Embed Size (px)
Citation preview
S T A T U T I
DHE
RREGULLORJA
E PERGJITHSHME
E AGJENCISE “ALBAUTOR”
Tiranë, 2005
________________________________________________________________________ ALBAUTOR: Rr.”Sami Frasheri”. Pall.20/1. Ap.1. Tirane. Tel&Fax (+355 4) 2274833 E-mail:[email protected]
Nr. Llog.: Raiffeisen Bank. Dega 1. Tirane. Nr account 0101000006
2
A L B A U T O R
AGJENCIA SHQIPTARE PER TE DREJTEN E AUTORIT NE FUSHEN E
MUZIKES DHE TE VEPRAVE AUDIOVIZUALE
(Aprovuar në datën 23. 12. 1992.
Modifikuar në vitin 1998 me rastin
e disa ndryshimeve në ligj, modifikuar
në datën 06. 07. 2005 nga Këshilli i Administrimit
me daljen e ligjit Nr. 9380, datë 28. 04. 2005)
SSS TTT AAA TTT UUU TTT III
Tiranë, 2005
Neni 1
3
Agjencia ALBAUTOR është person juridik-privat, organizatë jo-fitimprurëse, objekt i
veprimtarisë të së cilës është mbledhja e të ardhurave për përdorimin e veprave në fushën
e muzikës dhe audiovizualit për veprat e huaja sipas kontratave të përfaqësimit reciprok
me shoqëritë e huaja (Neni 111 i Ligjit Nr. 9380, datë 28. 04. 2005) dhe shpërndarjen e
tyre tek titullarët e të drejtës së autorit në fushën e muzikës dhe audiovizualit1. Ajo është
shoqëri private ortakësh që nuk ndjek qëllim fitimi dhe udhëhiqet nga Statuti, Rregullorja
e Përgjithshme, në përputhje me dispozitat e Ligjit nr. 9380 dt. 28.04.2005 dhe me
dispozitat e tjera në fuqi.
Autori është ortak dhe përfaqësohet në këtë Agjenci me veprat e tij, të cilat janë aksionet
e tij.
Autorët-ortakë që bëjnë pjesë në këtë Agjenci janë: kompozitorë, kantautorë, autorë
teksti, prodhues fonografikë apo audiovizualë, përkthyes, aranzhatorë, etj, të cilët
pranojnë Statutin e Agjencisë si dhe anëtarët e shoqërive motra që kanë kontrata të
përfaqësimit reciprok për muzikën dhe audiovizualin me Agjencinë ALBAUTOR.
Çdo autor-ortak: kompozitor, kantautor, autor teksti, prodhues fonografik, apo
audiovizual, përkthyes, aranzhator, që pranon këtë statut i kalon Agjencisë ALBAUTOR,
nga vetë fakti i aderimit dhe gjatë gjithë kohëzgjatjes së agjencisë, administrimin dhe
ushtrimin e të drejtave vetjake jopasurore dhe të drejtave pasurore të veprave të tij, të
krijuara apo që do të krijojë në të ardhmen.
Botuesi apo prodhuesi i një vepre, autori i së cilës është anëtar i agjencisë, pranohet edhe
vetë si anëtar i agjencisë, për shkak të kontratave të bëra nga autorët me të, brenda kufijve
të këtij statuti.
Neni 2
Anëtarët e Agjencisë, nga vetë fakti i pranimit të statutit, i kalojnë asaj ekskluzivisht dhe
për të gjitha vendet, të drejtën për të administruar si titullar i të drejtës së autorit të
veprave të tyre siç janë përcaktuar në nenin 1, nëpërmjet të gjitha mjeteve të njohura apo
të panjohura që do të zbulohen, nën rezervën e së drejtës të çdo anëtari të agjencisë që të
tërheqë kalimin e të drejtave të dhëna sipas këtij neni pas mbarimit të këtij statuti me një
paralajmërim prej një viti më parë.
Neni 3
Agjencia është “pagëzuar” me emrin ALBAUTOR
Neni 3/1
Selia e Agjencisë Albautor është në Tiranë, në pronën e saj në adresën: Rruga “Sami
Frashëri”, pallati 20/1, shk.1, Ap. 1, dhe mund të transferohet me vendim të Këshillit të
Administrimit në çdo adresë tjetër të të njejtit qytet.
1 Kur flitet për vepra audiovizuale këtu e poshtë duhet nënkuptuar muzika, dhe muzika në veprat
audiovizuale, përfshi edhe muzika në veprat kinematografike.
4
Neni 3/2
Kohëzgjatja e Agjencisë Albautor është përcaktuar 50 vjet duke filluar nga 1 Janari i vitit
1993, sipas regjistrimit të shoqërisë Albautor, për herë të parë, në Gjykatën e Shkallës së
Parë me vendim Nr. 10509, datë 29. 12. 1992, ndryshuar në shoqatë me vendimin Nr.
587, datë 18. 02. 1998 dhe regjistrimit më të fundit në Gjykatën e Shkallës së Parë Tiranë
për ndryshimin në Agjenci. Pas mbarimit të kësaj periudhe, ajo do të vazhdojë
ekzistencën e saj me të drejta të plota brenda kushteve të përcaktuara në nenin 37 të këtij
statuti për një periudhë tjetër 50 vjeçare.
Neni 3/3
Autorët-ortakë, anëtarë të agjencisë, ruajnë ushtrimin e të drejtave të tyre vetjake
jopasurore të patjetërsueshme dhe të paparashkrueshme.
OBJEKTI I AGJENCISE
Neni 4
Agjencia ka për objekt:
Objekti i veprimtarisë së Agjencisë Albautor është mbledhja e të ardhurave për
përdorimin e veprave në fushën e muzikës dhe audiovizualit dhe shpërndarjen e tyre tek
titullarët e të drejtës së autorit dhe të drejtave të tjera të lidhura me të, të cilët ia kanë
kaluar këto të drejta për administrim Agjencisë. Pra:
1. Ushtrimin dhe administrimin, brenda dhe jashtë vendit, të të gjitha të drejtave që kanë
të bëjnë me ekzekutimin publik, shfaqjen publike apo me riprodhimin mekanik dhe
veçanërisht, marrjen dhe shpërndarjen e të ardhurave që rrjedhin nga ushtrimi i të
drejtave në fjalë;
2. Mbrojtjen e interesave jopasurore dhe pasurore të anëtarëve të agjencisë apo të atyre që
u kanë kaluar të drejtat.
Përbërja e Agjencisë
Neni 5
Kanë cilësinë e anëtarëve-ortakë (Stazhierit, Aderantit, Anëtarit definitiv) autorët,
kompozitorët, kantautorët, autorët e tekstit, botuesit e muzikës, prodhuesit fonografikë
apo audiovizualë, përkthyesit, aranzhatorët të cilët kanë pranuar statutin e Agjencisë.
Kanë gjithashtu cilësinë e “anëtarit simpatizantë” personat fizikë apo juridikë, shqiptarë
apo të huaj, që mbështesin materialisht Agjencinë “ALBAUTOR”.
5
Kapitali i Agjencisë
Neni 6
Kapitali i Agjencisë është i ndryshueshëm. Ai formohet nga shumat që vijnë nga kuota e
pranimit të anëtarëve, nga përqindja e të ardhurave që mban Agjencia, të cilat caktohen
çdo vit nga Këshilli i Administrimit, nga dhuratat ose donacionet që bëhen për Agjencinë
Albautor.
Agjencia Albautor është agjenci e cila ushtron aktivitetin e vet prej 12 vjetësh dhe
burimet potenciale dhe pasurore janë:
1- Selia është pronë e agjencisë Albautor.
2- Produkti Financiar që mblidhet prej kontratave me përdorues të pronësisë artistike
në fushën e muzikës dhe audiovizualit (sipas vendimit të Këshillit të Ministrave)
siç janë radiotelevizionet, hotelet, editorët e kasetave, CD dhe DVD etj.
3- Të ardhurat nga Kontratat e Përfaqësimit Reciprok me shoqëritë motra.
Neni 7
Produkti financiar ndahet në pjesë sipas përdorimit të veprave të autorëve ortakë. Të
gjithë ortakët disponojnë pjesë të të ardhurave të këtij produkti sipas numrit të veprave të
krijuara, shkallës së përdorimit ose veprave që do të krijohen më vonë.
Neni 8
I. Detyrimet e Agjencisë përfshijnë kryesisht:
1. Shpenzimet e përgjithshme të administratës, të regjistrimit të veprave, të mbledhjes së
produktit financiar, të mbulimit të shpenzimeve dhe të shpërndarjes.
2. Shpenzimet e përfaqësimit në organizatat ndërkombëtare të shoqërive të autorëve dhe
në raportet me Agjencitë motra të vendeve të tjera.
3. Shpenzime gjyqësore dhe nevoja të tjera për mbrojtjen e Agjencisë dhe të anëtarëve të
saj.
4. Shpenzime për veprime kulturore dhe përkrahje sociale të anëtarëve.
II. Për t’u bërë ballë shpenzimeve të parashikuara në paragrafin I, si dhe më sipër
agjencia disponon burime që vijnë nga:
1. Nga përqindja e interesit të shumave të mbledhura përpara shpërndarjes.
2-a. Produkti i shumave të ndaluara në përqindje për administrim dhe të ndaljeve për
transferta në shoqëritë e autorëve.
2-b. Produkti i ndaljes për shpenzime të funksionimit të agjencisë të zbritura mbi të
drejtat për shpërndarjen.
Shumat e këtyre ndaljeve përcaktohen sipas praktikave ndërkombëtare të aprovuara në
Këshillin e Administrimit.
6
3. Kuotizacionet e anëtarëve-ortakë, për pranim dhe të përvitshme, shuma e të cilave
përcaktohet nga Këshilli i Administrimit.
4. Produktet dytësore, si ato që vijnë nga dëmtimet e interesave që Agjencia ka të drejtën
t’i mbrojë, gëzojë, posedojë dhe shpërndajë sipas vendimit të Këshillit të Administrimit
me kërkesën e Drejtorit të Përgjithshëm.
5. Kuotizacionet e anëtarëve simpatizantë, shqiptarë ose të huaj për origjinën e të cilave,
Drejtori i Përgjithshëm njofton Këshillin e Administrimit. Në çdo rast është Këshilli i
Administrimit që aprovon pranimin ose jo të subvensioneve apo kuotizacioneve.
RREGULLAT E ZBATUESHME
PER SHPERNDARJEN E TE ARDHURAVE
Neni 9
Mbulimi i shpenzimeve (8-1) sigurohet nëpërmjet burimeve të parashikuara, të (8-II).
Këshilli i Administrimit përcakton:
a. shumën e ndaljes së bërë për llogari të administrimit, (35%-15% sipas rekomandimeve
nga Konfederata Ndërkombëtare e Shoqërive të Autorëve dhe Kompozitorëve CISAC
dhe BIEM) si dhe sipas interesit për forcimin e Agjencisë Albautor.
b. mbetjet eventuale për të paguar anëtarët në proporcion me ndryshimin e devizës, që
janë ulur për ushtrimin e veprimtarisë gjatë vitit.
c. të gjitha sa më sipër llogariten sipas programit COSIS – gjuha elektronike që vendet
anëtare të CISAC aplikojnë, si dhe CD që përmban lista WWL (World Works List/ Lista
e Veprave Botërore) dhe CAE (Kompozitor, Autor, Editor-numri identifikues i çdo autori
anëtar në botë).
Marrja dhe shpërndarja e të drejtave
Neni 10
Detyrimet e të drejtave të autorit të marrë nga agjencia për të drejtën e shfaqjes publike,
ekzekutimit publik dhe riprodhimit mekanik etj, pas zbritjeve për shpenzimet e
përgjithshme, të ndahen midis autorëve shqiptarë dhe huaj.
Mënyrat e zbatimit të këtij parimi përcaktohen në Rregulloren e Përgjithshme.
Detyrimet e të drejtave të autorëve që merren nga e drejta e riprodhimit mekanik
shpërndahen, pas zbritjes së shpenzimeve të përgjithshme dhe atyre statutore, sipas
parimit të përcaktuar në paragrafin e mësipërm.
7
Detyrimet e të drejtave të autorit që merren nga agjencia, nga e drejta e qiradhënieve apo
të kopjeve private të veprave, shpërndahen, pas zbritjes së shpenzimeve të përgjithshme
dhe atyre statutore, sipas parimit të përgjithshëm të përcaktuar në paragrafin e parë të
këtij neni.
Neni 10/1
Kontrolli i Administrimit Financiar dhe Ekonomik
1. Agjencia Albautor informon sipas ligjit Zyrën Shqiptare për të Drejtën e Autorit
për produktin financiar të mbledhur, kontratat me përdoruesit e pronësisë artistike
në fushën e muzikës dhe audiovizualit.
2. Këshilli Administrimit kontrollon administrimin financiar dhe ekonomik të
agjencisë.
3. Çdo anëtar-ortak ka të drejtë të marrë informacion për administrimin financiar
dhe ekonomik të agjencisë sipas Statutit.
4. Veprimtaria financiare e Albautor bëhet publike nëpërmjet faqes së saj në
Internet.
Këshilli i Administrimit
Neni 11
Këshilli i Administrimit përbëhet nga 5 anëtarë të zgjedhur midis anëtarëve definitivë nga
Asambleja e Përgjithshme e autorëve sipas këtyre proporcioneve:
-2 kompozitorë
-1 kantautorë
-1 autorë teksti
-1 aranzhator
Neni 12
Anëtarët e Këshillit të Administrimit vijnë nga Asambleja e Përgjithshme e zakonshme
midis anëtarëve definitivë. Ata zgjidhen për një kohëzgjatje prej 4 vjetësh me votë të
fshehtë.
Për çdo kategori do të deklarohen të zgjedhur ato që kanë marrë mazhoritetin e zërave.
Ripërtëritja e Këshillit të Administrimit bëhet parciale (për gjysmën çdo dy vjet).
Anëtarët e Këshillit kanë të drejtën të rizgjidhen. Funksionet e anëtarëve të Këshillit të
Administrimit janë gratis.
Këshilli i Administrimit mund të ngarkojë me detyrë të përkohshme (ad-hoc) dhe të
shpërblyeshme një apo më shumë nga anëtarët, brenda kompetencave të tij, në konsultim
me Drejtorin e Agjencisë për të drejtuar një komision sipas interesave të shumicës të
autorëve anëtarë ortakë.
8
Neni 13
Gjatë seancës së parë, pas Asamblesë, Këshilli i Administrimit zgjedh Presidentin e tij.
Këshilli i Administrimit nuk mund të proçedojë për këtë zgjedhje pa qenë të pranishëm të
paktën 2/3 e anëtarëve që e përbëjnë.
Presidenti zgjidhet me mazhoritetin e anëtarëve të pranishëm sipas kushteve të
parashikuara në nenin 16.
Presidenti i Këshillit të Administrimit së bashku me Drejtorin e Agjencisë administrojnë
ALBAUTOR-in. Presidenti mund të caktojë nga gjiri i Këshillit të Administrimit një
zëvendës që drejton në mungesë të tij.
Presidenti ka të drejtë të rizgjidhet, por nuk mund të ushtrojë veçse dy mandate të
njëpasnjëshme.
Këshilli i Administrimit përcakton një honorar për Presidentin për kryerjen e funksioneve
të tij.
Neni 14
Në Këshillin e Administrimit nuk bëjnë pjesë:
a. Anëtarët-ortakë që ushtrojnë funksione të administrimit në çdo ndërmarrje që është e
interesuar për shfrytëzimin e veprave të anëtarëve të agjencisë.
b. Anëtarët-ortakë, që janë persona fizikë ose juridikë që ushtrojnë veprimtari fitimi në
fushën e pronësisë artistike.
Çdo anëtar i Këshillit që do të ndodhej në një nga rastet e përmendura më sipër do të
përjashtohej.
Neni 15
Në rast se një apo më shumë poste në Këshillin e Administrimit mbeten të lira,
Asambleja e ardhshme e përgjithshme e zakonshme e agjencisë, vendos në vendet
vakante, duke zgjedhur konform statutit, një apo më shumë anëtarë që u përkasin
kategorive që mungojnë.
Këshilli i Administrimit ka të drejtë të plotësojë vendet vakante provizorisht, me kushtet
që përcaktohen në statut. Emërimet, për të cilat ka proçeduar Këshilli i Administrimit, i
nënshtrohen ratifikimit të Asamblesë së Përgjithshme të zakonshme më të afërt.
Çdo anëtar i lajmëruar me shkrim që mungon në tre seanca të njëpasnjëshme, pa arsye të
ligjshme, konsiderohet sikur ka hequr dorë nga posti i tij.
9
Neni 16
Këshilli i Administrimit mblidhet zakonisht çdo tre muaj dhe në raste të veçanta mund të
thirret nga njeri prej drejtuesve ose me kërkesën e 1/3 së anëtarëve të tij.
Vendimet e Këshillit të Administrimit merren me mazhoritetin e anëtarëve të pranishëm.
Në rast se votat ndahen përgjysmë ajo e Presidentit ose në mungesë të tij ajo e Presidentit
të seancës, është vendimore.
Proçesverbali i çdo seance dhe vendimet e Këshillit të Administrimit nënshkruhen nga
Presidenti apo, në mungesë të tij, nga Presidenti që drejton seancën. Këto proçesverbale
mbahen në një regjistër të posaçëm.
Çdo anëtar i Agjencisë me autorizim të Presidentit, mund të lexojë tekstin e
proçesverbaleve, vendimet, diskutimet e Këshillit të Administrimit në selinë e Agjencisë
Albautor.
Neni 17
Këshilli i Administrimit zotëron kompetenca për administrimin sa më dobiprurës të
agjencisë. Si rrjedhojë:
1. Ai vendos politikat e drejtimit të Agjencisë në konsultim me Drejtorin e Përgjithshëm
dhe në përgjithësi, të gjithë aktet e administrimit.
2. Ai rregullon marrëdhëniet midis anëtarëve.
3. Ai ratifikon ekzekutimin e marrëveshjeve me përdoruesit e veprave të anëtarëve të
Agjencisë.
4. Ai kontrollon mënyrën e mbledhjes së parave, futjen në arkë dhe shpërndarjen e tyre
tek anëtarët-ortakë të Agjencisë.
Këshilli i Administrimit mund t’i japë të drejtë komisioneve të kontrollojnë buletinet e
deklaratave dhe të vendosë klasifikimin e çdo vepre duke aplikuar tabelat e llogaritjeve.
Vendimet që merren nga komisionet i nënshtrohen ratifikimit të Këshillit të
Administrimit.
5. Këshilli i Administrimit disponon të gjitha fondet sociale, rregullon vendosjen apo
zhvendosjen e tyre dhe përdorimin.
6. Këshilli i Administrimit vendos për të gjitha blerjet apo qiratë.
7. Këshilli i Administrimit pranon ose refuzon subvensionet, donacionet dhe dhuratat që i
bëhen Agjencisë Albautor.
8. Këshilli i Administrimit shprehet mbi pranimin e autorëve në cilësi të anëtarëve të
agjencisë dhe çdo vit, të paktën dy muaj përpara se të mblidhet Asambleja e
10
Përgjithshme, ai i ndan sipas shkallëve të përcaktuara në Rregulloren e Përgjithshme.
Vendimet që merren nga Këshilli i Administrimit, brenda kufijve të atributeve të tij, janë
të detyrueshme për të gjithë anëtarët e Albautor-it.
Këshilli i Administrimit në momentin e zgjedhjes së Drejtorit të Agjencisë i ka kaluar atij
kredibilitetet për të bërë një menaxhim sa më efikas të Agjencisë Albautor dhe Drejtori
është i detyruar të raportojë për administrimin e agjencisë në këtë Këshill.
Neni 18
Secili nga anëtarët-ortakë, nga momenti që ka pranuar statutin, njeh cilësitë që ka
Agjencia Albautor për ta mbrojtur në:
1. Çdo proçes gjyqësor kundër të tretëve për arsye të shfrytëzimit të veprave të tij në
kuadrin e të drejtave që i ka dhënë Agjencisë në bazë të neneve 1 dhe 2 të statutit;
2. Çdo proçes gjyqësor për personalitetin juridik të Agjencisë apo anëtarëve-ortakë.
Drejtori i Agjencisë Albautor
Neni 19
Drejtori i Agjencisë zgjidhet nga Këshilli i Administrimit me votë të fshehtë. Ai duhet të
ketë kombësinë shqiptare, të ketë jetuar pesë vjetët e fundit në Shqipëri, të jetë jurist dhe i
specializuar në fushën e drejtimit, menaxhimit dhe administrimit kolektiv të pronësisë
artistike.
Ai quhet i zgjedhur pasi ka marrë të paktën 2/3 e votave të anëtarëve të Këshillit të
Administrimit.
Duke qenë specialist për menaxhimin kolektiv, mandati i Drejtorit të Përgjithshëm nuk
është i kufizuar në kohë.
Ai është shefi i shërbimeve administrative dhe i personelit të Agjencisë.
Drejtori emëron dhe shkarkon personelin administrativ të Agjencisë.
Këshilli i Administrimit, në marrëveshje me Drejtorin e Agjencisë Albautor, përcakton
pagesën e tij.
Neni 20
Drejtori i Agjencisë Albautor, me zgjedhjen e tij në këtë post nga Këshilli Administrativ
ka të gjitha kredibilitetet për të zhvilluar një veprimtari në dobi të shoqërisë. Atij i është
ngarkuar të sigurojë dhe të ndjekë ekzekutimin e vendimeve të Këshillit të Administrimit
dhe, nën drejtimin e kontrollin e këtij të fundit, të sigurojë në mënyrë të përgjithshme
administrimin e Agjencisë të cilën ai e drejton dhe mbikqyr në të gjitha shërbimet.
Neni 20/1
11
Kur Drejtori i Agjencisë vjen nga radhët e krijuesve ai e ka të ndaluar të prekë para nga e
drejta e autorit
Ai ka për detyrë veçanërisht:
1. Të mbajë shkrimet, llogaritë dhe korrespondencën e Agjencisë.
2. Të sigurojë mbledhjen e të drejtave e recetat e tjera dhe të mbajë llogarinë bankare të
Agjencisë.
3. Të sigurojë rregulloren e shpenzimeve që rrjedhin nga nevoja e funksionimit të
Agjencisë.
4. Të përgatisë shpërndarjen e të ardhurave për anëtarët e agjencisë dhe për ata që u kanë
kaluar të drejtat dhe t’ia paraqesë Këshillit të Administrimit për t’i aprovuar.
5. Të nisë procese gjyqësore civile, penale, administrative apo arbitrazhi, të ndjekë vetë
ose të vendosë një përfaqësues ligjor në çdo proçes gjyqësor për mbrojtjen e anëtarëve-
ortakë të Agjencisë, të personalitetit juridik të Agjencisë si dhe të ndjekë ekzekutimin e
tyre, të arrijë marrëveshje jashtëgjyqësore apo të heqë dorë nga ato.
Drejtori i Agjencisë merr pjesë në të gjitha asambletë. Ai asiston në Këshillin e
Administrimit si dhe në seancat e këshillit në fjalë.
Ai mund të asistojë në mbledhjen e komisioneve të parashikuara në nenin 22 të statutit.
Drejtori i Agjencisë nuk ka të drejtë vote në Asamble, në Këshillin Administrativ apo në
komision, kur asiston në mbledhjet e tyre.
Administrata e Agjencisë
Neni 21
Anëtarët e personelit të agjencisë duhet të gëzojnë të drejtat e tyre qytetare. Ata nuk
mund të jenë dhe as mund të bëhen anëtarë të agjencisë. Personelit i ndalohet të ketë të
drejta mbi veprat e mbrojtura nga Agjencia dhe të pranojë të drejta që mund t’u bien në
pjesë me testament nga të gjallët për shkak të ushtrimit të detyrës.
Ata ndalohen të hyjnë në bisedime apo në marrëveshje direkt apo indirekt me përdoruesit
e veprave të repertorit të Agjencisë dhe në të gjitha veprimet që mund të vijnë kundër
interesave të Agjencisë.
Neni 21/1
Njësitë e administrimit të Agjencisë janë:
12
1- Zyra e Drejtorit të Përgjithshëm
2- Zyra Juridike
3- Zyra e Financës dhe e Shpërndarjes
4- Zyra e Marrëdhënieve me Jashtë
5- Zyra e Protokollit
Neni 21/2
1- Zyra e Drejtorit të Përgjithshëm është institucioni i cili përfaqëson veprimtarinë
ekzekutive të Agjencisë. Ajo drejtohet prej Drejtorit të Përgjithshëm. Veprimtaria
e saj bazohet në nenet 17, 18, 19 të Statutit dhe në legjislacionin e R.SH.
2- Zyra Juridike është institucioni i cili autorizohet prej Drejtorit të Përgjithshëm për
të kryer gjithë veprimtarinë juridike të Agjencisë. Ajo drejtohet prej një juristi me
një eksperiencë pune jo më pak se tre vjet i cili është i punësuar në Agjenci.
3- Zyra e Financës dhe Shpërndarjes është institucioni i cili vepron për të mbajtur të
gjitha të dhënat financiare të Agjencisë, për të kryer të gjitha pagesat, për të
mbajtur llogaritë dhe mundëson informacionin e nevojshëm për shpërndarjen e
produktit financiar. Ky informacion është për zyrën e Drejtorit të Përgjithshëm.
Vetëm ai mund të lejojë çdo person të interesuar për këtë informacion me anë të
një urdhëri me shkrim, pa rënë në kundërshtim me këtë Statut dhe me
legjislacionin në R.SH.
4- Zyra e Marrëdhënieve me Jashtë është institucioni i cili në bashkëpunim me
Drejtorin e Përgjithshëm vendos për marrëdhëniet me shoqëritë e huaja simotra në
fushën e të drejtës së autorit. Kjo zyrë mban raportet e agjencisë me shoqëritë e
huaja, me organizatat ndërkombëtare për të drejtën e autorit.
5- Zyra e Protokollit është institucioni i cili ruan, mbledh dhe shpërndan me urdhër
të Drejtorit të gjithë informacionin e nevojshëm që nxjerr dhe vjen në agjenci. Kjo
zyrë vepron në zbatim të urdhërave të nxjerra nga Drejtori i Përgjithshëm.
Neni 22
Pranë Agjencisë Albautor funksionojnë edhe komisionet e mëposhtme:
1. Komisioni muzikor
2. Komisioni audiovizual.
3. Komisioni për prodhuesit e fonogrameve.
Çdo komision ka pesë anëtarë të zgjedhur nga Këshilli i Administrimit me kërkesë të
Drejtorit të Agjencisë.
Neni 23
Komisionet e përmendura në nenin 22 nuk kanë të drejtë të ndërhyjnë në administrimin e
Agjencisë. Ato kanë për detyrë të ndjekin problemet që Agjencia u ngarkon. Ata kanë të
drejtë t’i propozojnë Këshillit të Administrimit zgjidhjet e përshtatshme.
13
Komisionet duhet të mbajnë proçesverbale për seancat e tyre të nënshkruara nga kryetari
i komisionit dhe çdo anëtar. Proçesverbalet mbahen në dy kopje, një për Këshillin e
Administrimit dhe një kopje për arkivin e Agjencisë.
Neni 24
Pranë Agjencisë formohet një këshill financiar i cili duhet të japë mendim për të gjitha
problemet për drejtimin financiar të agjencisë dhe në veçanti, vendosjen e fondeve. Ky
organizëm emërohet, me propozim të drejtorit, nga Këshilli i Administrimit i cili vendos
numrin dhe përbërjen. Statusi i tij caktohet në Rregulloren e Përgjithshme.
Neni 25
Pranë Agjencisë krijohet një komitet juridik, i cili shpreh mendimin e tij, për të gjitha
çështjet juridike që kanë të bëjnë me agjencinë dhe me anëtarët e saj. Ai emërohet nga
Këshilli i Admistrimit me propozim të Drejtorit të Agjencisë.
Asambletë e Përgjithshme
Neni 26
Asambletë e Përgjithshme të Agjencisë përbëhen nga të gjithë anëtarët-ortakë, të cilët
përfaqësohen sipas zërave më poshtë:
1. Një zë për stazhierët
2. Njëzet e katër zëra plotësues për aderantët
3. Nëntëdhjetë e nëntë zëra plotësues për anëtarët definitivë.
Asambleja e Përgjithshme e Zakonshme
Neni 27
Çdo vit Asambleja e Përgjithshme do të mblidhet të mërkurën e parë të muajit dhjetor.
Ortakët do të mblidhen me njoftim në Media apo sipas faqes së internetit të Agjencisë
Albautor. Anëtarët definitivë do të marrin një thirrje me një letër të zakonshme të paktën
pesë javë para datës së mbledhjes së Asamblesë.
Neni 28
Asambleja kryesohet nga Presidenti i Këshillit të Administrimit i Agjencisë Albautor ose,
në mungesë, nga një anëtar i Këshillit të zgjedhur për këtë qëllim nga Presidenti.
Byroja e Asamblesë përbëhet nga anëtarët e Këshillit të Administrimit dhe nga Drejtori i
Agjencisë Albautor.
14
Neni 29
Asambleja e Përgjithshme vjetore vendos për llogaritë vjetore, dividentët e shpërndarjes
së aksioneve-veprave të çdo anëtari-ortak, për raportin e përgjithshëm mbi aktivitetin dhe
administrimin e Agjencisë që i paraqitet asaj nga Drejtori i Agjencisë dhe për të gjitha
problemet që i shtrohen nga ky Këshill.
Raporti i përgjithshëm mbi aktivitetin e Agjencisë dhe llogaritë vjetore u jepen anëtarëve-
ortakë 15 ditë përpara se të mblidhet Asambleja e Përgjithshme në selinë e Albautor-it.
Vendimet merren me mazhoritetin relativ (50% + 1) të votave të shprehura.
Asambleja voton zakonisht në mënyrë të hapur, megjithatë votimi i fshehtë nuk
përjashtohet kur lind nevoja:
1. sa herë do ta kërkojë Këshilli i Administrimit;
2. me kërkesën gojore të paktën të 50 anëtarëve. Këta anëtarë nuk kanë të drejtë të
kërkojnë më shumë se dy herë këtë mënyrë votimi gjatë një mbledhjeje të Asamblesë.
Neni 30
Asambleja proçedon për zgjedhjen e anëtarëve të Këshillit të Administrimit. Kjo zgjedhje
bëhet me mazhoritetin relativ të votave të shprehura. Në rast të barazisë së votave
zgjidhen kandidatët që kanë anëtarësinë më të vjetër.
Neni 31
Vendimet e Asamblesë shkruhen në një proçesverbal që nënshkruhet nga Presidenti i
Asamblesë ose nga Drejtori i Agjencisë.
Ky proçesverbal ruhet në një regjistër të veçantë që mbahet në selinë e Agjencisë.
Neni 32
Gjatë vitit Asambletë e Përgjithshme mund të mblidhen për një objekt të veçantë në bazë
të vendimeve të Këshillit të Administrimit dhe me kërkesën e tij. Asnjë çështje tjetër nuk
mund të futet në rendin e ditës së kësaj Asambleje të Përgjithshme.
Aderantët thirren në këtë Asamble me anë të Medias ose duke parë faqen e internetit të
Albautor një muaj para datës së caktuar.
Anëtarët definitivë marrin një njoftim individual të paktën pesë javë përpara mbledhjes së
Asamblesë.
Dispozitat e parashikuara në nenet 28, 29 dhe 31, përsa i përket drejtimit dhe mbajtjes së
proçesverbaleve, janë njëlloj edhe për Asambletë e Përgjithshme të veçanta.
Asambleja e Përgjithshme e Jashtëzakonshme
15
Neni 33
Çdo ndryshim i statutit bëhet nga një Asamble e Përgjithshme e Jashtëzakonshme.
Në rast se kjo Asamble mblidhet në datën që parashikon statuti për Asamblenë e
Përgjithshme vjetore, thirrja e saj do të bëhet sipas dispozitave të përcaktuara në nenin 32
të Statutit.
Në të gjitha rastet njoftimi per thirrje duhet të botohet një muaj përpara mbledhjes.
Dispozitat e parashikuara në nenet 28, 29 dhe 31, përsa i përket Presidentit, Byrosë së
Asamblesë, kushteve të votimit, zgjedhjes dhe mbajtjes së proçesverbaleve janë të
aplikueshme edhe për Asambletë e Përgjithshme të Jashtëzakonshme.
Çdo propozim për të modifikuar statutin duhet t’i propozohet Asamblesë nga Këshilli i
Administrimit ose me nënshkrimet e të paktën ¼ së anëtarëve-ortakë.
Në këtë rast Këshilli i Administrimit duhet t’ia parashtrojë Asamblesë në mbledhjen më
të afërt kur është bërë modifikimi.
Rregulla të përgjithshme për të gjitha Asambletë
Neni 34
Çdo anëtar-ortak ka te drejtë të kërkojë me shkrim që të mbajë raport në Asamble. Kjo
Kërkesë i paraqitet për shqyrtim Këshillit të Administrimit të Agjencisë dhe Drejtorit të
saj. Për pranimin e kërkesës për të mbajtur raport para Asamblesë duhet që të shprehen
Presidenti i Këshillit të Administrimit, Drejtori i Agjencisë ose kur autoritetet sa sipër
nuk pranojnë duhet të ketë ¼ e firmave të gjithë anëtarëve-ortakë definitivë të
Asamblesë.
Ortaku që bën një kërkesë të tillë njoftohet të paktën 15 ditë përpara mbledhjes së
Asamblesë: Kur Asambleja shqyrton përllogaritjet e gjithë vitit, raportin mbi aktivitetin e
përgjithshëm të Agjencisë, tekstet e rezolutave të propozuara dhe të gjitha dokumentat e
tjera të nevojshme për informimin e ortakëve, nuk do t’u dërgohen atyre, veçse kur kanë
bërë një kërkesë me shkrim për t’u njohur me to.
Dorëheqja
Neni 35
Çdo anëtar-ortak mund të japë dorëheqje nga Agjencia, duke iu drejtuar me shkrim tre
muaj përpara mbarimit të vitit në vazhdim Presidentit të Këshillit të Administrimit dhe
Drejtorit të Agjencisë.
Kjo kërkesë për dorëheqje duhet të pasqyrojë:
1- arsyet e ligjshme për dorëheqje;
2- marrjen përsipër të detyrimeve të tij ndaj Agjencisë si dhe të çdo detyrimi tjetër që
vjen si rezultat i shkaktimit të një dëmi të mundshëm ndaj Agjencisë apo marrëdhënieve
të Agjencisë me të tretë.
16
Dorëheqja e dhënë në këtë mënyrë është fakt juridik në mbledhjen e Asamblesë.
Agjencia do të vazhdojë të administrojë të drejtat që i ka kaluar autori, anëtar-ortak i
Agjencisë sipas kontratave të bëra me përdoruesit apo proceseve gjyqësore, që rezultojnë
nga veprat e deklaruara nga ai para dorëheqjes. Të drejtat do t’i jepen të interesuarit pasi
të jenë bërë zbritjet që parashikon Statuti.
Përjashtimi
Neni 36
Përjashtimi i një anëtari-ortak bëhet vetëm nga Asambleja e Përgjithshme e Zakonshme
që vendos me mazhoritetin relativ të votave të shprehura, në rastet kur ka bërë kërkesë
Këshilli i Administrimit, kur anëtari-ortak ka bërë shkelje të rënda të Statutit ose në rast
se është dënuar gjyqësisht për krim ose delikt ordiner që lidhet me veprimtarinë e
Agjencisë ose cënon moralin e saj.
Asambleja e Përgjithshme mund të vendosë, në rastet e përmendura më sipër, ta
përjashtojë anëtarin e saj.
Në të gjitha rastet kundërvajtësi do të thirret para Asamblesë së Përgjithshme për të dhënë
shpjegimet e tij për t’u dëgjuar.
Çdo anëtar-ortak i Agjencisë i përjashtuar për çfarëdo motivi qoftë, mund të ripranohet në
Agjenci me cilësinë e stazhierit, por gjithmonë pas një votimi të Asamblesë së
Përgjithshme ku ai duhet të fitojë me mazhoritetin e 2/3 të votave të shprehura.
Agjencia do të vazhdojë të administrojë pronësinë artistike të anëtarit-ortak të përjashtuar
në marrëdhëniet e saj me të tretët, brenda kufirit të të drejtave që i ka dhënë autori-ortak,
duke marrë të gjitha të ardhurat që vijnë me rastin e shfrytëzimit të veprave që autori-
ortak i ka deklaruar Agjencisë para përjashtimit të tij. Këto të drejta do t’i jepen autorit-
ortak me zbritjen që parashikon Statuti, përfshirë edhe dëmin e shkaktuar, për afatin
kohor të përcaktuar në Rregulloren e Përgjithshme.
Shkrirja
Neni 37
Agjencia nuk mund të shkrihet për shkak të vdekjes, ndalimit, vënies nën ndjekje
gjyqësore, falimentimit, shkatërrimit, përjashtimit, dorëheqjes së njerit apo disa prej
anëtarëve-ortakë të Agjencisë. Ajo do të vazhdojë me anëtarët e tjerë.
Neni 38
Pas mbarimit të kohëzgjatjes së afatit të Agjencisë apo në rast të një shpërndarje të
parakohshme të saj, Asambleja e Jashtëzakonshme, me propozim të Këshillit të
17
Administrimit, rregullon mënyrën e likuidimit dhe emëron një ose disa likuidues të cilëve
u përcakton pushtetet.
Neni 39
Asambleja e Përgjithshme ruan, gjatë likuidimit të gjitha atributet që ka gjatë kohës së
funksionimit të Agjencisë. Ajo ka veçanërisht pushtetin për të aprovuar llogaritë e
likuidimit.
Rregullore e Përgjithshme
Neni 40
Rregullorja e Përgjithshme del në zbatim të ligjit dhe të Statutit. Statuti dhe Rregullorja e
Përgjithshme ka forcën e ligjit për të gjithë anëtarët-ortakë të Agjencisë. Ajo është e
bashkëngjitur dhe e aneksuar me Statutin.
Çdo ndryshim në Rregulloren e Përgjithshme duhet të votohet vetëm nga Asambleja e
Përgjithshme e Jashtëzakonshme dhe në të njëjtat kushte si ato që parashikohen në nenin
33 për ndryshimet në këtë Statut të Agjencisë ALBAUTOR.
Çdo propozim që ka të bëjë me ndryshime në Rregulloren e Përgjithshme duhet t’i
nënshtrohet shqyrtimit në Asamble me propozim të Këshillit të Administrimit apo me
nënshkrimet e ¼ së ortakëve.
Personaliteti Juridik i Agjencisë
Neni 41
Agjencia gëzon personalitet Juridik që nga dita e regjistrimit të saj të parë në Gjykatën e
Shkallës së Parë Tiranë në vitin 1992 dhe riregjistrimeve të bëra sipas legjislacionit për të
drejtën e autorit dhe të legjislacionit në fuqi në R.SH.
FUND
18
ALBAUTOR
AGJENCIA SHQIPTARE PER TE DREJTEN E AUTORIT
NE FUSHEN E MUZIKES DHE TE VEPRAVE AUDIOVIZUALE
RREGULLORJA E
PERGJITHSHME
Tiranë, 2005
RREGULLORJA E PERGJITHSHME
Rregullorja e përgjithshme ndahet në katër pjesë:
-e para trajton anëtarët e agjencisë;
-e dyta trajton veprat dhe të drejtat e autorëve të tyre;
-e treta trajton bilancin e agjencisë;
-e katërta trajton administrimin e agjencisë.
19
PJESA E PARE
Anëtarë të agjencisë
Kapitulli I
Kushtet e përgjithshme të pranimit për autorët që i kalojnë të drejtat e tyre në pronësi të
Agjencisë.
Neni 1
Çdo autor që dëshiron të bëjë pjesë në Agjenci me cilësinë e Anëtarit Definitiv, të
Aderantit apo të Stazhierit duhet t’i japë listën e veprave të tij të difuzuara dhe kjo përbën
kalimin e të drejtave agjencisë.
Ai duhet t’i japë në pronësi Agjencisë të drejtat që, sipas nenit 2 të statutit janë ose mund
të bëhen objekt i dhënies në pronësi Agjencisë. Veprat janë përcaktuar si më poshtë.
Anëtarët defenitivë
Gjinia e veprave Numri dhe kohëzgjatja
e veprave të ortakëve
ose aktiviteti profesional
- Vepra të publikuara 5 volume
- Vepra radiofonike 30 orë
- Vepra audiovizuale 3 orë, kategoria I
5 orë, kategoria II
10 orë, kategoria III
50 orë, kategoria IV
100 orë, kategoria V
-Vepra të regjistruara
mbi disqe ose kaseta
si dhe mbi çdo mbajtëse
tjetër zëri 10 orë
-Vepra të regjistruara mbi çdo
mbajtëse zëri dhe figure 5 orë
-Vepra të muzikës klasike
20
(gjini të mëdha) 3 vepra
-Vepra të muzikës së lehtë
(gjini të vogla) 20 orë
-Muzikë për
vepra kinematografike 3 vepra me metrazh të gjatë
6 vepra me metrazh të shkurtër
-Përkthime 6 vepra të gjinive të mëdha
-Botues dhe prodhues veprash 30 kontrata botimi apo
muzikore prodhim audiovizual
Aderantët
Gjinia e veprave Numri dhe kohëzgjatja
e veprave të ortakëve ose
aktiviteti profesional
-Vepra të publikuara 3 volume
-Vepra radiofonike 15 orë
-Vepra radiovizuale 2 orë, kategoria I
4 orë, kategria II
7 orë, kategoria III
25 orë, kategoria IV
50 orë kategoria V
-Vepra të regjistruara mbi disqe
ose kaseta si dhe mbi çdo
mbajtëse tjetër zëri 4 orë
-Vepra të regjistruara
mbi mbajtëse zëri dhe figure 2 orë
-Vepra të muzikës klasike
(gjini të mëdha) 2 vepra
-Vepra të muzikës së lehtë
(gjini të vogla) 10 orë
-Vepra muzikore kinematografike 2 vepra me metrazh të gjatë
4 vepra me metrazh të shkurtër
21
-Përkthime 3 vepra të gjinive të mëdha
-Botues dhe prodhues të veprave 20 kontrata botimi apo prodhimi
audiovizuale
Stazhierët
Gjinia e veprave Numri dhe kohëzgjatja e veprave
të ortakëve ose aktiviteti
profesional.
Vepra të publikuara 1 vëllim
Vepra radiofonike 2 orë
-Vepra radiovizuale 30 minuta, në kategotinë I, II, III
1 orë, në kategorinë e IV
2 orë, në kategorinë V
-Vepra të regjistruara mbi
disqe, kaseta si dhe çdo mbajtëse
tjetër zëri 30 minuta
-Vepra të regjistruara mbi
mbajtëse zëri dhe figure 10 minuta
-Vepra të muzikës klasike
(gjini të mëdha) 1 vepër
-Vepra të muzikës së lehtë
(gjini të vogla) 5 vepra
-Vepra muzikore kinematografike 1 vepër me metrazh të gjatë
2 vepra me metrazh të shkurtër
-Përkthime 1 vepër nga gjinitë e mëdha
-Botues dhe prodhues të veprave
audiovizuale 10 kontrata botimi dhe prodhimi
Neni 2
Një autor, kompozitor, kantautor, autor teksti, përkthyes, aranzhator mund të zgjidhet
anëtar definitiv nga Këshilli i Administrimit edhe në rast se nuk i përmbush kushtet e
22
pranimit, siç janë përcaktuar në kapitullin përkatës, me kusht që të ketë fituar një çmim
artistik ose muzikor brenda ose jashtë vendit.
Neni 3
Pas vdekjes së autorit, kompozitorit, kantautorit apo autorit të tekstit, aranzhatorit,
përkthyesit që ka qenë anëtar i Agjencisë, trashëgimtarit të tij, ata të cilëve u kanë kaluar
të drejtat, apo personat fizikë (producentët), janë të detyruar të aderojnë në Statutin dhe
Rregulloren e Agjencisë për administrimin e mëtejshëm të të drejtave që rrjedhin nga
veprat e tyre.
Kapitulli II
Rregulla të përgjithshme për anëtarët e Agjencisë
Neni 1
Çdo autor, kompozitor, kantautor, autor teksti, përkthyes, aranzhator duhet të nënshkruajë
një akt pranimi të Statutit të Agjencisë.
Duke nënshkruar këtë akt ai është i detyruar:
a. të jetë dakord me Statutin dhe Rregulloren e Përgjithshme për të cilat ai deklaron se i
njeh ato. Respektimi i Statutit dhe Rregullores së Përgjithshme e detyron atë të mos bëjë
asnjë marrëveshje në përfitim të askujt në lidhje me përfitimin e të drejtave që ai i ka
dhënë agjencisë.
b. të bëjë të njohura në momentin e pranimit të tij veprat të cilat ia ka besuar, më përpara,
ushtrimin e të drejtave një të treti dhe në bazë të nenit 2 të Statutit ai është i detyruar t’ia
kalojë në pronësi agjencisë. Ai angazhohet që veprat në fjalë t’i fusë në repertorin e
agjencisë sapo të përfundojë afati i të drejtave që ia ka besuar një të treti;
c. t’i nënshtrohet, në bazë të Statutit dhe Rregullores së Përgjithshme, vendimeve të
Këshillit të Administrimit;
d. të deklarojë, nën përgjegjësinë e tij, të gjithë veprat për të cilat është autor ose që i
kanë kaluar të drejtat, - të drejtat të cilat i janë dhënë agjencisë në pronësi në bazë të nenit
2 të Statutit. Të garantojë që këto vepra janë origjinale dhe nuk përmbajnë gjurmë të
dyshimta kopjimi, plagjiature etj.
Kur një ose disa autorë të një vepre kanë shfrytëzuar pjesë të një vepre që është domen
publik, janë të detyruar të përmendin në deklaratë veprën në fjalë.
Çdo anëtar është i detyruar, përveç të tjerash, nëse nuk është e nevojshme dhe me kërkesë
të agjencisë, të paraqesë çdo dokument që provon cilësinë e tij të autorit apo të atij që i
kanë kaluar të drejtat;
e. në një mënyrë të përgjithshme të mos bëjë asgjë dhe të mos ndërmarrë asnjë veprim që
të cënojë interesat pasurore dhe jopasurore të Agjencisë dhe anëtarëve të saj.
Neni 2
23
Çdo autor që dëshiron të bëhet anëtar i Agjencisë duhet të paraqesë gjendjen civile të tij
dhe të japë pseudonimet që përdor.
Çdo trashëgimtar, legater (që i trashëgon të drejtat e autorit me anë të një akti legal), apo
sesioner (që i ka blerë të drejtat e autorit), i një autori që është anëtar i Agjencisë duhet,
për të aderuar në këtë Statut, të justifikojë cilësinë e tij sipas kushteve të përcaktuara nga
Këshilli i Administrimit.
Neni 3
a. Në asnjë rast një anëtar i Agjencisë nuk mund të bëjë pjesë në personelin administrativ
të saj.
b. Këshilli i Administrimit mund t’i besojë një anëtari të Agjencisë detyra të përkohshme
dhe të përcaktuara.
c. Çdo reklamim që ka të bëjë me fakte që i interesojnë administratës duhet t’i adresohet
Drejtorit të Agjencisë.
Neni 4
Të gjitha kundërshtimet midis anëtarëve të Agjencisë me pranimin e palëve, mund t’i
nënshtrohen arbitrazhit të Këshillit të Administrimit.
Këshilli i Administrimit organizon proçedurën e arbitrazhit.
Në rast të një kontradikte midis dy anëtarëve mbi pagesat e të drejtave të autorit, Këshilli
i Administrimit, me sqarimet e Drejtorit të Agjencisë mund të marrë vendim vetë ose me
kërkesën e njerit prej tyre, ta kalojë në rezervë pagesën në fjalë.
Neni 5
Në rastin kur një vepër e deklaruar rezulton pas një ankimi që ka ngjashmëri me një vepër
të mbrojtur më përpara, Këshilli i Administrimit merr masa të mbrojë interesat e cënuara.
Këshilli i Administrimit, me propozim të Drejtorit të Agjencisë ka kompetencën të
vendosë në rezervë pagesat për veprat në fjalë.
PJESA E DYTË
Veprat dhe të drejtat
Kapitulli I
Deklarimet
Neni 1
24
Deklarimi i veprave është i detyruar. Çdo deklarim duhet të bëhet përpara shfaqjes apo
riprodhimit të veprës. Agjencia nuk mban në asnjë rast përgjegjësinë e deklaratave të
autorëve. Ata janë vetë garantë përballë Agjencisë dhe ndaj të tretëve për origjinalitetin e
veprave të tyre.
Neni 2
Deklarimi i një vepre apo një shfaqjeje bëhet nëpërmjet plotësimit të një deklarate të
posaçme të nënshkruar nga autori, kompozitori, aranzhatori, kantautori, autori i tekstit,
përkthyesi, prodhuesi fonografik apo audiovizual.
Kjo deklaratë e posaçme shërben për shpërndarjen e të ardhurave që ka marrë Agjencia
nga shfrytëzimi i veprës apo i shfaqjes së deklaruar.
Pagesat nuk mund t’u jepen veçse anëtarëve të Agjencisë.
Neni 3
Një vepër pranohet në repertorin e Agjencisë kur autori është anëtar i saj. Legateri ose
sesioneri që është anëtar i Agjencisë mund të fusë në repertorin e saj veprën e prejardhur,
pasi të kenë vërtetuar të drejtat ligjore mbi të.
Neni 4
Çdo nënshkrues i një deklarate të posaçme është i detyruar, me kërkesë të Agjencisë, të
verë në dispozicion të saj të gjitha dokumentat që vërtetojnë pronësinë mbi veprën e
deklaruar.
Neni 5
Trashëgimtarët apo ata të cilëve u kanë kaluar të drejtat e një anëtari të Agjencisë, i cili
ka vdekur, duhet të plotësojnë një deklaratë tjetër duke përcaktuar të drejtat që disponojnë
për çdo vepër që bën pjesë në repertorin e Agjencisë.
Neni 6
Deklarata e posaçme duhet të nënshkruhet nga autori apo autorët që kanë marrë pjesë në
krijimin intelektual të veprës, nga prodhuesit që kanë marrë efektivisht përgjegjësinë
financiare të prodhimit apo të botimit.
Çdo deklaratë false do të anullohet dhe vepra nuk do të paguhet.
Këshilli i Administrimit mund të lejojë që nënshkruesi i deklaratës të paraqesë të gjitha
provat e nevojshme.
Neni 7
25
Ndryshimet në deklaratën e posaçme mund të bëhen vetëm pasi të jetë marrë autorizimi i
atyre që e kanë plotësuar dhe nënshkruar më parë. Në rast të kundërt pagesat do të
shpërndahen pa ndryshim.
Neni 8
a. Çdo anëtar i Agjencisë që do të përdorë një pseudonim të ri ose do të ndryshojë atë që
ka deklaruar, duhet të informojë Drejtorin e Agjencisë
b. Çdo pseudonim që ngjan me emrin e autorit ose me pseudonimin e një anëtari tjetër,
nuk do të pranohet.
c. Pagesa për regjistrim dhe shpenzime të ndryshme do të përcaktohen nga Këshilli i
Administrimit të Agjencisë.
Kapitulli II
Tabelat e shpërndarjes
Neni 1
Drejtori i Agjencisë përgatit tabelat e shpërndarjes për difuzimin e veprave ose të
shfaqjeve dhe ia paraqet Këshillit të Administrimit. Këshilli i Administrimit tërheq edhe
mendimin e komisioneve përkatëse për tabelat e shpërndarjes.
Neni 2
Lista e tabelave të përgatitura do të jetë e hapur për të gjithë anëtarët e Agjencisë.
Kapitulli III
Shpërndarjet
Neni 1
Këshilli i Administrimit përcakton, sipas Statutit, shumën e zbritjeve të mbajtura mbi të
ardhurat që merr agjencia nga shfrytëzimi i veprave të anëtarëve të saj prej përdoruesve.
Masa dhe përqindja e kësaj zbritje përcaktohet në buxhetin vjetor.
Kapitulli IV
Zbritja dhe apeli
Neni 1
26
Shfrytëzimi i një vepre në një vend të huaj, përveç zbritjes së përqindjes të parashikuar në
Statut, do t’i bëhet edhe një zbritje për shpenzimet që i duhen Agjencisë për komunikimin
me jashtë sipas rregullave të CISAC dhe BIEM.
Neni 2
a. Pasi ka kaluar një afat prej 3 muajsh pas difuzimit të një vepre apo të një shfaqjeje në
radio, në televizor dhe në publik nuk do të merret në konsideratë asnjë deklarim i veprës.
b. Çdo reklamim që ka të bëjë me shpërndarjen e të ardhurave që vijnë nga të ardhurat e
veprave ose të shfaqjeve të deklaruara duhet të bëhet brenda 3 muajve. Pasi të ketë kaluar
ky afat asnjë reklamim nuk do të merret parasysh.
Në rast se është bërë gabim nga administrata në shpërndarjen e të ardhurave, do të bëhet
një apel i së drejtës në favor të autorit, kompozitorit, aranzhatorit, kantautorit, autorit të
tekstit, përkthyesit, prodhuesit fonografik dhe audiovizual, pas aprovimit të Këshillit të
Administrimit.
Neni 3
Përveç dokumentave që lidhen me shpërndarjen e të ardhurave që i përkasin vetë autorit,
administrata nuk është e detyruar t’i japë atij asnjë dokument tjetër të Agjencisë pa
autorizimin e Drejtorit të Agjencisë.
Neni 4
Pa dëmtuar përmbajtjen e nenit 2 të këtij kapitulli, pagesat e të drejtave të autorit që nuk
janë reklamuar për dhjetë vjet radhazi do të quhen të braktisura dhe do t’i kalojnë
Agjencisë.
Kapitulli V
E drejta vetjake jopasurore
Neni 1
Në bazë të Statutit, çdo autor, anëtar i Agjencisë në bazë të së drejtës së tij vetjake
jopasurore, mund të kufizojë, me anë të një kërkese me shkrim, shfrytëzimin e plotë ose
të pjesshëm të veprës që figuron në repertorin e agjencisë.
PJESA E TRETË
Bilanci i Agjencisë
27
Situata financiare e Agjencisë bëhet çdo vit me një bilanc komplet të detajuar që vendoset
nga Këshilli i Administrimit me propozimin e një projekti të përgatitur nga Drejtori i
Agjencisë.
PJESA E KATERT
Administrimi i Agjencisë
Kapitulli I
Këshilli i Administrimit
Neni 1
Çdo katër vjet, në seancën e parë, pas Asamblesë së Përgjithshme të Zakonshme, Këshilli
i Administrimit i përbërë, sipas Statutit zgjedh Presidentin.
Neni 2
Presidenti
Duke përjashtuar rrogat e personelit administrativ, Presidenti mbikqyr rregulloren e
shpenzimeve të bëra nga Këshilli i Administrimit apo të shpenzimeve të përditshme që
duhen për funksionimin e Agjencisë.
- Ai ka të drejtë të firmosë për një shumë mbi 100 000 lekë;
Në rast se mungon Presidenti ose me kërkesë të tij, Drejtori i Agjencisë mbikqyr
rregulloren e shpenzimeve siç parashikohet në këtë kapitull për Presidentin.
Drejtori i Agjencisë ka kompetencë ligjore të caktojë vetë rregulloren e pagesave të
personelit administrativ.
Neni 3
Presidenti, ka të drejtë të kërkojë të gjitha të dhënat për gjendjen e arkës, ekzistencën dhe
situatën e llogarive të Agjencisë.
Presidenti i Agjencisë nuk është funksionar. Me vendim të Këshillit të Administrimit atij
mund t’i caktohet një pagë për veprimtarinë e tij në dobi të mbrojtjes të së drejtës së
autorit.
28
Neni 4
Blloku i proçesverbaleve
Presidenti dhe Drejtori i Agjencisë mbajnë bllokun e proçesverbaleve të mbledhjeve të
Këshillit të Administrimit dhe sigurojnë korrespondencën e Këshillit të Administrimit për
zbatimin e vendimeve të marra.
Neni 5
Seancat e Këshillit të Administrimit
Asnjë vendim nuk mund të merret veçse në një seancë të rregullt. Asnjë anëtar i Këshillit
të Administrimit nuk mund të veprojë në emër të Këshillit apo të Agjencisë me
përjashtim të rastit kur ka një vendim të Këshillit të Administrimit që e autorizon
posaçërisht.
Neni 6
Dispozita të ndryshme
Çdo anëtar i Këshillit të Administrimit ka të drejtë të shohë dokumentat administrative të
Agjencisë pasi të ketë marrë autorizimin e Presidentit ose të Drejtorit të Agjencisë.
Kapitulli II
Komisionet
Neni 1
Nuk mund të bëjnë pjesë në komisionet veçse anëtarët definitivë ndaj të cilëve nuk është
marrë asnjë masë disiplinore nga Asambleja e Përgjithshme sipas Statutit për: falsifikim,
plagjiaturë, deklaratë të rreme, shkelje të Statutit dhe Rregullores.
Neni 2
Komisionet mund të thirren nga Presidenti i Agjencisë sa herë që ai e gjykon të
nevojshme për interesat e Agjencisë.
Neni 3
Komisionet nuk mund të mblidhen pa praninë, të paktën, të përfaqësuesit juridik të
Agjencisë.
Vendimet e komisioneve merren me mazhoritin e anëtarëve të pranishëm.
29
Në rast se ndahen zërat, ai i kryetarit të çdo komisioni ose, në mungesë të tij, ai i kryetarit
të seancës, është vendimor.
Neni 4
Vetëm dokumentat administrative që kanë të bëjnë me punët e komisionit mund t’u
komunikohen anëtarëve pas një kërkese me shkrim drejtuar Drejtorit të Agjencisë, nga
ana e kryetarit të tij. Do të konsiderohen sikur kanë dhënë dorëheqje anëtarët që, pa një
shpjegim të justifikuar, do të mungojnë tre seanca radhazi.
Anëtarët e komisioneve të ndryshme janë të detyruar të nënshkruajnë një dokument sa
herë janë të pranishëm në seancë.
Kapitulli III
Asambletë e Përgjithshme
Neni 1
Për aplikimin e Statutit, Këshilli i Administrimit do të shtypë:
-lista votimi për përdorim eskluziv të anëtarëve definitivë. Secili prej tyre ka të drejtën e
99 zërave;
-lista votimi për përdorim eskluziv të aderantëve. Secili prej tyre ka të drejtën e 24
zërave;
-lista votimi për përdorim eskluziv të stazhierëve. Secili ka të drejtën e 1 zëri.
Ju ndalohet kandidatëve për në Këshillin e Administrimit të përgatisin vetë apo nëpërmjet
të tjerëve çdo lloj dokumenti që ka lidhje me ta, ta shpërndajnë dhe ta depozitojnë në
sallën e Asamblesë së Përgjithshme.
Në kushtet e përcaktuara nga Këshilli i Administrimit, vetëm Agjencia ka të drejtën të
përgatisë me shkrim prezantimin e çdo kandidati dhe ta verë këtë në dispozicion të çdo
ortaku gjatë Asamblesë së Përgjithshme.
Këshilli i Administrimit ka për detyrë të organizojë dhe të vëzhgojë veprimet e votimit të
kontrollit të fletë-votimeve.
FUND
