TANGAZO LA UKUSANYAJI WA TAKWIMUMkurugenzi wa Halmashauri ya
Manispaa ya Ilala anawatangazia Wananchi, Wafanyabiashara na
wamiliki wa nyumba na majengo katika Manispaa ya Ilala kwamba,
Manispaa inaendelea na zoezi la kukusanya takwimu za Wakazi pamoja
na walipa kodi wa Manispaa kwa lengo la kupata taarifa na takwimu
sahihi za wakazi, wamiliki wa majengo na Wafanyabiashara ndani ya
Halmashauri ya Manispaa ya Ilala ili kuboresha utoaji wa huduma kwa
Wananchi wetu. Zoezi la ukusanyaji wa takwimu na taarifa linafanywa
na Watumishi wa Manispaa pamoja na wasaidizi wao kwa kupita katika
maeneo yote kukagua na kuuliza maswali kuhusu taarifa zinazohusu:1.
Jina kamili la mmiliki wa jengo2. Stakabadhi za malipo ya Kodi ya
Majengo yaliyofanyika kwa mara ya mwisho kama zipo3. Makadirio ya
malipo yaliyofanywa na Manispaa kama yapo. Pamoja na zoezi hili
shughuli zote za kukusanya mapato, ulipaji wa tozo mbalimbali na
ukataji wa leseni za biashara zitaendelea kama kawaida.Ifahamike
kwamba kumzuia Afisa yoyote wa Serikali kutekeleza wajibu wake ni
kosa kisheria na Halmashauri haitasita kumchukulia hatua kali za
kisheria Mtu yoyote au kikundi cha Watu wakatao kwamisha kwa namna
moja ua nyingine zoezi hii la ukusanyaji wa takwimu na
taarifa.Limetolewa na;Isaya M. MngurumiMKURUGENZI WA
MANISPAAHALMASHAURI YA MANISPAA YA ILALA
