ÅRSMELDING 2018 LUSTER TURLAG · Tore Sønnesyn, Anders Johnsen, Stein Bugge Næss, Arne Fossøy, Bjarne Venjum, Nils Oma, Håvard Ruud og Ole-Hermann Meløy. Framme frå venstre:

ÅRSMELDING 2018

LUSTER TURLAG

Bilete frå Luster Turlag sin skitur til Asbjørnsnosi 22. april 2018

Årsmelding 2018 Luster Turlag

Vår hovudsponsor:

Arbeidet i styret for Luster Turlag

I samsvar med vedtektene er føremålet til Luster Turlag «å arbeide for eit enkelt, aktivt, sikkert og natur-

venleg friluftsliv». Arbeidsområdet er Luster kommunen, og hovudoppgåvene er:

- å skipa til varierte turar som passar for alle aldersgrupper sommar som vinter, og å presentere

turane i eit årleg turprogram.

- å varda og merke ruter og delta i opplysningsarbeid om natur og kultur i kommunen.

- å forvalta og ta vare på fast eigedom (hytter) på ein forsvarleg måte.

I samsvar med vedtektene vert turlaget leia av eit styre på 7 medlemmer med 3 varamedlemmer. I styret

skal ein medlem representere DNT Ung Luster og ein Barnas Turlag. Styremedlemmane vert valde for tre

år om gongen og varamedlemmane for eitt. Leiar vert valt av årsmøtet for eitt år. Styret konstituerer seg

sjølv med nestleiar, skrivar og kasserar for eitt år av gongen. Styret for Luster Turlag har hatt slik saman-

setting i 2018 (ingen hadde rolla som skrivar, og dette vart derfor utført av styreleiar):

Leiar: Ole Schanke Eikum

Nestleiar: Berit Kristin Lad

Kasserar: Arne Fossøy

Styremedlem: Anders Leirdal

Styremedlem: Solveig Seim Lysne (leiar BT)

Styremedlem: Håvard Ruud (leiar DNT Ung)

Styremedlem: May Tone Feten Høyheim

Varamedlem: Ole-Hermann Meløy

Varamedlem: Even Loe

Varamedlem: Bjarne Venjum

Styret og medlemmer av hyttestyra, samla på Eikum Hotell i desember 2018: Bak frå venstre: Anders Leirdal,

Tore Sønnesyn, Anders Johnsen, Stein Bugge Næss, Arne Fossøy, Bjarne Venjum, Nils Oma, Håvard Ruud og Ole-

Hermann Meløy. Framme frå venstre: Kari Ødegård, Ingeborg Flaten May Tone Feten Høyheim, Solveig Seim

Lysne og Ole Schanke Eikum. Berit Kristin Lad, Even Loe og Einvald Søreide Erichsen var dessverre ikkje til stades.

Styret hadde 6 fysiske møte i 2018; 5. januar, 9. februar, 20. mars, 12 juni, 24. november og 19. desember.

Styret har i tillegg fått nokre orienteringssaker på e-post i løpet av oktober månad. Styret hadde samling

på Fuglesteg 27 – 28. oktober for å sette opp turprogrammet for 2018. I samband med styremøtet i

desember, hadde styret og hyttestyra felles samling med juletallerken på Eikum Hotell. Det er ikkje

utbetalt noko godtgjersle til tillitsvalte i turlaget for 2018, ut over kostnadsdekking for utlegg og bruk av

eige køyrety/båt.


Vår hovudsponsor:

I samsvar med vedtektene kan styret oppnemne

nemnder for løysing av konkrete oppgåver, og

turlaget er organisert med følgjande grupper:

Barnas Turlag

DNT Ung Luster

Kajakkar og kajakknaustet

Fivla Turisthytte

Fuglesteg Turisthytte

Byggenemnda for Nye Tungestølen Turisthytte

Dagturhytta Eikjabu (ny)

Leiarane for gruppene har høve til å delta på

styremøta på Luster Turlag, og leiarane for

Barnas Turlag og Ung er også faste styre-

medlemmer. Ein viktig del av styremøta er

nettopp rapportering av status og planar frå dei

ulike gruppene i turlaget.

Synfaring på dagturhytta Eikjabu saman med

kommunen og grunneigar: Johannes Øygarden,

Johannes Vedvik, Erling Bjørnetun, Anders Leirdal,

Kåre Reidar Aasen, Arne Fossøy og Håvard Ruud.

I tillegg har styret mellom anna handsama følgjande saker i 2018: Årsrekneskap og årsmelding for 2017,

Turprogrammet for 2018, Fornying av sponsoravtalen med Luster Sparebank, Førebuing av Årsmøtet, Val

av utsendingar til Årsmøtet for Sogn og Fjordane Turlag, Konstituering av styret, Etablering- og drift av

dagsturhytta, Drøfting av planane for Nye Tungestølen Turisthytte, Invitasjon til medlemsskap i Luster

Frivilligsentral og til samarbeid om fysisk aktivitet, Gjennomgang av forsikringane for hyttene, lageret og

kajakknaustet, Drøfting av parkerings- og toalettløysing for kajakknaustet, Restaurering av høyløa på

Fuglesteg, Framføring av straumkabel til Tungestølen, Planlegging av grunnsteinnedlegging Tungestølen og

markering av DNT sitt 150-årsjubileumet på Ormelid, Drøfting av driftsmodellen for Nye Tungestølen

Turisthytte og Generell flytting av tidspunktet for årsmøtet i samsvar med «DNT sin årskalender».

Styret har også i oppgåve å gjennomføre årsmøte i Luster Turlag, og dette fann stad 9. februar 2018 på

Gaupne Barneskule.

Luster Sparebank har vore turlaget sin hovudsponsor, og i 2018 vart det inngått revidert sponsoravtale

som vil gjelde for åra 2018, 2019, 2020 og 2021. Luster Sparebank vil yte turlaget eit tilskot på 230.000

kroner (inkl. mva.) i avtaleperioden, slik at årleg utbetaling kjem på 57.500 kroner. Luster Sparebank skal

vera hovudsponsor for turlaget og vera den einaste banken/finansinstitusjon som laget eksponerer i

reklame og profilering. Det skal gjennomførast ein årleg samtale mellom turlaget og banken for å sjå til at

samarbeidet fungerer etter intensjonane. Avtalen gjev banken rett til å reforhandla samarbeidsavtalen for

ein ny periode.

Luster Frivilligsentral har invitert Luster Turlag til å gå inn på eigarsida i frivilligsentralen. Føremålet er å

gjere informasjonsutveksling lettare og for koordinering av ulike frivillige aktivitetar. Frivilligsentralen

arrangerer mellom anna «FriMoro» for 4 til 7 klasse og «Til Topps» for å aktivisere/integrere innvandrarar,

samt utlån av turutstyr. Luster Frivilligsentral har ein administrativ ressurs i full stilling, som er finansiert

via prosjektmidlar, og Frivilligsentralen er positiv til å kunne utføre administrativt arbeid for turlaget.

Luster Turlag har ikkje tatt stilling til og svart på invitasjonen til å gå inn på eigarsida og invitasjonen til

samarbeid.


Vår hovudsponsor:

Medlemskap i Sogn og Fjordane Turlag og tilknyting til DNT

Luster Turlag er eitt av dei 14 lokallaga i Sogn og Fjordane Turlag, og Luster Turlag er dermed ein del av

Den Norske Turistforening (DNT). Ole Schanke Eikum og Ole-Hermann Meløy var turlaget sine utsendingar

til årsmøtet i Sogn og Fjordane Turlag 26 – 27. januar 2018, der Maria Kalhagen frå DNT Ung Luster vart

valt inn i det nyoppretta ungdomsutvalet i Sogn og Fjordane Turlag. Maria Kalhagen var også med i Sogn

og Fjordane Turlag sin delegasjon til landsmøtet for DNT Ung i Drammen 6 – 8. april.

På DNT sit landsmøte 11. juni 2018, vart Stein Bugge

Næss og 7 andre tildelt «Hedersknappen» for «i

særlig grad har arbeidet eller vist interesse til beste

for foreningen eller dens formål”. Hedersknappen

vart utdelt av styreleiar i DNT, Berit Kjøll. Stein får

denne høgthengande utmerkinga for sin innsats som

turleiar, forfattar, hyttebyggjar og ikkje minst

styreleiar i Luster Turlag i knappe 40 år. Luster

Turlag sluttar seg til gratulasjonane!

Stein Bugge Næss og Berit Kjøll

(Foto: Marius Dalseg)

Den Norske Turistforening vart stifta av Thomas Heftye 21. januar 1868. Dermed kunne DNT feire 150 års-

jubileum i 2018, og dette vart markert med ei rekke arrangement rundt om i Norge. Eitt slikt DNT-

arrangement var den direkte TV-sendinga på NRK «Monsen – minutt for minutt», som blant anna var

innom Sognefjellshytta, Fanaråkhytta og Skogadalsbøen. Saman med Familieekspedisjonen (Leirdalen og

Nørstedalen) og 71° Nord (Fuglesteg), har slike TV-sendingar bidrege til auka interesse for friluftsliv og for

hyttene våre Fivla og Fuglesteg.

I samarbeid med Sogn og Fjordane Turlag, har Luster Turlag arrangert BaseCamp Vinter på Fivla og

BaseCamp Sommar på Tungestølen. På BaseCamp Fivla var det totalt 18 deltakarar, derav 5 frå Luster. Og

for BaseCamp Sommar var det totalt 34 deltakarar, der 1 leiar og 5 deltakarar var frå Luster. Luster Turlag

dekker kostnadene for våre medlemmar.

Luster Turlag hadde også besøk av generalsekretær i DNT, Nils Øveraas på både grunnsteinnedlegginga på

Tungestølen og under markeringa av DNT sitt 150 årsjubileum på Ormelid. Styreleiar Marino Ask i Sogn og

Fjordane Turlag deltok også på Ormelid.

Frå Luster Turlag si markering av DNT sitt 150- årsjubileum på Ormelid (Foto: Sogn & Fj. Turlag.


Vår hovudsponsor:

For Fellesmøtet i Sogn og Fjordane Turlag 20 – 21. oktober 2018, representerte Ingeborg Flaten Luster

Turlag. Ingeborg har også rolla som leiar i valnemnda for Sogn og Fjordane Turlag.

Jette Bergfjord vart frå 15. oktober tilsett i Sogn og Fjordane Turlag, i nyoppretta 50% stilling som prosjekt-

leiar for born og unge. Jette Bergfjord er å finne på turlagskontoret i Førde, men ho vil arbeide for å opp-

retta nye Ung-lag tilknytta lokallaga, utvida friluftstilbodet med fleire aktivitetar for born og unge og bidra

til at ungdom blir kjent med tilboda til DNT. Stillinga er finansiert av Sogn og Fjordane Fylkeskommune og

er ei eittårig engasjement i fyrste omgang.

Styret vedtok på møtet i desember 2018 ei generell flytting av tidspunktet for årsmøtet i samsvar med «DNT sin

årskalender».

Utvikling i medlemmer i Luster Turlag

Talet på medlemmar auka med 25 stykk siste året, noko som tilsvarar ein medlemsveksten på 4%. Det er svært

gledeleg at talet på medlemmar veks igjen, etter at det medlemsveksten flata ut frå 2016 til 2017. Denne veksten

kjem trass i at turlaget ikkje har hatt nokon spesiell vervingskampanje siste året. Men turlaget har vore bra

synlege med stand på Lustramarknaden og synleg på Facebook, og det har vore eit aktivt år med stort tur-

program i tillegg til opning av dagsturhytta Eikjabu, kunstutstilling og konsertar på Fuglesteg, grunnsteinned-

legging på Tungestølen og markering av DNT sitt 150 års jubileum på Ormelid.

For 2018, er dei til saman 171 medlemmane i kategorien «Familie-Husstandsmedlem» fordelt på kategoriane

Barn/Skuleungdom/Ungdom /Husstandsmedlem. No manglar tilsvarande oppsplitting av «Familie-Hustands-

medlem» for tidlegare år, men tilsynelatande er det vekst i alle kategoriar med unnatak av kategorien

«Hovudmedlem» som er redusert med 3 stk.

Luster Turlag har ein høg andel medlemmar i forhold til folketalet i Luster kommune, og vi har også eit 60-tals

støttemedlemmar utanfor kommunen.

Aktiviteten i Luster Turlag i 2018

Det viktigaste målet for Luster Turlag har vore å tilby aktivitetar som kan få folk i alle aldrar ut i den flotte

naturen vår, og vi legg bak oss eit svært aktivt år i 2018 med rekorddeltaking.

2018 2017 2016 2015

Honnør 54 51 45 44

Hovudmedlem 242 245 252 262

Familie - Hovudmedlem 47 38 29

Husstandsmedlem 147 101 109 135

Ungdom 65 41 38 37

Skuleungdom 64 26 36 58

Barn 101 46 71 113

Livsvarig 13 12 12 12

Familie - husstandsmedlem * 148 116

733 708 708 661

Vekst, år for år 4 % 0 % 7 %* 171 familie-hustandsmedlemmar er fordelt på kategoriane

barn/skuleungdom/ungdom/hustandsmedlem


Vår hovudsponsor:

Tabellen ovanfor viser ein oppsummering av deltakinga på turlaget sine aktivitetar. Den totale deltakinga har vist

ein redusert oppslutting frå 2015 til 2017, og for å få betre oppsyn med deltakarutviklinga, har ein valt å skilje

arrangement ut frå dei ordinære turane, samt splitte UNG- og BT-arrangementa.

Årsaka til den rekordhøge deltakinga i 2018, skuldast

ekstraordinære arrangement som opning av dagstur-

hytta, grunnsteinnedlegging på Tungestølen og

markering av DNT sitt 150 års jubileum, med til saman

495 deltakarar. Dersom ein korrigerer for desse tre

ekstraordinære arrangementa, er deltakartalet på

1152, som er auke frå dei to føregåande åra. Korrigert

for dei tre ekstraordinære arrangementa i 2018, er

gjennomsnittleg deltaking på alle dei 33 ordinære

turane og arrangementa på 35 stykk, noko som er ein

svak nedgang frå året før.

Markeringa av DNT sitt 150 års jubileum på Ormelid

Statistikken viser at arrangement utgjer ein stadig større del av turlaget sin aktivitet, og den er også positiv for

besøkstala og inntektene på Fuglestegshytta. I fjor hadde vi 7 arrangement, der vi estimerer det samla talet på

deltakarar til 690 stykk:

- Ordinært årsmøtet i turlaget, 9. februar (65 deltakarar)

- Opninga av dagsturhytta Eikjabu, 12. mai (estimert 145 deltakarar)

- Opning av Guro Stokkebø Andersen si kunstutstilling på Fuglesteg, 1 juli (50 deltakarar)

- Konsert med Liv Kreken på Fuglesteg, 14. juli (50 deltakarar)

- Konsert med Linda Gytri Trio på Fuglesteg, 29. juli (30 deltakarar)

- Grunnsteinnedlegging på Tungestølen, 25. august (estimert 175 deltakarar)

- Markering av DNT sitt 150 årsjubileum på Ormelid, 26. august (estimert 175 deltakarar)

2018 2017 2016 2015

Talet på turar/arrangement 36 27 34 47

Deltakarar - Barnas Turlag/UNG 535 586 624

Deltakarar - ordinære turar/arrangement 485 516 585

Deltaking - ordinære turar 246

Deltaking - UNG-arrangement 257

Deltaking - BT-arrangement 454

Deltaking - arrangement 690

Deltaking totalt 1647 1020 1102 1209

Gjennomsnittleg deltaking* 35 38 32 26

Topp-/Turbotrimmen - registreringar 1060 1060 1020 1140

Fivla - Overnatting 280 400 316 284

Fivla - Dagsbesøk 350 315 274 240

Fuglesteg - Overnatting 640 640 525 560

Fuglesteg - Dagsbesøk 6300 6150 5450 5350

Eikjabu - dagsbesøk 760

Utlån av kajakkar 640 460 430 650

* korrigert for dei tre ekstraordinære arrangementa i 2018.


Vår hovudsponsor:

Opning av Guro Stokkebø Andersen si kunstutstilling på Fuglesteg, 1 juli 2018

Dei ordinære turane i turlaget sin regi omfattar til saman 9 turar i fjor, med totalt 246 deltakarar:

- Toppturhelg på ski rundt Fivla, 28 – 29. februar (5 deltakarar)

- Måneskinnstur på ski til Vorfjellet, 2. mars (7 deltakarar)

- Skitur til Asbjørnsnosi frå Leirdalen, 22. april (5 deltakarar)

- Topptrim/Skitur til Gravdalstind frå Krossbu, 21. mai (48 deltakarar)

- Rundtur i Jostedal, 17. juni (7 deltakarar)

- Brekryssing Fåbergstølsbreen – Bødalsseter, 7. juli (17 deltakarar)

- Vigdalsdilten, 22. juli (90 deltakarar)

- Topptrim/Tur til Tuftanovi frå Anestølen, 12. august (63 deltakarar)

- Stølstur til Kringla, 30. september (4 deltakarar)

Brekryssinga Fåbergstølen – Bødalseter, 7. juli 2018

Oppsplittinga av statistikken, vil eventuelt avsløra om det er oppsluttinga om dei ordinære turane som bidrar til

ein negativ deltakartrend. Den totale deltakinga er sjølvsagt avhengig av kor mange turar vi får gjennomført, og i

2018 var det berre to av dei ordinære turane som vart avlyste: Turen til Vangsen via Dyreskori (19. august) og

topptrim-turen til Bjørkanosi (16. september). Med frå 4 til 90 deltakarar, har dei ordinære turane stor variasjon i


Vår hovudsponsor:

deltakinga, og utfordringa framover er å ha eit turprogram som vekker interessa hos turfolket. Topptrimturane

og brekryssinga viser stadig høg deltaking. Og så er det kjekt at den klassiske Vigdalsdilten oppnådde så høg

deltaking i sitt 40. jubileumsår!

Bilete frå Vigdalsdilten som er innom Fivla, 22. juli 2018.

Beredskapsplanen vart ikkje oppdatert i 2018 (sist gjennomgått i 2017), men den fungerer tilsynelatande godt.

Turleiarar er kjent med beredskapsplanen og gjennomfører risikovurdering både i planlegging og gjennomføring

av turane. Det er ikkje rapportert nokon alvorlege hendingar på turane eller arrangementa i 2018. Som sagt vart

to turar avlyst etter at turleiar vurderte vêrmeldingar. Barnas Turlag sine klatreaktivitetar vert leia av kvalifiserte

personar frå Sogndal klatreklubb.

I 2017 starta det opp ny Topptrim med dei ti toppane Gravdalstind, Tuftanovi, Leirbotnnosi, Gruvefjellet,

Kaldrasane, Lioksli, Rønneidseggi, Bjørkanosi, Solvornsnipa og Tausasva. Topptrimmen går fram til og med 2019.

Turbotrimmen er eit tilbod for born/unge, og starta også opp i 2017 – på tre år skal ein besøke tre lettaste

topptrimtoppar + dei fem turbotrimtoppane Vorfjellet, Spørteggbu, Klibberseggi, Fivla og Bølifossen.

Bilete frå turen Anestølen – Tuftanovi (topptrimtopp) - Veitastrond, 12. august 2018.


Vår hovudsponsor:

Som tala viser, held den gode besøksutviklinga for Fuglesteg fram i 2018. Fuglesteg fekk ein knallstart på

sommarsesongen med fint varmt vêr både i 17. mai-helga og i pinsehelga, og dette fine vêret held fram utover

sommaren. Fuglesteg har også hatt fleire arrangement i løpet av sommarsesongen som har bidrege til godt

besøk. Toppsesongen for Fivla er august og september månader, og vêromslag som kom med mykje regn er

truleg årsaka til redusert overnattingar for Fivla i 2018. 400 overnattingar på Fivla i 2017 er også truleg feil, så

nedgangen er truleg i storleiken 40 – 50 overnattingar. Men talet på dagsbesøk på Fivla har auka, og dei 90

deltakarane på Vigdalsdilten er medverkande til dette gode besøket). Talet på utleige av kajakkar vart 640 i 2018,

og er dermed opp mot rekordåret i 2015. Etablering av dagsturhytta Eikjabu i mai og den fine sommaren er nok

forklaringa til den auka interessa for kajakk-utleiga. Dagsturhytta Eikjabu hadde 760 registrerte gjestar i

hytteboka denne første sesongen, etter opninga 12. mai 2018.

Konsert med Linda Gytri Trio på Fuglesteg, 29. juli

Barnas Turlag

Solveig Seim Lysne har hatt ansvar for Barnas Turlag, og ho er også fast styremedlem i Luster Turlag.

Barnas Turlag består elles av 5 – 6 personar som arrangerer aktivitetane og turane. Barnas Turlag har hatt

eit aktivt 2018, med heile 14 arrangement spreidd over heile året, og med til saman 454 deltakarar.

Bilete frå DNT Ung & Barnas Turlag: «Kom deg ut»-dagen på Heggmyrane 21. januar

Dette var Barnas Turlag sitt program i 2018:


Vår hovudsponsor:

- Kom deg ut dagen på Heggmyrane, med markering av stiftinga av DNT. 21. januar (150 deltakarar)

- Klatring på Fjordstova, 18. mars (17 deltakarar)

- Skitur på Nigardsbregrandane, 7. april (5 deltakarar)

- Vårtur på Nes med hesteriding, 6. mai (40 deltakarar)

- Fottur til Kleberg, 27. mai (11 deltakarar)

- Generasjonstur til Feigefossen (22 deltakarar)

- Fottur til Soget og Simosete, 10. juni (Fellestur med BT Sogndal, 5 deltakarar frå LuT)

- Molden Opp – Natursti, 16. juni (80 deltakarar)

- Fottur til Spørteggbu/Hytta på Mannen, 19. august (9. deltakarar)

- Leik og klatring ved Trollsteinen i Fortun, 25. august ( 12 deltakarar)

- Kom deg ut dagen på Navarsete, 2. september (40 deltakarar)

- Klatring på Fjordstova, 21. oktober (6 deltakarar)

- Lommelukttur i Gaupne, 9. november (27 deltakarar)

- Klatring på Fjordstova, 25. november (30 deltakarar)

-

Bilete frå Barnas Turlag: Vårtur på Nes med hesteriding, 6. mai

DNT Ung, Luster

Håvard Ruud har hatt ansvar for DNT Ung i Luster og han er også fast styremedlem i Luster Turlag. Håvard

har hatt med seg Maria Kalhagen, Gunnar Elgersma, Knut Kalhagen og Andrea Fiskaa Haugen. For DNT Ung

er det utfordringar med både å mobilisere tillitsvalte og å få oppsluttingar om turar, særskilt i 2. halvår

2018. For 2019 har ikkje DNT Ung nokon turar i turlaget sitt programmet.

Bilete frå BaseCamp Vinter på Fivla


Vår hovudsponsor:

DNT Ung har gjennomført dette programmet i 2018, med totalt 257 deltakarar:

- Kom deg ut dagen på Heggmyrane, med markering av stiftinga av DNT. 21. januar (150 deltakarar)

- BaseCamp Vinter på Fivla i samarbeid med S & Fj Turlag, 24 – 27. mars (18 deltakarar, 5 frå LuT)

- Skitur til Buskrednosi, 31. mars (3 deltakarar)

- Opptur for 8. klassingar, 6. mai (72 deltakarar)

- Kajakk Grunnkurs, 23 – 24. juni (3 deltakarar)

- BaseCamp Sommar på Tungestølen i samarbeid med S & Fj Turlag, 25 – 29. juni (34 deltakarar, 5 frå LuT)

KDU-dagen vart arrangert i eit samarbeid mellom DNT Ung og BT, med til saman 300 deltakarar. Opptur-

arrangementet og BaseCamp-arrangementa har god oppslutting. Turen 31. mars skulle eigentleg gå til

Steindalsnosi, men på grunn av skredfare vart turen lagt om til Buskrednosi. 6 personar var påmeldt

sommarens kajakk-kurs, men berre 3 stykk møtte opp . Ein bør derfor vurdere bindane påmelding, slik at

ein ikkje tek opp plassar for andre som ønskjer å delta. DNT Ung sin helgetur til Skogadalsbøen i juli vart

slått saman med S & Fj Turlag sin Ung-tur til Skogadalsbøen i august, men denne vart avlyst på grunn av for

liten påmelding – trass i at LuT tilbaud sponsa deltakingsavgifta med 500 kroner/person. Raftinga i

Jostedøla vart også avlyst på grunn av liten oppslutting. DNT Ung har ansvar for drift av dagsturhytta og

DNT Ung arrangerte kajakktur til Eikjabu for ungdomens kommunestyre i 2018.

Bilete frå opning av dagsturhytta Eikjabu, 12. mai

Kajakkar og kajakknaustet

Einvald Søreide Erichsen har hatt ansvaret for kajakknaustet. Kajakknaustet ligg i Vedviki, 5 km frå Mari-

fjøra, og har 10 enkle og 3 doble kajakkar, med alt utstyr som trengst for ein trygg padletur på fjorden:

- 17 årar

- 17 flytevestar

- 17 trekk

- 2 redningsvestar, born

- 10 pumpar

- 6 svampar

Kajakkane er til gratis lån for DNT-medlemmar, og naustet er låst med DNT standardnøkkel. Som forventa

auka utlånet av kajakkar kraftig i 2018, og opninga av dagsturhytta på Ytre Eikjo er nok ein viktig årsak til

dette – i tillegg til den varme og fine sommaren. Det varme vêret i fjor sommar kunne fort slå om med

kraftig vind og bølgjer på ettermiddagane, og det vart også rapportert nokre hendingar med turlaget sine


Vår hovudsponsor:

kajakkar som følgje av slike bra vêromslag. Turlaget gjekk då ut med informasjon og at padlarane måtte

vurdere risikoen for brå vêrskifter og gjerne halde seg nær til land. Turlaget tilrår at padlarane har grunn-

leggande kurs i padling eller tilsvarande erfaring.

Bilete frå kajakknaustet i Vedviki 2018.

Ved gjennomgang av forsikringane i turlaget, viste det seg at utstyret i kajakknaustet ikkje var forsikra. Det

er no på plass tingforsikring på 200.000 kroner.

Dei seinare åra har det til tider vore parkeringsproblem ved kajakknaustet, og det er også behov for

toalett-fasilitetar. Desse forholda har vore til sjenanse og plage naboane i Vedviki. Styret drøfta situas-

jonen i året som gjekk, og fekk utarbeida ei skisse og kostnadsoverslag på opparbeiding av parkeringsplass

og med eit toalett/sanitæranlegg, tilsvarande det kommunen har sett opp på Krossen/Mollandsmarka og

på Bergset i Krundalen. Ved drøfting av saka, vart det avdekka at turlaget ikkje har nokon skriftleg avtale

på bruk av kajakknaustet. For at turlaget skal kunne investere i parkeringsplass og toalett, med bidrag frå

spelemidlar, må det først på plass ein skriftleg, langsiktig avtale med eigar av kajakknaustet.

Lageret på Grandmo

Turlaget leiger knappe 32 m2 lagerrom på Grandmo. Avtalen vart inngått med Luster i mars 2017, og

avtalen vart automatisk fornya med eitt år om gongen om den ikkje vert sagt opp 3 månader før eit

årsskifte. Leigesatsen i 2017 er på 764 kr/månad, og denne vert regulert i samsvar med Statistisk

Sentralbyrå sin kostnadsindeks. For 2018 var den samla leiga for lagerrommet 9.242,70 kroner.

Bøker, kartmapper og diverse utstyr er lagra på Grandmo, og døra er låst med kodelås. Ved gjennomgang

av forsikringane i turlaget, viste det seg at utstyret på lageret på Grandmo ikkje var forsikra. Det er no på

plass tingforsikring på 400.000 kroner.

Dagsturhytta Eikjabu

September 2016 signerte Luster Turlag og Luster kommune «Samarbeidsavtale om drift av idrettsanlegg»

for dagsturhytta på Ytre Eikjo. Avtalen gjeld i 30 år, og drift av anlegget er definert som «generelt vedlike-

hald, rydding og tilsyn med installasjonar for at anlegget skal nyttast til føremålet». Kostnader for drift og

vedlikehald kan søkjast refundert av kommunen, i samsvar med reglementet for tilskot til kulturføremål.


Vår hovudsponsor:

Luster kommune står som eigar av dagsturhytta, og kommunen har ein festeavtale med grunneigar

Johannes Henry Vedvik om tomta for dagsturhytta.

Flytebryggene og landgangen til dagsturhytta Eikjabu, 12. mai 2018.

April 2018 signerte Luster Turlag/DNT Ung og grunneigar Johannes Henry Vedvik ein avtale om bruk av

uteområdet rundt dagsturhytta på Ytre Eikjo (g.nr./b.nr. 178/2), for å lette tilgangen til området for dei

besøkande. Avtalen gjev ein generell rett til bruk av eit nærare definert område, med blant anna rett til å

etablere flytebrygge for småbåtar, å kunne setje ut benkar, bord, bålpanne, skilt og å ta ut ved frå skogen

etter nærare avtale med grunneigar. Avtalen inkluderer også retten til å etablere eige flytebrygge for

kajakkar og til å grave ned avfallet frå utedoen. Avtalen gjeld for 30 år, og vert automatisk fornya for 5 år

av gangen om ikkje anna vert avtalt. Luster Turlag har rett til å tinglyse avtalen. For retten til bruken av

eigedomen, vert Johannes Henry Vedvik kompensert med 6.000 kr/år (indeksregulering kvart 5. år).

Frå opninga av dagsturhytta Eikjabu, 12. mai 2018.

For dagsturhytta er det etablert ei ny hyttenemnd med Håvard Ruud (leiar), Anders Leirdal og Arne Fossøy.

Hyttenemnda har hatt ansvar for tilrettelegging av området med blant anna etablering av flytebrygge,

førebu opning av dagsturhytta og stelle området gjennom sommarsesongen 2018. Luster Mekaniske

Industri (LMI) sponsa to brukte flytebrygger, som hyttenemnda rehabiliterte og sette i stand. I samarbeid

med grunneigar Johannes Henry Vedvik, vart desse flytebryggene og ny landgang etablert, etter at

naudsynte løyver var på plass. Turlaget har hatt ein del ekstraordinære kostnader for materialar og

kjettingar for flytebryggene, samt innjøp av ein plenklippar. Flytebryggene vart slept inn att til Gaupne for

vinterlagring på land.


Vår hovudsponsor:

Opningsarrangementet for dagsturhytta 12. mai , var eit samarbeid mellom Luster kommune og turlaget.

Dei 145 frammøtte deltakarane fekk med seg at dagturhytta fekk namnet «Eikjabu». Sidan Ytre Eikjo er

veglaust vart meir enn 100 deltakarar frakta med rib-båtar frå Marifjøra. Andre deltakarar kom til fots frå

Mollandsmarki eller i kajakkar og småbåtar. Turlaget serverte grillpølser frå bålpanna, kaffe og saft.

Stien frå Mollandsmarki til dagsturhytta på Ytre Eikjo er i bruk, men denne må både merkast og sikrast på

enkelte plassar. I samarbeid med Luster kommune, vert det no arbeidd med avtalar med alle grunneigarar

for å få til rydding, merking og sikring av stien.

Dagsturhytta Eikjabu og området rundt har vore mykje i bruk av både padlarar og småbåt-folket i den fine

og varme sommaren i 2018. Hyttebøka har 760 registrerte besøkande i 2018, og truleg er det fleire som

ikkje stikk innom sjølve hytta og/eller signerer i hytteboka.

Fivla Turisthytte

Hyttestyret for Fivla har bestått av Nils Oma (leiar), Even Loe og Ingeborg Flaten. Fivla er ubetjent med 24

sengeplassar (+ madrassar) fordelt på to hytter. Fivla ligg fint til over skoggrensa på ruta mellom Vigdals-

stølen og Navarsete i Breheimen. Rett over ligg utsiktstoppen Fivlenosi (1.466 moh.) der ein har heile

Jotunheimen og mykje av Breheimen framfor seg. Begge hyttene står ulåste og kan brukast heile året.

Vanlegvis held skiføret seg fram mot 1. mai.

Bilete av Fivla ubetjente turisthytte.

I 2017 vart det installert solcellepanel på gamlehytta også, slik at elektrisk lys kan erstatte parafinlamper.

Erfaringane med solcellepanela er bra og parafin er ikkje lengre i bruk på Fivla, noko som betrar trygg-

leiken og reinhaldet av hytta. På grunn av spesielle snø og vindforholda, vart taket på hyttene måka av i

februar 2018 – vanlegvis er det ikkje behov for å måke av taka på Fivla. Det er relativt vêrhardt på Fivla, og

begge hyttene vart beisa sommaren 2018. Ut over dette har det ikkje vore noko spesielt vedlikehald på

hyttene i 2018. Gass til komfyr er frakta opp og hausten 2018 vart 2 hiv med 4 sekkar ved frakta opp med

helikopter, som likevel var på oppdrag i området – dette er ein del av ordinær førebuing for vinter-

sesongen.

Det er ikkje etablert eigen VIPPS for Fivla, og det er heller ikkje skikkeleg mobildekning på hytta. Dei

besøkande legg kvittering i boksen på hytta, og hovudsakeleg betalar ein i ettertid med nettbank når ein er

komen heim att – det er eit system basert på tillit. Det var ein nedgang i besøkande i 2018 og dette

skuldast nok det dårlege vêret ein hadde seinsommar og tidleg haust, der truleg fleire skuleklassar ikkje

gjennomførte dei vanlege haustturane sine. Vigdalsdilten medførte mange dagsbesøkande i 2018, og Fivla

er også utgangspunktet for BaseCamp Vinter.

Flaumen i oktober 2018 gav nokre skadar på steinkloppa og det eine bru-karet der ein kryssar Vigdalselvi

sine to løp rett nedanfor Vårstølen, men ein kjem som over elva med mindre denne er flaumstor.


Vår hovudsponsor:

Fuglesteg Turisthytte

Hyttestyret for Fuglesteg har bestått av Stein Bugge Næss (leiar), Kari Ødegård, Ole-Hermann Meløy og

Anders Johnsen. Det store toetasjes steinhuset som vart bygt i 1830 vart brannskada i 1985. Luster Turlag

har sett i stand huset og dette kulturminnet er no teke i bruk som ubetjent turisthytte. Her er det 23

senger med dyner og puter. Låven er og satt i stand og har 8 madrassar/sengeplassar. Du treng å ha med

lakenpose, evt. sovepose. Fuglesteg egnar seg godt til skuleklassar/grupper. Steinstova er låst med

standard DNT-nøkkel. Det er ikkje mat lagra i husa, men i sommarsesongen har turlaget dagleg servering

av hellekaker med rømme/ syltetøy og kaffi/ saft. Fjøsbygningen er no eit stort fellesrom som kan nyttast

som selskapslokale, til konsertar og andre større arrangement. Der er bord til å dekka opp til ca. 80

personar og stolar til 150 for konsertar og liknande.

Bilete av 17. mai-toget på Fuglesteg.

Som nemnt tidlegare aukar framleis talet på både dagsbesøkande og overnattande, om enn ikkje like

mykje som tidlegare. Det varme og fine vêret under opninga i 17. mai-helga og den påfølgjande pinse-

helga, gav ein knallstart med mange besøkande på Fuglesteg. I tillegg til arrangementa med kunstutstilling

og konsertar i turlaget sin regi, hadde 100 advokatar frå Eurojurist samling på Fuglesteg og Årdal Gålag var

på besøk med 52 pensjonistar.

Det har ikkje vore noko spesielt vedlikehald eller opprustingar i 2018, berre ordinært vedlikehald og drift. Vegen som tidlegare har hatt nokre utfordringar, fungerte utan nokon vidare tiltak i 2018. Fuglesteg fekk VIPPS som betalingsalternativ i 2017, og dette fungerer bra. Det var planar om restaurering av den gamle høyløa nede i bakken, men dette vart utsett til mai 2019 fordi snekkarane ikkje fekk gjort jobben i fjor. Til restaureringa er det satt av 150.000 kroner etter at turlaget fekk 50.000 kroner i støtte frå Luster Sparebank og 50.000 frå såkalla SMIL-midlar. I tillegg har turlaget satt av 50.000 kroner av eigne pengar til restaureringa.


Vår hovudsponsor:

Nye Tungestølen Turisthytte

Byggenemnda for Tungestølen har bestått av Stein Bugge Næss, Arne Fossøy, Jimmy Hilleren, Anne Kari H.

Nes og Anne Mari Aamelfot Hjelle. Byggenemnda og Ole Schanke Eikum har jobba målretta med utvikling

av prosjektet.

Ved hjelp av ordførar i Luster kommune, Ivar Kvalen, kom signerte alle grunneigarane festekontrakten i

februar 2018. Det vart då inngått ein intensjonsavtale mellom Luster Turlag, Luster kommune og Kjell Jarle

Bruheim, som blant anna forpliktar kommunen å ta ansvar for dei generelle parkeringstilhøva på Tunge-

stølen, og parkering går derfor ut av turlaget sitt prosjektet. Festeavtalen vart tinglyst i mars 2018 og

dannar derfor grunnlaget for å realisere prosjektet for Nye Tungestølen Turisthytte, ettersom prosjektet

då kvalifiserer for tildeling av spelemidlar. Festeavtalen gjeld for 45 år frå signering, og vert automatisk

forlenga med 3 år av gangen om ingen tek initiativ til endring. Den signerte og tinglyste festeavtalen

medfører ei årleg forplikting på 10.000 kroner for Luster Turlag (beløpet skal justerast etter konsumpris-

indeksen.

Luster Turlag signert avtale om forprosjektet med hovudentreprenør Hans Nes Bygg. Dette medførte ein

økonomisk forplikting på ca. 1,1 MNOK, og vil gje komplette teikningsunderlag og økonomiske kalkyler for

alle dei 9 hyttene. Forprosjektet kom litt seint i gang (juni 2018), og måtte derfor prioriterte å gjere ferdig

detaljeringa av 1. byggetrinn, som består av Felleshuset, Servicehuset og Soveselet. Ved årsskiftet

2018/2019, står det att nokre tekniske detaljar for Servicehuset og også noko detaljar i kostnadskalkyla for

1. byggetrinn. Dei oppdaterte kostnadene har auka noko, og spesielt har kostnadene for Felleshuset auka

mykje. Dei 9 hyttene er no kalkulert til 23,6 MNOK (ekskl. mva), der 1. byggetrinn utgjer 15,9 MNOK.

Det er inngått avtale med alle grunneigarar for framføring av straumkabel til Nye Tungestølen Turisthytte.

Denne kabelen vil berre ha kapasitet til å forsyne turisthytta, ettersom ingen interessentar har finansiert

mellomlegget for å framføre større kapasitet. Kostnadskalkyla for framføring av kabelen har auka til ca. 1,2

MNOK, ettersom dugnaden for etablering av kabelgrøfta ikkje let seg realisere. Ved årsskiftet 2018/2019

er det lagt ned ca. 3,5 km kabel av den totale lengda på ca. 4,7 km. Det er den siste kilometeren innover

Tungestølen og opp til sjølve festetomta som står att. I løpet av hausten 2018 fekk ein lagt ned røyr under

Austerdalselva, som kabelen vert trekt igjennom. Legginga av kabelen skjer i regi av Luster Energiverk sin

områdekonsesjon.

Luster kommune har gjeve rammeløyve for dei 9 hyttene, og også igangsettingsløyve for grunnarbeida

(tomt og fundamentering). Hovudentreprenør Hans Nes Bygg starta opp arbeidet på tomta til Felleshuset i

oktober, og ein fekk gravd vekk lausmassar og gjort klar fjellboltane for betongfundamenta før vinteren

kom. Dersom turlaget signerer avtale om produksjon av massivtre-elementa for hyttene i løpet av februar


Vår hovudsponsor:

vil ein kunne opne 1. byggetrinn i starten av september. Men først må dei detaljerte teikningane verte

kompletterte, slik at turlaget kan få Arbeidstilsynet si godkjenning av planane, og deretter må prosjektet

også ha igangsettingsløyve frå Luster kommune på sjølve hyttene.

Bilete frå grunnsteinnedlegginga for Nye Tungestølen Turisthytte, 25. august.

Luster Turlag har fått totalt 7,125 MNOK i støtte frå Luster Sparebank, Sparebanken Vest, Luster

kommune, Sogndal kommune og Veitastrond Bygdelag. I tillegg har vi fått utvida støtteramme for spele-

midlar, og turlaget har inne ein søknad om 3,5 MNOK til DNT/Kulturdepartementet om spelmidlar. For å

fullfinansiere 1. byggetrinn manglar det derfor 5,3 MNOK, og det er usikkert om denne restfinansieringa

kjem på plass innan midten av februar 2019 som er kravet for å bli vurdert for tildeling av spelemidlane.

Styret har starta drøfting av driftsmodellen for Nye Tungestølen Turisthytte, og gjort seg kjent med ulike

modellar for drift av betjente turisthytter. Det er så langt ikkje konkludert på driftsmodelle og engasjert

nokon i drift av den kommande hytta.

25. august var det nedlegging av grunnsteinen for Nye Tungestølen Turisthytte, og det var ordførar i Luster

kommune, Ivar Kvalen, og statssekretær i Klima- og Miljødepartementet som avduka grunnsteinen. Etter

grunnsteinnedlegginga på Tungestølen inviterte Veitastrond Bygdelag og Luster Turlag til rømmegraut og

spekemat og meir informasjon om turisthytta på skulen i bygda. Personar som er engasjert i prosjektet,

sponsorar og grunneigarar var spesielt inviterte, men arrangementet var ope for alle. Ein reknar med at

175 personar deltok på grunnsteinnedlegginga.


Vår hovudsponsor:

Driftsøkonomi til Luster Turlag

Inntektspostane for Luster Turlag er vist i tabellen under. Samla inntekter var på 714.811 kroner i 2018, ein

nedgang på 41.000 kroner i forhold til 2017. Inntektene frå topptrimmen er naturleg nok redusert i for-

hold til oppstartsåret 2017. Tilskot gåver er stabilt, men inntektene for 2018 er fordelt til Barnas Turlag og

DNT Ung Luster.

Utgiftspostande er vist i tabellen under. Samla kostnader er på 533.325 kroner, noko som er ein auke på

44.314 kroner i forhold til 2017.

Inntektspostar 2016_ 2017_ 2018_Medlemskontingent kr 206 784 kr 194 573 kr 200 976

Inntekt frå tilstellingar kr 10 450 kr 2 850 kr 12 700

Inntekter frå turlagsturar kr 2 900 kr 14 350 kr 22 050

Inntekter frå Fivla turisthytte kr 26 340 kr 43 342 kr 41 093

Inntekter frå Fuglesteg turisthytte kr 190 386 kr 230 366 kr 270 788

Inntekter frå Nye Tungestølen turisthytte kr 3 061

Inntekter frå Topptrimmen kr 1 400 kr 64 764 kr 7 200

Overskot frå kartsal kr 39 885 kr 21 885 kr 27 190

Overskot frå boksal kr 7 127 kr 6 274 kr 5 426

Inntekter frå sal av klede/utstyr kr 1 529

Tilskot/gåver kr 156 835 kr 158 857 kr 107 856

Overskot frå drift av Barnas Turlag kr 23 149 kr 8 402 kr 396

Overskot frå kajakkdrift kr 3 700 kr 5 400

Renteinntekter kr 4 389 kr 6 395 kr 9 147

SUM INNTEKTER kr 669 645 kr 755 758 kr 714 811

Utgiftspostar 2016_ 2017_ 2018_

Kostnader frå tilstellingar kr 13 603 kr 24 759 kr 63 982

Diverse kostnader kr 28 829

Kostnader turar/møte/kurs kr 35 794

Kostnader annonsar/trykking av turprogram kr 51 461 kr 52 297 kr 60 784

Andre driftsutgifter kr 123 617 kr 17 806 kr 18 793

SFT-kontingent/program/magasin kr 61 350 kr 65 539

Kostnader med møte/reiser kr 7 765 kr 23 146

Kostnad med turlagsturar kr 14 554 kr 25 941

Driftskostnader, Fivla turisthytte kr 28 551 kr 25 103 kr 19 407

Driftskostnader, Fuglesteg turisthytte kr 131 016 kr 142 177 kr 142 896

Driftskostnader, Nye Tungestølen Turisthytte kr 13 742

Driftskostnader, dagsturhytta Eikjabu kr 44 842

Driftskostnader Topptrimmen kr 3 241 kr 53 164

Underskot frå drift av DNT UNG Luster kr 1 026 kr 600 kr 22 256

Kostnader frå sal/kjøp av klede/utstyr kr 4 434 kr 13 650

Porto-/kontorutgifter kr 4 341 kr 2 769 kr 3 886

Underskot kajakkdrift kr 3 000

Avskriving kajakkar kr 15 620 kr 12 496 kr 12 625

Kostnader, lagskontor/lager kr 10 255 kr 11 651

Rydding vegen til Fuglesteg 2014 – 2017 kr 50 000

Bankgebyr kr 313 kr 268 kr 3 835

SUM KOSTNADER kr 444 846 kr 489 011 kr 533 325


Vår hovudsponsor:

Kostnader med tilstellingar auka som følgje av at det var fleire arrangement i 2018, blant anna markeringa

av DNT sitt 150 års jubileum og grunnsteinnedlegging for Nye Tungestølen Turisthytte.

Kostnader for møter/reiser inkluderer dekking av utgifter for bruk av eige køyretøy i teneste for turlaget,

kostnader for matservering på styremøta og årsmøtet, kostnader for juletallerken for styra i desember på

Eikum Hotel og kostnader for deltaking på årsmøte/møte i Sogn og Fjordane Turlag.

Kostnader med turlagsturar er kostnader for leige av buss for blant anna brekryssinga til Stryn og turen

Sogndalsdalen – Tuftanovi – Veitastrond.

Kostnader med drift av Fivla og Fuglesteg ligg på same nivå som for 2017.

Kostnader for Nye Tungestølen Turisthytte inkluderer blant anna den årlege festeavgifta på 10.000 kroner

for festekontrakten som vart signert med grunneigarane i 2018, samt eingongskostnader med grunnstein-

nedlegginga i august.

Luster Turlag betalar eit årleg leige på 6.000 kroner til grunneigar for bruk av området rundt dagsturhytta

Eikjabu, denne vart betalt for første gong i 2018. Ein del av kostnadene med Eikjabu er eingongskostnader

med etablering av flytebryggene (byggesaksgebyr, istandsetting og forankring), opningsarrangementet

(leige av båttransport med RIB og matservering) og kjøp av grasklippar. Andre driftskostnader er dekking

av kostnader for bruk av eigen båt for å ha tilsyn og stell med dagsturhytta og området rundt, samt

transport av flytebryggene for utplassering og vinterlagring.

Det er ingen kostnader med Topptrimmen i 2018, sidan slike kostnader er knytt til oppstart av Topptrim.

DNT Ung Luster har eit underskot på 22.256 kroner: Det er inntektsført 30.400 frå Luster kommune (grunn-

stønad) og frå delar av sponsorbidraget frå Luster Sparebank. Kostnader er knytt til dekking av deltaking

for våre medlemmar på BaseCamp Vinter (5 medlemmar) og BaseCamp Sommar (4 medlemmar), kjøp av

sikringsutstyr (tilgjengeleg på lageret) og Devold-toppluer for 8.klassingane som deltok på OPPTUR-

arrangementet.

Barnas Turlag går med overskot på 396 kroner etter at 30.000 kroner er inntektsført for gjennomføring av

Kom Deg Ut-arrangementa vinter/haust (20.000 kroner) og grunnstønad frå Luster kommune (10.000

kroner). Kostnader er knytt til gjennomføring av Kom Deg Ut-arrangementa, kjøp av sikringsutstyr

(tilgjengeleg på lageret) og leige av klatreinstruktør på klatre-arrangementa (Fjordstova i Skjolden).

Ovanfor Luster kommune/kulturdepartementet, står Luster Turlag som ansvarleg for turstien «Jostedals-

vegen, Døsen – Viva». Men denne turstien vert sett i stand og vedlikehalden av Jostedal Historie lag.

Turlaget har ein eigen prosjektkonto for turstien, som ikkje inkludert i driftsrekneskapen over. Styret har

vedteke at overskotet for dette prosjektet skal utbetalast Jostedal Historielag, straks momsrefusjonen er

utbetalt og prosjektet med istandsetting er avslutta.

Med desse inntektene og kostnadene, får Luster Turlag eit overskot på 181.486 kroner for 2018, noko som

er ein reduksjon på 85.262 kroner i forhold til 2017.

Når denne årsmeldinga er skriven, er rekneskapen berre delvis revidert, justeringar kan såleis oppstå.

Driftsrekneskapen Luster Turlag 2016_ 2017_ 2018_

Sum driftsinntekter kr 669 645 kr 755 758 kr 714 811

Sum driftskostnader kr 444 846 kr 489 011 kr 533 325

OVERSKOT kr 224 800 kr 266 748 kr 181 486


Vår hovudsponsor:

Balanse for Luster Turlag

Tabellane under viser balansen for Luster Turlag, etter årsavsluttinga. I balansen er det oppført 200.000

kroner som turlaget har brukt av eigne midlar for utvikling av Nye Tungestølen Turisthytte.

Ved utgangen av året har turlaget samla bankinnskot på 1.789.923, ein auke på 252.083 kroner i forhold til

2017.

Luster Turlag har fått utbetalt 50.000 kroner for restaurering av den gamla høyløa på Fuglesteg, denne er

oppført i balansen.

EIGEDELAR 2016 2017 2018

Anleggsmidlar Fivla 252 800kr 252 800kr 252 800kr

Anleggsmidlar kajakkar 62 479kr 49 983kr 50 500kr

Nye Tungestølen 200 000kr 200 000kr 200 000kr

Anleggsmidlar 515 279kr 502 783kr 503 300kr

Varelager Fuglesteg 91 350kr 79 500kr 69 550kr

Varelager bøker 207 862kr 201 516kr 194 351kr

Til gode, vegen Fortun - Furåsen - Fuglesteg 266 825kr 66 825kr 66 825kr

Innskot Brukskonto i Luster Sparebank 73 335kr 414 466kr 97 186kr

Innskot Sparekonto i Luster Sparebank 967 065kr 1 123 373kr 1 692 737kr

Omlaupsmidlar 1 606 437kr 1 885 680kr 2 120 649kr

Sum eigedelar 2 121 716kr 2 388 463kr 2 623 949kr

GJELD OG EIGENKAPITAL 2016 2017 2018

Eigenkapital 2 015 716kr 2 282 463kr 2 463 949kr

Fond for restaurering av løe, Fuglesteg 50 000kr

Forskotsutbetaling av medlemskont. DNT 106 000kr 106 000kr 110 000kr

Kortsiktig gjeld 106 000kr 106 000kr 110 000kr

Sum Gjeld og Eigenkapital 2 121 716kr 2 388 463kr 2 623 949kr


Vår hovudsponsor:

Prosjektøkonomien, Nye Tungestølen Turisthytte

Tabellen under viser inntektssida for prosjektet for re-etablering av Nye Tungestølen Turisthytte. Totalt

har ulike sponsorar/institusjonar betalt inn 2.030.000 kroner til prosjektet. Vidare har Luster Sparebank,

Luster kommune og Sparebanken vest løyvd til saman 5.650.000 kroner som enno ikkje er utbetalt.

Turlaget kan be om utbetaling av desse midlane, når det er behov for betaling av utgifter.

Prosjektkostnadene sidan 2015 er på totalt 1.337.474 kroner, der 760.841 vart brukt i 2018 til forprosjektet

(utarbeiding av arbeidsteikningar), byggesøknader/byggesaksgebyr og for framføring av straumkabel til

Tungestølen (første fase, arbeidet held fram i 2019). Ved utgangen av året er det 693.125 kroner på

byggekontoen for Nye Tungestølen Turisthytte.

I januar 2019, har styret fått på plass restfinansering av 1. byggetrinn for Nye Tungestølen Turisthytte det

1. byggetrinn består av Felleshuset, Soveselet og Servicehuset, og restfinansieringa på 5,3 MNOK består

av bruk av 1 MNOK av eigenkapitalen i turlaget og til saman 4,3 MNOK i lån frå Luster kommune og Luster

Sparebank. Restfinansieringa legg til grunn at prosjektet vert tildelt 3,5 MNOK i spelemidlar. Samla

investering er på knappe 16 MNOK.

Byggekonto Nye Tungestølen

Turisthytte, 2015 - 2018

Innbetaling til

prosjektet

Innvilga, men

ikkje utbetalt

(reserve)

Totalt løyvd til

prosjektet

Sogn og Fjordane Fylkeskommune kr 100 000 kr 100 000

Luster Sparebank kr 675 000 kr 2 350 000 kr 3 025 000

Veitastrond Bygdelag kr 45 000 kr 45 000

Luster Turlag kr 210 000 kr 210 000

Luster kommune kr 700 000 kr 2 500 000 kr 3 200 000

Sparebanken Vest kr 200 000 kr 800 000 kr 1 000 000

Sogndal kommune kr 100 000 kr 100 000

Renteinntekter minus gebyr kr 599 kr 599

Sum 2 030 599kr 5 650 000kr 7 680 599kr

Byggekonto Nye Tungestølen

Turisthytte, 2015 - 2018Kostnader Årskostnader

Seminar massivtre kr 6 851

Sum kostnader 2015 kr 6 851

Prosjektkostnader betalt til DNT kr 152 178

Skisseprosjekt, Snøhetta kr 306 250

Sakshandsaming, Norconsult kr 75 000

Reisekostnader kr 1 992


Honorar, Snøhetta kr 25 000

Skredfarevurdering kr 9 362


Tinglysing av festeavtalte, Statens Kartverk kr 525

Byggesøknad, Norconsult kr 26 250

A konto for forprosjekt, Hans Nes Bygg kr 643 750

Byggesaksgebyr, Luster kommune kr 17 603

Framføring av straumkabel (matriell og grøft) kr 72 713


Sum Kostnader 2015 - 2018 1 337 474kr

Documents

ÅRSMELDING 2018 LUSTER TURLAG · Tore Sønnesyn, Anders Johnsen, Stein Bugge Næss, Arne Fossøy, Bjarne Venjum, Nils Oma, Håvard Ruud og Ole-Hermann Meløy. Framme frå venstre: