Upload
oier-gorosabel-larranaga
View
234
Download
6
Embed Size (px)
DESCRIPTION
• AGIRRE, Joxean. Negua mahuka-hutsik. Gaur8 (Gara egunkariaren larunbateko euskarazko suplementoa). 2014-I-18.
Citation preview
herria
Eibartarra da, fisioterapeuta,
eta, kontsulta Ondarroan badu
ere, Lekeition bizi da. Gehigarri
honetan kolaboratzen du eta
orain urte batzuk “Hozkirrien
termodinamika” izeneko
artikulua argitaratu zuen
GAUR8ko “Osasuna” atalean.
Korrika eginez eta herriko
hondartzan bustialdiak hartuz
ematen du etsenplua eta
larunbatetan espeleologia
egiten du. Hor ere maiz
egokitzen zaio ur hotzetan ibili
beharra. «Nik lehen aski nuen
hankak pixka bat hoztea,
katarroren bat harrapatzeko.
Horretan asko aldatu naiz.
Kobetan erreka asko igaro
behar izaten ditugu eta busti
ondoren igual pare bat ordu
eman behar izaten ditugu
eskalatzen edo eskalatu behar
duten lagunei laguntzen. Edo
hil egiten zara edo gorputza
jarri egiten da horretara», dio.
Gizakiok programatuta gaude
hotzari aurre egiteko. Gai gara
tenperatura aldaketei
egokitzeko. Baina
zenbateraino da gaitasun hori
genetikoa?
Badago faktore genetiko bat,
baina ez da erabakigarria.
Nolabait adierazteko faktore
genetikoa hamarretik hiru
bada, entrenamenduari
dagokiona hamarretik zazpi da.
Egia da pertsona batzuk
fabrikatik datozela hotzari
aurre egiteko gaitasun
gehiagorekin, baina garrantzi
handiagoa du norberak jartzen
duenak. Zuk erreportaje
honetako aukeratu dituzun
elkarrizketatu batzuk
baserrikoak dira, umetan aire
librean ibiliak dira, euripean
joan dira eskolara. Hori da herri
kiroletako jendearen kasua,
baina mendizale gehienak
kaletarrak izaten dira eta
etxean berogailuarekin
hazitakoak; aldiz, adin batetik
aurrera zailtzen hasten dira.
Elkarrizketatuen kasuan
kirolaren bidez ikasi dute
hotzari aurre egiten. Pertsona
arruntagoak nola beregana
dezake gaitasun hori?
Eguraldi aldaketei erantzutera
ohitu behar dugu gorputza,
baina denok historia ezberdina
dugu eta bakoitzak aurkitu
behar du bere bidea. Pertsona
bat neguak etxean edo
lantokian 25 gradura igarotzera
ohituta badago, gehiago
kostatuko zaio. Hidroterapiaren
oinarrizko arauarekin has
gaitezke. Bainuetxe gehienak
horretan oinarritzen dira:
gorputza berotu eta ondoren
hoztu. Horren adibidea da
sauna: gorputza berotzen duzu
saunan, baina bere balio
terapeutikoa ez dago beroketa
fasean, ondoren hartzen den
dutxa hotzean baizik. Gaur
egun herri gehienetan
edozeinek eskura oso merke
daukan baliabidea da.
Gorputzak bitarteko asko ditu
beroa sortzeko; erantzun sorta
zabala du. Bat zainak zabaldu-
estutzea da, baina hori bezain
garrantzitsua da metabolismoa
bera: ditugun gantzak erretzen
erakutsi behar zaio gorputzari.
Kirolariek oso ondo ezagutzen
duten prozesua da hori. Aldiz,
gorputzari egun osoan 25
gradura egoten uzten badiozu,
ez du energiarik alferrik
xahutzen eta ez du koiperik
erreko. Egiteko horiek egiten
ikasi egiten du gorputzak.
Ume sano batek inolako
ikasketarik gabe egokitzen al
du gorputza hotzaren eta
beroaren arteko aldaketara?
Umeak fabrikatik dakar gaitasun
hori. Baina gaitasun hori
erabiltzeko aukerarik ematen ez
badiogu, zapuztu edo ahuldu
egiten da gaitasuna. Gorputzak
bide errazena aukeratzen du:
premiarik ez badu, ez du egiten.
Noiz hasten garen gaitasuna
galtzen? Bizitza
sedentarioarekin, noski, baina
baita umezaroan ere. Ume
txikiei orokorrean arropa larregi
jartzen dizkiegu. Helduak hotza
duenean pentsatzen du umeak
ere hotza duela eta askotan ez da
horrela izaten. Guk
fisioterapeuta gisa aholku
orokorrak ematen ditugu, baina
gero pertsona bakoitzak ikasi
behar du bere bidea zein den.
Gorputzak esaten diguna
entzuten ikasi behar dugu. Bere
detektatzaileak ditu eta gai da
odoleko osagarri kimikoak nola
ditugun esateko ere. Jakin egin
behar da zeinu horiek entzuten.
Demagun etxean berotan
zaudela, okindegira joan behar
duzula ogi bila eta kanpoan
elurra ari duela. Joan-etorrian
hamar minutu badira, zertarako
hasi txamarra janzten?
Beharbada daramazun
elastikoarekin aski dugu itzulia
egiteko. Hotz pixka bat sentitzen
duzula? Saunara joatea bezain
osasungarria izan daiteke.
Saunaren bertsio domestikoa
ez al da dutxa bero bat
hotzarekin bukatzea?
NEGUA MAHUKA-HUTSIKGehienok bufandarekin gabiltzanean alkandora hutsean doaz bakan batzuk
b
OIER GOROSABEL
«Gorputza hotzera ohitzearen onurak asko dira»
GIZARTEA / [email protected]
Udazkeneko lehen izotzak iritsi zirenean, Xabier Mendiguren Elizegik txiste bat jarri
zuen bere Twitterrean: «Donostiarrak bufandarekin hasten direnean goierritarrok
alkandoraren hirugarren botoia lotzen dugu». Txisteak, kale-umeen kontrako adar
jotzea izateaz aparte, gauza bat adierazten du: badaudela negua mahuka-hutsik,
alkandora soil bat soinean dutela, igarotzeko gai diren pertsonak, mundu guztia
berokiekin dabilenean. Iraungitzen ari den espezie bat da, antza, baina inbidia pixka
bat ematen dute.
Joxean AGIRRE
2014 | urtarrila | 18
GAUR8• 12 / 13
Bai, bai. Berdin da beroketa
saunan lortu edo lanean edo
errugbi partida batean.
Gorputza berotu-hoztu
kontrastearekin ari gara lanean.
Ezin konta ahala onura ditu.
Gure profesioan zerrendatuta
ditugu eta hogeira iritsiko dira.
Dutxa beroaren ondoren
segundo batzuetako dutxa
hotza aski da hori lortzeko.
Zein da etxean egoteko
gomendatutako bero maila?
18 graduko beroa asko dela
esango nuke. Atzo goizera arte
butanozko berogailu bat izan
dugu gure etxeetan eta harekin
berotzen zen etxe osoa; horren
aurretik, su ekonomikoa, eta
beste gela guztietan hamar
gradu egoten ziren eta ez zen
ezer gertatzen. Arazoa da gaur
beharbada jendeak eserita
geldirik ordu gehiago egiten
dituela etxean edo lanean, eta
hori ere kontuan hartu behar
da. Lan gogorra duenak
beharbada ez du kirola egiteko
beharrik, baina bulegoan eguna
ematen duenak bai.
Badago sendagilearekiko
menpekotasun bat ere. Umeak
doministiku egin eta
kontsultara daramagu.
Katarro bati arreta jarri behar
al zaio?
Hori gero datorren kontua da.
Gorputza modu egokian
entrenatuz gero, onuren
zerrendan dagoen emaitzetako
bat sistema immunitarioaren
sendotasuna da. Sendo dagoen
pertsonak mundu guztiak
bezala hartzen ditu birusak eta
katarroak, baina oso bizkor
sendatzen da. Pertsona horrek
badaki bi egunen buruan
katarroari buelta emango diola
eta ez da gehiegi kezkatzen.
Ba al dago gizonezkoen eta
emakumeen arteko alderik?
Badaude, baina txikiak dira.
Gehiago da entrenamendu
kontua. Ikerketek diote
zirkulazio periferiko ahulagoa
izateko joera dutela
emakumeek, oin eta eskuetan
bereziki; hori, baina, entrenatuz
hobetzen dute.
Koldo Alduntzin “Egin”
egunkarian, Egin Irratian edo
“Euskaldunon Egunkaria”-n
herri kirolen edo errugbiaren
berri ematen lanean ibili zen
garaiko irudietan nekez gogora
dezake inork jertse batekin
jantzita. Hotza hotz, alkandora
koadrodun batekin agertuko
da, eta mahukak gora jasota.
«Bizitza osoan ez nituen bost
aldiz besoak estaliko», dio
Amara Berriko AEKren
euskaltegian hitz batzuk
egiteko hitzordua egin
dugularik. Orain ere alkandora
bat darama soinean, beltza,
baina elastiko bat janzten du
barrutik. «Bero egiten duenean
alkandora kentzen dut, eta,
hotz egiten duenean, babes
pixka bat ematen dit. Txaketa
bat ere ekarri ohi dut, baina
jantzi gabe gehienetan.
Errugbian jokatzen nuen
bitartean ez nekien katarro bat
zer zen ere», jarraitu du.
Koldo donostiarra da,
Egiakoa. Baina gurasoak
Gorritikoak ditu eta han eman
zituen bere lehen urteak, sei
edo zazpi bete zituen arte. Eta
geroztik ere askotan joaten da.
«Hotzari aurre egiteko
osasunak zerikusi handia du.
Gure aita oso gizon sendoa
zen. Donostiara bizitzera etorri
ginenean jela banatzen lan
egin zuen urteetan. El Leon
garagardo fabrikak jela barra
handitan fabrikatzen zuen, eta
haiek furgoneta batean
kargatu eta etxez etxe
banatzeko indarra behar zen.
Gu zazpi anaia gara eta umeak
ginela aitari laguntzen ibiltzen
ginen. Gero, hozkailuak
etxeetara iritsi zirenean,
txatarrarekin hasi zen lanean.
Oso gizon sendoa zen, eta, ama
ere, ia 80 urterekin, joan den
larunbateko manifestazioan
izan zen», gogoratu du Koldok.
Baina hotzaren kontrako
gaitasuna entrenamendu
kontua da, eta, Koldo
Alduntzinen kasuan, errugbiak
eman dio horretarako aukera.
17 urterekin hasi eta 33 urtera
bitartean aritu zen errugbian.
«Astean bitan entrenatzen
genuen Hernaniko Landaren.
Orain instalazio onak dituzte,
baina, gu ibiltzen ginen
garaian, lokatzak kentzeko ur
hotza ateratzen zen hodi
batzuetatik eta aire librean
dutxatzen ginen. Arrasatera
joatea tokatzen zitzaigunean,
zelai zahar bat zuten eta
partida bukatutakoan errekara
joaten ginen garbitzera!
Derion ere, dutxa hotzak
zituzten… Errugbiak lehen
bezain kirol gogorra izaten
jarraitzen du, baina
instalazioak hobeak dira», dio.
Bere ustetan, gorputza sendo
edukitzeko ez dago kirol aktibo
bat egitea bezalakorik. «Astean
bitan entrenatu eta igandean
partida jokatzen genuen, baina
larunbatean ezer egin gabe ez
egoteagatik askotan igotzen
nintzen Txindokira.
Mugimenduan dabilen
bitartean gorputzak ondo
erantzuten du. Gero, 33
urterekin, kazetari lanetan hasi
nintzenean, kolpetik dena utzi
nuen eta orduan hasi nintzen
hotzeriak harrapatzen,
bitartean ez. Orain dozena bat
urte diabetesa atzeman
zidaten, eta, kilo batzuk galdu
behar izan ditudanez, errazago
hozten naiz».
Goizez ematen ditu klaseak
euskaltegian, 07.30etik
aurrera. Pixka bat lehenago
etorri eta berogailua piztu ohi
du, «ikasleengatik». Berari
klaseak ere mugimenduan
ematea gustatzen zaio, eta,
mugimenduan dabilen
bitartean, hobeto sentitzen da.
«Kalean gorputz osoa estaltzen
duen kapa horietako batekin
norbait ikusten badut, itolarria
etortzen zait. Horrelako zerbait
jantziko banu, izerditan blai
jarriko nintzateke ni neu!», dio.
Euskaltegi atarian utzi dugu,
irribarrez eta mahuka-hutsik.
KOLDO ALDUNTZIN
«Umetan izotza banatzen laguntzen genion aitari»
Gorka RUBIO | ARGAZKI PRESS
«Bizitza osoan ez
nituen bost aldiz
besoak estaliko.
Bero egiten
duenean
alkandora kendu
eta azpiko
elastikoarekin
geratzen naiz, eta,
hotz egiten
duenean, babes
pixka bat
ematen dit»
herria
Ahalegin izugarriak egiten ditumendian izan dituen bizipenikaragarriak transmititzen,baina ez da erraza, bizipenhoriek muturrekoak direlako.Orain urtebete otsailaren 18anLaila Peak (6.096) igo zuen JoseManuel Fernandezekin batera.Neguan gailur horretara eginden lehen igoera izan zen: 35gradu zeropetik, 60 kilometroorduko haizearekin. Orain biurtekoa gogorragoa izan zen:Gasherbrum I mendia neguanlehen aldiz igotzen ari zirela,7.700 metrotan, taldeko hirumendizale, Göshl austriarra,Hahlen suitzarra eta Husseinpakistandarra, desagertu egin ziren. «Bihozkada bat izannuen, gorputzean kolpe batbezala sentitu nuen, eta eznuela gailurrerako saioan partehartu behar erabaki nuen.Horrelako bihozkadak izatenditut eguneroko bizitzan ere,baina mendian askoz eregehiago, gaitasun hori erneagoadudalako», dio. “Bajo cero” izeneko
dokumentalean bildu zutenesperientzia muturreko horrenberri. Tamara Stys poloniarra etabiak oinarrizko kanpalekurajaitsi ziren eta GasherbrumHegoa egin zuten. Orain hiruurte, 2011n, Gasherbrum Imendiko lehen neguko saiakeraegin zuten, eta, bide berri batzabalduz, 7.000 metrora iritsiziren. Ezin izan zioten hotzariaurre egin. Igoeraren berri jasozuen “Next time Insallah”dokumentalak sari garrantzitsuairabazi zuen. Txikonek bederatzizortzimilako ditu dagoeneko.Everest, K-2, Kanchenjunga,Lotshe eta Nanga Parbatgeratzen zaizkio zapaldu gabe,baina ez dio horrek askorikaxola. «Diru bila erakundeetaranoanean esaten ditut horrelakogauzak, hamalau zortzimilakoakegin dituen mendizale gazteenaizan naitekeela eta horrelakoak,baina Euskal Herrian hiru milioigara eta lehendabizi Juanito[Oiarzabal] izan zen, gero
Alberto eta Felix [Iñurrategi], Iñaki Otxoa de Olza eta ondoren[Edurne] Pasaban. Beste gauzabat da hamalau horiek bideberrietatik igotzea», dio. ETB1katerako “Txikon Extreme” saioaegiten ari da. Hamahiru atal diraeta sei eman dituzte.
Oso mendizale gutxi zarete
neguko igoerekin ausartzen
zaretenak.
Gogorra da. Ez du zerikusirikudako igoerekin. Otsaileanbeheko kanpalekuan 25 graduzeropeko tenperaturak izatendira. Hotzak kuzkurtu etaegunetik egunera ahuldu egitenzaitu. Oso sendo joanda ere, zaila
da bizirautea bera ere. Orain binegu izozketak izan nituen etaoraintxe ari naiz lehen nuenindarra berreskuratzen. Atzo ibilinintzen haitzean gora eskalatzeneta hatzak hobeto ditudalasentitzen dut.
Zure pare bat bizipen soilik
aipatuko ditugu. Konta
iezaguzu iaz Laila Peak igo
zenuten eguna nolakoa izan
zen.
Goizeko bostetan jarri ginen
martxan eta gaueko
bederatzietan itzuli ginen. Oso
egun luzea eta gogorra izan
zen. Nik bezperatik gauza
guztiak estalita uzten ditut
badaezpada. Betaurrekoak
zintzilik uzten dituzu, eta
goizean sekulako izotzarekin
aurki ditzakezu. Horretan oso
metodikoa naiz. Lozakuaren
barruan bero-bero zaude, nahiz
eta kanpoan 35 gradu zeropetik
egon eta lehen bi orduak oso
gogorrak izaten dira,
gorputzari egokitzea kostatzen
zaiolako edo urduri zaudelako
ere bai. Bidean 700 metroko
eskalada egin behar genuen. Ez
da zailtasun tekniko handiko
eskalada, baina soka finkorik
gabe egin behar da, eta,
tenperatua 20-35 gradu
zeropekoa dela, ez da samurra.
Neguan egin den igoera
bakarra izan da gurea eta
bestela ere lau igoera bakarrik
ditu mendi honek. Zergatik?
Inguruan zortzi milako asko
dituelako: K-2, Broad Peak,
Gasherbrum II, III eta IV eta
eskalatzeko beste hainbat
mendi. Gailur horietara joan
ohi da jendea, baina Laila Peak
ikusgarria da, mendirik
ederrenetako bat.
Zuk hiru negu igaro dituzu
izotz artean.
Aurreko biak gogorragoak izan
ziren, biak Gasherbrum I
mendian. 2012an ondo
ordaindu genuen, hiru lagun
han utzita jaitsi baikinen.
Bihozkada bat izan nuen. Ez
nuen egun horretan gailurrik
ikusten eta ez joatea erabaki
nuen. Gehiagotan ere gertatu
izan zait. Intuizio baten
antzeko zerbait da,
aurreikuspen bat, eta gero
hasten naiz arrazoitzen.
Egunerokotasunean ez dut
erabiltzen, ez bada tarteka,
pertsona baten aurrean
nagoenean.
Hiru lagun han utzita jaitsi
zinen. Zer sentitzen da?
Gu ere bertan geratzeko zorianibili ginen. Haizeak gogor jotzenzuen eta lainoa sartu zen. Bostminututik behin izotz kandelabat egiten zitzaigun kokotsean.
ALEX TXIKON
«Kazakhstandarrak edo errusiarrak
hotzarekin umetatik zailduta daude»
«Gogorra da.
Otsailean beheko
kanpalekuan 25
gradu zeropeko
tenperaturak izaten
dira. Hotzak
kuzkurtu eta
egunetik egunera
ahuldu egiten
zaitu»
Joxean AGIRRE
2014 | urtarrila | 18
GAUR8• 14 / 15
Bost atera ziren gorantz eta batek
buelta hartu zuen berehala, eta,
ondoren, beste batek. Taldekide
horren bila joan nintzen eta
geratzen ziren hirurek gora
jarraitu zuten. Azken aldiz ikusi
nitueneko irudi hori geratzen
zait. Baldintza horietan, 50 gradu
zeropetik eta 100 kilometro
orduko haizearekin, ordu erdi
batean hilko ziren. Nik ere
izozketak izan nituen eta orain
hasi naiz berriro oinak eta
eskuak ondo sentitzen. Pertsona
horiek joan ziren, baina gure
buruan jarraitzen dute bizirik.
Hildakoekin, aitarekin edo
auzokoekin ere gauza bera
sentitzen dut, nirekin jarraitzen
dutela. 2000. urtetik egin
ditudan espedizioei buruzko
oroitzapenak erabat bizirik ditut,
izugarri intentsuak izan direlako.
Tontorreko eguna garrantzitsua
da, baina hori bezain une
garrantzitsu asko daude. 2013ko
espedizioan, esate baterako,
aurreko belaunaldiko
eskalatzaileekin topo egin
genuen oinarrizko kanpalekuan:
Juanjo San Sebastian, Ramon
Portilla, Sebastian Alvaro…
1983an K-2mendian egondako
jendea zen eta 30 urte geroago
berriro han topo egitea izugarria
iruditu zitzaidan.
Zer proiektu dituzu
eskuartean?
Jose Carlos Tamayo eta Juanra
Madariagarekin batera
zazpimilako mendi batean bide
berri bat irekitzeko proiektua
lantzen ari gara, baina
finantziazioa lotu gabe dugu.
Kanchengungara joateko beste
aukera bat ere badut. Denis
Urubkorekin iparreko aldetik
bide berri bat zabaltzea da
asmoa. Horiek dira udaberrirako
ditudan proiektuak. Munduko
hirugarren mendirik altuena da
eta bide berri bat zabaltzea beti
da tentagarria. Une honetan
himalaismoaren lehen mailan
nabilela sentitzen dut eta
Kanchenjungako desafioa
Txapeldunen Liga jokatzearen
parekoa da. Gainera, Urubko
puntako eskalatzailea da, Iñaki
Otxoa de Olzaren erreskatean
ibili zena. Iaz bost aldiz izan zen
Euskal Herrian. Kazakhstangoa
da. Poloniar eta errusiar bat ere
badira taldean. Hurrengo urteari
begira bi urteko bidaia bat
egiteko asmotan nabil,
munduari itzuli bat neska-
lagunarekin. Espedizioetatik
normalean irudi asko ekarri ohi
ditugu, eta, hala, bidaia hori
testuak idazteko baliatu nahi
nuke, neure gogoetak idazteko.
Tarteka mendiak egingo nituzke,
baita parapente jauziak ere.
Gustatuko litzaidake
komunikabideren batekin
kolaboratzea.
Herrialde hotzetako
mendizaleek ba al dute
abantailarik?
Noski badituztela. Kazakhstan,
Errusia edo Kanadako
mendizale asko umetatik ibili
dira zeropeko tenperaturetan
edo altura handiko mendietan,
eta, noski, antzeman egiten
zaie. Kasta izugarria dute.
Adibide bat jartzearren, herri
kirolen munduan gauza bera
gertatzen da: Olasagasti edo
Larretxearen kastarik ez da
ondorengoengan ikusten. Askoz
marka hobeak dituzte aurreko
aizkolariek. Herrialde horietako
mendizaleak ere oso zailduta
ikusten ditut, nahiz eta 40
urterako zahartuta dauden.
Hemen presta gaitezke, baina
zailagoa da. Ni mendian arropa
gutxirekin ibiltzen naiz, eta
eskuak izoztu arte edo ukimena
galdu arte eskularrurik gabe
ibiltzea gustatzen zait, baina ez
da berdina. Dena den, mendian,
prestaketa fisikoa bezain
garrantzitsua da psikologikoa.
Gero, neguko igoerak muga
izugarriak ditu: ordu gutxi
batzuetako aukera ematen du
eguraldiak gailurra egiteko.
«Azken aldiz ikusi
nitueneko irudia
geratzen zait.
Baldintza horietan,
50 gradu zeropetik
eta 100 kilometro
orduko haizearekin,
ordu erdi batean
hilko ziren. Nik ere
izozketak izan
nituen»
Kamioilari lagunak ditu eta
haizea freskatu orduko hasten
omen dira hozkirriarekin
kexatzen. «Kabina barruan
berogailuarekin ohitzen dira
eta moteldu egiten dira.
Ohitura kontua da», dio
aldamiotik jaitsi eta argazkia
atera ondoren taberna batera
goazela. Bere anaiarekin batean
orain hogei urte
Construcciones Arraioz enpresa
sortu zuen eta egunotan
Kontxako badiari begira dagoen
etxe baten fatxada konpontzen
ari dira. «Goizero ikusten
ditugu Eguzki klubekoak uretan
sartzen. Horiek ere konta
diezazukete hotzari nola aurre
egiten dioten. Nik uretarako ez
dut balio, ez baitut igerian
ikasi!», erantsi du.
Herri kiroletan lan egiten
duten kazetariei arlo horretan
neguan alkandora hutsik
ibiltzen den gizaseme bati
buruz galdetu eta zerrendan
lehendabizikoetakoa aipatzen
dute Josetxo Telletxea. Ezaguna
da oso mundu horretan,
Larretxea anaien laguntzaile
ibiltzen delako. Nafarroako
Zubietan jaio zen Josetxo, baina
Arraiozera aldatu zen familia
eta han bizi da geroztik. «Osaba
bat badugu Saldiasen
baserriarekin eta mutikoa
nintzela hara asko joaten
nintzen. Aire librean ibili edo
lan egitea bezalako
entrenamendurik ez dago
hotzaren kontrako gaitasuna
indartzeko. Eta nik aire librean
daramat bizimodua. Basoan ere
lan egin nuen gaztetan.
Aizkoran Nafarroako txapela
jantzi nuen hirugarren
mailakoen txapelketan eta
bigarren mailakoetan trontzan,
eta lana ere kanpoan egitea
tokatzen zaigu gehienetan. Izan
ere, era guztietako lanak egiten
baditugu ere, azkenaldi
honetan teilatuak konpontzen
ari gara asko. Anaia eta iloba
anoraka jantzita ibiltzen dira
askotan. Nik alkandoraren
gainetik buzoa jantzi eta
nahikoa dut», dio. «Katarrorik
harrapatzen dudan?
Harrapatuko ditut, baina ez diet
kasurik egiten», erantzun digu.
Aizkora utzi eta Donato eta
Patxi Larretxearen laguntzaile
hasi zen hara eta hona.
«Adiskideak ditut. Egunero
egoten naiz haiekin eta
erakustaldiren bat dutenean
egurrak jartzen laguntzera
joaten naiz. Larretxeatarrei
esker ezagutu dut Euskal
Herria. Uda eta negu ibiltzen
gara. Egurrak geuk jartzen
ditugu batzuetan eta orduan
kamioian eraman behar izaten
dira, baina bestela furgonetan
joaten gara elkarrekin», dio.
Josetxo Telletxea soltero
dago, «mutilzahar» zuzentzen
dit berak, 52 urte ditu eta 88
kilo. «Berezkoa beharko du
gorputzak hotzari ondo
erantzuteko, baina ohitura da
asko. Guk ordu asko egiten
ditugu aire librean», esan du.
JOSETXO TELLETXEA
«Donato eta Patxi Larretxeari eskerezagutu dut Euskal Herria»
Gorka RUBIO | ARGAZKI PRESS
Duela astebete bi apustu
izenpetu zituen, Irazuren
kontra lehenik eta Arria V.aren
aurka ondoren, eta geratu gabe
dabil batetik bestera, gustura,
bere saltsan, apustuak bizipoza
emango balio bezala.
Hamaiketan entrenamendua
zuen bere etxe ondoan eta
kopetan zinta jarrita hartu
gaitu ordu erdia lehenago
Igeldon bertan. Egonezina du,
sasoia dario eta begira egonda
bakarrik nekatu egiten da bat.
Egurrak prestatzen ari diren bi
ilobak mareatzen ditu, orain
gauza bat agindu eta ondoren
kontrakoa. Bere palmaresa
ikusgarria da. Sei aldiz jantzi
du, datu bat bakarrik
aipatzearren, Euskal Herriko
aizkolari onenaren txapela.
Joan den astean bi apustu lotu
dituzu.
Aurreko astean bota nuen
desafioa eta Tolosako
Kantabrikon ostiralean
arratsaldeko zazpietatik aurrera
egongo nintzela iragarri nuen.
Desafio fuertea da, aspaldian
jokatu ez den desafio bat, eta lau
kontrario agertu zitzaizkidan.
Arria II.ak esan zidan ez zela
sekula horrelakorik gertatu:
desafioa bota eta lau aizkolari
agertzea. Hilaren 10ean gertatu
zen hori. Zazpietan jarri nuen
ordua eta Jon Irazu bostak
laurden gutxiagotan agertu zen.
Harekin lotu nuen apustua, eta,
zazpiak alderako, Azurmendi
iritsi zen; ondoren, Arria V.a, eta
honekin adostu nuen bigarren
apustua. Lopez Azpilikueta izan
zen agertu zen laugarren
aizkolaria. Martxoaren 9an
jokatuko dut apustua Irazurekin
eta apirilaren azkenean
Arriarekin. Hamabi oinbiko
ebaki beharko ditugu, eta alde
bakoitzak 6.000 euro jarriko
ditu. Neurri honetan ondo
moldatzen naizela uste dut.
Orain dela bederatzi edo hamar
urte neurri horrekin jokatu nion
Azurmendiri eta aise irabazi
nion. Tolosako zezen plazan
izango dira bi apustuak.
Izango al duzu prestatzeko
denborarik?
Gaur ez dago prestatu beharrik.
Gazte hauek ere oso prestatuak
daude. Denok geratu gabe
gabiltza batera eta bestera.
Txapelketa asko daude eta
erakustaldiak ere bai. Ez da
orain berrogei urteko
aizkolariak bezala. Urtean joko
bat egin eta geratzen ziren. Lan
hau egiteko serio prestatu
beharra daukazu, baina baita
txapelketa jokatzeko ere.
Txapelketetan dabilen
zaharrena naiz.
Oso ahul ikusiko zaituzte
beharbada, lau kontrario
horrela agertzeko.
Hala izango da. Nik esaten
dudana zera da: apusturako
halako gogoa badute, zergatik
ez diote elkarri jokatzen?
Zer sistema duzu
entrenatzeko?
Astean bitan egiten dut
aizkoran. Gaur egingo dut saioa
hemen, eta, ostiralean, Getarian
daukat erakustaldia. Erakustaldi
asko dauzkat eta horiekin eta
etxeko saioekin prestatzen naiz.
Igandean egingo du beste saio
bat eta tarteko egunetan
mendira joango naiz, mendira
eta itsasora.
Zer esan nahi duzu, mendi
ibilaldiaren ondoren bustialdi
bat hartzen duzula?
Askotan egiten dut hori neguan
ere. Mendira joaten naiz korrika
antzean, hemendik aurrera
korrika egiteko ez baitut adinik;
ostean, itsasoan sartu-irtena
egin, ordu laurden bat berriro
ibiltzen jarraitu eta bigarren
sartu-irten bat egiten dut.
Bakoitzak bere trikimailuak
ditu indarra zaintzeko eta nik
aspaldidanik egiten dut hori.
Hemendik hiru kilometrora
daukat itsasoa. Idiak
entrenatzen ari naizela ere
gustatzen zait hori. Idiak itsas
ertzean utzi, nik nire bi sartu-
irten horiek egin eta etxera
etortzen gara. Igande
arratsaldetan ia beti egiten dut,
eta aste barruan ere askotan.
Aizkolari asko dago. Zer maila
ikusten duzu gazteen artean?
Beste kiroletan bezalaxe,
bospasei aizkolari on daude.
Badatoz gazteak, baina badatoz
horrekin gabiltza aspaldi
honetan!
Haizeak ondo jotzen duen
lekua izango da Igeldo.
Hotzaren kontra umetan
zailduko zinen.
Hemen ez dago besterik, itsasoa
eta mendia. Jaiotetxean ez zen
berogailurik. Ate zirriztuak
genituen ugari eta haize
korronteak nonahi. Ez naiz
orain ere etxe barruko beroaren
zalea. Etxe barruan denbora
gutxi pasatzen dut, eta, sofan
eserita, gutxiago. Denbora
pixka bat dudanean idiekin
joaten naiz.
Egia al da idiei dutxatu eta
Nenuco kolonia botatzen
diezula?
Udan astean bita dutxatzen
ditut eta neguan hilean batean
edo bitan. Dutxa beroa ematen
diet, ur hotzarekin pasada bat
bukaeran eta egia da Nenuco
botatzen diedala: batzuetan
ozpinarekin igurzten ditut eta
Nenucorekin besteetan. Azken
30 urteotan proba asko jokatu
ditut eta idiak zaindu egin
behar dira. Lau idi-pare ditut.
Itzain bakarrean eta harri
handiarekin markarik onena
Aian daukat.
Nik zuri egin nizun
elkarrizketa bakarra alaba
jaio zitzaizuenean egin nizun.
Igualtsu jarraitzen duzu.
Eskerrik asko, baina ez da egia.
San Tomas eguna zen.
Donostian Arrospideren kontra
neurtu nintzen goizean,
ondoren Azpeitira joan eta
Arriaren kontra jokatu nuen,
eta, biharamunean, San Tomas
bigarrenean, Arrasaten jokatu
nuen hirugarren saioa; hirurak
irabazi nituen.
herria
JOXE MARI OLASAGASTI
«Desafioa bota eta laukontrario agertu zaizkit»
«Donostian
Arrospideren kontra
neurtu nintzen
goizean, ondoren
Azpeitira joan eta
Arriaren kontra
jokatu nuen, eta,
biharamunean,
Arrasaten jokatu
nuen hirugarren
saioa; hirurak
irabazi nituen»
Juan Carlos RUIZ | ARGAZKI PRESS