Upload
others
View
1
Download
0
Embed Size (px)
Citation preview
MT MT
IL-KUMMISSJONI EWROPEA
Brussell, 13.1.2015
SWD(2015) 3 draft
DOKUMENT TA’ ĦIDMA TAL-PERSUNAL TAL-KUMMISSJONI
Rapport
Konsultazzjoni pubblika onlajn dwar il-protezzjoni tal-investiment u s-soluzzjoni tat-
tilwim bejn l-investitur u l-Istat (ISDS) fil-Ftehim dwar Sħubija Trans-Atlantika ta'
Kummerċ u ta' Investiment (TTIP)
Data: 26/03/2015
Rapport
Konsultazzjoni pubblika onlajn dwar il-protezzjoni tal-
investiment u s-soluzzjoni tat-tilwim bejn l-investitur u l-Istat
(ISDS) fil-Ftehim dwar Sħubija Trans-Atlantika ta'
Kummerċ u ta' Investiment (TTIP)
It-13 ta’ Jannar 2015
Sommarju Eżekuttiv
Id-direttivi ta' negozjati1 għan-negozjati tal-Ftehim dwar Sħubija Trans-Atlantika ta'
Kummerċ u ta' Investiment (TTIP) jipprevedu l-inklużjoni tal-protezzjoni tal-
investiment u s-soluzzjoni tat-tilwim bejn l-investitur u l-Istat (ISDS) sakemm jiġu
ssodisfati għadd ta' kondizzjonijiet. Il-protezzjoni tal-investiment u l-ISDS kienu fuq
quddiem ta' dibattitu pubbliku vigoruż fl-UE dwar it-TTIP. Għalhekk, il-Kummissjoni
organizzat konsultazzjoni pubblika bejn is-27 ta’ Marzu u t-13 ta’ Lulju 2014 sabiex
tiżviluppa aktar l-approċċ tal-UE dwar dawn il-kwistjonijiet importanti li jolqtu l-aktar
lill-Ewropej. Il-Kummissjoni fasslet approċċ possibbli tal-UE (minn hawn 'il quddiem:
"l-approċċ propost tal-UE" jew "l-approċċ propost") u fittxet rispons dwar jekk l-
approċċ tal-UE, li hu sostanzjalment differenti minn ftehimiet oħrajn li għandhom
klawżoli tradizzjonali ta' protezzjoni tal-investiment u tal-ISDS, jistax jikseb il-bilanċ
tajjeb bejn il-ħarsien tal-investituri u s-salvagwardja tad-dritt u l-abbiltà tal-UE u tal-
Istati Membri biex jirregolaw fl-interess pubbliku. Għandu jitfakkar li l-approċċ propost
tal-UE dwar il-protezzjoni tal-investiment u l-ISDS kien żviluppat ukoll fid-dawl tal-
esperjenza tal-arbitraġġ skont ħafna ftehimiet eżistenti, li kultant kien kontroversjali. L-
UE, fit-tħaddim ta’ kompetenza prevista mit-Trattat ta’ Lisbona, għandha l-opportunità
li tistabbilixxi reġim riformat madwar l-UE li jissostitwixxi u gradwalment jelimina t-
Trattati eżistenti tal-Istati Membri.
1 http://data.consilium.europa.eu/doc/document/ST-11103-2013-DCL-1/mt/pdf
26/03/2015 Paġna 3 minn 29
Test ta’ referenza bbażat fuq l-abbozz tal-ftehim bejn l-UE u l-Kanada (CETA) ġie
pprovdut biex jiffaċilita l-parteċipazzjoni fil-konsultazzjoni u juri elementi ta’ dan l-
approċċ innovattiv propost mill-UE2.
Il-konsultazzjoni kienet strutturata madwar 12-il kwistjoni ewlenija, li jikkonċernaw
kemm kwistjonijiet sostantivi dwar il-protezzjoni tal-investiment kif ukoll mistoqsijiet
tal-ISDS. Din kienet tinkludi wkoll mistoqsija ġenerali miftuħa li tippermetti lil dawk li
wieġbu biex jissottomettu kunsiderazzjonijiet ġenerali.
B’dan ir-Rapport, is-servizzi tal-Kummissjoni jipprovdu ħarsa ġenerali lejn ir-riżultati
tal-konsultazzjoni.
Il-Kummissjoni rċeviet total ta’ kważi 150,000 tweġiba. It-tweġibiet kollha ġew
meqjusa fuq bażi ugwali. Il-maġġoranza kbira, madwar 145,000 (jew 97 %), kienu
ppreżentati kollettivament permezz ta’ diversi pjattaformi onlajn li fihom tweġibiet
predefiniti li dawk li wieġbu rrispettaw. Barra minn hekk, il-Kummissjoni rċeviet
tweġibiet individwali minn aktar minn 3,000 individwu u madwar 450 organizzazzjoni
li jirrappreżentaw firxa wiesgħa tas-soċjetà ċivili tal-UE, (organizzazzjonijiet tan-
negozju, trade unions, gruppi tal-konsumatur, ditti ta’ avukati, akkademiċi, eċċ.).
B’mod ġenerali, hemm tliet kategoriji ta’ dikjarazzjonijiet fit-tweġibiet.
Filwaqt li l-kamp ta' applikazzjoni tal-konsultazzjoni kien limitat għal approċċ propost
tal-UE dwar il-protezzjoni tal-investiment/l-ISDS fit-TTIP, l-ewwel kategorija ta’
dikjarazzjonijiet tindika oppożizzjoni jew tħassib għat-TTIP b’mod ġenerali. Dawn il-
fehmiet kienu tqajmu ukoll fil-konsultazzjoni preċedenti tal-Kummissjoni dwar it-TTIP.
Filwaqt li tikkunsidra dawn il-fehmiet, il-valutazzjoni ulterjuri għal din il-konsultazzjoni
trid tibqa’ ffokata fuq dikjarazzjonijiet ipprovduti fir-rigward ta’ aspetti speċifiċi
ppreżentati taħt kull waħda mill-mistoqsijiet magħmula.
It-tieni kategorija tindika tħassib jew oppożizzjoni fir-rigward il-protezzjoni tal-
investiment / l-ISDS fit-TTIP. Ta’ min ifakkar li din il-konsultazzjoni sseħħ
f’ċirkostanzi speċifiċi fejn l-Istati Membri b’mod unanimu ikunu fdaw lill-Kummissjoni
biex tinnegozja l-protezzjoni tal-investiment u l-ISDS fit-TTIP, bil-kundizzjoni li r-
riżultat finali jkun jikkorrispondi għall-interessi tal-UE. Id-direttivi ta’ negozjati,
għalhekk, jinkludu element ta’ kundizzjonalità u jagħmluha ċara li deċiżjoni dwar jekk
tiġix inkluża l-ISDS għandha tittieħed matul il-fażi finali tan-negozjati. Din it-tieni
kategorija ta’ tweġibiet tindirizza kwistjoni iktar wiesgħa minn dik li kienet is-suġġett
ta’ din il-konsultazzjoni. Għaldaqstant, din id-domanda usa' għandha tiġi mwieġba, fid-
dawl tal-isforzi li għaddejjin tal-UE biex tiġi riformata sostanzjalment is-sistema tal-
protezzjoni tal-investiment u l-ISDS u l-valutazzjoni ta’ dawn l-isforzi.
2 http://trade.ec.europa.eu/doclib/docs/2014/march/tradoc_152280.pdf
26/03/2015 Paġna 4 minn 29
It-tielet kategorija tinkludi fehmiet speċifiċi fir-rigward ta’ diversi aspetti ppreżentati
taħt kull mistoqsija, ħafna drabi akkumpanjata b’suġġerimenti konkreti dwar it-triq ’il
quddiem. L-istampa li toħroġ minn dawn it-tweġibiet toffri firxa aktar dettaljata ta’
fehmiet. Hemm diverġenzi bejn diversi kategoriji ta’ dawk li wieġbu u xi kultant anke
fl-istess kategorija. Pereżempju, xi wħud minn dawk li wieġbu jqisu li approċċ tal-UE
propost hu insuffiċjenti biex jindirizza ċertu tħassib fir-rigward tad-dritt tar-
regolazzjoni, filwaqt li xi oħrajn wissew kontra li titnaqqas wisq il-protezzjoni mogħtija
lill-investituri. Il-fehmiet huma diviżi fir-rigward ta’ kważi kull mistoqsija.
Fuq din il-bażi, mingħajr preġudizzju għal kwalunkwe kwistjoni oħra, hemm b’mod
partikolari erba’ oqsma fejn għandu jiġi esplorat titjib ulterjuri:
- il-protezzjoni tad-dritt għar-regolazzjoni;
- it-twaqqif u l-funzjonament tat-tribunali ta' arbitraġġ;
- ir-relazzjoni bejn is-sistemi ġudizzjarji domestiċi u l-ISDS;
- ir-rieżami ta’ deċiżjonijiet tal-ISDS permezz ta’ mekkaniżmu ta’ appell.
Fl-ewwel kwart tal-2015, is-servizzi tal-Kummissjoni għalhekk għandhom l-intenzjoni
li jkomplu jikkonsultaw il-partijiet interessati tal-UE, l-Istati Membri tal-UE u l-
Parlament Ewropew dwar l-oqsma msemmija hawn fuq, bħala parti minn dibattitu usa’
dwar il-protezzjoni tal-investiment u l-ISDS fit-TTIP bil-ħsieb li jippermettu li l-
Kummissjoni tiżviluppa proposti konkreti għan-negozjati tat-TTIP. Għandu jitfakkar li
bħalissa mhux qed isiru negozjati dwar din il-kwistjoni. L-iżvilupp ta’ approċċ ġdid
dwar il-protezzjoni tal-investiment u li l-ISDS ikun jissodisfa għal kollox l-interess tal-
UE kif ukoll ikun kompletament konformi mal-impenn li ttieħed quddiem il-Parlament
Ewropew huwa objettiv ewlieni tan-negozjati tat-TTIP.
26/03/2015 Paġna 5 minn 29
Werrej
1. INTRODUZZJONI U KUNTEST ...................................................................................................... 9
2. ĦARSA ĠENERALI LEJN L-GĦADD U T-TIPOLOĠIJA TA’ DAWK LI WIEĠBU ................. 10
2.1. Ħarsa ġenerali lejn it-tweġibiet totali ........................................................................................... 10
2.2. Sottomissjonijiet kollettivi u diffikultajiet tekniċi ........................................................................ 11
2.3. Tipoloġija ta’ dawk li wieġbu ...................................................................................................... 12
3. ĦARSA ĠENERALI LEJN IR-RIŻULTATI EWLENIN TAL-KONSULTAZZJONI ................... 15
3.1. Kunsiderazzjonijiet ġenerali ......................................................................................................... 15
3.2. Kunsiderazzjonijiet speċifiċi ........................................................................................................ 17
4. OQSMA GĦAL AKTAR XOGĦOL ............................................................................................... 27
ANNESS I. IL-METODOLOĠIJA U L-PREŻENTAZZJONI TAS-SEJBIET
(DISPONIBBLI BISS BL-INGLIŻ)
ANNESS II. IL-PREŻENTAZZJONI TAT-TWEĠIBIET MINN ĊITTADINI
INDIVIDWALI
(DISPONIBBLI BISS BL-INGLIŻ)
ANNESS III. IL-PREŻENTAZZJONI SKONT IL-MISTOQSIJIET U T-TWEĠIBIET
RIĊEVUTI
(DISPONIBBLI BISS BL-INGLIŻ)
26/03/2015 Paġna 6 minn 29
Lista ta’ abbrevjazzjonijiet
ACEA Association des Constructeurs Européens d’Automobiles (l-Assoċjazzjoni
Ewropea tal-Manifatturi tal-Karozzi)
BEPS Erożjoni tal-Bażi u Trasferiment tal-Profitt
BEUC Bureau Européen des Unions de Consommateurs (l-Organizzazzjoni Ewropea
tal-Konsumaturi)
BIT Trattat Bilaterali fuq l-Investiment
CEEP Ċentru Ewropew ta' Intrapriżi li jipprovdu Servizzi pubbliċi
CEFIC CEFIC Conseil Européen des Fédérations de l’Industrie Chimique (L-
Assoċjazzjoni Ewropea tal-Kummerċ għall-Industrija tal-Kimika)
CETA Ftehim Ekonomiku u Kummerċjali Komprensiv bejn l-UE u l-Kanada
CNCD Ċentru Nazzjonali tal-Kooperazzjoni għall-Iżvilupp
KEDB Il-Konvenzjoni Ewropea dwar id-Drittijiet tal-Bniedem
ECT It-Trattat dwar il-Karta tal-Enerġija
EFILA Federazzjoni Ewropea għal-liġi tal-Investiment u l-Arbitraġġ
KETU Konfederazzjoni Ewropea tat-Trade Unions
ETUCE Il-Kumitat Ewropew tat-Trade Unions għall-Edukazzjoni
UE L-Unjoni Ewropea
GATT Il-Ftehim Ġenerali dwar it-Tariffi u l-Kummerċ
GATS Ftehim Ġenerali dwar il-Kummerċ f'Servizzi
IDB Investiment Dirett Barrani
FET Trattament Ġust u Ekwu
FTA Ftehimiet ta' Kummerċ Ħieles
IBA Kamra Internazzjonali tal-Avukati
KIK Kamra Internazzjonali tal-Kummerċ
ICSID Ċentru Internazzjonali għas-Soluzzjoni ta' Tilwim dwar Investiment
IISD Istitut Internazzjonali għall-Iżvilupp Sostenibbli
IIED Istitut Internazzjonali għall-Ambjent u l-Iżvilupp
26/03/2015 Paġna 7 minn 29
ILO Organizzazzjoni Internazzjonali tax-Xogħol
DPI Drittijiet tal-Proprjetà Intellettwali
ISDS Soluzzjoni tat-Tilwim bejn l-Investitur u l-Istat
MFN Nazzjon l-Aktar Iffavorit
SM Stati Membri
NT Trattament Nazzjonali
NGO Organizzazzjoni mhux Governattiva
NHS Servizz Nazzjonali tas-Saħħa
OECD L-Organizzazzjoni għall-Kooperazzjoni u l-Iżvilupp Ekonomiċi
SĠ Segretarju Ġenerali
SME Impriżi Żgħar u Medji
TACD Djalogu Trans-Atlantiku tal-Konsumaturi
TTIP Is-Sħubija Trasn-Atlantika ta' Kummerċ u ta' Investiment
TRIPS Drittijiet tal-Proprjetà Intellettwali relatati mal-Kummerċ
NU In-Nazzjonijiet Uniti
UNCITRAL Kummissjoni tan-Nazzjonijiet Uniti dwar il-Liġi Internazzjonali tal-
Kummerċ
UK Ir-Renju Unit
US L-Istati Uniti tal-Amerika
WTO Organizzazzjoni Dinjija tal-Kummerċ
26/03/2015 Paġna 8 minn 29
1. INTRODUZZJONI U KUNTEST
F’Ġunju 2013, il-Kunsill unanimament awtorizza lill-Kummissjoni Ewropea sabiex
tinnegozja Ftehim ta’ Sħubija Trans-Atlantika ta’ Kummerċ u ta’ Investiment (TTIP).
Id-direttivi ta’ negozjati indikaw li t-TTIP għandha tinkludi protezzjoni tal-investiment
u soluzzjoni tat-tilwim bejn l-investitur u l-istat (ISDS), bil-kundizzjoni li r-riżultat
finali jkun jissodisfa l-interessi tal-UE.
Minħabba l-interess qawwi tal-pubbliku fil-kwistjoni tal-protezzjoni tal-investiment u s-
soluzzjoni tat-tilwim bejn l-investitur u l-istat (ISDS), il-Kummissjoni nediet
konsultazzjoni pubblika dwar approċċ possibbli (minn hawn 'il quddiem: "l-approċċ
propost tal-UE" jew "l-approċċ propost) u fittxet rispons fuq serje ta' elementi
innovattivi mqabbla mal-prattiki preċedenti u eżistenti tal-Istati Membri tal-UE, li jinsab
fl-approċċ propost, li jista' jservi bħala l-bażi għan-negozjati tat-TTIP.
Il-konsultazzjoni pubblika tnediet fis-27 ta’ Marzu 2014 u ntemmet fit-13 ta’ Lulju
20143.
Din il-konsultazzjoni kienet miftuħa għaċ-ċittadini u għall-partijiet interessati kollha tal-
UE. Kienet disponibbli fil-lingwi kollha tal-UE. Il-Kummissjoni kisbet fehmiet
strutturati madwar 12-il kwistjoni ewlenija, kif ġej:
1. Il-kamp ta' applikazzjoni tad-dispożizzjonijiet sostantivi ta’ protezzjoni ta’
investiment
2. Trattament mhux diskriminatorju għall-investituri
3. Trattament ġust u ekwu
4. Esproprjazzjoni
5. L-iżgurar tad-dritt tar-regolazzjoni u l-protezzjoni tal-investiment
6. Trasparenza fl-ISDS, Talbiet multipli u r-relazzjoni mal-qrati domestiċi
7. L-etika tal-arbitri
8. Kondotta u kwalifiki
9. Tnaqqis fir-riskju ta’ każijiet frivoli u bla bażi
10. Il-proċediment tat-talbiet (filtru)
11. Gwida mill-partijiet dwar l-interpretazzjoni tal-ftehim
12. Mekkaniżmu tal-appell u l-konsistenza tad-deċiżjonijiet.
Barra minn hekk, mistoqsija miftuħa, finali ppermettiet lil dawk li wieġbu biex
jippreżentaw fehmiet ġenerali dwar il-protezzjoni tal-investiment u l-ISDS fit-TTIP.
3 Għas-sett sħiħ ta’ dokumenti ta’ konsultazzjoni, ara:
http://trade.ec.europa.eu/consultations/index.cfm?consul_id=179
26/03/2015 Paġna 9 minn 29
Għal kull kwistjoni, il-konsultazzjoni pprovdiet spjegazzjoni ta’ introduzzjoni,
deskrizzjoni tal-approċċ li tinsab f’ħafna ftehimiet ta’ investiment, deskrizzjoni tal-
objettivi tal-UE għal TTIP u testi ta’ referenza, li juru l-mod kif il-kwistjoni rilevanti
tista’ tiġi ttrattata f’lingwaġġ legali.
Dan ir-rapport jippreżenta t-tweġibiet li waslu għand is-servizzi tal-Kummissjoni matul
il-konsultazzjoni. Dawn il-fehmiet ma għandhomx neċessarjament jiġu kkunsidrati
bħala l-fehmiet tal-Kummissjoni Ewropea jew is-servizzi tagħha. Ir-rapport jipprovdi
ħarsa ġenerali lejn l-għadd u t-tipoloġija ta’ dawk li wieġbu, ħarsa globali fil-qosor lejn
it-tweġibiet, u jistipula oqsma fejn is-servizzi tal-Kummissjoni jixtiequ jikkonsultaw
aktar mal-partijiet interessati, l-Istati Membri tal-UE u l-Parlament Ewropew bil-ħsieb li
l-Kummissjoni tkun tista' tiddefinixxi l-pożizzjoni tal-UE fin-negozjati dwar il-
protezzjoni tal-investiment u l-ISDS fit-TTIP.
Anness jippreżenta l-metodoloġija segwita għall-analiżi tat-tweġibiet u l-preżentazzjoni
tar-riżultati. It-tieni anness fih, għal kull mistoqsija li ġiet maħluqa fil-konsultazzjoni,
preżentazzjoni dettaljata tal-fehmiet espressi mid-diversi kategoriji ta’ dawk li wieġbu.
Huwa jippreżenta wkoll sommarju tat-tweġbiet li waslu minn ċittadini individwali.
2. ĦARSA ĠENERALI LEJN L-GĦADD U T-TIPOLOĠIJA TA’ DAWK LI WIEĠBU
2.1. Ħarsa ġenerali lejn it-tweġibiet totali
Il-konsultazzjoni immobilizzat lis-soċjetà ċivili tal-UE għal livelli mingħajr preċedent
għal konsultazzjonijiet pubbliċi organizzati mill-Kummissjoni. Il-Kummissjoni rċeviet
total ta’ madwar 150,000 tweġiba.
Dawk li wieġbu mit-28 Stat Membru tal-UE pparteċipaw fil-konsultazzjoni. L-akbar
numru ta’ tweġibiet wasal mir-Renju Unit, segwit mill-Awstrija, il-Ġermanja, Franza,
il-Belġju, in-Netherlands u Spanja, li flimkien jammontaw għal 97 % tat-tweġibiet4.
4 Ħarsa ġenerali lejn l-istatistika dettaljata ġiet ippubblikata ftit wara l-konklużjoni tal-konsultazzjoni –
ara http://trade.ec.europa.eu/doclib/docs/2014/july/tradoc_152693.pdf
26/03/2015 Paġna 10 minn 29
Tabella 1: Distribuzzjoni ta’ tweġibiet - skont l-Istat Membru
Stat Membru Għadd ta’
tweġibiet
% tat-total
Ir-Renju Unit 52,008 34,8 %
L-Awstrija 33,753 22,6 %
Il-Ġermanja 32,513 21,8 %
Franza 9,791 6,5 %
Il-Belġju 9,397 6,3 %
In-Netherlands 4,906 3,3 %
Spanja 2,537 1,7 %
Totali 144,905 97,0 %
Stati Membri oħra 4,494 3,0 %
Total globali 149,399 100,0 %
2.2. Sottomissjonijiet kollettivi u diffikultajiet tekniċi
Kien possibbli li jiġi aċċertat li għadd kbir ħafna ta’ tweġibiet (madwar 145,000) kienu
ppreżentati kollettivament permezz ta’ diversi organizzazzjonijiet mhux governattivi
(NGOs). Dawn l-organizzazzjonijiet ipprovdew tweġibiet predefiniti li dawk li wieġbu
rrispettaw. Dawn l-NGOs għamlu disponibbli pjattaformi onlajn dedikati jew softwer,
spiss bi tweġibiet imħejjija minn qabel, biex b'hekk it-tweġibiet setgħu jittellgħu
direttament fil-bażi ta’ dejta għall-konsultazzjoni pubblika, u għaldaqstant kien
possibbli li jiġi ppreżentat għadd sinifikanti ħafna ta’ tweġibiet f’qasir żmien. Għandu
jiġi nnutat li filwaqt li l-parti l-kbira ta’ dawn it-tweġibiet kienu inseriti minn ċittadini
individwali, xi wħud minnhom ġew iddaħħlu minn organizzazzjonijiet varji (ara t-
tabella 2). Kollha kienu kkunsidrati bħala kontribuzzjonijiet validi.
Is-sottomissjonijiet kollettivi jistgħu jinġabru kif ġej:
Madwar 70,000 tweġiba jikkonsistu f’seba’ lottijiet differenti, li waslu permezz ta’
tmien NGOs differenti. Kull lott fih tweġibiet identiċi jew simili ħafna għat-13-il
domanda kollha;
Xi 50,000 tweġiba mressqa permezz ta’ NGO waħda għandhom xejriet differenti.
Il-mistoqsijiet minn 1 sa 12 kienu mwieġba bi stqarrija ġenerali, kif ġej: "l-ebda
kumment – ma naħsibx li l-ISDS għandha tkun parti mit-TTIP", filwaqt li bosta
tweġibiet individwali ngħataw għall-aħħar mistoqsija (Nru 13-valutazzjoni
ġenerali).
Fl-aħħar nett, hemm madwar 25,000 tweġiba li jippreżentaw karatteristiċi simili,
jiġifieri l-ebda tweġiba għall-mistoqsijiet minn 1 sa 12 iżda biss għall-mistoqsija
13. It-tweġibiet għall-mistoqsija 13 huma differenti iżda ħafna minnhom jesprimu
fehmiet simili. Ma kienx possibbli li jiġi identifikat is-sors ta’ dawn it-tweġibiet.
Madankollu, minħabba s-similaritajiet mas-sottomissjonijiet kollettivi l-oħra, għall-
finijiet ta’ dan ir-rapport kienu kkunsidrati bħala sottomissjonijiet kollettivi wkoll.
26/03/2015 Paġna 11 minn 29
Minħabba l-għadd kbir ta’ tweġibiet li ttellgħu simultanjament fil-bażi tad-dejta, fit-
3 ta’ Lulju 2014 il-websajt tal-konsultazzjoni pubblika ma kienx disponibbli għal
sagħtejn. Sabiex jirrimedjaw din l-inkonvenjenza kkawżata waqt dan l-inċident tekniku,
is-servizzi tal-Kummissjoni ddeċidew li jestendu t-tul ta’ żmien ta’ konsultazzjoni għal
ġimgħa oħra. Matul din il-ġimgħa addizzjonali, ħafna minn dawk li wieġbu reġgħu
bagħtu t-tweġibiet tagħhom. Madankollu, peress li wħud minn dawn it-tweġibiet kienu
fil-fatt ġew irreġistrati wkoll meta ntbagħtu l-ewwel darba, fi tmiem il-konsultazzjoni,
kien hemm aktar minn 6,000 duplikazzjoni eżatta (jiġifieri test identiku intbagħt
darbtejn mill-istess persuna li wieġbet). Ġie deċiż li jitneħħew dawn id-duplikati mit-
total tat-tweġibiet għall-finijiet ta’ analiżi ulterjuri u l-istatistika uffiċjali.
Minbarra s-sottomissjonijiet kollettivi, il-bażi ta' dejta ta' konsultazzjoni diġà kellha
3,144 tweġiba individwali minn ċittadini tal-UE u 445 tweġiba individwali minn
bosta organizzazzjonijiet bħal NGOs, akkademiċi, kumpaniji individwali,
organizzazzjonijiet ta' trade union, gruppi għall-ħarsien tal-konsumatur, assoċazzjonijiet
tan-negozji u l-bqija. Għal raġunijiet tal-preżentazzjoni tar-riżultati, dawn it-tipi ta'
persuni li wieġbu huma indikati rispettivament bħala "sottomissjonijiet individwali
minn ċittadini" u "sottomissjonijiet individwali minn organizzazzjonijiet".
2.3. Tipoloġija ta’ dawk li wieġbu
Id-distribuzzjoni dettaljata ta’ tweġibiet skont il-kategorija tar-rispondenti hija li ġej:
Tabella 2: Id-distribuzzjoni ta’ rispondenti skont il-kategorija
Tip ta' rispondent It-
tweġibie
t totali
Ċittadini
148,830
Organizzazzjonijiet, li minnhom: 569
Akkademiċi 8
Kumpaniji 60
Ditti ta’ konsulenza 15
Istituzzjonijiet tal-Gvern u awtoritajiet regolatorji 11
Ditti legali 7
Organizzazzjonijiet mhux governattivi 180
Assoċjazzjonijiet kummerċjali li jirrappreżentaw in-negozji
tal-UE
66
Trade unions u organizzazzjonijiet li jirrappreżentaw it-trade
unions
42
Organizzazzjonijiet umbrella mhux governattivi 22
Gruppi ta' riflessjoni 21
Organizzazzjonijiet oħrajn 137
duplikati eżatti totali (sottomissjonijiet mill-ġdid) 6,346
Is-sottomissjonijiet kollettivi totali (mingħajr duplikati) 139,464
26/03/2015 Paġna 12 minn 29
Is-sottomissjonijiet individwali totali 3,589
It-tweġibiet totali 149,399
Matul il-proċess ta’ analiżi, 12-il duplikat ġew identifikati, madankollu mingħajr impatt
fuq l-eżitu ġenerali ppreżentat f’dan ir-rapport.
Għadd żgħir biss ta’ dawk li wieġbu (inqas minn 1 % tat-total) indikaw li huma għamlu
investiment fl-Istati Uniti.
L-organizzazzjonijiet li wieġbu huma differenti ħafna fin-natura, l-għan u d-daqs iżda,
meħudin flimkien, huma jidhru li jirrappreżentaw setturi wiesgħa tas-soċjetà ċivili
Ewropea.
Għandu jiġi nnotat li l-klassifikazzjoni f’diversi tipi ta’ organizzazzjonijiet hija
esklużivament determinata minn dak li ddikjaraw dawk li wieġbu fil-formola onlajn
disponibbli għall-finijiet tal-konsultazzjoni fuq il-websajt tal-Kummissjoni.
Għal skopijiet illustrattivi, huwa rilevanti li jiġi nnutat dan li ġej dwar it-tipoloġija ta’
dawk li wieġbu:
Akkademiċi
L-akkademiċi kienu jinkludu grupp ta’ 120 espert akkademiku fil-liġi dwar il-kummerċ
u l-investiment, id-dritt tal-UE, id-dritt internazzjonali u d-drittijiet tal-bniedem, id-dritt
kostituzzjonali, id-dritt privat, il-politika ekonomika u oqsma oħra (li pprovdew
sottomissjoni konġunta waħda), id-Dipartiment tad-Dritt Ewropew, Internazzjonali u
Komparattiv - it-Taqsima tad-Dritt Internazzjonali u r-Relazzjonijiet Internazzjonali,
mill-Università ta’ Vjenna; u l-Osservatorju tal-protezzjoni ġuridika tal-investimenti
barra (Observatorio sobre la protección jurídica de Inversiones en el Exterior), tal-
Universidad Pontificia de Comillas (ICAI-ICADE), f’Madrid (Spanja).
Kumpaniji
Barra minn hekk, is-servizzi tal-Kummissjoni rċevew tweġibiet minn 60 kumpanija
individwali, inklużi 27 kumpanija mikro (inqas minn 10 impjegati), 14 minn SMEs u 19
minn kumpaniji kbar. Dawn tal-aħħar jinkludu multinazzjonali kbar ħafna tal-UE (eż.,
Total, Alstom, Veolia, GDF-suez, Versalis, Daimler, Iberdrola, Repsol) u mhux tal-UE
(eż. Chevron, Japan Tobacco, Philip Morris), li ħafna minnhom kienu involuti f’każijiet
tal-ISDS bi profil għoli.
Il-konsumaturi
L-interessi tal-konsumaturi kienu rappreżentati fost oħrajn mill-Bureau Européen des
Unions de Consommateurs (BEUC), id-Djalogu Trans-Atlantiku tal-Konsumaturi
(TACD) u l-Federazzjoni Ewropea tal-Utenti tas-Servizzi Finanzjarji (Finanzjament
Aħjar).
Assoċjazzjonijiet tan-negozju
26/03/2015 Paġna 13 minn 29
L-assoċjazzjonijiet tan-negozju jinkludu BusinessEurope u l-Kunsill Trans-Atlantiku
dwar in-Negozju, kif ukoll għadd sinifikanti ta’ Kmamar tal-Kummerċ minn diversi
Stati Membri (eż. l-Awstrija, il-Belġju, id-Danimarka, il-Finlandja, Franza, il-Ġermanja,
in-Netherlands, Spanja, l-Iżvezja, u r-Renju Unit). Ħafna tweġibiet waslu wkoll minn
organizzazzjonijiet attivi f’ċerti setturi jew oqsma, bħal pereżempju s-servizzi, il-
kimika, l-ikel, ix-xorb alkoħoliku, il-bejgħ bl-imnut, iż-żejt u l-gass, il-vetturi, l-IT, il-
metalli mhux tal-ħadid, u l-pubblikazzjoni. Ipparteċipaw ukoll żewġ assoċjazzjonijiet li
jirrappreżentaw is-servizzi pubbliċi: Aqua Publica Europea - l-Assoċjazzjoni Ewropea
tal-Operaturi Pubbliċi tal-Ilma u ċ-Ċentru Ewropew ta' Intrapriżi li jipprovdu Servizzi
Pubbliċi (CEEP).
Eżempji ta’ assoċjazzjonijiet kummerċjali fil-livell Ewropew li kkontribwew għall-
konsultazzjoni jinkludu ACEA (manifatturi tal-karozzi), DigitalEurope (teknoloġiji tal-
informatika), CEFIC (industrija tal-kimika), Eurometaux (metalli li ma fihomx ħadid), u
servizzi (Forum Ewropew dwar is-Servizzi).
Organizzazzjonijiet Governattivi
Wieġbu wkoll gvernijiet reġjonali u parlamenti reġjonali jew partiti politiċi minn reġjun
wieħed Ġermaniż (il-Bavarja) u wieħed Awstrijak (Vorarlberg), partit politiku wieħed
tal-Parlament Ġermaniż u ieħor ta’ reġjun wieħed Ġermaniż, il-Parlament tal-Bavarja
kif ukoll l-ibliet ta’ Munich u Nantes.
Organizzazzjonijiet mhux Governattivi
Organizzazzjonijiet mhux governattivi (NGOs) mis-setturi ewlenin kollha pparteċipaw
fil-konsultazzjoni. Żewġ terzi minnhom kellhom inqas minn 500 membru filwaqt li
oħrajn kellhom ilħuq mal-UE kollha. B’mod partikolari, kien hemm kontribuzzjonijiet
minn organizzazzjonijiet ambjentali ewlenin fil-livell tal-UE bħall-Uffiċċju Ewropew
għall-Ambjent, Greenpeace, Friends of the Earth Europe u t-Transport & Environment.
Fost l-NGOs nazzjonali, kien hemm b’mod partikolari tweġibiet mingħand in-
Naturschutzbund tal-Ġermanja, Greenpeace tal-Ġermanja, il-Federazzjoni tal-
Organizzazzjonijiet tal-Konsumatur Ġermaniżi (Verbraucherzentrale Bundesverband),
il-CNCD 11.11.11 Belġjan, Ligue des Droits de l’homme, Mouvement Ouvrier
Chrétien, Wereldsolidariteit, l- Union Fédérale des Consommateurs ta' Franza, Attac u
Amis de la Terre, il-British War on Want and t-Trade Justice Movement; Friends of the
Earth tal-Finlandja, il-Kunsill tal-Konsumatur tad-Danimarka, u Médecins Sans
Frontières - Access Campaign.
Fost l-NGOs li mhumiex fl-UE li pparteċipaw fil-konsultazzjoni kien hemm in-Netwerk
Public Citizen tal-Istati Uniti u l-Council of Canadians and Trade Justice Network tal-
Kanada.
Kontribuzzjonijiet minn gruppi ta’ riflessjoni kienu jinkludu l-Istitut Internazzjonali
għall-Iżvilupp Sostenibbli (IISD, l-Istitut Internazzjonali dwar l-Ambjent u l-Iżvilupp
(IIED), l-Istitut ta’ Medjazzjoni Internazzjonali (li ma ppreżentax tweġibiet għall-
mistoqsijiet iżda pprovda sett ta’ linji gwida rakkomandati għal medjazzjoni).
26/03/2015 Paġna 14 minn 29
Trade Unions
It-trade unions jinkludu l-organizzazzjoni l-aktar rappreżentattiva ta’ Trade Unions, il-
Konfederazzjoni Ewropea tat-Trade Unions (KETU). Barra minn hekk, bosta
organizzazzjonijiet nazzjonali pparteċipaw direttament fil-konsultazzjoni, pereżempju
mill-Awstrija, il-Belġju, il-Finlandja, Franza, l-Irlanda, l-Italja, in-Netherlands, l-Iżvezja
u r-Renju Unit.
Għadd ta’ trade unions li jirrappreżentaw setturi speċifiċi wieġbu wkoll, pereżempju fl-
attivitajiet li ġejjin: l-edukazzjoni (il-Kumitat Ewropew tat-Trade Unions għall-
Edukazzjoni - ETUCE), il-pubblikazzjoni (il-Federazzjoni tal-Pubblikaturi Ewropej), is-
servizz pubbliku (il-Federazzjoni Ewropea tal-unions tas-servizz pubbliku), il-
manifattura u l-enerġija (pereżempju industriAll), il-finanzi (pereżempju Setturi
Finanzjarji Nordiċi), it-trasport (il-Federazzjoni Ewropea tal-Ħaddiema tat-Trasport), is-
servizzi (UNI Europa).
Ħafna minnhom ipprovdew tweġibiet dettaljati dwar is-sustanza. Jidher li hemm grad
ta’ koordinazzjoni kif rifless minn għadd sinifikanti ta’ tweġibiet li huma simili jew
anke identiċi.
Kontributuri oħrajn
Dawk notevoli li wieġbu f’kategoriji oħra kienu jinkludu l-Law Society tal-Ingilterra u
Wales, is-Segretarjat tal-Karta tal-Enerġija (ECT), EFILA (il-Federazzjoni Ewropea tal-
Liġi tal-Investiment u l-Arbitraġġ), kif ukoll qrati arbitrarji internazzjonali prinċipali (il-
Qorti Permanenti ta’ Arbitraġġ tal-Aja, l-Istitut tal-Arbitraġġ tal-Kamra tal-Kummerċ
ta’ Stokkolma u ċ-Ċentru Internazzjonali għas-Soluzzjoni ta’ Tilwim dwar l-Investiment
- ICSID).
3. ĦARSA ĠENERALI LEJN IR-RIŻULTATI EWLENIN TAL-KONSULTAZZJONI
Id-diversi partijiet interessati li pparteċipaw fil-konsultazzjoni jirrappreżentaw diversità
wiesgħa ta’ interessi fi ħdan l-UE. Għalhekk mhuwiex sorprendenti li ssib xi diverġenzi
importanti ta’ fehmiet, mhux biss bejn kategoriji differenti ta’ dawk li wieġbu iżda
wkoll fi ħdan l-istess kategoriji. Huwa wkoll utli li tinnota li l-aktar tweġibiet dettaljati
li fihom suġġerimenti speċifiċi dwar it-triq ’il quddiem jiġu essenzjalment minn diversi
organizzazzjonijiet individwali.
3.1. Kunsiderazzjonijiet ġenerali
Is-sottomissjonijiet kollettivi jirriflettu l-oppożizzjoni mifruxa tas-soluzzjoni tat-tilwim
bejn l-investituri u l-Istat (ISDS) fit-TTIP jew b’mod ġenerali. Hemm ukoll maġġoranza
tat-tweġibiet li jopponu t-TTIP b’mod ġenerali.
F’dawn is-sottomissjonijiet, il-mekkaniżmu tal-ISDS huwa pperċepit bħala theddida
għad-demokrazija u l-finanzjament pubbliku jew għall-politiki pubbliċi. Huwa meqjus
ukoll bħala mhux meħtieġ bejn l-UE u l-Istati Uniti, minħabba l-perċezzjoni ta' saħħa
fis-sistemi ġudizzjarji rispettivi. Dawn il-fehmiet huma fil-biċċa l-kbira riflessi minn
26/03/2015 Paġna 15 minn 29
ħafna trade unions, b'maġġoranza kbira tal-NGOs, l-istituzzjonijiet tal-Gvern u ħafna
minn dawk li wieġbu fl-“organizzazzjonijiet oħra”, inklużi l-organizzazzjonijiet tal-
konsumatur. Ħafna fost is-sottomissjonijiet kollettivi jesprimu tħassib speċifiku dwar il-
fatt li gvernijiet qed jiġu mfittxija minn korporazzjonijiet għal ammonti kbar ta’ flus li
fil-fehma tagħhom joħolqu effett dissważiv fuq id-dritt għal regolazzjoni. Barra minn
hekk, ċerti tweġibiet minn trade unions jesprimu n-nuqqas ta’ fiduċja ġenerika fir-
rigward tal-indipendenza u l-imparzjalità tal-arbitri jew huma kkonċernati li l-ISDS
tista' toħloq il-possibbiltà li l investituri jevitaw il-qrati, il-liġijiet jew ir-regolamenti
domestiċi.
B’kuntrast ma’ dan, il-maġġoranza l-kbira tal-assoċjazzjonijiet tan-negozju u l-
maġġoranza ta’ kumpaniji kbar jappoġġjaw kompletament il-protezzjoni tal-investiment
u l-ISDS fit-TTIP, filwaqt li kumpaniji żgħar huma aktar kritiċi. Għadd konsiderevoli
ta’ tweġibiet jenfasizzaw l-irwol pożittiv li l-investiment barrani dirett jista’ jkollu fir-
rigward tat-tkabbir ekonomiku u l-impjiegi. Huma jindikaw li r-regoli tal-protezzjoni
tal-investiment jistgħu jappoġġjaw l-investiment permezz tal-ħolqien ta’ kondizzjonijiet
ekwivalenti ta' kompetizzjoni bejn l-UE u l-Istati Uniti. Xi wħud jindikaw li l-investituri
tal-UE mhux dejjem jirċievu protezzjoni adegwata fil-qrati tal-Istati Uniti.
Konsegwentement, hemm sejħa importanti għal kawtela biex ma jonqosx il-livell ta’
protezzjoni li l-investituri Ewropej huma mdorrija bih.
Minħabba d-diversità ta’ interessi rappreżentati minn dawk li wieġbu f’din il-kategorija
wiesgħa, il-fehmiet espressi mill-kategorija “organizzazzjonijiet oħra” ġeneralment ma
jaqblux. Dawk li jopponu l-protezzjoni tal-investiment u l-ISDS issemmu essenzjalment
l-istess argumenti bħal dawk imsemmija hawn fuq. Dawk favur huma tal-fehma li
hemm nuqqas ta’ evidenza li l-mekkaniżmu ISDS mhuwiex perfett. Huma jħossu li mż
hemm l-ebda kriżi fir-rigward tal-protezzjoni tal-investiment u l-użu tal-ISDS li
jappoġġja kull bidla radikali.
Rigward l-approċċ propost dwar il-protezzjoni tal-investiment, ħafna fost it-trade
unions, l-NGOs, l-organizzazzjonijiet tan-negozju jew tipi oħra ta’ dawk li wieġbu
jirrikonoxxu l-isforzi tal-UE biex iġġib titjib fis-sistema tal-protezzjoni tal-investiment.
Madankollu, għadd sinifikanti ta’ trade unions u grupp kbir ta’ NGOs jikkunsidraw li l-
bidliet inklużi fl-approċċ propost mhumiex biżżejjed biex jindirizzaw it-tħassib
tagħhom dwar il-protezzjoni tal-investiment u l-ISDS. Min-naħa l-oħra, ħafna minn
dawk li wieġbu fil-kategoriji differenti jikkunsidraw li l-approċċ propost ikun iżżejjed u
jesprimu tħassib serju fir-rigward ta’ tnaqqis fil-livell ta’ protezzjoni tal-investiment.
Għadd notevoli ta’ assoċjazzjonijiet tan-negozju indikaw b’diversi modi appoġġ għat-
titjib propost dwar l-ISDS fit-TTIP, jew f’termini ġenerali jindikaw li huma jappoġġjaw
sistema tal-ISDS aktar inklużiva u koerenti, ikkaratterizzata minn trasparenza u etika.
Kif inhu attwalment, l-approċċ propost għat-TTIP jitqies minn diversi kumpaniji li
jnaqqas b’mod sinifikanti l-livell ta’ protezzjoni li hemm fil-ftehimiet ta’ investiment
eżistenti. Xi wħud minn dawk li wieġbu, li jiddikjaraw lilhom infushom bħala NGOs
jikkritikaw l-approċċ propost bħala wieħed li jdgħajjef il-protezzjoni mogħtija lill-
26/03/2015 Paġna 16 minn 29
investimenti u jargumentaw li standards tal-protezzjoni tal-investiment aktar baxxi jista’
jkollhom impatt negattiv fuq l-Ewropa billi jiġbdu anqas investiment minn qabel.
Ħafna minn dawk li wieġbu f’diversi kategoriji differenti jenfasizzaw il-ħtieġa li jiġi
salvagwardjat id-dritt li jirregolaw fl-interess pubbliku. Madankollu, oħrajn minn fost
dawk li wieġbu, l-aktar fost kumpaniji individwali u l-assoċjazzjonijiet tan-negozju,
jikkunsidraw li ma kien hemm l-ebda kontradizzjoni bejn ir-regoli internazzjonali dwar
l-investiment u d-dritt tal-Istati li jirregolaw.
Għadd sinifikanti ta’ dawk li wieġbu f’kategoriji differenti jikkunsidraw li l-approċċ
propost hu żbilanċjat favur l-investituri. Għalhekk hemm sejħa minn dawk li wieġbu
għal obbligi akbar b'saħħithom tal-investituri, b’mod partikolari fir-rigward tad-drittijiet
tal-bniedem, regolamenti soċjali u ambjentali jew, b’mod iktar ġenerali, għar-
responsabbiltà soċjali korporattiva.
Rigward l-approċċ propost dwar l-ISDS, ħafna minn dawk li wieġbu jappoġġjaw il-
prinċipju ta’ trasparenza akbar. Madankollu huma jqisu wkoll li l-eżistenza ta’ klawżola
ta’ protezzjoni ta’ informazzjoni kunfidenzjali fil-proċedimenti tal-ISDS tista’ tiġi
abbużata minn investituri li jżommu l-informazzjoni ewlenija mill-pubbliku. L-
introduzzjoni ta’ kodiċi ta’ kondotta għall-arbitri hija ġeneralment ikkunsidrata tajba
għalkemm ħafna jiddubitaw jekk l-indipendenza tal-arbitri tistax tkun garantita. Hemm
ukoll opinjoni ġenerali li l-qrati domestiċi huma aktar xierqa mill-ISDS u f'ħafna
każijiet huwa ddikjarat li l-qrati domestiċi għandhom ikunu użati esklużivament biex
isolvu t-tilwim bejn l-Istati u l-investituri barranin. Madankollu, minkejja xi tweġibiet
ta’ appoġġ, ħafna minn dawk li wieġbu jqisu dawn ir-riformi insuffiċjenti biex
jindirizzaw it-tħassib tagħhom mal-ISDS b’mod ġenerali.
Huma esprimew ukoll tħassib li l-aċċessibilità għall-mekkaniżmu tal-ISDS tibqa’ de
facto prerogattiva prinċipalment tad-ditti fuq skala kbira, minħabba li l-ispejjeż u l-
kumplessità tiegħu jagħmluha diffiċli għal investituri żgħar privati biex jirrikorru
għalih. Huwa mixtieq mekkaniżmu għas-soluzzjoni tat-tilwim aktar adatt għall-SMEs.
3.2. Kunsiderazzjonijiet speċifiċi
Mistoqsija 1. Il-kamp ta' applikazzjoni tad-dispożizzjonijiet sostantivi ta’ protezzjoni
ta’ investiment
Rigward il-kamp ta' applikazzjoni ta’ protezzjoni tal-investiment, il-fehmiet ivarjaw.
L-esklużjoni ta’ kumpaniji tal-isem permezz tar-rekwiżit ta’ operazzjonijiet ta’ negozju
sostanzjali hi milqugħa minn ħafna minn dawk li wieġbu f’kategoriji differenti, iżda dan
l-appoġġ mhuwiex unanimu. Pereżempju, għadd ta’ ċittadini jesprimu dubji dwar l-
effikaċja tal-approċċ propost fil-prattika. Xi akkademiċi, ditti legali, kumpaniji jew t-
trade unions jitolbu għal aktar ċarezza fil-kliem u fid-definizzjoni ta’ operazzjonijiet ta’
negozju sostanzjali. Min-naħa l-oħra, minoranza ta’ assoċjazzjonijiet tal-kummerċ iqisu
li t-treaty shopping u l-kumpaniji tal-isem – jekk jiġu stabbiliti f’konformità mal-liġi
applikabbli – għandhom jitħallew. Xi wħud minn dawk li wieġbu, pereżempju fost l-
26/03/2015 Paġna 17 minn 29
assoċjazzjonijiet tan-negozju, jirrakkomandaw l-inklużjoni ta’ klawżola ta’ ċaħda tal-
benefiċċji minflok referenza għal operazzjonijiet sostantivi tan-negozju.
Fir-rigward tad-definizzjoni ta’ investiment, xi wħud minn dawk li wieġbu jqisu li
kienet wisq ristretta, oħrajn wiesgħa wisq. Kien hemm sejħiet mifruxin ħafna minn
dawk li wieġbu fil-kategoriji differenti għal aktar ċarezza ta’ ċerti termini użati, l-aktar
relatati mal-karatteristiċi ta’ investiment. Għadd konsiderevoli ta’ trade unions jindikaw
li jippreferu definizzjoni ristretta, pereżempju limitata għall-IBD biss. Ħafna minn dawk
li wieġbu fil-kategoriji differenti jirrifjutaw l-idea li investiment ta’ portafoll jew
investiment spekulattiv jistgħu jiġu protetti.
Hemm diversi sejħiet għal esklużjonijiet orizzontali, pereżempju tas-servizzi pubbliċi
jew ċerti setturi sensittivi (eż. is-saħħa, l-edukazzjoni, l-ambjent jew is-swieq
finanzjarji), ħaġa li għadd sinifikanti ta’ assoċjazzjonijiet kummerċjali li jixtiequ jaraw
li l-eċċezzjonijiet u l-limitazzjonijiet jitnaqqsu għal minimu huma kontra tagħha.
Bosta minn dawk li wieġbu fost l-assoċjazzjonijiet tan-negozju u l-kumpaniji jixtiequ
jaraw definizzjonijiet wiesgħa, eż. li jkopru d-drittijiet kollha tal-proprjetà intellettwali,
investimenti mhux tanġibbli kif ukoll għadd ta’ kuntratti speċifiċi. Xi wħud jitolbu
wkoll għall-estensjoni tal-protezzjoni tal-investiment, inkluża l-ISDS, għall-fażi ta'
qabel l-istabbiliment. Hemm ukoll suġġerimenti ta' min jinnutahom, minn dawk li
wieġbu f’kategoriji differenti (eż. akkademiċi, assoċjazzjonijiet tan-negozju, trade
unions) biex tiġi ċċarata r-referenza għal-liġi applikabbli.
Mistoqsija 2. Trattament mhux diskriminatorju għall-investituri
In-nondiskriminazzjoni hija maħsuba minn uħud mir-rispondenti bħala trattament diġà
previst mil-liġi nazzjonali jew tal-UE u għalhekk mhux meħtieġ li tiġi inkluża b’mod
espliċitu fit-TTIP. Xi wħud iqisu li d-diskriminazzjoni tista’ tkun ġustifikata f’ċerti
każijiet. Għall-kuntrarju, ħafna assoċjazzjonijiet tan-negozji jinnotaw li n-nuqqas ta’
diskriminazzjoni huwa prinċipju ferm importanti għall-investiment, jew anki essenzjali
biex jassiguraw kundizzjonijiet ekwi.
Il-fehmiet huma wkoll diverġenti dwar il-kwistjoni ta’ eċċezzjonijiet ġenerali. Xi wħud
(pereżempju t-trade unions) jikkunsidraw li dawn għandhom ikunu usa’, pereżempju
għandhom japplikaw għad-dispożizzjonijiet kollha dwar il-protezzjoni tal-investiment,
oħrajn (eż. assoċjazzjonijiet tan-negozju) li dawn għandhom jinżammu għall-minimu
possibbli sabiex jevitaw protezzjoniżmu moħbi. Xi wħud minn dawk li wieġbu jistaqsu
kemm huma effikaċi eċċezzjonijiet li huma primarjament imfassla għal kwistjonijiet
kummerċjali għal kwistjonijiet ta’ investiment..
Il-klawżola tan-Nazzjon l-Aktar Favorit (Most Favoured Nation - MFN) hija wkoll is-
suġġett ta’ fehmiet differenti. Xi wħud (eż. l-NGOs) jikkunsidraw li l-MFN mhijiex
meħtieġa. Għal kontributuri oħrajn (pereżempju, “organizzazzjonijiet oħrajn” jew
“assoċjazzjonijiet tan-negozji”) hija essenzjali, fil-fehma tagħhom. L-intenzjoni tal-UE
li tiġi evitata l-importazzjoni ta’ proċeduri jew standards sostantivi tal-ISDS aħjar
26/03/2015 Paġna 18 minn 29
permezz tal-klawżola MFN hija meqjusa mir-rispondenti fost iċ-ċittadini kif ukoll mill-
organizzazzjonijiet jew mhux ċara biżżejjed, mhux suffiċjenti jew eċċessiva fis-sens li
hemm ir-riskju li obbligu MFN isir kważi bla sinifikat. Hemm sejħa usa' għal aktar
ċarezza.
Mistoqsija 3. Trattament ġust u ekwu
Għall-parti l-kbira ta’ dawk li wieġbu b'mod kollettiv, it-trade unions u għal diversi
NGOs, l-istandards ta’ trattament ġust u ekwu (FET) iqajmu tħassib serju jew fid-dawl
ta’ ċerti każijiet tal-ISDS jew minħabba li jibżgħu li l-approċċ propost għad jippermetti
interpretazzjoni espansiva minn tribunali tal-arbitraġġ. Bosta minn dawk li wieġbu minn
negozji, NGOs jew organizzazzjonijiet oħra jesprimu tħassib kontra t-tnaqqis tal-livell
ta’ protezzjoni permezz ta’ reviżjoni ta’ standards tal-FET, li hija kkunsidrata bħala li
tipprovdi protezzjoni essenzjali. L-aktar qasam importanti fejn hemm kunsens jidher li
huwa dak li jiġi żgurat li FET ma jistax jiġi interpretat bħala obbligu jew wegħda li l-
ambjent legali madwar l-investitur għandu jibqa’ l-istess (“klawżola ta’
stabbilizzazzjoni”).
Hemm interess ġenerali għal aktar ċarezza, b’mod partikolari b’rabta ma’ ċerti termini
użati f’lista magħluqa ta’ trattament li jiddefinixxu dan l-istandard. Madankollu, il-
fehmiet huma maqsuma fost dawk li wieġbu fil-kategoriji differenti dwar jekk FET
għandux jiġi ddefinit permezz ta’ lista miftuħa jew magħluqa. Xi tħassib hu espress fuq
iż-żewġ naħat rigward il-possibbiltà għall-Partijiet biex janaliżżaw il-kontenut tal-
istandard matul il-ħajja ta’ TTIP (jiġifieri, xi wħud jibżgħu li dan jista’ jwassal għal
twessigħ fil-kamp ta’ applikazzjoni tal-istandard, filwaqt li oħrajn jibżgħu li fil-prattika
jkun diffiċli għall-partijiet sabiex jaslu għal ftehim f’dan ir-rigward).
Il-kwistjoni tal-aspettattivi leġittimi tattira wkoll interess konsiderevoli, b’uħud minn
dawk li wieġbu jargumentaw li ma għandhomx jiġu koperti u oħrajn jisħqu li l-approċċ
propost ma jkunx ikoprihom b’mod suffiċjenti. Dawk li wieġbu f’diversi kategoriji
jikkunsidraw li kjarifiki ulterjuri jkunu utli jew meħtieġa.
Fl-aħħar nett, il-fehmiet huma wkoll pjuttost maqsuma fost il-kategoriji differenti ta’
dawk li wieġbu dwar l-inklużjoni jew le ta’ “klawżola umbrella”.
Mistoqsija 4. Esproprjazzjoni
Il-biċċa l-kbira tal-fehmiet espressi f’din il-kwistjoni huma relatati ma’ esproprjazzjoni
indiretta. Xi kontributuri jinnotaw li mhux il-miżuri regolatorji kollha meħuda mill-
Istati għandhom jirrikjedu pagament ta’ kumpens, filwaqt li oħrajn jikkunsidraw li kull
miżura regolatorja li jkollha l-istess effett bħal esproprjazzjoni għandha tkun
kompensatorja. Dan jirrifletti fil-fatt diviżjoni usa’ ta’ fehmiet fost speċjalisti u
professjonisti f’dan il-qasam, jiġifieri d-duttrina “setgħat tal-pulizija” kontra d-duttrina
l-"effetti uniċi”.
Xi wħud minn dawk li wieġbu jaraw ukoll ċerti termini bħala mhux ċari. Pereżempju,
huwa kkunsidrat mill-maġġoranza taċ-ċittadini kif ukoll minn xi trade unions,
26/03/2015 Paġna 19 minn 29
akkademiċi u gruppi ta’ riflessjoni li r-referenza għall-proporzjonalità jew il-leġittimità
ta’ ċerti miżuri pubbliċi toħloq inċertezza minħabba li din tista’ tagħti lok għal marġini
ta’ interpretazzjoni wiesgħa wisq.
Uħud minn dawk li wieġbu, pereżempju fost it-trade unions, jikkunsidraw li l-kunċett
ta’ esproprjazzjoni indiretta għandu jiġi ristrett b’mod sinifikanti, pereżempju li
speċifikament ma għandux ikopri l-profitti mitlufa. Rispondenti oħra, l-aktar minn naħa
tan-negozju, jikkunsidraw li l-approċċ propost inaqqas il-protezzjoni mogħtija lill-
investituri kontra l-akbar riskju li jiffaċċjaw f’pajjiż ieħor, b’mod partikolari meta
mqabbel ma’ BITs, għaliex dan jippermetti lill-Istati biex ma jagħtux kumpens għal
miżuri li jittieħdu f’ċerti setturi (eż. is-saħħa). Dan jista’ jkun ta’ ħsara għall-
investimenti f’dawn is-setturi meta mqabbel ma’ investimenti f’setturi oħra.
Mistoqsija 5. L-iżgurar tad-dritt tar-regolazzjoni u l-protezzjoni tal-investiment
Il-maġġoranza l-kbira ta’ dawk li wieġbu fi kważi l-kategoriji kollha jaqblu mal-għan
ġenerali li jinstab bilanċ adegwat bejn il-protezzjoni tal-investiment u l-konferma tad-
dritt li jirregolaw fl-interess pubbliku. Madankollu, mhux daqstant minn dawk li wieġbu
huma pożittivi dwar l-approċċ propost; pjuttost, hemm diverġenza konsiderevoli ta’
fehmiet. Pereżempju, xi wħud jikkunsidraw li l-approċċ propost mhuwiex biżżejjed,
oħrajn jikkunsidraw li huwa wiesa’ wisq filwaqt li oħrajn isostnu li ma hemmx kunflitt
bejn id-dritt tar-regolazzjoni u l-protezzjoni tal-investiment.
L-approċċ propost huwa meqjus minn uħud mir-rispondenti bħala wisq dgħajjef (eż.
akkademiċi, gruppi ta' riflessjoni ), peress li r-riferiment għad-dritt tar-regolazzjoni
jitqiegħed fil-preambolu u ma jorbotx. B’mod alternattiv huwa meqjus minn xi wħud
bħala limitat wisq (pereżempju t-trade unions) minħabba li, pereżempju, ir-referenzi ma
japplikawx għall-istandards ta’ protezzjoni tal-investiment. Oħrajn minn dawk li
wieġbu, bħal minn naħa tan-negozju, jirrifjutaw ċerti eċċezzjonijiet jew limitazzjonijiet
(pereżempju dwar is-sussidji jew l-akkwist pubbliku) applikabbli għall-protezzjoni tal-
investimenti, jew b’mod ġenerali jirrakkomandaw kawtela kontra l-użu ta’ tali
limitazzjonijiet.
Mistoqsija 6. Trasparenza fl-ISDS
Trasparenza fil-proċedimenti tal-ISDS u aċċess għal smigħ huwa objettiv kondiviż fuq
firxa wiesgħa. Madankollu, hemm tħassib li jmur f’żewġ direzzjonijiet. Grupp wieħed
ta’ tħassib, prinċipalment espress mill-NGOs u t-trade unions, huwa li uħud mill-
eċċezzjonijiet tad-dispożizzjonijiet għal trasparenza biex jipproteġu informazzjoni
kummerċjali kunfidenzjali jistgħu jiġu interpretati b’mod wiesa’ wisq u jistgħu jdgħajfu
l-effikaċja tat-trasparenza. Hemm ukoll tħassib li t-tribunal jista’ jkollu setgħa
diskrezzjonali wiesgħa wisq fid-deċiżjoni dwar taħt liema ċirkostanzi is-seduti pubbliċi
jistgħu jkunu magħluqa għall-pubbliku. Grupp ieħor ta’ tħassib li ġej minn
organizzazzjonijiet tan-negozju u kumpaniji huwa li d-dispożizzjonijiet fl-approċċ
propost dwar it-trasparenza jmorru lil hinn minn ħafna sistemi legali nazzjonali u li dan
jista’ jinvolvi riskju reali li informazzjoni kunfidenzjali u sigrieti kummerċjali jistgħu
jiġu żvelati. Hemm ukoll tħassib li l-aċċess mill-pubbliku għal smigħ jista’ jippolitiċizza
26/03/2015 Paġna 20 minn 29
kawżi mressqa minn kumpaniji, bir-riskju li dan jista’ jaffettwa l-korrettezza tal-
proċedimenti.
Mistoqsija 7. Talbiet multipli u r-relazzjoni mal-qrati domestiċi
Rigward ir-relazzjoni mal-qrati domestiċi, ħafna minn dawk li wieġbu għamlu stqarrijiet
ġenerali minflok speċifiċi biex jikkummentaw dwar l-approċċ propost. Għalhekk,
pereżempju, ħafna NGOs, inklużi NGOs umbrella, jikkunsidraw li l-qrati domestiċi
għandhom ikunu użati esklużivament biex isolvu t-tilwim bejn l-Istati u l-investituri
barranin. Madankollu hemm għadd ta’ rispondenti li għandhom pożizzjoni iktar
moderata li jew ma jeskludux l-ISDS f’ċerti każijiet jew jipprovdu għal aktar kummenti
speċifiċi f’każ li tiddaħħal l-ISDS. Dawk li wieġbu jqisu li, bħala regola, il-qrati
nazzjonali għandhom ikunu preferuti peress li huma f’pożizzjoni aħjar biex jindirizzaw
tilwim bejn l-investituri u l-Istat. Huma għalhekk jappoġġjaw l-idea li tħeġġeġ
proċedimenti domestiċi iżda ħafna jikkunsidraw li l-approċċ propost jinkoraġġixxi
insuffiċjentement ir-rimedji domestiċi. Huma jargumentaw li l-abbozzi tad-
dispożizzjonijiet ma jobbligax lill-investituri , jew ma jipprovdilhomx inċentiv, biex
ifittxu rimedju fil-qrati domestiċi. Minflok, wieħed jargumenta, huma sempliċement
jobbligaw lill-investituri biex jagħżlu bejn il-qrati domestiċi u l-arbitraġġ internazzjonali
biex jiġu evitati proċedimenti paralleli. Għalhekk, bosta minn dawk li wieġbu
jargumentaw direttament favur l-introduzzjoni tar-rekwiżit tal-eżawriment ta’ rimedji
lokali qabel il-possibbiltà li jirrikorru għall-ISDS, li ssir l-aħħar għażla.
Min-naħa l-oħra, kważi kull kumpanija kbira u assoċjazzjoni kummerċjali, filwaqt li
jifhmu l-objettiv li jkunu inkoraġġuti proċedimenti domestiċi, iqisu li l-investitur
għandu jkun liberu li jagħżel jew mezzi legali – domestiċi jew internazzjonali – u l-
ISDS ma għandhiex neċessarjament tkun l-aħħar għażla. Huma jikkunsidraw li jista’
jkun hemm sfidi li aħjar jiġu trattati fil-qrati nazzjonali iżda min-naħa l-oħra jista’ jkun
hemm oħrajn li għalihom hu meħtieġ l-arbitraġġ internazzjonali. Xi wħud jagħtu l-
eżempju ta' diskriminazzjoni favur kumpaniji lokali, li mhux ipprojbita skont il-liġi tal-
Istati Uniti. Oħrajn jirreferu għall-fatt li qrati lokali jistgħu jitwaqqfu milli japplikaw
direttament l-obbligi li joħorġu minn trattat internazzjonali. Oħrajn iqisu li Stati
ospitanti jistgħu jingħataw immunità fi qrati lokali, partikolarment fil-każ ta’ atti
pubbliċi. Huma jirrikonoxxu wkoll li hemm pretensjonijiet li ma jistgħux jiġu ttrattati
permezz ta’ arbitraġġ internazzjonali, bħalma huma l-istħarriġ tal-kostituzzjonalità ta’
miżura. B’mod ġenerali, il-kumpaniji kbar kollha u l-assoċjazzjonijiet tan-negozju huma
kontra r-rekwiżit obbligatorju biex jeżawrixxu r-rimedji nazzjonali peress li joħloq biss
dewmien bla bżonn. Il-kumpaniji (u l-assoċjazzjonijiet tan-negozju) ġeneralment huma
kontra l-hekk imsejħa soluzzjoni fork-in-the-road.
Il-maġġoranza ta’ dawk li wieġbu fost l-NGOs u organizzazzjonijiet oħra li ma jeħdux
pożizzjoni ta' prinċipju kontra l-ISDS b'mod ġenerali jappoġġjaw l-approċċ propost biex
jiġu evitati proċedimenti paralleli u kumpens doppju. Madankollu xi wħud jikkunsidraw
li d-dispożizzjonijiet proposti mhumiex biżżejjed biex jiggarantixxu li ma jkunx hemm
proċedimenti paralleli jew treaty shopping. Min-naħa l-oħra, xi kumpaniji u
assoċjazzjonijiet kummerċjali ma jaqblux mal-proposta li affiljati tal-investitur rikorrent
26/03/2015 Paġna 21 minn 29
ma jistgħux isegwu proċedimenti tal-ISDS waħedhom. Huma jqisu li jekk ikun hemm xi
riskju ta’ duplikazzjoni tal-kumpens, it-tribunali sussegwenti jqisu fid-deċiżjoni u l-
kumpens tagħhom ir-riżultat ta’ kwalunkwe proċedura ta’ arbitraġġ inizjali jekk iċ-
ċirkostanzi jitolbu dan.
Fl-aħħar nett, madwar nofs dawk li wieġbu li jagħmlu kummenti speċifiċi dwar il-
medjazzjoni (mill-kategoriji kollha) jappoġġjaw il-proċess propost li tiġi mħeġġa l-
medjazzjoni. Huma jaqblu wkoll mas-suġġeriment li r-rikors għall-medjazzjoni, għandu
jkun possibbli fi proċedimenti domestiċi u tal-ISDS. Madankollu, xi wħud iqisu li l-
proposta insuffiċjentement tinkoraġġixxi medjazzjoni u ftit minnhom issuġġerew rikors
għal panel għandu jkun obbligatorju qabel medjazzjoni.
Mistoqsija 8. Etika, kondotta u kwalifiki tal-arbitru
Dwar l-etika u l-kondotta tal-arbitri, ħafna minn dawk li wieġbu huma tal-fehma li r-
regoli dwar l-indipendenza u proċeduri ta’ għażla tajba għall-arbitri huma kruċjali.
Bosta tweġibiet jilqgħu t-tentattiv tal-UE biex tindirizza din il-kwistjoni. Madankollu,
bosta kontributuri jesprimu dubji dwar jekk l-istrateġija proposta tal-UE hijiex se
tipprovdi biżżejjed garanziji, jew jargumentaw li dan għadu ma ġiex ittestjat fil-prattika.
Bosta minn dawn il-kontributuri jħossu li l-karatteristiċi intrinsiċi tal-ISDS jagħmluha
impossibbli biex tirregola l-imġiba tal-arbitri (NGOs, akkademiċi); oħrajn jargumentaw
li l-kwistjoni tal-kunflitti ta’ arbitri ma għandhiex tiġi esaġerata u li r-regoli eżistenti
(bħal linji gwida tal-IBA, ir-regoli tal-ICSID, eċċ.) qed jindirizzaw il-problema
(prinċipalment kumpaniji, xi ditti ta’ avukati u akkademiċi).
Xi tweġibiet jikkunsidraw li l-kompetenzi meħtieġa tal-arbitri huma restrittivi wisq b’xi
wħud (l-aktar NGOs) iqisu li l-arbitri għandu jkollhom ukoll esperjenza f’oqsma soċjali
jew ambjentali, u kontributuri oħra (ditti legali, kumpaniji) li jenfasizzaw il-ħtieġa għal
arbitri b’għarfien speċjali (tekniku) rilevanti għat-tilwima.
Ħafna minn dawk li wieġbu jilqgħu l-proposta tal-UE għal kodiċi ta’ kondotta u regoli
għall-kontestazzjoni ta’ arbitri tal-ISDS, għalkemm ħafna (NGOs, akkademiċi, gruppi
ta' riflessjoni, u l-gvernijiet) jibżgħu li ma jkunx jorbot fil-prattika (ara l-kjarifiki fl-
Anness III, mistoqsija 7).
Rigward l-iskwalifika ta’ arbitri, uħud mill-kontributuri (gruppi ta' riflessjoni, il-
gvernijiet, u l-akkademiċi) jargumentaw li l-proċedura għandha tiġi estiża biex tkopri
wkoll nuqqas ta’ kwalifiki (mhux biss nuqqas ta’ indipendenza bħal fl-approċċ propost).
Ċerti kontributuri jilqgħu espressament l-idea li s-Segretarju Ġenerali tal-ICSID jiġi
afdat biex jiddeċiedi dwar sfidi għall-arbitri, filwaqt li xi oħrajn ma għandhomx fiduċja
fis-Segretarju Ġenerali tal-ICSID għaliex jikkunsidrawh wisq favur l-Istati Uniti
(NGOs) (ara l-kjarifiki fl-Anness III, mistoqsija 7).
Fl-aħħar nett, ħafna kontributuri jqisu r-rosters bħala pass fid-direzzjoni t-tajba.
Madankollu, l-istrateġija proposta tal-UE ta’ spiss hija kkritikata bħala sempliċement
26/03/2015 Paġna 22 minn 29
soluzzjoni sekondarja (jiġifieri użata biss fejn il-partijiet litiganti ma jaħtrux arbitru jew
ma jistgħux jaqblu dwar il-President)
Kontributuri oħra (kumpaniji kbar, ditti legali, arbitraġġ istituzzjonijiet bħal ICC)
joġġezzjonaw għall-ħolqien ta’ rosters li jirrestrinġu l-għażliet tal-partijiet litiganti. Ir-
rosters huma wkoll ikkritikati għaliex huma żbilanċjati favur l-istati (minħabba li l-
investituri ma jieħdux sehem fil-ħolqien ta’ listi), minħabba li jippolitiċizzaw il-ħatriet
tal-arbitri u minħabba li ma jippermettux il-ħatriet ta’ arbitri b’għarfien speċjali rilevanti
għat-tilwim.
Mistoqsija 9. Tnaqqis fir-riskju ta’ każijiet frivoli u bla bażi
Kummenti fir-rigward ta’ talbiet frivoli u bla bażi jiffokaw fuq il-mekkaniżmu ta' talbiet
frivoli, notevolment dwar il-kamp ta’ applikazzjoni tiegħu, dwar l-aspetti proċedurali
tiegħu u dwar ir-rwol ta’ arbitri li jittrattaw tali talbiet.
Filwaqt li jħarsu lejn il-mekkaniżmu tat-talbiet frivoli, numru żgħir ta’ assoċjazzjonijiet
tan-negozju, organizzazzjonijiet u konsulenti oħrajn jargumentaw li talbiet frivoli u bla
bażi ma kinux jikkostitwixxu problema fil-passat u għalhekk ma hemmx bżonn li din il-
kwistjoni tiġi indirizzata bħalissa. Bl-istess mod, diversi trade unions u assoċjazzjonijiet
tan-negozji iqisu li mekkaniżmu bħal dan jeżisti diġà fir-regoli tal-ICSID għall-arbitraġġ
u l-ħolqien ta' wieħed ġdid ma jkun ta’ ebda valur miżjud.
Fil-kummenti tiegħu dwar l-ambitu tal-prinċipju, grupp żgħir ta’ dawk li wieġbu,
essenzjalment, li jirrappreżentaw it-trade unions u l-NGOs jemmnu li l-kamp ta'
applikazzjoni ta’ talbiet frivoli u bla bażi kif definit fit-test mhux se jkun biżżejjed biex
jiġi evitat l-abbuż tas-sistema mill-investituri. Huma jiddispjaċihom li dan ma jeskludix
talbiet li jikkawżaw ħsara pubblika serja. Minkejja t-talba minn uħud minn dawk li
wieġbu minn fost il-kategoriji għal definizzjoni aħjar ta’ talbiet frivoli/bla bażi, ma saret
l-ebda formulazzjoni konkreta.
Dawk li wieġbu wkoll jikkummentaw b’mod estensiv fuq il-proċedura proposta biex
tittratta t-talbiet frivoli u bla bażi. F’dan il-kuntest, il-kumitati nazzjonali tal-Kamra tal-
Kummerċ Internazzjonali jesprimu tħassib li l-effett kombinat ta’ dawn iż-żewġ Artikoli
jista’ jwassal għal dewmien proċedurali bla bżonn. Sabiex jilqgħu kontra r-riskju li Stat
b’mod sistematiku jqajjem oġġezzjonijiet bi skop li jdewwem il-proċedura, ċerti NGOs,
assoċjazzjonijiet tan-negozju u ditti legali jissuġġerixxu li l-proċedura għandha wkoll
tittratta “oġġezzjonijiet frivoli”.
Fl-eżami tal-prinċipju ‘min jitlef iħallas’ il-maġġoranza ta’ dawk li jikkummentaw
topponi l-applikazzjoni stretta. Il-kamp ta’ applikazzjoni u l-effett tal-prinċipju kienu
suġġetti għal kummenti.
B’rabta mal-kamp ta’ applikazzjoni, uħud minn dawk li wieġbu, essenzjalment minn
assoċjazzjonijiet tan-negozji, NGOs u kategoriji oħrajn, jissuġġerixxu li l-applikazzjoni
tal-prinċipju għandha ssir fl-istadju meta t-Tribunal jagħti d-deċiżjoni tiegħu dwar l-
eżistenza ta’ talba frivola u bla bażi. Suġġeriment ieħor, mir-rispondenti tal-NGOs u
26/03/2015 Paġna 23 minn 29
dawk governattivi, bil-għan li jitnaqqsu t-talbiet frivoli jikkonsisti f’li t-Tribunal ikun
jista' jimponi sanzjoni punittiva minbarra l-ħlas tal-ispejjeż tal-arbitraġġ li jinġarru mill-
parti li tkun għamlet talba frivola. Numru żgħir ta’ NGOs u trade unions jissuġġerixxu
wkoll definizzjoni aktar ċara ta’ “ċirkustanzi eċċezzjonali” peress li jemmnu li din id-
dispożizzjoni tista’ tkun sors ta’ dibattiti twal. Fl-aħħar nett, numru żgħir ta’
assoċjazzjonijiet tan-negozju, kumpaniji u oħrajn minn dawk li wieġbu jargumentaw li
l-arbitri għandhom iżommu d-diskrezzjoni li tingħata deċiżjoni fuq l-ispejjeż tagħhom
abbażi tal-valutazzjoni tagħhom stess.
Fir-rigward tal-effetti ta’ dan il-prinċipju, għadd ta’ kontribuzzjonijiet minn
assoċjazzjonijiet tan-negozju, NGOs, kumpaniji u gruppi oħrajn jargumentaw li
applikazzjoni ġenerali tal-prinċipju ta’ ‘min jitlef iħallas’ tista’ tiskoraġġixxi lill-SMEs
milli jużaw il-mekkaniżmu ISDS: ir-riskju li jħallsu l-ispejjeż f’każ ta’ talba li ma
tirnexxiex iżommhom milli jagħżlu t-triq tal-ISDS. Effett ieħor tal-prinċipju, għal xi
assoċjazzjonijiet tan-negozju, huwa li l-applikazzjoni tiegħu tista’ tkun ta’ diżinċentiv
biex tinstab alternattiva għar-riżoluzzjoni tan-nuqqas ta’ qbil. B’kuntrast ma’ dan, għal
numru ta’ NGOs Stat jista’ jkun lest li jħallas sabiex jevita li jħallas tariffi kbar.
Mistoqsija 10. Il-proċediment tat-talbiet (filtru)
Ħafna minn dawk li wieġbu, b’mod partikolari fost l-assoċjazzjonijiet tan-negozju,
għandhom il-biża’ li l-użu ta’ filters fis-soluzzjoni tat-tilwim jista’ jwassal għal ħafna
politiċizzazzjoni tat-tilwim, u jirrakkomandaw li jiġi evitat. Xi wħud iqisu li
mekkaniżmu ta’ filtru ma jwassalx għal sistema ta’ arbitraġġ aktar ġusta u ekwa, filwaqt
li oħrajn jibżgħu li mekkaniżmu tal-iffiltrar kif propost jista’ jillimita l-aċċess tal-
investituri biex jiksbu deċiżjoni newtrali u indipendenti għall-każijiet/talbiet tagħhom.
Min-naħa l-oħra, ħafna minn dawk li wieġbu, b’mod partikolari fost iċ-ċittadini u t-trade
unions, iħossu li filtru mhux se jkollu l-effikaċja biex iwaqqaf talbiet tal-ISDS,
minħabba n-natura konsenswali tiegħu.
Fl-istess ħin, għadd ta’ dawk li wieġbu jilqgħu l-introduzzjoni tal-filtru, pereżempju xi
wħud minn dawk li wieġbu jqisu li filtru huwa ġustifikat fi żminijiet ta’ kriżi finanzjarja
globali u oħrajn jappoġġjawha minħabba li huma jaraw dan bħala mod kif ma jkunx
hemm ir-riskju ta’ intepretazzjonijiet abbużivi minn tribunali tal-arbitraġġ.
Mistoqsija 11. Gwida mill-partijiet dwar l-interpretazzjoni tal-ftehim
Il-maġġoranza kbira ta’ dawk li wieġbu għall-mistoqsija mhix sodisfatta bl-approċċ
propost għall-kontroll mill-Partijiet dwar l-interpretazzjoni tal-ftehim (permezz ta’
interpretazzjonijiet vinkolanti u d-dritt ta’ intervent għall-parti mhux involuta fit-
tilwim), iżda jidher ċar li hi maqsuma f’dak li jirrigwarda r-raġunijiet għall-kritika.
Parti waħda (il-parti l-kbira huma NGOs u trade unions) tqis li l-proposti ma jagħtux
lill-Partijiet biżżejjed kontroll fuq il-proċeduri ta’ arbitraġġ, filwaqt li l-parti l-oħra
26/03/2015 Paġna 24 minn 29
targumenta li l-partijiet ma għandhomx jintervjenu mat-tribunali ta’ arbitraġġ, li
għandhom jibqgħu ħielsa li jiddeċiedu wkoll dwar kwistjonijiet ta’ interpretazzjoni (l-
aktar assoċjazzjonijiet tan-negozju u kumpaniji). Dan jirrifletti l-pożizzjoni aktar
fundamentali dwar l-ISDS: dawk li jargumentaw kontra l-ISDS jixtiequ aktar kontroll
mill-Partijiet matul il-proċess ta’ arbitraġġ u jqisu l-proposti bħala insuffiċjenti, filwaqt
li dawk li huma miftuħa għal tribunali ta’ arbitraġġ ma humiex lesti li jaċċettaw il-
kontroll mill-Partijiet u minn mekkaniżmi li potenzjalment jillimitaw id-diskrezzjoni
tat- tribunali.
Dawk li wieġbu li jikkunsidraw li l-mekkaniżmi ta' interpretazzjoni proposti huma
insuffiċjenti għamlu l-argumenti li ġejjin. L-ewwel nett, interpretazzjonijiet vinkolanti
jeħtieġu l-qbil taż-żewġ partijiet. Il-parti l-kbira ta' NGOs jikkunsidraw li dik il-parti
mhux involuta fit-tilwim ma għandhiex ikollha dritt ta’ veto. It-tieni nett, numru ta’
dawk li wieġbu (prinċipalment l-NGOs u trade unions) jargumentaw li t-tribunali
jistgħu fir-realtà ma jħossuhomx marbuta b’interpretazzjonijiet "vinkolanti" u li ma
hemmx mekkaniżmi ta’ infurzar.
Dawk li wieġbu li jikkunsidraw li l-mekkaniżmi ta' interpretazzjoni proposti jmorru
wisq lil hinn (assoċjazzjonijiet tan-negozju u kumpaniji) u jesprimu tħassib li l-proposti
jipprovdu poter eċċessiv lill-Partijiet. Huma jargumentaw li l-opinjonijiet għandhom
ikunu biss rakkomandazzjonijiet, u mhux vinkolanti għat-tribunal tal-arbitraġġ. Ir-
raġunijiet ewlenin invokati kontra interpretazzjonijiet vinkolanti jinkludu r-riskju ta’
politiċizzazzjoni ta' tilwim li jkun għaddej, ir-riskju ta’ preġudizzju tad-diskrezzjoni tal-
arbitri, u tħassib dwar il-ħolqien ta’ sistema riġida wisq. It-tħassib dwar
interpretazzjonijiet vinkolanti hu espress b’mod aktar qawwi fir-rigward tal-
applikazzjoni possibbli tagħhom għal każijiet pendenti. B’mod partikolari
assoċjazzjonijiet tan-negozju, kumpaniji, ditti legali u kmamar tal-kummerċ iwissu
kontra tali applikazzjoni billi jargumentaw li dan ikun kontra l-proċess dovut u
jipperikola ċ-ċertezza legali għall-investituri.
Fl-aħħar nett, diversi minn dawk li wieġbu jesprimu wkoll dubji dwar id-dritt ta’
intervent għall-parti mhux involuta fit-tilwim. Huma jqisu li dan għandu jitħaddem
b’attenzjoni u b’rieda tajba u għandu jkun akkumpanjat b’garanziji li jiżguraw li
kwalunkwe sottomissjoni ma tfixkilx jew tkun ta’ piż żejjed għal proċedimenti arbitrali
jew b’mod inġust jippreġudika xi parti litiganti.
Mistoqsija 12. Mekkaniżmu tal-appell u l-konsistenza tad-deċiżjonijiet
Il-proposta għal mekkaniżmu ta’ appell la hija opposta għal kollox u lanqas hija
appoġġjata għal kollox.
26/03/2015 Paġna 25 minn 29
Ħafna minn dawk li wieġbu fil-kategoriji kollha huma fil-prinċipju favur mekkaniżmu
tal-appell jew saħansitra jikkunsidrawah indispensabbli. Din il-fehma ġiet espressa
b’mod partikolari minn ħafna NGOs u diversi assoċjazzjonijiet tan-negozju, kumpaniji,
trade unions, gruppi ta’ NGOs u organizzazzjonijiet governattivi. Filwaqt li dawn jaraw
il-vantaġġi għall-possibbiltà ta' appell, huma fl-istess ħin jindikaw għadd ta’
kwistjonijiet ta’ tħassib. Għalhekk ma hemm l-ebda stampa ċara favur u lanqas kontra
mekkaniżmu tal-appell; minflok x’aktarx li jiddependi fuq il-forma konkreta tal-
mekkaniżmu u kemm it-tħassib jista' jew ma jistax jiġi indirizzat.
Il-vantaġġ prinċipali mressaq għal mekkaniżmu tal-appell huwa li jikkontribwixxi għal
aktar konsistenza u b’hekk ukoll għal ċertezza legali. L-iżvantaġġ imsemmi l-aktar spiss
hu li mekkaniżmu tal-appell jikkawża spejjeż u dewmien fil-proċedura. Xi wħud
ipproponew li jiddaħħlu skadenzi vinkolanti sabiex jiġi limitat id-dewmien.
Meta tkun qed tiġi eżaminata l-utilità ta’ mekkaniżmu ta’ appell, għadd ta’ dawk li
wieġbu jistaqsu jekk l-approċċ propost huwiex se jikseb l-objettivi (kemm NGOs kif
ukoll kumpaniji). F'dan ir-rigward l-ICCs u xi assoċjazzjonijiet tan-negozju
jargumentaw li mekkaniżmu tal-appell jirriskja li jikkomprometti l-finalità ta’ arbitraġġ,
biex b'hekk idgħajjef il-bażi fundamentali ta’ arbitraġġ internazzjonali. Għal dik ir-
raġuni, fil-prinċipju huma kontra mekkaniżmu tal-appell. Uħud minn dawk li wieġbu
(prinċipalment diversi kapitli nazzjonali tal-ICC) iqisu li mekkaniżmu tal-appell
mhuwiex meħtieġ minħabba li hemm biżżejjed mekkaniżmi eżistenti li jistgħu jintużaw:
il-mekkaniżmi ta’ kontroll disponibbli skont il-Konvenzjoni ICSID u l-Konvenzjoni ta’
New York urew li huma effettivi u jipprovdu bilanċ tajjeb bejn il-finalità u l-ġustizzja
proċedurali. Fl-aħħar nett, numru sinifikanti ta’ dawk li wieġbu f’kategoriji varji (eż.
assoċjazzjonijiet tan-negozju, NGOs, gruppi ta’ riflessjoni, organizzazzjonijiet tal-
gvern), jiddikjaraw li s-servizzi tal-Kummissjoni għandhom jipprovdu aktar
informazzjoni dwar l-istruttura u l-funzjonament ta’ mekkaniżmu ta’ appell jew isostnu
li huma ma jistgħux jiġġudikaw il-proposta priva minn informazzjoni dettaljata.
Il-biċċa l-kbira tat-tweġibiet rilevanti huma fil-prinċipju favur mekkaniżmu tal-appell.
Madankollu, huma jieħdu pożizzjoni pjuttost negattiva fuq il-proposta għaliex jippreferu
mekkaniżmu tal-appell differenti minn dak inkluż fid-dokumenti ta’ konsultazzjoni:
Ħafna assoċjazzjonijiet tan-negozji u l-kumpaniji, u xi NGOs, organizzazzjonijiet
oħrajn u kapitoli nazzjonali tal-ICC, iqisu li, jekk hemm bżonn ta’ mekkaniżmu,
għandu jiġi żviluppat fil-livell multilaterali, eż. f’kooperazzjoni mill-qrib mal-
UNCITRAL, ICSID u l-ICC.
Fl-aħħar nett għadd żgħir ta’ NGOs jissuġġerixxu li, jekk għandu jkun hemm
mekkaniżmu tal-appell, dan għandu jieħu l-forma ta’ Qorti Internazzjonali.
Tħassib importanti espress minn għadd sinifikanti ta’ dawk li wieġbu huwa li, bil-
multiplikazzjoni ta’ BITs, hemm riskju li jkun hemm frammentazzjoni kbira tal-
ISDS. Kull BIT jista’ jkollu mekkaniżmu ISDS u t-tribunali jistgħu jaslu għal
interpretazzjonijiet differenti tal-istess dispożizzjoni li hemm f'BIT differenti.
26/03/2015 Paġna 26 minn 29
Għalhekk dawn il-persuni jipproponu t-twaqqif ta’ dak li huma jsejħu “Mekkaniżmu
tal-Appell ġenerali” li japplika għat-trattati kollha ta' investiment.
Numru ta’ dawk li wieġbu jitolbu wkoll għal garanziji addizzjonali. Huma jsostnu li l-
mekkaniżmu tal-appell huwa kondizzjonali fuq l-indipendenza tal-arbitri u jipproponu,
pereżempju li għandu jkun fil-forma ta’ korp permanenti b’membri permanenti.
Rigward il-kamp ta’ applikazzjoni possibbli ta’ appell, il-biċċa l-kbira tar-rispondenti li
kkummentaw dwar din il-kwistjoni jikkunsidraw li dan ma jkoprix rieżami sħiħ (il-liġi u
l-fatti), iżda raġunijiet legali (jew esklussivament jew flimkien ma’ kwistjonijiet ta’
proċedura). Din il-fehma hija kondiviża minn għadd ta’ NGOs u NGOs umbrella, kif
ukoll minn xi assoċjazzjonijiet tan-negozju u kumpaniji.
Mistoqsija 13. Valutazzjoni ġenerali
It-tweġibiet ġenerali miġbura taħt din il-mistoqsija miftuħa kienu diġà ppreżentati
f’termini ġenerali fil-bidu ta’ din it-taqsima. Aktar dettalji huma disponibbli fl-annessi.
4. OQSMA GĦAL AKTAR XOGĦOL
Dan ir-rapport jippreżenta r-riżultati tal-konsultazzjoni pubblika dwar l-istrateġija
proposta tal-UE għal negozjati dwar il-protezzjoni tal-investiment u l-ISDS fit-TTIP.
Kif indikat fl-avviż ta’ konsultazzjoni, il-kwistjoni ewlenija għall-konsultazzjoni hija
jekk l-approċċ propost għal TTIP, kif jidher mit-testi ta' referenza ppreżentati, jilħaqx
bilanċ tajjeb bejn il-protezzjoni tal-investituri u s-salvagwardja tad-dritt u tal-kapaċità
tal-UE li tirregola fl-interess pubbliku.
B’mod ġenerali, tliet kategoriji ewlenin ta’ dikjarazzjonijiet huma identifikati fit-
tweġibiet:
i) dikjarazzjonijiet li jindikaw opposizzjoni għal TTIP b’mod ġenerali
ii) dikjarazzjonijiet li jindikaw tħassib dwar il-protezzjoni tal-investiment / l-ISDS
fit-TTIP jew b’mod ġenerali; kif ukoll
iii) dikjarazzjonijiet li jkun fihom fehmiet speċifiċi dwar il-kwistjonijiet identifikati
għall-konsultazzjoni.
Dikjarazzjonijiet li jindikaw oppożizzjoni għal TTIP b’mod ġenerali
L-ewwel kategorija tirreferi għal dikjarazzjonijiet li jindikaw oppożizzjoni għal TTIP
b’mod ġenerali. Minn konsultazzjoni preċedenti tagħha dwar it-TTIP, u d-dibattitu
pubbliku f’dan il-qasam, il-Kummissjoni hija konxja tal-fehmiet tal-partijiet interessati
differenti dwar it-TTIP b’mod ġenerali. Madankollu, il-kamp ta' applikazzjoni speċifiku
tal-konsultazzjoni preżenti huwa limitat għall-approċċ propost dwar il-protezzjoni tal-
investiment u l-ISDS għat-TTIP. Filwaqt li tikkunsidra dawn il-fehmiet, il-valutazzjoni
ulterjuri għal din il-konsultazzjoni trid tibqa’ ffokata fuq dikjarazzjonijiet ipprovduti fir-
rigward ta’ aspetti speċifiċi ppreżentati taħt kull waħda mill-mistoqsijiet magħmula.
26/03/2015 Paġna 27 minn 29
Dikjarazzjonijiet li jindikaw oppożizzjoni għall-ISDS fit-TTIP jew b’mod ġenerali
It-tieni kategorija ta’ dikjarazzjonijiet tindika tħassib dwar il-protezzjoni tal-investiment
/ l-ISDS fit-TTIP jew b’mod ġenerali. Ta’ min ifakkar li din il-konsultazzjoni ssir skont
ċirkostanzi speċifiċi fejn il-Kunsill unanimament ta fiduċja lill-Kummissjoni biex
tinnegozja standards għolja ta’ protezzjoni tal-investiment u l-ISDS fit-TTIP, bil-
kundizzjoni li r-riżultat finali jikkorrispondi għall-interessi tal-UE. Id-direttivi ta’
negozjati, għalhekk, jinkludu element ta’ kundizzjonalità u jagħmluha ċara li deċiżjoni
dwar jekk tiġix inkluża l-ISDS għandha tittieħed matul il-fażi finali tan-negozjati.
Għalhekk, din it-tieni kategorija ta’ tweġibiet tindirizza kwistjoni iktar wiesgħa minn
dik li kienet is-suġġett ta’ din il-konsultazzjoni. Għaldaqstant, din id-domanda aktar
wiesgħa għandha tiġi mwieġba, fid-dawl tal-isforzi ta;l-UE li jinsabu għaddejjin biex
tiġi riformata sostanzjalment il-protezzjoni tal-investiment u s-sistema tal-ISDS, u ta’
valutazzjoni ta’ dawn l-isforzi. .
Ta’ min jinnota li għadd ta’ kwistjonijiet ta’ tħassib huma bbażati fuq każijiet tal-ISDS
li għadhom mhux deċiżi. Ir-riżultati u l-konsegwenzi ta’ dawn il-każijiet mhumiex
magħrufa. Għalhekk, kwalunkwe konklużjoni fuq din il-bażi tidher li hi prematura. Iżda
s-servizzi tal-Kummissjoni jaqblu li r-riskji għad-dritt li jkun hemm regolamentazzjoni
li huma inerenti f’dawn il-każijiet għandhom ikunu s-suġġett ta’ dibattitu.
It-tieni nett, f’ħafna każijiet, dan it-tħassib huwa bbażat fuq tilwim tal-ISDS skont
ftehimiet eżistenti tal-investiment jew l-approċċ meħud fil-ftehimiet eżistenti ta’
investiment. Għandu jiġi mfakkar li l-approċċ propost għall-protezzjoni tal-investiment
u l-ISDS kien żviluppat ukoll fid-dawl tal-esperjenza li r-riżultati ta’ arbitraġġ taħt il-
ħafna ftehimiet eżistenti kultant kienu kontroversjali. L-UE, fl-eżerċizzju ta’
kompetenza prevista mit-Trattat ta’ Lisbona, għandha l-opportunità li tistabbilixxi
riforma wiesgħa tal-UE li ser tissostitwixxi r-reġim u telimina gradwalment it-trattati
eżistenti tal-Istati Membri5 Hekk kif l-approċċ propost jikkuntrasta b’mod pjuttost
sinifikanti mat-test ta’ ftehimiet eżistenti fid-dinja kollha, huwa diffiċli biex wieħed
jislet konklużjonijiet definittivi dwar il-merti tal-approċċ propost tal-UE bbażat fuq testi
qodma. B’mod partikolari, l-approċċ propost ikun jinkludi regoli biex tinkiseb it-
trasparenza għal proċedimenti tal-ISDS. Fil-ftehimiet tal-UE għaldaqstant ma jkunx
possibbli li t-tribunali tal-ISDS ikunu sigrieti jew li l-partijiet interessati ma jkunux
jistgħux jintervjenu u jibagħtu l-fehmiet tagħhom. L-approċċ propost jagħmel ħafna
biex jiġi indirizzat it-tħassib rigward il-kondotta u l-etika tal-arbitri, l-aktar permezz tal-
introduzzjoni ta’ kodiċi ta’ kondotta u lista predefinita (“roster”) li minnha l-partijiet
għal tilwim tal-ISDS jagħżlu l-arbitri. Din tal-aħħar se tippermetti li jiġu evitati l-
kunflitti ta’ interessi minn qabel. It-tielet nett, fir-rigward tat-tħassib dwar theddid
5 F’dan il-kuntest tista’ ssir referenza wkoll għall-Karta tad-Drittijiet Fundamentali tal-Unjoni Ewropea,
b’mod partikolari l-Artikolu 47 tagħha.
26/03/2015 Paġna 28 minn 29
possibbli għal-leġiżlazzjoni fl-interess pubbliku, għandu jiġi nnutat li l-ISDS huwa
strettament mekkaniżmu ta’ infurzar tad-dispożizzjonijiet ta’ protezzjoni tal-
investiment. L-ISDS mhux sistema li tagħti lill-investituri dritt li jirrieżaminaw jew
jemendaw il-leġiżlazzjoni. Sabiex jagħmlu talba, l-investituri jridu jkunu kapaċi juru l-
ksur ta’ waħda mill-istandards ta’ protezzjoni ta’ investiment u ħsara ekonomika li
tirriżulta minn investiment ta’ investitur barrani. Barra minn hekk, l-approċċ propost tal-
UE jimmira li jkompli jiġi indirizzat tħassib dwar il-ħtieġa li jiġu evitati sfidi għal
leġiżlazzjoni jew regolamentazzjoni għal skop pubbliku billi jiġu ċċarati l-istandards ta’
protezzjoni tal-investiment u li tiġi evitata interpretazzjoni mhux mixtieqa. Pereżempju,
skont id-dispożizzjonijiet riformati dwar l-esproprjazzjoni jew id-definizzjoni aktar
preċiża ta’ “trattament ġust u ekwu” mhuwiex aktar possibbli li wieħed jipprevedi talba
li tintlaqa’ minn investitur kontra leġiżlazzjoni ta’ interess pubbliku li sempliċiment
jaffettwa l-profitti tiegħu.
Madankollu, il-bilanċ li għandu jintlaħaq bejn id-dritt tar-regolazzjoni u l-protezzjoni
tal-investiment hu fil-qalba ta’ din il-konsultazzjoni u huwa rikonoxxut bħala wieħed
mill-oqsma li fuqhom se jkompli jsir aktar xogħol.
F’dak li għandu x’jaqsam mal-kondotta tal-investituri, l-approċċ propost jipproteġi biss
investimenti magħmula skont il-liġi applikabbli fl-Istat ospitanti. Dan ifisser li
investituri jkunu konformi ma’ firxa sħiħa ta’ obbligi applikabbli fil-ġurisdizzjoni
ospitanti, pereżempju f’termini ta’ drittijiet fundamentali, il-liġijiet tax-xogħol jew tal-
ambjent. L-Istat ospitanti jibqa’ f’pożizzjoni li jiddefinixxi l-obbligi speċifiċi
applikabbli għall-investituri fit-territorju tiegħu. Barra minn hekk, waħda mill-iktar
novitajiet importanti tal-approċċ propost huwa li d-dispożizzjonijiet fl-istess ftehim
dwar il-protezzjoni tal-investiment u d-dispożizzjonijiet dwar l-iżvilupp sostenibbli
jkunu appoġġjati b'mod reċiproku. Dawn tal-aħħar jinkludu, fost l-oħrajn, referenzi
speċifiċi għal konvenzjonijiet internazzjonali dwar ix-xogħol jew l-ambjent jew
projbizzjoni li jitbaxxew il-livelli ta’ protezzjoni soċjali u ambjentali bil-għan li jattiraw
l-investiment. Dawn jinkludu wkoll referenzi għal skemi internazzjonali eżistenti ta’
responsabbiltà soċjali korporattiva li japplikaw direttament għall-imġiba tal-investituri.
Dikjarazzjonijiet li jkun fihom fehmiet speċifiċi dwar il-kwistjonijiet identifikati għall-
konsultazzjoni
It-tielet kategorija tikkonsisti f’dikjarazzjonijiet li jkun fihom fehmiet speċifiċi dwar il-
kwistjonijiet identifikati għall-konsultazzjoni. Dawn jippreżentaw livell konsiderevoli
ta’ dettall u jinkludu ħafna drabi rakkomandazzjonijiet speċifiċi għal approċċ tal-UE
propost. Bosta tweġibiet jirrikonoxxu li l-approċċ propost huwa progress meta mqabbel
mal-mudelli eżistenti.
L-istampa li toħroġ minn dawn it-tweġibiet toffri firxa aktar kompluta u dettaljata ta’
tweġibiet u huwa għalhekk riżultat importanti ta’ din il-konsultazzjoni. Hemm id-
diviżjonijiet ċari bejn il-pożizzjonijiet adottati minn ċerti kategoriji ta’ dawk li wieġbu,
iżda hemm ukoll oqsma ta’ kunsens possibbli jew reali, b’mod partikolari rigward aktar
titjib.
26/03/2015 Paġna 29 minn 29
Din l-analiżi tikkonferma li l-punt tat-tluq għal riflessjoni dwar il-pożizzjoni tal-UE fit-
TTIP huwa l-approċċ propost fit-test ta’ referenza. Madankollu, il-konsultazzjoni turi
wkoll li hija meħtieġa aktar ħidma għat-TTIP. Dan in-negozjar jista’ jippreżenta
karatteristiċi speċifiċi li jeħtieġu żvilupp ulterjuri tal-pożizzjoni tal-UE. Pereżempju, ir-
relazzjoni ta’ investiment bejn l-UE u l-Istati Uniti hija bil-bosta l-akbar u l-aktar
profonda fid-dinja. Dawn iċ-ċirkostanzi għandhom jiġu kkunsidrati u li t-TTIP għandha
implikazzjonijiet iktar wiesgħa minn ftehimiet oħra nnegozjati mill-UE.
Fuq din il-bażi, mingħajr preġudizzju għal kwalunkwe kwistjoni oħra, hemm b’mod
partikolari erba’ oqsma fejn titjib ulterjuri għandu jiġi esplorat:
- il-protezzjoni tad-dritt għar-regolamentazzjoni;
- it-twaqqif u l-funzjonament tat-tribunali ta' arbitraġġ;
- ir-relazzjoni bejn is-sistemi ġudizzjarji domestiċi u l-ISDS;
- ir-rieżami ta’ deċiżjonijiet tal-ISDS permezz ta’ mekkaniżmu tal-appell.
Fl-ewwel kwart tal-2015, is-servizzi tal-Kummissjoni għalhekk għandhom l-intenzjoni
li jkomplu jikkonsultaw il-partijiet interessati tal-UE, l-Istati Membri tal-UE u l-
Parlament Ewropew dwar l-oqsma msemmija hawn fuq, bħala parti minn dibattitu usa’
dwar il-protezzjoni tal-investiment u l-ISDS fit-TTIP bil-ħsieb li jippermettu li l-
Kummissjoni tiżviluppa proposti konkreti għan-negozjati tat-TTIP. Għandu jitfakkar li
bħalissa mhux qed isiru negozjati dwar din il-kwistjoni. L-iżvilupp ta’ approċċ ġdid
dwar il-protezzjoni tal-investiment u li l-ISDS ikun jissodisfa għal kollox l-interess tal-
UE kif ukoll ikun kompletament konformi mal-impenn li ttieħed quddiem il-Parlament
Ewropew huwa objettiv ewlieni tan-negozjati tat-TTIP.
***