© CAPPELEN DAMM AS 2011ISBN 978-82-02-33236-5

1. opplag 2011Omslag og illustrasjonar: Silje GranhaugDesign og layout: Silje GranhaugRepro: Narayana Press, Danmark 2011Trykk og innbinding: Livonia Print Sia, Latvia 2011

Sett i 11 pkt. Uni Sans og trykt på Scandia 2000 Ivory

Føresegnene i åndsverklova gjeld for materialet i denne publikasjonen. Utan særskild avtale med Cappelen Damm AS er all eksemplarframstilling og tilgjengeleggjering berre tillate så langt det har heimel i lov eller avtale med Kopinor, interesseorgan for rettshavarar til åndsverk.Bruk som er i strid med lov eller avtale, kan føre til erstatningsansvar og inndraging og straffast med bøter eller fengsel.

www.cappelendamm.no

UTVALDE BARNEBØKER AV HANS SANDE:Hopp i havet, Elise! Lettlesen barnebok. Cappelen Damm 2010Er du blind i dag, Elise? Lettlesen barnebok. Cappelen Damm 2009Då eg kom heim, var hesten borte. Bildebok. Cappelen Damm 2008Svart kalv @ kvit snø. Ungdomsroman. Damm 2006Eline og ulven. Barnebok. Damm 2002Kyss ein bananfrosk! Barnebok. Damm 1995Kneip. Barnebok. Damm 1991

Pappaen min er sjørøvar. Kvar sommar drar han til Sverige på sjørøving.

Men det er hemmeleg. Ingen må få vite om det.Pappa har ikkje sjørøvarhuve. Men han har

hestehale og eit raudt tørkle. Han har ikkje krok i staden for ei hand. Han manglar berre tuppen på den eine peikefingeren. Pappa har to sterke

hender og kan hive meg høgt opp i lufta. Ja, han ser nesten heilt vanleg ut.

Ingen kan sjå at han er sjørøvar.

Pappa har ikkje sjørøvarskute heller. Han har ein diger sjørøvartankbil.– No må eg dra! seier pappa.– Kan eg få bli med? spør eg.– Sjørøving er skumle greier, seier pappa, – og du er for lita! – Det var i fjor, svarar eg, – no er eg stor nok.Pappa ser på meg. Han ser på meg to gonger. Så stiller han meg opp innåt målestreken på veggen.– Jammen er du blitt stor nok! seier han.

Pappa og eg lagar oss niste. Han tar det raude tørkleet rundt hovudet, og eg finn fram det grøne skjerfet. Så klatrar vi opp i førarhuset på tankbilen. Det er kjempehøgt, sjølv om eg er blitt stor nok.– Klar? ropar pappa.– Ja, kaptein! Klar forsjørøving! svarar eg.

Pappa gliser. Så startar han motoren

og set kursen mot Sverige.I år er eg stor nok. Stor nok

til å hjelpe pappa! Jippi boff! Eg skal

bli sjørøvar!

Vi køyrer over grensa til Sverige. TULL står det, med svarte bokstavar.– Korfor står det tull her? spør eg.– Det må du spørje svenskane om, svarar pappa.– Kanskje Sverige er eit tulleland? ler eg.Vi køyrer gjennom store skogar. Alle grantrea er svenske, men dei ser nesten norske ut. Overalt sit det folk med duk på bakken og tallerkar og koppar framfor seg. Dei sit ved sjøane sine og passar på.– Smørgås! seier pappa.– Kor då? spør eg og kikar opp i lufta. Men eg ser berre kråker.