PRÓIFÍL OL Eanáir 2018

2

CLÁR

RÉAMHRÁ .............................................................................................................................. 3 RIALACHAS NA HOLLSCOILE ......................................................................................... 3 BAINISTÍOCHT NA HOLLSCOILE ................................................................................... 3 PRÍOMHFHORBAIRTÍ LE LINN 2017............................................................................... 5

STAITISTICÍ ......................................................................................................................... 10 IONCAM REATHA DE RÉIR BLIAIN FOINSE GO DTÍ MEÁN FÓMHAIR 2016 ... 11 ROCHTAIN, LEATHNÚ AR RANNPHÁIRTÍOCHT AGUS IDIRCHAIDREAMH

DON PHOBAL ....................................................................................................................... 11 STAIDÉAR IARCHÉIME & GAIRMIÚIL ........................................................................ 12

TAIGHDE AGUS FIONTAR ............................................................................................... 13 COMHAROIDEACHAS AGUS GAIRMEACHA ............................................................. 16 OIDEACHAS IDIRNÁISIÚNTA ......................................................................................... 17

FOIRGNIMH, LÓISTÍN NA MAC LÉINN AGUS SAOTHARLANNA ........................ 18 CÁILÍOCHT .......................................................................................................................... 20 SEIRBHÍSÍ LEABHARLAINNE AGUS FAISNÉISE ...................................................... 21 TEICNEOLAÍOCHT FAISNÉISE ...................................................................................... 21 NA HAMHARC-EALAÍONA .............................................................................................. 22

CEOLÁRAS NA HOLLSCOILE ......................................................................................... 22 FONDÚIREACHT OLLSCOIL LUIMNIGH .................................................................... 23 ALUMNI OLLSCOIL LUIMNIGH .................................................................................... 23 LÉARSCÁIL AN CHAMPAIS ............................................................................................. 24

CAIRT EAGRAÍOCHTA ACADÚIL ................................................................................. 25 CAIRT EAGRAÍOCHTA RIARACHÁIN.......................................................................... 26

3

RÉAMHRÁ

Ollscoil neamhspleách, a bhfuil fócas idirnáisiúnta aici í Ollscoil Luimnigh a bunaíodh sa

bhliain 1972, agus tá os cionn 15,000 mac léinn agus 1,528 comhalta foirne inti. Is ollscoil

óg, fhuinniúil agus fhiontraíoch í agus dea-cháil uirthi as nuálaíocht san oideachas agus as

barr feabhais a bhaint amach sa taighde agus sa léann. Cuireann an Ollscoil cláir i réimse

leathan disciplíní ar fáil, lena n-áirítear na dána, gnó, innealtóireacht agus tógáil, sláinte,

leigheas san áireamh, teicneolaíocht faisnéise agus cumarsáide, dlí, matamaitic agus na

heolaíochtaí nádúrtha. Is é misean na hOllscoile a bheith ina hollscoil eisceachtúil,

cheannródaíoch, a mhúnlaíonn an todhchaí trí oideachas a chur ar dhaoine agus iad a chumasú

le dul i ngleic le dúshláin an lae amárach.

Aithnítear an Ollscoil mar ollscoil ag a bhfuil ceann de na campais tríú leibhéal is iontaí agus

is báúla don timpeallacht ar domhan. Tá áiseanna spóirt agus cultúir den chéad scoth fud fad

an champais, lena n-áirítear an chéad linn snámha Oilimpeach in Éirinn, spórtlann faoi dhíon,

teach bád le tanc rámhaíochta nua-aimseartha faoi dhíon, Ceoláras na hOllscoile a bhfuil áit

suite ann do 1,100 duine, Áras Cheolfhoireann Aireagail na hÉireann, Dámh Chruinne

Éireann agus réimse iontach amharcealaíon, dealbha lasmuigh, Bailiúchán Féinphortráide

Náisiúnta na hÉireann agus Bailiúchán Chumann Uiscedhatha na hÉireann ina measc. Tá an

campas lonnaithe 5km ó chathair Luimnigh agus 20km ó Aerfort Idirnáisiúnta na Sionainne.

Tá Ionad Nuálaíochta Nexus lonnaithe ar an gcampas, ionad a thacaíonn le gníomhaíochtaí

seach-chuideachtaí sa réigiún agus tá sé lárnach do Chonair Fiontraíochta OL, áit a bhfuil

cuideachtaí taighde agus forbartha mór le rá cosúil le Johnson & Johnson lonnaithe. Tá an

Pháirc Náisiúnta Teicneolaíochta (NTP), an chéad pháirc eolaíochta/teicneolaíochta (263

heicteár) in Éirinn, suite le taobh na hOllscoile. Tá os cionn 80 eagraíocht lonnaithe sa Pháirc

a fhostaíonn breis is 3,000 duine.

RIALACHAS NA HOLLSCOILE

Feidhmíonn Ollscoil Luimnigh faoi reachtaíocht náisiúnta, Acht na nOllscoileanna, 1997. Mar

a leagtar síos sa reachtaíocht sin, tá Údarás Ceannais na hOllscoile freagrach go huile agus go

hiomlán as gnóthaí na hOllscoile agus tá an tÚdarás ceaptha de réir an Achta.

BAINISTÍOCHT NA HOLLSCOILE

Is faoi Choiste Feidhmiúcháin na hOllscoile atá bainistíocht fhoriomlán ghnóthaí na

hOllscoile. Is iad boird na ndámh, Coiste Athbhreithnithe na gClár Acadúil agus an

Chomhairle Acadúil a dhéanann gnóthaí acadúla na hOllscoile a bhainistiú.

4

AN TÚDARÁS CEANNAIS

Mary Harney

Cathaoirleach/Seansailéir

AN COISTE FEIDHMIÚCHÁIN

An Dr Des Fitzgerald

An tUachtarán

Gerry O’Brien

Príomhoifigeach Oibriúcháin agus an Leas-Uachtarán Acadúil/Cláraitheoir

An Dr Pat Phelan

(An tOllamh Kerstin Mey ó Aibreán 2018)

An Leas-Uachtarán do Ghnóthaí Acadúla & Rannpháirtíocht na Mac Léinn

An Dr Mary Shire

An Leas-Uachtarán Taighde

An tOllamh Helen Kelly Holmes

Déan, Dámh na nDán, na nDaonnachtaí agus na nEolaíochtaí Sóisialta

An Dr Philip O’Regan

Déan, Scoil Ghnó Kemmy

An tOllamh Rachel Msetfi

Déan, Dámh an Oideachais agus na nEolaíochtaí Sláinte

An tOllamh Edmond Magner

Déan, Dámh na hEolaíochta & na hInnealtóireachta

An Dr Ann Ledwith

Déan, Staidéar Iarchéime agus Gairmiúil

Ruth Maher

Stiúrthóir na dTionscadal Straitéiseach agus an Athraithe

An Dr Tommy Foy

An Stiúrthóir Acmhainní Daonna

John Field

An Stiúrthóir Airgeadais

Callista Bennis

An Rúnaí Corparáideach

Mark Mulqueen

Stiúrthóir Margaíochta & Cumarsáide

5

PRÍOMHFHORBAIRTÍ LE LINN 2017

Uachtarán nua ar OL

Ceapadh an Dr Desmond Fitzgerald, iar-Leas-Uachtarán ar Choláiste na hOllscoile, Baile Átha

Cliath mar chúigiú uachtarán Ollscoil Luimnigh (OL). Bhí an Dr Fitzgerald ina Leas-Uachtarán

do Ghnóthaí Sláinte i gColáiste na hOllscoile, Baile Átha Cliath agus ina Phríomhoifigeach

Acadúil ar Ghrúpa Ospidéal Oirthear na hÉireann. Thosaigh sé ar a théarma mar Uachtarán OL

ar an 1 Bealtaine 2017 agus tháinig sé i gcomharbacht ar an Ollamh Don Barry.

Ionad taighde nua maoinithe ag SFI do OL

Tá Fondúireacht Eolaíochta Éireann (SFI) chun infheistíocht €74 milliún a dhéanamh thar na

sé bliana amach romhainn i gceithre shárionad taighde nua SFI in Éirinn, lena n-áirítear ceann

amháin in Ollscoil Luimnigh.

I measc na gceithre ionad nua SFI tá CONFIRM, faoi stiúir OL, ionad ar fiú €47 milliún é agus

atá dírithe ar dhéantúsaíocht chliste. Déanann CONFIRM iarracht faisnéis a chur le córais

táirgthe, chun monarchana na todhchaí a fhorbairt, inar féidir táirgí a shaincheapadh agus a

oiriúnú go hiomlán. Ar an iomlán, tacaíonn infheistíocht SFI le taighde bunúsach agus

feidhmeach atá ceannródaíoch agus a bhfuil rannpháirtíocht láidir aige le hearnáil na

tionsclaíochta, agus a chuireann le buntáistí eacnamaíocha agus le tionchar dearfach na sochaí.

An tOllamh Mike Zaworotko ainmnithe mar Thaighdeoir SFI na Bliana

Tá Ollamh Bernal OL le hInnealtóireacht Chriostail, Mike Zaworotko ainmnithe mar

Thaighdeoir na Bliana ag Fondúireacht Eolaíochta Éireann. Ainmníodh buaiteoirí

dhuaiseanna mór le rá SFI 2017 ag Cruinniú Mullaigh Eolaíochta SFI.

Tugann Gradam Thaighdeoir SFI na Bliana aitheantas d’éachtaí atá bainte amach ag taighdeoir

atá maoinithe ag SFI agus a bhfuil a c(h)ion déanta aige/aici do phobal taighde na hÉireann le

linn a g(h)airme. Tá torthaí eisceachtúla eolaíocha agus innealtóireachta bainte amach ag an

taighdeoir buacach mar aon le léiriú soiléir go bhfuil ar a chumas a chuid taighde a chur in iúl.

Cláir nua sna dána, gnó, ríomhaireacht, innealtóireacht agus eolaíocht Sheol an Ollscoil sraith clár nua fochéime sna dána, gnó, ríomhaireacht, innealtóireacht agus

eolaíocht in 2017. Tugann na cláir níos mó rogha agus solúbthachta do bhreis is 60% de mhic

léinn nua agus iad ag forbairt a gclár céime. Tá an clár sna Dána solúbtha agus leathan, agus tá

19 n-ábhar ar fad ar tairiscint. Is féidir le mic léinn an chláir seo staidéar a dhéanamh ar

mheascán ábhar (mar onóracha aonair nó comhonóracha) i nDámh na nDán, na nDaonnachtaí

agus na nEolaíochtaí Sóisialta. Déanfaidh mic léinn a thugann faoi chláir chomhiontrála sa

ghnó, ríomhaireacht, innealtóireacht nó eolaíocht a rogha dheiridh don chéim i rith na chéad

bhliana dá gclár staidéir.

Dioplóma Gairmiúil i gCeannaireacht Scoile [Professional Diploma in School

Leadership] seolta in OL

Sheol an tAire Oideachais agus Scileanna, Richard Bruton, TD Dioplóma Gairmiúil nua i

gCeannaireacht Scoile in Ollscoil Luimnigh. Díríonn an clár orthu siúd atá ar thóir poist

shinsearacha i mbunscoileanna agus i scoileanna dara leibhéal agus tá sé mar chuid de Phlean

Gníomhaíochta an Rialtais don Oideachas (2016-2019).

Forbraíodh an clár in OL i gcomhpháirtíocht le OÉG, CÓBAC agus IT Phort Láirge agus

déanann OÉG, CÓBAC agus OL an cháilíocht a chomhbhronnadh, tá an clár maoinithe ag an

6

Roinn Oideachais agus Scileanna tríd an Ionad Ceannaireachta Scoile. Dioplóma gairmiúil

foghlama cumaisc páirtaimseartha (18 mí) é an clár, a chuirtear ar fáil i sé ionad réigiúnacha

ar fud na tíre (OL, OÉG, CÓBAC, IT Phort Láirge, IT Chorcaí agus Coláiste San Aingeal,

Sligeach) agus déanfaidh Scoil an Oideachais agus an tAonad don Oideachas Leanúnach

Gairmiúil in Ollscoil Luimnigh an clár a riar. Ina theannta sin, déanfar foráil ar leith do

mhúinteoirí i nGaelscoileanna in OÉG.

Ardmholadh do Scoil an Dlí, OL ag Gradaim Dhlí na hÉireann

Ainmníodh Scoil an Dlí in Ollscoil Luimnigh mar an scoil dlí is fearr sa tír ag an séú searmanas

bliantúil de Gradaim Dhlí na hÉireann de chuid Bhaincéireacht Phríobháideach AIB a bhí ar

siúl i mBaile Átha Cliath.

Déanann Gradaim Dhlí na hÉireann de chuid Bhaincéireacht Phríobháideach AIB feabhas agus

éachtaí den scoth i ndlí na hÉireann a aithint, a mholadh agus a phoibliú agus cleachtais

shármhaithe de chuid gnólachtaí agus foirne dlí den scoth ar fud na tíre a aithint. Cuireadh fáilte

ag an ócáid roimh an lucht freastail agus na daoine a bhí ainmnithe ó gach cearn den tír, agus

iad ag déanamh ionadaíochta don ghairm thábhachtach an dlí in Éirinn.

KBS ainmnithe mar an Scoil Ghnó is fearr ag InBUSINESS

Ainmníodh Scoil Ghnó Kemmy ar an Scoil Ghnó is fearr in Éirinn 2016 ag Gradaim

Aitheantais InBUSINESS. Roghnaíodh buaiteoirí na ngradam in 22 catagóir bunaithe ar na

critéir leathana fáis, próifíl ghnó, réimse seirbhísí agus cúram custaiméirí.

Gradam Nuálaíochta Taighde Mheiriceá-Éireann buaite ag foireann OL

Bhuaigh Ollscoil Luimnigh, 3D4Medical agus IBM Research Gradaim Nuálaíochta Taighde

Mheiriceá-Éireann 2017, a chomhbhronn Cumann Tráchtála Mheiriceá in Éirinn agus

Acadamh Ríoga na hÉireann. Faoi stiúir an Dr Eamonn de Barra agus i gcomhar le Stryker

Orthopaedics, bronnadh an gradam ar fhoireann OL as cineál nua stroighne cnáimhe

bhithghníomhaigh a fhorbairt do néaramháinliacht, atá níos fearr ná na táirgí reatha atá ar an

margadh i dtéarmaí a éasca atá sé a úsáid, a sciobtha is atá sé é a chur i bhfearas agus an t-

ualach oibre laghdaithe ar fhoireann na hobrádlainne, toradh atá dearfach do chách.

Gradam Speisialta BAFTA bronnta ar léachtóir OL

Thug Acadamh Ealaíon Scannán agus Teilifíse na Breataine (BAFTA) aitheantas do léachtóir

OL Brenda Romero nuair a bronnadh Gradam Speisialta uirthi ag Gradaim Cluichí Acadamh

na Breataine. Tugann Gradam Speisialta BAFTA aitheantas do dhaoine as a c(h)ion

cruthaitheach don tionscal, agus bronnadh an gradam úd ar Brenda as a gairm iomráiteach i

ndearadh cluichí, a cuid oibre ar son na healaíne agus an phróisis chruthaithigh taobh thiar de

dhéantúsaíocht cluichí agus a dúthracht maidir leis an gcéad ghlúin eile de thallann sa tionscal

a spreagadh.

Seoladh institiúid taighde eolaíochta agus innealtóireachta ar luach €86 milliún

Sheol an Taoiseach ag an am, Éanna Ó Coinnigh, Institiúid Bernal in Ollscoil Luimnigh,

institiúid €86 milliún don taighde eolaíochta agus innealtóireachta ina bhfuil spás taighde

ilchuspóra, ardchaighdeáin 20,000m2 sa Zón nua Eolaíochta agus Innealtóireachta in OL.

In Institiúid Bernal cuimsítear an Institiúid Eolaíochta Ábhar & Dromchla, Institiúid Taighde

Stokes agus Tionscadal Bernal in aon institiúid taighde aontaithe amháin chun láidreachtaí

suntasacha taighde na hOllscoile sna réimsí eolaíochta agus innealtóireachta a chur chun cinn

agus a fhorbairt. Príomhghné den Institiúid is ea earcú taighdeoirí atá ar thús cadhnaíochta le

bheith mar Ollúna Bernal – tá seachtar as an deichniúr atá le hearcú earcaithe cheana féin. Tá

260 taighdeoir ag obair san Institiúid ag plé le téamaí taighde cosúil le hardábhair,

déantúsaíocht agus innealtóireacht próiseála agus sreabhmheicnic.

7

Meabhrán tuisceana nua ina léiriú ar chomhpháirtíocht straitéiseach fhoirmiúil le Intel

Shínigh OL agus Intel Ireland Meamram Tuisceana chun comhpháirtíocht straitéiseach a

bhunú, a dhéanfaidh an caidreamh fadtéarmach idir an dá eagraíocht a chur ar bhonn foirmiúil

agus a chruthóidh sainchlár gníomhaíochta d’oibriú le chéile sa todhchaí. Tógann an

comhaontú comhpháirtíochta nua ar an gceangal reatha idir Intel agus OL agus scrúdóidh sé

go sonrach deiseanna chun tallann a fhorbairt agus a spreagadh sa todhchaí, chun comhoibriú

cruthaitheach a fhorbairt i réimse an taighde, na forbartha agus na nuálaíochta agus chun oibriú

le chéile chun creatlaí polasaí ábhartha a mhúnlú.

Cuimseoidh an chomhpháirtíocht nua béim ar phríomhréimsí iniúchta sa spás taighde chun

intleacht shaorga agus ard-déantúsaíocht a áireamh. Ina theannta sin, déanfaidh an comhaontú

iarracht bealaí a aithint inar féidir leis an dá eagraíocht oibriú le chéile ar ábhair ar nós cur le

hionadaíocht na mban ar chláir oideachais agus i ngairmeacha STEM agus tacú le

comhionannas deiseanna ar an oideachas i measc gach próifíl dhéimeagrafach.

Luimneach 2030

Tá OL ag obair go leanúnach ar thionscnamh Luimneach 2030, a bhfuil sé mar aidhm aige cur

ar chumas údaráis áitiúla, institiúidí oideachais agus fiontair ghnó Luimnigh fás a spreagadh,

infheistíocht dhíreach a mhealladh as tíortha thar lear agus fostaíocht a chruthú d’fhonn fás

inbhuanaithe agus leathnú eacnamaíoch Luimnigh nua a chur chun cinn.

Gradaim an Uachtaráin don Obair Dheonach

Ghlac sa bhreis ar 270 mac léinn de chuid Ollscoil Luimnigh páirt i scéim Ghradaim an

Uachtaráin don Obair Dheonach anuraidh. Thug mic léinn faoi bhreis is 17,000 uair an chloig

d’obair dheonach i réimse eagraíochtaí pobail agus carthanachta le linn na bliana acadúla.

Ó bunaíodh scéim na ngradam in 2012, tá 57,000 uair an chloig d’obair dheonach ar taifead,

agus is é obair dheonach na mac léinn an ghníomhaíocht phobail is mó atá ar siúl in OL.

Os cionn leath de chiste náisiúnta an ÚAO do shoghluaisteacht mac léinn/foirne bronnta

ar institiúidí ardoideachais Luimnigh

Bronnadh breis is leath de Chiste Soghluaisteachta Idirnáisiúnta Creidmheasa Erasmus+ an

Údaráis um Ard-Oideachas ar fiú €1 mhilliún é ar Ollscoil Luimnigh (OL), ar Choláiste Mhuire

gan Smál (MIC) agus ar Institiúid Teicneolaíochta Luimnigh (LIT) chun tacú le haistriú mac

léinn agus comhaltaí foirne chuig tíortha lasmuigh den Eoraip d’fhonn tabhairt faoi

chomhoibriú teagaisc, oiliúna agus taighde.

Cuireadh tús le Soghluaisteacht Idirnáisiúnta Creidmheasa Erasmus+ sa bhliain 2015, agus

tugann sé deis do mhic léinn staidéar a dhéanamh agus do chomhaltaí foirne tabhairt faoi

theagasc ar feadh tréimhse ama in institiúidí ardoideachais lasmuigh den Eoraip. Cuireann an

scéim na deiseanna céanna ar fáil do chomhaltaí foirne agus do mhic léinn ó thíortha lasmuigh

den Eoraip teacht chuig institiúidí ardoideachais rannpháirteacha san Eoraip. Tá OL, MIC agus

LIT ina mbaill de Chuibhreannas na Sionainne, comhghuaillíocht straitéiseach lena mbaineann

comhoibriú substaintiúil idir na hinstitiúidí chun tacú le hinrochtaineacht níos fearr ar an

ardoideachas agus ar nuálaíochtaí sa teagasc agus san fhoghlaim.

Tacóidh ciste an Chláir Erasmus+ le gluaiseacht 135 comhalta foirne agus mac léinn chuig

agus ó na trí institiúid chuig coláistí agus ollscoileanna in 20 tír éagsúil ar chúig mhór-roinn.

Mol Sláinte nua OL i lár chathair Luimnigh

D’fhorbair Dámh Oideachais agus Eolaíochtaí Sláinte OL Mol Sláinte nua i gcathair

Luimnigh. Cuirfidh an Mol Sláinte nua ar chumas grúpaí pobalbhunaithe teacht ar chláir

shláinte agus ar eolas tacaíochta maidir le maireachtáil sláinte. Leagadh amach an t-ionad nua

8

chun deis a thabhairt do mhic léinn OL cláir a chur ar fáil chun sláinte agus folláine mhuintir

Luimnigh a fheabhsú.

Tá sé suite san áit chéanna le Saoráid Déantúsaíochta Luimnigh ar Shráid Rutland sa chathair,

agus cuireann an Mol Sláinte leis na múnlaí reatha atá ag OL maidir le hoideachas mac léinn

agus tionscnaimh phobalbhunaithe.

Bronnann OL sa bhreis ar 100 scoláireacht

Bronnadh scoláireachtaí ar mhic léinn ó cheann ceann na tíre ar fiú beagnach €280,000 iad ag

searmanas bronnta Scoláireachta Ollscoil Luimnigh a bhí ar siúl Dé Luain, an 27 Samhain

2017. Bronnadh sa bhreis ar 110 scoláireacht, lena n-áirítear os cionn 30 Scoláireacht Spóirt

de chuid OL.

Bronnadh Scoláireachtaí UL40 ar dhaichead mac léinn, scoláireachtaí ar cuireadh tús leo in

2012 chun ceiliúradh a dhéanamh ar chomóradh daichead bliain OL agus arb ionann iad agus

€2,000 an ceann. Bronnadh Scoláireachtaí UL40 do Mhic Léinn Lánfhásta ar dheichniúr mac

léinn eile.

Bronnadh Scoláireachtaí Spóirt OL ar thríocha trí duine den scoth in 2017. Orthu siúd ar

bronnadh trí Scoláireacht Spóirt Óir OL bhí Captaen ar Fhoireann Rugbaí Ban na hÉireann,

Niamh Briggs, iománaí Chontae an Chláir agus buaiteoir Bhonn Uile-Éire 2013, Tony Kelly,

agus Shane O’Donoghue, a sheas an fód d’Éirinn sa haca ag Cluichí Oilimpeacha 2016.

Bua idirnáisiúnta do mhic léinn OL

Bhí ceathrar mac léinn OL ar an gcéad fhoireann lasmuigh de Cheanada ar éirigh leo an bua a

fháil ag Comórtas Idirnáisiúnta Cásanna Innealtóireachta agus Tráchtála (ECCC) in Montreal.

Chuir Université Concordia a bhfuil cáil mhór uirthi an comórtas idirdhisciplíneach ar bun agus

is é an t-aon tástáil dá chineál ar domhan agus tá sé ar cheann de na dúshláin cásanna is fearr i

Meiriceá Thuaidh. Is é aidhm an chomórtais teacht ar réitigh maidir le dúshláin réadúla a

gcaithfidh tionscail nua-aimseartha dul i ngleic leo. Bhí mic léinn as disciplíní na

hinnealtóireachta agus an ghnó ar gach foireann. Tá mic léinn Ollscoil Luimnigh ag seasamh

an fhóid don Eoraip agus tháinig an 11 fhoireann eile as Meiriceá Thuaidh agus as an

Meánoirthear. Chomh maith leis an mbua iomlán a bhaint amach, bhuaigh OL an Réiteach

Innealtóireachta is fearr agus an Réiteach Inbhuanaithe is fearr.

Dhaingnigh OL a cháil mar Champas Spóirt na hÉireann nuair a seoladh Ionad

Ardfheidhmíochta Rugbaí na Mumhan agus linn tumadóireachta 25m nua OL

D’oscail an tAire Stáit Patrick O’Donovan, an Roinn Iompair, Turasóireachta agus Spóirt dhá

fhoirgneamh spóirt nua in Ollscoil Luimnigh ar fiú beagnach €15m iad. Tá Ionad

Ardfheidhmíochta Rugbaí na Mumhan agus an linn tumadóireachta 25m nua in OL cóngarach

agus nasctha le hAiréine Spóirt reatha OL.

Leathnú ar Leabharlann Glucksman

Táthar beagnach críochnaithe leis an obair thógála ar leathnú agus athchóiriú Leabharlann

Glucksman. Tá an leabharlann athchóirithe airdeallach ar an gcaoi a n-úsáideann mic léinn

agus taighdeoirí leabharlanna sa lá atá inniu ann, agus cuirfidh sí spásanna teicneolaíochta,

cruthaitheacha agus spreagúla ar fáil chun freastal ar riachtanais reatha agus amach anseo. Ní

chun spás breise amháin a chur ar fáil atáthar i mbun na hoibre seo ach chun saoráid den scoth

a chruthú a fhreastalóidh ar riachtanais na hOllscoile amach sa todhchaí agus a dhéanfaidh

institiúid nuálach agus cheannródaíoch ar leith de OL. Cuirfear thart ar 7,500 méadar cearnach

leis an leabharlann, agus déanfar áiseanna reatha na leabharlainne a uasghrádú. Beidh spás do

1,000 suíochán breise sa spás nua do stíleanna foghlama éagsúla, mar shampla foghlaim chiúin

agus chomhoibríoch. Cuirfear síneadh leis an áit a bhfuil na Bailiúcháin Speisialta agus beidh

spásanna taispeántais, léitheoireachta, láithreoireachta agus digitithe ann chun tacú le húsáid

9

acmhainní uathúla na leabharlainne, don taighde agus don churaclam. Cuirfidh na spásanna

digiteacha, meán agus sonraí nuálacha ar leith saoráidí ar fáil do chruthú meáin,

láithreoireachtaí a chleachtadh agus ríomhaireacht ardleibhéil. Beidh scáileáin mhóra ag

bealach isteach na leabharlainne agus beidh deis againn taighde OL agus an saothar is fearr ó

na mic léinn a chur ar taispeáint ansin. I measc na n-áiteanna eile nua nó athfhorbartha beidh

seomra léitheoireachta na n-iarchéimithe, seomraí ranga cliste agus seomraí staidéir grúpa,

leabharlann Eolaíochta Sláinte agus leabharlann Dlí.

Ceadaíonn an tÚdarás Ceannais Ionad Mac Léinn a thógáil

Rinneadh dul chun cinn suntasach i bpleanáil an fhoirgnimh nua don Ionad Mac Léinn in

Ollscoil Luimnigh nuair a cheadaigh an tÚdarás Ceannais dearadh an fhoirgnimh. Foirgneamh

trí stór, 3,529 méadar cearnach a bheidh san ionad agus beidh sé in áit lárnach in aice le hIonad

na Stáblaí agus an Leabharlann. Cuirfear an tionscadal ar aghaidh chuig Comhairle Cathrach

agus Contae Luimnigh chun cead pleanála a fháil.

Fógra maidir le Tionscnamh an Champais Shláintiúil

Tá OL ag déanamh iarracht a bheith ina champas Saor ó Thobac in 2018. Mar chuid de

Thionscnamh an Champais Shláintiúil, crochadh comharthaí ‘Ná Caitear Tobac, Ná Vápáil’ ar

fud an champais. Beidh na limistéir ar fud an champais atá ina limistéir saor ó thobac/ó vápáil

le feiceáil ar mhapaí den champas. De réir mar a fhorbraíonn foireann thionscnamh an

Champais Shláintiúil, cuirfear tuilleadh eolais ar fáil maidir le seirbhísí chun tacú le

Tionscnamh an Champais Shláintiúil in OL.

An Comharoideachas agus Rannóg na nGairmeacha

Tá ráta fostaíochta chéimithe OL 12% níos airde ná an meán san earnáil ollscoile.

10

STAITISTICÍ

MIC LÉINN CHLÁRAITHE - BLIAIN ACADÚIL 2016/17

Lánaimseartha Páirtaimseartha Iomlán

Cúrsaí Fochéime 10,107 1,337 11,444

Dioplómaí & Máistreachtaí Iarchéime Múinte 1,168 604 1,772

Céimeanna Iarchéime Múinte (Máistreacht/PhD) 704 127 831

Iomlán 11,979 2,068 14,047

STAITISTICÍ ÚAO - Bliain Acadúil 2016/17

CÉIMITHE DE RÉIR LEIBHÉAL NA DÁMHACHTANA - BLIAIN ACADÚIL 2015/16

Fochéimithe

Baitsiléir 2,150

Dioplóma 386

Teastas 428

Iomlán 2,964

Iarchéimithe

Dochtúireacht 119

Máistreacht 987

Ard-Dioplóma 74

Dioplóma Iarchéime 254

Teastas Iarchéime 54

Iomlán 1,488

CÉIMITHE DE RÉIR DÁIMHE - BLIAIN ACADÚIL 2015/16

Scoil Ghnó Kemmy 910 20%

Dána, Daonnachtaí agus Eolaíochtaí Sóisialta 710 16%

Oideachas agus Eolaíochtaí Sláinte 1,055 24%

Eolaíocht agus Oideachas 1,097 25%

Idirdhámh 680 15%

Iomlán 4,452 100%

DÁMH agus FOIREANN - BLIAIN ACADÚIL 2016/17

Foireann Teagaisc 659

Foireann Taighde 264

Foireann Tacaíochta 605

11

IONCAM REATHA DE RÉIR BLIAIN FOINSE GO DTÍ MEÁN FÓMHAIR 2016

Comhdhlúite Ollscoil

Foinse €’000 % €’000 %

Deontais stáit 36,174 14.6 36,174 15.9

Táillí acadúla 89,630 36.2 89,630 39.4

Deontais taighde agus conarthaí 35,154 14.2 35,154 15.4

Amúchadh ar Dheontais Chaipitil

Stáit Iarchurtha

4,113

1.7

4,113

1.8

Ioncam oibriúcháin eile 46,578 18.9 26,956 11.9

Ioncam ó ús 498 0.2 177 0.1

Bronntanas 1,000 0.4 1,000 0.5

Maoiniú iarchurtha glan do

shochair scoir

34,157

13.8

34,157

15.0

Ioncam iomlán 247,304 100 227,361 100

ROCHTAIN, LEATHNÚ AR RANNPHÁIRTÍOCHT AGUS IDIRCHAIDREAMH

DON PHOBAL

Tá Ollscoil Luimnigh meáite ar thionscnaimh a fhorbairt agus a chur chun cinn d'fhonn

rannpháirtíocht foghlaimeoirí a chothú i measc grúpaí atá imeallach san ardoideachas. Áirítear

orthu sin foghlaimeoirí ó chúlraí socheacnamaíochta ar leith, foghlaimeoirí faoi mhíchumas,

foghlaimeoirí lánfhásta, baill den lucht siúil agus baill de mhionlaigh eitneacha eile.

Déanann an Oifig Rochtana, Oifig na Seirbhísí Tacaíochta do Dhaoine faoi Mhíchumas, an

Oifig Idirchaidrimh don Phobal agus Oifig na Mac Léinn Lánfhásta laistigh de Rannóg

Ghnóthaí na Mac Léinn, rannpháirtíocht na mac léinn seo san Ollscoil a chur chun cinn agus

a thacú. Áirítear iad seo a leanas ar chuid de na tionscnaimh atá ar fáil chun rannpháirtíocht a

leathnú: gníomhaíochtaí uaillmhéine/réamhiontrála, soláthar bealaí iontrála atá solúbtha,

tacaíochtaí atá dírithe go sonrach ar mhic léinn na chéad bhliana agus tacaíochtaí breise do

mhic léinn le linn a gclár staidéir. Mar fhreagra ar an bpolasaí náisiúnta agus ar phlean

straitéiseach na hOllscoile, cuireann OL bealaí breise iontrála ar fáil taobh istigh den phróiseas

CAO do lucht fágála scoile ó ghrúpaí socheacnamaíochta atá imeallach faoin scéim HEAR

(Bealach Rochtana don Ardoideachas) agus do lucht fágála scoile atá faoi mhíchumas faoin

scéim DARE (Bealach Rochtana don Oideachas do Dhaoine faoi Mhíchumas). Déanann mic

léinn lánfhásta os cionn 23 bliain d’aois iarratas ar chúrsaí fochéime tríd an CAO. Bíonn deis

acu siúd a n-éiríonn leo ar cheann den dá chúrsa rochtana atá ag OL tabhairt faoinár gcúrsaí

fochéime. Is gné lárnach den ghníomhaíocht sa réimse seo an obair for-rochtana atá ar siúl sa

phobal i gcathair Luimnigh tríd an gCampas Rochtana in Roxboro a chuireann réimse

tionscnamh oideachais ar fáil dóibh siúd atá ag freastal ar an scoil agus d’fhoghlaimeoirí fásta.

Déanann an Oifig Idirchaidrimh don Phobal (CLO) comhordú agus bainistiú ar Chlár

Ghradaim an Uachtaráin don Obair Dheonach (PVA). Cuirtear an tionscnamh seo chun cinn

i measc mhic léinn uile na hOllscoile. Déanann sé ceangal idir mic léinn agus eagraíochtaí

pobalbhunaithe tríd an obair dheonach d’fhonn freagracht shóisialta na mac léinn a chothú.

Cabhraíonn Gradaim an Uachtaráin don Obair Dheonach spriocanna comhpháirteachais

phoiblí OL a bhaint amach. De réir a chéile tá tionchar níos mó ag chomh maith is atá ag éirí

le Clár Ghradaim an Uachtaráin don Obair Dheonach ar obair na hOifige Idirchaidrimh don

12

Phobal. Ó bunaíodh an ról in 2010 agus i gcomhar le comhghleacaithe agus le heagraíochtaí

pobail seachtracha, tá an méid seo a leanas curtha i gcrích ag an Oifig Idirchaidrimh don

Phobal in OL:

Os cionn 100 deis d’obair dheonach cruthaithe ar an gcampas agus 250 deis d’obair

dheonach phobalbhunaithe

5,000 léiriú spéise cláraithe san obair dheonach ó mhic léinn Os cionn 900 iarratas ar Ghradaim an Uachtaráin don Obair Dheonach próiseáilte

Os cionn 70,000 uair an chloig d’obair dheonach na mac léinn ar taifead chomh maith

le 900 portfóilió machnamhach

Sé shearmanas bliantúil Ghradaim an Uachtaráin don Obair Dheonach reáchtáilte

Lena chois sin, bhí an Oifig Idirchaidrimh don Phobal i gceannas ar straitéis náisiúnta a

fhorbairt agus a sheachadadh sa chomhpháirteachas poiblí trí obair dheonach na mac léinn ó

2013 i leith. Mar thoradh ar an obair seo seoladh studentvolunteer.ie in 2016. Is córas

bainistíochta, bunachar sonraí agus láithreán gréasáin saincheaptha é Studentvolunteer.ie atá

ar fáil do gach institiúid ardoideachais ar fud na hearnála. Is é aidhm fhoriomlán

studentvolunteer.ie comhpháirteachas poiblí a chur ar fáil trí obair dheonach mar atá leagtha

amach sa Straitéis Náisiúnta Ardoideachais 2030. Tá trí institiúid ardoideachais déag ar fud

na hÉireann ag obair i gcomhpháirt le studentvolunteer.ie. Tá studentvolunteer.ie ar fáil do

bhreis is 120,000 mac léinn agus do lear mór eagraíochtaí pobail ar fud na hÉireann agus níos

faide i gcéin. De bharr studentvolunteer.ie tá institiúidí ardoideachais na hÉireann uathúil i

dtéarmaí ár gcur chuige, bainistíocht, forbairt, seachadadh agus tuairisciú ar obair dheonach

na mac léinn.

STAIDÉAR IARCHÉIME & GAIRMIÚIL

Is cónascadh idir Scoil na nIarchéimithe agus Oideachas Leanúnach & Gairmiúil é Staidéar

Iarchéime & Gairmiúil (GPS) atá freagrach as gach straitéis, polasaí agus nós imeachta a

bhaineann le taighde iarchéime, cláir mhúinte lánaimseartha, pháirtaimseartha, ar líne agus

ghairmiúla ar fud na hOllscoile. Tá ceithre dhámh san áireamh i Staidéar Iarchéime &

Gairmiúil agus tá 859 mac léinn ag tabhairt faoi chláir thaighde mháistreachta agus

dhochtúireachta agus 1,286 mac léinn ag tabhairt faoi dhioplómaí agus faoi chéimeanna

iarchéime múinte.

Tá freagracht ar Staidéar Iarchéime & Gairmiúil as na nithe seo a leanas:

• Polasaithe agus rialacháin iarchéime taighde

• Próisis a bhaineann le tráchtais taighde a leagan isteach agus a scrúdú

• Iontrálacha iarchéime do chláir mhúinte, thaighde agus ghairmiúla

• Maoiniú agus scoláireachtaí iarchéime

• Mic léinn iarchéime a earcú

• Oiliúint dáimhe agus taighde iarchéime agus forbairt scileanna ginearálta

• Moltaí maidir le maoiniú Springboard+ a chur isteach

• Moltaí maidir le scéimeanna printíseachta náisiúnta a chur isteach

• Socrúchán oibre a eagrú do mhic léinn Springboard

Oibríonn GPS le ranna acadúla chun portfóilió leathan de chláir iarchéime agus forbartha

gairmiúla a leagan amach agus a chur ar fáil. Déantar na cláir seo a sheachadadh ag úsáid

réimse modhanna teagaisc, idir chláir thraidisiúnta mháistreachta, lánaimseartha agus

seachadadh ar líne agus cumaisc. Tugann na modhanna seo deis d’fhoghlaimeoirí i bhfostaíocht

cothromaíocht a bhaint amach idir an saol oibre, baile agus foghlama. Baineann traidisiún láidir

de bheith ag obair go dlúth le fostóirí agus le grúpaí gairmiúla le OL d’fhonn a chinntiú go

dtugann ár gcláir na scileanna agus an t-eolas do chéimithe a theastaíonn uathu ina ngairmeacha

roghnaithe.

13

Áirítear na nithe seo a leanas i measc ár n-éachtaí mór le rá in 2017:

• Dioplóma Iarchéime i gCeannaireacht Scoile le breis is 250 mac léinn cláraithe

• Gur muid an t-aon ollscoil ar bronnadh maoiniú uirthi do sheacht bprintíseacht suas go

leibhéal 10 NFQ

• 12 clár Springboard+ maoinithe don Bhliain Acadúil 2017/18

• D’éirigh linn an tairiscint bhuacach a bhaint amach don MSc in Intleacht Shaorga

[MSc in Artificial Intelligence]

• Saindioplómaí nua i ngnóthaí san eitlíochta agus rialúcháin, máistreacht in Imscrúdú

faoi Thromchoireanna agus dochtúireacht ghairmiúil san innealtóireacht

• Comhoibriú le MIC agus LIT trí Scoil Chónasctha Iarchéimithe Luimnigh (FLGS) mar

chuid de Chuibhreannas Shionainne

I measc na mórimeachtaí a eagraíodh agus a cuireadh i láthair bhí:

• Comhdháil HELLIN 2017 ar Fhoghlaim Fad Saoil a chumasú

• An chéad chomhdháil de Líonra Barainneach an Mheán-Iarthair i gcomhpháirtíocht le

Seomra na Sionainne

• Comhdháil Léasaithe Idirnáisiúnta na Sionainne 2017 (SILC), áit ar tháinig

feidhmeannaigh theicniúla ó phobal léasaithe na heitlíochta i Réigiún an Mheán-Iarthair

le chéile chun barr feabhais agus nuálaíocht theicniúil a phlé

• Comhdháil Sola, comhpháirtíocht idir OL, J&J agus DFI ar Cháilíocht agus ar

Chaighdeáin inbhuanaithe d’eagraíochtaí pobail, deonacha agus míchumais

• Comhdháil ar ról an oideachais i dtacú le gnólachtaí beaga, áit ar labhair an tAire Pat

Breen

• An tAistear i dtreo Barr Feabhais Fiontraíochta 1, atá ar an gcéad imeacht i sraith

imeachtaí ar fheabhsúchán leanúnach

TAIGHDE AGUS FIONTAR

Eagraíocht óg, uaillmhianach agus fhreagrúil í Ollscoil Luimnigh agus cáil uirthi as a

ceannródaíocht agus a nuálaíocht. Táimid bródúil as an gcáil atá orainn taighde den scoth a

chur ar fáil a mbíonn tionchar aige ar an bpobal níos leithne, ar an ngeilleagar, ar chultúr agus

ar an domhan mór. Meallann ár n-éiceachóras taighde dinimiciúil taighdeoirí, lucht acadúil,

fiontraithe agus mic léinn ardfheidhmíochta. Tá bród ar OL a mhaíomh go bhfuil a dhúthracht

don rannpháirtíocht ina láidreacht ar leith, a chothaíonn comhpháirtíochtaí domhanda

straitéiseacha le fiontraíocht agus le pobail in 97 tír.

Láidreachtaí Taighde

Téann ár gcuid taighde i ngleic le réimsí tábhachtacha sa tsochaí, mar atá oideachas, teangacha,

cúram sláinte agus cuimsiú sóisialta agus tá tionchar suntasach aige ar earnálacha atá

ríthábhachtach do gheilleagar na hÉireann, cosúil le cógaisíocht, teicneolaíocht-leigheas,

bogearraí, bia, cumarsáid agus fuinneamh. Seo a leanas na réimsí a bhfuil seasamh láidir againn

iontu:

Ábhair

Ard-déantúsaíocht

Bogearraí

Sláinte

Eolaíochtaí matamaiticiúla feidhmeacha

Tá breis is €215 milliún i ndámhachtainí maoiniúcháin bainte amach ag ár gcuid taighdeoirí le

cúig bliana anuas.

14

INSTITIÚIDÍ TAIGHDE

Léirítear nádúr idirdhisciplíneach ár gcultúir taighde inár n-institiúidí taighde: Institiúid Bernal,

Lero – Lárionad Taighde na hÉireann do Bhogearraí agus an Institiúid Taighde Sláinte.

Institiúid Bernal

Tugann Institiúid Bernal ardán dár láidreachtaí suntasacha i dtaighde eolaíochta ábhair mar aon

le próiseas agus innealtóireacht déantúsaíochta. Tá sé mar aidhm ag Institiúid Bernal a bheith

ar an institiúid Éireannach is fearr ó thaobh taighde ábhar agus a bheith aitheanta ar fud an

domhain as an taighde sin. Tá taighde ar ábhair dírithe ar dhúshláin, bíodh sin ag tabhairt

aghaidh ar dhúshláin sa tsláinte (bithleighis, cógaisíocht agus cothaitheach); fuinneamh

(leictreach agus cumasc); iompar (cumasc agus breoslaí); nó faisnéis (leictreonach). Cuireann

an t-eolas a ghineann taighde ábhar i gcomhar le hinnealtóireacht próisis cost-éifeachtúil agus

inbhuanaithe peirspictíocht taighde ar leith ar fáil atá uathúil d’Institiúid Bernal.

Lero – Lárionad Taighde na hÉireann do Bhogearraí

Tugann Lero foirne bogearraí den scoth le chéile ó ollscoileanna agus ó institiúidí

teicneolaíochta in ionad comhardaithe sárthaighde ina bhfuil béim láidir ar an tionscal. Fuair

an t-ionad €46 milliún chun forbairt a dhéanamh thar thréimhse sé bliana. Tacaíonn an fhorbairt

le 90 post PhD agus 46 post taighde iardhochtúireachta a chruthú thar thréimhse sé bliana. Tá

€32.6 milliún den infheistíocht á maoiniú ag Fondúireacht Eolaíochta Éireann (SFI). Tá an

tionscal ag tabhairt tacaíochta ar fiú €13.8 milliún é don tionscnamh. Tá leibhéal agus próifíl

taighde bogearraí na hÉireann curtha chun cinn an oiread sin ag Lero go bhfuil sé anois ar

cheann de na hionaid taighde bogearraí is mó cáil ar domhan. Tá cumas léirithe ag an ionad

gur féidir leis ceannairí domhanda a tharraingt chuige agus a choinneáil agus cuidiú go mór le

taighde a bhaineann le bogearraí agus le geilleagar na hÉireann araon.

An Institiúid Taighde Sláinte

Is institiúid trasdáimhe é an Institiúid Taighde Sláinte a thugann taighdeoirí le chéile in OL

agus ina institiúidí comhpháirtíochta le béim ar thaighde sláinte aontreoch agus aistritheach. Is

é misean na hInstitiúide tabhairt faoi thaighde den scoth atá dírithe ar an duine d’fhonn sláinte

agus folláine daoine aonair a fheabhsú agus an timpeallacht sláinte a athrú don phobal. Tá

gníomhaíocht taighde na hInstitiúide bunaithe ar na ceithre réimse théamacha seo a

leanas: Teicneolaíocht sláinte, stíl mhaireachtála agus sláinte, seachadadh seirbhíse sláinte,

agus rannpháirtíocht phoiblí agus othar. Tá saineolas i mbithstaitisticí, faisnéisíocht sláinte

agus eacnamaíocht sláinte mar bhonn taca ag gníomhaíochtaí na hInstitiúide agus á stiúradh ag

an Aonad Tacaíochta Taighde Chliniciúil. Is é Aonad Taighde Chliniciúil OL/Ospidéil OL an

chéad chomhpháirtíocht chomhaontaithe de chuid an Aonaid Tacaíochta Taighde Chliniciúil

agus tá sé suite in Ospidéal na hOllscoile, Luimneach. Is é an aidhm atá leis timpeallacht

shaibhir chomhoibríoch a chur ar fáil a chothaíonn fionnachtain agus nuálaíocht san eolaíocht

sláinte a fhágann go mbeidh sláinte níos fearr, cúram feabhsaithe agus sochaí níos sláintiúla.

IONAID NÁISIÚNTA

Chomh maith le Lero, tá na hionaid náisiúnta seo a leanas lonnaithe in OL agus baint acu le

réimsí a mbaineann tábhacht shuntasach leo do gheilleagar na hÉireann:

CONFIRM – Ionad Taighde SFI do Dhéantúsaíocht Chliste. Féachann CONFIRM

le hionad den scoth a bhunú le haghaidh déantúsaíocht chliste agus feidhmíonn sé mar

eiseamláir do thallann idirnáisiúnta i réimsí na hard-déantúsaíochta, ó róbataic go

hintleacht shaorga.

SSPC – an tIonad don Chógaisíocht Sintéise agus Soladstaide, comhoibriú uathúil

idir 22 comhlacht agus ocht n-institiúid acadúla. Cuidíonn SPCC le mol domhanda a

dhéanamh d’Éirinn do nuálaíocht próisis cógaisíochta agus d’ard-déantúsaíocht.

15

An Lárionad Teicneolaíochta Próiseála Déiríochta (DPTC), ionad barr feabhais do

thaighde agus nuálaíocht próiseála déiríochta. Mar pháirt de DPTC tá ocht n-eagraíocht

taighde agus naoi gcomhpháirtí as tionscal na déiríochta agus clár oibre taighde acu atá

á thiomáint ag na deiseanna fáis fhadtréimhsigh in earnáil na déiríochta.

IComp, Lárionad Taighde Comhábhar na hÉireann, a chuireann nasc ar fáil idir an

tionscal agus na hacmhainní fairsinge atá dírithe ar chomhábhair atá ar fáil in institiúidí

tríú leibhéal na hÉireann. Díríonn obair IComp ar dhúshláin theicniúla a réiteach agus

ar thacú le gníomhaíocht taighde agus forbartha.

An tIonad Teicneolaíochta Déantúsaíochta Cógaisíochta (PMTC), faoi stiúir bord

stiúrtha tionscail le clár gníomhach taighde. Úsáideann comhlachtaí an tIonad seo chun

tionscadail a chruthú agus chun taighde den scoth atá ábhartha do thionscail i réitigh

ardteicneolaíochta a chur i gcrích a thugann aghaidh ar fhadhbanna déantúsaíochta

comhaimseartha.

FIONTRAÍOCHT AGUS NUÁLAÍOCHT

Cuireann Ollscoil Luimnigh éiceachóras de rannpháirtíocht fhiontraíoch agus gníomhaíocht

fhiontraíoch ar fáil a chruthaíonn cosán uathúil ó shocrúchán mac léinn go dtí fostaíocht

iarchéimithe, comhpháirtíocht tionscail PhD go dtí rannpháirtíocht le seach-chuideachtaí agus

le cuideachtaí ilnáisiúnta taighde agus forbartha. Trí ghníomhaíocht taighde agus forbartha a

dhaingniú go teann laistigh de thírdhreach fiontraíochta na hÉireann, coinnítear agus

cruthaítear poist, cuirtear feabhas ar scileanna agus bíonn iomaíochas níos fearr ann agus ar

deireadh thiar déantar cáil na hÉireann mar gheilleagar eolasbhunaithe a dhaingniú.

Rannpháirtíocht Fiontair

Tá an Ollscoil i gceannas nó i gcomhpháirtíocht ar roinnt tionscadal taighde eile, go náisiúnta

agus go hidirnáisiúnta araon. Le bliain anuas, shíníomar 77 comhaontú taighde comhoibríoch

le 56 eagraíocht, agus faoi dheireadh na bliana, bhain 50% dár n-ollchaiteachas taighde

bliantúil le taighde comhoibríoch le tionscal.

Aistriú Eolais Is tosaíocht d’Ollscoil Luimnigh é taighde a bhfuil úsáid tráchtála ag baint leis a aistriú chuig

gnó. Tá Oifig Aistriú Teicneolaíochta OL ag stiúradh cuibhreannas réigiúnach le hInstitiúid

Teicneolaíochta Luimnigh chun seirbhísí aistrithe teicneolaíochta a chur ar fáil i Réigiún an

Mheán-Iarthair. Féachann an cuibhreannas le leibhéil na n-aistrithe teicneolaíochta a mhéadú

ó infheistíocht taighde na hearnála poiblí go fiontar príobháideach. Tá na comhpháirtithe sa

chuibhreannas ag obair le chéile chun deis a thabhairt do ghnólachtaí teacht ar shaineolas

taighde agus ar theicneolaíocht nuálach trí mheicníochtaí comhsheasmhacha rannpháirtíochta

a úsáid.

Le bliain anuas, fuarthas 42 faisnéisiú fionnachtana nua ónár gcuid taighdeoirí (174 le cúig

bliana anuas), rinneadh 14 iarratas nua ar phaitinní (50 le cúig bliana anuas), bunaíodh dhá

chuideachta nua campais (bunaíodh naoi gcuideachta le cúig bliana anuas), agus síníodh 14

chomhaontú nua aistrithe teicneolaíochta le cuideachtaí (65 le cúig bliana anuas). Fostaíonn ár

gcuideachtaí campais sa bhreis ar 80 duine, agus d’éirigh leo maoiniú infheistíochta os cionn

€50 milliún a mhealladh.

Fiontraíocht

Pobal d’fhiontraithe idirnáisiúnta atá i mbun forbartha é Ionad Nuálaíochta Nexus agus tá sé

lonnaithe i gcroílár champas Ollscoil Luimnigh. Is éiceachóras bríomhar fiontraíochta é Nexus

a chuireann le bonn eolais na hOllscoile, a éascaíonn forbairt gnó luathaithe agus a dhéanann

16

ceangal le hinfheisteoirí féideartha, le fiontraithe a bhfuil ardtaithí acu agus leis an bpobal i

gcoitinne. Mar mhol a thugann deis d’fhiontraithe forbairt, comhoibriú agus fás a dhéanamh,

díríonn Nexus ar fhiontraíocht a mhéadú le fócas ar thrádáil idirnáisiúnta.

Cuireann cuideachtaí de chuid Nexus fostaíocht ar fáil do bhreis is 149 duine i bpoist

ardchaighdeáin. Le cúig bliana anuas, thug Nexus tacaíocht do 76 cuideachta, a d’fhostaigh

breis is 310 duine agus a mheall infheistíocht níos mó ná €7.35 milliún. Tá ag éirí le cuideachtaí

Nexus duaiseanna náisiúnta a bhuachan. In 2016, bhuaigh Arralis, ball de Nexus, an Gradam

IT agus Teileachumarsáide chomh maith le holl-duais náisiúnta Nuálaíochta na Bliana dá

shliseanna radar 94GHz.

I measc na dtionscnamh nua ar cuireadh tús leo in 2016 bhí comhpháirtíocht idir Nexus agus

BNest i seachadadh an chéad chláir fiontraíochta sóisialta in Éirinn.

COMHAROIDEACHAS AGUS GAIRMEACHA

Mar gheall ar an nasc idir an saol acadúil agus an t-ionad oibre, bhí OL ina cheannródaí ar an

gcomharoideachas in Éirinn in 1972. Tá Rannóg an Chomharoideachais agus na nGairmeacha

freagrach as cláir chomharoideachais, socrúcháin scoile agus gairmeacha a bhainistiú, a

fhorbairt agus a sholáthar in OL. Tá an Comharoideachas lárnach i bhfealsúnacht oideachais

agus i mbrandáil OL agus luann mic léinn é de shíor mar cheann de na príomhchúiseanna ar

roghnaigh siad teacht chuig OL thar aon institiúid ardoideachais eile. Bunaithe ar chóras

Mheiriceá Thuaidh ar fhoghlaim chomhtháite ag an obair, tá samhail lárnach socrúcháin oibre

ag OL do na cláir Chomharoideachais agus Socrúcháin Scoile, áit a bhfuil an Ollscoil freagrach

as na socrúcháin oibre a chinntiú.

Faoin gclár Comharoideachais, téann mic léinn fochéime as na dámha seo a leanas: Gnó;

Eolaíocht & Innealtóireacht; na Dána, na Daonnachtaí & Eolaíochtaí Sóisialta ar shocrúchán

oibre mar chuid fhoirmiúil, éigeantach agus chreidiúnaithe go hacadúil dá gcéim cheithre

bliana. Caithfidh mic léinn socrúchán oibre idir sé agus ocht mí a dhéanamh sa dara nó sa tríú

bliain. Braitheann an t-am agus an tréimhse ar a gclár staidéir. Tá gné den Chomharoideachas

ag baint le 56 clár céime agus tá sé ar an gclár socrúcháin oibre is mó in Éirinn agus ar cheann

de na cinn is mó san Eoraip. Eagraítear 1,900 socrúchán oibre gach bliain; 97% an ráta

socrúcháin oibre a bhí ann anuraidh. Tá an ghné dhomhanda den chlár suntasach: téann mic

léinn ar shocrúchán oibre go dtí breis is 30 tír thar na cúig mhór-roinn.

Bainistíonn OL an clár socrúcháin scoile is mó in Éirinn, ó thaobh líon na mac léinn agus an

réimse disciplíní, do mhic léinn na gclár B.Oid. Faoin gclár, eagraítear 700 socrúchán do mhic

léinn gach bliain laistigh de líonra OL de 550 iar-bhunscoil.

In OL tá fócas láidir ar infhostaitheacht agus tá an Ollscoil tiomanta go mbeidh na scileanna

agus na hinniúlachtaí ag mic léinn agus ag céimithe a bheidh ag teastáil uathu le gairmréim

rathúil a bhaint amach. Le linn a gceithre bliana in OL, bíonn rochtain ag na mic léinn ar réimse

leathan gníomhaíochtaí atá dírithe ar infhostaitheacht, lena n-áirítear socrúchán oibre, cláir

forbartha gairme, seisiúin forbartha scileanna agus mheasúnaithe, agus comhairliúcháin duine

le duine, a chuidíonn leo cur lena gcumas ullmhúchán a dhéanamh do na gairmeacha a bheidh

acu agus na gairmeacha sin a bhainistiú. Léirítear tiomantas na hOllscoile don infhostaitheacht

san ardleibhéal fostaíochta céimithe atá aici. De réir thuarascáil ÚAO 2017 i dtaca leis an áit a

ndeachaigh céimithe tar éis dóibh críochnú san Ollscoil, seasann fostaíocht chéimithe OL ag

74%, 12% os cionn an mheáin náisiúnta don earnáil ollscoile.

17

OIDEACHAS IDIRNÁISIÚNTA

Cuireann an Rannóg Oideachais Idirnáisiúnta (IED) cuspóir straitéiseach na hOllscoile i

bhfeidhm maidir le próifíl idirnáisiúnta na hOllscoile a ardú. Chun go mbainfear an cuspóir

seo amach, cuirfidh IED bonn idirnáisiúnta níos fairsinge fós faoi eispéireas na mac léinn in

OL, déanfar an luach idirnáisiúnta atá ar chéimeanna OL a neartú, mic léinn agus comhaltaí

foirne breise ón iasacht a mhealladh chugainn, agus páirt a ghlacadh i mórlíonraí taighde

idirnáisiúnta. Dá thoradh seo, beidh an fhoireann agus na mic léinn in ann a scéal féin faoi OL

a chur i láthair an domhain agus cruthófar deiseanna nua chun go dtabharfaidh an domhan

cuairt ar Luimneach. Chuir an Ollscoil fáilte roimh mhic léinn idirnáisiúnta as 99 tír sa bhliain

acadúil 2016/17 agus chruthaigh sí naisc nua acadúla agus taighde ar fud na cruinne.

Tá OL gníomhach i gclár Erasmus an Aontais Eorpaigh agus cheiliúir sé 30 bliain de

rannpháirtíocht sa chlár Erasmus in 2017 le taibhléiriú i nDámh Chruinne Éireann. Léirigh an

ócáid seo na gníomhaíochtaí forleathana agus gnéithe dearfacha a bhaineann le bheith

rannpháirteach sa chlár Erasmus+ agus san idirnáisiúnú, ní hamháin laistigh den Ollscoil ach

ar fud phobal leathan Erasmus+ an mheáin-iarthair. Tá an clár Erasmus is mó in Éirinn ag an

Ollscoil; le duine as gach triúr fochéimithe ag caitheamh seimeastair thar lear, bíodh sin ag

staidéar nó ag obair thar lear. Tá os cionn 300 comhpháirtí ollscoile i 28 tír san Eoraip a

chuireann os cionn 600 mac léinn go dtí OL gach bliain. Tugann an líonra seo de

chomhpháirtithe Eorpacha deis do mhic léinn sna Daonnachtaí, Gnó, Oideachas agus

Eolaíochtaí Sláinte, agus Eolaíocht agus Innealtóireacht seimeastar acadúil a chaitheamh thar

lear mar chuid chreidiúnaithe dá gclár céime.

Ina theannta sin, bhí 122 mac léinn malairte neamh-AE ó 15 thír ag staidéar in OL le linn na

bliana acadúla 2016/17. Tá 89 comhpháirtí neamh-AE ag OL i dtíortha ar fud an domhain,

lena n-áirítear an Airgintín, an Astráil, an Bhrasaíl, Ceanada, an tSín, an tSeapáin, an Chóiré,

an Nua-Shéalainn, Singeapór, an Afraic Theas, an Téalainn, Uragua agus Stáit Aontaithe

Mheiriceá. Is comhpháirtí rannpháirteach é OL i dtrí thionscadal Erasmus Mundus –

LOTUS+; LEADERS agus INTACT; agus an Chomh-Mháistreacht EM i nGluaisteacht

Dhomhanda, Cuimsiú agus Éagsúlacht na Síceolaíochta sa tSochaí (Global-MINDS) – agus

meallann sé mic léinn ar ardchaighdeán as tíortha chomh éagsúil leis an India, an Indinéis,

Vítneam agus an Chambóid. Ag tógáil ar an gclár Erasmus Mundus, is ag OL atá an clár is

mó Erasmus+ i nGluaisteacht Creidmheasa Idirnáisiúnta (ICM) in Éirinn. Ó bunaíodh ICM

sa bhliain 2015, d’éirigh le OL maoiniú sa bhreis ar €1.1 milliún a dhaingniú do

ghníomhaíochtaí gluaisteachta lasmuigh den AE. Bainfidh trí chéad agus a naoi duine leas

díreach as ICM E+; ina measc tá 192 comhalta foirne agus 117 mac léinn a thaistealaíonn ó

agus go dtí 26 tír ar fud an domhain.

Tá ionadaíocht ag IED i Stáit Aontaithe Mheiriceá, sa tSín, san India, sa tSeapáin, sa Bhrasaíl,

san Áise Thoir Theas, sa Mheán-Oirthear agus san Afraic Thiar agus tá sé gníomhach sna

háiteanna seo ag earcú mic léinn cháilithe idirnáisiúnta do gach clár acadúil in OL (cláir

fochéime agus iarchéime araon). Tá an-tóir ar OL mar áit do mhic léinn idirnáisiúnta le

staidéar inti. Is é an meascán de shárcháil acadúil agus an tacaíocht shuntasach atá ar fáil do

mhic léinn ó IED agus sa seomra ranga an chúis leis an ardú ar líon na mac léinn. Le linn na

bliana acadúla 2016/17, shínigh OL Meabhráin Tuisceana le roinnt ollscoileanna agus

eagraíochtaí idirnáisiúnta. Díríonn na Meabhráin seo ar chomhchláir acadúla, comhoibriú

taighde, gluaisteacht foirne agus mac léinn agus ar earcaíocht mac léinn taighde iarchéime

maoinithe. Tá comhpháirtíocht idir OL agus lear mór ollscoileanna idirnáisiúnta, go háirithe

sa tSín, sa Mhalaeisia, in Aontas na nÉimíríochtaí Arabacha, san Afraic Thiar agus i Stáit

Aontaithe Mheiriceá chun curaclaim ag leibhéal fochéime agus iarchéime a fhorbairt, a

thugann deis do mhic léinn tús a chur lena gcláir chéime ina dtír dhúchais agus críoch a chur

leis an mbliain deiridh nó an dá bhliain deiridh in Ollscoil Luimnigh.

18

Tagann os cionn 500 mac léinn as thar lear chun staidéar anseo gach bliain agus tá OL

gníomhach i gcláir Staidéir Thar Lear ar fud an domhain. Tá OL bródúil as bheith ina

chomhalta den Fhóram ar Oideachas Thar Lear a bhfuil faomhadh QUIP aige agus le gairid

gheall OL go mbeadh sé ina chomhpháirtí don Tionscnamh Staidéir Thar Lear IIE Generation.

Tá an taithí staidéir thar lear ríthábhachtach do thaithí choláiste ár mac léinn; is é sin an cumas

atá ag OL freastal ar riachtanais na mac léinn seo ó thaobh cúrsaí a bheith ar fáil dóibh as gach

disciplín, leagan amach mhodúil na céime in OL, tacaíocht iontach na mac léinn agus lóistín

cinnte ar an gcampas agus chuidigh na nithe seo go mór leis an bhforbairt leanúnach ar an gclár

staidéir thar lear in OL. Tugadh aitheantas d’fhoireann Staidéir Thar Lear OL le gairid nuair a

bronnadh gradam Balkcum de chuid Ollscoil Minnesota orthu. Bronntar an gradam seo ar

institiúid amháin in aghaidh na bliana mar aitheantas ar a fheabhas atá sí ag freastal ar mhic

léinn thar lear. Mar gheall ar leasuithe a rinneadh le gairid ar an gclár tá mic léinn ábalta leas a

bhaint as an gclár idirnáisiúnta fochéime i ndáil le deiseanna taighde, cláir a mhaireann ar feadh

seimeastar amháin san altranas, tréimhsí cleachtaidh foghlama inseirbhíse agus cláir

shamhraidh i ndisciplíní neamhthraidisiúnta cosúil le haltranas, gnó agus ailtireacht, mar aon

leis an rogha thraidisiúnta de chláir an Léinn Éireannaigh.

Líon na mac léinn idirnáisiúnta - Bliain Acadúil 2016/17

Mic léinn fochéime 744

Mic léinn iarchéime (múinte) 395

Mic léinn iarchéime (taighde) 244

Clár Staidéir Thar Lear (SAM den chuid is mó) 536

Mic léinn mhalairte (AE agus neamh-AE) (isteach) 662

Mic léinn mhalairte (AE agus neamh-AE) (amach) 516

Iomlán Iomlán 3,097

FOIRGNIMH, LÓISTÍN NA MAC LÉINN AGUS SAOTHARLANNA

I gcampas OL tá 148 heicteár, tá 50 heicteár díobh sin ar an gCampas Thuaidh ar thaobh

an Chláir den tSionainn.

245,333m2 achar iomlán na bhfoirgneamh.

Tá 429 saotharlann ag OL (don teagasc fochéime, taighde, áiseanna speisialaithe agus

ardteicneolaíochta).

Tá beagnach €1 bhilliún infheistithe i dtalamh, i bhfoirgnimh agus i dtrealamh.

Cuireann seacht mbaile beag lóistín ar fáil do 2,700 mac léinn agus 24 comhalta foirne

acadúil.

Le cúig bliana anuas, cuireadh na forbairtí seo a leanas i gcrích:

Tugadh an obair thógála ar an bhfoirgneamh nua don Scoil Leighis Iontrála Iarchéime

(GEMS), ina bhfuil 4,295m2 chomh maith le trí bhloc cóiríochta do mhic léinn a bhfuil

3,563m2 ar fad iontu le haghaidh 100 cónaitheoir, chun críche in 2012. Freastalaíonn

an foirgneamh GEMS seo ar riachtanais teagaisc, seimineáir, foghlaim fhadhb-

bhunaithe, scileanna cliniciúla, scileanna anatamaíochta, saotharlanna taighde,

comhaltaí foirne agus riaracháin na scoile go léir in aon saoráid speisialta amháin.

An Lárionad Gnó Idirnáisiúnta (IBC) – Cheannaigh an Ollscoil foirgnimh an Lárionaid

Gnó Idirnáisiúnta ó SFADCo in 2013. Tá 3,632m2 sa dá fhoirgneamh idir oifigí, gorlann

ghnó agus spás comhoibrithe do ghníomhaíochtaí taighde idir an tionscal agus an

ollscoil.

19

Sráidbhaile Mic Léinn Troy – ceannaithe i mí na Nollag 2014 le 170 leaba

Tugadh an obair thógála ar fhoirgneamh taighde 7,652m2 Analog Devices, chun críche

i mí an Mheithimh 2015. Tá 150 taighdeoir lonnaithe san fhoirgneamh faoi cheannas

deichniúr ollúna nua. Tá saotharlann taighde den scoth dá chuid féin ag gach grúpa agus

gach grúpa faoi cheannas Ollamh amháin. Tá foireann riaracháin agus foireann

tacaíochta san fhoirgneamh chomh maith mar aon le seomraí comhdhála/léachtaí agus

seimineáir.

Tugadh obair thógála ar shíneadh 2,784m2 a cuireadh leis an Institiúid Eolaíochta Ábhar

agus Dromchla chun críche i mí Lúnasa 2015. Tá 60 comhalta foirne taighde breise

lonnaithe san fhoirgneamh mar aon le comhaltaí acadúla agus tacaíochta. Tá 16 spás

speisialta saotharlainne curtha ar fáil mar aon le spásanna seimineáir agus cruinnithe.

Park Point Centre (Óstán an Travel Lodge san áireamh) – ceannaithe i mí na Nollag

2015 (8,940m2)

I mí Lúnasa 2016 críochnaíodh an obair thógála ar cheanncheathrú nua agus Ionad Barr

Feabhais 2,370m2 do Rugbaí na Mumhan. I measc na n-áiseanna nua tá giomnáisiamaí,

seomraí cóireála, seomraí anailíse físeán, áiseanna lónadóireachta, ionad comhdhála

agus spás oifige.

I mí na Nollag 2016 críochnaíodh an obair thógála mar chuid de chomhfhiontar idir OL

agus an HSE ar champas Ospidéal na hOllscoile, Luimneach, do Lárionad Oideachais

agus Taighde Chliniciúil (CERC) 3,400m2, ionad ina bhfuil spás saotharlainne,

teagaisc, leabharlainne, taighde agus riaracháin don oideachas cliniciúil. Tá spás san

ionad seo d’Institiúid Taighde Sláinte Ollscoil Luimnigh.

I mí an Mhárta 2017, críochnaíodh an obair thógála ar shíneadh a cuireadh le Spórtlann

na hOllscoile; mar chuid den síneadh seo beidh fáil ar linn snámha nua 25m le háiseanna

tumadóireachta agus fo-uisce, giomnáisiamaí chun traenáil le meáchain, seomraí allais

agus gaile.

Anuas air sin, cuireadh tús leis an obair thógála ar shíneadh 7,456m2 atá le cur ar Leabharlann

Glucksman. Mar chuid den síneadh seo, beidh fáil ar 1,000 stáisiún nua do léitheoirí, stáisiún

rochtana do 140,000 imleabhar, córas uathoibríoch stórála agus aisghabhála do bhreis is

400,000 imleabhar agus seomraí grúpstaidéir agus limistéir taispeántais speisialaithe.

I measc na bhforbairtí atá beartaithe amach anseo tá:

Acadamh Gailf creidiúnaithe an PGA, a bhfuil an próiseas dearaidh a bhaineann leis

curtha i gcrích. Áireofar mar chuid den áis seo raon gailf (25 bá), plásóga cleachtaidh

agus áiseanna taighde bithmheicnice don ghalf ar an gcampas.

Ionad nua do Mhic Léinn 3,500m2, agus tá tús curtha leis an bpleanáil. Cuimseoidh an

t-ionad amharclann taibhléirithe, seomraí clubanna agus cumann, oifigí Chomhaltas

na Mac Léinn, oifigí leasa, siopa, láthair chaife, spás mór comhthionóil, seomra ceoil,

seomraí cluichí, roinnt seomraí móra cruinnithe agus gairdín dín.

Áiseanna nua spóirt, a bhfuil tús curtha leis an bpleanáil ina leith. Áireofar mar chuid

de na háiseanna seo páirceanna uile-aimsire, páirc ardchaighdeáin féir, balla

dreapadóireachta agus áis liathróid láimhe. Mar aon leis seo, déanfar athchóiriú ar

ghiomnáisiamaí agus ar áiseanna lúthchleasaíochta atá ar fáil cheana féin.

Clós nua do Chothabháil Tailte, a bhfuil tús curtha leis an bpleanáil ina leith.

20

CÁILÍOCHT

Tá tiomantas OL don cháilíocht léirithe ina ráiteas cáilíochta institiúideach, áit a ngeallaimid

cultúr ina mbeidh feabhas leanúnach agus áit a ngeallaimid cloí le riachtanais cháilíochta na

reachtaíochta náisiúnta.

Faoi reachtaíocht na hÉireann, an tAcht um Cháilíochtaí agus Dearbhú Cáilíochta 2012 go mór

mór, tá gach ollscoil freagrach as nósanna dearbhaithe cáilíochta (QA) a chinntiú, a chothú

agus a fheabhsú maidir lena ngníomhaíochtaí agus a seirbhísí. Caithfidh na socruithe sin

treoirlínte cuí cáilíochta a chur san áireamh a eisíonn Dearbhú Cáilíochta agus Cáilíochtaí

Éireann (QQI) agus/nó eagraíochtaí roimhe sin. Is é QQI an comhlacht reachtúil atá freagrach

as athbhreithniú agus maoirseacht a dhéanamh ar éifeachtacht na nósanna imeachta QA a

ghlacann institiúidí ardoideachais (agus institiúidí breisoideachais) in Éirinn.

Tá socruithe institiúideacha OL chun cáilíocht ár ngníomhaíochtaí a fhorbairt, a mhaoirsiú, a

athbhreithniú, a fheabhsú agus a bhainistiú ilsrathach agus ilghnéitheach. I measc na bpróiseas

QA ag leibhéal na hinstitiúide tá siad seo a leanas:

Athbhreithniú leanúnach timthriallach cáilíochta ar gach aonad acadúil agus tacaíochta

chomh maith le hinstitiúidí taighde (tá na sonraí agus na tuairiscí athbhreithnithe le fáil

anseo ar láithreán gréasáin Aonad Tacaíochta Cáilíochta OL).

Gach aonad tacaíochta ag cur córas bainistíochta cáilíochta (QMS) i bhfeidhm bunaithe

ar na prionsabail cháilíochta atá sonraithe i gcaighdeán bainistíochta cáilíochta an

ISO9001:2015. Tá sonraí maidir leis an QMS le fáil anseo ar láithreán gréasáin Aonad

Tacaíochta Cáilíochta OL.

Córas a chur i bhfeidhm do scrúdaitheoirí seachtracha do gach clár teagaisc chomh

maith le dámhachtainí céime trí thaighde.

Ár gcóras Measúnachta Mac Léinn ar an Teagasc (SET), seirbhís measúnachta teagaisc

a dhéanfaidh Ionad Teagaisc agus Foghlama OL a oibríochtú. Is é an aidhm atá leis an

gcóras tuairimí na mac léinn ar cháilíocht ábhar an mhodúil agus seachadadh an

mhodúil sin a bhailiú agus a chur le chéile.

Ár Suirbhé Sástachta Modúl (MSS), a dhéantar i seimeastar nach ndéantar an SET.

Clúdaíonn an MSS lár téarma gach mac léinn atá cláraithe ar mhodúil i rith an téarma

sin. Tomhaiseann an suirbhé sástacht na mac léinn lena gcuid modúl agus tugann na

torthaí aiseolas do léachtóirí agus do chinn roinne agus na modúil fós ag dul ar aghaidh.

Tá sonraí faoi nós imeachta an MSS agus achoimre ar thorthaí institiúideacha as na

suirbhéanna le fáil anseo ar láithreán gréasáin an Aonaid Tacaíochta Cáilíochta.

Suirbhé scoir na mac léinn in OL. Tá an suirbhé scoir bunaithe ar Shuirbhé Náisiúnta

na Mac Léinn (NSS) sa Ríocht Aontaithe agus dáiltear é gach bliain ar mhic léinn sa

bhliain deiridh. Tá tuairisc ar na suirbhéanna scoir roimhe seo le fáil anseo ar láithreán

gréasáin an Aonaid Tacaíochta Cáilíochta.

Creat cuimsitheach de chleachtais agus de rialacháin acadúla a chothú, a athbhreithniú

go rialta agus a leasú, mar a chuirtear in iúl i lámhleabhar na rialachán agus na nósanna

imeachta acadúla.

De réir riachtanais reachtúla, déantar measúnú seachtrach cáilíochta institiúideach, go

neamhspleách agus go rialta ar gach ollscoil in Éirinn. Deimhnítear sa tuairisc a tháinig as an

athbhreithniú institiúideach deiridh (2012) go gcomhlíontar riachtanais reachtúla (ó thaobh

cáilíochta de) agus Caighdeáin na hEorpa mar aon le Treoirlínte do Dhearbhú Cáilíochta san

Ardoideachas (ESGs) in OL agus go gcloítear le dea-chleachtas náisiúnta, na hEorpa agus

idirnáisiúnta. Ina cheann sin, seolann OL Tuairisc Bhliantúil ar Cháilíocht Institiúideach

21

(AIQR) ar aghaidh chuig QQI. Tá an tuairisc AIQR is deireanaí a seoladh ar aghaidh le fáil

anseo ar láithreán gréasáin an Aonaid Tacaíochta Cáilíochta.

SEIRBHÍSÍ LEABHARLAINNE AGUS FAISNÉISE

Cuireann an Leabharlann & an Rannóg Seirbhísí Faisnéise, atá lonnaithe i Leabharlann

Glucksman, faisnéis ar fáil, i bhformáidí clóite agus leictreonacha

Líon iomlán na leabhar clóite 354,100

Líon iomlán na ríomhleabhar 279,000

Líon iomlán na n-irisí 63,000

Líon iomlán na stáisiún oibre leabharlainne 1,450

Ar na bailiúcháin eile, tá taisclann institiúide ghréasán-bhunaithe na hOllscoile, ULIR, ina

bhfuil taighde OL le fáil cosúil le hailt irisí agus tráchtais. I Roinn na mBailiúchán Speisialta

tá bailiúcháin na Leabharlainne de chartlanna, leabhair uathúla agus lámhscríbhinní a

bhaineann go speisialta le stair, litríocht agus cultúr Luimnigh agus Réigiún an Mheán-Iarthair.

Áirítear ar na bailiúcháin seo Cartlann Náisiúnta Dhamhsa na hÉireann, Bailiúcháin Taistil

McAnally agus páipéir Kate O’Brien, Maurice Walsh, Jim Kemmy, agus páipéir na nEastát

Dunraven agus Moyaliffe.

Sa bhliain 2016, ghnóthaigh an Leabharlann Leabharlann Bolton ó Chomhlacht Ionadaíochta

Eaglais na hÉireann. I Leabharlann Bolton tá bailiúchán suntasach de 12,000 leabhar

luathchlóite, lámhscríbhinní agus ioncúnabail agus baineann tábhacht mhór leis i dtéarmaí

acadúla agus bibleagrafaíochta. Tá Leabharlann Bolton ar cheann de na leabharlanna léinn is

tábhachtaí in Éirinn. Tagann sé ó bhailiúcháin beirt ardeaspag Éireannacha ón 18ú hAois:

William King ar dtús agus ina dhiaidh sin, Theophilus Bolton. Tá líon suntasach gnéithe sa

bhailiúchán a bhaineann le matamaitic, réalteolaíocht, ailtireacht, na heolaíochtaí nádúrtha,

leigheas, litríocht, taisteal, stair, dlí agus polaitíocht.

TEICNEOLAÍOCHT FAISNÉISE

Tá an méid seo a leanas ag an Ollscoil:

Os cionn 5,000 ríomhaire pearsanta atá idirnasctha trí líonra le freastalaithe

Linux/Windows

Deis ceangail leis an idirlíon ar ardluas ag 10 Gbps

Líonra snáithín inmheánaigh ardluais ag idirnascadh gach foirgneamh ar dhá thaobh an

champais

1600 ríomhaire pearsanta d’úsáid na mac léinn i saotharlanna

Naisc líonra do ríomhairí glúine do mhic léinn sa Leabharlann

Os cionn 130 spás teagaisc le háiseanna teilgeora ilmheáin

Clúdach gan sreang sna príomhlimistéir san Ollscoil agus tá pleananna ann é seo a

leathnú

Lóistín mac léinn ar an gcampas le ceangal líonra ardluais le sreang agus gan sreang

Áiseanna físchomhdhálaithe agus ilmheáin

Seirbhísí táirgthe priontála

Seirbhís poist intí a sheachadann na mílte earra gach seachtain chuig pointí dáilte ar fud

an champais

22

Deasc freastail tiomnaithe IT do chomhaltaí foirne agus do mhic léinn

Cúntóirí ríomhlainne ar an láthair a chuireann tacaíocht thráthúil ar fáil do mhic léinn i

ríomhlanna

Clinicí tacaíochta gach lá do ríomhairí glúine na mac léinn sa Leabharlann

Réimse forleathan d'fheidhmchláir ríomhfhoghlama agus d'fheidhmchláir taca do mhic

léinn

Is í an Rannóg Teicneolaíochta Faisnéise (ITD) a chuireann na seirbhísí seo ar fáil faoin

deimhniú caighdeáin ISO9001:2000.

NA HAMHARC-EALAÍONA

Tá roinnt bailiúchán ealaíne lonnaithe go buan san Ollscoil, lena n-áirítear:

Bailiúchán Armitage

Bailiúchán Féinphortráide Náisiúnta na hÉireann

Bailiúchán Chumann Uiscedhatha na hÉireann

Bailiúchán Dealbhóireachta Uí Mháille

Bailiúchán Uí Mháille d’Ealaín na hÉireann de chuid Institiúid Chultúir na hÉireann

agus Mheiriceá

An Bailiúchán Molas bronnta ag an Dr Patrick J Murphy

Bailiúchán The Midnight Court le Pauline Bewick

Luimneach “A Positive View” le Annemarie Bourke

Is í Dánlann Bourn Vincent príomhshuíomh na hOllscoile do thaispeántais agus bíonn fochlár

de sheimineáir, léachtaí agus taibhléirithe ann freisin. Leanann Dánlann Bourn Vincent ag cur

amharc-ealaín agus cleachtais chomhaimseartha chun cinn i measc an phobail lena sceideal

taispeántais a reáchtáiltear i rith na bliana. I measc na dtaispeántas a reáchtáladh anuraidh bhí

PLATES agus CHARON’S BOATS.

Áirítear ar bhailiúchán ealaíne na hOllscoile féin dealbhóireacht faoin spéir le healaíontóirí

idirnáisiúnta lena n-áirítear Michael Warren, Peter Logan, Alexandra Wejchert, James

McKenna, Tom Fitzpatrick, Antony Gormley, Seán Scully, agus le deireanas obair

dhealbhóireachta Orla de Brí (NICHE). Cuireann an obair dhealbhóireachta sin go mór leis an

atmaisféar ealaíonta agus cultúrtha san Ollscoil agus sa réigiún.

CEOLÁRAS NA HOLLSCOILE

Le breis is 1,000 suíochán, is é Ceoláras na hOllscoile (UCH), Luimneach an t-ionad

siamsaíochta agus comhdhála is mó i réigiún an Mheán-Iarthair. Ó bunaíodh é in 1993, is iomaí

duine mór le rá atá meallta ag an gCeoláras go Luimneach, lena n-áirítear Sir James Gaillimh,

Van Morrison, Kris Kristofferson, Ceolfhoireann Shiansach Náisiúnta RTÉ, Billy Connolly,

Colm Wilkinson, Don McLean agus go leor leor eile, agus cuireann sé go mór le saol cultúrtha

na cathrach agus an réigiúin. Eagraíonn an Ceoláras go leor ócáidí don Ollscoil, ina measc

bíonn breis is 24 uair an chloig de léachtaí gach seachtain, searmanais bhronnta na gcéimeanna

agus na ngradam, agus tugann sé ardán gairmiúil d'ealaíontóirí pobail agus d'eagraíochtaí as

Luimneach agus as an gceantar máguaird.

23

Le 25 bliain anuas, tá an Ceoláras ina lárionad do thaispeántais taibh-ealaíon cosúil le

ceoldrámaí agus oratóirí Luimnigh, cóir ógra, ceolfhoirne áitiúla, compántais

amharclannaíochta ceoil agus scoileanna damhsa. Bíonn cónaitheachtaí samhraidh agus

comhdhálacha móra don Ollscoil agus don chathair ar siúl sa Cheoláras, chomh maith le

craoladh cláir theilifíse agus raidió cosúil le Gradam Ceoil TG4, agus Díospóireacht na

gCeannairí beo ar RTÉ d'Olltoghchán 2016.

In 2017, chuir an Ceoláras fáilte roimh breis is 100,000 duine chuig 200 ócáid éagsúil, idir

ócáidí ceoil agus damhsa, ceolamharclannaíochta, coiméide, craoltaí teilifíse agus

Geamaireacht na Nollag. In 2018, le tacaíocht OL, PCC agus daoine eile, ag tráth a mbeidh an

t-ionad ag ceiliúradh 25 bliain ar an bhfód, tabharfaidh an Ceoláras faoi obair athchóirithe

€1.5m chun a chuid áiseanna a thabhairt cothrom le dáta d’fhonn go mbeidh ar a chumas

leanúint ag mealladh ealaíontóirí a bhfuil cáil idirnáisiúnta bainte amach acu chuig Réigiún an

Mheán-Iarthair agus ardchaighdeán seirbhíse a chur ar fáil dá chustaiméirí. Áireoidh sé seo

obair athchóirithe ar an aitriam agus caifé, trealamh soilsithe agus fuaime nua, chomh maith le

seomra scíthe nua agus oifig na dticéad inrochtana.

FONDÚIREACHT OLLSCOIL LUIMNIGH

I gcomhar le OL, cuireann Fondúireacht Ollscoil Luimnigh ceannaireacht agus maoiniú

náisiúnta agus idirnáisiúnta ar fáil ar mhaithe le cur chun cinn na hOllscoile. Bhailigh an

Fhondúireacht breis is €200 milliún go dtí seo trína líonra idirnáisiúnta, agus faigheann sí cuid

den mhaoiniú daonchairdiúil idirnáisiúnta is mó in Éirinn.

Bíonn an Fhondúireacht de shíor ag iarraidh na naisc a cruthaíodh idir an Ollscoil agus pobal

chéimithe na hOllscoile agus an pobal gnó ar oileán na hÉireann agus níos faide ó bhaile a

neartú. Faoi threoir agus le tacaíocht ónár gcathaoirleach, Loretta Brennan Glucksman, agus ó

bhord de cheannairí náisiúnta agus idirnáisiúnta ó shaol an ghnó, an tionscail agus na n-ealaíon,

is ábhar bróid don Fhondúireacht an ról a bhíonn aici ag cuidiú leis an bhforbairt ar Ollscoil

Luimnigh ó thaobh gnéithe fisiciúla agus acadúla de agus ag cinntiú go mbíonn an Ollscoil i

gceartlár cuid mhór tionscnamh náisiúnta i gcónaí.

ALUMNI OLLSCOIL LUIMNIGH

Bunaithe ag céimithe sa bhliain 1987 agus atá anois faoi úinéireacht iomlán na hOllscoile,

cuireann Alumni OL le gníomhaíochtaí rannpháirtíochta alumni na hOllscoile agus tugann sé

deis do chéimithe OL caidreamh fadsaoil a bheith acu lena n-alma mater agus lena gcomh-

alumni. Tá gach céimí de chuid OL ina c(h)omhalta de Alumni OL go huathoibríoch agus ní

gá íoc as an gcomhaltas (gar do 90,000 comhalta faoi láthair).

Trí na gníomhaíochtaí éagsúla – lena n-áirítear ‘UniversaL’ (pobal ar líne do chéimithe OL

amháin), agus imeachtaí lena n-áirítear athchaidrimh ranga, teacht le chéile mírchinn in Éirinn

agus thar lear, agus an clár bliantúil do Dhuaiseanna Alumni – cothaíonn Alumni OL nasc

gníomhach idir céimithe agus OL chun tacú leis an Ollscoil agus lenár bpobal alumni atá ag

fás.

24

LÉARSCÁIL AN CHAMPAIS

CAIRT EAGRAÍOCHTA ACADÚIL

Sláinte

Governing

Authority

An Roinn

Ríomheolaíochta

agus Córais

Faisnéise

Scoil na

nEolaíochtaí

Nádúrtha

Dámh na hEolaíochta agus na

hInnealtóireachta

An Leas-Uachtarán do

Ghnóthaí Acadúla &

Rannpháirtíocht na

Mac Léinn

Roinn na

hEacnamaíochta

An Roinn

Cuntasaíochta &

Airgeadais

Roinn na

Polaitíochta agus

an Riaracháin

Phoiblí

Scoil an Dlí

Scoil na

Nuatheangacha

agus na

Teangeolaíochta

Feidhmí

Roinn na Staire

Roinn na

Socheolaíochta

Dámh Chruinne

Éireann - Rince &

Ceol

An Scoil Leighis

Iontrála Iarchéime

Roinn na

Síceolaíochta

An Roinn

Pearsanra agus

Caidrimh

Fostaíochta

Scoil an

Oideachais

Roinn an Altranais

agus an

Chnáimhseachais

An Roinn

Corpoideachais

agus Eolaíochta

Spóirt

Roinn na

Bainistíochta agus

na Margaíochta

Dámh an Oideachais agus na

nEolaíochtaí Sláinte

Leas-Uachtarán

Comhlach Acadúil

Roinn na

hInnealtóireachta

Leictreonaí &

Innealtóireachta

Ríomhaireachta

Roinn na

Matamaitice agus

na Staitisticí

Scoil an

Chomhchúraim

Sláinte

Scoil Ghnó Kemmy Dámh na nDán, na

nDaonnachtaí agus na

nEolaíochtaí Sóisialta

Scoil an Dearaidh Scoil na

hInnealtóireachta

An Chomhairle

Acadúil

An tUachtarán

An tÚdarás

Ceannais

Scoil an Chultúir

agus na

Cumarsáide

An Príomhoifigeach

Oibriúcháin & an Leas-

Uachtarán

Acadúil/Cláraitheoir

Déan

Teagaisc &

Foghlama

CAIRT EAGRAÍOCHTA RIARACHÁIN

Déan,

Scoil Ghnó

Kemmy

An Leas-Uachtarán

do Ghnóthaí

Acadúla &

Rannpháirtíocht na

Mac Léinn

Déan, Staidéir

Iarchéime

& Oideachas

Gairmiúil

Stiúrthóir,

Seirbhís

Leabharlainne

& Faisnéise

Stiúrthóir, an

Rannóg

Comharoideachais

& Gairmeacha

Stiúrthóir,

Aonad

Tacaíochta do

Chúrsaí

Cáilíochta

Stiúrthóir,

Gnóthaí na

Mac Léinn

Stiúrthóir,

Oideachas

Idirnáisiúnta

Stiúrthóir,

Foirgnimh

& Eastáit

Stiúrthóir,

Campus Life

Services

Stiúrthóir,

Spórt agus

Fóillíocht

Stiúrthóir,

Seirbhísí

Tacaíochta

Taighde

Déan

Teagaisc &

Foghlama Rúnaí

Corparáideach

Stiúrthóir,

Gnóthaí

Corparáideacha

Príomhoifigeach

Oibriúcháin & an Leas-

Uachtarán Acadúil/Cláraitheoir

An tUachtarán

An tÚdarás

Ceannais

Stiúrthóir,

Pleanáil

Straitéiseach

Déan,

Dámh na nDán, na

nDaonnachtaí agus

na nEolaíochtaí

Sóisialta

Déan,

Dámh na

hEolaíochta agus

na

hInnealtóireachta

Déan,

Dámh an

Oideachais agus na

nEolaíochtaí

Sláinte

An Leas-

Uachtarán

Taighde

Stiúrthóir

na dTionscadal

Straitéiseach agus

an Athraithe

Stiúrthóir, an

Oifig don Aistriú

Teicneolaíochta

An Coiste Feidhmiúcháin, An Chomhairle

Bainistíochta

Stiúrthóir,

Acmhainní

Daonna

An Stiúrthóir

Airgeadais

Stiúrthóir,

Rannóg

Theicneolaíocht

na Faisnéise

Stiúrthóir,

Margaíocht &

Cumarsáid

Clárlann

Acadúil