Mitschai cun in egl blauNeiv e freid la davosa minuta

DA GIUSEP VENZIN / ANR

� Las pistas els aults ein stadas cu-vretgas cun neiv ed ils hosps da vacan-zas han saviu sedivertir ils davos dis cun ir cun skis. Ils loghens da sport en Surselva ein mitschai cun in egl blau. Quei ei igl emprem fazit dalla fiera tu-ristica suenter Nadal. Las pistas ein buca stadas sco ellas havessen duiu esser, mo cun engaschi supplementar han indigens e hosps da vacanzas tut-tina saviu sedivertir ella neiv. A Laax ha Reto Gurtner supplicau ils indigens da surschar las paucas pistas als hosps da va-canzas. Quella acziun ei stada curaschu-sa ed ha secapescha era caschunau empau critica. En vesta alla situaziun eis ella denton buca stada fallida. En scadin cass ha ella procurau per bia reclama sur ils cunfins e leu han ils hosps saviu seper-schuader ch’ei vegn dau la prioritad ad els. Auters loghens turistics han buca profitau dalla acziun, era sch’els han car-malau cun in caffè gratuit sco al Péz Mundaun. Ina ga dapli han ils loghens turistics selamentau dils maletgs da terri-toris da skis senza neiv ellas gasettas dal-la Bassa. «Ins crei strusch sch’ins ha buca viu ei sez», han las Pendicularas Breil Vuorz Andiast constatau avon Nadal. Ils maletgs tschentai ella reit digl internet han dau perdetga da bialas pistas. Deplo-rablamein han strusch 700 persunas dau ina egliada sillas paginas cullas pistas dall’Alp Dado.

Magia d’unviernDa buna luna era Ruedi Buechi ier enda-maun. Il directur dallas Pendicularas Mustér ha numnau ils 15 centimeters neiv nova la megliera reclama. «Ei regia magia d’unviern», ha el detg e manegiau

la cuntrada en alv. Mustér che ha buca ca-nuns da neiv ha annunziau avon Nadal bunas pistas e culla neiv supplementara ein quellas aunc meglieras. «Nus havein giu ina buna jamna ed uss essan nus

semtgai per la fuola.» Il freid e la pauca neiv curdada ils davos dis dettien ella Bassa il segn da partenza dalla sesiun d’unviern. «Tochen ussa han biars gnanc cartiu che nus hagien bialas pistas», ha

Ruedi Buechi manegiau. La bialaura d’unviern prognosticada vegn a mante-ner sia buna luna ils proxims dis.

Culla temperatura curdada ei era lasituaziun el territori da skis da Sedrun

semigliurada di per di e la mesadad dal-las pistas ei stada semtgada tier l’avertu-ra dil territori da skis cuort avon Nadalen Val Tujetsch. Da 22 runals e sutge-ras el territori dalla Arena da skis An-dermatt Sedrun ein 19 en funcziun,singuls dapi varga in meins. Sco il di-rectur dallas Pendicularas Mustér num-na era il schef dalla arena da skis la neivella Bassa in impurtont signal. SilvioSchmid ch’ei medemamein presidentdallas Pendicularas Grischun ei dentonrealist e di: «Il quen fagein nus prima-vera.» La situaziun actuala e l’auraprognosticada seigien denton ordvartpositivas. «Ils hosps ein cheu ei quei eiencuraschont.»

A Sursaissa ein entuorn 30 kilometers pista stai semtgai pils emprems hosps, denter auter las meglieras pistas al Sezner. Ils canuns da neiv dalla vart lumneziana ein actualmein en funcziun. Mender ve-si ora al Mundaun. Leu tonscha la neiv buca per far pistas. Da 19 indrez da trans-port ein nov stai en funcziun. Era a Laax ein diesch dils 29 indrezs da transport stai serrai sur Nadal. A Crap S. Gion hai entuorn in miez meter neiv, a Laax e Flem paucs centimeters.

La pressiun creschaIl retard dalla neiv quest onn ha caschu-nau tscheu e leu rumpatesta. Silvio Schmid conceda che la pressiun creschi onn per onn. Uonn hagien las tempera-turas aultas aunc augmentau il squetsch. Sin fundament da quei squetsch eisi ca-peivel che la luna dils directurs dallas pendicularas e dils acturs dil turissem ei il mument fetg buna. Ina situaziun se-meglionta hai gia dau igl unviern vargau. Era lu ei la neiv vegnida cun retard cuort suenter Nadal.

La neiv ei vegnida cun retard, mo aunc il dretg mument. FOTO G. VENZIN

Cant festiv da «La Compagnia Rossini»Artg musical ha delectau e fascinau

� (anr/ff) La baselgia parochiala da Breil ei s’emplenida sil davos plaz la sonda vargada. Clamau a concert ha-veva «La Compagnia Rossini». Era sche quei clom ei buc annunziaus cul zenn grond, ils dus concerts dalla re-nomada formaziun eran vendi ora, bein in segn ch’il chor ed ils solists cul ma-estro Armin Caduff gaudan ina gronda reputaziun en nies intschess. Inagada dapli han ils presents retschiert in belle-zia matg da canzuns ord operas, oratoris dalla classica tochen tier canzuns popu-laras.

Viadi atras plirs tschentanersSemess sin la via musicala ell’epoca dil baroc ei il viadi cuntinuaus sur il temps dalla musica classica, dalla romantica per ir a fin en melodias popularas ord il temps present. L’entrada festiva dil chor cul laud «Gloria en excelsis Deo», la mo-tetta «Jesu, meine Freude» da Johann Se-bastian Bach e cunzun las transforma-ziuns dallas ovras monumentalas da Lud-wig van Beethoven, allas qualas Armin Caduff ha tschentau in text fundamental religius, han dau al liug sacral dalla basel-gia la tempra religiusa. Gest en quellas ovras ei il niev element digl accumpigna-ment dall’orgla secumprovaus ed ha for-mau in teppi musical emplenent.

L’aria «per questa bella mano» ord Don Giovanni da Mozart ha denton spert tradiu ch’ei mondi buca sulet vina-von en religiusadad. Flurin Caduff ha cantau l’aria dil Don cun perschuasiun. Ovras concertontas da Joseph Haydn ed ulteriuras da Mozart, tuttas transforma-das per chor e solists cantics e suttames-

sas cun text dad Armin Caduff, ein suan-dadas ed han empalau il viadi musical en-viers l’epoca romantica. Ils solists Clau-dio Simonet, Flurin Caduff, Anica De-funs, Maria Catrina Caduff, Cornelia De-plazes ed il maestro sez, Armin Caduff, han surpriu lur parts solisticas, han can-tau en duets ed egl ensemble communa-bel dils solists. Tala variaziun cantica ei sestendida delectond senza pausa sur duas uras.

El finale ein differentas canzuns ro-montschas resunadas, talas en franzos e la canzun populara ord l’Australia «Walt-

zing Matilda». Aunc inagada ha Flurin Caduff brigliau cun siu bass solistic. Ina remuneraziun speciala ha Armin Caduffpurtau alla cantadura dil chor Nicole Kündig che vegn ton savens allas empro-vas naven da Turitg tochen a Danis. La canzun «Silberfäden», a nus enconu-schenta dil cantautur Vico Torriani, ch’ei il bab da Nicole, ha el arranschau cun profund sentiment per il chor e numnau la canzun «Pren gl’engraziament». Igl engraziament per quei mument musical da deletg commuentont ha «La Compa-gnia Rossini» retschiert dil publicum en

fuorma d’in applaus extendiu. Malgrad las vias curcladas da neiv ein numerus vi-sitaders vegni d’ordlunder. Tuts ein tur-nai anavos empleni da legria festiva ed ac-cumpignai dils megliers giavischs per in bien futur egl onn vegnent.

La biblioteca publicaDapi l’existenza dalla formaziun «La Compagnia Rossini» survegnan las can-zuns cantadas la noda casa d’Armin Ca-duff, fundatur, menader e dirigent digl ensemble. Transformaziuns, arran-schaments, adattaziuns e biaras atgnas cumposiziuns derivan da sia plema. Tgi che ha cantau cun el enconuscha la scar-tira da notas e text, la quala relata la lavur ch’Armin Caduff impunda per mintg’o-vra dalla formaziun. Sur prest 35 onns ei quei arcun da notas s’emplenius ed ei tgemblaus. La damonda cuntinuada ed il clom suenter sias ovras ei Armin Caduffsuandaus e sedecidius da publicar sia la-vur per la scena da musica publica. Il pro-ject cul num «Arlica» porscha las publi-caziuns numnadas ed ei purtaus dalla li-braria e papetaria Maggi a Glion. Per Ar-min Caduff, igl um da 65 onns, munta la publicaziun lavur el futur ed el di: «Jeu selegrel da quella incarica che munta a mi in grond regal. In musicist enconuscha buca scalems da vegliadetgna. Nus essan cun 65 onns aunc adina plein energia.» Quei relata el ella rubrica «d’in tun a l’au-ter el futur…» ellas novitads da «La Compagnia Rossini». Ils amaturs da sia musica engrazian ad el e selegran dils novs tuns futurs, giavischond ad el aunc ditg energia e forza per la musica ed il cant.

Il chor ed ils solists da «La Compagnia Rossini» han derasau musica festiva en lur con-cert a Breil. FOTOS P. DUFF

Treis notgs d’open air en Lumnezia

� (anr) Igl Open Air Lumnezia cuoza lastad proxima treis notgs, numnadameindils 23 tochen il 25 da fenadur. Naven dal-la gievgia tochen la dumengia endamaunstattan «newcomers» ed acts da num epum dalla Svizra e digl exteriur silla tribu-na a Degen. Il pass per treis dis datti na-ven d’uss en ina ediziun limitada per 110francs ella prevendita. Il festival che haentschiet igl onn a Davos Munts cun Apa-ches, Hades ed Alexi e Marcus ha festivaula stad vargada il giubileum da 30 onns.

reclama

Erhältlich im Getränkehandel undbei Coop Ostschweiz.

Apfelschaum-wein, das idealeApérogetränk.Köstlich imGeschmack,mit wenigAlkohol(7 %vol).

A p f e l s ä f t e Tradition seit 1895Mosterei Möhl AG, 9320 Arbon

3SURSELVA GLINDESDI, ILS 29 DA DECEMBER 2014