Gianni Bellini

so quænta dla Mirandla

Seconda EdizioneGennaio 2001

Edizioni Graphic Center Mirandola

Stampato nel mese di gennaio dell’anno 2001da Graphic Center Mirandola

Indice

cercare sfogliando ...

Prefazione(i dis cla g’vol !?)

A dirì..”mo anch questa ta sa fàt”, “ma n’aghnat minga a basta da pin-sàr coi to rèn e i to fegat artificiai, ma an’dormat minga a la not ?”. Eco, l’è propria questo al problema, ca dorum poc, ma poc, anch sl’è abasta, parchè al gioran dopa a stagh po ben. Ad sicur angh togh mingadal pastigli; a quel ac’ pensa me muier. Le lai tos par tut du.Alora as trata ad sfrutar la situasion: inveci d’alvarum e d’girar par la càcume un mat, a stag a let e a tac a pinsar.., a pinsar.. da tut, robi adlavor.., dal lettri interi..., robi mii.., cus a pos strulicar pri me putén... ece-tera, ecetera. E a regìstar tut in dal microprocessor dal cervelèto e po’ a lamatina am basta tacarum a la stampante e dascargar incosa, traduzioneletterale di “download”.Praticament me a vagh in uffisi a ot ori, e a ot e mes ho fini ad lavurar, edopa a perd dal temp infin a sira.“Beh, alora stan dorum minga at ciaparà dal pès?”.Macchè, na volta ho pruvà al lag ad Garda. Ho cumprà incosa, la cana... al mulinel ... tut i’ acesori pusibil, cum al me solit, e zag.., ho butà lalensa. Dop des minut an’nera gnu su gnint. Dal narvos ho butà tut indl’ac-qua,.. cana,.. mulinel e tut i zavai.“Ma alora at’se narvos cume un mat, tan’ga minga pasiensa” Ang’ho minga pasiensa? Ma se an’ho purtà dla pasiensa in dla me vita..,sol a supurtar tuta la gent cam’sta intorna (oh, senza nessun riferimentopersonale, eh). E in port incora dimondi dla pasiensa, tut i di, ma a laport in presia, cum a fagh in tut al me robi.Gnem a bassica, “cus’a te gnu in ment ad far un libar?”. Oh, i scrivan tut: a scriv al me amig Velani, che adesa adiritura i tradu-san i so libar anch in ingles, a scriv al me amig Chiarelli (oh, d’la robaseria.., d’iasàg! ?), cl’era a scola meg e ann’arev mai dit.Al dutor Vrunes (a’val dig in anteprima) prest al ven fora con al so libar.Beh, parchè me no?Sol che ann’è minga al me mastèr, e am’esprim mei con al disegn.Me pr’esempi se un al m’admanda n’infurmasion ad na via o d’un post, ang’al spieg minga con dal paroli, a togh un pes ad carta e agh fag un schis.L’e par quel che a go sempar do peni in dal bisachén.

E po me a son “nipote d’arte”. A part Giovanni Bellini, pittore venezianoche (a direv Franco G.) è un mio lontano antenato, me a son anvò adBellini Oden ad Sivdàl, quel che col pnel al fava i pe al moschi.La diferensa tra me e lu l’è che lu al lavurava con sent pnei anch a un pelsol, me a drov un pnel sol a sent pei. E alora a me gnu in ment ad far di ritrat a so quant a dla Mirandla.Un poc aiva fat da ragàs, un poc ai’ho fat adés e ai’ho mis insèm.“Beh, parchè propria quei ?, e tut chiatar?”Oh, in di prim sinquant’an ho fat questi, in chiatar sinquanta a farò tutchiatar. Ciarèm subit na roba: an voi purtar via al master a ninsùn, németram in fila con i’artista ... al povar Gabriele Lodi, al povar RensoFornasari, né con Vìncent (Renzo Vicenzi),.. ecetera, né con i cultor daldialèt, nè tantomeno con i virtuòs a dla péna.. Mursèl,. al Dutor Capp.. oadiritura Poletti. Insoma, na roba sensa pretesi. Quindi ninsùn asn’abbiapar mal sann’ò minga admandà al parmès. La colpa, oltre che dl’inson-nia, l’è anch a dla fumana. Oh, un’invern cume quel a dl’an pasá l’è longehn? A dla fumana aghn’è sta un bel gòs, veh.Dim’mo cum’asfà a pasars al temp; an spol minga sempar lavurar, omagnar e bevar, o star davanti a la televizion.A lèzar am ven son, andar al cinema o a la cumedia in teatar pez ancora.Se a vagh a lèt prest, dop do o tre ori am’dassèd.Alora ho pinsà: ma na volta an saviva dizgnar, spéta ca prov incora.Un po’ ad carta da disegn, un butigliot ad china senape, un pnèl sol, unportapena con un pnèn e via... l’important che a nag’voia minga più ad triquart d’ora l’un, parchè si no a ma stuf.In d’ian ho pruvà anch a andar in cafè, ma an’ho mai catà cal giust: in cafèPic i zugava al carti e i fumava (me an zog e an fum, o meglio, an fumava).Ho pruvà al Bonsai, ma i l’han sarà subìt. A son andà in perlustrasión al circul dal teatr, ma am simbrava d’ésarturna indrè in dal temp: cumpagn a trent’an prima, cumè a Pompei, naculada ad lava e tut è armas cume alora, oh.. con tuta la simpatia, eh.Mo pusibil che an sagl’acava minga a Mirandla a far un local in dova:

- an saver brisa zugar al carti an sia minga un reato grave- an’gsia minga dla musica ca spaca gli ureci- a s’possa metars a sedar sensa ca riva un con cativeria cal t’diga:

antipasto?, primo?, secondo? E di dolce abbiamo tiramisù, frutti dibosco... e te, ros da la vargogna, t’abbi da dir: ma me a ca mia hobela snà!

Oh, ma stal post a nal vlem minga a gratis dal cumun.., oh, pagando eh...Insoma un post par la categoria dl’età media, par dla gent par ben ca volfar do ciacri.Na volta (e quand as cumincia a dir na volta l’è un brut segn) al dop mesdìa s’andava in biblioteca da Libéri, ma minga par far dal ricerchi o par dalconferensi,... par pasar do ori cumè a cafè. Libéri non vede, cuore non duole.Sicom che al n’era minga na lince, a sa psiva far quel ca sa vliva; caldén,bel pulì, in mez a tut di bei scafai ad libar, na bela tavla granda, al soscrani,..na qualc volta as’purtavan ad nascost na butiglia o al carti,.... unl’era cumè a ca sua, ansi mei.Adesa un in du val, al Policlinic ?, scusà al Polivalente?Av dig la verità: me a go paura. Chi ma d’manda i document.. o di besi...ola tesera?... Me cus’ag dighia? Dal teseri a n’aghnò gnanc una.

Veniamo a noi. Cum a me gnu in ment ad far sti ritrat?Ehi, par dar un segn ad simpatia a quei che second me i rapresentanMirandla sensa esar d’ieroi, né di president a dla càsa, né di dutor, néd’iindustriai, ma che però tut i sa chi ièn (se un l’è a dla Mirandla dabòn,naturalment). Se un al tad’manda “scusi, dove abita il Ragionier XY?”, te at dis: boh?.Ma se un al tad’manda:”In du stal Barel? o al Gion? “Tut ial sa.E se na volta un al ta dmandava “par piaser, la butega a dla Marchesi?”a psiva rispondar anch un bagaèt.Eco, i personag aio sarni acsè, e chiatar chinsn’abbia minga par mal.Intant un bisogna cal sia a dla Mirandla-urbe, par meritaras al titul.T’an vra minga dirum pr’esempi che un ad Mursùal l’è un Mirandules?Al dascor n’antra lingua !Am dispias par Francesco Benàti e pr’al povar Franco Pivetti, ma un l’eran’emigrà, cl’atar un stranier!A stal punt chè i petegui i diran” Ma e te? At’se nà a Quistel (immigratoclandestino!), carsù a Quaréntul e ta sta a Mdòla, cusa pescat?”Alora: a Quistel ag son sta fin a du mes, a Quaréntul fin a 8 an, e po i mioia sempar avù la butega a Mirandla, e a Mdola ag stag so quanti ori, pardurmir e par magnar, ma al cafè al vegn a tor a Mirandla.E po al scoli a io fati tuti a Mirandla, a’dmandal pur a chi vli.

E tut i liston ca io fat? E gli ori ad guardia davanti al Cortina? Queli indui mitiv? Oh, bisogna guadagnarsla.E po me a son amig dal Gec; questo, second me a taia la testa al tor. T’anvra minga dirum che un cl’è amig dal Gec, al na ga minga un qualc dirita la Mirandla? Second me bisgnarev che al Sindac al ghdès al premio Nobel par la pas ela fratelansa e na mdaia pr’aver alimentà e conservà tut i valor storic esimbolic dal paes e par tgnir uni la gent.Oh, clav’piasa o no, sa ghi d’ bizogn dn’infurmasion o d’un cunsili an’an-drì brisa in n’agensia o dal pret o dal dutor? Andà dal Gec! o no?. Lu alsa tut e l’è amig ad tut, di zovan, di vec, di sgnor e di puvrèt, ad chi sa adletra , ad chi furub e ad chi meno. Lu al ga d’iafari con tut e na parolapar tut.Me pr’esempi, par i me ritrat a ghiva ad’bisogn ad na documentasion foto-grafica. Da chi sonia andà?.. dal Gec!Se inveci a vliva dagli infurmasion storichi detagliadi, casomai culuridicon un pò ad fantasia, da chi andavia? da Gedeone!, oh scusà, Franco!Quindi insoma quei esclus da sta racolta chè bisogna chi capisa che pr’e-sar tolt in considerasion bisogna aver al carti in regola e daras da far; l’anné minga cume sempar na quistion ad sold, l’è un fat ad “carisma”.C’è chi ce l’ha e chi non ce l’ha. Oh, l’an ne minga colpa mia.E po bisogna ca diga la verità: di ritrat a n’iva fat do volti tant, ma chia-tar i’ssumigliava poc e alora aio scartà. E quei ca io mis in dal libar, pransbagliarum, a gho mis al nom, acse tut i capisan.

A proposit, a m’arcmand che i me personag i toga la roba pr’alvers giust. Mo seh, ho druvà un poc al bzil, ma con simpatia.La satira an l’ho minga invintada me; a la druvava già Orasiodomil’an fa (minga Orasio Gavioli, quel ca ghiva la barachina dalgraniti in piàsa, ad banda al Teatar), cl’atar, quel ca stava aRoma urbe.E po l’è un segn ad libertà e ad democrasia; a n’è quel ca’vlì?

Alfredo Benatti

A voi saver se a ghè un che a ga da più ad sinquant’an che a nasl’arcor-da minga! Camisa scosseze rossa, sigareta in boca e na parola par tut. E quel da uffrira tut. A me fradèl pr’esempi, als’gudiva a metral insìma al bancòn dal cafèPic con un vas ad carameli e in cambi d’un siful al psiva tor tut al cara-meli cal’vliva.E giustamente so fiol, al Gec, in dla so vita, una a la volta, al sigareti cheso padar la dat via, a gli tiradi a cà tuti.

Questo al ne minga un disegn ma na pirografia, can’vol minga dir scrivarinsima ai pir, ma tor na punta rovente, cumè un saldadòr, e brusar al legnpar far i’ombri.

Al GecLuigi Benatti

A no già dascors prima indl’introdusion. Sa cuntínuv a farag di cumpli-ment a va a finir cal s’monta la testa. E po cusa v’liv cag’zonta can savi brisa: al tgnusí tut. A pos diruv parchè i’al ciama al Gec.Da zovan, ai temp dal liceo, quand la povra Fernesta la ghiva la butegaad banda a l’Elsa, lu al ghiva la mania ad l’America e al s’vestiva cumein dl’ochei corèl, con na curdèla da vlù negra al post a’dla cravata.Da tut quei cal tgnusiva, chi’andava in America, al s’fava purtar a cà namaia con na scrita -University of......-(cla moda lè a l’a invintada lu), ealora ia tacà a ciamaral al Gec, mo in America al na ghe mai andà e nin-sun a sa al parchè. Ho pruvà a dirgal so quanti volti, ma al dis sempar cheal ga i murador a cà...e cal na pol brisa piantar le incosa e gnir via.Cus’a direvla la Vilma?

Enzo GaspariniGasparòn

Al sembra d’aciaio inox; l’è armaz cumpagn da quand al t’gnos, cioè dasinquant an.Da na generasion a cl’atra: l’era amig ad me padar (e forse anch ad menono) da quand i’andava via col muier in gita in vespa e lambreta, l’èamig mio, e second me al speta sol da dvintar amig ad me fiol.Me am son fat n’idea: sicom cl’ha passà tutta la so gioventù in dla canti-na sociale, in mes a dal boti e ai profum dal vèn, inveci che in dl’inquina-ment dal gioran d’incò, can sia sta quel ca ga fat ben a la salut.Ades al fa al “fag totum” in na tgnùda a Curtìl, ma al ved spes in piàsa equindi propria tut lu al na farà brisa.

Mario FerrariCanèla

Al re di macaròn, e, minga cuntent, anca lu l’ha vlu far la multinasiona-le. L’è andà a far na fabrica in Egit. Sarà parchè là is’cuntenta da più?A ghe sta un mument c’liva mis in crisi Pietro (Barilla) al punt che l’ivadecis ad vendar ai american, e po dop ia truva n’acomad e alora Pietro l’èturna in sèla. Meno male!Se Modna l’è t’gnusuda in tut al mond, an sarà minga par la Ferrari o parl’aceto balsamico?L’è pr’i macaròn col pètan ad Canèla!

Pr’al rest l’è mei ca tasa, pran crear di dasgust. Che po an v’cuntarev gnintad nov.

Giordano Gavioli

Anca lu al ga na màcia in dal pidigrì, l’è ad Quistel cumè me; ma sicomch’le gnu via subìt, cal se arvist, a sarem n’oc.Ragazzo di Via Panisperna, cioè ad via veneto, cume Artebano, Zeno Blen,Cavciòn, ecetera.. insoma un poc birichen da picul (da grande non si dice).A un sert punt ad la so vita a ghera gnu voia ad far n’idustria e alora als’era mis insem a Tiziano Tioli, un so amig, e iiva fat l’IRCA.In poc temp la Ferrero l’è andada in crisi e la se subìt rivolta ai avocat.Cume risposta, si dice, che i du industriai mirandules i g’abbia mandà nafotografia d’iimpiant di Granaròn e tutto si chiuse lì. Mo seeh.., Giordanol’è bon e la dit “t’anvrà minga che a mitema in crisi al Piamont e tutal’Italia. Lasemi star, va là”

E po al l’ha tolta col girar a pe e, pr’an girar a vod, l’ha sfaltà al circon-dari, a forza ad girarg intorn.

Bruno Silvestrisimuèl

verament lu al sarev simuèl iunior, parchè al ver simuèl al sarev so padarLionello: brav om oh, ma un poc originalot.Na matina in piasa Gasparòn, cal sa tut e al tgnos tut, al ma dmanda:“mo chi el qual là?” “Simuèl” a go dit.Ma al ghiva ragion lu, parchè Bruno l’era sotto mentite spoglie: completoZegna ad vigogna grisa, camisa celesta, cravata scosseze e pulover rossofiamma.Ehi, vedar Bruno vesti acsè l’è cume vedar da Mirandla in dla stesa giur-nada agli alpi e i apenèn in na volta sola: a capitarà do volti in n’an.Simuel al se fat al so calendari; a ghe al gregoriano, l’arab, al barnardòne a ghe quel ad simuèl.360 gioran lavorativ, nadal, pasqua(ma sol meza giurnada can’esagere-ma), al 25 d’avril, la festa ad franciacorta(che par solidarietà lu bisognacal lavora pr’organisarla) e n’entra giurnada a scelta par na malatia o unqualch bisogn ecezional, an’sa mai.E la giurnada lavorativa la sa svolg acsè: a se ori as partis, a prepararcamion e atrès (che i’operai in perda dal temp quand i riva), vint ori adlavori forzati, con n’interval ad mez’ora par magnar, bevar, far i cont e alboli e un punsadèn e via prima ad n’ora e mez a vedar se i’operai i riva intemp (an’sa mai che i riva a n ‘ora e trenta sinc, che alora po ag tgnem zomez’ora!).Lu l’ha tolt in parola quei ca vend i telefonèn: lasciare scaricare completa-mente le batterie perché si ricarichino bene! Alora Bruno al riva a ca a lasira can sag’ved più, dez minut par snar e vedar al telegiornal e po cupà alèt; dop 4, 5 ori al baterii iè carghi al masim e via che la storia si ripete.

Ascenzio PaltrinieriAl capo (e ninsun a sa parchè)

Giurista, docente, scritor, digiunador, pascador... e via e via...Racconti, poesii (va citato “il canto della meridiana”); una produzionericca ed abbondante.Sol che, a sintiral lu, al n’agla cava minga sol a vendri, ma gnanc a rega-lari. E alora al dmanda ai amig chi g’daga almeno na man a regalari aparent e tgnusant.L’ha tacà al Liceo. Al scriviva all’epoca questi versi:

“Effimeri siamo, eppur solido appiglio di dolore.Fra duecento anni ignoti cammineranno su di noi, polvere...”

E con cla scusa lè, ad l’effimero, al na se mai sfurza trop in dla so vita; mopar chi? mo par cosa? Sa em da dvintar a dla polvra.....

Pier Luigi GranaL’avvocato. Chi l’ha visto?

A nal cardrì minga, ma l’è nà, carsù e ancora adès al sta a la Mirandla,e ninsùn l’ha quasi mai vist. Cal na sia n’alieno? E’ pusibil che un al fàga tut al scoli a la Mirandla, cal dventa infin avo-cat e adiritura docente universitario e cal pasa inoservà al Cortina? E al bel l’è che lu al tgnos tut e al sa tut ad tut, cume la RAI, di tutto e dipiù.E minga sol a dla gent dal circondari; ... ad Modna,... ad Bulogna,... adtuta la Region e oltre.Sa vli saver quèl ad politica e sopratut ad quel ca sucèd da dre dal quinti,lu al la sa. Minga sol indu e’ndà ier sira D’Alema a sèna, ma sa ghera anc so muier,se so fiola l’era andada fora col so muròz.. e cosi via discorrendo.

Insoma un petegul scientific, un cocteil tra Perri Meson, Serloc Olms eIndro Montanelli.

Signorina Marchesi

Oh, san’era minga n’istitusion quela? Mi aml’arcord sempar là in butega,second me l’a ghe incora.A ghera al Cafè Nasional e ad banda, a pochi passi, al privè. In cafè ig’andava tut, in dal privè pochi eletti a far do ciacri,.. al profesor Castlèn,me suocero .... parchè lor a sembra chi gnis tut da un paes tognaro, o alme-no le la gat’gniva a diral.T’avliv na vida o un ciold che ang’hiva ninsun? T’andav da la Marchesie ad’sicur a tla catav.Oh, tuta roba tedesca eh! E st’invliv una sola, ninsun problèma, bastavapagarla cumè na scatla intera.

Corrado Molinari

Al so che dimondi ad chi poch ca l’ha tgnusù i pensan cal fus brusc e unpo buriòs, insoma cal sdes dagli arii. Beh inveci l’era sol na maschera.A ghna vlu anc par me a capiral e a intrar in sintonia, ma a la fin il fan-ciullino del Pascoli l’è gnu fora,.. mo aghn’è vlu, eh. Me ho incumincia a andar par cà ca ghiva ot an, e quindi a ghe anch dacapir che al na ma vdis ming ad bon oc, par paura ch’ insidiès so fiola (epinsar cl’era le cla m’insidiava me), ma alla soglia dei miei quarant’annila tacà a torm’in nota. Mi a go vu pasiensa e a lo tolt par la gola, oh.. minga leteralment. A voi dir che, na volta con di caplèt fat da me madar, na volta con dal taia-deli ad Saul, na volta con na butiglia ad barolo....l’è mo gnu so dal pir. A la fin a simbravan du gran amig, al gniva sol luntèra a ca mia.

Puvrèt, s’al turnes al mond a sarèvan i più du gran amigòn, a son sicurche al gnarev meg in dl’Amcol (che se an savì brisa cus l’è, l’è mei)

Luppi Silvanodetto silmark

Intramontabile viveur. Elegante, vestì minim ad casmir, insoma cume s’alduvis sempar andar a na sfilada o al casinò. A un ca ta dmanda “mo che tipo el?” at prev rispondar “ehi, l’è un Luppi,parent di Consui” e iindigeni i s’farevan subit n’idea: voia ad schersar, unpo bizar, cuma sa da dir “al ga i so gust”!

Franco GavioliGed....one

I dis “se at ga ad bisogn d’infurmasion basta guardar su Internet”.Maccheè....le dimondi più facil telefonar al me amig Franco (stal cat!).Lu al sa propria tut dabòn, anch dal robi che -a ga scumèt- in ghe mingasu Internet. A ghera Giovanni Pico, e po al ghe subit lù, anch parchè Franco, dio albanadìsa, l’è un suo diretto discendente, sa nal savì minga.

E po’ con tut quel cl’a dit e scrit Giovanni Pico, chi l’ha dit chi’era tuttiverità?

Franco Gavioli

Stàl schiss chè a glò mis parchè al m’arcorda na gàra ch’em fat me e alpovar Gabriele na sira c’anvava, da l’Elsa: chi fava più in pressia na cari-catura ad Franco, insìma a un tvaiulèn ad carta, e cal g’sumigliès.Naturalment l’ha vins lu.

Giancarlo BellodiMabòn

Mabòn o Gin Crupa, ciamal cum a’vli. Ciclista, pugile, allenatore, nuotatore, narratore, poeta, presentatore,organizzatore, intrattenitore (in dal sens leteràl dla parola), barzellettiere,fisarmonicista, batterista, cantante, cosmopolita (so padr l’era ad Sidni),litigatore, bancario (a temp pers), e po am sarò dasmindgà quèl.. L’è propria vèra che la natura na qualch volta l’è ingiusta, chi trop e chigninta. Par furtuna che a ghè la statistica cas’dà na man: sa ghe un pin ad solde un in buléta, second la statistica i ga tut du quel pròn. E infatti la statistica l’è sempar piasuda ai sgnor e i puvrét in la polanvedar.

Las chi diga ancha te Giancarlo e cuntinua a sfugàrat a far dal conferen-si davanti al Cortina, al masim ninsun at’scolta.

Artebano Barelli

A dirì “cusa ghentra Gheddafi?” Al gh’entra, al gh’entra! Na volta l’épassà da la Mirandla, cume Scipione l’Africano intant cl’andava versBolzano.. le Alpi...a tor dal vèn (dal muller turgau second al me ricerchi),l’ha vist Artebano e l’a cupià al luk, e alora par rispet a tut du, e volendorisparmiare, ho fat un ritrat sol.

Làssa chi dìga Artebano... second me te ta capì tut ad la vita, o comunqueda più ad dimondi gent ch’ia pasà tuta la so vita insima ai lìbar.

Aleardo CavicchioniLàlo

Eletricista, artista, colesionista...ista,....ista, Da quand l’ha lasà le ad perdar dal temp presios in Cumun, è gnu fòra lavena artistico-culturale.L’ha tacà a far al pitòr dabòn e a colesionar di santèn, che Papa Paolosesto alg’na admandà in prest so quant chi’ig mancava. Adesa adiritura al s’dedica a n’atività artistica di alto livello: l’ilustrasiond’un libar ad Giuseppe Mursel. Oh roba seria, eh.Nemig dichiarà d’Artebano. La roba la risal a dimondi temp fa, quand Làlo al l’ha ritgnù responsabilad na catastofe ecologica.Artebano l’iva dasgurgà al vater con na bombula a 200 atmosferi e l’ivafat scuppiar incosa; as da al cas che Làlo al stes al pian ad sòta.....

FraulènArmando Secchi (scutmai)

Chi a g’avrev un romanz cume guerra e pace par descrivar al personag.

Am limit sol a un anedot:Cume ades a ghe i tersista ca fa i “ tubèn” in dal biomedicale, ai temp adl’IRCA, azienda già citata dall’autore, a gh’era quei che a rilevava i stoc eia vindiva sul marcà libar.Fraulèn, si dice, l’arev cumprà tut al magazèn e al se mis a vendar i cio-colatèn in piàsa al marcà: - 100 lire, na manada -.Ariva un biolc con na man ca simbrava na badila, al paga sent franc e altoz su du o tri chilo ad ciocolatèn e po, ridendo furbescamente, al dis:”At’ho ciavà, ehn?”.Al chè Fraulèn (ca g’manca l’esse, ma tut chiatri letri al li sa druvar bendimondi) con nonsalans al g’ha rispost: “speta ad magnari e a’vdem chidi du è armaz ciavà!”

Ades a n’al ved minga spes in piàsa; da quand i ga dat al ciav dal Casinòa Venesia, a par c’al sia sempr’impgnà.

Isnardo Mascherini

Lu pr’esempi l’è furtunà: al viv al dòpi che chiatar. Parche? Gal anc a ludo famii? Noo,..parchè al ga do viti, una cla va da la matina a la sira, euna cla cumincia a la sira al circul dal teatar e la va fin a la matina.24 h (tuentifor auars), cumè i locai a niu iorch, orario continuato, e quandagh ven son al sera n’oc a la volta per sinc minut, ... parchè?Sicom ca gnem tut du da Quarèntul, mi al tgnos ben. Da zovan al fava albibiti e la gasosa: “non bere a caso, bevi El Paso!” e insima a l’eticheta aghera un cactus.

E po dop, pr’an dar dal dan a la Cocacola l’a pinsà ben ad lasàr lè:“mo seh.. lasèmi vivar ch’iamerican !”

Amedeo Prandie’medeo di tutù

“MO 820.567 ?”.......”.marzo ‘93”

“MO 715.043 ?”.......”settembre ‘92”

“617880 ?”.......”aaah...aaah...forse maggio ‘91?”

Ma nooohh....quel l’è al me numer ad telefono, e’medeo. A to fat un scherz.

Beh, scherz a part, par d’ian a sem andà avanti a Mirandla senza bisognad consultar l’aci o al registar nasional dal machini, parchè Amedeo alsaviva tut. Bastava darg un numar e lu al tad’giva data ad fabricasion,numar dal tlar, proprietari, parenti stretti, cont in banca ecetera ecetera.. E se la machina da vendar l’era sua, ad sicur l’era immacolada, lucidada far invidia a la fabrica ca l’iva fàta, e sempar d’un sol proprietari, rigo-rosamente avvocato, sempar tgnuda in garaz, druvada sola a la festa, econ un schiav ca la lavava tut al matini.Ma pusibil che tut chiatar profesionista in vindisan mai la machina, cheninsun avocat l’is mai ciapà na buciadina, o che al schiav al na ghnis navolta l’influensa e al na psis minga lavar la machina?

CiciònSilvio Sitta (scutmai)

“T’interesa un capanunsen, n’apartaminten special, o un sit ad sent biol-chi cal fa al voi? A t’al dig sol a te parchè a so che at sa apresaral e poparchè a son amig ad to padar che al ma fità la butega”Eco questo lè lu e questa l’è la filastroca cal dis con tut.Epure con al so foti (in italiano “battute” e minga “bali” cume i pinsàtut) l’è a’dvintà un personàg.Perito del tribunale, om da parer se ad vol vendar o cumprar quèl, e a parfin c’al daga lesion privadi ai nudar.I al ciàma anch ciciòn di tor (in italiano: ciccione dei torri). A par ca siapar la furtuna cla mucià. Se t’andav seg a Modna, lu al t’cuntava. “vedi sulla tua destra, le l’è tutmio” E va ben, sol che quand ad turnav indrè, in cl’atra diresion, al tad’giva “vedi sulla tua destra, lè l’è tut mio, ho cumprà tut me, a go sol dafar i rogit”, e questo per chilometri e chilometri. E alora a t’armagniva aldubi: mo al cumprà a destra o a sinistra dal canalèt?

E po l’è un grand espert ad proverbi, so quant a li a cunià lu. Da citare:

“barca afundada, non macina più” in st’al cas che pr’e-sempi al na miscià du insèm. Oppure:

“caga più un bue che cento rondinelle - caro al me profe-sor Festanti”, disse alla fine di una partita a carte.

Dialmo Cavicchioli

Dialmo= traduzione letterale di -bicicletta- in dialèt mirandules

Lu al prev propria dir “i vlu la bicicleta, adesa pedalà, che me la me parta l’ho bela fàta”Ma col so caratar al na la direv mai.Second me se un l’ha cumprà la bicicleta da Dialmo trant’an fa, l’è anco-ra in garansia. Se un al va là, Dialmo al s’cava al giachèt nov, al tos na ciav dal 10 e alvla giusta gratis et amore dei.I disan che Agnelli l’ha mis i’italien in machina, beh, e Dialmo l’ha mis imirandules in bicicleta, parchè? Chi è di du ca fat da più par la salutad’iitalien ?Sl’is fat al pàpa, al sarev Giovanni XXIII.Sal fus nà in Giapòn, e al fus na dòna, al sarev na gheisa.Sa me a fus un scultor e a duvis far la statua dla Serenità, al turev cumemodèl.

G’oia da zuntar quel’atr per fare un quadro esauriente dal personag?

Alfio Confortini

Le rôle du physique

Viale Ceccarini, Riccione....Beh, chè i m’an impost al silensi stampa. Cusa pinsav subit ca g’sia quel sota, ca s’trata ad robi grosi. Tuta invidia, parchè lu l’è ancora un zuvnot e uatr coetanei a simbrà sonunòn. As’ved che in mes a tut chi butigliot cal ga in butega l’ha catà l’elisir d’e-terna giovinessa. Doga,.. c’è chi ce l’ha e chi non ce l’ha.

E po basta, ca vli saver tropi robi.

Giuseppe BorelliniBeppe, fiol dal nudar

Pardèm pur di sarvèi, lasèm chi emigra a l’estar, che un gioran a sn’a-curzrèm.

Vittorio Porta (parlament europeo a brusèl), Amedeo Testa (aministrador delegà d’na grosa multinasionaleamericana),Ernestino Salvioli (industrial dla carta stampada a Milan), Libero Lolli (emigrà a Poggio Rusco, in dal Texas), Alberto Chierici (a Prinston, niu gersi), Filippo Manganelli (l’anvò dal gob Lauro, oggi primario in n’u-spidal dla republica veneta);

in du ei andà si ha vlu far furtuna? a l’estar!

In dal cas ad Beppe, om ad cultura, farmacolog, ad famìa quasi nobile, alvliva sol la pusibilità ad far dal volo a vela. Beh, con tanti biolchi ad tèrain dla val, al cumun an psival minga farag na pista ?

Me am’sbagliarò ma prima o poi i turnarà tut a la Mirandla. Il richiamodell’erba spagna!Nuentar a sem chè chi spetem al varco.

Olga Scardua in Bellinime madar

Di mamme ce n’è una sola, cusa vliv cav diga,.. sol dal robi beli. L’ha lavurà tuta la so vita, la fat du putèn, me e me fradel Stefano, per untotale ad 250 Kg e pasa, la tgnu bòta con me padar (cal ne minga nabusca cume pignoleria) ormai par più ad 55 an, la fa di caplèt chi fa alvoi,... beh, con tut quest, an vliv minga lasarag cumprar 5 o 6 vestì a lasmana?Avri notà che ho druvà un ritrat ad soquant an fa, par farla simbrar anco-ra più zovna. At capirà, le la nag tegn gnanc... La so massima sudisfasion l’è quand me e le a sem via insem e la gent lag’dis “siete marito e moglie?” oppure “siv du fradei?”Le l’è nada par star in cà, ma la viv pr’andar fòra. L’important an n’è minga in du andàr, ma che al post al sia luntàn e chein dal turnar as’ sarnisa la via più longa.

Insoma se quand a son nà i m’isan dat la posibilità ad sarnir na madar,arev propria sarni questa!

Enzo Bellinime padar

L’arluiar, detto bigiulìna da ragàs. Si dice che tut al matini dal’Istituto Galileo Ferraris ad Turèn i c’telefonapar metar in punt i’arloi. Lu l’è nà arluiar, con la lenta insima ai’uciai eal s’cumporta da arluiar in tut,... in dal magnar,... in dal temp libar... ece-tra, ecetera. Ades cla vindù la butega al cuntinua a far l’arluiar in dal giarden, in cà,in dal vestir.Basta pasar par via Motegrapa par rendrasan cont; me a glo present sem-par in dal tre posi a dla prosima pagina.I disan che al furmighi prima d’andar dentr in dal so giarden i sa spasani pè e i begh i fa la dòcia.Arluiar, ma non solo,.. violinista stroncato sul nascere, padre di un inge-gnere mancato (ca sarev po me). Oh, al na la vliva mandar zo, ma ades apar che al sin sia fat na ragion).Riparatore universale (par lu e par tut quei a dla via Montegrapa e tut iparent), ma sopratut uomo di una rettitudine eccezionale, insoma un adquei ca s’dis: “oh, quel l’è n’om a post, veh !”

Enzo Bellinime padar

Eco, lu al s’pàsa al temp acsé

Maria Mussinime nòna

I pinsarà ca son un cinic parchè an vag minga al simiteri a catar me nònae me nunòn. Ma cusa v’aghia a far. Me nona l’an n’è minga al simiteri. L’è sol che an s’avdem minga da un bel pes. Cus a’vliv: me a son sempr’ingir al’estar, quand a vagh a ca dai mio, le as da al cas cla sia fora, e acsèan sa vdem da soquant an. Ma le l’è sempar là cla fa di caplèt e la pulisdi fasulèn.L’an ne mai andada fora ad cà, as ved cla se stufàda. La tolt su so marìLeontino e ien andà a far un gir insem, che prima, a forsa ad bisaras e adlavurar, in’iva mai avu temp. As ved ca ghe piasù al post e la sla tos comda.Prima ad partir però par la so crociera, l’a fat in temp a vedar sinc gene-rasion: le, me padar, me, me fiola e men’vò Giacomo. Oh, l’è na bela sudi-sfasion ehn!

Sperèm cla torna, acse la ved anc chiatar du anvò, la Vitoria e Lorenso.

Daniela Molinari in Bellini

Lei, me muier, Dani per pochi parenti eletti

Chi l’argoment l’è un po delicà. Bisogna èsar un po rufián (can ne mingaal me fort) e nè trop fals.L’è na vita ca dascutem sensa metras d’acord. E l’argoment l’è semparquel: se a son sta più furtunà me a tgnosar le o le a tgnosram me.A pens ca murirem dascutend ancora. Me a so sol che a go na gran furtuna in dal zog!Oh, d’altra parte Dante la tgnusù Beatrice in cèsa a nov an e la roba l’hafat scalpor. Me ho tgnusu me muier a 8, cusa duvrevia dir?L’important l’è che, intant cla corez di compit (a sembra che cume class lag’ava le forze armate!), la cuntinua a far dal pasatèli, di risòt, e dallasàgni, dopa a vol po dir che a gnarem a n’acomad.

Corrado Bellinime fiòl

Chè a sem propria al masim a dla furtuna, sopratut guardandas intorn algioran d’incò. Lu l’ha studià sensa mai pararal su, fin a’dvintar inzgner (e me a so cusavol dir), l’ha sarnì ad far al me mastér (cl’è la più grosa sudisfasion pr’unpadar), lu al na bev, al na fuma, al fa ginastica inveci ad diznàr, al lavo-ra cume un negar, l’ha sarni na muier brava cume lu e ad Quarèntul.....

Eco, in stal cas chè la gent in dis minga che al sumiglia tut a so padar.Al parchè a l’ho ancor da capir, ma a m’dispiaz un poc!

Chi l’è quand l’ha fat la cresma, (ades al g’ha più ad trent’an!).Da alora ann’ho minga catà al temp ad farag un ritrat più agiornà.

Cristiana Bellinime fiòla

Cusa vliv dir ad’na fiòla ?.. clè bona, brava, bèla ... ecetera, ecetera.Beh, in dal me cas l’è anch vera!Laureada in ligui (l’arev psu far anch l’avocat parchè la lingua cla drovamei l’è la sua), biologa mancata (anch me cume me padar a m’in son fatna ragion) allevatrice, pittrice/scultrice par obbi, suonatrice, tuta cà efamia... da più cusa possia pretendar. E po l’ha ma scudlà un anvò a l’an, un mei ad clatar, tant che a son a drea pinsar ad far n’asilo nov a Mdòla in dal giarden, can’sa mai..

La gent la dis “quèla l’assumiglia propria a so padar” ca n’assà mingacusa i voia dir, ma me un qualc sospet a gl’ò.

Quest a son me.

Roba ad soquant an fa’. Quindz o vint. Iivan apena fat vedar Sandocanpar televizion e me a cardiva che a bastes tgniras la barba par sumigliarsa lu. E po me muier con un gir ad paroli la ma dit ca fava ridar i pui ealora a go dat su.