Upload
others
View
0
Download
0
Embed Size (px)
Citation preview
Skuleutvikling
Kom i gang med skuleutvikling
Rapport frå ekstern vurdering på Gol skule i veke 48 /2016 Tema: Læringsleiing
Skuleutvikling Rapport frå ekstern vurdering ved Gol skule
- 2 -
1. Forord
Ekstern skulevurdering – eit verktøy for skuleutvikling
Rettleiarkorps
Utdanningsdirektoratet inviterer kommunar, fylkeskommunar og skular til å vera med
i et samarbeid for kvalitetsutvikling i skulen. Målet er at fleire elevar skal læra og
meistra meir og fullføra utdanningsløpet. Rettleiarkorpset gir støtte til skuleeigarar og
skular som treng rettleiing for å betra læreprosessane i skulen. I starten av
rettleiingsperioden kjem «Ståstadsanalysen» og skulen kan få tilbod om «Ekstern
skulevurdering.» Denne rapporten er eit resultat av den eksterne skulevurderinga av
Gol skule, og er meint som hjelp til å setta fart i utviklingsarbeidet på skulen.
Kva er ekstern skulevurdering?
Ekstern skulevurdering er eit verktøy for skuleutvikling. I Rettleiingskorpset blir
ekstern skulevurdering brukt for å starta eller setta fart i skulen sitt utviklingsarbeid.
Forskrift til opplæringslova, kapittel 2, §2-1 om skulebasert vurdering, seier at alle
skuleeigarar er pålagde å ha eit system for vurdering av verksemda i skulen, internt
eller eksternt. Forskrifta seier ikkje noko om korleis den skulebaserte vurderinga skal
gjennomførast, men ein av måtane er ekstern vurdering. Dette verktøyet blir brukt i
mange kommunar og regionar for å forsterke utviklingsarbeidet på skulane.
Utdanningsdirektoratet bygger denne vurderingsmodellen på ein tilpassa versjon av
Hardanger/Voss-regionen sin skulevurderingsmetodikk.
Modellen har fem trinn:
Ståstadanalysen
Før den eksterne skulevurderinga har skulen gjennomført ståstadsanalysen, eit
analyseverktøy som hjelper skuleeigarar og skulane med å kartlegga kva område
som bør utviklast. Dette verktøyet tek utgangspunkt i kvalitetsindikatorar som
nasjonale prøver, elevundersøkingar og andre undersøkingar som vert brukt lokalt. Ut
frå analysen av desse resultata - og eventuelt andre undersøkingar, valde skulen
tema for den eksterne skulevurderinga: Læringsleiing
Vurderingsrapporten
Rapporten speglar det eksterne vurderarteamet sine konklusjonar om det valde
temaet for vurdering av skulen. I tillegg til målformuleringar, er det sett opp konkrete
utsegner om kva som kjenneteiknar god praksis. Desse teikna er basert på lov- og
Skuleutvikling Rapport frå ekstern vurdering ved Gol skule
- 3 -
regelverk og god pedagogisk praksis, i tillegg er det er sjølve kjerna i
vurderingsprosessen og syner idealbiletet for den praksis skulen ynskjer innanfor
vurderingstemaet. Teikna vert sett inn i eit skjema som blir kalla «Framtidsbilde.»
Eit breidt spekter av interessentar har sagt si meining om skulen sin noverande
praksis knytt til teikna på god praksis. Det er gjennomført observasjonar i klassane
og i skulemiljøet og vurderarparet har hatt tilgang til dokument som betyr noko for
den vurderinga som er gjennomført. I tillegg har vurderarane henta inn informasjon
frå skuleleiinga, lærarar, elevar, foreldre og elevrettleiarar.
Sjølve vurderingsveka har vore fire dager. Siste dag av vurderinga vart denne
rapporten lagt fram med funna for skulen. Rapporten trekkjer fram teikn på god
praksis og teikn på praksis som kan bli betre for skulen. Konklusjonane i rapporten
skal vera til hjelp i det vidare arbeidet med det valde temaet. Rettleiarkorpset vil
rådgje skuleleiinga i det vidare utviklingsarbeidet.
Det viktigaste utviklingsarbeidet skjer på skulen når skulen saman skal fylgja opp
funna og refleksjonane frå vurderingsveka og saman jobba med å bli ein betre skule.
I. Fakta om skulen
Gol skule er ein ny 1-10 –skule som starta opp i august 2016. Tidlegare var det to
barneskular og ein ungdomsskule i kommunen. Desse tre skulane med kvar sine
strukturar og kulturar er no under same tak, samla i ein organisasjon og med ei felles
leiing.
Skulen har 540 elevar og 84 tilsette (69,5 årsverk). Av desse er det 59 lærarar, 4
leiarar og 2 sekretærar. 19 arbeider som elevassistentar eller lærlingar på skulen og
på SFO.
Etter innflytting i nytt bygg er skulen og kulturskulen samlokalisert. Det har gitt
moglegheiter for eit tettare samarbeid, med t.d. individuelle kulturskuletimar for
elevane i skuletida og gruppeundervisning rett etter skuletid. 2 av lærarane
underviser både i skule og kulturskule.
Skuleutvikling Rapport frå ekstern vurdering ved Gol skule
- 4 -
Gol kommune sin visjon er Samarbeid formar framtida, og dette bør kanskje bli ein
visjon for den nye skulen òg. Eitt av satsingsområda våre er læringsleiing, og god
læringsleiing inneber at alle partar i skulesamfunnet: elevar, lærarar og foreldre,
samarbeider og kommuniserer på ein god måte.
Gol skule er med i eit felles satsingsområde for heile Hallingdal: Felles Løft for tidleg
innsats. Dette er ei satsing for god språkutvikling og god sosial kompetanse frå
barnehage og ut grunnskulen. Hovudfokuset dette og neste skuleår er heilskapleg
lese-og skrive-opplæing. Det er Stat-ped som er fagleg ansvarleg for prosjektet.
Gol skule ynskjer å vera ein open, inkluderande og transparent skule. Vi ynskjer at
foreldra skal kjenne seg velkomne her og at alle skal kjenne tilhøyre og
medeigarskap i skulen vår.
II. Val av hovedutfordring
Ut frå resultat av Ståstadsanalysen og andre identifiserte utviklingsområde
kjem skule, skuleeigar og rettleiar frem til skulen si hovudutfordring. Denne
blir formulert og blir utgangspunkt for den eksterne vurderinga.
Som fylgje av resultata i Ståstadsanalysen og i samarbeid med rettleiar, - har skulen
vald som hovedutfordring temaet: Læringsleiing
I august 2016 flytta ungdomsskulen og barneskulen på Gol inn i ny skule med felles
leiing. Vurderarane er klår over at det tar tid å etablera ein felles kultur og
samversformer i ein organisasjon med over 500 elevar og 90 tilsette. Derfor må ein ta
høgde for at ein ikkje skal forventa at det er etablert ein vi-skule ennå, det tar tid å bli
kjend og finne ut korleis ein vil ha det i ein ny, moderne organisasjon. Vi har sett så
mykje god praksis at alle forhold skulle ligge til rette for at denne skulen kan utvikle
ein god lærande organisasjon når ein får sett den gode praksisen i system.
III. Framtidsbilde Å vurdera vil her seia å måla ein no-situasjon opp mot ein idealtilstand. Her
blir ein slik idealtilstand kalla framtidsbilde. Eit framtidsbilde syner temaet frå
ulike sider og er knytt til aktivitet. Framtidsbildet blir gjort konkret ved å dela
det inn i kvalitetsmål med teikn på god praksis. Skulen sin noverande praksis
blir vurdert opp mot dette bildet. Kvalitetsmål og teikn på god praksis på
framtidsbildet skal henge nøye saman med påstandane i ståstadsanalysen,
organisasjonsanalysen og elevundersøkingane. Framtidsbildet er utforma av
vurderarar, men skulen er involvert i arbeidet i forkant av
vurderingsprosessen.
Skulen har godkjent at fylgjande skal være kvalitetsmål og teikn på god praksis på
deira skule:
Skuleutvikling Rapport frå ekstern vurdering ved Gol skule
- 5 -
Framtidsbilde for temaet Læringsleiing ved Gol skule
Kvalitetsmål Teikn på god praksis
Elevperspektivet
Det er godt lærings- og klassemiljø
ved skulen. Elevane er motiverte og
aktive i læringsprosessen og opplever
høg grad av meistring
Elevane veit kva dei skal lære og kva
mål dei skal arbeide mot
Elevane opplever meistring og veit kva
dei skal gjere for å betre
læringsutbyttet i fag
Elevane er motiverte i læringsarbeidet
Elevane er engasjerte og medverkande
i eiga læring
Alle elevane er inkluderte og opplever
at dei høyrer til sosialt
Lærarperspektivet
Det pedagogiske personalet har god
kompetanse i arbeidet med
læringsleiing og har god forståing for
leiarrolla si.
Lærarane formulerer tydelege
læringsmål og vurderer fortløpande
elevane si læring
Lærarane legg til rette for at elevane
reflekterer og medverkar i lærings-
arbeidet
Lærarane har positive relasjonar til alle
elevane
Lærarane har høge forventningar til
alle elevane og gir dei trening i å
vurdere korleis dei best lærer
Lærarane vurderer eigen praksis og
reflekterer saman med kolleger
Foreldreperspektivet
Foreldra er godt orienterte om eleven
sin skulekvardag og er ei god støtte i
eleven si faglige og sosiale utvikling.
Forventningane mellom heim og skule
er avklarte
Foreldra kjenner læringsmåla til
elevane, og korleis dei lærer
Foreldra bidrar positivt i elevane si
læring og utvikling
Foreldra har positiv haldning til og
snakkar positivt om læringsarbeidet
skulen driv
Foreldra opplever samarbeidet med
skulen som positivt
Elevane si læring blir diskutert på
foreldremøter og foreldresamtaler
Organisasjonsperspektivet
Skulen er ein lærande organisasjon og
har gode system og rutiner som
fremmer god læringsleiing
Skulen har ei tydeleg pedagogisk leiing
Leiinga og personalet har felles
forståing av kva som kjenneteiknar
god læringsleiing
Leiinga legg jevnlig til rette for
refleksjon, erfaringsdeling og
kompetanseutvikling i arbeidet med
læringsleiing
Skuleutvikling Rapport frå ekstern vurdering ved Gol skule
- 6 -
Felles reglar og retningslinjer som er
fatta blir lojalt fulgt opp av alle ansatte
IV. Teikn på god praksis Samanstille og sjå mønster
Når alle data er samla inn ved hjelp av ulike metodar, vert desse data sett
saman. Vurderarane analyserer og vurderer informasjonen ved å spegla den
mot framtidsbiletet (teikna på god praksis).
Ut frå denne vurderinga blir konklusjonane trekte. Ein finn fram til sterke
sider innafor området som skulen har vald, og til sider som bør utviklast for
å bli betre.
Kvalitetsmål: Elevperspektiv
Det er godt lærings- og klassemiljø ved skulen. Elevane er motiverte og aktive i læringsprosessen og opplever høg grad av meistring.
Alle elevane er inkluderte og opplever at dei høyrer til sosialt
Skuleutvikling Rapport frå ekstern vurdering ved Gol skule
- 7 -
Tilleggstema – Klasseledelse Gol skule
På vår skule har lærerne god forståelse av sin lederrolle overfor elevene
Ståstedsanalysen 2015/2016 - Gol skule 93,3
%
6,7% 0,0%
Lærerne på vår skule har god innsikt i det sosiale samspillet i elevgruppene de
underviser
Ståstedsanalysen 2015/2016 - Gol skule 93,3
%
6,7% 0,0%
På vår skule arbeider vi bevisst med å utvikle positive relasjoner mellom elevene
Ståstedsanalysen 2015/2016 - Gol skule 96,7
%
3,3% 0,0%
Tilleggstema – Klasseledelse Gol ungdomsskule
På vår skule har lærerne god forståelse av sin lederrolle overfor elevene
Ståstedsanalysen 2015/2016 – Gol ungdomsskule 76,2
%
23,8
%
0,0%
Lærerne på vår skule har god innsikt i det sosiale samspillet i elevgruppene de
underviser
Ståstedsanalysen 2015/2016 – Gol ungdomsskule 71,4
%
28,6
%
0,0%
På vår skule arbeider vi bevisst med å utvikle positive relasjoner mellom elevene
Ståstedsanalysen 2015/2016 – Gol ungdomsskule 85,7
%
14,3
%
0,0%
I samtalane var elevane tydelege på at alle var inkluderte og høyrde til
sosialt. Dei var merksame på kameratar som var åleine ute og inviterte dei med i leiken. Elevane fortalde at lærarane var opptekne av at alle
skulle vera med i leiken. Skulen legg vekt på fysisk aktivitet med organiserte aktivitetar som
Trivselsleiarprogrammet og Fysak. Dette bidreg til samarbeid og bygging av gode relasjonar mellom elevar og mellom lærar og elev.
Skulen legger til rette for fysisk aktivitet hver dag for alle elever
Ståstedsanalysen 2015/2016 - Gol skule 100,0
%
0,0% 0,0%
Ståstedsanalysen 2015/2016 – Gol ungdomsskule 90,0
%
10,0
%
0,0%
Lærarane meinte at dei aller fleste var inkluderte, men at det kunne
være umogeleg å ha full oversikt over alt som skjedde mellom elevane, m.a. ute. I samtale med barnerettleiarane (assistentane) kom det fram
at dette ikkje stemte heilt. Dei kunne fortelje om elevar som gjekk åleine ute og ikkje hadde nokon å vere saman med, særleg elevar som trong
ekstra oppfylging.
Elevundersøkinga viser at det er svært få elevar ved skulen som opplever
seg mobba, og at det er eit godt læringsmiljø på skulen.
Skuleutvikling Rapport frå ekstern vurdering ved Gol skule
- 8 -
Elevundersøkinga - grunnskule, 7. årssteget
Elevundersøkinga er ei nettbasert spørjeundersøking som blir gjennomført kvart år. Her
får elevane seie meininga si om læringsmiljøet og dei tilhøva som er viktige for å lære og
trivast på skulen. Skala: 1-5. Høg verdi vil seie positivt resultat for alle indeksane
unnateke mobbing. Når det gjeld mobbing, vil låg verdi seie lite mobbing.
Indikator og nøkkeltall Gol skule Buskerud fylke Nasjonalt
Læringskultur 4,3 4,1 4,1
Elevdemokrati og medvirkning 4,2 3,9 3,8
Faglig utfordring 4,2 4,1 4,1
Felles regler 4,7 4,3 4,3
Trivsel 4,6 4,4 4,4
Mestring 4,2 4,1 4,1
Støtte fra lærerne 4,6 4,4 4,4
Motivasjon 4,2 4,0 4,0
Vurdering for læring 4,0 4,0 3,9
Støtte hjemmefra 4,6 4,4 4,4
Mobbing på skulen 1,1 1,2 1,2
Gol skule, Grunnskule, Elevundersøkelsen, Offentlig, 2015-2016, Trinn 7, Begge kjønn
Kvalitetsmål: Lærarperspektivet
Det pedagogiske personalet har god kompetanse i arbeidet med læringsleiing og har god forståing for leiarrolla si.
Skuleutvikling Rapport frå ekstern vurdering ved Gol skule
- 9 -
Teikn på god praksis:
Lærerane formulerer tydelege læringsmål og vurderer fortløpande elevane si læring
Under observasjon såg vi at læringsmåla var kommunisert munnleg til
elevane og i fleire basar var dei skrivne på tavla. Læringsmåla var også skrivne på vekeplanane til elevane. I intervju med elevane uttrykte dei
aller fleste at dei kjende til læringsmåla for timen / perioden og at læraren hadde gode system for å vurdera elevane si læring. Dette
kunne visast på tilbakemelding på lekser / heimearbeid og prøver, men også i den daglege framovermeldinga i klasserommet. På spørsmål om
dei oppsummerte korleis læringsmåla var oppnådde, svarte dei fleste at dei ikkje hadde gode nok rutinar på dette.
Lærarane har positive relasjonar til alle elevane
Lærarane vi møtte var trygge, glade og forventningsfulle. I
klasserommet møtte dei elevane med respekt og varme. På fleire trinn arbeidde dei med «positiv julekalender» og julekort. Elevane skulle
skrive tre positive ting om medelevar, og dette skulle formidlast til alle etterpå. Slik får elevane trening i å leite etter gode sider ved kvarandre
og forsterke desse. I samtaler med elevane sa dei at læraren sa frå at ho likte dei særs
godt. Ho viste det med teikn og sa at nettopp denne gruppa var den beste dei hadde hatt nokon gong.
Frå ståstadanalysen barnetrinnet:
Hovedtema – Skulens praksis - Læringsmiljø og rådgivning
Lærerne viser interesse for hver enkelt elev
Ståstedsanalysen 2015/2016 - Gol skule 100,0
%
0,0% 0,0%
Lærerne har en positiv relasjon til hver enkelt elev
Ståstedsanalysen 2015/2016 - Gol skule 93,3
%
6,7% 0,0%
På vår skule arbeider vi bevisst med å utvikle positive relasjoner mellom elevene
Ståstedsanalysen 2015/2016 - Gol skule 96,7
%
3,3% 0,0%
På vår skule blir krenkende ord og handlinger raskt fulgt opp
Ståstedsanalysen 2015/2016 - Gol skule 93,3
%
6,7% 0,0%
Alle elever er inkludert i skulens fellesskap
Ståstedsanalysen 2015/2016 - Gol skule 80,0
%
20,0
%
0,0%
Skuleutvikling Rapport frå ekstern vurdering ved Gol skule
- 10 -
Frå ståstadanalysen ungdomstrinnet:
Hovedtema – Skulens praksis - Læringsmiljø og rådgivning
Lærerne viser interesse for hver enkelt elev
Ståstedsanalysen 2015/2016 – Gol ungdomsskule 100,0
%
0,0% 0,0%
Lærerne har en positiv relasjon til hver enkelt elev
Ståstedsanalysen 2015/2016 - Gol ungdomsskule 95,2
%
4,8% 0,0%
På vår skule arbeider vi bevisst med å utvikle positive relasjoner mellom elevene
Ståstedsanalysen 2015/2016 - Gol ungdomsskule 90,5
%
9,5% 0,0%
På vår skule blir krenkende ord og handlinger raskt fulgt opp
Ståstedsanalysen 2015/2016 - Gol ungdomsskule 81,0
%
19,0
%
0,0%
Kvalitetsmål: Foreldreperspektivet
Foreldra er godt orienterte om eleven sin skulekvardag og er ei god støtte i eleven si faglege og sosiale utvikling. Forventningane mellom heim og skule er avklarte.
Teikn på god praksis:
Foreldra kjenner læringsmåla til elevane og korleis dei lærer
Foreldra var samstemte i at læringsmåla var godt kommuniserte i
vekeplanane og i heimearbeidet til elevane. Elevane hadde god greie på kva dei skulle lære og korleis dei skulle lære det. Heimearbeidet var
å øve på innlært stoff. I utviklingssamtalane var elevane sine
læringsmål tema og også korleis dei kunne arbeide for å bli endå betre.
Skuleutvikling Rapport frå ekstern vurdering ved Gol skule
- 11 -
Foreldra bidreg positivt i elevane si læring og
utvikling
Elevane fortel at foreldra er interesserte i skulearbeidet, og dei hjelper til med leksene når elevane treng det. Foreldra seier det same på
foreldremøtet. Her er dei også opptekne av at dei har eit stort ansvar for at elevane skal få nok søvn, kome utkvilte på skulen og ha med seg
det dei treng av mat og klede. Foreldra var også samstemde i at dei hadde eit ansvar for å snakke positivt om skulen, gå tenesteveg og ta
opp saker med skulen direkte dersom noko ikkje var som det skulle
vere.
Kvalitetsmål: Organisasjonsperspektivet
Skulen er ein lærande organisasjon og har gode system og rutiner som fremjer god læringsleiing
Teikn på god praksis:
Skulen har tydeleg pedagogisk leiing
Det er utarbeidd gode planar for utviklingsarbeidet på skulen. Det er også ein tydeleg møtestruktur med fordeling av roller og ansvar.
Rektor får mykje ros frå barneskulelærerane for å vera ein dyktig, ryddig og tydeleg leiar. Personalet fortel at dei er glade for den ryddige
strukturen på skulen, men meiner samstundes at dei dette halvåret har hatt for mykje merksemd på reglar og retningsliner, og at fellesmøta
har hatt overvekt av informasjon.
Skuleutvikling Rapport frå ekstern vurdering ved Gol skule
- 12 -
Skoleledelsen tar ansvar for å sette mål for skulens utvikling
Ståstedsanalysen 2015/2016 - Gol skule 71,4
%
28,6
%
0,0%
Skoleledelsen tar ansvar for å sette mål for skulens utvikling
Ståstedsanalysen 2015/2016 – Gol ungdomsskule 57,9
%
42,1
%
0,0%
Skoleledelsen har god innsikt i lov- og avtaleverk
Ståstedsanalysen 2015/2016 - Gol skule 96,6
%
3,4% 0,0%
Skoleledelsen har god innsikt i lov- og avtaleverk
Ståstedsanalysen 2015/2016 – Gol ungdomsskule 84,2
%
15,8
%
0,0%
V. Praksis som kan bli betre
Kvalitetsmål: Elevperspektivet
Det er et godt lærings- og klassemiljø ved skulen. Elevane er motiverte og aktive i læringsprosessen og opplever høg grad av meistring
Teikn på god praksis:
Elevane er engasjerte og medverkande i eiga læring
Elevene på skolen er engasjert i egen læring
Ståstedsanalysen 2015/2016 - Gol skule 70,4
%
29,6
%
0,0%
Ståstedsanalysen 2015/2016 – Gol ungdomsskule 25,0
%
75,0
%
0,0%
Både elevane og lærarane fortel om eksempel på at dei meiner elevane er
medverkande i eiga læring, men seier at det kjem mykje an på fag.
I dei fleste fag er planen for kva som skal gjerast og lærast, bestemt av lærar. Når
dei er ferdige med det som skal gjennomgåast, kan elevane til dømes velje kva dei
vil lese, kva oppgåver dei vil jobbe med og til dømes vanskegrad på oppgåvene.
Vi har og høyrt om elevsamtalar, og loggbøker, der elevane kan skrive ned både
behov og ønskjer og få svar på innspela sine.
Vurderarane oppfattar at skulen har ein veg å gå for å få reell elevmedverknad, der
den enkelte elev opplever å bli både sett, høyrt og spurt, sjølv om vi også her
oppfattar at det er forskjellar frå lærar til lærar kor mykje dette blir vektlagt.
Skuleutvikling Rapport frå ekstern vurdering ved Gol skule
- 13 -
Frå heftet «Vurdering på barnetrinnet» (Utdanningsdirektoratet) som er laga ut frå
Opplæringslova og Forskrift for vurdering Heftet kan vere til god hjelp for skulen til å
dra elevane med i læringsarbeidet:
Egenvurdering
Elever skal vurdere eget arbeid, egen faglig utvikling og egen kompetanse.
Ved å vurdere eget arbeid og egen fremgang, får elevene innsikt
i hva de skal lære og hva de mestrer, i tillegg til hvordan de lærer.
Gjennom egenvurdering skal elevene selv, utfordret og støttet av læreren,
lære seg å lære. Ved å snakke med medelever om egen læring og
utvikling, kan elevene få øvelse i å gi tilbakemeldinger som de kan bruke
når de vurderer eget arbeid. Involvering og refleksjon rundt læringsarbeidet
og målene for opplæringen, er viktig for å trene elevene i å
styre egne læringsprosesser, også i et livslangt læringsperspektiv.
Kvalitetsmål: Lærarperspektivet
Det pedagogiske personalet har god kompetanse i arbeidet med læringsleiing og har god forståing for leiarrolla si
Teikn på god praksis:
Lærarane vurderer eigen praksis og reflekterer saman med kollegaer
Skolen har arenaer for felles refleksjon og læring
Ståstedsanalysen 2015/2016 - Gol skule 58,6
%
41,4
%
0,0%
Ståstedsanalysen 2015/2016 – Gol ungdomsskule 45,0
%
55,0
%
0,0%
Lærarane har nokre faste møtepunkt kvar veke. Dei møtest på lagmøter og på
storlag. På 5.-10. trinn har dei og faggruppemøter.
Vurderarane sitt inntrykk er at mykje av tida i desse møta går til planlegging, og lite
til felles refleksjon. Enkeltlærarar seier at dei må reflektere for seg sjølve.
I tillegg har dei fellesmøter for alle tilsette. Her innvender fleire lærarar at desse møta
ofte har gått til informasjon og meiner at dei heller kunne bli brukt til pedagogisk
utviklingsarbeid.
Skulen si SWOT-analyse konkluderer også med at dei ikkje har arenaer for felles
refleksjon og læring.
Vurderarane si oppfatning er at arenaene lærarane allereie har, kan brukast til dette,
dersom leiinga legg felles refleksjon, erfaringsdeling og læring inn som ei klar
bestilling til desse etablerte møtepunkta.
Skuleutvikling Rapport frå ekstern vurdering ved Gol skule
- 14 -
Kvalitetsmål: organisasjonsperspektivet
Skulen er ein lærande organisasjon og har gode system og rutiner som fremmer god læringsleiing
Teikn på god praksis:
Skulen har ei tydeleg pedagogisk leiing
På vår skole har vi et aktivt verdigrunnlag
Ståstedsanalysen 2015/2016 - Gol skule 50,0
%
43,3
%
6,7%
Ståstedsanalysen 2015/2016 – Gol ungdomsskule 33,3
%
66,7
%
0,0%
Vår skole har en tydelig visjon
Ståstedsanalysen 2015/2016 - Gol skule 13,3
%
73,3
%
13,3
%
Ståstedsanalysen 2015/2016 – Gol ungdomsskule 15,0
%
80,0
%
5,0%
Skuleledelsen gir tilbakemelding på utført arbeid
Ståstedsanalysen 2015/2016 - Gol skule 31,0
%
58,6
%
10,3
%
Ståstedsanalysen 2015/2016 - Gol ungdomsskule 36,8
%
63,2
%
0,0%
Gol skule og Gol ungdomsskule gjennomførte ståstadanalysen kvar for seg førre
skuleåret. Frå i haust vart dei ein skule.
Skulen har sjølv konkludert, i sin SWOT-analyse, at mangel på felles visjon er ein
svakheit. Ettersom dei er blitt ein skule er det endå viktigare at dei har eit felles
verdigrunnlag og ein, felles visjon å gå etter, for å vise retning for arbeidet deira med
elevane, og at «sånn er det her hos oss», den vi-kjensla som vi veit kjenneteiknar ein
lærande organisasjon.
Leiarane i skulen leier ein organisasjon med tradisjon for stor sjølvstende. Tydeleg
pedagogisk leiing handlar om leiinga sine arbeidsmåtar i arbeid med pedagogiske
spørsmål.
Tilbakemelding til medarbeidarane er ei av leiarens viktigaste og mest utfordrande
oppgåver. Fleire av dei vaksne, både lærarar, barnerettleiarar og foreldre, meinte i
samtale at skulen har gode system for organisering, men sa at dei saknar system for
medverknad og tilbakemelding.
I tilbakemeldingane frå lærarane, var mangel på tilbakemelding frå leiinga ein
gjengangar. Dei ønskjer synleg leiing, og dei ønskjer å bli tatt med på råd, få
tilbakemeldingar, bli sett og inspirert.
Skuleutvikling Rapport frå ekstern vurdering ved Gol skule
- 15 -
På våre besøk i klasseromma under vurderingveka, observerte vurderarane mykje
god pedagogisk praksis. Lærarane ga uttrykk for at dei gjerne ville ha
tilbakemeldingar.
Teikn på god praksis:
Leiinga og personalet har felles forståing av kva som kjenneteiknar god læringsleiing
På vår skole har vi en felles plattform for det pedagogiske arbeidet
Ståstedsanalysen 2015/2016 - Gol skule 46,7
%
50,0
%
3,3%
Ståstedsanalysen 2015/2016 – Gol ungdomsskule 38,1
%
61,9
%
0,0%
Skolen har retningslinjer for god klasseledelse
Ståstedsanalysen 2015/2016 - Gol skule 42,9
%
57,1
%
0,0%
Ståstedsanalysen 2015/2016 – Gol ungdomsskule 42,1
%
31,6
%
26,3
%
Lærerne følger skolens retningslinjer for god klasseledelse
Ståstedsanalysen 2015/2016 - Gol skule 42,9
%
57,1
%
0,0%
Ståstedsanalysen 2015/2016 – Gol ungdomsskule 36,8
%
36,8
%
26,3
%
Forsking viser at på dei beste skulane er pedagogisk leiing synleg og tydeleg i
kvardagen ved at leiarane bl.a kjem til klasserommet og ser kva undervisning
elevane får. (Robinson)
Samtalene med elevane og observasjonar i klasseromma viser at lærarane har ulik
praksis innafor mange område, mykje av skulekvardagen til elevane er
læraravhengig.
Vurderarane si oppfatning er at omgrepet læringsleiing er nytt for lærarane. Det er
dermed personavhengig korleis leiinga av læringsarbeidet går føre seg. Skulen
manglar ein felles praksis.
Personalet meiner det ikkje er tydeleg uttrykt kva som gjeld som god læringsleiing
ved skulen. Dei nytilsette opplever heller ikkje at dei blir sett inn i kva skulen reknar
for god pedagogisk praksis eller læringsleiing, og at dei saknar tid til felles refleksjon.
Ståstadanalysen viser at det er eit utviklingspotensiale både på felles plattform for
det pedagogiske arbeidet og på retningslinjer for arbeidet med læring i
klasserommet.
Skulen har sjølv konkludert med, i SWOT-analysen som er felles for begge skulane,
at ein av svakheitene er at dei ikkje har retningslinjer for god klasseleiing.
Skuleutvikling Rapport frå ekstern vurdering ved Gol skule
- 16 -
Både elevar, lærarar, barnerettleiarar og foreldra fortalde om variasjonar som i stor
grad var læraravhengig.
Når vi observerte i dei ulike klassane kunne vi t.d. så at eit og same tema kunne
gjennomførast på ulike måtar, meir avhengig av lærar enn av elevar eller elevgruppe.
Teikn på god praksis:
Leiinga legg jevnlig til rette for refleksjon, erfaringsdeling og kompetanseutvikling i arbeidet med læringsleiing
Felles reglar og retningslinjer som er fatta blir lojalt følgt opp av alle tilsette
Beslutninger som er fattet, blir lojalt fulgt opp av alle ansatte
Ståstedsanalysen 2015/2016 - Gol skule 69,0
%
31,0
%
0,0%
Ståstedsanalysen 2015/2016 – Gol ungdomsskule 15,0
%
70,0
%
15,0
%
Vurderarane har gjennom intervjua fått forståinga av at personalet synest det er
veldig mange reglar og retningslinjer i den nye skulen, og dei svarer eit klart nei på
spørsmålet om dei trur alle er lojale. Dei gir uttrykk for at dei har for mange reglar og
retninglinjer, og synest at nokre av dei er vanskelege å tyde.
Dei seier likevel at dei synest det er fint at dei nå får vere med og diskutere kva for
reglar skulen skal ha.
Dei yngste elevane seier at dei skjønar at det må vere reglar og at det skal hjelpe til
å halde orden, mens dei eldste elevane synest det blir vel barnsleg.
Både elevar og lærarar på ungdomsskuletrinna stiller spørsmålsteikn ved om dei
same reglane må gjelde for dei som for dei yngste.
Foreldremøtet etterlyste retningslinjer for kommunikasjon til og frå skulen, slik at det
ikkje er så læraravhengig korleis kontakten skal vere. Særleg dei som har ungar på
ulike klassetrinn merkar den personavhengige forskjellen.
VI. Etterord Forsking om ekstern skulevurdering konkluderer med at ei slik vurdering kan ha
mykje å seie for utvikling av skulen vidare. Men det heng saman med kva skulen gjer
med sin nye kunnskap etter vurderingsveka.
Gol skule vil få hjelp av rettleiar, VK-16, i arbeidet som følgjer etter ekstern
skulevurdering, og vi utfordrar óg skuleeigar til å ta ansvaret sitt ved å etterspørje
vidare arbeid.
Skuleutvikling Rapport frå ekstern vurdering ved Gol skule
- 17 -
Spørsmål til refleksjon, ettertanke
Spørsmål som skulen bør stilla for å koma vidare. Spørsmåla er basert på teikna og på
eventuelle andre relevante funn og problemstillingar som er omtala i
vurderingsmaterialet.
Korleis kan skulen gjennom å arbeide med visjon, verdiar, elevsyn og
læringssyn få ein organisasjon som sikrar felles haldningar til elevane og til
samværsformer på skulen?
Korleis kan skulen kvalitetssikra den gode timen og den gode undervisninga?
Korleis kan skulen nytta den informasjonen som assistentane gir til å oppdaga
elevar som fell utanfor?
Korleis skal skulen få ei tydelegare pedagogisk leiing?
Korleis få til lojalitet i personalet?
Korleis arbeide fram ein felles kultur for Gol skule, der alle føler seg inkludert
og medverkande?
Vidare arbeid etter ekstern skulevurdering Etter at vurderinga er over og rapporten er ferdig, startar utviklingsarbeidet i skulen.
Prosessen vert styrt av skuleleiinga og blir fylgd opp av skuleeigar.
Døme på korleis ein slik prosess kan gjennomførast:
Innan to veker etter vurderinga: skuleleiinga lagar ein milepælsplan for
etterarbeidet
Milepælsplanen bør ha mål og ansvarsfordeling
Personalet blir involverte i det vidare arbeidet med tiltaka i milepælsplanen
Etter cirka eit halvt år: Skuleeigar har møte med skuleleiinga for å fylgja
prosessen
Etter cirka eit år: Skulen og skuleeigar har nytt møte for å sjå kva som har
skjedd av endringar
Vedlegg A.
Deltakarar i ekstern vurdering Det er viktig at dei skulane som får rettleiing forankrar prosessen hjå elevane,
foreldra, alle medarbeidarar på skulen og andre samarbeidspartar som er
viktige for skulen. Ekstern vurdering sikrar at dei ulike stemmene blir høyrde
og sett.
− Interne: Rektor, lærarar, elevassistentar, elevar på alle trinn, og 20
foreldrerepresentantar frå alle trinn.
− Eksterne: Rettleiar Kristi Odéen og vurderar Kjellrun Bø Johansson, frå Udir.
Skuleutvikling Rapport frå ekstern vurdering ved Gol skule
- 18 -
Grunngjeving for val av informantar
Temaet læringsleiing har fokus på elevane si læring, i motsetning til klasseleiing, som
meir har fokus på læraren si undervisning. Elevane er dermed dei viktigaste
informantane våre.
Læringsleiing dreier seg likevel mykje om kva læraren gjer og korleis ho/han legg til
rette for læring i klasserommet. Læraren kan og gi informasjon om organisasjonen og
korleis det blir lagt til rette for felles praksis. Lærarane er derfor også uvurderlige
informantar.
Barnerettleiarane har ofte oversikt over det som skjer i ulike klasserom og med ulike
lærarar, og ikkje minst ute i friminutta. Dei er derfor også viktige informantar.
I tillegg har vi hatt daglege møter med rektor og inspektørar for avklaringar.
Vedlegg B. Tidsplan og aktivitetar Før vurderingsveka på skulen, har det vore kontakt mellom vurdererarar og
skule, og data er henta inn. Det er utarbeidd ein tidsplan for prosessen.
Framtidsbiletet er utarbeidd og diskutert og endra i samspel med skule-
personalet. Personalet har gjennomført ei organisasjonsundersøking og ein
ståstadsanalyse som rettleiarane har vore med på å oppsummera.
Samtaleguidar er utarbeidd og møte med føresette planlagd.
Det er sett av inntil tre dagar (fire dagar på store skuler) til sjølve vurderinga.
Dette vil seia i hovudsak ein startdag der vurdererarane og rektor/leiing og
personalet møtes for fyrste gong. Så starter informasjonsinnhentinga
gjennom samtalar, møter, observasjon o.l. Alle data blir samansett, og
vurdererarane leiter etter mønster i materiale og speglar det mot
framtidsbiletet. Rapport blir skriven og lagt fram for personalet tredje dagen.
Å gjennomføre ei kvalitetsvurdering på 3 dagar er knapp tid, og fører til seg
ei avgrensing av temaet.
VII. Ekstern vurdering 28. november til 1. desember
2016
Dag Klokkelslett Møte Kven deltar Kor
Måndag 08.00 – 08.30 Møte for
personalet
Alle Aula
08.30 – 09.15 Elevar Elevar 9 og 10 Møterom 2
09.30 – 10.15 Observasjon Møterom 2
10.30 – 11.15 Elevar Elevar 7 og 8 Møterom 2
11.30 – 12.00 Pause Møterom 2
Skuleutvikling Rapport frå ekstern vurdering ved Gol skule
- 19 -
12.00 – 12.45 Observasjon Møterom 2
13.00 – 13.45 Observasjon Møterom 2
13.45 – 14.30 Observasjon Møterom 2
14.45- 15.15 Adm Adm Møterom 2
18.00 – 20.00 Foreldre FAU og
vararepr.
Trinn 10
Tysdag 08.30 – 09.15 Elevar 1 og 2 Møterom 2
09.30 – 10.15 Lærarar 8-10 Møterom 2
10.30 – 11.15 Observasjon Møterom 2
11.30 – 12.00 Pause Møterom 2
12.00 – 12.45 Elevar 3 og 4 Møterom 2
13.00 – 13.45 Observasjon Møterom 2
13.45 – 14.30 Lærarar 1-4 Møterom 2
14.45 - 15.15 Adm Adm Møterom 2
Onsdag 08. 30 – 09.15 Elevar 5 og 6 Møterom 2
09.30 – 10.15 Observasjon Møterom 2
10.30 – 11.15 Assistentar Alle Møterom 2
11.30 – 12.00 Pause Møterom 2
12.00 – 12.45 Observasjon Møterom 2
13.00 – 13.45 Observasjon Møterom 2
13.45 – 14.30 Lærarar 5-7 Møterom 2
14.45- 15.15 Adm Adm Møterom 2
Torsdag 11.30 – 12.30 Presentasjon
rapport
Adm Møterom 2
14.45-15.45 Presentasjon
rapport
Personale
FAU
Repr
skuleeigar
Aula
Vedlegg C. Metodar
Skulen har alt ein del data gjennom ståstadsanalysen og
organisasjonsanalysen. Det gir eit godt grunnlag for å velgja område for
ekstern vurdering. For å sikra god forankring og at alle stemmer blir høyrte,
blir det henta inn data frå fleire andre kjelder (kjeldetriangulering). For å få
best mogeleg kvalitet på informantar frå elevene, ber ein rektor i samarbeid
med kontaktlærarar plukka ut elevar som skal bie intervjua.
Rektor får også ansvaret for å laga ein plan for intervju med personalet slik
at skulen kan fungera under vurderingsveka.
Alle intervju er gruppeintervju.
Tema og tid til rådvelde har verknad for val av metode. I prosessen på denne skulen
er fylgjande metodar nytta:
Ståstadanalyse
Barne og ungdomsskulen gjennomførte ståstadanalysen kvar for seg i februar 2016.
Dei gjennomførte først fase 1 i samla personale og deretter individuelt fase 2
elektronisk. På barnetrinnet svarte 31 av 40 tilsette, på ungdomsskulen 21 av 26
tilsette. Resultatet vart drøfte på kvar skule for seg i samla personale. Deretter
Skuleutvikling Rapport frå ekstern vurdering ved Gol skule
- 20 -
utarbeidde dei ein SWOT felles for begge skulane for å finne kva dei var sameinte om
og kva som kom ulikt ut på dei to skulane.
Dokumentanalyse
Vi har fått tilgang til Utviklingsplanen til skulen, SWOT og til It´s Learning der vi kunne
finne ulike vekeplanar for dei ulike klassane
Samtaleguidar
For å fanga lik tematikk, har vurderarane på førehand utarbeidd ulike samtaleguidar
til hjelp for samtalar med elevgrupper, foreldre og personale på skulen, både lærarar
og elevrettleiarar. Spørsmåla i desse samtaleguidane er alle henta frå teikn på god
praksis i framtidsbiletet. Desse samtaleguidane ligg som vedlegg.
Møte
Vi hadde møte dei tilsette på skulen i 20 minutt mandag morgon.
Møte med elevane i 5 ulike grupper á 45 minutt.
Møte med tilsette i 4 ulike grupper, tre lærargrupper og ei gruppe elevrettleiarar.
Møte med leiinga på skulen kvar ettermiddag, måndag til onsdag.
Observasjon
Vi observerte i alle klassar gjennom heile skuledagen, måndag til onsdag.
Logg Vi skreiv logg frå alle samtalar og møte, og notatar frå alle observasjonar
Vedlegg D. Tomme samtaleguidar
Spørsmål til elevane:
Kvalitetsmål Teikn på god praksis
Kva er det beste med Gol skule?
Nevn 3 ting
Elevperspektivet
Det er godt lærings- og
klassemiljø ved skulen. Elevane er
motiverte og aktive i
læringsprosessen og opplever høg
grad av meistring
Veit du kva du skal lære og kva mål
du skal arbeide mot i skulen?
Opplever du meistring og veit kva du
skal gjere for å lære meir og bli betre
i fag?
Er de motiverte i læringsarbeidet?
Får du vere med og bestemme kva
du skal lære og/eller korleis du kan
arbeide for å lære?
Trur de alle opplever at dei høyrer til
sosialt?
Lærarperspektivet
Skuleutvikling Rapport frå ekstern vurdering ved Gol skule
- 21 -
Det pedagogiske personalet har
god kompetanse i arbeidet med
læringsleiing og har god forståing
for leiarrolla si.
Formulerer lærarane tydelege mål for
kva de skal lære?
Vurderer lærarane fortløpande
læringa dykkar?
Legg lærarane til rette for at de
sjølve reflekterer og medverkar i
lærings- arbeidet?
Opplever du at lærarane liker deg?
Korleis veit du det?
Liker lærarane alle elevane i klassen?
Korleis får du vite om kor godt du
lærer?
Korleis får du vite kva du skal gjere
for å lære meir og betre?
Foreldreperspektivet
Foreldra er godt orienterte om
eleven sin skulekvardag og er ei
god støtte i eleven si faglige og
sosiale utvikling.
Forventningane mellom heim og
skule er avklarte
Kjenner foreldra læringsmåla til
elevane, og korleis de lærer?
Bidrar foreldra positivt i læringa og
utviklinga di?
Har foreldra positiv haldning til og
snakkar positivt om læringsarbeidet
skulen driv?
Organisasjonsperspektivet
Skulen er ein lærande
organisasjon og har gode system
og rutiner som fremmer god
læringsleiing
Har alle lærarane like reglar?
Er det noko skulen kan bli betre til?
Er det noko elevane kan bidra med
for å gjere skulen betre?
Spørsmål til personalet:
Kvalitetsmål Teikn på god praksis
Elevperspektivet
Det er godt lærings- og klassemiljø
ved skulen. Elevane er motiverte
og aktive i læringsprosessen og
opplever høg grad av meistring
Veit elevane kva dei skal lære og kva mål
dei skal arbeide mot?
Opplever elevane meistring og veit dei kva
dei skal gjere for å betre læringsutbyttet i
fag?
Er elevane motiverte i læringsarbeidet?
Skuleutvikling Rapport frå ekstern vurdering ved Gol skule
- 22 -
Er elevane engasjerte og medverkande i
eiga læring?
Er alle elevane inkluderte og opplever at
dei høyrer til sosialt?
Lærarperspektivet
Det pedagogiske personalet har
god kompetanse i arbeidet med
læringsleiing og har god forståing
for leiarrolla si.
Formulerer lærarane tydelege læringsmål
og vurderer fortløpande elevane si læring?
Legg lærarane til rette for at elevane
reflekterer og medverkar i lærings-
arbeidet?
Har lærarane positive relasjonar til alle
elevane?
Har lærarane høge forventningar til alle
elevane og gir dei trening i å vurdere
korleis dei best lærer?
Vurderer lærarane eigen praksis og
reflekterer saman med kolleger?
Foreldreperspektivet
Foreldra er godt orienterte om
eleven sin skulekvardag og er ei
god støtte i eleven si faglige og
sosiale utvikling.
Forventningane mellom heim og
skule er avklarte
Kjenner foreldra læringsmåla til elevane,
og korleis dei lærer?
Bidrar foreldra positivt i elevane si læring
og utvikling?
Har foreldra positiv haldning til og snakkar
positivt om læringsarbeidet skulen driv?
Er samarbeidet mellom heim og skule
godt?
Blir elevane si læring diskutert på
foreldremøter og i foreldresamtaler?
Organisasjonsperspektivet
Skulen er ein lærande
organisasjon og har gode system
og rutiner som fremmer god
læringsleiing
Har skulen ei tydeleg pedagogisk leiing?
Har leiinga og personalet felles forståing
av kva som kjenneteiknar god
læringsleiing?
Legg leiinga jevnlig til rette for refleksjon,
erfaringsdeling og kompetanseutvikling i
arbeidet med læringsleiing?
Blir felles reglar og retningslinjer som er
fatta lojalt fulgt opp av alle tilsette?
Skuleutvikling Rapport frå ekstern vurdering ved Gol skule
- 23 -
VIII. FORELDREMØTE, 28.november, Gol skule
Tema: Læringsleiing Alle gruppene svarer på spørsmål 1.
Gruppene svarer så på alle spørsmåla på kvart sitt område før de fortset på dei andre
spørsmåla.
Svar på spørsmål 15 og 16 til slutt.
1. Kva er det beste ved Gol skule? Nemn tre ting skulen er god på.
Gruppe 1: kvalitet i læringsarbeidet
2. Korleis veit elevane kva dei skal lære og kva mål dei skal arbeide
mot?
3. Opplever elevane meistring og veit kva dei skal gjere for å betre
læringsutbyttet i fag?
4. Er elevane motiverte, engasjerte og medverkande i eiga læring?
5. Veit de om alle elevane er inkluderte og opplever å høyre til
sosialt?
6. Oppfattar de at lærarane har positive relasjonar til elevane?
Gruppe 2: forventningar til skule – heim
samarbeid
7. Har lærarane høge forventningar til elevane og gir dei trening i å
vurdere korleis dei best lærer?
8. Korleis er samarbeidet mellom heim og skule?
9. Korleis blir dei gjensidige forventningane mellom heim og skule
etablert og fulgt opp?
10. Har de foreldre positive haldningar til skulen og korleis
viser de desse haldningane?
IX. Gruppe 3: Samarbeid om elevane si læring 11. På kva måte blir de gjort kjende med læringsmåla til eige
barn, og korleis dei lærer?
12. På kva måte blir de gjort kjende med graden av
måloppnåing for eige barn?
13. Motiverer de foreldre barna i læringsarbeidet?
14. Blir elevane si læring diskutert på foreldremøter og
foreldresamtalar?
Skuleutvikling Rapport frå ekstern vurdering ved Gol skule
- 24 -
X. Vegen vidare 15. Er det noko skulen kan bli betre på?
16. Er det noko foreldra kan bidra med for å gjere skulen
betre?