Møtebok - Rådet for menneske med nedsett funksjonsevne - …...Rådmannen meiner listene gjev kommunestyret godt nok grunnlag for å vurdere om fordelinga av budsjettmidlar sektorane

Gloppen kommune

Møtebok

Utval Rådet for menneske med nedsett funksjonsevne Møtestad På Søreide Dato 29.01.2018 Tid Kl. 13:00 - 15:07

Følgjande medlemar møtte Frå Ivar Halland Majken G. Rygg Katrine Anita Heggelund SV Magni Aa Berge SP Forfall/møtte ikkje Frå Følgjande varamedlem møtte Frå Elfrid Rauset Håheim Tore Vegard Larsen Andre som møtte Anita Lothe, helse- og omsorgssjef i sak 3/18 og 4/18 Jan Kåre Fure, rådmann i sak 3/18 Per Arne Strand, oppvekstsjef i sak 3/18 Møteleiar: Ivar Halland Underskrift:

Side 2

Sakliste Sak nr. Sakstittel 001/18 Godkjenning av møteprotokoll, innkalling og sakliste

002/18 Referat og orienteringssaker

003/18 2018-budsjettet: Sektorvise tiltak for å kome ned på fastsett ramme

004/18 Helse og omsorgsplan 2018 - 2030 - høyringsutkast

005/18 Kommunedelplan for idrett, friluftsliv og fysisk aktivitet 2019 - 2022 - planprogram

006/18 Inkludering i fritidstilbod for barn og unge

Side 3

Gloppen kommune

Arkiv: FE - 033

JournalpostID: 18/6

Saksbehandlar: Jan Kåre Fure

Saksnr. Utval Møtedato

001/18 Rådet for menneske med nedsett funksjonsevne 29.01.2018

Godkjenning av møteprotokoll, innkalling og sakliste Vedlegg i saka: 23.11.2017 Protokoll - Rådet for menneske med nedsett funksjonsevne - 20.11.2017

Utvalsleiar si tilråding:

1. Rådet for menneske med nedsett funksjonsevne godkjenner møteprotokollen frå sitt møte den 20.11.17. 2. Rådet for menneske med nedsett funksjonsevne godkjenner innkallinga og saklista til møtet den 29.01.18

Møteprotokollen frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet.

Rådet for menneske med nedsett funksjonsevne 29.01.2018 Behandling

RAD- 001/18 Vedtak 1. Rådet for menneske med nedsett funksjonsevne godkjenner møteprotokollen frå sitt møte den 20.11.17 2. Rådet for menneske med nedsett funksjonsevne godkjenner innkallinga og saklista til møtet den 29.01.18 Vedtaket var samrøystes.

Side 4

Gloppen kommune

Arkiv: FE - 033

JournalpostID: 18/1099

Saksbehandlar: Åslaug Haugset



Referat og orienteringssaker

Rådet formenneske med nedsett funksjonsevne tek sakene til vitande.

Orienteringssaker: 1. Frå fylkesrådet for menneske med nedsett funksjonsevne: Endring i retningsliner for TT-kort. 2. Endring i tidspunkt for rådsmøta framover: kl 12-14 i staden for 13-15.

Ordet fritt...

Rådet for menneske med nedsett funksjonsevne 29.01.2018 Behandling RAD- 002/18 Vedtak Rådet for menneske med nedsett funksjonsevne tek sakene til vitande. Vedtaket var samrøystes.

Side 5

Gloppen kommune

Arkiv: FE - 151


Saksbehandlar: Jan Kåre Fure


008/18 Helse- og omsorgsutvalet 31.01.2018

008/18 Oppvekstutvalet 31.01.2018

010/18 MULTEK-utvalet 01.02.2018


004/18 Eldrerådet 29.01.2018

2018-budsjettet: Sektorvise tiltak for å kome ned på fastsett ramme Vedlegg i saka: 12.01.2018 Aktuelle innsparingstiltak helse- og omsorgsutvalet 12.01.2018 Aktuelle innsparingstiltak i oppvekstsektoren 12.01.2018 Innsparingar MULTEK sitt budsjettområde for teknisk og landbruk 12.01.2018 Innsparingstiltak - formannskapet 12.01.2018 Innsparingstiltak i kultursektoren

Rådmannen si tilråding …………utvalet viser til formannskapet sitt vedtak i sak 5/18, og set i verk følgjande tiltak for å oppfylle vedtaket:

· ……. · …….

Saksutgreiing Bakgrunn for saka Vi er no komne så langt i gjennomgangen av 2018-budsjettet at formannskapet har fastsett ramme for kvart hovudutval. Dette vart gjort på møtet den 24. januar i år, og formannskapet sitt vedtak lyder slik i sak 5/18: a) Formannskapet viser til rådmannen si saksutgreiing og fastset desse rammene for kutt i driftsbudsjettet for 2018 for kvart hovudutval (rådmannen sine tal i parantes): - Formannskapet 900 000,- (716 000) - Oppvekstutvalet 1 750 000,- (2 619 000) - Helse- og omsorgsutvalet 3 100 000,- (2 460 000) - MULTEK-utvalet 2 300 000,- (1 853 000) b) Forventa innsparing som følgje av stillingsstopp vert 3,0 mill. (alle sektorar). c) Innsparing på oppvekst sitt område - post 21300 - restbetaling for norskopplæring frå Jølster kommune vert flytta til rekneskap 2017 for styrking av resultatet. d) Formannskapet / kommunestyret ber om at næringssakene vert flytta frå MULTEK sitt ansvarsområde og over til formannskapet sitt område. e) Formannskapet ber om at det til neste møte vert lagt fram ei oversikt over økonomien knytt til

Side 6

kommunen sine aktivitetar i Trivselshagen IKS (både idrett og kultur). Saman med notatet skal det leggast fram eit organisasjonskart. f) Formannskapet ber om at bygging og drift av nytt omsorgsbygg vert innarbeidd i økonomiplan 2019 - 2022 med byggestart so tidleg som mogeleg. Den kommunale drifta må tilpassast slik at auka driftsutgifter grunna nytt omsorgsbygg kan takast inn med full verknad so snart bygget er klart. --- Pkt a-c vart vedteke med 5 røyster. Pkt d-f var samrøystes. Hovudutvala skal no vedta tiltak for å kome ned på fastsett ramme. Fakta i saka Utgangspunktet for formannskapet sitt vedtak er naturlegvis den gjennomgangen som har vore i arbeidsgruppene. I saksutgreinga var dette rådmannen si vurdering, som formannskapet også viser til i sitt vedtak: Til dei to store utvala sine område vil rådmannen minne om at vi for helse- og omsorgsutvalet sin del har eit svært stramt budsjett for heimetenesta på Sandane og for oppvektsutvalet sitt del eit krav om å utvide talet på barnehageplassar i inneverande barnehageår. Rådmannen tar – i alle fall litt – omsyn til dette i tilrådinga. Bakgrunnen for kravet om 4 mill. i overskot er eit ønske om å ‘ha noko å drive politikk på’ for å uttrykke dette litt populistisk. Rådmannen tilrår ikkje kutt i rammene for å oppfylle dette ønskjet/kravet. Listene frå arbeidsgruppene viser kva tiltak det er råd å gjennomføre og langt på veg konsekvensane av desse tiltaka viss budsjetta blir kutta meir enn det som arbeidsgruppene tilrår. Rådmannen meiner listene gjev kommunestyret godt nok grunnlag for å vurdere om fordelinga av budsjettmidlar sektorane imellom skal endrast, eller om aktiviteten skal reduserast ytterlegare for å budsjettere med overskot. Denne problemstillinga er først og fremst politikk. Rådmannen meiner budsjettrammene for 2018 ikkje bør reduserast meir enn dei 7.888.000 som i dag er lagt inn av disposisjonsfondet for å balansere drifta. Dette beløpet fører til omfattande kutt i sektorane, og dette kjem i tillegg til dei kutta som vart gjorde i den ordinære budsjettprosessen før jul. Med dei korrigeringane som er omtala nedanfor, gjev dette eit overskot på 990.500, som rådmannen meiner bør delast mellom oppvekst og helse og omsorg for å imøtekome behovet for eit styrka barnehagebudsjett og eit litt romslegare budsjett for heimetenesta på Sandane. Med 240.000 i ekstrainntekter på finansieringskapitlet, blir bruken av disposisjonsfondet redusert til kr 7.648.000. Innsparingane på forsikring fordeler seg om lag slik: - 300.000 på bygg og ting – hovudsakleg på MULTEK sitt område - 100.000 på bilane – halvparten på helse og omsorg og halvparten på MULTEK sitt område - 200.000 på personforsikringane – halvparten på helse og omsorg og halvparten på oppvekst. Forsikringspremiane er budsjetterte på det området bygget/bilen/den tilsette er ført. Fordelinga på sektorane er ikkje 100 % nøyaktig, men rett nok. Med desse føresetnadene blir rådmannen sitt framlegg til ‘kuttramme’ slik:

Formannskapet kr 716.000

Oppvekstutvalet " 2.619.000

Helse- og omsorgsutvalet

" 2.460.000

MULTEK-utvalet " 1.853.000

Sum kr 7.648.000

--- Det er pkt a og b i formannskapet sitt vedtak som må følgjast opp av hovdutvala. Formannskapet har ikkje gått nærare inn på kva som ligg i endringane som er gjort samanlikna med tilrådinga frå rådmannen utover at det er nødvendig å ta ned drifta meir for å oppfylle kravet om å

Side 7

styrke disposisjonsfondet. Bakgrunnen for dette er sjølvsagt at vi står framfor store investeringar på skuleanlegget i Hyen og det nye omsorgsbygget. Formannskapet legg til grunn at vi skal ta ut ei innsparing på 3 mill som følgje av stillingsstoppen. Det er ikkje sagt korleis dette skal gjerast, men for å få ut innsparingseffekten, må drifta ned tilsvarande. Rådmannen gjer framlegg om å fordele dette kuttet etter lønnsmassen i den førebelse 2017-rekneskapen. Tala ser då slik ut:

Område Lønnsutg. i 2017 i % Fordelt kutt

Formannskapet kr 21.963.000 5,86% 175.800

Oppvekstutvalet " 134.342.000 35,79% 1.073.700


" 170.473.000 45,42% 1.362.600

MULTEK-utvalet " 48.587.000 12,95% 388.500

Sum kr 375.364.000 100,02% 3.000.600

Det er sjølvsagt andre måtar å fordele dette kuttet på, men kuttet kan ikkje inntektsførast – det må takast ut som reduksjon i rammene. Økonomiske konsekvensar for kommunen Som rådmannen skreiv til formannskapet: Heile saka dreier seg om økonomiske konsekvensar… Rådmannen si vurdering Rådmannen ber hovudutvala gjere vedtak om dei tiltaka som må til for å kome ned på ramma som formannskapet har sett. Med rådmannen sitt framlegg til fordeling av dei tre millionane frå stillingsstoppen, blir rammene for kutta slik:

Formannskapet kr 1.075.000

Oppvekstutvalet " 2.825.000


" 4.460.000

MULTEK-utvalet " 2.690.000

Sum kr 11.050.000

Rådet for menneske med nedsett funksjonsevne 29.01.2018 Behandling Rådmann Jan Kåre Fure la fram saka, og rådet fekk høve til å stille spørsmål til helse- og omsorgssjef Anita Lothe og oppvekstsjef Per Arne Strand. RAD- 003/18 Vedtak Rådet for menneske med nedsett funksjonsevne ber om at utsette grupper blir skjerma i nedskjæringar og gebyrauke. Vedtaket var samrøystes.

Side 8

Gloppen kommune

Arkiv:


Saksbehandlar: Beate Kornberg


007/18 Helse- og omsorgsutvalet 31.01.2018

003/18 Eldrerådet 29.01.2018


Helse og omsorgsplan 2018 - 2030 - høyringsutkast Vedlegg i saka: 22.01.2018 Helse- og omsorgsplan 2018 - 2030 - Høyringsutkast til helse- og omsorgsutvalet

Rådmannen si tilråding Helse- og omsorgutvalet godkjenner rådmannen sitt høyringsutkast, og legg planen ut på høyring i perioden 2. februar til 16. mars 2018.

Saksutgreiing Bakgrunn for saka I kommunen sin planstrategi for perioden 2016-2020, vart det vedteke å starte arbeidet med ny kommunedelplan for helse og omsorg i løpet av 2017. Gjeldande helse- og omsorgsplan vart vedteken i 2007 med tidsramme fram mot 2010, og har ikkje vore rullert etter dette. Helse- og omsorgstenestene våre har vore gjennom store endringar i løpet av denne perioden, samtidig som både utfordringane og oppgåvene er i ferd med å endre seg. Kommunen har vore i forkant med å bidra til innovasjon og utvikling innan helse og omsorg i fylket, og vore tidleg ute med å følgje opp viktige sentrale føringar. Dette ønskjer vi å forankre i ein ny helse- og omsorgsplan. Fakta i saka Planen skal sikre at vi framleis skal ha gode helse- og omsorgstenester til innbyggjarane i Gloppen kommune, og god ressursutnytting fram mot 2030. Planen tek utgangspunkt i dei største helseutfordringane våre og legg føringar for ei heilskapleg og berekraftig utvikling av tenestetilboda i tråd med statlege føringar. Dei lokale utfordringane våre er utdjupa i kommunen sitt kunnskapsgrunnlag 2017 – «Helse og trivsel». I ny samfunnsdel som etter planen skal vedtakast i februar 2018, er «I forkant» valt som ein overordna strategi for same periode, og legg vidare sterk vekt på å skape og utvikle «Rike og rause livsmiljø». Helse- og omsorgsplanen legg difor vekt på å sette helse inn i ein større samanheng. Det er i familien, nærmiljøet, på arbeidsplassen og i lokalsamfunnet at helsa vår vert forma. Planen peikar derfor, i større grad enn det tidlegare plan gjorde, på den einskilde sitt ansvar for eige liv. Den legg og vekt på å utvikle gode strategiar for helsefremjande arbeid i samarbeid med andre aktørar. Planen dekker alle aldrar, og tydeleggjer eit sektorovergripande og tverrfagleg ansvar. Innleiingsvis i planen finn de statlege, regionale og kommunale føringar som har betydning for dette området (kap.2). I kapittel 3 omtalar vi dagens utgangspunkt i helse- og omsorgstenestene. Utfordringar og løysingar som har eller får betydning for tenestene er her omtala. Arbeidsgruppa har valt sju overordna strategiar og satsingar som vi ønskjer å prioritere for å løyse utfordringane våre (kap.4).

Side 9

Desse er: 1. Ansvar for eige liv 2. Tidleg innsats 3. Samarbeid (Strategien blir utdjupa i A. Samarbeid med brukar, pårørande og nettverk, B. Samarbeid med frivillige og C. Samarbeid på tvers av fag og sektorar). 4. Rehabilitering og habilitering 5. Rekruttering og kompetanse 6. Digitalisering og velferdsteknologi 7. Gode bumiljø Vidare er planen delt inn i to hovuddelar: «Barn, unge og familiar» (kap.5) og «Vaksne» (kap.6). Desse kapitla inneheld ei omtale av hovudutfordringar og tiltak. Kapittelet om barn, unge og familiar har ei sektorovergripande tilnærming, og skal også behandlast i oppvekstutvalet etter høyringsperioden. Inndelinga er med på å gjere planen lettare tilgjengeleg for andre sektorar og tenester. Siste kapittel ( kap.7) inneheld ein tabell der alle tiltak i planen er samla. Tiltaka er kobla til aktuelle strategiar, og tabellen inneheld vidare forslag til oppstart (tidfesting) og korleis rådmannen ser føre seg plassering av ansvar. Ansvarsplassering er berre meint til orientering, og skal ikkje vedtakast politisk. Økonomiske konsekvensar for kommunen Planen har økonomiske konsekvensar som må innarbeidast i økonomiplanar gjennom heile perioden. Rådmannen si vurdering Rådmannen meiner at arbeidsgruppa sitt utkast til ny helse- og omsorgsplan for perioden 2018 – 2030 har teke utgangspunkt i gode strategiar og tiltak for at løyse framtidas utfordringar. Valde strategiar og tiltak er etter rådmannen si vurdering med på å sikre ein best mogleg prioritering av våre begrensa ressursar og legg til rette for ei berekraftig utvikling. I arbeidet med planen har det, i tråd med vedteke planprogrammet, blitt lagt godt til rette for medverknad. Dette gjeld innspel frå møteserien «God alderdom i Gloppen» våren 2016, møtepunkt med frivillige, aktuelle einingar i både helse og omsorg og oppvekst og gjennom arbeidsgruppa sine tre brukarrepresentantar. Planen svarer på dei tema som er særskilt nemnt i planprogrammet. Det bør leggast opp til ei rullering etter fire år. Rådet for menneske med nedsett funksjonsevne 29.01.2018 Behandling Helse- og omsorgssjef Anita Lothe la fram saka for eldrerådet og rådet for menneske med nedsett funksjonsevne i lag. Råda gjekk kvart til sitt for handsaming. RAD- 004/18 Vedtak Rådet for menneske med nedsett funksjonsevne meiner planen kan leggjast ut på høyring, men ynskjer ein kortversjon av planen. Vedtaket var samrøystes.

Side 10

Gloppen kommune

Arkiv: FE - 141


Saksbehandlar: Jan-Kjetil Øygard



009/18 MULTEK-utvalet 01.02.2018

Kommunedelplan for idrett, friluftsliv og fysisk aktivitet 2019 - 2022 - planprogram Vedlegg i saka: 22.01.2018 Planprogram - kommunedelplan for idrett, friluftsliv og fysisk aktivitet 2019 -

2022

Rådmannen si tilråding 1. MULTEK-utvalet viser til rådmannen si saksutgreiing og vedtek framlegg til planprogram for

kommunedelplan for idrett, friluftsliv og fysisk aktivitet

2. Planprogrammet vert lagt ut på høyring med 16. mars 2018 som høyringsfrist 3. Rådmannen får fullmakt til å etablere ei arbeidsgruppe med brei deltaking.

Saksutgreiing Bakgrunn for saka Kommunedelplan for idrett, friluftsliv og fysisk aktivitet gjekk ut ved utgangen av 2017, men planen vart forlenga av kommunestyret i sak 071/17 til å gjelde ut 2018. Planen skal reviderast i samsvar med plan- og bygningslova. Denne revisjonen er også i samsvar med vedtatt planstrategi for Gloppen kommune. Det er også stilt krav om at det skal utarbeidast eit planprogram som grunnlag for slike planar som dette. Fakta i saka Kulturdepartementet har sett krav om eigne kommunedelplanar og regionale planar (tidl. fylkesdelplan) for anlegg og område for idrett og friluftsliv for at det skal kunne søkjast om spelemidlar til delfinansiering av bygging. Dette for at anleggsutbygginga skal vere gjenstand for klare behovsvurderingar i forhold til samfunnsmessige og idrettspolitiske mål. Kommunedelplan for idrett, fysisk aktivitet,og friluftsliv i Gloppen kommune vart fyrst vedtatt av kommunestyre i 1994, og denne har vore revidert 5 gonger. Plan- og bygningslova er styrande for denne planen, som etter lova skal reviderast kvar 4. år. Utgangspunktet for planen er at den skal vere eit styringsverktøy for anleggsutbygginga i kommunen, og å gjere aktuelle anlegg kvalifisert til å søkje om statlege spelemidlar i framtida. Kommunedelplanane skal bidra til å unngå at prioriteringar vert gjort ut i frå kortsiktige behov og på bakgrunn av press frå særinteresser, slik at vi får ei planstyrt utbygging og bruk av midlane. Kulturdepartementet har sett krav om at anlegg med stor kostnad, anlegg som krev store areal og kan vere ei stor miljøbelastning, skal styrast av den regionale planen, og dette gjeld anlegg som t.d. alpinanlegg, symjehallar, fleirbrukshallar og kunstgrasbaner. Desse må ha nødvendig prioritet i denne planen for å kunne motta spelemidlar.

Side 11

Fylkeskommunen sin plan skal byggast på innspel frå dei vedtekne kommunedelplanane. Kommunedelplanen skal innehalde ein langsiktig del (vanlegvis 12 år) som er tufta på kjente data om utviklinga i kommunen, og eit prioritert handlingsprogram for dei næraste 4 åra; dvs. 2019 – 2022. Planen må knytast opp til kommuneplanen sin arealdel, og andre aktuelle kommunedelplanar og reguleringsplanar for å få heimel. Økonomiske konsekvensar for kommunen Ingen. Rådmannen si vurdering I planstrategien til Gloppen kommune har det vore føresett at denne planen skulle reviderast i løpet at 2017, men arbeidet med andre planar har blitt prioritert. Kommunedelplanen og regionalplanen skal legge føringar for kva utvikling vi skal ha for idrettsanleggsutbygginga i kommunen i framtida. Planen for Gloppen kommune har etter rådmannen si vurdering vore eit godt styringsverkty. Det har vore bygd svært mange anlegg i kommunen dei siste åra der spelemidlar har inngått som delfinansiering. Ordninga med spelemidlar er ei så god ordning at rådmannen meiner at det er viktig for kommunen å ha ein godkjent plan som gjer at vi også i framtida har søknadsrett for dei aktuelle anlegga som skal utviklast og byggast. Planen har som mål å legge til rette for nybygg og rehabilitering av eksisterande anlegg, og å legge til rette for tiltak som vil vere med å stimulere til auka fysisk aktivitet og friluftslivsaktivitetar. I komande planperiode vil det etter rådmannen si vurdering vere aktuelt å ha ein auka fokus på friluftslivsanlegg rundt om i kommunen. Planarbeidet skal gjennomførast i tråd med plan- og bygningslova, og vil bli kunngjort gjennom annonse, brev til aktuelle partar, og det vil bli arrangert møte etter behov. Dette for å sikre god medverknad frå folk flest. Her blir sjølvsagt Gloppen Idrettsråd ein sentral samarbeidspart, men også repr. for folkehelse, friluftsliv og andre. Det er laga eit planprogram i tråd med retningslinjene i plan- og bygningslova og vegleiar frå Kulturdepartementet, og som gjer greie for planarbeidet, med fristar og medverknad, og som skal sendast ut på høyring. Rådet for menneske med nedsett funksjonsevne 29.01.2018 Behandling RAD- 005/18 Vedtak Rådet for menneske med nedsett funksjonevne meiner planprogrammet femnar dei tema som er viktige for sine brukergrupper. Å gjere friluftsliv tilgjengeleg for alle, både gjennom tydeleg merking og tilgjengeleg informasjon om tilrettelagte turruter, er noko rådet vil fokusere på i det videre arbeidet med planen. Vedtaket var samrøystes.

Side 12

Gloppen kommune

Arkiv: FA - C10, TI - &70


Saksbehandlar: Åslaug Haugset



Inkludering i fritidstilbod for barn og unge

Rådmannen si tilråding Rådmannen kjem ikkje med tilråding i saka.

Saksutgreiing Bakgrunn for saka På førre møte vart inkludering av barn og unge med nedsett funksjonsevne i kulturskulen teke opp under handsaminga av ei sak som omhandla noko anna. Ved å setje opp inkludering i fritidstilbod som eiga sak denne gongen vil rådet få høve til å diskutere saka grundigare. Fakta i saka Både i «Plan for samordning av tenester til barn og unge» og i forslag til ny samfunnsdel i kommuneplanen er det eit stort fokus på inkludering. Det bur mange barn og unge med funksjonsnedsettelsar i Gloppen. I høyringsutkastet til ny helse- og omsorgsplan står det i kap. 5.3: «Barn og unge med nedsett funksjonsevne kan oppleve det å vere med på fritidsaktivitetar meir utfordrande jo eldre dei blir. Krava til prestasjon aukar med alderen både i idrett og innan kultur. Nokre aktivitetar har betre vilkår for å inkludere alle, til dømes speidar, 4H og basistrening. Organiserte opne møteplassar som til dømes «Open skule» ved Firda VGS og «Idrettsklubben» i Breim kan vere gode inkluderande tilbod for barn og unge med nedsett funksjonsevne. Fritidsaktivitetar der ein freistar å skape særskilt fellesskap for menneske med ei utviklingshemming kan og vere ei løysing, men i små kommunar er det utfordrande å setje saman gode grupper etter alder, interesser og funksjonsnivå. Fylkeskommunen har eit uttalt mål om gjere kultur tilgjengeleg for alle, og i tillegg klare å sjå samanhengen mellom kultur og helse. Vi treng å sjå på om ressursane til støtte-, fritids- og treningskontakt kan brukast betre, til dømes direkte i organisasjonar som driv aktivitetar for barn- og unge. Kanskje kan nokon i organisasjonen ha eit særskilt ansvar for dette, i staden for at dei enkelte barna med behov for støtte kjem til aktiviteten

med «sin» kontakt.»

Ungdataundersøkinga som vart gjort i mars 2017 viste at ungdomsskuleelevar i Gloppen i større grad enn fylkes- og landsgjennomsnittet deltek i organiserte fritidsaktivitetar. Om lag 2/3 av dei er med på faste fritidsaktivitetar 3 eller fleire gongar i veka, og heile 15 % deltek på 7 eller fleire faste aktivitetar i veka. 16 % av jentene og 9 % av gutane er ikkje med på nokon faste aktivitetar. Dei organiserte fritidstilboda er viktige sosiale arenaer for barn og unge i Gloppen. Det er derfor viktig å vite om barn og unge med nedsett funksjonsevne har god tilgang til denne arenaen.

Side 13

Økonomiske konsekvensar for kommunen Å drøfte korleis barn og unge med funksjonsnedsettelse vert inkludert i fritidsaktivitetar har ingen økonomiske konsekvensar for kommunen. Rådmannen si vurdering Rådet bør vurdere om, og evetuelt korleis dei skal arbeide med å skaffe informasjon om korleis barn og unge med nedsett funksjonsevne er inkludert i fritidstilbodet i Gloppen. Rådet for menneske med nedsett funksjonsevne 29.01.2018 Behandling

RAD- 006/18 Vedtak Rådet for menneske med nedsett funksjonsevne vedtok å utsetje saka for å få betre tid til handsaminga. Vedtaket var samrøystes.

Documents

Møtebok - Rådet for menneske med nedsett funksjonsevne - …...Rådmannen meiner listene gjev kommunestyret godt nok grunnlag for å vurdere om fordelinga av budsjettmidlar sektorane