Upload
others
View
2
Download
0
Embed Size (px)
Citation preview
Vistvottunarkerfið BREEAM Greining á aðlögunarhæfni matskerfisins
að íslenskum aðstæðum
Vistvottunarkerfið BREEAM Greining á aðlögunarhæfni matskerfisins að
íslenskum aðstæðum
Olga Árnadóttir
Lokaverkefni til MS-‐gráðu í Umhverfis-‐ og auðlindafræði
Leiðbeinendur:
Dr. Lára Jóhannsdóttir, lektor
Helga Jóhanna Bjarnadóttir, efnaverkfræðingur hjá EFLU verkfræðistofu
Viðskiptafræðideild
Félagsvísindasvið Háskóla Íslands
Júní 2017
iii
Vistvottunarkerfið BREEAM. Greining á aðlögunarhæfni matskerfisins að íslenskum aðstæðum. Þessi ritgerð er 30 ETCS eininga lokaverkefni til MS prófs í Umhverfis-‐ og auðlindafræði frá Viðskiptafræðideild Háskóla Íslands © 2017 Olga Árnadóttir Ritgerðina má ekki afrita nema með leyfi höfundar. Prentun: Háskólaprent ehf. Reykjavík, 2017
iv
Formáli
Skrif á meistararitgerð og framkvæmd rannsóknar sem þessarar er umtalsverð vinna sem
krefst einbeitingar og skipulags. Slíkt verkefni verður ekki til fyrir tilstuðlan einnar
manneskju, það eru iðulega ýmsir hlutaðeigandi aðilar sem koma að ferlinu á einn eða
annan hátt. Góð leiðsögn er undirstaða þess að ferli sem þetta gangi upp á sem
farsælastan hátt.
Fyrst og fremst langar mig að þakka leiðbeinendum mínum þeim Láru Jóhannsdóttur
og Helgu Jóhönnu Bjarnadóttur fyrir góða leiðsögn og stuðning meðan á skrifum stóð.
Láru vil ég þakka sérstaklega fyrir hvatningu og hjálp við mótun, uppbyggingu, efnistök og
frágang ritgerðarinnar. Þekking hennar og reynsla á rekstri og viðskiptaháttum,
samfélagsábyrgð fyrirtækja, aðferðafræði og fleiru reyndist mér góður vegvísir. Helgu
Jóhönnu vil ég þakka sérstaklega fyrir fræðslu og hjálp varðandi BREEAM og notkun þess
á Íslandi, sem ég þekkti lítið til áður en skrif hófust. Reynsla hennar og þekking á kerfinu
og íslenskum byggingariðnaði hjálpuðu mér við að móta áherslur og umfang
tilviksrannsóknarinnar og gerðu mig staðfastari í að þörf væri á að rannsaka innleiðingu
BREEAM á Íslandi. Þá kann ég þeim báðum bestu þakkir fyrir vandaðan yfirlestur og
gagnlegar athugasemdir. Sigfús Helgi Kristinsson á einnig þakkir skyldar fyrir
fagmannlegan prófarkalestur á ritgerðinni. Viðmælendunum fimm sem tóku þátt í
rannsókninni vil ég einnig þakka kærlega fyrir jákvætt viðmót og að vera til í að veita mér
innsýn í þeirra reynsluheim og framtíðarsýn. Án þeirra framlags hefði lítið orðið úr
rannsókninni.
Síðast en ekki síst vil ég þakka mínum nánustu fyrir hvatningu og umburðarlyndi í
minn garð meðan á skrifum stóð. Mamma og pabbi eiga sérstakar þakkir skyldar fyrir allan
stuðninginn og aðstöðuna í Kúldshúsi meðan á stærstum part skrifa stóð, ómetanlegt.
Takk.
v
Útdráttur
Áhrif loftslagsbreytinga eru ótvíræð. Greina má áhrifin hvarvetna í heiminum en losun
gróðurhúsalofttegunda út í andrúmsloftið hefur aldrei mælst meiri en um þessar mundir.
Tölur sýna að rekja megi um helming auðlindanýtingar og allt að 30-‐40% orkunotkunar og
útblásturs til byggingariðnaðarins, sem gerir hann að þeim iðnaði sem losar mest af
gróðurhúsalofttegundum á heimsvísu. Sjálfbær þróun í byggingariðnaðinum er ein af
stóru áskorunum samtímans og getur falið í sér margskonar ávinning fyrir menn og
umhverfi. Til að svara þessari þörf hefur þróun og notkun svokallaðra vistvottunarkerfa
færst í aukana. Vistvottunarkerfi fyrir byggingar og skipulag eru matstæki sem stuðla að
því að markmið um sjálfbæra þróun náist við byggingarframkvæmdir.
Viðfangsefni þessarar rannsóknar er breska vistvottunarkerfið BREEAM. BREEAM er
fyrsta vistvottunarkerfið fyrir byggingar og skipulag sem tekið var í notkun á Íslandi.
Markmið rannsóknarinnar er tvíþætt. Annars vegar að útskýra uppbyggingu og eiginleika
BREEAM. Hins vegar að varpa ljósi á aðlögun kerfisins að íslenskum aðstæðum, sem er
gert með því að framkvæma tilviksrannsókn á íslenskum byggingariðnaði. Meginmarkmið
tilviksrannsóknarinnar er að draga fram álit og reynslu fagaðila í byggingariðnaðinum
hvað varðar innleiðingu BREEAM á Íslandi. Einnig að greina hvaða hindranir og hvatar eru
í byggingariðnaðinum hérlendis með tilliti til þeirra krafna sem settar eru fram í BREEAM.
Rannsóknin byggir á eigindlegri aðferðafræði. Rannsóknargagna er aflað með hálf-‐
stöðluðum viðtölum við fimm fagaðila sem starfa innan byggingariðnaðarins á Íslandi og
hafa komið að BREEAM vottuðum verkefnum hérlendis. Tólf meginþemu voru greind
með innihaldsgreiningu. Þemun eru: persónuleg reynsla af BREEAM, hvatar fyrir aðlögun
BREEAM á Íslandi, hindranir fyrir aðlögun BREEAM á Íslandi, hönnun og ákvarðanataka,
félagsleg áhrif BREEAM, vottun, fræðsla og miðlun, þverfræðilegt samtal,
umhverfisáhrifaflokkar og tæknileg atriði, virði BREEAM, íslensk útgáfa af BREEAM og
umbætur og frekari aðlögun BREEAM að íslenskum aðstæðum. Í umræðukafla
rannsóknar er stuðst við þemagreininguna til að svara rannsóknarspurningum. Þá eru
svörin við rannsóknarspurningunum einnig borin saman við niðurstöður þeirra erlendu
rannsókna sem gert var grein fyrir í fræðilega hluta rannsóknar.
vi
Niðurstöður rannsóknarinnar varpa ljósi á innleiðingu og notkun BREEAM á Íslandi og
áhrif kerfisins á fagfólk innan byggingariðnaðarins. Þær gefa vísbendingar um það hvernig
BREEAM hentar íslenskum aðstæðum og hvort aðlaga þurfi kerfið betur að hérlendum
aðstæðum. Einnig gefa niðurstöðurnar innsýn í þær hindranir og hvata sem fyrirfinnast í
íslenskum byggingariðnaði hvað varðar þær kröfur sem gerðar eru í BREEAM. Þannig
stuðlar rannsóknin að þekkingarsköpun og umræðu varðandi sjálfbærar aðferðir innan
byggingariðnaðarins á Íslandi og gefur vísbendingar um það hvar þurfi að gera betur
varðandi umhverfismál í byggingariðnaðinum almennt. Það skortir rannsóknir á
vistvottunarkerfum og notkun þeirra á Íslandi. Fræðilegt gildi rannsóknarinnar er að þróa
tillögur til frekari athugana/rannsókna á viðfangsefninu.
Lykilorð: BREEAM, umhverfisvottun, aðlögun, sjálfbær þróun, loftslagsbreytingar,
samfélagsábyrgð, byggingariðnaður, græn bygging, sjálfbær bygging
vii
Abstract
Earth's climate is changing, with the global temperature constantly rising. The impacts of
climate change are happening worldwide. According to statistics, 30–40% of all primary
energy in the world is used for buildings and the sector is held responsible for 40–50% of
green house gas emissions. Sustainability is therefore a pressing concern for this sector
and can have various benefits for mankind and nature if issues related to the sector are
solved. To address this need the utilization of comprehensive environmental building
assessment systems within the sector have increased lately. Such assessment systems
provide a comprehensive assessment of the environmental characteristics of a building
using a common and verifiable set of criteria to achieve higher environmental standards.
The subject of this paper is the British environmental assessment system BREEAM
(Building Research Establishment Environmental Assessment Method). BREEAM is the
most common building assessment method used in Iceland so far and the first one that
was adapted within the Icelandic building industry. The aim of the paper is twofold. First,
to explain the structure and characteristic of BREEAM. Second, to analyse how BREEAM
has been adapted within the Icelandic building industry by conducting a case study. The
main aim of the case study is to highlight the professions opinions and experience
regarding the adoption of BREEAM, and to analyse the main drivers and hindrances that
can be found within the Icelandic building industry regarding the BREEAM standards.
This paper is based on qualitative research methods. Five semi-‐structured interviews,
with construction professionals familiar with the adaption of BREEAM in Iceland, were
conducted. Twelve key themes were identified using content analysis, they are: personal
experience with BREEAM, drivers for the adaption of BREEAM in Iceland, hindrances for
the adaption of BREEAM in Iceland, design and decision making, social effects of BREEAM,
certification, education and dissemination, interdisciplinary discourse, environmental
categories and technical issues, value of BREEAM, Icelandic version of BREEAM and
improvements and further adaption of BREEAM in Iceland. In the discussions chapter the
themes are used to help out answering the research questions. The answers are then
compared to other research findings on related topic that were accounted for earlier in
the research.
viii
The results shed light on the adaption and use of BREEAM within the Icelandic building
industry and it ́s effects on construction professionals. The results also provide ideas
about the the main drivers and hindrances that can be found within the Icelandic building
industry regarding the adoption of BREEAM. The research seeks to explain and contribute
to understanding and discourse about BREEAM and sustainable development in the
building industry in general and points out where there are gaps for improvements
concerning environmental affairs in the Icelandic building industry. Research on
environmental assessment systems are lacking in Iceland, thus the theoretical aim of this
study is to propose further studies related to the research topic.
Keywords: BREEAM, environmental assessment systems, adaption, sustainable
development, climate change, corporate social responsibility, building industry, green
building, sustainable building
ix
Efnisyfirlit
Myndaskrá ............................................................................................................. xi
Töfluskrá ................................................................................................................ xi
1 Inngangur ......................................................................................................... 1
1.1 Markmið, rannsóknaraðferð og rannsóknarspurningar ....................................... 3
1.2 Fræðilegt gildi rannsóknar .................................................................................. 4
1.3 Uppbygging ritgerðar .......................................................................................... 5
2 Fræðileg umfjöllun ........................................................................................... 7
2.1 Sjálfbær þróun – skilgreining ............................................................................... 7
2.2 Græn bygging/sjálfbær bygging .......................................................................... 9
3 Samfélagsábyrgð fyrirtækja og byggingariðnaður ........................................... 12
3.1 Samfélagsábyrgð fyrirtækja .............................................................................. 12
3.1.1 Saga samfélagsábyrgðar ................................................................................ 13
3.1.2 Staða samfélagsábyrgðar á Íslandi ................................................................. 14
3.2 Byggingariðnaður og loftslagsmál ..................................................................... 16
3.2.1 Samfélagsábyrgð í byggingariðnaði ............................................................... 18
3.3 Vistvottunarkerfi fyrir byggingar ....................................................................... 20
4 Vistvottunarkerfið BREEAM ........................................................................... 24
4.1 Upphaf og markmið .......................................................................................... 24
4.2 Alþjóðlegi hluti BREEAM ................................................................................... 27
4.3 Uppbygging BREEAM ........................................................................................ 27
4.3.1 Vottun ............................................................................................................ 31
4.4 Erlendar rannsóknir á BREEAM ......................................................................... 32
4.4.1 Virði BREEAM ................................................................................................. 32
4.4.2 Áhrif BREEAM á fagfólk, notendur bygginga og byggingarframkvæmdir ...... 37
4.4.3 Aðlögun BREEAM-‐NOR í Noregi ..................................................................... 41
4.5 Notkun og aðlögun BREEAM á Íslandi ............................................................... 43
5 Rannsóknaraðferð .......................................................................................... 47
5.1 Viðtöl ................................................................................................................ 48
5.2 Framkvæmd rannsóknar ................................................................................... 49
5.2.1 Markmið rannsóknar ..................................................................................... 49
x
5.2.2 Áreiðanleiki gagna .......................................................................................... 50
5.2.3 Val á viðmælendum ....................................................................................... 50
5.2.4 Viðtöl .............................................................................................................. 52
5.3 Greining gagna .................................................................................................. 52
6 Niðurstöður ................................................................................................... 53
6.1 Persónuleg reynsla af BREEAM .......................................................................... 53
6.2 Hvatar fyrir aðlögun BREEAM á Íslandi .............................................................. 55
6.3 Hindranir fyrir aðlögun BREEAM á Íslandi .......................................................... 57
6.4 Hönnun og ákvarðanataka ................................................................................ 60
6.5 Félagsleg áhrif BREEAM .................................................................................... 62
6.6 Vottun .............................................................................................................. 63
6.6.1 Hlutverk matsmannsins ................................................................................. 64
6.7 Fræðsla og miðlun ............................................................................................ 65
6.8 Þverfræðilegt samtal ......................................................................................... 66
6.9 Umhverfisáhrifaflokkar og tæknileg atriði ......................................................... 67
6.9.1 Tæknileg atriði sem krefjast úrbóta ............................................................... 68
6.10 Virði BREEAM ................................................................................................... 70
6.11 Íslensk útgáfa af BREEAM .................................................................................. 72
6.12 Umbætur og frekari aðlögun BREEAM að íslenskum aðstæðum ........................ 75
7 Umræður ....................................................................................................... 79
7.1 Rannsóknarspurningum svarað ......................................................................... 79
7.2 Annmarkar rannsóknar og mögulegt framhald .................................................. 90
8 Lokaorð .......................................................................................................... 92
Heimildaskrá ......................................................................................................... 95
Viðauki A ............................................................................................................ 105
xi
Myndaskrá
Mynd 1. Vistferill byggingar (Irish Green Building Council, e.d)………………………………….16
Mynd 2. Hagsmunaaðilar og viðskiptatengsl í byggingariðnaði (UNEP, 2014, bls. 18)..19
Mynd 3. Níu umhverfisáhrifaflokkar BREEAM (Parker, 2012, bls.1)…..……………………..28
Mynd 4. Vægi þriggja þátta sjálfbærrar þróunar í BREEAM (Parker, 2012, bls. 15).......34
Mynd 5. Efnahagslegur ávinningur BREEAM (Parker, 2012, bls.18)…………………………..35
Mynd 6. Áhrif BREEAM á verkefni (Parker, 2012, bls. 21)…………………………………………..36
Mynd 7. Framhaldsskólinn í Mosfellsbæ (A2F Arkitektar, 2017)..................................45
Mynd 8. Snæfellsstofa Vatnajökulsþjóðgarði (FSR, 2017)............................................46
Mynd 9. Sjúkrahótelið, Landsspítali Hringbraut (Gláma-‐Kím Arkitektar, 2017).......... 46
Mynd 10. Fangelsið á Hólmsheiði (FSR, 2017)..............................................................46
Töfluskrá
Tafla 1. Helstu hvatar í íslenskum byggingariðnaði með tilliti til þeirra krafna sem settar
eru fram í BREEAM, að mati viðmælenda rannsóknar.................................................83
Tafla 2. Helstu hindranir í íslenskum byggingariðnaði með tilliti til þeirra krafna sem settar
eru fram í BREEAM, að mati viðmælenda rannsóknar................................................. 86
1
1 Inngangur
Við lifum á tímum loftslagsbreytinga sem hafa þær afleiðingar í för með sér að hnattræn
hlýnun fer vaxandi. Milliríkjanefnd Sameinuðu þjóðanna um loftslagsbreytingar IPCC (The
Intergovernmental Panel on Climate Change) gefur út úttektarskýrslu á nokkurra ára
fresti þar sem vísindaleg þekking á loftslagsbreytingum er tekin saman. Samkvæmt
nýjustu skýrslu nefndarinnar eru áhrif loftslagsbreytinga ótvíræð og má greina þau
hvarvetna í heiminum. Hnattræn hlýnun hefur nú þegar haft, og mun áfram hafa, víðtæk
áhrif á menn og náttúru (IPCC, 2015). Athafnir manna spila stóran þátt í þeim
loftslagsbreytingum sem við stöndum frammi fyrir og er brennsla á jarðefnaeldsneyti einn
veigamesti áhrifaþátturinn hvað varðar losun gróðurhúsalofttegunda út í andrúmsloftið
(IPCC, 2015). Þessa losun af mannavöldum má að stórum hluta rekja til efnahags-‐ og
mannfjöldaþróunar í heiminum undanfarna áratugi, en losun gróðurhúsalofttegunda
hefur aldrei mælst meiri en nú (IPCC, 2015; Younger, Morrow, Vindigni og Dannenberg,
2008).
Byggingariðnaðurinn einn og sér hefur margvísleg áhrif á menn og umhverfi. Byggingar
nýta töluvert magn orku og hefur byggingariðnaðurinn afgerandi áhrif á auðlindanýtingu
í heiminum (Younger o.fl., 2008). Hönnun bygginga, staðsetning, efnisnotkun og orku-‐ og
vatnsnotkun íbúa hefur mikið að segja varðandi losun gróðurhúsalofttegunda út í
andrúmsloftið (Younger o.fl., 2008). Tölur sýna að rekja megi um helming
auðlindanýtingar og allt að 30-‐40% orkunotkunar og útblásturs gróðurhúsalofttegunda til
byggingariðnaðarins, sem gerir hann að þeim iðnaði sem losar mest af gróðurhúsa-‐
lofttegundum á heimsvísu (UNEP-‐SBCI, 2014; UNEP, 2011). Þessar tölur sýna að vistspor
byggingariðnaðarins er stórt og undirstrikar jafnframt mikilvægi umhverfisvænni lausna í
iðnaðinum.
Sjálfbær þróun í byggingariðnaðinum er ein af stóru áskorunum samtímans og getur
falið í sér margs konar ávinning ef tekist er á við vandann (UNEP-‐SBCI, 2014). Slíkar
áherslur eru til þess fallnar að draga úr orkunotkun, auka líftíma og draga úr viðhaldi
bygginga, minnka eiturefnanotkun og stuðla að heilnæmu umhverfi (UNEP-‐SBCI, 2014).
Sjálfbær þróun er aðkallandi verkefni í þessum iðnaði, líkt og í flestum atvinnugreinum nú
2
til dags. Frekari þróun í byggingariðnaðinum krefst nýrri og skilvirkari lausna sem geta
mætt ört vaxandi samfélögum og byggðaþróun (Celik, 2013). Til að svara þessari þörf
hefur notkun svokallaðra vistvottunarkerfa færst í aukana undanfarið (Celik, 2013).
Vistvottunarkerfi fyrir byggingar og skipulag eru skilvirk matstæki sem stuðla að því að
markmið um sjálfbæra þróun náist við byggingarframkvæmdir (Celik, 2013). Kerfin skapa
viðmiðunarramma um það hvað teljist vistvænt mannvirki/skipulag og stuðlar að
sjálfbærri þróun innan byggingariðnaðarins (Ding, 2008). Vistvottunarkerfi eru þróuð með
það í huga að draga úr efnisnotkun og neikvæðum umhverfisáhrifum á öllum stigum
vistferils bygginga (Celik, 2013). Notkun slíkra kerfa getur því haft margs konar ávinning í
för með sér fyrir verkefni og þá sem standa að verkefnum (Ding, 2008). Vottunarkerfin
hjálpa til við stjórnun og skipulagningu, stuðla að agaðri vinnubrögðum og þverfræðilegu
samtali meðal þeirra sem koma að byggingarframkvæmdum (Ding, 2008).
Fyrsta heildstæða vistvottunarkerfið fyrir byggingar og skipulag sem kom á markað var
BREEAM (Building Research Establishment Environmental Assessment Method). BREEAM
var þróað og sett á laggirnar í Bretlandi árið 1990 og er í dag á meðal útbreiddustu
vistvottunarkerfa heims (BREEAM, 2017a; Larsson, 1998). BREEAM er þó langt því frá eina
vistvottunarkerfið á markaði. Frá því að BREEAM kom á markað hefur þróun
vistvottunarkerfa verið ör og í dag má finna breytileg kerfi sem hafa verið þróuð fyrir ólík
svæði og fyrir mismunandi gerðir bygginga (Cole, 2005; Bragança, Mateus og Koukkari,
2010; Darko og Chan, 2016). Samt sem áður skortir rannsóknir á vistvottunarkerfum
(Haapio og Viitaniemi, 2008; Zuo og Zhao, 2014; Li, Chen, Wang, o.fl., 2017). Slíkar
rannsóknir eru mikilvægur liður í framþróun kerfanna og frekari staðlavinnu á sviði
bygginga (Haapio og Viitaniemi, 2008; Kim, Oh og Kim, 2013). Þau vistvottunarkerfi sem
eru á markaði eru misfær um að endurspegla sjálfbærni bygginga, því er nauðsynlegt að
endurmeta og betrumbæta þá staðla og aðferðir sem kerfin miðla reglulega til þess að
auka trúverðugleika og koma í veg fyrir stöðnun kerfanna (Kim, Oh og Kim, 2013). Kanna
þarf betur uppbyggingu kerfanna og virkni, og hvað megi betur fara við útfærslu þeirra
(Haapio og Viitaniemi, 2008; Kim, Oh og Kim, 2013; Zuo og Zhao, 2014; Li, Chen, Wang,
o.fl., 2017)
3
1.1 Markmið, rannsóknaraðferð og rannsóknarspurningar Í rannsókninni er breska vistvottunarkefið BREEAM tekið til greiningar. Markmið
rannsóknarinnar er tvíþætt. Annars vegar að útskýra uppbyggingu og eiginleika
vistvottunarkerfisins BREEAM. Hins vegar að varpa ljósi á aðlögun og notkun kerfisins á
Íslandi, sem er gert með því að framkvæma tilviksrannsókn á íslenskum byggingariðnaði.
Rannsóknin skiptist því í fræðilega umfjöllun og tilviksrannsókn.
Fræðilega umfjöllunin um BREEAM inniheldur heimildagreiningu á kerfinu þar sem
leitast er við að útskýra kerfið. Byggt er á heimildum frá eigendum kerfisins, BRE Global
Ltd., nýlegum erlendum rannsóknum á kerfinu og þeim gögnum sem eru aðgengileg um
notkun BREEAM á Íslandi. Markmiðið er að útskýra uppbyggingu, eiginleika og rekstur
kerfisins á ítarlegan hátt, auk þess að gera grein fyrir því hvaða ávinning kerfið hefur í för
með sér og hvað má betur fara við útfærslu þess og notkun.
Markmiðið með framkvæmd tilviksrannsóknar er að varpa ljósi á aðlögun og notkun
BREEAM kerfisins á Íslandi. Rannsóknin er tilviksrannsókn (e. case study) á tilteknu tilviki.
Til þess að skilja eðli slíkra rannsókna er ágætt að styðjast við skilgreiningu Yins (2009) á
hugtakinu. Samkvæmt Yin (2009) er tilviksrannsókn hentug þegar rannsaka á aðstæður
eða fyrirbæri sem gefa ekki endilega skýrar niðurstöður. Markmið rannsakanda er því að
þróa tillögur til frekari athugana/rannsókna á viðfangsefninu. Þessi rannsókn fellur undir
slíkt rannsóknarsnið að því leyti að hún leitast við að útskýra ákveðið viðfangsefni í
rauntíma, sem er í þessu tilviki vistvottunarkerfið BREEAM og aðlögun þess að íslenskum
aðstæðum. Viðfangsefni rannsóknarinnar afmarkast við hérlendar aðstæður og
viðmælendur rannsóknarinnar, sem varpa ljósi á þær aðstæður.
Rannsóknargagna er aflað með fimm hálf-‐stöðluðum viðtölum við aðila sem starfa
innan byggingariðnaðarins á Íslandi og hafa komið að BREEAM vottuðum verkefnum hér
á landi. Meginmarkmið tilviksrannsóknarinnar er að draga fram álit, reynslu og
framtíðarsýn fagaðila í byggingariðnaðinum hvað varðar aðlögun og notkun BREEAM á
Íslandi. Einnig að greina hvaða hindranir og hvatar eru í byggingariðnaðinum hérlendis
með tilliti til þeirra krafna sem settar eru fram í BREEAM kerfinu, og reyna þannig að varpa
ljósi á það hvernig BREEAM hentar íslenskum aðstæðum og hvort aðlaga þurfi kerfið
betur. Þá er kerfið skoðað sem félagslegt tæki og hvaða áhrif það hefur á þau
verkefnateymi sem vinna að BREEAM vottuðum verkefnum hérlendis. Ítarlegar er fjallað
4
um rannsóknaraðferðina í fimmta kafla þar sem gert er grein fyrir rannsóknaraðferðum
og vali á þeim.
Leitast verður við að svara eftirfarandi rannsóknarspurningum í rannsókninni:
• Hvernig hentar vistvottunarkerfið BREEAM til þess að stuðla að, útfæra og meta
sjálfbærar lausnir í íslenskum byggingariðnaði?
• Hverjir eru helstu hvatarnir í íslenskum byggingariðnaði með tilliti til þeirra krafna
sem settar eru fram í vistvottunarkerfinu BREEAM?
• Hverjar eru helstu hindranirnar í íslenskum byggingariðnaði með tilliti til þeirra
krafna sem settar eru fram í vistvottunarkerfinu BREEAM?
• Hvernig áhrif hefur BREEAM á fagaðila í byggingariðnaði og verkefnateymi sem
vinna að BREEAM vottuðum byggingum á Íslandi?
1.2 Fræðilegt gildi rannsóknar Rannsóknin er sú fyrsta sinnar tegundar á Íslandi. Engin sambærileg viðtalsrannsókn hefur
verið framkvæmd, eftir því sem rannsakandi best veit, sem miðar að því að kanna álit og
reynslu fagaðila í byggingariðnaði á vistvottunarkerfinu BREEAM og innleiðingu þess
hérlendis. Lítið hefur verið skrifað um BREEAM á Íslandi fram til þessa þar sem notkun
kerfisins er tiltölulega nýtilkomin. Því er ekki við fyrirfram gefnar kenningar og niðurstöður
að styðjast, að undanskilinni einni rannsókn sem hefur verið gerð á BREEAM hér á landi.
Um er að ræða skýrslu starfshóps Vistbyggðarráðs Íslands um vottunarkerfi fyrir
byggingar sem unnin var fyrir styrk frá Umhverfisráðuneytinu, og gefin var út árið 2013.
Vistbyggðarráð Íslands er sameiginlegur vettvangur fyrir þróun á vistvænum áherslum í
mannvirkjagerð og skipulagi hér á landi. Öll fyrirtæki, stofnanir og sveitarfélög geta verið
aðilar í Vistbyggðarráði (Vistbyggðarráð, 2017). Skýrslan inniheldur greiningu á
5
hagkvæmni og aðlögunarhæfni erlendra vottunarkerfa fyrir íslenskan byggingariðnað. Þar
eru ólík kerfi borin saman, þar á meðal BREEAM. Skýrsla þessi kom að góðum notum við
gerð þessarar rannsóknar.
Samkvæmt ofangreindri skýrslu starfshóps Vistbyggðarráðs (2013) þurfa Íslendingar
að stuðla að sjálfbærri þróun í byggingariðnaðinum með því að þróa betri leiðbeiningar
hvað varðar ýmis öryggis-‐ og umhverfisvandamál í byggingariðnaði. Það þarf að fylla upp
í ákveðnar eyður á þessu sviði og þróa samhæfðari aðferðir eins og þekkjast víða í
nágrannalöndum okkar (Vistbyggðarráð, 2013). Ætlunin er að þessi rannsókn leggi að
mörkum ákveðnar vísbendingar um hvar þessar eyður er helsta að finna varðandi
innleiðingu BREEAM á Íslandi, og hvar þurfi að gera betur varðandi umhverfismál í
byggingariðnaðinum almennt. Rannsókninni er einnig ætlað að stuðla að auknum
skilningi fagaðila og almennings á vistvottunarkerfinu BREEAM, hvernig kerfið virkar og
hvað getur áunnist með notkun kerfisins og frekari aðlögun þess að íslenskum aðstæðum.
Segja má að fræðilegt gildi rannsóknarinnar felist í því að varpa ljósi á notkun BREEAM í
íslenskum aðstæðum. Rannsókninni er ætlað að leggja til nýja þekkingu og hagnýtar
niðurstöður fyrir íslenskan byggingariðnað hvað það varðar.
Rannsóknin er einnig innlegg í umræðu og aukna vitundarvakningu um umhverfismál
og vistvænar áherslur í byggingariðnaðinum á Íslandi almennt. Rannsóknin ætti að nýtast
stjórnvöldum við stefnumótun verði farið í að þróa íslenska útgáfu af BREEAM á komandi
árum, eða hjálpa til við að taka slíka ákvörðun. Hún ætti einnig að geta nýst þeim sem
starfa innan byggingariðnaðarins og langar til að kynna sér BREEAM og uppbyggingu þess.
En fyrst og síðast er tilgangur rannsóknarinnar að varpa ljósi á aðlögun BREEAM að
íslenskum aðstæðum og leggja af mörkum til þekkingarsköpunar og umræðu varðandi
sjálfbærar aðferðir innan byggingariðnaðarins, í þeirri viðleitni að ná árangri í átt að
aukinni sjálfbærni og frekari aðlögun BREEAM hér á landi.
1.3 Uppbygging ritgerðar Á eftir inngangi, í öðrum kafla, er gerð grein fyrir fræðilegum grunni rannsóknarinnar sem
er byggður á kenningum um sjálfbæra þróun og útfærslu þess hugtaks innan
byggingariðnaðarins. Gerð er grein fyrir hugtökunum sjálfbær þróun, græn bygging og
sjálfbær bygging. Einnig er komið inn á hvernig auka megi sjálfbærni innan
byggingariðnaðarins.
6
Þriðji kafli fjallar um samfélagsábyrgð og sjálfbærnimál í byggingariðnaði. Í kaflanum
er farið yfir skilgreiningar á samfélagsábyrgð, sögu samfélagsábyrgðar, íslenskar
rannsóknir á samfélagsábyrgð og hvað felst í samfélagsábyrgð innan byggingariðnaðarins.
Einnig er fjallað um orknunotkun í byggingariðnaði og hlutverk og tilgang
vistvottunarkerfa fyrir byggingar.
Fjórði kafli inniheldur heimildagreiningu á vistvottunarkerfinu BREEAM. Gerð er grein
fyrir upphafi og markmiðum kerfisins, alþjóðlegum hluta þess, uppbyggingu kerfisins og
vottunarferlinu. Þá er farið yfir erlendar rannsóknir á BREEAM og þannig reynt að varpa
ljósi á reynslu fólks af kerfinu, kostum þess og göllum. Í lok kaflans er farið stuttlega yfir
notkun BREEAM á Íslandi fram til þessa.
Í fimmta kafla hefst rannsóknarhluti ritgerðarinnar þar sem gert er grein fyrir vali á
rannsóknaraðferð. Auk þess verður farið yfir markmið rannsóknar og rannsóknar-‐
spurningar, áreiðanleika gagna, val á viðmælendum, gagnasöfnun og greiningu gagna.
Í sjötta kafla eru niðurstöður rannsóknarinnar kynntar. Þar er gerð ítarleg grein fyrir
tólf meginþemum sem komu fram við úrvinnslu viðtalsgagna. Niðurstöður eru styrktar
með tilvitnunum úr viðtölum við viðmælendur.
Sjöundi kafli inniheldur umræður. Þar er rannsóknarspurningum svarað með hjálp
þemagreiningarinnar úr niðurstöðkaflanum. Þá eru svör við rannsóknarspurningum borin
saman við niðurstöður þeirra rannsókna sem gert var grein fyrir í fræðilega hluta
ritgerðarinnar, sem fjallað er um í öðrum, þriðja og fjórða kafla. Að endingu eru lokaorð
ritgerðarinnar í áttunda kafla.
7
2 Fræðileg umfjöllun
Fræðilegur bakgrunnur rannsóknarinnar er byggður á kenningum um sjálfbæra þróun og
útfærslu þess hugtaks innan byggingariðnaðarins. Í því samhengi eru skoðaðar
skilgreiningar á grænum og sjálfbærum byggingum. Til þess að gera nánar grein fyrir þeim
kenningum sem liggja til grundvallar rannsókninni er gott að byrja á að skilgreina hvað
felst í hugtakinu sjálfbær þróun.
2.1 Sjálfbær þróun – skilgreining Hugtakið sjálfbær þróun er gjarnan túlkað á mismunandi hátt. Hugtakið á rætur að rekja
til sjöunda áratugar tuttugustu aldar, en segja má að fræðileg umfjöllun um hugtakið hafi
hafist í kjölfar útgáfu „The Limits to Growth“ sem samtökin Club of Rome gáfu út árið
1972 (Meadows, Meadows, Randers o.fl., 1972). Sama ár héldu Sameinuðu þjóðirnar
fyrstu alþjóðlegu ráðstefnuna um sjálfbæra þróun á heimsvísu. Umræður í kjölfar
ráðstefnunnar leiddu svo til stofnunar UNEP (e. United Nations Environment Programme)
sem beitti sér fyrir því að skilgreina hugtakið þannig að tekið væri tillit til komandi
kynslóða (Cocoyoc Declaration, 1974).
Sú skilgreining á sjálfbærri þróun sem náð hefur hvað mestri útbreiðslu er skilgreining
Sameinuðu þjóðanna sem sett var fram undir forystu Gro Harlem Brundtland, fyrrum
forsætisráðherra Noregs, í skýrslunni „Our Common Future“ sem kom út árið 1987. Þar
er sjálfbær þróun skilgreind á eftirfarandi hátt: „Sjálfbær þróun er þróun sem fullnægir
þörfum samtíðarinnar án þess að skerða möguleika komandi kynslóða til að fullnægja
sínum þörfum“ (WCED, 1987, bls. 41). Sjálfbær þróun byggir á samþættingu þriggja þátta,
en þeir eru efnahagslegir, félagslegir og umhverfislegir þættir (WCED, 1987). Jafnvægi
verður að ríkja á milli þessara þátta eigi markmið sjálfbærrar þróunar að nást (WCED,
1987). Brundtland-‐skilgreiningin á sjálfbærri þróun hefur þó verið túlkuð á mismunandi
hátt, og hefur hugtakið sjálfbær þróun þótt fela í sér margræðni (IPCC, 2007). Þessar
fjölbreyttu túlkanir eru af sumum taldar vera styrkleiki hugtaksins (IPCC, 2007). Til að
mynda stungu Bagheri og Hjorth (2007) upp á því að þróuð yrði breytileg nálgun á
hugtakið sjálfbær þróun, en þannig yrði hugtakið aðlagað að þekkingu hvers tímabils fyrir
8
sig. Hvað sem því líður hefur myndast aukin krafa um opinbera og heildstæða
skilgreiningu á hugtakinu sjálfbær þróun síðustu áratugi (Fowke og Prasad, 1996;
Martens, 2006).
Vistvottunarkerfi á borð við BREEAM byggja í grunninn á sömu lögmálum og sjálfbær
þróun. Þeim er ætlað að samþætta umhverfislega, félagslega og efnahagslega þætti í
þeim tilgangi að samþætta áherslur og ná fram markmiðum sjálfbærrar þróunar innan
byggingariðnaðarins (Berardi, 2012). Mismunandi vistvottunarkerfi deila sameiginlegum
viðmiðum og mælieiningum varðandi sjálfbærni bygginga (Berardi, 2012). Samkvæmt
flestum vistvottunarkerfum er bygging sjálfbær ef hún er byggð samkvæmt
vistfræðilegum viðmiðum sem stuðla að því að dregið sé úr neikvæðum áhrifum
byggingar á umhverfið (Berardi, 2012). Það þykir vera galli á vistvottunarkerfum hversu
mikið vægi efnislegi hluti byggingar fær (Berardi, 2011). Matið á vottaðri byggingu
takmarkast við efnislega þætti byggingarinnar, sem eru fyrst og fremst metnir út frá
umhverfislegum sjónarmiðum, og því hafa vistvottunarkerfi verið gagnrýnd fyrir að stuðla
ekki að jafnvægi á milli allra þriggja þátta sjálfbærrar þróunar (ISO 15392, 2008).
Orkusparnaður og losun gróðurhúsalofttegunda hafa lengi verið álitin helstu
mælieiningar til að mæla sjálfbærni bygginga (Lowe, 2007). Því þykja vistvottunarkerfi oft
og tíðum ekki fullnægjandi mælikvarði á sjálfbærni bygginga (ISO 15392, 2008). Þetta
undirstrikar að gefa þurfi félagslegum og efnahagslegum þáttum varðandi byggingar
meira vægi (Berardi, 2013). Sjálfbærni bygginga á ekki að afmarkast við byggingarnar
sjálfar heldur verður að taka með í reikninginn samspil umhverfis og bygginga (Berardi,
2013).
Þessi samantekt á fræðilegum bakgrunni rannsóknarinnar gefur til kynna að þörf er á
að ræða og skilgreina hugtakið sjálfbær þróun og túlkun þess enn frekar, bæði í víðu
samhengi sem og innan byggingariðnaðarins. Þessari rannsókn á vistvottunarkerfinu
BREEAM er ætlað að bæta við fræðilega umfjöllun um sjálfbærar lausnir í byggingariðnaði
á Íslandi, varpa ljósi á það hvernig BREEAM hentar íslenskum aðstæðum og auka á
þekkingu og skilning á vistvottunarkerfum almennt. Rannsóknin endurspeglar
hugmyndafræði sjálfbærrar þróunar með því að rannsaka samspil og útfærslu
efnahagslegra, félagslegra og umhverfislegra þátta eins og þeir koma fyrir í BREEAM, og
hvernig þessir þættir hafa verið aðlagaðir að íslenskum byggingariðnaði.
9
2.2 Græn bygging/sjálfbær bygging Hugmyndafræði sjálfbærrar þróunar hefur verið heimfærð yfir á byggingariðnaðinn til
þess að hjálpa til við að skilgreina sjálfbæra byggingu (Berardi, 2013). Samt sem áður
hefur reynst erfitt að komast að einróma samkomulagi um það hvað sé sjálfbær bygging
og hvað slík bygging þurfi að hafa til að bera (Berardi, 2013). Einnig hefur borið á því að
hugtökin sjálfbær bygging og græn bygging séu notuð og túlkuð sem eitt og sama
hugtakið, þó það sé grundvallarmunur á hugtökunum (Cassidy, 2003; EPA, 2008). Séu
mismunandi skilgreiningar á hugtökunum skoðaðar eru þær þó flestar svipaðar í grunninn
eða byggja að hluta til á sömu lögmálum, sem gefur til kynna að hugtökin tengist og skarist
jafnvel að einhverju leyti. Hér verður farið yfir nokkrar skilgreiningar á hugtökunum til
nánari glöggvunar.
Samkvæmt Kibert (2016) er bygging sjálfbær ef hún byggir á vistfræðilegum viðmiðum,
stuðlar að heilnæmu manngerðu umhverfi og nýtir auðlindir á hagkvæman hátt.
Samkvæmt hvítbók um sjálfbærni í byggingariðnaði (Cassidy, 2003) skilgreinir OFEE
(The Office of the Federal Environmental Executive) sjálfbæra byggingu á eftirfarandi
hátt: „sem byggingaraðferð þar sem 1) orka, vatn, byggingarefni og landnotkun eru nýtt
á hagkvæman hátt, og 2) neikvæð áhrif á heilsu manna og umhverfi eru lágmörkuð með
ráðstöfunum er varða staðsetningu, hönnun, framkvæmd, viðhald og niðurrif í gegnum
allan vistferil byggingarinnar“ (Cassidy, 2003, bls. 4).
Samkvæmt skilgreiningu EPA (The U.S. Environmental Protection Agency, 2017) er
græn bygging byggð á aðferðum sem eru umhverfisvænar, nýta auðlindir á hagkvæman
hátt og draga úr neikvæðum umhverfisáhrifum byggingarinnar í gegnum allan vistferil
hennar, allt frá vali á staðsetningu til niðurrifs (EPA, 2017). Þar segir jafnframt að grænar
byggingar bæti hefðbundnar byggingaraðferðir með tilliti til hagkerfis, notagildis,
endingar og þæginda. Hjá EPA kemur einnig fram að hægt sé að setja grænar byggingar
og sjálfbærar byggingar undir sama hatt, að oft sé talað um bæði hugtökin í sama skilningi
(EPA 2008; EPA, 2017). Samkvæmt Fischer (2010) eiga lýsingar á grænum byggingum það
yfirleitt sameiginlegt að snúast um staðsetningu, orku, vatn, byggingarefni, úrgang og
heilsu. Grænar byggingar eiga það sameiginlegt að draga úr neikvæðum
umhverfisáhrifum umfram hefðbundnar byggingar (Fischer, 2010). Samkvæmt
10
ofangreindu virðist margt sameiginlegt með hugtökunum græn bygging og sjálfbær
bygging en þó virðist misjafnt hvernig þessi hugtök eru skilgreind og túlkuð.
Í rannsókn Berardi (2013) eru nýjustu skilgreiningar á sjálfbærni innan
byggingariðnaðarins kannaðar. Berardi telur að erfitt sé að komast að einróma
samkomulagi um skilgreiningu á sjálfbærri byggingu vegna breytilegra þátta sem hafa
áhrif á hugtakið á hverjum tíma. Þetta eru þættir á borð við tíma, rými, völd og félagslegar
hindranir (Berardi, 2013). Samkvæmt athugun Berardi (2013) er grundvallarmunur á
grænni byggingu og sjálfbærri byggingu. Segja má að græn bygging sé hver sú bygging
sem dregur úr neikvæðum umhverfisáhrifum á einhvern hátt, en sjálfbær bygging er
víðara hugtak. Samfélag er órjúfanlegur partur af sjálfbærri byggingu (Berardi, 2013).
Berardi tók saman nýlegar túlkanir á hugtakinu sjálfbær bygging, og út frá þeirri
samantekt má skilgreina sjálfbæra byggingu sem heilnæm húsakynni sem eru hönnuð
með hagkvæma auðlindanýtingu að leiðarljósi í gegnum allan vistferil byggingar (Berardi,
2013). Sjálfbær bygging er hönnuð út frá vistfræðilegum viðmiðum og félagslegu jafnrétti,
og stuðlar þannig að sjálfbæru samfélagi (Berardi, 2013). Engu að síður virðist sem
hugtakið sjálfbær þróun feli óhjákvæmilega í sér ákveðna óvissuþætti og því leggur
Berardi til að horft sé á skilgreininguna á sjálfbærri byggingu sem breytilegt hugtak frekar
en að meta sjálfbærni byggingar út frá þeirri einkunn sem byggingin fær við vistvottun
(Berardi, 2013).
Í skýrslu Sameinuðu þjóðanna (UNEP-‐SBCI, 2014) um hvernig auka megi sjálfbærni
innan byggingariðnaðarins er farið yfir þá þætti sem hindra útbreiðslu og þróun grænna
og sjálfbærra bygginga, og hvað aðgerðir eru mögulegar til að yfirstíga þessar hindranir.
Helstu hindranirnar eru taldar vera skortur á stefnumörkun, fjárhagsleg áhætta sem getur
fylgt grænum byggingum og skortur á þekkingu og trausti á grænum byggingum, bæði hjá
hagsmunaaðilum og almenningi (UNEP-‐SBCI, 2014). Opinberar stefnur fjalla oft og tíðum
aðeins um orkusparnað bygginga, það vantar að horfa til hagkvæmari auðlindanýtingar í
gegnum allan vistferil bygginga (UNEP-‐SBCI, 2014). Oft vantar einnig að hrinda
stefnumálum er varða sjálfbærni bygginga í framkvæmd. Ástæðan fyrir því getur verið
vanþekking hjá hinu opinbera á þessum málum og forgangsröðun annarra stefnumála
(UNEP-‐SBCI, 2014). Byggingarframkvæmdir eru kostnaðarsamar og fjárfestar vilja sjá
hagnað þegar ráðist er í stórar framkvæmdir. Þegar kemur að grænum byggingum ríkir
11
ákveðin fjárhagsleg óvissa og einnig getur verið skortur á viðmiðum um slíkar
framkvæmdir og afkomu þeirra. Þetta dregur úr vilja fjárfesta og hagsmunaaðila til að
fjárfesta í grænum byggingum. Eftirspurn á markaði skiptir miklu máli hvað þetta varðar
(UNEP-‐SBCI, 2014). Hönnuðir og ráðgjafar eru yfirleitt jákvæðir gagnvart því að takast á
við hagkvæma auðlindanýtingu í verkefnum, en þurfa oft að beygja sig undir vilja þeirra
sem eiga verkefnið (UNEP-‐SBCI, 2014). Einnig virðist sem skortur á fræðslu og þekkingu
hagsmunaaðila um grænar bygginar standi í vegi fyrir því að fólk sækist eftir því að festa
kaup á slíkum byggingum eða ráðist í að byggja þær. Það vantar upp á viðurkenningu og
forystu frá byggingariðnaðinum í heild um ágæti hagkvæmari auðlindanýtingar og forystu
í þeim efnum. Einnig vantar viðmiðunargögn og sameiginlegt viðskiptalíkan til að ná fram
bættri auðlindanýtingu innan byggingariðnaðarins, til þess að skapa traust á slíkum
aðferðum (UNEP-‐SBCI, 2014).
Ýmislegt er þó hægt að gera til að yfirstíga þessar hindranir og auka þar með vægi
sjálfbærrar þróunar innan byggingariðnaðarins. Samkvæmt Sameinuðu þjóðunum
(UNFCCC, 2006) og IEA (International Energy Agency, 2005) eru eftirfarandi hvatar
vænlegir til árangurs. Auka þarf lagasetningu og reglugerðir sem stuðla að sjálfbærri
þróun innan byggingariðnaðarins. Þetta má útfæra í byggingarreglugerðum, með
endurmenntun fagfólks og stjórnunarnámskeiðum svo að dæmi séu tekin (IEA, 2005;
UNFCCC, 2006). Fjárhagslegir hvatar geta einnig verið hjálplegir í þessum efnum. Sem
dæmi um slíka hvata má nefna græna skatta sem miða að því að draga úr neikvæðum
umhverfisáhrifum, veita undanþágu frá skatti til að hrinda verkefnum í framkvæmd, styrki
og afslætti (IEA, 2005; UNFCCC, 1999). Stuðningur, upplýsingagjöf og sjálfboðavinna getur
einnig hjálpað til við að auka vægi sjálfbærrar þróunar innan byggingariðnaðarins. Með
því að taka dæmi um vel heppnaðar framkvæmdir er hægt að sannfæra almenning og
notendur bygginga um ágæti grænna bygginga og mikilvægi sjálfbærrar þróunar. Þetta
má t.d. gera með kennslu, fræðsluverkefnum og í gegnum ýmis félagasamtök (IEA, 2005;
UNFCCC, 2006). Að auki er mikilvægt að efla rannsóknir á grænum byggingum og þeim
vistvottunarkerfum sem eru á markaði í dag. Gera þarf grein fyrir því hvað virkar vel við
notkun vistvottunarkerfa og hvað þarf að bæta til þess að tryggja framþróun þeirra. Einnig
þarf að aðstoða verkefnateymi og hagsmunaaðila betur við notkun og innleiðingu
vistvottunarkerfa svo að útkoman verði sem best fyrir alla (UNEP-‐SBCI, 2014).
12
3 Samfélagsábyrgð fyrirtækja og byggingariðnaður
Í þessum kafla verður farið yfir skilgreiningar á hugtakinu samfélagsábyrgð og sögu þess í
stuttu máli. Einnig verður farið yfir nokkrar nýlegar rannsóknir á samfélagsábyrgð á
Íslandi. Í seinni hluta kaflans verður fjallað um orkunotkun og samfélagsábyrgð innan
byggingariðnaðarins, og hvers vegna það er mikilvægt að stunda ábyrg viðskipti í
byggingariðnaði.
3.1 Samfélagsábyrgð fyrirtækja Áhersla á samfélagsábyrgð fyrirtækja nú til dags eykst jafnt og þétt. Víða um heim eru
gerðar kröfur um að fyrirtæki axli aukna ábyrð á starfsemi sinni og stundi örugg viðskipti
(Snjólfur Ólafsson, Brynhildur Davíðsdóttir og Lára Jóhannsdóttir, 2014; Dagný Kaldal,
2013). Þessa þróun má meðal annars merkja í því að stór erlend fyrirtæki eru farin að
senda frá sér opinberar skýrslur um starfshætti sína í auknum mæli. Þetta bendir til þess
að fyrirtækjum sé annt um orðspor sitt og ímynd, og vilji sýna það í verki (Dagný Kaldal,
2013). Þessa þróun má einnig heimfæra upp á aukið upplýsingaflæði nú til dags.
Almenningur og neytendur eru meðvitaðri um starfshætti fyrirtækja og samfélagsleg
málefni á borð við velferð fólks og dýra og umgengni við auðlindir jarðar (Dagný Kaldal,
2013). Með auknum kröfum frá hagsmunaðilum um gagnsæa starfshætti myndast aukinn
þrýstingur á að fyrirtæki sýni fram á að þau starfi á ábyrgan hátt (Dagný Kaldal, 2013).
Í stuttu máli má segja að samfélagsábyrgð fyrirtækja og stofnana felist í því að þau axli
ábyrgð á þeim áhrifum sem þau hafa á menn og umhverfi, og stuðli þannig að
gagnkvæmum ávinningi af rekstri þeirra fyrir samfélagið og fyrirtækin sjálf (FESTA, 2017).
Fyrirtæki sem innleiða samfélagsábyrgð leitast við að skipuleggja starfsemi sína á
gagnsæan hátt með siðferði að leiðarljósi svo að jákvæð áhrif hljótist af starfsemi þeirra
á sama tíma og viðskiptalegum árangri er náð (International Organization for
Standardization, 2010). Til frekari glöggvunar á hugtakinu samfélagsábyrgð fyrirtækja er
gagnlegt að skoða skilgreiningar mismunandi fræðimanna. Caroll (2008) fjallar um að
upphaf nútímafræða um samfélagslega ábyrgð fyrirtækja megi rekja til útkomu bókar
Howard R. Bowen, „Social Responsibilities of the Businessman“, árið 1953. Þar skilgreinir
Bowen samfélagsábyrgð fyrirtækja á eftirfarandi hátt: „Samfélagsábyrgð fyrirtækja vísar
til þeirrar skyldu viðskiptamanna og fyrirtækja að fylgja eftir stefnu, taka ákvarðanir eða
framkvæma athafnir í samræmi við viðhorf og gildi samfélagsins“ (Bowen, 1953, bls. 6).
13
Henningfeld, Phol og Tolhurst (2006) skilgreina samfélagsábyrgð sem viðleitni fyrirtækja
til að stuðla að sjálfbærri þróun, ekki aðeins á efnahagslegum forsendum heldur einnig á
sviði samfélags-‐ og umhverfismála. Ætli fyrirtæki að njóta velgengni verði þau að hverfa
frá því að einblína einungis á skammtímagróða og fjárhagslegt virði á kostnað annarra
þátta á borð við náttúru og samfélags (Henningfeld, Phol og Tolhurst, 2006).
Með því að leggja áherslu á samfélagsábyrgð taka fyrirtæki þátt í að stuðla að sjálfbærri
þróun, svara þörfum ólíkra hagsmunaaðila, fara að lögum og starfa samkvæmt
alþjólegum viðmiðum (International Organization for Standardization, 2010). Fjöldi
alþjóðastofnana hefur skilgreint samfélagsábyrgð og beitt sér fyrir innleiðingu slíkra
áherslna, þar á meðal Evrópusambandið. Evrópusambandið hefur sett fram stefnu um
samfélagsábyrgð fyrirtækja (European Commission, 2011). Í stefnunni er meðal annars
lögð áhersla á að fyrirtæki samþætti væntingar sem gerðar eru til reksturs þeirra varðandi
umhverfi, siðferði, mannréttindi og neytendamál í þeirri viðleitni að skapa sameiginlegt
virði fyrir eigendur og samfélög, og fyrirbyggja skaðleg áhrif (European Commission,
2011). Segja má að samfélagsábyrgð virki því bæði sem bremsa ef óvarlega er farið og
sem aflgjafi og hvati nýrra viðskiptatækifæra (FESTA, 2017). Með nýsköpun og vöruþróun
getur fyrirtæki skapað verðmæti fyrir bæði sig og hagsmunaaðila sína (FESTA, 2017).
3.1.1 Saga samfélagsábyrgðar Hugtakið samfélagsábyrgð á sér langa sögu (Caroll, 1999). Samfélagsábyrgð fyrirtækja er
í senn ný og gömul fræðigrein. Rekja má hugmyndir og aðgerðir varðandi samfélagslega
ábyrgð fyrirtækja allt aftur til iðnbyltingarinnar (Caroll, 1999). Það fór þó fyrst að bera á
fræðilegri umfjöllun um hugtakið samfélagsábyrgð upp úr miðri 20. öldinni þegar
fræðimenn fóru að láta sig hugtakið varða. Orðræðan um samfélagsábyrgð þróaðist út frá
orðræðu um viðskiptasiðferði og var þungamiðja orðræðunnar í Bandaríkjunum (Caroll,
1999). Sem dæmi um fræðimenn sem létu sig málefnið varða má tiltaka áðurnefndan
Bowen (1953), Davis (1960) og Frederick (1960), en þeir lögðu áherslu á að stjórnendur
fyrirtækja þyrftu að horfa meira á þau samfélagslegu áhrif sem rekstur fyrirtækja þeirra
hefði. Bowen (1953) setti fram hugmyndir út frá þeirri forsendu að stærstu fyrirtækin á
markaði hefðu mikil völd og ákvarðanataka innan þeirra og athafnir þeirra snertu líf fólks
á margs konar hátt (Caroll, 2008). Við þetta urðu ákveðin vatnaskil í umræðunni um
samfélagsábyrgð og við tekur tímabil breyttra viðhorfa þar sem farið var að leggja aukna
14
áherslu á samfélagsábyrgð fyrirtækja (Caroll, 2008). Á þessum tíma var viðurkennd
skilgreining á hugtakinu sú að samfélagsábyrgð fæli í sér ábyrgð á því að skapa arð og
uppfylla lagalegar skyldur, en jafnframt væri það siðferðileg skylda fyrirtækja að ganga
lengra en lágmarks samfélags-‐ og lagaleg viðmið kvæðu á um (Caroll, 1999). Umræðan
var þó fyrirferðarmeiri en efndirnar fyrst um sinn, ef frá er talin hefðbundin
góðgerðarstarfsemi. Viðskiptalífið þurfti tíma til að tileinka sér nýja nálgun varðandi
viðskiptahætti (Caroll, 2008). Orðræðan hefur síðan þá verið margslungin og ýmsir
fræðimenn hafa gagnrýnt hugtakið samfélagsábyrgð (Caroll, 1999).
Nýleg orðræða um samfélagsábyrgð nær yfir mun breiðara svið en hún gerði áður,
svið sem erfitt er að skilgreina nákvæmlega (Garriga og Melé, 2004). Það eru á lofti
kenningar, nálganir og leiðbeiningastaðlar sem ná að einhverju leyti utan um það sem
skilgreint er sem samfélagsábyrgð fyrirtækja nú til dags (Garriga og Melé, 2004). Í dag
snýst samfélagsábyrgð fyrirtækja um annað og meira en styrki til góðgerðarmála,
íþróttastarfsemi og menningarmála (Dagný Kaldal, 2013). Áherslur og væntingar frá
ýmsum hagsmunahópum hafa komið til sögunnar og aukið kröfur varðandi
samfélagsábyrgð fyrirtækja til muna (Dagný Kaldal, 2013). Samkvæmt Garriga og Melé
(2004) má segja sem svo að samfélagsábyrgð fyrirtækja snerti alla þá þætti þar sem
rekstur fyrirtækja tengist samfélaginu, hvort sem um ræðir náttúru, fólk, dýr eða annað
sem skilgreina má sem hluta af samfélagi (Garriga og Melé, 2004). ISO 26000, sem gefinn
er út af alþjóðlegu staðlasamtökunum ISO, er sá alþjóðlegi leiðbeiningastaðal um
samfélagsábyrgð sem er nýttur víðast í dag sem stjórnunarkerfi fyrir samfélagsábyrgð
(ISO, 2017). ISO 26000 felur í sér leiðbeiningar fyrir stofnanir og fyrirtæki til að móta og
innleiða stefnu um samfélagsábyrgð og starfa þannig á samfélagslega ábyrgan hátt.
Staðallinn kom út haustið 2010 eftir margra ára vinnu hagsmunaaðila frá mismunandi
menningarsvæðum (ISO, 2017). Staðallinn hentar fyrir allar gerðir fyrirtækja, stofnana og
félagasamtaka og gerir ráð fyrir að þau aðlagi leiðbeiningarnar að eigin starfsumhverfi í
samræmi við þau viðmið sem settu eru fram undir staðlinum. Viðmiðin taka mið af
mismunandi menningarheimum og starfsgreinum (ISO, 2017).
3.1.2 Staða samfélagsábyrgðar á Íslandi
Líkt og komið hefur verið inn á er áhersla á samfélagsábyrgð í örum vexti víðsvegar í
heiminum um þessar mundir og er Ísland engin undantekning þar á (Snjólfur, Brynhildur
15
og Lára, 2014). Þróunin virðist þó hafa verið hægari hér á landi en víða annars staðar
(Halldór Reynisson, 2005). Segja má að það sé bæði löng og stutt hefð fyrir
samfélagsábyrgð á Íslandi. Markviss orðræða um samfélagsábyrgð og framkvæmd hennar
er tiltölulega nýtilkomin hér á landi. Aftur á móti hafa mörg íslensk fyrirtæki óafvitandi
látið til sín taka á þessu sviði í gegnum árin (Halldór Reynisson, 2005).
Samkvæmt rannsókn Dagnýjar Arnarsdóttur (2009) á umræðu um samfélagsábyrgð í
íslenskum fjölmiðlum hefur áhersla á samfélagsábyrgð fyrirtækja hér á landi aukist jafnt
og þétt undanfarin ár, sérstaka aukningu mátti þó greina í kjölfar efnahagshrunsins 2008.
Svo virðist sem orðræðan um samfélagsábyrgð hérlendis hafi breyst við efnahagshrunið
úr því að snúast að mestu um góðgerðarmál og stuðning fyrirtækja við ýmis málefni yfir í
áherslu á ábyrgð við sköpun arðs. Þessi umbreyting er í takt við þá þróun sem átt hefur
sér stað innan landa Evrópusambandsins hvað varðar samfélagsábyrgð (Dagný
Arnarsdóttir, 2009). Sem dæmi um framþróun í þessum efnum hérlendis má nefna
stofnun Festu árið 2011. Festa er miðstöð um samfélagsábyrgð sem hefur þau markmið
að auðvelda fyrirtækjum að innleiða stefnur um samfélagsábyrgð, stuðla að
vitundarvakningu og hvetja til rannsókna á samfélagsábyrgð (Festa, 2017). Stofnaðilar
Festu eru eftirfarandi sex fyrirtæki: Síminn, Landsvirkjun, Landsbankinn, Rio Tinto Alcan,
Íslandsbanki og Össur. Í dag eru um 80 íslensk fyrirtæki aðilar að Festu (Festa, 2017).
Ástæður þess að fyrirtæki leggja aukna áherslu á samfélagsábyrgð geta verið
margvíslegar. Fáar rannsóknir hafa verið gerðar á stöðu samfélagsábyrgðar hjá íslenskum
fyrirtækjum fram til þessa en fer þó fjölgandi. Í rannsókn þeirra Snjólfs Ólafssonar,
Brynhildar Davíðsdóttur og Láru Jóhannsdóttur (2014) voru könnuð viðhorf til
samfélagsábyrgðar hjá íslenskum fyrirtækjum sem standa framarlega hvað varðar
samfélagsábyrgð. Til þess að kanna viðhorf fyrirtækja sem eru leiðandi á þessu sviði var
leitað til fyrirtækja sem eru aðilar að Festu, en alls tóku 16 fyrirtæki þátt í rannsókninni.
Niðurstöðurnar sýndu að öll fyrirtækin virtust skynja einhver jákvæð áhrif af því að vera
samfélagslega ábyrg, flest töldu mestan ávinning fjárhagslegan, bætta ímynd út á við og
jákvæð áhrif á starfsfólk og fyrirtækið í heild (Snjólfur Ólafsson, Brynhildur Davíðsdóttir
og Lára Jóhannsdóttir, 2014). Svo virðist sem helstu hvatar til innleiðingar
samfélagsábyrgðar komi frá fyrirtækinu sjálfu, svo sem ímynd fyrirtækis, til þess að auka
arðsemi og laða að hæft starfsfólk. Ytri hvatar skipti þó líka máli, þar á meðal þrýstingur
16
frá samfélaginu. Þá leiddi rannsókn þeirra Snjólfs, Brynhildar og Láru (2014) einnig í ljós
að þrýstingur stjórnvalda virðist lítill hérlendis, sem samsvarar ekki þeirri þróun sem á sér
stað í nágrannalöndum okkar þar sem gerð er krafa til stærri fyrirtækja um að þau geri
grein fyrir samfélagsábyrgð sinni. Hindranir fyrir innleiðingu samfélagsábyrgðar sem
nefndar voru í þessari rannsókn voru einna helst fjárhagslegar, tímaskortur, vöntun á vilja
starfsfólks og skortur á stuðningi stjórnvalda. Heilt yfir virðast íslensk fyrirtæki fyrst og
fremst hugsa um samfélagsábyrgð út frá eigin hagsmunum, minni áhersla er lögð á þau
áhrif sem starfsemi þeirra getur haft á samfélag og umhverfi (Snjólfur Ólafsson,
Brynhildur Davíðsdóttir og Lára Jóhannsdóttir, 2014). Það má því segja að
vitundarvakningar sé þörf í þessum málum og nægt svigrúm sé til þess að gera betur.
3.2 Byggingariðnaður og loftslagsmál Byggingaiðnaðurinn er talinn vera á meðal þeirra atvinnugreina sem valda hvað mestum
umhverfisspjöllum á heimsvísu en byggingaiðnaðurinn hefur afgerandi áhrif á nýtingu
auðlinda og losun gróðurhúsalofttegunda (Celik, 2013). Byggingar hafa margvísleg áhrif á
umhverfið í gegnum vistferil þeirra. Þegar talað er um vistferil byggingar (e. life cycle) er
átt við allt byggingarferlið, frá efnistöku til niðurrifs, nánar tiltekið hugmynd, hönnun,
aðföng, byggingarvinnu, notkun og niðurrif (UNEP-‐SBCI, 2014 bls. 9; Sartori og Hestnes,
2007, bls. 250). Vistferill byggingar er útskýrður nánar á mynd 1 hér að neðan.
Mynd 1. Vistferill byggingar (Irish Green Building Council, e.d.; íslenskað af höfundi)
17
Mikil orka er nýtt við framkvæmdir og rekstur bygginga, ekki síst í framleiðsluferlinu þegar
hráefnum er breytt yfir í nýtanlegar byggingarvörur (Sartori og Hestnes, 2007; Younger
o.fl., 2008). Þá hefur hönnun bygginga, staðsetning, efnisnotkun og orku-‐ og vatnsnotkun
íbúa einnig mikið að segja varðandi losun gróðurhúsalofttegunda út í andrúmsloftið. Á
sama hátt hefur nærumhverfi bygginga áhrif á orkunotkun, en þar má nefna þætti á borð
við birtu, vind, vatn og gróður. Meðallíftími bygginga er langur og því hafa þær alla jafna
áhrif á umhverfi sitt í langan tíma (Sartori og Hestnes, 2007; Younger o.fl., 2008).
Tölur sýna að þrátt fyrir að einungis um 7% fólks í heiminum starfi við byggingariðnað
megi rekja um helming auðlindanýtingar og allt að 30-‐40% orkunotkunar og útblásturs
gróðurhúsalofttegunda til starfsgreinarinnar, líkt og komið var inn á í inngangskafla
ritgerðarinnar (UNEP-‐SBCI, 2014; UNEP, 2011). Áætlað er að byggingariðnaðurinn noti um
þrjár billjónir (ein billjón eru milljón miljónir skv. Vísindavef Háskóla Íslands, 2000) tonna
af hráefnum árlega, sem samsvarar um 40-‐50% af heimsveltunni (UNEP-‐SBCI, 2014). Þá
er rekstur bygginga talinn ábyrgur fyrir um 12% af vatnsnotkun á heimsvísu (Crawford,
2011). Úrgangur frá iðnaðinum er einnig mikill, en rekja má um 40% af úrgangi í
þróunarríkjum til byggingarframkvæmda (UNEP, 2011). Hið byggða umhverfi,
loftslagsbreytingar og heilsa manna eru nátengd (Younger o.fl., 2008).
Mengun frá byggingariðnaði getur haft margvísleg áhrif á heilsu fólks. Þessi áhrif koma
oftar en ekki harðast niður á minnihlutahópum á grundvelli kynþáttar eða þjóðernis,
börnum, eldri borgurum og fötluðu fólki (Younger o.fl., 2008). Þessir hópar eru oft og
tíðum viðkvæmastir fyrir áhrifum loftslagsbreytinga (Younger o.fl., 2008). Sem dæmi má
nefna að í þróunarríkjum eru áhrif bygginga á heilsu fólks yfirleitt ekki tekin með í
reikninginn við hönnun þeirra. Ýmsir þættir við hönnun bygginga hafa bein áhrif á
notendur, til að mynda loftgæði, birta, staðsetning með tilliti til náttúru og samgangna,
gæði vatns og fleiri þættir (Younger o.fl., 2008). Þá getur loftmengun ein og sér valdið
fólki margvíslegum heilsukvillum á borð við lungnasjúkdóma, öndunarfærasjúkdóma,
hjarta-‐ og æðasjúkdóma, fæðingargalla og áfram mætti telja (Younger o.fl., 2008). Með
því að draga úr losun frá byggingariðnaðinum og hvetja til umhverfisvænni hönnunar
bygginga er bæði stuðlað að bættri heilsu almennings og notenda bygginga (Younger o.fl.,
2008; Celik, 2013). Það er aðkallandi að leita nýrra og sjálfbærari lausna í þessum efnum,
18
sem segja má að sé ein stærsta áskorun samtímahönnunar og arkitektúrs (Younger o.fl.,
2008; Bilge, 2013).
3.2.1 Samfélagsábyrgð í byggingariðnaði
Mikilvægi þess að fyrirtæki innan byggingariðnaðarins stundi samfélagsábyrgð hefur
aukist undanfarið. Í mörgum löndum skilar byggingariðnaður ríflegu framlagi til
þjóðarbúsins (e. national economy) (Barthorpe, 2010). Á sama tíma er iðnaðurinn
orkufrekur og felur í sér ýmiss konar efnahagslegar, umhverfislegar og félagslegar
áskoranir. Byggingariðnaðurinn hefur löngum verið ásakaður um að vera ónærgætinn
gagnvart umhverfi og samfélagi (Barthorpe, 2010). Einnig hefur geirinn verið gagnrýndur
fyrir slæman aðbúnað verkamanna, eins og Barthorpe (2010) bendir á.
Byggingariðnaðurinn skapar fjölda starfa, en hluti þessara starfa eru áhættusöm og
vinnuskilyrði eru oft og tíðum slæm á byggingarstað (Shen o.fl., 2010). Öryggi starfsmanna
virðist ekki alltaf í hávegum haft. Tölfræðin sýnir að hlutfall dauðsfalla í
byggingariðnaðinum er almennt töluvert hærra en í flestum öðrum greinum (Shen o.fl.,
2010). Áframhaldandi framfarir og vöxtur innan byggingariðnaðarins stendur því frammi
fyrir margvíslegum áskorunum hvað varðar öryggismál og sjálfbæra þróun (Shen o.fl.,
2010). Enn vantar heilmikið upp á vitund um samfélagslega ábyrg vinnubrögð innan
byggingariðnaðarins (Teo og Loosemore, 2003). Vandamál af þessum toga hafa fangað
athygli stjórnvalda og umhverfisverndarsinna víða um heim, sem hefur leitt af sér aukinn
þrýsting á fyrirtæki innan byggingariðnaðarins um að stuðla að sjálfbærri þróun með því
að innleiða ábyrgari stjórnunaraðferðir og stunda öruggari viðskipti (Teo og Loosemore,
2003). Samkeppni innan starfsgreinarinnar er að aukast um allan heim sem gerir það að
verkum að fyrirtæki eru í auknum mæli farin að innleiða áherslur á samfélagsábyrgð til
þess að bæta ímynd sína og öðlast forskot á markaði (Zhao o.fl., 2009). Töluverður fjöldi
fyrirtækja hefur innleitt alþjóðlega gæðastjórnunarstaðla í sinn rekstur til að auka
umhverfisframmistöðu sína. Sem dæmi um slíka staðla má nefna ISO 14001
umhverfisstjórnunarkerfi, ISO 9001 gæðastjórnunarkerfi og ISO 26000 stjórnunarkerfi
fyrir samfélagsábyrgð (ISO, 2017). Slíkir staðlar hjálpa til við að innleiða og stunda
samfélagslega ábyrg viðskipti (Tam o.fl., 2006).
Samkvæmt Porter og Kramer (2006) felst samfélagsábyrgð fyrirtækja innan
byggingariðnaðarins í siðferðislegum skyldum þeirra til þess að breyta rétt með því að
19
verða við þörfum nútímans án þess að skaða möguleika komandi kynslóða til þess að
njóta þess sama. Til þess að gera þessum fyrirtækjum kleift að bregðast við auknum
kröfum um örugg viðskipti er þörf á þróa heildstæðari ramma (e. indicator framework)
fyrir samfélagsábyrgð innan byggingariðnaðarins (Porter og Kramer, 2006). Samkvæmt
rannsókn þeirra Zhao, Zaho, Davidson og Zuo (2012) á samfélagsábyrgð fyrirtækja innan
byggingariðnaðarins virðast þeir mælikvarðar sem stuðst er við í dag ekki nægilega
samræmdir. Það sem einna helst vantar upp á er að taka alla hagsmunaaðila með í
reikninginn þegar kemur að því að innleiða samfélagsábyrgð. Fjöldi hagsmunaaðila
tengdur byggingarframkvæmdum er allnokkur. Sem dæmi má nefna arkitekta,
verkfræðinga, verktaka, faglærða iðnaðarmenn, verkamenn, hluthafa, lánastofnanir,
birgja, fulltrúa frá umhverfis-‐ og auðlindaráðuneytum, sveitarfélög, stjórnvöld,
samkeppnisaðila og félagasamtök (Zhao o.fl., 2012). Þróa þarf samstætt kerfi til að
innleiða samfélagsábyrgð sem byggist á þátttöku allra hagsmunaaðila (Zhao o.fl., 2012).
Gerð er nánari grein fyrir helstu hagsmunaaðilum og viðskiptatenglsum í byggingariðnaði
á mynd 2. Með því að greina hagsmunaaðila á skipulegan hátt verður til flokkunarkerfi
sem hjálpar til við að skipuleggja og innleiða samfélagsábyrgð. Slíkt skapar líka
þekkingarfræðilega tengingu á milli hugtaksins samfélagsábyrgðar og þeirra
vísa/mælitækja sem heyra undir það (Zhao o.fl., 2012). Slík nálgun veitir fyrirtækjum
aukinn skilning á meginþáttum samfélgasábyrgðar, auk þess að efla samkeppnislegan
ávinning fyrirtækja hvað varðar skuldbindingar til sjálfbærrar þróunar (Zhao o.fl., 2012).
Mynd 2. Helstu hagsmunaaðilar og viðskiptatengsl þeirra á milli í byggingariðnaði (UNEP-‐SBCI, 2014, bls.
18; íslenskað af höfundi).
20
3.3 Vistvottunarkerfi fyrir byggingar Verðmæti sem liggja í hinu byggða umhverfi eru mikil, byggt er til langs tíma og
nauðsynlegt er að slíkar fjárfestingar nýtist yngri og ókomnum kynslóðum, og að neikvæð
umhverfisáhrif séu lágmörkuð eftir fremsta megni (UNEP-‐SBCI, 2014). Áherslur á
sjálfbæra þróun innan byggingariðnaðarins ern álitin aðkallandi verkefni víðast hvar í dag,
og meðvitund um þessi mál er sífellt að aukast (UNEP-‐SBCI, 2014). Vaxandi
þéttbýlismyndun hefur aukið kröfur til byggðs umhverfis og hefur þörfin fyrir aukin
samskipti innan borga og flutningsgetu skapað nýjar kröfur um skilvirkari lausnir og
hönnun. Samhliða þessari þróun er í vaxandi mæli gerð krafa um að stefnt skuli í átt að
aukinni sjálfbærni í byggingariðnaði, sem og í öðrum starfsgreinum (UNEP-‐SBCI, 2014). Sé
rétt staðið að hönnun, skipulagi og byggingarframkvæmdum getur byggingariðnaðurinn
spilað lykilhlutverk í því að stuðla að sjálfbærri þróun til framtíðar, samhliða því að svara
þörfinni fyrir ólíkar gerðir bygginga og tæknilausna (UNEP-‐SBCI, 2009). Þannig getur
byggingariðnaðurinn einnig stuðlað að arðbærri efnahagsþróun (UNEP-‐SBCI, 2009). Með
aukinni áherslu á sjálfbæra þróun stuðlar byggingariðnaðurinn ekki aðeins að heilnæmara
umhverfi heldur kemur hann þannig til móts við önnur hnattræn vandamál, t.d. með því
að auka orkuöryggi, draga úr loftslagsbreytingum og stuðla að þróun í átt að
hringrásarhagkerfi (e. circular economy) (UNEP-‐SBCI, 2009). Með hringrásarhagkerfi er
átt við hagkerfi sem stuðlar að skilvirkri auðlindanýtingu og endurmyndandi hringrás
(Ellen MacArthur Foundation, 2017). Þetta er gert með með því að draga úr
auðlindanotkun, sorpmyndun og sóun fjármuna með því að nýta hluti til fulls og stuðla að
endurnýtingu. Í hringlaga hagkerfi hugsa framleiðendur um framleiðslu sína sem hringrás
en ekki línulegt ferli (Ellen MacArthur Foundation, 2017). Sökum þess hve víðtæk áhrif
byggingaiðnaðurinn hefur á aðrar atvinnugreinar getur hann með áherslu á sjálfbæra
þróun einnig stuðlað að skilvirkari auðlindanýtingu á öðrum sviðum (UNEP-‐SBCI, 2014).
Það hefur verið tilhneiging manna hingað til að leggja höfuðáherslu á að draga úr
útblæstri gróðurhúsalofttegunda frá byggingum í notkun, og reyna að stemma stigu við
þeim neikvæðu áhrifum sem útblásturinn veldur í þeirri viðleitni að stuðla að heilnæmu
umhverfi. Minni áhersla hefur verið lögð á að skilja vistferil bygginga í heild og hvernig
draga megi úr auðlinda-‐ og hráefnanotkun frá upphafi til enda, út í gegnum allan vistferil
bygginga (UNEP-‐SBCI, 2014; Berardi, 2011; ISO 15392, 2008). Slíkar vistferilsgreiningar
eru þó að ryðja sér til rúms innan byggingariðnaðarins og taka þær til umhverfisáhrifa á
21
öllum stigum vistferilsins. Markmið slíkra greininga er að varpa ljósi á þá umhverfis-‐,
félags-‐ og hagfræðilegu þætti í vistferlinum sem geta skilað hvað mestum samfélagslegum
ávinningi, og draga þar með úr neikvæðum áhrifum framkvæmda (UNEP-‐SBCI, 2014).
Byggingarframkvæmdir eru flóknar í eðli sínu, en aukin meðvitund um umhverfisáhrif
þeirra hefur aukið kröfur í byggingarferlinu enn frekar. Vaxandi þéttbýlismyndun hefur
leitt af sér aukinn skort á auðlindum um heim allan og er ekki talið verða neitt lát á þessari
þróun nema gripið verði í taumana. Sem dæmi má taka að efnisnotkun í heiminum
áttfaldaðist á 20. öldinni (Krausmann o.fl., 2009). Þessi öra þróun mun setja hagvexti
skorður og hafa ýmiss konar áskoranir í för með sér fyrir byggingariðnaðinn (Dobbs,
Oppenheim, Thompson, o.fl., 2011). Til þess að bregðast við þessu ástandi og draga úr
auðlinda-‐ og hráefnisnotkun þarf að eiga sér stað umbreyting í byggingaiðnaðinum
(World Green Building Council, 2013). Umbreyting sem felur í sér hagkvæmari
byggingaraðferðir, nýjar tæknilausnir og skynsamlegra val á byggingarefnum sem getur
bæði skilað auknum hagvexti og stuðlað að sjálfbærri þróun
(World Green Building Council, 2013).
Fagfólki sem starfar í byggingariðnaði hefur löngum verið umhugað um umhverfislega
frammistöðu bygginga, en segja má að málefnið sé í brennidepli hvað varðar sjálfbæra
þróun innan byggingariðnaðarins í dag, og er sífellt aukin áhersla lögð á notkun
vistvottunarkerfa (Celik, 2013; Cole, 1998; Cooper, 1999; Berardi, 2012; Zuo og Zhao,
2014; Li, Chen, Wang o.fl., 2017). Umtalsverðri vinnu hefur verið varið í að þróa matskerfi
til að mæla umhverfislega frammistöðu bygginga í gegnum vistferil þeirra síðustu áratugi
(Clements-‐Croome, 2004; Bragança, Mateus og Koukkari, 2010; Celik, 2013; Markelj,
Kitek Kuzman, Grošelj o.fl., 2014). Kerfin eru hönnuð með það í huga að meta hversu
árangursríkt tiltekið verkefni er með tilliti til orku, umhverfis og vistfræði, auk þess sem
félagslegir og efnahagslegir þættir eru teknir með í reikninginn (Clements-‐Croome, 2004;
Bragança, Mateus og Koukkari, 2010; Markelj, Kuzman og Zbasnik-‐Senegacnik, 2013).
Markmiðin með notkun vistvottunarkerfa eru almennt þau sömu, að auka gæði bygginga
með því að byggja heilnæmar byggingar, að draga úr neikvæðum umhverfisáhrifum og að
draga úr heildarkostnaði og viðhaldi yfir allan vistferil bygginga (Vistbyggðarráð, 2013).
Með vistvottunarkerfum eru gæði bygginga metin út frá viðmiðum um sjálfbærni sem
endurspegla mismunandi svið og alþjóðlega staðla og hjálpa þannig til við að skapa
22
alþjóðlegt samkomulag um ákjósanlegar aðferðir til að draga úr orkunotkun og losun
gróðurhúsalofttegunda frá byggingariðnaðinum (Markelj, Kuzman og Zbasnik-‐
Senegacnik, 2013; Attia, Gratia, De Herde o.fl., 2012). Undanfarin ár hefur verið lögð
síaukin áhersla á að vistvottunarkerfin meti allan vistferil bygginga með hjálp
vistferilsgreininga sem er framþróun frá því að meta fyrst og fremst umhverfisþætti
tengda byggingarframkvæmdum líkt og gert var þegar slík kerfi voru að ryðja sér til rúms
(Bragança, Mateus og Koukkari, 2010; Attia, Gratia, De Herde o.fl., 2012).
Vistvottunarkerfi eru þó ekki nauðsynleg til þess að draga úr neikvæðum
umhverfisáhrifum bygginga, vel er hægt að reisa vistvænar byggingar án þess að
vistvottunarkerfi sé notuð. Reynslan hefur þó sýnt að notkun vottunarkerfa eykur
skipulag og aðhald í byggingarferlinu sem kemur í veg fyrir að það slakni á kröfum þegar
líður á framkvæmdina (Vistbyggðarráð, 2013).
Til er fjölbreytt úrval kerfa til vistvottana sem hafa verið þróuð í mismunandi tilgangi.
Á meðal vistvottana á markaði í dag eru eftirfarandi kerfi: British Research Establishment
Environmental Assessment Method (BREEAM, Bretland), Leadership in Energy and
Environmental Design (LEED, Bandaríkin), Miljöbyggnad (Svíþjóð), EcoProfile (Noregur),
German Sustainable Building Council (DGNB, Þýskaland), Comprehensive Assessment
System for Built Environment Efficiency (CASBEE, Japan), Hong Kong Building
Environmental Assessment Method (HK BEAM), Green Mark (Singapore), Green Star
(Ástralía), SBTool (The international Sustainable Building Tool), Green Building Index
(Malasya), LEnSE ( Methodology Development towards a Label for Environmental, Social
and Ecolomic Buildings, Evrópa) (Green Building Council of Australia, 2017;
Vistbyggðarráð, 2013; Alyami og Rezgui, 2012; Markelj, Kuzman og Zbasnik-‐Senegacnik,
2013; Zuo og Zhao, 2014). Kerfin henta ýmist til staðbundinnar notkunar eða fyrir
alþjóðlegan markað. Hvert kerfi býr yfir ákveðnum eiginleikum og aðferðafræði og hentar
fyrir mismunandi tegundir bygginga (Cole, 2005; Alyami og Rezgui, 2012; Markelj, Kuzman
og Zbasnik-‐Senegacnik, 2013). Vistvottunarkerfin BREEAM, LEED, DGNB, CASBEE, SBTool
og Green Star eru þau kerfi sem virðast hafa náð mestri útbreiðslu á heimsvísu (Forsberg
og Malmborg, 2003; Cole, 2005; Ding, 2008; Haapio og Viitaniemi, 2008 og Yu og Kim,
2011; Markelj, Kuzman og Zbasnik-‐Senegacnik, 2013; Markelj, Kitek Kuzman, Grošelj o.fl.,
2014).
23
Í rannsókn Markelj, Kuzman og Zbasnik-‐Senegacnik (2013) um vistvottunarkerfi fyrir
byggingar kemur fram að það megi skipta slíkum vistvottunarkerfum gróflega í kerfi af
fyrstu og annarri kynslóð. Vistvottunarkerfi af fyrstu kynslóð eru þau sem komu á markað
um og upp úr 1990. BREEAM, LEED, CASBEE og Green Star flokkast þar á meðal (Markelj,
Kuzman og Zbasnik-‐Senegacnik, 2013). Kerfin eiga það sameiginlegt að hafa að mestu
miðað að því að meta orkunotkun-‐ og neikvæð umhverfisáhrif bygginga til að byrja með.
Þá var síður horft til þess að meta áhrif í gegnum allan vistferil bygginga (Markelj, Kuzman
og Zbasnik-‐Senegacnik, 2013). Kerfi af annarri kynslóð eru nýlegri, en þar er allur vistferill
byggingar tekinn með í reikninginn og yfirleitt er gerð krafa um vistferilsgreiningar. Einnig
er lögð meiri áhersla á jafnvægi á milli efnahagslegra-‐, tæknilegra-‐ og félagslegra þátta við
vottun með nýrri vistvottunarkerfum (Markelj, Kuzman og Zbasnik-‐Senegacnik, 2013).
Það er þó ekki svo að vistvottunarkerfi af fyrstu kynslóð leggi ekki áherslu á
vistferilsgreiningar og jafnvægi milli umhverfislegra-‐, félagslegra-‐ og efnahagslegra þátta
í dag (Zuo og Zhao, 2014). Flest kerfanna er í stöðugri þróun og eru uppfærð reglulega
samkvæmt nýjustu viðmiðum. Sem dæmi má taka að í LEED, BREEAM og Green Star hafa
vistferilsgreiningar verið innleiddar í nýrri uppfærslum kerfanna (Zuo og Zhao, 2014). Í
sumum tilvikum eru slíkar greiningar enn sem komið valkvæmar er, líkt og í BREEAM, en
þar fæst aukastig sé stuðst við vistferilsgreiningar (Zuo og Zhao, 2014)
24
4 Vistvottunarkerfið BREEAM
Í þessum kafla er gerð heimildagreining á BREEAM kerfinu. Leitast er við að útskýra
uppbyggingu, eiginleika og rekstur kerfisins á ítarlegan hátt auk þess að gera grein fyrir
því hvaða ávinning kerfið hefur í för með sér og hvað má betur fara við útfærslu þess og
notkun samkvæmt nýlegum erlendum rannsóknum.
4.1 Upphaf og markmið BREEAM var stofnað í Bretlandi árið 1990 og hefur verið í notkun allar götur síðan (Cole,
2005). BREEAM var fyrsta heildstæða vottunarkerfið sem kom á markað sem sérstaklega
var ætlað byggingum (Cole, 2005). BREEAM vottunarkerfið er í eigu og rekstri BRE Global
Ltd. Til að byrja með var BRE (The Building Research Establishment) rekið sem vísindaleg
rannsóknarstofnun á vegum bresku ríkissjórnarinnar. Undir lok 10. áratugarins var BRE
svo einkavætt og er nú í eigu BRE Trust (Courtney, 1997). BRE Trust eru góðgerðarsamtök
í Bretlandi sem tileinkuð eru rannsóknum á hinu byggða umhverfi. BRE og BRE Global Ltd.
eru dótturfyrirtæki BRE Trust (BRE, 2017a). Rekstur BREEAM vottunarkerfisins er helsti
tekjustraumur BRE Global Ltd. og því er rekstur vottunarkerfisins óhjákvæmilega
viðskiptalegs eðlis. Samkvæmt rannsókn Schweber (2013) á BREEAM hefur ekki enn verið
sýnt fram á hvaða áhrif viðskiptalegt eðli BREEAM hefur haft á þróun kerfisins.
Til að byrja með var BREEAM valfrjálst fyrir þá sem stóðu í byggingarframkvæmdum í
Bretlandi. Meginhvatarnir fyrir notkun kerfisins voru fyrst og fremst stefnumál og
eftirspurn frá viðskiptavinum (DEFRA, 2005; DEFRA, 2007). Útbreiðsla kerfisins var því
frekar hæg fyrstu árin. Árið 2000 var farið að vekja athygli á BREEAM og mæla með notkun
þess á vegum stjórnvalda í Bretlandi (DEFRA, 2005; DEFRA, 2007). Í kjölfarið gerðu bresk
stjórnvöld þá kröfu að allar nýbyggingar á vegum ríkisins skyldu verða BREEAM vottaðar
(DEFRA, 2005; DEFRA, 2007). Efndir voru takmarkaðar næstu árin samkvæmt NAO
(National Audit Office, 2007). Árið 2005 fóru hlutirnir að færast í betra horf hvað varðar
notkun BREEAM á opinberum vettvangi í Bretlandi, ráðuneyti fóru að fylgja eftir
lagasetningu um notkun BREEAM og setja BREEAM vottun sem skilyrði fyrir fjármögnun
byggingarframkvæmda á þeirra vegum. Um svipað leyti fóru bresk stjórnvöld að aðlaga
og samræma BREEAM að reglugerðum ríkisins (NAO, 2007).
25
BRE Global Ltd. kynna BREEAM á eftirfarandi hátt:
BREEAM (BRE Environmental Assessment Method) er það vistvottunarkerfi fyrir
byggingar og skipulag sem hefur náð mestri útbreiðslu á heimsvísu og er leiðandi
á markaði í dag. Kerfið setur staðla fyrir aðferðir sem stuðla að sjálfbærri hönnun
og er orðið viðurkenndur mælikvarði á umhverfisframmistöðu bygginga.1
Samkvæmt BRE Global Ltd. er markmiðið með kerfinu að draga úr neikvæðum
umhverfisáhrifum yfir líftíma bygginga með því að stuðla að umhverfisvænni hönnun og
heilsusamlegra umhverfi fyrir notendur (BRE Global Ltd., 2016). BREEAM er einnig ætlað
að stuðla að betri umhverfisstjórnun á verk-‐ og rekstrartíma bygginga og skapa
trúverðugan umhverfisstimpil á markaði samkvæmt BRE Global Ltd. (2016).
BREEAM hentar fyrir skipulag og allar tegundir bygginga: nýbyggingar, endurgerð
bygginga og byggingar í rekstri (BRE Global Ltd., 2009). BREEAM er í stöðugri þróun, hver
útfærsla er uppfærð á nokkurra ára fresti til að samsvara nýjum byggingarreglugerðum
og tryggja framþróun í mannvirkjagerð (Atkinson, 2009). BREEAM hefur verið þróað
sérstaklega fyrir alþjóðlegan markað og mismunandi lönd þar sem aðstæður eru ólíkar
(BRE Global Ltd., 2009). Í dag er BREEAM nýtt í um 80 löndum (BREEAM, 2017a). Alls hafa
um 560 þúsund byggingar fengið BREEAM vottun og um 2,3 milljónir bygginga eru í
vottunarferli (BREEAM, 2017a). Flestar vottaðar byggingar er að finna í Bretlandi en
notkun BREEAM utan Bretlands eykst hratt. Til að mynda hafa nokkur Evrópulönd ákveðið
að aðlaga kerfið að eigin aðstæðum og reglugerðum, en þar má nefna Holland, Þýskaland,
Austurríki, Noreg, Spán, Svíþjóð og Frakkland (Vistbyggðarráð, 2013; Sustainable Building
Alliance, 2017).
Norðmenn hafa þróað norska útgáfu af BREEAM sem kallast BREEAM-‐NOR í samræmi
við lög og reglugerðir þar í landi. BREEAM-‐NOR er rekið af norska vistbyggðaráðinu
(NGBC) sem var stofnað árið 2010 og er í eigu fjölda aðila úr norska byggingar-‐ og
fasteignageiranum. Alls eru um 250 norsk félög og fyrirtæki aðilar að norska
vistbyggðaráðinu (Norwegian Green Bulding Council, 2016). Með BREEAM-‐NOR er hægt
1 Orðréttur frumtexti: BREEAM (BRE Environmental Assessment Method) is the leading and most widely used environmental assessment method for buildings and communities. It sets the standard for best practice in sustainable design and has become the de facto measure used to describe a building's environmental performance (BRE, 2017b, mgr. 1; þýtt af höfundi).
26
að votta nýbyggingar, endurgerð eldri bygginga, viðbyggingar, umbætur á byggingum eða
rýmum innan þeirra og byggingarframkvæmdir þar sem um samsetningu nýbygginga og
endurgerðar er að ræða (Norwegian Green Bulding Council, 2012). Eigi að votta byggingu
sem fellur ekki undir kröfuramma BREEAM-‐NOR er hún vottuð samkvæmt BREEAM
International Bespoke, þar sem kröfuramminn er sérsniðinn að tilteknu verkefni í samráði
við BRE Global Ltd. (Norwegian Green Bulding Council, 2012). Í Noregi hafa um 200
verkefni verið skráð í BREEAM-‐NOR vottunarferli. Þar í landi hafa um 2.000 aðilar sem
starfa í byggingariðnaðinum sótt námskeið um BREEAM-‐NOR og alls hafa um 350 aðilar
öðlast réttindi sem viðurkenndir BREEAM-‐NOR matsmenn (Norwegian Green Bulding
Council, 2017). Nýjasti BREEAM-‐NOR leiðarvísirinn er BREEAM-‐NOR New Construction
2016 sem þróaður var og gefinn út fyrir tilstilli um 100 aðila úr byggingar-‐ og
fasteignaigeiranum víðsvegar um Noreg (Norwegian Green Bulding Council, 2016).
Svíar hafa einnig þróað sænska útgáfu af BREEAM í samræmi við lög og reglugerðir þar
í landi og kallast hún BREEAM-‐SE og kom á markað árið 2013 (Sweden Green Building
Council, 2017). Líkt og í Noregi sér sænska vistbyggðaráðið um þróun og rekstur BREEAM-‐
SE í samráði við eigendur BREEAM, BRE Global Ltd. Sænska vistbyggðaráðið var stofnað
árið 2009 af þrettán sænskum fyrirtækjum og er opið öllum aðilum sem starfa í
byggingariðnaði þar í landi (Sweden Green Building Council, 2013). Aðlögun BREEAM að
sænskum aðstæðum var styrkt af sænsku orkustofnuninni (e. Swedish Energy Agency) og
SBUF (e. Development Fund of the Swedish Construction Industry). Nýjasti BREEAM
leiðarvísir Svía er BREEAM-‐SE for New Construction and Refurbishment 2013 sem þróaður
var af um 30 fulltrúum sænska vistbyggðaráðsins með sérfræðiþekkingu á mismunandi
sviðum (Sweden Green Building Council, 2013). Með BREEAM-‐SE, líkt og með BREEAM-‐
NOR, er hægt að votta nýbyggingar, endurgerð eldri bygginga, viðbyggingar, umbætur á
byggingum eða rýmum innan þeirra og byggingarframkvæmdir þar sem um samsetningu
nýbygginga og endurgerðar er að ræða. Falli bygging ekki undir BREEAM-‐SE
kröfurammann er hún vottuð samkvæmt BREEAM International Bespoke
kröfurammanum líkt og í Noregi (Sweden Green Building Council, 2013). Alls hafa um 400
verkefni verið skráð í BREEAM vottunarferli í Svíþjóð samkvæmt GreenBookLive (2017c)
en aðeins hefur hluti þeirra verkefna verið vottuð samkvæmt BREEAM-‐SE þar sem sú
útgáfa er tiltölulega nýtilkomin þar í landi.
27
4.2 Alþjóðlegi hluti BREEAM Alþjóðlegi hluti BREEAM nefnist BREEAM International. Allar byggingar sem eru vottaðar
utan Bretlands eru vottaðar samkvæmt BREEAM International að undanskyldum þeim
löndum þar sem BREEAM hefur verið aðlagað að þarlendum aðstæðum, líkt og nefnt er
hér að ofan. Í þeim tilvikum eru byggingar vottaðar undir National Scheme Operator (BRE
Global Ltd., 2016). Undir alþjóðlega hlutanum hefur verið skilgreindur kröfurammi sem
nefnist BREEAM International New Construction 2016. Kröfuramminn hentar til að votta
eftirfarandi byggingargerðir: íbúðarhúsnæði, viðskiptahúsnæði (skrifstofur,
iðnaðarhúsnæði, verslanir), skólabyggingar, vistheimili, hótel og gistiheimili (BRE Global
Ltd., 2016). Sé fyrirhugað að fá BREEAM vottun á byggingu sem fellur ekki undir þessa
flokka eða fellur undir fleiri en einn flokk er kröfuramminn sérsniðinn að viðkomandi
byggingu undir svokölluðu BREEAM International Bespoke kerfi (BRE Global Ltd., 2012).
Hefðbundnir BREEAM kröfurammar hafa fyrirfram ákveðin viðmið. Þegar um Bespoke
vottun er að ræða útbýr BRE Global Ltd. viðmið sem eiga sérstaklega við um tiltekna
byggingu, í samstarfi við þá sem koma að byggingarframkvæmdinni (BRE Global Ltd.,
2012). Það er dýrara að fá Bespoke vottun en að fá hefðbundna BREEAM International
vottun, en að öðru leyti fer vottunarferlið eins fram í báðum tilvikum (BRE Global Ltd.,
2012). Sem dæmi um byggingar sem algengt er að fái BREEAM Bespoke vottun eru
gestastofur, íþróttamiðstöðvar, bókasöfn, spítalar, fangelsi, lestarstöðvar,
lögreglustöðvar og söfn (BRE Global Ltd., 2012).
4.3 Uppbygging BREEAM BREEAM kerfið er með skilgreindan kröfuramma fyrir mismunandi tegundir bygginga, eins
og komið hefur fram hér á undan. Hver krafa er skilgreind samkvæmt lagalegum
viðmiðum á því sviði sem krafan á við um (BRE Global Ltd., 2016). Kröfunum er skipt upp
í 10 umhverfisáhrifaflokka sem hver um sig hefur ákveðið vægi. Segja má að BREEAM
kerfið byggi á þessum 10 umhverfisáhrifaflokkum. Sjálfbært gildi byggingar er metið út
frá þessum flokkum sem spanna ólíkar hliðar byggingarframkvæmda (BREEAM, 2017a).
Undir hverjum flokki eru settar fram ákveðnar kröfur sem verkefnateymi fá stig fyrir séu
þær uppfylltar. Þar sem hver flokkur hefur mismikið vægi er einnig misjafnt hversu mörg
stig er hægt að fá fyrir hvern flokk. Hver flokkur getur einnig haft misjafnt vægi eftir
byggingartegund sem verið er að votta hverju sinni (BREEAM, 2017a; BRE Global Ltd.,
28
2016). Heildarfjöldi stiga við verklok ákvarðar svo einkunnina sem bygging fær. Það er BRE
Global Ltd. sem gefur út lokaeinkunn fyrir verkefni. Einkunnarskalinn er eftirfarandi:
Staðið (pass), gott (good), mjög gott (very good), frábært (excellent) og framúrskarandi
(outstanding) (BREEAM, 2017a). Til þess að ná framúrskarandi einkunn fyrir verkefni þarf
að ná 85% stiga, 70% stiga þarf til að ná frábærri einkunn og 55% stiga þarf til að ná mjög
góðri einkunn (BRE Global Ltd., 2016). Til að standast vottun þarf að ná að minnsta kosti
30% stiga. Af nýbyggingum sem nú þegar hafa hlotið fullgilda BREEAM vottun á heimsvísu
hafa aðeins um 1% fengið einkunnina framúrskarandi, um 10% verkefna hafa fengið
einkunnina frábært, um 25% verkefna hafa fengið einkunnina mjög gott og um 50%
verkefna hafa fengið einkunnina gott (BRE Global Ltd., 2016). Þessar tölur sýna að það er
nægt svigrúm til úrbóta.
Umhverfisáhrifaflokkarnir og vægi þeirra eru eftirfarandi (sjá á mynd 3):
Mynd 3. Níu umhverfisáhrifaflokkar vistvottunarkerfisins BREEAM og vægi þeirra samkvæmt
BREEAM New Construction Non-‐domestic buildings 2011 kröfurammanum sem samsvarar vægi
flokkana í BREEAM International Bespoke 2010 kröfurammanum sem stuðst hefur verið við á
Íslandi. Á myndina vantar tíunda flokkinn, nýsköpun (10%), sem er valfrjáls. (Parker, 2012, bls.1;
íslenskað af höfundi).
29
Orka (19%):
Flokkurinn, sem hefur mesta vægið í BREEAM stuðlar að hönnun á orkusparandi lausnum
í byggingariðnaði sem miða að því að draga úr orkunotkun yfir líftíma bygginga og losun
gróðurhúsalofttegunda. Flokkurinn hvetur einnig til sjálfbærrar stjórnunar á
byggingartíma (BREEAM, 2017a; BRE Global Ltd., 2016).
Heilsa og vellíðan (15%):
Flokkurinn stuðlar að bættri heilsu og auknu öryggi fyrir íbúa bygginga jafnt sem aðra
notendur. BREEAM matið miðar að því að bera kennsl á þá þætti sem stuðla að
heilnæmara umhverfi fyrir íbúa (BREEAM, 2017a; BRE Global Ltd., 2016).
Byggingarefni (12,5%):
Flokkurinn miðar að því að draga úr neikvæðum áhrifum byggingarefna með því að huga
að notkun þeirra við hönnun á byggingartíma og við viðhald. Þetta er gert með því að
stuðla að notkun efna sem eru framleidd með ábyrgum hætti. Leitast er við að nota efni
sem hafa sem minnst neikvæð umhverfisáhrif í gegnum vistferil þeirra. Reynt er að draga
úr notkun kemískra efna (BREEAM, 2017a; BRE Global Ltd., 2016).
Umhverfisstjórnun (12%):
Flokkurinn stuðlar að aðlögun sjálfbærra stjórnunarhátta frá hönnun bygginga til niðurrifs
til að tryggja að markmiðum um sjálfbæra þróun sé framfylgt frá upphafi til enda
(BREEAM, 2017a; BRE Global Ltd., 2016).
Landnotkun og vistfræði (10%):
Flokkurinn stuðlar að sjálfbærri landnotkun, verndun búsvæða og líffræðilegs
fjölbreytileika á byggingarsvæðum og svæðum umhverfis þau. Áhersla er lögð á
endurnýtingu mengaðra svæða og uppbyggingu á svæðum sem skortir vistfræðilegan
fjölbreytileika með því að stuðla að verndun og sjálfbærri stjórnun á svæðunum (BREEAM,
2017a; BRE Global Ltd., 2016).
30
Mengun (10%):
Flokkurinn miðar að því að draga úr og stjórna mengun og ofanvatni í tengslum við
staðsetningu og notkun bygginga. Reynt er að draga úr neikvæðum áhrifum bygginga á
umhverfi þeirra, svo sem ljósmengun, hávaða og losun gróðurhúsalofttegunda út í
andrúmsloftið (BREEAM, 2017a; BRE Global Ltd., 2016).
Nýsköpun (10%):
Þessi flokkur skapar möguleika fyrir nýsköpun umfram þær kröfur sem gerðar eru í
stigakerfi BREEAM. Innan flokksins er hægt að ná í aukastig fyrir nýbreytni í vöruþróun og
eftirtektarverða frammistöðu í ákveðnum flokkum, af því gefnu að BRE Global Ltd.
samþykki nýbreytnina (BREEAM, 2017a; BRE Global Ltd., 2016).
Samgöngur (8%):
Flokkurinn hvetur til betra aðgengis að sjálfbærari samgöngum fyrir notendur bygginga.
Áhersla er lögð á aðgengi að almenningssamgöngum og almennt skipulag umhverfis
byggingar sem dregur úr notkun einkabílsins (BREEAM, 2017a; BRE Global Ltd., 2016).
Úrgangur (7,5%):
Flokkurinn stuðlar að sjálfbærri stjórnun og endurnýtingu úrgangs á öllum líftíma
byggingar. Hvatt er til góðrar hönnunar og byggingarframkvæmdar þar sem hugað er að
því að draga úr úrgangi frá upphafi til enda ferlis (BREEAM, 2017a; BRE Global Ltd., 2016).
Vatn (6%):
Flokkurinn stuðlar að sjálfbærri vatnsnotkun í byggingum og á lóðum umhverfis þær, þar
með talið á byggingartíma. Skilgreindar eru aðferðir til að draga úr vatnsnotkun í
byggingum, stuðla að ofanvatnslausnum og lágmarka vatnsleka (BREEAM, 2017a; BRE
Global Ltd., 2016).
31
4.3.1 Vottun Í BREEAM vottunarferlinu er lagt mat á hönnun, smíði og notkun bygginga út frá
viðmiðum sem sett eru í kerfinu (BREEAM, 2017a). Vottunarferlið er í umsjón matsmanna
sem hafa öðlast sérstök réttindi sem slíkir hjá BRE Global Ltd. (BREEAM, 2017a).
Vottunarferlinu er skipt í tvo áfanga. Fyrst fer fram úttekt á hönnunarstigi (e. Design
Stage) og svo fer fram lokaúttekt á fullbúinni byggingu (e. Post-‐Construction Stage). Þegar
framkvæmd er úttekt á hönnunarstigi þá er hönnun byggingar metin með tilliti til þeirra
krafna sem gerðar eru í BREEAM (BRE Global Ltd., 2009). Hönnunin þarf að vera komin á
það stig að matsmaður geti sýnt fram á að hún standist kröfur sem settar eru fram í
BREEAM leiðarvísinum (e. technical manual). Matsmaður útbýr í framhaldinu matsskýrslu
sem send er til BRE Global Ltd. Úttektin fer vanalega fram áður en framkvæmdir hefjast á
byggingarsvæði (BRE Global Ltd., 2009). Í lokaúttekt er byggingin tekin út og metið hvort
að tekist hafi að uppfylla kröfur sem lagt var upp með á hönnunarstigi og hvort að hægt
sé að sýna fram á að lokaútkoman sé í samræmi við viðmiðin sem sett eru fram í
leiðarvísinum frá BREEAM (BRE Global Ltd., 2009). Að lokum gerir matsmaður endanlega
matsskýrslu sem send er til BRE Global Ltd. sem gefur út vottunarskjal. Aðeins matsmenn
hafa réttindi til að skila inn slíkri skýrslu (BRE Global Ltd., 2009).
Umfang BREEAM vottunar er töluvert og getur þátttaka í vottunarferli krafist mikillar
vinnu af þátttakendum og matsmanni (Vistbyggðarráð, 2013). BREEAM vottun er
samvinnuverkefni sem segja má að skiptist í tvo meginþætti, annars vegar er það vinna
matsmannsins og hins vegar vinna verkefnateymis sem samanstendur yfirleitt af
hönnunarteymi, verktaka og eiganda byggingar, auk allra þeirra sem koma að verkefninu
á einn eða annan hátt (Vistbyggðarráð, 2013). Hlutverk matsmannsins er veigamikið í
ferlinu. Meðal helstu verkefna hans er að halda utan um vottunarferlið, aðstoða
verkefnateymi eftir þörfum, sjá um úttektir og öll samskipti við BRE Global Ltd., safna
saman sönnunargögnum úr ferlinu frá hönnuðum og eiganda og meta hvort þau uppfylli
BREEAM kröfurnar, og í lok vottunarferlis þarf matsmaður að taka saman matsskýrsluna
og leggja til einkunnargjöf fyrir verkefnið (Vistbyggðarráð, 2013). Matsmaðurinn byggir á
leiðarvísi frá BRE Global Ltd. allt frá upphafi verks. BREEAM leiðarvísirinn inniheldur
tæknilega leiðsögn til þess að hjálpa matsmönnum að votta verkefni (BRE Global Ltd.,
2011). Þar er að finna útskýringar á viðmiðunarramma verkefnisins, einkunnagjöf og
32
stigaskori, og nákvæmar leiðbeiningar um það hvernig á að uppfylla tæknilegar kröfur
sem settar eru fram í BREEAM (BRE Global Ltd., 2011).
Vinna verkefnateyma sem taka þátt í BREEAM vottun felst í því að hanna og útfæra
verkefnið í samræmi við þær BREEAM kröfur sem ákveðið hefur verið að uppfylla í byrjun
verks (Vistbyggðarráð, 2013). Þar að auki þurfa þessir aðilar að skila sönnunargögnum á
ensku til matsmanns fyrir hverja einstaka kröfu. Til þess að viðhalda samræmi verða allar
ákvarðanir tengdar vottuninni að byggjast á sannreyndum gögnum frá verkefnateymum
sem hægt er að rekja, svokölluðum sönnunargögnum (BRE Global Ltd., 2016). Þetta getur
verið tímafrek aukavinna fyrir verkefnateymi (Vistbyggðarráð, 2013). Það kann einhver að
spyrja sig hvaða hlutverki sönnunargögnin gegni í stóra samhenginu, en benda má á að
BREEAM kerfið fylgir alþjóðlegum kröfum sem eykur áreiðanleika þess (BRE Global Ltd.,
2016). Sönnunargögnin sem verða til í vottunarferlinu eru liður í því að tryggja
trúverðugleika kerfisins (BRE Global Ltd., 2016). Matsmaðurinn byggir svo matsskýrsluna
á þessum gögnum. Matsskýrslan frá matsmanninum, og gæðatrygging á vegum BRE
Global Ltd., eru undirstöðuatriði þegar kemur að því að tryggja áreiðanleika gagna við
endanlega einkunnargjöf fyrir BREEAM vottaða byggingu (BRE Global Ltd., 2016).
4.4 Erlendar rannsóknir á BREEAM Yfirlýsingar frá BRE Global Ltd. um gagnsemi og ávinning sem hlýst af notkun BREEAM eru
eitt, raunveruleg virkni vistvottunarkerfisins er svo annað. Það er ekki sjálfgefið að
BREEAM vottun uppfylli alla þá þætti sem lagt er upp með í byrjun vottunarferlis. Því er
mikilvægt að greina kosti og galla sem felast í vottun bygginga (Turner og Arif, 2012). Hér
verður farið stuttlega yfir niðurstöður nokkurra erlendra rannsókna sem fjalla um
BREEAM, kosti kerfisins og galla, áhrif á verkefnateymi og notendur bygginga. Þetta er
gert til þess að varpa ljósi á það hver raunveruleg upplifun fólks af BREEAM vottunarferli
og BREEAM vottuðum byggingum er, og hvort að vottaðar byggingar standi undir
væntingum.
4.4.1 Virði BREEAM
Samkvæmt eigendum BREEAM kerfisins var kerfið þróað sem hagkvæm leið til þess að ná
fram sjálfbærri þróun í byggingaiðnaðinum (BREEAM, 2017b). Því að fá BREEAM vottun
fylgir ákveðinn stofnkostnaður en á, samkvæmt eigendum kerfisins, að auka verðmæti
33
bygginga og þeirra fyrirtækja sem nýta sér BREEAM, þ.e. kaupa þjónustu BREEAM.
(BREEAM, 2017b). Það er athyglisvert að skoða hvort þetta fái staðist í raun. Til þess að
reyna að fá raunverulega mynd af ávinningi kerfisins er hjálplegt að skoða erlendar
rannsóknir á BREEAM þar sem komin er meiri reynsla á notkun kerfisins en hér á landi.
Árið 2012 vann James Parker rannsókn fyrir BSRIA (Building Services Research and
Information Association í Bretlandi), þar sem hann kannaði viðhorf til gilda BREEAM innan
byggingariðnaðarins í Bretlandi. Meginmarkmið rannsóknarinnar var að kanna viðhorf til
BREEAM og verðmæti þess út frá sjónarhóli viðskiptavina BREEAM kerfisins, bæði úr
opinbera geiranum og viðskiptalífinu í Bretlandi. Rannsóknin byggði á um 50 viðtölum við
viðskiptavini BREEAM kerfisins, þ.e. aðila sem hafa reynslu af notkun BREEAM. Úr
opinbera geiranum var talað við starfsfólk sem starfar í BREEAM vottuðum
háskólabyggingum og aðila frá stjórnvöldum, úr viðskiptalífinu var talað við þróunaraðila
og eigendur fasteigna sem hafa fengið BREEAM vottun. Alls höfðu viðmælendur reynslu
af um 1.300 BREEAM verkefnum í Bretlandi (Parker, 2012). Þar að auki var send út stutt
netkönnun til meðlima BSRIA til að fá almennt viðhorf fagaðila innan byggingariðnaðarins
gagnvart BREEAM. Alls svöruðu 94 aðilar sem allir höfðu reynslu af BREEAM vottuðum
verkefnum. Í þeim hópi voru BREEAM matsmenn í meirihluta (37%) og þar á eftir aðilar
úr BREEAM hönnunar-‐ og ráðgjafateymum (35%) (Parker, 2012).
Samkvæmt niðurstöðum rannsóknarinnar voru um 88% viðmælenda jákvæðir í garð
BREEAM, en 76% sögðu þó að úrbóta væri þörf á kerfinu. Hvað umbætur á BREEAM
varðar var algengast að viðmælendur nefndu að það sé þörf á að einfalda kerfið og auka
sveigjanleika í BREEAM vottunarferlinu. Samkvæmt þátttakendum rannsóknarinnar,
bæði viðskiptavinum og fagaðilum, eru ákvæði í skipulagslögum í Bretlandi helsti hvatinn
fyrir því að fá BREEAM vottun, þar á eftir koma stefnumál fyrirtækja og sveitarfélaga.
Þetta kemur ekki á óvart þar sem meira en helmingur af sveitarfélögum í Bretlandi hefur
innleitt BREEAM í stefnur og reglugerðir sem varða skipulag á þeirra vegum (Parker,
2012). Hér verður farið stuttlega yfir helstu niðurstöður rannsóknarinnar, út frá sjónarhóli
viðskiptavinarins.
34
Rannsóknin sýndi fram á að notkun kerfisins hefur ýmsa kosti í för með sér frá
sjónarhóli viðskiptavina (Parker, 2012). Af þremur þáttum sjálfbærrar þróunar, þ.e.
umhverfislegrar, efnahagslegrar og félagslegrar, telja viðskiptavinir félagslegan ávinning
veigamestan í BREEAM (sjá mynd 4) (Parker, 2012).
Mynd 4. Mismunandi vægi þriggja þátta sjálfbærrar þróunar í BREEAM að mati viðskiptavina
(Parker, 2012, bls. 15; íslenskað af höfundi)
Þetta kemur fram í bættri stöðu fyrirtækja á markaði í kjölfar BREEAM vottunar, orðstír
fyrirtækja virðist batna og virðing eykst með því að sýna samfélagsábyrgð í verki. Þetta
virðist bæði eiga við um fyrirtækin sem eiga byggingarnar og fyrirtækin sem starfa í þeim.
Þetta er sérstaklega mikilvægt fyrir háskóla þar sem BREEAM vottunin hefur leitt til þess
að nemendur verða meðvitaðri um umhverfismál (Parker, 2012). Einnig var aukin vellíðan
notenda bygginga nefnd sem félagslegur ávinningur í BREEAM vottuðum byggingum
(Parker, 2012).
Umhverfislegur ávinningur sem hlýst af BREEAM vottun kemur að mestu leyti fram
undirflokknum landnotkun og vistfræði, og hefur að gera með staðsetningu byggingar og
verndun líffræðilegs fjölbreytileika (Parker, 2012). Hátt stigaskor í þessum flokki byggist
fyrst og fremst á því að vistfræðingur komi að ferlinu. Flokkurinn mengun var einnig
nefndur í þessu samhengi og þeir þættir þar undir sem draga úr losun
gróðurhúsalofttegunda. Þá sérstaklega lausnir á borð við ofanvatnslausnir, sólarsellur,
tjarnir, sjálfbært timbur, endurvinnsla og endurvinnslubúnaður (Parker, 2012).
35
Samkvæmt niðurstöðum viðtalanna var efnahagslegur ávinningur af BREEAM vottun
ekki tengdur við sérstaka umhverfisáhrifaflokka, fremur heilt yfir. Það má skipta
efnahagslegum ávinningi í tvo þætti að mati viðmælenda: minni viðhaldskostnað og þann
gróða sem BREEAM vottuð bygging skapar í gegnum sölu-‐ og leigutekjur (Parker, 2012).
Aðeins 12% viðmælenda töldu BREEAM vottun hækka leigutekjur af byggingu en aftur á
móti taldi um þriðjungur viðmælenda að það væri auðveldara að fá leigjendur í BREEAM
vottaða byggingu (Parker, 2012). Þetta geti þó verið flókið og fyrir þróunaraðila er þetta
heldur þunnur markaður, og lítið um spákaupmennsku þar sem búið er að leigja út flestar
vottaðar byggingar fyrirfram. Viðmælendur töldu sparnað í rekstri byggingar helsta
efnahagslega ávinning af BREEAM (sjá mynd 5) (Parker, 2012).
Mynd 5. Efnahagslegur ávinningur BREEAM samkvæmt viðskiptavinum (Parker, 2012, bls. 18;
íslenskað af höfundi)
Viðskiptavinir voru einnig inntir eftir því hvar þeir teldur áhrifa BREEAM á byggingar helst
gæta, þ.e. hvar áhrifin væru greinilegust. Samkvæmt viðmælendum virðist BREEAM ekki
hafa mikil áhrif á staðsetningu og legu bygginga. Áhrifa þess virðast öllu greinlegri þegar
kom að tæknilegum þáttum á borð þjónustu og stýringu í vottuðum byggingum. BREEAM
virðist einnig hafa áhrif á aðstöðu starfsfólks, þar má til dæmis nefna aðstöðu fyrir hjól og
sturtur fyrir starfsfólk (sjá mynd 6) (Parker, 2012).
36
Mynd 6. Áhrif BREEAM á verkefni samkvæmt viðskiptavinum (Parker, 2012, bls. 21; íslenskað af höfundi)
Í rannsókn Chegut, Eichholtz og Kok (2014) var fjárhagslegur ávinningur af
umhverfisvottun viðskiptahúsnæðis í London kannaður. Áhersla á sjálfbærni og
orkusparnað á fasteignamarkaði í Bretlandi hefur aukist síðustu ár. Almennt eru flest ný
eða endurbætt viðskiptahúsnæði í London í dag með áherslu á orskusparnað og sjálfbæra
þætti (Chegut o.fl., 2014). Þessa þróun má meðal annars rekja til þess að orkusparnaður
er hluti af lagasetningu í Bretlandi og húsráðendur þannig beittir ákveðnum þvingunum
(Chegut o.fl., 2014). Algengt er að viðskiptahúsnæði fái BREEAM vottun og því er komin
mikil reynsla á vottun bygginga í Bretlandi. Þrátt fyrir þessa þróun í átt að sjálfbærari
byggingariðnaði er hagfræðilega hlið þessara umbreytinga ennþá nokkuð óljós (Chegut
o.fl., 2014). Þörfin á frekari rannsóknum og upplýsingum um efnahagslegan ávinning
verður sífellt meiri með aukinni eftirspurn eftir umhverfisvottun bygginga (Chegut o.fl.,
2014). Þetta styður rannsókn þeirra Fishers og Bradshaws (2011) varðandi þróun grænna
bygginga. Þar kemur fram að litlar sannanir séu fyrir jákvæðum fjárhagslegum áhrifum
umhverfisvottaðra bygginga fram til þessa. Viðskiptakostnaður tengdur vottun, ráðgjöf,
hönnunarkostnaði, áhættu og þróun er enn á huldu og ekki hægt að gera nákvæma
áætlun um þann kostnað (Fisher og Bradshaw, 2011).
Rannsókn Chegut og félaga (2014) sýndi fram á að aukið framboð vottaðra bygginga
hefur marktæk áhrif á fasteignaverð viðskiptahúsnæðis almennt, sem og á stakar vottaðar
byggingar. Á tímabilinu 2000-‐2009 reyndist fasteigna-‐ og leiguverð vottaðra bygginga
hærra en hefðbundinna bygginga í hverfi sem tekið var til skoðunar. Þessi ávinningur af
vottuðum byggingum virtist einnig ná til venjulegra bygginga á svæðinu í gegnum hærra
37
meðal leigu-‐ og fasteignaverð (Chegut o.fl., 2014). Þó virtist ávinningur af vottuðum
byggingum minnka því fleiri sem þær urðu á tilteknu svæði, þ.e. þeir sem fjárfesta í
vottuðum byggingum snemma græða meira en þeir sem fjárfesta í slíkum húsum þegar
mikið er orðið af þeim á tilteknu svæði samkvæmt rannsókninni (Chegut o.fl., 2014).
Þessar niðurstöður styðja aðrar rannsóknir einnig. Eichholtz og fleiri (2010) sýndu fram á
að umhverfisvottun skrifstofuhúsnæða hefur jákvæð áhrif á fasteigna-‐ og leiguverð. Enn
fremur virðast þessi jákvæðu áhrif vottaðra bygginga á fasteigna-‐ og leiguverð halda sér
þrátt fyrir sveiflur á húsnæðismarkaði (Fuerst og McAllister, 2011; Miller, Spivey og
Florance, 2008). Af þessum rannsóknum að dæma virðast samfélög græða á þróun
vottaðra bygginga. Sífellt fleiri byggingar munu þurfa að keppa við vottaðar byggingar þar
sem þeim fjölgar ört, sem ætti að hjálpa til við að draga úr neikvæðum umhverfisáhrifum
bygginga almennt. Aftur á móti er vert að taka það fram, þó rannsóknin hafi ekki leitt það
í ljós, að hækkun á leigu-‐ og húsnæðisverði í kjölfar umhverfivottunar er neikvæð frá
sjónarhorni þeirra sem eru á leigumarkaði eða í fasteignahugleiðingum. Það ber þó að
taka með í reikninginn að þessi þróun gæti breyst þegar slíkar byggingar fara að verða
algengari.
4.4.2 Áhrif BREEAM á fagfólk, notendur bygginga og byggingarframkvæmdir Líkt og fram hefur komið er BREEAM vistvottunarkerfið til þess fallið að hafa áhrif á marga
ólíka þætti byggingarframkvæmda, sem og á fagfólk sem vinnur samkvæmt kerfinu og þá
sem starfa/búa í BREEAM vottuðum byggingum. Spurningunni um áhrif BREEAM á ólíka
þætti bygginga er ekki auðsvarað. Þó má horfa til tveggja nýlegra rannsókna sem fjalla um
áhrif BREEAM kerfisins á byggingarframkvæmdir, fagfólk innan byggingargeirans og
notendur vottaðra bygginga.
Fyrri rannsóknin er rannsókn Schweber (2013) þar sem áhrif BREEAM á fagfólk innan
byggingargeirans eru könnuð. Algengt er að umfjöllun um umhverfisvottanir fyrir
byggingar fjalli ýmist um tæknilega eða efnislega þætti vottana til þess að reyna að svara
til um áhrif kerfisins á viðkomandi byggingu. Með þessu er litið framhjá þeim áhrifum sem
kerfið hefur á þá sem taka þátt í vottunarferli og kerfinu oft og tíðum umbunað fyrir meiri
áhrif en það kann að hafa í raun (Schweber, 2013). Í rannsókn Schweber er BREEAM tekið
til greiningar sem félagslegt kerfi þar sem notast er við viðtalstækni til að kanna áhrif
BREEAM á sýnileika, þekkingu, tækni og fagfólk. Þátttakendur í rannsókninni voru aðilar
38
frá fyrirtækjum sem bjóða upp á BREEAM vottun. Niðurstöðurnar leiddu í ljós ýmis atriði
varðandi BREEAM sem ekki er gefinn nægilegur gaumur, sem verður gerð nánar grein fyrir
í síðar í þessum kafla (Schweber, 2013).
Seinni rannsóknin er tilviksrannsókn Turner og Arif (2012) þar sem áhrif byggingar, sem
nýlega hafði hlotið matið frábært við BREEAM vottun, á starfsanda og afköst starfsfólks
sem þar vinnur eru könnuð. Byggingin sem um ræðir er sex hæða skrifstofubygging í
Glasgow sem byggð var árið 1920. Ytra byrði og kjarni (sameiginlega rými) byggingarinnar
hafði, þegar rannsóknin fór fram, nýverið hlotið matið gott við BREEAM vottun.
Tilviksrannsókn þeirra Turners og Arifs (2012) beindi sjónum að einni hæð í byggingunni
sem hafði nýlega undirgengist endurgerð samkvæmt BREEAM og fengið matið frábært.
Hæðin er leigð út sem skrifstofurými. Tilgangur rannsóknarinnar var að kanna hvort að sú
umbreyting að fara frá venjulegu skrifstofurými frá sjöunda áratugnum yfir í BREEAM
vottað rými hafi áhrif á hegðun starfsmanna sem þar vinna og hvort að kostir BREEAM
skili sér til notenda byggingarinnar á áhrifaríkan hátt. Rannsóknin byggði á hálfstöðluðum
viðtölum við sex starfsmenn sem vinna í rýminu. Allir þátttakendurnir höfðu unnið í
rýminu fyrir BREEAM vottun og störfuðu í vottaða rýminu í meira en tvö ár. Viðtölin
snérust um eftirfarandi sex þemu: þjónustu, starfsemi, þjálfun, byggingarefni, samgöngur
og áhrif á hegðun heima fyrir (Turner og Arif, 2012). Fáar sannanir virðast vera til fyrir því
að þættir BREEAM vottunar, sem er ætlað að skila aukinni vellíðan innandyra, hafi í raun
og veru tilætluð áhrif á notendur bygginga (Turner og Arif, 2012). Ekki er hægt að
heimfæra niðurstöður þessara rannsókna á almenna upplifun fólks af BREEAM, né heldur
yfir á önnur lönd, en þær ættu þó að gefa ákveðnar vísbendingar um áhrif BREEAM
vottunar á byggingar og notendur bygginga.
Kostir BREEAM
Samkvæmt niðurstöðum rannsóknar Schweber (2013) virðast kostir BREEAM einna helst
liggja í því samtali sem skapast í kringum kerfið og því skipulagi sem það felur í sér.
Viðmælendur virtust flestir jákvæðir í garð þessara þátta. Rannsóknin leiddi í ljós að
BREEAM hvetur til aukins samtals um sjálfbærni á meðal aðila í hönnunarteymum annars
vegar og þeirra sem byggja húsin hins vegar, og kynnir þannig fagfólk fyrir ýmsum atriðum
sem varða sjálfbæra þróun sem ekki tengjast beint inn á þeirra svið (Schweber, 2013). Þá
virðist kerfið einnig hjálpa þeim sem fara með umsjón byggingarframkvæmda að ná fram
39
betra skipulagi á verktíma og hafa aukna yfirsýn yfir ferlið. BREEAM hjálpar einnig til við
að þróa tæknileg viðmið sem geta átt við margar hönnunarákvarðanir sem eiga það
sameiginlegt að draga úr neikvæðum umhverfisáhrifum bygginga, hvort sem byggingin er
vottuð eða ekki (Schweber, 2013). Það hefur einnig komið í ljós að kerfið virðist hreyfa við
viðurkenndum aðferðum innan byggingariðnaðarins, sem ef til vill leiðir til framþróunar
og nýjunga á markaði (Schweber, 2013). Þegar kemur að beinum áhrifum á notendur
BREEAM vottaðra bygginga virtust notendur jákvæðastir gagnvart þeim þáttum þar sem
þeir sjá áhrif gjörða sinna, samkvæmt rannsókn Turners og Arifs (2012). Besta dæmið um
þetta er flokkun og endurvinnsla innan bygginga. Flestir viðmælendur töldu það hafa
jákvæð áhrif á hegðun þeirra varðandi flokkun í vinnunni og heima. Eins voru
viðmælendur spurðir hvort að þeir væru meðvitaðir um mælingar sem fram færu í
byggingunni, t.d. varðandi vatns-‐ og rafmagnsnotkun. Sögðu viðmælendur svo ekki vera
en töldu að ef þau myndu sjá tölur um sparnað eða ávinning í þessum efnum gæti það vel
haft jákvæð áhrif á hegðun þeirra (Turner og Arif, 2012)
Annmarkar BREEAM Samkvæmt niðurstöðum þessara tveggja rannsókna virðast helstu annmarkar BREEAM
vistvottunarkerfisins í meginatriðum snúa að eftirfarandi atriðum: skorti á upplýsingagjöf
og fræðslu til notenda vottaðra bygginga, ósamræmi á milli hönnunar-‐ og notkunarstigs
bygginga, of flóknu og tæknilegu viðmóti kerfisins og ósamræmi í mælikvörðum og mati
á milli verkefna (Schweber, 2013; Turner og Arif, 2012). Í stuttu máli benda niðurstöður
þessara rannsókna til þess að það sé ákveðið ósamræmi á milli ætlana og væntinga
hönnunarteyma byggingar samanborið við raunverulegan ávinning þegar byggingin er
komin í notkun, og skynjunar notenda hennar á þeim kostum. Margir af eiginleikum
BREEAM vottunarkerfisins virðast glatast í ferlinu eða virðast ekki hafa þau áhrif á
notendur bygginga sem lagt er upp með (Turner og Arif, 2012). Ein ástæðan fyrir þessu er
talin vera skortur á upplýsingagjöf til notenda um það hvernig BREEAM vottuð bygging
virkar (Schweber, 2013; Turner og Arif, 2012). Hér verður farið yfir nokkra þætti sem
úrbóta er þörf á samkvæmt ofangreindum rannsóknum.
Í rannsókn Schweber (2013) kom skýrt fram að uppbygging og viðmót BREEAM
kerfisins væri helst til of tæknilegt og flókið. Sem dæmi má nefna að skilgreiningarnar á
því hvernig eigi að öðlast stig í umhverfisáhrifaflokkunum eru mjög tæknilegar. Til að fá
40
ákveðið stig þarf að styðjast við mismunandi markmið og mælikvarða, allt eftir því hvernig
byggingu á að votta í hvert sinn (Schweber, 2013). Mismunandi mat virðist einnig eiga sér
stað um ákveðna þætti í BREEAM vottunarferlinu. Skoðanir og þekking fagaðila í
verkefnateymum koma ekki alltaf heim og saman við þær kröfur sem eru settar fram í
BREEAM, og er þetta talið draga úr trausti fagaðila á kerfinu (Schweber, 2013). Þá er
skrifræðið sem einkennir kerfið talið draga úr skýrleika þess út á við og þar með skilningi
fólks á vottuðum byggingum (Schweber, 2013).
Báðar rannsóknirnar leiddu í ljós að miðlun upplýsinga, þjálfun og raunverulegur
ávinningur virtist ekki vega þungt í vottunarferlinu. Það virðist vanta upp á skilning
fagfólks og almennings á BREEAM (Schweber, 2013; Turner og Arif, 2012). Samkvæmt
rannsókn Turners og Arifs (2012) virtist sem svo að eiginleikum BREEAM væri ekki komið
nægilega vel áleiðis til notenda vottaðra bygginga, og því átti fólk erfitt með að bera
kennsl á kosti þess að starfa í BREEAM vottaðri byggingu (Turner og Arif, 2012). Sem dæmi
má nefna að notendur byggingar virtust almennt ekki meðvitaðir um BREEAM leiðarvísinn
sem inniheldur upplýsingar um það hvernig BREEAM vottuð bygging virkar. Þetta gæti
tengst því að hluti af þjónustu BREEAM vottaðra bygginga er sjálfvirkur og annarri
þjónustu er mestmegnis stjórnað af húsverði og þeim sem sjá um bygginguna (Turner og
Arif, 2012). Þetta getur valdið því að notendum finnst þeir ekki þurfa að skilja hvernig
byggingin virkar þar sem þeir bera enga ábyrgð á því. Þá virtust notendur einnig skilja lítið
í mánaðarlegri skýrslu sem þeir fengu um orkunotkun byggingarinnar (Turner og Arif,
2012). Samkvæmt þessum niðurstöðum er hætt við að notendur fari á mis við upplýsingar
sem gætu haft jákvæð áhrif á hegðun þeirra ef þetta væri útskýrt betur fyrir
starfsmönnum. Þetta heimfærist á skort á upplýsingagjöf og fræðslu.
Rannsókn þeirra Turners og Arifs (2012) leiddi einnig í ljós að ákveðins ósamræmis
gætir á milli ákvarðana sem teknar eru á hönnunarstigi og þess hvernig hlutirnir virka í
raun. Þetta má útskýra með því að taka sem dæmi þá ákvörðun á hönnunarstigi að koma
fyrir aðgengi og aðstöðu fyrir hjólandi vegfarendur í og við BREEAM vottaða byggingu.
Þessi ákvörðun gefur ákveðin stig í vottunarferlinu. Samkvæmt viðmælendum í rannsókn
þeirra Turners og Arifs (2012) virtist hjólaaðstaða og sturtur í viðkomandi byggingu ekki
skila tilætluðum árangri. Skýringuna á því má eflaust að hluta til finna í því að notendur
virtust ekki meðvitaðir um samgöngustefnu viðkomandi fyrirtækis. Fyrirtækið útvegaði
41
þó starfsmönnum árskort í almenningssamgöngur og völdu flestir þá leiðina fram yfir að
hjóla til vinnu. Þetta undirstrikar að ákvarðanir sem teknar eru á hönnunarstigi eru ekki
alltaf teknar með notendur byggingarinnar í huga þegar verið er að sækjast eftir stigum
(Turner og Arif, 2012). Í þessu má greina ósamræmi sem væri hægt að bæta úr með
fræðslu og hvatningu. Þetta getur einnig haft öfug áhrif að því leyti að vel ígrundaðar
ákvarðanir sem teknar eru á hönnunarstigi um hagkvæmni í orku-‐ og vatnsnotkun geta
auðveldlega orðið að engu ef að notendur eru ekki upplýstir um það hvernig tæknin virkar
(Turner og Arif, 2012).
4.4.3 Aðlögun BREEAM-‐NOR í Noregi
Í rannsókn Nesteby, Aarrestad, Lohne o.fl. (2016) er notkun BREEAM-‐NOR við norskar
byggingarframkvæmdir könnuð. Vistbyggðaráð Noregs hefur þróað BREEAM-‐NOR í
samræmi við regluverk og viðmið í umhverfis-‐ og orkugeiranum þar í landi. Sökum þess
hve nýtilkomið BREEAM-‐NOR er eru rannsóknir á notkun þess í Noregi af skornum
skammti. Eftirspurn eftir BREEAM-‐NOR vottun á mannvirki í Noregi eykst þó jafnt og þétt
um þessar mundir (Nesteby, Aarrestad, Lohne o.fl., 2016). Þó hefur verið framkvæmd
tilviksrannsókn þar sem teknar voru fyrir þrjár BREEAM-‐NOR vottaðar byggingar á vegum
eins byggingarfyrirtækis í Noregi. Byggingarnar þrjár sem voru hannaðar með hliðsjón af
BREEAM-‐NOR höfðu allar verið byggðar þegar rannsóknin fór fram. Rannsóknargögn
samanstóðu af tólf ítarlegum viðtölum við lykilaðila sem komu að
byggingarframkvæmdunum. Aðila á borð við byggingarstjóra, umsjónarmenn bygginga,
sérfræðinga sem komu að framkvæmdunum, verkstjóra, yfirmenn á byggingarstað o.fl.
(Nesteby, Aarrestad, Lohne o.fl., 2016). Í stuttu máli sýndu niðurstöður rannsóknarinnar
fram á að það gangi misvel að uppfylla BREEAM-‐NOR kröfurnar við norskar
byggingarframkvæmdir. Samkvæmt heimildum virðast þeir sem standa að
byggingarframkvæmdum mæta ýmsum áskorunum þegar votta á byggingar samkvæmt
BREEAM-‐NOR (Nesteby og Aarrestad, 2015). Samkvæmt rannsókn þeirra Nesteby,
Aarrestad, Lohne o.fl. (2016) má heimfæra flestar þær áskoranir sem komið hafa í ljós við
notkun BREEAM-‐NOR á það hvernig verkefnastjórnun byggingarframkvæmdanna er
háttað. Svo virðist sem að byggingarframkvæmdirnar í þeim BREEAM vottuðu verkefnum
sem könnuð voru hafi stjórnast að mestu af tilsettum skiladegi verkefnis. Allar aðgerðir á
byggingartíma hafi miðast við skiladag og þátttakendur verið beittir þrýstingi samkvæmt
42
því. Í rannsókninni eru slíkir stjórnarhættir kallaðir þrýstistefna (e. push strategy).
Samkvæmt niðurstöðum rannsóknarinnar þarf að breyta þessum stjórnarháttum til að
hámarka árangur í BREEAM-‐NOR vottuðum verkefnum (Nesteby, Aarrestad, Lohne o.fl.,
2016). Á meðal annarra annmarka á notkun BREEAM-‐NOR sem rannsóknin sýndi fram á
má nefna eftirfarandi þætti: mismikil þekking virðist vera á BREEAM-‐NOR á meðal
þátttakenda í vottunarferli, dreifing ábyrgðar í vottunarferlinu eru ójöfn sem verður til
þess að sumum þátttakendum finnst þeir ekki bera neina ábyrgð á vottuninni og eins
vantar að kalla alla hlutaðeigandi aðila að borðinu við upphaf verks til að ná sem mestum
árangri (Nesteby, Aarrestad, Lohne o.fl., 2016).
Í rannsókninni er lögð til ný nálgun við verkstjórn BREEAM-‐NOR vottaðra verkefna sem
á að getað leyst úr hluta þeirra áskorana sem komið hafa upp að mati rannsakenda.
Samkvæmt rannsókninni þarf að innleiða BREEAM-‐NOR betur við skipulagningu verkefna,
sem má gera með því að samþætta notkun BREEAM-‐NOR og svokallaðs LPS (e. The Last
Planner System) kerfis betur við byggingarframkvæmdir (Nesteby, Aarrestad, Lohne o.fl.,
2016). LPS er framleiðslukerfi sem hannað var fyrir Lean Construction og byggir á
ákveðinni skipulagningu á verktíma (Lean Construction Institute, 2017). Lean Construction
er nálgun í verkefnastjórnun sem byggir á framleiðslustjórnun (e. production-‐
management) og er að ryðja sér til rúms í auknum mæli í norskum byggingariðnaði
(Nesteby, Aarrestad, Lohne o.fl., 2016; Lean Construction Institute, 2017). Markmið LPS
er að skapa fyrirsjáanlegt verkferli og stuðla að þekkingarsköpun, aukinni samvinnu og
minni úrgangi meðan á verkferli stendur. LPS byggir í grunninn á tveimur þáttum, þ.e. að
hafa stjórn á afurð og verkferli (Lean Construction Institute, 2017). Í þeim BREEAM-‐NOR
verkefnum sem tekin voru fyrir í rannsókninni var notast við LPS aðferðafræðina.
BREEAM-‐NOR var aftur á móti ekki tekið með sem hluti af verkskipulagi og fundarhöldum.
Litið var á BREEAM-‐NOR og LPS sem tvo aðskilda þætti. Með því að samþætta notkun
þessara kerfa má bæta til muna allt skipulag í ferlinu og ná fram verkstjórn sem byggir
ekki á settum skiladegi heldur taka athafnir mið af stöðu verkefnis og möguleikum hverju
sinni (Nesteby, Aarrestad, Lohne o.fl., 2016). Í niðurstöðum rannsóknarinnar voru
jafnframt tiltekin fleiri atriði sem þarf að bæta úr til að ná sem bestum árangri í BREEAM-‐
NOR vottun. Eftirfarandi þættir voru nefndir: auka þarf þekkingu allra hlutaðeigandi aðila
í BREEAM vottunarferli, hvetja þarf þátttakendur áfram og verðlauna þegar ákveðin stig
nást í ferlinu, dreifa þarf ábyrgð í ferlinu jafnar á milli þátttakenda, kalla þarf alla
43
hlutaðeigandi aðila að borðinu við upphaf verkefnis og passa þarf upp á að BREEAM-‐NOR
sé alltaf hluti af skipulagsfundum (Nesteby, Aarrestad, Lohne o.fl., 2016).
4.5 Notkun og aðlögun BREEAM á Íslandi Í skýrslu starfshóps Vistbyggðarráðs Íslands (2013) um vistvottunarkerfi fyrir byggingar
kemur fram að BREEAM sé það vistvottunarkerfi sem komin er mest reynsla á hérlendis.
Hér á landi er stuðst við BREEAM International útgáfuna, eða Bespoke útgáfuna þegar
þess þarf (Vistbyggðarráð, 2013). Á síðustu árum hefur byggst upp töluverð þekking og
reynsla af notkun BREEAM International hér á landi, þó lítið sé til af rannsóknum á
BREEAM hérlendis enn sem komið er. Hér á landi er stuðst við BREEAM International
Bespoke kröfurammann og uppfærðar útgáfur af honum hverju sinni, nýjasta útgáfan af
þeim kröfuramma kom út árið 2016( Vistbyggðaráð, 2013; BRE Global Ltd., 2016). Um
tuttugu hönnunarteymi hafa komið að BREEAM vottuðum verkefnum og hafa þessir
hópar, sem samanstanda í megindráttum af arkitektum, landslagsarkitektum og
verkfræðingum, lagt töluverða vinnu í að kynna sér kröfur BREEAM og aðlaga þær að
íslenskum aðstæðum (Vistbyggðaráð, 2013). Einnig hefur byggst upp reynsla hjá
starfsmönnum Framkvæmdasýslu ríkisins sem sér um öll BREEAM vottuð verkefni á
vegum hins opinbera (Vistbyggðarráð, 2013). Reykjavíkurborg er einnig farin að krefjast
BREEAM vottunar á nýbyggingar og eru tvær byggingar í slíku ferli á vegum borgarinnar,
Úlfarsárdalsskóli og viðbygging við Sundhöll Reykjavíkur. Hjá borginni er því einnig farin
að byggjast upp reynsla á notkun BREEAM (Reykjavíkurborg, 2015; Verkís, 2015).
Samkvæmt GreenBookLive (2017) hafa alls 25 verkefni verið skráð í BREEAM
vottunarferli á Íslandi og eru um 17 aðilar komnir með réttindi sem BREEAM matsmenn
(GreenBookLive, 2017). Af þessum verkefnum hafa þrjár byggingar hlotið fullnaðarvottun
BREEAM (e. Post Construction certification) og aðrar þrjár byggingar hlotið
hönnunarvottun eða millibilsvottun eins og það er orðað á GreenBookLive vefnum. Þá
hefur norðurhluti skipulagsins í Urriðaholti einnig hlotið fullnaðarvottun samkvæmt
BREEAM communities (GreenBookLive, 2017b). Af þeim þremur byggingum sem hlotið
hafa fullnaðarvottun hlutu Hús Náttúrufræðistofnunar Íslands og Snæfellsstofa, sem er
gestastofa í Vatnajökulsþjóðgarði við Skriðuklaustur, einkunnina gott og endurgerð
skrifstofuhúsnæðis EFLU á Höfðabakka 9 hlaut einkunnina mjög gott (GreenBookLive,
2017b). Vistvæn endurhönnun skrifstofu EFLU er jafnframt fyrsta verkefnið þeirrar
44
tegundar til að hljóta BREEAM vottun hér á landi. Verkefnið var samvinnuverkefni EFLU
og Reita fasteignafélags sem á húsnæðið sem um ræðir. Verkefnið var unnið samkvæmt
Europe Commercial 2009 leiðarvísinum fyrir skrifstofubyggingar og endurhönnun (EFLA,
2010). Af þeim þremur byggingum sem hlotið hafa hönnunarvottun BREEAM hérlendis
hlutu Snæfellsstofa að Skriðuklaustri og Framhaldsskólinn í Mosfellsbæ einkunnina mjög
gott og Sjúkrahótelið hlaut nýverið einkunnina frábært við hönnunarvottun
(GreenBookLive, 2017b). Sjúkrahótelið er fyrsta verkefnið sem hlýtur einkunnina frábært
við BREEAM vottun hérlendis sem sýnir að það eru framfarir að eiga sér stað í þessum
efnum (GreenBookLive, 2017b).
Samkvæmt skýrslu starfshóps Vistbyggðarráðs (2013) hefur ekki verið tekin ákvörðun
um það hvort farið verði í að þróa íslenska útgáfu af BREEAM kerfinu. Smæð markaðarins
og kostnaður við vottun hefur áhrif á hvaða vistvottunarkerfi hentar best fyrir íslenskar
aðstæður, markaðurinn er lítill og fáar byggingar rísa árlega (Vistbyggðarráð, 2013). Að
þróa íslenska útgáfu væri kostnaðarsamt en hefði ýmsa kosti í för með sér, t.d. þá að tekið
væri mið af íslenskum reglugerðum og kerfið yrði því aðgengilegra fyrir vikið. Þörfin á að
bæta aðgengi að vottunarkerfum er veruleg hér á landi samkvæmt skýrslunni og ýmsir
þættir sem má bæta og kanna betur varðandi notkun þeirra (Vistbyggðarráð, 2013). Hér
á landi er almennt ekki gert ráð fyrir því að vistvottun kosti aukalega, sem hún þó gerir.
Þetta hefur leitt til þess að kostnaður og aukavinna vegna þróunar BREEAM kerfisins
hérlendis hefur verið vanmetin og lent að miklu leyti á þeim aðilum sem tóku þátt í fyrstu
BREEAM vottuðu verkefnunum á Íslandi (Vistbyggðarráð, 2013). Samkvæmt skýrslu
starfshópsins (2013) kemur tvennt til greina varðandi frekari þróun og notkun á BREEAM
hérlendis. Annars vegar væri hægt að halda áfram að nota BREEAM International, en þá
þarf að leysa úr þeim vandamálum sem komið hafa upp við notkun kerfisins hérlendis.
Kerfið yrði þá áfram á ensku og umsjón í höndum BRE Global Ltd. Hins vegar væri hægt
að fara í íslenska aðlögun þar sem BREEAM kröfurnar yrðu þýddar og aðlagaðar betur að
íslenskum aðstæðum. Ef farið verður í aðlaga kerfið færist umsjón kerfisins til
Vistbyggðarráðs, en vottunin yrði áfram á vegum BRE Global Ltd. (Vistbyggðarráð, 2013).
Framtíðin verður svo að leiða í ljós hvaða leið verður fyrir valinu, önnur kerfi gætu
mögulega reynst betur í nánustu framtíð. Eftirspurn kaupenda og vilji markaðarins kemur
líklega til með að hafa áhrif á þá þróun (Vistbyggðarráð, 2013). Í þessu samhengi er vert
45
að geta þess að nú er í byggingu fyrsta umhverfisvottaða einbýlishúsið á Íslandi að
Brekkugötu 2 í Urriðaholti (Visthús, 2017). Skipulag Urriðaholts er fyrsta hverfið hér á
landi sem er vottað samkvæmt BREEAM Communities. Húsið sem um ræðir verður vottað
með norræna umhverfismerkinu Svaninum. Samkvæmt viðmiðum Svansins er hægt að
umhverfisvotta einbýli, raðhús, fjölbýli, leikskóla og skóla (Visthús, 2017).
Óháð því hvaða vottunarkerfi munu henta best hér á landi í nánustu framtíð verða
Íslendingar að stuðla að sjálfbærri þróun í byggingariðnaðinum í takt við það sem er að
gerast í nágrannalöndum okkar. Þróa þarf betri leiðbeiningar varðandi umhverfismál í
byggingariðnaðinum og stuðla að frekari rannsóknum á þessu sviði hérlendis
(Vistbyggðaráð, 2013). Hér á eftir gefur að líta myndir af fjórum byggingum á Íslandi sem
hafa fengið BREEAM vottun eða eru í vottunarferli.
Mynd 7. Framhaldsskólinn í Mosfellsbæ (A2F Arkitektar, 2017)
46
Mynd 8. Snæfellsstofa Vatnajökulsþjóðgarði, hannað af Arkís (FSR, 2017)
Mynd 9. Sjúkrahótel, Landspítali Hringbraut (Gláma-‐Kím Arkitektar, 2017)
Mynd 10. Fangelsi Hólmsheiði, hannað af Arkís (FSR, 2017)
47
5 Rannsóknaraðferð
Rannsóknin er eigindleg. Meginsástæða þess að eigindleg rannsóknaraðferð var valin er
sú að slíkt rannsóknarsnið getur gefið rannsakanda innsýn í rannsóknarefnið sem byggir
á tilfinningu, upplifun og skilningi þátttakenda, og nýtist því vel til að rannsaka skilning á
ferlum eða afmörkuðum einingum (Berg, 2009; Hennink, Hutter og Bailey, 2013).
Viðfangsefni rannsóknarinnar, þ.e. aðlögun og notkun vistvottunarkerfisins BREEAM á
Íslandi, afmarkast við hérlendar aðstæður og viðmælendur rannsóknarinnar, sem varpa
ljósi á þær aðstæður. Tilgangur rannsóknarinnar er að kanna reynslu fagaðila af aðlögun
að íslenskum byggingariðnaði og því hentar eigindleg aðferðafræði vel í þessu tilviki. Til
að varpa ljósi á það hvernig BREEAM hefur verið aðlagað að íslenskum bygginariðnaði er
framkvæmd stök tilviksrannsókn (e. single-‐case study) á aðlögun og notkun BREEAM á
Íslandi og reynslu fagaðila af notkun þess. Rannsóknartilvikið er því vistvottunarkerfið
BREEAM, aðlögun þess og notkun á Íslandi.
Til þess að gera nánar grein fyrir rannsóknarsniðinu er hér um svokallaða könnunar
tilviksrannsókn að ræða (e. exploratory case study). Samkvæmt Yin (2009) má skilgreina
tilviksrannsókn sem útskýrandi rannsókn sem rannsakar eitt eða nokkur tilvik í
smáatriðum til að þróa ítarlegan skilning á tilvikinu/tilvikunum. Slíkar rannsóknir eru vel
til þess fallnar að svara hvernig (how) og af hverju (why) spurningum auk þess að vera
hentugar til að rannsaka tilvik í rauntíma. Tilvikið getur til dæmis verið einstaklingur,
hópur, samfélag, samtök, aðstæður eða afmarkað samhengi (Yin, 2009, bls. 4-‐5; þýtt af
höfundi). Ætlunin með þessari rannsókn er að fá ítarlegan skilning á aðlögun og notkun
BREEAM á Íslandi. Rökstuðningur fyrir því að tilviksrannsókn var valin sem rannsóknarsnið
byggir á eftirfarandi þremur atriðum.
Í fyrsta lagi þá ræðst val á rannsóknaraðferð yfirleitt af þeim rannsóknarspurningum
sem lagðar eru til grundvallar fyrirhugaðri rannsókn samkvæmt Yin (2009).
Tilviksrannsókn er viðeigandi í þessu tilfelli vegna þess að rannsóknarspurningarnar leitast
við að útskýra aðstæður í rauntíma, þ.e. aðlögun BREEAM að íslenskum byggingariðnaði.
Í öðru lagi vildi Yin (2009) meina að tilviksrannsóknir kæmu að góðum notum þegar
lítið hefur verið skrifað um rannsóknarefnið, sem er einmitt tilfellið hvað varðar
aðgengilegar upplýsingar um notkun BREEAM á Íslandi. Tiltölulega stutt er síðan notkun
BREEAM hófst hér á landi og fáir hafa komið að aðlögun kerfisins enn sem komið er. Fáar
48
rannsóknir hafa verið framkvæmdar og önnur gögn sem tengjast notkun BREEAM
hérlendis eru ekki mjög aðgengileg. Þar sem innleiðing BREEAM hér á landi hefur fyrst og
fremst verið í höndum sérfræðinga innan ákveðinna fyrirtækja er einna helst að finna
gögn og þekkingu hjá þessum fyrirtækjum. Í slíku tilfelli getur tilviksrannsókn komið að
góðum notum til þess að fá aðgang að upplýsingum og öðlast þar með dýpri skilning á
viðfangsefninu.
Í þriðja lagi þá er tilgangur rannsóknarinnar ekki einungis að kanna tæknilegu eiginleika
BREEAM heldur einnig að skoða hvernig BREEAM virkar sem hjálpartæki við
ákvarðanatökur og hvaða félagslegu áhrif kerfið hefur á þá sem koma að BREEAM
vottuðum byggingum. Sjónarmiðum þeirra sem nota kerfið hefur ekki verið gefinn mikill
gaumur hingað til og þykir oft og tíðum vanta í rannsóknir sem snúa að BREEAM (Cole,
2005. Samkvæmt Yin (2009) er einn af kostum tilviksrannsókna sá að með notkun þeirra
er hægt beina sjónum að ákveðnum ferlum og skilningi. Þannig getur tilviksrannsókn
hjálpað til við skoða BREEAM sem félagslegt kerfi.
5.1 Viðtöl Viðtöl eru gagnleg þegar ætlunin er að fá innsýn í ákveðið viðfangsefni, sér í lagi ef lítið
hefur verið skrifað um tiltekið rannsóknarefni. Samkvæmt Berg (2009) má skilgreina viðtöl
sem samtöl sem fela í sér ákveðinn tilgang. Tilgangurinn er vanalega sá að safna
upplýsingum og oft og tíðum að gefa fólki rödd um ákveðin málefni. Til þess að fá sem
bestan skilning á reynslu fólks af notkun BREEAM hér á landi voru framkvæmd hálfstöðluð
viðtöl við fimm aðila sem starfa innan byggingariðnaðarins á Íslandi. Viðmælendur hafa
allir komið að BREEAM vottuðum verkefnum með ólíkum hætti, ýmist sem hönnuðir,
BREEAM matsmenn, ráðgjafar, umsjónarmenn hönnunarhópa, hafa séð um að safna
sönnunargögnum og fleira. Með viðtölum gefst skilningur á mati og reynslu fagfólks á
BREEAM hér á landi, hvaða áhrif kerfið hefur á fólk sem vinnur að BREEAM vottun og hvað
viðmælendur hafa lært af því að taka þátt í BREEAM vottuðum verkefnum. Eins varpa þau
ljósi á helstu hindranir og hvata varðandi notkun kerfisins á Íslandi, sem gefur
vísbendingar um það hvernig kerfið hentar íslenskum aðstæðum og hvort aðlaga þurfi
það betur.
Berg skilgreinir hálfstöðluð viðtöl á eftirfarandi hátt: „viðtöl sem byggjast á fyrirfram
ákveðnum spurningum og efnisatriðum um ákveðið viðfangsefni. Rannsakandi spyr
49
viðmælanda spurninganna á skipulegan hátt og í ákveðinni röð, en spyrjandi hefur frelsi
til þess að fara út fyrir efnið og móta spurningar í ferlinu.“ 2 Viðtalsáætlun sem leyfir
ákveðið svigrúm hentar þessari rannsókn vel þar sem rannsakandi tekur viðtöl við fólk
með ólíkan bakgrunn frá mismunandi fyrirtækjum og því geta ný sjónarmið komið upp í
hverju viðtali fyrir sig. Hálfstaðlað viðtalsform gerir rannsakanda kleift að nálgast
viðfangsefnið frá sjónarhóli viðfangsefnisins (Berg, 2009). Þar sem ætlun rannsóknarinnar
er meðal annars að varpa ljósi á reynslu fagaðila af notkun BREEAM er mikilvægt að
rannsakandi hafi svigrúm til að breyta og þróa ákveðnar spurningar í samræmi við
þekkingu viðmælenda.
Í viðtölunum er notast við opnar spurningar. Samkvæmt Berg (2009) henta opnar
spurningar vel þegar viðmælendur eru sérfræðingar á ákveðnu sviði því slíkar spurningar
gefa viðmælendum kost á að miðla þekkingu sinni á ítarlegan hátt. Spurningarnar voru
hannaðar út frá ákveðnum þemum sem tengjast rannsóknarefninu, líkt og Berg (2009)
leggur til. Byrjað var á því að lista upp ákveðin atriði sem hafa þýðingu fyrir
rannsóknarefnið, sem síðan urðu að þemum sem ákvörðuðu spurningarnar. Hver
spurning heyrir undir ákveðið þema og rannsakandi reynir þannig að ná fram skoðunum
viðmælenda á hverju þema fyrir sig. Viðtalsrammann sem lagður var fyrir viðmælendur
má finna í viðauka A.
5.2 Framkvæmd rannsóknar Í þessum kafla er farið yfir framkvæmd rannsóknarinnar, markmið hennar, áreiðanleika
gagna, val á viðmælendum, framkvæmd viðtala og greiningu gagna.
5.2.1 Markmið rannsóknar Í inngangi rannsóknar er gerð ítarleg grein fyrir markmiðum rannsóknar og
rannsóknarspurningum. Hér verða meginmarkmið rannsóknarinnar aðeins endurtekin á
2 Orðréttur frumtexti: This types of interview involves the implementation of a number of predetermined
questions and special topics. These questions are typically asked of each interviewee in a systematic and
consistent order, but the interviewers are allowed freedom to digress; that is, the interviewers are
permitted to probe far beyond the answers to their prepared standardized questions. (Berg, 2009, bls. 107;
þýtt af höfundi)
50
hnitmiðaðan hátt til ítrekunar. Markmið rannsóknarinnar er tvíþætt. Annars vegar að
útskýra uppbyggingu og eiginleika vistvottunarkerfisins BREEAM. Hins vegar að varpa ljósi
á aðlögun og notkun kerfisins á Íslandi, sem er gert með því að framkvæma
tilviksrannsókn á íslenskum byggingariðnaði. Rannsóknin skiptist í fræðilega umfjöllun og
tilviksrannsókn.
5.2.2 Áreiðanleiki gagna Til þessa að tryggja áreiðanleika tilviksrannsókna er þess krafist að gagnaöflun sé byggð á
að minnsta kosti þremur gerðum af gögnum, svo koma megi í veg fyrir mögulega
hlutdrægni og skekkjur sem geta hlotist af einhæfri gagnanotkun (Yin, 2009).
Gagnaöflunin fyrir þessa rannsókn byggir á eftirfarandi gögnum: heimildum frá BRE
Global Ltd. sem eiga og reka BREEAM, erlendum rannsóknum á kerfinu, gögnum sem til
eru um BREEAM á Íslandi og hálfstöðluðum viðtölum við fagaðila sem komið hafa að
BREEAM vottuðum byggingum á Íslandi. Gögnin nýttust til sannprófunar að því leyti að
þau studdu hver við önnur að hluta til. Að því leyti nýttust gögnin til að draga fram reynslu
og sýn ólíkra aðila á BREEAM.
5.2.3 Val á viðmælendum Við val á viðmælendum var horft til þess að þeir hefðu komið að BREEAM vottuðum
verkefnum hér á landi með ólíkum hætti og á vegum mismunandi fyrirtækja til þess að
gefa sem breiðasta mynd af innleiðingu BREEAM hér á landi. Einnig var leitast við að hafa
uppi á viðmælendum sem hefðu komið að nýlegum BREEAM vottuðum verkefnum og
verkefnum sem væru í vinnslu. BREEAM er í stöðugri þróun og því þótti mikilvægt að fá
viðmælendur sem hafa komið að nýlegum verkefnum til þess að reyna að koma í veg fyrir
að upplýsingar væru úreltar. Helga Jóhanna Bjarnadóttir sviðsstjóri umhverfissviðs EFLU
Verkfræðistofu og BREEAM matsmaður, annar leiðbeinandinn í þessari rannsókn, kom
með góðar ábendingar um ákjósanlega viðmælendur fyrir rannsóknina. Helga Jóhanna
hefur komið að aðlögun BREEAM hér á landi, hún kom einnig að stofnun Vistbyggðarráðs
Íslands og hefur gegnt stjórnarformennsku þar, og þekkir því vel til þessara mála.
Haft var samband við viðmælendur með tölvupósti þar sem rannsóknin var útskýrð og
formleg beiðni um þátttöku var borin upp. Gert var grein fyrir uppbyggingu
rannsóknarinnar, framkvæmd hennar og tilgangi. Skemmst er frá því að segja að allir sem
51
haft var samband við voru jákvæðir í garð rannsóknarinnar, töldu málefnið þarft og
samþykktu þátttöku án nokkurra málalenginga. Tekin voru viðtöl við fimm aðila frá fimm
fyrirtækjum og stofnunum sem eiga það sameiginlegt að hafa unnið að BREEAM
vottuðum verkefnum á Íslandi undanfarin ár. Fyrirtækin og stofnanirnar eru: A2F
arkitektar, Framkvæmdasýsla ríkisins, LNS Saga verktakafyrirtæki, Verkhönnun rafmagns-‐
verkfræðistofa og Verkís verkfræðistofa. Þá ber að geta þess að formlegt samþykki fékkst
frá öllum viðmælendum um að koma fram undir nafni við úrvinnslu viðtalsgagna.
Viðmælendur í rannsókninni eru eftirtaldir aðilar:
Aðalheiður Atladóttir: Arkitekt og einn af eigendum arkitektastofunnar A2F Arkitektar.
Hún hefur séð um fullnaðarhönnun á einu BREEAM vottuðu verkefni, en einnig komið að
öðrum hliðum vottaðra verkefna hér á landi, svo sem eftirliti, öryggismálum og bókhaldi.
Elín Vignisdóttir: Landfræðingur og BREEAM matsmaður síðan 2010. Hún lagði áherslu á
umhverfisstjórnun í meistaranáminu í landfræði og starfar hjá Verkís verkfræðistofu. Elín
hefur komið að þremur BREEAM vottuðum verkefnum hér á landi, sem og verkefnum í
Noregi.
Kristín Ósk Þórðardóttir: Rafmagnsverkfræðingur og BREEAM matsmaður síðan 2012.
Hún er einn af eigendum rafmagnsverkfræðistofunnar Verkhönnunar. Kristín hefur
sérþekkingu á orkusparandi sérlausnum vegna rafmagns-‐ og lýsingarbúnaðar. Hún hefur
komið að fimm BREEAM vottuðum verkefnum hér á landi.
Örn Erlendsson: Umhverfis-‐ og byggingarverkfræðingur. Áherslusvið hans í námi var
vistvæn hönnun og kerfi. Örn starfar sem verkefnastjóri hjá Framkvæmdasýslu ríkisins og
hefur komið að fimm BREEAM vottuðum verkefnum hérlendis á vegum
Framkvæmdasýslunnar. Verkefni hans hjá Framkvæmdasýslunni eru meðal annars
samskipti og ráðgjöf til verktaka og hönnuði, gerð verklýsinga með hliðsjón af BREEAM og
að rýna vistvænar áherslur í verkefnum með tilliti til BREEAM.
52
Sólveig Björk Ingimarsdóttir: Byggingarverkfræðingur sem starfar sem umsjónarmaður
BREEAM skráninga fyrir Sjúkrahótelið við Landspítalann Hringbraut hjá
verktakafyrirtækinu LNS Saga. Sjúkrahótelið er fyrsta BREEAM verkefni Sólveigar.
5.2.4 Viðtöl Viðtölin sem rannsóknin byggir á voru tekin á tímabilinu 31. ágúst 2016 til 19. september
2016 af rannsakanda. Hvert viðtal tók á bilinu 30 til 60 mínútur. Heildartímalengd viðtala
er um þrír klukkutímar og tuttugu mínútur. Viðtölin fóru öll fram í þeim fyrirtækjum sem
viðmælendur reka/starfa í, að einu frátöldu sem fór fram skriflega í gegnum tölvupóst.
Viðtölin fóru fram í fundarherbergjum hjá hverju fyrirtæki og var næði því mjög gott
meðan á viðtölum stóð og gott flæði myndaðist í samræðum. Viðmælendur voru
samvinnuþýðir, sýndu efninu athygli og áhuga, og svöruðu öllum spurningum sem lagðar
voru fyrir þá samviskusamlega. Ef hik kom á viðmælendur varðandi ákveðnar spurningar,
eða ef eitthvað var óskýrt, reyndi rannsakandi að leiða viðmælanda áfram með nánari
útskýringum. Þess var þó gætt að halda öllum spurningum opnum. Rannsakandi hafði
engin persónuleg tengsl við viðmælendur og hafði ekki hitt neinn viðmælenda áður.
Viðtölin voru hljóðrituð á síma, að frátöldu því sem fór fram skriflega í gegnum tölvupóst.
Einnig tók rannsakandi niður vettvangsnótur í hverju viðtali, þar sem skráð voru niður
aðalatriði, atriði sem komu á óvart og stikkorð. Að lokum voru viðtölin afrituð frá orði til
orðs. Afrituð viðtalsgögn voru í heildina 92 blaðsíður.
5.3 Greining gagna Við greiningu gagna var notast við eigindlega innihaldsgreiningu (e. qualitative content
analysis). Eigindleg innihaldsgreining er aðferð innan félagsvísinda sem notuð er til að
greina innihald eigindlegra gagna á kerfisbundinn hátt. Oft eru þetta gögn sem byggja á
samskiptum (Berg, 2009). Eigindleg innihaldsgreining felur í sér markvissa greiningu á
rannsóknargögnum sem miðar að því að bera kennsl á þemu, skekkjur og merkingu gagna
(Berg, 2004). Að greina rannsóknargögn með þessu hætti auðveldar lesanda að meta
gögnin, eykur áreiðanleika og réttmæti gagna, og hjálpar rannsakanda að setja fram
sannfærandi röksemdir byggðar á gögnunum (Berg, 2009). Með þessum hætti bar
rannsakandi kennsl á þau meginþemu sem lesa má úr þeim viðtalsgögnum sem liggja til
grundvallar þessari rannsókn og gerð er nánari grein fyrir í 6. kafla.
53
6 Niðurstöður
Í niðurstöðunum er gerð grein fyrir tólf meginþemum sem komu fram við greiningu
viðtalsgagna, en þau tengjast því hvernig viðtalsramminn var byggður upp. Leitast er við
að greina sameiginleg þemu í viðtölunum, atriði sem viðmælendur voru almennt sammála
um og eins þá þætti sem viðmælendur voru ekki sammála um, þ.e. atriði sem stungu í
stúf eða komu á óvart. Greiningin er studd með beinum tilvitnunum úr viðtölum sem
þykja lýsa hverju þema fyrir sig. Þemun eru: Persónuleg reynsla af BREEAM, hvatar fyrir
aðlögun BREEAM á Íslandi, hindranir fyrir aðlögun BREEAM á Íslandi, hönnun og
ákvarðanataka, félagsleg áhrif BREEAM, vottun, fræðsla og miðlun, þverfræðilegt samtal,
umhverfisáhrifaflokkar og tæknileg atriði, virði BREEAM, íslensk útgáfa af BREEAM og
umbætur og frekari aðlögun BREEAM að íslenskum aðstæðum.
6.1 Persónuleg reynsla af BREEAM Viðmælendurnir fimm eiga það sameiginlegt að hafa komið að BREEAM vottuðum
verkefnum á Íslandi. Aðkoma þeirra hefur þó verið ólík og reynsla þeirra er mismikil.
Viðmælendur hafa ýmist komið að verkefnum sem hönnuðir, matsmenn, ráðgjafar eða
að þeir hafi sinnt verkefnum á borð við gerð verklýsinga, rýnt vistvænar áherslur með tilliti
til BREEAM krafna við upphaf verkefna, haldið utan um sönnunargögn og leitt
hönnunarhópa í BREEAM vottunarferli. Reynsla þeirra af BREEAM vottuðum verkefnum
spannar frá einu ári upp í fjögur til fimm ár hér á landi. Alls hafa viðmælendur
rannsóknarinnar komið að tíu BREEAM vottuðum byggingum hérlendis og einnig
nokkrum vottuðum byggingum í Noregi og Svíþjóð. Byggingarnar sem viðmælendur hafa
komið að hér á landi eru eftirfarandi: Dalskóli í Úlfarsárdal, Fangelsið á Hólmsheiði,
Framhaldsskólinn í Mosfellsbæ, Hakið á Þingvöllum, Hús Náttúrufræðistofnunar Íslands,
Snæfellsstofa Vatnajökulsþjóðgarði, Sjúkrahótelið við Hringbraut, Veröld hús Vigdísar,
Sundhöll Reykjavíkur (viðbygging) og Urriðaholtsskóli.
Viðmælendurnir fimm voru almennt jákvæðir í garð BREEAM. Í öllum fimm viðtölunum
kom fram að þeir væri hlynntir notkun vistvottunarkerfa fyrir byggingar og að slík
aðferðafræði væri þörf nú til dags til að stuðla að aukinni sjálfbærni í byggingariðnaðinum.
Hvað BREEAM varðar kom þó fram hjá flestum viðmælendum að innleiðing kerfisins væri
enn á byrjunarstigi hér á landi og það reynist mörgum þungt í vöfum ennþá. Samkvæmt
Elínu er mjög misjafnt hversu auðvelt er að fá fagfólk til að tileinka sér þær kröfur sem
54
settar eru fram í BREEAM, margir halda ennþá að þeir komist létt í gegnum það ferli sem
BREEAM vottun er. Það vantar upp á leiðbeiningar með að mati Elínar, það er einnig mjög
mikilvægt að matsmaður komi inn á hönnunarfundi snemma í ferlinu:
Það þarf að hamra á því sem matsmaður að fólk skoði BREEAM kröfurnar í
upphafi og fylgi þeim eftir í ferlinu. [Það] kemur oft í ljós þegar að verið er
að búa til sönnunargögnin að það var bara verið að nota mælikvarða sem
fólk er vant að nota, ekki BREEAM mælikvarðana. (Elín Vignisdóttir,
landfræðingur)
Þær Aðalheiður og Kristín Ósk hafa svipaða upplifun af viðmóti og innleiðingu kerfisins
hér á landi. Aðalheiður nefnir að það hafi komið sér á óvart hversu mikil skriffinnska fylgir
BREEAM vottun. Þar af leiðandi hafi þetta krafist mikillar aukavinnu í fyrsta verkefninu.
Þó hafi hún lært heilmikið af ferlinu og væri til í að taka slíkt verkefni að sér aftur.
Kristín Ósk talar um að BREEAM kröfurnar geti verið mjög flóknar og lítill sveigjanleiki
sé í boði. Það geti því tekið tíma að finna út úr því hvernig eigi að framkvæma hlutina
samkvæmt þessum kröfum sem getur leitt til neikvæðni á meðal þeirra sem taka þátt í
BREEAM vottunarferli:
Það er stundum svolítil neikvæðni í bransanum. Maður þarf að pressa á
þátttakendur og vera jákvæður. Sem hönnuður geturðu orðið neikvæður
af því að þetta er mikil skriffinnska og tekur þar af leiðandi mikinn tíma og
þú þarft að setja þig vel inn í þetta. (Kristín Ósk, verkfræðingur)
Af ummælum Aðalheiðar og Kristínar má ráða að BREEAM kerfið geti reynst flókið í
notkun til að byrja með og að innleiðing kerfisins hér á landi sé ennþá í þróun. Svo virðist
sem skriffinnskan sem fylgir kerfinu sé helsti tímaþjófurinn við notkun þess og að
kröfurnar mættu vera einfaldari og skýrari, og það vanti upp á betri leiðbeiningar. Aftur á
móti töluðu viðmælendur flestir um að þrátt fyrir ákveðna tregðu gagnvart kerfinu eins
55
og staðan er núna verði þetta auðveldara með hverju verkefninu. Þeir sem hafa tekið þátt
í einu BREEAM vottuðu verkefni eiga mun auðveldara með næsta verkefni. Þetta á bæði
við um hönnunarteymi og verktaka.
6.2 Hvatar fyrir aðlögun BREEAM á Íslandi Þegar fjallað er um hvata fyrir innleiðingu BREEAM á Íslandi, í þessari rannsókn, er átt við
BREEAM kröfur og tækniatriði sem hefur reynst auðvelt að útfæra hérlendis, sem og
annað í íslenskum byggingariðnaði sem hefur reynst hvetjandi við innleiðingu og notkun
BREEAM. Þegar viðmælendur eru spurðir út í helstu hvatana að baki því að fyrirtæki
sækist eftir BREEAM vottun á Íslandi nefndu allir viðmælendur ímynd fyrirtækja og
umhverfismál sem veigamikla áhrifaþætti. Byggingariðnaðurinn sé að menga mjög mikið
og því sé mikilvægt að grípa til aðgerða. Viðmælendur voru almennt sammála um að
ímyndin skipti máli og að sá stimpill sem BREEAM vottuð bygging fær virki jákvæður út á
við fyrir fyrirtæki og sýni að fyrirtækið leggi áherslu á samfélagsábyrgð:
Þó þú getir hannað byggingu sem er ekki vottuð en uppfyllir jafn mikið og
BREEAM vottuð bygging, þá ertu samt ekki með þennan stimpil og þessa
auglýsingu sem hvetur fólk til að kynna sér þetta og hvetur fleiri til að vinna
eftir þessu. (Aðalheiður Atladóttir, arkitekt)
Sólveig tekur undir sjónarmið Aðalheiðar. Hún nefnir þá miklu umhverfisvakningu sem sé
í gangi og vill meina að notkun vottunarkerfa sé góður undirbúningur fyrir það sem koma
skal í byggingaiðnaðinum. Hún segir það líta vel út fyrir fyrirtækið ef byggingin sem það
er að vinna að fái háa einkunn í BREEAM:
Þá náttúrulega sýnir það að við erum umhverfisvæn og erum að leggja
okkur fram í þessum málum. (Sólveig Björk, verkfræðingur)
Önnur atriði voru einnig nefnd sem hvatar fyrir BREEAM vottun. Kristín Ósk nefnir til
dæmis eftirspurn á markaði. Hún hafi fengið fyrirspurnir frá ýmsum heildsölum sem eru
að spyrja út í vottanir á vörum. Heildsölurnar vilji selja vottaðar vörur til þess að vera
56
leiðandi á markaði varðandi umhverfisstefnu. Það sé því greinilega einhver vitundar-‐
vakning í gangi. Menn bakki oft út þegar farið er að ræða um tölur og kostnað.
Örn dregur svo ofangreinda þætti saman og gott betur með eftirfarandi upptalningu á
helstu hvötunum sem liggja að baki því að fá umhverfisvottun á mannvirki hér á landi:
Helsti hvatinn fyrir því að fá BREEAM vottun eða annars konar
umhverfisvottun á mannvirki á íslenskum byggingarmarkaði er að stuðla að
endingarbetra húsnæði, minnka vistfræðilegt spor byggingargeirans og
stuðla að nýsköpun og framþróun. BREEAM hjálpar til við að ná fram
markmiðum um menningar-‐ og hönnunarstefnu í mannvirkjagerð og
stuðlar að sjálfbærri þróun, velferð til framtíðar og betra umhverfi fyrir
notendur bygginga. (Örn Erlendsson, verkfræðingur)
Þegar kemur að umhverfisáhrifaflokkum BREEAM eiga Íslendingar mis auðvelt með að
uppfylla kröfusetningarnar undir hverjum flokki fyrir sig að mati viðmælenda. Þar hafa
staðsetning landsins, íslenskar aðstæður og aðferðir töluvert að segja.
Þegar viðmælendur voru inntir eftir því hvað hafi reynst auðvelt/hvetjandi við útfærslu
BREEAM krafnanna hér á landi var einn umhverfisáhrifaflokkur sem skar sig áberandi úr í
svörum meirihluta viðmælenda, það er flokkurinn heilsa og vellíðan. Það er margt í þeim
umhverfisáhrifaflokki sem auðvelt er að ná hér á Íslandi, þetta eru þættir á borð við
heilnæmt loft, hitavist og dagsbirtu:
Við fáum alltaf öll stig frekar auðveldlega í flokknum heilsa og vellíðan, þar
erum við að skora hátt. Loftgæði, dagsbirta, lýsing og hljóð. Við erum að
byggja góðar byggingar á Íslandi hvað þetta varðar. (Kristín Ósk,
verkfræðingur)
Elín nefnir að það sé einnig margt sem krafist er í BREEAM sem er nú þegar komið inn í
íslensku byggingarreglugerðina, sem sýnir að á sumum sviðum er staðan góð og því
57
auðvelt að uppfylla þær kröfur. Örn kemur inn á sérstöðu Íslands hvað varðar kröfur sem
settar eru fram í BREEAM, t.d. varðandi ódýra orku og gott aðgengi að vatni.
Nokkrir viðmælenda höfðu orð á því hversu viljugt fólk væri til að hjálpa hvert öðru
hvað varðar innleiðingu BREEAM á Íslandi. Það eru allir í þessu saman, þvert á fyrirtæki
og stofnanir. Þeir sem hafa tekið þátt í vottunarferlum eru duglegir að miðla sinni
þekkingu áfram og auðvelt er að sækja aðstoð ef þess þarf. Það er ekki samkeppni ríkjandi
í þessum skilningi. Eins nefndi Elín að hún skynjaði meiri jákvæðni hjá verktökum gagnvart
umhverfisstjórnun á verkstað en var áður. Þó þeir geti bætt sig eru málin að þróast í rétta
átt. Þessir þættir geta talist til félagslegs hvata.
Í BREEAM er orka sá umhverfisáhrifaflokkur sem fær mesta vægið. Flestir gætu haldið
að Íslendingar ættu auðvelt með að skora hátt þar, með alla þá endurnýjanlegu orku sem
í boði er. Það er þó ekki alveg svo einfalt. Stigin fyrir það hvaðan orkan kemur eru
auðfengin á Íslandi samkvæmt viðmælendum, nánast gefins. Sem getur vissulega talist til
hvata. Þau stig hafa hins vegar svo lítið vægi í orkuflokknum, þetta snýr meira að orkunýtni
byggingarinnar, þ.e. hvernig húsið er að nýta orkuna. Þar eiga Íslendingar langt í land
samkvæmt viðmælendum þessarar rannsóknar. Það verður komið nánar inn á það í kafla
6.3 um hindranir.
6.3 Hindranir fyrir aðlögun BREEAM á Íslandi Þegar talað er um hindranir fyrir innleiðingu BREEAM á Íslandi, í þessari rannsókn, er átt
við þær BREEAM kröfur og tækniatriði sem hefur reynst erfitt að útfæra og skora hátt á
vegna ákveðinna aðstæðna-‐ og/eða umhverfisþátta hér á landi. Viðmælendur gátu allir
nefnt slíkar hindranir án vandræða og áttu í flestum tilvikum auðveldara með að nefna
hindranir en hvata, sem gefur vísbendingu um að ýmsa þætti í BREEAM kröfunum þurfi
að aðlaga betur að íslenskum aðstæðum. Greina má ákveðnar meginhindranir sem komið
hafa upp við innleiðingu BREEAM hér á landi samkvæmt svörum viðmælenda.
Viðmælendur voru nokkuð samhljóma hvað helstu hindranir varðar. Hindranirnar sem
viðmælendur nefna virðast að mestu leyti heimfærast á ákveðnar aðstæður (umhverfi)
eða aðferðir í íslenskum byggingariðnaði sem erfitt er að samræma BREEAM kröfunum.
Viðmælendur lögðu áherslu á einn umhverfisáhrifaflokk BREEAM umfram aðra, sem
reynst hefur erfitt að uppfylla hér á landi. Það er flokkurinn byggingarefni. Að auki voru
umhverfisáhrifaflokkarnir orka, samgöngur, landnotkun og vistfræði títt nefndir í þessu
58
samhengi. Allir fimm viðmælendurnir voru sammála um að við ættum erfiðast með
byggingarefnin hér á landi. Að baki því liggja ýmsar ástæður samkvæmt viðmælendum.
Örn nefnir staðsetningu Íslands og mikla notkun á steinsteypu og steinull meðal
ástæðna fyrir því að erfiðlega gengur að uppfylla kröfur sem settar eru fram um notkun
byggingarefna í BREEAM:
Staðsetning Íslands með tilliti til erlendra birgja getur virkað sem hindrun
ef sækja á byggingarefni út fyrir landsteinana, en BREEAM gerir kröfu um
það að horft sé til þess hvaðan byggingarefni koma. Eins er gerð krafa á
umhverfisstjórnunarkerfi og vottanir ýmissa byggingarefna. Eitthvað sem
hefur verið að ryðja sér til rúms smám saman á íslenskum
byggingarmarkaði. Þó eru mörg íslensk fyrirtæki sem ekki hafa vottað
umhverfisstjórnunarkerfi, eins og t.d. steypustöðvarnar (Örn Erlendsson,
verkfræðingur).
Örn kemur einnig inn á að mikil áhersla sé lögð á orku-‐ og vatnssparandi aðgerðir í
BREEAM, sem eru þættir sem ekki hefur verið lögð mikil áhersla á við hönnun bygginga á
Íslandi fram til þessa. Því sé lítil áhersla á orkusparnað. Sem dæmi um það má nefna þá
íslensku venju að kynda rými í botn og opna svo glugga til að fá inn ferskt loft. Þó þetta
geti virkað sem ákveðin hindrun lítur Örn á þetta sem tækifæri til að taka upp nýjar og
vistvænni áherslur sem eru meira í takt við nútímann. Það þarf að huga að því að
auðlindirnar eru ekki óþrjótandi þó þær séu endurnýtanlegar að hluta. Aðalheiður tekur
undir þetta með auðlindanýtinguna, það vantar meiri meðvitund um sparnað þar. Til
dæmis sé jarðvarmi ekki eins endurnýjanlegur og vatnsorka í mörgum tilfellum.
Elín nefnir, varðandi byggingarefnin, að of mikið sé flutt inn af efnum og að ekki sé
reynt að sækja allt sem hægt er í flokknum byggingarefni. Hún nefnir að
vistferilsgreiningar vanti á byggingarefnin hér á landi til að ná að uppfylla almennilega
kröfurnar um byggingarefni:
Við erum náttúrulega með einhverja innlenda framleiðslu á
byggingarefnum en það sem háir okkur með að nota þau til að fá stig í
59
BREEAM er að það vantar allar vistferilsgreiningar á byggingarefnin, þ.e. að
sýna fram á umhverfisáhrif vörunnar sem þú ert með. Við þurfum að hafa
vistferilsgreiningar og geta sýnt fram á gögn sem við getum svo notað til að
staðfesta það. Til þess að getað notast við BIM kerfi „building information
system“ þarftu að hafa allar upplýsingar um byggingarefni og
vistferilsgreininar á þeim. Þetta er skammt á veg komið á Íslandi. (Elín
Vignisdóttir, landfræðingur)
Samkvæmt Elínu eru vistferilsgreiningar valfrjálsar í BREEAM. Þær séu komnar inn sem
möguleiki en það sé einnig hægt að fara auðveldari leið, en þá fást færri stig fyrir kröfuna.
Slíkar greiningar séu þó að ryðja sér til rúms á Íslandi og til dæmis sé stuðst við
vistferilsgreiningar í vottuðum verkefnum á vegum Reykjavíkurborgar. Elín vekur einnig
máls á því að flokkurinn landnotkun og vistfræði í BREEAM sé nánast alltaf hunsaður í
þeim verkefnum sem hún hefur komið að eða, tekinn inn of seint. Það sé mikilvægt að
leggja upp með það frá byrjun. Hún nefnir þó eitt verkefni þar sem vistfræðingur var
fenginn til að gera úttekt á byggingarsvæðinu áður en farið var að grafa. Hann hafi skilað
inn ítarlegri skýrslu sem reyndist hönnuðum mjög vel í ferlinu.
Þær Kristín Ósk og Sólveig Björk nefna báðar að steypunotkun við húsbyggingar á
Íslandi og framleiðsla á steypunni geri það að verkum að ekki sé hægt að skora hátt undir
flokknum byggingarefni vegna þess að steypustöðvarnar eru ekki með vottun. Steypan
þurfi að vera með upprunavottun 14001 til að skora í BREEAM. Þannig fellur krafan um
sjálfa sig. Þetta sé í raun hvati fyrir steypustöðina að sækjast eftir slíkri vottun. Það kom
einnig fram í svörum viðmælenda að hér á landi þyrfti að bæta orkunýtni húsa, þar væri
hægt að horfa til frænda okkar í Noregi, til dæmis, sem hafa þróað norska útgáfu af
BREEAM. Kristín Ósk nefnir að í Sjúkrahótelinu hafi verið farin ný leið til að reyna að skora
hærra í orkuflokknum:
Í staðinn fyrir að fara í BREEAM tékklistann þá var norskur sérfræðingur
fenginn til að setja upp módel af húsinu og reikna þannig út orkunýtni
hússins alveg frá a-‐ö, eins og þeir gera í Noregi. Þar af leiðandi vorum við
að vonast til að við gætum fengið fleiri stig en ég held að við höfum aðeins
fengið átta af fimmtán mögulegum stigum (Kristín Ósk, verkfræðingur).
60
Þær Aðalheiður og Kristín Ósk höfðu einnig báðar orð á því að sú tregða og það neikvæða
viðmót sem fyrirfinnst sums staðar innan bygginariðnaðarins gagnvart BREEAM gæti
stundum virkað sem hindrun. Það þarf að ganga á eftir upplýsingum frá sumum aðilum
og hamra á því að fylgja kröfunum í gegnum allt byggingarferlið. Það veldur töfum og
getur hindrað notkun og innleiðingu BREEAM.
6.4 Hönnun og ákvarðanataka Þegar viðmælendur voru spurðir út í það hvaða áhrif BREEAM hafi á hönnun og
ákvarðanatöku í byggingarferli eru áhrifin fyrst og fremst talin vera sú að fylgja þarf þeim
BREEAM kröfum sem ákveðið er að uppfylla í byrjun verkefnis, og útfæra hlutina í
samræmi við þær. Þetta geti krafist þess að fagaðilar þurfi að breyta verklagi og áherslum
sem þeim er tamt að nota. Í öðrum tilvikum hefur þetta minni áhrif og fellur ágætlega að
því verklagi sem fólk er vant að nota. Allir viðmælendur voru sammála um að BREEAM
kröfurnar setji ákveðnar áherslur inn í ferlið. Viðmælendur höfðu þó mismunandi sögu að
segja varðandi hvar áhrifanna gætti einna helst, sem skýrist meðal annars að því að þau
hafa komið að vottuðum verkefnum með ólíkum hætti.
Samkvæmt Aðalheiði, sem hefur séð um fullnaðarhönnun á byggingu samkvæmt
BREEAM, breyttu BREEAM kröfurnar ekki grunnhönnuninni. Hún segir að það kunni að
skýrast af því að þau sem hönnuðu bygginguna séu meðvituð um hagkvæmni og
vistvænar áherslur fyrir. Hagkvæmni og vistvæni haldist oftast í hendur, ef maður hugsar
hagkvæmt þá er það oftast vistvænt líka nefnir Aðalheiður. Þannig var margt í þeirra
hönnun sem passaði inn í BREEAM kröfurnar fyrir. Sem dæmi má taka að magn af
dagsbirtu stóðst BREEAM kröfurnar og byggingarefnin komu vel út í vistferilsgreiningum.
Þau hafi valið lerki, sem er viðhaldsfrítt og endingargott. BREEAM fái arkitekta þó
vissulega til að leiða hugann að vali á umhverfisvænum byggingarefnum í auknum mæli.
BREEAM hafi krafist ákveðinna hluta sem þau hefðu ef til vill ekki gert ráð fyrir í
hönnuninni annars. Þar má nefna ákveðinn fjölda hjólastæða, drykkjarfonta á hverri hæð
og ýmsar tæknilegar lausnir eins og orkumæla.
Kristín Ósk þarf að huga að annars konar atriðum til að verða við BREEAM kröfum í
starfi sínu sem rafmagnsverkfræðingur. Hún nefnir atriði á borð við ljósmengun, val á
lömpum og birtuútreikninga. Hún segist þurfa að vanda sig sérstaklega þegar kemur að
lampavali, það er ekki nóg að huga að ljósgjafanum sjálfum heldur þarf að huga að
61
straumfestunum líka, það má ekki suða í þeim. Eins þarf hún að reikna út birtuna alls
staðar og hafa ákveðin samskipti við arkitektinn þegar verið er að hanna rýmin. Þá þarf
hún að huga sérstaklega að því hvar hún staðsetur rafmagnstöflurnar, vera með fleiri
mæla og annað. Hún segir að samt sem áður breyti þetta hönnuninni ekki mikið í
grunninn, það séu meiri viðbrigði og aukavinna að útbúa sönnunargögnin fyrir hverja
kröfu, það sé það sem sé tímafrekt í þessu ferli.
Örn nefnir sérstaklega það þverfræðilega samtal sem BREEAM skapar í vottunarferlinu:
Kerfið dregur alla hlutaðeigandi í verkefni að borðinu mun fyrr í ferlinu
heldur en oft tíðkast. BREEAM leggur áherslu á að samráð eigi sér stað
meðal hönnuða, verkkaupa, notenda o.s.frv. Fyrir vikið er hægt að hafa
áhrif á verkið og ákvarðanir mun fyrr í verkinu. (Örn Erlendsson,
verkfræðingur)
Í tilviki Sólveigar er ekki verið að hanna byggingu heldur byggja hana. BREEAM hefur
einnig áhrif á það sem fer fram á verkstað. Samkvæmt Sólveigu felast þau áhrif fyrst og
fremst í því að verktakarnir þurfa að uppfylla kröfurnar sem hönnuðurinn setur um kaup
á réttri vöru, og svo þarf að huga að því að draga úr mengun og vera hagkvæm í ferlinu:
Eins og með vélarnar að vera ekki að nota þær of mikið. Spara orku
varðandi vélar og vatn. Verktakarnir eiga að flokka sorp, þeir eiga að
slökkva á vélum þegar þær eru ekki í notkun og slökkva á vatninu líka.
(Sólveig Björk, verkfræðingur)
Sólveig segir að margir verði hissa á þessum auknu kröfum á verkstað til að byrja með en
svo venjist þetta fljótt. Henni hafi þótt mjög lærdómsríkt að fylgjast með tölum um
orkunotkun og sorp í ferlinu, en sem dæmi má taka að Sorpa vigtar allt sorp frá þeim og
sendir tölur um hvað þau séu að henda miklu á verkstað. Hún segir þetta vera góða
hvatningu til að gera betur í þeim málum og gaman sé að sjá þegar tölur fara niður á við.
Þegar viðmælendur eru spurðir út í það hvort þeir telji BREEAM vera lausnarmiðaða
aðferð hvað varðar vandamál á hönnunar-‐ og byggingarstigi voru nokkrir sem nefndu að
eins og staðan væri í dag þá flækti kerfið stundum hlutina frekar en að auðvelda þá eða
62
leysa. En vissulega hefði það kosti líka. Aðalheiður nefnir að BREEAM eigi það til að flækja
hlutina á byrjunarstigi en það skilar sér í bættri hönnun þegar uppi er staðið. Kerfið virki
sem gæðastýring í byggingarferli. Öðrum fannst BREEAM ekki flækja hlutina. Sólveig
nefnir að sé BREEAM kröfunum komið rétt til skila af þeim sem eru að sjá um ferlið þá
telji hún kerfið hjálpa til. Það skipti öllu máli að taka þetta inn snemma í ferlinu. Séu þessi
ummæli dregin saman má segja að viðmælendur séu almennt þeirrar skoðunar að
BREEAM sé hjálplegt, þó svo að það geti reynst flókið að útfæra það.
6.5 Félagsleg áhrif BREEAM Líkt og komið hefur verið inn á í þessari ritgerð er BREEAM þannig uppbyggt að það kallar
á þverfræðilegt samtal á milli hlutaðeigandi aðila. Miðlun og útfærsla kerfisins í tilteknum
verkefnum byggir að stórum hluta á samskiptum og fundarhöldum. Það gefur því augaleið
að án samstarfs ólíkra aðila sem standa að byggingarframkvæmdum yrði lítið úr áhrifum
BREEAM. Það verður ekki framhjá því horft að kerfið felur í sér ákveðna félagslega
stýringu.
Viðmælendur voru almennt sammála um að þátttaka í BREEAM vottunarferli krefðist
meira samtals við ólíka aðila sem standa að byggingarframkvæmd, en ef ekki væri fyrir
BREEAM. Þær Elín og Kristín Ósk, sem báðar eru matsmenn, segjast almennt upplifa þessi
félagslegu samskipti jákvæð þó vissulega geti þetta verið strembið á köflum, og oft þurfi
að ýta á eftir hlutunum í slíku vottunarferli:
Þetta er oft þannig að það er hópur af ólíkum einstaklingum að koma
saman í byrjun verks og allir þurfa að hafa skoðanir og láta skoðanir sínar
mismikið í ljós. Yfirleitt hefur þetta gengið vel og fólk er tilbúið að leggja á
sig þessa vinnu en svo er yfirleitt einhver sem er neikvæður og finnur að
hlutunum. Þá reynir þetta svolítið á félagslegu tengslin og lendir á
matsmanninum að hvetja fólk. (Kristín Ósk, verkfræðingur)
Elín kemur einnig inn á að allir aðilar séu mikilvægir í þessu ferli og maður komi þessu ekki
áfram nema með samskiptum. Elín og Kristín Ósk leggja einnig báðar áherslu á mikilvægi
þess að vinna jafnt og þétt yfir allt ferlið þar sem þetta sé töluverð aukavinna sem fylgir
63
BREEAM vottun. Kristín telur það skilvirkast að skilgreina ábyrgðaraðila fyrir hverja kröfu,
sem fær svo hjálp frá öðrum sem koma að því að uppfylla þá kröfu. Elín er aftur á móti
þeirrar skoðunar að gerð sönnunargagna eigi ekki að lenda á einum aðila. Af þessum
ummælum má ætla að aukavinna vegna BREEAM dreifist ekki alltaf reglulega á milli aðila
sem taka þátt í slíku ferli.
Aðalheiður segist ekki hafa upplifað vottunarferlið öðruvísi félagslega en hefðbundið
ferli við byggingarframkvæmdir. BREEAM sé bara hluti af ferlinu. Hún nefnir þó eitt sem
hún myndi vilja bæta ef hún tæki aftur þátt í svona verkefni:
Ef ég myndi gera þetta alveg upp á nýtt þá myndi ég byrja á að skipuleggja
þetta betur, byrja á byrjunarreit. Hönnunarfundir eru eitt, en BREEAM ætti
alltaf að vera hluti af hönnunarfundi. Við tókum sér BREEAM fundi.
(Aðalheiður Atladóttir, arkitekt)
Sólveig nefnir að henni finnist almennt hafa ríkt jákvæðni í vottunarferlinu þó það séu
alltaf aðilar inn á milli sem sé alveg sama um umhverfismál. Henni finnst auðvelt að leita
sér aðstoðar þegar eitthvað er að vefjast fyrir henni og samstarfsfólki hennar varðandi
BREEAM.
6.6 Vottun Þegar viðmælendur eru spurðir út í hvaða þætti sjálfbærrar þróunar þeim hafi fundist
lögð mest áhersla á í vottunarferlinu er svörin nokkuð samhljóma. Umhverfisþátturinn
vegur þyngst í BREEAM að þeirra mati. Einn viðmælandi nefnir að sérstakt vægi sé lagt á
atriði tengd orku á Íslandi. Hagræna hlið sjálfbærrar þróunar fylgi svo fast á eftir
umhverfisþættinum. Þó tilgangur og viðmót BREEAM sé mjög umhverfislega miðað snúist
þetta í raun og veru um krónur og aura á endanum. Félagslegi þátturinn fái minnst vægi,
líkt og algengt er í umhverfismálum.
Elín nefnir að fjármunir hafi mikið að segja varðandi BREEAM vottun og hversu langt
er hægt að fara. Stundum séu þó ákvarðanir teknar út frá því sem er gott fyrir ímyndina
eða verkefnið, þannig stjórni peningar ekki alltaf för. Hún talar jafnframt um að þó að
félagslegi þátturinn fái ekki mesta vægið í vottunarferlinu megi ekki gleyma því að
64
útkoman á vottaðri byggingu er mjög félagslega miðuð. Sem dæmi má taka að allar
stýringar í vottaðri byggingu eru aðlagaðar að notendum hennar í þeim tilgangi að þeim
líði vel í byggingunni. Kristín Ósk talar einnig um að hagræna hliðin á BREEAM verkefni
geti sett umhverfislegu hliðinni skorður. Verkkaupi ætlar sér bara að setja ákveðið
fjármagn í verkefnið og hann sé þá kannski bara á bremsunni. Verkaupinn vilji gjarnan sjá
kostnaðargreiningar, hver sé munurinn á því að sækjast eftir einkunninni gott eða mjög
gott í BREEAM til dæmis. Kristín segir að slíkar kostnaðargreiningar séu ekki til hér á landi
eins og er, það verði bara að miða við reynslutölur úr öðrum svipuðum verkefnum
hérlendis.
6.6.1 Hlutverk matsmannsins
Það virðist ekki ríkja mikill efi hjá viðmælendum um mikilvægi matsmannsins í BREEAM
vottunarferli. Það mátti greina mjög jákvætt viðhorf í garð matsmannsins hjá þeim
viðmælendum sem ekki starfa sem matsmenn:
Hlutverk matsaðila er gífurlega mikilvægt í ferlinu. Matsaðilinn hefur besta
yfirsýn yfir BREEAM ferlið og er sá aðili sem hefur samskipti beint við BRE
og leiðbeinir ráðgjöfum um útfærslu sönnunargagna. (Örn Erlendsson,
verkfræðingur)
Viðmælendur voru almennt sammála um að þeir matsmenn sem þau höfðu starfað með
væru mjög hjálplegir og duglegir að miðla þekkingu sinni á BREEAM áfram til þátttakenda
í vottunarferli. Verkefnateymi hafi fengið þá aðstoð sem þurfti og kallað var eftir í
vottunarferlinu. BREEAM leiðarvísirinn sé mikill doðrantur og það hafi komið sér vel að
hafa matsmann til að hjálpa til við að leysa kröfurnar.
Matsmennirnir tveir sem rætt var við í þessari rannsókn, þær Elín og Kristín Ósk, lýstu
hlutverki matsmannsins sem samræmingaraðila í ferlinu. Þeir þurfi einnig að passa vel
upp á eftirlit í ferlinu, að það sé verið að fylgja BREEAM kröfunum. Það sé mjög misjafnt
hversu mikið þarf að hjálpa verkefnateymum. Þeir sem hafa farið í gegnum BREEAM
vottun einu sinni eigi yfirleitt frekar auðvelt með þetta og séu duglegir að miðla þekkingu
sinni. Öðrum þurfi að hjálpa mikið. Samkvæmt Elínu er mesta vinnan að taka saman öll
gögnin í lokinn, gera matsskýrsluna og sýna fram á að byggingin hafi verið byggð
65
samkvæmt BREEAM kröfunum. Kristín nefnir að matsmenn geti líka verið í vandræðum
með ákveðna umhverfisáhrifaflokka, hún nefnir sérstaklega byggingarefnin, en þá sé
alltaf auðvelt að leita til annarra sem hafi meiri þekkingu á málaflokknum.
6.7 Fræðsla og miðlun Af svörum viðmælenda að dæma er þátttaka í BREEAM vottun ákveðið lærdómsferli. Hér
verður reynt að varpa ljósi á það hvers konar þekkingu og tækni er miðlað til þeirra sem
taka þátt að mati viðmælenda og hvað viðmælendur telja sig hafa lært af þátttöku í slíku
ferli.
Starfsfólk Framkvæmdasýslu ríkisins eru umsjónaraðilar allra BREEAM vottaðra
bygginga á vegum hins opinbera og gegna þar að auki ákveðnu hlutverki hvað varðar
fræðslu og miðlun upplýsinga um BREEAM. Örn kemur inn á að reglulega í BREEAM ferlinu
séu haldnar kynningar á þeirra vegum til þess að miðla áherslum og aðferðafræði BREEAM
kerfisins til allra sem aðild eiga að verkefninu s.s. verkkaupa, hönnuða, eftirlitsaðila og
fleiri. Sérfræðingar FSR (Framkvæmdasýslu ríkisins) sjá oftast um þessar kynningar en fá
einnig stundum til sín utanaðkomandi sérfræðinga til að halda kynningar, svo sem
matsaðila. Sólveig Björk nefndi að hún hafi farið á slíka kynningu hjá FSR þegar vinna við
Sjúkrahótelið hófst og það hafi jafnframt verið hennar fyrstu kynni af BREEAM.
Aðalheiður nefnir að henni hafi þótt lögð einna mest áhersla á val á efnum í
vottunarferlinu og að láta þátttakendur spá ítarlega í það. Þætti á borð við framleiðslu,
endingu, viðhald og styrkleika efna. Hún hafi lært ýmislegt í þessu ferli, til þess hafi
leikurinn einmitt verið gerður.
Þær Elín og Kristín Ósk nefna báðar að þátttaka í BREEAM vottunum hafi aukið skilning
þeirra á öðrum þáttum byggingarframkvæmda en sem snúi að þeirra sérsviði, sem dýpki
skilning á heildarferlinu.
Sólveig Björk talar um að hún hafi lært margt nýtt í vottunarferlinu, þó vinnan við
Sjúkrahótelið sé rétt um hálfnuð þegar viðtalið er tekið. Hún nefnir sérstaklega að það sé
búið að vera lærdómsríkt að reikna og áætla orkunotkun á byggingartímanum, og fylgjast
með orkunotkuninni í kjölfarið. Þessir útreikningar eru hluti af kröfum úr orkukaflanum
og hafi staðist nokkuð vel hingað til hjá þeim.
66
Viðmælendur voru allir þeirrar skoðunar að sérfræðiþekking sem þau hafa í grunninn
hafi hjálpað þeim í BREEAM ferlinu, við að útfæra og leysa þær kröfur sem settar eru fram.
Menntunin hafi meðal annars hjálpað til við að hugsa rökrétt og í lausnum. Elín segir
landfræðina þverfræðilegt nám og hún sé því vön að vinna þvert á svið. Nám í
umhverfisstjórnun hafi hjálpað henni mikið þar sem BREEAM sé í raun umhverfisstjórnun
á byggingu. Kristín Ósk segir að góður grunnur hjálpi vissulega til en það geti samt sem
áður reynst erfitt að skilja kröfurnar sem settar eru fram í BREEAM. Það sé auðvelt að
misskilja kröfu og gera hana vitlausa. Þá þurfi að senda fyrirspurn út til þess að fá skýrari
leiðbeiningar.
6.8 Þverfræðilegt samtal Þegar viðmælendur eru spurðir út í það þverfræðilega samtal sem BREEAM er ætlað að
ýta undir eru allir viðmælendurnir sammála um að BREEAM auki samtal milli fagaðila sem
koma að vottaðri byggingu á einhverjum stigum verkefnis. Það lýsi sér fyrst og fremst í
fundarhöldum, hópvinnu og því að mismunandi aðilar þurfa að tala saman mun fyrr í
ferlinu en tíðkast:
Ég held að oft á tíðum þurfi þeir sem koma að verkefninu að tala saman fyrr
í ferlinu. Þetta ýtir þeim svolítið í það. Alls konar aðilar þurfa að koma fyrr
að borðinu. (Elín Vignisdóttir, landfræðingur)
Aðalheiður segir kerfið auka allt samtal:
Ég held að BREEAM skili meiri skilningi á milli fagaðila því þú ert neyddur til
þess að skoða hjá öðrum. Þetta skarast allt, vinna hönnuða, verktaka og
eftirlitsaðila. (Aðalheiður Atladóttir, arkitekt)
Kristín Ósk nefnir sérstaklega samvinnu á hönnunartímanum með öllum hópnum, það sé
lögð mikil vinna í það. Þar sé verið að miðla þekkingu til allra og allir leggi sitt að mörkum.
Sem hlýtur að skila sér í betri byggingu fyrir vikið, að hennar mati.
67
Sólveig aftur á móti, sem starfar fyrir verktaka, hefur ekki upplifað eins mikið samtal
við mismunandi fagaðila sem koma að byggingunni. Hún segist aðeins hafa hitt hönnuði
byggingarinnar á kynningarfundi sem haldinn var hjá FSR við upphaf verkefnisins. Hún hafi
ekki farið á fleiri BREEAM fundi en þennan eina. Matsmaðurinn og byggingarstjórinn séu
hennar helstu tengiliðir í þessu ferli, það sé ekki gert ráð fyrir því að hún tali beint við
hönnuði. Hún kynnist í raun ekki öðrum fagaðilum sem koma að byggingunni en þeim sem
starfa hjá verktakafyrirtækinu og verði því minna vör við þverfræðilegt samtal.
6.9 Umhverfisáhrifaflokkar og tæknileg atriði BREEAM er til þess fallið að hafa áhrif á ólíkar hliðar verkefna í gegnum
umhverfisáhrifaflokkana. Hver flokkur hefur mismunandi vægi í vottunarferlinu og því
mætti ætla að áhrif umhverfisflokka BREEAM væru misgreinileg í vottaðri byggingu. Til
þess að fá einhvers konar mynd af þessum áhrifum hér á landi voru viðmælendur spurðir
út í það undir hvaða umhverfisflokki BREEAM þeir teldu áhrifin greinilegust. Það er, hvaða
þættir BREEAM virðast hafa fengið mest vægi í vottuðum byggingum á Íslandi?
Viðmælendur virtust eiga erfitt með að meta undir hvaða umhverfisáhrifaflokki áhrif
BREEAM væru greinilegust í vottuðum byggingum hér á landi. Þetta kann að skýrast af því
að áhrif BREEAM eru ekki alltaf sýnileg notendum bygginga þar sem ýmsum þáttum er
sjálfstýrt. Viðmælendur yfirfærðu þetta á þá umhverfisáhrifaflokka sem hefði gengið vel
að uppfylla og svo þá sem erfiðlega hafi gengið að útfæra og verða við. Þannig reyndu
viðmælendur að svara til um hvar áhrif BREEAM væru greinilegust.
Svörin voru nokkuð mismunandi og í mörgum tilvikum ákveðin endurtekning á helstu
hindrunum og hvötum fyrir innleiðingu BREEAM, sem komið var inn á fyrr í
niðurstöðunum. Viðmælendur voru gjarnir á að eyða meiri tíma í að ræða það sem hefur
gengið illa og þurfi að bæta. Séu svör viðmælenda tekin stuttlega saman var það
flokkurinn heilsa og vellíðan sem flestir töldu að auðveldast hafi verið að fá stig fyrir og
því ættu þau áhrif að vera greinileg í BREEAM vottuðum byggingum. Eins voru flokkarnir
orka og byggingarefni nefnd í þessu samhengi. Sólveig Björk nefnir byggingarefnin sem
einn af sýnilegustu flokkum BREEAM þar sem þau séu uppistaðan í byggingum, þó svo að
erfitt sé að uppfylla þær kröfur. Hún nefnir að steinullin sem framleidd er í Skagafirði sé
ISO vottuð og allt timbrið sem þau noti sé upprunavottað. Viðmælendur höfðu
68
mismunandi skoðanir á orkuflokknum og hversu greinileg áhrifin væru þar undir. Örn
telur okkur Íslendinga standa vel að vígi í orkuflokknum:
Það er erfitt að segja til um hvar áhrifin eru greinilegust. Mest vægi er sett
á orkukaflann og hefur almennt gengið vel að uppfylla þau skilyrði sem þar
eru sett fram. Kaflinn um efnisnotkun hefur reynst erfiður og krefst hann
oft strangara utanumhalds heldur en tíðkast hefur. (Örn Erlendsson,
verkfræðingur)
Elín er ekki sammála Erni hvað orkuflokkinn varðar. Hún segir að okkur gangi því miður
ekki vel að uppfylla kröfurnar undir orkukaflanum í BREEAM. Íslendingar séu komnir
skammt á veg varðandi aðferðafræði til að reikna orkunýtni húsa. Aftur á móti gangi okkur
oft vel með flokkana umhverfisstjórnun, mengun, úrgang og vatn. Það séu góð skilyrði á
Íslandi til að uppfylla kröfurnar undir þeim flokkum. Það fáist til dæmis stig með því að
setja upp vatnsmæla og það er yfirleitt auðsótt. Kristín Ósk tekur í svipaðan streng og talar
um að þeir sem þekki lítið til BREEAM kerfisins telji eflaust að flest stig fáist í orkukaflanum
hér á landi, en það sé ekki alveg svo séu kröfurnar skoðaðar til hlítar.
6.9.1 Tæknileg atriði sem krefjast úrbóta
Þegar viðmælendur voru spurðir út í tæknileg atriði varðandi BREEAM sem væri hægt að
bæta hér á Íslandi stóð ekki á svörum. Allir viðmælendur komu með ábendingar um hvað
væri hægt að bæta í íslenskum byggingariðnaði til að hjálpa til við að skora hærra á
ákveðnum umhverfisáhrifaflokkum í BREEAM, og hvernig megi bæta og útfæra tiltekin
atriði á árangursríkari hátt. Viðmælendur lögðu sérstaka áherslu á ákveðna
umhverfisáhrifaflokka umfram aðra í þessu samhengi. Þetta eru flokkarnir byggingarefni,
samgöngur, orka og landnotkun og vistfræði.
Líkt og komið hefur verið inn á áður í niðurstöðunum virðist ganga verst með flokkinn
byggingarefni hér á landi. Allir viðmælendur voru sammála um að það væri mikilvægt að
fá umhverfisvottun á íslenska steypuframleiðslu. Örn nefnir að BREEAM geri kröfu um
vottað umhverfisstjórnunarkerfi hjá framleiðendum byggingarefna, og því hafi efnis-‐
tengdar kröfur í vissum tilfellum fallið á þeim forsendum hérlendis. Kristín Ósk tekur undir
69
þetta og nefnir sem dæmi að sementið sé umhverfisvottað, þaðan fari það svo í
steypuverksmiðjuna og þar með sé þetta búið spil, BREEAM krafan sé fallin vegna þess að
það vantar umhverfisvottun á steypuna. Nokkrir viðmælendur nefna að einhvers konar
ívilnanir gætu hjálpað í þessu tilviki. Ef ríkið myndi til dæmis setja kröfu um vottaða steypu
hérlendis þá yrðu steypuframleiðendur að verða við því. Sólveig Björk nefnir að það gæti
líka verið árangursríkt að fræða birgja og almenna starfsmenn í byggingargeiranum um
umhverfismál og vottanir. Einnig þá sem selji byggingarvörur, aðila á borð við
Húsasmiðjuna, Byko og Bauhaus.
Samkvæmt nokkrum viðmælendum er erfitt að uppfylla ákveðnar kröfur undir
orkukaflanum. Samkvæmt Elínu þyrfti að þróa og útfæra orkuútreikninga betur:
Við höfum ekki innleitt þessar orkutilskipanir Evrópusambandsins varðandi
aðferðafræði til að reikna orkunýtni húsa. Það sofnaði í ráðuneytinu, fór
ofan í skúffu. Okkur vantar einhvers konar staðal eða aðferðafræði
varðandi þetta. Við þurfum að hafa viðmið um það hvað meðalhúsnæði
notar af orku. (Elín Vignisdóttir, landfræðingur)
Hún nefnir að hún hafi komið að BREEAM vottuðum verkefnum á vegum Verkís í Noregi.
Norðmenn séu ekki heldur í Evrópusambandinu en hafi samt innleitt orkutilskipanir hjá
sér sem séu að virka vel. Þar sé orkunýtni húsa reiknuð og merkt A+, A, B, C eftir því hversu
orkufrekt húsið er. Þannig geti kaupendur valið hvaða týpu af húsi þeir vilja. Elín telur að
íslenski markaðurinn gæti farið að kalla eftir þessu í nánustu framtíð með aukinni
meðvitund. Hún nefnir jafnframt að lítið sé reynt að sækja nýsköpunarstigin í BREEAM,
sem hafa mikið vægi. Það mættum við reyna meira á okkur.
Samkvæmt meirihluta viðmælenda væri hæglega hægt að bæta samgönguþáttinn, og
þar með að skorað hærra í þeim flokki í BREEAM. Eins og staðan er í dag sé það erfitt
sökum lélegra almenningssamgangna og aðgengismála víða. Elín nefnir að sem dæmi um
þetta megi nefna tíðni strætóferða, sem sé of lág hér á landi. Það er atriði sem ekki væri
mikið tiltökumál að bæta úr. Aðalheiður tekur undir þetta, að samgöngumálin séu
eitthvað sem Íslendingar þurfa að bæta:
70
Þetta er allt aðeins í áttina núna. En við getum án efa bætt okkur í
samgöngum, bara að tryggja hjólastæði, betri göngu-‐ og hjólastíga og
samgöngur almennt. (Aðalheiður Atladóttir, arkitekt)
Það mátti túlka úr svörum nokkurra viðmælenda að landnotkun og vistfræðiflokkurinn hafi svolítið orðið út undan hingað til. Hægt væri að gera betur og gefa þeim flokki meiri
gaum. Aðalheiður nefnir að henni hafi þótt erfitt að uppfylla hann. Eins fannst henni
undarlegt að þurfa að fá vistfræðiskýrslu um landsvæði sem hafði ekkert til að bera. Ef til
vill er þetta flokkur sem þarf að gera betur grein fyrir og undirstrika mikilvægi
vistfræðigreininga, til verndar fjölbreyttu lífríki og landslagi.
6.10 Virði BREEAM Það er ekki hlaupið að því að meta verðmæti BREEAM á Íslandi þar sem kerfið er nýlegt á
markaði og innleiðing þess enn í gang. Eins eru rannsóknir á notkun BREEAM á Íslandi afar
takmarkaðar og hagrænu þættirnir enn óljósir, að því er virðist. Til þess að fá hugmynd
um gildi BREEAM fyrir íslensk fyrirtæki voru viðmælendur rannsóknarinnar inntir eftir því
hvaða ávinning þau teldu BREEAM hafa haft fyrir þeirra fyrirtæki, og hvort það hafi
stuðlað að verðmætasköpun fyrir viðkomandi fyrirtæki sem tekur þátt í BREEAM
vottunarferlinu á einhvern hátt. Viðmælendur létu allir í ljós að BREEAM hafi nú þegar
aukið verðmæti fyrirtækisins eða kæmi til með að gera það að verki loknu. Þessi
verðmætasköpun endurspeglast fyrst og fremst í eftirfarandi þáttum að mati
viðmælenda: aukin þekking á vistvænum áherslum meðal starfsmanna, bætt ímynd sem
skilar sér í möguleika á fleiri verkefnum og aukin reynsla og þekkingarsköpun um sjálfbæra
þróun og byggingarferli í heild sinni.
Viðmælendur töldu almennt að fyrirtæki þeirra myndu halda áfram að sækjast eftir
BREEAM vottuðum verkefnum í nánustu framtíð. Ákveðin þekking hafi byggst upp á
notkun kerfisins hjá viðkomandi fyrirtækjum og vistvænar áherslur séu í flestum tilvikum
hluti af stefnu fyrirtækjanna. Örn nefnir að notkun BREEAM hjálpi FSR við að framfylgja
stefnumálum.
71
BREEAM hefur hjálpað FSR í að móta vistvænar áherslur í sínum verkefnum
í takt við markmið stjórnvalda með stefnumörkun á sviði mannvirkjagerðar
og aukið þekkingu stofnunarinnar á umhverfisþáttum tengdum
mannvirkjagerð. (Örn Erlendssson, verkfræðingur)
Þá segist Örn fullviss um að Framkvæmdasýsla ríkisins muni halda áfram að sækjast eftir
umhverfisvottunum fyrir hönd verkkaupa. Hann geti þó ekki sagt til um hvort að BREEAM
verði alltaf fyrir valinu. Vissulega sé komin langmesta reynslan á BREEAM á íslenskum
byggingarmarkaði hvað varði umhverfisvottunarkerfi, og töluverð vitundarvakning um
vistvænar áherslur hafi átt sér stað. Framkvæmdasýsla ríkisins leggi mikla áherslu á
vistvæn málefni og muni halda áfram að beita sér fyrir þeim í takt við markmið stjórnvalda
á sviði mannvirkjagerðar.
Elín er einnig jákvæð í garð BREEAM og telur það hafa aukið verðmæti fyrirtækisins og
stuðlað að þekkingarsköpun:
BREEAM hefur aukið þekkingu innanhúss á vistvænni hönnun sem ég held
að sé bara af hinu góða, ég get þó ekki staðfest að hönnuðir breyti sínu
verklagi. Það kæmi mér ekkert á óvart að smám saman yrði margt af
þessum bara hluti af því hvernig þú hannar þegar fram líða stundir. Þetta
hefur hjálpað fyrirtækinu að þróast í vistvænni átt og bætt ímynd
fyrirtækisins. (Elín Vignisdóttir, landfræðingur)
Elín segir að vitund um umhverfismál sé góð fyrir þar sem fyrirtækið sé einnig með ISO
vottanir. Hún segir jafnframt að fyrirtækið muni sækjast eftir fleiri BREEAM verkefnum.
Hún sem matsmaður vilji gjarnan nýta þá þekkingu áfram. Hönnuðirnir innanhúss séu
einnig farnir að þekkja BREEAM kröfurnar sem geri þetta auðveldara. Annars segir hún
BREEAM ekki hafa aukið félagslega samheldni frekar en önnur verkefni.
Kristín Ósk segir að fyrirtækið hennar hafi fengið fleiri verkefni út á þetta. Eins safni
maður góðri reynslu í hverju BREEAM verkefni. Aftur á móti sé dýrt fyrir fyrirtæki að bjóða
upp á BREEAM vottun og vera með BREEAM matsmann. Aðalkostnaðurinn liggi í þeirri
72
háu tryggingu sem matsmaðurinn þarf að hafa til að halda sínu leyfi frá BRE Global Ltd.
Hún segir þetta ekki beint hafa aukið grænt bókhald innanhúss en þau flokki þó sorp.
Þetta hafi meira með ímynd og samkeppnisstöðu að gera í þeirra tilviki. Hún segir
fyrirtækið ekki stefna að því að sækjast sérstaklega eftir BREEAM verkefnum, þetta komi
meira til þeirra þar sem allir vita af öllum sökum smæðar markaðarins. Hún sé eini
matsmaðurinn innanhúss, en hennar aðalstarf sé fyrst og fremst lýsingar-‐ og
raflagnahönnun.
Þær Aðalheiður og Sólveig Björk eru báðar jákvæðar fyrir því að taka þátt í fleiri
BREEAM vottuðum verkefnum. Aðalheiður segist gjarnan vilja stuðla að umhverfisvænni
byggingum og læra meira, en hún sé þó alveg til í að prufa önnur vistvottunarkerfi. Sólveig
segir erfitt að segja til um það hvort að BREEAM vottunin hafi skapað verðmæti fyrir LNS
Saga þar sem verkinu sé ekki lokið, en telur að svo muni vera. Hún telur jafnframt að
fyrirtækið sé viljugt til að taka að sér fleiri svona verkefni til þess að nýta þá þekkingu sem
hefur byggst upp í Sjúkrahótelinu og bæta ímynd sína.
6.11 Íslensk útgáfa af BREEAM Þegar viðmælendur eru beðnir um að meta núverandi stöðu og viðhorf innan
byggingargeirans á Íslandi varðandi aðlögun og notkun BREEAM eru svörin mismunandi.
Hluti viðmælenda telur ennþá ríkja tregðu gagnvart kerfinu í byggingariðnaðinum, aðrir
upplifa jákvæðni gagnvart kerfinu en almennt séð voru flestir viðmælendur sammála um
að töluverð vitundarvakning hafi átt sér stað varðandi þessi mál síðustu ár og viðmótið sé
orðið jákvæðara en það var í byrjun, þegar notkun BREEAM hér á landi hófst. Þessu miði
í rétta átt.
Kristín Ósk talar um að hún upplifi bæði jákvæðni og neikvæðni gagnvart BREEAM.
Henni finnist svolítið vanta gulrótina, að fólki sé gerð almennilega grein fyrir því af hverju
það sé verið að sækjast eftir vottun á byggingar og hvað ávinningur geti falist í því að nota
vistvottunarkerfi. Aðalheiður upplifir ennþá ákveðna tregðu gagnvart BREEAM:
Þetta er dýrt og þungt í vöfum þetta kerfi, myndi segja að viðhorfið væri
svolítið þannig ennþá. Það er bara almenn tregða fyrir svona
vistvottunarkerfum. Fólk kannski þekkir ekki nógu vel til þeirra. (Aðalheiður
Atladóttir, arkitekt)
73
Sólveig segist almennt ekki hafa upplifa mikla neikvæðni meðal verktaka og verkamanna
í garð BREEAM, nema hjá einstaka aðila. Fólk sé frekar hissa á kröfunum af því að það
þekki ekki þetta kerfi. Örn telur upp þá þætti sem átt hafa þátt í að bæta vitund og viðhorf
fólks til BREEAM:
Töluverð vitundarvakning hefur átt sér stað varðandi vistvænar áherslur
innan byggingageirans á Íslandi. Aukin fræðsla, umtal og breyttar áherslur
verkkaupa hafa haft jákvæð áhrif hvað þetta varðar. Staðan í dag er klárlega
betri heldur en þegar fyrsta BREEAM verkefnið á Íslandi fór af stað. Sá
hópur sem býr yfir reynslu af BREEAM fer ört stækkandi. Til að mynda er í
dag stór hópur vottaðra BREEAM matsmanna á Íslandi. (Örn Erlendsson,
verkfræðingur)
Í framhaldi af þessu voru viðmælendur spurðir út í það hvort þeir væru fylgjandi því að
þróa íslenska útgáfu að BREEAM, og ef svo væri hvaða ávinning þeir teldu hljótast af því.
Viðmælendurnir voru sammála um að íslensk útgáfa af BREEAM, sem taka myndi mið af
íslenskum lögum og reglugerðum, yrði mjög gagnleg. Íslenskar leiðbeiningar myndu
einfalda margt og auðvelda fólki að skilja og nota BREEAM. Elín segist ekki vera í vafa um
að íslensk útgáfa myndi hjálpa mikið:
Nú tala ég bara sem stjórnarmaður í Vistbyggðarráði og hafa farið í gegnum
margar umræður varðandi þetta. Ég held að það væri klárlega ávinningur
að hafa kerfi sem væri meira aðlagað að okkar aðstæðum. Þá væri t.d. búið
að koma þar inn þeim stöðlum sem við erum að nota. (Elín Vignisdóttir,
landfræðingur)
Elín nefnir einnig að það hafi verið kallað eftir meiri fræðslu til hönnuða og verktaka hér
á landi um BREEAM. Það myndi hjálpa ef til væru gögn á íslensku. Kristín Ósk telur að
íslensk útgáfa af BREEAM myndi gefa raunhæfari mynd að því sem væri verið að gera, það
væri rökréttara að hafa íslensk viðmið, að vera ekki að bera íslenskar byggingar saman við
74
breskar byggingar. Örn er heldur ekki í nokkrum vafa um að það fælist ávinningur í því að
þróa íslenska útgáfu af BREEAM:
Ég tel mikinn ávinning í því að þróa íslenska útgáfu af BREEAM. Oft á tíðum
eru ýmis túlkunaratriði eða kröfur sem eiga ekki við íslenskar aðstæður, lög
eða reglugerðir og getur það stundum verið tímafrekt og jafnvel í
einhverjum tilfellum kostnaðarsamt að ná slíkum atriðum í gegn. Íslensk
útgáfa að BREEAM myndi koma í veg fyrir slík atriði. (Örn Erlendsson,
verkfræðingur)
Viðmælendur voru aftur á móti ekki eins hlynntir því að innleiða BREEAM í íslensku
byggingarreglugerðina eins og staðan er í dag. Það væri ekki lausnin að þvinga fagaðila til
að nota vistvottunarkerfi:
Ef fólk er þvingað til að nota eitthvað sem það vill ekki nota þá verður það
bara reitt og pirrað. Það væri kannski hægt að innleiða BREEAM í
byggingarreglugerðina eftir einhver ár, ekki núna. (Sólvegi Björk,
verkfræðingur)
Eins var hluti viðmælenda þeirrar skoðunar að BREEAM væri ekki endilega framtíðar-‐
lausnin fyrir Ísland, önnur vistvottunarkerfi kæmu einnig til álita. Örn nefnir að þó svo að
BREEAM sé mjög öflugt tól til að meta byggingar og auka gæði þeirra þá henti það ekki
fyrir allar byggingar. Markaðurinn sé lítill og fáar stórar byggingar rísi árlega. Elín tekur
undir þetta, hún myndi ekki mæla með BREEAM vottun fyrir einbýlishús hér á landi eins
og staðan er í dag:
BREEAM er ofsalega stórt og mikið kerfi, þetta er stór biti þannig að þótt
þú farir að byggja einbýlishús þá myndi ég ekki ráðleggja þér að fara með
það í gegnum BREEAM vottun. Þetta er fyrir stærri byggingar en það skiptir
máli að þú getir tekið vistvæn skref. (Elín Vignisdóttir, landfræðingur)
75
Kristín Ósk kemur inn á svipaða hluti. Að hennar mati er óþarfi að skylda fólk til að
nota BREEAM á Íslandi, þó notkun kerfisins skapi vissulega gott fordæmi:
Ég held að við séum ekki að byggja þannig byggingar að við þurfum að hafa
þetta sem skyldu. Þú sérð eins og með hús Náttúrufræðistofnunar Íslands,
sú bygging var byggð eins og hefðbundin bygging, fékk BREEAM vottunina
eftir á og fékk að ég held einkunnina gott. Í rauninni eru þessar kröfur sem
eru settar fram í BREEAM ekkert miklu betri en í íslensku
byggingarreglugerðinni, hvað varðar ljósmagn, loftskipti og svoleiðis þætti.
(Kristín Ósk, verkfræðingur)
Aftur á móti voru viðmælendur almennt sammála um að íslenska byggingarreglugerðin
gæti orðið mun skarpari hvað umhverfismál varðar. Það mætti byrja á því að innleiða
eitthvað af þeim vistvænu áherslum sem settar eru fram í BREEAM inn í
byggingarreglugerðina. Hins vegar þyrfti að fara varlega í slíka aðlögun svo að það yrði
ekki of íþyngjandi. Það væri skynsamlegast að taka þetta í litlum skrefum.
6.12 Umbætur og frekari aðlögun BREEAM að íslenskum aðstæðum Í lok hvers viðtals voru viðmælendur beðnir um að nefna hvað þeir teldu að mætti bæta í
íslenskum byggingariðnaði til þess að auðvelda innleiðingu BREEAM á Íslandi.
Sé byrjað á að skoða svör viðmælenda í víðu og almennu samhengi leggja allir
viðmælendur áherslu á að þörf sé á aukinni fræðslu um umhverfismál og sjálfbæra þróun,
bæði í stóra samhenginu sem og innan byggingariðnaðarins. Fyrsta skrefið er að stuðla að
aukinni vitundarvakningu hér á landi. Það sé þörf á hugarfarsbreytingu, bæði hjá
stjórnvöldum og almenningi varðandi umhverfismál. Þannig að viðhorfið verði þannig að
almenning langi til að kaupa vistvænt hús. Stjórnvöld þurfi að stuðla að sjálfbærri þróun
innan byggingariðnaðarins af meiri festu og alvöru. Elín kemur inn á að stjórnvöld séu búin
að skrifa undir alls konar skuldbindingar og stefnur varðandi loftslagsmál, það sé minna
talað um hvernig eigi að framfylgja þessum skuldbindingum. Það vantar einnig upp á að
76
einkaaðilar sækist eftir BREEAM vottun, þrátt fyrir góðæri. Auka þarf vitund um þetta hjá
fasteignafélögum og fjárfestum samkvæmt Elínu.
Aðalheiður talar einnig um að meiri hvatning eða stuðningur frá ríkinu gæti verið
hjálplegur til að auka á sjálfbæra þróun innan byggingariðnaðarins. Vissulega sé
Framkvæmdasýsla ríkisins að beita sér fyrir þessum málum, þau borgi þó ekki brúsann.
Það vanti einhvers konar sjóði eða styrki á vegum hins opinbera til þess að ýta undir þessa
þróun. Þannig að þú fáir einhvern afslátt eða umbun fyrir leggja þetta á þig, því á endanum
kemur sjálfbær þróun innan byggingariðnaðarins okkur öllum til góða.
Hvað frekar aðlögun og umbætur á BREEAM varðar voru viðmælendur almennt á því
að kerfið væri langt því frá gallalaust, og fóru varlega í að meta framtíðarhorfur BREEAM
á Íslandi. Hér í lok niðurstaðna verður farið yfir hvaða umbóta er þörf á BREEAM kerfinu
til að bæta kerfið, að mati viðmælenda rannsóknarinnar. Viðmælendur áttu auðvelt með
að telja upp atriði sem mætti bæta, þetta eru ýmist atriði sem snúa að viðmóti kerfisins í
heild eða ákveðnum umhverfisáhrifaflokkum og kröfum sem settar eru fram í BREEAM.
Kristín Ósk nefnir að það þurfi að auglýsa vistvottunarkerfi á borð við BREEAM meira
út á við og halda fleiri kynningar og fundi um þessi málefni. Eins skorti á leiðbeinandi gögn
við útfærslu BREEAM hér á landi:
Þegar að það kemur nýr hópur að vinna BREEAM vottað verkefni fyrir FSR
þá þarf hann yfirleitt að byrja á byrjunarreit og læra allt frá grunni. Það væri
gott ef það væri til eitthvað verklag sem gengur á milli BREEAM vottaðara
verkefna. Þannig að sú þekking og reynsla sem þegar hefur myndast
hérlendis skili sér áfram í næstu verkefni. (Kristín Ósk, verkfræðingur)
Kristín Ósk talar jafnframt um að henni þyki það galli á notkun BREEAM hér á landi að
þurfa að vinna eftir breskum gagnagrunni og stöðlum, og reyna að búa til eitthvað fyrir
íslenskan markað sem er sambærilegt bresku módeli. Bara það að módela upp einn vegg
eða glugga verði flókið því það þurfi að gera það samkvæmt einhverjum gagnagrunni sem
á ekki við Ísland. Maður sé í raun alltaf bara að gera eitthvað sambærilegt, þetta verði
aldrei nákvæmlega eins þar sem aðstæður séu ólíkar í þessum löndum. Þetta þurfi að vera
raunhæft, sumar af BREEAM kröfunum eiga einfaldlega ekki við á Íslandi að mati Kristínar.
77
Hún tekur sem dæmi orkukaflann og hversu lítið við séum að skora þar, það þurfi bara að
aðlaga þær kröfur betur, eins og gert var í Noregi. Svo taki það alltaf um tvær vikur að fá
svar við einni fyrirspurn að utan ef maður er strand með eitthvað. Þetta sé þungt í vöfum.
Sólveg Björk talar einnig um að henni finnist sumar af BREEAM kröfunum ekki bara
eiga við Ísland. Stundum sé einfaldlega ekki horft út fyrir rammann hvað þessar
kröfusetningar varðar. Hún tekur sem dæmi þá kröfu að nota byggingarefni úr
heimabyggð sem þú færð aukastig fyrir í BREEAM. Þau kaupi til dæmis efni í BYKO af því
það er við hliðina á þeim, en efnið er svo e.t.v. komið þangað frá Kína, þá missir þetta
marks að hennar mati. Þá finnst henni alveg eins að þau megi kaupa efnið sjálf frá
Þýskalandi, þetta sé nákvæmlega sami hluturinn. Eins varðandi orkunotkunina, það sé
alltaf verið að passa að spara orkuna en við eigum nóg til af henni hér á Íslandi. Það mætti
aðlaga þetta betur.
Örn talar um að það sé galli á BREEAM kerfinu hversu óaðgengilegur BREEAM
leiðarvísirinn sé:
BREEAM kerfið er sífellt að þróast og reglulega koma út nýjar útgáfur. Það
sem hefur verið ábótavant í fyrri útgáfum er að handbókin sé gerð
aðgengilegri. Þetta atriði hefur vissulega lagast í nýjustu útgáfum en ég tel
að enn frekari einföldun á handbókinni muni auka skilvirkni þeirra sem nota
handbókina (Örn Erlendsson, verkfræðingur).
Bæði Aðalheiður og Elín tala um það sem galla á BREEAM hversu ósveigjanlegar BREEAM
kröfurnar séu. Kröfurnar séu stífar og það sé oft krafist mikilla smáatriða og boðið upp á
lítinn sveigjanleika við að leysa kröfurnar:
Það mætti vera meiri sveigjanleiki. Það er stundum þannig að ef þú
uppfylltir ekki allt undir ákveðnum flokki þá bara færðu ekki stigin. Það
mætti vera möguleiki á því að gera eitthvað sem vegur upp á móti öðru,
sem er vistvænt þó það standi ekki endilega í leiðarvísinum. (Aðalheiður
Atladóttir, arkitekt)
78
Elín er sammála hvað þetta varðar. Það þurfti að einfalda kröfurnar og bjóða upp á meiri
sveigjanleika. Hún segir að þeir hjá BRE Global Ltd. hafi reynt að einfalda kröfurnar með
því að fækka þeim. Þetta geri þeir með því að sameina nokkrar kröfur í eina sem gerir þá
kröfu bara ennþá flóknari, þá þarftu að skoða miklu fleiri atriði í hverri kröfu. Þetta sé í
raun ekki einföldun þegar uppi er staðið. Hún myndi persónulega vilja sjá
markmiðakröfur:
Ég væri alveg til í að sjá meira af markmiðakröfum. Að þú fáir kannski
svolítið víðara svið til þess að leysa kröfurnar. Að þú setjir þér markmið um
að byggingin eigi að nota ákveðna orku og svo geturðu leyst það á svo
margan hátt. (Elín Vignisdóttir, landfræðingur)
Að lokum spáir Elín í framtíðarhorfur BREEAM á Íslandi. Hún segir að það sé erfitt að meta
hvaða kerfi muni henta best. Hún telur að það sé ef til vill ódýrara að vera með hérlent
kerfi, það sé dýrt að fara í gegnum BREEAM Bespoke vottun með allar byggingar á Íslandi.
Aftur á móti séu ekki byggðar nógu margar byggingar á ári til að það borgi sig að þróa
íslenska útgáfu af BREEAM eins og staðan er í dag. Hún segir að ef til vill væri best fyrir
Íslendinga að byrja á því að íslenska eitthvað minna kerfi, sem fyrsta skref. Þeir sem vildu
hafa alþjóðlegan viðurkenndan stimpil gætu notað BREEAM. Hún telur þó að BREEAM sé
ekki á förum, þar sem það sé komin svo mikil reynsla á kerfið og það sé það kerfi sem
bjóði upp á mestan sveigjanleika enn sem komið er.
Að þessu sögðu er þó ekki svo að skilja að viðmælendur séu almennt neikvæðir út í
BREEAM, það sé hins vegar mikilvægt að greina kosti og galla kerfisins til að stuðla að
umbótum og frekari aðlögun þess í íslenskum byggingariðnaði.
79
7 Umræður
Meginmarkmið tilviksrannsóknarinnar er, eins og komið hefur verið inn á, að draga fram
álit, reynslu og framtíðarsýn fagaðila í byggingariðnaðinum hvað varðar aðlögun og
notkun BREEAM á Íslandi, og bera kennsl á hvaða hindranir og hvatar eru í
byggingariðnaðinum með tilliti til þeirra krafna sem settar eru fram í BREEAM. Með
framkvæmd tilviksrannsóknar á borð við þessa er ætlunin að reyna að leggja mat á það
hvernig hefur tekist til með aðlögun BREEAM og hvort að aðlaga þurfi BREEAM betur að
íslenskum aðstæðum, og hvernig þá. Til þess að segja til um það hvort að rannsókninni
hafi tekist að varpa ljósi á hvernig BREEAM henti til að stuðla að, meta og útfæra
sjálfbærar lausnir í íslenskum byggingariðnaði verður hér í umræðum leitast við að svara
rannsóknarspurningunum út frá rannsóknarniðurstöðum og umræðum um þemun þar
undir. Tilgangurinn með þemagreiningunni var meðal annars sá að hjálpa til við að svara
rannsóknarspurningunum.
Að auki verða svörin við rannsóknarspurningum sett í samhengi við fræðilega
umfjöllun rannsóknarinnar úr öðrum, þriðja og fjórða kafla. Leitast er við að greina
samsvörun á milli rannsóknarniðurstaðna og niðurstaðna þeirra rannsókna sem farið var
yfir í fræðilega hluta ritgerðarinnar, og hvar niðurstöður eru á skjön við fræðin. Í
umræðunum er lögð megináhersla á að máta niðurstöður rannsóknarinnar við þær
erlendu rannsóknir á BREEAM sem gert var grein fyrir í fjórða kafla. Með þessum
samanburði er ætlunin að varpa ljósi á það hvort að notkun BREEAM á Íslandi endurspegli
útfærslu og notkun kerfisins erlendis, og ef ekki, hvað er frábrugðið við notkun þess
hérlendis.
7.1 Rannsóknarspurningum svarað Í inngangi rannsóknarinnar voru settar fram fjórar rannsóknarspurningar. Þær afmörkuðu
rannsóknina og stýrðu meðal annars vali á rannsóknarðferðum og áherslum í ritgerð,
hverju sjónum skyldi beint að og hvað þótti síður mikilvægt að skoða. Segja má að komið
hafi verið inn á svörin við þessum spurningum í niðurstöðum rannsóknarinnar nú þegar
að mestu leyti. Hér verða þessi atriði dregin saman og sett fram á hnitmiðaðan hátt í þeim
tilgangi að varpa ljósi á það hvort að rannsóknargögn og niðurstöður hafi leitt til
fullnægjandi svara við þessum spurningum, og ef ekki, hvað þyrfti að skoða nánar til að fá
viðunandi svör.
80
Segja má að fyrsta rannsóknarspurningin sé meginspurning rannsóknarinnar, og
jafnframt sú opnasta. Hinar þrjár má líta á sem undirspurningar sem er ætlað að skerpa á
þeirri fyrstu og hjálpa til við svara henni með nánari hætti. Þeim er ætlað að varpa ljósi á
þá þætti sem gefa vísbendingar um það hvort og þá hvernig BREEAM hentar íslenskum
aðstæðum.
Er vistvottunarkerfið BREEAM vel til þess fallið að stuðla að, útfæra og meta sjálfbærar
lausnir í íslenskum byggingariðnaði?
Það er ekki hlaupið að því að meta aðlögunarhæfni kerfisins hér á landi svo vel sé, enda í
mörg horn að líta þar sem BREEAM er viðamikið kerfi og stórt skref fyrir íslenskan
byggingariðnað að meðtaka. Þessi rannsókn er ekki nægilega víðtæk til að svara þessari
spurningu með afgerandi hætti. Rannsóknin gefur þó ákveðnar vísbendingar og innsýn í
það hvernig kerfið hefur reynst á Íslandi hingað til, og hvað megi betur fara við aðlögun
þess og útfærslu hér á landi.
Samkvæmt niðurstöðum rannsóknarinnar er BREEAM hjálplegt verkfæri til þess að
stuðla að sjálfbærum lausnum í íslenskum byggingariðnaði. Það hefur sýnt sig að kerfið er
vel til þess fallið að skapa viðmiðunarramma fyrir sjálfbæra þróun innan
byggingariðnaðarins og stuðla að nýjum aðferðum og mælikvörðum í þeim efnum. Kerfið
skapar vettvang fyrir þverfræðilegt samtal og hjálpar þannig fagaðilum að samræmast um
sjálfbærar aðferðir í byggingariðnaði hér á landi. Sú eftirfylgni og skipulag sem BREEAM
felur í sér tryggir að markmiðum, sem sett eru í upphafi verkefna, sé náð fremur en ef
kerfisins gætti ekki við. Niðurstöður rannsóknarinnar benda einnig til þess að kerfið stuðli
að þekkingarsköpun, hreyfi við rótgrónum aðferðum og leiði þannig til framþróunar á
markaði. Þessar niðurstöður varðandi gagnsemi BREEAM við útfærslu og eftirfylgni
sjálfbærra lausna í byggingariðnaði eiga samvörun við rannsóknir þeirra Scwebers (2013)
og Turners og Arifs (2012). Samkvæmt þeim eru helstu kostir BREEAM taldir vera
ímyndarsköpun, þverfræðilegt samtal og skipulag á verktíma. Samkvæmt rannsókn
Scweber (2013) er BREEAM einnig talið hjálpa til við að þróa tæknileg viðmið sem draga
úr neikvæðum umhverfisáhrifum bygginga, og hreyfa þannig við viðurkenndum aðferðum
innan byggingariðnaðarins (Scweber, 2013).
81
Sú þekkingarsköpun sem kerfið leiðir af sér hér á landi virðist þó að mestu leyti
einskorðast við þá sem taka þátt í vottunarferli eða koma að byggingarframkvæmdum á
annan hátt. Þekkingin virðist ekki skila sér í eins miklum mæli út á við, til almennings og
hins opinbera. Það skortir á betri miðlun og upplýsingagjöf hvað þetta varðar. Það virðist
einnig vanta að byggja upp grunnþekkingu á sjálfbærri þróun hjá þeim sem starfa innan
byggingariðnaðarins, svo fólk sjái tilgang með því að sækjast eftir umhverfisvottun á
mannvirki. Þetta virðist einnig vera raunin erlendis. Skortur á fræðslu og upplýsingagjöf
varðandi BREEAM virðist álitinn einn af helstu annmörkum kerfisins þegar kemur að
útfærslu þess (Scweber, 2013; Parker, 2012; Turner og Arif, 2012). Samkvæmt
rannsóknum Scwebers (2013) og Turners og Arifs (2012) virðist miðlun upplýsinga, þjálfun
og raunverulegur ávinningur ekki vega þungt í BREEAM vottunarferlinu. Svipað viðhorf
má einnig greina í skýrslu Sameinuðu þjóðanna (2014) um það hvernig auka megi
sjálfbærni innan byggingariðnaðarins. Þar kemur fram að skortur á fræðslu um grænar
byggingar sé á meðal þess sem hindri útbreiðslu slíkra bygginga á markaði. Almenningur
og hagsmunaaðilar eigi þar af leiðandi erfitt með að treysta slíkri aðferðafræði (UNEP-‐
SBCI, 2014). Þetta mætti að vissu leyti heimfæra yfir á útfærslu og notkun BREEAM.
Þegar kemur að útfærslu og mati á þeim sjálfbæru aðferðum sem BREEAM stuðlar að
virðist víða pottur brotinn hér á landi. Samkvæmt niðurstöðum rannsóknarinnar eru ýmsir
þættir sem varða þær kröfur sem settar eru fram í BREEAM sem virðist þurfa að útfæra
betur. Viðmót kerfisins reynist mörgum þungt í vöfum sem einfaldar ekki notkun þess hér
á landi. Af niðurstöðum rannsóknarinnar að dæma yrði notkun BREEAM skilvirkari ef
kerfið yrði íslenskað eða farið yrði í að aðlaga ákveðnar kröfur betur að íslenskum
aðstæðum. Þar ber helst að nefna kröfur sem settar eru fram undir flokkunum
byggingarefni og orka. Aftur á móti vantar að skoða hagrænu hliðar þeirrar aðlögunar
betur. Mat viðmælenda á því hvort þróa eigi íslenska útgáfu af BREEAM á margt skylt við
það sem kom fram um íslenska útgáfu af BREEAM í skýrslu starfshóps Vistbyggðarráðs
(2013). Samkvæmt þeirri skýrslu hefur smæð markaðarins og kostnaður við vottun áhrif
á það hvaða vottunarkerfi hentar best fyrir íslenskar aðstæður. Að þróa íslenska útgáfu
væri kostnaðarsamt en myndi bæta aðgengileika kerfisins til muna, sem ekki er vanþörf á
hérlendis (Vistbyggðarráð, 2013).
82
Frekari aðlögun BREEAM hér á landi gerist þó ekki af sjálfu sér, heldur virðist ákveðinna
aðgerða þörf svo að ná megi betri árangri með notkun BREEAM. Svo virðist sem það séu
helst tæknileg atriði sem þarf að bæta og aðlaga betur að íslenskum aðstæðum til að
skora hærra í BREEAM. Eins vantar upp á stuðning og hvata frá ríkinu, t.a.m. aðgerðir á
borð við ívilnanir, stefnumál, reglugerðir og fræðslu. Viðmælendur rannsóknarinnar voru
þó almennt á því að BREEAM sé hjálplegt tæki þó svo að það geti reynst flókið að útfæra
það hér á landi. Þegar uppi er staðið skilar sú vinna sér í betri byggingum sem er öllum til
hagsbóta. Kerfið virkar sem gæðastýring í byggingarferli og það sé því ekki aðeins
lokaeinkunnin sem bygging fær við vottun sem skipti máli fyrir viðskiptavini kerfisins.
Svörin við næstu tveimur rannsóknarspurningum greina nánar frá þeim hvötum og
hindrunum sem fyrirfinnast í íslenskum byggingariðnaði varðandi kröfur sem eru settar í
BREEAM. Þar er leitast við að útskýra nánar hvernig BREEAM hentar íslenskum aðstæðum
og hvað þarf að bæta til að auðvelda og bæta notkun kerfisins á Íslandi.
Hverjir eru helstu hvatarnir í íslenskum byggingariðnaði með tilliti til þeirra krafna sem
settar eru fram í vistvottunarkerfinu BREEAM?
Rétt er að undirstrika að þegar fjallað er um hvata fyrir innleiðingu BREEAM á Íslandi, í
rannsókninni, er átt við þær BREEAM kröfur og tækniatriði sem hefur reynst auðvelt að
útfæra hérlendis, sem og annað í íslenskum byggingariðnaði sem hefur reynst hvetjandi
við innleiðingu og notkun BREEAM. Matið á helstu hvötunum í íslenskum byggingariðnaði
hvað varðar innleiðingu BREEAM byggist á reynslu/mati þeirra viðmælenda sem tóku þátt
í þessari rannsókn.
Meginhvatarnir í íslenskum byggingariðnaði hvað varðar aðlögun BREEAM virðast snúa
að ákveðnum umhverfisáhrifaflokkum BREEAM fremur en öðrum. Þar ber einn flokkur
höfuð og herðar yfir aðra þegar kemur að því hversu auðvelt er að skora stig í BREEAM,
það er flokkurinn heilsa og vellíðan. Það hefur reynst auðvelt að uppfylla kröfurnar undir
þeim flokki hér á landi. Þá virðist ímynd fyrirtækja einnig veigamikill hvati fyrir því að fá
BREEAM vottun á mannvirki hérlendis. Sá stimpill sem fylgir BREEAM vottun virðist bæta
ímynd ráðgjafafyrirtækja og verktaka sem bjóða upp á slíka þjónustu. Með því að bjóða
upp á ráðgjöf við BREEAM vottun sýnir viðkomandi fyrirtæki samfélagsábyrgð í verki.
83
Aðrir þættir sem viðmælendur telja til hvata hvað varðar aðlögun og útfærslu BREEAM
eru ódýr orka, íslenska byggingarreglugerðin og félagslegir hvatar. Þeir meginhvatar sem
finna má í íslenskum byggingariðnaði varðandi aðlögun BREEAM, að mati viðmælenda,
eru teknir saman og útskýrðir í töflu 1, sem sjá má hér að neðan. Í kjölfarið eru hvatarnir
settir í samhengi við erlendar rannnsóknir úr fræðilega hluta rannsóknar.
Tafla 1. Helstu hvatar í íslenskum byggingariðnaði með tilliti til þeirra krafna sem settar eru fram í
BREEAM, að mati viðmælenda rannsóknar.
Þeir meginhvatar sem nefndir eru hér að ofan eru ekki alls óskyldir þeim hvötum sem
nefndir eru í rannsókn Parkers (2012) á viðhorfi til BREEAM innan byggingariðnaðarins á
Bretlandi, þó meginhvatarnir séu ekki taldir þeir sömu og má segja að þar liggi stærsti
munurinn. Í Bretlandi eru meginhvatarnir fyrir umhverfisvottun á mannvirki taldir vera
ákvæði í skipulagslögum og stefnumál fyrirtækja, sem kemur ekki heim og saman við þá
Hvatar Nánari*útskýring:*
Heilsa*og*vellíðanÞað$er$margt$$sem$er$auðvelt$að$uppfylla$undir$þeim$umhverfisáhrifaflokki$á$Íslandi.$Þættir$á$borð$við$$loftgæði,$dagsbirta,$lýsing$og$hljóð.
Samfélagsábyrgð*og*ímynd*ráðgjafarfyrirtækja
Ímynd$fyrirtækja$og$ábyrg$viðskipti$eru$veigamiklir$hvatar$fyrir$því$að$sækjast$eftir$BREEAM$vottun$hér$á$landi.$Sá$stimpill$sem$BREEAM$vottuð$bygging$fær$virkar$jákvæður$út$á$við$fyrir$ráðgjafarfyrirtæki$sem$veita$slíka$þjónustu$og$sýnir$að$lögð$er$áhersla$á$samfélagsábyrgð.$
Félagslegir*hvatar
Samstaða$og$miðlun$þekkingar.$Fagaðilar$eru$viljugir$til$að$hjálpa$hver$öðrum$við$innleiðingu$og$útfærslu$BREEAM$hér$á$landi,$þvert$á$fyrirtæki$og$stofnanir.$
Íslenska*byggingarreglugerðin
Ákveðin$atriði$sem$krafist$er$í$BREEAM$eru$nú$þegar$komin$inn$í$íslensku$byggingarreglugerðina.$Íslendingar$eiga$auðvelt$með$að$uppfylla$þær$kröfur.
OrkaGott$aðgengi$Íslendinga$að$vatni,$fersku$lofti$og$endurnýjanlegri$orku$auðveldar$úrlausn$ákveðinna$krafna$sem$settar$eru$fram$í$BREEAM.$
Eftirspurn*á*markaði
Í$kjölfar$umhverfisvakningar$á$Íslandi$undanfarið$hefur$eftirspurn$eftir$vottuðum$vörum$aukist$á$markaði.$Heildsölur$leitast$í$auknu$mæli$eftir$því$að$selja$vottaðar$vörur$til$þess$að$vera$leiðandi$á$markaði$varðandi$umhverfisstefnu.
84
hvata sem nefndir eru í íslensku samhengi. Þetta gefur til kynna að lagarammi og umgjörð
í kringum BREEAM sé skýrari á Bretlandi en á Íslandi og jafnframt að kerfið njóti meiri
stuðnings hins opinbera þar í landi. Þetta undirstrikar jafnframt hvað stuðningur af hálfu
hins opinbera getur skipt miklu máli við að ýta undir þróun í átt að aukinni sjálfbærni í
byggingariðnaði. Væru ákvæði í skipulagslögum á Íslandi varðandi notkun BREEAM væri
það án efa áhrifamesti hvatinn fyrir því að fá vottun á mannvirki, bætt ímynd fyrirtækis
myndi svo ef til vill fylgja í kjölfarið.
Það vægi sem ímynd ráðgjafarfyrirtækja og samkeppnisstaða virðist fá hérlendis leiðir
óneitanlega að þeirri spurningu hvort að hagsmunir, fyrirtækjaímynd og
samkeppnisforskot ráði för þegar kemur að notkun BREEAM, umfram þann umhverfislega
ávinning sem getur hlotist af notkun kerfisins. Sé þetta skoðað í ljósi rannsóknar þeirra
Snjólfs, Brynhildar og Láru (2014) á stöðu samfélagsábyrgðar hjá íslenskum fyrirtækjum,
má segja að niðurstöður þeirrar rannsóknar gefi svipaðar vísbendingar um þá hvata sem
liggja að baki samfélagsábyrgð fyrirtækja á Íslandi. Þar kom fram að flest fyrirtækin töldu
mestan ávinning af samfélagsábyrgð vera fjárhagslegan, bætta ímynd út á við og jákvæð
áhrif á starfsfólk (Snjólfur, Brynhildur og Lára, 2014). Heilt yfir virðast íslensk fyrirtæki
fyrst og fremst hugsa um samfélagsábyrgð út frá eigin hagsmunum enn sem komið er,
minni áhersla er lögð á þau áhrif sem starfsemi þeirra getur haft á samfélag og umhverfi
(Snjólfur, Brynhildur og Lára, 2014). Þetta endurspeglast að vissu leyti í því sem komið
hefur fram hér að ofan um þá hvata sem stuðla að notkun BREEAM hér á landi. Eigin
hagsmunir og ímynd fyrirtækja virðast vega þungt hvað það varðar. Af þessu má ætla að
það ríki ekki fullt jafnvægi á milli félagslegra, umhverfislegra og efnahagslegra þátta við
útfærslu og notkun BREEAM.
Hverjar eru helstu hindranirnar í íslenskum byggingariðnaði með tilliti til þeirra krafna
sem settar eru fram í vistvottunarkerfinu BREEAM?
Þegar talað er um hindranir fyrir innleiðingu BREEAM á Íslandi er átt við þær BREEAM
kröfur og tækniatriði sem hefur reynst erfitt að úfæra hérlendis, sem og annað í íslenskum
byggingariðnaði sem hefur hindrað aðlögun og notkun BREEAM á einhvern hátt.
Viðmælendur gátu allir nefnt slíkar hindranir og áttu í flestum tilvikum auðveldara með
85
að nefna hindranir en hvata, sem gefur vísbendingu um að þörf sé á að aðlaga ýmsa þætti
varðandi BREEAM kröfurnar betur að íslenskum aðstæðum.
Hindranirnar sem viðmælendur nefna virðast að mestu leyti yfirfærast á tilteknar
aðstæður, aðferðir eða framleiðslu í íslenskum byggingariðnaði sem erfitt er að samræma
BREEAM kröfunum. Viðmælendur lögðu allir áherslu á einn umhverfisáhrifaflokk BREEAM
umfram aðra sem reynst hefur erfitt að uppfylla hér á landi, það er flokkurinn
byggingarefni. Of mikið er flutt inn af byggingarefnum og það vantar umhverfisvottun á
það byggingarefni sem framleitt er mest af hér á landi, steypuna. Aðrar hindranir sem
nefndar voru snúa að staðsetningu Íslands með tilliti til erlendra birgja, vöntun á
vistferilsgreiningum á byggingarefni, landnotkun og vistfræði, orkunýtni húsa,
samgöngum, neikvæðu viðmóti gagnvart BREEAM í íslenskum byggingariðnaði, flóknu
tæknilegu viðmóti, skorti á fræðslu um þessi málefni og stuðningi frá ríkinu í formi
einhvers konar styrkja eða sjóða.
Þær meginhindranir sem finna má í íslenskum byggingariðnaði varðandi aðlögun
BREEAM, að mati viðmælenda, eru teknar saman og útskýrðar í töflu 2. Í kjölfarið eru
hindranirnar settar í samhengi við niðurstöður erlendra rannnsókna sem fjallað var um í
fræðilega hluta rannsóknar. Með slíkum samanburði er reynt að varpa ljósi á hvað megi
betur fara við útfærslu kerfisins hjá eigendum þess, BRE Global Ltd., annars vegar, og
hverjar af þeim hindrunum og annmörkum sem viðmælendur nefna megi heimfæra
sérstaklega á íslenskar aðstæður.
86
Tafla 2. Helstu hindranir í íslenskum byggingariðnaði með tilliti til þeirra krafna sem settar eru
fram í BREEAM, að mati viðmælenda rannsóknar
Hindranir Nánari)útskýring:)
Byggingarefni
Það$hefur$gengið$erfiðlega$að$uppfylla$kröfur$um$byggingarefni$hér$á$landi.$BREEAM$gerir$kröfu$um$vottað$umhverfisstjórnunarkerfi$hjá$framleiðendum$byggingarefna$og$því$falla$efnistengdar$kröfur$í$vissum$tilfellum$á$þeim$forsendum.$Einnig$er$verið$að$flytja$of$mikið$að$efnum$inn.
Íslensk)steypuframleiðsla
Steypuframleiðsla$á$Íslandi$stendur$illa$hvað$varðar$þær$kröfur$sem$settar$eru$fram$um$upprunavottun$byggingarefna$í$BREEAM.$Það$vantar$umhverfisvottun$á$íslenska$steypuframleiðslu.$
Vöntun)á)vistferilsgreiningum
Það$vantar$upp$á$vistferilsgreiningar$á$byggingarefni$á$Íslandi.$Það$er$að$sýna$fram$á$umhverfisáhrif$vörunnar.$Innlend$byggingarefni$fá$oft$ekki$stig$í$BREEAM$vegna$þessa.$Slíkar$greiningar$eru$þó$að$ryðja$sér$til$rúms.
Landnotkun)og)vistfræði
Umhverfisáhrifaflokkur$sem$virðist$ekki$hafa$verið$lögð$mikil$áhersla$á$við$innleiðingu$BREEAM$hingað$til$á$Íslandi,$eða$verið$tekinn$inn$í$verkefni$of$seint.$Það$þarf$að$huga$að$þessum$flokki$við$upphaf$verks$og$vanda$betur$til$verka.$
Orkunýtni)húsaÞað$hefur$reynst$erfitt$að$uppfylla$ákveðnar$kröfur$undir$orkukaflanum$í$BREEAM.$Þörf$er$á$að$þróa$og$útfæra$aðferðafræði$til$að$reikna$orkunýtni$húsa$hér$á$landi.
Samgöngur
Staða$samgöngumála$á$Íslandi$er$ekki$góð$með$tilliti$til$þeirra$krafna$sem$settar$eru$fram$í$BREEAM.$Almenningssamgöngur$og$aðgengismál$mætti$víða$bæta.$Tryggja$þarf$hjólastæði,$betri$gönguN$og$hjólastíga$og$samgöngur$almennt.
Neikvætt)viðmót
Sú$tregða$sem$fyrirfinnst$sums$staðar$innan$bygginariðnaðarins$gagnvart$BREEAM$getur$virkað$sem$hindrun$við$innleiðingu$kerfisins.$Það$þarf$að$ganga$á$eftir$upplýsingum$frá$sumum$og$hamra$á$því$að$fólk$fylgi$kröfunum$út$í$gegnum$allt$byggingarferlið.$
Skortur)á)fræðslu)og)miðlun
Þrátt$fyrir$þá$vitundarvakningu$sem$átt$hefur$sér$stað$varðandi$umhverfismál$á$Íslandi$undanfarið,$vantar$ennþá$mikið$upp$á$fræðslu$um$umhverfisvottanir$fyrir$byggingar$og$sjálfbærar$lausnir$innan$byggingariðnaðarins.
Flókið)tæknilegt)viðmót
Tæknilegt$viðmót$kerfisins$virðist$vefjast$fyrir$notendum$BREEAM$kröfurnar$eru$taldar$ósveigjanlegar,$leiðarvísirinn$flókinn$og$það$þykir$horft$of$mikið$í$smáatriði$við$BREEAM$vottun.$
Skortur)á)stuðningi)frá)ríkinu
Aukinn$stuðningur$frá$ríkinu$getur$verið$hjálplegur$til$að$auka$á$sjálfbæra$þróun$innan$byggingariðnaðarins.$Það$vantar$einhvers$konar$sjóði$eða$styrki$á$vegum$hins$opinbera$til$þess$að$ýta$undir$þessa$þróun.$
87
Þær meginhindranir sem komið hafa upp við aðlögun og notkun BREEAM hér á landi eiga
margt skylt við þær hindranir og annmarka á kerfinu sem nefndar voru í þeim erlendu
rannsóknum sem fjallað var um í fræðilega hluta rannsóknarinnar. Samkvæmt
rannsóknum virðast helstu vankantar BREEAM snúa að skorti á upplýsingagjöf og fræðslu
til notenda vottaðra bygginga, of flóknu og tæknilegu viðmóti kerfisins, ósamræmi í
mælikvörðum og mati á milli verkefna og slakri verkstjórn meðan á vottunarferli stendur
(Schweber, 2013; Turner og Arif, 2012; Parker, 2012; Nesteby, Aarrestad,Lohne o.fl.,
2016). Það mátti greina þvert á rannsóknir að það flókna og tæknilega viðmót sem
einkennir BREEAM er kerfinu síst til framdráttar (Schweber, 2013; Turner og Arif, 2012;
Parker, 2012). Meirihluti viðmælenda í rannsókn Parkers (2012) nefndi að þörf væri á að
einfalda kerfið og auka sveigjanleika. Skrifræðið sem einkennir kerfið er einnig talið draga
úr skýrleika þess út á við (Schweber, 2013).
Þetta bendir til þess að viðmót kerfisins reynist fólki almennt torskilið og flókið.
BREEAM leiðarvísirinn virðist vefjast fyrir Bretum líkt og Íslendingum, þó svo að hann sé
á móðurmáli Breta og allar kröfur séu aðlagaðar og úfærðar í samræmi við breskar
aðstæður. Það er því ekki að undra að leiðarvísirinn flækist fyrir þeim sem nota kerfið á
Íslandi þar sem þarf að útfæra hverja kröfu til samræmis við íslenskar aðstæður.
Samkvæmt rannsóknum virðist ákveðið ósamræmi loða við kerfið (Turner og Arif,
2012; Scweber, 2013). Það lýsir sér meðal annars í ákveðnu ósamræmi á milli ætlana og
væntinga hönnunarteyma byggingar samanborið við raunverulegan ávinning þegar
byggingin er komin í notkun og skynjunar notenda hennar á þeim ávinningi sem BREEAM
er ætlað að skila (Turner og Arif, 2012; Scweber, 2013). Sumir eiginleikar BREEAM
vottunarkerfisins virðast glatast í ferlinu eða virðast ekki hafa þau áhrif á notendur
bygginga sem lagt er upp með (Turner og Arif, 2012). Einnig virðist eiga sér stað
mismunandi mat um ákveðna þætti í BREEAM vottunarferli sem lýsir sér meðal annars í
því að styðjast þarf við mismunandi mælikvarða eftir því hvernig byggingu á að votta í
hvert sinn (Scweber, 2013). Viðmælendur þessarar rannsóknar töluðu einnig um ákveðið
ósamræmi sem gætt hefur við notkun og útfærslu BREEAM á Íslandi, þó það snúi að
öðrum þáttum en nefndir eru hér að ofan. Hluti viðmælenda nefndi það ósamræmi sem
getur falist í því að heimfæra breskar kröfur yfir á íslenskar aðstæður, kröfurnar eigi oft
einfaldlega ekki við. Slíkt geti bæði verið kostnaðarsamt og tímafrekt. Þetta myndi að
88
öllum líkindum ekki vera raunin yrði farið í að þróa íslenska útgáfu af BREEAM. Ástæða
þess að viðmælendur rannsóknarinnar nefndu ekki ósamræmi milli hönnunarstigs
byggingar og notkunar hennar gæti verið sú að rannsóknin tók ekki til notenda BREEAM
vottaðra bygginga hér á landi.
Svo virðist sem þörf sé á að samræma ákveðna þætti í BREEAM betur. Hætt er við að
ósamræmi við útfærslu og mælikvarða grafi undan áreiðanleika kerfisins og trausti
fagaðila á því. Líkt og komið var inn á hér að ofan getur þetta ósamræmi lýst sér í því að
styðjast þarf við mismunandi mælikvarða og kröfur eftir byggingartegundum og skoðanir
og þekking fagaðila í verkefnateymum koma ekki alltaf heim og saman við kröfur sem eru
settar fram í BREEAM. Að stærstum hluta virðast þeir annmarkar sem nefndir eru á
BREEAM í þessari tilviksrannsókn, og þeim erlendu rannsóknum sem fjallað var um, lúta
að svipuðum þáttum. Það bendir til þess að heimfæra megi helstu hindranir við notkun
kerfisins á uppbyggingu, og útfærslu þess. Vandinn liggur því að hluta til hjá eigendum
kerfisins sem sjá um þá þætti. Aftur á móti er aukin fræðsla um vistvottunarkerfi og
sjálfbærar lausnir í byggingariðnaði samvinnuverkefni allra hlutaðeigandi aðila. Kerfið er
aftur á móti í stöðugri þróun og uppfærslu sem sýnir viðleitni eigenda til þess að gera
betur og fylgja gildandi stefnum og reglugerðum hverju sinni. Hvað íslenskar aðstæður
varðar virðast vandamálin liggja í því að það vanti að aðlaga kröfurnar betur að íslenskum
aðstæðum. Eins vantar skýrari ramma um notkun BREEAM hér á landi og meiri eftirfylgni
og hvatningu af hálfu hins opinbera.
Hvernig áhrif hefur BREEAM á fagaðila í byggingariðnaði og verkefnateymi sem vinna
að BREEAM vottuðum byggingum á Íslandi?
Samkvæmt viðmælendum og reynslu þeirra af þátttöku í BREEAM vottunarferli virðast
áhrif kerfisins á fagaðila og verkefnateymi vera tvíþætt. Annars vegar er aðkoma að
BREEAM vottuðu verkefni ákveðið lærdómsferli sem leiðir af sér þekkingarsköpun fyrir
þátttakendur. Hins vegar setur BREEAM ákveðnar áherslur inn í byggingarferlið sem
útheimtir oft og tíðum auka vinnu af hálfu þátttakenda í slíku ferli.
Viðmælendur voru almennt sammála um að BREEAM auki þverfræðilegt samtal á milli
ólíkra aðila sem koma að vottaðri byggingu. Þetta samtal lýsir sér fyrst og fremst í
fundarhöldum, hópvinnu og því að kerfið kallar hlutaðeigandi aðila mun fyrr að borðinu
89
en tíðkast. Þetta skilar auknum skilningi á milli fagaðila og þannig skarast vinna allra sem
koma að byggingarframkvæmd á einhverjum stigum verkefnis. Samtalið eykur einnig
þekkingu þátttakenda á öðrum þáttum byggingarframkvæmda en snúa að þeirra sérsviði,
sem dýpkar skilning á heildarferlinu, sem ætti að vera öllum til góða og skila betri
byggingum fyrir vikið. Þetta kemur heim og saman við niðurstöður úr rannsókn Schwebers
(2013) þar sem komið er inn á það samtal sem BREEAM hvetur til á meðal aðila í
hönnunarteymum annars vegar og þeirra sem byggja húsin hins vegar, sem leiðir af sér
þverfræðilega þekkingarsköpun (Schweber, 2013).
Þátttaka í BREEAM vottunarferli getur reynst íþyngjandi fyrir þátttakendur að mati
viðmælenda. Kerfið er þungt í vöfum, BREEAM leiðarvísirinn er flókinn og kerfið útheimtir
skriffinnsku hjá þeim sem útbúa sönnunargögnin til að uppfylla kröfur sem BREEAM setur.
Þau félagslegu samskipti sem fylgja BREEAM vottun geta verið strembin þegar á reynir,
þó oftast hafi fólk jákvæðni að leiðarljósi. Það þarf eftirlit með því að BREEAM kröfunum
sé fylgt og oft þarf að ýta á eftir hlutunum, aukavinnan sem fylgir BREEAM á það til að
dreifast misjafnt niður á þátttakendur. Allir aðilar eru þó mikilvægir í slíku ferli, þetta er
fyrst og fremst samvinna og slíkri vottun á mannvirki er ekki komið áleiðis nema með
samskiptum. Viðmælendur tala almennt um að þeir hafi upplifað jákvæðni í BREEAM
vottunarferli og auðvelt hafi verið að leita aðstoðar ef eitthvað hafi verið óljóst. Það megi
koma í veg fyrir óþarfa pirring og neikvæðni í einhverjum tilfellum með betra skipulagi og
verkaskiptingu. Auk þess þarf að fræða fólk um tilgang þess að taka þátt í svona ferli, hvers
vegna sé verið að þessu í stóra samhenginu, svo að þátttakendur sjái tilgang með þátttöku
í vottunarferli.
Þessar niðurstöður má tengja við rannsóknir Porters og Kramers (2006) og Zhaos,
Zahos, Davidsons o.fl. (2012) á samfélagsábyrgð fyrirtækja innan byggingariðnaðarins.
Samkvæmt þeim rannsóknum er þörf á heildstæðari ramma fyrir samfélagsábyrgð innan
byggingariðnaðarins til þess að gera fyrirtækjum kleift að bregðast við auknum kröfum
um örugg viðskipti. Það sem einna helst vantar upp á er að taka alla hagsmunaaðila með
í reikninginn þegar kemur að því að innleiða samfélagsábyrgð í byggingariðnaði (Porter
og Kramer, 2006; Zhao o.fl., 2012).
BREEAM ætti að vera vel til þess fallið að stuðla að víðtækara samtali og aðkomu allra
hlutaðeigandi hagsmunaaðila að byggingarframkvæmd samkvæmt þessari tilviks-‐
90
rannsókn á íslenskum byggingaiðnaði, og þeim erlendu rannsóknum sem farið var yfir.
Það má segja að BREEAM feli í sér ákveðna verkstjórn meðan á framkvæmd stendur.
Kerfið virðist greina og kalla til hlutaðeigandi hagsmunaaðila á skipulegan hátt, sem ætti
að hjálpa til við að innleiða samfélagsábyrgð í byggingariðnaði með áhrifaríkum hætti.
7.2 Annmarkar rannsóknar og mögulegt framhald Vert er að nefna að afmörkun rannsóknarinnar hefur áhrif á rannsóknina og
rannsóknarniðurstöður. Einnig ber að hafa í huga að rannsóknin er eigindleg og því
markast niðurstöður hennar af sýn viðmælenda, og þar af leiðandi er ekki hægt að alhæfa
um rannsóknarniðurstöður. Þegar tilviksrannsóknir eru annars vegar ber alltaf að hafa
stöðu rannsakanda og áreiðanleika gagna í huga (Yin, 2009). Hönnun, framkvæmd og
úrvinnsla rannsóknargagna er alfarið í höndum rannsakanda og því er alltaf hætt við því
að hlutdrægni rannsakanda hafi áhrif á rannsóknina. Rannsakandi þarf að gæta fyllsta
hlutleysis við gagnaöflun og úrvinnslu (Yin, 2009). Í þessari rannsókn var þess gætt að
nálgast rannsóknina með hlutleysi og fróleiksfýsn að leiðarljósi. Gætt var að því að spyrja
viðmælendur opinna spurninga til þess að koma í veg fyrir að leiða þá að ákveðnum
svörum. Eins er spurningin um áreiðanleika gagna í tilviksrannsóknum algeng (Yin, 2009).
Erfitt getur verið að segja til um hvenær rannsakandi hefur safnað nægilegum gögnum til
þess að tryggja áreiðanlegar niðurstöður þegar ekki er við tölfræði að styðjast. Í þessari
rannsókn var tekin ákvörðun um fjölda viðmælenda út frá þeim upplýsingum sem komu
fram í viðtölunum og tengingu þeirra við rannsóknarspurningarnar sem lágu til
grundvallar. Svör viðmælenda voru oftar en ekki keimlík hvað ákveðna þætti varðar, því
var álitið að ákveðin mettun hafi náðst í gagnasöfnun fyrir þetta tilvik. Hvað áreiðanleika
gagna varðar var einnig horft til fjölda vottaðra bygginga sem viðmælendur hafa komið
að. Alls hafa 23 byggingar verið skráðar í BREEAM vottunarferli á Íslandi samkvæmt
GrenBookLive (2017). Viðmælendur þessarar rannsóknar hafa komið að tíu þessara
bygginga. Svör viðmælenda ættu því að gefa niðurstöður sem hægt er að styðjast við.
Rannsóknin er ekki stór í sniðum og gefur því aðeins vísbendingar um mat fagaðila í
byggingariðnaðinum á BREEAM. Það er ekki hægt að heimfæra niðurstöðurnar yfir á
íslenskan byggingariðnað í heild. Það hefði eflaust gefið ítarlegri mynd af innleiðingu
BREEAM hér á landi að hafa viðmælendur fleiri og ræða einnig við iðnaðarmenn og
ófaglærða sem hafa komið að BREEAM vottuðum verkefnum hér á landi. Það er ekki
91
ólíklegt að það séu aðilar sem starfa innan byggingariðnaðarins á Íslandi sem hafa aðra
sýn á BREEAM en komið hefur fram í þessari rannsókn. Það væri einnig gagnlegt að ræða
við sveitarfélög sem setja skipulagsskilmála og byggja stóran hlut opinberra bygginga, sem
og eigendur bygginga og rekstraraðila vottaðra bygginga. Það gæti verið verkefni í aðra
rannsókn, eða framhald af þessari, að kanna nánar viðhorf til kerfisins í íslenskum
byggingariðnaði. Rannsóknin gefur því ekki endanlegar niðurstöður um innleiðingu og
notkun BREEAM á Íslandi.
Ekki gafst rými í þessari 30 eininga rannsókn til þess að kanna alla þætti er varða
aðlögun og notkun BREEAM á Íslandi. Hér verða nefndir nokkrir þættir sem vert væri að
kanna betur til þess að fá aukinn skilning á því hvernig BREEAM hentar íslenskum
aðstæðum. Þau áhrif sem BREEAM hefur á notendur vottaðra bygginga hér á landi voru
undanskilin í þessari tilviksrannsókn. Það væri athyglisvert að kanna þau áhrif í sérstakri
rannsókn. Reynsla notenda bygginga hérlendis gæti gefið góðar vísbendingar um
raunverulega virkni BREEAM, og hvort að vottaðar byggingar standi undir væntingum.
Ekki voru skoðuð sönnunargögn úr BREEAM vottunum hérlendis, eða matsskýrslur við
gerð þessarar rannsóknar. Það væri gagnlegt að taka slík gögn til greiningar og setja í
samhengi við niðurstöður þessarar rannsóknar í þeirri viðleitni að útskýra nánar hvað felst
í BREEAM kröfunum. Sér í lagi þeim kröfum sem reynst hefur erfitt að uppfylla hér á landi.
Þannig væri hægt að greina þær hindranir sem komið hafa upp við notkun kerfisins á
ítarlegri hátt, skoða stigaskor og hvar þarf að gera betur varðandi stigaskor í ákveðnum
flokkum. Efnahagslega hlið BREEAM var ekki tekin fyrir í þessari rannsókn en skiptir engu
að síður miklu máli hvað varðar framtíð BREEAM og frekari aðlögun kerfisins á Íslandi. Það
virðist ríkja ákveðin óvissa um þá hlið BREEAM hérlendis og því full ástæða til að rannsaka
þann þátt betur. Það er efni í sér rannsókn sem gæti komið að góðum notum varðandi
áframhaldandi aðlögun og notkun kerfisins hér á landi.
Að lokum verður að líta til þess að rannsóknin er sú fyrsta sinnar tegundar á Íslandi og
því var ekki við margt að styðjast varðandi samanburðarrannsóknir og ákjósanlegt
rannsóknarsnið fyrir viðfangsefnið. Erlendar rannsóknir á BREEAM reyndust þó vel við
gerð þessarar rannsóknar. Ekki er um auðugan garð að gresja hérlendis hvað varðar
heimildaöflun og fræðileg skrif um BREEAM og notkun þess. Segja má að rannsóknin sé
liður í að safna saman fræðilegri þekkingu á BREEAM hér landi.
92
8 Lokaorð
Aukin sjálfbærni í byggingariðnaði um heim allan er ekki aðeins skynsamleg þróun heldur
aðkallandi sé horft til loftslagsbreytinga og mannfjöldaþróunar sem eru að eiga sér stað.
Sjálfbærar lausnir í byggingariðnaði eru að ryðja sér til rúms og eru eflaust það sem koma
skal í byggingariðnaði þegar fram líða stundir. Slík þróun er þó hvorki sjálfgefin né einföld
í útfærslu af niðurstöðum þessarar rannsóknar að dæma. Alþjóðlegar vistvottanir fyrir
mannvirki, á borð við BREEAM, virðast vera hjálpleg tæki til að skapa samræmdan
viðmiðunarramma varðandi slíkar aðferðir og leiða þróun í átt að aukinni sjálfbærni innan
byggingariðnaðarins. Slík kerfi auka skipulag í byggingarferli, veita aðhald og tryggja
þannig að sett markmið náist.
Svo virðist sem það viðmót og verklag sem tengist sjálfbærum lausnum í
byggingariðnaðinum sé heldur tæknilegt og formlegt enn sem komið er, sem hjálpar ekki
til við framgang slíkra aðferða. Til þess að sjálfbærar lausnir í byggingariðnaði nái aukinni
útbreiðslu virðist þörf á að auka á skilning og vitneskju um sjálfbæra þróun almennt, bæði
hjá fagaðilum sem og almenningi. Það dugar ekki að einblína aðeins á að fólk skilji kröfur
og tæknilegar úrlausnir til að ná ákveðnum stigum í vistvottunarkerfum, það virðist þörf
á að byggja upp grunnþekkingu svo að heildarsamhengi náist og fólk sjái tilgang með
notkun vottunarkerfa annars vegar og notkun bygginga hins vegar. Það gæti eflaust verið
gagnlegt fyrir byggingariðnaðinn að reyna að einfalda þær aðferðir sem stuðst er við til
að útfæra sjálfbæra þróun í greininni og þróa skýrari leiðbeiningar, án þess þó að þær
missi marks. Af niðurstöðum rannsóknarinnar að dæma virðist skýrara viðmót geta
auðveldað framgang aðferða sem stuðla að sjálfbærri þróun, þar á meðal notkun
BREEAM.
Af þessari rannsókninni að dæma má ætla að BREEAM kerfið feli í sér ávinning þegar
kemur að því að skapa viðmiðunarramma fyrir sjálfbær mannvirki og stuðla að þróun
mælikvarða og nýrra aðferða í þeim efnum. Í þeim skilningi stuðlar BREEAM að sjálfbærri
þróun innan byggingariðnaðarins, hreyfir við aðferðum og skapar samtal um nýjar og
tæknilegar lausnir. Töluverðra umbóta virðist þó vera þörf á BREEAM til að notkun og
miðlun kerfisins skili þeim árangri sem því er ætlað. Þetta snýr bæði að uppbyggingu og
viðmóti kerfisins, og að því hvernig miðlun um virkni kerfisins fer fram. Hvað notkun
BREEAM varðar virðast stærstu hindranirnar vera of tæknilegt viðmót og skortur á
93
upplýsingagjöf. Það gæti þurft að innleiða kerfisbundnari þekkingu á kröfum kerfisins og
hvernig eigi að útfæra þær. Þetta má gera með aukinni fræðslu og aðstoð við notkun og
innleiðingu BREEAM. Þá yrði kerfið ekki eins þungt í vöfum og áhrif þess yrðu ef til vill
meiri ef allir hefðu betri skilning á því sem þeir væru að gera. Aukin fræðsla og miðlun
þekkingar á milli verkefna myndi einnig draga úr þeirri vinnu sem hvert hönnunarteymi
fyrir sig virðist þurfa að inna af hendi til þess að læra hvernig BREEAM virkar. Þannig mætti
einnig draga úr kostnaði. Það má þó velta því upp hvort að sú aðferðafræði sem BREEAM
miðlar, og þykir flókin í dag, verði orðin almennari og viðteknari þegar fram líða stundir
og meiri reynsla verður komin á þessar aðferðir almennt.
Þessi rannsókn varpar ljósi á það hvernig hefur tekist til með aðlögun BREEAM hér á
landi og hvar þarf að gera betur varðandi ákveðnar kröfusetningar og umhverfismál í
íslenskum byggingariðnaði almennt. Með þeim hætti gefur rannsóknin innsýn í þá
möguleika sem eru fyrir hendi til að sækja fram og tryggja skilvirkari þróun í átt að aukinni
sjálfbærni í byggingariðnaði á Íslandi. Þá ætti rannsóknin að vera gagnlegt innlegg í
umræðu um vistvottunarkerfi og sjálfbærar lausnir í byggingariðnaði hérlendis.
Rannsóknin stuðlar að þekkingarsköpun og leggur til hagnýtar niðurstöður fyrir íslenskan
byggingariðnað, sem og íslensk stjórnvöld. Stjórnvöld þurfa að ganga fram með góðu
fordæmi og tryggja að þær ákvarðanir sem teknar eru á vegum hins opinbera hafi sem
minnst neikvæð áhrif á umhverfi, samfélag og efnahag Íslendinga þegar til lengri tíma er
litið. BREEAM er kjörið verkfæri fyrir stjórnvöld til að skapa ramma um sjálfbæra þróun í
byggingariðnaði og til að láta efndir fylgja orðum í þeim efnum. Kerfið virðist vel til þess
fallið að bæta gæði, verkstjórn og eftirfylgni í byggingarferli, og skapar um leið
sameiginlegan vettvang til að sammælast um og útfæra sjálfbærar lausnir í íslenskum
byggingariðnaði. Til þess að aðlögun og notkun BREEAM á Íslandi eigi að ná fram að ganga
með skilvirkari hætti þurfa að koma til frekari hvatar frá hinu opinbera og sveitarfélögum.
Eins og er eru engir fjárhagslegir hvatar fyrir því að byggja vistvænt á vegum hins
opinbera. Segja má að sóst sé eftir umhverfisvottun mannvirkja af ákveðinni hugsjón í von
um betri og heilsusamlegri byggingar og fjárhagslegan ávinning þegar fram líða stundir.
Þar hafa ráðgjafafyrirtæki og FSR dregið vagninn samkvæmt niðurstöðum þessarar
rannsóknar. Það vantar beinu fjárhagslegu hvatana og þar með umbun fyrir því að ráðast
í slík verkefni. Fjárhagslegir hvatar geta verið beinir styrkir og niðurgreiðslur, hagkvæmari
94
lán, lægri fasteignagjöld, lægri lóðagjöld, lægri vátryggingaiðgjöld og lægri VSK á
vistvænum byggingarvörum svo fátt eitt sé nefnt.
Að endingu má draga þann lærdóm af þessari rannsókn að sjálfbær þróun í
byggingariðnaði krefst samvinnu og þekkingar. Slík þróun er verkefni sem að allir
hlutaðeigandi aðilar verða að hjálpast að við ef vel á að vera, þar með talið ríki og
sveitarfélög. Auka þarf þverfræðilegt samtal innan byggingariðnaðarins, skapa
heildstæðan ramma um samfélagsábyrgð og stuðla að fræðslu um umhverfismál og
sjálfbæra þróun. Þróunarstarf og aðlögun aðferða og lausna í eins rótgrónum iðnaði og
byggingariðnaðurinn er langtímaverkefni. Öll viðleitni og tilraunir til framfara og þróunar
í rétta átt eru af hinu góða. Rannsóknir og miðlun er mikilvægur liður í slíkri framþróun.
95
Heimildaskrá
Alyami, S. H. og Rezgui, Y. (2012). Sustainable building assessment tool development approach. Sustainable Cities and Society, 5, 52-‐62.
Asif, M., Muneer, T. og Kelley, R. (2007). Life cycle assessment: a case study of a dwelling home in Scotland. Building and Environment, 42(3), 1391-‐1394.
Atkinson, G. (2009). Sustainable development and policy: a brief review of the literature & current practice. Final Report to the Government Economic Service Group on Sustainable Development, 1-‐48.
Attia, S., Gratia, E., De Herde, A., & Hensen, J. L. (2012). Simulation-‐based decision support tool for early stages of zero-‐energy building design. Energy and buildings, 49, 2-‐15.
Bagheri, A. og Hjorth, P. (2007). Planning for sustainable development: A paradigm shift towards a process-‐based approach sustainable development. Sustainable Development, 15(2), 83-‐96.
Barthorpe, S. (2010). Implementing corporate social responsibility in the UK construction industry. Property Management, 28(1), 4-‐17.
Berardi, U. (2011). Beyond sustainability assessment systems: Upgrading topics by upscaling the assessment. International Journal of Sustainable Building Technology and Urban Development, 2(4), 276-‐282.
Berardi, U. (2012). Sustainability Assessment in the Construction Sector: Rating Systems and Rated Buildings. Sustainable Development, 20(6), 411-‐424.
Berardi, U. (2013). Clarifying the new interpretations of the concept of sustainable building. Sustainable Cities and Society, 8, 72-‐78.
Berg, L. (2009). Qualitative Research Methods for the Social Sciences (7. útg.) Boston: Pearson Education.
Bowen, H. R. (1953). Social responsibilities of the businessman. New York: Harper Row.
Bragança, L., Mateus, R. og Koukkari, H. (2010). Building sustainability assessment. Sustainability, 2(7), 2010-‐2023
BRE. (2017a). BRE Trust -‐ About the BRE Trust. Sótt af http://www.bre.co.uk/bretrust/page.jsp?id=2052
BRE. (2017b). BREEAM. Sótt af https://www.bre.co.uk/page.jsp?id=829
96
BRE Global Ltd. (2009). BREEAM Europe Commercial 2009 Assessor Manual (SD 5066A: Issue 1.1). Sótt af http://www.breeam.com/filelibrary/Technical%20Manuals/BREEAM_Europe_Commercial_2009.pdf
BRE Global Ltd. (2012). BRREAM Bespoke 2008 (Scheme Document 5067 Issue 2.1). Sótt af http://www.breeam.com/filelibrary/Technical%20Manuals/SD5067_2_1_BREEAM_Bespoke_2008.pdf
BRE Global Ltd. (2016). BREEAM International New Construction 2016: Technical Manual (Version: SD233 – Issue: 1.0). Sótt af http://www.breeam.com/BREEAMInt2016SchemeDocument/
BREEAM. (2017a). What is BREEAM? Sótt af http://www.breeam.com/
BREEAM. (2017b). Why BREEAM? Sótt af http://www.breeam.com/why-‐breeam
Carroll, A. B. (1999). Corporate social responsibility: Evolution of a definitional construct. Business & Society, 38(3), 268-‐295.
Carroll, A. B. (2008). A History of Corporate Social Responsibility – concepts and practices. Í Crane, A. McWilliams, A. Matten, D. Moon og J. Sieger, D. (ritstj.), The 87 Oxford Handbook of Corporate Social Responsibility (bls. 19-‐46). Oxford: Oxford University Press.
Garriga, E. og Mele, D. N. (2004). Corporate Social Responsibility theories: Mapping the territory. Journal of Business Ethics, 53(1-‐2), 51-‐71.
Cassidy, R. (2003). White paper on sustainability: Building Design and Construction, 10. Sótt af https://archive.epa.gov/greenbuilding/web/pdf/bdcwhitepaperr2.pdf
Celik, B. G. (2013). Exploring sustainable development and its interpretation in the built environment. Journal of Sustainable Development, 6(12), 83-‐91.
Chegut, A., Eichholtz, P. og Kok, N. (2014). Supply, Demand and the Value of Green Buildings. Urban Studies, 51(1), 22-‐43.
Clements-‐Croome, D. (2004). Intelligent Buildings Design, Management and Operation. London: Thomas Telford.
Cooper, I. (1999). Which focus for building assessment methods — environmental performance or sustainability? Building Research and Information, 27(4/5), 321-‐331.
Cole, R. J. (1998). Emerging trends in building environmental assessment methods. Building Research and Information, 26(1), 3-‐16.
Cole, R. J. (1999). Building environmental assessment methods: clarifying intentions. Building Research and Information, 27(4/5), 230-‐246.
97
Cole, R. J. (2005). Building environmental assessment methods: redefining intentions and roles. Building Research and Information, 35(5), 455-‐467.
Cooper, I. (1999). Which focus for building assessment method -‐ environmental performance or sustainability? Building Research and Information, 27(4/5), 321-‐331.
Cocoyoc Declaration. (1974). United Nations Conference on Trade and Development (UNCTAD) symposium in Cocoyoc, (útgefið í Development Dialogue, Nr. 2). Uppsala: Dag Hammarskjöld Foundation.
Conrad, M. (2016). Case studies. Fyrirlestur haldinn í námskeiðinu STJ203F Qualitative Research Methods. Reykjavík: Háskóli Íslands.
Courtney, R. (1997). Building Research Establishment past, present and future. Building Research & Information, 25(5), 285-‐291.
Crawford, R. H. og Pullen, S. (2011). Life cycle water analysis of a residential building and its occupants. Building Research & Information, 39(6), 589-‐602.
Crawley, D. og Aho, I. (1999). Building environmental assessment methods: application and development trends. Building Research and Information, 27(4/5), 300-‐308.
Dagný Arnarsdóttir. (2011). Samfélagsleg ábyrgð fyrirtækja: grunnlínurannsókn á CSR umræðu í íslenskum fjölmiðlum (útgefin MS-‐ritgerð). Háskóli Íslands, Reykjavík. Sótt af http://skemman.is/item/view/1946/10238
Dagný Kaldal Leifsdóttir. (2013). Samfélagsleg ábyrgð 50 stærstu fyrirtækja Íslands; Fylgja athafnir orðum? (útgefin MS-‐ritgerð). Háskóli Íslands, Reykjavík.
Darko, A. og Chan, A. P. (2016). Critical analysis of green building research trend in construction journals. Habitat International, 57, 53-‐63.
Davis, K. (1960). Can Business Afford to Ignore Social Responsibilities? California Management Review, 2(3),70-‐76.
DEFRA, Department for Environment, Food and Rural Affairs. (2005). Securing the future: Delivering UK sustainable development strategy. London: HMSO. Sótt af https://www.gov.uk/government/publications/securing-‐the-‐future-‐delivering-‐uk-‐sustainable-‐development-‐strategy
DEFRA, Department for Environment, Food and Rural Affairs. (2007). UK Government Sustainable Procurement Action Plan: Incorporating the Government response to the report of the Sustainable Procurement Task Force. London: HMSO. Sótt af http://www.sustainabilityexchange.ac.uk/files/sustainableprocurementactionplan.pdf
Ding, G. K. C. (2008). Sustainable construction – The role of environmental assessment tools. Journal of Environmental Management, 86(3), 451-‐464.
98
Dobbs, R., Oppenheim, J., Thompson, F., Brinkman, M. og Zornes, M. (2011). Resource Revolution: Meeting the world's energy, materials, food, and water needs. McKinsey & Company, New York.
Efla verkfræðistofa. (2010). Vistvæn endurhönnun Höfðabakka 9: kynning á opnum fundi Vistbyggðaráðs. Sótt af http://www.vbr.is/files/EFLA_H%C3%B6f%C3%B0abakki%209_%20Vistv%C3%A6n%20h%C3%B6nnun_211010.pdf
Eichholtz, P. M. A., Kok, N. og Quigley, J. M. (2010) Doing well by doing good: green office buildings. American Economic Review, 100, 2494-‐2511.
Ellen MacArthur Foundation. (2017). What is circular economy? Sótt af https://www.ellenmacarthurfoundation.org/circular-‐economy
EPA, Environmental Protection Agency. (2008). Green Building Strategy. Sótt af https://archive.epa.gov/greenbuilding/web/pdf/greenbuilding_strategy_nov08.pdf
EPA, Environmental Protection Agency. (2017). Green building. Sótt af https://archive.epa.gov/greenbuilding/web/html/about.html
European Commission. (2011). Communication from the Commission to the European parliament, the council, the European economic and social committee and the committee of the regions: A renewed EU strategy 2011-‐14 for Corporate Social Resoponsibility (COM (2011) 681 final). Brussel. Sótt af http://eur-‐lex.europa.eu/LexUriServ/LexUriServ.do?uri=COM:2011:0681:FIN:en:PDF
European Commission. (2006). Communication from the Commission concerning Corporate Social Responsibility: Implementing the Partnership for Growth and Jobs: Making Europe a pole of excellence on CSR (COM (2006) 136 final). Brussel. Sótt af http://eur-‐lex.europa.eu/legal content/EN/TXT/?uri=CELEX%3A52006AE1576
FESTA, Samfélagsábyrgð fyrirtækja. (2017). Um Festu: Um Samfélagsábyrgð. Sótt af http://festasamfelagsabyrgd.is/um-‐samfelagsabyrgd/
Fischer, E. A. (2010). Issues in green building and the federal response: An introduction. DIANE Publishing, Collingdale.
Fisher, L. M. og Bradshaw, W. (2010). Green building and the organization of development. 46th Annual AREUEA Conference Paper. Sótt af https://papers.ssrn.com/sol3/papers.cfm?abstract_id=1717093
Fowke, R. og Prasad, D. (1996). Sustainable development, cities and local government: Dilemmas and definitions. Australian Planner, 33(2), 61-‐66.
Frederick, W. C. (1960). The growing concern over business responsibility. California Management Review, 2, 54-‐61.
Fuerst, F. og McAllister, P. (2011) Green noise or green value? Measuring the effects of environmental certification on office values. Real Estate Economics, 39, 45-‐69.
99
Garriga, E. og Melé, D. (2004). Corporate social responsibility theories: Mapping the territory. Journal of Business Ethics, 53(1), 51-‐71.
GreenBookLive. (2017a). Scemes. Sótt af http://www.greenbooklive.com/search/advancedsearchresults.jsp?from=0&companyame=&addressPostcode=&productName=&certNo=&countryId=352&id=217&results_pp=10
GreenBookLive. (2017b).Certified BREEAM Assessments: Iceland. Sótt af http://www.greenbooklive.com/search/buildingsearch.jsp?partid=10023&subschemeid=0&subsubschemeid=0&companyName=&developer=&productName=&buildingRating=&certNo=&certBody=&assessorAuditor=&countryId=352&addressPostcode=&standard=¬es=&projectType=&id=202
GreenBookLive. (2017c). Certified BREEAM Assessments: Sweden. Sótt af http://www.greenbooklive.com/search/buildingsearch.jsp?id=202§ionid=0&partid=10023&projectType=&certNo=&productName=&companyName=&developer=&buildingRating=&certBody=&assessorAuditor=&addressPostcode=&countryId=34&postcode=&scale=7.5
Green building council Australia. (2017). Green Star: The what and why of certification. Sótt af http://new.gbca.org.au/green-‐star/
Haapio, A. og Viitaniemi, P. (2008). A critical review of building environmental assessment tools. Environmental Impact Assessment Review, 28(7), 469-‐482.
Halldór Reynisson. (2005). Borgar sig að breyta rétt?: Um siðferði í viðskiptum. Glíman, 2, 13-‐19.
Hennik, M., Hutter, I og Bailey, A. (2013). Qualitative Research Methods. London: Sage.
Henningfeld, J., Phol, M. og Tolhurst, N. (2006). The ICCA Handbook on Corporate Social Responsibility. Chichester: John Wiley & Sons.
Holmes, J. og Hudson, G. (2000). An evaluation of the objectives of the BREEAM scheme for offices: a local case study. Proceedings of cutting Edge, 1-‐16.
Hueting, R. og Reijnders, L. (2004). Broad sustainability contra sustainability: the properconstruction of sustainability indicators. Ecological Economics, 50(3-‐4), 249-‐260.
IEA, International Energy Agency. (2005). Evaluating Energy Efficiency Policy Measures & DSM Programmes: A useful step for demonstrable progress and impacts of policies and measures to reduce CO2 emissions. Sótt af http://www.ieadsm.org/wp/files/Task1-‐ST9_evaluation.pdf
IPCC, Intergovernmental Panel on Climate Change. (2007). Summary for policy makers: climate change, (IPCC WG1 fjórða matsskýrsla). New York: Cambridge University Press.
100
ISO, International Organization for Standardization 15392 (2008). Sustainability in building construction – General principles. Sótt af https://www.iso.org/standard/40432.html
ISO, International Organization for Standardization ISO 26000. (2010). Guidance on social responsibility (First edition). Sótt af http://www.cnis.gov.cn/wzgg/201405/P020140512224950899020.pdf
ISO, International Organization for Standardization. (2017). Standards: ISO 26000 Social responsibility. Sótt af https://www.iso.org/iso-‐26000-‐social-‐responsibility.html
Kibert, C. J. (2016). Sustainable construction: green building design and delivery. John Wiley & Sons, New York.
Kim, M. J., Oh, M. W. og Kim, J. T. (2013). A method for evaluating the performance of green buildings with a focus on user experience. Energy and Buildings, 66, 203-‐210.
Krausmann, F., Gingrich, S., Eisenmenger, N., Erb, K. H., Haberl, H. og Fischer-‐Kowalski, M. (2009). Growth in global materials use, GDP and population during the 20th century. Ecological Economics, 68(10), 2696-‐2705.
Larsson, N. (1998). Green Building Challenge '98: International strategic considerations. Building Research and Information, 26(2), 118-‐121.
Li, Y., Chen, X., Wang, X., Xu, Y. og Chen, P. H. (2017). A review of studies on green building assessment methods by comparative analysis. Energy and Buildings, 146, 152-‐159.
Lean Construction Institute. (2017). What is Lean Design & Constrution? Sótt af https://www.leanconstruction.org/about-‐us/what-‐is-‐lean-‐design-‐construction/
Lowe, R. (2007). Addressing the challenges of climate change for the built environment. Building Research & Information, 35(4), 343-‐350.
Markelj, J., Kuzman, M. K. og Zbašnik-‐Senegačnik, M. (2013). A review of building sustainability assessment methods. AR Arhitektura, Raziskave, 1, 22-‐31.
Markelj, J., Kitek Kuzman, M., Grošelj, P. og Zbašnik-‐Senegačnik, M. (2014). A simplified method for evaluating building sustainability in the early design phase for architects. Sustainability, 6(12), 8775-‐8795.
Martens, P. (2006). Sustainability: Science or fiction? Sustainability: Science, Practice, & Policy, 2(1), 36-‐41.
Meadows, D. H., Meadows, D. L., Randers, J. og Behrens III, W. W. (1972). The limits to growth: a report to the club of Rome. New York: Universe Books.
Miller, N., Spivey, J. og Florance, A. (2008). Does green pay off? Journal of Real Estate Portfolio Management, 14, 385-‐400.
101
NAO, National Audit Office. (2007). Building for the future: Sustainable construction and refurbishment on the government estate (Report by the Comptroller and Auditor General, HC 324 session 2006 – 2007). Sótt af https://www.nao.org.uk/wp-‐content/uploads/2007/04/0607324.pdf
Nesteby, I., og Aarrestad, M. E. (2015). LPS som verktøy for å redusere påvirkningene av push-‐strategi i BREEAM-‐prosjekter. Project paper, Department of Civil and Transport Engineering, NTNU, Trondheim, Norway.
Nesteby, Å. I., Aarrestad, M. E., Lohne, J., og Bohne, R. A. (2016). Integration of BREEAM-‐NOR in Construction Projects: Utilizing the Last Planner System. Energy Procedia, 96, 100-‐111.
Norwegian Green Bulding Council. (2012). BREEAM-‐NOR New Construction (version 1.1). Sótt af https://ngbc.no/wp-‐content/uploads/2015/09/BREEAM-‐NOR-‐Engl-‐ver-‐1.1_0.pdf
Norwegian Green Bulding Council. (2016). BREEAM-‐NOR New Construction 2016: Technical Manual (SD5075NOR). Sótt af https://ngbc.no/wp content/uploads/2016/08/BREEAM-‐NOR-‐2016_New Construction_GODKJENT_AV_BRE_250816.pdf
Norwegian Green Bulding Council. (2017).BREEAM-‐NOR. Sótt af http://ngbc.no/breeam-‐nor/
Pachauri, R. K., Meyer, L., Plattner, G. K. og Stocker, T. (2015). IPCC, 2014: Climate Change 2014: Synthesis Report. Contribution of Working Groups I, II and III to the Fifth Assessment Report of the Intergovernmental Panel on Climate Change. IPCC. Sótt af https://www.ipcc.ch/report/ar5/syr/
Parker, J. (2012). The Value of BREEAM: A BSRIA report. BSRIA. Sótt af http://www.breeam.com/filelibrary/BREEAM%20and%20Value/The_Value_of_BREEAM.pdf
Porter, M. E. og Kramer, M. R. (2006). Strategy and society: the link between competitive advantage and corporate responsibility. Harvard Business Review, 84(12), 78-‐92.
Reykjavíkurborg. (2015). Uppbygging og framkvæmdir í Úlfarsárdal: Skýrsla starfshós til borgarráðs. Sótt af http://reykjavik.is/sites/default/files/framkvaemdasja/skjol_2014/skyrsla_21sept_2015_ulfarsardalur.pdf
Sartori, I. og Hestnes, A. G. (2007). Energy use in the life cycle of conventional and low-‐energy buildings: A review article. Energy and Buildings, 39(3), 249-‐257.
Schweber, L. (2013). The effect of BREEAM on clients and construction professionals. Building Research and Information, 41(2), 129-‐145.
102
Schweber, L. og Haroglu, H. (2014). Comparing the fit between BREEAM assessment and design processes. Building Research & Information, 42(3), 300-‐317.
Shen, L. Y., Tam, V. W., Tam, L. og Ji, Y. B. (2010). Project feasibility study: the key to successful implementation of sustainable and socially responsible construction management practice. Journal of Cleaner Production, 18(3), 254-‐259.
Snjólfur Ólafsson, Brynhildur Davíðsdóttir og Lára Jóhannsdóttir. (2014). Samfélagsábyrgð íslenskra fyrirtækja. Í Auður Hermannsdóttir, Ester Gústavsdóttir og Kári Kristinsson (ritstj.), Vorráðstefna Viðskiptafræðistofnunar Háskóla Íslands mars 2014 (bls. 139-‐148). Sótt af http://ibr.hi.is/sites/ibr.hi.is/files/vorradstefna/Vorr%C3%A1%C3%B0stefna%202014/16Samf%C3%A9lags%C3%A1byrg%C3%B0.pdf
Sustainable Building Alliance. (2017). Schemes Library: Building Research Establishment Environmental Assessment Method (BREEAM). Sótt af http://www.sballiance.org/our-‐work/libraries/building-‐research-‐establishment-‐environmental-‐assessment-‐method-‐breeam/
Sweden Green Building Council. (2013). BREEAM-‐SE English Manual for New Construction and Refurbishment. (Version 2.0, edition 160222). Sótt af https://www.sgbc.se/docman/breeam-‐2016/645-‐breeam-‐se-‐engelsk-‐manual-‐v2-‐0/file
Sweden Green Building Council. (2017). Om BREEAM-‐SE. Sótt af https://www.sgbc.se/om-‐breeam-‐se-‐meny
Tam, V. W., Tam, C. M., Zeng, S. X. og Chan, K. K. (2006). Environmental performance measurement indicators in construction. Building and Environment, 41(2), 164-‐173.
Teo, M. og Loosemore, M. (2003). Changing the environmental culture of the construction industry. In Construction Research Congress: Wind of Change: Integration and Innovation, 1-‐8.
Turner, N. og Arif, M. (2012). BREEAM excellent: business value vs employee morale. Journal of Physics: Conference Series, 364(1), 012116.
UNEP. (2007). Buildings and Climate Change: Status, Challenges and Opportunities. Sótt af http://www.unep.org/sbci/pdfs/BuildingsandClimateChange.pdf
UNEP. (2011). Buildings: Investing in energy and resource efficiency. (In Part II of Towards a Green Economy: Pathways to Sustainable Development and Poverty Eradication), 331-‐374. Sótt af http://eprints.lse.ac.uk/47895/1/__Libfile_repository_Content_Burgett,%20R_Burdet_Buildings_%20investing_energy%20_2011_Rode_Buildings_2011.pdf
UNEP-‐SBCI. (2009). Sustainable Buildings and Climate Initiative: Buildings and Climate Change. Sótt af http://www.unep.org/sbci/pdfs/SBCI-‐BCCSummary.pdf
103
UNEP-‐SBCI. (2014). Sustainable Buildings and Climate Initiative: Greening the Building Supply Chain. Sótt af http://www.unep.org/sbci/pdfs/greening_the_supply_chain_report.pdf
UNFCCC, United Nations Framework Convention on Climate Change. (2006). UNFCCC Handbook (FCCC/ CP/1999/7). Sótt af https://unfccc.int/resource/docs/publications/handbook.pdf
Verkís verkfræðistofa. (2015). Sundlaugarhönnun Verkís. Sótt af http://www.verkis.is/um-‐okkur/frodleikur/frettir/sundlaugarhonnun-‐verkis
Vistbyggðarráð. (2013). Vistvottunarkerfi fyrir byggingar: Greining á hagkvæmni og aðlögunarhæfni erlendra vottunarkerfa fyrir íslenskan byggingamarkað. Sótt af http://www.fsr.is/media/frettir/Vistvottunarkerfi-‐fyrir-‐byggingar.pdf
Vistbyggðarráð. (2017). Um vistbyggðaráð. Sótt af http://www.vbr.is/efni/fyrirtaekid
Visthús. (2017). Um verkefnið. Sótt af af http://visthus.is/category/um-‐verkefnid/
Visthús. (2017). Vottunarkerfi. Sótt 5. maí 2017 af http://visthus.is/category/vottunarkerfi/
Vísindavefur Háskóla Íslands. (2000). Hvaða tölur koma á eftir milljón og milljarði? Sótt af https://www.visindavefur.is/svar.php?id=446
Von Malmborg, F. B. og Forsberg, A. (2003). Choice of energy data in environmental assessment of the built environment. Journal of Environmental Assessment Policy and Management, 5(01), 83-‐97.
WCED, World Commission on Environment and Development. (1987). Our CommonFuture. New York: Oxford University Press.
WGBC, World Green Building Council. (2013). The Business Case for Green Building: A Review of the Costs and Benefits for Developers, Investors and Occupants. Sótt af http://www.worldgbc.org/news-‐media/business-‐case-‐green-‐building-‐review-‐costs-‐and-‐benefits-‐developers-‐investors-‐and-‐occupants
Yin, R. K. (2009). Case Study Research: Design and Methods (4. útg.). London: SAGE Publications.
Yin, R. K. (2014). Case Study Research: Design and Methods (5. útg.). London: SAGE Publication.
Younger, M., Morrow, H. R., Vindigni, S. M. og Dannenberg, A. L. (2008). The Built Environment, Climate Change, and Health: Opportunities for Co-‐Benefits. American Journal of Preventive Medicine, 35(5), 517-‐526.
Yu, C. W. og Kim, J. T. (2011). Building environmental assessment schemes for rating of IAQ in sustainable buildings. Indoor and Built Environment, 20(1), 5-‐15.
104
Zhao, Z. Y., Shen, L. Y. og Zuo, J. (2009). Performance and strategy of Chinese contractors in the international market. Journal of Construction Engineering and Management, 135(2), 108-‐118.
Zhao, Z. Y., Zaho, X. J., Davidson, K. og Zuo, J. (2012). A corporate social responsibility indicator system for construction enterprises. Journal of Cleaner Production, 29-‐30, 277-‐289.
Zuo, J. og Zhao, Z. Y. (2014). Green building research–current status and future agenda: A review. Renewable and Sustainable Energy Reviews, 30, 271-‐2.
105
Viðauki A
Viðtalsrammi rannsóknar
Vistvottunarkerfið BREEAM.Greining á aðlögunarhæfni matskerfisins að
íslenskum aðstæðum
Rannsóknarspurningar
Spurningunum er skipt í þemu sem tengjast rannsóknarefninu. Stykkorðin í svigunum eru
atriði sem reynt er að koma inn á í hverri spurningu.
Persónulega reynsla af BREEAM
1. Hvaða BREEAM vottaða verkefni hefur þú komið að og hvert var þitt hlutverk í
vottunarferlinu?
2. Hver er reynsla þín af því að taka þátt í BREEAM vottuðu verkefni? (Tæknileg atriði,
félagslegi þátturinn, umhverfisleg atriði, stjórnun, þekking, teymisvinna, hindranir,
vinnuálag, kröfur)
3. Hverja myndir þú telja helstu hvatana fyrir því að fá BREEAM vottun hérlendis? (Ákvæði
í skipulagslögum, samfélagsábyrgð, ímynd, umhverfisvandamál)
Aðlögun BREEAM að íslenskum byggingariðnaði
4. Hverja myndir þú telja helstu hvatana í íslenskum byggingariðnaði hvað varðar þær
kröfur sem settar eru fram í BREEAM?(Auðlindir, byggingarefni, þekking, félagslegi
þátturinn, fjármögnun, stuðningur, stjórnvöld, stefnur)
5. Hverja myndir þú telja helstu hindranirnar í íslenskum byggingariðnaði hvað varðar þær
kröfur sem settar eru fram í BREEAM?(Auðlindir, bygginarefni, loftslag, þekking,
félagslegir þættir, fjármögnun, stuðningur, stjórnvöld, stefnur)
106
Hönnun og ákvarðanataka
6. Með hvaða hætti hefur BREEAM áhrif á ákvarðanatöku í ferlinu, frá hugmynd til
útfærslu?
7. Hvers konar áhrif hefur BREEAM á hönnun bygginga? Myndir þú telja BREEAM
lausnarmiðaða aðferð hvað varðar vandamál á hönnunar-‐ og byggingarstigi?
Félagsleg áhrif BREEAM
8. Með hvaða hætti hefur BREEAM áhrif á daglegt verklag/rútínu verkefnateyma sem taka
þátt í BREEAM vottunarferli?
9. Hvers konar þekkingu og tækni er miðlað til þeirra sem taka þátt í vottunarferli? Hvað
lærðir þú af þáttöku í slíku ferli?
Vottunarferlið
10. Hvaða atriði sjálfbærrar þróunar er lagt mest áhersla á í vottunarferlinu?
11. Myndirðu segja að að sú sérfræðiþekking sem þú hefur í grunninn hafi hjálpað til við
ná tilsettum kröfum sem gerðar eru í BREEAM?
12. Hvernig upplifðir þú hlutverk og þáttöku matsmannsins í ferlinu? Fannst þér teymið
fá nægilegar leiðbeiningar og aðstoð í ferlinu?
13. Fannst þér vottunarferlið á einhvern hátt ýta undir breiðara og þverfræðilegra samtal
meðal ólíkra starfsgreina/aðila sem komu að verkefninu?
Umhverfisáhrifaflokkar og tæknileg atriði
14. BREEAM er til þess fallið að hafa áhrif á ýmsar hliðar verkefna í gegnum
umhverfisáhrifaflokkana, hvar myndir þú segja að áhrifa BREEAM gætti einna helst? (þ.e.
undir hvaða flokki eru áhrifin greinilegust)
15. Geturðu nefnt einhver tæknileg atriði sem væri hægt að bæta hér á landi til þess að
skora hærra í ákveðnum umhverfisáhrifaflokkum í BREEAM?
107
Verðmæti/gildi BREEAM
16. Hvaða gildi hefur BREEAM haft fyrir þitt fyrirtæki, hefur það aukið virði/verðmæti
fyrirtækisins á einhvern hátt?(CSR, ímynd, stjórnun, félagslegir-‐, hagfræðilegir-‐ og
umhverfislegir þættir, grænt bókhald, samkeppnisstaða)
17. Telurðu að fyrirtækið muni halda áfram að sækjast eftir BREEAM vottunum í komandi
verkefnum? Af hveru/af hverju ekki?
Umbætur og frekari aðlögun
18. Hvað mætti bæta í íslenskum byggingariðnaði til þess að auðvelda aðlögun BREEAM
að aðstæðum hérlendis?(Menntun, leiðbeiningar, stjórnýsla, stuðningur, fjárhagslegar
ívilnanir, vitundarvakning, rannsóknir, íslensk útgáfa, fjármagn)
19. Hvernig myndirðu meta núverandi stöðu og viðhorf innan byggingargeirans á Íslandi
varðandi aðlögun og notkun BREEAM?
20. Telur þú að Íslendingar ættu að þróa íslenska útgáfu af BREEAM, sem tekur mið af
íslenskum lögum og reglugerðum? Ef svo er, hvað telurðu að getið áunnist með því?
(Stjórnun, stuðningur stjórnvalda, aðgengi, bættur árangur)
21. Ætti að innleiða BREEAM í íslensku byggingarreglugerðina og aðrar stefnur sem við á?
Ef svo er, hvernig myndi það styrkja og auðvelda aðlögun BREEAM að íslenskum
aðstæðum?
22. Að lokum, er breytinga þörf á BREEAM kerfinu til að bæta það? Ef svo er, hvaða
breytingar eru áríðandi að þínu mati?