Pasifik Indiketa long Disabiliti-Inklusiv Edukesen 2016monash.edu/education/research/projects/pacific-indie/...Pasifik-INDIE – Sot Ovaviu – Pasifik Indiketa long Disabiliti-Inklusiv

PACIFIC ISLANDS FORUM SECRETARIAT

PACIFIC DISABILITYFORUM

CBM – Nossal Institiut Patnasip blong Disabiliti Inklusiv Divelopmen

Pasifik Indiketa long Disabiliti-Inklusiv Edukesen 2016

Sot Ovaviu

Pasifik-INDIE – Sot Ovaviu – Pasifik Indiketa long Disabiliti-Inklusiv Edukesen 2016

Ol pipol we oli raetem dokumen ia:Umesh Sharma, Chris Forlin, Manjula Marella, Beth Sprunt, Joanne Deppeler, & Filipe Jitoko.

Ol Tok TangkyuOli developem ol gaedlaen blong Pasifik-INDIE wetem patnasip blong Monash Yunivesiti, CBM – Nossal Institiut Patnasip, blong Disabiliti Forom mo Pasifik Aelan, Forom Sekreteriet. Mifala i wantem talem bigfala tangkyu long bigfala kontribusen blong M. Setareki Macanawai, Ms. Angeline Chand mo M. Shane Antonio blong Pasifik Disabiliti Forom (PDF) blong Fiji long oltaem sapot mo gudfala kodinesen blong ol aktiviti long ol kantri long Pasifik. Mifala i wantem talem bigfala tangkyu tu long sapot we M. Laisiasa Merumeru mo M. Michael Sivendra blong Pasifik Aelan Forom Sekreteriet (PIFS) i givim truaot long projek.

Mifala i wantem luksave kontribusen blong Fiji Disebol Pipol Federesen mo Ministri blong Edukesen blong Fiji; Nuanua O Le Alofa (NOLA) mo Ministri blong Edukesen blong Samoa; Ministri blong Edukesen mo Yuman Risos Divelopmen, Pipol wetem Disabiliti blong Solomon Aelan (PWDSI) mo Solomon Aelan Nasonal Yunivesiti mo Disabiliti Promosen mo Advokesi Asosiesen mo Dipatmen blong Edukesen blong Vanuatu.

Mifala i wantem luksave speseli kontribusen blong ol Asosiet Kantri Investigeta blong mifala:

• Kitione Ravulo (Corpus Christi Tija Kolej) mo Savaira Tinaivunivalu (Fiji Disebol Pipol Federesen) blong Fiji;

• Mailo Pesamino (Ministri blong Edukesen), Faaolo Utumapu-Utailesolo (NOLA) mo Ailini Ioelu (Ministri blong Edukesen) blong Samoa;

• Janine Simi mo James Porakari (Nasonal Yunivesiti blong Solomon Aelan), George Saemane (Florence Young Kristin Skul), Simon Dolaiano mo Casper Fa’asala (Pipol Wetem Disabiliti Solomon Aelan) blong Solomon Aelan mo;

• George Maeltoka, Glenden Ilaisa (Ministri blong Edukesen) mo Freda Willie (Disabiliti Promosen Advokesi mo Aweanes) blong Vanuatu.

Mifala i wantem talem tangkyu tu long Profesa Tim Loreman, Profesa Roger Slee, Profesa Lani Florian, Profesa Martyn Rouse, Profesa Richard Rose, Misis Karen Underwood, Dr. Susie Miles, Professor Spencer Salend, M. Rick Frost, Dr. Keshari Narain Ojha, Dr. Amanda Watkins mo UNICEF Pasifik long kontribusen blong olgeta mo help long saed blong risej olsem ol ekspet konsalten we oli putumaot ol gaedlaen ia.

Plante pipol long CBM – Nossal Patnasip blong Disabiliti Inklusiv Divelopmen i involv long riviu proses we i stap gohed i gat tu wetem olgeta, Hasheem Mannan, Tamara Jolly, Sally Baker, Matthew Allen, Amanda Benson, Joanne Webber, Tanya Edmonds mo Lisa Fitzgerald. Mifala i luksave mo talem tangkyu bigwan from sapot blong olgeta.

Gavman blong Ostrelia nao i fandem risej ia tru long Dipatmen blong Foren Afea mo Tred long saed blong Ostrelien Divelopmen Risej Awod Skim (ADRAS) anda long namba 66440 wan awod we oli singaotem ‘Developem mo analaesem ol indiketa blong edukesen blong ol pikinini wetem disabiliti long Pasifik’. Ol tingting we oli tokbaot long ples ia i blong ol man o woman we oli raetem dokumen ia mo i no neseseri ol tingting blong olgeta long Commonwealth blong Ostrelia. Commonwealth blong Ostrelia i akseptem se bae olgeta i no responsibol long eni lus, damej o kil we i risal long eni infomesen o tingting we i stap insaed long pablikesen ia.


1

Ol Samting we Oli Stap Insaed

Fas Toktok .................................................................................................................................................................................. 2

Ol ki prinsipol blong developem Pasifik-INDIE ...............................................................................................................................................................................................3

Eksplenem Disabiliti-Inklusiv Edukesen...............................................................................................................................................................................................................3

Wanem nao wan Indiketa? ..........................................................................................................................................................................................................................................3

Disabiliti-Inklusiv Edukesen long ol kantri long Pasifik ..............................................................................................................................................................................3

Selektem ol Indiketa ........................................................................................................................................................................................................................................................4

Strakja blong Pasifik-INDIE mo olgeta Gaedlaen ...........................................................................................................................................................................................4

Olsem wanem blong mekem olgeta Indiketa oli wok? ............................................................................................................................................................................5

Foto

i ka

m lo

ng A

rlene

Bax

we

Oxf

am V

anua

tu i

glad

blo

ng s

erem

‘Faenol set blong ol indiketa insaed long pablikesen ia, oli save tekem se

oli ril mo oli stret long Pasifik mo ol pipol blong Pasifik nao oli developem.

Pasifik INDIE bae i sapotem ol kantri long Pasifik long wok blong olgeta blong

moniterem ol nasonal efot blong bildimap moa edukesen sistem blong letem

ol pipol wetem disabiliti blong gat moa akses long ol skul mo i no gat samting

i blokem olgeta from.’

Nelly Caleb Joen Jeawoman, Pasifik Disabiliti Forom


2

Fas Toktok

Hemia hem i wan sot vesen blong ol gaedlaen blong ol Pasifik Indiketa blong Disabiliti Inklusiv Edukesen (Pasifik-INDIE). Pasifik-INDIE i ol risos blong sapotem ol Pasifik Aelan Kantri long wan proses blong developem disabiliti-inklusiv edukesen. Oli bin priperem sam Gaedlaen blong ol administreta (Eksampol: Ministri o rijonol level), ol senia lida (eksampol: ol prinsipol) mo ol staf (olsem ol tija) blong oli yusum wetem kolaboresen blong ol nara profesenol, ol papa mo mama, mo ol stekholda long komuniti olsem ol Disebol Pipol Oganaesesen (DPO) blong evaluetem progres blong implimentesen blong disabiliti-inklusiv edukesen.

Oli seperetem ol gaedlaen long 3 pat:

• Pat A: Fas Toktok mo Bakgraon i tokbaot stamba tingting blong developem ol Pasifik Indiketa. Hem i tokbaot ol risen from wanem disabiliti-inklusiv edukesen i impoten tumas long Pasifik mo olsem wanem oli save yusum ol indiketa olsem wan wei blong evaluetem progres mo plan blong implimentem efektiv inklusiv edukesen.

• Pat B: Gaedens blong ol stekholda i givim ol prinsipol blong folem blong yusum ol indiketa blong evaluetem disabiliti-inklusiv edukesen long ol kantri long Pasifik.

• Pat C: Ol Indiketa oli soem ol indiketa wetem ol spesifik infomesen, ol daereksen mo ol praktikel step blong implimentem mo evaluetem olgeta. I gat 48 indiketa we i kavremap 10 defren saed blong disabiliti-inklusiv edukesen.

Oli askem strong long yu blong ridim ful Pasifik-INDIE dokumen blong gat moa ditel long ol indiketa mo olsem wanem blong mekem i wok long kantri blong yu. Oli save daonlodem fri nomo long http://monash.edu/education/research/ projects/pacific-indie/

Divelopmen blong ol indiketa i tekem ples ova long 3 yia tru long wan sistematik proses. Hem i involvem wei blong karemaot wan seri blong litereja riviu; konsaltesen long kantri nomo wetem ol ki Pasifik stekholda; koleksen blong ol data tru long ol intaviu wetem ol papa mo mama, mo ol memba we

oli ripresentem DPO, ol praemeri mo sekendri skul eduketa, ol tija eduketa mo ol sevei blong ol Ministeriol ripresentativ long ol 14 Pasifik kantri. Ol Pasifik mo Intanasonol ekspet oli bin riviu long ol defren draft blong Pasifik-INDIE truaot long divelopmen step mo luklukbak wetem help blong ol Pasifik patna blong yumi mo ol man blong mekem risej. Blong kasem wan ditel deskripsen blong metodoloji we oli yusum blong developem ol indiketa, plis luk long Pat A blong Pasifik-INDIE long http://monash. edu/education/research/projects/ pacific-indie/


3

Ol ki prinsipol blong developem Pasifik-INDIE

Trifala ki prinsipol we i givim fandesen blong developem ol Indiketa, oli:

(1) Kolaboresen;

(2) Nid blong jenisim sistem; mo

(3) Nating abaot yumi witaot yumi: lidasip rol blong ol pipol blong Pasifik.

Eksplenem Disabiliti-Inklusiv Edukesen

Ol rod blong folem blong faenemaot disabiliti long ol pikinini wetem disabiliti i jenis bigwan raon long Pasifik, olsem we oli mekem raon long wol. Hem i wan impoten proses blong wanwan gavman blong ol kantri long Pasifik wetem sapot blong Disebol Pipol Oganaesesen (DPO) mo ol nara disabiliti stekholda blong luklukbak long ol loa, polisi mo praktis we oli stap finis we oli tokbaot olsem wanem oli talem mining blong disabiliti.

Taem ol kantri oli stap implimentem moa naoia disabiliti-inklusiv edukesen , ol metod blong talem wanem i disabiliti, i nid oltaem blong hem i moa fomol blong mekem se moa pikinini wetem disabiliti bae oli gat akses long skul. Be hem i impoten tumas se proses i no mekem se oli aedentifaem gud ol pikinini we oli gat disabiliti. Yumi difaenem disabiliti-inklusiv edukesen olsem:

• Disabiliti-Inklusiv Edukesen i wan wei we i mentenem raet blong ol pikinini mo yut wetem disabiliti long saed blong edukesen long evri level insaed long jeneral edukesen sistem, long wan semmak level wetem ol narawan long ol komuniti we oli laef long hem. Hem i blong faenemaot mo winim ol fanis blong kwaliti edukesen long jeneral edukesen sistem; gudfala

akomodesen blong ol rikwaemen blong wanwan man mo woman, mo provisen blong sapot step blong fasilitetem akses mo patisipesen long efektiv kwaliti edukesen.

Blong save skelem progres long disabiliti-inklusiv edukesen long wei blong yusum Pasifik-INDIE, hem i impoten blong i gat wan klia mo wan definisen (mining) blong disabiliti we oli agri long hem long kantri.

Blong save kasem gol blong disabiliti-inklusiv edukesen, oli mas tokbaot ol jalenj aotsaed long baondri blong skul mo klasrum. Edukesen mo ol nara gavman sistem i nid blong wok tugeta blong mekemsua se i gat semmak akses blong ol pikinini wetem disabiliti.

Wanem nao wan Indiketa?

Ol indiketa i save givim impoten infomesen we oli save yusum blong tekem ol raet desisen. Be i impoten blong tingbaot se ol indiketa i soem nomo be oli no eksplenem.

Long edukesen, ol indiketa oli save givim stret infomesen, olsem ripotem ol namba mo pesentej blong ol pikinini we oli go (o no go) long skul oltaem, o oli save givim infomesen long ol nara rod, olsem wei blong yusum so-kol proksi indiketa. Olsem eksampol: namba blong ol pikinini we oli komplitim praemeri skul oli save tekem olsem wan proksi indiketa blong tij mo lan gud.

Oli disaenem Pasifik-INDIE blong helpem ol kantri i no blong putum ol taget nomo blong promotem fasin blong akseptem ol pikinini mo yut wetem disabiliti. Ol kantri we oli tekpat oli save yusum tu ol indiketa blong faenemaot olsem wanem nao yumi save mekem ol praeoriti ia oli kamtru. Pasifik- INDIE i mekem se i gat kolaboresen bitwin ol stekholda long wei blong aedentifaem ol strateji we i save wok

long envaeromen blong olgeta blong implimentem disabiliti-inklusiv edukesen.

Disabiliti-Inklusiv Edukesen long ol kantri long Pasifik

Tru long Pasifik Edukesen Divelopmen Fremwok (PEDF) we i karem apruvol blong evri Minista blong Edukesen long Pasifik long 2009, oli tekem se spesel mo inklusiv edukesen hem i olsem wan praeoriti, mekem se oli endosem aproj we i stanap long ol raet mo fasin blong akseptem olgeta wetem disabiliti long saed blong akses long edukesen. 14 memba kantri blong Pasifik Aelan Forom oli adoptem fremwok ia mo oli agri blong wok long disabiliti-inklusiv edukesen long wan rijonol level.

Oli disaenem Pacific-INDIE blong helpem ol kantri blong skelem mo ripotem progres long ol divelopmen efot we oli taget from, blong olgeta long disabiliti-inklusiv edukesen. Pasifik-INDIE i provaedem impoten infomesen we oli save yusum blong tekem ol gud desisen long wanwan kantri. Pasifik-INDIE i no help nomo blong putum ol taget blong mekem se oli ingkludum ol pikinini mo yut wetem disabiliti, be oli save yusum tu blong faenemaot olsem wanem nao yumi save ajivim gud ol praeoriti. Ol indiketa oli mekem tu se i gat wan standet ripoting fomat raon long ol kantri long Pasifik blong evaluetem progres long rijin long saed blong disabiliti-inklusiv edukesen.

Oli bin developem ol indiketa blong mekem se oli go wetem ol polisi blong edukesen blong wan kantri mo ol nara Pasifik rijonol proses we oli aotlaenem long PEDF mo ol praeoriti blong disabiliti mo ol stekholda blong edukesen long Pasifik.


4

Selektem Ol Indiketa

I gat wan totol blong 48 indiketa we oli developem speseli blong skelem progres long disabiliti-inklusiv edukesen long ol kantri long Pasifik. Oli bin developem hemia blong impruvum, sapotem mo help wetem implementesen blong PEDF visen long Kwaliti edukesen blong evriwan long ol kantri long Pasifik mo trifala stratejik gol blong PEDF oli:

1. Blong ajivim yunivesol mo fea patisipesen mo akses long Pasifik edukesen mo trening (Akses & Feanes)

2. Blong impruvum kwaliti mo ol aotkam (Kwaliti)

3. Blong ajivim efisien mo efektiv yus blong ol risos blong mekemsua se i gat balens mo sastenebol divelopmen long edukesen sistem long Pasifik (Efisiensi & Efektivnes).

Oli presentem ol indiketa ia long 10 defren saed we i semmak long ol defren saed blong edukesen mo oli aedentifaem olgeta folem trifala PEDF

stratejik gol (plis luk long Tebol 1 long ful lis blong ol indiketa). Blong wan aspek, i gat wan aotkam we oli aedentifaem wetem moa long 12 rekomended indiketa blong evaluetem ajivmen blong wanwan aotkam.

Long ol 48 indiketa ia, i gat 12 we oli bin aedentifaem se oli impoten tumas long evri kantri long Pasifik blong mekem se i gat konsisten ripoting long rijin long PEDF (luk ol indiketa we oli putum long italik long Tebol 1). Ol rijonol indiketa ia oli givim wan standet blong evaluetem level blong evri kantri mo oli rekomendem bigwan blong oli adoptem.

Antap long ol 12 rekomended indiketa ia, i gat 36 adisonol indiketa we ol kantri i save selektem folem impotens blong konteks, polisi mo ol praeoriti blong wan kantri. Ol spesifik indiketa blong wan kantri i givim gud posibiliti blong moniterem mo evaluetem proses long nasonal mo skul level we i provaedem impoten fidbak long wan kantri o long progres blong ol skul.

Oli no ekspektem blong olgeta kantri blong oli wantem yusum evri indiketa ia, be olgeta oli sapos blong selektem olgeta indiketa we oli ting i stret long olgeta mo i folem nid blong olgeta we oli stap tedei. Wanwan kantri bae i gat olgeta defren praeoriti, risos mo jalenj we oli folem situesen we oli fesem we bae i lidim tingting blong olgeta long wanem indiketa nao oli wantem yusum blong dil wetem olgeta taget, luk save olgeta proses blong evaluesen, mo oganaesem olgeta komuniti blong oli pat insaed long olgeta divelopmen wok. Antap long evri samting, oli mas tekem not long olgeta aproj long saed blong laef stael blong tedei mo tradisonol wei olsem olgeta sistem blong olgeta jif taem oli bin stap traem blong developem olgeta stret rod blong folem blong skelem risal blong disabiliti-inklusiv edukesen.

Strakja blong Pasifik- INDIE mo olgeta Gaedlaen

Infomesen blong wanwan long olgeta 10 pat ia hem i meinli blong provaedem risal mo stamba tingting biaen blong mesarem olgeta pat blong disabiliti- inklusiv edukesen. Mifala i rekomendem bigwan se olgeta pipol we oli yusum Pasifik INDIE oli ridim gud infomesen we i stap anda long wanwan indiketa ia insaed long Pat B. Blong wanwan long olgeta indiketa we oli stap insaed ia, i gat olgeta infomesen we oli stap anda long olgeta seksen ia:

• risal mo tingting biaen long indiketa;

• mining;

• wanem kaen data mo sos blong hem;

• step blong folem blong putum tugeta mo ripotem data;

• huia nao i kolektem data;

• frikwensi;

• mining blong data; mo

• olgeta limit.


5

6Riviu long progres

mo rifaening divelopmen

5Trening long saed blong ol indiketa

4Moniterem mo

skelem ol indiketa

3Jusum ol stret

indiketa

2Givim Mining blong

disabiliti- inklusiv edukesen

1Setemap

Divelopmen Tim

Fika 1. Olgeta 6 stej proses blong yusum olgeta Indiketa

Olsem wanem blong mekem olgeta Indiketa oli wokI gat 6 step proses taem yumi yusum olgeta Pasifik Indiketa ia we oli lukluk long ful eria blong edukesen planing, implimentesen mo rifleksen (Fika 1). Proses hem i stat wetem wan nasonal divelopmen tim we bae oli setemap blong hem i lukluk long implimentesen blong olgeta indiketa raon long kantri. Afta long hemia bambae oli faenemaot disabiliti- inklusiv edukesen blong wanwan kantri mo jusum olgeta stret indiketa blong mesarem progres blong hem. Wanem we bae i folem afta hem i wei blong moniterem mo evaluetem olgeta indiketa ia mo mekem olgeta komuniti oli tekpat. Lasfala stej nao hem i blong riviu long proses mo rifaenem divelopmen blong mekemsua se wan kantri i gat paoa blong kolektem data blong mesarem proses agensem olgeta indiketa ia.

Olgeta Divelopmen Tim oli mas mekem rere wan Monitering mo Evaluesen (M&E) Fremwok blong redi blong kolektem data. Hemia i mas soemaot tu olsem wanem kantri hem i klasifaem disabiliti, wan lis blong olgeta stret polisi mo loa long saed blong disabiliti-inklusiv edukesen mo lis blong olgeta samting

oli nidim blong mekem ripot. Tim i mas putum tu olgeta taget blong wanwan long olgeta indiketa we oli jusum folem bakgraon blong hem. Taget ia oli save setemap blong 3 kasem 5 yia o mekem i kam tugeta wetem M&E ripoting saekol we i stap finis blong wanwan indiketa.

Sapos data nao bambae oli yusum blong ripotem progres raon long kantri, nao i nid blong oli yusum standet ripoting fremwok. Fasin blong kolektem gudfala kwaliti infomesen hem i impoten long Pasifik–INDIE. Hemia i nidim sapot blong kantri blong mekemsua se i gat wan andastaning we i stap gohed blong hapen long olgeta indiketa ia long evri level. Olsem we oli tokbaot fulwan long Pat B, bambae olgeta defren stekholda we oli wok long rijonol, nasonal, distrik/provins, skul mo komuniti level, oli kolektem data blong wanwan indiketa mo ripotem olgeta. I mas gat trening blong olgeta stamba stekholda we oli wok long olgeta defren level blong mekemsua se i gat wan stamba andastaning long tingting biaen long wanwan indiketa ia.

Oli bin developem wan buk we insaed long hem, i gat olgeta seris blong presentesen, eksampol mo eksasaes blong andastanem Pasifik-INDIE,

olgeta step blong kolektem data blong wanwan indiketa, mo olsem wanem blong putum data tugeta we oli kam long olgeta stret sos. http://monash.edu/education/ research/projects/pacific-indie/

Bambae hem i impoten tumas blong holemtaet jeneral komitmen blong provaedem motivesen blong gohed long wok blong disabiliti-inklusiv edukesen. Blong save yusum olgeta indiketa hem i nid blong jekem gud olgeta praktis we oli stap naoia, olgeta bilif mo valiu insaed long komuniti. Divelopmen tim i mas mekemsua se evriwan oli stap save long progres blong implimentesen blong disabiliti-inklusiv edukesen; eksampol: tru long media, niuspepa, mo profesenol divelopmen mo olgeta komuniti infomesen sesen.

I mas gat olgeta fasin blong wok i stap blong oli save folem blong ripotem olgeta data long olgeta defren level; eksampol: skul mo komuniti, rijonol mo nasonal we oli yusum olgeta aksesebol fomat. Taem oli stap implimentem olgeta indiketa ia, oli nid blong oli dil tu wetem olgeta isiu blong risos blong sapotem koleksen blong olgeta data, manejmen mo wei blong mekem ripot.


6

Tebol 1.

Olgeta Pasifik Indiketa blong Skelem Disabiliti-Inklusiv Edukesen (Pasifik INDIE) long olgeta Pasifik Aelan Kantri

Namba Indiketa Olgeta Stratejik Objektiv blong PEDF

1. POLISI & LOA

Risal: Blong loa mo/o polisi i sapotem raet blong olgeta pikinini long disabiliti-inklusiv edukesen

1.1 Blong gat olgeta loa mo ol polisi we oli tokbaot klia ol raet blong evri pikinini we oli handikap blong kasem gudfala edukesen.

E

1.2 Blong gat pesentej blong bajet blong edukesen we oli spendem long saed blong implimentesen blong disabiliti-inklusiv edukesen plan long lokol level.

E

1.3 Blong developem mo ingkludum insaed wan nasonal disabiliti-inklusiv edukesen implimentesen plan, insaed long olgeta stret loa mo ol polisi.

E

1.4 Blong Ministri we i responsibol i apruvum wan nasonal disabiliti-inklusiv edukesen. E

1.5 Blong gat pesentej blong olgeta skul we oli implimentem wan nasonal/provinsol disabiliti-inklusiv edukesen plan. E

2. AWEANES BLONG OLGETA RAET BLONG OLGETA PIKININI WE OLI HANDIKAP

Risal: Olgeta komuniti oli welkamem olgeta raet blong olgeta pikinini we oli handikap mo famli blong olgeta, mo olgeta benefit blong disabiliti-inklusiv long sosaeti

2.1 Namba blong ol komuniti aweanes program we i lukluk bigwan long olgeta handikap pikinini we oli nomo skul. E

2.2 Namba blong ol aweanes program long saed blong olgeta handikap we oli disaenem mo implimentem tugeta wetem olgeta DPO.

E

2.3 Namba blong ol edukesen program blong ol papa mo mama, blong sapotem pikinini blong olgeta we oli handikap. A

3. EDUKESEN, TRENING & PROFESENOL DIVELOPMEN

Risal: I gat skil mo komitmen long wokfos blong implimentem disabiliti-inklusiv edukesen

3.1 Kurikulum blong trenem olgeta tija i ingkludum insaed wan kompolsari kos long saed blong disabiliti-inklusiv edukesen. K

3.2 Olgeta program blong tija edukesen i ingkludum olgeta woksop eksperiens blong disabiliti-inklusiv edukesen. K

3.3 Blong sam long olgeta tija we oli stap tij we oli risivim trening blong olgeta long las 12 manis ia, oli tijim olgeta studen we oli handikap.

K

3.4 Blong gat olgeta asisten tija we oli finisim kwalifikesen program blong olgeta long saed blong disabiliti-inklusiv edukesen.

E

Tekem not: Pasifik Divelopmen Fremwok (PEDF) Stratejik Objektiv: A = Akses; K = Kwaliti; E = Efektiv mo Efisiensi; Pikinini we oli handikap = Pikinini mo Yut we oli handikap.

Olgeta indiketa we oli haelaetem long italik oli rekomendem bigwan blong givim wan bigfala tingting blong disabiliti-inklusiv edukesen wetem wanwan kantri.


7


4. ATENDENS MO AJIVMEN

Risal: Inkrisim enrolmen mo atendens blong olgeta pikinini we oli handikap insaed long olgeta seves blong edukesen

4.1 Namba blong ol nomol skul oli enrolem olgeta pikinini we oli handikap. A

4.2 Namba blong ol handikap pikinini we oli finisim praemeri skul. A

4.3 Namba blong ol handikap pikinini we oli finisim praemeri skul. A

4.4 Namba blong ol handikap pikinini oli enrol long olgeta nomol praemeri mo sekendri skul. A

4.5 Namba blong ol niu enrolmen blong olgeta handikap pikinini olsem olgeta niufala studen long olgeta nomol skul. A

4.6 Namba blong ol handikap pikinini oli go lo skul evri taem. A

4.7 Namba blong olgeta handikap studen oli kasem olgeta gudfala mak long saed blong save rid mo raet long olgeta tes we oli mekem long kantri/skul/distrik.

K

4.8 Namba blong ol studen we oli handikap oli kasem olgeta gudfala averej namba long olgeta tes long nasonal/skul level. K

4.9 Namba blong ol pikinini we oi handikap oli nomo skul. A

4.10 Namba blong olgeta pikinini we oli handikap we oli bin enrol long olgeta skul. A

4.11 Namba blong ol pikinini we oli handikap oli bin enrol long olgeta Non-Fomol (NFE) program. A

4.12 Namba blong ol pikinini we oli handikap oli kasem olgeta motivesen program blong edukesen. K

5. FISIKOL ENVAERONMEN MO TRANSPOT

Risal: Blong olgeta pikinini we oli handikap oli gat akses long olgeta fasiliti blong edukesen

5.1 Namba blong ol pesentej blong olgeta skul (praemeri, loa mo sekendri) we oli adaptem olgeta infrastrakja mo olgeta materiol blong olgeta studen we oli handikap.

K

5.2 Namba blong ol skul transpot we olgeta pikinini we oli handikap oli gat akses long hem. A

6. AEDENTIFIKESEN

Risal: Blong faenemaot olgeta pikinini we oli handikap tru long fasin blong man i talemaot olgeta o oli go tru long wan skrining proses

6.1 Edukesen Manejmen Infomesen Sistem (EMIS) i rekodem infomesen blong olgeta pikinini we oli handikap. E

6.2 Namba blong ol skul oli ripotem namba blong olgeta pikinini we oli handikap i go long Ministri. E

6.3 Namba blong ol miting wetem olgeta papa mo mama long saed blong proses blong riferol. E

6.4 Namba blong ol skul oli mekem skrining program blong olgeta handikap. K




8


7. ELI INTAVENSEN & SEVES

Risal: Olgeta pikinini we oli handikap oli risivim akses long olgeta disabiliti seves ingkludum eli intavensen long stret taem

7.1 Namba blong ol handikap pikinini we oli gat olgeta divaes mo teknoloji we i save helpem olgeta. K

7.2 Namba blong ol skul we oli bin yusum wan riferol sistem blong gat aksen long eli intavensen seves. A

7.3 Namba blong ol skul oli mekem riferol i go long olgeta helt mo rihabilitesen seves. E

7.4 Namba blong ol skul we oli gat olgeta speselis blong sapotem olgeta handikap pikinini we oli ingkludum olgeta insaed long olgeta skul.

K

7.5 Namba blong ol speselis staf oli stap blong helpem disabiliti-inklusiv edukesen. E

8. KOLABORASEN, RISPONSABILITI WE OLI SEREM MO SAPOT BLONG YUWAN

Risal: Olgeta efot blong wok tugeta oli tekem ples bitwin Ministri, olgeta skul, spesel skul, seves provaeda, DPO, komuniti oganaesa mo olgeta famli blong impruvum disabiliti-inklusiv edukesen blong olgeta pikinini we oli handikap

8.1 I gat olgeta fomol proses we oli setemap i stap blong involvem olgeta papa mo mama blong olgeta pikinini we oli handikap, we i folem sistem, insaed long olgeta edukesen program.

E

8.2 Namba blong ol miting wetem olgeta papa mo mama blong olgeta pikinini we oli handikap. K

8.3 Namba blong ol skul we oli wok tugeta wetem komiti/tim blong inklusiv edukesen. E

8.4 Namba blong ol nomol skul we oli wok tugeta wetem olgeta stekholda blong mekem olgeta wok blong disabiliti-inklusiv edukesen i isi.

E

8.5 Namba blong ol pikinini we oli handikap mo olgeta famli blong olgeta we oli kasem trening long saed blong sapot blong olgetawan.

E

8.6 Namba blong sistem blong sapot we oli stap blong sapotem olgeta pikinini we oli handikap long bren blong olgeta o oli stap lusum hed blong stopem self-sapot.

K

8.7 Namba blong ol pikinini we oli handikap we oli gat trening folem nid blong olgeta. A




9


9. KURIKULUM MO AKSES PRAKTIS

Risal: Skul kurikulum mo ol asesmen proses oli tekem mo luksave ol defren nid blong lanem samting we wanwan pikinini wetem disabiliti i gat

9.1 Namba blong ol pikinini we oli handikap oli asesem olgeta folem nasonal kurikulum. K

9.2 Namba blong ol pikinini we oli handikap oli gat gudfala ples taem oli mekem olgeta eksam. K

10. WEI BLONG TRANSISEN

Risal: Blong olgeta pikinini we oli handikap oli gat transisen tru long plante defren ples blong edukesen stat long taem we oli smol i kam antap kasem taem oli kasem sekendri level

10.1 Namba blong pikinini we oli handikap oli graduet long wan level we i stret wetem yia blong olgeta, mo oli muv long praemeri i go long sekendri.

A

10.2 Namba blong ol pikinini we oli handikap oli muv long olgeta spesel skul i go long olgeta nomol skul. A

10.3 Plante pikinini we oli handikap oli graduet long wan level we i stret wetem yia blong olgeta mo muv i go long sekendri level i go long edukesen we hem i moa hae mo/o i go long wok.

A

10.4 Namba blong ol studen we oli handikap oli go long olgeta post-skul. A



Kontaktem MifalaBlong gat moa infomesen long saed blong program ia, plis kontaktem Prinsipol Investigeta:

Asosiet Profesa Umesh Sharma Imel: [email protected] Telefon: +61 3 990 54388

29 Ancora Imparo Way, Faculty of Education, Clayton Campus Monash University Victoria 3800 Australia

Asosiet Profesa Umesh Sharma

Documents

Pasifik Indiketa long Disabiliti-Inklusiv Edukesen 2016monash.edu/education/research/projects/pacific-indie/...Pasifik-INDIE – Sot Ovaviu – Pasifik Indiketa long Disabiliti-Inklusiv