KURIKULUM WEB NG KWENTO

1

ESP II

EsP2P-11-e-10

Nakakagawa ng

mabuti sa kapwa.

FILIPINO II

F2PL-0a-J-2

Nagagamit ang

wika bilang tugon

sa sariling

pangangailangan

at sitwasyon.

MAPEH II

MU2ME-IIa-1

Natutukoy ang

direksyon ng tono

kung mababa,

mataas at pinaka

mataas

Para sa mga Mambabasa

Malugod naming inihahandog ang

kuwentong ito na isang karagdagang

babasahin para sa mga bata sa Ikalawang-

Baitang. Ang pangunahing adhikain o layunin

ng kuwentong ito ay upang matukoy ng mga

bata ang mataas at mababang tono ng tunog.

Sa pamamagitan ng nilalaman ng

kuwentong ito, matututunan ng mga bata ang ilan

sa mga magagandang kaugaliang magagamit

nila sa kanilang pang-araw-araw na pamumuhay

bilang mabuting kaibigan, mag-aaral at

mamamayan ng ating bayan.

Ang mga tauhan sa kuwentong “Ang

Lobo nina Do-Re-Mi” ay nagpamalas ng

kahalagahan na makapagbigay ng kusang tulong

sa nangangailangan, kaugnay rin nito ang iba’t-

ibang bagay na kayang abutin ayon sa ating

kakayahan. Nawa’y makapagbigay ng inspirasyon

sa inyo ang kuwentong ito.

2

Sa tahanan nina Mang Gastor at Aling

Susie, ang lahat ay abala sa paghahanda

para sa kaarawan ng kanilang anak na si

Melody.

3

4

4

May nagkakabit ng makukulay na

lobo, nag-aayos ng upuan at naghahain ng

masasarap na handa ng may kaarawan.

5

6

6

Ito ay dinaluhan ng maraming

panauhin kabilang na ang magkakaibigang

sina Do-Re-Mi. Sila ay sina Donna, Reby at Mina.

7

8

Manghang-mangha ang

magkakaibigan sa makukulay na lobo,

masasarap na pagkain at iba-t-ibang palaro na

makikita sa pagdiriwang.

9

10

Kaya naman nang matapos

ang pagdiriwang, kinuha ng tatlong bata ang

mga lobo na nakatali sa kani-kanilang upuan.

Pinili ni Donna ang kulay pulang lobo, asul

naman ang kay Reby at kulay dilaw ang

naman ang kay Mina.

11

12

12

Sa kanilang paglalakad pauwi,

masaya nilang nilalaro ang mga lobo nang

biglang umihip ang malakas na hangin at

mabilis na tinangay ang mga lobo sa iba’t-

ibang direksyon.

13

14

14

Ang pulang lobo ay napadpad sa

mababang damuhan malapit sa sapa. Sa puno

ng bayabas ni Aling Rita sumabit ang asul na

lobo samantalang ang dilaw na lobo ay

nilipad sa mataas na puno ng kawayan.

Dali-daling sinundan ng mga bata ang

kani-kanilang lobo.

15

16

10

“Kokak, kokak, kokak” huni ng palaka

na patalun-talon nang mababa sa sapa.

Agad niyang nilapitan ang pulang lobo

na sumabit sa damuhan at kinuha niya ito

gamit ang kanyang dila. Iniabot niya ito kay

Donna na humihingal sa pagtakbo.

“Maraming salamat kaibigang palaka!

Mabuti at sa mababang damuhan lamang

sumabit ang aking lobo”

“Kokak, kokak, kokak” ang muling sagot

ni palaka na patuloy pa rin sa pagtalon nang

mababa.

17

10

18

10

Sa bakuran ni Aling Rita, mabilis na

pumunta si Reby upang kunin ang asul na

lobo na napalupot sa sanga ng bayabas.

Dinatnan niya ang may-ari na nilalaro ang

alagang unggoy.

“Aling Rita, Aling Rita, maaari ko po

bang kuhanin ang aking lobo?” ang pakiusap

ni Reby.

Inutusan ni Aling Rita ang alagang

unggoy na kuhanin ang asul na lobo sa puno

ng bayabas.

“Uh-uh-uh, ah-ah-ah” huni ng unggoy.

Mabilis na inakyat ng unggoy ang lobo sa

mataas na puno ng bayabas. Kinuha niya ito

at iniabot kay Reby.

“Maraming salamat po Aling Rita at

sa inyong alaga”, masayang pagpapasalamat

ni Reby.

19

10

20

10

Ang dilaw na lobo ang nilipad nang

pinakamataas kaya naman alalang-alala si

Mina kung paano niya ito makukuha.

May isang maya ang lumilipad nang

mataas at napansin niya na malungkot ang

batang nakatanaw sa lobo.

“Twit, twit, twit,” ang huni ng maya na

nais matulungan ang bata.

Lumipad siya nang pataas ng pataas sa

puno ng kawayan. Tinuka niya ang tali ng lobo

at unti-unting ibinaba kay Mina.

“Maraming salamat kaibigang maya!”,

wika ni Mina.

“Twit, twit, twit,” awit ng maya sabay lipad

nang pataas ng pataas.

21

10

22

22

10

Tuwang-tuwa ang magkakaibigan

nang maibalik ang kanilang lobo.

Sa kanilang pag-uwi, masayang

umaawit ang magkakaibigan ng ganito:

Saan napunta ang pulang lobo, hiyahiya-yo!

Saan napunta ang pulang lobo, hiyahiya-yo!

Sa may sapa , kinuha ng palaka, kokak, kokak!

kokak, kokak!

Saan napunta ang pulang lobo, hiyahiya-yo!

Saan napunta ang asul na lobo, hiyahiya-yo!

Saan napunta ang asul na lobo, hiyahiya-yo!

Sa may bayabas, kinuha ng unggoy,

Uh-uh, ah-ah, Uh-uh, ah-ah

Saan napunta ang asul na lobo, hiyahiya-yo!

Saan napunta ang dilaw na lobo, hiyahiya-yo!

Saan napunta ang dilaw na lobo, hiyahiya-yo!

Sa puno ng kawayan, kinuha ng maya

Twit-twit, twit-twit, twit- twit, twit twit

Saan napunta ang dilaw na lobo, hiyahiya-yo!

23

10

24

24

10

Panuto: Anong kulay ng lobo ang nilipad nang

mababa, mataas at pinakamataas? Itugma ang

kulay nito batay sa kuwento.

Pinakamataas

Mataas

Mababa

25

10

This material was contextualized by the Curriculum and Learning Management Division (CLMD)

Learning Resource Management and Development Center (LRMDC)

SCHOOLS DIVISION OF BULACAN

ROMEOM. ALIP, Ph. D. CESO IV Public Schools Division Superintendent

CECILIA E. VALDERAMA, Ph. D. Public Schools Division Assistant Superintendent

GREGORIO C. QUINTO, Ed. D. Curriculum and Learning Management Division Chief

RAINELDA M. BLANCO, Ph. D. LRMDS Supervisor

JOANNE C. CABARRUBIAS Writers

BERNADETTE C. ENOLVA Illustrators

CHERRIE BELLE E. IRASUSTA Layout Artist

REGION III OFFICE

MALCOLM S. GARMA, CESO V Director III

OIC – Regional Director

NICOLAS T. CAPULONG, Ph.D., CESO V OIC – Assistant Regional Director

ELIZABETH M. PERFECTO, Ed.D. Curriculum and Learning Management Division Chief

MA. EDITHA R. CAPAAS, Ed.D. LRMDS Supervisor

ENGELBERT B. AGUNDAY, Ed.D. Regional Education Program Supervisor – MAPEH

CYRENE D. ALVARADO Regional Librarian 26

10

SYPNOSIS

Ang aklat na ito ay nilikha para sa aralin sa

Musika. Nais ng mga sumulat na mapadali at

mapabilis ang pagkatuto ng mga bata sa Baitang

II. Sadyang pinag-isipan ng mabuti ang kwentong

ito upang makatulong sa mga guro at sa mga

mag-aaral. Magagamit ang aklat na ito na

magsisilbing gabay upang matulungan ang mga

mag-aaral na matukoy ang mga bagay na

nagtatalakay ng mataas at mababang tunog. Sa

pamamagitan ng kwentong ito higit na

mapapadali sa mga guro na ituro ang mataas at

mababang tunog at kawili-wili naman sa mga

mag-aaral ang paraan ng paglalahat ng paksa.

Magiging basehan din ito kung paano nararapat

pahalagahan ang pagtulong sa kapwa.