Evento grandi pariba di brug

Noti & News

Org. Caballista Arubano

Volume 3, Issue 4

May 21th 2015

E cos di mas grandi na Aruba entre e edicion anterior y esun aki di “Noti-

OCA y Aspafico News” tabata e prome competencia di cabay ten’i pariba

di brug.

Myron, Ludmila y Melanie Wever di Rancho Las Piedras a entusiasma

un grupo grandi di trahador pa hasi e feria aki bira un realidad, pero mas

ainda un exito grandi. Durante 9 y 10 di Mei por a mira un feria equino y

di jinete & amazona na e sitio conoci como “Baranca di Yerbe”, cu a ser

transforma door di e team di Las Piedras den un bunita parque ferial cu

tur e facilidadnan necesario. Aunke cu tabata un feria caluroso, e

temperatura door di e b iento fuerte di laman, a provoca hendenan pa

bisti sweater.

Bishita Special na Baranca y Yerba

E exposicion aki a conta cu e bishita halto di nos Prome Minister Mike Eman,

kende a bin diasabra cu su team pa mira e trabao valioso cu a tuma lugar.

Alabez Prome Minister a cumpli cu un promesa cu el a hasi na Melanie pa

bishita su rancho y mira personalmente tur loke e ta hasi den e deporte aki.

Melanie ta aparece den e buki special “Hoben y Talentoso” cu Premier Eman

a laga saca pa honra e hubentud cu ta destaca den nos comunidad. Melanie

a demostra di ta un bon anfitrion y a invita nos Premier pa hasi un gira den su

golf-cart pa e mes mustra e dos facilidadnan bisiña.

Tambe presente tabata 2 caballista di Corsow. Faried Kamel y Rudy Hanst a

bin special pa atende e feria historico aki.

DEN E EDICION AKI:

Feria Pariba 1

Bishita Special 1

R. Las Piedras 2

Rifa di silla KUDA 2

Feria na Ponderosa 3

Pereira Colombia 3

National di Corsow 4

Interpaso # 30 5

Reunion General 6

Registro 6

Spectrum Intr. 7

Xavier y Jaime 7

E ambiente di e feria tabata hopi bon y tambe e participacion di e caballistanan tabata notable. E

huez di e feria Enthomar Francisca tambe ta di Corsow.

Den trote y galope, e cabay “Pijao” a bira e Gran Campeon Reservado, mientras cu den yewa, e

potranca “Promesa de Villa Floralina” a sorprende tur hende cu e titulo. E potranca yiu di Rey del

Destello den Conquistadora a demostra cu e tin un bon carera su dilanti. “Noche de la Villa” di

Juan Camilo Vasquez a bira e Reservada. Den trocha “Arlequin de Alma”, yiu di Ritmico den

Anaconda a bira e Gran Campeon y “Soñado de Don Mateo” a keda como e Reservado. Den

yewa “Amatista de Villa Floralina” (Onix den Teoria) a sigui mustra e calidad pa un dia e yega su

mama y huez Enthomar a dune merecidamente e titulo di Gran Campeona. E reservada a bai pa

“Bienvenida” di Fanja y Natalia Mouawad.

Den e Campeonato di PasoFino e competencia di yewa no a demostra e nivel cu a spera. Varios

tabatin dificultad. E gran campeona a bira “Hechizada” di Villa Flloralina cu si a demostra cu ela

bin pa cumpli y e Reservada a bira “Polvora de los Reyes” di Las Piedras, cu ta un yiu di DaVinci

de los Reyes. Den macho e huez mester a haci basta comparacion, pero su decision final a bai

pa “Jeroglifico del Salado” di Las Piedras cu di e forma aki a gana di “DaVinci de Libano VO”.

Mihor montador di e feria tabata Dairo Jimenez, mientras cu e titulo di tanto mihor expositor como

di mihor criador a bai pa Villa Floralina.

Rancho Las Piedras a organisa un tremendo feria.

pag 2

Fredelin a gana e silla “KUDA”

Fredelin Boekhoudt no tabata mucho contento cu su

potro “Oasis de los Sauces” no a demostra loke e ta

capaz pa demostra durante e feria na “Baranca di

Yerbe”, pero ora cu su nomber a sali for di e tombola

como ganador di e silla “Kuda” cu OCA a rifa, e por

tabatin un feliz weekend atrobe. Ela gana un silla di e

size y gusto cu e ta desea pa un balor di $1,500. E

premio a bin di sorpresa, ya cu ela admiti cu nunca e

no ta gana nada, pero e biaha aki ela gana un bon cos.

E silla lo ser entrega personalmente pa e donyo di e

fabrica “Kuba”, Mauricio Villa durante “Interpaso 2015.

”Kuda” a converti su mes no unicamente den e

fabricante di silla di gran calidad, pero tambe un silla

comodo cu ta hopi gusta.

E proximo competencia di OCA ta tuma lugar dia 6 y 7 di

Juni na Rancho La Ponderosa.

Diasabra ta dedica na cabay y Diadomingo na jinete y

amazona.

E huez pa e competencia aki ta Carlos Londoño di Ibague,

Colombia.

Inscripcion lo ta diabierna dia 29 di mei pa 7.30 pm na

Rancho La Ponderisa, manera semper por inscribi

prome cu e fecha aki online.

Feria National na R. La Ponderosa

Aruba tabata representa na e feria equino grado A di Pereira.

Den e competencia aki e yewa di Aruba “Maracuya” a logra un

quinto puesto mereci. Den e competencia di amazona Alina

Mansur a logra un biaha mas e medaya di oro, mientras cu

Melanie Wever a logra e medaya di brons den su categoria.

Recientemente a keda inaugura oficialmente e sede nobo di

Asdesilla na El Tablazo, cu ta keda cerca di airopuerto di

Rionegro. E prome competencia na e sede aki a conta cu un

personahe hopi stima na Colombia, kende ta e ex-president

Alvaro Uribe. E president no a bin como un acto ceremonial,

sino cu e mes a competi, sacando su potranca den e

competencia. Un potranca bou nomber di Encantacion de Enero

del Trebol cu e mes a arenda y cu tawatin suficiente calidad cu

nan a otorge un cuarto puesto den su categoria. E no a keda te

eynan. Su primo German Velez, bon conoci tambe na Aruba a

pidi e president pa e saca su cabay “Mito de Libano VO” pa e

ratificacion di Fuera de Concurso, loke e caballista Alvaro Uribe

a haci den gran forma. E publico a keda encanta cu e presencia

di e politico, kende tin su finca no mucho leu di e sede di

Asdesillas.

Competencia na Pereira, Colombia

pag 3

pag 4

pag 4

E interes internacional pa “Interpaso #30” ta mustra impresionante.

Tin un grupo di mas di 90 persona cu a cuminsa paga caba pa bin Aruba riba un tour pa

Interpaso. E grupo a pone como condicion cu nan kier viaha hunto, ya cu ta hopi mayornan

cu nan yiunan y esey a haci e cos un tiki complica. Porfin nan a logra pa bin y regresa riba un

vuelo regular di Avianca.

Originalmente a busca forma pa charter un avion, pero esey no tabata asina facil y a scohe

tog pa un vuelo regular. Den e grupo aki ta biniendo 27 mucha pa competi pa jinete y

amazona.

Tin un keintura cerca mas hende pa bin, pero no tin mas cupo pa nan bin hunto. Tambe di e otro paisnan tin un interes grandi pa bin Aruba pa e di 30 edicion di “Interpaso”. Pa locual ta participacion di cabay, preparacionnan ta ser haci door di Criadero “La Thania” pa nan cabay estrella “Barbaroja” participa den Interpaso. E cabay a caba di bira Campeon Nacional di Colombia y despues a gana e importante competencia di Medellin. Tin mas cabay cu ta mustrando interes pa bin Aruba, pero no ta asina lew cu por menciona nan nomber caba.

Interpaso #30 ta mustra impresionante

Pag 5

Un total di 47 registro di cabaynan nobo ya ta imprimi y ta cla pa entrega na cada

propietario. Asina cu e propietario liquida e suma di f.350 pa cada registro, esaki lo bira

su propiedad. Cu e imprenta di e registro, a haya e caracter official, loke ta nifica tambe

cu e ta oficialmente parti di e data-bank di Fedequinas.

E cabaynan cu tin un registro cla ta: Rasputin de Rancho Monte Blanco, Ritmo del Alma,

Mecanica de Dinastia, Arlequin del Alma, Soñado de Don Mateo, Ecos de la Ponderosa,

Majestuosa de la Ponderosa, Bingo de Norton, Rescate de JS, Guardespaldas, Aramis,

Esperanza del Campo, Dulce Rosa del Alma, Bienvenida de Villa Floralina, Anastasia de

Villa Floralina, Esmeralda de Villa Floralina, Sensacion del Campo, Maravilla,

Conquistadora de la Galia, Maxima de JS, Atos de Villa Floralina, Renata, Gaviota de la

Victoria, Dulce Armonia de Dinastia, Zafira de las Piedras, Acai, Pijao del Rosario, Ibiza

de Villa Floralina, Excelencia de Villa Floralina, Estrella de Villa Floralina, Dulce

Despertar Arubeño de Villa B5, Isla de Villa Floralina, Hercules de Villa Floralina, Semilla

de Alto Vista, Magico de la Hortencia, Promesa de Villa Floralina, Samoa de la Isla

(homologado), Gotera de la Gloria, Bailarina de Villa Floralina, Elegido de Villa Floralina,

Troya de Villa Floralina, Amaranta de San Miguel, Lila de Alto Vista, Catalaya de Alto

Vista, Teoria de la Luisa y Capitan del Eden.

Reunion general annual sin novedad.

OCA a tene su reunion general annual, caminda e relatonan annual di

e ultimo anjanan di secretario Fanja Mouawad a keda aproba pa

aclamacion, pero esun financiero no tabata cla. Tesorero Magdala

Wever a duna un splica di e anjanan cu tabata riba mesa y e

fondonan cu OCA ta dispone di dje, pero e cuentanan no tabata sera

pa asina e reunion por a trata nan y duna e tesorero su de-charge.

Brigitte Werleman a splica cu OCA pronto lo tin un website nobo,

moderno y atractivo. E ta spera cu e miembronan lo hasi bon uso di

dje y cu tambe nan lo duna nan colaboracion cu material pa asina e

por bira un website bibo y bon atendi. Presidente Alex Cybul a ilustra

cu tin interes grandi pa e di 30 aniversario di Interpaso. Ademas ela

anuncia cu tin hopi registro imprimi y cu falta algun mas.

Pag 6

Weekend di 21-24 di Mei na Tropical Park Equestrian Center na Miami tawata tin loke hopi hende ta considera e competencia di mas grandi di cabay na Merca. E weekend aki a cuminsa di Diahuebs cu Pre-Spectrum y despues Spectrum pa 3 dia. Aruba tawata representa den diferente categorianan door di Natalia Mouawad, Zoey Arends, y Melanie Wever. Tur tres a logra diferente premio durante e weekend. Tawata asina e impacto di nos amazona nan cu durante e transmission “Live” e commentators a tuma nan tempo pa papia over di e evolucion di nos Amazona nan y Jinete nan y a destaca nan participacion y resultado. Nos kier duna Danki na tur tres amazona y nan coach pa representa Aruba dignamente na Spectrum y un pabien di parti di e cabalista nan local.

Pag 5

Amazona nan di Aruba a Destaca durante Spectrum International

na Miami

O.C.A.

Oranjastad

Aruba

Phone:

(+297) 594-2495

Fax:

(+297)582-3005

E-Mail:

ocaboard@ocaruba.com

Nos website:

http://www.ocaruba.com/

Tokante nos Organizacion E Organisation Caballistico Arubano OCA a wordo funda na

aña 1985. Meta principal ta pa fomenta e deporte di cabaynan di paso fino, e caballada y aficionadonan aki na Aruba.

Xavier Janga di bishita serca Jaime Suarez

Dia 30 di April te ku 4 di Mei Xavier Janga tawata presente na e

seminario di Jaime Suarez cu a tuma lugar na Criadero La Luisa,

Jamundi Valle Colombia. Jaime a demostra diferente tipo di manejo,

arreglo y preparacion pa competencia di cabay di Paso Fino. Cada dia

un diferente tema, cada un a wordo splica na placa chikito. Tawata tin

mas o menos 40 persona presente, montador y propetario nan di

diferente ciudad entre otro David Zapata (Montador Profecional), Dr.

Uribe (Criadero La Corona), y Directiva de Asdeoccidente. Xavier a

haya e oportunidat tambe pa conose algun reproductor importante den

e mundo di Paso Fino Colombiano: Hermano Sol, Patrimonio De La

Luisa, Insolito De La Luisa, Prestigio De La Querencia, y Ensueno De

La Corona.

Pa Xavier e viahe tawata un succes totaal, un experencia unico. Xavier

ta hopi contento cu e la haya e oportunidad, y awo e sa sigur cu e por

sigi bay dilanti cu su cabaynan. Su meta ta pa sigi desaroyay dedica su

tempo pa sigi mehora e calidad di Paso Fino na Korsou.

pag 7