Must Lift Up Your Weak LegsOix Zuqc Cau Jiez Meih Nyei

Zaux-Mau Daaih

Hebrews 12:12-17 Hipv^lu 12:12-17

Please turn off your cell phone Sunday June 22, 2008

12 Hnangv naaiv, oix zuqc cau jiez Maiv maaih qaqv nyei buoz, yaac bun mau nyei cingh mborqc henv jiez daaih. 13 Oix zuqc zoux jauv yuonh nyei, zaux waaic nyei mienh ziouc maiv jaa waaic, daaux nzuonx haih longx nzengc.

14 Oix zuqc longc hnyouv caux zuangx mienh horpc fim dongh eix nyei yiem yaac longc hnyouv zoux cing-nzengc mienh. Haaix dauh maiv cing-nzengc maiv haih duqv buatc Tin-Hungh.

15 Oix zuqc faix fim, maiv dungx bun meih mbuo haaix dauh bungx ndortv Tin-Hungh nyei en. Yaac maiv dungx bun meih mbuo haaix dauh hnangv im haic nyei miev-nzungh baetv cuotv hlo daaih, yaac laaix ninh nyei ndie-doqc hoic mienh camv.

16 Yaac maiv dungx bun haaix

dauh zoux maiv luonx horngc

nyei sic fai maiv taaih Tin-Hungh

hnangv Esaau nor. Esaau weic

yietc donx hnaangx maaic ninh

zoux la'gauv dorn duqv sung-

gouv nyei leiz.

17 Meih mbuo hiuv duqv nqa'haav

ninh oix duqv ninh nyei die buang

nyei waac mv baac zuqc nqemh,

weic zuqc ninh goiv wuih maiv

Nzuonx ninh zoux liuz nyei sic,

Maiv gunv ninh qaqv lorz taux

wuom-mueic cuotv.

Biux Mengh WaacYie jangx taux zinh ndaangc yie caux Gueix-

Liemh mingh mission, yie mbuo mingh taux

Zingh Maix wuov, Liuz Zanx caux Manv Zanx

dorh yie mbuo mingh yangh jauv faaux Zingh

Maix Mbong, mingh mangc Zingh Maix Mungv,

yie gaengh haiz mau gau maiv haih faaux wuov

diuh jiex maiv dorng, haiz nyuoqc buoz nyuoqc

zaux nyei, mangc jienv mbong-baengh wuov

ndau, mv baac maiv noic duqv taux.

Naaiv douc Ging-Sou njaaux mbuo taux zoux Kuv sic nyei jauv

maiv dungx mau hnyouv. Mbuo maiv dungx weic zuiz nyei jauv

mau, mbuo maaih deix mau maiv maaih qaqv zoux longx, zoux

cing-nzengc, guangc mienh zoux dorngc mbuo nyei sic, maiv

haih gunv maiv duqv nouz mienh, nzorng mienh nyei jauv. Maiv

maaih qaqv gunv goux mbuo nyei buonh sin, maiv maaih qaqv

gunv goux mbuo nyei nzuih baengx gorngv doqc mienh, hemx

mienh, zioux mienh nyei jauv. Maiv maaih qaqv gunv goux

gorngv-baeqc nyei jauv, gorngv waac-laih hopv nyei jauv

Mbuo hoqc zoux kuv sic nyei jauv se hnangv gu’nguaaz hoqc yangh jauv nor, zanc-zanc ndorpc, mv baac Ging-Sou mbuox mbuo maiv dungx mau hnyouv.

I. Cau Jiez Mau Nyei Mbuoz Mau Nyei Zaux 1. Hnangv naaiv, oix zuqc cau jiez maiv maaih qaqv

nyei buoz, yaac bun mau nyei cingh mborqc henv jiez daaih (ys.

12). Cau jiez mau nyei mbuoz mau nyei cingh mborqc eix-leiz se maiv

dungx suei zuiz, mbuo oix zuqc kaux Ziouv Yesu bun mbuo henv faaux

daaih. Maiv dungx bun zuiz caux aapv eix nyei jauv daaih hoic mbuo,

zoux bun Mbuo ndortv (mangc ys. 1-2)

2. Oix zuqc zoux jauv yuonh nyei, zaux waaic nyei mienh ziouc

maiv jaa waaic, daaux nzuonx haih longx nzengc (ys.13).

Ninh nyei eix-leiz se mbuo maiv dungx bun zuiz daaih torngv mbuo nyei

jauv bun mbuo haih ndiqv zuqc ndorpc (mangc ys.1).

II. Maiv Dungx Bun Im Haic Nyei Miev-Nzungh Baetv Cuotv V. 15

1. Oix zuqc faix fim, maiv dungx bun meih mbuo haaix dauh bungx ndortv Tin-Hungh nyei en (ys. 15a). Bungx ndortv Tin-Hungh nyei en se mingh zoux zuiz zoux

waaic nyei jauv, naaiv se hoic zuqc mbuo ganh, zoux bun mbuo ganh

zuqc kouv.

2. Yaac maiv dungx bun meih Mbuo haaix dauh hnangv im haic

nyei miev-nzungh baetv cuotv Hlo daaih, yaac laaix ninh nyei

ndie-doqc hoic mienh camv (ys.15b).Im nyei miev-nzungh se beiv taux mbuo zoux nyei sic, gorngv

nyei waac. Gorngv doqc mienh, zoux sic mun mienh, caux mienh maiv

maaih horpc fim dongh eix nyei jauv. Caux doic maiv njiec, maaih kuv guaix

nyei hnyouv.

III. Maiv Dungx Zoux Maiv Luonx Horngc Nyei Sic1. “Yaac maiv dungx bun haaix dauh zoux maiv luonx

horngc nyei sic fai maiv taaih Tin-Hungh hnangv Esaau

nor. Esaau weic yietc donx hnaangx maaic ninh zoux la'gauv dorn

duqv sung-gouv nyei leiz.” (ys. 16)

2. Meih mbuo hiuv duqv nqa'haav ninh oix duqv ninh nyei die

buang nyei waac mv baac zuqc nqemh, weic zuqc ninh goiv

wuih maiv nzuonx ninh zoux liuz nyei sic, maiv gunv ninh qaqv

lorz taux wuom-mueic cuotv.” (ys. 17)

IV. Longc Sienx Fim Zoux Nyei Nyungc Zeiv

Mbuo oix zuqc yangh gan bun Tin-Hungh dorh mbuo mingh wuov diuh jauv

“Kaalepv heuc yiem Mose nyei nza'hmien nyei zuangx mienh sekv nzengc ziouc gorngv, “Mbuo horpc zuqc ih zanc mingh caangv wuov norm deic-bung aqv. Mbuo za'gengh haih mborqv duqv hingh ninh mbuo nyei.” (Saauv Mienh 13:30)

Meih maaih hnyouv oix yangh gan Ziouv koi ziangx bun meih yangh wuov dauh gaengh mingh nyei fai?

Meih maaih hnyouv oix seix nyungc baav siang nyei jauv weic Ziouv nyei fai?

Haaix zanc meih ndorpc fai haaix nyungc zoux bun meih ndortv hnyouv liuz, meih corc aengx jiez sin daaih buh sux Ziouv nyei fai?

Meih bungx hnyouv bun Tin-Hungh zorc meih nyei maengc fai? Maiv gunv mun nyei mv baac?.

Setv Mueiz WaacHnangv naaic mbuo oix zuqc bun Tin-Hungh tengx

mbuo zorc mbuo nyei maengc, dongh haaix nyungc mbuo mau

nyei dorngx, tov Tin-Hungh tengx mbuo. mbuo dauh dauh

yietc laanh maaih nyungc mau, mbuo maaih deix mau weic

maiv haih gunv mbuo nyei nzuih baengx yiem gorngv doqc

mienh nyei jauv, maaih deix mau yiem nouz mienh nzorng

mienh nyei jauv, maaih deix mau yiem maiv gunv ganh nyei

buonh sin nyei jauv. Maaih deix maaih yiem gorngv waac-laih hopv

nyei jauv, maiv gunv haaix nyungc jauv yaac zeiz, mbuo yietc

gungv yaac qiemx zuqc zorc nyei. Hnangv naaic, bun mbuo

lomh nzoih juangc jienv tov Tin-Hungh tengx mbuo zorc.