zërimi dhe regjistrimet tonike në ambiente të mbyllura, vënia e konektorëve në kabllot audio, video dhe data, përgatitjet teknike për realizimin televiziv të një projekti audio-video, riparimi i marrësit televiziv, riparimi i teknikës audio-video digjitale, realizimi teknik i një projekti në DVD, montimi i antenave satelitore, realizimi teknik i një sistemi të video- konferencës dhe mbikëqyrje teknike e punës së aparaturës audio-video.

Punësimi • Profilizimi në Komunikime audio dhe video ju mundëson kualifikim, që të punësoheni në ndërmarrje (firma, kompani), të cilat japin shërbime që kanë të bëjnë me komunikimet audio dhe video, ose mund të vetëpunësohet si mirëmbajtës ambulant (shëtitës) i teknikës audio dhe video.



INSTALIM ELEKTRIK





• Njohuri mbi vizatimin elektronikë, instalimet elektrike, makina elektrike, elektronika dhe udhëheqja;

• Instalime elektrike, hapja e kanaleve, vrimave dhe foleve, shtrirja e kabllove dhe përçuesve, shtrirja e gypave sipas skemave të instalimit, montimi i elementeve të instalimit etj.;

• Montimi i elementeve të instalimit, montimi i elementeve dhe tabelave (ormanëve), montimi i kyçësit shtëpiak, kryerja e tokëzimit, instalimi i rrufepritësit, instalimi elektronik i një banese, vendosja e pajisjeve ndriçuese.

Punësimi • Profilizimi në Instalim elektrik ju mundëson kualifikim, që të punoni në ndërmarrje (firma, kompani) që kryejnë ndërtime apo instalime elektrike, ose mund të vetëpunësohet si instalues elektrik ambulant, në këtë sektor, sipas kërkesave të klientëve.



TEKNIK I ELEKTRONIKËS INDUSTRIALEShkolla • Shkolla për teknologji informacioni dhe

komunikacion “Gjin Gazulli”




• Njohuri në bazat e elektroteknikës, elektronikës, materiale dhe komponentë elektronike, elektroteknikë digjitale, rregullatori logjik programabil (PLC);

• Ngasësit elektrik; qarqe energjetike dhe senzorët (demonstrim), qarqe themelore dirigjimi, automatizimi dhe rregullimi.

Punësimi • Profilizimi për teknik të elektronikës industriale ju mundëson kualifikim, që të punoni në ndërmarrje (firma, kompani) që merren me ofrimin e shërbimeve të instalimeve dhe komandimeve, apo të vetëpunësoheni si ofrues shërbimesh nga lëmi i instalimeve elektronike.



TEKNIK PËR RIPARIMIN E PAJISJEVE TË ZYRËS(ELEKTRONIKË KONSUMUESE DHE

PAJISJE TË ZYRËS)





• Njohuri mbi bazat e elektroteknikës, elektronikës, sisteme multimediale audio-video, pajisje periferike, pajisjet e zyrës;

• Elektronikë digjitale, instalim dhe konfigurim i pajisjeve hyrëse-dalëse të kompjuterit, sistemeve operative, zëvendësimi i pjesë të kompjuterit.

Punësimi • Profilizimi në Elektronikë konsumuese dhe pajisje të zyrës, ju mundëson kualifikim që të punoni në ndërmarrje që ofrojnë shërbime të teknologjisë së informacionit apo shesin kompjuterë dhe pajisje të tyre periferike.



SALDATOR

Shkolla • Shkolla për makineri, tekstil dhe transport “Shtjefën Gjeçovi”




• Njohuri mbi materialet teknike, elektroteknikë dhe elektronikë, detalet e makinave, makinat dhe pajisjet për saldim;

• Teknikat e saldimit, saldimi me hark elektrik në dorë, me gaz, me metodën MAG, me metodën MIG, me tel të mbushur, nën pluhur, me makinat DN (CAD-CAM).

Punësimi • Profilizimi për saldator ju mundëson kualifikim, që të punoni në ndërmarrje (firma, kompani) që kryejnë punime të saldimit ose mund të vetëpunësoheni si saldator ambulant në këtë sektor, duke punuar sipas kërkesave të klientëve.



MEKANIK I MAKINAVE





• Njohuri mbi materialet teknike, mekanikë teknike, vegla dhe pajisje, elektroteknikë dhe elektronikë;

• Ecuritë teknologjike të proceseve mekanike, detalet e makinave, komponentët hidro-pneumatike;

• Teknikat e mirëmbajtjes së MMP-së; matja dhe kontrolli i tolerancave të formës dhe pozitës së elementeve të MMP , montimi-demontimi i elementeve të lidhjeve të ndashme të MMP-së, kontrolli paraprak dhe mirëmbajtja e MMP-së.

Punësimi • Profilizimi për mekanik të makinerisë ju mundëson kualifikim, që të punoni në ndërmarrje prodhuese dhe të mirëmbajtjes në sektorin e metal përpunimit, ose mund të vetëpunësoheni si serviser ambulant, në këtë sektor të prodhimit e shërbimeve.



METALPUNUES





• Njohuri mbi vizatimin teknik, detalet e makinave, konstruksione metalike, elektronikë dhe elektroteknikë;

• Teknologjia e punimit të metaleve, tornimi gjatësor i sipërfaqeve cilindrike, formimi ballor i shkallëzuar dhe zmusimi, shpimi në forma me punto, punimi i filetave, tornimi i sipërfaqeve konike, të profilizuara, të gjata, ekscentrike etj;

• Saldimi me gaz, gaz mbrojtës, elektrorezistencë;

• Punimi i dyerve, dritareve, rrethojave me profile metalike.

Punësimi • Profilizimi për metalpunues ju mundëson kualifikim, që të punoni në ndërmarrje prodhuese dhe të mirëmbajtjes, ose mund të vetëpunësoheni si metalpunues ambulant, në këtë sektor të prodhimit e të shërbimeve.



AUTOMEKANIK





• Njohuri për automjetet, detalet e makinerive, elektronikë e automjeteve, vizatim teknik;

• Axhusteri, diagnostikim, riparim dhe mirëmbajtje automjetesh.

Punësimi • Profilizimi për automekanik ju mundëson kualifikim, që të punoni në ndërmarrje transporti ose në ndërmarrje të tjera që kryejnë shërbime automjetesh, pika servisi automjetesh, apo të vetëpunësoheni si automekanik në këtë sektor të shërbimeve.



OPERATOR I PRODHIMIT





• Njohuri mbi materialet teknike, mekanikë teknike, makina metal përpunues, detalet e makinave, teknika e përpunimit, elektronikë dhe elektroteknikë, hidraulikë dhe pneumatikë;

• Ecuritë teknologjike të proceseve mekanike, vizatim me kompjuter (CAD), programim në makina (CAD-CAM).

Punësimi • Profilizimi për operator prodhimi ju mundëson kualifikim, që të punoni në ndërmarrje (firma, kompani) që kryejnë përpunime apo prodhime makinerike.



INSTALIM I NGROHJES DHE KLIMA





• Njohuri në mekanikë teknike, teknologji të materialeve, hidraulikë, teknikë ndërtimi, termodinamikë;

• Teknologji e instalimit të ngrohjes dhe klimatizimit, instalim i rrjetit të ngrohjes së dyshemesë, i ngrohjes diellore, i sistemit të klimatizimit dhe ventilimit;

• Përcaktimi dhe termoizolimi në sistmet klimatizuese.

Punësimi • Profilizimi për instalues të ngrohjes dhe klimës ju mundëson kualifikim, që të punoni në ndërmarrje (firma, kompani) që kryejnë ndërtime apo instalime ngrohjesh, klimatizimesh, apo të punoni i pavarur si instalues në këtë sektor.



INSTALUES UJËSJELLËSI DHE KANALIZIMIShkolla • Shkolla për makineri, tekstil dhe

transport “Shtjefën Gjeçovi”




• Njohuri për teknologjinë e materialeve, organizim, ligjshmëri, ekonomi, vizatim me kompjuter (CAD);

• Teknologjia e instalimit të ujësjellësit dhe kanalizimit, montimi dhe instalimi i pajisjeve elektrohidraulike, i rezervuarve të ujit, pajisjeve kundër zjarrit, përcaktimi dhe eliminimi i defekteve në instalime.

Punësimi • Profilizimi për instalues ujësjellësi dhe kanalizimi ju mundëson kualifikim, që të punoni në ndërmarrje (firma, kompani) që kryejnë ndërtime apo instalime ujësjellësi e kanalizimesh, apo të punoni i pavarur si instalues në këtë sektor.



KONFEKSION





• Njohuri mbi fibrat e tekstilit, teknologji konfeksioni, konstruktim dhe modelim i veshjeve, vizatim i ri modelesh;

• Proceset përgatitore në teknologjinë e veshjeve, përgatitja e skemës

• Prerëse, proceset ndërfazore, proceset përfundimtare në finalizimin e veshjeve etj.

Punësimi • Profilizimi në konfeksion ju mundëson kualifikim, që të punoni në ndërmarrje të prodhimit të konfeksionit (atele prodhuese të dizajnit të modës, firma, kompani etj.).



TRANSPORT RRUGOR

(TRANSPORT DHE TRAFIK)Shkolla • Shkolla për makineri, tekstil dhe

transport “Shtjefën Gjeçovi”




• Njohuri për mjetet e transportit rrugor, bazat e transportit rrugor, elektronikë e mjeteve të transportit, mjekësia dhe psikologjia në trafikun rrugor;

• Gjeografia dhe siguria në transport, shenjat e trafikut dhe sistemet e sinjalizimit rrugor, rregullimi i trajtimit rrugor;

• Transporti i mallrave, materieve të rrezikshme, udhëtareve;

• Administrimi i dokumentacionit në transport, rregulloret për transport ndërkombëtar, elektronikës së mjeteve të transportit.

Punësimi • Profilizimi në transport rrugor ju mun-dëson kualifikim, që të punoni në ndërmarrjet e kontrollimit teknik të au-tomjeteve, sinjalizimin rrugor, matjet në trafik, servisimin e automjeteve, me si-gurimin e automjeteve dhe në shërbimet tjera që merren me sigurinë në trafik.



TEKNIK I DHËMBËVE

Shkolla • Shkolla e mjekësisë “Dr. Ali Sokoli”

Kualifikimet • 3 vjet


• Njohuri mbi anatominë dhe fiziologjinë, etikën mjekësore, edukatën shëndetësore, mikrobiologjinë, sëmundjet ngjitëse;

• Teknologji e materialeve tekniko-dentare, protetikë fikse laboratorike, protetikë mobile laboratorike etj.

Punësimi • Profilizimi për teknik të dhëmbëve ju mundëson kualifikim, që të punoni në klinika dhe në laboratorë dentarë.



INFERMIER I PËRGJITHSHËM




• Struktura anatomike dhe fiziologjike të organizmit, mjetet, aparatet dhe pajisjet në kabinetin e kujdesit shëndetësor, përkujdesja dhe trajtimi i të sëmurëve me sëmundje të brendshme, përkujdesja dhe trajtimi i të sëmurëve në kirurgji, zbatimi praktik i metodave për kontrollin e infeksionit, përkujdesja, ekzaminimi dhe trajtimi i fëmijës gjatë fazave të zhvillimit;

• Përkujdesja për gruan, lehonën në gjinekologji;

• Përkujdesja për të sëmurët neuropsikiatrik dhe Njohja me punën praktike në laboratorin mikrobiologjik.

Punësimi • Profilizimi për infermier të përgjithshëm ju mundëson kualifikim, që të punoni në klinika, ordinanca dhe në qendrat e mjekësisë.



TEKNIK I FARMACISË




• Njohuri mbi bazat e anatomisë me fiziologjinë, kimi analitike, edukatë shëndetësore, etikë shëndetësore, botanikë farmaceutike, mikrobiologji me imunologji, farmakognozi, kimi farmaceutike, kimia dhe teknologjia ushqimore;

• Organizimi i punës dhe detyrat e teknikut të farmacisë në sektorin farmaceutik, receptura magjistrale dhe galinike, identifikimi i lëndëve vepruese në drogat bimore, udhëzime praktike për barnat etj.

Punësimi • Profilizimi për teknik të farmacisë ju mundëson kualifikim, që të punoni në ndërmarrje (firma, kompani) : barnatore, fabrika për prodhimin e barnave oficinale, laboratorët galenike, fabrikat për prodhimin e mjeteve ndihmëse shëruese, fabrikat për prodhimin e pajisjeve higjienike dhe sanitare, depot farmaceutike, prodhimin dhe shitjen e mjeteve ortopedike, prodhimin dhe shitjen e mjeteve dezinfektuese dhe deratizuese, fabrika për prodhimin e përgatesave kozmetike dhe në shitjen e tyre.



INFERIMIER I PEDIATRISË




• Struktura anatomike dhe fiziologjike e organizmit, mjetet, aparatet dhe pajisjet në kabinetin e kujdesit shëndetësor, ekzaminimi i fëmijës gjatë fazave të zhvillimit, teknikat dhe metodat e të ushqyerit të fëmijës, përkujdesja dhe trajtimi i fëmijëve në kirurgji, zbatimi praktik i metodave për kontrollin e infeksionit, përkujdesja për shtatzënën në obstetrikë dhe përkujdesja për të sëmurët me çrregullime neuropsikiatrike.

Punësimi • Profilizimi për infermier të pediatrisë ju mundëson kualifikim, që të punoni në klinika të pediatrisë dhe në qendrat e mjekësisë.



MAMI-INFERIMIER I OBSTETRIKËS




• Struktura anatomike dhe funksionet fiziologjike të organizmit, mjetet, aparatet dhe pajisjet në kabinetin e kujdesit shëndetësor, përkujdesja dhe trajtimi i të sëmurëve me sëmundje të brendshme, përkujdesje për të porsalindurin, përkujdesja dhe trajtimi i të sëmurëve në kirurgji, zbatimi praktik i metodave për kontrollin e infeksionit, përkujdesja për gruan në gjinekologji, përkujdesja për shtatzënën në obstetrikë dhe përkujdesja për të sëmurët neuropsikiatrik.

Punësimi • Profilizimi për infermier të përgjithshëm ju mundëson kualifikim, që të punoni në klinika obstetrike dhe në ordinanca obstetrike.



TEKNIK LABORANT I MJEKËSISË




• Njohuritë themelore për laborantin mjekësor, etikë mjekësore dhe edukim shëndetësor;

• Analizat biokimike, hematologji me trasfuziologji, patologji, mikrobiologji me imunologji, hematologji dhe biokimi mjekësore;

• Puna praktike në hematologji dhe trasfuziologji, principet e punës praktike në mikrobiologji, hematologji patologjike.

Punësimi • Profilizimi për laborant të mjekësisë ju mundëson kualifikim, që të punoni në klinika dhe në laboratorë adekuatë të shëndetësisë, ose mund të vetëpunësoheni në këtë sektor.



TEKNIK I FIZIOTERAPISË




• Njohuri në etikë dhe edukim shëndetësor, shëndeti dhe sëmundjet e njeriut, bazat e kieziologjisë, neuropsikiatria;

• Ekzekutimi i lëvizjeve dhe matjeve, rehabilitimi special, terapia fizikale, aplikimi në elektroterapi tek sëmundjet degjenerative, tek deformitetet.

Punësimi • Profilizimi për teknik të fizioterapisë ju mundëson kualifikim, që të punoni në qendrat e rehabilitimit, spitale, shtëpi të pleqve, klube sportive, qendra rekreative sportive, qendra të fitnesit ose mund të vetëpunësohet në këtë sektor, sipas kërkesave të klientëve.



MUZIKË - DREJTIMI INSTRUMENTAL

(PIANO + PERKUSIONE DHE KITARE)Shkolla • Shkolla e muzikës “Prenk Jakova”

Kualifikimet • Shkollimi për kualifikim në profilin e përgjithshëm zgjat 3 vjet.

Modulet • Përveç lëndëve bazike, në Drejtimin instrumental për Piano+ Perkusione dhe Kitarë, përfshihen njohuritë e literaturës muzikore: histori dhe folklor muzikor, solfezh, forma dhe harmonia muzikore, muzika kamertale dhe ushtrime kompozimi, kor dhe orkestër.

Punësimi • Profilizimi në Drejtimin instrumental ju mundëson kualifikim, që të punoni në institucionet e ndryshme, ku njohuritë dhe aftësitë e tyre muzikore hyjnë në përdorim, p.sh. redaksitë e ndryshme muzikore të mediave, bibliotekat e ndryshme etj.



MUZIKË - DREJTIMI INSTRUMENTAL

(HARQE, VIOLINË, VIOLË, VIOLONÇEL, KONTRABAS)Shkolla • Shkolla e muzikës “Prenk Jakova”


Modulet • Përveç lëndëve bazike, në Drejtimin instrumental për harqe, violinë, violë, violonçel dhe kontrabas, përfshihet njohja e literaturës muzikore, historia dhe folklori muzikor, njohje instrumentesh dhe lexim partiturash, ushtrime kompozimi dhe dirigjim koral, kor dhe orkestër.




MUZIKË – SOLO-KËNGË

Shkolla • Shkolla e muzikës “Prenk Jakova”


Modulet • Përveç lëndëve bazike, në drejtimin instrumental për solo këndim përfshihet njohja e literaturës muzikore, historia dhe folklori muzikor, njohje instrumentesh dhe lexim partiturash, ushtrime kompozimi dhe dirigjim koral, solo këndim dhe piano, kor dhe orkestër.

Punësimi • Profilizimi në Drejtimin e përgjithshëm ju mundëson kualifikim, që të punoni në institucione të ndryshme, ku njohuritë dhe aftësitë e tyre muzikore hyjnë në përdorim, p.sh. redaksitë e ndryshme muzikore të mediave, bibliotekat e ndryshme etj.



MUZIKË -DREJTIMI INSTRUMENTAL- INSTRUMENTE FRYMORE (FLAUT, KLARINETË, OBOA.FAGOT, TROMBON, BORI, SAKSOFON ETJ.)Shkolla • Shkolla e muzikës “Prenk Jakova”

Kualifikimet • Shkollimi për kualifikim në profilin Drejtimi instrumental – instrumente frymore zgjat 3 vjet.

Modulet • Përveç lëndëve bazike, në drejtimin instrumental për flaut, klarinetë, oboa.fagot, trombon, bori, saksofon, përfshihet njohja e literaturës muzikore, historia dhe folklori muzikor, njohje instrumentesh dhe lexim partiturash, ushtrime kompozimi dhe dirigjim koral. Piano (oblig.)




MUZIKË - DREJTIMI I PËRGJITHSHËM



Modulet • Përveç lëndëve bazike, në drejtimin e përgjithshëm përfshihen njohuritë mbi literaturën muzikore, solfezh, harmoni, kontrapunkt, formë dhe histori muzikore, piano, dirigjim koral, ushtrime kompozimi, njohje instrumentesh, folklor muzikor, teknologji muzikore.

Punësimi • Kualifikimi për bashkëpunëtor muzikor apo Drejtimin e përgjithshëm muzikor, ju mundëson kualifikim, që të punoni në institucionet e ndryshme, ku njohuritë dhe aftësitë e tyre muzikore hyjnë në përdorim, p.sh. redaksitë e ndryshme muzikore të mediave, bibliotekat e ndryshme etj.



MUZIKË – BALET



Modulet • Përveç lëndëve bazike, në Drejtimin e baletit përfshihen njohuritë mbi Bazat e harmonisë dhe harmoni, historia e muzikës dhe historia e baletit, repertor skenik dhe teknikat e baletit modern, balet dhe vallëzim popullor, piano dhe solfezh etj.

Punësimi • Profilizimi në Drejtimin instrumental ju mundëson kualifikim, që të punoni në institucione të ndryshme, ku njohuritë dhe aftësitë e tyre muzikore hyjnë në përdorim, p.sh. redaksitë e ndryshme muzikore të mediave, bibliotekat e ndryshme etj.


PrishtinëRruga: Hilë Mosi, Nr.11

[email protected]

facebook.com/keshillimnekarriere

Documents

KATALOG I PROFESIONEVE TË SHKOLLAVE PROFESIONALEqendraekarrieres.com/wp-content/uploads/2017/10/KATALOG-I-PROFESIONVE... · HYRJE Katalogu i profesioneve është përpiluar nga Qendra