PRENTSA OHARRA
PASODOBLEAK ETA ZARTZUELA BILBOKO UDAL MUSIKA BANDAREN
KONTZERTUAN, BIHAR OSTIRALA AREATZAKO KIOSKOAN • Juan José Munera
bonbardino bakarlariaren konpainian, Rafael Sanz-Espert zuzendari
titularraren aginduetara arituko da Banda eta egitarau honetarako
pasodoble eta zartzuela ezagunak aukeratu ditu, ‘El barberillo de
Lavapiés’ edo ‘La corte del faraón’ adibidez • Kontzertua BIHAR
OSTIRALA 19:30ETAN IZANGO DA
Bilbon, 2011ko maiatzak 26. Bilboko Udal Musika Banda, BIHAR
ostirala 27an, bilbotarrekin ostiraletan duen hitzorduan izango da
pasodoble eta zartzuela herrikoiekin osatutako programa
zabalarekin. Gainera, Juan José Munera bonbardino bakarlariaren
ikuskizun berezia izango da eta ‘Torna a Sorrento’ italiar kantu
ezagunaren doinuak interpretatuko ditu. Honekin, Udaberriko
Denboraldiko hirugarren kontzertua izango da eta taldea, Rafael
Sanz-Espert zuzendari titularraren aginduetara arituko da.
Francisco Alonsoren ‘La Calesera’ pasodoblearen
interpretazioarekin abiatuko da kontzertua eta ondoren zartzuelako
zenbait doinu ezagun entzun ahal izango dira, Francisco Asenjo
Barbieriren ‘El barberillo de Lavapiés’ adibidez. Juan José Munera
bonbardino bakarlari gonbidatuak hartuko du gero txanda eta
Jean-Baptiste Arban-en ‘Carnaval de Venecia’ eta Ernesto de
Curtis-en ‘Torna a Sorrento’ konposizioak interpretatuko ditu.
Olerki sinfoniko batekin amaituko da kontzertua, ‘Jaime I, el
Conquistador’ (Juan Gonzalo Gómez); eta Jesús Guridiren ‘La meiga’
eta Vicente Lleó-nek ‘La corte del faraón’ konposizioarentzat
egindako fantasia ere interpretatuko ditu Bandak.
Juan José Munera, (Valentzia, 1981). Bere jaioterriko Joaquín
Rodrigo Musika Goi Kontserbatorioan ikasi zuen kualifikaziorik
gorenenak lortuz. Trento (Italian) osatu zuen bere prestakuntza,
Manchesterreko Royal Northem Collage of Music-eko Steven Mead
irakasle titularrarekin. Bere ibilbidean zehar, estatu mailako
zenbait lehiaketa irabazi ditu eta beste hainbeste orkestrekin
batera kolaboratu izan du, adibidez, Galiziako eta RTVEko
Sinfonikoekin edo eta udal bandekin. 2005etik, Bilboko Udal Musika
Bandako bonbardino bakarlaria da.
Rafael Sanz-Espert (Llombai, Valencia, 1960) Bere prestakuntza
jaioterrian, Parisen eta Rotterdamen burutu zuen. Valentziako banda
prestigiotsuetan Zuzendari Titularra eta Artistikoa izan da eta 30
urtetako karreran zehar, hainbat ekimen pedadogiko garatu ditu.
Jaso dituen hainbat golardo eta sarien artean nabarmendu behar
dira, "Ciudad de Valencia", Musika-Bandentzako Nazioarteko
Lehiaketako atal ospetsuenaren Ohorezko Aipamena eta sari
gorenenak; eta baita Zuzendaritza Onenaren Epaimahaiaren Sari
berezia. 1987tik Sociedad Unión Musical de Llombai-ko Ohorezko
Zuzendaria da eta gaur egun, Paraguayko Orkestra Nazionalean,
Zuzendari Gonbidatu Nagusia, WASBE Board of Directors Elkarteko
kidea eta Bilboko Udal Musika Bandako Zuzendaria da.
Bandaren hurrengo emankizuna ekainaren 3an, ostiralean izango
da, Iñaki Urkizu Udal Musika Bandaren Zuzendariorde Titularraren
aginduetara. Bilboko Udal Musika Banda BILBAOMUSIKA Bilboko Udaleko
Kultura eta Hezkuntza Sailaren menpeko organismo autonomoa da eta
bere ardurapean dago baita ere Musika Eskola eta Txistularien
Bandaren kudeaketa.
KONTZERTUKO EGITARAUA Tokia: Areatzako Kioskoa Eguna: maiatzak
27, ostirala Ordua: 19:30etan
EGITARAUA - LA CALESERA (Pasodoblea), Francisco Alonso - EL
BARBERILLO DE LAVAPIÉS (Potpourrit), Francisco Asenjo Barbieri -
CARNAVAL DE VENECIA, Jean-Baptiste Arban / Mold. Juanma Sáez - COME
BACK TO SORRENTO, Ernesto de Curtis / Mold. Harold L. Walters -
JAIME I ‘EL CONQUISTADOR’ (Olerki sinfonikoa), Juan G. Gómez - LA
MEIGA (Intermedio), Jesús Guridi - LA CORTE DEL FARAÓN (Fantasia),
Vicente Lleó / Mold. R. Soutullo
ZUZENDARITZA: Rafael Sanz-Espert, Bilboko Udal Musika Bandako
zuzendari titularra
Informazio gehiago: PRENTSA-BULEGOA L&V COMUNICACIÓN –
Itziar Villamandos Kale Nagusia, 81 – 3. solairua, 9. saila, 48011
BILBO Tel. 94 416 08 00 -Faxa: 94 439 30 56 Eskukoa: 657 796 583
[email protected]
