Qari mill-Ittra lil-Lhud.

Lhud 2, 14-18

Ġesù kellu jkun jixbah lil ħutu f’kollox, biex ikun ħanin

Huti, billi l-ulied għandhom l-istess demm u ġisem, Ġesù wkoll bl-istess mod sar bħalhom, biex b’mewtu jeqred is-setgħa ta’ dak li kellu l-mewt f’idejh,

jiġifieri x-Xitan, u jeħles ’il dawk kollha li, minħabba fil-biża’ tal-mewt, kienu mjassrin għal għomorhom kollu.Għax tabilħaqq, mhux lill-anġli jrid jgħin, imma lil

ulied Abraham. Għalhekk kellu jkun jixbah lil ħutu f’kollox, biex ikun il-qassis il-kbir, ħanin u fidil f’dak li għandu x’jaqsam ma’ Alla, u biex ipatti għal-dnubiet

tal-poplu. Għax, billi hu stess bata u kien imġarrab, jaf jgħin lil dawk li huma fit-tiġrib.

Il-Kelma tal-Mulej.R:/ Irroddu ħajr lil Alla

Salm Responsorjali

R:/ Il-Mulej jiftakar Għal dejjem fil-patt

tiegħu

Faħħru l-Mulej u xandru ismu,

għarrfu lill-ġnus bl-għemejjel tiegħu!Għannulu u doqqulu, xandru l-għeġubijiet

tiegħu kollha!

R:/ Il-Mulej jiftakar għal dejjem fil-patt tiegħu.

Ftaħru bl-isem qaddis tiegħu,

tifraħ il-qalb ta’ dawk li jfittxu l-Mulej!

Ħabirku biex tagħrfu l-Mulej u l-qawwa tiegħu, fittxu ’l wiċċu l-ħin kollu.

R:/ Il-Mulej jiftakar għal dejjem fil-patt tiegħu.

Nisel Abraham il-qaddej tiegħu,

ulied Ġakobb, il-maħtur tiegħu,

Jaħweh hu Alla tagħna:Mal-art kollha l-ġudizzji

tiegħu!

R:/ Il-Mulej jiftakar għal dejjem fil-patt tiegħu.

Jitfakar għal dejjem fil-patt tiegħu,

fil-kelma li ta għal elf nisel,

fil-patt li għamel ma’ Abraham,

fil-wegħda li ħalef lil Iżakk.

R:/ Il-Mulej jiftakar għal dejjem fil-patt tiegħu.

Hallelujah, Hallelujah Halleluljah

In-nagħaġ tiegħi jisimgħu leħni, jgħid il-Mulej; u

jiena nagħrafhom u huma jimxu warajja.

Hallelujah, Hallelujah

QariMill-Evanġelju ta’

San MarkMk 1, 29-39

R:/ Glorja lilekMulej

Fejjaq ħafna morda minn kull xorta ta’ mard.

F’dak iż-żmien: Ġesù ħareġ mis-sinagoga, u baqa’ sejjer ma’ Ġakbu u Ġwanni għand Xmun u Indrì. Issa omm il-mara ta’ Xmun kienet fis-sodda bid-deni, u malajr

qalulu biha. Resaq lejha, qabadha minn idha, u qajjimha. U d-deni ħallieha, u bdiet isservihom.Filgħaxija, imbagħad, fi nżul ix-xemx, ħadulu

quddiemu lil dawk kollha li kienu morda jew li kienu maħkuma mix-xitan. U quddiem il-bieb inġabret il-belt bi ħġarha. U fejjaq ħafna morda minn kull xorta ta’ mard,

u ħareġ għadd kbir ta’ xjaten li hu ma kienx iħallihom jitkellmu, għax huma kienu jafu min kien.L-għada filgħodu, kmieni qabel ma żernaq, qam, ħareġ u mar f’post imwarrab,

u qagħad hemm jitlob. Xmun u sħabu l-oħrajn marru jfittxuh. Kif sabuh, qalulu: “Kulħadd jistaqsi għalik.”U qalilhom: “Ejjew mmorru band’oħra,

fl-irħula tal-qrib, ħalli nippriedka hemmhekk ukoll, għax għalhekk

ħriġt.”U dar il-Galilija kollha,jippriedka fis-sinagogi tagħhom u joħroġ ix-xjaten.

Il-Kelma tal-Mulej

R:/ It-tifħir lilek Kristu

ĦSIEB