Perpustakaan Piranti NincapangKaonengan Ngwacen

Ida dane miwah para semeton sami sane baktinin titiangSadurung titiang nglanturang matur, lugrayang tiiang ngaturang paganjali umatOm Swastyastu

Ida dane miwah para pamilet lomba sane baktinin tiiangAngayubagia aturang titiang majeng ring Ida Sang Hyang Widhi Wasa, duaning sangkaning asih asung kerta wara nugraha Ida, mawinan titiang ngiring ida-dane prasida mangguh karahajengan,mesadu ajeng iriki gumanti pacang ngamiliten pacentokan mapidarta pinaka pidabdab nyanggra wanti warsa kota denpasar sane kaping 20 ring sejeroning pidabdabe puniki titiang pacang ngunggahang murdan atur titiang Perpustakaan Piranti Nincapang Kaonengan Ngwacen Ida Dane sane Baktinin Titiang kruna pertpustakaan mawit saking kruna pustaka sane mateges cakepan utawi buku-buku miwah saluiring pepacan sane tiosan. Para janene sane akeh madue cakepan tur kapupulang ring sajeroning genah, genhe punika sane kawastani perpustakaan, punika mawinan metu parinama mekadi perpustakaan pribadi, sekolah, umum, perguruan tinggi, miwah perpustakaan daerah.Ida Dane sane wangiang titiang ring sejeroning nincapang kawikanan sumber daya manusia taler nincapang pangweruh para sisiane janten nenten pisan dados kakirangan sarana utawi piranti sane patut kawacen sekadi cakepan-cakepan punika, duaning buku utawi cakepan punika pinaka srana utama sane ngawinan para jane lan para yowanane sayan nincap kawinakanane. Sering piragi titiang para janane maosang perpustakaan punika risaksat gudang ilmu pengetahuan, perpustakaan taler kabaos jiwa pramana lembaga pendidikan, yening lembaga pendidikan punika nenten madue perpustakaan tan pendah sekadi ajeng-ajengan tanpa tasik, waluya telaga tanpa warih. Punika mawinan perpustakaan patut katitenin lan kaupapira duaning mabuat pisan, pinaka unit pelayan teknis ring wewidangan pendidikan. Nanging ring aab jagate sekadi mangkin akeh perpustakaan druene sane during polih uratian minakadi ipun buku-buku sane wenten kantun merupa buku-buku sane sampun ilu sane sampun nenten manut ring aab jagat sekadi mangkin. Sarana penunjang ring sajeroning perpustakaa sekadi computer taler during jangkep kesiagayang. Punika pinaka cihna perpustakaan druene during polih uratian sepatutnyane. Punika mawinan sarat manah titian mapinunas ring sang angaurat mangda yukti-yukti perpustakaan druenene kapicayang uratiang, mangda para yowana lan para sisia molihang sekancan sene keaptiang ring perpustakaan manut ring aab jagate sekadi mangkin.Ida-dane miwah para sameton sami sane banget baktinin titiangYening uratiang kahuripane parajanane ring Bali, pamekas sane maagama Hindu saking dumun sampun lingu pisan ring napi sane kabaos pustaka. Wenten Piodalan Sang Hyang Aji Saraswati maka pinaka cihna bakti ring ida Sang Hyang Aji Saraswati sane micayang ilmu pengetahuan. Satunggil Saniacara Umanis Watugunung buku-bukune kaupakarain, kabatenin mangda sang nruenang sida kasaraswatian. Pidabdabe puniki ring Sastra sane kabaosang Buku pinak Gudang Ilmu. Napi ke patut bukune punika maka gudang ilmu? Janten patut. Sapunapi tata carane mangda iraga wikan? Kawikanan punika presida kapikolihang wantah sangkaning oneng ngwacen sahananing buku miwah sastra-satra.Tiosan ring punika wenten malih slogan sane maosang Tiada hari tanpa membaca teges ipun ten wenten rahina sane luput ring paripolah ngwacen lan mlajahang angga. Ring Sarasmucaya kabaosang ika tang punggung, yatika klabakenanta makasadhanang kaprajsana, prajna ngaraning tutur tan pahingan teges ipun beloge punika sane panut kaicalang antuk kraparadnyanan, prajna pinaka kawikanan sane lintang utama.Ida-dane miwah semeton sami sane baktinin titiangDuaning mabuat pisan kawiguna perpustakaan punika minakadi perpustakaan siaga ngicenin penuntun sane becik saha madue buku-buku sane jangkep. Yening perpustakaan nenten becik miwah nenten jangkep, pacang mapuara murid-muride males ka perpustakaan. Perpustakaan patut kapidabdabin antuk tata cara sane kabaos frofeional. Para pengreba miwah para pustakawan sane makarya ring perpustakaan taler mangda katincapang pangweruhnyane, duaning yening SDM perpustakaan sampun wikan, terdidik, miwah terlatih manut ring swaginanyane janten pacang prasida ngunggahang swadarmanyane sane utama manut pengaptin para janane. Punika mawinan perpustakaan sida, nincapang kaonengan ngwacen ring para sisiane lan para yowanane sami.Pinunas titiang, pidabdab lomba kadi puniki taler mangda sering kalaksanayang. mangda para sida sisiane pacang jemet malajahang raga, duaning wantah pemargine punika sane prasida nudut kayun para yowanane mangda oneng ngwacen pinaka srana nincapang kepradnyanan.Inggih ida-dane sinamian sane wangiang titiangSane mangkin ngiring sikiang pikayunan druene mangda sumuyug pacang kayun urati utawi lingu ring kawentenang perpustakaan. Midabdabin suang-suang perpustakaan sane sampun wenten mangda kadasarin antuk pikayun sumeken gumanti perpustakaan punika sida pinaka genah nincapang pangweruhan mangda para yowanane sayan wikan. Suardamaning sisia patut jemet melajah sepakon ring guru medasar antuk seneng ngwacen sahananing piranti nenten waneh ngeret indria mangda kasucian jagate sida kapangguh. Sane mangkin ngiring jengahang pikayunane sutindih ring wangsa lan Negara mangda kesukertan hidupe kasida kapanggih ( Moksartam Jagadhita Ya Ca Iti Dharma ).

Ida-dane miwah para pamilet sane wangiang titiang.Asapunika titiang prasida maatur-atur ring galahe sane becik puniki. Matur sukma majeng ring uratiang Ida-dane , saha mantuk ring saluir kakirangan atur titiang, lugrayang titian nunas geng rena pengampura. Inggih puputang titiang antuk parama santih.

Om Shantih, Shantih, Shantih Om