BDS3023 SEJARAH PERKEMBANGAN

BAHASA, KESUSASTERAAN DAN KEBUDAYAAN KADAZANDUSUN

“HUMINODUN”MELANIA DINGKIM

KOPOINTUTUNAN

Masyarakat Kadazandusun mimang do otumpu kaharaan do

sastera rakyat. Songinsuang nagawi noh I mitos, legenda

om ogumu poh bontuk susuyan kokomoi do kinaantakan id

suang pogun kumaa kuasa kinorohingan.

DEFINISI

HUMINODUN nopo nga kikomoyon do I pinolubuk om

merujuk do tanak tondu di Dewa Kinorohohingan om sawo

dau i Suminundu do mengorbankan diri dau kumaa do

sunduan pomogunan sabaagi do taanu-anu do asil

tootonomon I osonong maan do tulun toinsanan.

SUSUYAN HUMINODUN

I nopo digulu poh haro iso

kampung I aman om damai tu haro

tootonomon diolo miagal do parai om

tuwa-uwa i osubur kopio. Insan

tadau, minagadau kopio do alaid om

anaru gisom nongoriou ngawi o tuwa-

uwa om tootonomon om I bawang

nga narasak ngawi. Orosian om

gumangarau ngawi dii tulun

kampung tu magadau potilombus om

aiso dii pogihuman taakanon.

Linohou kinorohingan I

Bobolian do mongoi

pogintong keadaaan hilo

kampung diolo om sunudai

nodii di Bobolian yolo do

ingkaa “ otingkod magadau

soira tana diti pomogunan

orontoi raha songulun i haro

koginawaan do aralom kopio

kumaa toinsanan tulun.

I Huminodun I minongoi amung diti

upacara nga nokorongou nogi di

syarat-syarat pinoboros dii

Bobolian. Ongoi nodii ruba di

kinorohingan om suminundu do

asaga yau matai do popotingkod ilo

magadau om paparasam tu amu

yau osontob kokito tulun do

oinggorit amu kaakan.

Olunggui noh kopio I

Kinorohingan om I Suminundu

nokorongou dii pokionuon I

Huminodun nga amu yolo kaanu

magantob do kootuson naanu

dau. Kosuabon nodii,

minogititimung dii toinsanan

tulun kampung om pinosunud

dii pokionuon I Huminodun.

Ogumu tomod tulun kampung amu asaga nga atatap no

ginawo I Huminodun tu nokopomusorou noh yau do aralom.

Soira do tumuong nodii om guyutai noh diolo I Huminodun

minongoi hilo tana lapang. Pogulu poh niimpunan I upacara

nga minimboros I Huminodun do ingkaa “Ama, poluo iti turu

rangoh dot parai, poluo hilo tangkob, koturu nopo rasam om,

pasasadon noh ilo tuah dau” . Alapas poh pinapatahak turu

tangkai parai om singkotud no yauh om kodongo noh

Kinorohingan gayang minomutul tulu di Huminodun om

kahaba nodii om luyung raha mikuoh kodumaat toi ko

tingoron om tatak nodii rasam dii tasapou kopio.

I nopo dii tinan dau nga

nokosiliu di taakanon . Miagal do

wagas nopo mantad tonsi dau dii

opurak kopio; raha di taragang

nokosiliu lado; layo nopo dii nga

mantad tunturu Huminodun;

bawang 'tagaas' mantad do

tobuk dii Huminodun; nipon dau

nga nokosiliu luong; om tulu nopo

nga nokosiliu piansau. Arayou

tomod kopio tulun kampung

aantakan diri tu nopupusan

koingoritan diolo mantad

koginawaan dii Huminodun.

Mantad diri, kampung diolo mamaramai do sunduan parai I pinungaranan o ‘Bambarayon’ sabaagi do monorou di polubukan I Huminodun kumaa diolo alapas mongomot parai.

KOLIMPUPUSON

Karamaian diti kakal poh potilombus gisom baino I roitan do “kaamatan”. Kaamatan diti maan ramayo antaakaan do tulan Kolimo soira do alapas mongomot I pohoroon do tolu nohopod om tolu nohopod om iso tulan kolimo monikid toun. Iti nopo kaamatan nga nokosiliu do iso tradisi tinaru Kadazandusun id pogun Sabah.