Upload
others
View
3
Download
0
Embed Size (px)
Citation preview
1
KUVENDI
Komisioni për Edukimin dhe Mjetet e Informimit Publik
PROCESVERBAL
Tiranë, më 23.04.2018, ora 11:00
Drejton mbledhjen:
Milva Ekonomi – nënkryetare e Komisionit
Rendi i ditës:
1. Miratimi i procesverbaleve të datave 19, 20, 28 dhe 29 mars, 3 dhe 4 prill 2018.
2. Shqyrtimi i Raportit për veprimtarinë vjetore të AMA-s për vitin 2017.
3. Diskutimi dhe miratimi i kalendarit të punës së Komisionit për javën në vijim.
Marrin pjesë:
Milva Ekonomi, Fidel Ylli, Musa Ulqini, Fatmir Velaj, Adelina Rista, Fadil Nasufi,
Ismet Beqiraj, Vilma Bello, Bujar Çela, Nora Malaj, Shezai Rrokaj, Ilir Beqaj (zëvendësues),
Besnik Baraj (zëvëndësues).
Mungojnë:
Albana Vokshi, Romeo Gurakuqi, Luçiano Boçi, Valentina Duka, Luan Baçi, Kejdi
Mehmetaj, Almira Xhembulla.
Të ftuar:
Gentian Sala – Kryetar i AMA-s
Dritan Xhelili – shef i Kabinetit të AMA-s
Arben Muka - Drejtor i Drejtorisë së Programacionit të AMA-s
Sara Xhumbari – Drejtore e Drejtorisë Juridike të AMA-s
2
HAPET MBLEDHJA
Milva Ekonomi – Mirëmëngjesi të gjithëve!
Fillojmë mbledhjen e komisionit.
Për zhvillimin e kësaj mbledhjeje kemi rënë dakord me opozitën, por, fatkeqësisht,
anëtarët e opozitës nuk janë të pranishëm sot në komision, edhe pse ne morëm përsipër që të
shtynim afatin e dëgjesës së AMA-s për arsye që anëtarët e opozitës të uleshin këtu me ne.
Megjithatë, unë besoj se jemi mjaftueshëm për të bërë një debat lidhur me raportin vjetor të
AMA-s për vitin 2017.
Sot në rendin e ditës të punës së këtij komisioni kemi dy çështje të rëndësishme: së pari,
miratimin e procesverbaleve të mbledhjeve të datave 19, 20, 28 dhe 29 mars; 3 dhe 4 prill; së
dyti, shqyrtimin e raportit të AMA-s.
Të ftuar në komision kemi kryetarin e AMA-s, zotin Gentian Sala, shefin e kabinetit të
AMA-s, zotin Dritan Xhelili, drejtorin e Drejtorisë së Programacionit, zotin Arben Muka, si
dhe drejtoreshën e Drejtorisë Juridike, zonjën Sara Xhumbari.
Para se të fillojmë me pyetjet, unë besoj se kemi nevojë të dëgjojmë një shpjegim nga
zoti Sala lidhur me aktivitetin e AMA-s për vitin 2017.
Faleminderit, zoti Sala!
Fjala është për ju.
Gentian Sala - Faleminderit!
Aktiviteti i AMA-s për vitin e kaluar ishte i gjerë, megjithatë unë do të fokusohem te 4
momente kryesore të punës së aktivitetit, të cilat janë : miratimi i strategjisë 3-vjeçare të AMA-
s; miratimi i kontratës së shërbimit ndërmjet AMA-s dhe operatorit publik; buletini i AMA-s
dhe Kodi i Transmetimit.
Po ashtu, janë edhe një sërë aktesh të tjera nënligjore, por thelbi dhe rëndësia, për
mendimin tonë, është e fokusuar në këto 4 dokumente.
Strategjia e AMA-s, megjithëse përshkruhet shumë saktë në ligjin nr. 97/2013, u
miratua në vitin 2017, pas një pune të gjatë, pasi kërkonte konsultime me shumë palë, aktorë
në tregun medietik, por edhe me organizata ndërkombëtare. Tashmë puna e aktivitetit nuk është
më rutinë, por është e mirëpërcaktuar nga strategjia 3-vjeçare e Autoritetit të Medieve.
Strategjia përbëhet nga dy dokumente: dokumenti strategjik dhe plani i veprimit për
realizimin e këtij dokumenti.
Një dokument tjetër shumë i rëndësishëm është miratimi i kontratës ndërmjet
Autoritetit të Medieve dhe operatorit publik. Kjo kontratë për ne ka një rëndësi shumë të
3
madhe, pasi roli i operatorit publik është shumë i madh, duke pasur parasysh edhe një fuqizim
të këtij operatori tashmë, që është digjitalizimi, që po vihet në veprim.
Kontrata ka dy elemente kryesore: ndërtimin e platformës prej 12 kanalesh të operatorit
publik dhe nivelin me mbulim të këtij operatori për qytetarët. Është mbyllur pas 6 muajsh një
raport për realizimin dhe vlerësimin analitik mes AMA-s dhe operatorit publik, dhe kanë dalë
probleme të cilat ne i kemi evidentuar edhe në raport, i kemi konsultuar me operatorin publik
dhe mund të themi se ka një realizim shumë të lartë të këtyre objektivave nga operatori publik.
Kanë dalë probleme me kanalet dedikuar fëmijëve, me kanalet tematike të përcaktuara nga
operatori si lajme, sikurse ka probleme lidhur me realizimin e emisioneve për personat me
aftësi të kufizuara. Por duhet të themi, dhe për këtë nuk kemi pse të hezitojmë, që operatori
publik realizimin e digjitalizimit e ka arritur në një kohë rekord, ka kryer një mbulim shumë të
mirë. Digjitalizimi është duke dhënë efektin e parë në zona ku është mbyllur si proces, si zona
e Beratit, e Korçës dhe e Fierit. Mund të themi si digjitalizimi në tërësi ka dhënë shumë efekt
te qytetarët. Mund t’ju bëj një krahasim me numra: nëse në qarkun e Beratit ka pasur vetëm 6
kanale për qytetarët pa pagesë, tani numri i tyre ka shkuar në 22; nëse në qarkun e Korçës ka
pasur 9 kanale pa pagesë, tani numri i tyre është 26; nëse në qarkun e Fierit ka pasur 11, tani
numri i tyre ka shkuar 28. Efekti është shumë i madh, duke pasur parasysh që qytetarët që
shohin pa pagesë janë ata me të ardhura më të pakta dhe nuk kanë mundësi të shohin me
platformat e tjera private.
Kodi i Transmetimit është riparë, është një kod i miratuar në vitin 2014 dhe ka pasur
nevojë për rishikim, për saktësim dhe për amendime, Ky kod ka pasur konsultime shumë të
gjera me shumë palë, sidomos me mbrojtjen e të drejtave të fëmijëve, Agjencinë për Mbrojtjen
e të Dhënave Personale, Qendrën për Mbrojtjen e të Drejtave të Fëmijëve dhe shumë organizata
të tjera. Po ashtu, nga KE-ja dhe OSBE-ja kemi marrë shumë sugjerime për këtë kod.
Përgjithësisht sugjerimet e ardhura nga organizatat kanë qenë të vlefshme, nuk kanë qenë
mendime periferike, por i kanë shërbyer kodit, që të jetë sa më i detajuar.
Dokumenti tjetër, i cili për ne merr rëndësi themelore, është Buletini i Autoritetit të
Mediave. Për herë të parë ne kemi të dhëna të sakta të mediave, numrin e punonjësve që janë
në mediet audiovizive, numrin e punonjësve part-time, mënyrën dhe lëvizshmërinë e
punonjësve në tregun mediatik. Por akoma më shumë te buletini vihen re të dhëna që lidhen
me natyrën e bizneseve, jo thjesht të pronarëve që kanë mediet audiovizive, por edhe të
bizneseve të tjera, me të cilat janë lidhur këta pronarë. Kjo është shumë e rëndësishme për të
pasur një pasqyrë sa më të qartë të tregut mediatik, një treg me rëndësi shumë të madhe në
ndikimin dhe formësimin e opinionit publik. Kështu që elementi kryesor që ne mendojmë se
4
duhet të bëjë analizën e qartë të këtyre medieve, janë të dhënat. Kjo është një nga fushat më
problematike në raporte, s’ka pasur të dhëna, prandaj kemi filluar me buletinin. Çdo 6 muaj
buletini ribotohet me të dhëna gjithnjë e më të detajuara. Buletini, me daljen e tij të parë, u ka
shërbyer shumë organizmave të tjerë, të cilat kanë marrë të dhënat dhe kanë përpiluar raportet
e tyre në lidhje me çështjen e medieve.
Sikurse thashë, procesi i digjitalizimit ka ecur relativisht mirë, dihet që vonesat kanë
ardhur me kohën, por jemi në fazën e implementimit. Është mbyllur në zonën e Beratit dhe të
Korçës, këtë vit u mbyll edhe në Fier dhe besoj se brenda verës do të mbyllet edhe në zonën
Tiranë-Durrës, që është zona më e madhe, me popullsi më të madhe.
I thashë të mirat që i vijnë publikut nga ky proces, më shumë kanale pa pagesë, më
shumë mundësi për të parë, më shumë pavarësi për qytetarët, pra të mos jenë të detyruar të
shohin me pagesë, nëse e vlerësojnë, mund të jenë, por në radhë të parë t’u jepet ai elementi
themelor i formimit, domethënë sa më shumë kanale.
Është realizuar lirimi i brezit frekuencor të dividendit digjital, i cili ka qenë një nga
rekomandimet që është lënë edhe nga raporti i Bashkimit Europian për Shqipërinë. Janë lëvizur
me frekuencë incizimi 13 televizione analoge dhe 6 frekuenca numerike. Mund të themi se ky
proces është i kryer. Tashmë AKEP-i ka nisur procedurat për shitjen e këtij brezi frekuencor,
proces që është në vazhdim.
Për sa i përket monitorimit të medieve audiovizive, jemi fokusuar tek televizionet
kombëtare, radiot kombëtare, televizionet informative dhe dy platformat kryesore numerike.
Këto monitorime kanë pasur të bëjnë më shumë me fushën që mbulon të miturit, me reklamën,
me standardin e gjuhës shqipe, që është risi e bërë vitin e kaluar dhe me forma të ndryshme
diskriminimi, nëse ka apo jo në mediet audiovizive.
Po ashtu, është vënë një fokus shumë i gjerë në radio. Ka qenë një treg kompakt i
parregulluar, me radio të paligjshme, që dilnin nga zonat e mbulimit, por, sikurse është vënë re
edhe një fenomen tjetër me radiot komunitare fetare. Në këtë proces ne kemi ecur me shumë
kujdes dhe kemi menduar që, së pari, të hapet procedura për 4 radio komunitare fetare, pasi
ligji ynë e jep këtë mundësi, dhe licencohen radiot e komuniteteve të njohura nga shteti, si:
komuniteti mysliman, katolik, ortodoks dhe bektashi. Me të gjitha radiot e tjera është bërë
komunikim i vazhdueshëm për t’iu përshtatur kërkesave të ligjit nr. 97/2013. Në dy prej tyre
është hequr licenca, pasi nuk i kanë reflektuar këto ndryshime.
Po ashtu, kemi një situatë totalisht të rregulluar për sa u përket radiove të paligjshme,
radiove që dilnin nga zonat e mbulimit. Ky problem është i ezauruar tashmë edhe me radiot.
5
Problemet me televizionin po i përmbyll totalisht procesi i digjitalizimit në zonat ku po
realizohet.
Për mirëmenaxhimin e institucionit mund të themi se të gjitha hallkat, elementet e këtij
procesi, janë në trend pozitiv. Nga 64 procese gjyqësore që kemi, 51 janë të fituara në favor të
AMA-s. Titujt ekzekutivë kanë një rritje shumë të lartë të mbledhjes së të ardhurave, që kanë
të bëjnë më shumë me efektivitetin e vendimit të AMA-s sesa me dëshirën tonë për mbledhur
gjobat.
Mirëmenaxhimi financiar, sikurse mund të shikohet në grafikë, është shumë i lartë në
krahasim me vitet 2013, 2014, 2015, 2016. Pothuajse po shkon drejt zeros. Pra, sa të ardhura
propozohen, aq do të realizohen. Kjo ka bërë që këtë vit të jemi në një godinë të re të financuar
100% nga të ardhurat tona, pa asnjë ndihmë nga buxheti i shtetit apo palë të treta. Mendojmë
që tani të vazhdojmë me procese të tjera të studios së monitorimit, me investime të nevojshme
për të bërë të mundur sa më mirë realizimin e ligjit të AMA-s.
Po ashtu, edhe sa i përket aktivitetit të Autoritetit, kemi bashkëpunim permanent dhe
shumë të mirë me Universitetin e Tiranës, Fakultetin e Gazetarisë, me organizata të ndryshme,
si Instituti Shqiptar i Medies ose organizatat më të reja në këtë fushë, që, për projekte, me të
cilat ne nuk mund të merremi drejtpërdrejt, të bëjmë të mundur financimin e institucioneve për
të nxjerrë produkte që kanë të bëjnë me medien audiovizive.
Milva Ekonomi – Faleminderit, zoti Sala!
Zoti Beqaj, keni fjalën!
Ilir Beqaj – Faleminderit për prezantimin!
Unë do të bëj disa pyetje, por edhe komente.
Përgëzime për çlirimin e DD1–shit. Ky hap mundëson perspektiva zhvillimi në
ekonomi, sidomos teknologjinë e informacionit.
A ka një vlerësim të dëmit ekonomik që ka ndodhur në vitin 2017 nga pirateria
mediatike? Nëse ka, si është ky vlerësim krahasuar me vitin 2016? Sigurisht, këto janë
vlerësime, nuk mund të jenë matje të sakta.
Së dyti, në fjalën tuaj u shprehët që viti 2017 ka qenë viti i parë që ju nuk keni kërkuar
financime të drejtpërdrejta nga buxheti i shtetit, por arritët t’i administroni vetë. Kjo më
shqetëson pak, nga njëra anë. Çfarë nevojash do të kishit ju për investime për përmbushjen e
plotë të misionit? Dhe në kushtet kur ndoshta do të duhet t’ia dilni vetë, mos kjo ju bën më
agresivë në penalitete? Për të krijuar një mjedis të shëndetshëm të komunikimit të politikëbërjes
me operatorët, por edhe me publikun, mund të jetë jo ndonjë sforco shumë e madhe për
6
buxhetin t’ju financojë diçka, që të mos jeni shumë agresivë në krijimin e të ardhurave. Cila
do të ishte nevoja ideale për investime? Sa prej tyre mund të përballohen?
Po trajtoj edhe një temë që lidhet me raportimin e nesërm, meqë unë nuk do të jem,
dhe që është taksa e shërbimit. Në raport, në faqen 60 citoni faktin që ende institucioni publik
nuk arrin të përmbushë detyrimet kushtetuese për një shërbim, i cili paguan edhe një taksë. Me
sa di unë, kur është vendosur, ajo nuk është taksë për shërbimin, por për aparatin televiziv. Ne
kemi kusuret tona për mënyrën si e mbledhim këtë taksë. Pa dashur të futem në emra të
përveçëm, një hotel me 40 dhoma duhet të paguajë 40 herë taksë, sepse ka 40 aparate televizive.
Një pikë bastesh sportive duhet të paguajë 20 taksa, sepse ka 20 aparate televizive. Këtu besoj
se ka ende shumë rezervë për të mbledhur atë taksë, e cila, kur është vënë në vitin 2005, Musa,
ti besoj je më i hershmi midis nesh, që i njeh këto çështje, është vënë për të filluar financimin
e procesit të digjitalizimit. Ka qenë 6 mijë lekë në vit, u bë 12 mijë lekë në vit; ka qenë 5%
komisioni, iu bë një favor CEZ-it atëherë, dhe komisioni u bë 10%. Për mua 10% nuk është
komision i vogël. A ka në Shqipëri ndonjë tarifë që agjenti mbledhës merr 10% të të ardhurave
të asaj që mbledh, aq më shumë që është përfshirë në faturën e një utiliteti, vjeljen e së cilës e
kemi rritur në këto vite?
Po kaloj në dy shqetësime pak më konkrete. Ju lutem, ndiqeni me kujdes procesin i
digjitalizimit, sepse në Gollobordë nuk arrin sinjali dhe ata shqetësohen për çdo gjë. Për çdo
shërbim që kanë me Shqipërinë, dalin një herë në Maqedoni pastaj vijnë në Peshkopi, por të
paktën sinjalin që nuk ka nevojë për rrugë, t’ua çojmë më kollaj.
Meqenëse nesër nuk do të jem, po e them sot që kam përshtypjen, kur kemi ndjekur
zbatimin e legjislacionit, që nga viti 2014, ka një dispozitë të veçantë me detyrimet që ka ai
edhe në prime time për emisione për mbrojtjen e shëndetit nga produktet e duhanit. Këtë
dispozitë e njoh, sepse jam marrë me hartimin e saj, por as ajo nuk e bën siç duhet.
Do të kërkoja që bashkë me AKEP-in këtë vit të punojmë për të çliruar edhe DD2-
shin. Unë mendoj në rezolutë të kishim tri momente: afirmimin e punës shumë të mirë për
çlirimin e DD1-shit, angazhimin për të filluar nga puna për DD2-shin, ndoshta ju mund ta
thoni dhe kujt ministri duhet të shkoni t’i trokisni, që të nxisë qeverinë për këtë punë, dhe
mbrojtjen e shëndetit nga pirja e duhanit.
Milva Ekonomi- Faleminderit, zoti Beqaj!
Keni pyetje të tjera?
Kalojmë në përgjigjet për pyetjet.
Gentian Sala - Faleminderit për pyetjet!
7
Dalja nga pirateria është vështirë të matet, por informacioni mund të merret direkt nga
marrëdhëniet që kemi me operatorët. Ka një ndryshim rrënjësor në këtë pikëpamje, jo pa dashje
unë nuk e përmenda, pasi e konsideroj problem, por jo problem qendror të punës. Nëse në vitin
e parë ka qenë problem themelor, këtë vit është problem, ka kosto, por jo qendror dhe themelor
i punës sonë. Patjetër që ka probleme shumë të mëdha të piraterisë, por sa i përket problemeve
të piraterisë në kabllor ka ndryshim jashtëzakonisht të madh. Kjo nuk ka ardhur thjesht nga
inspektimet dhe sanksionet tona, por ka ardhur edhe nga aktet nënligjore që kemi miratuar. Sa
vjen dhe operatorët ndërgjegjësohen. Është ndjekur një politikë shumë e gabuar, kemi shumë
më pak operatorë se para 3 vjetësh, por shumë më të qëndrueshëm financiarisht dhe më të
miroganizuar. Më përpara ndodhte që jepeshin në një qytezë të vogël 3 licenca ose autorizime.
Sot ne kemi bërë të mundur që këta operatorë të bëhen bashkë, kjo nëpërmjet masave që kemi
marrë; të zgjerojmë tregun jo vetëm për qytetarët, por në radhë të parë të jetë një biznes
rentabël.
Pirateria me kabllor tashmë nuk është problem i madh, por po vihet re fenomeni i
piraterisë online dhe asaj epitivi, pasi ky treg po zmadhohet jashtë mase. Kemi filluar një
bashkëpunim me AKEP-in, besoj se do të kemi masa edhe për këtë çështje. Do të kemi një
bashkëpunim më të mirë ndërinstitucional.
Ilir Beqaj – Unë mendoj se ky mund të jetë një moment që të futet në rezolutë pjesa
e arritjeve. Pra, përmirësimet që kanë ndodhur në kufizimin e piratërisë, të futen në rezolutë.
Unë propozim e kam, por ta gjykojmë kur të vijë koha e draftit.
(Mungesë incizimi.)
Gentian Sala - ...më i madh ta kryejmë dhe me të ardhurat tona. Administrata e
mëparshme, të themi të drejtën, ndër shumë çështje problematike, ka lënë edhe këtë, nuk ka
mbledhur të ardhurat për shumë vjet. U detyruam i mblodhëm ne dhe realizuam edhe investimet
kryesore të administratës. Kemi probleme, sepse kemi lënë procese gjyqësore, siç është rasti i
Shijakut, një vendim gjyqësor me mbyllje, me Gjykatë Apeli dhe me Gjykatë të Shkallës së
Lartë me dëm 900 mijë euro. Kjo na ka mbetur si barrë, kemi kërkuar ndihmën buxhetit të
shtetit. Nuk ka ardhur tani. Po zgjidhet në marrëveshje me subjektin.
Po ashtu, është problemi i studios së monitorimit. Nuk mbulohet dot. Në qoftë se duhet
të kemi një studio monitorimi me standarde, nuk mbulohet dot me buxhetin e AMA-s.
Kurse për sa u përket atyre proceseve të përditshme: paga, investime të vogla, janë më
se të mjaftueshme. Nuk mund të qahemi kot, se nuk është nevoja. Pra, më shumë lidhen me
problemet e bartura.
8
Që mirëmenaxhimi ynë mund të sjellë agresivitet në penalitete, nuk besoj se mund të
ndodhë, pasi, e para e punës, nuk e konsideroj punën tonë të bazuar te gjobat, por edhe sikur të
ishte kështu, gjobat nuk i marrim ne, por 80% i merr buxheti i shtetit. Ato që na ngelin ne, ikin
me kostot administrative, me përmbarues e të tjerë. Por nuk është ky thelbi i punës sonë.
Për taksën e shërbimit të operatorit publik, në shumë takime që kemi pasur me
operatorin dhe me organizatat ndërkombëtare, por edhe në vlerësimin tonë, nuk është çështja
jonë të themi ka apo nuk ka nevojë RTSH-ja për lekë, por të pretendojmë se me të njëjtin buxhet
do të mbajmë 12 kanale, të ketë edhe kanale cilësore dhe programe të mira, kjo nuk është e
mundur, pasi unë mund t’ju them se taksa në Shqipëri është 8,7 euro. Nuk ka asnjë vend që e
ka më poshtë.17 euro më duket se e ka Mali i Zi. Maqedonia e ka 37 euro, Serbia e ka te 30
euro dhe vetëm lart. Pra, nëse do të kemi një operator publik të shëndetshëm, kam përshtypjen
se nuk e mbulon dot me atë buxhet. Ky është perceptimi i punës sonë të përditshme. Nuk e
realizon dot. Të mos themi pastaj që atyre u kanë ngelur edhe barra të tjera nga kreditë dhe
problemet e bartura.
Sinjali i RTSH-së, është një nga ato pikat ku me RTSH-në kemi më shumë përplasje
dhe do të kemi gjithmonë. Nuk mund të themi se duhet të bëjmë tolerime te elementi kryesor i
RTSH-së: mbulimi me sinjal. Është operatori që ka barrën kryesore, pasi paguhet direkt nga
qytetarët për sinjalin. E kemi thënë shumë qartë edhe në shumë pika në raport. Jo vetëm
Gollobordën, por edhe bashkitë: Himarë, Memaliaj, Klos, Divjakë, Gramsh, Konispol,
Selenicë, Këlcyrë, Librazhd, Vau i Dejës, nuk i mbulon, të paktën në momentin kur është bërë
raporti.
Për këtë pikë, me operatorin jemi në komunikim të vazhdueshëm dhe këtë do ta
kërkojmë deri në fund. Është element themelor i operatorit publik që të çojë sinjal. Kurse për
atë pikën, si hotelit, si pikat e basteve... Edhe njëmijëlekëshin në muaj, e di mirë, s’duan ta
paguajnë.
(Ndërhyrje pa mikrofon.)
(Diskutime pa mikrofon.)
Milva Ekonomi – Kemi pyetje të tjera?
Gentian Sala – Më fal!
Për çështjen e shëndetit, të duhanit, më mirë është të përgjigjet drejtori Arben Muka,
pasi është...
(Ndërhyrje pa mikrofon)
Jo, nuk kemi dëshirë për... E kemi shumë specifike. E kemi problemin me gjyqin, me
investimet e mëdha.
9
(Zoti Ilir Beqaj flet pa mikrofon)
Studioja e monitorimit.
Ne kemi bërë një material për 2 vjet e gjysmë -3 vjet, në mos gaboj. Ka qenë diku te
900 mijë euro. Ato janë produkte që me vitet, investimet bien gjithmonë, por nuk e realizojmë
dot. Në qoftë se duhet të zbatohet ligji i medies, që është ligj programacioni, në radhë të parë,
nuk është digjitalizimi apo teknik, pa studion nuk e kryen dot...
(Ndërhyrje pa mikrofon.)
Në lidhje me çështjen e mbrojtjes së shëndetit...
Arben Muka – Te pjesa e mbrojtjes së shëndetit, ne kur bëjmë...
(Zoti Ilir Beqaj flet pa mikrofon.)
Dakord.
Ne, zoti Beqaj, i referohemi zbatimit të kontratës së shërbimit të transmetimit. Ne nuk
e bëjmë dot linjën editoriale dhe të themi se doktor Flamuri duhet të bëjë për duhanin ose
asistentja e tij në emision duhet të bëjë për këtë...
(Diskutime pa mikrofon.)
Ilir Beqaj – Ai ligj mund ta gjejë nenin, se një moment është, ose asistojmë me nenin.
Thotë se RTSH-ja çdo javë duhet të japë emisione për këtë punë. Se kush është producenti dhe
spikeri, nuk ka rëndësi fare. Madje edhe detyrimin se sa minuta në prime time. Nuk po i hyjmë
përmbajtjes, por po i hyjmë sasisë.
Arben Muka – Do ta shikojmë, zoti Beqaj, sepse ne i referohemi ligjit tonë organik
dhe kontratës së shërbimit që kemi me RTSH-në. Patjetër që do ta shkojmë dhe do të shikojmë
edhe se ku jemi ne!
(Ndërhyrje pa mikrofon.)
Në kontratë është kjo pika. Tani sa po thosha, kanë 1400 orë transmetimi emisionesh
shëndeti. E ka në kontratë, por megjithatë do ta shikojmë.
(Ndërhyrje pa mikrofon.)
(Diskutime pa mikrofon.)
Milva Ekonomi – Na lini të vazhdojmë punën në komision!
(Diskutime me gazetarët, pa mikrofon.)
Kemi të tjera përgjigje nga ana juaj?
Gentian Sala – Pyetja në lidhje me lirimin e digjital divident 2. Në lidhje me lirimin e
këtij brezi frekuencor, ne nuk jemi të bindur se është koha e duhur.
Ne si AMA, në radhë të parë mbrojmë interesat e operatorëve audiovizivë, patjetër,
edhe të shtetit dhe të ligjit, por fokusi ynë janë operatorët audiovizivë.
10
E para, ne nuk kemi asnjë material, as nga AKEP-i, as nga ndonjë pjesë tjetër e qeverisë,
që të bëjë një analizë dhe të thotë se ky brez duhet liruar, sepse kemi këtë projekt investimi apo
këtë strategji. Nuk e kemi këtë.
E dyta, te ky brez preken jo pak mediet audiovizive. Pra, nuk kemi mbyllur akoma
digjitalizimin. Sapo është liruar digjital divident 1. Akoma nuk dihet cili është interesi për
digjital dividentin 1. Nuk mendoj se është momenti të flasim për lirimin e digjital dividentit 2.
Shumë shtete të tjera e kanë bërë. Kjo nuk do të thotë gjë, pasi ata medien e kanë më të
sistemuar. Digjitalizimin e kanë mbyllur me vite para dhe nuk preket shumë interesi i
operatorëve. Ne te kjo pikë, le të themi, jemi shumë konservatorë. Nuk jemi shumë avangardë
dhe të mendojmë se duhet apo nuk duhet. Nuk jemi të bindur ta themi këtë.
Milva Ekonomi – Vetëm një gjë mund t’ju sillja në vëmendje për këtë çështje.
Duke parë lajmet, kemi një aktivitet të shtuar në lidhje me konektivitetin dhe
ekonominë digjitale, që vjen nga të gjitha vendet e Ballkanit dhe ka disa thirrje për të hapur
mundësitë e bashkëpunimit digjital me vendet e rajonit. Kështu që edhe në këtë kuadër, unë
nuk e di se çfarë analizash mund të ketë bërë AMA për këtë gjë, mbase është momenti për të
bërë edhe një reflektim. Vetëm si sugjerim e kam.
Gentian Sala – Nevojat për investime, që kanë të bëjnë me internetin, i mbulon digjital
divident 1, pra brezi që ka dalë tashmë në shitje, kurse për 2-shin nuk di ndonjë shtet tjetër që
ta ketë kryer si shitje. Janë në proces shume të avancuar, që mendojnë se duhet liruar ky brez.
Në këtë fazë ne nuk e themi dot këtë.
Ilir Beqaj – Së pari, faleminderit për përgjigjet!
Prapë unë mendoj se do të na duhet të dalim pak jashtë punës së drejtpërdrejtë të
komisionit, sidomos në lidhje me AMA-n, për të parë atë që sapo thatë ju, domethënë
potencialet që ka. Sidomos duhet të jemi të vetëdijshëm që vizitorët e mëdhenj nuk e shikojnë
ende Shqipërinë apo një nga fqinjët veçmas, por shikojnë rajonin dhe cili është më parë në
rajon. Mund të na duhet ta vlerësojmë në thellësi, për të parë nëse mund të krijojmë për
momentin ndonjë avantazh konkurrues. Pas 2-3 vjetësh mund të jemi të gjithë njësoj dhe mund
të mos jemi aq joshës për vizitorët e mëdhenj sa mund të jemi sot.
Ky ishte thjesht një koment.
Faleminderit!
Gentian Sala – Faleminderit!
(Ndërhyrje pa mikrofon.)
Jo, nxjerr çështje të tjera në pah, nuk e kam zellin e debatit.
11
E para, nuk kemi ndonjë dokument ku të thuhet se duhet të ndodhë kjo, sepse ky efekt
na ndihmon me këtë gjë, e përkthyer kjo me efekt financiar.
E dyta, të mos harrojmë se mund të rregullojmë një fushë tjetër, por kemi një fushë lider
të medieve audiovizive dhe platformave. Të tjerët janë lider në një fushë dhe ne jemi lider te
kjo fushë në rajon. As Maqedoia, Serbia, Mali i Zi apo Bosnja nuk e kanë tregun audioviziv që
kemi ne me rreth 150 milionë euro xhiro në vit, është nga produktet, eksportet kryesore të
Shqipërisë.
Pra, në një fushë jemi nga të parët. Ne duam të rregullojmë një fushë tjetër, që ua
kalojmë të tjerëve, por mund të humbim këtë. Megjithatë, në momentin që kjo përkthehet me
efekt financiar, me zhvillim, mund të jemi më të qartë të gjithë, që ta diskutojmë.
Milva Ekonomi – Fjala për ty Fate.
Fatmir Velaj – Në Zvërnec, zona ku unë jam zgjedhur deputet, që është një nga fshatrat
më të bukur të Shqipërisë, në mes të fshatit janë 12 antena televizive, telefonike e të tjera. Fshati
është zgjedhur në 100 fshatrat me potencial të madh turistik dhe që do të jetë një nga investimet
më të mëdha të qeverisë. Me një ndotje të madhe jo vetëm të rrezatimit, doja t’ju pyesja: cili
është përgjegjës?
Unë do të doja që atje të bëheshin matjet, sepse janë gati 20 metër larg nga shtëpia e
parë, e dytë e të tjera. Si një varrezë e madhe, si një kryq duken mbi fshat.
Nëse ne do të fillojmë me investime për sheshin, për hapjen e perspektivave të reja për
turizmin, çfarë përgjegjësie mban AMA nëse mua më sjellin problematikat e turistëve që do të
vijnë? E thashë që antenat janë si kryq mbi fshat.
Imagjino një qendër të zhvilluar në mes dhe direkt 14 antena.
Së pari, do të doja të matej rrezatimi dhe më pas të fillojmë me të gjitha burimet, për t’i
larguar nga fshati.
(Mungesë incizimi.)
Ilir Beqaj - ... (Mungesë incizimi.)... e drejton Ministri i Shëndetësisë dhe Çështjeve
Sociale, që sot ka për detyrë të masë antenë për antenë. Ka filluar një proces matjeje në të gjitha
antenat e Shqipërisë dhe u duhet kohë edhe atyre.
Nëse mundem, do të bëj një parantezë për antenat. Sa më shumë antena të jenë, janë
më pak të rrezikshme, dhe kjo mësohet në lëndën e fizikës në gjimnaz. Ato duhet të mbulojnë
të gjithë territorin. Me antena të vogla, por të shumta, mund të jetë ndotje vizive, por kanë fuqi
më të vogël. Privati nuk i ka vënë kot me tepricë, sepse nuk do të harxhonte lekët e veta dhe
po t’i bëjmë 4 nga 14, aty ku janë antenat, mund të jenë më të rrezikshme.
(Ndërhyrje pa mikrofon.)
12
Edhe një herë, në pamjen vizive duket se sa shumë antena ka tarraca, por ka rëndësi
nëse janë me fuqi të madhe apo me fuqi të vogël. Privatët që i kanë vënë, e kanë menduar kur
kanë nxjerrë lekët nga xhepi. Po t’i heqim disa, mund të urdhërojmë AMA-n, Komisionin e
Rrezatimit e të tjerë, do të detyrohen për të pasur sinjale, sepse do t’u themi atyre, duam edhe
antena ...
(Ndërhyrje pa mikrofon.)
Matjet kërkoja atyre nesër.
Duam pak antena dhe sinjal të fortë. Të dyja bashkë nuk flenë dot, por ...
(Ndërhyrje pa mikrofon.)
Fatmir Velaj – (Nuk dëgjohet.)... në Greqi, nuk i shijon më frapeja dhe thotë se kur
shkova në Zvërnec me pushime ... Hapet nami ...
Ilir Beqaj – Matjet ia kërkon shëndetësisë që nesër. Ka njerëz të licencuar për këtë
punë, ka pajisje e të tjera.
(Ndërhyrje pa mikrofon.)
Besoj se një që shikon antena, shikon edhe zhvillim.
Fatmir Velaj – Jo zhvillime në fshat.
(Diskutime pa mikrofon.)
Ta ndërtojë ku të dojë, por jo në mes të fshatit.
Ilir Beqaj – Vendndodhja është tjetër gjë.
Milva Ekonomi – Fjalën e ka Nora dhe më pas zoti Musa.
(Ndërhyrje pa mikrofon.)
Jo, nuk ka problem.
Nora Malaj – Faleminderit për raportin e paraqitur me shumë elemente përcaktuese!
Duke u nisur nga objektivi i punës që ju keni, personalisht më ka ndodhur të kemi
bashkëpunuar dhe ju keni bërë disa raporte (mungesë incizimi) për disa nga problemet me
etikën në medie, qasjen e të rinjve në medie dhe si duhet të referojnë mediet e ndryshme. Keni
bërë edhe disa monitorime.
E para, pas rezultateve që keni marrë dhe ua keni çuar operatorëve përkatës, keni bërë
krahasueshmëri si është gjendja dhe çfarë duhet bërë në perspektivë?
E dyta, ne kemi një ligj që quhet “gjuha e shenjave” dhe ka hyrë për t’u përdorur në
lajme apo informacione të ndryshme. Sa është realisht i zbatueshëm dhe si e keni parë në kuadër
të nevojës që ka? Çfarë rekomandimesh mund të jepen për t’i dhënë ndihmesë dhe akses kësaj
kategorie, duke respektuar ligjin që ka kaluar vjet dhe që bëhet i zbatueshëm?
Arben Muka – Faleminderit!
13
Pjesën e shqyrtimeve tematike, siç i quajmë ne, ose pjesët e përmbajtjeve, që i
analizojmë, kanë dy funksione:
E para, kur kanë mbi bazë ankesën, diçka konkrete. Pra, kur një individ, një institucion,
një subjekt çfarëdo i drejtohet AMA-s në të gjitha mënyrat, që në atë program diçka nuk shkon,
AMA vihet menjëherë në lëvizje. Ky është elementi i parë i trajtimit ose shqyrtimit që ne i
bëjmë një përmbajtjeje të caktuar.
Elementi i dytë është kur kryesisht në pikërëndësat që kemi, të miturit, reklamat dhe
komunikimet tregtare, i përmendi edhe kryetari më herët, pjesa e diskriminimit, gjuhës së
urrejtjes, standardi i gjuhës shqipe apo elemente të tjera.
Në të dyja momentet, si te rasti konkret, si te shqyrtimi, patjetër që bëhet
përputhshmëria. Ne jemi rregullatorë, në një krah kemi ligjin dhe në një krah kemi të detajuar
përmbajtjen, që mund të jetë audiovizive, në rastin më të mirë, por edhe përmbajtje audio, kur
na është servirur. Kjo është për zbatimin e ligjit nr. 97/2013, ligji ynë organik dhe Kodi i
Transmetimit. Në momentin që ne kemi një rezultat, në të dyja rastet, edhe kur është konkret,
edhe kur është kryesisht, puna e parë që bëjmë, që e kemi detyrim nga muaji janar i vitit 2015,
është që çdo shqyrtim nuk do ta çojmë menjëherë në bordin e AMA-s ose të marrim vendim,
por i çohet operatorit dhe i thuhet se nga shqyrtimi është konstatuar se ... Po, sigurisht, ky nuk
është vetëm njoftim. Nëse nuk është përsëritje, veçanërisht në rastin e fëmijëve, sepse aty është
problemi, tërhiqet vëmendja, por ka edhe sanksione. Unë e them me përgjegjësi se për fëmijët,
edhe AMA, edhe raportet që kemi bërë, kanë influencë tek operatorët, tek operatorët
kombëtarë, që, për hir të së vërtetës, janë shumë më të kujdesshëm, tek info-televizionet, që
konsiderohen dy kolonat me më shumë imapkt, dhe tek televizionet e tjera, që ne i monitorojmë
aq sa mundemi. Ka impakt, ka më shumë kujdes, ka zhubravitje, ka njollë të fytyrës për fëmijën
që dëshmon ose elemente të tjera. Ka raste? Po, ka raste, por, për sa i përket pyetjes suaj, them
se ka impakt.
Ne e dime, për reklamat e komunikimeve tregtare, kemi probleme, por kemi bërë
takime me operatorët, u kemi çuar informacione, ka pasur edhe sanksionime. E dimë që ajo
është pjesa delikate për operatorët, sepse thonë se këto janë të ardhurat, por ligji do që ti nuk
duhet ta kalosh kohën, që nuk duhet të bësh reklamë të fshehtë e të tjera. Po merremi me këto.
Unë mendoj se për këtë ka reagime pozitive nga operatorët.
Ne vërtet shqyrtojmë, monitorojmë dhe bëjmë takime me operatorët, por një gjë që ata
kanë kërkuar ka qenë Rregullorja. Puna për të hartuar Rregulloren ka zgjatur shumë dhe e
kemi bërë me dy faza, ashtu siç bëmë Kodin e Transmetimit. Pra, nuk e kemi bërë në mënyrë
rutinë.
14
Kodin e Transmetimit dhe Rregulloren e Reklamave i kemi bërë për një kohë të gjatë.
Kemi ftuar operatorët të gjithë në grup, ata që kanë dashur na i kanë sjellë me e-mail apo
na i kanë propozuar në tryeza, kemi marrë mendimin e OSBE-ODIHR-it, por gjithmonë i
jemi referuar direktivës europiane, ligjit nr. 97/2013, sepse duhet thënë që disa nga kërkesat
e operatorëve i kalojnë këto caqe.
Ata kanë pasur propozime që, në fakt, mund të jenë amendime apo ndryshime të
ligjit, që i tejkalojnë kompetencat e AMA-s, por ne jemi përpjekur që ligji, Kodi i Transmetimit
dhe Rregullorja, të jenë në të njëjtën frymë me direktivat europiane, sepse atë nuk e zbatojmë
vetëm ne, por edhe agjenci të vendeve të tjera të ngjashme me AMA-n.
Për sa i përket gjuhës së shenjave, ne e kemi përmendur në raportin që i kemi dërguar
Drejtorisë së Përgjithshme të Radiotelevizionit, por edhe Këshillit Drejtues, në mes të muajit
tetor të vitit 2017. Ne i jemi drejtuar RTSH-së për ndërtimin e buketës në dy elemente:
mbulimin me sinjal, që është një element shumë i rëndësishëm, dhe ndërtimin e buketës. Një
nga vërejtjet që i kemi bërë, ka qenë: “Jeni zotuar në kontratën e transmetimit publik, që RTSH
1 dhe RTSH 3 duhet të kenë të paktën një edicion me gjuhën e shenjave. E zbatojnë te RTSH
1 dhe është konform standardeve, kurse te RTSH 3 ende jo.
Në momentin që po flasim, ne po bëjmë monitorimin e dytë pas 6 muajve dhe kam
përshtypjen që edhe te RTSH 3 ...
Nga kjo duhet filluar që ata të kenë jo vetëm edicion me shenja, por edhe emisione
specifike. E kemi në ndjekje. Është një nga pikat sensitive, sepse është pjesë e kontratës, por
edhe pjesë e fokusit tonë. Ne do ta lajmërojmë patjetër RTSH-në për këtë mangësi, sepse
RTSH 1 ka një stacion që nuk e ka RTSH 3.
Milva Ekonomi – Po, Musa.
Musa Ulqini – Faleminderit, zonja drejtuese e komisionit!
Unë do të bëj dy-tre komente për raportin, dy pyetje në fund dhe një sqarim për
çështjen që ngriti zoti Beqaj.
Së pari, raporti që kemi përpara është paraqitur nga një institucion tashmë i kompletuar
me të gjithë anëtarët konform ligjit, sepse ky institucion ka punuar, jo për fajin e tij, por
tonin, për një kohë jo të vogël pa qenë i kompletuar, çka ka sjellë vështirësi jo të vogël në
punën e AMA-s. Tashmë nuk kemi vetëm AMA-n të kompletuar, por edhe Këshillin e
Ankesave. Kështu që, ka qenë një mundësi e mirë për të bërë atë punë që ia kërkon ligji.
Së dyti, mendoj se duhet theksuar fakti që godina e AMA-s nuk është thjesht një godinë
e re, por një godinë shumë funksionale. Unë propozoj që, si komision, të bëjmë një vizitë tek
institucioni juaj. Dua të them që drejtuesi i institucionit ka një meritë shumë të madhe, sepse
15
ato para janë përdorur në mënyrë të tillë, unë nuk jam specialist i ndërtimeve, që kushdo që
e viziton shikon që është një institucion i cili ofron cilësi pune dhe është shumë funksional
për punën që duhet të bëjë.
E kam lexuar me shumë vëmendje raportin dhe ligjin, me të cilin duhet të
konsultohemi vazhdimisht, sepse ka shumë nene dhe është goxha i implikuar, pavarësisht se
kemi kaq kohë që merremi me këto çështje, dhe mund të them që raporti respekton kërkesat
e ligjit. Të gjithë nenet e ligjit kanë një përgjigje në raport. Ne mund të mos jemi të kënaqur
me ndonjë përgjigje, por raporti ka respektuar kërkesat e ligjit dhe çfarë rezoluta e Kuvendit
të Shqipërisë i ka ngarkuar institucionit të AMA-s.
Siç u tha këtu edhe në fjalën e shkurtër të kryetarit, besoj se hartimi i strategjisë 3-
vjeçare është një arritje shumë e madhe, sepse e vë në rrugë shumë profesionale të gjithë
angazhimin e institucionit. Siç thuhet edhe në raport, është një strategji e miratuar me konsulta
të shumta. Kodi i Transmetimit është miratuar në vitin 2014, por Kodi i Transmetimit i
rishikuar është një dokument themelor, mbi të cilin bazohet puna e AMA-s dhe të gjithë
transmetuesit në Republikën e Shqipërisë.
E vetmja vërejtje që unë kam është që nuk duhet të kishte munguar kontributi i
komisionit tonë në këto dy dokumente themelore. Pra, ne mund të ishim të pranishëm si te
strategjia, ashtu edhe te Kodi i Transmetimit, sepse një pjesë e kolegëve që janë këtu mund
të kishin kontribuar, por unë ju përgëzoj si për këto dy dokumente, ashtu edhe për kontratën
e shërbimit me transmetuesin publik!
Kjo që do të them tani ka qenë një kërkesë e komisionit tonë, por dhe e diskutimeve
që kemi bërë ndër vite. Unë mendoj që aktiviteti i institucionit vitin që kaloi pati një cilësi që
duhet theksuar. Ka qenë një aktivitet transparent i ofruar jo thjesht përmes faqes së internetit,
ku ju botoni aktivitetet tuaja, por edhe, ju i quajtët botimet e shumta një nga katër shtyllat e
arritjes suaj, nëpërmjet botimeve, të cilat, jo thjesht evidentojnë punën tuaj, por janë edhe një
mundësi e madhe, që përmes tyre, siç është buletini, transmetuesit ta kenë këtë dokument
për të ballafaquar punën e transmetuesve të ndryshëm. Një mundësi e mirë për transparencë
janë edhe botimet e Këshillit të Ankesave dhe ky raport është shprehje e këtij angazhimi dhe
kësaj veprimtarie transparente.
Institucioni juaj mbulon një sektor shumë të ndjeshëm. Ka shumë komente, reagime,
sepse shumë prej transmetuesve nuk janë dakord që të respektojnë ligjin dhe transparenca u
jep përgjigje pyetjeve, dhe e çon atë ku është kritika dhe ku është e mira apo e keqja përpara
publikut dhe ndërkombëtareve që monitorojnë mediat në Shqipëri.
16
Thelbi i punës suaj lidhet me mënyrën se si transmetuesit radiotelevizivë në Shqipëri
zbatojnë kërkesat e ligjit, sepse kanë marrë një licencë në bazë të disa kërkesave, të cilat
duhet t’i zbatojnë dhe që janë të konkretizuara te dokumenti që unë përmenda pak më
sipër.
Unë dua të përmend diçka nga përvoja ime. Për shkak të angazhimit që kam në
këtë komision, kam takuar përfaqësues të mediave, të cilët, ju, pas kontrolleve, i keni
penalizuar me gjoba dhe për çudi, për herë të parë në këto muajt e fundit, unë kam ndeshur
një dukuri të tillë.
Kur u kam thënë shkoni në gjykatë, më kanë thënë “nuk shkojmë, sepse ata kanë të
drejtë, kurse ne nuk kemi të drejtë”. Pra, nëse më parë vihej një gjobë nga KKRT-ja e
dikurshme apo AMA, kishte reagime nga më skandalozet se po cenohet liria e medias.
Tashmë u jeni imponuar tregut në fjalë, sektorit në fjalë, jo me faktin që keni fituar me të
padrejtë çështjen në gjyqësor, por me cilësinë e punës që bëni. Besoj se kjo është një gjë
që ne duhet ta themi këtu. Unë nuk mund të jap konkluzione për 2-3 shembuj, por edhe 5-6
shembuj që kam ndeshur flasin shumë. Edhe çështjet që ju në shumicë dërrmuese i keni fituar
në gjyqësor e dëshmojnë një gjë të tillë.
Pra, institucioni juaj, gjithnjë e më shumë, po imponohet me cilësinë e shërbimit që
ofron.
Në fakt, thelbi i punës suaj nuk është të vini gjoba, por një gjë tjetër. Ju nuk e keni
fokusuar punën te gjobat për të siguruar disa lekë, kjo i përket kohës së kaluar, por për të qenë
në krahë të mediave në Republikën e Shqipërisë, në mënyrë që ata të standardizohen jo thjesht
në teknologji, por edhe në mënyrën se si i emetojnë programet e tyre sipas kërkesave të ligjit
dhe standardeve të BE-së ku ne duam të shkojmë.
Natyrisht, procesi i dixhitalizimit është i vështirë dhe ne jemi të vonuar, e kam fjalën
Shqipëria si vend, por gjërat po ecin më në fund shumë mirë. Vonesa ka pasur edhe disa arsye
objektive, politike, që e kanë pasur fillesën te komisioni ynë, por ato janë kapërcyer tashmë.
Ne kemi një transmetues publik, të kompletuar me të gjitha institucionet përkatëse, siç jeni
edhe ju më të kompletuar.
Unë besoj, madje me aq sa kam dijeni, se në fund të vitit RTSH-ja do ta zgjidhë
problemin e mbulimit me sinjal sipas kërkesave të ligjit, por edhe sipas kontratës që keni
hartuar ju, në të gjithë territorin e Republikës së Shqipërisë. Do të jetë një arritje shumë e
madhe, por dua të di si është çështja, kjo është pyetja ime, e mbulimit me sinjal nga
transmetuesit e tjerë kombëtarë? Sepse, sipas nenit 55 të ligjit, ata duhet të mbulojnë 80% të
territorit ose të popullsisë. Nuk jam i qartë.
17
(Ndërhyrje pa mikrofon.)
Diku në material, me të drejtë, ju theksoni një gjë, që është një problem i madh, sepse
operatorët radiotelevizivë privatë nisen me idenë e fitimit, jo si transmetues publikë; janë disa
zona, ku nuk ka popullsi, ku nuk ka biznese, ku nuk ka reklama dhe ato janë të pambuluara.
Në raport thoni se po hartoni një politikë për të nxitur që transmetuesit lokalë, operatorët
lokalë dhe rajonalë të jenë të pranishëm në politika nxitëse në këto hapësira, kryesisht në Veriun
e Shqipërisë. Pra, pyetja ishte: transmetuesit kombëtarë, të cilëve u është bërë një favor i madh,
se frekuencat janë pasuri kombëtare, dhe u është dhënë një e mirë e madhe publike në përdorim,
si janë në raport me këtë kërkesë të ligjit?
Në fund, duke ju përgëzuar për të gjithë punën që keni bërë, desha të bëj një sqarim për
atë që tha zoti Beqaj, që edhe pse u largua, mund të bëhet një sqarim. Tarifa për përdorimin e
aparatit marrës televiziv nuk ka lidhje fare me procesin e digjitalizimit. Që në fillim sfida e
kthimit të Radiotelevizionit Shqiptar nga një transmetues shtetëror, në një transmetues publik,
ka pasur disa shtylla.
E para ka qenë mënyra se si përzgjidhen ata që e menaxhojnë këtë institucion dhe, e
dyta, nga vijnë paratë. Vijnë 100% nga buxheti i shtetit? Në qoftë se po, nuk është transmetues
publik, por transmetues shtetëror, siç ka qenë.
Arsyeja pse është futur tarifa e aparatit është pikërisht kjo, që 60%, 70%, 80% të parave,
që i duhen për të mbijetuar vetë, RTSH-së t’i vijnë nga tarifa në fjalë dhe nga reklamat, nga
donatorët dhe nga shërbimet e tjera që ofron ajo.
Ligji e ka përcaktuar shumë qartë që paratë e buxhetit të shtetit mund të shpenzohen në
pesë fusha. Këto janë transmetimet me jashtë, në gjuhë të huaj ose për shqiptarët që janë atje,
dhe për rinovimin e teknologjisë. Pra, rinovimi i teknologjisë është detyrim i buxhetit të shtetit,
ndërsa të gjitha gjërat e tjera vijnë nga tarifa në fjalë dhe burime të tjera.
Në këtë mënyrë, ne themi që RTSH-ja po kthehet më në fund në një transmetues publik,
sepse ekipet që përzgjidhen nuk i emëron Kryeministri, por kalojnë në një fazë përzgjedhjeje,
diskutimi me OJF-të, në komision e të tjerë dhe me shumë kandidatë; dhe, së dyti, paratë që
vijnë në RTSH vijnë nga kjo tarifë dhe burimet e tjera që lidhen me RTSH-në, por jo nga
buxheti i shtetit.
Edhe një herë, faleminderit për raportin dhe për të gjitha punët e mira që keni bërë!
Milva Ekonomi – Ka ndonjë tjetër për të bërë pyetje?
(Ndërhyrje pa mikrofon.)
Musa Ulqini – Ndjesë, zonja kryetare, sepse kam edhe një fjali të fundit!
18
Për herë të parë në raportin e publikuar nga Bashkimi Europian, në datën 17 prill, ne
kemi një fjali, që, pavarësisht nga përkthimi, mund të ketë diskutim, por është hera parë që
ndodh të thuhet, kam qejf ta lexoj: “Është bërë disi progres në forcimin e pavarësisë së AMA-
s”. Nuk ka pasur gjëra të tilla në të gjitha... Ka qenë kritik Bashkimi Europian. Fjala “sum”
mund të përkthehet ndryshe, por kjo është. Pra, është bërë progres dhe kjo është, si të thuash,
një notë që e vë një institucion i rëndësishëm. Po kështu, notë shumë të mirë ka vënë edhe
OSBE-ja për rolin që ju keni luajtur në zgjedhjet e vitit 2017 dhe këto të dyja quhen, se i lashë
pa përmendur, shumë të rëndësishme për të thënë pse fjala ime në këtë rast ishte pozitive, sepse
është mendimi im, është ligji, është ajo që keni bërë, por janë edhe vlerësimet jashtë nesh, që
janë shumë objektive, por kanë munguar të jenë të tilla prej kaq vitesh që unë jam në këtë
komision.
Faleminderit!
Milva Ekonomi – Shumë faleminderit, Musa, për ndërhyrjen!
Ka ndonjë pyetje tjetër?
Po, Ismet.
Ismet Beqiraj – Zoti Gentian dhe i gjithë stafi, përshëndetje!
Unë kam disa pyetje dhe një sugjerim.
E preku që në pyetjen e parë edhe kolegu Beqaj, a vazhdon të ekzistojë fenomeni i
piratimit në vlerësimin tuaj, në çfarë niveli është dhe cilat janë masat për zerimin e tij edhe në
vendin tonë?
Pyetja e dytë lidhet me tematikat, lajmet dhe jetën në përgjithësi jo vetëm për fëmijët,
çfarë posedohet? Dominojnë lajmet e kronikës së zezë dhe pak optimizëm. Hapet dhe mbyllet
televizori vetëm me lajme të zeza. Gjëra të tilla ndodhin në të gjithë botën, por një invazion i
tillë propagandistik nuk është në këto përmasa.
Tjetër, janë pothuajse inekzistente dinamikat e jetës, puna e njerëzve të thjeshtë, e
biznesit në çdo cep të vendit, sa gati të krijohet përshtypja se kemi dy Shqipëri, një rurale dhe
një urbane, ku kjo e fundit ka vetëm metropole.
Cili është roli juaj si institucion në këtë drejtim?
Pyetja e tretë ka të bëjë me ndotjen jo vetëm akustike, por edhe rrezatuese. Zoti Beqaj
tha se e ka vetëm institucioni tjetër, por edhe roli juaj si institucion është shumë i madh, sepse
antena të tilla janë instaluar dhe janë vendosur edhe në tarraca pallatesh.
Në vijim do të sugjeroja që edhe mediet audiovizive duhet të luajnë një rol më të madh
edhe për zhvillimin rural të Shqipërisë, edhe për zhvillimin urban në bashki të vogla, ku
Shqipëria të zhvillohet në çdo metër katror, si masë për të ndalur migrimin e brendshëm.
19
Personalisht vij nga fakultetet, por studentët në masën 90% e ca janë gati të rrinë vetëm nëpër
call center-a dhe në shërbime në metropol, si në Tiranë ose qytete të tjera të mëdha, sesa të
kthehen në profesionin e tyre të mjekut, të mësuesit, të inxhinierit. Pra, ne konstatojmë një
varfëri të këtyre specialistëve, sidomos larg metropoleve. Nuk e ndiejmë këtë peshë dhe këtë
formë edukative të medies audiovizive.
Mendoj se në të ardhmen duhet t’i mëshohet më shumë këtij aspekti.
Faleminderit!
Milva Ekonomi – Faleminderit!
Gentian Sala – Po jap përgjigje, në radhë të parë, për çështjen që ngriti deputeti Ulqini.
Shumë faleminderit për konstatimet pozitive, por do të ndalesha, keni shumë të drejtë kur thoni
që kontributi i komisionit nuk është kërkuar për çështjen e strategjisë. Ndonjëherë ne, duke
parë të gjithë këta aktorë që janë vërdallë, harrojmë të shohim një aktor, po themi, që na ndan
vetëm bulevardi, se jemi shumë afër!
Patjetër duhet kërkuar mendimi i komisionit, pavarësisht se shumë anëtarë të komisionit
nuk vijnë nga fusha e medies, kjo nuk ka lidhje, por ka lidhje, sepse ju, njësoj si ne, jeni në
përditshmërinë tuaj me çështjet e medies.
Patjetër që do të ketë konsultim.
Lidhur me pyetjen: si është çështja e operatorëve privatë kombëtarë në mbulimin e
sinjalit - këta operatorë kanë ecur përgjithësisht shumë mirë me çështjen e mbulimit të sinjalit,
por të mos harrojmë se operatorët kombëtarë në licencat e tyre kanë një afat për realizimin e
mbulimit me sinjal. Në qoftë se më parë operatori kombëtar kishte edhe tetë vjet për të realizuar
mbulimin, tani disa operatorë e kanë pesë vjet, disa të tjerë e kanë tre vjet. Pra, varet nga licenca
që ata kanë.
Megjithatë, duke parë përputhshmërinë, kanë ecur goxha mirë, pasi, në fund të fundit,
kanë edhe interes financiar vetë që të investojnë te kjo fushë.
Roli pse ne fokusohemi tek operatori publik lidhet me...
(Deputeti Ulqini flet pa mikrofon.)
Operatori privat është në konstante. Rëndësi për ne ka që në mbulimin me sinjal po
ecim paralelisht. Megjithatë, operatori publik është më i fokusuar në zonat periferike.
Në lidhje me pyetjet e tjera, ekziston fenomeni i piraterisë, është fenomen shqetësues.
Ekziston në çdo vend. Nuk di të them ndonjë vend ku pirateria të jetë zero, përveçse ndonjë
vendi që nuk është republikë parlamentare, por është fenomen që sa vjen e ngushtohet.
Problemi është se ndryshimet teknologjike që ndodhin, sjellin edhe problematikat e tyre në
20
pirateri. Në qoftë se është më e thjeshtë nëpërmjet kabllorit, nëpërmjet internetit pastaj bëhet
shumë më e vështirë dhe duhen dy-tre institucione të jenë bashkë për këtë punë.
Në lidhje me pyetjen për emisionet e lajmeve...
Arben Muka – Për sa u takon tematikave, shqetësimi juaj është i drejtë, sepse ne jemi
punonjës të AMA-s, por edhe konsumatorë të medies, prindër dhe qytetarë, që e ndjekim dhe
e konsumojmë. Është e vërtetë, por në rolin si punonjës të AMA-s, këtu kemi një favor, sepse,
në fund të fundit, ne ia kërkojmë produktin cilësor një operatori audio ose audioviziv, por
problemi është se ne nuk mund të futemi drejtpërdrejt në linjën editoriale, pra t’u themi
operatorëve: “Kujdes! Lajmi i parë duhet të jetë kështu apo ashtu. Ju lutem, mos e hapni me
kronikën e zezë e të tjerë”. Ne kemi një qasje tjetër, por ne nuk e kemi lënë këtë. Ne nuk themi
që nuk na lë linja editoriale dhe nuk futemi. Jo, ligjvënësi e ka parashikuar. AMA bën sinergji
me organizata që punojnë në fushën medietike për trajnimin, për përmirësimin e raportimit në
medien audiovizive. Kjo do të thotë që ne bashkë me organizatat, duke i mbështetur ato (një
pjesë ne, një pjesë ato), ato e synojnë dhe e kanë në punën e tyre raportimin për mbrojtjen e
fëmijëve, për barazinë gjinore, për luftën kundër diskriminimit dhe aspekte të tjera. Ne i
mbështesim këto, madje mund t’ju them se çdo vit për rreth 120 gazetarë mesatarisht, në raport
ka edhe shifra konkrete sa janë për vitin 2017, por unë po përpiqem të them që nga viti 2015 e
këtej, ka kualifikime dhe trajnime. Nuk mund t’i bëjë AMA, sepse nuk mund t’u thotë si do ta
bëjmë, por e thashë, ne bëjmë sinergji. Ne mbështesim organizata të specializuara profesionale
për këtë punë.
Po të shikoni më pas, që të vijmë drejtpërdrejt te pyetja juaj, do të thosha, se ne
monitorojmë edicionet e lajmeve, linjën e tyre editoriale, një edicion në ditë, të 4 televizioneve
kombëtare dhe të 2 radiove kombëtare. Për vitin 2018 kemi 3 radio, sepse është edhe Club FM,
ndërsa në vitin 2017 kemi pasur 2 radio. Po të shohim strukturën tematike, në faqen e AMA-
s, jepet çdo muaj edhe struktura tematike, jo vetëm sa kohë iu lanë në dispozicion Kryeministrit,
shefit të opozitës, Kryetarit të Kuvendit, PS-së, PD-së etj, por kemi edhe një detajim tematik.
Po të shikohen të dhënat edhe për vitin 2016, edhe për vitin 2017, kjo është puna e
operatorëve, por ne kemi vënë re se ka larmi tematike dhe nuk është më vetëm politika që
zinte 70-80% në edicionin kryesor të lajmeve. Jo, për tema të tjera, si edukimi, arsimi, të asaj
që e thoshim me shumë të drejtë për zonat rurale, edhe për elemente të tjera, ka një ndryshim
të madh.
Edhe për temën që ju përmendët, nga monitorimet që janë bërë, shohim se ka më shumë
emisione që stimulojnë biznesin shqiptar. Ka disa formate. Unë do t’ju përmendja disa, por
më mirë nuk po i përmend, sepse këtu kemi praninë e disa televizioneve. Janë 4-5 formate që
21
bëjnë reportazhe në vende larg Tiranës, larg qyteteve kryesore, në zona periferike, ku
mundohen të stimulojnë bizneset atje.
Ne kemi probleme të tjera me këto lloj emisionesh për të ndarë pjesën e reklamës së
fshehur, por ne i konsiderojmë absolutisht stimuluese këto reportazhe për të treguar që ka
biznese që lulëzojnë atje, apo si të thuash, histori personale apo portrete, të cilat janë bërë më
shumë se 2 vjet më parë. Për këtë nuk e merr përgjegjësinë AMA. Ne monitorojmë. Kjo është
në ndërgjegjësimin që kanë vetë operatorët kombëtarë apo lokalë, të cilët duhet të kenë edhe
më shumë marka Made in Albania. Ka më shumë të tilla, po ta krahasojmë me 2 vjet më
parë.
A do ta stimulojmë ne? I vetmi stimulim është qasja që kemi ne me partnerët tanë, në
trajnimet për të përmirësuar raportimin. Këtu futet edhe larmia tematike. Nuk është vetëm
politika apo “ai tha apo ky tha”, por ka edhe jetë. Aty ku ka jetë, ka edhe probleme, ka edhe
kritika nga komuniteti, sepse jo çdo gjë është rozë. Nuk e pretendojmë këtë.
Faleminderit!
Gentian Sala – Në lidhje me çështjen e antenave, që lidhet edhe me shqetësimin e
deputetit Velaj, dua të them se ne merremi me fuqinë e sinjalit, nëse e mbulon apo jo
popullsinë, por nuk merremi me dëmin që sjellin ato. Me këtë merret një tjetër agjenci.
Megjithatë, të jeni të sigurt që brenda një viti do të ketë më pak antena, sepse
digjitalizimi bën që më shumë operatorë të shkojnë te RTSH-ja apo te televizionet e tjera
private. Te mediet të jeni të sigurt, që ka shumë më pak. Kjo ka filluar me Korçën dhe Beratin.
Më parë 6 televizione kishin 6 antena, ndërsa tani një platformë i mbledh të gjitha.
Milva Ekonomi – Unë dua të bëj disa ndërhyrje, pastaj kam disa pyetje, para se të
mbyllim mbledhjen.
Vëmë re se procesi i digjitalizimit është një proces i vazhdueshëm. Nëse kemi raportin
tuaj të marsit, e kuptojmë që sot që flasim, ka më shumë ngjarje. Këtë e kuptojmë edhe nga
informacioni që jep vetë media. Kështu, kam përshtypjen se të gjithë anëtarët e komisionit
janë koshientë se ky është një proces i vazhdueshëm.
Nga ana tjetër, edhe ne e kemi lexuar me shumë vëmendje raportin. Zoti Ulqini e
theksoi shumë fort që kemi një arritje pozitive në sektor, të dhënë edhe nga OSBE-ja, në
raportet e tyre finale për monitorimin e zgjedhjeve, edhe nga raporti i BE-së në prill të këtij
viti, lidhur me progresin që ka bërë AMA.
Megjithatë, personalisht pashë se strategjia juaj e vitit 2017-2019, lidhur edhe me
rekomandimin që ka bërë BE-ja, kërkon që ne ta përafrojmë legjislacionin për sa u takon
reklamave dhe monitorimit transparent të tyre.
22
A keni parashikuar në strategji diçka lidhur me përmirësimet ligjore dhe a kërkoni
ndihmë nga ne për këtë, sepse bëmë një diskutim për bashkëpunimin mes institucionit tuaj dhe
komisionit?
E dyta, që është shumë e rëndësishme: ju keni filluar të raportoni buletinet 6-mujore.
Ne të gjithë këtu thamë që këto buletine 6-mujore janë një arritje e veprimtarisë së institucionit,
të cilat janë edhe online. A e gjykoni që duhet të jenë edhe në hard copy? Unë personalisht
jam për këtë të dytën, duke menduar që ka progres në informacion dhe ato vjetrohen shumë
shpejt. Pyetja ime është: a duhet të jenë edhe në hard copy?
Pyetja e tretë: në vitin 2016 Shqipëria ka miratuar ligjin e ri “Për të drejtat e autorit”.
Ky ligj i ri a ju influencon juve te puna e përditshme? Çfarë masash janë marrë për të parë se
si ky ligji i ri i të drejtës së autorit do të influencojë në monitorimin që ju do të bëni në broadcast
dhe në agjencitë kolektive?
Në fund, kam një kërkesë, sepse këtu, në Kuvend kemi Shërbimin e Monitorimit të
Institucioneve të Pavarura, i cili ka bërë një screening të të gjithë raportit tuaj. Me këtë rast,
dua të falënderoj zonjën Kadare. Aty ka një shënim lidhur me formatin e prezantimit të raportit,
i cili duhej të shoqërohej edhe me vendimin që ka marrë Bordi i AMA-s për sa i takon buxhetit
të vitit 2017. Ndoshta e keni vënë, por këtu nuk na ka ardhur edhe vendimi i AMA-s për sa i
takon buxhetit të harxhuar për vitit 2017. Nëse e keni këtë vendim, na sillni një kopje, që ne
të bëjmë projektrezolutën!
Doja t’ju thosha edhe diçka të fundit dhe mendoj se duhet ta ndajmë të gjithë së bashku:
ne caktojmë një anëtar të komisionit, i cili ndjek draftimin e rezolutës, e cila miratohet më pas
në Kuvend. Komisioni ka caktuar zotin Musa Ulqini, i cili do të jetë anëtar i grupit të punës
për hartimin e rezolutës për punën vjetore të institucionit tuaj.
Faleminderit!
Gentian Sala – Faleminderit!
Në lidhje me përafrimin e legjislacionit për reklamat, patjetër që është caktuar në
strategji. Ne kemi një rregullore të miratuar për reklamat në AMA.
Në lidhje me atë si shpenzohet reklama shtetërore, mund t’ju them se nuk është në
fokusin e veprimtarisë së AMA-s, që ne të matim si e shpenzon qeveria dhe si ndikon kjo te
televizionet. Megjithatë, nga informacionet që kam nga puna e përditshme, reklama shtetërore
nuk e kalon 7-8% të totalit të reklamave. Ndoshta më parë ka qenë më shumë e theksuar.
Shtetet afër nesh e kanë shumë të theksuar. Mund t’ju them se Maqedonia e ka pasur 20 milionë
euro reklamën shtetërore në televizione. Kjo nuk futet tek shqetësimet thelbësore tek ne dhe
23
nuk mendoj se hyn te linja editoriale e medieve, sepse është shumë e ulët. Po të ishte shumë e
lartë, patjetër që do të ndikonte.
Mënyra si shpenzohet, nuk është në analizën e punës sonë.
Në lidhje me botimet hard copy, edhe unë personalisht e ndaj shqetësimin tuaj. Është
një traditë që ka mbetur dhe duhet bërë. Ndoshta kjo u shërben edhe bibliotekave të
fakulteteve. Megjithatë, mund të shihet si shqetësim e patjetër mund të reflektohet, sidomos në
lidhje me çështjet që kanë të bëjnë me ankesat. Këshilli i Ankesave duhet të nxjerrë botime 6-
mujore për ankesat, ndërkohë që mund t’i bëjmë online. Pse kjo mund të shikohet. Buletini
është botim që mund të shërbejë për studiuesit apo për studentët. Unë mendoj se duhet të jetë.
Në lidhje me ligjin i ri “Për të drejtën e autorit”. Në agjencitë që merren me zbatimin e
të drejtave të autorit është edhe AMA, por kam përshtypjen se kemi probleme edhe me ligjin e
ri, edhe me ligjin e vjetër. Imagjinoni që ne që duhet ta zbatojmë këtë ligj, nuk na ka ardhur
as për mendim, kur është vendosur tarifimi për këtë çështje tek AMA.
Patjetër duhet të paguajnë operatorët, por forma si është paraqitur ka sjellë një konflikt
të jashtëzakonshëm dhe ka procese gjyqësore me operatorët. Unë kam përshtypjen se kjo vjen
më shumë nga mungesa e konsultimit dhe, patjetër, edhe nga modeli që është gjetur. Mund
t’ju them se vetëm një operator kabllor në rrethin e Pogradecit ka paguar 10 milionë lekë taksë
për të drejtën e autorit, pa asnjë formë si matet, si bëhet, cilat janë produktet që kanë agjencitë
pranë tij.
Pra, nëse unë jam shumë i qartë, në lidhje me operatorët “Tring” dhe “Dixhital”, që e
blejnë Champions League-n apo një kampionat dhe e shesin, unë jam shumë i qartë me
produktin që kanë dhe produktin që shesin. Me këto agjenci, as ne nuk jemi të qartë. As neve
nuk na i kanë sjellë veprat, të cilat mbrojnë. Për më shumë, kemi një bashkëpunim të vështirë,
pasi janë 2 institucione, 2 agjenci, që duhet të mbikëqyrin, njëra është pranë Ministrisë së
Ekonomisë, por është edhe AMA për mediet. Kështu, kemi një eksperiencë jo të mirë.
Kemi bërë takime me operatorët për zgjidhjen e këtyre problemeve. Nga këto takime
kanë dalë konflikte dhe një ditë mbas konfliktit, këto agjenci kanë vazhduar me gjoba masive.
Pra, kemi një situatë të mbartur, jopozitive. Megjithatë, ne jemi të parët që kemi kërkuar dhe
kemi bërë një takim me të gjithë aktorët pranë AMA-s, jo më shumë se 20 ditë më parë, për ta
zgjidhur këtë çështje. E konsiderojmë shumë të rëndësishme këtë, pasi ndikon direkt te të
ardhurat e operatorëve. Më duket absurde t’i thuash operatorit që 4% të xhiros së tij do ta
marrim ne. Pse? Me çfarë analize? Me çfarë të dhënash dhe me çfarë produkti? Për të mos
thënë që edhe në raportin e institucioneve europiane, në Bruksel, ka dalë që mblidhen lekët,
24
por nuk ka asnjë qartësi se si shpërndahen ato. Pra, duhet parë kjo çështje, sepse ka një ndikim
të jashtëzakonshëm.
Me sa kam dijeni, po diskutohet me Ministrinë e Kulturës për këtë çështje. Ka edhe një
proces gjyqësor, që po vazhdon.
Milva Ekonomi – A ka pyetje të tjera?
Unë mendoj se ne i kemi ezauruar të gjitha shqetësimet që kishim. Nëse do të shtojë
ndonjë gjë zoti Rrokaj, mund ta bëjë!
Duam t’ju falënderojmë, sepse raporti na ka ardhur në kohë. Ne të gjithë e kemi lexuar
me vëmendje dhe kemi qenë shumë të interesuar për t’ju thirrur në dëgjesë. Personalisht, kam
bërë takime për të kuptuar se si vepron institucioni juaj.
Kemi marrë përsipër të bëjmë një vizitë te godina juaj e re, ku ju të na tregoni nga afër
se si punoni. Do t’ju njoftojmë se kur do ta caktojmë këtë.
Po ashtu, kemi marrë përsipër të shkojmë edhe te RTSH-ja, për të parë si po lëviz
dhoma e digjitalizimit atje, për t’i kuptuar nga afër proceset. Do t’ju njoftojmë edhe për këtë.
Do t’ju falënderojmë gjithmonë për gatishmërinë që tregoni për bashkëpunim!
Ju urojmë suksese!
Ju e dini që do të vini në seancën e Kuvendit për të mbrojtur raportin.
Faleminderit shumë!
Gjithë të mirat!
Do t’ju njoftojmë për çdo gjë.
Nora Malaj – Meqenëse sot është Dita Ndërkombëtare e Leximit, do të doja të
falënderoja të gjithë kolegët që kemi këtu, edhe profesor Shezaiun që ka bërë publikimin e
librit, edhe Faten, që nuk është këtu, i cili ka bërë një publikim tjetër.
Meqenëse jemi Komision i Medies dhe i Edukimit, ndoshta do të ishte mirë që të ishte
në fokusin e punës sonë nxitja akoma më shumë e idesë së të lexuarit dhe të asaj se çfarë
mund të bëjmë ne për këtë.
Nuk e di se si mund të bashkëpunojmë me institucionet e edukimit apo me bibliotekat
për të realizuar takime të tilla në bibliotekat e reja që janë hapur, ashtu siç do të bëjmë aktivitete
në institucionet e medieve.
(Ndërhyrje pa mikrofon.)
Po, mendoj të bënim një propozim.
Milva Ekonomi – Jam gjithmonë dakord për aktivitete të këtij lloji.
Mbyllet pika e parë e rendit të ditës
25
KUVENDI
Komisioni për Edukimin dhe Mjetet e Informimit Publik
PROCESVERBAL
Tiranë, më 23.04.2018, ora 12:00
Drejton mbledhjen:
Milva Ekonomi – nënkryetare e Komisionit
Rendi i ditës:
2. Diskutimi dhe miratimi i kalendarit të punës së Komisionit për javën në vijim.
Marrin pjesë:
Milva Ekonomi, Fidel Ylli, Musa Ulqini, Fatmir Velaj, Adelina Rista, Fadil Nasufi,
Ismet Beqiraj, Vilma Bello, Bujar Çela, Nora Malaj, Shezai Rrokaj, Ilir Beqaj (zëvendësues),
Besnik Baraj (zëvëndësues).
Mungojnë:
Albana Vokshi, Romeo Gurakuqi, Luçiano Boçi, Valentina Duka, Luan Baçi, Kejdi
Mehmetaj, Almira Xhembulla.
Vijon pika e dytë e rendit të ditës
Milva Ekonomi - Edhe një herë, meqenëse në fillim të mbledhjes nuk e dinim nëse
punonte sistemi audio, në fillim thamë se kishim dy çështje në rendin e ditës.
E para, ishte shqyrtimi i procesverbaleve dhe miratimi i tyre.
Jeni dakord me miratimin e procesverbaleve?
(Ndërhyrje pa mikrofon.)
Dakord, që të dëgjohet me zë. Miratohen.
Çështja e dytë, ishte hapja e diskutimit për raportin vjetor të AMA-s për vitin 2017.
Për këtë arsye desha të ndalesha.
Një tjetër çështje e rëndësishme: na ka ardhur një projektligj, i cili ndryshon ligjin nr.
10247, datë 04.03.2010 “Për kornizën shqiptare të kualifikimeve”. Ariana, është në datën 10
maj?
(Ndërhyrje pa mikrofon.)
26
Po.
Edhe për këtë projektligj duhet të mendojmë një datë për shqyrtimin e tij, se kemi
shumë pak kohë.
Unë pashë kalendarin e punimeve të Kuvendit. Ne, si komision, kemi dy çështje në
këtë kalendar: projektligjin “Për trashëgiminë kulturore dhe muzetë”, i cili duhet të kalojë në
seancën e Kuvendit të datës 3 maj. Nuk na ka ardhur akoma mendimi i Komisionit të Ligjeve
dhe për këtë arsye, nuk mund ta fillojmë diskutimin nen për nen. Shqyrtimin në parim e kemi
përfunduar, por diskutimin nen për nen nuk e fillojmë dot. Për ta mbyllur miratimin në tërësi,
duhet të na vijë opinioni nga Komisioni i Integrimit. Kështu që jemi në pritje.
(Ndërhyrje pa mikrofon.)
Duhet ta kemi miratuar ligjin në përfundim të këtij sesioni.
(Ndërhyrje pa mikrofon.)
Duhet të vëmë një objektiv, sepse kemi që në dhjetor që po merremi me të.
(Ndërhyrje pa mikrofon.)
Komisioni i Ligjeve u mblodh...
(Ndërhyrje pa mikrofon.)
Në fund të korrikut mbyllet sesioni, domethënë duhet të punojmë.
(Ndërhyrje pa mikrofon.)
Ne i kemi mbledhur propozimet nen për nen, sipas sugjerimeve që na erdhën. I kemi
mbledhur të gjitha sugjerimet bashkë me Muhametin dhe ky dokument shkon rreth 50 faqe.
Mbasi kemi bërë këtë, e ka marrë në dorë Komisioni i Ligjeve, i cili po shqyrton nen për nen,
për lehtësinë apo vështirësinë që ka zbatimi i rekomandimeve tona.
Për shembull, rekomandimi im, të cilin nuk e dhashë në komision, se e nxora më pas
së bashku me Muhametin, kur po lexoja ligjin, ishte se te definicionet, fjala “licencë” nuk ishte
vendosur, ndërkohë që në ligj përdorej. Çfarë licence është në kuptim të këtij ligji? Kjo duhej
sqaruar. Pra, ka gjëra të tilla.
Komisioni i Ligjeve ka parë përputhshmërinë me Kushtetutën, për sa i takon pronësisë,
trashëgimisë dhe si do të ekzistojnë në këtë ligj. Kur të na vijë raporti nga ky komision, ne do
të fillojmë diskutimin tonë nen për nen, do t’i lexojmë dhe pastaj do të shohim se çfarë duam
të ndryshojmë.
Një punë të parë për nenet, e kemi bërë nga grumbullimi i mendimeve që ua kemi çuar.
Tani po presim ta kalojnë ata dhe ne të fillojmë punën tonë.
(Ndërhyrje pa mikrofon.)
Po, është e vërtetë.
27
(Ndërhyrje pa mikrofon.)
Ndërkohë, janë marrë edhe mendimet që ka dhënë profesoreshë Vali. Meqë ajo vjen
nga kjo fushë, ka pasur mendime që vlenin për t’u parë.
Kemi edhe një gjë tjetër: për dy projektrezolutat për raportimin vjetor të AMA-s dhe të
RTSH-së, mendova të kemi Musain si relator, sepse ai e ka ndjekur fushën e medieve. Unë
mendova që Musai t’i bëjë të dyja rezolutat, sepse i kanë shumë të lidhura gjërat, nuk janë të
ndara. Ndërkohë, Sonila do të na ndihmojë patjetër që ta draftojmë këtë projektrezolutë.
Nesër kemi raportimin vjetor të RTSH-së. Të enjten nuk ka seancë.
Sa kohë ju duhet për të bërë një rezolutë?
(Ndërhyrje pa mikrofon.)
Sonila Kadare – Ne do t’i përgatisim në fundjavë, që të presim edhe raportimin vjetor
të RTSH-së, meqë kanë lidhje dhe nëse nuk keni planifikuar mbledhje tjetër, ditën e hënë...
Milva Ekonomi – Po.
Atëherë, të hënën e ardhshme, në orën 11:00, do t’i miratojmë të dyja rezolutat.
Ndërkohë, do të bëjmë një kalendar aktivitetesh për këto dy ligje. Ligji i parë është
ndryshim i ligjit ekzistues dhe duhet ta kemi gati për datën 10 maj 2018.
(Ndërhyrje pa mikrofon.)
Po, por ndërkohë, a ta fusim në rendin e ditës së ditës së hënë?
(Ndërhyrje pa mikrofon.)
Po, për ta diskutuar dhe për ta miratuar projektligjin.
(Ndërhyrje pa mikrofon.)
Projektrezolutat janë kollaj, sepse do të punohet paraprakisht me to dhe ne vetëm do
t’i miratojmë.
(Ndërhyrje pa mikrofon.)
Dakord, këtë e kemi për ditën e hënë, sepse projektrezolutat janë më kollaj. Ne vetëm
do t’i miratojmë, si procesverbalet. Ndërkohë...
(Ndërhyrje pa mikrofon.)
Dakord. Ditën e hënë, në orën 11:00, kemi miratimin e projektrezolutave.
Lajmëroni ministrinë të sjellë përfaqësuesit ditën e hënë, në orën 11:30.
Në orën 11:00 duhet të jemi patjetër, sepse duhet të miratojmë projektrezolutat. Po ditën
e hënë, në orën 11:30, do të fillojmë diskutimin e projektligjit.
(Ndërhyrje pa mikrofon.)
Nesër kemi mbledhje, kemi raportimin vjetor të RTSH-së, ndërsa të mërkurën, të enjten
dhe të premten, nuk kemi mbledhje.
28
(Ndërhyrje pa mikrofon.)
Për mbledhjen e nesërme kemi rënë dakord të gjithë bashkë, kur kemi qenë në Kuvend.
(Ndërhyrje pa mikrofon.)
Për të dyja projektrezolutat është relator Musai.
Kush do të jetë relator për projektligjin, i cili ndryshon ligjin “Për kornizën shqiptare të
kualifikimeve”?
Vilma dhe Nora?
Dakord. E mbyllim këtu.
(Ndërhyrje pa mikrofon.)
Mirupafshim!
MBYLLET MBLEDHJA